Upload
others
View
0
Download
0
Embed Size (px)
Citation preview
106
En norsk 3-årsplan frå 1933 var ved sida av å væra ein kriseplan også ein plan for å utvekla Noreg som industriland. Planen var statskapitalistisk med vekt på planøkonomi og ny teknologi. Ein pådrivar når det gjaldt å utforme industripolitikken var Teknisk Forening av DNA som i 30-åra fekk gjennomslag for fleire av merkesakene sine. Ole Colbjørnsen sto sentralt i arbeidet. Viktige industripolitiske oppgåver var jernsaka og skipsbyggingssaka. Dei konkrete resultata av industripolitikken var likevel små. Dei viktigaste var at det blei oppretta nye institusjonar som Tiltakskommisjonen og Rådet for teknisk industriell forskning.
107
Rolv Petter Amdam
Teknologi og planøkonomi3-årsplanen og industripolitikken i 1930-åra*
Mens Ole Colbjørnsen oppheldt seg i USA under andre verdskrigen, skreiv han til ein medarbeidar i Industrikomiteen i New York: «Som De vet har jeg i mange år arbeidet for en mere planmessig og energisk industrireisning og industripolitikk i Norge, blandt annet gjennom Statens Tiltakskommisjon, Norges Industribank, Jernutvalget, samt i Stortingets Finanskomite m.v.»1
Ole Colbjørnsen hadde frå han i 1933 saman med Axel Sømme lanserte En norsk 3-årsplan vore ein sentral industri- politikar innan Arbeidarpartiet. Og som dette sitatet illustrerer, finn ein i åra fram mot 1940 Colbjørnsen i ei rekkje komitear og institusjonar som hadde med den statlege industripolitikken å gjere. Denne artikkelen tar opp i kva grad den industripolitikken Colbjørnsen la fram i 3-årsplanen, kom til å setje preg på industripolitikken utover i 1930-åra.
«En norsk 3-årsplan» som industriplan
3-årsplanen blei lagt fram av Ole Colbjørnsen og Axel Sømme etter landsmøtet i Arbeidarpartiet i 1933 som ein økonomisk kriseplan — ein plan for korleis Arbeidarpartiet i regjeringsposisjon skulle kunne avskaffe arbeidsløysa i løpet av tre år. Konkret skulle staten bidra til at 150 000 nye arbeidsplassar blei oppretta; av dette skulle 25 000 skaffast direkte ved industrireising. 2 Kjøpekrafta skulle då auke, og det skulle bli samsvar mellom tilbod og etterspørsel i økonomien. Krisa skulle m.a.o. overvinnast gjennom ein aktiv motkonjunkturpolitikk, og dei nye arbeidsplassane skulle langt på veg finansierast ved statlege låneopptak. Men planen var også ein industriplan — ein plan for å utvikle Noreg som industriland. Og det er denne sida ved planen som interesserer her.
Planen kom i kjølvatnet av ein omfattande debatt i partiet der spørsmål som synet på industriutbygging under kapitalis-
Ole Colbjørnsen (1897—1973) var en forgrunnsfigur i 1930-årenes økonomisk-poli- tiske debatt. Som medlem av ungdomsforbundets sentralstyre hadde han under partistriden i 1922—23 støttet Komintern. Etter splittelsen oppholdt han seg flere år i Sovjetunionen, der han arbeidet i økonomiske planleggingsorganer. På slutten av 20-tallet brøt han med kommunismen og Sovjet, og etter et mellomspill som direktør fo r et britisk shippingselskap vendte han tilbake til Norge. 1 1932 ble han ansatt som økonomisk journalist i Arbeiderbladet, der han samme år startet en artikkelserie inspirert av russisk planøkonomi og keynesianisme.
108
Colbjørnsen ogSømmes bokfra 1933, «En norsk 3-årsplan» kom i kjølvannet av en omfattende debatt om industripolitikken i Arbeiderpartiet. A t boka ble m øtt med blandete reaksjoner, viser det utplukk av anmeldelser som er vist på motstående side.
Geografen, dr. philos. Axel Sømme, bidro med en konkret og inngående kjennskap til norsk næringsliv, særlig primærnæringene, i utformingen av 3-årsplanen.
men og prioritering mellom støtte til jordbruket kontra industrien hadde stått sentralt.3 Ole Colbjørnsen hadde sjølv vore med på å reise denne debatten. Han hadde i ein artikkel i Arbeiderbladet 16. juli 1932 om «Nasjonal fabrikkreisning» hevda at krisedebatten hadde vore dominert av problem innan jordbruket, og at det no var på tide å konsentrere seg om å utvikle industrien i landet — «om fabrikkreisningen». Industrien var hovudnæringa når det gjaldt å skape økonomisk vekst. Verkeleg auke i realløn ville ein først kunne få ved nyetablering «av nasjonale industrier og andre bedrifter».4 På landsmøtet i mai 1933 blei det i prinsippet fleirtal for denne industrilina.5
3-årsplanens industripolitikk inneheldt to sentrale element, nemlig planøkonomi og ei sterk interesse for ny teknologi. Det var ein ny og teknisk meir avansert industri som skulle leggje grunnlaget for økonomisk vekst. Oppgåver som oppretting av Norges Jern- og Stålverker med 4 000 tilsette, ein statleg elektrisk-mekanisk verkstad og ein eller fleire store møbel- fabrikkar illustrerer at interessa for ny teknologi var nært knytt til satsing pk storindustri.6 Den sterke interessa for ny teknologi kjem også til uttrykk ved at planen gjekk inn for ein fors- kingsbasert industri med oppretting av eit statleg teknisk- industrielt forskingsinstitutt som ei sentral oppgave. 7
Med omsyn til utviklinga av det politiske idégrunnlaget til partiet var planen eit viktig bidrag til å styrke ein reformistisk politikk. For det første tok planen eit klart standpunkt for at vegen til betring av levestandarden primært måtte gå gjennom produksjonsauke. Oppgåva med å omfordele eksisterande verdiar blei med dette nedtona: «En annen og mere rettferdig fordeling av nuværende nasjonalinntekt vil ikke kunne gi nogen større resultater».8
For det andre var planen «i sin grunnkarakter statskapita- listisk».9 Vegen til eit sosialistisk Noreg skulle gå via ein overgangsperiode der ein privatøkonomisk sektor eksisterte side om side med ein statsøkonomisk sektor. Målet var at den statlege sektoren etter kvart skulle dominere. For industrien sin del innebar dette at det skulle vere rom både for private og statlege bedrifter. Sjølv om det var ei oppgåve å byggje ut den statlege sektoren, skulle staten for å kome ut av krisa også støtte private bedrifter økonomisk. Men den private sektoren skulle reduserast og i sterkare grad underleggjast statlege planar og kontroll:
109
TIDENS TEGN or>«dog 18. «p rl l 1934
N O R S K P L A N Ø K O N O M I .H vorfor h e r r T hagaard
og h e rr Colbjørnsen ta r feil, — og arbeidsgiverne e r for negative.
H v a d vi t ren g er : Næringsting, ak tiv p e n g e politikk og cen tra l ise r t bankledelse .
A u T idens Tegns (incinsmedcirbeider,___________
Fra krise og Kaos t i l ' og sosialisme.
„En norsk 3-årsplan“.8 A rbeider-A visen m a n d a g d e n 15 j a n u a r 1934
En aktuell kok.
En norsk økonomisk 3-ål
I denne uke sam les det nye s to rtin g o g det vil s ikkert b li en livlig politisk sesong. D et er de økonom iske p rob lem er ■som e r så i fo rg run nen o g da i fø rs te rekke arbeidsløsheten. —
Nettoip no kom m er en aktuell bok. D et er Ole C o lb jø rn sens og Aksel Søm m es: »En norsk 3 å rsplan«. Boken e r u tg itt på Det N orske A rb e id erp a rtis F o rlag , og g ir en u tfø rlig redeg jø re lse for de tte pa rtis ak tuelle p lanøkonom i.
U an se tt po litisk s tandpunk t, vil boken le se s m ed s to r in te resse fordi den be ty r noe ny tt i ak tuell politikk og i all sin enkelhet e r en betydelig bok. —
D ehne tre å rsp lan vil jo bli den s to re fo r g runns sak ved. å re ts s to rting o g d e rfo r b ø r m an studere den o g g jø re s ig op en m ening om den.
1U11'
H v o r d a n arbe ids løsheten kan avskaffes i løpet a v en 3 - årsperiode. - A r b e i d s m u l i g h e t e n e
i jordbruk , industr i og fiskeri.geu a v u c . v
under valg- ist, og dernæst
og avsnit fra n landbruket i re er eamtnen- taljerne. Først ng finaneierin- ojekt som, om
S v e rre K r o g h h a r 1 e t p a r . lo sh a r t ik le r g jen n o m g å tt O le C o 1- land b j ø r n s e n ' s ok Axel S ø m - | f a (t, m e 's 3 -å rsp la n . Vi h lts e l te r e t „ i„ _
L i t t e r a t u rD en norske 3-årsplan, av O le C o
bjprnsen og A xel Søm me. D et norsk A rbe idspartis forlag.
D e t norske A rb e id e rp a rti h a r nu bokform sendt ute C olb jørnsens o: Søm mes forslag til socialistisk plan dkonom i i N o rg e , kjent under nav n e t : 3-årsplanen.
M ed boken h a r m an først og frems ment å gjøre de problem er planei ta r sikte p å best mulig kjent b land landets befolkning og da i først rekke arbeiderk lassen , fordi den o: b are den kan realisere planen.
3-årsp lanen er ikke utopi. D en e: fealite ter. D en er i flukt m ed D e porske A rb e id e rp a rtis krisepolitikk — nærm est en utdypning og opskissering en u tform ning av selve partiets arbeids p rogram .
Samfundsutbygning efter socialistiske eller borgerlige grunnprinsipper.
En socialistisk 3-årsplan som svikter a llered e på papiret.
To unge «arbeiderpartister», eksmotdagisten Axel Sømme og Arbeiderbladets økonomiske medarbeider, Ole Colbjørnsen. har nylig utgitt sin bok «En norsk 3- årsplan», som presenterer sig
pct. (de er klar over a t eksportindustriens lønninger er bunnet, men de foretar en «utjevning» med hjemmeindustrien. Hvad sier bygningsarbeiderf orbundet ?). Funksjonærlønningene skal like-
110
«Det private initiativ må ledes inn i fruktbringende baner og ordnes inn under den almindelige samfundsøkonomiske plan. Vi må få effektiv kontroll med den private økonomiske virksomhet. Det samfundsmessige initiativ, representert gjen- nem statens økonomiske organer, så vel av regulerende som direkte forretningsdrivende art, må komme til rik utfoldelse.»10
Industriutbygginga skulle på denne måten skje planøkonomisk. Dette innebar for det første at industrien skulle byggjast ut etter detaljert utforma planar der samfunnsøkonomiske mål talde meir enn privatøkonomiske. For det andre skulle det utviklast nye institusjonar dels for å utarbeide planane, og dels for å setje dei ut i livet. Ein Riksplankommisjon skulle stå for utarbeiding av dei økonomiske hovudplanane, og det skulle opprettast eit eige Industridepartement. Dette skulle ikke berre ha det øvste oppsynet med dei statlege bedriftene, men også leie «hele den samfundsmessige regulering og kontroll av industrien». Dessutan skulle det utviklast eit sett av korporative organ ved sida av den eksisterande forvaltninga. Gjennom ulike organ frå distrikts- og bransjeråd til eit Erhvervsting, som saman med Stortinget skulle inngå i eit økonomisk-politisk to- kammersystem, skulle representantar frå partane i arbeidslivet og staten samarbeide om å løyse oppgåver innanfor planøkonomien.11
Kriseforlik
Mens Bondepartiet ved kriseforliket i 1935 fekk gjennom dei viktigste landbrukskrava sine, fekk Arbeidarpartiet innfridd nokre av sine industripolitiske krav. 5 mill. kr. av dei kriseløy- vingane dei to partia kom fram til, blei sette av til lån for ny industri og for å hindre at gamle bedrifter måtte innskrenke. Dette utgjorde rett nok berre ein liten del av kriseløyvingane til landbruket, men det viktige her er at prinsippet om offentleg støtte til private bedrifter blei innført.12
Og vidare, for å administrere dei nye støtteordningane for industrien blei Kommisjonen for nye arbeidstiltak, planlegging og selvberging — eller Tiltakskommisjonen — oppretta. Samstundes blei Rådet for teknisk-industriell forskning — R TIF — oppnemnt. Med dette var to nye institusjonar oppretta for å administrere den statleg industristøtta og forskinga for industriformål. Tiltakskommisjonen var samansett av repre-
111
sentantar frå staten, næringsorganisasjonar og LO; RTIF frå vitskaplege institusjonar, industrien og staten.13
Eit nytt forlik fann stad i 1936. Arbeidarpartiet og Bondepartiet forhandla då m.a. om feittlova, trygdelover ogein industribank. Denne gongen var det kravet om ein industribank Arbeidarpartiet fekk innfridd, rett nok ved å fire på kravet om at banken skulle vere ein rein statsbank.14
Både den statlege industristøtta, Tiltakskommisjonen, RTIF og Den Norske Industribank var alle industripolitiske tiltak i tråd med 3-årsplanen. Ikkje alt var det rett nok like mykje strid om, og t.d. hadde opprettinga av RTIF brei støtte både i og utanfor Stortinget.13 Men sett under eitt hadde ein med dei nye institusjonane fått eit visst grunnlag for å kunne gjennomføre den planmessige industrireisinga. Eg skal seinare kome attende til om desse institusjonane i praktisk virke kom til å bli prega av planøkonomisk tankegang.
Teknisk Forening av DN A
Ein pådrivar når det gjaldt å utforme industripolitikken til Arbeidarpartiet etter lanseringa av 3-årsplanen, var Teknisk Forening av DNA. Foreninga blei skipa 9. januar 1934 opphavleg som eit lukka lag av ingeniørar og teknisk interesserte innan partiet. Først 8. oktober ble laget opna og tilslutta Oslo Arbeidarparti. Frå starten av sette foreninga i gang eit omfattande utgreiingsarbeid der interessa for teknologi og planøkonomi blei kombinert. Sentralt i dette arbeidet sto nettopp Ole Colbjørnsen, som saman med Fredrik Haslund og H.C. Sand- beck hadde vore initiativtakarar til foreninga.16
Oppgåvene til foreninga var dels å arbeide innanfor den tekniske stand med «å utbre samfunnsmessig oplysning». Dels skulle ho representere standen nærmast som fagforening ved «å arbeide for at de tekniske fagfolk i Norge bys de vilkår som svarer til deres samfunnsmessige betydning». Og dels skulle ho mobilisere den tekniske ekspertisen til det planøkonomiske utgreiingsarbeidet, nemleg ved «å yde medvirkning til klarleg- gelse av det kaos som hersker innen produksjonslivet og til å belyse årsakene til det», samt «å yde bidrag til den praktiske utforming av en planøkonomi i Norge».17
Det var særleg på det siste området — utforming av konkrete tekniske planar — at foreninga kom til å markere seg. Før
Ingeniør Fredrik Haslund (1899—1961), salgsjef i Tiden Norsk Forlag, var blant initiativtakerne til stiftelsen av Teknisk Forening av DNA i 1934. Han var også blant de mest aktive i foreningen.
112
krigen blei følgjande planrapportar lagt fram i form at trykte publikasjoner:
To publikasjoner fra Teknisk Forening av DNA i serien «Teknisk-Økonomiske Småskrifter», som utkom på DNAs forlag i 1930-årene.
1934: — T.C. Hagemann, Norsk skibsbygging kan brøfø 50 000 mennesker
1936: — O. Colbjørnsen, F. Nannestad og T.C. Hagemann: Jernsakens løsning
— TFs industrikomité med bl.a. O. Colbjørnsen: Industrien i Norge
— TFs el. komité med bl.a. O. Colbjørnsen: Plan i elektrisitetsforsyningen
— Gunnar 0 . Jørgen, Bo bedre 1937: — Boligbygging i Norge1939: — Thor Larssen, Vår veibygging og dens frem tid
Opprettinga av foreninga opphavleg som ei samanslutning utanfor partiapparatet peikar, saman med den verksemda denne foreninga dreiv, mot eit karakteristisk trekk ved Ole Colbjørnsen som politikar i denne perioden. Han må ha hatt ein brennande trong til å form e partiet sin politikk, og han valde til dels ukonvensjonelle, men effektive middel for å vinne fram. Dels fremma han politiske utspel gjennom Arbeiderbladet, der han var journalist, og dels i partiet sitt teoretiske tidsskrift «Det 20de Aarhundrede». 3-årsplanen var eit Colbjørnsen-initiativ som greip inn i den politiske debatten og konkretiserte denne. Og gjennom Teknisk Forening tok han initiativ til å få sett i gang konkret planarbeid fø r dette blei tatt opp av partiet elles. Som vi skal sjå, låg det i dette elles ein kime ikkje berre til eit planleggingsapparat for partiet, men også til eit apparat som skulle løyse tekniske oppgåver som det eksisterande borgarlege statsbyråkratiet ikkje var i stand til å løyse. Engasjementet til Colbjørnsen uttrykte dermed vilje til å omsetje politikk til handling. Ein kan seie det slik at Colbjørnsen hadde sett i gang med praktisk politisk arbeid for ei Arbeidarpartiregjering alt fø r Nygaardsvold danna regjering.
Etter kriseforliket fekk Colbjørnsen fleire sentrale industripolitiske oppgåver. Han blei m.a. styreformann for den nyoppretta Industribanken og partiet sin fremste talsmann i Tiltakskommisjonen. Han trekte i den samanhengen ofte fram kor viktig arbeidet til den tekniske foreninga var. T.d. klaga han i februar 1936 over at Tiltakskommisjonen enno ikkje
113
hadde evna å utrette stort i praksis, og at Regjeringa mangla handlingskraft i industripolitiske saker fordi ein ikkje hadde noko Industridepartement. Derimot framheva han den tekniske foreninga som eit organ som «har utført og utfører et stort arbeid gjennem sine spesialkomiteer».18
Tanken om å trekkje planarbeidet til foreninga inn i den statlege industriplanlegginga kom m.a. fram på det første møtet i Tiltakskommisjonen 1. aug. 1935. Der foreslo Colbjørnsen å leggje foreningas utgreiingar om jarnsaka til grunn for kommisjonen sitt arbeid.19 Seinare i 1937 kom medlemmer av foreninga med i den regjeringsoppnemnde komiteen som skulle utgreie jarnsaka. Både F. Nannestad og T.C. Hagemann hadde då året før vore med på å leggje fram ei innstilling for den tekniske foreninga der ein gjekk inn for ei teknisk løysing av jarnsaka basert på gruvedrift i Grong og anlegg i Glomfjord og på Sjursøya i Oslo.20
Også i partiprogrammet til Arbeidarpartiet sette den tekniske foreninga spor etter seg. Til landsmøtet 22.—24. mai 1936 la landsstyret fram ei innstilling til arbeidsprogram der ein gjekk inn for å halde fram med industrireisingslina frå 1933. Men som vedtaket i 1933 var oppgåva stilt allment utan konkretisering av særskilde industrireisingsoppgåver.21 Under landsmøtedebatten fekk programmet derimot eit meir konkret innhald. Behovet for ein landsplan for elektrisitets- utbygging og kraftforsyning blei understreka, og landsmøtet påla sentralstyret saman med stortingsgruppa å lage ein slik plan.22 Vidare blei det etter framlegg frå Fredrik Haslund — ein av dei mest aktive innan Teknisk Forening — lagt til følgjande setning i avsnittet om industrien: «Jernsaken og skibsbyggingssaken løses.»23 Med dette tok arbeidsprogrammet konkret stilling til to av dei mest sentrale industrioppgåve- ne som var fremma i 3-årsplanen og gjennom Teknisk Forening.
Året etter — i juni 1937 — vedtok landsstyret ei fråsegn om aktuelle arbeidsoppgåver for partiet. Når det gjaldt «større industrielle tiltak som står på dagsorden», blei fem oppgåver trekte fram: jernsaka, skipsbygginga, elektrisistetsutbygginga, brenselforsyninga og utvikling av tekstilindustrien.24 Konkretiseringa av særleg dei tre første oppgåvene bygde klårt på utgreiingane frå Teknisk Forening.
Ole Colbjørnsen var då også sjølv svært nøgd med dette
Ingeniør T.C. Hagemann konkluderte sin utredning for Teknisk Forening om skipsbyg- gingsspørsmålet i 1934 med at et stort verft med 5000 ansatte måtte bygges i Oslo.
114
vedtaket. No var industripolitikken «utarbeidet mer konkret og skutt sterkere i forgrunnen enn i partiets tidligere planer og retningslinjer», skreiv han. Tidlegare hadde dei konkrete planane derimot «stått for enkelte partimedlemmers eller partigruppers regning», og han trekte spesielt fram 3-årsplanen og Teknisk Forening av DNA.25
Endring i synet på statleg industrireising
Arbeidarpartiet framstår no mot slutten av 30-åra som eit parti med eit meir konkret utforma industripolitisk program enn tidlegare. Colbjørnsen og Teknisk Forening hadde fått gjennom fleire av merkesakene sine. Samtidig blei andre oppgåver som opphavleg hadde stått sentralt, svekka. Dette gjaldt m.a. den storstilte statlege industrireisinga som 3-årsplanen hadde store visjonar om.
I denne saka var dei praktiske resultata små. På to område blei det i det minste arbeidt mot konkrete løysingar. Det kom
Jernarbeiderne i Os,o barparo- ' gang eit st3tleg utgreiingsarbeid for å få reist eit jarnverk, og ler med krav om bygging av det ved krigsutbrotet var planlegginga kome så langt at ein var klarTmafdemonstrk ' 9 3 5 ' ^ 3 setJe ’§an§ me^byggjearbeidet.26Ogsåskipsbyggingssaka
I SET HYE
i SklPSVFQFTET Pa
115
gav resultat sjølv om dette ikkje blei i form av noko statleg verft. Derimot illustrerte utviklinga av denne saka at det var den private industrien som kom til å nyte godt av statsmidlane frå og med 1935, og likeins at oppgåva med å reise nye statsbedrifter gradvis blei svekka innan Arbeidarpartiet.
Ifølgje 3-årsplanen burdet det reisast «flere nye store statska- pitalistiske verksteder», og eitt av desse var eit «Norges Skibs- verft» i Oslo med kapasitet til å byggje store skip. Fornyinga av den norske skipsflåten hadde i vesentleg grad skjedd gjennom kontrahering av skip bygde på utanlandske verft, og eit slikt storverft skulle bidra til at ein større del av flåten blei bygd i Noreg.27 Også utgreiinga til Hagemann for Teknisk Forening året etter konkluderte med at eit nytt stort verft måtte byggjast i Oslo — eit verft med 5 000 tilsette og med ein kapasitet slik «at man ikke i en altfor fjern fremtid kunde bygge store passasjerbåter av størrelse som eller større enn de båter som tilhører Den norske Amerikalinje».28 Men no var eit statsverft berre eitt av tre aktuelle alternativ. Dei to andre var anten å samarbeide med Aker ogfeller Nyland eller med Fredrikstad og Rosenberg.29 Seinare synest framlegget om ei statsbedrift å ha blitt oppgitt, og det statlege engasjementet blei konsentrert om samarbeidsprosjekt med private interessentar.
Parallelt tok eksisterande verft til å få statleg støtte. Men dette skjedde ikkje utan politisk strid. Striden gjaldt om støtta skulle bli gitt på grunnlag av ein prioritert landsplan for næringa — eller om planleggingslina frå 3-årsplanen skulle leggjast til grunn for støtta til næringa.
Alt i 1932 hadde Stortinget oppnemnt eit utval for å greie ut om framtida for dei norske skipsverfta. Utvalet hadde Nico- lai Rygg frå Noregs Bank som formann og var breitt samansett med representantar frå departement, reiarar, verftseigarar og fagrørsla. I innstillinga frå april 1936 gjekk utvalet inn for at skipsverfta skulle kunne få statsstøtte.30 Fleirtalet med Rygg ville berre gi statlege lån til modernisering og utviding av eksisterande verft, og at støtte skulle avgjerast frå sak til sak. Mindretalet, representantane frå fagrørsla, gjekk derimot lenger. For det første ville dei at utvalet skulle ta stilling til ein landsplan der det blei prioritert mellom verfta. Denne skulle leggjast til grunn for kven som skulle få lån. For det andre foreslo dei at det skulle opprettast eit storverft med aktiv deltaking frå staten si side og med Oslo kommune, Aker, Rosenberg og Fredrik
116
Presidenten i Norsk Industriforbund, professor Birger F. Halvorsen (1877—1942) bleformann i Tiltakskommisjonen som ble opprettet høsten 1935 fo r å administrere de nye statlige støtteordningene for industrien. Han ble også formann i Rådet fo r teknisk-industriell forskning som ble opprettet samtidig med Tiltakskommisjonen.
stad mek. verkstader som moglege samarbeidspartnerar.Om ideen om ein landsplan for skipsbyggingsindustrien ik
kje vann fram i utvalet, blei han tatt opp med større hell i Tiltakskommisjonen før meldinga kom opp i Stortinget. Kommisjonen hadde engasjert ing. Bjørn Røli for å utarbeide ein plan for denne industrigreina, og i mai reiste Anders Frihagen til fleire av verfta for å samle inn opplysningar. Målet var å utarbeide «en landsplan for storskibsbyggingen i Norge og innstilling om statens støtte til skibsverftene.»31
Tiltakskommisjonen, som hadde Birger F. Halvorsen frå Norges Industriforbund som formann, diskuterte og vedtok ein slik landsplan 3. juni 1936. Kommisjonen gjekk samrøystes inn for at det alt dette året blei vedtatt ein plan for å modernisere BMV, Fredrikstad mek. og Rosenberg mek., mens det var delte meiningar om verfta i Langesund og Kristiansand.32
To veker seinare kunne Regjeringa på grunnlag av kommisjonen sin «landsplan for skibsbyggingen i Norge» leggje fram ein proposisjon som gjekk inn for å garantere for lån til BMV, Rosenberg og Fredrikstad.33 Sjølv om det borgarlege fleirtalet i finanskomiteen gjekk inn for å utsetje saka, gjekk framlegget likevel gjennom i Stortinget då fleire av dei borgarlege representantane støtta framlegget av omsyn til lokale næringsinteresser. 34
Teknisk Forening av DNA oppsummerte dette vedtaket som «det første skritt» i moderniseringa av skipsverfta: «Men dette er ikke nok. Også Oslo, Norges største skibsfartsby hvor over 40 pct. av flåten hører hjemme, må komme i besiddelse av et spesialverft for bygging av store båter. Dette kan bl.a. skje i forbindelse med Nylands Verksteds overflytting til en gunstigere beliggende tomt.»35
Som ein ser, var spørsmålet om direkte statleg engasjement i dette storverftet i Oslo no ytterlegare dempa. Målet med å opprette eit statleg verft ser ut til å ha forsvunne. Men dette innebar likevel ikkje nødvendigvis noko nederlag for Colbjørnsen-politikken. For det første sto kravet om teknologisk fornying av norsk skipsbyggingsindustri heile tida sentralt. Når det gjeld det andre hovudelementet i politikken — planøkonomi — så var ikkje det på noko tidspunkt redusert til eit spørsmål om statlege bedrifter. Statsbedrifter og private skulle som tidlegare nemnt støttast parallelt. Men føresetnaden då var at det eksisterte planøkonomisk styring av korleis
117
den private sektor utvikla seg. Eit nøkkelspørsmål blir då om dei nyoppretta institusjonane i praktisk virke var styringsorgan prega av den planøkonomiske tankegangen. Det er i det lyset ein kan ta føre seg to av desse institusjonane, nemleg Tiltakskommisjonen og Rådet for teknisk-industriell forskning.
Stabelavløpning ved Fredrikstad mekaniske verksted i 1930-årene. Dette verftet var blant de verft som kom inn under Tiltakskommisjonens plan om utbygging og modernisering av skipsbyggingsindustrien.
Tiltakskommisjonen
Fleire av dei nye institusjonane som 3-årsplanen ønska å opprette, blei ikkje realiserte. Det vidtgåande framlegget om ein Riksplankommisjon med ansvar for så vel heilskaplege økonomiske som industrielle planar blei det ikkje noko av. Det blei heller ikkje oppretta noko Industridepartement før krigen. Arbeidarpartiet vedtok både på landsmøtet i 1936 og 1939 å arbeide for eit slikt departement.36 Men dette blei først oppretta i 1947.
Planarbeidet kom derimot til å foregå i mindre omfang, og då først og fremst innan Tiltakskommisjonen. I hovudsak kom kommisjonen til å arbeide som innstillande organ når det gjaldt søknadene om statleg industristøtte. Frode Helgerud har i si hovudoppgåve synt at innstillingane i liten grad blei gjorde etter planmessig prioritering, og at dei i stor grad reflek-
118
terer samansetjinga av dei over 2000 søknadene om støtte som kom inn før krigen.37 M.a.o. var det etter dette synet lite planmessig styring av dei offentlege midlane.
Men på eitt område finn Helgerud at kommisjonen innstilte etter klare overordna nasjonaløkonomiske kriterium, nemleg ved å favorisere heimeindustrien framfor eksportindustrien.38 Denne modifikasjonen av hovudkonklusjonen kan ytterlegare styrkast. Det syner seg nemleg at Colbjørnsen i ein del saker fekk gjennomslag for at kommisjonen skulle leggje seg på eit høgare styringsambisjonsnivå ved sjølv å utarbeide industri- planar. Desse skulle leggjast til grunn for handsaminga av støt- tesøknader og for sjølvstendige initiativ frå kommisjonens side.
Colbjørnsen sine framlegg om at kommisjonen skulle utarbeide «en økonomisk generalplan for Norge» og «en riksindu- striplan for industrien»,39 gjekk rett nok ikkje gjennom i kommisjonen. Som den tidlegare omtalte skipsindustriplanen kom desse planane derfor til å halde seg på bransjenivå. I eit debattmøte i Industriforbundet hausten 1936 nemnde Ole Colbjørnsen arbeidet med ein treforedlingsindustriplan som døme på at Tiltakskommisjonen «ikkje bare har innskrenket sig til å behandle innkomne andragender, som man kanskje tror.»40 Kommisjonen hadde oppnemnt eit eige treforedlingsutval med Colbjørnsen, Halvorsen frå Industriforbundet, Enger frå Bondelaget og ing. Per Klem som medlemmer.41 Klem blei engasjert som konsulent i planarbeidet. Og i desember 1936 kunne han leggje fram ein plan som gjekk gjennom tilhøva i denne industrien vassdragsvis, og som foreslo konkrete tiltak for Drammensvassdraget.42 Innan Tiltakskommisjonen blei det også hevda av Halvard Olsen frå LO at tildelingane til denne bransjen ikkje berre bygde på ei rangering av bedriftene innan Drammensvassdraget, men faktisk på rangeringar mellom alle dei store vassdraga.43
Også for tekstilindustrien vedtok kommisjonen å gå gjennom bransjen «for å undersøke om der kan gjøres noget for å øke vår produksjon i denne branche og gjøre oss uavhengig av importen».44 Det er derimot noko usikkert kor langt ein kom i dette planarbeidet før krigen. Og til sist utarbeidde Tiltakskommisjonen ein landsomfattande hotellplan, som blei lagt til grunn for innstillinga om støtte til denne næringa.45
119
Rådet for teknisk-industriell forskning
Samtidig med Tiltakskommisjonen blei også RTIF oppretta — også det med innstillande mynde overfor Handelsdepartementet med omsyn til søknad om støtte til forsking, og også det med Industriforbundets B.F. Halvorsen som formann. Rådet hadde elles eit sterkt innslag av vitskapsmenn frå dei høgare lærestadene, men mangla medlemmer med sentrale posisjonar i arbeidarrørsla, som Ole Colbjørnsen og Konrad Nordahl i Tiltakskommisjonen.46
Colbjørnsen hadde opphavleg tenkt seg ein planøkonomisk styringsmodell der RTIF skulle kunne brukast som utgreiings- organ underlagt Tiltakskommisjonen.47 Men både i høve til Tiltakskommisjonen og Regjeringa kom rådet til å fungere sjølvstendig. Ved opprettinga av rådet understreka handelsminister Madsen også sterkt den sjølvstendige oppgåva rådet måtte ha. Det skulle på den andre sida heller ikkje bli noko overorgan som akta «å gripe inn i de enkelte institusjoners selvbestemmelsesrett og ( . . . ) legge bånd på de enkelte forskeres frie initiativ.»48 Likevel kom RTIF på enkelte område til å medverke til at planmessig teknisk-industriell forsking blei fremma.
Grunnen til at det frivillige ved samarbeidet blei understreka så sterkt, var nok at tidlegare røynsler hadde synt at eit samarbeid om teknisk-industriell forsking berre kunne kome i stand på denne måten. Alt like etter første verdskrig hadde det blitt gjort forsøk på å få til samarbeid mellom stat, vitskap og industri om denne oppgåva. Opprettinga i 1918 av Central- komiteen for videnskapelig samarbeide til fremme av næringslivet — det seinare Rådet for anvendt forskning — var eit slikt forsøk. Men det kom heller lite ut av dette. Blant vitskapsmenn var det motstand mot å samarbeide med industrien, og både blant politikarar og industrileiarar var det skepsis til spesielt å la NTH få for stor plass i eit slikt samarbeid.49 Industrien satsa heller på eigne bransjevise forskingsinstitutt, og midlane frå dei ikkje ubetydelege forskingsfonda som blei oppretta, blei utover i 20-åra med få unntak pulveriserte på hundrevis av småprosjekt slik at effekten blei svekt.50
I den forskingspolitiske samanhengen låg betydninga av RTIF i at det heile kom i stand eit permanent forskingsråd der vitskap, stat og industri samarbeidde. RTIF var uttrykk for ein
120
meir positiv vilje frå vitskaplege miljø til å samarbeide med industrien, og industrien stilte seg meir positiv til det å la NTH få ein sentral posisjon i den teknisk-industrielle forskinga.51 Dessutan medverka rådet til å samordne tildelinga av midlar frå forskjellige forskingsfond slik at tildelinga av midlane skjedde meir ut frå ei samla vurdering.52
Dei konkrete vedtaka i RTIF om innstilling på støtte til forskingsprosjekt synest på same måte som for Tiltakskommisjonen sin del, i all hovudsak å ha reflektert samansetjinga av dei innkomne søknadene. Men på tre område forsøkte rådet, og lykkast også langt på veg, å styre tildelingane planmessig etter linjer som fall saman med regjeringas politikk.
For det første forsøkte rådet å styrke forskinga ved dei eksisterande forskingsinstitusjonane og då med NTH som den sentrale institusjonen. Rådet hevda overfor Handelsdepartementet at det var nødvendig «å sette de bestående institusjoner bedre i stand til å fylle sin opgave av hensyn til den grunnleggende betydning dette har for forskningen i sin almindelig- het. Grunnlaget for all forskning er det arbeide som drives ved de videnskapelige institutter.»53
Konkret resulterte dette i at 35,7% av kr 352 200,- som utgjorde dei nye statlege løyvingane til teknisk-industriell forsking frå 1936 til 1940, gjekk til NTH. Første året gjekk heile 47,5% av kr 108 200,- til N TH.54
For det andre prioriterte RTIF f.o.m. våren 1936 å styrke brenselforskinga. Med dette var meint «forskning på brensel- og energiområdet med sikte på en bedre og utvidet anvendelse av innenlandske råstoffer og energikilder.»55 Rådet grunngav dette med at ei spørjeundersøking til store industribedrifter, næringsorganisasjonar og forskingsinstitutt hadde synt at det var stor interesse for denne oppgåva.56 Ei gjennomgåing av dei innkomne svara etterlet seg derimot eit inntrykk av at heller få var opptatt av dette, og at prioriteringa derfor meir kan ha vore påverka av sjølvbergingsmåla til regjeringa.57 Prioriteringa medførte konkret at rådet gjorde studiereiser til Sverige og Finland og utarbeidde ein «Plan for brenselforskning i Norge».58 Til og med 1939 hadde om lag halvparten av dei midlane rådet disponerte, gått til brenselforsking.59
For det tredje kom rådet f.o.m. hausten 1939 til å prioritere beredskapsmessige sider ved forskinga med tanke på ein eventuell krig. I januar 1940 handsama rådet i samråd med både
121
I 30. dnembar 1930. Arbeiderbladet
NorskVeldig e k spans jo n i 1 9 3 6 - t u s e n e r nye a r b e i d e r e
inntatt, fabr ikkene utvidet o g nye g r e n e r av virks o m h e t e n optat t - delvis m e d a r b e i d e r
r e g j e r i n g e n s støtte. - S v æ r e lever a n s e r til pap i r in d u s t r i e n s
m o d e r n i s e r i n g .ni antagrlig betrakte* bare *om et -laff pi en ellers nedadgiende kiirvo.
s
— VI beakjeh.g. oplyirr direktør Knud I rens Verksted. Det e samme antall som tidligere, duks)onen er steget i «ret
Jevn avgang pS.— Det er vanskelig i uttale sig
om, avhengig som man er av mange forhold. I kommende i r har vl Jo tariffrevisjonen som et meget avgjørende moment. Jeg h i per det blir fortsatt arbeidsfred, og jeg tror det er et almindelig ønske hos alle.
Tt proeent økning I arbeidsstokken og mange nye arbeidstiltak.
Tim Thunes mek. verkste. meldlnjtcoa sarrllg gledelige, boldsstokken ved bedriften I Oslo ør pk et «ned 10 proeent i irels løp w fm 297 1 desember ifjnr til J27 J;4r. Enda større er «ligningen . be- skjaftigelsen ved anleggene |ii II -
Vi for v ir del har for øieblikket 10 skiftetraktorer av den nye typen
r bygging for statsbanenes reg-
— Deres bedrift har Jo fitt slI Igang* r fsb
park en flel. Det er nemlig det br< nende «pors mil. Lokaler har vi. n-
vi y bmover fir forholdsvis gurt-l i
n dagr.n f
Handels-, Forsynings- og Forsvarsdepartementet NTH si stilling under krig.60 Knapt ein månad før okkupasjonen sende RTIF på oppdrag frå Handelsdepartementet ut eit spørjeskjema til alle laboratoria i landet — både offentlege og private. Formålet var å skaffe seg oversikt slik at det kunne treffast beredskapsmessige tiltak og fordele løyvingane ut frå bered- skapsmessige kriterium.61 Rådet hadde med dette begynt arbeidet med å dreie den teknisk-industrielle forskinga mot militære og sivile beredskapsmessige oppgåver. Landet blei derimot okkupert før ein fekk høve til å sjå praktiske resultat av desse tiltaka.
Arbeiderbladets optimistiske nyttårsreportasje fra 1936 forteller om den store ekspansjonen i verkstedsindustrien i året som er gått.
Konklusjon
I høve til dei storstilte industriplanane frå 3-årsplanen var dei konkrete resultata små. Veksten i industrien i 1930-åra tok til før regjeringsskiftet og hadde andre årsaker enn den industripolitikken som blei ført.62 Verkemidla var svake, og verknadene av tiltaksmidlane kan illustrerast ved at berre om lag 5 av dei 20 millionane som Nygaardsvolds-regjeringa løyvde,
122
blei tatt i bruk av industrien.63Men følgjene av 3-årsplanen for industripolitikken låg ikkje
på desse områda. Viktigare var det at det blei oppretta nye institusjonar, rett nok ikkje av eit slikt omfang som 3-årsplanen skisserte, men der planøkonomisk tenking likevel på ein del område fekk innpass og blei lagt til grunn for praktisk politikk. Dessutan var industripolitikken med på å bere fram ei meir generell interesse for teknologisk fornying av norsk industri både ved dei industrioppgåvene som blei stilte, ved innslaget av teknisk ekspertise i planleggingsarbeidet og ved at den teknisk-industrielle forskinga blei styrka.
Desse røynslene må ha vore viktige for den vidare industri- planlegginga innan arbeidarrørsla, i første omgang i eksil. Under krigen blei utviklinga av den planøkonomiske modellen diskutert og ført vidare særleg av eksilmiljøa i London og Stockholm. Ole Colbjørnsen kom derimot som aktivt medlem av Industrikomiteen i New York mest til å arbeide med den tekniske sida av industriplanlegginga. Med det var han med på å føre vidare den sterke interessa for ny teknologi, som hadde vore ein del av den industripolitikken han arbeidde for i 1930-åra.
N O T A R*) Artikkelen byggjer på tidlegare arbeidsnotat utarbeidde for prosjektet «NTH 75år» samt historieprosjekt for Den norske Industribank— jfr. T.J. Hanisch og E. Lange, Vitenskap for industrien Oslo 1985 og samme, Veien til velstand Oslo 1986.
1. Colbjørnsen til Arne B. Holt 3.5.43; Industrikom. i New York, boks 29, Jern- saken; Riksarkivet.
2 O. Colbjørnsen og A. Sømme, En norsk 3-årsplan, Oslo 1933 s. 31. (Heretter; 3-åp)
3. Dette er utførleg behandla m.a. i F.B. Førsund, D et norske Arbeiderparti 1930—33. Krisepolitikken og vegen til sosialisme Hovudoppg. Bergen 1975.
4. Ibid. s. 113ff5. Ibid. s. 15Off6. 3-åp s. 67ff7. Ibid. s. 14f, 898. Ibid. s. 129. Ibid. s. 18
10. Ibid. s. 1311. Ibid. s. 122ff12. Om kriseforliket: E. Bull, Kriseforliket mellom Bondepartiet og Det norske
Arbeiderparti i 1935, TFAH 2/1985 s. 51—70.13. St.prp. 1/1935. tillegg 2414. O. Årdal, Bankreisingogkrisetiltak. Opprettelsen av Den Norske Industribank
H.oppg. Tr.heim 1972, s. 30ff; T.J. Hanisch og E. Lange, Veien til velstand Oslo 1986 kap. 1
15. RTIF Beretning 1935/36—36/37 s. 12; Stortingstidende 1935 s. 1425.
16. Beretning; TF av DNA, boks 11, legg 3; Arb.bev. Arkiv17. Ibid.18. Det 20. Århundrede febr. 1936 s. 6319. Tiltakskom. protokoll I, 1.8.1935; Riksarkivet20. O. Colbjørnsen m.fl., Jernsakens løsning Oslo 1936; Det 20. Århundrede jan.
1937 s. 121. DNA Landsmøtet 1936. Protokoll Oslo 1937, dagsorden s. 1222. Ibid. s. 10023. Ibid s. 92, 10024. Aktuelle arbeidsopgaver fo r Det norske Arbeiderparti. Vedtatt i landsstyre
møte 18. — 19. juni Oslo 1937 s. 4f25. Det 20. Århundrede aug. 1937 s. 22426. T. Bergh m.fl., Vekst og velstand Oslo 1981 s. 12427. 3-åp s. 6828. T.C. Hagemann, Norsk skipsbygging kan brøfø 50 000 mennesker Os\o 1934
s. 3429. Ibid. s. 35f30. St.meld. 27/193631. Tiltakskom. protokoll III, 15. — 16.5.193632. Ibid. 3.6.193633. St.prp 121/193634. Innst. S. 238/1936; St. tidende 1936 s. 1584 ff35. O. Colbjørnsen m.fl., Industrien i Norge Oslo 1936 s. 38f36. DNA Landsmøte 1936. Protokoll Oslo 1937, dagsorden s. 24; DNA Lands
møte 1939. Protokoll Oslo 1940 s. 3237. F. Helgerud, « VieI Geschrei und wenig Wotle?» H.oppg. Oslo 197638. Ibid. s. 18639. Tiltakskom. protokoll I, 1.8.193540. J.T. Holst, Økonomisk orientering og videnskapeligforskning Oslo 1936 s. 4641. Treforedlingsutvalgets møtebok; Handelsdept., Industrikontoret/Tiltakskom.
eske 2, mappe 502142. Klem til Tiltakskom. 17.12.1936; ibid.43. Tiltakskom. protokoll III 8.5.193644. PM ud.; H.dept., IK/TK eske 5 mappe 509045. Tiltakskom. protokoll VI 6.4.193746. RTIF Beretning 1935/36—36/37 s. 1347. Tiltakskom. protokoll 1 1.8.193548. RTIF Beretning 1935/36—36/37 s. 1349. J.P. Collett, Videnskap og politikk H.oppg. Oslo 1983; T.J. Hanisch og E. Lan
ge, Vitenskap fo r industrien Oslo 1985 s. 75—8350. Viktigaste unntaket var Papirindustriens Forskningskomité som frå 1922 til
1930 blei tildelt om lag !ri av midlane til teknisk-industriell forsking som eit av hovudfonda, A/S Norsk Varekrigsforsikringsfond, delte ut. For fondstildeling frå dette fondet, sjå Varekrig Oslo 1931 kap. III del II
51. T.J. Hanisch og E. Lange, op.cit s. 143ff52. RTIF Beretning 1935/36—36/37 s. 11, 30f53. RTIF til H.dept. 25.5.1936; gjengitt ibid. s. 1754. Utrekna ut frå oversyn over tildelingar i RTIF Beretning 1939/40—40/41
s. 27ff55. RTIF Beretning 1935/36—36/37 s. 3456. Ibid. s. 2057. Svarskjema i RTIFs arkiv boks 10; ved NTNF58. RTIF Beretning 1937/38 s. 42ff, 50ff59. Kr 140 500 av kr 295 200; RTIF Beretning 1938/39 s. 63ff60. Rådsmøte 10.1.1940 sak 99, RTIFs møteprotokoll 1937—41; RTIFs arkiv
boks 8 legg 461. Følgjeskriv til beredskapsinventering, RTIF 15.3.1940; RTIF boks 6 legg 362. Sjå t.d. T.J. Hanisch og E. Lange, Veien til velstand Oslo 1986 kap. 163. F. Helgerud op.cit. s. 61