Upload
lamtuong
View
214
Download
0
Embed Size (px)
Citation preview
Nasjona la gæhttjalime
Åhpadiddjebagádus Oatsodibme ja vijddásap barggo gæhttjalimijn Låhkåm 8. ja 9. klássan 2018
Sisadno
Oatsodibme ja vijddásap barggo gæhttjalimij ......................................................................... 3
Majt låhkåma nasjonála gæhttjalime guoradalli? ............................................................... 3
Låhkåmdádjadus ja låhkåmulme ......................................................................................... 4
Gåktu båhtusijt oatsodit? ......................................................................................................... 5
Máhtudakdáse ånigattjat tjielggiduvvam ............................................................................. 5
Gæhttjalime ja båhtusijt oatsodibme ...................................................................................... 6
Gåktu åhpadiddje máhtti båhtusijt aktan oatsodit? ........................................................... 6
Gåktu oahppijjuohkusij båhtusijt oatsodit? ......................................................................... 7
Gåktu ájnegis oahppe båhtusijt oatsodit? ........................................................................... 8
Diedo dán jagásj dahkamusájs ................................................................................................ 9
Ienep dán jagásj dahkamusáj ja tevstaj birra ja gåktu daj máhttá barggat åhpadusán... 11
1. ulmme: Diedojt gávnnat ................................................................................................. 11
2. ulmme: Dålkkut ja dádjadit ........................................................................................... 12
3. ulmme: Árvvaladdat ja árvustallat tevsta hámev ja sisanov ....................................... 13
Máhtudakdásij tjielggidusá ja barggooajvvadusá ................................................................ 14
Máhtudakdásse 1 ............................................................................................................... 14
Máhtudakdásse 2 ............................................................................................................... 15
Máhtudakdásse 3 ............................................................................................................... 15
Máhtudakdásse 4 ............................................................................................................... 16
Máhtudakdásse 5 ............................................................................................................... 17
Tækstaslája ......................................................................................................................... 17
Dahkamusáj háme ............................................................................................................. 18
2016
3
Oatsodibme ja vijddásap barggo gæhttjalimij Nasjonála gæhttjalimij ulmme l árvustallat ja vijddásappot åvdedit oahppij
låhkåmtjehpudagájt, riekknimtjehpudagájt ja oasev ieŋŋilsgiellafága máhtudakmihtoj. Dájna
mihtojn vuodon máhtá gárvedit ja oatsodit bargov gæhttjalimij maŋŋela. Ájnas la adnet
gæhttjalimijt ja oahppij båhtusijt gå vattá oahppijda diedov båhtusijs, ja bagádallat gåktu
máhttá vijddásap barggat båhtusij vuodon. Oahppij oahppamij la ållo javllamus gåktu
bagádalá sijáv.
Analyjssarapportta gávna PAS:an. Danna vuojná gåktu oahppe l vásstedam guhtik
gatjálvissaj.
Majt låhkåma nasjonála gæhttjalime guoradalli? Nasjonála gæhttjalime låhkåmin mihttiji man mutton oahppij låhkåmmáhtudahka l
oahppoplánaj máhtudakmihtoj hárráj, gånnå låhkåmmáhtudahka l avtastahteduvvam juohkka
fágan. Dat merkaj gæhttjalimen guoradaláduvvá divna fágaj låhkåmtjehpudagáv, ij dåssju
sámegielfágan. Juohkka fágan li ietjas sierra fáhkatækstasjáŋŋara ja iesjguhtiklágásj fágaj
tjanádum åvddånbuktemháme; ja vuodotjehpudagá li iesjguhtik láhkáj tjielggiduvvam fágaj
oahppoplánajn. Divna oahppoplánajn la dat aktisasj ulmme ahte oahppe galggi hárjjidallat
låhkåt ja adnet tevstajt iesjrádálattjat ja kritihkalattjat åhpadusmannulagá tjadá. Dá tjuovvu
nágin buojkulvisá gåktu låhkåm vuodotjehpudahkan la tjielggiduvvam niellja iesjguhtik
oahppamplánan:
Buktet låhkåt sámegielfágan la máhttet dádjadit iesjguhtiklágásj sjáŋŋarij tevstajn
dålutjis ja dálá ájges [...] ja máhttet kritihkalattjat ja iesjrádálattjat árvustallat
lågåduvvam tevstajt.
Luondofágan buktet låhkåt la dádjadit ja adnet luondofágalasj moallánagájt,
gåvåstagájt, gåvvusijt ja vuodostit ulmálasj bargo tjadá luondofágalasj tevstaj.
Buktet låhkåt matematihkan merkaj dádjadit ja adnet gåvåstakgielav [...] ja ieredit
diedojt, árvvaladdat ja árvustallat hámijt ja sisanov ja tjoahkkájgiesset diedojt tevsta
iesjguhtik elementaj.
Buktet låhkåt sebrudakfágan merkaj dutkat, dålkkut ja árvvaladdat fágalasj tevstajt
[…] ja máhttet giehtadallat ja adnet diedojt gåvåjn, filmajn, sárggomijn, gráfajn,
tabellajn ja kártajn.
8. ja 9. klássaga barggi sæmmi gæhttjalimijn. Gæhttjalibme l dagáduvvam Máhttolåpptima 7.
klássa fágaj oahppoplánaj ulmij ja máhtudakmihtoj milta, ma li mihto majt oahppe galggi
jåksåm. Gæhttjalibme galggá spiedjildit dajt tevstajt, masi oahppe oahpásmuvvi iesjguhtik
fágajn. Juohkka jage dagáduvvá ådå gæhttjalibme, gånnå li 5-6 tevsta ja birrusij 40
dahkamusá. Divna fágaj tevsta e sjiehta avta gæhttjalibmáj, valla jagij tjadá li gájkka fágajs
válljiduvvam tevsta gæhttjalibmáj. Fáhkatjanástahka la tevsta temá vuodon jali formála ævtoj
milta, ja tevstajt máhttá dábálattjat adnet moatte fágan.
Dekodimtjehpudagá, låhkåmjåhto ja låhkåmfártta vájkkudi låhkåmdádjadussaj, valla
nasjonála gæhttjalime e njuolgga dav mihtti. Nasjonála gæhttjalime li dagáduvvam danen vaj
oahppij låhkåmdádjadusáv mihttit moatte dásen. Dahkamusá ja tevsta li iesjgudik dásen, ja
målssu álkkes ja hásstaliddje dásij gaskan. Dán láhkáj máhtti oahppe vuolemus dásen nágin
4
dahkamusá tjoavddet, madi muhtem dahkamusá li hiebadum oahppijda gudi hásstaliddje
dahkamusájt dárbahi.
Låhkåmdádjadus ja låhkåmulme
Iesjgeŋgalágásj tevsta gájbbedi geŋgalágásj låhkåmvuogijt. Gæhttjalime dahkamusá galggi
gåbttjåt gålmmå biele jali ulmie låhkåmdádjadusás. Muhttijn oahppe galggá vásstádusájt
tevstan gávnnat, navti gåktu tjuodtju, jali gånnå viertti moadda oase tevstan avtastahttet. Ietjá
bálijt vas oahppe iesj viertti dålkkut, vuodostit, árvvaladdat jali árvustallat tevsta sisanov ja
hámev. Oahppe galggá tevstav låhkåt ja tjoavddet dahkamusájt gålmålágásj låhkåmulme
vuodon. Dan vuodon juohkep låhkåmdádjadusáv tjuovvovasj låhkåmulmijda:
1. Diedojt tevstan gávnnat
2. Tevstav dålkkut ja dádjadit
3. Tevsta hámev ja sisanov árvvaladdat ja árvustallat
“Gávnnat diedojt tevstan” merkaj låhkke galggá gávnnat diedojt tevstan, ma li tjáleduvvam
njuolgga, tjielggasit jali implisihtta vuogijn. Vajku diehto l njuolgga tækstaj tjáleduvvam, de
máhtti ållo diedo ja moattelágásj lahkalakkoj ja muhttijn vuosstálakkoj diedo dahkat
gássjelappon vásstádusáv gávnnat, vajku vásstádus la tjáleduvvam tevstan. Máhtudakdásij
tjielggidusájn gåhtjuduvvi dákkir hásstalusá biddnustalle diehton. Biddnustalle diedo dahki
tevsta gássjelabbon ja vaddi vejulasjvuodajt gássjelap gatjálvisájt gatjádit.
“Dádjadit ja dålkkut tevstav” fármas moattelágasj ulmijt. Muhttijn oahppe galggá gávnnat
álkkes aktijvuodajt ja tjuovvomusájt guovte gárgadisán ma libá maŋŋálakkoj. Ietjá bále vas
galggá gávnnat aktijvuodajt ja ájádusbåhtusijt majn sjaddá ållo ja moattebelak diedojt
dålkkut. Dålkkum gájbbet aktij tjadnat gárgadisájt, avtastahttet diedojt ma li moatten sajen
tevstan, jali gávnnat vásstádusájt nåv gåhtjudum linjáj gaskan. Jus galggá tevstav dádjadit,
de oahppe hæhttu åbbålasj gåvåv oadtjum tevsta sisanos ja ulmes.
“Árvvaladdat ja árvustallat tevsta hámev ja sisanov” merkaj oahppe iesjrádálattjat máhttá
árvustallat ja árvvaladdat tevsta sisanov ja hámev. Árvvaladdam gájbbet vásádusáv ja
láddamav, ja oahppe galggi háldadit moattelágásj vuogijt. Sij galggi máhttet juojddá tevsta
sisano birra javllat ietjasa vuojnojt vuodon, máhttet tevsta sisanov gæhttjat åbbålattjat, ja
máhttet vuohkasit ja ássjálattjat vuodostit ietjasa vuojnojt, analyjsajt jali árvustallamijt.
Máhttet dåbddåt dábálasj tækstadåbddomerkajt ja máhttet adnet giellaåhpav ja tækstaåhpav
lågådijn la ájnas oasse bargos. Árvvaladdam gájbbet vásádusáv ja láddamav, ja oahppe
galggi moattelágásj vuogijt háldadit.
Vajku divna dahkamusá gæhttjalimen li mierkkiduvvam låhkåmulmijn, de la ájnas diehtet
ahte da gålmmå låhkåmulme ælla sierra låhkåmtjehpudagá. Låhkåm la avtastahteduvvam ja
moattebelak doajmma, ja ep máhte javllat akta oahppe l tjiehppe diedojt gávnatjit, ja nubbe
vas tjiehppe dålkkutjit jali árvvaladátjit. Avtan ja sæmmi dahkamusán li álu moadda
låhkåmulme sæmmi bále, ja ulmme mij la mierkkiduvvam, la dat mij vuoset dahkamusá
oajvveájggomusáv. Låhkåmulmme subtsas makkár hásstalusá dahkamusán li.
5
Gåktu båhtusijt oatsodit?
Maŋŋela gå oahppij båhtusijt la registrerim PAS:an, máhtá boadosrapportav viedtjat, mij
vaddá diedojt divna dahkamusájs, oahppe båhtusijs, muhttijn aj skåvlå båhtusijs. Dåppen la
aj álkkes analyjssaviehkkenævvo, mav máhtá adnet oahppij bargo oatsodimen.
Máhtudakdáse ånigattjat tjielggiduvvam
8. ja 9. jahkedásen li vihtta máhtudakdáse, 1. dásse l vuolemus dásse ja 5. dásse l bajemus
dásse. Dájt tjielggidusájt máhtá adnet bagádussan gå árvustalá gåktu dån máhtá oahppij
båhtusijt árvustallat, ja gávnnat vuogijt gåktu oahppev viehkedit åvddånittjat.
Máhtudakdásse 1 – Dábálattjat oahppe buktá dáv:
Gávnnat gávnnat åsijt ma tjielggasit åvddånbåhti tevstan, ja majn ælla vuojga ietjá
biddnustalle diedo
Dålkkut dålkkut álkkes ságav tevstan jali tevsta oajvvetemáv dádjadit gå sisadno
tjielggasit le tjáledum
Árvvaladdat persåvnålasj vuojnoj baktu tevsta hámev jali sisanov tjielggit
Máhtudakdásse 2 – Dábálattjat oahppe buktá dáv:
Gávnnat gávnnat åsijt ma tjielggasit åvddånbåhti tevstan, ja majn li tjielgga
biddnustalle diedo
Dålkkut dádjadit tevsta oajvvetemáv ja dádjadit aktijvuodajt ma e tjielggasit tevstan
åvddånboade
Árvvaladdat tevsta hámev jali sisanov árvustallat persåvnålasj vásádusáj ja guottoj
vuodon
Máhtudakdásse 3 – Dábálattjat oahppe buktá dáv:
Gávnnat moatte sajen tevstan gávnnat åsijt ma gulluji aktij ja majn li tjielgga
biddnustalle diedo
Dålkkut tjielggit tevsta temáv mij la tjielggasit åvddånbuvtedum, jali aktijvuodajt
dádjadit tevsta geŋgalágásj åsij gaskan
Árvvaladdat persåvnålasj vásádusájt jali máhtudagáv ávkástallat gå vuodostimijn tevsta
hámev ja sisanov árvustallá
6
Máhtudakdásse 4 – Dábálattjat oahppe buktá dáv:
Gávnnat gávnnat ja hiebadit geŋgalágásj åsijt ma li moatte sajen tevstan ja
árvustallat guhtimuttja ássjáj gulluji
Dålkkut dádjadit gåktu oase ma e tjielggasit åvddånboade tevstan huoman hiehpi
aktij, jali gåktu da hiehpi åbbålasj tevstajn
Árvvaladdat ietjas vásstádusáv vuodostit gå tevsta hámev jali sisanov árvustallá,
buohtastahttema, vuosstebielij tjielggima jali diedoj sieradime baktu
Máhtudakdásse 5 – Dábálattjat oahppe buktá dáv:
Gávnnat gávnnat ja hiebadit geŋgalágásj åsijt ma li gudik sajen tevstan, ja diedojt
ma gulluji ássjáj sieradit tjielgga biddnustalle diedojs
Dålkkut
dádjadit ássjijt ma moatteláhkáj máhtti dádjaduvvat, ulmmesisanov mij la
vuorddámusáj vuosstálakkoj, ja ulmmesisanov dádjadit mij tevstan
negativalattjat gaskostuvvá
Árvvaladdat
tevsta hámev ja sisanov kritihkalattjat ja analyhtalattjat árvustallat, jali
jáhkádisáj hábbmit buohtastahttema, vuosstebielij jali diedoj sieradime
baktu
Gæhttjalime ja båhtusijt oatsodibme
Dánna tjuovvu nágin buojkulvisá gåktu skåvllå máhttá bargo båhtusijt oatsodit.
Åhpadiddjejuogos bierri aktan plánit gåktu båhtusijt tjielggi oahppijjuohkusij ja gåktu dajt
adná ájnegis oahppij oatsodibmáj.
Gåktu åhpadiddje máhtti båhtusijt aktan oatsodit?
Gå oahppijjuohkusa båhtusa li ålliduvvam, de la vuogas prosessav álgadit, gånnå åhpadiddje
aktan gæhttjalimij båhtusijt guoradalli. Åhpadiddje bierriji aktan árvvaladdat ja ságastallat
buojk. tjuovvuvasj gatjálvisájt:
Vuojnnep gus makkirak viggamusáv/tendensav ietjama skåvlån jali mijá klássajn?
Li gus miján ietjá diedo oahppij ja oahppijjuohkusa birra ma juogu de nanniji jali niejddi
nasjonála gæhttjalimij båhtusijt?
Vuosedi gus nasjonála gæhttjalimij båhtusa dárbov oahppijt dárkkelappo guoradallat?
Gåktu galggá skåvllå oatsodit båhtusijt boahtteájgen? Makkir bargojt biedjat jåhtuj?
Goassa?
Lip gus tjiehpebut nágin suorgijn, ja massta dat boahtá?
Gåktu máhttep buoredit båhtusijt maj ep la dudálattja?
7
Ij la dåssju sámegielåhpadiddje åvdåsvásstádus oatsodit oahppij nasjonála låhkåmgæhttjalimij
båhtusijt. Åhpadiddje bierriji árvustallambargov ja oatsodime juogadit, vaj divna jahkedáse
åhpadiddje oadtju åvdåsvásstádusdåbdov gæhttjalime bargguj.
Dála l oajvvadus gåktu åhpadiddje máhtti aktan gæhttjalimij båhtusijt guoradallat.
1. Gájkka jahkedáse åhpadiddje tjåhkani.
2. Gájkka åhpadiddje gæhttjalimev tjadádi. Sij oadtju birrusij 30 min. ájgev gæhttjalimev
tjadádit.
3. Åhpadiddje tjåhkkidi gallegattja juohkusijda ja ságastalli gæhttjalime birra. Luondulasj
gatjálvisá dán oasen lulun liehket:
Guhtimusj tevsta ja guhtimusj dahkamusá lidjin gássjela?
Guhtimusj tevsta sulástahtti tevstajt maj muv åhpadusán æjvvali?
Makkár låhkåmstrategijajt dárbaj gå tjoavddá iesjguhtik dahkamusájt?
Ulmme l gájkka åhpadiddje dåbddi gæhttjalimev buoragit åvddåla gå oahppij båhtusijt
gæhttjagåhti.
4. Åhpadiddje guoradalli gæhttjalime juogosbåhtusav. Juogosboados mij boahtá PAS:as
subtsas makkir fáhka ja tækstasládja guhtik tevstan la, ja gudi låhkåmulmme
ienemusát boahtá åvddån guhtik gatjálvisán. Máhttá aj vuojnnet gåktu oahppijjuogos la
vásstedam guhtik dahkamusán. Dájt båhtusijt máhttá adnet gå ságastallá genga
oahppe låhkåmtjehpudagáj birra. Ájnas la tevstajt ja dahkamusájt adnet aktijvalattjat ja
gehtjadit makkir låhkåmtjehpudagájt guhtik dahkamus gájbbet. Buojkulvissan man
buoragit la máhttám diedojt åhtsåt bajelttjállagijs, tabellajs, tevstajs, tækstabåksajs, jná.
Juska dal guhtik dahkamus la gåhtjuduvvam gávnnam-, dålkkum- jali
árvvaladdamdahkamussan, de li huoman buojk. dålkkumdahkamusá iesjguhtiklágátja.
Gehtjat ålles oahppijjuohkusa aktisasjvuodajt. Jus oahppe li vásstedam buoragit jali
nievret visses dahkamussaj, gehtja makkir dåbddomerka dahkamusájn ja tevstajn li.
5. Gå åhpadiddje li ietja gæhttjalimijn barggam, båhtusijt guoradallam ja daj birra
ságastallam, de guhtik fáhkaåhpadiddje máhttá válldet ietjas fága tevsta klássaladnjaj
ja adnet dav pedagogalasj bargon klássajn. Gehtja maŋŋelin oajvvadusájt gåktu máhttá
barggat.
Gåktu oahppijjuohkusij båhtusijt oatsodit?
Gå tjielggi båhtusijt oahppijda juohkusin, de la vuogas fáhkaåhpadiddje válldi
åvdåsvásstádusáv ietjasa fága tevstajda, vaj moadda fága åhpadusán biejaduvvá
huomahibme låhkåmgæhttjalibmáj. Ájnas la oahppijt dahkat diedulattjan jut låhkåm la
guovdásj máhtudahka divna skåvllåfágajn, ja iesjguhtik fáhkatevstajn li iesjvuoda sisano ja
8
háme hárráj, ja gájbbedi moattelágásj låhkåmvuogijt. Gå oahppijjuohkusin galggá ságastallat
gæhttjalime ja båhtusij birra, de li nágin gatjálvisá ma biedji buorre ságastallamav jåhtuj:
Makkir dåbddomerka li tevstajn (sjáŋŋar, hábme, ájggomus)?
Majt guhtik dahkamus duodan gatját?
Makkir låhkåmvuogij/låhkåmstrategijaj milta máhtá låhkåt gå ájgo vásstedit dájda gatjálvisájda?
Manen dån vásstedi boasstot dán gatjálvissaj?
Mij tevstan ja dahkamusán máhttá vájkkudit dasi jut boasto vásstádusáv vállji?
Mij ieret dågålasj ja dåhkkimahtes vásstádusájt rabás gatjálvisájn?
Mij ieret rievtes vásstádusáv boasto vásstádusás válljimdahkamusájn?
Buoremus vuohke oatsodit låhkåma nasjonála gæhttjalimij båhtusijt, la buorre
låhkåmåhpadusáv divna fágajn dåjmadit jage miehtáj. Buorre låhkåmåhpadusáv jådeda gå
oahppijt åhpada dåbddåt ja diedulattjan sjaddat geŋga fága tækstaslájajda ja sierralágásjvuodajda
oahppijt dibdá oahpásmuvvat moattelágásj tevstaj ja geŋgalágásj sjáŋŋarij
oahppijda vattá ájgev ja rámmajt låhkåmij tjiegŋodit
oahppijt viehkeda ulmev gávnnat låhkåmijn ja åhpada gåktu ja majt galggi lågådahttijn ájttsat. Vatte låhkåmbargojt, ma li tjielggasa ja tjadádahtte áldarjuohkusij.
oahppijt viehkeda tevsta åbbålasjvuodav gávnnat ja vuorddemusájt ásadit tevsta sisadnuj
oahppijda åhpada låhkåmdádjadus bárrán jus tjadni dav majt låhki dasi majt åvdutjis máhtti
oahppij siegen dágástalá ja buojkulvisájt buvtá låhkåmvuogijda/låhkåmstrategijajda majt buoremusát hiehpá adnet dasi mij låhkåma ulmme le
oahppijda åhpada vuogijt gåktu ietjasa låhkåmdádjadusáv gåtsedit
diedulattjat barga moallánagáj, bágoj ja termaj
látjá dilev vaj oahppe bessi ságastit dan birra majt li låhkåm
tjoahkkájgæsá bargo båhtusijt ålles juohkusin
oahppijt hasoda asstoájgen låhkåt, ja viehkeda sijáv låhkåmusáv gávnnat masi lijkkuji
Gåktu ájnegis oahppe båhtusijt oatsodit?
PAS-rapportajt ja máhtudakdásij tjielggidusájt máhtá adnet gå ájnegis oahppijn ságasta ja gå
barga vijddásappot gæhttjalimij båhtusij. Máhtá ájnegis oahppe siegen dahkat
oahppammihtojt vijddásap bargguj dan milta man buoragit oahppe buktá låhkåt. Vuoroda
nágin gallegasj almmavuoda mihttomierijt ja ságastalá oahppijn makkir fágalasj mihtojt
galggá jåksåt. Dættoda mihttomierijt ma nanniji boahtte lávkev oahppe åvddånimen.
Maŋenagi gå oahppe åvddån, de ådå oahppamulmijt sjiehtadihppe.
9
Dáhpáduvvá muhttijn jut oahppe, guhti dábálattjat máhttá dákkir dahkamusájt tjoavddet, ittjij
máhte nasjonála gæhttjalimen dajt tjoavddet. Åhpadiddje viertti vieledit ietjá diedojt oahppe
birra gå barggá vijddásappot nasjonála gæhttjalimij båhtusij. Tjadádime maŋŋela la ájnas
æjgádijda ja åvdåstiddjijda vaddet diedojt båhtusij birra ja gåktu ájggu vijddásappot barggat,
vaj sij aj bessi oatsodit ja doarjjot mánájdisá åvddånimev.
Juska dal oahppe li sæmmi ållo tjuorgajt tjoahkkáj oadtjum gæhttjalimen, de e soajte sæmmi
dahkamusájt máhttám. Muhtem oahppe li buojkulvissan háldadam dahkamusájt gånnå
galggi diedojt gávnnat tevstan, majt iehtjáda ælla háldadam, duola dagu diedojt åhtsåt
bajelttjállagijs jali tabellas. Nubbe oahppe soajttá dålkkum diedojt majt nubbe ij la buktám, ja
nubbe oahppe soajttá buktám åsijt tevstas árvvaladdat, mav nubbe ij la buktám. Máhtá dájna
guoradallat gåktu ájnegis oahppe li buktám dahkamusájt juohkusa gasskamiere gáktuj. De
máhtá máhtudakdásijt ávkástallat ådå ájádusájt oadtjot, majt máhttá åhpadusán barggat vaj
oahppij åvddånimev nanni.
Oahppe, gudi gulluji 1. máhtudakdássáj, li álu binná tjuorgajt oadtjum gæhttjalimen. Sijá
hárráj årru låhkåmmáhtudagá tjielggidus positivalattjat gå majt boados vuoset. 1.
máhtudakdáse tjielggidus máhttá huoman viehkken gávnadit gåktu dá oahppe máhtti åvdedit
låhkåmtjehpudagása.
Ájnas ja dárbulasj la jut tevsta ja dahkamusá li låhkkij berustibmáj tjanáduvvam. Ájnas la
berustimev ja barggomåvtåv båktet tevstajda. Ájnegis oahppe nahki buorebut hásstaliddje
tevstajt tjoavddet gå li dakkára masi siján la berustibme.
Diedo dán jagásj dahkamusájs
Dán tabellan vuoseduvvi diedo dahkamusájs gæhttjalimen: man tækstaj gullu, makkár
tækstasládja l, ulmme ja dahkamushábme.
Guhtik dahkamus la mierreduvvam gullut avta låhkåmulmmáj, vajku dal muhtem dahkamusá
duodden tjanáduvvi avta jali guovte låhkåmasulmmáj. Guhtik dahkamus la
kategoriseriduvvam dajna mij la ienemusát vuodon dahkamusán. Dahkamusáj dásse ij la
låhkåmulmmáj tjanáduvvam. Gávnnam-dahkamusá ælla agev álkkebut gå
árvvaladdamdahkamusá. Gássjelvuoda dáse vuodon la man galla lávke galggá tjoavddet
åvddåla gå gávnná låhpalasj vásstádusáv, jali man moattebelak ájádusrájdojt oahppe hæhttu
tjadádit, åvddåla gå gávnni duolla vásstádusájt (ja tjuolldi boasto vásstádusájt).
Dánna vuollelin divna låhkåmtevsta ja dahkamusá vuoseduvvi. Divna dahkamusájn la
vejulasj ienemusát 1 tjuorgav oadtjot.
10
D Tæksta Tæksta-sládja Fáhkagullevasj-vuohta
Låhkåm-ulmme
Dahkamus-hábme
Vásstá- dusá
1 Gápptetrenda Reportássja Sám.,sebr.,duo. Dålkkut Válljim A
2 Gápptetrenda Reportássja Sám.,sebr.,duo. Gávnnat Rabás **
3 Gápptetrenda Reportássja Sám.,sebr.,duo. Gávnnat Válljim B
4 Gápptetrenda Reportássja Sám.,sebr.,duo. Árvvádallat Válljim C
5 Gápptetrenda Reportássja Sám.,sebr.,duo. Dålkkut Válljim B
6 Gápptetrenda Reportássja Sám.,sebr.,duo. Gávnnat Válljim D
7 Gápptetrenda Reportássja Sám.,sebr.,duo. Árvvádallat Válljim A
8 Gápptetrenda Reportássja Sám.,sebr.,duo. Árvvádallat Válljim D
9 Nuorttamiehtsij subtsas Subtsas Sámegiella Gávnnat Válljim B
10 Nuorttamiehtsij subtsas Subtsas Sámegiella Gávnnat Válljim C
11 Nuorttamiehtsij subtsas Subtsas Sámegiella Gávnnat Válljim A
12 Nuorttamiehtsij subtsas Subtsas Sámegiella Árvvádallat Válljim B
13 Nuorttamiehtsij subtsas Subtsas Sámegiella Árvvádallat Válljim A
14 Nuorttamiehtsij subtsas Subtsas Sámegiella Gávnnat Válljim D
15 Nuorttamiehtsij subtsas Subtsas Sámegiella Dålkkut Válljim B
16 Nuorttamiehtsij subtsas Subtsas Sámegiella Gávnnat Válljim A
17 Luossa Ássjeprosa Luondofáhka Dålkkut Válljim B
18 Luossa Ássjeprosa Luondofáhka Gávnnat Válljim A
19 Luossa Ássjeprosa Luondofáhka Gávnnat Rabás **
20 Luossa Ássjeprosa Luondofáhka Dålkkut Válljim D
21 Luossa Ássjeprosa Luondofáhka Gávnnat Válljim B
22 Luossa Ássjeprosa Luondofáhka Gávnnat Válljim C
23 Luossa Ássjeprosa Luondofáhka Dålkkut Válljim C
24 Luossa Ássjeprosa Luondofáhka Dålkkut Válljim B
25 Biernabajka* Næhttaartihkal Luond.,sebr. Dålkkut Válljim A
26 Biernabajka Næhttaartihkal Luond.,sebr. Gávnnat Válljim D
27 Biernabajka Næhttaartihkal Luond.,sebr. Gávnnat Válljim C
28 Biernabajka Næhttaartihkal Luond.,sebr. Árvvádallat Válljim B
29 Biernabajka Næhttaartihkal Luond.,sebr. Dålkkut Válljim B
30 Biernabajka Næhttaartihkal Luond.,sebr. Árvvádallat Válljim D
31 Biernabajka Næhttaartihkal Luond.,sebr. Gávnnat Válljim A
32 Biernabajka Næhttaartihkal Luond.,sebr. Dålkkut Válljim B
33 Biernabajka Næhttaartihkal Luond.,sebr. Dålkkut Válljim C
34 Mánnodihpe Romádnaoasse Sámegiella Gávnnat Válljim C
35 Mánnodihpe Romádnaoasse Sámegiella Gávnnat Válljim A
36 Mánnodihpe Romádnaoasse Sámegiella Dålkkut Válljim B
37 Mánnodihpe Romádnaoasse Sámegiella Árvvádallat Válljim C
38 Mánnodihpe Romádnaoasse Sámegiella Gávnnat Rabás **
39 Mánnodihpe Romádnaoasse Sámegiella Dålkkut Válljim A
40 Mánnodihpe Romádnaoasse Sámegiella Gávnnat Válljim D
*Biernabajka-tevsta ålles namma: Dån soajtá 2000 kråvnåv oadtjot dákkár bajkajs
** Rabás dahkamusáj vásstádusá
11
2. dahkamus Duolla vásstádus: Sudjaváres
19. dahkamus Duolla vásstádus: Salmo salar
38. dahkamus Duolla vásstádus: Gåjkkeguolle, goasstum gåjkkeguolle
Ienep dán jagásj dahkamusáj ja tevstaj birra ja
gåktu daj máhttá barggat åhpadusán
Dán kapihttalin vuojná åvddåmerkajt makkir dahkamusá li dán jage gæhttjalimen, ja makkir
låhkåmulmijt da guoradalli. Tjielggip dajt vuodulappot ja buktep muhtem rádijt gåktu daj
máhttá barggat skåvlån gæhttjalime maŋŋela. Buojkulvissan li válljiduvvam guokta
dahkamusá tjielggitjit guhtik låhkåmulmev, ma li viettjaduvvam iesjguhtik tevstajs.
1. ulmme: Diedojt gávnnat
Dahkamusá, majn galggá diedojt gávnnat, li sihke dakkára gånnå l álkke diedojt gávnnat, ja
dakkára, majda la gássjelabbo vásstádusáv gávnnat. Vuostasj åvddåmærkka l viettjaduvvam
1. tevstas Gápptetrenda. Tæksta l reportássja.
Mij Máhtev inspireri?
A. Oabbás
B. Smávva duoje
C. Ietjá báhtja
D. Instagram
Dán dahkamusán galggá oahppe gávnnat diedojt, ma li tjáleduvvam njuolgga tækstaj avta
gárgadissaj. Dat mij hásstal låhkkev la gávnnat duolla diedov tevstan. Divna 4
vásstádusoajvvadusá li biddnustalle diedo.
Dákkár dahkamusájn máhtti buojk. åhpadiddje ja oahppe aktan guoradallat gatjálvisájt ja
vásstádusoajvvádusájt, ja aktan gæhttjalit tevstan åhtsåt gånnå dá diedo (dán aktijvuodan
gárgadisá) gávnnuji. Dán dahkamusá aktijvuodan la dárbbo gávnnat tevstan diedojt. Dån
hæhttu dádjadit tevstav, gå galga gávnnat duolla aktijvuodav. De hæhttu aj árvvaladdat, vaj
gávnná elementajt ma dahki vásstádusoajvvadusájt boasstot jali duolla.
Nubbe gávnnam-buojkulvis la viettjaduvvam “Luossa”-tevstas, mij luondofágalasj tæksta.
Man guhkke l luossa gå vuostasj bále manná nuorráj?
A. 15–17 cm
12
B. 3–5 cm
C. 32,5–40 cm
D. 1–2 cm
Dán dahkamusán galggá oahppe diedojt gávnnat gárgadisán. Dát gájbbet oahppe låhkå åsijt
tevstan ma ælla oajvvetevstan, valla ietjá tjállusin. Dán bargon dárbaj aj muhtem mudduj
dålkkut, valla huoman la diedojt gávnnam dat mij ienemusát boahtá åvddån dahkamusán.
Tjiehpes låhke dábálattjat máhtti adnet diedojt ma båhti åvddån ietjá sajen tevstan gå
oajvvetevstan. Sij viedtji diedojt aj tabellajs, gåvåjs, tækstabåksajs ja gåvvåtevstajs.
2. ulmme: Dålkkut ja dádjadit
Dålkkum-gatjálvisá li moattelágátja. Muhttijn galggá avtastahttet diedojt ma gávnnuji moatte
sajen tevstan, guovte gárgadisán maŋŋálakkoj, jali ájbas ietjá sajen tevstan. Muhttijn li diedo
tjáleduvvam ietjá bágoj ja moallánagáj tevstan gå dahkamusán jali dahkamusoajvvadusán.
Dalloj galggá dålkkut ja dádjadit tevstav ja gatjálvisájt. Tevstan “Mánnodihpe” la dákkár
gatjálvis:
Manen nuora ettjin háhppida gæhttjat divna gåvåjt tjiellerlanján?
A. Danen gå gávnadallin goahteæjgádij.
B. Danen gå tjiellerlanján ællim vinndega.
C. Danen gå li nåv edna diŋga tjiellerlanján.
D. Danen gå sij li suorgganam.
Gatjálvisá vásstádusáv ij gávnnu tjáleduvvam njuolgga tevstan. Álgon tevstan tjuodtju
máná slåbardi Davida ruodná fiellogoade guovlluj, ja tevsta låhpan jut sijá duogen tjuodtju
David. Danen viertti oahppe buktet dålkkut dá diedo gulli aktij ja duolla vásstádus la A. Ietjá
vásstádusævtodusá li tjáleduvvam gárgadisájda sæmmi tækstaoasen, ja dajnas li
biddnustalle diedo.
Nubbe dålkkumgatjálvis la “Dån soajtá 2000 kråvnåv oadtjot dákkár bajkajs”-tevstan:
Man låssåt la tjivgga gå sjaddá?
A. 25–40 kg
B. 1–2 kg
C. 0,3–0,5 kg
D. 2–3 kg
Dán dahkamusán viertti oahppe dålkkut ja dádjadit diedojt ma båhti åvddån ietjá láhkáj.
Tevstan la tjáleduvvam jut tjivga viehkkiji 300-500 grámma. Vásstádusoajvvadusá li lågo
viettjaduvvam sæmmi tækstaoases, valla biejaduvvam sæmmi hábmáj (kg). Dahkamus
gájbbet oahppes dålkkutjit diedojt ma ælla tjielggasit tjáleduvvam tækstaj.
13
3. ulmme: Árvvaladdat ja árvustallat tevsta hámev ja
sisanov
Gå galggá árvvaladdat ja árvustallat tevsta hámev ja sisanov, de galggá oahppe
iesjrádálattjat buktet usjudallat vijddábut tevsta sisano ja háme birra, ja dassta ådå
dádjadusáv tevstas oadtjot. Oahppe adná ávkken tevsta hámev, sjáŋŋarav ja ietjá diedojt
tjiegŋalap dádjadusáv tevstas oadtjot. Buojkulvissan dahkamusájda, ma gájbbedi oahppes
árvvaladdamav tevsta sisanos la duola dagu dát dahkamus, mij la viettjaduvvam tevstas
“Mánnodihpe”:
Manne Benjas čavgá čotta ja spiidejit čalmmit? Manen Benjan tjåttå tjavggá ja
tjalme ganjáldi?
A. Sujna l allergiddja.
B. Sån ij lágeda gåjkkeguolev.
C. Sån la huj balon.
D. Sån báktjij juolgev.
Dán dahkamusán ij tjielggasit tjielggiduvá jut Benja l balon. Dan viertti dålkkut gå
tjielggiduvvá makkir ájádusá Benjan li. Dánna hæhttu snivva låhkåt moadda tækstaoase ja
vásstádusoajvvadusájt, ja iesj árvustallat vásstádusoajvvadus la jut Benja l balon.
Nubbe árvvaladdamdahkamus la viettjadum “Dån soajtá 2000 kråvnåv oadtjot dákkár
bajkajs”-tevstas:
Majt merkaj gå javllap biernna l sihke urudis ja bårrå divna?
A. Biernna bårrå divna juhtusis gå gåddå.
B. Biernna bårrå dåssju ruoppsisgåttebiergov.
C. Biernna bårrå dåssju muorjijt ja urttasijt.
D. Biernna bårrå guoberjuhtusijt ja sjattojt.
Vásstádusáv ij gávnna avtak gárgadisán jali aktijvuodan, ájnat oahppe viertti låhkåt ålles
tevstav, ja guoradallat majt kárta ja statistihka subtsasti jienastiddjij lågo birra ja daj diedoj
árvustallat gudi vásstádusoajvvadus la duolla gatjálvisá hárráj. Vásstádusoajvvadusá li
dagádum diedojs ma båhti åvddån tevstan, ja ma li iesjallasisá jáhkkedahtte, valla ælla
duolla gatjálvisá hárráj. Dat gájbbet oahppes sån buktá låhkåt ij-avtastahtedum tevstajt ja
dajs gávnnat, dålkkut ja árvustallat diedojt. Dájt viertti guoradallat gatjálvisá hárráj ja aj
vásstádusoajvvadusáj hárráj.
Formatert: Lulesamisk (Norge)
Formatert: Lulesamisk (Norge)
Formatert: Lulesamisk (Norge)
14
Máhtudakdásij tjielggidusá ja barggooajvvadusá
Máhtudakdáse li dási biejadum vaj åhpadiddje oadtju dádjadusáv mij vuordeduvvá iesjguhtik
dáse låhkåmmáhtudagás. Dánna li åvddåmerka gåktu máhttá barggat iesjguhtik dáse låhkkij
buorep låhkåmtjehpudagáv åvdedittjat. Tjuorggarájá, ma vuosedi goassa oahppe la visses
máhtudakdásen, ælla biejaduvvam dási, ájnat åhpadiddje máhttá árvustallat oahppe
vásstádusájt ja merustallat suláj makkir máhtudakdásen ájnegis oahppe l.
Máhtudakdásse 1
Åhpadiddje bierriji sierraláhkáj adnet tjalmen oahppijt, gudi li binná tjuorgajt oadtjum
gæhttjalimen. Låhkkijn gudi li 1.dásen ja gudi li binná tjuorgajt oadtjum gæhttjalimen, máhtti
liehket låhkåmgássjelisvuoda jali giellagássjelisvuoda. Siján máhttá liehket nievres
barggomiella jali de ælla hárjjánam låhkåt jali låhkåmijn barggat. Skåvllå bierri árvustallat
guoradallat oahppij vuodolåhkåmtjehpudagáv, duola degu dekodim, duollalåhkåm,
låhkåmjåhto ja moallánakdádjadus. Åbbålattjat dárbahi dán dáse låhkke edna ja jæbddásasj
oatsodimev ietjasa låhkåmtjehpudagá åvddånahttemij.
1.dáse låhkkijda bierri åhtsåt ja válljit ånigasj tevstajt majt le álkke låhkåt. Tevstaj hábme ja
sisadno bierriji liehket oahppása oahppáj, ja tiebmá luluj galggat dakkir massta oahppe berus
ja man birra sihtá låhkåt.
Oahppe máhtti náv barggat:
Barggooajvvadusá báhkoboanndudagáv åvdedittjat:
Oahppe máhtti guokten tevstav låhkåt goabbák guojmmásiska (låhkåmhárjjidallam), nubbe
sátsas gássjelis bágoj vuolláj jali tjáles dajt páhperbæhkkáj. Åhpadiddje tjoahkki gássjelis
bágojt (njálmálattjat jali páhperbiehkijt) ja gájkka dahki báhkobáŋkav, gånnå 5-10 dajs
bágojs tjielggiduvvi. Tjielggidusá bierriji liehket vuojnnusin jali álkket gávnnat maŋep ájggáj.
Oahppe máhtti aj válljit gålmmå bágo guhtik daj tjoahkkiduvvam bágojs, majt de adni
gárgadisájn. Dákkár barggovuohke la sierraláhkáj ávkálasj gå barggá tevstaj, gånnå li
moallánagá ja bágo majt dárbahi ietjá aktijvuodajn, ietjá fágajn ja fertbæjvvásasj
aktijvuodajn. Buojkulvissan la dálkkediedádus dákkir tæksta majt dárbaj fertbæjvvásasj
aktijvuodajn. Åhpadiddje bierri sierraláhkáj ådå temáj gáktuj barggat báhkoboanndudagájn
ja moallánagájt tjielggimijn.
Gærdodibmen máhttá åhpadiddje gárvedit oanegis báhkohárjjidusájt, ma vihpi 5-10
minuhta juohkka bále. Gå dahká hárjjidusájt konkrehtalattjan, gilposlágátjin ja stoagosin, de
oahppe sæbrri buorremielajn.
15
Ájnas le diedojt gávnnat ma li tjielggasit vuojnnusin tevstan jali biejadum tevsta
guovdátjij, duola degu subttsasa oajvvepersåvnå almasjvuoge ma li tjielggasit
tjielggidum, tjielggasit gaskostum ájádusáv jali lågov mij buoragit vuojnnu.
Dádjadit tevsta juonav, sisanov jali oajvvetemáv, buojkulvissan gávnnat tevsta
ájnnasamos dáhpádusáv jali ájnnasamos argumentajt.
Vidjurijt jali ássjijt dádjadit majt tæksta åvddånbuktá ja dan maŋŋela ietjas vuojnojt
åvdedit.
Máhtudakdásse 2
2.dáse låhkkåj luluj liehket viehka álkkes tevsta, oahpes hámijn ja sisanujn. Tevsta máhtti
liehket moattebelaga (multimodal), måttijn åsijn ja gånnå iesjgudik tevstan la sierra ájádus ja
ulmme.
Oahppe máhttá hárjjidallat:
Gávnnat diedojt ma tevstan tjielggasit gaskostuvvi vájku li ietjá biddnustalle diedo,
buojkulvissan rievtes diedojt gávnnat soames tabellan jali gávnnat mierredum
tjuottjodusájt muhtem argumenterima tevstan.
Dádjadit nágin tevstajt, buojkulvissan fábelav, subttsasav jali låhkkijgirjev,
oajvveságav jali dålkkut diedojt ma gávnnuji álkkes gráfalasj åvddånbuktemijn degu
kártajn jali stoalppadiagrámmajn.
Tevsta diedojt árvustallat ietjas vásádusáj ja vuojnoj vuodon, buojkulvissan dåbdåstit
avtamielakvuodav jali vuosteldimev, jali árvustallat jus dáhpádusá jali reaksjåvnå li
jáhkedahtte.
Máhtudakdásse 3
3.dásen máhttá tevsta sisadno liehket amás oahppáj, danna máhttá giella liehket
gássjelabbo, ja tevstan máhtti liehket viehka edna diedo.
Oahppe máhtti hárjjidallat:
16
Válljit avtav jali nágin gallegasj diedo edna diedoj gaskan, vájku li biddnustalle diedo,
buojkulvissan gávnnat geŋgalágásj låhkoárvojt diagrámman, báhkolistan åhtsåt, jali
argumentajt tjoahkkit ma li moatte sajen duola degu kåserijan jali kronihkan.
Oajvvetemáv dádjadit vájku ij la tjielggasit tevstan gaskostuvvam, jali aktijvuodajt
dádjadit tevsta geŋgalágásj åsijn, buojkulvissan sivvaaktijvuodajt, iesjgudik persåvnåj
ja/jali dáhpádusáj gaskan, jali aktijvuodav tevsta ja gåvvusij gaskan.
Tevsta hámev ja sisanov árvustallat ja vuodostit manen geŋgalágásj elementa
tevstan li biejadum nav gåktu li tækstan, jali gaskostum nav gåktu li. Dav ájnnasit
galggi aktidit åhpajn mij siján la sjáŋŋarhámij, vájkkudimnævoj ja gráfalasj
åvddånbuktemij birra.
Máhtudakdásse 4
4.dásen máhttá sihke tevsta hábme ja sisadno liehket amás oahppáj. Máhttá liehket viehka
gássjelis ja boandás giella, ja tevstan máhtti liehket edna diedo ja aktijvuohta tevstaj
geŋgalágásj åsij gaskan ij tjielggasit åvddånboade.
Oahppe máhttá hárjjidallat:
Gávnnat ja tjoahkkit diedojt ma li moatte sajen moattebelak (multimodal) tevstan.
Muhtem diedo li oajvvetevstan, lijggetevstajn, moalgedimijn ja nágina bajelttjállagin;
buojkulvissan suorrediagrámman, ájggetabellan jali buvtatjielggidusán. Máhttá aj
hárjjidallat diedojt sæmmi temás buohtastahttet geŋgalágásj tevstajn ja diedojt
gávnnat ma li goabbák tevstajn, ja diedojt ma li dåssju avta tevstan, buojkulvissan
geŋgalágásj diehtogirjijn (næhtta- jali páhperhámen).
Dádjadit gåktu tevsta li dagádum ja gåktu geŋga oase aktij gulluji. Buojkulvissan
máhtti geŋgalágásj fáhkatevstajda gasskabajelttjállagijt dahkat ma tjoahkkájgiessi
tækstaoase sisanov, válljit buoremus bajelttjállagav moatte oajvvadusáj gaskan, jali
dåbddåt ja dádjadit gåktu girjálasjvuoda vájkkudimnævo tevstan doajmmi, degu
ájggegahppam, vuojnnemguovlo målssom ja giellagåvåj adnem.
Geŋgalágásj tevstaj kvalitehtav árvustallat, hámev jali sisanov ja ietjas árvustallamav
vuodostit, buojkulvissan vuodostit manen akta tæksta l buorebut tjáledum gå nubbe,
jali mierredit mij la muhtem tevsta jali tækstaoase doajmma, gesi l tæksta tjáledum,
jali manen la tjálle adnám geŋgalágásj vájkkudimnævojt jná.
17
Máhtudakdásse 5
5. dásen máhtta liehket guhka ja/jali moattebelak tæksta, ja tækstahábme máhttá liehket
amás oahppáj. Tevsta sisadno ja tiebmá máhttá liehket amás oahppáj ja danna máhtti
liehket amás gielalasj vájkkudimnævo.
Oahppe máhttá hárjjidallat:
Diedojt buohtastahttet ma li moattet tevstas majn le geŋgalágásj hábme ja diedojt
gávnnat ma dahkamussaj gulluji, buojkulvissan muhtemlágásj bagádusán gånnå
viertti aktij biedjat diedojt gåvvusijs, listajs ja tevstajs.
Dádjadit åvddånbuktemvuogijt ma ælla rat tjielggasa jali majn li moadda
dålkkummáhttelisvuoda, buojkulvissan delbastibme jali vuornnom. Tjielggit
dáhpádusájt ma li jur nuppeláhkáj gå mij lij vuordedum, buojkulvissan oames, amás
guovlo jali amás birrasa tevstajn. Dåbddåt bælostiddje argumentajt ja
vuossteargumentajt argumenterimtevstajn.
Kritihkalattjat árvustallat ja válldet bielev geŋgalágásj tevstaj sisadnuj,
åvddånbuktemvuohkáj jali ålgoldis hábmáj, buojkulvissan adnet máhtudagáv tevsta
háme, sisano, gáldoj jali vuodo birra gå galggá merustallat tevsta åskeldisvuodav.
Vuodustuvvam jáhkádisájt tjielggit dáhpádusá duogátjav, tjuottjodusájt, ulmutjij
ulmutjahttemav jali vuordek dáhpádusájt.
Åhpadiddje ij bierri dåssju dán gæhttjalime båhtusij vuodon mierredit oahppe
máhtudakdásev. Iesjgeŋga oahppáj viertti oahppamdilev láhtjet åbbålasj dádjadusá milta mij
åhpadiddjen le oahppe máhtudagás. Danen viertti astot gehtjadit oahppijjuohkusa nanos ja
nievres bielijt gæhttjalimen. Dakkir åbbålasj gehtjastibme máhttá liehket buorre vuodon
ságastallat juohkusijn ja ájnegasj oahppij oahppama birra, ja gå åhpadusáv galga
vijddásappot plánit. Ávkálasj la aj guoradallat fáhkasuorgijt lagáp, ma li gæhttjalimen. La aj
ávkálasj guoradallat guhtimusj dahkamusslája, tækstaslája jali temá vuojnunagi li læhkám
gássjela moaddásijda.
Tækstaslája
Nasjonála gæhttjalimijda válljiduvvi sihke tjáppagirjálasjvuoda ja ássjeprosa tevsta.
Tjáppagirjálasj tevstali álu avtatraják tevsta ja ássjeprosátevsta vas álu tjoahkkájbiejadum
tevsta. Tevsta gånnå li gåvå, gåvvusa, tabella, diagrámma, kárta jná. li tjoahkkájbiejadum
tevsta.
18
Dahkamusá ma li dagádum avtatraják tækstaåsijda, li slájaj milta juogedum dan gáktuj
makkir tæksta åbbålattjat la:
Diehtojuohkemtevsta gaskosti diedojt duohtavuodas ja máhtti viettjaduvvat duola
degu fáhkagirjijs, ájggetjállagijs jali avijsajs.
Argumentierimtevstajn le ulmme jáhkedit ja vájkkudit låhkkijt ja máhtti buojkulvissan
liehket låhkkijtjállusa, sárne jali rekláma.
Bagádallamtevsta tjielggiji juokkirak prosessav jali barggovuogev, máhtti
buojkulvissan liehket biebbmobagádusá jali diŋgaj adnembagádusá.
Mujttalimtevstajn li dáhpádusá tjadnum ájggesáhtsuj. Sihke tjáppagirjálasjvuoda- ja
ássjeprosátevsta máhtti mujttaliddje åvddånbuktemvuogev adnet.
Tjoahkkájbiejadum tevstajn máhtti liehket ij-avtatraják tækstaoase, duola dagu gåvå,
gåvvusa, tabella, diagrámma, gráfa, kárta, lista jali diehtojuohkemgrafihka.
Dahkamusáj háme
Dahkamusá li hábbmidum gengaláhkáj, ja juohkka akta gájbbet geŋgalágásj
tjoavddemvuogev vásstádusáv gávnatjit.
Válljimdahkamusájn oahppe galggá árvustallat makkir oajvvadus la duolla vásstádus
gatjálvissaj. Låhkåmbarggo merkaj oahppe galggá låhkåt ja vieledit sihke tevstav, gatjálvisáv
ja vásstádusoajvvadusájt. Boasto oajvvadusá, vuosedi aj tevsta diedojda/sisadnuj ja li dán
aktijvuodan biddnustalle diedo.
Rabás dahkamusájn galggá oahppe iesj vásstádusáv hábbmit ja tjállet. Vásstádusá
árvustaláduvvi juogu de rievtes jali boasto vásstádussan sisano vuodon. Duollatjállem,
báhkoválljim ja gárgadishábbmim ij galga árvustaláduvvat. Nágin oahppijda le huoman
sierraláhkáj gássjel vásstádusáv ietjas bágoj tjállet. Muhttijn oahppe e vássteda rabás
gatjálvisájda, vájku ietjá dahkamusáj vásstádusá vuosedi sij buoragit tevsta sisanov dádjadi.
Dahkamusá vásstádusáj dagi máhtti aj juojddáv subtsastit vánes barggomiela ja/jali
barggomåvtåstuhttema birra.
19
Telefon 23 30 12 00 www.utdanningsdirektoratet.no