Nōvema 2017 © NSW Health. SHPN (HPNSW) 170718.

Ngaahi Mo‘oni‘i Me‘a

Ke lesisita ho‘o tamasi‘i/ta‘ahine ‘i he tauhi‘anga longa‘ifānau, oku mātu‘aki fiema‘u ke fakahū ange ha Tohi Fakamatala Hisitolia Huhu Malu‘i AIR kuo ‘osi fakafo‘ou (ki ha tamasi‘i/ta‘ahine ‘oku kakato hono huhu malu‘i pe ‘ikai lava ‘o huhu malu‘i tu‘unga ha ngaahi ‘uhinga fakafaito‘o) PE ko ha Foomu Hisitolia Huhu Malu‘i AIR (ki ha tamasi‘i/ta‘ahine ‘oku ‘i ha polokalama ke fakakakato ai hono huhu malu‘i).

‘E ‘aonga taha e ngaahi huhu malu‘i ‘o kapau ‘oku fakahoko e huhu ‘i he ‘aho ‘oku fakapapau‘i ke fai ai (vakai ki ho‘o polokalama telefoni initaneti ‘Save the Date to Vaccinate‘ pe ko e ki‘i tohi Lanu Pulū ‘a pēpē ki hono ngaahi ‘aho huhu malu‘i).

Ko e ‘ikai ke huhu malu‘i ko ia ho‘o ki‘i tamasi‘i/ta‘ahine ‘i he taimi totonu ‘oku ke tuku ia ki ha tu‘unga fakatu‘utāmaki ‘e lava ke ne ma‘u ai ha mahaki ‘e lava ke ne puke lahi ai.

Ko e longa‘ifānau ‘oku nau puke ‘i ha fanga ki‘i mahaki iiki hangē ko e ihupe‘e pe ki‘i fofonu e kei malava pe ke fakahoko honau huhu malu‘i.

Ko hono huhu malu‘i ko ia e tokolahi ‘o e kakai he komiunitī ‘oku ne toe malu‘i ai mo kinautolu ne ‘ikai huhu malu‘i pea tokoni foki ke ta‘ofi e ngaahi mahaki fakatu‘utāmaki ‘oku ala ta‘ota‘ofi.

Fakamatala FakaikiikiAustralian Immunisation Register https://www.humanservices.gov.au/individuals/services/medicare/australian-immunisation-register

NSW Health www.health.nsw.gov.au/immunisation

NSW Health ‘Save the Date to Vaccinate‘www.immunisation.health.nsw.gov.au

Australian Government Department of Health Immunise Australia Programwww.immunise.health.gov.au

Taunilouti ‘a e polokalama telefoni ‘aonga ko e SAVE THE DATE pe ko ho‘o paaki ha polokalama fakafo‘ituitui mei he uepisaiti ko e immunisation.health.nsw.gov.au

Tokangaekina e longa‘ifānau pea mo e hū ki he ako tokamu‘a & huhu malu‘iFakamatala ma‘a e Mātu‘a

Tongan

https://www.humanservices.gov.au/individuals/services/medicare/australian-immunisation-registerhttps://www.humanservices.gov.au/individuals/services/medicare/australian-immunisation-registerhttps://www.humanservices.gov.au/individuals/services/medicare/australian-immunisation-registerwww.health.nsw.gov.au/immunisationwww.immunisation.health.nsw.gov.auwww.immunise.health.gov.au

Mei he ‘aho 1 Sanuali 2018, ko e fānau pe kuo kakato kotoa honau huhu malu‘i ‘o fakatatau ki honau ta‘u motu‘a PE ‘oku ‘i ai ha ‘uhinga fakafaito‘o ke ‘oua huhu kinautolu PE ‘oku nau ‘i ha polokalama ke fakakakato ai honau huhu ‘e lava ke nau hū ki ha tauhi‘anga longa‘ifānau. Ko e fānau kuo te‘eki huhu malu‘i kinautolu koe‘uhi ko e ta‘eloto ilo‘ilo pau ‘enau mātu‘a ‘e ‘ikai lava ke lesisita kinautolu ke hū ki ha tauhi‘anga longa‘ifānau.

‘Oku fiema‘u kotoa e ngaahi mātu‘a ke nau ‘ave ki he kau ngāue ‘a e tauhi‘anga longa‘ifānau ‘a e ngaahi pepa fekau‘aki mo e huhu malu‘i ke lesisita ‘aki e fānau. ‘Oku kau heni ‘a e tauhi‘anga longa‘ifānau ‘aho kakato, tauhi‘anga longa‘ifānau ‘a e fāmili, tauhi‘anga ‘oku tātātaha ‘ene ava pea mo e ako tokamu‘a.

Ko e hā ‘oku mahu‘inga ai e huhu malu‘iKo e huhu malu‘i ko e founga lelei taha ia ke malu‘i ho‘o tama mei ha ngaahi mahaki fakatu‘utāmaki. ‘I hono huhu malu‘i ko ia ho‘o tama, ‘oku ke malu‘i ia pea mo e kakai ‘i he komiunitī, kae tautautefito kiate kinautolu ‘oku nau kei fu‘u iiki ke huhu malu‘i pe ko kinautolu ‘oku ‘ikai lava ke huhu malu‘i koe‘uhi ko ha ngaahi ‘uhinga fakafaito‘o. Ko e tokolahi ange e kakai ‘oku huhu malu‘i ‘enau fanau, ko e lahi ange ia ‘e tau malava ke mapule‘i e ngaahi mahaki fakatu‘utāmaki ‘e ala ta‘ota‘ofi.

Fakamatala Hisitolia Huhu Malu‘iKo e mātu‘a kuo pau ke nau ‘omai ‘a e Fakamatala e Hisitolia ‘o e Lesisita Huhu Malu‘i ‘i ‘Aositelelia (AIR) (‘oku hā ai ‘oku kakato pe ‘oku ‘ikai ke lava ‘o fakahoko ha huhu malu‘i koe‘uhi ko ha ngaahi ‘uhinga fakafaito‘o) PE ko ha Foomu Fakamatala Hisitolia Huhu Malu‘i (AIR Immunisation History Form) (‘oku ‘asi ai ko e ki‘i tamasi‘i/ta‘ahine ‘oku ‘i ha polokalama pau ke fakakakato ai hono huhu), ‘i he taimi ‘oku ke lesisita ai ‘a ho‘o tama ki ha tauhi‘anga longa‘ifānau.

‘E lava ‘e he mātu‘a ‘o kole ha tatau ‘o e Fakamatala Hisitolia Huhu Malu‘i (AIR Immunisation History Statement) ‘o ‘enau fānau ‘i ha taimi pe (‘o a‘u ki he hoko honau ta‘u 14):

‘o ngāue‘aki ho‘o ‘akauni Medicare he ‘initaneti ‘o fou he myGov https://my.gov.au/

‘o ngāue‘aki e polokalama telefoni ta‘etotongi ko e Medicare Express Plus App ‘oku ma‘u he www.humanservices.gov.au/individuals/subjects/express-plus-mobile-apps

telefoni ki he Laine Faka‘eke‘eke Angamaheni ‘a e AIR fika 1800 653 809

‘Up To Date’ children (Ko e fānau ‘Oku Kakato’)Ko e fānau kuo kakato honau ngaahi huhu malu‘i ‘o fakatatau ki honau ta‘u motu‘a e tohi‘i e lea “Up to date” (“‘Oku Kakato”) ‘i ‘olunga he tafa‘aki to‘ohema ‘o ‘enau Fakamatala Hisitolia Huhu Malu‘i AIR. Ko e ‘aho huhu malu‘i ka hokō ‘e hiki ia ‘i he konga ki mui ‘o e Fakamatala.

Ko e fānau ko ia ‘oku ‘ikai lava ke huhu malu‘i kinautolu koe‘uhi ko ha ngaahi ‘uhinga fakafaito‘o, pe ‘uhinga fakaenatula, ‘e kei lekooti pē kinautolu ‘oku “Up to date” (‘Oku Kakato‘) ‘o kapau ‘oku ‘i ai ha‘anau Foomu Faka‘atā Fakafaito‘o AIR (AIR Medical Exemption Form) kuo ‘osi fakafonu ‘e ha Toketa Fakafāmili/neesi pea ‘ave ki he AIR. Ko e faka‘atā fakafaito‘o pe fakaenatula ‘e hiki ia ofi ki mui ‘i he ‘ene Fakamatala Hisitolia Huhu Malu‘i AIR fakamuimuitaha.

Ki he longa‘ifānau lalahi hake kuo kakato kotoa honau ngaahi huhu malu‘i, ko ‘enau Fakamatala e fakakau ai e uuni lea ni “This child has received all vaccines required by 5 years of age” (Ko e tokotaha ni kuo kakato kotoa hono ngaahi huhu malu‘i ‘oku fiema‘u ‘o a‘u ki hono ta‘u 5) ‘i mui ‘i he peesi.

Fakamatala Huhu Malu‘i Fakamuimuitaha‘I he hili e huhu malu‘i kotoa pe, ‘oku totonu ke ‘oatu ‘e he mātu‘a ‘a e Tohi Fakamatala Hisitolia Huhu Malu‘i AIR fakamuimuitaha, ki he senitā tauhi‘anga longa‘ifānau.

Tohi Fakamatala Hisitolia Huhu Malu‘i ‘oku ‘Ikai TotonuKapau ‘oku ‘ikai ‘asi ‘i he Tohi Fakamatala Hisitolia Huhu Malu‘i AIR ‘a ho‘o tama ha ngaahi huhu kuo ‘osi fai, ‘oku fiema‘u leva e mātu‘a ke nau fetu‘utaki ki he Toketā Fakafāmili/neesi na‘a ne fakahoko e huhu malu‘i, ke vakai‘i pe ne ‘osi fakahū e lekooti ki he AIR. ‘I he lava pe hono fakatonutonu e lekooti, kole leva ha Tohi Fakamatala Hisitolia Huhu Malu‘i AIR kuo ‘osi fakatonutonu.

‘Not Up To Date’ children (Fānau ‘‘Oku Te‘eki Kakato’) Ko e fānau ko ia ‘oku te‘eki kakato honau ngaahi huhu malu‘i ‘o fakatatau ki honau ta‘u motu‘a ‘e kei lava pe ke lesisita kinautolu ki he tauhi‘anga longa‘ifānau ‘i he taimi pe te nau kamata ai he polokalama ke fakakakato ai honau huhu malu‘i. ‘Oku fiema‘u ke fakafonu ‘e ho‘o Toketā Fakafāmili/neesi ha Foomu Hisitolia Huhu Malu‘i AIR, ‘o ne ‘ave ia ki he AIR pea ‘oatu mo ha‘o tatau koe‘uhi ke lava ‘o fakahū eni ki he senitā tauhi‘anga longa‘ifānau.

Kātaki ‘o fakatokanga‘i ange ko e fānau ko ia ‘oku te‘eki ke kakato kotoa e ngaahi huhu malu‘i ‘a ia ‘oku fiema‘u ke fakahoko ‘o taau mo honau ta‘u motu‘a ‘e ala fiema‘u ke nau nofo ‘i ‘api lolotonga ha tō ha to‘u mahaki. Ko e ‘ai eni ke malu‘i kinautolu pea ta‘ofi e mafola e mahaki.

Longa‘ifānau na‘e huhu malu‘i ‘i tu‘apule‘angaKo e ngaahi polokalama huhu malu‘i ‘a tu‘apule‘anga ‘e lava ke kehe ia mei he polokalama huhu malu‘i ‘a ‘Aositelēlia. Kapau na‘e fakahoko e huhu malu‘i ‘a ho‘o tama ‘i tu‘apule‘anga, ‘oku fiema‘u ke vakai‘i ‘a ‘ene lekooti huhu malu‘i ‘e ha Toketā Fakafāmili/neesi ‘a ia te ne fakahū atu e ngaahi fakamatala ki he AIR. ‘Oku toki kole leva ‘e he mātu‘a ha Tohi Fakamatala Hisitolia Huhu Malu‘i AIR kuo ‘osi fakafo‘ou ke ‘ave ki he senitā tauhi‘anga longa‘ifanau.

https://my.gov.au/www.humanservices.gov.au/individuals/subjects/express-plus-mobile-appswww.humanservices.gov.au/individuals/subjects/express-plus-mobile-apps