Upload
simon-geirsson
View
237
Download
4
Embed Size (px)
DESCRIPTION
Dagblað í frá hugmynd til sýningar!
Citation preview
[1]
Símon Geir Geirsson ritstjóri
Er að ljúka námskeiðinu Frá Hugmynd til Sýningar og má segja að þetta tölublað sé óður til námskeiðisins.
JÖTUNINNApríl 2012 1.tölublað
Tilgangur blaðsinsEr að opna sýn fólks á mikilvægi leiklistar og að sýna fram á fjölbreytileika leiklistarlegrar vinnu. Allt sem kemur fram í blaðinu tengist leiklist og verkefnum tengdum leiklist.
FRÁ HUGMYND TIL SÝNINGAR, KÚRS FYRIR ROKKARA!“Nú árið er liðið í aldanna skaut og aldrei það kemur til baka„ Símon Geir Geirsson ritstjóri gerir samantekt á námsskeiðinu Frá hugmynd til sýningar þar sem að kúrsinum er gerð skil.
„Nú árið er liðið í aldanna skaut...” svo
hljóðar ljóð Valdimars Bríem og er oftast
sungið við lag Andreas Peter Berggreen.
Lagið er oftast flutt á áramótunum í
sjónvarpinu en textinn segir frá ákveðnum
tímamótum.
Nú eru ákveðin tímamót í lífi okkar.
Skólaárið er liði og námskeiðið Frá hugmynd
til sýningar er senn á enda. Vert er því að líta
til baka og skoða hvaða þekkingu við drögum
af þessu námskeiði og hvað munum við taka
með okkur inn í framtíð okkar sem verðandi
kennarar?
Það tekur okkur ekki langan tíma til að
svara þessari spurningu því á þeim tíma sem
námskeiðið hefur staðið höfum við kynnst
vinnu sem hægt er að nota í starfi okkar sem
kennarar og jafnvel í hvaða starfi sem er.
Möguleikarnir eru óendanlegir fyrir þeirri
þekkingu sem við höfum sankað að okkur frá
þessu námskeiði. Má nefna hluti eins og:
útvarpsþátt, grímuvinnu, þáttökuleikhús,
handritagerð, skuggaleikhús, vinna með
dagblöð og vinna með dót, drasl eða föt.
Ása Helga Ragnarsdóttir kennari á stóran
þátt í því að námskeiði hefur verið spennandi
og skemmtilegt. Hennar áhrif hafa gert það að
verkum að þau verkefni sem við höfum unnið
með eru orðin að þekkingu sem við munum
seint gleyma.
Því vil ég nýta þennan ristjórapistil og
þakka innilega fyrir mig. Þetta námskeið hefur
opnað nýja sýn á hvað leiklist og
leiklistarkennsla gengur út á. Takk!
Tímarit fyrir massaða kennara!
Í þessari útgáfu af Jötninum má finna:Skuggaleikur-sýning Menntavísindasviðs á Háskóladeginum bls. 2Kalli Finns og upphaf útvarpsmannsins bls. 3
Hjördísi Helga Seljan talar opinskátt um B.ed. verkefnið sitt á kjörsviðinu Tónlist, leiklist, og dans. Bls 6-7
[2]
„Sýning á heimsmælikvarða!” Segir Páll Skúlason fyrrum rektor Háskóla Íslands.
Háskóladagurinn var haldinn víðsvegar
þann 18. febrúar síðastliðinn. Háskóli Íslands
fór þar mikinn og var Háskólabíó troðfullt allan
daginn. Komu flestir til þess að sjá
Sprengjugengið sína listir sínar en þar er á ferð
hópur nemenda sem nema efnafræði við
Háskóla Íslands.
Kom það mörgum á óvart að sýningin
leikur að skugga sem er verkefni nemenda við
Menntavísindasvið Háskóla Íslands stal
senunni í sal 1 í Háskólabíói. Sýningin sem
skartar nemendm af kjörsviðinu Tónlist,
Leiklist, Dans hélt uppi ótrúlegu sjónarspili þar
sem að skuggar og tónlist ófu saman
spennandi atburðarrás og gífurlega leikni.
Sagan sem nemendur sögðu með
skuggaleik var tvíþætt annars vegar var sagan
um þróun lífs og hinsvegar ævintýri Sæmundar
fróða Sigfússonar. Það má segja að sýningin
hafi verið fyrir alla aldurshópa því að fyrri
sýningin (þróun lífs) höfðaði vel til yngri
áhorfandans og voru börnin með eitt stórt bros
á vörum og þá sérstaklega þegar að skuggi af
lifandi fisk birtist á tjaldinu og spriklaði í vatni.
Seinni sýning (Sæmundur fróði) var mun
ógnvænglegri og mátti líta í salnum á börn
sem grúfðu sig í faðm foreldra sinna. Páll
Skúlason fyrrum rektor við Háskóla Íslands
sagði eftir sýninguna að hann hafi verið
ánægður með það sjónarspil sem nemendur
hefðu fangað á tjaldið. Lýsti hann sýningunni
sem afbragðsskemmtun og að þar væri á ferð
sýning á heimsmælkikvarða.
Ása Helga Rangarsdóttir kennari við
námskeiðið frá hugmynd til sýningar og
Jóhanna Vigdís Þórðardóttir
skuggasérfræðingur ásamt Helgu Rut
Guðmundsdóttur kennarar við námskeiðin frá
listin að hlusta/listin að skapa voru að vonum
ánægðar með sýninguna. Þær sögðu að þó
svo að æfingarferlið hafi verið stutt að þá hafi
nemendum tekist vel að búa til ævintýraheim
sem geri skuggaleik greinilega skil sem
vettvang fyrir fróðlegar og góðar sýningar.
Nemendur voru að vonum ánægðir með
sýninguna og skemmtu sér vel við að sýna
áhorfendum leikni sína í skuggaleik.
Nemendur sögðu við lok sýningu að þó
svo að þau hafi í raun verið að kynnast
skuggaleik í fyrsta sinn fyrir nokkrum vikum að
þá hafi þeim fundist sem þau gætu séð vel
fyrir sér að nýta vinnu með skugga í skólastarfi
eftir námslok. Töldu þau að hægt væri með
skuggaleik að segja sögur á annan hátt en
gjarnan gerist í skólastarfi og þannig víkka
sjóndeildarhring nemenda þegar kemur að því
að sýna afrakstur að verkefnum.
LEIKUR AÐ SKUGGA
Ótrúleg sýning með skugga Áhorfendur í Háskólabíó voru á einu máli um að sýning Menntavísindasviðs sló í gegn og höfðaði sýningin til allra aldurshópa. Sýningin fjallaði um þróun lífs og ævintýri Sæmundar Fróða.
Ástin blómstraði í Háskólabíó
[3]
Karl Finnson á FM 957 rifjar upp fyrsta útvarpshlutverkið
Það eru margir sem kannast við Kalla
Finns útvarpsmann á FM 957.En fáir vita hvar
ferill Kalla hófst og hvað varð til þess að Kalli
fetaði braut sína í áttina að því að verða einn
þekktasti útvarpsmaður landsins.
„Það má segja að þetta hafi allt byrjað í
leiklistaráfanganum í Engjaskóla...” Kalli rifjar
upp fyrir Jötninum bernskuárin þegar að Kalli
og bekkjarfélagar hans fengu tækifæri til að
leika og tjá sig í leiklistartíma hjá Snjólaugu
Guðfinsdóttur. „Hún var algjört æði. Fékk
okkur alltaf til að hafa gaman af námsefninu.”
Þegar að Kalli byrjar að rifja upp gömlu
dagana að þá er eins og hugsunin heltaki hann
og í augnablik er Kalli kominn aftur í tíma hjá
Snjólaugu. Kalli áttar sig á að hann er svifinn
burt í draumaheim og áður en við vitum af að
þá rannkar hann við sér og segir: „Það er
kannski best að ég taki ykkur ein 12 ára aftur í
tímann en áhugi minn á útvarpsmennsku
byrjaði í leiklist. Upphafið má því segja að eigi
rætur að rekja til tímanna hjá Snjólaugu. Við
fengum verkefni þar sem að við áttum að búa
til útvarpsleikrit og unnum við í pörum. Ég man
að ég fékk besta vin minn með mér í þetta
verkefni og mig minnir að við höfum fengið að
ráða algjörlega um hvað útvarpsþátturinn átti
að vera og líka að ráða persónunum sjálfir.
Ég ákvað að vera Siggi Hlö. Vá hvað ég
elskaði þann mann og fannst hann vera algjört
æði. Þættirnir hans Manstu hvar ég var voru
sko alltaf í spilun þegar ég var lítill. Vinur minn
hann Baddi ákvað að vera Auddi Blö og við
ákváðum að þátturinn væri þáttur Audda Blö
sem hét FM 95BLÖ. Þessi þáttur var á Fm 957
og aldrei datt mér í hug að 12 árum seinna
væri ég svo að vinna hér á stöðinni.”
Kalli brosir stolltur yfir afrekum sínum og
veit að hann á þessum leiklistartímum að
þakka fyrir að vekja áhuga hans á
útvarpsmennsku.
„Þetta var svo gaman. Ég man að ég átti
að leika Sigga Hlö í viðtali hjá Audda Blö og
við félagarnir notuðum þetta rím óspart í
þættinum. Fyrir þáttinna að þá var ég alveg
búinn að kynna mér Sigga Hlö, hvaðan hann
kom, hvar hann átti heima og bara allt. Svo
lékum við þetta viðtal og það sem mótaði
viðtalið var að ég sko var að kenna Audda Blö
hvernig ætti að fá stelpur til að hringja í þáttinn
hans af því að í þáttunum hans Sigga Hlö var
alltaf verið að hringja í hann og alltaf einhverjar
konur.
Ég man sérstaklega eftir að ég sagði við
Audda: „Pældu í því ég er giftur og konur
hringja alltaf í mig og eru að vilja fá Hlöinn í
partý en enginn hringir í Blöarann.” Þetta var
ógeðslega fyndið. Ég man að bekkurinn
sprakk úr hlátri yfir þessum fleygu orðum.
En hvað var það við þetta verkefni í
Engjaskóla sem fékk Kalla til að vilja verða
útvarpsmaður? „Ég held að þetta hafi bara
verið mér svo eðlislegt. Ég var ekki sérlega
stilltur í tímum, þurfti svo mikið að tjá mig en í
tímununm hjá Snjólaugu að þá fékk ég loksins
að tala og það var bara það sem ég var góður
í.” Kalli segir okkur frá erfiðleikum hans í námi
og hvernig bóknámið höfðaði ekki til hans og
má segja að leiklistin hafi bjargað honum frá
því að lenda á þeim stað sem hann segir að
hafi verið næsta skref í átt að ruglinu. En Kalli
endar spjallið okkar á góðu nótunum og beinir
næstu tilvittnun að þeim sem vegna ekki vel í
skóla: „Látið drauma ykkar rætast og ekki láta
neinn traðka á draumnum ykkar. Því eins og
ég að þá getið þið unnið við það sem ykkur
finnst skemmtilegast að gera.
Kalli í stúdeói Fm957 Eftir að grunnskóla og sérstaklega eftir leiklistaráfanga Snjólaugar Guðfinsdóttur að þá fann Kalli að útvarpsstarf var og er eitthvað sem hann er fæddur í. Kalli heur starfað í útvarpinu í 5 ár og segist hvergi vera af baki dottinn enda má segja að leiklistin hafi fundið fyrir hann framtíðarstarfið.
KALLI FINNS
Ávallt Flottur
[4]
ÞEMA RÁÐSTEFNUNNARÞema ráðstefnunnar verður frumefnin
fjögur:JörðLoftEldurVatn
KENNARAR & FYRIRLESARAR
Til námskeiðahalds og fyrirlestra hafa verið fengnir fræðimenn víðs vegar að og þeir beðnir að hafa í huga mikilvægi húmors í kennslu í erindum sínum
VINNUSMIÐJURÁ ráðstefnunni gefst tækifæri til að sitja fjöldann allan af fróðlegum vinnusmiðjum og fyrirlestrum um notkun leiklistar í kennslu og skapandi kennsluhætti
RÁÐS
TEFN
A UM
SKAP
ANDI
KE
NNSL
UHÆT
TI / L
EIKL
IST Í
SK
ÓLAS
TARF
I 6-8
.ÁGÚ
ST 20
12
Gígja 23ára nemiJá ég lék einu sinni Þyrnirós í leikriti í skóla í Danmörku
Jón 26ára nemiJá ég hef leikið í fullt af sýningum bæði í grunnskóla og fleira. T.d. lék ég Benjamín Dúfu.
Magnea 28ára nemiÉg lék einu sinni Línu Langsokk. Það var í Barnaskóla Vestmannaeyja.
Skúli 25ára nemiJá ég hef verið ötull í leiklistar lífi Egillstaða og nágrenis.
Elín 22ára nemiÉg hef leikið nokkur hlutverk. Þar á meðal tré í Ronju og svo lék ég Mjallhvít í Höfðaskóla.
Spurning vikunnar: Lékst þú í leikriti þegar þú varst í grunnskóla?
Drama BorealeSkráning fer fram á
www.dramaboreale.is
Skráningargjald: Greitt fyrir 25.apríl Greitt eftir 25.apríl 32.000 kr 40.000kr
[5]
Hreyfanlegt markÞátttakendum er skipt í tvö jöfn lið. Liðin eru
auðkennd með merkiböndum eða vestum.
Tveir þátttakendur eru valdir úr hvoru liði til að
mynda “hreyfanlegt mark”. Þeir halda á milli sín
priki eða teygju, en sjálfir mynda þeir stangir
marksins. Leikurinn hefst síðan á því að
stjórnandi leiksins, sem er jafnframt dómari,
kastar boltanum inn á völlinn. Þeir sem mynda
hreyfanlega markið mega hlaupa um völlinn
með prikið. Samherjar þeirra reyna svo að
skora í mark andstæðinganna, sem er
væntanlega á hlaupum. Þeir sem mynda
markið mega ekki færa prikið upp og niður
meðan á leiknum stendur. Það lið sem nær að
skora fleiri mörk sigrar. Þennan leik er gott að
leika á stórum leikvelli. Í stað priks má nota
breiða teygju fyrir markslá.
StjörnustríðÞátttakendunum er skipt í tvö jöfn lið. Liðin
raða sér upp við endalínur leikvallarins, sem
skiptist til helminga með línu. Í upphafi leiks er
valinn einn liðsmaður úr hvoru liði “Svarthöfði”
og “Logi geimgengill”. Merkja þeir sér einn
hring á hvorum vallarhelmingi og taka sér
stöðu í hringnum. Þegar stjórnandi leiksins
hefur raðað boltum, 2-4 brenniboltum, á
miðlínu leikvallarins og gefur merki að þá mega
liðin hlaupa samtímis að miðlínu og reyna að
ná sér í bolta. Leikurinn gengur út á það að
liðin reyna að skjóta boltunum yfir miðlínuna og
hitta mótherjana. Þeir sem eru skotnir setjast
niður. Logi geimgengill og Svarthöfði hafa það
hlutverk að frelsa þá, en til þess þurfa þeir að
hlaupa úr griðarstaðnum (hringnum) sínum og
snerta hina “dauðu”. Takist það ekki og annar
hvor þeirra eða báðir eru skotnir þá er engin
lengur til að frelsa. Gengur leikurinn svo áfram
eða þar til að öðru liðinu hefur tekist að skjóta
alla liðsmenn mótherjana.
Fölsku TennurnarÞátttakendur sitja eða standa í hring. Allir
klemma saman muninn þannig að ekki sést i
tennur. Ef einhver sýnir tennurnar er hann úr
leik. Þátttakendur velja sér einhvern ávöxt eða
grænmeti og tikynna hvaða ávöxtur eða
grænmeti þau séu og þurfa allir að muna hver
er hvað.
Leiðbeinandinn byrjar á klapphreyfingu (allir
klappa með) og segir sinn ávöxt um leið án
þess að sjáist í tennur og bætir við þeim
ávexti/grænmeti sem tekur við. Dæmi: epli,
epli, banani ,banani. Sá sem er banani á þá að
taka við og segir sinn ávöxt tvisvar áður en
hann segir einhvern annan sem tekur svo við
og koll af kolli. Sá sem sýnir tennur eða fer að
hlæja verður úr leik.
Pönnukaka með SultuÞátttakendur stilla sér upp í röð. Sá sem er
fremstur er’ann og á að binda trefil eða
eitthvað álíka fyrir augun á sér þannig að hann
sjái ekkert. Þegar allt er tilbúið og allir komnir í
röðina aftur á einn þátttakandi að læðast
hljóðlega út úr röðinni og að hinum “blinda” og
segja með skrítinni röddu (breyta röddinni)
“Pönnukaka með sultu” og fara síðan aftur á
sinn stað í röðinni. Sá sem er’ann (sá “blindi)
tekur trefilinn frá augunum og á að finna út hver
það var sem talaði. Áður en hann giskar á hann
að segja upphátt hvað viðkomandi á að gera ef
hann verður afhjúpaður. Dæmi: Hoppa á öðrum
fæti í hálfa mínútu, gera tíu armbeygjur, syngja
lag eða eitthvað álíka. Ef sá sem giskar getur
ekki upp á réttri manneskju þarf hann sjálfur að
leysa verkefnið sem hann lagði fyrir og reyna
aftur. Giski hann rétt verður sá sem hvíslaði
næsti blindingi. Önnur útfærsla af leiknum er að
segja eitthvað annað en “pönnukaka með
sultu” við blindingjann.
Sagan gengur (Frásögn)Nokkrir þátttakenda fara út úr herberginu og
dyrunum er lokað. Stjórnandinn les stutta sögu
fyrir þá sem inni eru (best er ef sagan hefur
verið skrifuð). Fyrsti þátttakandinn er látinn
koma inn og stjórnandinn endurtekur söguna
fyrir hann. Þátttakandinn á síðan að segja þeim
næsta, sem kemur inn söguna og þannig koll
af kolli til þess síðasta sem endurtekur hana. Í
lokin skal upphaflega sagan lesin aftur til
samanburðar við söguna sem þá er orðin til.
Sagan gengur (Hlutverkaleikur)Nokkrir þátttakenda fara út úr herberginu og
dyrunum er lokað. Stjórnandinn sýnir þeim sem
inni eru með látbragði hvað maður gerir til
dæmis í verslun, þegar maður ekur bíl, hjólar
eða er við stangveiði. Fyrsti þátttakandinn er
látinn koma inn og stjórnandinn endurtekur
látbragðið fyrir hann. Þátttakandinn á síðan að
leika það fyrir þann næsta sem kemur inn og
þannig koll af kolli. Þegar síðasti þátttakandinn
hefur séð látbragðið verður hann að endurtaka
það og síðan segja hvað hann heldur að það
tákni.
1, 2, 3 og dettaHver og einn einstaklingur fær númer; 1,2 eða
3. Eftir að allir eru búnir að fá númer að þá eiga
allir að ganga um og nýta rýmið eins vel og
mögulegt er. Síðan segir kennari eina tölu af
þeim sem nemendum var gefin, sem sagt 1, 2
eða 3. Þegar að kennari segir töluna einn að þá
eiga þeir sem fengu töluna einn að láta sig
detta en mjög dramatískt, hinir sem eru ekki
númer eitt eiga þá að reyna að bjarga þeim
sem eru að detta. Síðan gegnur leikurinn eins
lengi og kennari vill en athuga samt að leifa
öllum hópunum að spreyta sig í dramatísku
falli.
Ég er einstakurÞátttakendur sitja í hring. Hver og einn á að
hugsa um eitt atriði sem er einstakt um hann
sjálfan. Einn byrjar og segir frá þvi hvað það er.
T.d. Ég er einstakur af því að ég fæddist í
Vestmannaeyjum. Ef það sem hann nefnir á við
fleiri, standa þeir upp og setjast á hann. Sá
sem byrjaði verður nú að láta sér detta í hug
eitthvert annað atriði sem er sérstakt við hann í
von um að það eigi ekki við um hina. Takist
honum að losna við þá sem settust á hann og
segir eitthvað sem á ekki heldur við um aðra í
hópnum að þá á sá næsti að gera.
Þetta er kjörinn kynningaleikur þar sem
þátttakendur fræðast hver um annan og
kynnast oft óvæntum hliðum hinna.
Kalli og KýklóparnirÞátttakendum er skipt í tvö jöfn lið. Í hverju liði
er einn markvörður og heldur hann á títuprjóni.
Markverðirnir eru við sitt hvorn enda
leiksvæðisins. Leiksvæðið getur verið t.d.
skólastofa eða jafnvel rúta. Liðsmenn liðanna
dreifa sér með jöfnu millibili um leiksvæðið.
Leikurinn hefst á því að stjórnandi leiksins
kastar blöðru, sem liðsmenn reyna að slá í átt
til síns markvarðar. Mark telst vera skorað
þegar markvörður annars liðsins nær að
sprengja blöðru með því að stinga í hana
títuprjóni. Það lið sem nær að sprengja fleiri
blöðrur á x löngum tíma sigrar. Minna þarf
þátttakendur á að þeir þurfa að sitja á meðan
leikurinn stendur yfir. Til að skapa meiri
hreyfingu er gott að tvær eða fleiri blöðrur séu í
gangi hverju sinni.
Leikjabanki Doktorsins
[6]
Hjördís Helga Seljan er nýbúin með B.ed. verkefnið sitt á kjörsviðinu: Tónlist, Leiklist, Dans. Bændaglíman er heitið á verkinu sem er þverfaglegt verkefni.
Jötuninn er kominn alla leið til Reyðarfjarðar og situr inni á Sesam
brauðhúsi og lítur þar út um gluggan á Molann sem er kjarni verslunnar í
firðinum. Í Molanum má líta á háklassa staði eins og Veiðifluguna, ÁTVR,
Lyfju, Krónuna, Landsbankann og tískuvöruverslunina Pex.
Hingað er Jötuninn kominn til að ræða við aðal skvísu bæjarins
hana Hjördísi Helgu Seljan. Hjördís hefur nýlokið við B.ed. verkefnið sitt
sem ber heitið Bændaglíman og er verkefnið samþætting á íþrótta-,
samfélagsfræðigreina- og leiklistarkennslu.
Jötninum lá á að spyrja: „Hvernig hófst þetta allt saman?”
„Ég byrjaði á að skrifa svona basic ritgerð um samþættingu
kennsluaðferða, aðalnámsskrá grunnskóla og frumkvöðla. Í seinni
hlutanum fjallaði ég svo um leiklist í skólastarfi, tengingu leiklistar við
aðalnámsskrá, skoðanir leiklistarfræðimanna og að lokum kynnti ég
hvernig hægt væri að samþætta námsgreinarnar: íþróttir,
samfélagsgreinar og leiklist. Rúsínan í pylsuendanum má síðan segja að
í lok ritgerðar samdi ég leikrit sem ég setti fram sem dæmi um námsefni
sem tengir þessar námsgreinar saman.” Segir Hjördís áður en hún tekur
vænan bita af ostaslaufunni sinni sem er greinilega sérgrein Sesam
brauðhúsins því þessi ostaslaufa er næg hvattning fyrir mig til að aka
hvenar sem er 677 km.
Loks tekur Hjördís aftur til máls: „Svo með þessu verkefni að þá
samdi ég leikrti sem heitir Lífsins glíma og fjallar það um unga stúlku
sem kemst yfir dagbók langömmu sinnar og hverfur með henni aftur til
aldamótanna 1900.”
Uppfærsla leikritsins er samvinnuverkefni nemenda og kennara.
Sem sagt nemendur og kennari verða að nýta ímyndunaraflið til að geta
sett sig inn í hugsunagang fólks á þessum tíma. Sem sagt hugsanir eins
og hvernig voru samgöngur, atvinna, klæðaburður? Hvernig hefur
tungumálið breyst?
Í leikritinu er einnig glímuatriði sem að nemendur þurfa að leika og
þannig eru þeir á sama tíma að læra um þjóðaríþrótt Íslendinga.
En hvaðan kemur hugmyndin að þessu leikriti?
„Ég fékk þessa hugmynd meðan ég horfði á jólaljósin og lyktaði af
piparkökunum í desember 2011. Þegar ég fann lyktina að þá hugsaði ég
heim og sérstaklega til jóladýrðarinnar á Reyðarfirði og
Aðalsteinsmótsins annan í jólum en það er hið árlega jóla glímumót
Reyðfirðinga.”
Glíma er kannski eitthvað sem ekki margir myndu setja í leikrit og
hvað þá sem íþróttagrein sem hægt væri að samvefja í þverfaglegu
verkefni en Hjördís setur þetta listilega vel fram enda æfði hún glímu frá
9 ára aldri og hætti að æfa fyrir rúmum fjórum árum. Á þeim tíma hefur
hún oft keppt fyrir glímufélagið sitt sem keppir undir formerkjum
Ungmenna- og íþróttasambands Austurlands. Til dæmis má nefna að
Hjördís hefur keppt fyrir UÍA á Heimsmeistaramóti í glímu í Danmörku
2008. Í leikritinu er farið inná hin ýmsu heiti innan glímunnar og
nemendur fræðast því ekki bara um glímu og hvernig glíma fer fram
heldur eru heiti á köstum og brögðum sem notuð eru í leikritinu gerð
skil.
„Já í leikritinu fá nemendur að kynnast hinum harða heimi
glímunnar og reyndi ég að setja senurnar sem tengjast glímunni þannig
upp að glíman fái að njóta sín og að þau heiti sem eru innan
glímuheimsins fái ekki bara að njóta sín heldur er þeim gert skil í
leikritinu sjálfu.” Segir Hjördís og má greinilega sjá á henni að glíman er
henni mikið kappsmál og greinilegt að fræðsla um þess flottu og
þjóðlegu íþrótt sé eitthvað sem Hjördís vill leggja áherslu á. En í
leikritinu sjálfu að þá finnur ung stúlka dagbók ömmu sinnar. Á þessi
stúlka einhverja hliðstæðu í þér?
NÝTT LEIKRITA SKÁLD ER FUNDIÐ Á REYÐARFIRÐI
YNDISLEGI FJÖRÐURINN
MINN!
[7]
ALLTAF NÓG AÐ GERA
Hjördís Helga er aldrei langt frá gríninu.
Það er ótrúlegt hvað hún Hjördís er alltaf til í að gera eitthvað sem er fyndið og skemmtilegt. Henni leiðist aldrei að ver með fólki. Það svíkur engann að kynnast Hjördísi Helgu og toppurinn er að fá að eyða tíma með hennihvað enda er hún gull af manneskju.
„Nei í sjálfu sér ekki.
Þetta leikrit er ekki byggt á
einhverri sjálfsævisögu
minni en samt sem áður að
þá tengist þetta leikrit mér
að einhverju leiti.
Sögusviðið er Reyðarfjörður
þar sem að verið er að hefja
skóflustungu að álverinu á
Reyðarfirði. Við mokstur á
svæðinu að þá finnst kistill
grafinn í jörðina og í
kistlinum er dagbók konu
sem hefur skrifað niður
minningar um týnda ást.
Þessi dagbók ratar svo í
hendurnar á stúlku sem er
aðalsögupersónan í
leikritinu og er bókin sem
sagt dagbók langömmu
hennar.”
„Ég vildi að leikritið
myndi gerast á okkar tíma
en fara samt í senn aftur til
aldamóta 1900. Þessa
hugmynd næ ég að tengjast
með því að láta stúlkuna
ímynda sér líf langömmu
sinnar og einnig draga fram
hennar eigin hugsanir á
svið.”
Hjördís fer svoldið eins
og köttur í kringum heitan
grautinn þegar hún talar um
leikritið og segir okkur að
þetta muni allt saman koma
betur í ljós þegar Jötninum
verði boðið á frumsýningu
leikritsins þegar að
Leikfélag Reyðarfjarðar seti
upp sýninguna en Hjördís er
einmitt formaður
leikfélagsins.
En er þá leikritið sett
upp sem verk fyrir leikfélög
til að flytja?
„Nei ég útfærði leikritið
sem stutt 30-40 mínútna
leikrit í fluttningi nemenda í
grunnskóla. Stefnan er samt
sett á að lengja verkið og
setja það upp hér í
Fjarðarbyggð með LR.”
En hvernig er það er
fólk ekki oft saman í hóp í
svona verkefnum? Var ekki
erfitt fyrir hina sem voru í
hópnum með þér að
tengjast þessu verkefni?
„Ég var nú bara ein
með þetta verkefni en það
merkir samt ekki að ég hafi
ekki fengið góða aðstoð í
þessu verkefni og má þar
nefna afa minn Helga Seljan
sem að las yfir leikritið og
hjálpaði mér mikið við að
laga og bæta og hana Ásu
Helgu sem að var
leiðbeinandi minn í þessu
verkefni. Það var ótrúlega
gott að vinna með henni og
hjálpaði hún mér mikið með
því að benda mér á hvernig
hægt væri að gera hlutina
betur.”
Það er greinilegt að
Hjördís er mikilvæg fyrir
Reyðarfjörð því að
skyndilega lítur hún á
klukkuna sína og sér að hún
þarf að drífa sig í að hitta
hóp af mönnum frá Sádí
Arabíu en hún tekur
stundum að sér fararstjórn
fyrir erlenda hópa um
byggðina. En fyrir utan að
vera farastjóri og formaður
leikfélagsins að þá vinnur
Hjördís einnig sem
leikskólakennari og unir hún
sér vel í heimabyggð.
[8]
Stemmningin var svo góð að nemendur lifðu sig algjörlega inn í hina fornu tíma.Brjálað stuð á Klambratúni á Víkingaleikum.
Nemendur í Háteigsskóla skemmtu sér konunglega.Föstudaginn 30.mars fóru nemendur Menntavísindasviðs
Háskóla Íslands í námsskeiðinu Tónlist/leiklist á vettvangi 1
með nemendum í 6.bekk Háteigsskóla í ratleik um
Klambratún. Nemendur Háteigsskóla þurftu þar að leysa
þrautir til að eignast gullpening sem síðar var hægt að nota
til að kaupa goðorð af Sturlu Þórðarsyni í Hvammi.
„Reglur leikanna voru mjög einfaldar. Það þurfti að leysa
þrautir sem voru á hverri stöð og við vorum með sjö stöðvar á öllu
Klambratúni og þegar að nemendurnir voru búnir að leysa þrautirnar að
þá fengu þau gullpening. Fyrir 3 gullpeninga var svo hægt að kaupa
goðorð og þeir sem enduðu leikanna með flest goðorð urðu
leikameistarar.” Segir Símon Geir Geirsson en hann lék Sturlu sem var
mótsstjóri þetta árið.
„Þetta var gríðarlega skemmtilegt og sérstaklega þegar að börnin
lentu í bardaga og fengu þrjú högg í líkamann að þá voru þau dáin og
þurftu að fara til Sturlu og fá aftur líf með því að leysa eitthvað
sérstakt verkefni sem Sturla var með. Þetta gerði það að
verkum að bardagarnir voru skemmtileg viðbót í leikanna
og börnin fengu líka að lifa sig inn í allt Víkingaþemað
en þemað var Snorri Sturluson og þurftu nemendur
meðal annars að kunna og þekkja söguna um hann til
þess að leysa þrautirnar.” Segir Haraldur Reynisson sem
að sá um eina stöð eða þraut sem kallaðist Ari sterki.
Samtals voru sjö stöðvar á öllu Klambratúni og voru það:
Þekkingarbrunnur sem var spurningarkeppni sem Völvan spurði
en hún var leikin af Maríu Lovísu Magnúsdóttur.
Ari sterki sem Haraldur Reynisson sá um og var sú stöð
aflraunakeppni.
Mikið lagt á 6.bekkNemendur í 6.bekk Háteigsskóla þurftu virkilega að hafa fyrir leikunum þar sem að þeir versluðu goðorð af Sturlu Þórðarsyni og borðuðu skyr, blóðmör og drukku mysu í snæðingnum hjá Guðnýu konu Sturlu.
Ótrúlega skemmtilegar
þrautir!
NEMENDUR KEYPTU GOÐORÐ HJÁ
STRULU!
[9]
Tónaflóð sem var í umsjá Bjargar
Þórsdóttur og áttu nemendur að semja þar lag
við ljóð.
Krækja í konu sem Aðalheiður
Eiríksdóttir sá um og átti þar að fella kubba
sem tengdist glaumgosa lífi Snorra.
Konungsfólk Noregs sem hinar norsku
stúlkur Belinda og Hanne sáu um og áttu
nemendur þar að leika kyrrmynd fyrir
konungshjú og þurftu einnig að reyna að skilja
norskuna sem þær töluðu en nemendur
Háteigsskóla leistu það snilldarlega vel.
Snæðingurinn sem Sigríður
Hafsteinsdóttir sá um og þurftu nemendur þar
að borða skyr, slátur og drekka mysu.
Rímnagerð sem Júlíanna Sigtryggsdóttir
sá um en þar þurftu nemendur að búa til ljóð
og láta það ríma.
Nemendum var skipt í lið og voru um það
bil 6-8 í hverju liði. Með hverju liði var svo
liðsstjóri sem var einn af nemendum
menntavísindasviðs. Liðunum var svo skipt í
Snorra menn og Gissurarmenn. Fjögur lið voru
því Snorra menn en þrjú lið Gissurar. Reglurnar
voru skírar um að ekki máttu liðin berjast
innbyrðis heldur áttu Snorra menn að berjast
við Gissurarmenn og öfugt.
Nokkrir nemendur sem tóku þátt í
leikunum höfðu þetta að segja um bardagana:
„Þetta var mjög spennandi og
skemmtilegt og fengum við að berjast með
sverðunum okkar.”
„Sumir flúðu strax en aðrir börðust og
mitt lið gerði það alltaf enda sagði Sturla að
við værum heiglar ef við myndum hörfa frá
bardaga.”
Eftir daginn má segja að nemendur hafi
takið til sýn mikla þekkingu á Snorra Sturlusyni
og þeim atburðum sem áttu sér stað þegar
hann var uppi. Nemendu fengu búninga sem
þeir voru klæddir í alla leikanna og auðveldaði
þeim að halda sér í karakter.
„Svona leika þyrfti helst að halda á hverju
ári og er alveg víst að svona leikar eins og
þessi gera ekkert annað en að efla þekkingu
nemenda okkar og hjálpa þeim að fræðast
meira um efnið. Auk þessu skemmta þau sér
konunglega og þá er auðveldara fyrir
þekkinguna að síast inn,” Sagði Fjalar Freyr
Einarsson kennari 6. bekkjar Háteigsskóla.
Leikarnir enduðu svo með krýningu
sigurvegara sem unnu leikanna með þrjú
goðorð, tvo gullpeninga og besta tímann. Liðið
vann að launum bikar sem að nemendur
Menntavísindasviðs voru búnir að föndra í
undirbúningsvikunum.
Allir gengur sáttir heim að lokum og
væntum við í Jötninum eftir öðrum slíkum
leikum að ári liðnu.
Engin miskun á VíkingaleikumÞað var engin miskun þegar að fólk heimsókti Ara sterka enda er hann enginn smá smíð. Halli Reynis sá til þess að nemedur Háteigsskóla fengu að finna fyrir vöðvunum á sér þegar þau lentu á stöðinni hans en hún bar heitið Ari sterki. Nemendur þurftu að hafa fyrir að eignast gullpening á þessari stöð.
VÍKINGAR!
Sturla predikaði yfir
liðinu!
[10]
This is the end...Sungu og spiluðu sillingarnir í
The Doors. Og á þetta lag alltaf við
þegar manni finnst tímarnir vera að
breytast eða maður er að ljúka
einhverjum ákveðnum tímapunkti.
Núna á þessi settning einmitt við um
alla þá sem eru að klára skóla. Vorið
er í loftinu og nú spretta upp ungir
nemendur klæddir í allskonar
skrípalæti af því að nú eru menn að
dimmitera. Ég man þegar að ég var
að dimmitera og þurfti að hanga
heilan dag með fólki sem ég þekkti
eiginlega ekki neitt og þar að auki
drakk það sig blindfullt klukkan 10
að morgni og ég virtist vera sá eini
sem var edrú þann morgun. Núna er
maður orðinn eldri og vitrari og
kominn í Háskólann en það er samt
einhver fortíðarþrá sem kemur upp í
hjarta mér. Þó svo að mér hafi
fundist alveg glatað að dimmitera
þegar ég var í framhaldsskóla að þá
væri ég alveg til í að dimmitera í
Háskóla Íslands.
Ég sé fyrir mér að þá myndi
fólk fara aðeins dannaðara að heldur
en í framhaldsskóla og bara njóta
þess að vera í góðra vina hópi og
sprella eins og Tónlist, leiklist, dans
kjörsviðinu einum er lagið.
Eða er ég kannski bara
draumóramaður?
BAKÞANKAR RISANS.„Ég á mér draum...” eða kannski meira svona hugsjón
Spurningar?Lesendum er bent á að allar fyrirspurnir
og ábendingar eru vel þegnar. Hægt er að
senda ritstjórn Jötunsins póst á
[email protected] eða [email protected].
Ritstjórn tekur engar ábyrgðir á skoðunum
viðmælenda. Ath allar stafsetningarvillur
eru birtar með fyrirvara um breytingar.
Viðmælendur blaðsins voru:• Karl Finnson Fm957• Páll Skúlason fyrrum rektor• Ása Helga Ragnarsdóttir• Jóhanna Vigdís Þórðardóttir• Helga Rut Guðmundsdóttir• Hjördís Helga Seljan• Nemendur Menntavísindasviðs• O.fl.
JÖTUNINNListgreinahús Háskóla Íslands
Skipholti 37, 105 Reykjavík.
P.O. Box 770128
Fréttir af fólki
Jói Sveins dæmdur í
HéraðsdómiJóhann Sveinsson
var í dag dæmdur í tveggja ára skilorðbundið fangelsi vegna líkamsárásar sem
átti sér stað í miðbæ Reykjavíkur þann 18. júlí 2011. Sigurður Jónsson lögfræðingur sagði
að þessi dómur væri skýr skilaboð til okkar um að ofbeldi á hendur útlendingum líðist
ekki á Íslandi.
Tumi trúður aftur kominn í bransannTumi trúðursem leikinn er af
Elfari Loga Hannessyni hefur ákveðið að taka aftur upp rauða nefið og skemmta
fólki á öllum aldri. Elfar segir í tilkynningu að atvikið sem átti sér stað í Kópavogi fyrir
nokkrum árum hafi verið gert upp í vikunni og mun Elfar hafa fengið uppreisnæru.
RITDÓMUR JÖTUNSINSLeiksýningin Krepputímar eftir Andrew Wright í ÞjóðleikhúsinuLeikritið Krepputímar
eftir Andrew Wright er
skemmtileg sýning sem
segir frá fjölskyldu
sem lifir af góða tíma
og slæma. Verkefnið er
vel sett upp af
leikhópnum BEBH sem
fangar vel athygli
áhorfenda með hröðum
leik og
tilfinningaríkum
fluttningi.
Verkið segir frá
fjölskyldu sem að
byrjar á velmegunartíma
þar sem að peningar og
kaupmáttur er
sjálfsagður hlutur.
Síðar breytist
samfélagið í
kreppusamfélag og gengur
erfiðlega fyrir
fjölskylduna að ná endum
saman. Haraldur Reynis
fer með mjög sannfærandi
leik sem faðirinn George
og nær hann að fanga
persónuna og gera sína
eigin. Sömuleiðis standa
þær stöllur Björg
Þórsdóttir, Elísabet
Lind Sigurðsdóttir og
Bryndís Ylfa
Indriðadóttir sig með
prýði.
Fær sýningin
og á hún það svo
sannarlega skilið.