NONKE B ADU TA POK ANGSE DO NANGNEL Odoj.gov.in/sites/default/files/Aron kachethan Alo – 7.pdf · Longri sonmung atiri,Assam ahin pen aron atang kachethan alo Karbi alam pen larsi

NONKE BADUTA POK ANGSE DO NANGNELO

KECHO ASON KERAI ARON 2013

LONGRI SONMUNG ATIRI

DETPI TOK LANG MISSION AUTHORITY

MUNIT AJAKONG KANGTHUR AMINISTRY

BHARAT SORKAR

ARON ATANG ADEPARTMENT

ARON LAPEN BISAR AMINISTRY

BHARAT SORKAR

Aron Chethan Alo – 7

Aron Chethan Alo – 7


KECHO ASON KERAI ARON 2013

LONGRI SONMUNG ATIRI

DETPI TOK LANG MISSION AUTHORITY

MUNIT AJAKONG KANGTHUR AMINISTRY

BHARAT SORKAR

ARON ATANG ADEPARTMENT

ARON LAPEN BISAR AMINISTRY

BHARAT SORKAR

NING KETHE ATUR KIMI : This book is based on legal awareness for the

neoliterates on free legal aids in Karbi Language. This book is prepared by

National Literacy Mission Authority and Department of Justice, Govt. of India,

New Delhi. This book is translated and published by State Resource Centre

Assam, 1-CD, Mandovi Apartments, GNB Road, Ambari, Guwahati-781001

(Assam)

March 2016 (500)

Atiri achap: Mek Prang Lo

Lam kelar : Hang miji Hanse, Ra Ingti, Dhon sing Ingjai, Sangai Teronpi

Keklangcheng:

Peklang abang:

Longri sonmung atiri, Assam

1-CD, Mandovi apartments, GNB road

Ambary, Guahati- 781001

Kangchap: Hang miji Hanse

Kasapa:

NELITUM ALAMTHE

Longri sonmung atiri,Assam ahin pen aron atang kachethan alo Karbi alam pen larsi

peklang lo. Gauhati along kangni amei alongsi lahai akitap lam larlo. Lahai lam kelarthu achap

anke State la service authority ahin pen kechok pura nangchedondunlo. Lam kelar amei

along nangkachetongdun, nangkeklemdun bangphutin aphan ning aklong pen chorolo.

Kaporhe atum aning dokhurpo pusi ning thelo.

Samiran Brahma

Director

Longri sonmung atiri, Assam.

KACHORO

Sakshar Bharat angdang 2009 aningkan chiti achiklo pensi pangcheng ponlo. Labangso

angdang along detpi angbong lo kethek kadure so arlo keongnei 410 ajilat along dangpon lo.

Labangso kapangdang along kapaphihup kheiso jasemet penke SC,ST lapen armu kijum muchot

akhei aphansi pangthek pon lo. Laso kapangdang along kapethekchengji kabor-i alokot bidi

sore kapangtang lapen kaseke anparta bang ateng kapetheji aphan amo dengpon lo.

Lo kacharli atum aphan amethang jopadap kachetong bom ason amu ng pen pachikupsi

porhe mesenji aphan bor-ilo. Laso amo aphan ‘Inter personal media campaign amo

pangchengponlo.

Det kachari aron atang aphuthak kethan pachiniji aphan aron atang kachethan

angkung dangpon lo. Bharat sorkar, aron lapen bisar aministry, Detpi Munit ajakong kangthur

aministry chelangpetsi Guahati along isi orkshop pedolo. Labangso aamei alongsi Assam

(ahom alam pen), Tripura (Bengali alam pen) lapen Sikkim (nepali alam pen) aron atang kethek

peme peme arleng amung, ketokthek atum aron atang kirim akehoi atum pen chelangpetsi ason

amung pathik lo.

Aron atang kachethan amo along bisar adepartment, aron atang aministry, Bharat

sorkar lapen access to justice (north east and Jammu Kashmir A2J NE &JK) project directorsi

Technical assistance nangkipidun lapen Bharat sorkar bisar adepartment ahin pen kachedondun.

Rastriya saksharata mission asor labangso atheso nangkacherap chetodun asong, adepartment

aphan ning ingsamjin pen chorolo. Lahai alo an rat angbong aron atang aphuthak kapachini

lapen kapacheroktok ajakong pipo pusi ningb thelo.

Rastriya saksharata mission aauthority

Munit ajakong kangthur aministry

New Delhi

7


“Oi ko Longki, Sarmen aphu henodak loma?”

Apunu Longki aphan arju lo.

“The mati, kopi apot lelo?” Longki arju parlin lo.

“Rong dingpi le sorkar ahin pen ador kekom

kecho ahormu nangpiji pu kaningjetap varet ke!”

8

“Lason tong kaningje ma? Tangte aphusi kopine

kakurmar lo la. Lapusonle kopusi kemanthek

po?”

- “Sorkarle lapuson akam klem pute mepik

akam lo. Ladak kamathadunthapji kopilo

kedolang?” Kache abang angbong kroidunput

lo.

9

Alangtum adung kedo apunu abangke labangso

aphuthak chini ingtunglo.

Laso athesi alang kadokave aphan pulo – “Lapu

kalilo komarli, itum Lok Siksha Kendra le dam

ra aPrerok aphan arjudam lonang. Da, nangdun

non.”

Sarbura aphi phi kadokaveta ‘Lok Siksha

Kendra’ an damlo. Prerok Bida aphan

10

kadokaveta kardom pijir lo. Bidata kardom

pijirthu pen alanglitum kopi athesi kevangpak

ma arju lo.

Longki Bida aphan pangno pen pulo – “Bida

kadokaveta sorkar pen kedengpon ‘Khadya

suraksha yojna’ aphuthak kachiniji aphansi

kevang.”

“ Chok chok, chethan nang. Aphrang nanglitum

ingni iktha. Labangso aphuthak neli angton pen

nangthanphlirji.

Alam lapu helo – sorkar ahin pen ‘Khadya

Suraksha yojna’ amen irpen klem amoton

dengpon lo.

Labangso amoton ajok kiduk keboi atum aphan

kecho ahormu kipiji aphan kam klem lo. Laso

apot ilitum kiplum aan cho longpo lapen eok

epranta mesen po.”

Longki arju lo – “Labangso amoton pen kiduk

keboi atum kopi alelo kelongpo?”

11

Bida thakdun lo – “Labangso amoton ajok ilitum

sang, ghehu, atta heihui ador kekom pen

longpo.”

“So arlo atum kopine akele ale longji ma?”

Kache arju lo. Bida thak lo – “Aso aphili kedo

lapen oso mok chujur kedo aarloso atum aphan

avarsai pangjang do. Hem ahemphu jongsi so

arlo pulote ale do muchotji. Labangso amoton

atengke so arlo abangsi hem ahemphu lo.

Labangso ahemphi amen pen lo (card) selam

pipo.

“Cardke tangte kodak lo kaselam po?” Longki

arjuthu lo.

“Gram panchayat aoffice kalite kecho kijun ahin

aoffice alongsi lo (card) abangke selam nangpo.”

Bida thanlo.

Puthot sarbura abang arju lo – “Kecho kijun

ahormuke tangte konatlo kelongpo?”

12

Bida thak lo – “Sorkar ahin pen kibi ador kekom

pen hormu kenamlong akulat (control adukan)

alongsi longpo.

Kache arjuthu lo – “Akehai, chiklo ejon pen lin

koan kecho ahormu longji?”

“Chiklo ajontin adontin lin 35 asang longpo”

pusi Suresh than lo.

Bida alam arju longsi sarbura abang aning

arongpik lo. Kachehok ong aning rungphom pen

pulo – “Suresh, nang netum aphan kadokave

alam

nangthan peme apot nangchoropar lo. Non

penke itum arong an kecho longle avedetpo.

Baduta apok angse do nangnelo.

13

RASTRIYA KHADYA SURAKSHA ADHINIOM

2013 ARDI

n Munit kerengji aphan kenangsot kiplum aan

ador kekom pen un an kipivekji aphansi

labangso aronke kibi.

n Rat aphan kecho ason lapen kiplum aan kipi

longji aphan aron pen avarsai pilo.

n Ahok ador pen kejor akulat – Kenangsot

ahormu kebak pachetang aron 1955 ateng

pen rason card pen rat aphan keron kebak

adichi (PDS) ateng hormu kejor long avarsai

kedo.

n Kecho ason – Sang, Ghehu lapen ason

ason kecho ahormu ahut pen ahutme ma

heno kelangji aphan central government ahin

pen hokum kipi do.

n Kecho ason kibimek – Kecho ason kibimek

lapen lahai ador kapithik phuthak kedobom

aron aphansi khadya suraksha ain pu kipu.

14

n Khadya suraksha bhatta – Khadya suraksha

bhattake labangso aron ingkung -4 ateng pen

kehang atum kecho ahormu alar tangka

kelong nangji aron do.

n Rong avaikang alam – Labangso aron

atengke rong ajo lapen tebokterai kedo

adukan kulat anke labangso aron arlosi dopo.

Rat atum aphan hormu keron aron –

Choklim ador pen hormu hortar kejor akulat

ajok rason card kedo amuluk atum aphan

kenangsot ahormu keron avarsai pibom lo.

ARON ANGKUNG HEIHUI

n Ingkung -3 atengke state govt.

kapangthektang amunit atum aphan hormu

keron adichi(PDS) ateng chiklo ajontin lin 5

kecho ahormu ador kekom pen kelong nangji

ajakong do.

n Ingkung 4,5 lapen 6 atengke oso aphili kedo

abangpi, oso mok chujur kedo abangpi lapen

15

klimsomar atum kiplum aan kelongji aphan

kerap kelong nangji aron do.

n Ingkung – 12 along kedo atengke rat atum

aphan hormu keron adichi(PDS) aron

pechokthu me

n Ingkung -13 atengke joike pen rason card

selampi nangji. Labangso amoton pen ale

kelong muchotji aphan arta ningkan 18 pen

kilittang inut so arlo amensi hem ahemphi lo

pu thap nangji. So arlo aphan hem ahemphi

ajakong laso angkung pensi kipi lo.

ARON ALONG KEDO ALE

n Oso aphili kedo lapen oso mok chujur

abangpi aphan kiplum aan kecho longji

aphan kerap do.

n Aron ateng komatne jongsi kecho ason mate

kecho aan apor pen longle pulote ‘Khadya

suraksha Bhatta’ kelongji aron do.

16

ARON PEN KELONG AJAKONG

n Rat atum aphan kecho ason keron aron ateng

kapangthektang adontin atumke “Anna

Suraksha Yojna” amoton ateng pen ador

kekom pen lin 35 kecho ason kelong nangji

ajakong do.

n Bangphutin oso aphili kedo lapen oso mok

chujur abangpi atum aber ketok ale long

nangji

● Oso aphili esek lapen oso amehang

thekdet chiklo jonthrok an kateboknei

anganvadi along akejoi kecho kijun longji

ajakong do.

● Oso aphili kedo abangpi atum central govt.

ahin pen kapithik ateng aron pen tangka

6000 asek pen kelongji ajakong do.

● Nerkep angdeng an lo kacharlidun kalite

arta ningkan 6 pen ningkan 14 an

aosomar atumke kiplum aan kecho

17

longvek nangji aphan aber ketok ajakong

do.

● Chiklo jonthrok pen ningkan throk an

akejoi an cholong nangji.

● Chiklo jonthrok pen arta kavelang aosomar

aphanke api achulang helo kemenei.

Labangso alam baduta kroi peme nangji.

● Kiplum aan kecho longle aosomar aphan

state govt., adunghet kedo anganvadi

kendra pensi akejoi an pecho nangji.

JAKONG KIRIPLONG ASONG

Rat aphan kecho ason ron pachetang adichi

(PDS) 1995 atengke ador kekom pen kenangsot

ahormu kejor adukan ahemphu abang hukum

alo (license) dovek nangji.

KOSOR KANGSAI ADORBAR

n Labangso aron ateng state govt. ahin pensi

kosor kabisarji aphan klempon nangji.

18

Labangso aphan call centre, help line lapen

nodal officer pedopon nangji.

n Kecho ason pen an keron aphuthak kopine

kosor dolo pulote kosor kipi abang aphan

men men kerapdunji aphan jilat angkang arlo

kosor kangsai aofficer batkok nangji.

n Labangso aron atengke kosor kipidun abang

jilat kalite state akhadya ayog along kosor

pidam me.

RAJYA KHADYA AYOG ATUM KANGSAI UN

AJAKONG

Civil kachibisar aron (CPC) 1908 ateng kopine

amokortoma kabisar ahut, civil court atum kelong

ajakong atengsi Rjya Khadya Ayog atumta

longji. Bisar alam –

n Komatne amunit aphan bisarji pura hangdet

lapen court along kaparjaptherji un lapen

seme alo hang pen ingsai un.

19

n Bisar aphuthak kedo an alo (records) peklang

un

n Seme petangdet hakhi atum alam deng un.

n Kopine court mate officer kabisar alo (records)

lapen kacherap alo an (Documents) dote

lahai acopy hang un.

n Hakhi lapen kacherap alo heihui katarlipji

aphan commission pangni un.

n Asitin astate govt. atum aron seng pen kecho

ason ador pithikji aphan state kecho kijun

acommission pangni un.