Maniitsoq Fish Aps-imut Sags nr. Avatangiisit pillugit ...naalakkersuisut.gl/~/media/Nanoq/Files/Attached Files/Miljoe... · GL-3905 Nuussuaq Tunisassiorfiup atia najugaqarfialu:

Namminersornermut, Pinngortitamut, Avatangiisinut Nunaateqarnermullu aalakkersuisoqarfik Departementet for Selvstændighed, Natur, Miljø og Landbrug

Maniitsoq Fish ApS

Ilutassua 4 3912 Maniitsoq

Maniitsoq Fish Aps-imut

Avatangiisit pillugit akuersissut

Akuersissut atuutilissaaq: 23. november 2016

Tamanut ammasumik saqqummiunneqassaaq: 23. november 2016

Maalaaruteqarnissamut piffissarititaasoq naassaaq: 10. januar 2017

Eqqartuussisunut suliassanngortitsiniaraanni piffissaq

kingulleq: 23. maj 2017

Inatsisitigut illersugaaneq: 23. november 2024

Ingerlatsinermut nalunaarsuiffik nassiunneqassaaq: Ukiumoortumik, kingusinner-

paamik 1. marts

23-11-2016

Sags nr.2016-8962

Akt. nr. 4014172

Postboks 1614

3900 Nuuk

Tlf. (+299) 34 50 00

Fax (+299) 34 54 10

E-mail: [email protected]

www.naalakkersuisut.gl

Paasissutissat allattorsimaffiat

Tunisassiorfiup suussusia:

Nalunaarsukkat allattorsimaffiat, tak.

Akuersisarnermut nalunaarummi 1 ilann-

gussaq 1

Aalisakkanik tunisassiorfik.

F6: Suliffeqarfiit qalerualinnik aalisakkanil-

lu nioqqutissiorfiit, tamatumani ilan-

ngullugit nioqqutissiat qillertuusiat qe-

rerujussuartitallu ukiumut 1000 tons sin-

nerlugu amerlassusillit.

Qinnuteqartoq piginnittorlu: Maniitsoq Fish ApS

Ilutassua 4

GL-3912 Maniitsoq

Suliffeqarfik piginneqatigiiffiuvoq ataani

allaqqusuniit pigineqartoq, taakku

tamarmik 50 % -imik piginneqataapput:

Polar Seafood Greenland A/S

Postboks 1616

GL-3900 Nuuk

Aamma

Sermersooq Seafood ApS

Postboks 7190

GL-3905 Nuussuaq

Tunisassiorfiup atia najugaqarfialu: Maniitsoq Fish ApS

Ilutassua 4

GL-3912 Maniitsoq

Saaffigisassaq: Kristina Eriksen

Vejlbyvej 211, Sdr. Harritslev

9800 Hjørrring

Mobilnr.: (+45) 51264306

E-mail: [email protected]

Tunisassiorfik pillugu paasissutissat allat: GER. nr. : 12771029

B-nummer: B-1038

Pilersaarusiornermi najoqqutaasoq:

Siusinnerusukkut avatangiisit pillugit aku-

ersissutit suliamut tunngassuteqartut:

Sumiiffiup ilaa 700-B4 Qeqqata Kommuni-

ani pilersaruutaasoq

Maniitsoq -B1038-miit imermik errortuu-

1 Namminersornerullutik Oqartussat nalunaarutaat nr. 11, 20. august 2004-meersoq Suliffeqarfiit mingutitsivallaartut il.il.

avatangiisinut tunngatillugu akuersissutigineqartarnerat pillugu

mailto:[email protected]

tikumik kuutsitisinnaanermut akuersissut

21.09.2015-imeersoq.

Imai

1. Naalakkersuisut aalajangiinerat ............................................................................. 1

Inatsisitigut tunngaviusut ............................................................................................ 1

2. Aalajangiinermut tunuliaqutaq ............................................................................... 1

Inatsisitigut illersugaaneq ........................................................................................... 1 3. Piumasaqaatit ........................................................................................................... 2

Nalinginnaasumik ....................................................................................................... 2

Ajutoornerit ingerlatsinermullu akornutaasut .............................................................. 2

Ilusilersuineq ingerlatsinerlu ....................................................................................... 2

Eqqakkat ..................................................................................................................... 3

Silaannarmik mingutitsineq ........................................................................................ 3

Nipiliornerit sajuppilutitsinerillu ................................................................................... 3

Orsussaqarfik ............................................................................................................. 6

Imminut nakkutigineq nalunaarusiornerlu .................................................................. 6

Matuneq ...................................................................................................................... 7

4. Avatangiisinut teknikkimut nassuiaatit ................................................................. 7

Inissisimaffik pilersaarusiornermullu tunngaviusut ..................................................... 7

Pilersitsineq ................................................................................................................ 8

Tunisassiorneq avatangiisinullu nammatassat ........................................................... 9

Iliuutsit mingutitsinermut killilersuutaasut ................................................................. 11 5. Teknikkip avatangiisinut sunniutaanik naliliineq ............................................... 12

6. Aalajangiineq pillugu nalunaaruteqarneq ........................................................... 13

Oqartussaniit suliamilu peqataasuniit oqaaseqaatit ................................................. 13

Tamanut ammasumik saqqummiussineq ................................................................. 13

7. Maalaaruteqarnissamut ilitsersuut ...................................................................... 14

Bilag

Ilanngussaq 1 Tunisassiorfiup sumiissusia

Ilanngussaq 2 Illup inissisimaffia

Ilanngussaq 3 Tunisassiorfiup aaqqissuunneqarnera

Ilanngussaq 4 Illup iluani kuuffeqarnerup pilersaarusiornera

Ilanngussaq 5 Aalisakkanik ilivitsunik qerititerineq pillugu Flowdiagrammi

Ilanngussaq 6 Nipisat suaat pillugit Flowdiagrammi

1. Naalakkersuisut aalajangiinerat

Namminiilivinnermut, Pinngortitamut, Avatangiisinut Nunaateqarnermullu Naalak-kersuisoqarfik (matuma kingorna Naalakkersuisoqarfik) matumuuna Maniitsoq Fish ApS -imut avatangiisit pillugit, aalisakkanik qerititerinermut aamma nipisat suaannik tarajorterinermut, akuersissummik nalunaaruteqarpoq.

Ajalangiinermi avatangiisinut teknikkimut tunngasunik allaaserinninneq tak. imm. 4, qinnuteqaammi paasissutissat aamma suliassap takussutissartai allat tunngavigineqar-put.

Inatsisitigut tunngaviusut

Avatangiisinik innarlitsaaliunermut inatsimmi 2 § 16 aamma § 19 kiisalu Suliffeqarfiit mingutitsivallaartut il.il. avatangiisinut tunngatillugu akuersissuteqarfigineqartarnerat pillugu3 aalajangersakkat naapertorlugit akuersissut nalunaarutigineqarpoq. Akuersissummi taamaallaat pissutsit avatangiisinut tunngasut, tunngavissatut oqaatigi-neqartuni maleruagassiuunneqartuni pineqarput. Imermik errortuutikumik kuutsitisarnermut tunngasut siusinnerusukkut nalunaarutigi-neqarsimasumi, 21.09.2015 -meersumi malittarisassiuunneqarnikkuupput. Namminiilivinnermut, Pinngortitamut, Avatangiisinut Nunaateqarnermullu Naalak-kersuisoqarfik nakkutilliinermi oqartussaasuuvoq.

2. Aalajangiinermut tunuliaqutaq

28. april 2016 aamma 8. september 2016 Maniitsoq Fish ApS aalisakkanik qerititeri-nermut aamma nipisat suaannik tarajorterinermut avatangiisit pillugit akuersissummik qinnuteqarpoq. Aalisakkanik tunisassiorfik, avatangiisinut tunngatillugu akuersissutigineqartarnerat pillugu3 ilanngussaq 1 naapertorlugu F6-imut atavoq: ”Suliffeqarfiit qalerualinnik aali-sakkanillu nioqqutissiorfiit, tamatumani ilanngullugit nioqqutissiat qillertuusiat qer-erujussuartitallu ukiumut 1000 tons sinnerlugu amerlassusillit”.

Inatsisitigut illersugaaneq

Avatangiisinut tunngatillugu akuersissutip inatsisitigut illersorneqarnera ukiut 8-t atuu-tissaaq, tamanut saqqummiunnera aallarnerfigalugu, tak. § 24 Avatangiisinik innarlit-saaliuinermut inatsit 2 .

2 Avatangiisit innarlitsaaliorneqarnissaannik Inatsisartut inatsisaat nr. 9, 22. November 2001-meersoq kingorna allan-

nguutilik . 3 Namminersornerullutik Oqartussat nalunaarutaat nr. 11, 20. august 2004-meersoq suliffeqarfiit mingutitsivallaartut il.il.

avatangiisinut tunngatillugu akuersissutigineqartarnerat pillugu..

2

3. Piumasaqaatit

Nalinginnaasumik

1. Akuersissut nalunaarutigineqarnerminiit ukiut marluk iluanni atorneqanngikkuni atorunnaassaaq.

2. Avatangiisit pillugit akuersissutip matuma naqinnera kalaallisut danskisullu suk-

kulluunniit nioqqutissiorfimmi pissarsiarineqarsinnaassaaq. Kikkut tamarmik, tuni-sassiornermut akisussaasut imaluunniit tunisassiornerup ilaanut akisussaasut, in-gerlatsinermillu sulisut, akuersissutip imaa pillugu paasissutissinneqarsimassapput.

3. Tunisassiorfik sananeqassaaq ingerlanneqassallunilu piumasaqaatit aamma akuer-sissummi avatangiisinut teknikkimut tunngasunik allaaserinninneq naapertorlugit.

4. Sulianut akuerineqartunut allannguisoqassappat, tamanna pillugu Naalak-kersuisoqarfik ilisimatinneqaqqaassaaq. Suliassamut nassuiaat iluarsisaq najoqqu-tassallu allannguinermut attuumassuteqartut allat Naalakkersuisoqarfimmut nas-siunneqassapput, tassanilu allannguutissat akuersissutaasinnaanersut aalajanger-neqassaaq. Oqartussaasut allakkatigut akuersissuteqarsimatinnagit allannguutissat suliarineqassanngillat.

5. Nakkutilliinermi oqartussat ilisimatinneqassapput, suliffeqarfimmi makkunanik pisoqartinnagu:

tamakkiisumik ilaannakumilluunniit ingerlatsineq allaniit ingerlanneqalissap-pat, attartortitsisoqarneratigut ingerlatitsisoqalissappat imaluunniit tiguneqassappat

ingerlatsineq piffissami sivisuumi unitsinneqassappat unitsinneqavissappal-luunniit

piffissami sivisuumi uninngatitsereerluni ingerlatsineq aallarteqqinneqassap-pat

Ajutoornerit ingerlatsinermullu akornutaasut

6. Avatangiisinut ajoqutaasumik imaluunniit avatangiisinut ajoqutaalersussamik ajutoortoqarpat imaluunniit ingerlatsineq akornuserneqarpat Naalakkersuisoqarfik erngerluni ilisimatinneqassaaq. Ilisimatitsinermut atatillugu Maniitsoq Fish ApS erngerluni aammalu nammineerluni suliniuteqarnermigut suliniutissat iliuusissallu pisariaqartut nammineerluni isumagissavai. Kiisalu allakkatigut nassuiaat pisumiit kingusinnerpaamik sapaatip akunnerata qaangiunnerani nakkutilliinermi oqar-tussaasuniit tiguneqarsimassaaq, tassanilu suliniutit suut siunissami assingusumik pisoqarnissaa pinngitsoortinniarlugu aallartinneqarsima-nersut/aallartinniarneqarnersut nalunaarutigineqassapput.

Ilusilersuineq ingerlatsinerlu

7. Tunisassiorfik sulisuniit ingerlatsinermik suliaqartuniit, ilitsersuunneqarsimasuni-it/ilinniartinneqarsimasuniit, ingerlanneqassaaq tunisassiornerup, teknik avatan-giisillu eqqarsaatigalugit, naammaginartumik ingerlanneqarnissaa siunertaralugu.

3

8. Annertunerpaamik suliarineqaqqusapput: Ukiumut tonsit

Aalisakkat 2.000

Suaat 15

9. Kemikaliat (eqqiaatit, nillorsaatit, uuliat il.il.) toqqortaassapput, ajutoortoqarsin-naanera kuisoortoqarsinnaaneralu eqqasaatigalugu, tassa tunisassiornermiit im-mikkoortillugit aamma sumiiffinniitinneqassapput immamut silatimullu kuuf-feqanngitsuni.

10. Atortut natriumhypoklorit-imik imallit syremik akulinniit immikkoortillugit toq-

qaqqaneqassapput, taamaalilluni erngartoqalissagaluarpat akuleriinniissaat pina-veerlugu.

11. Tunisassiorfiup sulissutigiuassavaa natriumhypoklorit-ip allamik taarserneqarnis-

saa, atorunnaarsikkiartornissaa imaluunniit atornerata millisinnissaa. Tamanna su-niut nakkutilliinermut oqartussanut, qaammatisiutit malillugit ukiumut ingerlatsi-nermut nalunaarsuifffimmi, nalunaarusiarineqartassaaq, tak. piumasaqaat 25.

Eqqakkat

12. Eqqakkat suugaluartut tamarmik kommunip malittarisassiai malillugit eqqarneqar-tassapput.

13. Uuliakoq igitassaq dunkeni/nappartani naleqquttuni katersorneqartassaaq taakku-

lu bakkini kuuffeqanngitsuni inissinneqartassapput tankillu anginerup imaa ima-risinnaassavaat.

14. Aalisakkat perlukui, ulluinnarni tunisassiornermiit aamma ingerlatsinermi

akornuteqarnermiit pisut, tikki akornutaasinnaajunnaarlugit toqqaqqaneqassap-put.

15. Silami suliffeqarfiup eqqaa eqqiluitsuussaaq igitassanillu peqarani.

16. Tunisassiorfiup aalisakkat perlukuinik atoqqiisarnissani suliniutigiuassavaa

taamaaliornikkut eqqagassat annikillisinneqassammata. Suliniutit nakkutilliisunut oqartussanut, ikiut tamaasa qaammatisiutit malillugit ikiumut ingerlatsinermut nalunaarsuiffimmut, nalunaarutigineqartassapput, tak. piumasaqaat 26.

Silaannarmik mingutitsineq

17. Tunisassiorfik avatangiisiminut annertuumik tipilioqqusaanngilaq. Misissuisoqartil-lugu imaluunniit tipi pillugu naammagittaalliortoqartillugu tipi annertuumik ajo-qutaanersoq aamma suliniuteqartoqassappat suut Maniitsoq Fisk ApS-imiit sulini-utaassanersut nakkutilliinermi oqartussaniit aalajangiiffigineqassapput.

Nipiliornerit sajuppilutitsinerillu

4

18. Tunisassiorfiup eqqaamiuminut nipiliornerni tamarmiusuni killigititaasut, matuma ata-ani allassimasut, qaangeqqusaanngilai. Nipiliornerni naligititassatut allassimasut dB(A) malillugu nipinut killiliussassanut iluarsisanullu uuttugaapput.

Sumiiffiup suussusia

(atorneqarfivia)

Piffissaq

Ataasinngorneq – talli-

manngorneq

kl. 07.00-18.00

Arfininngorneq

kl. 7.00-14.00

Ataasinngorneq – tallimanngorneq

kl. 18.00-22.00

Arfininngorneq

kl. 14.00-22.00

Sapaat nalliut-tunilu

kl. 07.00-22.00

Ullut tamaasa

kl. 22.00-07.00

Sumiiffeqarfik

700-B3

700-B5

700-B6

700-B7

Inuussutissarsiornermut umiarsualiveqarnermullu atorneqartoq (Ator-neqarfivia: Umiarsu-aliveqarfiit)

60 60 60

Sumiiffeqarfiup ilaa

700-A13

Inissiaqarfik (Atorneqar-fivia: Ilaqutariinnut illut ataasiakkaat (ammasumi pukkitsut))

45 40 35 (50)

Sumiiffeqarfiup ilaa

700-C3.7

700-C3.8

700-C8

Siunertanut ataatsimoo-russanut atorneqartoq (Atorneqarfivia: Qitiu-sumi sumiiffik (tamalaat)

55 45 40 (55)

Naliliussat ungalusat unnuakkut nipiliorsinnaanerup annerpaaffissaanut pi-umasaqaatinut siunnersuutaapput.

5

Killigititaasut Qeqqata Kommuniata pilersaarutaani nassuiaasersorneqarput.

19. Tunisassiorfiup nipiliornermi ut piumasaqaatinik, tak. piumasaqaat 18, malin-ninnini uppernarsassaneraa, nakkutilliinermi oqartussaniit aalajangerneqarsin-naavoq.

Kingusinnerpaamik qaammatit pingasut qaangiunnerini, piumasaqaatip saqqum-miunneqarneraniit, uppernarsaat uuttortaanermi ingerlatsinermi pissutsinut paa-sissutissanut ilanngullugu, nakkutilliinermut oqartussanut nassiunneqassaaq. Uuttortaanissamut piumasaqaatit Tunisassiorfimmiit nipiliornerit DK-mi Miljøstyrelsep (Avatangiisinut Aqutsisoqar-fiup) ilitsersuutai nutaanerpaat malillugit uuttortaanikkut naatsorsuusiornikkullu uppernarsarneqassaaq, ilitsersuutit maanna atuuttut tassaapput nr. 5/1984 ”Må-ling af ekstern støj” (Avataanut nipiliornermik uuttortaaneq) aamma 5/1993 ”Be-regning af ekstern støj fra virksomheder” (Suliffeqarfimmiit avataanut nipiliorner-mik naatsorsuineq). Tunisassiorfik tamakkiisumik ingerlatillugu uuttortaasoqassaaq, tamanna pillugu nakkutilliinermut oqartussaasunut allamik isumaqatigiissusiortoqarsimanngippat. Uuttortaanerit/naatsorsuinerit suliarineqarlutillu nalunaarusiorneqassapput ”Ava-tangiisit pillugit uuttortakkat – avataanut nipiliorneq” malillugu. Taakku suliffeqar-fimmiit/laboratoriamiit avataanut nipiliornermik uuttortaanissamut pisortaniit akuerineqarsimasumiit imaluunniit Miljøstyrelsep laboratorianut akuerisanut allat-tuiffianut ilanngunneqarsimasumiit suliarineqassapput. Nipiliornermik uppernarsaasersuineq nakkutilliinermik oqartussat pisariaqarti-ppassuk suliareqqinneqassaaq. Nipiliornermik killissarititaasut malinneqarsimap-pata, annerpaamik ukiumut ataasiarluni aalajangersaasarnissaq piumasari-neqarsinnaavoq. Tamatumunnga aningaasartuutit tunisassiorfimmiit akilerneqas-sapput. Nipiliornermut killissarititaasunut malinneqartunut nassuiaat Nipiliornermut killissarititaasut malinneqartutut isigineqassapput, naligititaasut uuttorneqartut naatsorsorneqartulluunniit aalajangerneqarsinnaanngitsut an-nikinnerussutaannik ilanngaaserneqarpata, imaluunniit nipiliornermut killissariti-taasut naligippatigit. Uuttortakkat naatsorsukkallu ataatsimut aalajangerneqarsin-naanngitsortaat, Miljøstyrelsep (Avatangiisinut Aqutsisoqarfiup) innersuussutai naapertorlugit alajangersarneqassapput.

20. Tunisassiorfik sajuppilutitsinermik imaluunniit nipimik qatituumik pilersit-seqqusaanngilaq nakkutilliinermik oqartussaniit pingaartutut isigineqarpat.

Nakkutilliinermik oqartussat pingaartutut isigippassuk, sajuppilutitsinermik aam-ma imaluunniit avatangiisinut nipimik qatituumik nipiliornermik uuttortaasoqas-saaq, sajuppilutsitsinernut aamma avatangiisinut qatituumik nipiliornermut uut-tuinerit nalilersuinerillu pillugit najoqqutassiaq malillugu, tak. Miljøstyrelsep (Ava-tangiisunut Aqutsesoqarfiup) Ilisimatitsissutaa nr. 9/1997 ”Lavfrekvent støj, infra-

6

lyd og vibrationer i eksternt miljø” (Avatangiisinut nipit qatituut, nipit inunnik tusaaneqarsinnaangitsut kiisalu sajuppilutitsinerit).

Orsussaqarfik

21. Kissarsuummut uuliatortumut tanki bakkimi katersuivimmiissaaq kuuffeqann-gitsumi. Bakkip katersuiffiiup minnerpaamik tankip imaa imarisinnaassavaa.

Imminut nakkutigineq nalunaarusiornerlu

22. Ingerlatsinermut nalunaarsuiffimmut makkua nalunaarsortarneqassapput:

Tunisassiassanik pisiortornerup annertussusia

Tunisassiornermi akuutissanik atuinerup annertussisia

Eqqiaanermi tunillaannartuiaanermilu kemikalianik atuinerup annertussu-siat

Nukimmik- imermillu atuinerup annertussisiat

Eqqakkat suunerinik immikkoortiternikut annertussusiat

Qulaani paasissutissat ikiumoortumik nalunaarsorneqartassapput.

Ingerlatsinermut nalunaarsuiffiup aamma paasissutissat uku imarissavai:

Nillataartitsiviup suliarisarneranut aserfallatsaaliortarneranullu paasissutis-sat

Ingerlatsinermi akornusersuutit, ajortumeernerit maangaannartitsinerillu Ingerlatsinermi nalunaarsuiffik, ukiumi qaangiuttumi nalunaarsuiffigisimasaq, ikiut

tamaasa kingusinnerpaamik 1. marts nakkutilliinermik oqartussanut nassiun-neqassaaq.

23. Ingerlatsinermut nalunaarsuiffik nakkutilliinermi oqartussaasut piumasaqarne-

risigut ingerlaannaq takutinneqarsinnaassaaq. Taanna sivikinnerpaamik ukiuni tallimani toqqoqqaneqassaaq.

24. Immikkut ittumik, nakkutilliinermut oqartussaniit Maniitsoq Fish ApS-imut im-mikkut, misissuqqussutit, ingerlatsinermut nalunaarsuiffimmut taamattaaq nalunaarsorneqartassapput – soorlu nipiliornerup- aamma tipiliornerup anner-tussusiinik misissuinerit. Misissuinerit ukiumoortumi nalunaarsuiffimmi aamma takuneqarsinnaassapput.

25. Ukiut ataasiarluni tunisassiorfimmiit ingerlatsinermut nalunaarsuiffimmut

ilanngullugu, natriumhypoklorit-ip allamik taarserneqarnissaata, atorunnaar-sikkiartornissaata imaluunniit atornerata millisinnissaata sulissutiginerata qanoq kinguneqarsimaneri nakkutilliinermut oqartussanut nassiunneqartas-sapput.

26. Tunisassiorfimmiit ukiumut ataasiarluni, ingerlatsinermut nalunaarsuiffimmut

ilanngullugu, aalisakkat perlukuisa atoqqinneqartarnissaat pillugu suliniummik nassitsisoqartassaaq, taamaalilluni eqqagassat millisinneqarnissaat qulakkeer-niarlugu.

7

Matuneq

27. Tunisassiorfimmik ingerlatsineq tamakkiisumik imaluunniit ilaannakumik unitsinneqarpat nakkutilliinermik oqartussat ilisimatinneqassapput, tunisassi-orfiullu aaqqitassat pisariaqartut aaqqiiffigissavai, siunissami nunamik imermil-lu mingutitsinerit pinngitsoortinniarlugit, kiisalu sumiiffiup avatangiisitigut ajunnginnerpaamik ileqquatut ilillugu qimannissaa qulakkeerniarlugu.

4. Avatangiisinut teknikkimut nassuiaatit

Inissisimaffik pilersaarusiornermullu tunngaviusut

Tunisassiorfik sumiiffimmi 700-B4 -mi Qeqqata Kommunip pilersaarutaani inissi-simavoq. Sumiiffiup inuussutissarsiornermut umiarsualiveqarnermullu atorneqarnissaa siunertaavoq. Umiarsualiveqarnermut atorneqavippoq. Qulaani pineqartut tunngavigalugit tunisassiorfik sumiiffimmut pilersaarummut aala-jangersakkamut naapertuuttutut nalilerneqarpoq. Tunisassiorfiup inissisimanera, piffimmi eqqaamiunut naleqqiullugu, ilanngussaq 1-imi takutinneqarpoq. Tunisassiorfik, kommunip pilersaarutaani sumiiffiit atugassiissutigineqartut ataani al-laaserineqartut, eqqannguanni ippoq.

Sumiiffik

Siunertaq Atugassiissutigineqarpoq Innersuussut

700-B3 Sumiiffeqarfik inuussutis-sarsiorfiusoq umiarsu-aliveqarfiusor-lu

Sumiiffeqarfik kommunep sulif-feqarfiinut, umiatsialeriffeqarner-mut, umiatsianut qaqitsisarfeqar-nermut taavalu umiatsiaaqqanut talittarfeqarnermut atugassiis-sutigineqarpoq. Atorneqarfivia: Umiarsualiveqarfik

http://qeqqata.odeum.com/dk/by-_og_bygdeplaner/bestemmelser/delomraadeplaner/vedtaget/700-b3.htm


Siunertanut umiarsualiveqarner-mut tunngasunut, umiatsiaaqqanut talittarfeqarnermut, umiatsiaaqqa-nut suliarinnittarfeqarnermut, umiatsianik qaqitsisarfeqarnermut, umiarsuarnut kiffartuussinermut assigisaannullu. Atorneqarfivia: Umiarsualifeqarfik.


700-B6 Sumiiffeqarfik inuussutis-sarsiorfiusoq umiarsu-

Siunertanut angallassisoqarnermut tunngasunut, nassiussuisarnernut, tamatumunngalu atatillugu qeri-titsiveqarnermut, quersuaqar-

http://qeqqata.odeum.com/dk/by-_og_bygdeplaner/bestemmelser/delomraadeplaner/vedtage















8

Sumiiffik

Siunertaq Atugassiissutigineqarpoq Innersuussut

aliveqarfiusor-lu

nernut kiisalu containerinut niooq-qaaveqarnermut niooqqaavimmilu ilioraaveqarnermut. Atorneqarfivia: Umiarsualiveqarfik.

t/700-b6.htm

Lokalplan B6 ”Havneområde med Atlantkaj”.


Siunertanut inuussutissarsiorner-mut tunngasunut tassalu umiarsu-aliveqarnernut tunngasunut. Atorneqaviffia: Umiarsualiveqarfik.


700-A13 Inissiaqarfik Siunertanut inissiaqarfinnut tunngasunut tassalu ilaqutariinnut illunut ataasiakkaanut. Atorneqarfivia: Ilaqutariinnut illut ataasiakkaat (ammasumi illut puk-kitsut)

http://qeqqata.odeum.com/dk/by-_og_bygdeplaner/bestemmelser/delomraadeplaner/vedtaget/700-a13.htm

700-C3.7 Sumiiffeqarfik siunertanut ataatsimoo-russanut

Sumiiffeqarfiup ilaa makkununnga atorneqarsinnaavoq: Inuussutis-sarsiortut namminersortunut (bank) katersortarfimmut inissi-aqarnernullu

http://qeqqata.odeum.com/dk/by-_og_bygdeplaner/bestemmelser/delomraadeplaner/vedtaget/700-c37.htm

700-C3.8 Sumiiffeqarfik siunertanut ataatsimoo-russanut

Sumiiffeqarfiup ilaa makkununnga atorneqarsinnaavoq: Oqaluffim-mut, ungdomsklubbimut, akunnit-tarfimmut inissiaqarnermullu.


700-C8 Sumiiffeqarfik siunertanut ataatsimoo-russanut

Sumiifferfik siunertanut qitiusumi-ittunut atorneqassaaq – Sunngif-fimmi aamma qitiusumi atortorissaarutinut – Naluttarfim-mut – Kulturip illussaarsuanut – Pisiniarfinnut, Cafénut il.il. Atorneqarfivia: Sumiiffk qitiusumi-ittoq (assigiinngitsut).


Illu qaninneq 260 meterip missaanik ungasissuseqarpoq, sumiiffimmi inissiaqarfimmi (sumiiffiup ilaani 700-A13 Qeqqata Kommunip pilersaarusiaani).

Pilersitsineq

Tunisassiorfimmi tunisassiorneq 21. december 2015 aallartinneqarsimavoq. Tassani aalisakkanik tunisassiorfik aallarterlaaq pineqarpoq, saarulliit aalisartuniit najugaqartu-niit pingaarnermik pisiarineqartassapput.



























9

Tunisassiorfik illumi B-1038-mi aallarnerneqarpoq, aalisakkanik tunisassiorfittut ilu-arsaanneqarsimasumi. Illu iluarsaanneqarnermini allineqarsimanngilaq. Illup sumiiffimmi inissisimanera ilanngussaq 2-mi takuneqarsinnaavoq. Tunisassiorfiup ingerlanneqarnera utaqqiisaagallartumik ingerlanneqanngilaq. Tunisassiorfiup aaqqissorneqarnera, matumani tunisassiassat inissinneqarfiat, akuutis-sat, eqqiaanermut kemikaliat, eqqakkanut containerit, nillataartitsiviit, pujoorfik uulia tankilu ilanngussaq 3-mi takuneqarsinnaapput. Silami sulineq taamaallaat tassaassaaq trucki atorlugu assartuinerit, tassa aalisartut tunisaannik tigooraanerit tunisassianillu ineriikkanik umiarsuarmut assartuinerit. Imeq errortuutikoq, illup B-1038-p imermik errortuutikumik kuuffiatigut pioreersukkut, illup kitaatungaanut immamut kuutsiineqartassaaq. Tunisassiorfiup imermik errortuu-tikumik kuuffiata inissisimanera titartakkami ilanngussaq 2-mi takuneqarsinnaavoq. Imeq errortuutikoq immami 2 meterimik ititigisumiit kuutsinneqartarpoq. Maniitsumi B1038-miit imermik errortuutikumik kuutitsineq siusinnerusukkut nalunaarutaasumi ulloq 21-09-2015-imi malittarisassiuunneqarnikuuvoq. Illup iluani kuuffeqarnermut pilersaarut ilanngussaq 4-mi takuneqarsinnaavoq.

Tunisassiorneq avatangiisinullu nammatassat

Tunisassiorfiup tunisassiarisinnaavai: aalisakkat/ukiumut 2.000 tonsit suaat/ukiumut 15 tonsit Taakku tunisassiarinerinut tunisassiorfiup ukuninnga atuinissani naatsorsuutigaa: Innaallagiaq ulloq unnuamullu 800 kWh Imeq ulloq unnuamullu annertunerpaamik 10 m3 Tunillaannartuiaat ikiumut 1.500 literi Eqqiaat akoorutissaq seernartuunngitsoq ukiumut 1.500 literi Fabrikkertaani inimik kiassaaneq pisarpoq kissarsuut uuliatortoq fabrikkip angissusia-nut naleqqussagaq atorlugu. Kissarsuut uuliatortoq aalajangersakkat nalinginnasut tassunga tunngassuteqartut malillugigt ikkunneqarnikuuvoq. Uulia tankeqarpoq 1.040 literimik imaqarsinnasumik. Uulia tanki ukioq 2000-imeersuuvoq. Fabrikkip eqqiarnerani eqqiaatit akoorutissaq seernartuunngitsoq aamma tunillaan-nartuiaat atorneqarput. Fabrikki qapummik aammalu tunillaannartuiaammik ullut 3-kaarlugit eqqiarneqartarpoq. Eqqiaatit eqqiaatit inaanni immikkoortumi parnaarsi-masumiitinneqarput. Eqqiaatinik nioqqutissiortup najoqqutassiaa malillugu sulisut atuinermut annertussusiliinermullu ilinniartinneqartarput. Imeq eqqiaanermiit ator-neqarnikoq tunisassiorfiup kuuffiatigut immap iluagoortitakkut kuutsinneqartarpoq. Imermik errortuutikumik saleeqqaarnami kuutitsineq pisarpoq.

10

Eqqiaat annerpaamik 250 literi toqqorsivimmiitinneqassaaq, tassa dunkit qulit imaasa nalingat. Tunisassiorfiup qulaani allaqqasutut aalisakkat suaallu tunisassiarissavai. Ataani allase-rineqarpoq tunisassiat marluusut pillugit tunisassiornerup ingerlanneqarnera. Aalisakkanik ilivitsunik qerititerineq Tunngaviusumik aalisakkat tamamik aalisartuniit najugaqartuniit tunisaassapput. Aali-sagaq saleriigaq erngiinnaq tunisassiorfiup ungasinngisaanut tulaanneqartassaaq, tas-sanngaaniillu tunisassiorfimmut bilinik usisaatinik imaluunniit truckinik assartorneqar-tassaaq. Aalisakkat immikkoortiterneqassapput angissusii naapertorlugit, oqimaalutarneqaree-runik ilivitsuutillugit qeritinneqassapput. Tunisassiorneq perlukunik pilersitsissanngilaq. Aalisakkat qeritinneqareerunik puussianut naleqquttunut poortorneqassapput, palle-nut iliorarneqassapput, plastikkimik palle kaajallallugu poorneqassaaq kingornalu tuni-sassiorfiup tunisassianut ineriikkanut toqqorsivianut assartorneqassapput. Tunisassiat 40 fodsinik angitigisoq containerimiissinnaanngorpata, pallenut immiullugit ataasiak-kaarlugit trukimik Royal Arctic Linemut (RAL) assartorneqassapput, tassanilu containe-rimut qerititsivimmut immiunneqassapput. Containeri ulikkaartoq RAL-miit Danmarki-mut assartorneqassaaq. Aalisakkanik ilivitsunik qerititerinermut titartagaq Flowdiagrammi ilanngussaq 5-imi takuneqarsinnaavoq. Nipisat Tunisassiorfiup nipisat suaarneqanngitsut suaakkallu tamaasa tigooqqarsinnaavai. Suaat nappartanut immiullugit tunisassiorfimmut tulaanneqassapput nipisallu suaajar-nikut nappartanut immikkoortillugit imaluunniit karsinut sikutalinnut ikillugit tunisassi-orfimmut tulaanneqassapput. Taakkuninnga tunisassiorfimmut assartuineq ”Aalisakka-nik Ilivitsunik qerititerineq”-mi allaaserineqartut assigiinnassavaat. Tunisaasiorneq ima ingerlanneqarpoq suaat suaat puuiniit avissaartinneqassapput kingornalu tarajorter-neqarlutik. Suaat uuttorneqareerunik nappartanut eqqiarneqarnikunut immiunneqas-sapput lagimillu nappartaq ilaneqassaaq ulikkaarlugu. Saniatigut allamik akuneqarneq ajorput. Suaat tunisassiorfiup nillataartitsivianiitinneqassapput Danmarkimut assartor-neqarnissamik tungaanut. Nipisat suaai peernikut qulaani allaaserineqarsimasutut ” Aalisakkanik ilivitsunik qeriti-terineq” -tut tunisassiarineqassapput. Suannik tunisassiornermiit perlukut annikitsoorannguussapput tassa aalisartuniit tu-nisaasut oqimaassusiisa 10-20 %-iattut annertussuseqassallutik. Suannik tunisassior-nermiit perlukut katersorneqassapput aalisakkaniillu perlukunut allanut ilanngullugit iginneqartassapput. Tunisassiarineqarnerat pillugu titartagaq Flowdigrammi ilanngussaq 6-imi takutin-neqarpoq.

11

Eqqagassat tamarmik containerini matoqqusuniitinneqassapput. Eqqagassanut contai-nerit sapaatip akunneranut ataasiarlutik imaarneqartassapput. Eqqagassat ukiumut 10. tonsit missaannik annertussusilerneqarput.

Eqqagassat poortuutikut (pappiala plastikkilu) illumilu eqqagassat ikuallaavim-mukaanneqassapput.

Uuliakoq dunkinut/nappartanut naleqquttunut bakkini katersuivinni kuuf-feqanngitsuni katersorneqartassaaq, tigooraavim-mut/ikuallaavimmukaanneqartassapput.

Batteriit, lysstofrørit, ledninngikut il.il. tigooraavim-mut/ikuallaavimmukaanneqartassapput.

Aalisakkat perlukui containerinut aalajangersimasunut katersorneqarlutillu immanut eqqarneqartassaput

Tunisassiorfik nillataartitsivittaarnikuuvoq (ammoniak køleanlæg tunisassiorfinnut atu-gassiaq). Tunisassiorfimmi atortunik aallartitsinerni/qamitsinerni pissutsinik immikkut taasaria- linnik peqanngitsoq nalilerneqarpoq. Tunisassiorfiup ingerlatinnerani ammasarfissai naatsersuutigineqarput: Ulapiffiunngitsumi (ukiuunerani): Ullukkut sulisut: nal. 7.00 – 16.00 (miss.) Ulapiffimmi (upernaanerani/aasaanerani): Ulloq unnuarlu tunisassiorneq Tunisassiorfiup, ulapiffiup nalaani saniatigut arfingorneq sapaat nalliuttunilu ammasar-nissaa naatsersuutigineqarpoq. Tunisassiorfiup nalunaarutigaa, ingerlatsineq manna tikillugu naammagittaalliuutigi-neqarsimanngitsoq. Aalisartuniit tunisinerni aammalu tunisassianik ineriikkanik umiarsuarmut assartuiner-ni, aqqusineq tamanut aqqutaasoq tunisassiorfiup eqqaaniittoq atorneqartassaaq (pingaartumik ulluunerani trukimik assartuinerit).

Iliuutsit mingutitsinermut killilersuutaasut

Perlukut annertunerit, matumani nerpimerngit, suaat ameraasaat il.il. annertugisas-saanngitsut, katersorneqartarput aalisakkallu perlukuisut iginneqartarlutik. Uulia tanki silamiittoq, illup isuani bilinik assigisaannillu angallaffiunngitsumi, inissin-neqarnikuuvoq. Uulia tanki misissorneqartarpoq illumik misissuinermut atatillugu kiisa-lu tunisassiorfiup iluani malittarisassat naapertorlugit, malittarisassat taassaapput tuni-sassiorfiup imminut nakkutigineranut atorneqartartut. Tunisassiorfiup imminut nakkutigineq aallartinnikuuaa, tunisassiassanik, tunisassior-nermi akuutissanik, kemikalianik nukimmillu atuinerit nalunaarsorneqarnissaat qulak-keerniarlugu. Ingerlatsinermi akornusersuutit ajutoornerillu pinngitsoortinniarlugit, nillataartitsivim-mik asserfallatsaaliuneq inatsisillu malillugit misissuinerit ingerlanneqartuartarput,

12

soorlu aamma sulisut eqqortumik nillataartitsivimmik atortuinermut ilinniartinneqar-nerat qulakkeerneqarnikuusoq.

5. Teknikkip avatangiisinut sunniutaanik naliliineq

Avatangiisit pillugit akuersinermi, inuiaqatigiinni aalisarnerup inuussutissarsiutaanerata ineriartortinneqartuarnissaata qulakkeernissaa avatangiisinut akornutaanngitsumik pingaartinneqarpoq, toqqaannartumik tunisassiornermiit imaluunniit pisunik allaniit.

Naalakkersuisoqarfiup nalilerpaa, tunisassiorneq allaaserineqartoq tassa aalisakkanik ilivitsunik qerititerineq nipisallu suaannik tunisassiorneq avatangiisinut qaninnernut imatut akornutaanavianngitsoq. Silaannarmut imatut aniatitsinermik pisoqarnavianngitsoq nalilerneqarpoq. Tunisassiorfiup eqqamiuminut nipiliornerata annertussusia akuerineqarsinnaasumiit-toq nalilerneqarpoq. Tunisassiorfik inissisimavoq sumiiffiup ilaani inuussutissarsior-nermut umiarsualiveqarnermullu atugassiissutigineqartumi. Tamanna sumiiffik, sumiif-finnut allanut inuussutissarsiornermut umiarsualiveqarnermullu taamatulli atugassiis-sutigineqartunut attuumavoq, taamaalillunilu nipiliornermut mianernarani. Sumiiffiup ilaa avannaatungaaniittoq inissiaqarfimmut attuumasuuvoq, kisiaanili tassa illumut qaninnerpaamut 260 meterimik ungasissuseqarpoq. Sumiiffiup ilaa avannamut kitaa-tungaaniittoq sumiiffeqarfiuvoq siunertanut ataatsimoorussanut atugassiaasoq taamaammallu aamma nipiliornermut mianernaateqanngilaq. Tunisassiorfiup eqqakkanik igitsasarnera illersorneqarsinnaasutut nalilerneqarpoq. Aalisakkat tunisassiorfimminngaaneersut perlukuisa annertunerat killeqarpoq taakkulu immamut iginneqartarput. Aalisakkanik nioqqutissiorfiup sapinngisamik aalisakkat per-lukuinik annikillisaanissaa, annerusumillu aalisakkap ilaanik tunisassiornermi inger-lanneqartumi atorneqarsinnaanngitsunik atoqqiisarnissaa, naalakkersuisoqarfimmiit kissaatigineqarpoq. Tamaammat naalakkersuisoqarfik kissaateqarpoq, tunisassiorfiup sulissutigiuaannassagaa aalisakkat perlukuinik qanoq atoqqiisinnaaneq, tamanna pil-lugu piumasaqaatinik peqarpoq (piumasaqaat 16). Tamanna suliniut nakkutilliinermut oqartussanut nalunaarutigineqartassaaq qaammatisiutit malillugit ikiumut ingerlatsine-rmut nalunaarsuiffimmi, tak. piumasaqaat 26. Eqqiaanermut tunillaannartuiaanermullu eqqiaatit atukkat allagartaat qinnuteqaatimut ilanngullugit nassiunneqarput. Tassani takuneqarsinnaavoq, tunisassiorfimmi eqqiaa-nermut tunillaannartuiaanermullu atorneqartut kemikaliat avatangiisinut navianartutut immikkoortitaanikuusut aammalu imermi uumassusilinnut toqunartuusut natriumhy-poklorit-imik akoqarnertik pillugu sunniutaasullu sivisuumik atuuttartut. Natriumhypoklorit Miljøstyrelsep (DK-mi Avatangiisinut Aqutsisoqarfiup) allattuiffiani atortussianut kissaatigineqanngitsunut4 ilaavoq syremullu attuukkuni gasinik toqunar-tunik pilersitsissartuuvoq. Tamanna pillugu atortut natriumhypoklorit-imik akullit ittu-jaarsimanissaat pillugu piumasaqaatit ilaneqarnissaat aalajangerneqarpoq (pi-umasaqaat 10).

4 Miljøstyrelsep (Avatangiisinut Oqartussa) Ilisamatitsissutaa Nr. 3/2010 ”Listen over uønskede stoffer”.

13

Tunisassiorfimmiit imeq errortuutikoq tunisassiornermeersoq saleqqaarnagu immam-mut kuutsinneqartarpoq. Tamanna pillugu piumasaqaatit aamma ilaneqarnissaat aala-jangerneqarpoq, tassa tunisassiorfiup sulissutigissagaa natriumhypoklorit-imik atuine-rup allamik taarserneqarnissaa, atorunnaariartornissaa imaluunniit natriumhypoklorit-imik atuinini millisissagaa. Suliaq tamanna nakkutilliinermut oqartussanut qaammatisi-utit malillugit ikiumut ingerlatsinermut nalunaarsuiffimmi nalunaarutigineqartassaaq, tak. piumasaqaat 25.

6. Aalajangiineq pillugu nalunaaruteqarneq

Oqartussaniit suliamilu peqataasuniit oqaaseqaatit

Avatangiisit pillugit akuersinermut atatillugu Kommunalbestyrelse aamma Nakorsaa-neqarfik tusarniaaffigineqartassapput, tak. akuersisarnermut nalunaarummi § 16 aamma 17.

Qeqqata Kommunia eqqakkat suliarineqartarnerat pillugu oqaaseqaateqarpoq. Kom-munip orniginartinngilaa aalisakkat perlukuisa tigooraavimmut/ikuallaavimmut tunni-unneqartarnissaat, kissaatigalugulu aalisakkat perlukuisa tamarluinnarmik immamut eqqarneqartarnissaat pillugu immikkut erseqqissaasoqassasoq. Tamassuma saniatigut containerinik imaarsineq kommunip eqqagassanik sulisuiniit isumagineqassanngitsoq, tunisassiorfiulli nammineq containerinik immaarsineq biiliutilittut suliffeqarfimmut isumaqatigiissusiorfigissagaa kommunemiit oqaaseqaatigineqarpoq.

Naalakkersuisoqarfik kommunip tusarniaanermi akissutaanut ima oqaaseqateqarpoq: Naalakkersuisoqarfiup Maniitsoq Fish ApS isumaqatigalugu avatangiisit pillugit akuer-sissummi ilassutigineqassasoq, tekkinnip avatangiisinut sunniutaasa allaaserineqar-nerani aalisakkat perlukuisa immamut eqqarneqartarnissaat ilanngunneqassasoq. Naalakkersuisoqarfiulli aalisakkat perlukuinik immamut eqqaanissap piumasaqaatinut allanneqarnissaa kissaatiginngilaa aalisakkammi perlukuinik immamut eqqaanerup millisinneqarnissaa naalakkersuisoqarfimmiit kissaatigineqarmat. Naalakkersuisoqar-fiup taarsiullugu kissaatigaa aalisakkat perlukuisa atoqqinneqartarnissaat annerusumik pissasoq taamaalilluni aalisakkat perlukui eqqagassat millisinneqassammata.

Nakorsaaneqarfik aaliangiissummut oqaaseqaatissaqanngilaq.

Nersutit nakorsaata immikkoortortaqarfia aaliangiissummut oqaaseqaatissaqanngilaq.

Maniitsoq Fish APS aaliangiissummut oqaaseqaatissaqanngilaq.

Tamanut ammasumik saqqummiussineq

Avatangiisit pillugit akuersissummut tunngatillugu aalajangiinerit tamanut ammasumik saqqummiunneqassapput, tak. Akuersisarnermi nalunaarummi § 18.

Akuersissut manna AG-mi ulloq 23.november 2016-imi aamma Sermitsiaq-mi ulloq 25. november 2016-imi allagarsiissutigineqassaaq.

Avatangiisit pillugigt akuersissut Inatsisartut nittartagaanni takuneqarsinnaavoq imaluunniit Kalaallit Nunaanni Namminersorlutik Oqartussanut, Namminiilivinnermut, Pinngortitamut, Avatangiisinut, Nunalerinermullu Naalakkersuisoqarfimmut saaffigin-ninnikkut.

14

7. Maalaaruteqarnissamut ilitsersuut

Aalajangiineq Inatsisartut Avatangiisinik Innarlitsaaliuineq pillugu Maalaaruteqartarfi-annut maalaarutigineqarsinnaavoq:

Aalajangiiffigisaasumiit

Nakorsaaneqarfimmiit

Suliap inerneranut immikkut annertuumik soqutigisaqartutut isumaqarfigi-neqarsinnaasunit tamanit

Peqatigiiffiit suliniaqatigiiffiillu, malittarisassatik naapertorlugit sukisaarsaar-nermik, avatangiisinik pinngortitamillu annertuumik soqutigisaqarnerminnik aallussinissamik siunertaqartut

Maalaarutaasimasinnaasoq Avatangiisinik Innarlitsaaliuineq pillugu Maalaaru-teqartarfimmut qaatiguuliorneqassaaq, kisiannili uunga nassiunneqassalluni:

Namminiilivinnermut, Pinngortitamut, Avatangiisinut, Nunalerinermullu Naalak-kersuisoqarfik Imaneq 1A Postbox 1614 3900 Nuuk E-mail: [email protected]

Maalaaruteqarnissamut piffissarititaasoq piffissani matumani kinguliani taaneqartuni kingullerniit naatsorsorlugu sap. ak. arfinillinnik sivisussuseqarput. Killissarititaasoq saqqaani takuneqarsinnaavoq.

1. Ulloq, aalajangiinerup aalajangiiffigineqartumut nalunaaruteqarfigineqartoq 2. Ulloq, akuersissutip tamanut ammasumik saqqummiunneqarfia

Namminiilivinnermut, Pinngortitamut, Avatangiisinut, Nunalerinermullu Naalak-kersuisoqarfik avatangiisit pillugit akuersissummut maalaarut tiguguniuk, Inatsisartut Avatangiisinik Innarlitsaaliuineq pillugu Maalaaruteqartarfianut ingerlateqqissavaa. Maalaaruteqartarfiup aalajangiinera allaffissornermi oqartussanut allanut ingerla-teqqinneqarsinnaanngilaq

Avatangiisit pillugit akuersissummut maalaarut tunngaviusumik piffissami, maalaaru-teqartarfiup suliaqarfigisaani atuuttussanngortitsisinnaanngilaq, tak. Avatangiisinik Innarlitsaaliuinermut inatsimmi § 63. Naalakkersuisut pisut ilaanni avatangiisit pillugit akuersissut maalaaruteqarnerup nalaani atorneqassanngitsoq, aamma maalaarutaa-sinnaasut atuuttussanngortitsinermik nassataqassanersut aalajangiisinnaapput. Nam-miniilivinnermut, Pinngortitamut, Avatangiisinut, Nunalerinermullu Naalakkersuisoqar-fik maalaarummik tigusaqaruni suliami akuusut ilisimatissavai.

Aalajangiinerup nalunaarutigineqarneraniit qaammatit arfinillit ingerlanerini, aalajangi-ineq eqqartuussivimmut suliassanngortinneqarsinnaavoq. Eqqartuussisulersuussinis-samut piffissarititaasoq saqqaani allassimavoq.

mailto:[email protected]

15

Naalakkersuisut sinnerlugit

Louise Holm Christensen

A/C Fuldmægtig

Namminiilivinnermut, Pinngortitamut, Avatangiisinut, Nunalerinermullu

Naalakkersuisoqarfik

Ilanngussaq 1: Tunisassiorfiup sumiissusia

(NunaGIS-imiit nunap assingata ilaa ilanngussanut assingusoq – nassuiaatitalik il.il.)

Ilanngussaq 2: Illup inissisimaffia

(Ilanngussaq 2, qinnuteqaammut 08.09.2016-imeersumut ilanngussaq)

Ilanngussaq 3: Tunisassiorfiup aqqissuunneqarnera


Ilanngussaq 4: Illup iluani kuuffeqarnerup pilersaarusiornera

(Ilanngussaq 4, qinnuteqaammut 08.09.2016-immersumut ilannguusaq)

Ilanngussaq 5: Aalisakkanik ilivitsunik qerititerineq pillugu Flowdiagrammi


Ilanngussaq 6: Nipisat suaat pillugit Flowdiagrammi


Bilag 1: Virksomhedens beliggenhed

Ilanngussaq 2: Illup inissisimaffia

Ilanngussaq 3: Tunisassiorfiup aaqqissuunneqarnera

Ilanngussaq 3 qup. 2: Tunisassiorfiup aaqqissuunneqarnera

Ilanngussaq 4: Illup iluani kuuffeqarnermut pilersaarusiaq

Ilanngussaq 5: Aalisakkanik ilivitsunik qerititsineq pillugu Flowdiagrammi

Ilanngussaq 6: Nipisat suaat pillugit Flowdiagrammi

Documents

Maniitsoq Fish Aps-imut Sags nr. Avatangiisit pillugit ...naalakkersuisut.gl/~/media/Nanoq/Files/Attached Files/Miljoe... · GL-3905 Nuussuaq Tunisassiorfiup atia najugaqarfialu: