Arbeidsprogram Flora Høgre 2015-2018

VI ER KLAR! Saman skal vi gjere Flora endå betre. Vi skal fornye, forenkle og finne gode løysingar. Flora skal vokse og blomstre.

Vil du vere med og ta del i veksten – stem på Flora Høgre

2

Høgre vil vil gjere Flora endå betre. Vi skal fornye, forenkle og finne gode løysingar.

Flora skal vokse og blomstre.

3

NÆRING

Flora kommune har eit rikt og variert næringsliv som gir moglegheit for vekst og utvikling. Trygge og konkurransedyktige arbeidsplassar er det viktigaste grunnlaget for velstanden i kommunen. Flora Høgre vil legge til rette for at næringslivet skal få betre føresetnader for lønnsemd, vekst og næringsutvikling for nye etablerarar og eksisterande næringsliv i Flora.

Høgre vil sikre næringslivet og innbyggarane gode vilkår ved å:• Arbeide for eit samordna offentleg tenestetilbod som er tilpassa behova i næringslivet• Langsiktig utvikling av infrastruktur, som samferdsle, kommunikasjon og næringsareal på land og sjø• Jobbe saman for gode og langsiktige rammevilkår for næringslivet• Legge til rette for bedriftsetableringar og innovasjon i eksisterande næringsliv gjennom knoppskyting, utvikling av og kommersialisering av nye produkt• Legge til rette for at Fram Flora og Maritim Foreining, som er etablert i kommunen, får moglegheit til å utvikle nye forretningsidear og samarbeidsprosjekt.• Arbeide for å behalde og å få fleire statlege arbeidsplassar til Flora • Arbeide for tettare samarbeid mellom kommunane i Sunnfjord og langs kysten nord og sør• Arbeide for å skape eit godt omdømme og kunnskap om muligheitene i kommunen ved eit aktivt rekruttering- og marknadsarbeid.• Auka samarbeid mellom skule og næringsliv for å sikre næringslivet tilgang til rett kompetanse

4

Olje, gass og fornybar energiFlora kommune og regionen har eit unikt ressursgrunnlag innan petroleumsverksemd og nye fornybare energikjelder. Flora er sentralt plassert i høve marknader både nasjonalt og internasjonalt.

Høgre vil arbeide aktivt for at større delar av olje- og gassverksemda langs kysten blir lagt til Flora. Med eit høgt aktivitetsnivå i petroleumssektoren rett utanfor Flora er det viktig at leverandørindustrien i kommunen får utvikle seg vidare – i nye retningar og mot nye marknader.

Flora Høgre vil arbeide for at:• Sikre at energiklynga får gode rammevilkår for vidare vekst og auka verdiskapning gjennom teknologiutvikling og tilrettelegging for industri og arbeidsplassar• Fjord Base blir føretrekt base for dei nye felta vest av fylket• Flora blir leverandørhamn til gass- og oljeaktiviteten vest av fylket• Fleire leverandørselskap etablerer seg i Flora

Maritim næringEi levedyktig skipsfartsnæring bidreg til busetjinga i Flora og gir livsgrunnlag forbedrifter i leverandør- og utstyrsindustrien. Det er viktig å arbeide for at næringa skal styrke sin posisjon og utviklingsmuligheiter, mellom anna gjennom å legg til rette for å vidareutvikle infrastruktur som næringa har behov for, styrke samarbeidet innad i næringa og profilere og synleggjere næringa sin sterke posisjon nasjonalt og internasjonalt. Flora Høgre vil legge til rette for at industriinkubatoren og Maritim Forening som er etablerte i kommunen får moglegheit til å utvikle nye matitime forretningsidear og samarbeidsprosjekt.

Fiskeri og havbrukFiskeri og havbruk er nokre av dei mest sentrale nærings- og kunnskapsklyngjene vi har i kommunen, og den største eksportnæringa. Anslag viser at marine næringar forventar sterk vekst dei neste 30-40 åra. Kommunen har fortrinn innan denne næringa gjennom historikk og nærleik til fangstfelt, samt store områder for utøving av havbruksverksemd. For å sikre desse næringane ei best mulig utvikling må kystsoneplanen oppdaterast og lokalitetar prioriterast i planverket. Tilrettelegging gjennom regulering av akvakulturareal gir muligheiter for auka næringsaktivitet. Ei framtidsretta planlegging med tilrettelegging for landbaserte lokalitetar er viktig.

LandbrukLandbruket er viktig for næringsgrunnlaget, busetjinga og kulturlandskapet i Flora, og ein viktig del av kulturarven. Flora Høgre vil liberalisere reglane for omsetting av landbrukseigedommar, og for utskiljing av tomter. Bruk av fallrettar, gardsturisme, hyttebygging og jaktutleige må bli viktige tilleggsnæringar til tradisjonelt landbruk.

Handel og serviceSkal kommunen lukkast med å skape ein attraktive bu-område må kommunen også legge til rette for ein variert varehandel til innbyggarane, for eksempel ved regulering av areal og parkering.

Reiseliv, oppleving og kulturReiseliv er ei næring i sterk vekst i Norge, og Flora må ta del i denne veksten for å skape nye arbeidsplassar og lokal utvikling. Den storslåtte naturen til Flora, kulturminna og kulturarrangementa gjer kommunen til eit attraktivt reisemål, som må utviklast vidare. Vidareutvikling av aktivitetsbasert reiseliv har eit stort potensiale, og kommunen må samarbeide med arrangørane av festivalar og andre kulturarrangement for å auke attraktiviteten til Flora. Flora Høgre vil legge til rette for friluftsliv og besøkande til byen ved å vidareutvikle infrastruktur som god parkering og gjestehamner. Cruisetrafikken må satsast vidare på.

5

SKATT OG AVGIFT

Økonomisk vekst er avgjerande for å finansiere og utvikle velferd for både næringsliv, kommunen og enkeltpersonar. Skattar og avgifter skal motivere til arbeid, fremje maktspreiing og privat eigarskap.

Høgre vil• Sørgje for budsjettdisiplin slik at kommunen beheld kontroll over eigen økonomi • Sørgje for at eigedomsskatten ikkje vert auka, og på sikt fjerne den• Redusere skatte- og avgiftsnivået på kommunale tenester• Effektivisere den kommunale drifta og legge til rette for raskare sakshandsaming • Gjere offentlige tenester og tilbod lettare tilgjengelege

6

BULYST OG ATTRAKTIVITETSAMFERDSLE

Flora og regionen treng ein infrastruktur som er tilpassa krava til tryggleik, kvalitet og tilgjengelegheit i framtida. Fleire, betre og tryggare vegar vil knyte regionen saman og styrkje konkurransekrafta vår. Det er viktig å bidra til å få overført meir av godstransporten frå veg til sjø. Kommunikasjon er avgjerande for busetting, arbeidsmarknad og næringsliv.

Høgre vil:• Realisere Kystvegen og styrke nord-sør sambandet• Arbeide for flyruter til fleire destinasjonar frå Florø Lufthamn, og ruter som er tilpassa næringslivet og private reiser• Utvide og styrke Florø Lufthamn som regional flyplass for Sunnfjord og kystregionen• Utvikle regionale båtruter for å legge betre til rette for ein utvida bu- og arbeidsmarknad• Arbeide for at kai- og terminalkapasiteten til Flora Hamn blir utvida• Få på plass gangvegar i Eikefjord og Brandsøy• Arbeide for utbygging av god mobil- og breibandsdekking i heile kommunen og trådlause soner i sentrum• Godt samordna kollektivtilbod• Bybuss som går begge vegar, og busskur på busstoppa• Ekspressbussane til/frå Oslo skal ha Florø som endestasjon• Utvikle Florø som knytepunkt for samferdsle (luft-, sjø- og landtransport)

7

BULYST OG ATTRAKTIVITETSAMFERDSLE

Det er folk som skapar staden og byen. Arbeidsfolk på arbeidsplassane, barn i skular og barnehagar, kundar i butikkane, fotballspelarar på fotballbana, politikarar i bystyret. Høgre vil gjere Flora til ein attraktiv plass å bu og å besøke.

Flora Høgre vil auke kommunen sin attraktivitet ved å satse på:• Bygningar og tomteareal til bustadbygging og næringsutvikling• Gode offentlege og private tenester tilpassa innbyggarane sine behov• Gode kulturtilbod i tett samarbeid med lokale lag og organisasjonar• Omdømmebygging og profilering• Å legge til rette for hyttebygging, og mjuke opp praksisen og reglane som regulerer strandsona• Å skape liv i gatene ved å sørgje for at alle dei kommunale kontora ligg i Strandgata• Å utvikle Byparken til ein attraktiv treffstad midt i byen, og jobbe for gode og trygge trafikale løysingar for Markegata, slik at parken blir knytt tettare på sentrum

For å sikre ein framtidsretta og attraktiv bykommune vil Høgre sette fokus på ei levande bykjerne med bygg som er rusta til å huse forretningar og bustader. Då er ei regulering som legg vekt på både estetikk og funksjon viktig for å legge til rette for ei positiv utvikling. Høgre ønskjer ei vidareutvikling av sentrum i Florø by der ein sameinar ny og gamal stil, og er bevisst på estetikken i kystbyen vår.

8

Eigen bustad er ein viktig del av livsløpet for det fleste av oss. Høgre meiner at kommunen må legge til rette for at fleire skal kunne komme inn på bustadmarknaden. Det er viktig at det er tilgjengelig bustader for både førstegongskjøparar og dei som vil flytte frå einebustad til leilegheit, og tomteland for dei som ønskjer å bygge eigen bustad.

Flora Høgre vil:• At kommunen saman med private utbyggarar skal vere pådrivar for tilrettelegging av nye bustadfelt - for å sikre tilflytting og utvikling• At krav om parkering og uteareal ikkje må hindre eigedomsutvikling i sentrum• At det må på plass gode parkeringsmuligheiter i sentrum, ved kommunal deltaking i bygging av eit P-hus• At kommunen må samarbeide med næringslivet om eit levande Florø sentrum• At ein må nytte den strategiske posisjonen til Eikefjord for auka tilflytting • At ein må sørgje for at alle skal ha en moglegheit for å komme seg inn på bustadmarknaden.• At ein må sørgje for rask og effektiv sakshandsaming

9

HELSE OG OMSORG

Høgre vil:• Sette enkeltmennesket i sentrum, ikkje systema• Ivareta eldre og deira behov• Gi mottakarar av sosialhjelp rett og plikt til aktivitet• Føre en målretta politikk for å bekjempe fattigdom• At det skal lønne seg å jobbe• Ta eit krafttak i kommunane for å redusere sjukefråveret og legge til rette for at dei som ønskjer det kan stå lenger i arbeid• Sikre folk med tilretteleggingsbehov moglegheit til å delta i arbeidslivet• Ta initiativ til «snu i døra»- prosjekt der ungdom umiddelbart blir møtt med eit jobbtilbod framfor passiv sosialhjelp• Utvikle Florø sjukehus til eit framtidsretta senter for helse- og omsorgstenester - gjerne i samarbeid med private• Jobbe for å starte bygging av «Docen 2» no i haust• Planlegge fleire nye omsorgsbustader, som er tilpassa behova til brukarane

10

Aukande levealder og fleire unge med behov for pleie og omsorg krev større kapasitet og kvalitet i pleie- og omsorgssektoren. Flora Høgre vil vere ein pådrivar for å styrke det generelle helse- og omsorgstilbodet i kommunen. Det er godt å bli gammal i Flora, og det viktigaste er at helse- og omsorgsteneste har høg kvalitet og er i samsvar med lover og reglar. Innbyggarane skal vere trygge på at dei får den hjelpa dei treng - når dei treng den. Helse-, sosial- og omsorgstenestene skal koordinere tilbodet til det beste for brukaren. Det vert stadig fleire aktive og vel fungerande pensjonistar med god helse. Eldre er ein stor ressurs, og Flora Høgre vil legge til rette for at aktive pensjonistar som ønskjer det, kan bidra i samfunnet der dei ynskjer det.

Rettar til brukarar og pårørandeKommunen skal aktivt sørgje for at brukarar og pårørande er klar over eigne rettar i høve til helse og omsorg. Informasjonen skal vere lett tilgjengeleg, mellom anna på kommunen sine heimesider. Brukarar og pårørande skal oppleve kommunen som lett å samarbeide med og ein part som kommuniserer godt med pårørande.

11

Omsorg - ikkje oppbevaringKvar enkelt som treng omsorg i kommunen - uavhengig av alder og sjukdomsbilde - skal ha tilbod om eit tilpassa aktivitetstilbod. Aktivitet er avgjerande for livskvaliteten til den enkelte. Viktige moment her er:• Pårørande som ein viktig ressurs• Musikkterapi for pasientar med demenssjukdom• Fleire heildøgns omsorgsplassar• Involvering av frivillige organisasjonar

Dei tilsetteDen viktigaste faktoren i helse- og omsorgssektoren er dyktige og motiverte pleiemedarbeidarar. Dei tilsette skal vere med å utformar tenestene, og dei skal vere oppdaterte på kunnskap i høve eigne fagområde og rettar og plikter for seg sjølve og brukarane. Flora Høgre vil jobbe for å få større stillingsprosentar, og at dei som ønskjer å jobbe heiltid får tilbod om det. Alternative turnusordningar må vurderast i samråd med dei tilsette. Vidareutdanning og kompetanseheving for tilsette i omsorgssektoren er avgjerande for eit godt tilbod. Flora Høgre vil vere ein pådrivar for rekruttering og kompetanseheving for å skape attraktive og robuste fagmiljø og gode arbeidsplassar.

Verdig alderdomFor å sikre ein verdig alderdom for alle, vil Flora Høgre satse på desse tiltaka:• Betre kvalitet og kapasitet i omsorgstenestene• Omsorgs- og sjukeheimsplassar til dei som treng det - når dei treng det• Omsorgsbustad med bemanning heile døgnet til dei som treng det• Tilrettelegging for å kunne bu heime lengst mogleg• Sikre tryggleik og stabilitet med faste personar for brukarane å forholda seg til uansett pleiebehov • Langtidsturnus som virkemiddel der det passar best for brukarane og dei tilsette• Aktivitetstilbod til alle• Flora Høgre vil jobbe for fritt brukarval, der brukar og pårørande har reell medbestemming på omsorgstenesta• Høg trivselsfaktor for brukar og tilsette• Tilbod om rehabilitering og trening for å oppretthalde og forbetre både livskvalitet og meistring i eige liv

12

Folkehelse og førebygging Ved aktiv førebygging og folkehelsetiltak kan kommunen jobbe for at færrast mulig treng helsetenester. Her må ein ha fokus på alle aldersgrupper, livsstilsjukdommar, livsmeistring og rus. Frivillige lag og organisasjonar er viktige medspelarar i dette arbeidet. Høgre vil jobbe aktivt for å sikre gode turstiar i kommunen.

Barn og ungeHelsestasjon og skulehelsetenestene er viktige for å fremje betre helse og førebygging. Vi skal ha gode, tilgjengelege og tverrfaglege tenester til barn og unge i kommunen. Helsesøster er ein viktig aktør i skulehelsetenesta, som skal vere synlege ute på skulane.

«Snu i døra»Flora Høgre vil arbeide for eit endå betre tilpassa avlastningstilbod for barn og unge med spesielle behov. Vi vil halde fram arbeidet og vidareutvikle prosjektet «Snu i døra».

Krisesenteret:Høgre vil arbeide for å sikre Krisesenteret gode drifts- og arbeidsvilkår. Vald i nære relasjonar skadar både barn, vaksne og eldre si oppleving av tryggleik, og kan føre til store fysiske og psykiske plager. Krisesenteret er ein fristilt part som i samarbeid med det offentlige hjelpeapparatet støttar brukarane og hjelper dei til eit verdig liv.

Rus og psykiatriRus og psykiatri har historisk vore lite prioritert i forhold til andre sjukdommar. Menneske med desse lidingane har ofte samansette problem, og har behov for tenester frå fleire aktørar i kommunen.

Høgre vil bidra til:• Å skaffe fleire bustader til personar som er vanskelegstilte i bustadmarknaden • Førebyggande tiltak for barn og unge skal prioriterast• Betre samhandling mellom dei som har ansvar for spesialistbehandling og hjelpeapparatet i kommunen• Sikre LAR (legemiddelassistert rehabilitering)

Flyktningar og asylsøkararHøgre vil fortsette å jobbe for at asylsøkarar og flyktningar får rettferdig og god behandling i kommunen vår. Høgre ser det som viktig å ta omsyn til den enkelte, og sørgje for god integrering av både barn og vaksne. Derfor er det viktig at Flora kommune ikkje tar på seg ansvar for fleire asylsøkarar og flyktningar enn at vi kan tilby kvalitet på desse oppgåvene. Busetting av flyktningar må sjåast i samanheng med det hjelpeapparatet vårt klarer å tilby.

13

OPPVEKST OG KUNNSKAP FOR FRAMTIDA

BarnehageBarnehagen skal gi trygg og god omsorg, samtidig som den stimulerer til leik og utvikling på barns eigne premissar. Eit godt og variert barnehagetilbod gir føresette moglegheit til å ta dei beste vala for familien. Ei viktig oppgåve for barnehagen er å forberede barna til skulegong, og å motverke sosiale forskjellar.

Det må sikrast full barnehagedekning, med ei fleksibel inntaksordning. Barnehageutbygginga har skjedd fort utan nødvendig vekt på innhaldet. Dei tilsette er den viktigaste ressursen barnehagane har. God kvalitet i barnehagen er avhengig av dei som arbeider der.

Høgre vil:• Arbeide for lik behandling av offentlege og private barnehagar• Bygge ein ny 4-5 avdeling barnehage, Knapstadmarka• Auke kapasiteten på barnehagar i Eikefjord, ferdig i 2015• Vidareføre 2-pedagogordninga• Arbeide for å auke opp tal tilsette per barnegruppe, tidlegare 20/10 Høgre går inn for 18/9

14

15

SkuleEin god skule gir barn og ungdom tryggleik og omsorg, som gir barna ein god sosial og fagleg kompetanse. Høgre sitt mål er å skape ein skule som styrkar lysta til å lære og som ser enkelt elevane sine behov.

Ein god skule skal gi alle gode moglegheiter, uansett bakgrunn. God utdanning er noko av det viktigaste vi kan gje barn og unge. I Flora skal alle elevar lære, trivast, vere trygge og oppleve meistring. Skulane skal vere godt vedlikehaldne både utvendig og innvendig.

Flora Høgre vil arbeide for at opplæringa skal bli endå betre, og god leiing er avgjerande for læringa. Den viktigaste innovasjonen må drivast fram av fagleg sterke lærarar. Skulen skal vere ein stad for læring, inspirasjon og trivsel for både elevar og lærarar/tilsette. Kvaliteten på undervisninga er avhengig av motivasjonen og den faglege kompetansen som finst i lærarkollegiet. Det er viktig at leiarar og lærarar får sjansen til kompetanseheving og utvikling til beste for arbeidsplassen. Høgre vil styrke samarbeidet mellom skule og næringsliv, til beste for begge partar.

For å sikre god læring vil Høgre prioritere gode arbeidstilhøve og fagleg påfyll for lærarane. Høgre ønskjer ei meir tilpassa undervisning, som tek omsyn til den einskilde eleven sine føresetnader for læring. Det betyr at dei som slit med skulefaga får nok hjelp, og at dei mest skuleflinke får nye utfordringar.

Høgre vil:• Ha auka satsing på etterutdanning av lærarar• Styrke realfagkompetansen hos lærarar• Styrke samarbeidet mellom skule og næringsliv, gjennom t.d. Ungt Entreprenørskap • At lærarane skal få høve til å hospitere i eigen kommune, i næringslivet og omvendt• Styrke leiarressursane ved skulane• Ha kvalitativ og kvantitativ betre rådgjevarteneste• Vidareutvikle høgskulemiljøet i Flora• Opne for at elevar på ungdomsskulen får følgje vidaregåande skule sitt nivå• Støtte forslag frå næringslivet om nye linjer på Flora VGS, som næringslivet sjølve vil vere med å legge til rette for• At Flora VGS skal vere attraktiv for elevar også frå andre fylker• Ha auka fokus på realfaga, sidan Flora er blitt ein realfagskommune• Bygge eit eige Newton-rom, som er eit praktisk, spennande innreidd og teknologisk vel utstyrt undervisningslokale med fokus på realfag• Sette i gong arbeidet med å få på plass ein ny gymnastikksal på Florø Barneskule• Starte planlegginga for utviding av Brandsøy skule

LærarenHøgre vil satse på at skulen sin viktigaste ressurs - læraren - får ei kvalitativ god etter- og vidareutdanning, spesielt i dei grunnleggande faga og ferdigheitene.

• Når ein elev slit fagleg eller sosialt er det avgjerande med tidleg innsats. Høgre vil gje skuleleiing og lærar auka tillit til sjølve å starte nødvendige tiltak. • Eit styrka og forpliktande samarbeid mellom skule og heim er avgjerande for å hjelpe elevane, og for at skule og foreldre kan følgje opp barna på ein best mulig måte.• Undervisningsevaluering med den nasjonale satsinga VFL (vurdering for læring) er eit viktig verktøy for å sikre god progresjon for elevane si utvikling

16

Høgre vil:• Styrke og vidareføre MOT-prosjektet for å auke innsatsen mot mobbing• Arbeide for å opprette nye linjer ved Flora VGS, i samarbeid med lokalsamfunnet• Styrke basisfaga norsk, engelsk og matematikk i grunnskulen• Arbeide offensivt for vidareutvikle høgskulemiljøet i Flora• Vidare satsing på maritime-fag på høgskulenivå• Vidareutvikle Eikefjord, ved å arbeide for å trygg skuleveg og fortsatt auka satsing på å utvikle nye bustadområde.

UngdommenHøgre vil auke innsatsen på tiltak retta mot kommande generasjonar, som skal vidareføre lokalsamfunnet vårt.

Høgre vil:• Legge til rette for meir praktisk arbeid og gründerverksemd i skulane, også på ungdomskulenivå• Styrke fokus på psykisk helse mellom ungdom, mellom anna gjennom eit meir tilgjengeleg helsesøstertilbod på skulane• Arbeide for eit mangfaldig kulturliv, der ein tek initiativ til samarbeid med lokalt næringsliv for å auke oppsettingar av gratis teater og kino for dei yngste og eldste i kommunen. • Arbeide for å samle meir av kulturlivet i Flora, i samfunnshuset• At ungdommens bystyre kan fortsette å forvalte øyremerka midlar, i samarbeid og med hjelp frå kulturavdelinga• Realisere skate-parken i Flora• Vidareutvikle motorsportssenteret på Grovastøylen

17

KULTUR OG IDRETT

Kultur og idrett er viktig førebyggande arbeid. Det skaper identitet, tilhøyring og trivsel. Eit rikt kultur-, idretts- og friluftsliv er ein av våre sterkaste garantiar mot kriminalitet, sosiale forskjellar og einsemd. Idretten er prega av frivillig arbeid, sosialt samhald og er ein god arena for integrering - i tillegg til å vere helsefremmande. Idretten skal ha tilbod for alle, uavhengig av sportslige ambisjonar og fysiske føresetnader. Kommunen skal spele på lag med idretten, blant anna gjennom gode støtteordningar og langsiktige samarbeidsavtalar knytt til anlegga. Høgre vil ha fokus på kulturnæringar og kreative arbeidsplassar.

Kultur for alle aldrar Den kulturelle spaserstokken og den kulturelle skulesekken er gode eksempel på kulturtilbod tilpassa ulike aldersgrupper, som ein må satse vidare på.

Høgre sitt mål er: • At flest mogleg skal kunne drive fysisk aktivitet tilpassa eigne behov og føresetnader• Å ta vare på interessene til idrettsmiljøet og frivillige organisasjonar, gjennom eit tettare samarbeid med Idrettsrådet.• Å arbeide for å redusere og på sikt fjerne brukarbetaling på kommunale anlegg.• Å samarbeide med næringsliv og andre samarbeidspartar for å utvikle og auke tilgangen til gratis utlån av fritidsutstyr.

18

Kultur er et viktig element i forhold til næringsutvikling, innbyggarane sin identitet og for å tiltrekke seg nye innbyggarar.

Høgre vil: • Reindyrke Flora Samfunnshus som kulturhus• Legge til rette for alle typar arrangement.• Følgje aktivt opp rulleringsplanen for idrett, friluftsliv, fysisk aktivitet og folkehelse, med auka fokus på nærmiljøanlegg og lågterskeltilbod som til dømes turstiar

19

NATUR OG MILJØ

Flora har ein variert, frodig og rein natur frå hav til bre. Vi har sterke friluftstradisjonar, og Høgre vil sikre framtidige generasjonar gode naturopplevingar. ein skal ta omsyn til miljø i alle politiske område.

Flora Høgre vil ha fokus på:• Å realisere ein klimaplan for Flora kommune, og stimulere til effektiv energiutnytting• Å utarbeide ein ENØK-plan for alle kommunale eigendommar• Å styrke innsatsen for eit helsefremjande og miljøvennlig friluftsliv• Å gjere kommunale parkar og grøne areal meir tilgjengelige og brukarvennlige• Å styrke den kommunale deltakinga i utbygginga av Sørstrand som rekreasjonsområde, og realisere turvegen til Kystmuseet• Å styrke den kommunale deltakinga i utbygging og vedlikehald av turvegane i Brandsøyåsen• Generelt vedlikehald av turvegane i kommunen• Samarbeid med frivillige lag og organisasjonar, mellom anna i arbeidet med å merke turløyper• Å styrke omdømmet til tur- og friluftskommunen Flora, som eit viktig tilbod for innbyggjarar og tilreisande

A til Å - www.atilaa.no