Upload
nora-islami
View
294
Download
17
Embed Size (px)
DESCRIPTION
Në këtë libërth ka tema të ndryshme mbi shkrimin Brail,ku mjaft mirë mund të shërbejnë si informacion për të njohur Brailin.
Citation preview
1
Ky material përfshin tema të shumta që kanë të
bëjnë me shkrimin dhe leximin brail.Përmban tema
interesante për personat që kanë mungesë të theksuar
shikimi,por jo vetëm.
Autori dëshiron që gjatë leximit të këtij libri të mbani
shënime dhe të jepni vërejtjet apo sugjerimet tuaja
konkrete për gjithçka që ju mendoni se mund të
përmirësohet në këtë botim.
Ju urojmë lexim të mbarë!
-2013
2
Botimi i këtij materiali është mbështetur nga Qendra
Kombëtare e Rehabilitimit të të Verbërve të
Shqipërisë.
Titulli: Të njohësh Brailin
Hartoi & Punoi: Nora Islami Adresa: Rruga”Nikolla Lena”Nr.62,Tiranë
Tel: + 355 4 22 59 636
Fax. + 355 4 22 59 611 E-mail: [email protected] [email protected]
www.shvsh.org.al
3
Përmbajtja
I. Origjina e fjalës brail ………………………………………4
II. Si shkruhet alfabeti&numrat brail ………………………7
III. Pajisjet tifloteknike për përdorimin e shkrimit brail….12
VI. Karakteristikat e shkrimit brail …………………………25
V. Rëndësia e shkrimit brail ………………………………….29
VI. Përdorimi i shkrimit brail në Shqipëri …………………47
VII. Shtrirja gjeografike e kurseve të shkrimit Brail ….……52
VIII.Braili në fokusin e imazhit për të verbërit …………….59
IX.Strategjia për vazhdimësinë dhe mbrojtjen e
shkrimit brail ……………………………………………………68
4
S
I. Origjina e fjalës brail.
hkrimi dhe leximi brail e mori emrin nga Louis Brail (emri i
tij origjinal) i cili ka lindur më 4 Janar 1809, në qytetin francez
të Coupvray pranë Parisit.Babai i tij, një punëtor lëkure,
përdorte shpesh vegla pune të mprehta, në punën e tij.
Ndërsa ishte duke luajtur në dyqanin e babait të tij, kur ai
ishte vetëm tre vjeç, Louisi lëndon syrin e tij të plagosur në
një mjet të mprehtë. Me gjithë kujdesin e mirë, infeksioni i syrit
kaloi nga njëri sy tek të dy ku ai mbetet plotësisht i verbër.
Fatmirësisht, prindërit e Louisit së bashku me priftin e
komunitetit ku ai jetonte dhe mësuesin e tij , ishin të
bindur tek aftësive superiore që ai mbarte si nxënës po ashtu
dhe si fëmijë.Ndaj siguruan çdo mundësi për shërimin dhe
zhvillimin e mëtejshëm në jetën e tij.
5
Louis ishte një fëmijë shumë i shkathët dhe kureshtar,
pavarësisht paragjykimit në klasë të parë si nxënës i verbër , ai
shumë shpejt u shndërrua si lideri i klasës. Louis ishte shumë
intelegjent dhe kreativ, dhe kur ai ishte dhjetë vjeç, ai u
dërgua në Institutin Royal të të Rinjve të Verbërve në Paris ku
mësimi zhvillohej përgjithësisht me anë të dëgjimit. Louis
gjithnjë ka treguar një talent të konsiderueshëm për muzikën,
së pari në piano dhe pastaj në organo.Më 1821 një ish ushtarak
i quajtur Charls Barbier de la Serre shpiku bazat e përdorimit
teknik të ngritjes së pikave për mësimin dhe leximin në reliev.
Objektivi i tj ishte të lejonte ushtarët e tij të hartonin dhe të
lexonin mesazhe natën pa nevojën e ndriçimit. Më vonë Barbier
e përshati dhe e prezantoi pranë Institutit të të rinjve të verbër
duke shpresuar se ato do ta njohin zyrtarisht atë. Instituti e
pranoi atë paraprakisht,kurse Louis vendosi ta studiojë atë
6
me një itensitet dhe vullnet të paepur. Së shpejti ai kishte
zbuluar edhe potencialin e idesë themelore që qelizën presj 12
pikash ta shndërroj në gjashtë pika. Ndaj në moshën 15 vjeçare
Louis e zhvilloi këtë sistem që sot njihet si shkrimi brail. Ai
gjithashtu vazhdoi të përfaqësoj muzikën në shkrimin brail.
Në vitin 1829 publikoi librin e parë në brail ”Të këndosh
këngë dhe të luash muzikë nëpërmjet pikave”. Më vonë më
1937 L.Brail shtoi simbolet për muzikën dhe matematikën. Ai
ishte një mësues i dashur dhe shumë i përkushtuar ndaj
nxënësve të tij. Edhe sot shkrimi Brail njihet në të gjitha gjuhët
e botës (sipas gjuhës amtare të çdo vendi). Mbi 200 vjet, pas
shpikjes së bërë nga Louis Brail me sistemin gjashtë
pikësh, përfitimet nga kjo shpikje mbeten të
pakrahasueshme me çdo teknologji të mëvonshme edhe
pse ekzistojnë kompjutera, sinteza zanore që japin
shembullin kryesor për të plotësuar dhe kontribuar në
shkrimin brail.Pra shkrimi Brail që sot njihet si shkrim i
përdorur për personat me mungesë të theksuar shikimi ka
marrë emrin pikërisht nga L.Brail.
Brail është një sistem i prekshëm pikash, përmes të cilit
shkronjat dhe fjalët janë të përfaqësuara duke përdorur pika të
ngritura, (taktile)dhe kjo kurrsesi nuk është një gjuhë e
veçantë. Në fakt, ka kode të ndryshme të leximit për të verbërit
për gjuhë të ndryshme. Çdo gjuhë ka kodin e tij në shkrimin
brail.
7
II.Si shkruhet alfabeti & numrat brail.
Shkrimi brail është një sistem pikash në reliev që përdored
nga personat me mungesë të theksuar shikimi,për të shkruar
dhe lexuar.Baza e Brailit është një qelizë drejtkëndore,ku
brenda saj mund të realizohen 6 pika të pozicionuara në dy
kolonat vertikale nga tre pika secila, lartësia e pikave është 0.02
inch ose 0.5 mm. Ky sistem braili është rezultat i
mundit,mençurisë dhe fantazisë së Luis Brailit. Ai me punën e
tij ndryshoi përfundimisht metodën e të shkruarit dhe të të
lexuarit të verbërve.
Çdo gërmë e alfabetit është simbolikisht e identifikuar me
një kombinacion të caktuar pikash nga qeliza drejtkëndore 6
pikëshe. Kështu alfabeti shqip me 36 shkronjat e tij ka gjithsej
64 kombinacione pikash për secilën. Përsa iu përket numrave
ata janë identifikuar me gërmat e radhës duke iu
paravendosur prefiksin ose siç quhet ndryshe shenjën e
numrit. Si dhe çdo kod tjetër shkrimi brail është një sistem
pikash i bazuar në një logjikë të caktuar sistemi 6 dhe 8
pikësh. Kjo e bën brailin të jetë jo një gjuhë por një nga
mënyrat e identifikimit të gjuhës,së çdo vendi. Shkrimi brail
gjithashtu mund të shkruhet në dy forma,që janë forma e
8
shkurtuar, dhe e pashkurtuar e thënë ndryshe kategoria e parë
dhe dytë.
Po cila është diferenca mes këtyre dy kategorive?
Braili mund të shkruhet duke përdorur gërmat individuale të
alfabetit,dhe kjo është kategoria e parë,ose duke përdorur shkurtime
ku kjo është ajo që quhet kategoria e dytë e shkrimit brail.Ekziston
një marrëveshje e madhe e diskutimeve në fushën rreth avantazheve
të mësimdhënies së shkrimit Brail të kontraktuar kundrejt atij të pa
kontraktuar.
Mësimi në përdorimin e alfabetik Brail është bërë një temë e
nxehtë në disa shtete,përsa i takon kategorive të dy niveleve të
shkrimit Brail. Gjithashtu i njohur si Brail ose niveli i parë (i
pakontraktuar)termi i referohet kodit brail i cili është përbërë nga
shkronjat e alfabetit, simbolet e pikësimit dhe shenjat e numrit.
Ajo në vetevete përmban 180 rregulla. Ndërsa brail i
kontraktuar(kategoria e dytë) është një sistem më kompleks i
shkronjave plus kontraktimet në fjalë të ndryshme. Braili i
kontraktuar ka përdorim të gjerë në shumë vende si:
Danimarkë,Gjermani,Francë,Angli,Itali,Portugali etj.
Përdorimi i kategorisë së dytë të shkrimit brail shquhet për
kursimin e letrës, dhe për shpejtësinë e të lexuarit dhe të
shkruarit nga personat e verbër. Përpos kategorive të ndryshme
9
shkrimi brail ekziston dhe në forma të tjera si braili
letrar,muzikor,nemeth,madje shpesh herë pyetjes: Është braili
“jasht mode”?, i përgjigjemi se ai ka qenë gjithnjë një shok
“aktiv”në jetën e personave të verbër.
Ai ka hapur dyert e pavarësisë si në ambientet e shtëpisë dhe të
punës,edhe pse ka shumë mënyra për të marrë dhe dhënë
informacion(audio,elektronikë).Brail mbetet një mjet thelbësor për
pavarësinë e personave të verbër.
Numrat arab në brail.
1 2 3 4 5
6 7 8 9 10
10
Alfabeti i gjuhës Shqipe në Brail.
A B C Ç D DH
E Ë F G GJ H
I J K L LL M
N NJ O P Q R
RR S SH T TH U
V X XH Y Z ZH
11
Alfabeti Shqip në gjuhën e pikave (në brail) është
përgatitur nga Dilaver Zgjani, dhe Liri Kamberi bazuar në
alfabetin francez të Luis Brailit. Ky alfabet është miratuar nga
Ministria e Arsimit në vitin 1963 si alfabeti zyrtar i të verbërve në
Shqipëri. Shenjat në shkrimin brail përftohen duke u kombinuar
me gjashtëdhjetë e katër kombinacionet e lartëpërmendura. P.sh
nëse shkronja a shkruhet vetëm me pikën 1 këtë shkronjë për t’a
veçuar si shkronjë të madhe i vendosim para pikën katër dhe
gjashtë. Po kështu përftohen të gjitha kodet apo shenjat të të
gjitha disiplinave në sistemin Brail.
A B C-ja Brail
12
III. Pajisjet tifloteknike për përdorimin e shkrimit brail.
Ashtu si për shkrimin normal që përdoret letër dhe
stilolaps apo një mjet tjetër që shkruan,në të njëjtën mënyrë
shkruhet dhe shkrimi brail. Veçse në këtë rast pajisjet nuk janë
më letra dhe stilolapsi por biza dhe pllaka. P ër të shkruar
brail në mënyrë individuale përdorim shkrues braili(orig.
brailwriter), pllakë-bizë,makinë.
Përveç kësaj, janë pajisje të shumta elektronike dhe me bazë
software që mund të përdoren për të prodhuar Brail.
Për sa i takon pllakës dhe bizës theksojmë se letra në të cilën
shkruhet brail,nuk është një letër e zakonshme, por letër me një
peshë specifike për të shkruar këtë shkrim. Pllaka është një mjet
metalik,por jo vetëm e cila kryen funksionin e mbajtjes së
letrës,me anë të disa kunjave që ndodhen në një krah të pllakës,ku
këto do të puthiten me vrimëzat e tyre në anën tjetër të pllakës.
Pllaka është e formave, madhësive dhe e përbërjeve të ndryshme.
Pllaka dhe biza përdoren bashkë për të shkruar shkrimin
brail.Biza është një mjet tifloteknik ku maja e saj është e përbërë
prej hekuri,dhe doreza mund të jetë prej druri,kauçuku etj.,por
13
mund të jetë dhe në forma të ndryshme,ku personi i verbër
vendos gishtin(tregues) për të shkruar në letër.
Bizë braili për pika të mëdha,me
dorezë kauçuku,me majë metali realizon pika braili të
përmasave të mëdha,ku funksioni i saj bën që materiali të
jetë më i lehtë dhe më i shpejt për tu lexuar.
14
Bizë braili në formë kërpudhe.
Me majë metali,dhe dorezë prej druri.
Bizë braili në formën e një harku të
theksuar, kjo bizë është më komode për t’u përdorur,
sepse e ka shumë të theksuar vendosjen e gishtit
tregues,ku personi me të cilën shkruan ushtron presion
mbi fletë pa vështirësi.
15
Makina e shkrimit brail
është një lloj tjetër pajisje tifloteknike, që përdoret për të shkruar
në shkrimin brail. Kjo pajisje shkruan më shpejt se sa me pllakë
dhe me bizë. Kjo të lejon që të shkruash në mes të rreshtit,në fund
të rreshtit apo dhe fletës. Madje të jep akses për të lënë
hapësirat e dëshirueshme në tekst,duhet theksuar se mënyra e
vendosjes së letrës dhe heqjes së saj është më komode sesa tek
pllaka dhe biza.
16
Perkins SMART Brail
SMART Perkins Brail ka një ekran të vogël video të
bashkangjitur në pjesën e përparme të brailwriter që tregon
shkrimin Brail dhe në shkrim të rrafsht me font të zmadhuar, që
është e kombinuar dhe me audio. Kjo i lejon përdoruesit për të
redaktuar, ruajtur dokumente dhe për të transferuar dokumente
elektronike nëpërmjet USB-së.
17
Gjithashtu për të shkruar dhe lexuar Brail kemi pajisjen
BrailNote e cila na ofron një zgjidhje shumë komode dhe
bashkëkohore.Kjo pajisje është e përbërë nga 32qeliza braili,dhe
me nëntë çelësa tastiere.Brail Note shërben për të nxjerrë
informacion dhe në ekran me anë PC-së.
18
Ekziston dhe brailliant 32, i cili të jep akses për të
përdorur usb-në.Është i pajisur me
bluetooth(blututh),mban bateri deri në 30 orë.Edhe ky
lloj është i përbërë nga 32-40-80 qeliza brail,ashtu siç
dhe emërtohet.Kjo pajisje përbëhet nga nëntë çelësa
tastiere,dy taste ndarje(spacebars),dhe gjshtë çelësa të
komandës.
19
Brail Mountbatten është një makinë elektronike e
përdorur për të shkruar Brail, notetaker dhe embosser. Ajo
integron teknologjinë moderne kompjuterike dhe ka aplikacione
për të shkruar brail,për të lexuar dhe për të ruajtur dokumenta
të ndryshme. Kjo pajisje funksionon dhe duke u lidhur me PC-
në. Gjithashtu ka mbështetje audio për të gjitha operacionet e
saj. Kjo teknologji është adaptive dhe është projektuar për të
përmbushur nevojat e nxënësve të verbër në mjedisin e sotëm,
sidomos në mësimin Brail si një mjet themelor për shkrim dhe
këndim.
20
PAC Mate është asistent të dhënave personale (PDA) për
njerëzit që janë të verbër ose me shikim të dëmtuar. Ajo ofron
ord xhep, Internet Explorer, indos Media Player, dhe programin
JAS që është instaluar në të,gjithashtu përfshin një ekran Brail,
GPS softare, programin Daisy, por mund të shtohen dhe
programe të tjera.Kjo pajisje ekziston në gjashtë modele të
ndryshme,përfshin nga 20 deri në 40 qeliza brail.
21
Shkrimi brail së fundmi po paraqitet ndjeshëm në fushën e
teknologjisë përsa i përket pajisjeve të ndryshme tifloteknike që
prodhojnë brail.Gjithmonë këto pajisje kanë një kosto më të
lartë sesa pajisjet e tjera,sepse jo të gjitha vendet mund të
prodhojnë pajisje teknologjike për personat e verbër.
Pavarësisht zgjedhjes së një pajisjeje të veçantë,dhe vendit ku
bëhet kjo pajisje është e bazuar në disa pyetje themelore.
-Cili është qëllimi i pajisjes?
-Ku do të përdoret?
-Cilat janë nevojat dhe aftësitë e nxënësve?
-Cila është kostoja?
-Sa e rëndësishme është transportueshmëria?
22
Braille Display
Avantazhi i (Brail display) vizualizuesit brail është në
qasjen e saj të drejtpërdrejtë të informacionit, aftësia për të
kontrolluar formatin, hapësirën dhe drejtshkrim, dhe nuk është
e zhurmshme. Kostoja e Brail display është $3,500 deri $15,000,
e ndryshme në varësi të karaktereve që shfaq në ekran.
23
Printera Brail që ofrojnë printimin i një informacioni të
kopjuar(hardcopy) nga pajisjet kompjuterike. Pasi është
dërguar informacion që do të jetë në brail(brailohet) nga pajisjet
kompjuterike, printerat brail bëjnë aktualisht printimin brail
mbi letër.Ata janë printera “homolog” me printerat me bojë,por
ato ndryshojnë në atë që ata përdorin(në vend të bojës, kunja).
Kunjat(kunja të holla metalike që shkruajnë në reliev)ato zakonisht
printojnë letër me peshë të rëndë,dhe kur materaili do të shtypet
në brail kërkon më shumë letër sesa kur printohet në shkrim të
rrafshët. Këta printera printojnë në dy ose në një anë të faqes.
Çmimi i një printer Brail varion në varësi me vëllimin e
prodhimit Brail $1,800 dhe $5,000 për prodhimin me volum të
vogël, dhe mes $10,000 dhe $80,000 për prodhime me volum të
madh.Hapi i parë në konvertimin e një skedar kompjuterik në
një dokument brail është zgjidhja e llojit të shkrimit
Brail.Kostoja e programeve përkthyese brail është mes $200 dhe
$500, varësisht nga ndërlikimi i programit.
24
Pajisjet e paraqitura më lart, janë mjetet e punës për
nxënës,instiucione,studentë dhe çdo person me mungesë të
theksuar shikimi,që përdor apo do të mësoj shkrimin dhe
leximin Brail.
25
IV. Karakteristikat e shkrimit brail. Ashtu si çdo gjuhë ka karakteristikat e veta gjuhësore,pra ka
drejtshkrimin e vet dhe ligjet e veta fonetike,morfologjike dhe
sintaksore edhe braili që është identifikimi i gjuhës së çdo vendi
ka karakteristikat e tij në uniform me brailin e çdo gjuhe të botës.
Është e vërtetuar shkencërisht tashmë se me anë të shqisës
së të parit qenia njerëzore merr 90-të përqind të informacionit.
Në mungesë të kësaj shqise personat e verbër kryesisht të grupit
të parë( verbëria ndahet në dy kategori:1.Verbëri e plotë & 2.Verbëri
e pjesshme)marrin informacion duke vënë në funksion me
efiktivitet të plotë të gjitha shqisat e mbetura. Si shqisën e
dëgjimit,prekjes etj.,për këtë tek këta persona është zhvilluar
shumë shqisa e të prekurit.Ku ata marrin informacione të
shkruara në Brail,nëpërmjet mollëzave të gishtave ,ku lexojnë
me anë të këtyre mollëzave.
26
Karakteristikat e shkrimit Brail
Braili lexohet nga shqisa e të prekurit.
Personat e verbër, lexojnë me anë të mollëzave të
gishtave,ku me anë të ndjeshmërisë së të prekurit ata
arrijnë të identifikojnë shkronjat,numrat dhe çdo gjë që
është e shkruar në tekst.
Madhësia e pikave është e standardizuar dhe nuk mund
të ndryshohet si në shkrimin e rrafshët (normal),që
mund ta ndryshojmë madhësinë e shkrimit me një të
shtypur të mausit. Gjithashtu dhe veçoritë e shkrimit
bold,italik kuptohen me anë të një kodi që i vihet para
shkronjës apo numrit.
Një karakteristikë tjetër e brailit është hapësira që ai
zë kur transkriptohet. Kjo është pyetja ku njerëzit
shpesh habiten, sesi një libër apo një tekst çfarëdo
27
mund të dalë dy- tre herë më shumë kur ai
transkriptohet. Për këtë të gjitha tekstet në brail
printohen në të dyja anët e fletës.Kjo për të kursyer
fletë,dhe kohë.
Kostoja,është karakteristika apo dhe “problemi” më i madh në brail. Një libër shkollor për një nxënës të verbër arrin një kosto disa herë më të madhe sesa kostoja për një libër të zakonshëm. Kjo lidhet me koston e letrës pasi volumi dhe pesha e një libri tekst brail është disa herë më e madhe se ajo e një libri normal. Gjithashtu, cilësia e letrës është ekstra duke u prodhuar posaçërisht për këtë lloj shkrimi specifik.
Madhësia dhe hapësira e pikave të Brailit.
Pikat e printuara janë të rregulluar në mënyrë të
barabartë në hapësirat mes njëra -tjetrës të quajtura
qelizë. Dhe duhet të jenë uniforme brenda çdo
transkriptimit të caktuar. Pikat e secilës qelizë duhet të
jenë lehtësisht të dallueshme nga të prekurit dhe
lartësia e tyre duhet të jetë e mjaftueshme për tu
lexuar me lehtësi.
28
29
V. Rëndësia e shkrimit Brail.
Edhe në një botë të teknologjisë së lartë, braili është dhe
mbetet një mundësi për arsimin dhe edukimin e personave të
verbër.Braili është ekuivalente me shkrimin e rrafshët për
personat me mungesë të theksuar shikimi.
Sipas shtypit Kombëtare të Brailit , asgjë nuk e zëvendëson
aftësinë për të lexuar në brail. Kasetat ,CD-të e regjistruara dhe
sintezat zanore janë mjete të dobishme dhe të përdorshme, por
ato asnjëherë nuk mund të zëvendësojnë aftësinë për të lexuar
dhe shkruar.
Statistikat e punësimit dëshmojnë se të përdorësh
shkrimin brail është thelbësore për të jetuar në mënyrë
produktive dhe të pavarur për njerëzit që janë të verbër.
Rritja e përdorimit të leximit Brail, rrit punësimin për ata që
janë të verbër në të njëjtën kohë duke hapur mundësi për
pavarësi personale dhe financiare.
Shumë të vlefshme për mësimin e shkrimit brail,sidomos tek
moshat e vogla janë dhe dhe programet parabrail. Këto
programe janë të dobishme për ato prindër, mësues që duan të
mbështesin aftësitë e fëmijëve të tyre para së të mësojnë të
shkruajnë dhe të lexojnë brail.
30
Ky program ka akses multi-shqisor për gatishmërinë e të
lexuarit,për të ndërtuar konceptin e zhvillimit të aftësive
motorike,për të zhvilluar të dëgjuarin dhe aftësinë e prekjes.
Gjithashtu kjo strategji e të përdorurit programe para brail,e
ndihmon fëmijën që të ketë interes në leximin e këtyre librave.
Para se fëmijët të fillojnë një program zyrtar(në shkollë) me
shkrim Brail, ata duhet të jenë në gjendje ti kushtojnë disa
minuta në ditë të mësuarit brail. Duhet të kenë aftësinë për të
Qeliza Brail
=123=
456
31
kontrolluar gishtat e tyre,kur secili nga gishtat kryen një
funksion.
Shumë edukator mendojnë se përdorimi me baltë /argjilë
apo dhe me materiale të tjera të artit rrit ndjeshëm fuqinë e
dorës(fuqinë e të prekurit-ndjesinë)tek fëmijët.
Eduaktorët,prindërit gjatë punës me fëmijët mund të këndojnë
këngë,të thonë poezi,apo dhë ti krijojnë vetë aty për aty me
qëllim që fëmijët të arrijnë të veçojnë gishtat e tyre.Kështu
fëmija parapërgatit një aktivizim të plotë të dorës,tashmë ai ka
një “përvojë”me lëvizshmërinë e dorës dhe me gishtat,ai/ajo e
di se me anë të gishtave do të lexojnë dhe shkruajnë brail.
Edukatorët sipas programit parabrail,mësojnë fëmijët të
shkruajnë dhe të lexojnë dhe pse jo në mënyrë
formale.Dalëngadalë fëmijët e nivelit parashkllor mund të
realizojnë dhe të shkruajnë mesazhe që mbartin kuptim.
Kjo mund të motivoj dhe të formësoj aftësitë gjuhësore të të
folurit të tyre.Fëmijët duhet ta shikojnë brailin si
“mjet”zbavitës,kuptimplotë,dhe zhvillues.
Braili zbavitës,kuptimplotë,zhvillues
32
Bëjeni atë zbavitës
1. Theksojmë që kënaqësia e brailit është të zbavitesh me të.
Ekziston një shprehje se "loja është puna e fëmijëve”.
Është e rëndësishme për fëmijët me dëmtime shikimi të jenë të
gëzuar gjat leximit dhe shkrimit Brail, sesa ta shikojnë atë si një
detyrë të rëndë që është për t'u realizuar .
Të rriturit mund ta bëjnë brailin më argëtues për fëmijët duke
përfshirë idetë e fëmijëve në çfarë ata lexojnë dhe shkruajnë, në
mbajtjen e seancave të shkurtra mësimore, dhe në modelimin e
kënaqësisë së tyre në shkrimin dhe leximin brail.
(" Oh, kjo është një shenjë(braili) krejt e re,në faqe.Pikat janë kaq
të bukura dhe te brishta! "Shikoni sa shpejt do ti shkruaj unë
numrat 1-2-3-4-5.") Një tjetër mënyrë e mrekullueshme për të
sjellë gëzim gjatë shkrimit Brail është të bëhemi palë me
muzikën,këngën si p.sh. duke kënduar një këngë të alfabetit
ndërsa shkruajmë shkronjat abc.
2. Jepni fëmijëve mundësi për të eksploruar leximin dhe
shkrimin brail me shaka(lojë).
33
T’i lëmë fëmijët të pretendojnë sikur ata lexojnë, lëvizin
gishtat e tyre nëpër faqe të librit , edhe në qoftë se ata nuk kanë
asnjë ide se çfarë shkronjash dhe fjalësh lexohet.
Lejoni ata të formojnë modele dhe të përpiqen të shkruajnë
përpara se ti pyesni ata se çfarë simbolesh brail kanë
shkruar.Kjo mund të përfshij fëmijët thjesht duke shtypur
ndonjë tast(të makinës së shkrimit)derisa ata të arrijnë në fund të
rrjeshtit, ose duke krijuar një model poshtë-lart dhe lart -poshtë
duke shtypur pikën 3, pastaj 2, pastaj 1, pastaj 4, pastaj 5, pastaj
6 ose duke bërë një grafik-taktil të thjeshtë nga alternimi i
pikave 1-2-4-5 me pika 2-3-5-6. Ato mund të përfshihen duke
pretenduar se po shkruajnë: duke shtypur taste të
rastësishme,ndërsa tregojnë dhe një histori,tamam siç bëjnë dhe
fëmijët që shikojnë.Që “shkarravitin” në fletë të bardhë me
idenë që po shkruajnë.Fëmijët zakonisht marrin kënaqësi të
madhe për të bërë atë çfarë vërejnë tek të rriturit dhe më të
mëdhenjtë,dhe madje më shumë kur bashkohen me të rriturit
dhe lexojnë përsëri çfarë ato kanë shkruar.
3. Të gjitha përpjekjet për të lexuar dhe shkruar brail,duhet
filluar me entuziazëm nga ana e fëmijëve që në fillim të
34
programit mësimor.Pastaj gradualisht fëmijët të udhëhiqen nga
të rriturit që të mbajnë një qëndrim korrekt të trupit,kur
shkruajnë dhe kur ushtrojnë dorën, për të lexuar dhe dëshifruar
fjalët korrektësisht.
Një element argëtues i përfshirë në shkrimin brail ju jep
fëmijëve lirinë të përpiqen për ta mësuar brailin pa pasur nevojë
që t’i përmbahen rregullave strikte,kur ata nuk janë zhvillimisht
gati për të lexuar. Megjithëse disa fëmijë do të jenë të motivuar
të formojnë karaktere korrekte me përdorimin e gishtave
korrekt që në fillim, të tjerët do të dekurajohen lehtë në qoftë se
çdo përpjekje është ndrydhur për shkak se një tast që është
shtypur me gishtin e gabuar ose një karakter që është në të
kundërtën e tij p.sh.:në vend të d-së, të shtypet f-ja.
Duke pasur parasysh këtë, një praktikë e suksesshme është
përgjigjja me entuziazëm e të gjitha përpjekjeve për të lexuar
dhe për të shkruar, madje edhe kur ato janë të pasakta, pastaj
gradualisht presin një saktësi dhe korrektësi më të madhe.
35
Këto shishe të ekstrakteve mund të krahasohen me kartën Brail për një aktivitet që është edhe zbavitës edhe kuptimplotë.
2.Bëjeni atë kuptimplotë(brailin) 1.Lejoni fëmijët që të përjetojnë tërë aktivitetin e “punës” nga
marrja e një libri,makinës së shkrimit,letrës duke i përdorur ato
dhe duke i vendosur përsëri në vendin ku i kanë marrë.I tërë ky
aktivitet merr kohë për një fëmijë me mungesë të theksuar
shikimiduke ecur drejt raftit,duke marrë letra,brailrajter-
in(orig.brailriter),duke i mbajtur këto tek tavolina e tij/e saj,duke
mbushur brailrajter-in(orig.brailëriter)me letra,dhe duke i
shkruar ato në brail,më vonë duke marrë letrën e shkruar dhe
duke e magazinuar (ruajtur)në raftin e tij/saj.
Sidoqoftë,pjesëmarrja në tërë këtë aktivitet lejon fëmijën të
36
kuptoj procesin e shkrimit dhe leximit dhe të zhvilloj zakone të
pavarura në shkrim dhe leximin brail.
Megjithatë është e rëndësishmë për fëmijën e verbër,ti bëj
veprimet e tij (kur dëshiron të shkruaj pra:të marrë letrën,ta
vendos në brailraijter,ta shkruaj ta magazinoj etj.)në mënyrë
periodike,ose së paku të marrë pjesë vetë në vendosjen/vënien
e hapave të rregullt.
2.Lejoni fëmijët të dëshmohen si të rritur duke lexuar dhe shkruar
brail.
Fëmijët që shikojnë plotësisht shohin të rriturit si ata lexojnë libra,
shënime,menu,instruksione etj.dhe si shkruajnë shënime,lista etj..
Duke u dëshmuar si të rritur,ata fillojnë të shkruajnë dhe të
lexojnë,fëmijët që shikojnë mësojnë rreth mjeteve të shkrim-
leximit,teknikave,dhe qëllimit për të shkruar dhe lexuar.
Me këto modele, ata bëhen të motivuar për të lexuar dhe shkruar
vetë.E njëjta gjë duhet të ndodh dhe me fëmijët që nuk kanë
aftësinë për të parë.Përdoruesit e ardhshëm të brailit kanë nevojë
për këto modele të njëjta. Për të kryer këtë, edhe në qoftë se të
rriturit lexojnë brailin vizualisht dhe jo me të prekur,ata mund të
hapin librat e tyre brail,kur ata janë ulur pranë fëmijëve duke
etiketuar qartësisht çfarë ata po bëjnë. ("Unë mendoj se unë do të
lexoj këtë histori. Oh më pëlqen kur e prek disajnin e
37
kopertinës.Tani do të kthehem tek faqja dhe të lexoj kush është
autori “)
Të rriturit mund të ndërmjetësojnë që ato të shkruajnë,të njëjtin
material që kishin lexuar me zë të lartë. "Unë mendoj se kam për
detyrë për të shkruar këtë numër telefoni, kështu që nuk do ta
harroj atë.Le të shikojmë cilat pika janë shenjat e numrit? "Apo"
Unë jam duke shkuar për të bërë listën e të gjithë fëmijëve të
klasës.Unë do të filloj me shenjën kapitale…”
Kjo paraqitje drejt qëllimeve dhe metodave të të shkruarit do t’i
shpie fëmijët drejt disa hapave të shkruarit brail shpejt dhe në
mënyrë korrekte,dhe kjo do ti motivoj ato të shkruajnë më mirë.
3. Harmonizimi i të lexuarit dhe të shkruarit, në mënyrë që fëmijët
vazhdimisht të lexojnë përsëri atë çfarë ata kanë shkruar
vetë.Leximi dhe shkrimi i brailit janë plotësisht procese me vete(të
ndara).Së pari, ata janë të bazuara në sisteme të ndryshme shqisore.
Leximi Brail është taktil dhe motorik; pikat janë të ndjeshme
përmes receptorëve në mollëzat e gishtave, si ato lëvizin përmes
rrjeshtave. Të shkruarit e brailit është kinetik/forcë shtytëse dhe
motorike;
Pikat janë të formuara duke lëvizur gishtat të cilët shtypin tastet
specifike tek një makinë shkrimi brail.Së dyti kur Braili
38
është shkruar me një brailwriter, të lexuarit dhe të shkruarit janë të
bazuara në faqosje të ndryshme të gjashtë pikave.Braili është
prodhuar nga një deri në gjashta grup pikash.Me gjashtë tabe në
linjë horizontale të prodhuara nga majtas –djathtas,pikat 3-2-1 me
dorën e majtë dhe 4-5-6 me dorën e djathtë.Braili është lexim në dy
nga tre grupe:pikat 1-2-3 në kolonën e parë dhe 4-5-6 në kolonën e
dytë.Duke pasur parasysh këto dallime, fëmijët duhet të
harmonizojnë të lexuarit dhe të shkruarit duke shkruar disa
karaktere, duke prekur dhe ndjerë çfarë ata kanë shkruar etj.Kjo
përcakton fazat për më shumë advancim në procesin e shkrimit
dhe leximit brail,ku studentët,fëmijët mund të shkruajnë shënime
paraprake/fillestare, mund të shkruajnë një plan apo një shkresë
fillestare,mund ta përsërisin atë ç’ka ato kanë shkruar,derisa ato
mund ta shkruajnë përfundimisht.
4. Qasja mekanike e të shkruarit dhe të lexuarit brail brenda
kuadrit më të gjerë në të shkruarin dhe lexuarin brail.
Jepni fëmijëve mundësinë për të shkruar karaktere Brail të cilat
janë kuptimplotë dhe funksionale për ta sa më shpejt të jetë e
mundur. Fëmijët janë shpesh të motivuar të lexojnë dhe shkruajnë
emrat e tyre, dhe ato të shokëve të tyre dhe anëtarët e familjes.
Fëmijët të cilët shpesh pyesin, "Çdo të shkruaj pastaj?" mund të
realizojnë detyrat e një plani të thjeshtë
39
ditor,të vendosur në cep të tavolinës së tyre. Jepni vëmendje mbi
leximin dhe shkrimin e mesazheve të cilat kanë një kuptim për
fëmijët, madje edhe kur leximi i tyre dhe aftësitë e të shkruarit janë
jashtëzakonisht të pakta,dhe jo cilësore.
40
3. Bëjeni atë zhvillimor.
1. Lejo disa pjesë të mësimeve ti udhëheq fëmija, lejo fëmijët të
zgjedhin që çfarë ato të shkruajnë me makinën e shkrimit. Kjo
mund të ofrojë më shumë funksionalitet më shumë motivim në
programet e mësimit Brail.Për shembull:në paraqitjen e një
shkronje specifike të alfabetit ,mësuesi mund të lejoj fëmijën të
selektoj një listë të fjalëve që fillojnë me këtë shkronjë.Në
mënyrë të ngjashme, fëmijët mund të jenë shumë më të
motivuar për të lexuar dhe shkruar listat e anëtarëve të familjes,
lodrat e tyre të preferuar, ose emrat e ushqimeve të preferuara.
2.Në sekuenca të përbashkëta, shkrimi dhe leximi i karaktereve
brail,ndërtohen nga simetrikja tek asimetrikja,nga më pak pika
deri tek më shumë pika. Përveç kësaj, me shkrimin Brail,
përpjekja fillon me shkronjat që përdoren gishtat e parë dhe të
dytë të secilës dorë (pikat 1,2,4 dhe 5), pastaj duke shkruar
shkronja me gishtat e tretë (pikat 3 dhe 6.) (Një shembull i një
shkronje simetrike Brail është "X" dhe një shkronjë asimetrike
Brail është "M."Në aspektin e numrit të pikave,shkronjat brail
“A” dhe “B” kanë më pak pika, respektivisht me një ose dy pika
,ndërsa “Q” dhe “Y”kanë më shumë se pesë pika secili. “G” nuk
41
është lehtësisht e kundërt me shkronjat e tjera,ndërsa lexuesit e
rinj zakonisht ngatërrojnë “E” dhe “I”, “M” dhe “U”, “R” dhe
“”, dhe “D”, “F”, “H” dhe “J.”). Megjithatë të gjitha programet
për shkrimin brail e marrin parasysh,parimin e simetrisë me të
asimetrisë,nga pak tek më shumë pika.Ose shkronjat që ngjajnë
si ndryshim vendesh p.sh. kur mësojnë shkronjën “R”
njëkohësisht mund të mësojnë dhe shkronjën “W”,duke ju
mësuar se është si “R” por është mbrapsht. Gishtat e parë dhe të
dytë të secilës dorë janë zakonisht më të fortë sesa gishtat e
tretë,kështu “A”në brail (pika 1) ndoshta do të jetë më e lehtë
për tu formuar sesa shenja kapitale (dot 6.)
3.Të filloj me planifikimin e mësimeve që kërkojnë më pak kohë,
dhe të presin për efikasitet deri në fund të programit mësimor.
Fizikisht braili kërkon kohë për të lexuar në mënyrë korrekte
dhe për pozicionuar gishtat e dorës në mënyrë korrekte,për të
lejuar ndjesitë e drejtimit të gishtave të tyre mbi rrjeshtat
brail,dhe për të forcuar çdo gisht,veçanërisht për shtypjen e
tasteve për pikat tre dhe gjashtë.Ai gjithashtu merr kohë për
fëmijët për të patur efikasitet në lexim dhe shkrim,kryesisht në
shkronjat me më shumë pika.Prandaj, mësimdhënia në
shkrimin Brail për moshat parashkollore mund të filloj vetëm
me mësime pesë ose dhjetë minutëshe,pastaj duke rritur
42
gradualisht kohën e mësimdhënies.Ndërsa kur mësimet janë më
të avancuara,ato bëhen dhe më të gjata dhe si rrjedhojë dhe
pritshmëritë janë më të gjata.
Asimilimi i programit parashkollor sjell efikasitet tek moshat e vogla.
43
Shkrimi brail përpos rëndësisë që ka tek moshat e vogla ai ka
një rëndësi tejet të madhe përsa i takon të mirave që ai i falë
personave të verbër që e njohin dhe e përdorin atë.Ai u jep
individëve të verbër mundësinë për të mësuar shkronja,
fjalë, numra dhe koncepte në të njëjtën mënyrë si i mëson një
individ jo i verbër.
Përse duhet të mësojmë brailin?
Ai është një sistem pikash që paraqet informacionin
në reliev. Ai është i barabartë me shkrimin e rrafshët.
Alfabeti, numrat, simbolet në muzikë, dhe çdo simbol
tjetër që shfaqet në tekst apo libër mund të
transkriptohet dhe në brail por me rregullin apo me
parimin e kombinimit të gjashtë pikave brenda qelizës
Brail.
44
Brail mundëson një individ të:
- Të qëndroj në një nivel të barabartë me persona jo të
verbër në shkollë dhe në vendin e punës duke pasur të
njëjtën qasje, siç ka personi jo i verbër me materialet e
shkruara në shkrim të rrafshët.
- Të mësoj matematikë dhe shkencë nga të lexuarit dhe
shkruarit në brail të numrave, ekuacioneve, formulave dhe
statistikave në vend që të mbështetesh vetëm në kujtesë,(t’i
mësojnë me anë të kujtesës).
- Të mësoj gjuhë të huaja me anë të ortografisë,
theksit të fjalës,dhe derivimeve të fjalës.
- Të absorboj materiale komplekse duke i përjetuar atë
hapësirë.
45
Braili është I barabartë me punësim.
Disa studime kanë treguar se njerëzit që janë të verbër dhe e
dijnë alfabetin kanë shumë më shumë gjasa që të jenë të
punësuar se sa ata që mbështeten në sintezat zanore. Edhe pse
përparimet teknologjike tani u japin njerëzve shumë ndihmë
ata nuk e zëvendësojnë nevojën për mësuar brail. Një person
i cili e njeh brailin është statistikisht më shumë i preferuar që
të jetë i punësuar. Kjo është e vërtetë sot dhe do të vazhdojë të
jetë e vërtetë përgjithnjë. Teknologjia është e
mrekullueshme,dhe gjithnjë përballemi me risi të reja por
theksojmë se ajo nuk do të jetë një zëvendësim për aftësi
themelore shkrim e këndim.
Braili është i barabartë me Pavarësi.
Braili është si një gur ndërtimi i të lexuarit. Leximi dhe
shkrimi brail është një gur ndërtimi i pavarësisë,në jetën
e një individi të verbër. Për fëmijët e verbër ku shikimi
nuk lejon që ato të lexojnë dhe të shkruajnë në libër, Braili është
rruga për shkrim e këndim.Fëmijët të cilët mësojnë alfabetin
herët, zakonisht bëhen jashtëzakonisht të shpejtë dhe
kompetent në leximin brail. Fëmijët kanë një avantazh nga të
rriturit ata mësojnë më shpejt. Për të lexuar pa njohjen e
shkrimit Brail, një person që është i verbër është
46
plotësisht i varur nga kompjuterat me sintezë
zanore,regjistrimet apo shoqëruesi i tyre i cili i lexon atij tekstet
në Brail.Përveçse duke u përdorur për të lexuar të gjitha llojet e
teksteve shkollore dhe dokumenta, Braili është i dobishëm në
mënyra të tjera të ndryshme. Braili mund të përdoret në
shtëpi për etiketim të gjërave të ndryshme, për shembull,
kaseta, CD, rroba, fije, erëza, kanaçe e ushqimit, shishe vere,dhe
disqe kompjuteri. Në shkollë, një student i cili ka probleme të
të parit dhe e njeh shkrimin brail mund të marrë shënime
duke përdorur pllakën dhe bizën. Fëmijët mund të shkruajnë
mesazhe personale dhe të lënë shënime për prindërit,miqtë të
afërmit e tyre.
Braili është i barabartë me zgjedhje.
Sado që teknologjia përparon mësimi i shkrimit Brail është i
pazëvendësueshëm është si të mohosh një gjuhë,dhe pse braili
është identifikim i një gjuhe.Fëmijët të cilët u është mohuar
braili u është mohuar një mundësi e barabartë për tu
shkolluar.Ne duhet ti japim çdo fëmije shansin për tu integruar.
47
VI. Përdorimi i shkrimit brail në Shqipëri.
Megjithëse përdorimi i alfabetit brail në botë i ka fillesat që
në shekullin 19-të në Shqipëri ai filloi të përdorej shumë më
vonë. Për herë të parë në Shqipëri sipas të dhënave jo zyrtare
braili filloi të përdoret në mënyrë sporadike në vitin
1941.Ky shkrim u soll nga një student shqiptar i verbër
që kish mbaruar studimet e larta për piano në Athinë. Nga
fundi i këtij viti nëpërmjet një kursi privat mësuan të shkruajnë
dhe të lexojnë në sistemin brail dy të verbër nga qyteti i
Korçës Rexhep Zemblaku dhe Petrit Koprencka. Gjatë viteve
50 u rrit relativisht numri i të verbërve
që përdorin brailin.
Braili kryesisht përdorej për plotësimin e nevojave të të
verbërve në drejtim të shkollimit të tyre, për mbajtje shënimesh,
për transkriptim të lëndëve të ndryshme në mënyrë të
shkurtuar,për mbajtje ditaresh, për letërkëmbime midis të
verbërve brenda vendit por dhe me persona të verbër jashtë
vendit. Mjaft të verbër ushtronin profesionin e këngëtarit apo
të instrumentistit. Kështu opinioni i gjerë pranoi se të verbërit
janë të aftë në fushën e muzikës dhe për pasojë edukimi i tyre
në këtë fushë nuk përbënte ndonjë
problem. Prezenca e këtyre shembujve në opinionin publik
48
si dhe informacionet e ardhura nga Bashkimi Sovjetik dhe
vendet e tjera të ish kampit socialist i shtynë drejtuesit e
Ministrisë së Arsimit të asaj kohe që të mendojnë për krijimin e
Institucioneve të posaçme arsimore ashtu siç ekzistonin dhe në
këto vende.Hapi i parë u bë në vitin 1958 me dërgimin në
Bashkimin Sovjetik dhe në vende të tjera të studentëve
shqiptarë për të studiuar për defektologji. Shumica
prej tyre nuk arritën ti mbarojnë studimet për shkak të
rrethanave historike që tashmë dihen duke u kthyer dhe duke i
përfunduar studimet në Shqipëri. Ndërkohë personat e verbër
ishin bërë më insistues për t’u integruar më mirë në arsim, ku
në mjaft raste ata arritën të bindin autoritet e shkollave dhe të
pajisen me dëftesa si gjithë të tjerët dhe jo të marrin pjesë thjesht
si dëgjues në orën e mësimeve. Me vendim qeverie numër 64 në
Prill të vitit 1963 të qeverisë Socialiste të Shqipërisë, q e ve r ia
hapi “Institutin për fëmijët shurdhmemec dhe të verbër”. Ku
me inisiativën e Shoqatës së të Verbërve të Shqipërisë në vitin
1993 ky Institut u nda nga nxënësit shurdhmemec dhe mori
emrin instituti i nxënësve që nuk shikojnë:”Ramazan Kabashi”.
Që nga viti 1963 e deri më sot ky institut ka në përdorim
literaturën në shkrimin brail.Ky shkrim është regjistruar pranë
UNESCO-s në vitin 1990 nga ministria e Arsimit të Republikës
Popullore Socialiste të Shqipërisë. Duhet
49
theksuar se përhapja e shkrimit brail ka qenë gjithnjë në
fokusin e shoqatës së të Verbërve të Shqipërisë. Me përpjekjet e
veta herë pas here ka siguruar bazën teknike për shkrimin brail,
por kjo nuk mjaftonte. Në vitin 2002,u ngrit linja e prodhimit të
librave Brail financuar nga fondacioni “Effatha” në kuadër të
projektit:”Njerëzit e verbër pjesë e integrimit të Shqipërisë në
Europë”. Për përhapjen e shkrimit brail në Shqipëri QKRV-ja
përgatiti alfa-abetaren,si tekst bazë për mësimin e shkrimit brail
në Shqipëri.
Sot QKRV-ja bashkë me Shvsh-në,i kanë dhënë një rëndësi të
veçantë shkrimit brail,ku në kuadër të përhapjes dhe zhvillimit
të këtij shkrimi Shvsh-ja ka bashkëpunuar me fondacione të
ndryshme për të zhvilluar më tej këtë shkrim.Përmendim
fondacionin Adra Albania,dhe fonadacionin: “Vodafone
Albania”i cili ka bashkëpunuar dhe më parë me shoqatën e të
verbërve të Shqipërisë,në kuadër të projektit “Hap një
dritare”.Projekti mbi unifikimin e shkrimit brail kishte në thelb
të tij pikërisht ndërgjegjësimin mbi rëndësinë e këtij
shkrimi.Shoqata e të verbërve të Shqipërisë tashmë ka në
objektivat e veta kryesore zhvillimin dhe nxitjen e shkrimit
brail,ka hartuar strategjinë mbi shkrimin brail,me qëllim që ky
shkrim të ketë një jetë gjatësi dhe një zhvillim sa më ta madh
në komunitetin e personave me mungesë shikimi ,por jo
vetëm.
50
Përdorimi i shkrimit brail përdoret dhe tek grafikët taktil dhe
pse të dy janë në reliev.
Grafikët e prekshëm janë një mjet për të përçuar,një
informacion jo tekstual(jo me shkronja). Njerëzit që janë të verbër
ose me dëmtime shikimi, përfshijnë përfaqësime të prekjes nga
fotografitë, hartat, grafikët, diagramet, dhe imazhe të tjera. Një
person me dëmtime shikimi mund të ndjej këto rreshtat e
ngritur dhe sipërfaqet në reliev në mënyrë që të marrë të njëjtin
informacion si njerëzit jo të verbër që marrin informacion
përmes fotografive apo imazheve të tjera vizuale.
51
Duhet të theksojmë se nuk janë domosdoshmërisht
kuptimplotë grafikët nëse një student apo nxënës i verbër nuk
ka kuptim e asaj çfarë përfaqëson një grafik taktil. Studentët apo
nxënësit e verbër duhet së pari të kenë një kuptim të asaj që
është duke u përfaqësuar. Për shembull, një hartë ngritur e
Afrikës do të ketë pak kuptim për një fëmijë i cili kurrë nuk ka
dëgjuar për Afrikën, dhe të cilët nuk e kuptojnë faktin se bota
është e përbërë nga kontinente të ndryshme.
Të verbrit janë të pajisur rregullisht me materialet e tekstit në
shkrimin brail, audio apo të printime me fonte të mëdha, por
fotografitë dhe hartat, diagramet që shoqërojnë materialet
tekstit janë lënë jashtë shpesh herë ose në shumë raste vetëm të
përshkruara shkurtimisht.Megjithatë, shumë njerëz tërësisht të
verbër pëlqejnë një imazh taktile të dizenjuar mirë.
Grafikët taktil janë po aq të dobishëm për pesonat e verbër,për
punë, studim dhe aktivitete në kohë të lirë,e njëjta gje siç është
një imazh për personat që kanë aftësinë për të parë.Megjithatë
konvertimi një grafiku vizual në një grafik të prekshëm
(reliev)nuk është thjesht një çështje e të marrit një imazh vizual
duke e bërë afërsisht në llojin "fotokopje të taktile". Materiali
taktil jep gjithnjë informacion dhe emocion qoftë për personat e
verbër,po ashtu dhe për personat jo të verbër.
52
VII. Shtrirja gjeografike e kurseve të shkrimit Brail.
Shoqata e të Verbërve të Shqipërisë gjithnjë ka qenë në
koherencë me teknologjinë e printerave,ajo disponon lloje të
ndryshme printerash. Përmendim printerin Everest 4 x 4 i cili
punon me letër A4(me shkëputje),Porta-Thiel është një
printer shumë komod dhe i aksesueshëm në përdorim
individual,por jo vetëm.Rëndësi të veçantë në prodhimin e
librave brail,ka pajisja me printerin Impakto-Texto,i cili punon
800 faqe në orë.Shoqata e të verbërve të Shqipërisë në
bashkëpunim me të gjitha degët e saj nëpër rrethe kanë
ngritur prej vitesh një urë bashkëpunimi.
Ky bashkëpunim,është në kuadër të integrimit të personave
të verbër,në të gjithë territorin e Shqipërisë. Edhe mbi
përhapjen e shkrimit brail,Shoqata e të Verbërve të Shqipërisë
ka ngritur politika të tilla,ku personat e verbër mund të mësojnë
shkrimin brail falas pranë degës së tyre. Nëpërmjet
kërkesës së kryetarit të degëve të shoqatve të të Verbërve
nëpër rrethe,pranë QKRV-së ata mund të marrin falas njohuri
mbi mësimin e shkrimit brail,kompjuterit etj.
53
Duke qenë një ndër objektivat kryesore të SHVSH-së mbrojtja
dhe zhvillimi i brailit, shoqata ka organizuar here pas here kurse
braili në disa qytete të vendit.
Kurset e shkrimit brail kanë patur një përhapje gjeografike të
konsiderueshme në rrethe të tilla të Shqipërisë përmendim këtu
Shkodër,Lezhë,Mirditë,Malësi e
madhe,Tiranë,Fier,Elbasan,Kavajë,Tepelenë,Pogradec,Burrel etj..
Gjithashtu përmendim kurset e financuara nga “Vodafone
Albania”në degët Korçë –Vlorë –Sarandë. Kursantët
pjesëmarrës të këtyre kurseve kanë përfituar revistën brail: ”Të
njohësh shkrimin Brail” me katër numrat e saj. Këto kurse janë
me programe tre mujore,dhe me asimilimin e gjithë
programit pjesëmarrësit janë të aftë të lexojnë dhe të shkruajnë
brail. Përfituesit e tyre krahas njohurive pajisen dhe me
materiale të ndryshme në brail,të cilët informohen,tashmë me
njohjen e shkrimit brail informohen në mënyrë të pavarur.
54
Arsyet pse krijohen këto kurse janë ta shumta ,ku mund të përmendim:
Integrimi i personave të verbër në shoqëri.
Rritjen e aksesit në informacion, dhe dëshirën për t’u
informuar me risitë,apo çdo gjë tjetër që na rrethon.
Përdorimi i teknologjive të ndryshme.
Edukimi/shkollimi.
Punësimi,ku me njohjen e brailit mundësitë për t’u
punësuar janë më të mëdha.
Rritja e vetëbesimit të tyre dhe pavarësisë në jetën sociale.
Të ridimensionojmë vlerat e brailit dhe të përdorimit të tij
për personat e verbër.
Rritja e numrit të të verbërve që do të njohin të shkruajnë
dhe lexojnë brajlin.
Rritjen e aftësive krijuese të të verbërve me ane të
përdorimit të brajlit në praktike në formën e etiketave, poezive,
letrave e recetave, librave telefonike etj.
55
Në këto kurse përpos moshave të vogla, marrin pjesë edhe
mosha të mëdha ç’ka tregon interes dhe jep një mesazh të fortë
mbi rëndësinë e shkrimit brail.Përfituesit e drejtëpërdrejtë të
kurseve brail janë pjesëmarrësit e tyre,dhe përfituesit indirekt
janë familjarët,shoqëruesit,dhe miqtë e tyre. Madje nuk janë të
pakta rastet kur dhe media qoftë elektronike apo dhe e shkruar
informohet mbi shkrimin brail.
Pamje nga kursantë të ndryshëm që mësojnë shkrimin brail:
(mjete mësimore: pllakë & bizë)
56
Mësimi i shkrimit brail që në moshë të vogël,hap dyert drejt integrimit dhe
përfshirjes në jetën sociale, më shpejt sa sa një moshë madhore.
57
Njohja e shkrimit brail,është e vetmja mënyrë që të informohesh në
çdo kohë në mënyrë të pavarur.
58
Njohja e brailit jep mundësinë të informohesh në mënyrë të
pavarur,pavarësia sjell vetëbesim & integrim.
59
VIII. Braili në fokusin e imazhit për të verbërit.
Shkrimi brail është simbol i informimit të personave të
verbër,kjo tashmë prej shekujsh dhe dekadash. Dhe ky shkrim është
një vulë e cila nuk do të zhduket asnjëherë,sado që teknologjia po
avancon dhe mrekullon mbarë njerëzimin me çudirat e saj.
Mësimi i brailit për personat me mungesë të theksuar shikimi
është njësoj si mësimi i gjuhës amtare për personat jo të verbër.Çdo
individ e ka detyrim ligjor,dhe moral të mësoj gjuhën e vendit të tij.
Neglizhimi i mësimit të gjuhës së një vendi (gjuhës amtare)çon në
analfabetizëm,dhe në të ashtuquajturën degradim social. Edhe për
personat e verbër mos njohja e shkrimit brail përkthehet në
analfabetizëm. Për këtë është shumë e rëndësishme publikimi i
këtij shkrimi,si në ambjentet specifike por dhe publikeapo
private.Publikimi i këtij shkrimi luan një rol kryesor
ndërgjegjësues,tek personat e verbër.Dhe pse shumë paradoksale
për vitin 2012 ku ne jetojmë,akoma ka njerëz që nuk dijnë se një
person i verbër lexon dhe shkruan.Madje shpesh pyeten
personat shoqërues,për emrin apo diçka në varësi të bisedës,sesa
personat e verbër. Edhe pse biseda mund të zhvillohet për të. Por
këto tipe “sjelljesh” luajnë
60
një rol negativ në imazhin e personave të verbër. Dhe një imazh i
tillë ndikon në integritetin e tyre,në arsimimin,punësimin dhe në
vetbesimin që ato kanë për veten e tyre. Për këtë është e
rëndësishme ngritja e urave të bashkëpunimit me mediat
elektronike, e të shkruar etj. Media është një katalizator shumë i
fuqishëm,mbi publikimin e imazhit të personave të verbër. Ajo ka
forcën dhe pushtetin të ndikoj në mbarë opinionin mbi imazhin e
personat e verbër.Shkrimi brail i publikuar në vendet publike por,jo
vetëm si në bankomate,tabela informuese të institucioneve të
ndryshme,ashensor,kutitë e ilaçeve etj., ndikon në përmirësimin e
imazhit të personave të verbër.Edhe pajisja me literaturë brail në
biblioteka apo librari ndikon mjaf mirë në imazhin e personave të
verbër. Transmetimi i emisioneve të ndryshme me tematikë
shkrimin brail ndikon më së miri në krijimin e opinionit tek këta
persona.Këto emisione ndërgjegjësojnë mbarë shoqërinë mbi
imazhin e personave të verbër. Se sa të aftë janë të afirmohen dhe të
integrohen në shoqëri dhe më gjerë.
DY FJALË NGA AMBASADORËT E BRAILIT
NËPËR BOTË
61
Shumë përdorues braili nga gjithë bota mbështesin Kongresin
Botëror të Brailit 21 vullnetarisht dhe dhurojnë ngjarje personale
nga jeta e tyre.Braili ka shkolluar shumicën e të verbërve në
pothuajse të gjitha vendet e botës. Ai luan një rol kryesor në
heqjen e njerëzve nga analfabetizmi për në shkrim dhe lexim.
Për këtë arsye, Braili konsiderohet të jetë pjesa më e rëndësishme në
jetën e personave të verbër.
Martine Abel-Williamson
Analist politike Auckland/New Zealand
Brail është i rëndësishëm për mua , sepse kjo është metoda ime
e parë e të qenit e shkolluar në ditët e sotme dhe e avancuar në
shoqëri. Në jetën time të punës si një analiste e politikës , unë e
përdor Brailin si një gjë të dobishme për të marrë shënime, në
prezantime etj. . Unë jam vërtet në biznesin e të marrurit me fjalë,
duke krijuar deklaratat e drejtuara dhe kontrollimin e planeve
ekzistuese të veprimit e departamenteve të tjera. Unë nuk do të
62
kisha qenë në gjendje për të përmbushur detyrat e mia të punës
në një mjedis konkurrues, në qoftë se nuk do të kisha aftësinë për
të lexuar dhe shkruar Brail.
Marina Becker
StudentTroisdorf/Germany
Unë kam lindur e verbër.Rëndësia e brailit për mua është njëlloj
si për personat që kanë aftësinë për të parë, që mësojnë të lexojnë
dhe të shkruajnë. Brail është aq i rëndësishëm për mua, sepse unë
nuk jam në gjendje për të lexuar ndonjë shkrim tjetër.
63
Eva Cambeiro Andrade
Koordinatore ndërkombëtare e projekteve për të rinjtë e
verbër dhe pjesërisht të verbër.
Granada/Spain
Mësimi i brailit për mua ishte si të hapësh një portë të
re,të fjalëve të fshehura.Në qoftëse unë si një person që
shikoj, i gjej këto fjalë të fshehura,do të ishte shumë
interesante,dhe e mahnitshme.Imagjinoni për një person të
verbër sesa të vlefshme janë ato.Mendoj që braili është një
mjet shumë i fuqishëm dhe i rëndësishëm për arsimimin dhe
kulturën,nuk duhet të harrohet,apo të zëvendësohet me
teknologjitë e reja.Ai ka rëndësinë e vet unike.
64
Gustav Doubrava
Nuremberg/Germany
Diplomuar në administratën publike, mësimdhënës në Zyrën
Federale të Postës dhe të telekomit Gjerman.Brail ka qenë
shkrimi im që kur isha fëmijë. Unë i kam borxh Brailit,
vendin/pozitën time në shoqëri.
Ronald McCallum
Sydney/Australia
65
Profesor në ligjin industrial në Universitetin e Sidneit.
Unë e përdor Brail për çdo ditë të jetës sime, për të marrë
shënime të ndryshme dhe për tekste të leksioneve. Brail është
miku më i mirë për një person të verbër.
Hanna Pasterny
Konsulentë për paaftësinë,autore librash,assistente në baza
vullnetare për Jerzy Buzek presidinet i parlamentit Europian.
Brail më jep mundësinë mua që jeta ime të funksionoj
normalisht, më jep pavarësinë, lirinë dhe shumë orë
kënaqësi.Brail nuk është bërë një relikë e së kaluarës. Brail është
ende e domosdoshme dhe të rëndësishme dhe në ditët e sotme.
66
Pedro Zurita
Ish-Sekretari i Përgjithshëm i Uninoit të të verbërve
Botëror(WBU)
Madrid/Spain
Unë jam i kënaqur dhe krenar që jam një përdorues i
Brailit. Unë nuk jam fanatik, por i bindur se ne duhet të bëjmë
çdo gjë të mundur për të siguruar që çdo person i verbër kudo
në botë ka mundësi për të mësuar dhe për të përdorur
Brail. Braili është me të vërtetë universal dhe ne nuk duhet të
kursejmë asnjë përpjekje për të sjellë një unifikimin e shenjave.
67
Maryanne Diamond
Presidente e WBU-së (World Blind Union)
Unë nuk mund të imagjinoj jetën pa Brail. Duke Reflektuar
prapa mbi jetën time , ndihem jashtëzakonisht me fat që kam
mësuar të lexoj dhe të shkruaj Brail , qysh në një moshë të
vogël. Përdorimi im i Brailit, besoj është një faktor i madh në
suksesin që kam pasur në punësim tim, arsimimin dhe
pjesëmarrjen në komunitet. Unë i jam përgjithmonë borxh Louis
Brail për trashëgiminë që ai na la.
68
IX. Strategjia për vazhdimësinë dhe mbrojtjen
e shkrimit brail.
Vizioni i Strategjisë për mbrojtjen dhe vazhdimësinë e
shkrimit brail konsiston, në mirë integrimin dhe arsimimin, e
personave të verbër nepërmjet aksesit në informacion.
Gjithashtu me anë të kësaj strategjie synohet që personat e
verbër të zotërojnë vetbesim në marrëdhenie të ndryshme sociale
dhe të jenë individ të pavaruar në marrjen e informacioneve të
ndryshme,nëpërmjet shkrimit Brail.Personat e verbër në
Shqipëri duhet të jenë të mbrojtur në mënyrë efektive nga
mungesa e literaturës së shkrimit brail. Gjithashtu në fokus
të kësaj strategjie është angazhimi i plotë i strukturave
përgjegjëse shtetërore për marrjen e masave të nevojshme dhe
krijimin e kushteve të përshtatshme për mbrojtjen dhe
vazhdimësinë e shkrimit në reliev si mjet kryesor për
arsimimin e personave të verbër.
69
Prioritetet strategjike mbi shkrimin brail
Ulja e numrit të personave të verbër që nuk njohin shkrimin
brail,përmes:
- Përmirësimit të mekanizmit që siguron mbrojtjen e të drejtës së
informimit nëpërmjet shkrimit brail, si dhe përfundimit të
plotësimit të kuadrit rregullator dhe ligjor.
- Rritjes së përgjegjësisë dhe ndërgjegjësimit për identifikimin
e herepashershëm të personave të verbër(të çdo grup
moshe)duke mbajtur kontakte të vazhdueshme parneriteti dhe
bashkëpunimi me instancat shtetërore përgjegjëse të qeverisjes
qendrore dhe vendore.
- Përmirësimit të sistemit të menaxhimit të përdorimit të
shkrimit brail.
Jetëgjatësia e shkrimit Brail dhe përhapja e tij varet shumë nga
zbatimi i ligjeve të konventës mbi personat me aftësi të
kufizuar,po aq dhe nga ligji me nr. 69/2012 datë 21.06.2012 “Për
sistemin arsimor parauniversitar në Republikën e
Shqipërisë”,me përmirësimet përkatëse të propozuara nga
70
SHVSH-ja,ku vlerësohet si mjaft i përparuar, demokratik dhe i
krahasueshëm me standardet e vendeve të zhvilluara.
Në këtë ligj në nenin 63 të tij është përcaktuar se përfshirja e
fëmijëve me aftësi të kufizuara në institucionet arsimore të
specializuara për ta është përgjithësisht e përkohshme.
Përfshirja dhe integrimi i fëmijëve me aftësi të kufizuara në
kopshtet dhe shkollat e zakonshme të arsimit bazë është
parësore. Gjthashtu në këtë dispozitë përcaktohet se nxënësve,
që nuk shikojnë u garantohet përdorimi i shkrimit Brail. Kjo
është një arritje e madhe pasi nuk do të kishte asnjë kuptim të
flitej për arsimim gjithëpërfshirës nëse krahas shkrimit normal
në shkollat e zakonshme nuk do të qëndronte edhe shkrimi
Brail.
Konventa për të Drejtat e Personave me Aftësi të Kufizuar .
Neni 2
Përkufizimet
Në kuptimin ë kësaj Konvente:
"Komunikimi" përfshin gjuhët, shfaqje teksti, Brail,
komunikimin me prekje, printim me font të madh, multimedia
të aksesueshme, si edhe gjuhë të qartë, audio dhe të shkruar,
71
lexuesin (person që lexon) dhe mënyra, mjetet dhe forma
komunikimi shtesë apo alternative, duke përfshirë informacion
dhe teknologji komunikimi të aksesueshëm.
Neni 9 Aksesi
(d) Tu siguruar që ndërtesat dhe objektet e tjera publike
të përmbajnë shenja në gjuhën Brail dhe në forma lehtësisht të
lexueshme dhe të kuptueshme;
Neni 21
Liria e shprehjes dhe mendimit dhe aksesi ndaj informacionit
(b)Pranimin dhe lehtësimin e përdorimit të gjuhës së
shenjave, gjuhës Brail,komunikimit shtesë dhe alternativ dhe
të të gjitha mjeteve, mënyrave, dhe formave të tjera të
komunikimit të aksesueshme sipas zgjedhjes së personave
me aftësi të kufizuar në komunikimet zyrtare;
Neni 24 Arsimi
(a)Lehtësimin e të mësuarit të Brail, shkrimeve
alternative, mënyrave augmentative/njohëse dhe alternative,
mjeteve dhe for mateve të komunikimit, aftësive të orientimit
dhe lëvizshmërisë dhe lehtësimin e mbështetjes dhe kujdesit
nga moshatarët;
72
Duhet gjithnjë e më shumë që të zhvillohen politika mbi
zhvillimin dhe jetëgjatësinë e këtij shkrimi,dhe gjithnjë e më
shumë të shkojnë drejt asimilimit të ligjeve të konventës apo të
arsimit gjithëpërfshirës. Shkrimi brail i kudo ndodhur,në
ambjente publike apo jo publike është një element
ndërgjegjësimi për shoqërinë,një element imazhi për personat e
verbër. Gjithashtu luan rolin kryesor në jetëgjatësinë e këtij
shkrimi unik.
Është bërë shumë mbi zhvillimin e shkrimit brail, ende ka
shumë për t’ë bërë,të përhapësh brailin,dhe të kujdesesh për
zhvillimin e tij është një revolucion”
"Një revolucion nuk është një lëndinë me trëndafila. Një
revolucion është një luftë në mes të ardhmes dhe të kaluarës. "
73