INUIT ATAQATIGIITFOLKETINGIMI

- VISIT GREENLAND, QAQORTOQ, FOTO: MADS PIHL -

IA_booklet_vendt.indd 1621/04/15 17.12

INUIT ATAQATIGIIT FOLKETINGIMI - Qinersivik 2011-2015 -

IA_booklet_vendt.indd 1521/04/15 17.12

2011-mi folketingimut qinersisoqarmat Inuit Ataqatigiinniit (IA) Sara Olsvig nutaatut ilaasortanngorpoq. Taamaasilluni 7956-init qinersiseqarnikkut Inuit Ataqatigiit Kalaallit Nunaanni Folketingimut qinersinerit tulleriiginnartut pingajussaanni qinerneqarnerpaanik isertitsivoq. Kingorna Sara Inatsisartunut qinigaavoq 2014-imilu Inuit Ataqatigiinni siulittaasunngorluni. Taamaattumik Johan Lund Olsenimit Folketingimi taarserneqarpoq.

2011-imi Kalaallit Nunaata Folketingimi ataatsimiititaliani pingaaruteqartuni ilaasortaaffeqarnissaa Inuit Ataqatigiinniit qulakkeerneqarpoq, ilaatigut Kalaallit Nunaannut Ataatsimiititaliami siulittaasutut, Nunanut Allanut Politikkimut, Illersornissamut kiisalu Avatangiisinut Ataatsimiititaliani ilaasortatut. Taakkua saniatigut Issittumi Inatsisartuni ilaasortat komitiianni ukiorpaalunngortuni Inuit Ataqatigiit Folketingi sinnerlugu issiasimavoq. Sara Olsvigip pilersitsineratigut Folketingimi Issittoq immikkut ataatsimiititaliaqalersimavoq, tassanilu Folketingi Issittumut tunngatillugu suliamigut pimoorussivoq.

Inuit Ataqatigiit-kkut folketingimi partiinut suleqatigiinnermi pingaartitaraat aalajangersimasunut pituttoqqasimannginnissaq. Taamaattorli Folketingimi siornatigut suleqatigisarsimasat partiit saamerliit teknikkikkut suleqatigaat, partiilli sorliilluunniit suleqatigisinnaallugit. IA-p folketingimi qinigaatut suleqatigiiffissat Kalaallit Nunaannut kalaallinullu iluaqutaanerpaajusussat toqqartarpai – partiit sorliilluunniit suleqatigineqassagaluarpata.

Kalaallit folketingimi ilaasortaatitaattut inatsisiliortutut sulinermi Kalaallit Nunaat sinnerlugu sulisoqassaaq. Inuit Ataqatigiinnulli aamma Kalaallit Nunaat Issittorlu sinnerlugit ambassadøriulluarnissaq pingaartuuvoq.

INUIT ATAQATIGIIT FOLKETINGIMI

IA_booklet_vendt.indd 1421/04/15 17.12

Folketingimi Inuit Ataqatigiinni suliat makkua annertuumik suliaqarfigalutigillu angusaqarfigisimavagut:

INATSISINUT EQQARTUUSSISOQARNERMULLU TUNNGASUT 2014-mi kredsretit 20 mio. kr.-inik immikkut aningaasaliiffigineqarnerat iluatsippoq, taamaalillutillu eqqartuussivimmi suliassat uneraannarsimasut maanna ikilisarneqarujussuarput. Innuttaasut eqqartuussivinni naleqquttumik sullinneqarnissaat tassani pineqarpoq.

PITUFFIK Soorunami USA-p Kalaallit Nunaanniinneranut atatillugu akileraarutitigut, suliffitsigut ilinniarfitsigullu iluaquserneqassaagut. Taamaanngippammi isumaqanngilaq. Tamannalu Inuit Ataqatigiit qulakkeerniarpaa. Kalaallit Nunaanni aamma Danmarkimi.

PUISIT AMII Siunissamittaaq soorunami puisit amiinik avammut naapertuuttunik atugassaqarluta nioqquteqarsinnaassaagut. Kalaallit Nunaanni nungusaataanngitsumik puisinniartarpugut. Tamannalu Danmarkimi EU-milu inuussutissanik nioqqutissiornermi ingerlanneqartoq oqaatigineqarsinnaanngilaq.

INATSISITIGUT ATAATAQANNGITSUT 2014-mi Kalaallit Nunaanni inatsisitigut ataataqanngitsunut inatsit naammassivarput. Soorunami inatsisitigut ataataqanngitsut ataataminnik paasinnissinnaatitaassapput. Taamaattussaavoq.

KALAALLIT DANMARKIMIITTUT IA Folketingimiit kalaallit illui suleqatigalugit kalaallit Danmarkimi najugaqartut atugaasigut pitsanngorsaanermi suliaqarsimavugut.

ANGUSAT ERSARISSUT

IA_booklet_vendt.indd 1321/04/15 17.12

IA_booklet_vendt.indd 1221/04/15 17.12

IA_booklet_vendt.indd 1121/04/15 17.12

Sara Olsvig aamma Johan Lund Olsen tamarmik Kalaallit Nunaanni Danmarkimilu angalasarsimapput innuttaasunillu ataatsimiititsisarsimallutik. Inuit Ataqatigiillu aamma pulaarneqartaqaat. Nunatsinniit meeqqat atuarfiannit atuartut ilinniarnertuunngorniallu Folketingimi pulaartarpaatigut. Ambassadørerpassuillu nunarsuatsinnit tamaneersut Kalaallit Nunaat Issittorlu pillugit paasisaqarusuttarput.

Nutaatullu Inuit Ataqatigiinniit suleqataaffigisatsinnik Atlantikup ilaasortaatitaasa sisamaasut Ministeriunerup apeqqarissaarfigineqarnerani peqataasinnaanngorsimapput. Taamatuttaaq Folketingimi Inuit Ataqatigiit Christiansborgimi ataatsimeersuarnernik annertuunik marlunnik aaqqissuussisimapput, aappaa aatsitassanut Issittumilu sillimaniarnermut politikkimut tunngasoq, aappaalu AVALAK aamma GA suleqatigalugit Naalagaaffeqatigiinnermi inuussutissarsiutinik ineriartortitsinermut tunngasoq.

Inuit Ataqatigiit suliaannut tunngasunik uani atuarit:

Iafolketingimi.dk Facebook.com/ataqatigiitFilmi uani Youtube-kkut takujuk ”Inuit Ataqatigiit Folketingimi 2011-2015: Nunatta nipaa nukittooq”

Suliarineqartoq april 2015

IA_booklet_vendt.indd 1021/04/15 17.12