O le Finauga Tele i le Va o Keriso ma Ana Agelu ma Satani ma Ana … le Finauga Tele i le Va o... · 2018-06-06 · spiritual gifts, vol. 1 o le finauga tele i le va o keriso ma ana

Spiritual Gifts, vol. 1

O LE

FINAUGA TELE

I LE VA O

KERISO MA ANA AGELU,

MA SATANI MA ANA AGELU.

TTUUSSIIAA EE EELLLLEENN GG.. WWHHIITTEE

Faaliliuina e P. Wily

BATTLE CREEK, MICH,

LOMIA E JAMES WHITE.

_____

1858.

2

3

ULUTALA O MATAUPU TAITASI _________

ITULAU

MEAALOFA FAALEAGAGA ...................................... 5

MATAUPU

1. O le Pa’ū o Satani ........................................................... 17

2. O le Pa’ū o le Tagata ...................................................... 19

3. O le Fuafuaga o le Faaolataga ........................................ 21

4. O le Ulua’i Afio Mai o KERISO .................................... 26

5. O le Auaunaga a KERISO .............................................. 32

6. O le Liua o le Tino Mai o KERISO ............................... 36

7. O le Faalataina o KERISO ............................................. 39

8. O le Faamasinoga o KERISO ......................................... 43

9. O le Faasatauroga o KERISO ......................................... 50

10. O le Toe Soifua Mai o KERISO ..................................... 57

11. O le Afio A’e o KERISO i le Lagi ................................. 67

12. O So’o o KERISO .......................................................... 69

13. O le Oti o Setefano ......................................................... 75

14. O le Liuaga o Saulo ........................................................ 78

15. Na Filifili Tagata Iutaia e Fasioti ia Paulo ..................... 80

16. Na Asiasi Paulo i Ierusalema ......................................... 84

17. O le Fulituaga Tele ......................................................... 88

18. Mealilo o le Amioleaga .................................................. 92

19. O le Oti, e Lē o le Ola e Faavavau lea -

i le Mafatiaga Faanoanoa ............................................... 97

20. O le Toe Fuataiga ......................................................... 102

21. Ua Faatasi le Ekalesia ma le Lalolagi ......................... 107

22. William Miller .............................................................. 110

23. O le Feau a le Agelu Muamua ...................................... 114

24. O le Feau a le Agelu Lona Lua .................................... 120

4

25. Faagaioiga O le Toe Afio Mai o IESU -

Ua Fa’aataina Mai ........................................................ 123

26. O se Isi Ata Faata’ita’i.................................................. 129

27. O le Malumalu .............................................................. 135

28. O le Feau a le Agelu Lona Tolu ................................... 139

29. O se Faavae Mausali ..................................................... 144

30. Talitonuga i le Ola Pea o Agaga o Ē ua Oti ................. 148

31. Mana’o Matape’ape’a ................................................... 153

32. O le Lūlūuga ................................................................. 157

33. O Agasala a Papelonia .................................................. 162

34. O le Alaga Tele ............................................................. 166

35. O le Feau Lona Tolu ua Faai’uina ................................ 168

36. O le Taimi o Puapuaga o Iakopo .................................. 172

37. O le Laveaiga o le Au Paia ........................................... 175

38. O le Taui o le Au Paia .................................................. 178

39. O le Lalolagi Ua Faatafunaina ..................................... 180

40. O le Toe Tu Lona Lua .................................................. 182

41. O le Oti Faalua. ............................................................ 185

______________

5

MEAALOFA FAALEAGAGA ________

O le meaalofa o valoaga na faaalia i totonu o le ekalesia i

le vaegā taimi faa-Iutaia. Afai na mou ese atu mo ni nai

seneturi, o le mafuaaga ona o le tulaga leaga lē faamaoni o le

ekalesia i le agai mai i le iuga o lena vaega taimi, ae na toe

faaalia le meaalofa lea i lona iuga ina ia aumaia ai le MESIA.

O Sakaria, le tamā o Ioane le Papatiso, “na faatumulia o ia i le

Agaga Paia, ma na ia vavalo.” O Simeona, o se tagata

amiotonu o ia ma le faamaoni o lē sa “faatalitali atu mo le

faamafanafanaga o Isaraelu,” na ia sau e ala i le Agaga i totonu

o le malumalu, ma vavalo e faatatau ia IESU o “se

malamalama lea e faamalamalamaina ai nuu ese, ma o Ia foi o

le mamalu o Isaraelu;” ma o Ana foi o ia o se perofeta fafine

“na ia tautala e faatatau ia te Ia ia i latou uma na faatalitali atu

mo le faaolataga i Ierusalema.” Ma e le’i i ai se perofeta na sili

atu nai lo Ioane, o Lē na filifilia e le ATUA e faailoa mai ia

Isaraelu “le TAMA’I MAMOE a le ATUA na te aveesea le

agasala a le lalolagi.”

O le vaegā taimi faaKerisiano na amatalia i le liligiina

mai o le Agaga Paia, ma o se vaega tele eseese o meaalofa

faaleagaga na faaalia i le lotolotoi o tagata talitonu; ma o nei

meaalofa na matuā taumasuasua lava o lea na mafai ai ona fai

atu Paulo i le ekalesia i Korinito, “O le faaaliga o le Agaga ua

foaiina mai i tagata taitasi uma ina ia faamanuiaina ai.” I

tagata taitasi uma i totonu o le ekalesia, ae lē o tagata taitasi

uma i le lalolagi, e faapei ona faauigaina ai e le toatele.

Talu mai lava le fulituaga tele i le ATUA, o nei meaalofa

ua seāseā faaaliaina; ma atonu o le mafuaaga lenei e ala ai ona

talitonu lautele i latou o loo ta’utinoina le igoa 6

Kerisiano fai mai o meaalofa nei sa mo na o le vaegā taimi lava

o le uluai ekalesia. Peitai, e lē ona o a’oa’oga sese ea ma le lē

talitonu o le ekalesia na muta ai meaalofa? Ma a toe ausia e

tagata o le ATUA le uluai faatuatua ma ola ai i le faatuatua, ma

6

o le a latou ausia moni lava e ala i le folafolaina o Poloaiga a le

ATUA ma le Faatuatua o IESU, o le a lē toe fausiaina a’e ea “e

le uaga mulimuli” meaalofa? O lo tatou manatunatu mai i

faatusatusaga, e tatau ai ona tatou iloa o le a tatou maua

meaalofa. E ui lava i fulituaga a Iutaia i ona vaegā taimi, ae na

amata ma faaiuina i faaaliga faapitoa lava a le Agaga o le

ATUA. Ma e lē fetaui le manatu faapea o le vaega taimi

faaKerisiano, o lona malamalama, pe a faatusalia atu i le vaega

taimi muamua, e faapei o le malamalama o le la i le faatusa atu

i ave vaivai o le masina, e tatau ona amata i le pupula ma faai’u

i le lē manino. Ma, talu ai o se galuega faapitoa a le Agaga na

manaomia ina ia saunia ai ni tagata mo le afio muamua mai o

KERISO, o le a le sili atu o le manaomia o se galuega faapitoa

a le Agaga mo Lona afio faalua mai; aemaise ai lava ona o aso

mulimuli e sili atu ona faafanoina ai nai lo vaegā taimi uma ua

mavae, ma o perofeta pepelo o le a ia i latou le malosi latou te

faia ai faailoga ma vavega tetele, o lea, afai e mafai ai, o le a

latou faasese foi i ē ua filifilia lava! Peitai se’i tatou o atu i le

Tusi Paia o le upu moni.

Na Ia fetalai atu foi ia i latou, Ia outou o atu i le lalolagi

uma, ma tala’i atu le tala lelei i tagata uma. O lē e talitonu, ma

papatisoina, o le a faaolaina o ia; a’o lē e lē talitonu, o le a

faasalaina o ia. O faailoga foi nei o le a mulimuli atu i ē e

talitonu: o Lo’u igoa o le a latou tulia ai temoni; o le a latou

tautala i gagana fou; o le a fetagofi i latou i gata; afai foi latou

te inu i se mea e oti ai, o le a lē afaina ai i latou; o le a fa’ae’e

atu foi o latou lima i luga o ē mama’i, ma o le a faamaloloina ai

i latou. Mareko 16:15-18.

Fai mai le faaliliuga a Campbell, “O nei mana fai vavega

o le a faatasi i ē talitonu.” O meaalofa e lē na 7

o le au aposetolo na foaiina atu i ai, ae na foaiina atu foi ia i

latou uma e talitonu. O ai o le a mauaina nei meaalofa? O i

latou e talitonu. O le a le umi? E leai se gataaga; o le folafolaga

7

e foliga mai o loo o gatasi ma le faatonuga tele ina ia tala’i le

tala lelei, ma ia o’o atu i le tagata mulimuli lava e talitonu.

Peitai ua fai mai manatu tetee, o le fesoasoani lea na

folafolaina mai, sa na o le au aposetolo lava na foaiina atu i ai,

ma i latou na talitonu i la latou talaiga: ma sa latou

faataunuuina le faatonuga, ma faamausaliina le tala lelei, ma o

meaalofa, na muta i lena augatupulaga. Se’i tatou vaai pe na

muta le faatonuga tele i lena augatupulaga. Mataio 28:19, 20. O

lenei, ia outou o atu ma a’oa’o i malo uma, ma papatiso atu ia i

latou i le suafa o le Tama, ma le Alo, ma le Agaga Paia; ma ia

outou a’oa’o i latou ia tausi i mea uma ua Ou faatonu atu ai ia

te outou; faauta foi, o loo O’u ia te outou i aso uma lava, e o’o

lava i le gataaga o le lalolagi.

O le laugaina o le tala lelei i lalo o lenei faatonuga e le’i

muta i le ulua’i ekalesia, o loo faamaonia mai i le folafolaga

lea, “O loo O’u ia te outou i aso uma lava, e o’o lava i le

gataaga o le lalolagi.” Na te lē o fetalai mai, O loo O’u ia te

outou, le au aposetolo, i soo se mea, e o’o lava i tuluiga o le

laueleele; peitai o loo fai mai i aso uma lava, e o’o lava i le

iuga o le lalolagi. O le a lē fetaui la pe a faapea o loo faauiga

mai le faamatalaga lea i le vaegā taimi faaIutaia, auā o lena

vaega taimi ua leva ona muta i le satauro. Ou te talitonu la, o le

laugaina ma le talitonuga i le uluai tala lelei, o le a faatasi mai i

ai le fesoasoani faaleagaga lava lea e tasi. O le faatonuga na

tuuina atu i aposetolo, e patino lea i le vaegā taimi

faaKerisiano, ma e aofia ai le vaega taimi atoa lava lea. O lea

foi la, o meaalofa, sa na ona leiloa ona o le fulitua i le ATUA,

ma o le a toe faafoisia mai faatasi ai ma le toe faaolaina mai o

le uluai faatuatua ma le olaga faatinoina.

I le 1 Korinito 12:28, ua faailoa mai ai ia i tatou, ua

tuuina e le ATUA meaalofa faapitoa faaleagaga i totonu o le

ekalesia. O le leai o se faamaoniga faaleTusi Paia e faailoa mai

ai na Ia aveesea pe faaumatia foi meaalofa ia, o lea e tatau ai

ona tatou manatu na foaiina mai meaalofa nei ina ia tumau.

8

8

O fea la le faamaoniga e iloa ai na faaumatiaina nei meaalofa?

Fai mai le tali o loo i le mataupu lava lea e tasi o loo faailoa

mai ai le faaumatiaina o le Sapati FaaIutaia, ma le faatuina o le

Sapati faaKerisiano---o se mataupu i le tusi o Galuega e

faatatau i le Mealilo a le Amioleaga, ma le Tagata o le Agasala.

Peitai o le tagata tetee na te fai mai o faamaoniga faaleTusi

Paia e iloa ai o meaalofa na fuafuaina ina ia muta, o loo i ai lea

i mau nei: E lē uma le alofa: ae afai o i ai ni valoaga, o le a

faalēaogaina lea; poo ni gagana, o le a muta; poo le poto, o le a

mou ese atu. Auā ua tatou iloa faalēatoa, ma ua tatou vavalo

faalēatoa. Peitai a afio mai Lē e atoatoa, ona faalēaogaina lea o

le mea faalēatoa. O ona po na ou itiiti ai, na ou tautala ai

faatamaitiiti, na ou malamalama faatamaitiiti, na ou

manatunatu faatamaitiiti: peitai ina ua o’o ina avea a’u ma

tagata matua, ona ou tia’i lea o mea a tamaiti. Auā o ona po nei

ua tatou vaai ai faanenefu i le faata: a’o ia ona po o le a tatou

vaai faafesagai ai; o nei ona po ua ou iloa ai faalēatoa; a’o ia

ona po o le a ou iloa tino ai e pei ona iloatinoina o a’u. A’o

lenei, o tumau le faatuatua, ma le faamoemoe, ma le alofa, o

nei mea e tolu; a’o le sili o nei mea o le alofa lea. 1 Korinito

13:8-13.

O lenei tusi o loo valoia mai ai le faamutalia o meaalofa

faaleagaga, o le faatuatua foi ma le faamoemoe. Peitai o afea o

le a muta ai? O loo tatou tulimata’i atu pea i luma i le taimi:

“O le a suia ai le faamoemoe i le vaaiga fiafia moni,

O le Faatuatua e suia i le vaaiga o mata, ma tatalo o le a suia i

le viiga.”

O le a muta pe a afio mai Lē e atoatoa – pe a tatou lē toe

vaai faanenefu e ala atu i se faata, a ua tatou vaai faafesagai. O

le aso atoatoa, pe a faaatoatoaina ē amiotonu, ma vaai e pei ona

vaaia o i latou, o loo i le lumanai pea. E moni o le Tagata o le

Agasala, ina ua ia o’o ina avea ma tagata matua, ua na tia’i i

9

“mea faatamaiti” ia e pei o valoaga, gagana ma le poto, o le

faatuatua foi ma le faamoemoe ma le alofa o ulua’i Kerisiano.

Peitai e leai se faamatalaga o i ai i upu e faailoa mai ai na

fuafua le ATUA ina ia aveesea meaalofa na Ia tuuina i totonu o

le ekalesia, seivagana ua o’o i le 9

faataunuuga o lona faatuatua ma lona faamoemoe---seivagana

ua punitia e le pupula sili atu o le tino ola e faavavau faaaliga

sili ona matagofie o le mana ma le poto faaleagaga ua faapea

ona faaalia i le tino nei.

O le faitioga o loo faavae i le 2 Timoteo 3:16, lea ua

matua faailoa mamafa mai e nisi, e lē manaomia le manatu

loloto fua i ai nai lo na o se manatu lē taua. Afai o le

faamatalaga a Paulo i lona fai mai o tusi uma o le Tusi Paia na

mafai ona faaatoatoaina ai le tagata o le ATUA, ma saunia

mae’ae’a ai o ia i galuega lelei uma lava, o lona uiga e leai nisi

lava upu e tatau ona toe tusia e ala mai i le Agaga Paia, aisea la

na ia faaopoopoina ai tusitusiga i nā tusi o le Tusi Paia i lena

lava taimi? Aisea na ia lē faapaūeseina ai le peni i le taimi lava

na uma ai ona ia tusia lena fuaiupu? Ma aisea na tusia ai e

Ioane le tusi o Faaaliga i le tolu sefulu tausaga na mulimuli ane

ai? O lenei tusi o loo i ai se isi foi vaega o tusitusiga o loo siitia

mai ina ia faamaonia ai le faaumatiaina o meaalofa faaleagaga.

Auā ou te ta’utino atu i tagata uma e faalogo i upu o

valoaga o lenei tusi, Ai se tasi e faaopoopo mai se upu i nei

upu, o le a faaopoopo atu e le ATUA ia te ia mala o loo tusia i

totonu o lenei tusi. Ai se tasi foi na te aveesea se upu mai i upu

o le tusi o lenei valoaga, o le a aveese e le ATUA lona tofi mai

i le tusi o le ola, ma le aai paia, ma mea o loo tusia i lenei tusi.

Faaaliga 22:18, 19.

Mai i lenei faitauga, ua faailoa mai ai le manatu, fai mai o

le ATUA, o Lē na fetalai mai i taimi eseese ma auala uiga

eseese e tele, i taimi ua tuanai i le augā tamā e ala mai i le au

perofeta, ma, i le amataga o le aso o le tala lelei, ua tautino mai

ai iinei IESU ma Ana aposetolo o le a latou lē toe faailoaina

10

mai lava se isi malamalama i le tagata i lena auala. O lea la, o

perofetaga uma lava na faia ina ua mavae lenei aso, e tatau la

ona sese. O lenei tulaga, ua latou fai mai ai, ua tapunia ai le

tusitusiga na osofia e le Agaga Paia. Afai o lea, aisea na tusia ai

e Ioane lana tala lelei ina ua mavae lona toe fo’i mai nai

Patamo i Efeso? I lona tusia o lea tala lelei, na ia faaopoopo ea

i upu o le valoaga o lena tusi na ia tusia 10

i le motu o Patamo? O loo faamaonia mai i le tusitusiga lea, o

le lapataiga e faatatau i le faaopoopo ma le aveesea, e lē o

faatatau atu i le Tusi Paia e faapei ona tatou maua ai i lona

tuufaatasiga o loo i ai nei, peitai o loo faatatau atu i le tusi o

Faaaliga, ina ua tusia mai i le lima o le aposetolo. Ae e leai se

tasi e i ai sana aiā e faaopoopo ai pe aveesea foi se upu mai i se

isi lava tusi na tusia i lalo o le musumusuga a le Agaga Paia o

le ATUA. Na faaopoopo ea e Ioane se mea i le tusi o le valoaga

a Tanielu, i lona tusia o le tusi o Faaaliga? E leai lava. O se

perofeta, e leai sana aiā na te suia ai le upu a le ATUA. Peitai o

faaaliga a Ioane na faamausaliina ai faaaliga a Tanielu, ma

avatu ai le tele o malamalama faaopoopo i mataupu na faailoa

mai ai iina. Ou te talitonu la e le’i filifili le ATUA ina ia Ia

gūgū, peitai o loo Ia saoloto pea e fetalai. Ia avea pea lenei ma

gagana e faavavau a lo’u loto, Fetalai, le ALII e, e ala mai i lē e

te finagalo ai; auā o loo faalogologo atu lau auauna.

Ua faapena ona faamaonia le toilalo atoa o le taumafaiga

ina ia faamaonia mai i le Tusi Paia le faalēaogaina o meaalofa

faaleagaga. Ma, talu ai e le’i manumalo lava faitotoa o seoli i le

ekalesia, a’o loo i ai pea tagata o le ATUA i luga o le

fogaeleele, e mafai ona tatou mataitu atu mo le fausiaina a’e o

meaalofa, i le fesootai atu ma le feau a le agelu lona tolu---o se

feau lea o le a toe aumaia ai le ekalesia i le faatuatua o taimi o

le au aposetolo, ma avea moni ai lava i latou ma malamalama--

-ae lē o le pogisa---o le lalolagi.

Ua lapataia foi i tatou o le a i ai perofeta pepelo i aso

mulimuli, ma ua aumai e le Tusi Paia se tofotofoga e

11

tofotofoina ai a latou a’oa’oga, ina ia tatou iloa ai le a’oa’oga

moni mai i le a’oa’oga sese. O le tofotofoga sili lava o le

tulafono lea a le ATUA , lea o loo faatatau i le vavaloina o

valoaga ma le amio a perofeta. Ana faapea e leai ni perofetaga

moni i aso mulimuli, semanu e matua sili atu le faigofie o le

faailoaina o le mea moni, ma faapena ona taofia ai avanoa uma

lava mo faaseseega, nai lo le tuuina mai o se tofotofoga e iloa

ai i latou, e peiseai o loo fai mai o le a i ai perofeta moni ma

perofeta pepelo. 11

I le Isaia 8:19, 20, o loo aumaia ai se valoaga e faatatau i agaga

o temoni o le taimi lenei, ma o le tulafono o loo aumaia e avea

ma tofotofoga. Inā saili ia i le tulafono ma le molimau: afai

latou te lē tautala e tusa ma ia upu, o le mafuaaga, ona e leai

lava se malamalama i totonu ia i latou. Aisea e fai mai ai, “afai

latou te lē tautala,” pe afai o le a leai ni faaaliga moni

faaleagaga poo ni perofetaga i le taimi lava lea e tasi? Fai mai

le fetalaiga a IESU, Ia outou ma perofeta pepelo, . . . o le a

outou iloa foi i latou i o latou fua. Mataio 7:15. O se vaega

lenei o “le lauga i luga o le mauga,” ma e mafai ona iloa e

tagata uma, o lenei fetalaiga e i ai lona uiga lautele o loo

faatatau atu i le ekalesia i le vaegā taimi atoa lava o le tala lelei.

O perofeta sese o le a iloa i o latou fua; i nisi faaupuga, e iloa i

a latou amio. Na pau lava le tapulaa e iloa ai pe lelei pe leaga o

latou fua, o le tulafono lea a le ATUA. Ua faapena ona aumaia

ai i tatou i le tulafono ma le molimau. O perofeta moni o le a lē

gata ina latou tautala e tusa ma lenei upu, ae e tatau foi ona

latou ola e tusa ma lenei upu. O le tagata e tautala faapena ma

ola ai ou te lē mafai ona faitioina.

O le uiga masani lava o perofeta pepelo lo latou vaaia o

faaaliga o le filemu; ma o le a latou tautalatala i le filemu ma le

saogalemu ae faafuasei ona o’o mai le faaumatiaga faafuasei i

luga ia i latou. O le perofeta moni o le a ia a’oa’iina ma le lē

fefe le agasala ma lapatai e faatatau i le toasa o loo sau.

12

O perofetaga e feteenai ma fetalaiga manino ma le

mautinoa a le Upu, e tatau ona teena. O loo aumaia se

faataitaiga e faatatau i le uiga o le afio faalua mai o KERISO.

Ina ua afio a’e IESU i le lagi i luma o Ona soo, na faailoa

manino mai lava e agelu, o lenei lava IESU, o le a faapea ona

toe afio mai e faapei ona latou vaai atu ia te Ia o afio a’e i le

lagi. O lea o loo valoia mai ai e IESU perofeta pepelo o aso

mulimuli, ma Ia fetalai mai ai, Afai o le a latou fai atu ia te

outou, Faauta, o loo i le vao o ia; aua tou te o atu i ai: Faauta, o

loo i afeafe lilo o ia; aua tou te talitonu i ai. O perofetaga moni

uma lava e faatatau i lena mataupu e tatau ona latou amanaiaina

Lona afio 12

mai nai le lagi e vaaia e mata o tagata uma. Aisea na lē fetalai

mai ai IESU, ia outou teena perofetaga (vavalo) uma lava i lena

taimi, auā o le a leai ni perofeta moni i le taimi lena?

Efeso 4:11-13. “Ma na Ia foai mai i nisi, e fai ma

aposetolo; o nisi foi, o perofeta; o nisi, e folafola le tala lelei; o

nisi, e fai ma leoleo (faifeau) atoa ma a’oa’o; mo le

faaatoatoaina o le au paia, mo le galuega o le auaunaga, mo le

fausiaina a’e o le tino o KERISO; seia tatou o’o uma i le agaga

e tasi o le faatuatua, ma le iloa lelei o le ALO o le ATUA, seia

o’o i le tulaga o le tagata matua, i le atoaga o le tumu atoatoa o

KERISO.”

Ua tatou a’oa’oina mai i se fuaiupu na tatou suesueina

muamua ina ua afio a’e KERISO i luga i le lagi, na Ia foa’i mai

meaalofa i tagata. O nei meaalofa o loo faailoa taitasi mai, o

aposetolo, perofeta, o ē folafola le tala lelei, o leoleo (faifeau)

ma faiaoga. O le sini na mafua ai ona aumai o le faaatoatoaina

lea o le au paia i le loto e tasi ma le iloa. O nisi o loo tautino

mai o i latou o leoleo (faifeau) ma faiaoga, i le taimi lenei,

latou te talitonu o nei meaalofa na latou faataunuuina atoatoa

lava la latou sini i le tusa ma le afe valu selau tausaga talu ai,

ma o lea ua faamutalia ai. Aisea la e lē lafoaia ai o latou tofiga

o leoleo poo faifeau ma faiaoga? Afai o le tulaga o le perofeta

13

ua faatapulaaina e lenei fuaiupu i le uluai ekalesia, e faapena

foi la le meaalofa o le folafolaina atu o le tala lelei ma isi

meaalofa uma; auā e leai se eseesega o faia i ia meaalofa.

Se’i tatou manatunatu lava la mo sina taimi i lenei

mataupu. O nei meaalofa uma na foaiina mai mo le

faaatoatoaina o le au paia i le loto e tasi, iloa ma le agaga. I lalo

o le aafiaga o nei meaalofa, o lea na olioli ai le uluai ekalesia

mo se taimi i lena loto gatasi. “O le mano ni mano o i latou na

talitonu sa tasi lo latou loto ma tasi foi lo latou agaga.” Ma e

foliga mai o se iuga faalenatura o lenei loto gatasi, o lea “na

molimau atu ai le au aposetolo ma le mana tele lava e faatatau i

le toe soifua mai o le ALII o IESU; ma sa tele le alofa tunoa sa

i luga ia i latou uma.” Galuega 4:31-33. Oka se matua

manaomia o se tulaga faapea i le taimi lenei! Peitai o le fulitua

ese mai i le ATUA faatasi ai ma ona aafiaga e malepelepe ma

faafanoina ai, na faaleagaina ai le matagofie o le ekalesia

mamā, ma faaofuina ai 13

o ia i ofu talatala. O vaeluaga ma le lē faatulagaina lelei o iuga

ia ua o’o mai. E le’i faapea ona tele le eseesega o faatuatuaga i

le lalolagi kerisiano e pei ona i ai i le taimi lenei. Afai na

manaomia meaalofa mo le loto gatasi o le uluai ekalesia, o le a

le sili atu o le manaomia o nei meaalofa ina ia toe faafoisia mai

ai le loto gatasi i le taimi lenei! Ma o le fuafuaga a le ATUA

ina ia toe faafoisia le loto gatasi o le ekalesia i aso mulimuli, o

loo matua taumasuasua lona faamaonia mai i valoaga. Ua

faamautinoa mai ia i tatou o tagata vaai o le a loto gatasi, pe a

toe aumaia e le ALII Siona. O loo faailoa mai foi, o le taimi o

aso mulimuli o le a malamalama ai ē popoto. A faataunuuina

loa lenei tulaga, o le a i ai loa le loto gatasi o le faatuatua ia i

latou uma lava e popoto i le silafaga a le ATUA; auā o i latou e

malamalama sa’o moni lava, e tatau foi, ma e manaomia foi,

ina ia tutusa lo latou malamalamaaga. O le a se mea e tatau ona

aumaia lenei loto gatasi, pe afai e lē o meaalofa na foaiina mai

mo lenei sini tonu lava?

14

Mai i manatunatuga faapenei, o loo faamaonia mai ai o le

tulaga atoatoa o le ekalesia o loo valoia mai iinei, o loo i le

lumanai pea; o lea foi la, o nei meaalofa latou te le’i

faataunuuina la latou sini. O lenei tusi i tagata talitonu i Efeso

na tusia i le T.A 64, e tusa ma le lua tausaga a’o le’i fai atu

Paulo ia Timoteo ua ia sauni ina ‘ia ofoina atu o ia, ma o le

taimi o lona oti ua lata mai. O fatu o le fulitua i le uluai

faatuatuaga ia KERISO, na amata i le taimi lava lea ona matala

a’e i totonu o le ekalesia, auā na fai atu Paulo i le sefulu

tausaga na tuana’i e o’o mai i le taimi lea, i lana tusi lona lua i

le au talitonu i Tesalonia, “O le mealilo a le amioleaga o loo

galue nei lava.” O luko feai na sauni i le taimi lea e ulufale atu,

ma latou te lē’i faasaoina le lafu. O le ekalesia la e le’i siitia a’e

ma agai i luma i lena atoaga o le loto gatasi o loo faailoa mai i

le mau, peitai na sauni e saeia e feteenaiga, ma liliueseina o

latou mafaufau e fevaevaeaiga. Na iloa e le aposetolo lenei

tulaga; o lea, atonu na ia vaaia i luma atu o le fulitua tele mai ia

KERISO, i le vaegā taimi o le faapotopotoina mai o le au totoe

o tagata o le ATUA, ina ua ia fai mai, “Seia tatou o’o uma i le

loto gatasi i le faatuatua.” 14

O lea la, o meaalofa na tuuina i totonu o le ekalesia e le’i uma

lo latou taimi.

1 Tesalonia 5:19-21. “Aua tou te tineia le Agaga. Aua tou

te inoino i perofetaga. Ia tofotofo i mea uma; ia taofi mau i le

mea lelei.”

I lenei tusi, o loo faailoa atu ai e le aposetolo le mataupu

e faatatau i le afio faalua mai o le ALII. Ona ia faamatala mai

lea o le tulaga o le lalolagi lē talitonu i le taimi lena---i lo latou

fai mai, “E filemu e lē afaina,” i le taimi o le a taalili mai ai le

aso o le ALII i luga ia i latou, ma o’o mai ai i luga ia i latou le

faaumatiaga faafuasei e pei o se gaoi i le po. Ona ia fautua mai

lea i le ekalesia, e faatatau i nei mea uma, ina ia aua latou te

momoe, a ia mataala ma ia faautauta. Mai i fautuaga o loo

mulimuli mai o loo i ai upu ua tatou siitia mai, “Aua tou te

15

tineia le Agaga,” …O nisi atonu latou te fai mai o nei fuaiupu e

tolu e matua leai lava so latou sootaga o le isi i le isi i o latou

uiga; peitai e i ai lo latou sootaga faalenatura i le faasologa o

loo tusia ai. O le tagata na te tineia le Agaga, o le a tuua foi o ia

ina ‘ia ia inoino i perofetaga o fua moni ia o le Agaga. “O le a

Ou liligi ifo Lo’u Agaga, ma o outou atalii ma outou afafine o

le a vavalo/perofeta ane.” Ioelu 2:28. O le faamatalaga lea,

“Tofotofo i mea uma,” e gata lava i le mataupu o loo

talanoaina---o valoaga poo perofetaga---ma e tatau ona tatou

tofotofo i agaga e ala i suega ua Ia aumai ia i tatou i totonu o

Lana Upu. O faaseseega faaleagaga ma perofetaga pepelo ua

matua faulai i le taimi lenei; ma e lē masalomia o lenei fuaitau

o le Tusi Paia o loo i ai lona uiga faapitoa lava iinei. Peitai, ia

maitau mai, e lē o fai mai le aposetolo, Ia outou tetee i mea

uma; peitai, Ia tofotofo i mea uma; taofi mau i le mea lelei. Ioelu 2:28-32. “Mulimuli ane, o le a Ou liligi ifo ai Lo’u

Agaga i luga o tagata uma; ona perofeta ai lea o o outou atalii ma

outou afafine, o outou toeaiina o le a fai miti, o le a iloa foi faaaliga

e o outou taulele’a; o auauna tane foi ma auauna fafine 15

i ia ona aso o le a Ou liligi ifo i ai Lo’u Agaga. O le a Ou faailoa

atu foi mea ofoofogia i le lagi ma le lalolagi, o le toto ma le afi, ma

le asu faaniutu. O le lā o le a liua i le pouliuli, ma le masina i le

toto, a’o le’i o’o mai le aso tele ma le matautia o le ALII. O le a

faaolaina foi i latou uma o ē valaau i le suafa o IEOVA: auā o le a i

ai le faaolataga i le mauga o Siona ma Ierusalema, e pei ona fetalai

mai ai IEOVA, e i ai foi i ē ua totoe o ē o le a valaauina e

IOEVA.” O lenei valoaga a Ioelu o loo tautala e faatatau i le liligiina

mai o le Agaga Paia i aso mulimuli, e le’i faataunuuina atoa i le

amataga o le vaegā taimi o le tala lelei. O lenei manatu o loo

faamaonia mai i faailoga i le lagi ma le lalolagi, lea o loo faailoa

mai i lenei mau, o mea ia e muamua mai i “le aso tele ma le

matautia o le ALII.” E ui lava ina tutupu faailoga, a’o lena aso

matautia o loo i le lumanai pea. O le vaegā taimi atoa o le tala lelei

e mafai ona faaigoaina o aso mulimuli, peitai o le fai mai faapea o

aso mulimuli o tausaga uma lava ia e 1800 ua tuanai, o se manatu

16

valea lea. O aso mulimuli e o’o atu lava i le aso o le ALII, ma le

laveaiga o ē totoe o tagata o le ATUA. “Auā o le a i ai le laveaiga i

le mauga o Siona ma Ierusalema, e pei ona fetalai mai o le ALII, e i

ai foi i ē o totoe o ē o le a valaauina e le ALII.” O lenei au totoe, o loo ola i le lotolotoi o faailoga ma mea

ofoofogia ia e faailoa mai ai le o’o mai o le aso tele ma le matautia

o le ALII, e lē masalomia, o le au totoe lea o le fanau a le fafine o

loo tautalagia mai i le Faaaliga 12:17--- le auga tupulaga mulimuli

lea o le ekalesia i luga o le fogaeleele. “Na ita foi le tarako i le

fafine, ona alu atu ai lea o ia e tau le taua ma i latou o totoe o lana

fanau, o ē ua tausi i poloaiga a le ATUA, ma ua ia i latou le

molimau a IESU KERISO.”

O le au totoe o le ekalesia o le tala lelei o le a ia i latou

meaalofa. O le taua o le a tauina ma i latou auā ua latou tausia

poloaiga a le ATUA, ma ua ia i latou le molimau a IESU 16

KERISO. Faaaliga 12:17. I le Faaaliga 19:10, o le molimau a IESU

KERISO o loo faamatalaina mai o le agaga lea o valoaga. Na fai

mai le agelu, “O a’u o lou uso-a-auauna, ma lou au uso o loo i ai le

molimau a IESU.” I le mataupu 22:9, o loo ia toe faailoa mai ai foi

le upu moni lava lea i lona uiga moni, “O a’u o lou uso-a-auauna,

ma lou au uso le au perofeta.” Mai i le faatusatusaga tatou te vaaia

ai le taua tele o le faamatalaga lea, O le molimau a IESU o le agaga

lea o valoaga. Peitai o le molimau a IESU e aofia ai meaalofa uma

lava a lena Agaga e tasi. Fai mai Paulo, Ou te faafetai i le ATUA e

lē aunoa ona o outou, mo le alofa tunoa o le ATUA ua foaiina atu ia

te outou e IESU KERISO; ina ua faatamaoaigaina outou i mea uma

e Ia, i tautalaga uma ma le iloa uma; e pei ona faamausaliina le

molimau a KERISO i totonu ia te outou: ina ia lē mativa outou i se

meaalofa e tasi; i le faatalitali atu mo le afio mai o lo tatou ALII o

IESU KERISO. 1 Korinito 1:4-7. O le molimau a KERISO na

faamausaliina i totonu o le ekalesia i Korinito, ma o le a le iuga?

Latou te le’i mativa i se meaalofa e tasi. E lē ua ta’uamiotonuina ea

la i tatou i le manatu mulimuli lenei faapea, a faamausaliina atoatoa

loa le au totoe i totonu o le molimau a IESU, o le a latou lē mativa

loa i se meaalofa e tasi, i le faatalitali atu mo le afio mai o lo tatou

ALII o IESU KERISO?

R. F. C.

17

O le Finauga Tele.

MATAUPU 1

O le Pa’ū o Satani

Ua faailoa mai e le Alii ia te a’u, o Satani, o se agelu lea

sa faamamaluina i le lagi na sosoo atu lona tulaga ia KERISO.

O ona foliga na agamalu, ma faailoa mai ai le fiafia e pei o isi

agelu. O lona muaulu sa maualuga ma lautele ma faailoa mai ai

le poto tele. O lona tino na atoatoa ona lelei. Na matagofie tele.

Ma na ou vaaia, ina ua fetalai atu le ATUA i Lona Alo, Inā ta

faia ia le tagata i lo ta faatusa, na loto leaga Satani ia IESU. Na

ia manao e talanoaina atu ia te ia le fuafuaga e faatatau i le

foafoaga o le tagata. Na faatumulia o ia i le anovale, loto leaga

ma le ita. Na ia manao ia silisili lava o ia i le lagi, ia sosoo atu i

le ATUA, ma ‘ia ia maua mamalu silisili lava. Na o’o mai i le

taimi lea, o le lagi atoa sa faatulaga lelei, loto gatasi ma

usiusitai atoatoa i le faigamalo a le ATUA.

O le agasala sili ona leaga le tetee i le faatulagaga ma le

finagalo o le ATUA. O le lagi atoa na foliga mai ua fenumia’i.

O agelu sa faatulagaina i vaega faatasi ai ma se agelu ta’ita’i i

vaega taitasi. Na laga’ia agelu uma. Na faia e Satani

faamatalaga taufaasese e faatatau i le faigamalo a le ATUA, na

ia finafinau tele ina ia siitia ia lava, ma sa ia lē manao e 18

gaua’i i le pule a IESU. O nisi o agelu na alolofa ia Satani i

lana tetee, a’o isi na latou finafinau malosi lava mo le mamalu

ma le poto o le ATUA i Lona tuuina atu o le pule i Lona Alo.

Ma sa i ai le lē loto gatasi i agelu. O Satani ma agelu na aafia i

ana faaseseega, o ē sa finafinau e toe fuata’i le faigamalo a le

ATUA, na latou mananao e sailiili i Lona poto lē masuesueina

ina ia latou mautinoa ai Lana sini i Lona siitiaina o IESU, ma le

foaiina atu ia te Ia o lea mana lē mafuatia ma le pule. Na latou

tetee i le pule a le ALO o le ATUA, ma o agelu uma na amia

18

ina ia tulai i luma o le Tamā, ina ia filifilia ai o latou iuga. Ma

na filifilia ai e tatau ona tuliesea Satani mai i le lagi, ma o

agelu, i latou uma na faatasi ma Satani i lana tetee, na tatau ona

tuliesea uma faatasi ma ia. Ona tau ai lea o le taua i le lagi. Sa

auai agelu i le taua; na manao Satani na te faatoilaloina le ALO

o le ATUA ma i latou na gauai atu i Lona finagalo. Peitai o

agelu moni ma le lelei sa manumalo, ma o Satani, faatasi ai ma

agelu na mulimuli ia te ia, na tuliesea mai i le lagi.

Ina ua mavae ona tuliesea Satani mai i le lagi, faatasi ai

ma i latou na pa’u’ū faatasi ma ia, na ia iloa ai ua aveesea mai

ia te ia le mamā ma le mamalu o le lagi e faavavau. Ona ia

salamo lea ma ia manao ina ia toe faafoisia o ia i le lagi. Na ia

manao e toe tulai i lona tulaga sa i ai, poo soo se nofoaga lava e

ono tuuina atu ia te ia. Peitai e leai, e lē tatau ona lamatiaina le

lagi. Atonu o le a faaleagaina le lagi atoa pe a toe talia o ia, auā

o le agasala na amata ia te ia, 19

ma o fatu o le tetee o loo i totonu ia te ia. Na maua e Satani ē e

mulimuli atu ia te ia, i latou ia na alolofa ia te ia i lana tetee. O

ia ma agelu na mulimuli ia te ia na latou salamo, fetagisi ma

aioi ina ia toe talia i latou e le ATUA. Peitai, e leai, o la latou

agasala, o lo latou ita, o lo latou anovale ma lo latou fuā loto

leaga, na matua telē lava o lea na lē mafai ai ona soloiesea e le

ATUA. E tatau ona tumau pea ina ia maua lona faasalaga

mulimuli.

Ina ua iloa atoa e Satani ua leai se avanoa e toe taliaina ai

o ia e le ATUA, ona amata loa lea ona faaalia lona ita

taufaaleaga. Na ia talanoa ma ana agelu, ona folasia loa lea o se

fuafuaga ina ia galulue tetee pea i le faigamalo a le ATUA. Ina

ua tuuina Atamu ma Eva i totonu o le faatoaga matagofie, na

folasia e Satani fuafuaga ina ia faaumatia i laua. Na ia faia se

talanoaga ma ana agelu leaga. E leai se auala e tasi na mafai

ona aveesea ai le fiafia o lenei ulugalii fiafia pe afai na la usitai

i le ATUA. Na le’i mafai e Satani ona faaaoga lona malosi ia i

laua seivagana ai ua muamua ona la lē usitai i le ATUA, ma lē

19

fiafia mai ai o Ia ia i laua. Na manatu Satani e tatau ona latou

fafauina se faufauga e taitaia ai i laua i le lē usitai ina ia toasa

mai ai le ATUA ia i laua, ma aumaia ai i laua i lalo o le aafiaga

tuusa’o o Satani ma ana agelu. O lea na filifilia ai o le a liu

Satani i se isi foliga, ma faaalia ai lona naunautaiga mo le

tagata. E tatau ona ia faia faamatalaga lē talitonu agai i le

faamaoni o le ATUA, ma faatupulia ai le masalosalo pe moni e

faamaoni le ATUA e faapei lava ona Ia fetalai mai, o le mea e

sosoo ai, o le faaosofia lea o lo la fia suesue fia iloa, ma

taitaia ai i laua ina ia la sailiili i 20

fuafuaga lē masuesueina a le ATUA, lea na agasala ai Satani,

ma ia lā tau manatunatu ai i le mafuaaga o Lona faasaina o i

laua mai i le laau e iloa ai le lelei ma le leaga. _________

MATAUPU 2

O le Pa’ū o le Tagata

Na ou vaaia, o agelu paia na masani lava ona latou asiasi i

le faatoaga, ma avatu faatonuga ia Atamu ma Eva e faatatau i la

la galuega, ma a’oa’o foi i laua e faatatau i le tetee a Satani ma

lona pa’ū. Na lapataia i laua e agelu e faatatau ia Satani, ma na

latou fai atu ia i laua ia aua ne’i lā vavae ese mai le tasi mai i le

isi i la la galuega, auā atonu la te fetaiai ai ma lenei fili pa’ū.

Na faatonu atu agelu ia i laua ina ia mulimuli faalatalata lava i

faatonuga ua tuuina atu e le ATUA ia i laua, aua e na o le usitai

atoa lava na mafai ai ona la saogalemu. Ma afai la te usitai, o

lenei fili pa’ū, e lē mafai ona ia faatoilaloina i laua.

Na amata e Satani lana galuega ia Eva, i lona osofia o ia

ina ia lē usitai. Na ia ulua’i sese i lona alu ese mai i lana tane, o

lona sese lona lua, o lona fealualua’i faataamilo solo lea i le

laau faasāina, ma o le isi ona sese, o lona faalogo lea i le leo o

le tiapolo taufaaosooso, ma lona lē fefe i lona masalosalo i le

upu na fetalaia atu e le ATUA faapea - - O le aso e te ‘ai ai i

20

le fua o le laau e iloa ai le lelei ma le leaga, o le a ē oti moni ai

lava. Na ia manatu, atonu e lē o le uiga lea e faapei moni lava

ona fetalaia mai e Ieova. Na ia lē fefe e lē usitai. Na ia aapa 21

atu lona lima, ma tau mai le fua o le laau, ma ‘ai ai. O le fua na

manaia i le vaai, ma manaia i le tofo. Na ia fuā ina ua taofia e

le ATUA mai ia i laua le fua lea na lelei moni lava mo i laua.

Na ia avatua le fua i lana tane, ma faapena ona ia faaosooso

ai ia te ia. Na ia ta’u atu ia Atamu upu uma lava na fai mai ai

le gata, ma ia faailoa atu ia te ia lona ofo tele ona o le mafai e

le gata ona tautala.

Na ou vaaia se faanoanoaga ua o’o ifo i foliga o Atamu.

Na ia foliga mai na fefe ma ofo tele. Na foliga mai o loo faia se

tauiviga i totonu o lona mafaufau. Na ia manatu moni lava o le

fili lenei na lapataia ai i laua, ma o le a oti lana avā. O le a

tuueseeseina i laua. O lona alofa mo Eva sa malosi tele. Ma o

le loto faavaivai tele na ia filifili ai ‘ia tofusia faatasi ma ia i

lona iuga. Na ia tago atu i le fua o le laau faasaina, ma ‘ai vave

ai loa. Ona olioli lea o Satani. Na ia tetee i le lagi, ma sa ia te ia

agelu na alolofa ia te ia, ma mulimuli ia te ia i lana tetee. Na ia

pa’ū, ma sa ia faaosoosoina isi ia pa’u’ū faatasi ma ia. Ma o

lenei na ia faaosoosoina le fafine ia lē talitonu i le ATUA, ina

ia tuufesilisili i Lona poto, ma ia sailiili ai na te fia iloa Ana

fuafuaga poto uma. Na iloa e Satani o le a lē pa’ū na o le

fafine. O Atamu, talu ai ona o lona alofa mo Eva, na ia lē usitai

ai i le faatonuga a le ATUA ma na ia pa’ū faatasi ai ma ia.

O le tala e faatatau i le pa’ū o le tagata na salalau i le lagi.

O kitara uma na lē toe lagona o latou leo. Na lafo e agelu o

latou pale mai i o latou ulu i le faanoanoa. O le lagi atoa sa

popole. Na faia se fonotaga ia filifilia ai poo le a le mea e tatau

ona faia i le ulugalii agasala. 22

Na matata’u agelu ina ne’i la aapa atu o la lima ma la ‘aai i fua

o le laau o le ola, ma avea ai i laua ma tagata agasala e ola e

faavavau. Peitai na fetalai mai le ATUA o le a Ia tuliesea le

ulugalii solitulafono mai i le faatoaga. O le taimi lava lena na

21

faatonuina ai agelu ina ia latou leoleoina le ala agai atu i le laau

o le ola. O le fuafuaga suesueina lelei lava a Satani lona

faaosofia o le lē usitai o Atamu ma Eva i le ATUA, ma toasa

mai ai o Ia ia i laua, ma taitaia atu ai pea i laua ia la aai i fua o

le laau o le ola, ina ia la ola ai e faavavau i le agasala ma le lē

usitai, ma faapena ona faatumauina ai e faavavau le agasala.

Peitai na auina atu agelu paia ina ia tuliesea i laua mai i le

faatoaga, a’o le isi vaega o agelu na faatonuina ia latou

leoleoina le ala agai atu i le laau o le ola. O nei agelu malolosi

taitasi na foliga mai sa i ai se mea i o latou lima taumatau, na

foliga mai o se pelu feilafi.

Ona manumalo lea o Satani. O isi na ia faia ia

puapuagatia e ala i lona pa’ū. Na tuliesea o ia mai i le lagi, o i

latou ma agelu na ia faaseseina na tuliesea mai i Parataiso. _________

MATAUPU 3

O le Fuafuaga o le Faaolataga

Na faatumulia le lagi i le faanoanoa, ina ua iloa ua leiloa

le tagata, ma o le lalolagi na foafoa e le ATUA o le a

faatumulia i tagata ua tuua i le pagatia, ma’i ma le oti, ma na

leai se auala e laveai ai le tagata solitulafono. O le aiga atoa

lava o 23

Atamu o le a oti. Na ou vaai ia IESU alofa, ma sa ou vaaia se

foliga o le alofa ma le faanoanoa i Ona fofoga. E le’i umi ae ou

vaai loa ia te Ia o faalatalata atu i le malamalama sili ona

pupula na siomia ai lona Tamā. Na fai mai la’u agelu na faatasi

ma a’u, o loo talanoa mae’ae’a lava o Ia ma Lona Tamā. O le

popole o le au agelu na foliga mai na matuā faatupulaia a’o

talanoa IESU ma Lona Tamā. Na faatolu ona ufitia o Ia e le

malamalama pupula o loo siomia ai Lona Tamā, ma o le taimi

lona tolu na Ia fo’i mai ai mai i Lona Tamā, na mafai ona iloa

atu o Ia. O Ona foliga sa to’a filemu, na saoloto mai i popolega

22

uma ma le atuatuvale, ma sa pupula mai ma le agalelei ma le

alofa, o uiga e lē mafai e upu ona faamatalaina. Ona Ia faailoa

lea i le au agelu ua uma ona faia se ala o le faaolataga mo le

tagata ua leiloa. Na Ia fai atu ia i latou sa Ia aioi i Lona Tama,

ma na Ia ofo atu e foai atu Lona soifua e avea ma tau e

totogiina mo le toe faatauina mai o le tagata, ma Ia tauaveina le

faasalaga o le oti i luga ia te Ia, ina ia maua e le tagata le

faamagaloga e ala ia te Ia. Ina ia avea le amiotonu o Lona toto,

ma le usitai i le tulafono a le ATUA, e mafai ai ona latou toe

maua le fiafia mai o le ATUA ia i latou, ma ia toe aumaia ai i

latou i totonu o le faatoaga matagofie, ma latou aai ai i fua o le

laau o le ola.

I le taimi muamua e le’i mafai ona olioli agelu, auā o lo

latou Taitai na te le’i natia se mea mai ia i latou, ae na Ia tatala

atu ia i latou le fuafuaga o le faaolataga. Na faailoa atu e IESU

ia i latou o le a Ia tulai i le va o le toasa o le Tama ma le tagata

agasala, ma o le a Ia onosaia le agasala ma le tauemu, o le a

toaitiiti lava foi i latou 24

o le a talia o Ia o le Alo o le ATUA. O le a toeitiiti lava itagia

ma teena o Ia e tagata uma. O le a Ia tuua Lona mamalu uma i

le lagi, ma faaali mai i luga o le fogaeleele i le avea o Ia ma

tagata, ma faamaulaloina Ia lava e pei o se tagata, ma ‘ia Ia

silafia e ala i lona soifua ai, i faaosoosoga eseese o le a osofaia

ai le tagata, ina ‘ia Ia silafia ai le auala e fesoasoani ai ia i latou

o le a faaosoosoina; ma i’u mulimuli ai, ina tuuina atu o Ia i

lima o tagata, pe a faataunuuina Lana galuega i le avea o Ia ma

Faia’oga, ma o le a Ia onosaia ai sauaga ma mafatiaga uma na

mafai ona faaosofia e Satani ma ana agelu leaga tagata leaga

latou te faao’o ia te Ia; ma o le a Ia maliu i le oti sili ona leaga,

o le faatautauina lea i luga o le laau i le va o le lagi ma le

lalolagi e pei o se tagata agasala, ma o le a Ia mafatia i itula

leaga o le tiga, lea na o’o lava i agelu na lē mafai ona vaavaai i

ai peitai o le a ufitia o latou foliga mai i lea vaaiga. O le a lē

gata ina Ia puapuagatia i le tiga o le tino; a’o Lona tiga foi

23

faalemafaufau, le tiga lea na matuā lē mafai ona faatusalia i ai

le tiga faaletino. O le mamafa o agasala a le lalolagi atoa o le a

i luga lea ia te Ia. Na Ia fetalai atu ia i latou o le a Ia maliu ma

toe soifua mai i le aso lona tolu, ma o le a Ia afio a’e i Lona

Tamā e fautua mo le tagata lē usitai, agasala.

Na faapa’u’ū faō agelu i Ona luma. Na latou ofoina atu o

latou ola. Na fetalai atu IESU ia i latou o le a Ia laveaia tagata e

toatele e ala i Lona maliu, a’o le ola o se agelu, na lē mafai ona

totogiina le aitalafu. E na o Lona soifua lava na mafai ona talia

e lona Tamā e avea ma tau e totogi, e toe faatau mai ai le

tagata. 25

Na ta’u atu foi e IESU ia i latou o le a i ai la latou vaega e

faia, ina ia latou faatasi ma Ia, ma faamalosia o Ia i taimi

eseese. Ma o le a Ia tauaveina le natura pa’ū o le tagata, ma o

Lona malosi o le a lē tutusa ma lo latou malosi. Ma o le a avea

i latou ma molimau o Lona faalumaina ma Ona puapuaga

matautia lava. Ma a’o latou molimauina Ona puapuaga, ma le

ita o tagata ia te Ia, o le a osofia i latou i le alofa loloto lava, ma

e ala i lo latou alofa mo Ia, o le a latou mananao ai e laveai ia te

Ia mai ia i latou o le a fasiotia o Ia, peitai e lē tatau ona latou

faalavelave e taofia soo se mea lava o le a latou vaaia, ma o le a

latou faatinoina sa latou vaega i Lona toe soifua mai, o le

fuafuaga foi o le faaolataga ua uma ona fuafuaina, ma na talia e

Lona Tama le fuafuaga.

O se faanoanoa paia, na faamafanafana atu ai ma faafiafia

IESU i agelu, ma faailoa atu ia i latou, o le lumanai, o i latou o

le a Ia faaolaina o le a faatasi ma Ia, ma nonofo faatasi ma Ia e

faavavau, ma o lona maliu o le a Ia toe faatauina mai ai le

toatele, ma faaumatia ai lē o loo i ai le malosi o le oti. O le a

foai atu foi e Lona TAMĀ ia te Ia le malo, ma le mamalu o le

malo i lalo o le lagi uma, o le a fai foi mo Ia e faavavau

faavavau lava. O Satani ma tagata agasala o le a faaumatiaina,

o le a latou lē toe faalavelave lava i le lagi, poo le lalolagi fou

faamamāina. Na fetalai atu IESU i le au o agelu ina ia latou

24

talia le fuafuaga ua talia e Lona TAMĀ, ma ia latou olioli ona

ua mafai ona toe siitia a’e le tagata pa’ū e ala i Lona maliu, ina

ia latou maua le finagalo fiafia mai o le ATUA ma olioli ai i le

lagi. 26

Ona tumu ai lea o le lagi i le olioli, le olioli lē

mafaamatalaina. Sa usu e le au agelu se pese o viiga ma le

faamanu. Na latou fetagofi atu i a latou kitara ma tāina se leo e

sili atu ona maualuga nai lo lea na latou tāina muamua, mo le

alofa tunoa tele ma le agalelei o le ATUA i le foaiina mai o

Lona ALO pele e maliu mo se lalolagi o tagata tetee. O le viiga

ma le faamanu na alaga a’e mo le faafitia e IESU o Ia lava ma

Lona ofofuaina mai o Ia, i Lona finagalo malie e tuua le

fatafata o Lona TAMĀ, ma filifilia ai se olaga o le puapuaga

ma le mafatiaga, ma maliu ai i se oti faalumaina ina ia foai mai

ai le ola i isi.

Na fai mai le agelu, Faapea ea oe na foai mai e le TAMĀ

Lona ALO pele e aunoa ma se tauiviga? E leai, e leai. O se

tauiviga i le ATUA o le lagi, pe tuua le tagata agasala ina ia

fano, poo le foai mai o Lona ALO pele e maliu mo i latou. O

agelu na matua naunau lava mo le faaolataga o le tagata o lea

na mafai ai ona maua ia i latou agelu na mananao e tuua lo

latou mamalu, ma foai mai lo latou ola mo le tagata ua fano.

Peitai, na fai mai la’u agelu na faatasi ma a’u, o le a leai se

aoga. O le solitulafono sa matua telē lava o lea o le a lē mafai

ai e le ola o se agelu ona totogia le aitalafu. E leai lava se isi

mea a ua na o le maliu ma le galuega faafautua a Lona ALO o

le a mafai ai ona totogia le aitalafu, ma laveaia ai le tagata ua

leiloa mai i le faanoanoaga ma le mafatiaga e leai se

faamoemoe.

Peitai na tuuina atu i agelu la latou galuega, ina ia latou o

a’e ma o ifo ma faamalosiaga mai i le lagi ina ia

faamafanafanaina ai le ALO o le ATUA i Ona puapuaga, ma

auauna atu ia te Ia.

25

27

O la latou galuega foi, o le puipuia ma le tausia lea o i latou e

talia le alofa tunoa o le ATUA mai i agelu leaga, ma le

pogisa o loo lafo faataamilo mai e Satani ia i latou i taimi uma

lava. Na ou vaaia na lē mafai e le ATUA ona suia lana

tulafono, ina ia lavea’i ai le tagata ua leiloa ma fano, o lea na

ia faatagaina ai Lona ALO pele e maliu mo soligatulafono a le

tagata.

Ona toe olioli lea o Satani ma ana agelu ina ua mafai ona

ia aumaia i le lalolagi le ALO o le ATUA mai i Lona tulaga

maualuga e ala i lona faaosofiaina o le pa’ū o le tagata. Na ia

fai atu i ana agelu a tauave loa e IESU le natura pa’ū o le

tagata, na mafai loa ona ia faatoilaloina o Ia, ma faaleaga le

faataunuuga o le fuafuaga o le faaolataga.

Ona faailoaina mai lea ia te a’u o Satani i le tulaga sa i ai

o ia muamua, o se agelu fiafia ma faamaualugaina. Ona

faailoaina mai lea o ia ia te a’u e faapei ona i ai o ia i le taimi

lenei. O loo ia te ia pea se foliga faatupu. O ona foliga o loo

matagofie pea, auā o ia o se agelu ua pa’ū. Peitai o uiga o loo

faailoa mai e ona foliga e tumu i le popole, atuatuvale, lē fiafia,

taufaaleaga, ita, taufaalili, taufaasese, ma uiga leaga uma lava.

O lena muaulu na matagofie muamua, na ou maitaulia faapitoa

lava. O lona muaulu na amata mai i ona mata ma agai i tua. Na

ou vaaia ua umi ona ia faalumaina ma faaleagaina ia lava, o lea

ua faaleagaina ai uiga lelei, ma o uiga leaga uma na fausiaina

a’e. O ona mata sa poto e faasese taufaavalea ma faitogafiti, ma

faailoa mai ai le mamao o lana vaai. O lona tino na telē lava,

peitai o le aano ma le pa’u na tautau mai faataamilo i ona lima

ma ona foliga. A’o o’u vaavaai atu ia te ia, o lona auvae sa

faalagolago i luga o lona lima agavale. Na ia foliga mai o loo ia

manatunatu loloto lava. Sa ia ‘ata mai, o lea na mafua ai ona ou 28

gatete, o lana ‘ata na matua tumu i le agasala, ma le faitogafiti

faasatani. O lenei foliga fiafia mai, o foliga ia e ia te ia i le

taimi e sosoo tonu lava ma lona faamautinoaina o lona maua o

26

se tagata, ma a’o ia faamausaliina le tagata i lana mailei, o lenei

foliga ‘fiafia mai, e i’u ina matautia lava le leaga. _________

MATAUPU 4

O le Ulua’i Afio Mai o KERISO

Ona aveina lea o a’u i le taimi na fuafuaina e tauave ai e

IESU le natura o le tagata, ma faamaulaloina ai e Ia o Ia lava e

pei o se tagata, ma puapuagatia ai i faaosoosoga a Satani.

O Lona fanau mai e le’i faapei o le mamalu faalelalolagi.

Na Ia fanau i se fale o manu, ma faamoeina i totonu o le pusa

‘ai a manu, ae o Lona fanau mai na sili atu ona faamamaluina

nai lo soo se tasi lava o fanau a tagata. Na faailoa e agelu mai i

le lagi i leoleo mamoe le fanau mai o IESU, a’o tuufaatasia la

latou molimau ma le malamalama ma le pupula mai i le

ATUA. Na fetagofi atu agelu o le lagi i a latou kitara ma viia ai

le ATUA. Na latou faailoa manumalo mai le taunuu mai o le

ALO o le ATUA i se lalolagi pa’ū ina ia faataunuuina le

galuega o le faaolataga, ma o Lona maliu e aumaia ai le filemu,

fiafia, ma le ola e faavavau i le tagata. Na faamamaluina e le

ATUA le fanau mai o Lona ALO. Na ifo agelu ia te Ia.

O agelu a le ATUA, na latou faapepepepe i luga o le

nofoaga o Lona papatisoga, ma o le Agaga Paia na afio ifo i

foliga o se lupe, ma pupula mai i Ona luga, ma a’o 29

tulai tagata ma le ofo tele, ma o latou mata na taulai atu ia te Ia,

na faalogoina le siufofoga o le Tamā, o faapea mai, O Lo’u

ALO pele Oe, Ou te fiafia lava i ai.

E le’i mautinoa e Ioane o le Faaola lea na sau e

papatisoina e ia i Ioritana. Peitai na folafola atu e le ATUA ia

te ia se faailoga na te iloa ai le Tamai Mamoe a le ATUA. O

lena faailoga na tuuina mai ina ua i luga o IESU le lupe

faalelagi, ma o le pupula o le ATUA na susulu faataaliolio mai

ia te Ia. Na faaloaloa atu le lima o Ioane, ma faasino atu ia

27

IESU, ma na ia alaga atu i se leo leotele lava, Faauta i le Tamai

Mamoe a le ATUA Na te aveesea le agasala a le lalolagi.

Na faailoa atu e Ioane i ona soo o IESU, o Ia o le Mesia

folafolaina, le Faaola o le lalolagi. A’o faai’u lana galuega, na

ia a’oa’o i ona so’o ina ia latou vaavaai ia IESU, ma mulimuli

ia te Ia o le Faia’oga silisili lea. O le olaga o Ioane sa aunoa ma

ni fiafiaga. O se olaga na tumu i faanoanoaga ma le faafitia o

manao o le tino. Na ia faailoa mai le afio muamua mai o

KERISO, ma e le’i faatagaina o ia na te molimauina vavega,

ma olioli ai i le mana na faaalia e Ia. Na ia iloa a faamausaliina

loa IESU e Ia lava o se Faia’oga, o le a ia oti loa. O lona leo na

seāseā faalogoina, seivagana ai i le vao. O lona olaga, sa na o

ia lava. Na te le’i pipii atu i le aiga o lona tamā, ina ia olioli

ai i lo latou mafuta mai, ae na ia tuua i latou ina ia mafai ai

ona faataunuuina lana galuega. O le mano ni mano o tagata

na latou tuua aai ma nuu vevesi, ma lolofi atu i le vao ina ia

faalogo i upu a le 30

perofeta ofoofogia e toatasi. Na tuu e Ioane le to’i i le a’a o le

laau. Na ia a’oa’iina le agasala ma le lē fefe i iuga, ma

saunia le ala mo le Tamai Mamoe a le ATUA. O Herota, na ia lagona a’o ia faalogo atu i molimau

mamana tuusa’o a Ioane. O le naunau loloto tele na ia fesili ai

poo le a se mea e tatau ona ia faia ina ia avea ai o ia ma ona

soo. Na iloa e Ioane o le a ia faaipoipo atu i le avā a lona uso,

a’o ola pea lona uso, ma na ia ta’u atu ma le faamaoni ia

Herota o le mea o le a ia faia, e lē tusa ma le tulafono. E le’i

naunau Herota na te faasatauroina ia lava ma ona mana’o. Na

ia faaipoipo i le avā a lona uso, ma, o le aafiaga o le avā a lona

uso, na ia pu’eina ai Ioane ma tuu i totonu o le falepuipui.

Peitai na manao Herota e toe tatala mai ia te ia. A’o i ai Ioane i

le falepuipui, na faalogo Ioane e ala i ona soo e faatatau i

galuega mamana a IESU. Na lē mafai ona ia faalogo atu i upu

alofa a IESU. Peitai na faailoa atu e le au soo ia te ia, ma

faamafanafana ia te ia i upu na latou faalogo i ai. E le’i umi ae

28

vavaeeseina loa le ulu o Ioane e ala i le aafiaga o le avā a

Herota. Na ou vaaia o le soo sili ona itiiti na mulimuli ia IESU,

ma molimauina Ana vavega, ma faalogo i upu faamafanafana

na fetalai mai i Ona laufofoga, na sili atu nai lo Ioane le

Papatiso. O lona uiga, na sili atu ona siitiaina ma faamamaluina

i latou, ma sa sili atu le fiafia sa ia i latou i o latou olaga.

O Ioane na sau i le agaga ma le malosi o Elia, ina ia

faailoa mai le afio muamua mai o IESU. Na faasinoina a’u i

aso mulimuli, ma na ou vaaia, o Ioane na faatusalia mai ai i

latou o le a o atu i le 31

agaga ma le malosi o Elia, ina ia faailoa atu le aso o le toasa,

ma le toe afio faalua mai o IESU. Ina ua mavae le papatisoga o IESU i Ioritana, na taitaia o

ia e le Agaga i le vao, ina ia faaosoosoina ai e le Tiapolo. O le

Agaga Paia na saunia o Ia mo lena vaaiga faapitoa o

faaosoosoga matautia. E fa sefulu aso na faaosoosoina ai o Ia e

le tiapolo, ma i nā aso Na te lē’i tausamiina se meaai. O mea

uma lava na siomia ai IESU, sa lē lelei, o mea ia o le a palaai ai

le natura faaletagata. Na faatasi o Ia ma manu feai, ma le

tiapolo, i se nofoaga tuufua na’o Ia. Na ou vaaia o le ALO o le

ATUA na sesega ma pae’e ona o le anapogi ma le mafatia.

Peitai o Lona ala ua uma ona folasia mai, ma e tatau ona Ia

faataunuuina le galuega na Ia afio mai e faia.

Na faaaoga e Satani puapuaga o le ALO o le ATUA, ma

ia sauni ai e osofaia o Ia i faaosoosoga eseese e tele, ma ia

faamoemoe ai o le a ia maua le manumalo ia te Ia, auā na Ia

faamaulaloina o Ia e faapei o se tagata. Na sau Satani ma lenei

faaosoosoga, Afai o Oe o le ALO o le ATUA, ia Ē faatonu atu

ia liu areto lenei ma’a. Na ia faaosoosoina IESU ina ‘ia Ia

faamaulalo atu ia te ia, ma avatu ia te ia faamaoniga o le avea o

ia ma Mesia, e ala i le faaaogaina o lona mana faalelagi. Na tali

atu IESU ma le agamalu, Ua tusia, e lē na o meaai e ola ai le

tagata, a’o afioga uma a le ATUA.

29

Na sailia e Satani se la finauga ma IESU e faatatau i le

avea o Ia ma ALO o le ATUA. Na ia faasino atu i Lona tulaga

vaivai, mafatia, ma ia tautalatala faamaualuga i lona faailoa

mai na sili atu lona malosi nai lo IESU. 32

Peitai o upu na fetalaia mai i le lagi, O Oe o Lo’u Alo pele,

Ou te fiafia lava ia te Oe, na lava lava lea e faatumauina ai

IESU i Ona mafatiaga uma. Na ou vaaia, i Lana galuega uma

lava, Na te le’i faia lava se mea e faatalitonu ai Satani i

Lona mana, ma le avea o Ia ma Faaola o le lalolagi, na lava

lelei faamaoniga sa ia Satani e faatatau i Lona tulaga

faasilisiliina ma Lana pule. O lona lē manao e gauai i le pule

a IESU, na punitia ese ai o ia mai i le lagi.

O Satani, o le faaaliaina o lona malosi, na ia aveina ai

IESU i Ierusalema, ma tuu o Ia i luga o le tumutumu o le

malumalu, ma toe faaosooso foi ia te Ia, faapea afai o Ia o le

ALO o le ATUA, ‘ia Ia avatu ia te ia faamaoniga e iloa ai o Ia

o le ALO o le ATUA e ala i le lafoina o Ia e Ia lava i lalo mai i

lea tulaga maualuga na ia tuuina ai o Ia. Na sau Satani ma upu

o le Afioga a le ATUA, Auā ua tusia, o le a poloai o Ia i Ana

agelu e leoleo ia te Oe, o le a latou ave foi ia te Oe i o latou

lima, ne’i tu’ia Lou vae i se ma’a. Na tali atu IESU ma faapea

atu ia te ia, O loo faapea le upu, Aua e te faaosooso i le ALII

lou ATUA. Na manao Satani ina ia faaosooso ia IESU ina ‘ia

Ia manatu e alofa Lona Tama, ma lamatia ai Lona soifua a’o

le’i faataunuuina Lana galuega na afio mai ai. Na ia

faamoemoe o le a toilalo le fuafuaga o le faaolataga, peitai na

ou vaaia o le fuafuaga na matua loloto lava lona folasiaina o lea

e lē mafai ai ona faatoilaloina faapena, pe faaleagaina e Satani.

Na ou vaaia, o KERISO o le faaa’oa’o lea mo kerisiano

uma lava pe a faaosoosoina, pe fesiligia foi a latou aiā tatau.

E tatau ona latou tauaveina ma le onosai. E lē tatau ona latou

manatu e i ai sa latou aiā latou te valaau ai

30

33

i le ATUA ina ia faaalia Lona mana, ina ia latou maua ai se

manumalo i o latou fili, seivagana o loo i ai se sini faapitoa

lava i le manatu, e mafai ona viia ma faamamaluina tuusa’o ai

lava le ATUA. Na ou vaaia, ana faapea e lafo ifo e IESU Ia

lava i lalo mai i le tumutumu o le malumalu, o le a lē viia ai

Lona Tamā, auā na leai se tasi e molimauina lea gaioiga a ua na

o Satani lava ma agelu a le ATUA. Ma o le a faaosoosoina ai le

ALII ina ia faaalia atu Lona mana i Lona fili sili ona leaga. O

lea tulaga o le a avea ma faamaulaloga i lē na afio mai IESU e

faatoilalo.

“Ona ave a’e lea o Ia e le tiapolo i luga o se mauga

maualuga, ma faailoa atu ia te Ia malo uma o le lalolagi, ua se

emo lava. Ona fai atu lea o le tiapolo ia te Ia, O le a ou avatua

ia te Oe lenei pule uma, ma lo latou mamalu, auā ua tuuina mai

ia te a’u; ou te avatu foi i lē ou te manao i ai. O lenei, afai E te

ifo mai ia te a’u, e fai mou nei mea uma. Ona tali atu ai lea o

IESU ia te ia, Satani e, inā alu ese ia oe i o’u tua; auā ua tusia,

Ia ē ifo atu ia IEOVA lou ATUA, ia na o Ia lava e te auauna i

ai.”

O iinei na faailoa atu ai e Satani ia IESU malo uma o le

lalolagi. Na faailoaina atu i se tulaga sili ona faatosinaina ai.

Na ia ofoina atu malo nei ia IESU pe afai Na te ifo atu ia te ia

iina. Na ia fai atu ia IESU o le a faamuta lana pule i lona umia

ma lona puleaina o le lalolagi. Na iloa e Satani o le a

faatapulaaina lona malosi, ma aveesea mulimuli ai lava, pe afai

e faataunuuina le fuafuaga o le faaolataga. Na ia iloa afai e

maliu IESU ina ia toe faatau mai ai le tagata, o lona 34

malosi o le a muta pe a mavae sina taimi, ma o le a

faaumatiaina o ia. O lea na avea ai ma ana fuafuaga suesueina

le taofia, pe afai e mafai ai, o le faataunuuina atoa o le galuega

tele na amatalia e le ALO o le ATUA. Afai e toilalo le fuafuaga

mo le toe faatauina mai o le tagata, o le a ia pule tumau loa i le

malo lea na ia fai mai i le taimi lena o lana meatotino. Ma afai

31

e manumalo o ia, na ia faamalieina faaseseina o ia i le manatu

faapea o le a ia nofo tupu tetee atu i le ATUA o le lagi.

Na olioli Satani ina ua tuua e IESU le lagi, ma tuua ai iina

Lona mana ma Lona mamalu. Na ia manatu ua tuuina mai le

ALO o le ATUA i lana pule. O le faaosoosoga na matua

faigofie lava ona talia e le ulugalii paia i Etena, o lea na ia

faamoemoe ai na te mafaia foi i lona poto leaga ma lona malosi

faasatani ona ia faatoilaloina le ALO o le ATUA, ma faapena

ona laveaia ai lona ola ma lona malo. A mafai ona ia

faaosoosoina IESU ina ia liliu ese mai i le finagalo o Lona

TAMA, o le a taunuu la lana sini. Na faatonu atu IESU ia

Satani ina ia alu ese atu i ona tua. E na o Lona Tamā lava e

tatau ona ia ifo i ai. O le a o’o mai le taimi o le a toe faatau mai

ai e IESU meatotino o loo ia Satani e ala i Lona lava soifua,

ma, a mavae sina taimi, o i latou uma lava o loo i le lagi ma le

lalolagi, o le a gauai ia te Ia. Na fai mai Satani o malo o le

lalolagi o ana meatotino uma ia, ma na ia fai atu ma lona poto

taufaasese ia IESU o Ona puapuaga uma o le a lē faataunuuina.

E lē manaomia Lona maliu fua ina ‘ia Ia maua mai ai malo o

lenei lalolagi. Ae e mafai ona fai mo Ia le lalolagi atoa lava, ma

le mamalu o Lona pule ai i nei malo, pe afai o le a Ia ifo atu ia

te ia. Na matua mausali IESU. Na ia filifilia Lona soifuaga o

mafatiaga, o Lona 35

maliu mataga ma le faalumaina, ma, i le ala foi na filifilia e

Lona TAMA, ina ia avea ai o Ia ma suli e tusa ma le tulafono i

malo o le lalolagi, ma ia foaiina atu ia te Ia e avea o se

meatotino e faavavau. O Satani foi o le a foaiina atu ia te Ia ina

ia fasiotia, ina ‘ia ia lē toe faatiga lava ia IESU, poo le au paia

foi i le lagi.

_________

32

MATAUPU 5

O le Auaunaga a KERISO

Ina ua uma ona faamuta e Satani ana faaosoosoga, na ia

alu ese mai ia IESU mo sina taimi, ma na sauni e agelu meaai

mo Iesu i le vao, ma faamalosia o Ia, o le faamanuiaga foi a

Lona Tama sa i luga lea ia te Ia. Na toilalo Satani i ana

faaosoosoga sili ona matautia, ae na ia mataitū atu i luma i le

taimi o le auaunaga a IESU, o le a ia faatinoina ai i taimi eseese

lona poto taufaasese ia te Ia. Na ia faamoemoe pea ina ‘ia ia

manumalo ia te Ia e ala i le faaosoina o i latou e le’i taliaina

IESU, ina ia latou feita ia te Ia ma saili e faaumatia o Ia. Na

faia se talanoaga faapitoa a Satani ma ana agelu. Na latou feita

ma lili tele ona sa leai se mea e tasi na latou manumalo ai i le

Alo o le ATUA. Na latou filifili ai loa o le a sili atu ona latou

faitogafiti taufaasese ma faaaoga lo latou malosi i le tulaga sili

e mafai ai ina ia faaosofia ai le lē talitonu i mafaufau o Lona

lava malo i le avea o Ia ma Faaola o le lalolagi, ma faavaivaia

ai IESU i lenei auala 36

i Lana galuega. Tusa lava poo le a le tautu o tagata Iutaia i a

latou sauniga ma taulaga fasia, afai e mafai ona latou

faatauasoina o latou mata i valoaga, ma faia i latou ina ia

latou talitonu o se tupu malosi, faalelalolagi lea na valoia na te

faataunuuina nei valoaga, o le a latou faatumauina pea la o

latou mafaufau ia taulai atu mo se Mesia o le a afio mai.

Na faailoa mai ia te a’u i le taimi lena o Satani ma ana

agelu, na matua lē malolo lava i le taimi o le auaunaga

faalaua’itele a KERISO, i lo latou faaosofia o tagata i le lē

talitonu, ita ma le tauemu. O le tele o taimi a fetalaia e IESU ni

upu moni maamaai e aoaiina ai a latou agasala, ona latou matuā

feita lea. O Satani ma ana agelu na una’iina atili i latou ina ia

latou fasiotia le Alo o le ATUA. O le tasi taimi na latou

fetagofi ai i maa e fetogi ai ia te Ia, peitai na puipuia o Ia e

agelu, ma aveese mai ia te Ia mai i le motu o tagata feita agai

33

atu i se nofoaga saogalemu. A’o toe fetalaia mai le upu moni

manino mai i Ona laufofoga paia, na fetagofi atu le motu o

tagata ia te Ia, ma ta’ita’i ia te Ia i le tausiusiuga o le mauga,

ina ia tulei ifo ia te Ia i lalo. Ona tulai mai lea o se finauga i le

lotolotoi o i latou poo le a se mea o le a latou faia ia te Ia, a’o le

taimi lena na toe natia ai o Ia e agelu mai i mata o le motu o

tagata, ona Ia ui atu lea i le lotolotoi o i latou, ma alu ese atu i

Lona ala.

Na faamoemoe pea Satani o le a lē taunuu le fuafuaga tele

o le faaolataga. Na ia faaaogaina lona malosi atoa ina ia

faama’a’aina loto o tagata uma, ma ia leaga o latou lagona e

faatatau ia IESU. Na ia faamoemoe o le fuainumera o tagata o

le a talia o Ia o le ALO o le ATUA, o le a matua itiiti lava, o

lea o le a manatu ai IESU o Ona puapuaga ma Lona maliu e

matua telē tele 37

mo lenei vaega itiiti tele o tagata. Peitai na ou vaaia, ana faapea

e na o le toalua lava tagata e taliaina IESU o Ia o le ALO o le

ATUA, ma talitonu ia te Ia e laveaiina ai o latou agaga, o le a

Ia faataunuuina pea le fuafuaga.

Na amata e IESU Lana galuega e ala i Lona talepeina o le

malosi na umia e Satani i ē na puapuagatia. Na Ia faamaloloina

i latou na puapuagatia i le malosi leaga o Satani. Na Ia toe

faafoisia ē na mama’i i le ola maloloina, faamalolo i ē pipili,

ma faamalosia i latou ina ia latou osooso i le olioli o ō latou

loto ma vivii atu i le ATUA. Na Ia faapupulaina ē na tauaso,

ma toe faafoisia i le ola maloloina e ala i Lona mana i latou na

mama’i ma fusifusia e le malosi leaga o Satani i le tele o

tausaga. O ē vaivai, o ē fefefe, ma ē faanoanoa, na Ia

faamafanafanaina i upu alofa. Na Ia toe faatuina mai ē na oti,

ma na latou viia le ATUA mo le faaaliga matautia o Lona

mana. Na Ia galue ma le mana ia i latou uma na talitonu ia te

Ia, Ma o tagata vaivai puapuagatia na taofia manumalo e

Satani, na se’ieseina mai e IESU mai i ona lima, ma aumaia ia i

34

latou e ala i Lona mana, le tino maloloina, ma le olioliga tele

lava ma le fiafia.

O le soifuaga o KERISO na tumu i le agaga foai,

mutimutivale ma le alofa. Na Ia naunau e faalogo i taimi uma,

ma faamalolo i mafatiaga o i latou na o mai ia te Ia. O le toatele

o tagata na latou tauaveina i o latou lava tino faamaoniga o

Lona mana faalelagi. Peitai o le toatele o i latou i le taimi na

sosoo tonu lava ma le mavae o le galuega o le faamalologa, na

latou mamā i le Faiaoga agamalu, mamana. Talu ai ona e le’i

talitonu ta’ita’i ia te 38

Ia, o lea latou te le’i mananao ai e puapuagatia faatasi ma

IESU. O Ia o se tagata o le faanoanoa ma na masani ma le

faanoanoa ma le tiga. Peitai e toaitiiti lava na mafai ona

onosai ia puleaina i latou e Lona soifuaga lē fiafia i uiga

faaulaula, faafitia e Ia o Ona lava manao. Na latou mananao

latou te olioli i le mamalu na aumai e le lalolagi. E toatele na

mulimuli i le ALO o le ATUA, ma faalogo i Ana faatonuga,

ma aai i upu na pa’ū mai ma le alofa mai i Ona laufofoga. O

Ana upu na tumu i uiga, ae na matuā faigofie lava o lea na

malamalama ai le tagata na sili ona vaivai.

O Satani ma ana agelu na matuā lē malolo. Na latou

faatauasoina mata ma faapogisa malamalamaaga o tagata

Iutaia. Na faaosofia e Satani alii sili o le nuu ma ta’ita’i ina ia

fasiotia o Ia. Na latou auina atu auauna ia aumaia IESU ia i

latou, ma a’o latou faalatalata mai ia te Ia, na latou matua ofo

lava. Na latou vaaia IESU o faatumulia i le mutimutivale ma le

agaalofa, a’o Ia molimauina puapuaga faaletagata. Na latou

vaaia o Ia, o le alofa ma le agalelei na Ia fetalai faamalosiau atu

ai i ē vaivai ma mafatia. Na latou faalogoina foi o Ia, i se leo sa

i ai le pule, o Ia aoaiina le malosi o Satani, ma faatonu atu i ē

na taofia faapagota e ia, ina ia o atu, ua saoloto. Na latou

faalogo atu i upu o le poto na pa’ū mai i Ona laufofoga, ma na

latou matuā tosina lava i Ana upu. Na lē mafai ona latou

pu’eina o Ia, Na latou toe fo’i atu i faitaulaga ma toeaiina e

35

aunoa ma IESU. Na latou fesili mai i auauna, Aisea na outou lē

aumaia ai o Ia? Sa latou ta’uina atu mea na latou molimauina e

faatatau i Ana vavega, ma upu paia o le poto, o le alofa ma le

malamalama na latou faalogo i ai, ma faai’u 39

i lo latou faapea atu, E le’i tautala lava le tagata e faapei o lenei

Tagata. Na tuua’i i latou e faitaulaga sili i lo latou fai mai ua

faaseseina foi i latou. O nisi na mamā faalumaina ona latou te

le’i aumaia o Ia. O faitaulaga sili na latou fesili i se uiga valea,

po ua talitonu ia te Ia se tasi o ta’ita’i. Na ou vaaia o le toatele

o le fono a Iutaia ma toeaiina, na latou talitonu ia IESU. Peitai

na taofia i latou e Satani mai i lo latou ioeina ua latou talia

IESU. Na sili atu lo latou matata’u i faitioga a tagata nai lo

lo latou matata’u i le ATUA. Na faapena ona le’i talepeina e le poto taufaasese ma le

ita o Satani le fuafuaga o le faaolataga. O le taimi mo le

faataunuuina o le sini na mafua ai ona afio mai IESU i le

lalolagi, na latalata mai. Na talanoa faatasi Satani ma ana

agelu, ma latou filifili ai ina ia faaosofia le malo o KERISO

lava Ia ina ia latou alalaga ma le naunau mo Lona toto, ma ia

fafauina le sauā agaleaga ma tauemuga ina ia matua lafo mai i

luga ia te Ia. Na ia faamoemoe o le a inosia e IESU ia ituaiga

sauāga, ma o le a Ia lē faatumauina ai Lona agamalu ma

Lona loto maulalo. A’o folasia e Satani ana fuafuaga, na faailoa atu ma le

faaeteete lava e IESU i Ona soo puapuaga e tatau ona Ia uia. O

le a faasatauroina o Ia, ma o le a Ia toe soifua mai nai le oti i le

aso lona tolu. Peitai o lo latou malamalamaaga na foliga mai na

faapogisaina. Latou te lē’i mafai ona latou malamalama i upu

na Ia ta’u atu ia i latou. _________

36

40

MATAUPU 6

O le Liua o le Tino Mai o KERISO

Na ou vaaia, o le faatuatua o le au soo na matua

faamalosia lava i le liuaga o IESU. Na filifili le ATUA ina ia

avatu i soo o IESU se faamaoniga malosi lava e iloa ai o Ia o le

Mesia na folafolaina o le a afio mai, ma i lo latou faanoanoaga

tiga lava ma lo latou lē fiafia, o le a latou lē lafoaia atoa ai lo

latou mautinoaga. I le liuaga o IESU, na auina mai ai e le ALII

Mose ma Elia e talanoa ma IESU e faatatau i Ona puapuaga ma

Lona maliu. E aunoa ma le filifilia o agelu e talanoa ma Lona

ALO, na filifilia e le ATUA i latou na iloa ma malamalama i

tofotofoga o le lalolagi. O se vaega itiiti o Ona soo, na

faatagaina ina ia faatasi ma Ia ma vaai i Ona fofoga o susulu

mai i le pupula faalelagi, ma molimauina Ona ofu ua pa’epa’e

ma sinasina mai, ma faalogo i le siufofoga o le ATUA, i le

mamalu matautia lava o faapea mai, O Lo’u ALO pele lenei, ia

outou faalogo ia te Ia.

O Elia na feoa’i ma le ATUA. O lana galuega e lē o se

galuega na fiafia ai. O le ATUA, e ala ia te ia, na aoaiina le

agasala. O ia o se perofeta a le ATUA, ma na ia sola mai i lea

nofoaga i lea nofoaga ina ia laveaia ai lona ola. Na sailia o ia e

pei o manu feai o le vao ina ia latou fasiotia o ia. Na aveina a’e

Elia e le ATUA i le lagi. Na ave o ia e agelu i le lagi i le

mamalu ma le manumalo.

O Mose o se tagata lea na matua faamamaluina lava e le

ATUA. Na sili atu o ia nai lo se isi lava tagata na muamua ola

nai lo ia. Na ia maua le avanoa sili ona taua e talanoa ai ma le 41

ATUA faafesagai e pei ona talanoa le tagata ma lana uo. Na

faatagaina o ia e vaai i le malamalama pupula ma le mamalu

ofoofogia na siomia ai le TAMA. Na laveai e IEOVA le

fanauga a Isaraelu e ala atu ia Mose mai i le nofo pologa i

37

Aikupito. O Mose o ia na avea o se fautua mo le fanauga a

Isaraelu. Na masani lava ona ia tu i le va o i latou ma le toasa o

le ATUA. Ina ua matua sasao faaafi le toasa o le ATUA ia

Isaraelu ona o lo latou lē talitonu, o a latou muimuiga, ma a

latou agasala leaga lava, na tofotofoina ai i le taimi lena le

alofa o Mose mo i latou. Na folafola mai e le ATUA ia te ia

afai Na te tuua Isaraelu, ina ia faaumatiaina i latou, o le a Ia

faia o ia ma malo malosi. Na faailoa e Mose lona alofa mo

Isaraelu e ala i ana aioiga finafinau. I lona mafatia tele na ia ole

atu ai i le ATUA ina ‘ia Ia liliu ese mai i Lona toasa matautia,

ma faamagalo Isaraelu, pe soloiesea lona igoa mai i Lana tusi.

Ina ua muimui Isaraelu i le ATUA ma Mose, ona na lē

mafai ona latou maua se vai, na latou tuuaia ai o ia i lona

taitaiina atu o i latou ia fasiotia ai i latou ma a latou fanau. Na

faafofogaina e le ATUA a latou muimuiga, ma fetalai atu ia

Mose ina ‘ia ia taia le papa, ia maua ai e le fanauga a Isaraelu

le vai. Na taia e Mose le papa i lona ita tele, ma ia aveina ai le

mamalu mo ia lava. O le lē usitai ma le muimui faifai pea o le

fanauga a Isaraelu na faatupulia ai ia te ia le faanoanoa tiga

lava, ma o lea taimi puupuu na galo ai ia te ia le tele o le onosai

o le ATUA ia i latou, ma, latou te le’i muimui ia Mose, a’o le

ATUA. Sa ia manatu mo na o ia lava, na ia manatu na matua

loloto lava le tuuaiina sese o ia, ma na matua 42

itiiti lava lo latou agaga faafetai na latou faaalia mo ia, mo lona

alofa loloto mo i latou.

A’o taia e Mose le papa, na ia lē faamamaluina ai le

ATUA ma lē siitia o Ia i luma o le fanauga a Isaraelu, ina ia

latou vivii atu ai i le ATUA. Ma na toasa le ATUA ia Mose,

ma fetalai mai o le a ia lē ulufale atu i le laueleele folafolaina.

O le fuafuaga a le ATUA le tofotofoina soo o Isaraelu e ala i

le aumaia o i latou i nofoaga ma taimi faigata, ma i lo latou

manaoga tele lava, na te faaalia ai loa Lona mana, ina ‘ia Ia

soifua i o latou manatunatuga, ma latou vivii atu ai ia te Ia.

38

Ina ua alu ifo Mose mai i le mauga ma papa maa e lua,

ma vaai atu ia Isaraelu o ifo i le tamai povi auro, na matua tupu

lava lona ita, ma na ia togiina ifo papa maa i lalo, ma taei ai.

Na ou vaaia e le’i agasala Mose i le mea lenei na ia faia. Na ia

ita mo le ATUA, na ia fuā mo Lona viiga. Peitai ina ua ia gauai

i lagona faalenatura o lona loto, ma ia aveina ai le viiga mo ia

lava, le viiga lea sa patino i le ATUA, na ia agasala ai, ma o

lena agasala, na lē faatagaina ai o ia e le ATUA e ulufale atu i

le laueleele folafolaina.

Sa taumafai lava Satani e saili se mea e mafai ona ia

tuuaia ai Mose i luma o agelu. Na manumalo Satani ona sa ia

faaosofiaina o ia na te faatupu le toasa o le ATUA, ma na ia

fiafia, ma fai atu i ana agelu, a afio mai le FAAOLA o le

lalolagi e toe faatau atu le tagata, e mafai ona ia faatoilaloina o

Ia. Talu ai ona o lenei solitulafono, o lea na oo ai Mose i lalo o

le malosi o Satani – le pule lea a le oti. Ana faapea na te tumau

faamaoni, ma lē agasala ai i lona aveina 43

o le mamalu ia te ia lava, semanu e aumaia o ia e le Alii i le

laueleele folafolaina, ma ave a’e ai loa o ia i le lagi e aunoa

ma lona iloaina o le oti. Na ou vaaia na ui atu Mose i le oti, peitai o Mikaeli na

afio mai ma toe faaola ia te ia a’o le’i pala lona tino. Na fai mai

Satani o le tino o Mose o lana meatotino lea, peitai na toe

faaola mai Mose e Mikaeli, ma ave ia te ia i le lagi. Na

taumafai le tiapolo e taofi lona tino, ma faitio leaga atu lava i le

ATUA, ma fai atu, e lē faamasino tonu o Ia, i Lona aveesea

mai ia te ia o le tagata ua ia fasiotia. Peitai e le’i aoaiina e

Mikaeli le tiapolo, e ui lava ina o lana faaosoosoga ma lona

malosi lea na ala ai ona pa’ū le auauna a le ATUA. Na tuu atu

ma le agamalu o ia e KERISO i Lona TAMA, ma faapea atu, Ia

aoai IEOVA ia te oe.

Na fetalai atu IESU i Ona soo sa i ai nisi na tulai faatasi

ma Ia o le a lē tofo i le oti seivagana ua latou vaai i le malo o le

ATUA ua oo mai ma le mamalu. I le taimi na liua ai IESU na

39

faataunuuina ai lenei folafolaga. O le foliga mai o fofoga o

IESU na suia, ma na susulu mai e pei o le la. O Ona ofu na

pa’epa’e ma iila mai. O Mose sa faatasi mai, ma sa ia faatusalia

mai i latou o le a toe faatuina mai nai le oti i le toe afio faalua

mai o IESU. Ma o Elia, o lē na aveina a’e i le lagi e aunoa ma

lona iloa o le oti, sa ia faatusalia mai i latou o le a suia o latou

tino i le tino ola e faavavau i le afio faalua mai o KERISO, ma

o le a aveina a’e i le lagi e aunoa ma lo latou iloa o le oti. O le

au soo, na latou vaaia ma le mata’u ma le ofo tele le mamalu

matuā matautia o IESU, ma le ao sa o’o mai i o latou luga, ma 44

na latou faalogoina le siufofoga o le ATUA i le mamalu

matautia o fetalai mai, O Lo’u Atalii pele lenei, ia outou

faalogo ia te Ia. _________

MATAUPU 7

O le Faalataina o KERISO

Ona aveina lea o a’u i le taimi na tausami ai e IESU le

paseka faatasi ma ona soo. Na faaseseina e Satani Iuta, ma

taitaia o ia ina ‘ia ia manatu o ia o le tasi o soo moni o

KERISO, peitai o lona loto sa faaletino lava i le taimi atoa. Na ia vaaia galuega mamana a IESU, sa ia faatasi ma Ia i Lana

auaunaga faalauaitele, ma na ia gauai i faamaoniga ia sa lē

mafai ona ia teena, o IESU, o le Mesia lea, peitai sa ia loto

faapito ma manao matapeapea. Na ia manao i tupe. Na ia

faitio i lona ita ona o le suau’u taugatā na sasaaina i luga o

IESU. O Maria na alofa i lona Alii. Na Ia faamagaloina ana

agasala sa tele lava, ma na Ia toe faatuina mai nai le oti lona

tuagane pele, ma na ia manatu ai, e lē tatau ona manatu se isi e

i ai lava se mea e tasi e taugatā tele ina ia foaiina atu ia IESU.

O le sili atu o le taugata ma le tāua o le suau’u, o le sili atu foi

lena o le faaalia e Maria o lona agaga faafetai i lona Faaola, e

ala i lona foaiina atu o le u’u taugata mo Ia. O Iuta, o lona faia

40

o se alofaga mo lona manao matapeapea, na ia fai mai ai o le

suau’u sa ono mafai ona faatau atu ma avatu le tupe e maua

mai ai ma ē matitiva. Peitai e lē ona o sona alofa mo tagata

matitiva lea na mafua ai lona manatu, auā sa ia loto faapito, ma

na masani lava ona ia faaaogaina mo ia lava mea na tuuina

atu 45

i lana tausiga ina ia foai atu mo tagata matitiva. O Iuta na te

le’i ano ma na te le’i amanaiaina manaoga o IESU, ma, ina ia

faia se alofaga o lona uiga manao matapeapea, o lea na masani

ai lava ona ia faatatau ana faamatalaga i ē matitiva. Ma o lenei

gaioiga a Maria o le agalelei na avea lea o se aoaiga matuitui i

lona uiga manao matapeapea.

Na saunia le ala mo le faaosoosoga a Satani ina ia talia

faigofie i le loto o Iuta. O tagata Iutaia na latou feita ia IESU,

peitai o le motu o tagata e toatele na latou lolofi atu ia te Ia ina

ia faalogo i Ana upu o le poto, ma ia molimauina Ana galuega

mamana. O lenei tulaga na aveesea ai mafaufau o tagata mai

i faitaulaga sili ma toeaiina, auā na osofia tagata i le naunau

sili ona loloto, ma na latou mulimuli ma le naunau ia IESU,

ma faalogo atu i faatonuga a lenei Faiaoga ofoofogaia. O le

toatele o ta’ita’i sili na latou talitonu ia IESU, peitai na latou

fefefe e faailoa atu, ona sa latou matatau nei tulia i latou i

fafo mai i le sunako. O faitaulaga ma toeaiina na latou filifili e

tatau ona faia se mea ina ia tosina ese mai ai mafaufau o

tagata mai ia IESU. Na latou matatau ne’i talitonu tagata uma

ia te Ia. Na latou lē vaaia se saogalemu mo i latou lava. Na

latou manatu o le a aveesea o latou tofiga, poo lo latou fasiotia

loa o IESU. Ma afai e mavae ona latou fasiotia o Ia, sa i ai pea i

latou ia sa avea ma faailoga ola o Lona mana. Na toe faatuina

mai Lasalo e IESU nai le oti. Ma na latou matatau afai latou te

fasiotia IESU, o le a molimau Lasalo e faatatau i Lona mana

malosi. Na lolofi atu tagata ina ia latou vaai i lē na toe faatuina

mai nai le oti, ma o lea na finafinau ai foi taitai ina ia fasiotia

41

46

foi ma Lasalo, ma faafilemuina ai le naunau o tagata. Ona latou

mananao lea e liliu atu tagata i aganuu ma mataupu a

tagata, ina ia faasefulua’iina le mili ma le pekano, ma ia toe i

ai lo latou aafiaga i luga o le nuu. Na latou malilie ina ia latou

pu’eina IESU a’o toatasi na o Ia, auā afai latou te taumafai e

pu’e ia te Ia i le lotolotoi o se potopotoga o tagata, ina o matuā

naunau atu lava mafaufau o tagata ia te Ia, o le a fetogia i latou

i maa.

Na iloa e Iuta lo latou naunau tele ina ia maua mai IESU,

ma na faia lana ofo na te faalataina atu o Ia i faitaulaga sili ma

toeaiina mo ni nai tupe siliva itiiti. O lona manao i le tupe na

taitaia ai o ia na te loto malie ina ‘ia ia faalataina atu lona ALII

i lima o Ona fili sili ona leaga. O Satani, na ia galue tuusa’o

lava e ala atu ia Iuta, ma i le lotolotoi o le vaaiga iloga o le

tausamiga mulimuli, sa ia fafauina ai fuafuaga ina ‘ia faalataina

IESU. Na ta’u atu ma le faanoanoa e IESU i ona soo, o i latou

uma lava o le a tausuai ona o Ia, i lena po. Peitai na faamausali

mai ma le finafinau e Peteru, e ui lava ina tausuai tagata uma

ona o IESU, o le a ia lē tausuai lava. Na fetalai atu IESU ia

Peteru, Ua manao tele Satani ia te oe, ina ia lūlū ia te oe e pei o

le saito, a ua Ou faatoga mo oe, ina ia lē mavae lou faatuatua,

ma a o’o ina ē liua, ia ē faamalosi i ou uso.

Ona ou vaaia lea o IESU i le togalaau ma Ona soo. O le

faanoanoa loloto lava na Ia fetalai atu ai ia i latou ina ia latou

mataala ma tatalo ne’i latou ulufale atu i le faaosoosoga. Na

silafia e IESU o le a tofotofoina lo latou faatuatua, ma o le a lē

faataunuuina o latou faamoemoega, ma o le a latou manaomia

le malosi atoa lava na mafai ona latou 47

maua e ala i le mataala faaeteete mae’ame’a ma le tatalo

finafinau. O le tagi tele na tatalo ai IESU, Lo’u Tama e, afai e

tusa ai ma Lou finagalo, aveese lenei ipu mai ia te A’u, ae ui i

lea, aua ne’i faia lo’u loto, a ia faia Lou finagalo. O le ALO o

le ATUA na tatalo i le mafatia tele. O matāua lapopo’a lava o

42

le afu e pei o le toto na sau mai i Ona foliga, ma pa’ū ifo i luga

o le eleele. O agelu na latou faapepepepe ifo i luga o lea

nofoaga, ma molimauina lea vaaiga, ae e na o le toatasi lava le

agelu na faatonuina e alu e faamalosia le Alo o le ATUA i Ona

tiga. O agelu i le lagi na latou lafoeseina o latou pale ma a latou

kitara mai ia i latou, ma o le naunau loloto lava na latou

vaavaai ai ia IESU ma le lē leoa. Sa leai se olioli i le lagi. Na

latou mananao latou te siomia le Alo o le ATUA, peitai e le’i

faatagaina i latou e agelu ta’ita’i, ne’i latou laveaiina o Ia a’o

latou vaaia Lona faalataina, auā na uma ona folasia le fuafuaga,

ma e tatau ona faataunuuina.

Ina ua mavae ona tatalo IESU, na Ia sau e silasila i Ona

soo. Na latou momoe. Na te le’i maua le faamafanafanaga ma

tatalo a Ona soo i lena itula matautia. O Peteru, o lē na matua

finafinau lava i se taimi na le’i mamao atu, na matua moe gase

lava. Na faamanatu atu e IESU ia te ia e faatatau i ana

faaupuga, ma fetalai atu ia te ia, E a! e lē mafai ea ona ē

mataala faatasi ma a’u i se itula e tasi? Na faatolu ona tatalo le

ALO o le ATUA ma le tiga tele o Lona finagalo, ae o’o mai loa

Iuta, faatasi ai ma lana ‘au ma auauna. Na ia fetaiai ma IESU e

pei ona masani ai ina ia faafeiloai atu ia te Ia. Na siomia IESU

e le ‘au, peitai o iina na Ia faaalia ai Lona mana faalelagi,

a’o Ia fetalai atu, O ai o loo tou sailia? O A’u lenei. Na latou

pa’u’ū i tua 48

i le eleele. Na faia e IESU lenei fesili ina ia latou molimauina

Lona mana, ma ia latou maua ai se faamaoniga latou te iloa ai,

na mafai ona Ia lavea’iina Ia lava mai i o latou lima pe ana

faapea Na te finagalo ai.

Na amata ona i ai le faamoemoe i le au soo a’o latou

vaaia le motu o tagata ma a latou tao ma pelu ua pa’u’ū vave

atu i tua. A’o latou tulai mai ma toe siomia le Alo o le ATUA,

na se’i e Peteru lana pelu ma tipi ese ai le taliga o le auauna a le

faitaulaga sili. Na faatonu atu IESU ia te ia ina ‘ia sulu lana

pelu, ma faapea atu ia te ia, Faapea ea oe e lē mafai ona Ou

43

aioi atu nei i Lo’u Tama, ma o le a Ia foai mai ia te a’u i le

taimi lenei o agelu e sili atu nai lo lekeono e sefulu lua? Na

ou vaaia, a’o fetalaia nei upu, na pupula a’e foliga o agelu. Na

latou mananao i le taimi lena i lena lava nofoaga, ina ia latou

siomia lo latou Ta’ita’i, ma faataape lena motu o tagata feita lē

puleaina. Peitai na toe o’o mai le faanoanoa i luga ia i latou a’o

toe fetalai faapea IESU, O le a faapefea la ona faataunuuina

upu o le Tusi, ina ia faapena ona tatau ona faataunuuina? Na

toe goto ifo loto o le au soo i le faanoanoa ma le lē fiafia tiga

lava, a’o faatagaina i latou e IESU ina ia taitaieseina o Ia.

O le au soo na fefefe mo o latou ola, ma sosola ai loa, o le

tasi i lea ala, ma le isi i le la ala, ma na tuua ai loa na o IESU.

Oka se manumalo o Satani i le taimi lea! Ma, oka, se

faanoanoaga i agelu a le ATUA! Na tele vaega o faapotopotoga

o agelu paia, faatasi ai ma se agelu ta’ita’i maualuga na ta’imua

i nei vaega taitasi, na auina mai e molimauina lea vaaiga. Na

manaomia i latou ina ia latou faamaumauina gaioiga taitasi, o

upu ma sauāga faatauemu uma na tuuina atu i le ALO o le

ATUA, ma ia latou faamaumauina tiga uma o mafatiaga o le a

puapuagatia ai IESU, 49

auā o tane ia, o le a latou toe vaai uma lava i ai i nei faiga uma i

upu ola. _________

MATAUPU 8

O le Faamasinoga o KERISO

O agelu, a’o latou tuua le lagi, na latou tuuesea o latou

pale feilafi ona o lo latou faanoanoa. Na lē mafai ona latou

paleina o latou pale a’o puapuagatia lo latou Ta’ita’i, ma o le a

Ia paleina se pale tuitui. O Satani ma ana agelu na galulue ma

le lē malolo i totonu o lena fale faamasino ina ia faaumatia le

agalelei, ma le uiga alofa. O le lagona i totonu o lea fale na

matua sauā lava ma faaleagaina ona o lo latou aafiaga. O

44

faitaulaga sili ma toeaiina na faaosoina e i latou ina ia latou

sauā ma upu leaga ia IESU, i se uiga na sili ona faigata ona

onosaia e le natura faaletagata. Na faamoemoe Satani o

sauaga ma upu leaga faapea o le a aumaia ai mai i le ALO o

le ATUA ni faitioga poo ni muimuiga foi, poo le a Ia faaalia

ai Lona mana faale-ATUA, ma se’i ese mai ai o Ia mai i lima o

le motu o tagata, ma faapena ona lē taunuu mulimuli ai le

fuafuaga o le faaolataga.

Na mulimuli Peteru i lona Alii ina ua mavae Lona

faalataina. Na ia naunau e fia iloa poo le a le mea o le a faia ia

IESU. Ma ina ua tuuaia o ia faapea o ia o se tasi o Ona soo, na

ia teena lea tuuaiga. Na ia fefe mo lona ola, ma ina ua tuuaia o

ia i le avea o ia o se tasi o soo o IESU, na ia fai mai na te lē iloa

lea Tagata. O le au soo, na maitauina ma iloga i latou i le mamā 50

o a latou upu, ma o Peteru, ina ia faaseseina i latou ma ia

faatalitonuina e lē o ia o se tasi o soo o KERISO, o lea na ia

teena faatolu ai i upu fetuu ma upu leaga. O IESU, sa i ai o Ia i

se nofoaga e mamao ese mai ia Peteru, na Ia tepa atu i se tepa

faanoanoa a’oa’i ia te ia. Ona ia manatua loa lea o upu na

fetalai atu ai IESU ia te ia i totonu o le potu aupitoaluga, ma

lana faamatalaga finafinau lea, E ui lava ina o le a tausuai

tagata uma ona o Oe, ae o le a ou lē tausuai lava. Na ia faafitia

lona Alii, i le fetuu ma upu leaga, peitai o lena tepa a IESU na

liusuavai ai i le taimi lava lena le loto o Peteru, ma laveaiina

ai loa o ia. Na ia matua tagi ma le mafatia ma salamo i lana

agasala tele, ma na ia liua, ma na saunia ai loa o ia na te

faamalosia ona uso.

O le motu o tagata, na latou alalaga mai mo le toto o

IESU. Na latou sasa leaga ia te Ia, ma faaofu o Ia i se ofu

talaloa tuai faatupu lanu paauli, ma fusi Lona ao paia i se pale

tuitui. Na latou tuuina se u i Lona lima taumatau, ma ifo atu ma

le faatauemu ia te Ia, ma faafeiloai atu ia te Ia i upu nei, Talofa,

le tupu o tagata Iutaia! Ona latou aveesea lea o le u mai i Lona

lima, ma tā ai i Lona ao, ma ati ai laau tuitui i le vaega o lona

45

ao o loo i le va o ona mata ma ona taliga, ma tafe mai ai le toto

i lalo i Ona fofoga ma Lana ‘ava.

Na faigata i agelu ona onosaia lea vaaiga. Na latou

mananao e lavea’i IESU mai i o latou lima; peitai na faasāina i

latou e agelu ta’ita’i, ma latou fai mai ai o se tau tele lava na

tatau ona totogiina mo le tagata, ma o le a atoatoa, ma o le a

mafua ai le oti o lē 51

na i ai le malosi o le oti. Na silafia e IESU sa molimauina e

agelu lea vaaiga o Lona faalumaina. Na ou vaaia, o le agelu sili

ona vaivai na ono mafai ona ia faapa’u’ūina i lalo lena motu o

tagata e aunoa ma so latou malosi, ma lavea’i ai ia IESU. Na Ia

silafia afai o le a Ia manaomia le laveaiga mai i Lona Tama, o

le a faasaoloto o Ia e agelu i le taimi lava lena. Peitai na tatau

ona puapuagatia IESU i mea e tele i lima o tagata amioleaga,

ina ia faataunuuina ai le fuafuaga o le faaolataga.

Na tulai IESU, agamalu ma loto maulalo i luma o le motu

o tagata feita tele, a’o latou avatu ia te Ia le sauāga sili ona

leaga. Na latou feanu i Ona fofoga – le fofoga lena o le a latou

naunau e lalafi mai ai i se aso, le fofoga lena o le a

faamalamalamaina ai le aai a le ATUA, ma e sili atu le

malamalama o lona susulu nai lo le la – peitai e leai se foliga

ita e tasi na Ia lafo atu i ē na sauāina o Ia. Na Ia siitia a’e ma le

agamalu Lona aao, ma solo ese ai feanuga. Na latou ufiufi

Lona ao i se ie tuai; ma fusia ai Ona fofoga ina ‘ia lē mafai ona

ia vaai, ona latou po mai lea i Ona fofoga, ma alaga mai faapea,

Ia ē vavalo mai ia i matou poo ai na po atu ia te Oe. Sa i ai le

leo gasē solo i le lotolotoi o agelu. Na latou mananao e laveai

ia te Ia i le taimi lava lena; peitai na le’i faatagaina i latou e la

latou agelu ta’ita’i.

Na maua e le au soo le mautinoaga e ulufale atu ai i le

nofoaga sa i ai IESU , ma molimauina lona faamasinoga. Na

latou manatu o le a Ia faaalia Lona mana faaleatua, ma lavea’i

ai ia te Ia lava mai i lima o Ona fili, ma faasala ai ia i latou ona

o lo latou sauā ia te Ia. O o latou faamoemoega na siitia a’e i

46

luga ma toe lafotuina i lalo a’o faataunuuina vaaiga eseese. O

nisi o taimi na latou masalosalo ai, ma latou matata’u ai i le

manatu faapea ua faaseseina i latou. 52

Peitai o le leo na latou faalogo i ai i luga o le mauga lea na

liua ai fofoga o IESU, ma le pupula na latou molimauina iina,

na faamalosia ai i latou i le talitonuga o Ia lava o le ALO o

le ATUA. Na latou toe manatua i o latou mafaufau vaaiga

fiafia na latou molimauina, o vavega na latou vaai o faia e

IESU i le faamaloloina o ē mama’i, i le faapupulaina o mata o ē

tauaso, o le tatalaina o taliga tutuli, o le aoaiina ma le tuliesea o

temoni, o le toe faaolaina mai o ē na feoti, e o’o lava i Lona

a’oa’i atu i le matagi, ma sa usitai mai ia te Ia. Latou te le’i

talitonu o le a Ia maliu. Na latou faamoemoe o le a Ia tulai mai

i le pule, ma faasalalauina ai i Lona siufofoga pule, lena motu o

tagata na mananao e fasiotia o Ia, e faapei ona Ia ulufale atu i le

malumalu ma tulia i fafo i latou na faia le fale o le ATUA ma

nofoaga o fefaatauaiga; na latou sosola ai i ona luma e peiseai

na tuliloaina i latou e se au o fitafita faaa’upegaina. Na

faamoemoe le au soo o le a faaalia e IESU Lona mana, ma

faatalitonuina ai tagata uma, e moni o Ia lava o le Tupu o

Isaraelu.

Na faatumuina Iuta i le salamo tiga tele ma le mā i lana

gaioiga faalata i lona faalataina o IESU. Ma ina ua ia

molimauina le sauaga na ia faatagaina, na leai sona

faamoemoe. Na ia alofa ia IESU, ae na sili atu lona manao i

le tupe. Na te le’i manatu o le a faatagaina e IESU Ia lava ina

ia avea e le motu o tagata lē pulea na ia taitaia atu. Na ia

manatu o le a faia e IESU se vavega, ma lavea’i ai ia te Ia mai

ia i latou. Peitai ina ua ia vaai atu i le motu o tagata feita lē

pulea i totonu o le fale faamasino o mananao ina ia

faamaligiina Lona toto, na ia lagona loloto lava lona agasala,

ma a’o tuua’i ma le sauā IESU e le toatele o tagata, o Iuta,

47

53

na faataalise atu i le lotolotoi o le motu o tagata, ma faailoa atu

ua ia agasala i lona faalataina o le toto lē sala. Na ia ofoina atu

ia i latou le tupe, ma aioi atu ia i latou ina ia tatala faasaoloto

mai IESU, ma na ia faailoa atu e matua lē agasala lava IESU. O

le lē fiafia ma le nunumi na faaguguina ai faitaulaga mo sina

taimi puupuu. Latou te le’i mananao ina ia iloa e tagata sa latou

togitupeina se tasi o ē na ta’utino mai o i latou o so’o o IESU

ina ia na faalataina mai o Ia i o latou lima. O lo latou sailia o

IESU e peiseai o Ia o se gaoi ma lo latou pu’eina faalilolilo o

IESU, na latou mananao e natia. Peitai o le faaaliga a Iuta, o

ona foliga popole agasala, na faaalia ai le au faitaulaga i luma o

le motu o tagata, ma faailoa ai, o le ita lea na mafua ai ona

latou pu’ea IESU. A’o matuā faailoa leotele atu e Iuta le lē sala

o IESU, na tali mai faitaulaga, Sa matou mea ea lena? Faitalia

oe ma lena mea. Na latou maua IESU, ma na latou finafinau

ina ia latou mautinoa lo latou fasiotia o Ia. O Iuta, o lona

mafatia tele i le tiga faalemafaufau, na ia lafo atu ai le tupe lea

ua ia inosia nei i vae o i latou na togitupeina o ia, ma o le

mafatia tele o lona mafaufau ma lona mata’u tele ona o lana

agasala, na ia alu ai ma sisi lona ua.

Sa tele tagata na alolofa ia IESU i lena motu o tagata, ma

o lona lē tali atu i le tele o fesili na fesiligia ai o Ia, na matua

ofo ai le motu o tagata. I upu uma ma gaioiga lē migao ma le

tauemu na faia ia te Ia, e le’i i ai se foliga ita, e le’i i ai se foliga

popole na vaaia i Ona foliga. Na te le’i faailoaina mai ni uiga lē

faaaloalo ma sa Ia to’a lelei. Sa atoatoa ona lelei ona uiga

ma Lona to’a lelei. Na vaavaai atu tagata ia te Ia ma le ofo

tele. Na latou faatusatusaina Lona uiga atoatoa ona lelei, o

Lona uiga mausali, ma le mamalu, ma i latou na 54

faamasinoina o Ia, ma na latou faapea ifo le tasi i le isi, na sili

atu ona Ia foliga mai e faapei o se tupu ia tuuina atu i ai se

malo nai lo se isi lava o ta’ita’i. E le’i vaaia ia te Ia ni faailoga

o le avea o Ia ma tagata solitulafono. O Lana silafaga na

agamalu, manino ma lē fefe, o Lona muaulu na lautele ma

48

maualuga. O vaega uma lava o Ona foliga na malosi lava le

iloga mai ai o le agaalofa ma tapulaa lelei. O Lona onosai ma

Lona faapalepale na matua lē tutusa lava ma le tagata, o lea na

mafua ai ona gatete le toatele o tagata. Na o’o lava ia Herota

ma Pilato na matua atuatuvale lava i Ona foliga mamalu, faale-

ATUA.

O Pilato, na amata mai lava i le amataga, na ia talitonu ai

o IESU e lē o se tagata masani lea, a’o se tagata e sili ona amio

lelei. Na ia talitonu sa Ia matua lē agasala atoatoa. O agelu ia sa

molimauina lea vaaiga atoa, na latou maitauina talitonuga o

Pilato, ma na latou maitauina foi lona alofa ma lona agaga

mutimutivale mo IESU; ma o le laveaia o Ia mai i lona auai i le

gaioiga sili ona leaga o le tuuina atu o IESU ina ia

faasatauroina, o lea na auina atu ai se agelu i le avā a Pilato, ma

avatu ia te ia faamatalaga e ala atu i se miti, na faailoa atu ai, o

le ALO o le ATUA lea o loo faia e Pilato Lona faamasinoga,

ma o Ia o Sē puapuagatia lē sala. O le taimi lava lena na ia

auina atu ai le feau ia Pilato ma faailoa atu, e tele mea na ia

puapuagatia ai i se miti e faatatau ia IESU, ma lapatai atu ia te

ia ina ia ‘aua ne’i i ai sana vaega e faia i le ta’usalaina o lena

Tagata paia. O le avefeau na aveina atu le tusi na ia faataalise

atu i le lotolotoi o le motu o tagata, ma tuu atu le tusi ia Pilato.

A’o ia faitauina le tusi, na ia gatete ma sesega. O le taimi lava

lena na ia manatu ai loa o le a leai sana vaega e tasi e faia i lea

mataupu; ma 55

afai latou te mananao i le toto o IESU, o le a ia lē tuuina atu i ai

lona aafiaga, ae o le a ia galue ina ia lavea’i o Ia.

Ina ua faalogo Pilato sa i ai Herota i Ierusalema, na ia

fiafia, ma na ia faamoemoe ina ia faasaoloto atoatoa o ia mai i

lea mataupu lē lelei, ma ia aua ne’i i ai lava sana vaega e faia i

le faasalaina o IESU. Na ia auina atu o Ia, ma ē na tuuaia o Ia

iā Herota. O Herota sa faama’a’aina. O lona fasiotia o Ioane na

tuua ai se ila i lona malamalamaaga lea na le’i mafai ona ia

faasaolotoina mai ai o ia, ma ina ua ia faalogo e faatatau ia

49

IESU, ma galuega tetele na faia e Ia, na ia manatu o Ioane lea

ua toe tu mai nai le oti. Na ia mata’u ma gatete, auā sa ia te ia

se malamalamaaga agasala. O IESU, na tuuina atu e Pilato i

lima o Herota. Na manatu Herota o lenei gaioiga o se ioega lea

o lona mamalu, o lana pule ma lana faamasinoga mai ia Pilato.

O le taimi na tuanai sa faia ai e i laua taitasi le isi ma fili o le

tasi, peitai o le taimi lena na faia ai i laua ma uo. Na fiafia

Herota ina ua vaai atu ia IESU, aua na ia manatu o le a Ia faia

se vavega ofoofogia e faamalieina ai o ia. Peitai e lē o se

galuega a IESU le faamalieina o lona fia iloa. O Lona mana

faalelagi fai vavega na fuafuaina ina ia faaaogaina mo le

faaolataga o isi, ae e lē mo Ia lava.

O IESU, e le’i tali atu i fesili e tele na fesiligia mai ia te

Ia e Herota; na te le’i ano ane foi i ona fili o ē na tuuaia ma le

sauā o Ia. Na matuā lili tele Herota ona sa foliga mai e le’i

mata’u IESU i lana pule, ma o ia faatasi ai ma ona tane o taua,

na latou faaamuamu, faatauemu, ma sauā i le 56

ALO o le ATUA. O Herota, na ia ofo i le foliga amiolelei

faapei-o-le-ATUA o IESU, ina ua sauāina faalumaina o Ia, ma

na ia mata’u e faasala o Ia, ma na ia toe auina atu o Ia ia Pilato.

O Satani ma ana agelu na latou faaosoosoina Pilato, ma

taumafai e taitai atu pea o ia i luma i lona lava faafanoga. Na

latou faaosofia atu manatu ia te ia faapea afai e leai sana vaega

e faia i le faasalaina o IESU, o le a faia e isi lea vaega; o le

motu o tagata sa mananao mai i lona toto; ma afai na te lē

tuuina atu IESU ina ia faasatauroina, o le a aveesea mai ia te ia

lana pule ma lona mamalu faalelalolagi, ma o le a

ta’ufaatauvaaina o ia faapea o ia o se tagata e talitonu i le tagata

taufaasese, e faapei ona latou faaigoaina ai IESU. O Pilato, talu

ai ona o lona mata’u ne’i aveesea lana pule ma lona mamalu, o

lea na ia malie ai loa i le maliu o IESU. Ma e ui lava ina ia

tuuina atu le toto o IESU i luga o i latou na molia o Ia, ma na

talia mai e le motu o tagata le toto o IESU ma latou alalaga

mai, Ia i luga ia i matou ma a matou fanau Lona toto, ae e le’i

50

sao Pilato; na ia agasala i le toto o KERISO. Mo lona lava

manao faapito, ma lona manao i le viiga mai i tane mamalu o le

lalolagi, na ia tuuina atu ai se tane lē sala ina ia oti. Ana faapea

e mulimuli Pilato i lona talitonuga, semanu e leai ma sana

vaega e faia i le faasalaina o IESU.

O le faamasinoga ma le faasalaina o IESU sa galue i

mafaufau o le toatele o tagata; ma sa faia aafiaga o le a faaalia

mai ina ua mavae Lona toe soifua mai nai le tuugamau; ma e

toatele na faaopoopo mulimuli ane ai i le ekalesia, o lo latou

iloa ma lo latou talitonuga, na amata mai i le taimi o le

faamasinoga o IESU. 57

Na matuā tele le ita o Satani a’o ia vaaia, o sauaga leaga

uma na ia taitaia faitaulaga sili latou te faia ia IESU, e le’i

aumaia ai mai ia te Ia se muimuiga sili ona itiiti. Na ou

vaaia, e ui lava ina tauaveina e IESU le natura o le tagata, o se

mana ma se malosi e faapei o le mana ma le malosi o le ATUA

na tausia ai o Ia, ma Na te le’i liliu ese mai i le finagalo o Lona

TAMA i se vaega sili ona itiiti. _________

MATAUPU 9

O le Faasatauroga o KERISO

O le ALO o le ATUA na tuuina atu i tagata ina ia

faasatauroina. Na latou taitaieseina atu le FAAOLA pele. Na

vaivai o Ia ona o le tiga ma mafatiaga ona o le sasa ma po na

taia ai o Ia, ma na latou tuuina i Ona luga le satauro mamafa o

le a lē pine ae latou tutu’iina ai loa i luga ona aao. Peitai na

matapogia IESU i lalo o le avega. Na faatolu ona latou tuuina

atu i luga ia te Ia le satauro mamafa, ma na faatolu foi ona Ia

matapogia. Ona latou pu’eina lea o le tasi o Ona so’o, o se tane

na te le’i tautinoina faaaliali lona faatuatua ia KERISO, ae na ia

talitonu ia te Ia. Na latou tuuina i luga ia te ia le satauro, ma na

ia aveina atu le satauro lea i le nofoaga o le oti. O vaega eseese

51

o agelu na faapotopoto i o latou tulaga i le ea i luga a’e o lea

nofoaga. O nisi o Ona soo na mulimuli atu ia te Ia i Kalevario i

le faanoanoa ma le tagi tiga lava. Na latou manatua i o latou

mafaufau le tietie atu o IESU ma le 58

manumalo i totonu o Ierusalema, ma na latou mulimuli atu ia te

Ia ma alalaga faapea, Osana i mea aupitoaluga! ma faasalalau o

latou ofu i le ala, ma lau pama matagofie. Na latou manatu o le

a Ia pule i le malo ma nofotupu ai o Ia o se perenise i le olaga

nei ia Isaraelu. Se suiga tele ua vaaia nei! Na matua faafanoina

lava lo latou faamoemoega! Na latou mulimuli atu ia IESU;

latou te le’i mulimuli ma le olioli; e le’i mulimuli ma loto

mautinoa ma faamoemoega fiafia; peitai o loto na tuia i le

mata’u ma le mafatia na latou mulimuli lemu ai, ma le

faanoanoa ia te Ia o Lē na faalumaina ma faamaulaloina, ma o

le a maliu.

O le tina o IESU sa i ai iina. O lona loto na tuia i le

mafatiaga tele e leai lava se isi e mafai ona ia lagonaina a ua na

o le tina alofa lava. O lona loto na tuia, sa faamoemoe pea,

faatasi ai ma le au soo, faapea o le a faia e lana TAMA tane se

vavega tele, ma laveai ai ia te Ia lava mai ia i latou na fasiotia o

Ia. Na le’i mafai ona ia onosaia le manatu faapea o le a Ia

faatagaina o Ia lava ina ia faasatauroina. Peitai na faia

sauniuniga, ma na latou faataotoina IESU i luga o le satauro. O

le samala ma fao na aumaia. O loto o Ona soo na vaivai i

totonu ia i latou. O le tina o IESU na matua mafatia lava, na

toeitiiti lava a lē mafai ona ia onosaia lea mafatiaga, ma a’o

latou faataatiaina IESU i luga o le satauro, ma o le a latou

faamauina i fao Ona lima i laau, na aveese e le au soo le tina o

IESU mai i lea vaaiga, ina ‘ia ia lē faalogo i le pa’ō o fao, a’o

tutu’iina ifo i ivi ma maso o Ona lima ma Ona vae vaivai. E

le’i muimui IESU; 59

peitai na Ia oi ona o le tiga. O Ona foliga na sesega, ma o

mataua lapopo’a lava o le afu sa i lona muaulu. Na olioli Satani

52

ona o mafatiaga na uia e le ALO o le ATUA, ae na ia mata’u i

lona iloaina ua faatoilaloina lona malo, ma o le a ia oti.

Na latou siitia le satauro ina ua uma ona latou

faasatauroina ai IESU i luga, ma o le malosi tele na latou tutu’i

ifo ai le satauro i le tulaga na saunia mo ia i totonu o le eleele,

ma sasaeina ai le aano o Ona vae ma Ona lima, ma faatupulia

ai le mafatiaga sili ona tiga. Na latou faia Lona maliu ina ia sili

ona faalumaina i le tulaga na mafai ona latou faia ai. Na latou

faasatauroina faatasi ma Ia papota e toalua, taitasi i itu taitasi o

IESU. O pagota na ave faamalosia, ma ina ua mavae lo la tetee

tele mai, na atoina atu agai i tua o la lima ma tutu’iina loa i o la

satauro. Peitai o IESU na gauai ma le agamalu. Na te le’i

manaomia se tasi e faamalosia i tua ona lima i luga o le satauro.

A’o upu leaga pagota ia i latou na faasatauroina i laua, o IESU,

i Ona tiga, na Ia tatalo mo Ona fili, Lo’u TAMA e, ia Ē

faamagalo atu ia i latou, auā ua latou lē iloa le mea ua latou

faia. E lē na o le tiga o le tino lea na mafatia ai IESU, peitai o

agasala a le lalolagi atoa lava sa i Ona luga lea.

A’o tautau IESU i luga o le satauro, o nisi o tagata na ui

ane, na latou tauemu ia te Ia, ma lūlū o latou ulu, e peiseai o

loo latou ifo i se tupu, ma latou faapea atu ia te Ia, O Oe lena o

Lē na te faaumatia le malumalu ma toe fausia i aso e tolu, ia Ē

lavea’i oe ia te Oe lava. Afai o Oe o le ALO o le ATUA, sau i

lalo mai i le satauro. O le tiapolo na ia faaaogaina upu lava ia ia

KERISO i le vao, Afai o Oe o le ALO o le ATUA. O faitaulaga

sili ma toeaiina ma tusiupu na latou fai mai ma le faatauemu, 60

Na Ia laveaia isi, ae lē mafai ona Ia laveai ia te Ia lava. Afai o

Ia o le Tupu o Isaraelu, ia Ia alu ifo nei loa lava mai i le

satauro, ona tatou talitonu ai lea ia te Ia. O agelu na

faapepepepe ifo i luga o le vaaiga o le faasatauroga o KERISO,

na osofia i latou i le ita a’o faaamuamu atu ta’ita’i ia te Ia, ma

faapea atu, Afai o Ia o le ALO o le ATUA ia laveai o Ia ia te Ia

lava. Na latou mananao i le taimi lava lea i le nofoaga lava

lena, ina ia latou o mai e laveai IESU, peitai e le’i faatagaina i

53

latou e laveai ia te Ia. O le sini o Lana galuega na toeitiiti lava a

faataunuuina atoa. A’o tautau IESU i luga o le satauro i na itula

matautia o le tiga, na te le’i faagaloina Lona tina. Na lē mafai

ona nofo ese Lona tina i lea taimi atoa mai i le vaaiga o

mafatiaga. O le lesona mulimuli a IESU, o le lesona lea o le

alofa mutimutivale ma le agalelei. Na Ia vaai atu i Lona tina, o

lē na matua tumu lona loto i le faanoanoa, ona Ia vaai atu lea i

lona soo pele o Ioane. Na Ia fetalai atu i Lona tina, Sena e,

faauta i lau tama. Ona Ia fetalai atu lea ia Ioane, Faauta i lou

tina. Ona ave ai lea o lona tina i lena lava itula e Ioane i lona

lava fale.

Na fia inu IESU i Ona tiga; peitai na latou toe lafo atu i

luga ia te Ia tauemuga, e ala i lo latou avatua ia te Ia o le vineka

ma le mea oona e inu ai. Na vaaia e agelu le vaaiga matautia o

le faasatauroga o lo latou Taitai pele, seia o’o ina lē toe mafai

ona latou toe vaai atu i ai; ma ufiufi loa o latou foliga mai i lea

vaaiga. O le la na lē susulu mai i lea vaaiga leaga. Na alaga

IESU i le leo leotele lava na o’o atu ai le mata’u i loto o ē na

fasiotia o Ia, Ua uma ona fai. Ona saeia loa lea o le veli o le

malumalu mai i luga e o’o ifo i lalo, na galulu le eleele, na 61

mavaevae papa. O le pogisa tele na o’o mai i luga o le

fogaeleele. O le faamoemoega mulimuli lava o le au soo na

foliga mai na tafiesea a’o maliu IESU. O le toatele o Ona soo

na latou molimauina le vaaiga o Lona mafatiaga ma Lona

maliu, ma na tumu ai la latou ipu o le faanoanoa.

E le’i fiafia Satani i le taimi lena e pei ona ia faia

muamua. Na ia faamoemoe ia mafai ona ia talepeina le

fuafuaga o le faaolataga; peitai na matua loloto lava lona

folasiaina. Ma o lenei, e ala i le maliu o IESU, na ia iloa ai o le

a ia oti mulimuli lava, ma o le a aveesea mai ia te ia lona malo

ma tuuina atu ia IESU. Na ia faia se talanoaga ma ana agelu.

Na ia lē manumalo i se mea e tasi i le ALO o le ATUA, ma o

lenei e tatau ona latou faateleina a latou taumafaiga, ma liliu

atu ma lo latou poto leaga ma lo latou malosi i soo o IESU. E

54

tatau ona latou taofia i latou uma na mafai ona latou taofia mai

i lo latou mauaina o le faaolataga na faatauina e IESU mo i

latou. O le faia faapea na mafai ai pea lava ona galue tetee

Satani i le faiga malo a le ATUA. O le a avea foi mo le manuia

o lana lava faufauga lona taofia mai ia IESU o i latou uma lava

na mafai ona ia taofia. Auā o agasala a i latou ua toe faatauina

mai e le toto o KERISO, ma ua manumalo, o le a toe tuuina atu

mulimuli lava i luga o lē na amataina le agasala, o le Tiapolo

lea, ma o le a ia tauaveina a latou agasala, a’o i latou e lē

taliaina le faaolataga e ala ia IESU o le a latou tauaveina a latou

lava agasala.

O le soifuaga o IESU sa aunoa ma ni mamalu ma se

matagofie faalelalolagi, poo ni faalialiaga soona fai foi. O

lona olaga agamalu, ma le faafitia o Ia e Ia lava, o se eseesega

tele lava lea i olaga o faitaulaga ma toeaiina, o ē na fiafia i le

faafifilemu ma le mamalu faalelalolagi, 62

ma o le olaga fai faatatau lelei atoa lava ma le paia o IESU,

o se aoaiga faifai pea lea ia i latou, ona o a latou agasala. Na

latou inosia o Ia ona o Lona agamalu, o Lona olaga

faapaiaina ma le mamā. Peitai o i latou na inosia o Ia iinei, o

le a latou vaai ia te Ia i se aso i le mamalu matagofie o le lagi,

ma le pupula lē mafaatusalia o Lona TAMA. Na siomia o Ia e

fili i totonu o le fale faamasino, o ē na mananao i le

faamaligiina o lona toto; peitai o nā tagata faama’a’aina na

alalaga faapea, Ia i luga ia i matou ma a matou fanau Lona toto,

o le a latou vaaia o Ia o se Tupu faamamaluina. O le au uma o

agelu o le lagi o le a latou faafeaoina mai o Ia i Lona toe afio

mai ma pese o le manumalo, mamalu ma le malosi, iā te Ia o

Lē na fasia, a ua toe soifua mai o se toa malosi. O le tagata,

agasala, vaivai, ma le pagatia, na feanu i fofoga o le Tupu o le

mamalu, a’o alu a’e le alaga o le manumalo sauā mai i le motu

o tagata lē pulea i lea tauemuga faalumaina. Na latou

faaleagaina lena fofoga i po ma sasa ma uiga leaga o le sauāga

na faatumulia ai le lagi atoa i le te’i. O le a latou toe vaai i lena

55

fofoga, lena fofoga e pupula e pei o le susulu o le la i le aoauli,

ma o le a latou saili e sosola ese mai ai. E aunoa ma lena alaga

o le manumalo sauā, o le a latou tagiauē i le mata’u ona o Ia. O

le a faaali mai e IESU Ona lima faatasi ai ma faailoga o Lona

faasatauroga. O faailoga o lenei sauaga o le a Ia tauaveina e

faavavau. O faailoga uma o fao o le a ta’uina maia le tala e

faatatau i le faaolataga matagofie o le tagata, ma le tau taugata

na faatauina ai. O tane tonu lava ia na so’atiina le tao i le itu o

le ALII o le ola, o le a latou vaaia foi le faailoga o le tao, ma o

le a latou tagiauē i le mafatia tele faalemafaufau ona o le vaega

na latou 63

faia i le faaleagaina o Lona tino. O ē na fasiotia o Ia, na latou

matua feita lava ona o upu ia, O LE TUPU O TAGATA

IUTAIA sa tuu i luga o le satauro i luga a’e o Lona ao. Peitai o

le taimi foi lea o le a manaomia ai i latou ina ia latou vaai ia te

Ia i Lona mamalu uma ma Lona mana faatupu. O le a latou

vaaia i Lona fatafata ma Lona ogavae, upu nei o tusia ai i

mataitusi ola, TUPU o tupu, ma le ALII o alii. Na latou alalaga

atu ma le tauemu faapea ia te Ia a’o ia tautau i luga o le satauro,

Ia alu ifo i lalo KERISO le Tupu o Isaraelu mai i le satauro, ina

ia tatou vaai i ai ma talitonu ai. O le a latou vaai ia te Ia ma le

mana faatupu ma le pule i le taimi lena. O le a latou lē

manaomia i le taimi lena se faamaoniga o le avea o Ia ma Tupu

o Isaraelu; peitai o le a latou matuā ofo i lo latou iloaina o Lona

mamalu silisiliese ma Lona pupula lē mafaatusalia, o le a

faamalosia i latou ina ia latou ioeina faapea, Ia manuia Lē e

afio mai i le suafa o le ALII.

O le galulu o le eleele, o le mavaevae o papa, o le pogisa

na ufitia ai le laueleele uma, ma le alaga leotele malosi a IESU,

Ua uma ona fai, a’o ia tuuina atu Lona soifua, na atuatuvale ai

ona fili, ma gatete ai ē na fasiotia o Ia. Na manatunatu le au soo

poo le a le uiga o nei faaaliga uiga ese; peitai o o latou

faamoemoega na matua faalēaogaina lava. Na latou fefefe ne’i

saili tagata Iutaia e faaumatia foi ma i latou. O le ita e faapei

56

ona faaalia i le ALO o le ATUA na latou manatu o le a lē muta

ai iina. O itula tuufua na faaaluina e le au soo i le faanoanoa,

tagiaue ona o lo latou faanoanoaga. Na latou manatu o le a Ia

nofo tupu o se perenise i le lalolagi nei; peitai o o latou 64

faamoemoega na oti faatasi ma IESU. Na latou masalosalo i lo

latou faanoanoa ma lo latou lē fiafia pe le’i faaseseina i latou e

IESU. O Lona tina sa agamalu, ma na o’o lava i lona faatuatua

na lē mausali e faatatau ia te Ia o le MESIA.

Peitai e ui lava ina lē fiafia le au soo i o latou

faamoemoega e faatatau ia IESU, ae na latou alolofa ia te Ia,

ma na latou faaaloalo ma ava i Lona tino, peitai na latou lē iloa

pe faapefea ona latou aumaia Lona tino. O Iosefa o Arimataia,

o se fautua faamamaluina o ia, sa i ai ona aafiaga, ma o ia o se

tasi o soo moni lava o IESU. Na ia alu faalilolilo, ae na aunoa

ma sona fefe, ia Pilato ma aioi atu ia te ia mo Lona tino. Na te

le’i manao e alu faaaliali; aua o le ita o tagata Iutaia na matua

tele lava, o lea na matata’u ai le au soo ne’i faia e i latou se

taumafaiga ina ia taofia ai le tino o IESU mai i Lona mauaina o

se nofoaga malolo mamalu. Peitai na faataga mai e Pilato lona

manaoga, ma a’o latou aveina ifo le tino o IESU mai i le

satauro, na toe faafouina lo latou faanoanoa, ma na latou tagitui

ai i o latou faamoemoega lē taunuu i le mafatiaga loloto lava.

Na latou taaia le tino o IESU i ie lino lelei, ma na tuu o Ia e

Iosefa i totonu o lona lava tuugamau fou. O fafine o ē na

mulimuli atu ma le agamalu ia te Ia a’o soifua o Ia na faaauau

pea lo latou faalatalata atu ia te Ia ina ua mavae Lona maliu,

ma na latou lē mananao e tuua o Ia seivagana ua latou vaaaia

Lona tino paia ua tuuina i totonu o le tuugamau, ma o se maa

matua mamafa lava na faataavaleina atu ma tuu i le faitotoa,

ne’i saili Ona fili e ave Lona tino. Peitai na le’i manaomia latou

te matatau; aua na ou vaaia le au o agelu o leoleoina ma le

naunau lē mafaamatalaina le nofoaga malolo o IESU. Na latou

leoleoina le tuugamau,

57

65

ma faatali ma le finafinau i le faatonuga ina ia faatinoina la

latou vaega o le faasaolotoina mai o le Tupu o le mamalu mai i

Lona fale puipui.

O ē na fasiotia KERISO na latou fefefe ne’i Ia toe soifua

mai ma sola ese atu mai ia i latou. Na latou aioi atu ia Pilato

mo ni fitafita ia leoleoina le tuugamau seia o’o i le aso lona

tolu. Na avatu e Pilato ia i latou fitafita faaaupegaina ina ia

leoleoina le tuugamau, ma faamau ai le maa i le faitotoa, ne’i

gaoieseina o Ia e Ona soo, ma latou faapea mai ai ua Ia toe

soifua mai nai le oti. _________

MATAUPU 10

O Le Toe Soifua Mai o KERISO

O le au soo, na latou malolo i le Sapati, ma latou

faanoanoa ai ona o le maliu o lo latou ALII, a’o malolo IESU

le Tupu o le mamalu i totonu o le tuugamau. O le po, sa mavae

lemu ese atu, ma a’o pogisa pea, o agelu ia sa faapepepepe i

luga o le tuugamau, na latou iloa, o le taimi o le faasaolotoina o

le ALO pele o le ATUA, lo latou taitai pele, na toeitiiti lava a

o’o mai. Ma a’o latou faatali atu ma le lagona sili ona loloto i

le itula o Lona toe soifua mai, o se agelu malosi lava na lele

faataalise mai mai i le lagi. O ona foliga na faapei o le emo o le

uila, ma o ona ofu na pa’epa’e e pei o le kiona. O lona

malamalama na faasalalaueseina ai le pogisa mai i lona ala, ma

mafua ai ona sosola ese i le mata’u mai i lona pupula ma lona

mamalu agelu leaga o ē na fai mai ma le manumalo 66

o la latou meatotino le tino o IESU. O le tasi o le au agelu sa

molimauina le vaaiga o le faalumaina o IESU, ma sa ia

leoleoina Lona nofoaga malolo paia, na ia faatasi atu i le agelu

mai i le lagi, ma na la o mai faatasi i lalo i le tuugamau. O le

eleele na galulu ma gatete a’o la faalatalata mai, ma sa i ai se

58

mafuie tele lava. O le agelu malosi ma le matautia na ia tago

atu i le ma’a ma faataavale vave ese lava mai i le faitotoa o le

tuugamau, ona ia nofo ai lea i luga o le maa.

O le mata’u matautia tele na o’o i fitafita leoleo. O fea na

i ai nei lo latou malosi e leoleo ai le tino o IESU? Latou te le’i

manatu i lo latou tiute, poo le gaoieseina o IESU e le au soo.

Na latou ofo ma fefefe, a’o susulu faataamilo atoa mai le

malamalama pupula uiga ese lava o agelu na sili atu ona

malamalama nai lo le la. O leoleo Roma na latou vaai i agelu,

ma na latou pa’u’ū i le eleele e pei o tane ua feoti. O le agelu e

toatasi na tuleiesea le maa i le manumalo, ma o se leo manino

ma le matautia na ia alaga ai, O Oe le ALO o le ATUA! Ua

valaau Lou TAMA ia te Oe! Inā sau ia i fafo!! Na lē mafai ona

toe pule le oti ia te Ia. Na soifua mai IESU nai le oti. O le isi

agelu na ulufale atu i totonu o le tuugamau, ma a’o toe soifua

mai IESU i le manumalo, na ia tatalaina le ie sa fusi taamilo i

Lona ao, ma na savali mai IESU i fafo o Ia o Sē na manumalo.

I le ofo tele na sioa atu ai le ‘au agelu i le vaaiga. Ma a’o savali

mai IESU mai i le tuugamau i le mamalu tele, o nā agelu

pupula na latou faapa’u’ū faō 67

i le eleele ma ifo atu ia te Ia; ona latou viia lea o Ia i pese o le

manumalo, ina ua lē toe mafai ona taofia e le oti lana pagota

faalelagi. E le’i olioli Satani i le taimi lea. O ana agelu na

sosola ese mai i le malamalama pupula ati o agelu faalelagi. Na

latou faitio leaga lava i lo latou tupu, i lo latou fai mai o la

latou pagota na aveeseina ma le sauā mai ia i latou, ma o Lē na

latou matua inoino i ai, ua toe soifua mai o Ia nai le oti.

O Satani ma ana agelu, na olioli i sina taimi itiiti o le

manumalo i lo latou manatu o la latou pule i le tagata pa’ū na

mafua ai ona taoto le ALII o le ola i totonu o le tuugamau;

peitai na puupuu lava lo latou manumalo. Auā a’o savali mai i

fafo IESU mai i Lona fale puipui o Ia o Sē ua manumalo

mamalu matautia, na iloa e Satani, a mavae sina taimi o le a ia

oti; ma o lona malo o le a tuuina atu ia IESU o Lana aiā tatau

59

lea. Na ia matua faanoanoa ma ita tele e ui lava i ana

taumafaiga uma ma lona malosi, e le’i faatoilaloina IESU,

peitai na folasia mātala se ala o le faaolataga mo le tagata, mā,

soo se tagata lava na te manao ai, e mafai ona ia savali ai i le

ala lea ma faaolaina ai.

Mo sina taimi itiiti, na foliga mai ai na faanoanoa Satani

ma faailoa mai lona mafatiaga. Na ia faia se talanoaga ma ana

agelu ia manatunatu ai i le isi mea o le a sosoo ai latou te faia e

galulue tetee ai i le faigamalo a le ATUA. Na fai atu Satani, E

tatau ona outou faataalise atu i faitaulaga sili ma toeaiina. Na

tatou manumalo i le faaseseina o i latou ma le faatauasoina o o

latou mata, ma le faamaaaina o o latou loto ia IESU. Na tatou

faatalitonuina i latou faapea o Ia o se tagata taufaasese sa na

faafoliga mai o Ia o le Mesia. O lena fitafita leoleo Roma o le a

ia aveina atu le tala inosia ua toe soifua mai KERISO. Na tatou

taitaia atu 68

pea faitaulaga ma toeaiina ina ia latou inoino ia IESU, ma ia

latou fasiotia o Ia. Ia faailoa atu la ia i latou i se malamalama

pupula, ma fai atu i ai, talu ai ona o i latou o tagata fasioti

tagata na latou fasiotia o Ia, afai e iloa e tagata ua toe soifua

mai IESU, o le a fetogia i latou ia feoti e le nuu, ina ua latou

fasiotia se tagata lē sala.

Na ou vaai i fitafita leoleo Roma, a’o toe fo’i atu i le lagi

le ‘au agelu, ma ua mou ese atu le malamalama ma le pupula,

na latou tulai a’e i luga ina ia latou iloa po ua saogalemu mo i

latou ona latou vaavaai solo i itu uma. Na faatumulia i latou i le

ofo tele ina ua latou vaaia ua faataavaleeseina le maa tele mai i

le faitotoa o le tuugamau, ma ua toe soifua mai IESU. Na latou

faataalise atu i faitaulaga sili ma toeaiina ma le tala ofoofogia

lava e faatatau i mea na latou vaaia; ma a’o faalogoina e na

tagata fasioti tagata le ripoti ofoofogia, na o’o ifo le sesega i

foliga uma. Na latou iloa ai i le taimi lena, afai e moni le ripoti,

ua latou fano loa. Mo sina taimi na latou lē mautonu ai ma

nunumi o latou mafaufau, ma vaavaai atu le isi i le tasi ma le lē

60

magagana, ma le lē iloa poo le a le mea a fai poo a foi ni upu e

tautala ai. Na tuuina i latou i se tulaga na lē mafai ai ona latou

talitonu seivagana ai ua latou talitonu mo lo latou lava

faasalaga. Na latou o ese atu na o i latou ina ia talanoa poo le a

se mea e tatau ona fai. Na latou filifili afai e faasalalau atu le

tala ua toe soifua mai IESU nai le oti, ma afai e o’o atu i le nuu

le ripoti e faatatau i lea pupula ofoofogia, lea na mafua ai ona

pa’u’ū fitafita leoleo e pei o ni tane ua feoti, o le a latou matua

ita moni lava, ma o le a latou fasiotia i latou. O lea na latou

filifili ai ina ia latou togitupeina fitafita ina ia latou natia le mea

moni na tupu. Na latou ofoina atu 69

ia i latou tupe e tele lava, ma fai atu, Ia outou fai atu, Na o mai

Ona soo i le po ma gaoi ese Lona tino a’o matou momoe. Ma

ina ua fesili atu fitafita leoleo poo le a se mea e tatau ona faia ia

i latou ona o lo latou momoe i la latou galuega, na fai mai

faitaulaga ma toeaiina o le a latou faatauanau atu i le kovana

ma laveai ai ia i latou. O le tupe lava na faatau atu ai e fitafita

leoleo Roma lo latou mamalu, ma malilie ai ia mulimuli i

fautuaga a faitaulaga ma toeaiina.

Ina ua alaga faapea IESU, Ua uma ona fai, a’o Ia tautau i

luga o le satauro, na mavaevae papa, na galulu le eleele, ma o

nisi o tuugamau na matalatala; auā ina ua toe soifua mai IESU

nai le oti, ma Ia faatoilaloina ai le oti ma le tuugamau ina ua Ia

savali mai i fafo mai i Lona fale puipui o Sē ua manumalo; a’o

galulu ma lūlū le eleele, ma a’o susulu faataaliolio mai le

pupula malamalama o le lagi i le nofoaga paia, o lo latou usitai

i lana valaau, o le toatele o le au paia na feoti na latou ala mai

ai e avea i latou ma molimau e iloa ai ua Ia toe soifua mai. O

na tagata paia faamanuiaina na toe faaolaina mai, na latou toe

tutu mai ua faamamaluina i latou. O i latou ia o se tama’i

vaega o tagata filifilia ma paia na ola i augatupulaga uma

talu mai lava le foafoaga, e o’o mai lava i aso o KERISO.

Ma a’o saili faitaulaga sili ma le au Faresaio e natia le toe

soifua mai o KERISO, na filifili le ATUA ina ia toe faaola mai

61

se vaega o tagata mai i o latou tuugamau ia molimau ua toe

soifua mai IESU, ma ia faailoa atu Lona mamalu.

O i latou na toe faatuina mai nai le oti na eseese o latou

maualuluga ma o latou tino. Na faailoaina mai ia te a’u, o

tagata o le lalolagi, na faasolosolo mai pea le pa’ū maulalo o o

latou olaga, ma aveesea atu ai 70

lo latou malosi ma lo latou matagofie. O Satani o loo ia te ia le

malosi o faama’i ma le oti, ma i augatupulaga uma lava, o le

malaia, na sili atu ona vaaia ai, ma o le malosi foi o Satani o

loo sili atu ona vaaia manino lava. O nisi o i latou na toe

faaolaina mai na sili atu ona matagofie o latou foliga ma o

latou tino nai lo isi. Na faailoaina mai ia te a’u, o i latou na ola

i aso o Noa ma Aperaamo na sili atu ona faapei o agelu i o

latou tino, i o latou foliga matagofie ma lo latou malosi. Peitai

o augatupulaga taitasi uma na faasolo ina faavaivaia, ma sili

atu ona maua i faama’i, ma o o latou ola na sili atu ona pupuu.

O Satani, na ia suesue i auala e faatiga ai tagata, ma faavaivaia

ai le aigā tagata.

O na tagata paia na toe tutu mai nai le oti, ina ua mavae le

toe soifua mai o IESU, na latou faaali i tagata e toatele, ma fai

atu ia i latou o le taulaga mo le tagata, na faataunuuina atoatoa,

ma o IESU, lea na faasatauroina e tagata Iutaia, ua toe soifua

mai o Ia nai le oti, ma na latou toe fai atu, Ua toe faatuina

faatasi mai i matou ma Ia. Na latou molimau atu faapea, o Lona

malosi mamana na toe fafaguina maia i latou mai i o latou

tuugamau. E ui lava i ripoti pepelo na faataamiloina solo, o lea

mataupu na lē mafai ona natia e Satani, o ana agelu, poo

faitaulaga sili; auā o lenei vaega o tagata paia na toe faatuina

mai i o latou tuugamau, na latou faasalalauina le tala matagofie

tumu i le olioli; na faailoa foi e IESU Ia lava i Ona soo

faanoanoa ma le loto nutimomoia, ma tafiesea ai lo latou

mata’u, ma osofia ai ia i latou le fiafia ma le olioli.

62

A’o salalau atu le tala mai i lea aai i lea aai, mai i lea foi

taulaga i lea taulaga, na fefefe tagata Iutaia mo o latou ola, ma

na latou natia ai le ita 71

na latou teufatuina agai i soo o IESU. Na pau lava lo latou

faamoemoe o le faasalalauina lea o la latou ripoti pepelo. Ma o

i latou na mananao ia moni lenei pepelo, na latou talitonu i ai.

Na gatete Pilato. Na ia talitonu i le molimau malosi ua tuuina

mai, ua toe soifua mai IESU nai le oti, ma e toatele isi na Ia toe

faatuina faatasi mai ma Ia, ma o lona filemu na tuua o ia e

faavavau. Talu ai ona o le mamalu faalelalolagi; talu ai ona o

lona mata’u ne’i aveesea mai ia te ia lana pule, ma lona ola, o

lea na ia tuuina atu ai IESU ina ia maliu. O lenei ua

faatalitonuina atoa o ia, e lē o se tane masani lē sala lea na ia

agasala i Lona toto, peitai na ia agasala i le toto o le ALO o le

ATUA. Na matua malaia lava le olaga o Pilato; malaia e o’o

lava i lona iuga. O le leai o se faamoemoe ma le puapuagatia,

na nutipalaina lagona uma lava o le faamoemoe tumu i le olioli.

Na ia musu e faamafanafanaina o ia, ma na ia oti ai i se oti sili

ona faanoanoa.

O le loto o Herota na faatupulaia le faama’a’aina, ma ina

ua ia faalogo ua toe soifua mai IESU, e le’i atuatuvale tele o ia.

Na ia fasiotia Iakopo; ma ina ua ia iloa o lea gaioiga na

faamalieina ai tagata Iutaia, o lea na ia avea ai foi ma Peteru,

ma na ia manatu ai ia fasiotia foi ma ia. Peitai sa i le ATUA se

galuega mo Peteru na te faia, ma na Ia auina atu Lana agelu ma

laveai ia te ia. Na tuu mai le faasalaga ia Herota. Na taia o ia e

le ATUA i luma o mata o se motu tele lava o tagata a’o ia

siitiaina ia lava i o latou luma, ma na oti ai i se oti sili ona

leaga.

I le vaveao lava a’o le’i malamalama, na o mai ai fafine

paia i le tuugamau, ma aumai mea manogi e u’u ai le tino o

IESU, ma 72

faauta! na latou iloa le maa mamafa ua tuleieseina mai i le

faitotoa o le tuugamau, ma e le’i i ai le tino o IESU. Na goto

63

ifo le faamoemoega o o latou loto i totonu ia i latou, ma na

latou matata’u i le manatu faapea na aveesea e o latou fili le

tino o IESU. Ma, faauta, o agelu e toalua i ofu papa’e na tutū

mai i o latou tafatafa; o o la foliga na pupula ma susulu mai. Na

la malamalama i le mafuaaga o le malaga a fafine paia, ma sa

la ta’u atu ia i latou i le taimi lava lena sa latou sailia IESU,

peitai e lē o i ai o Ia iina, ua toe soifua mai o Ia, ma na la fai atu

e mafai ona latou vaai i le nofoaga na Ia taoto ai. Na la fai atu

ia i latou e o atu ma ta’u atu i Ona soo o le a Ia muamua atu ia i

latou i Kalilaia. Peitai na fefefe ma ofo tele fafine. Na latou

tamomo’e atu faataalise i le au soo o ē sa faanoanoa, ma na lē

mafai ona faamafanafanaina i latou ona sa faasatauroina lo

latou ALII; na latou fai atu faavave ia i latou i mea uma na

latou vaai ma faalogo ai. O le au soo, na lē mafai ona latou

talitonu ua Ia toe soifua mai, peitai, na latou tamomo’e faavave

atu i le tuugamau faatasi ma fafine o ē na aumaia le ripoti, ma

na latou iloa ai e moni lava e le’i i ai iina IESU. Sa i ai Ona ofu

lino, peitai na lē’i mafai ona latou talitonu i le tala lelei ua toe

soifua mai IESU nai le oti. Na latou toe fo’i i lo latou fale ma le

ofo tele i mea na latou vaaia, ma le ripoti foi na aumaia ia i

latou e fafine. Peitai na filifili Maria e nofo ai pea i le nofoaga

o le tuugamau, ma manatunatu ai i mea na ia vaai i ai, ma

atuatuvale ai i le manatu faapea atonu ua faaseseina o ia. Na ia

lagona na faatali mai tofotofoga fou mo ia. O lona faanoanoaga

na toe faafouina, ma na ia tagi ai loa i le 73

tagi tiga lava. Na ia punou i lalo e toe vaai atu i totonu o le

tuugamau, ma na ia vaaia ai agelu e toalua o oofu i ofu papa’e.

O o la foliga na pupula ma susulu mai. O le tasi sa nofo i le ulu,

a’o le isi i vae, i le nofoaga sa taoto ai IESU. Na la tautala mai

ia te ia ma le agaalofa, ma fesili atu ia te ia pe aisea na ia tagi

ai. Na ia tali atu, Ua latou aveesea lo’u ALII, ma ua ou lē iloa

poo fea ua latou tuu ai o Ia.

Ma a’o ia liliu mai nai le tuugamau, na ia vaaia IESU o tu

i ona autafa; peitai na te le’i iloa o Ia lea. Na fetalai atu IESU

64

ma le alofa ia Maria, ma fesili atu i le mafuaaga o lona

faanoanoaga, ma fesili atu poo ai o ia sailia. Na ia manatu o Ia

o le tagata faigaluega o le faatoaga, ma na ia ole atu loa ia te Ia,

pe na ia aveesea lona ALII, ina ‘ia ia ta’u mai ia te ia poo fea

na ia tuuina ai o Ia, ma o le a ia aveesea o Ia. Na fetalai atu

IESU ia Maria i Lona lava siufofoga faalelagi, ma fai atu,

Maria e. Na ia masani lelei i lena leo pele, ma na ia tali vave

atu, Lo’u MATAI! ma o lona olioli ma lona fiafia tele o le a ia

fusi atu ai ia te Ia; peitai na lē faatagaina e IESU ma fetalai atu,

Aua e te pa’i mai ia te A’u, auā Ou te lē’i alu a’e i Lo’u

TAMA; a ia ē alu atu i O’u uso ma fai atu ia i latou, Ou te alu

a’e i Lo’u TAMA, ma lo outou TAMA, ma Lo’u ATUA, ma lo

outou ATUA. Na ia faataalise atu ma le olioli tele i le au soo

ma le tala lelei. Na vave lava ona afio a’e IESU i luga i Lona

TAMA ina ‘ia Ia faalogoina mai i Ona laufofoga ua Ia taliaina

le taulaga, ma ua Ia faataunuuina ma le faamaoni mea uma

lava, ma ‘ia Ia maua le mana uma i le lagi, ma le lalolagi, mai i

Lona TAMA. 74

O agelu e pei o se ao na latou siomia le ALO o le ATUA,

ma faatonu atu i faitotoa e faavavau ina ia siitia a’e, ina ia

ulufale atu i totonu le Tupu o le mamalu. Na ou vaaia, a’o

faatasi IESU ma lena ‘au pupula faalelagi ma i ai i luma o Lona

TAMA, ma na siomia o Ia e le pupula silisiliese o le ATUA,

Na te le’i faagaloina Ona soo pele vaivai ma le matitiva oi le

fogaeleele; peitai na Ia maua le mana mai i Lona TAMA, Ina

‘ia Ia toe fo’i mai ia i latou, ma foai atu ia i latou lea mana a’o

Ia i ai faatasi ma i latou. O le aso lava lea na Ia toe fo’i mai ai,

ma faailoa atu o Ia i Ona soo. Na Ia faatagaina i latou i le taimi

lena latou te pa’i atu ia te Ia, auā ua uma ona Ia afio a’e i Lona

TAMA, ma ua Ia maua le mana.

Peitai i le taimi lea, e le’i i ai Toma. Na te le’i manao na

te talia ma le loto maulalo le ripoti a le au soo; peitai na ia

faailoa mai ma le mausali ma lona mautinoaga ia te ia lava, o le

a ia lē talitonu, seivagana ua ia tuu ona tamatamai lima i

65

faailoga na tutu’i ai fao ma Lona itu i le nofoaga na tui atu ai le

tao. O lenei manatu na ia faailoa mai ai le leai o sona talitonuga

i ona uso. Ma afai la e manaomia e tagata uma le faamaoniga

lava lea, e toaitiiti lava o le a talia IESU, ma talitonu i Lona toe

soifua mai nai le oti. Peitai o le finagalo o le ATUA le aveina

atu o le ripoti a le au soo mai i le tasi i le isi, ma talia ai e le

toatele o tagata mai i laugutu o i latou na vaai ma faalogo ai. E

le’i finagalo malie le ATUA i lea ituaiga lē talitonu. Ma ina ua

toe feiloai IESU ma Ona soo, sa i ai Toma faatasi ma i latou. O

le sekone lava na ia vaai atu ai ia IESU, na ia talitonu ai loa.

Peitai na ia 75

faailoa mai o le a lē faamalieina o ia e aunoa ma le faamaoniga

o lagona e faaopoopo i le vaai, ma na avatu e IESU ia te ia le

faamaoniga na ia manao i ai. Na alaga a’e Toma faapea, O lo’u

ALII ma lo’u ATUA. Peitai na aoai e IESU Toma ona o lona lē

talitonu. Na Ia fetalai atu ia te ia, Toma e, talu ai ona ua ē vaai

mai ia te A’u, o lea ua ē talitonu ai; ae amuia i latou e le’i vaai

mai ae talitonu mai pea.

Na ou vaaia, o i latou e le’i i ai so latou iloa ma so latou

olaga e faatatau i feau a le agelu muamua ma le lona lua, e

tatau ona latou maua mai le iloa lea mai ia i latou sa i ai lo

latou iloa ma sa ola ai i feau ia, ma mulimuli faasolo mai ai i

lalo i feau ia. E faapei ona faasatauroina IESU, na ou vaaia foi

o nei feau ua faasatauroina foi. Ma e faapei ona faailoa mai e

le au soo e leai se faaolataga e maua i se isi lava igoa ua tuuina

mai i tagata i lalo o le lagi; e faapena foi, ona tatau ona folafola

atu ma le faamaoni ma le lē mata’u e auauna a le ATUA

faapea, o i latou e taliaina na o se vaega o upu moni e fesootai

ma le feau lona tolu, e tatau ona latou talia ma le fiafia feau

muamua, lona lua ma le lona tolu e faapei ona aumaia ai e le

ATUA, afai e leai, aua ne’i i ai sa latou vaega e faia poo so

latou tofi i nei feau. Na faailoaina mai ia te a’u, a’o avatu e fafine paia le

ripoti e faailoa atu ai ua toe soifua mai IESU, na faasalalau e

66

fitafita leoleo Roma le pepelo lea na tuu atu i o latou gutu e

faitaulaga sili ma toeaiina, fai mai na o mai Ona soo i le po, a’o

latou momoe, ma gaoi le tino o IESU. O Satani na tuuina lenei

pepelo i totonu o loto ma gutu o faitaulaga sili, ma na sauni

tagata e talia la latou upu. Peitai o le ATUA na 76

Ia faamautinoaina lenei mataupu, ma tuuina ai lenei mea taua

na tupu, lea e faalagolago i ai le faaolataga, i se tulaga e lē

mafai ona toe masalomia ai e se isi, ma se tulaga na lē mafai ai

e faitaulaga ma toeaiina ona latou natiaina. O molimau, na

faatuina mai nai le oti ina ia molimau e faatatau i le toe soifua

mai o KERISO.

Sa i ai pea IESU ma Ona soo i aso e fa sefulu, ma

faaosofia ai ia i latou le olioli ma le fiafia i o latou loto, ma

tatala atili atoatoa atu ai ia i latou mea moni o le malo o le

ATUA. Na Ia faatonu atu ia i latou ina ia latou molimau i mea

na latou vaai ma faalogo ai, e faatatau i Ona puapuaga, o Lona

maliu ma Lona toe soifua mai; ma ia latou molimau atu foi ua

uma ona Ia faia se taulaga mo le agasala, ina ia mafai ona o

mai ia te Ia i latou uma lava e mananao ai, ma latou maua ai le

ola. Na Ia fetalai atu ia i latou ma le agalelei faamaoni, o le a

sauāina i latou ma puapuagatia; ae o le a latou maua le

fesoasoani i lo latou toe manatunatu i la latou mafutaga, ma le

manatuaina o upu na Ia fetalai atu ai ia i latou. Na Ia fetalai atu

ia i latou ua Ia manumalo i faaosoosoga a le Tiapolo, ma na Ia

faatumauina le manumalo e ala i tofotofoga ma puapuaga, ma

e lē toe i ai se malosi o Satani ia te Ia, ae o le a sili atu ona ia

aumaia tuusa’o ana faaosoosoga ma lona malosi i luga ia i

latou, ma i latou uma lava o le a talitonu i Lona suafa. Na Ia

fetalai atu ia i latou na mafai ona latou manumalo, e faapei foi

ona Ia manumalo. Na foa’i e IESU i Ona soo le mana e fai ai

vavega, ma na Ia ta’u atu ia i latou e ui lava ina i ai le malosi o

tagata amioleaga i o latou tino, o le a Ia auina mai Ana agelu i

taimi faapitoa ma laveai ia i latou;

67

77

ma na lē mafai ona aveesea o latou ola mai ia i latou seivagana

ua faataunuuina la latou galuega. Ma a mae’a loa la latou

molimau, o le a manaomia lo latou ola ina ia faamaufaailogaina

ai molimau na latou alagaina. O Ona soo naunau na latou

faalogo ma le fiafia i Ana a’oa’oga. Na latou aai ma le

finafinau i upu taitasi uma na pa’ū mai i Ona laufofoga paia.

Ona latou iloa mautinoa lava lea o Ia lava o le Faaola o le

lalolagi. O upu taitasi uma na goto ifo ma le aafiaga loloto i

totonu o o latou loto, ma na latou faanoanoa ina o le a

vavaeeseina i latou mai i lo latou Faiaoga paia faalelagi; ma a

mavae loa sina taimi itiiti o le a latou lē toe faalogoina upu

faamafanafana, ma le alofa mai i Ona laufofoga. Peitai na toe

faamafanafanaina o latou loto i le alofa ma le olioli tele lava,

a’o ta’u atu e IESU ia i latou o le a Ia alu e sauni maota mo i

latou, ma o le a Ia toe afio mai ma talia i latou, ina ia latou

faatasi ma Ia e faavavau. Na Ia fetalai atu ia i latou o le a Ia

auina mai ia i latou le Faamafanafana, le Agaga Paia, ina ia

faatonu, faamanuia ma ta’ita’i ia i latou i upu moni uma; ma na

Ia sii a’e i luga Ona aao ma faamanuia ia i latou. _________

MATAUPU 11

O le Afio A’e o KERISO i le Lagi.

O le lagi atoa sa faatali mai i le itula o le manumalo i le

taimi o le a afio a’e ai IESU i Lona TAMA. O agelu na o mai e

faafetaia’i le Tupu o le mamalu, ma ‘ia faafeao manumalo atu o

Ia i le lagi. Ina ua mavae 78

ona faamanuia e IESU Ona soo, na aveesea o Ia nai ia i latou,

ma aveina a’e i luga. Ma a’o Ia ta’ita’ia atu le ala agai i luga, o

le vaega tele o i latou na faatuina mai i Lona toe soifua mai, na

mulimuli atu ia te Ia. O se motu e toatele o le ‘au o agelu o le

lagi sa faafeaoina i latou; a’o le lagi, o se fuainumera lē

68

mafaitaulia o agelu na faatali mai i Lona afio atu. A’o latou o

a’e i luga i le aai paia, o agelu na faafeaoina atu IESU sa latou

alalaga faapea, Inā siitia i luga o outou ulu, outou puipui, ma ia

siitia i luga outou faitotoa o le faavavau e, se’i ulu atu ai le

TUPU mamalu. O le alaga o le olioli tele na fesili mai ai agelu

oi totonu o le aai, o ē na faatali mai mo Lona afio atu, O ai

lenei TUPU mamalu? O agelu faafeao na tali atu ma le

manumalo, O IEOVA Lē e malosi ma silisiliese! O IEOVA Lē

e malosi i taua! Ia siitia i luga o outou ulu, outou faitotoa e! ia

siitia i latou i luga, outou faitotoa e, ma ia afio atu i totonu le

TUPU o le mamalu. Na toe alalaga a’e le ‘au o agelu o le lagi,

O ai lenei TUPU o le mamalu? Na tali atu agelu faafeao ma leo

matagofie, O IEOVA o ‘au! O Ia o le TUPU o le mamalu! Ma

na ulufale atu ai loa le solo i totonu o le aai. Ona siomia lea e le

‘au uma o agelu o le lagi le ALO o le ATUA, lo latou Ta’ita’i

mamalu, ma na latou ifo atu ia te Ia ma le alofa naunau sili ona

loloto, ma lafo atu o latou pale feilafi i Ona aao. Ma na latou

fetagofi atu i a latou kitara auro, ma faatumu ai le lagi i leo

matagofie i o latou musika ma pese matagofie i le TAMA’I

MAMOE na fasia, a ua toe soifua mai i le mamalu ma le viiga. 79

Ona sosoo lea ma le faailoaina mai ia te a’u o le au soo

a’o latou sioa atu ma le faanoanoa i le lagi ina ia pu’eina le

vaaiga mulimuli o lo latou ALII o loo afio a’e i le lagi. E toalua

agelu na oofu i ofu papa’e na tutū mai i o latou tafatafa, ma fai

atu ia i latou, Outou tagata Kalilaia e, aisea tou te tutū ai ma

sioa atu i le lagi? O IESU lava lenei ua aveina a’e nai ia te

outou agai atu i le lagi, o le a faapena ona Ia toe afio mai e

faapei ona outou vaai ia te Ia o afio a’e i le lagi. O le au soo,

faatasi ai ma le tina o IESU, na latou molimauina le afio a’e i le

lagi o le ALO o le ATUA, ma na latou faaaluina lena po latou

te talanoa ai e faatatau i Ana galuega ofoofogia, ma mea uiga

ese ma le mamalu na tutupu i totonu o se taimi puupuu.

O Satani na ia talanoa faatasi ma ana agelu, ma o lona ita

tele i le faigamalo a le ATUA, na ia fai atu ai ia i latou, a’o

69

tumau pea ia te ia lona malosi ma lana pule i le lalolagi, o a

latou taumafaiga e tatau ona faasefuluina ona sili atu ona

malosi agai i soo o IESU. Latou te le’i manumalo ia IESU;

peitai o Ona soo e tatau ona latou faatoilaloina pe afai e mafai

ai, ma tauave pea i luma lana galuega i augatupulaga uma, ina

ia maileia i latou o le a talitonu ia IESU, i Lona toe soifua mai

ma Lona afio a’e i le lagi. Na ta’u atu e Satani i ona soo, ua

uma ona foai atu e IESU i Ona soo le mana e tulia ai i latou,

ma a’oa’i i latou, ma faamalolo i ē o le a ia faatigainaina. Ona o

atu loa lea o agelu a Satani e faapei o ni leona tagi, ma saili ina

ia faaumatia soo o IESU. _________

80

MATAUPU 12

O So’o o KERISO

O le mana tele na folafola ai e le au soo se FAAOLA na

faasatauroina ma ua toe soifua mai. Na latou faamalolo i ē

mama’i, e o’o lava i lē sa pipili talu ona fanau mai, na toe

faafoisia o ia i le faamalologa atoatoa, ma ulufale faatasi atu

ma i latou i totonu o le malumalu, ma savali ma osooso ma

vivii i le ATUA i luma o tagata uma. Na salalau le tala, ma na

amata ona lolofi faataamilo mai tagata i le au soo. E toatele na

tamomo’e faatasi mai, na matuā ofo lava ona o le faamalologa

ua faia.

Ina ua maliu IESU na manatu faitaulaga sili o le a lē toe i

ai ni vavega e faia i le lotolotoi o i latou, ma o le a mou ifo le

fiafia o tagata, ma o le a toe liliu atu le nuu i aganuu a

tagata. Peitai, faauta! i le lotolotoi tonu lava o i latou, na faia ai

e le au soo vavega, ma na faatumulia tagata i le ofo, ma sioa

atu ma le ofo tele ia i latou. Na faasatauroina IESU, ma na

latou manatunatu poo fea na maua mai ai e le au soo lenei

mana. A’o soifua o Ia, na latou manatu na Ia foaiina atu le

mana i Ona soo; ina ua maliu IESU, na latou manatu ai o le a

70

i’u nei vavega. Na malamalama Peteru i lo latou popolega, ma

fai atu ia i latou, Outou tane o Isaraelu, aisea ua outou ofo ai i

lenei mea? pe aisea foi ua outou pulato’a mai ai ma le finafinau

ia i ma’ua, e peiseai o so ma’ua mana poo sa ma amio paia ua

ma faia ai lenei 81

tagata ina ia savali? O le ATUA o Aperaamo, ma Isaako, ma

Iakopo, o le ATUA o ō tatou tamā ua Ia faamamanaina Lona

ALO o IESU, o Lē na outou tuuina atu, ma teena o Ia i luma o

Pilato, ina ua ia finafinau e faasaoloto ia te Ia. Peitai na outou

teena Lē e paia, ma Lē e amiotonu, ma outou mananao ai e

tatala atu ia te outou se tagata fasioti tagata, ma outou fasiotia

ai le Perenise o le ola, o Lē na toe faatuina mai e le ATUA nai

le oti, o molimau foi i matou i nei mea. Na ta’u atu e Peteru ia i

latou o le faatuatua ia IESU na mafua ai lenei faamalologa

atoatoa o se tane sa pipili muamua.

O faitaulaga sili ma toeaiina na lē mafai ona latou onosaia

nei upu. Na latou fetagofi atu i le au soo ma tuu ia i latou i le

falepuipui. Peitai e afe ma afe tagata na liua, ma talitonu i le

toe soifua mai o KERISO nai le oti, ma Lona afio a’e i le lagi e

ala i lo latou faalogo atu i le lauga e tasi lava mai i le au soo. O

faitaulaga sili ma toeaiina na atuatuvale. Na latou fasiotia IESU

ina ia liliu atu ai mafaufau o tagata ia i latou; peitai o lenei

ua sili atu ona leaga le tulaga ua i ai nei nai lo le taimi muamua.

Na tuua’iina faaaliali i latou e le au soo fai mai o i latou o ē na

fasiotia le ALO o le ATUA, ma na lē’i mafai ona latou iloa poo

le a le mamao o le a o’o i ai le tulai mai o nei mea uma, poo le

a foi se manatu o le a o’o i tagata e faatatau ia i latou. Na latou

mananao e fasiotia ma le fiafia le au soo; peitai na latou fefefe

ona o lo latou matata’u ne’i fetogia i latou e le nuu i ma’a. Na

latou aamiina le au soo, ma sa aumaia i latou i luma o le fono.

O tane tonu lava ia sa alalaga ma le finafinau mo le toto o Lē

71

82

amiotonu, sa i ai iina. Na latou faalogo ia Peteru o ia faafitia

ma le palaai IESU, faatasi ai ma upu leaga ma tautoga a’o

tuua’ia o ia faapea o ia o sē tasi o Ona soo. Na latou manatu ina

ia faafefe ia Peteru; peitai o lenei ua ia liua. O se avanoa, na

tuuina atu ia Peteru iinei ina ‘ia ia siitiaina ai IESU. Na ia

faafitia muamua o Ia; peitai na mafai nei ona ia aveesea le

agasala o lena faafiti vave, ma le palaai, ma ia viia ai le suafa

na ia faafitia. E leai se mata’u palaai na i ai i le loto o Peteru i

le taimi lea; peitai o le toa paia, ma i le mana o le Agaga Paia,

na ia faailoa atu ai ma le lē fefe ia i latou, ‘o le suafa o IESU

KERISO o Nasareta, o Lē na outou faasatauroina, o Lē na toe

faatuina mai e le ATUA nai le oti, o Ia lava ua tulai ai lenei

tagata iinei i o outou luma ua faamaloloina. O le ma’a lenei na

faalēaogaina e outou tufuga faufale, ua avea o Ia ma ma’a autu

o le tulimanu. E leai foi se faaolataga i se isi lava; auā e leai se

isi igoa i lalo o le lagi ua foaiina i tagata, e mafai ona faaolaina

ai i tatou.

Ua ofo tagata i le toa tele o Peteru ma Ioane. Na latou iloa

sa la faatasi ma IESU; auā o a la amio lelei ma le lē fefe na

tutusa lelei lava ma foliga o IESU ina ua sauāina o Ia e i latou

na fasiotia o Ia. O IESU, o Lana tepa e tasi o le alofa ma le

faanoanoa, na a’oa’iina ai Peteru ina ua mavae ona ia

faafitia o Ia, ma o lenei a’o ia ioeina ma le lē fefe ma le toa

lona ALII, na taliaina Peteru e le ALII ma na faamanuiaina o

ia. I le avea ma faailoga o 83

le finagalo fiafia o IESU ia Peteru, o lea na faatumulia ai o

ia i le Agaga Paia. O faitaulaga sili na latou lē mananao e faaalia le ita na

latou lagonaina agai i le au soo. Na latou faatonu atu ia i latou

ina ia o ese atu i fafo o le fono, ma na latou talanoa i le

lotolotoi o i latou lava, faapea, O le a se mea o le a tatou faia i

nei tane? auā e moni lava ua faia e i latou se vavega iloga ua

faaalia ia i latou uma o nonofo i Ierusalema, ma e lē mafai ona

tatou teena lea vavega. Na latou fefefe e faasalalauina lenei

72

galuega lelei. Afai e salalau atu, o le a aveesea lo latou malosi

ma la latou pule, ma o le a manatu tagata e faatatau ia i latou

faapea o i latou lava o tagata fasioti tagata na fasiotia IESU. Na

pau lava le mea na mafai ona latou faia o le faafefe lea o i

latou, ma faatonu atu ia i latou ina ‘ia aua ne’i toe tautala i le

suafa o IESU ne’i latou oti. Peitai na faailoa atu ma le toa e

Peteru, e lē mafai ona latou lē tautala i mea ua latou vaai ma

faalogo ai.

O le mana o IESU na fa’aauau ai e le au soo ona

faamalolo i tagata taitasi uma o ē na tigaina ma mama’i na

aumaia ia i latou. O faitaulaga sili ma toeaiina, ma i latou na

galulue faapitoa lava ma i latou, na fefefe. E selau ma selau na

tulai i aso taitasi i lalo o le fu’a a le FAAOLA na faasatauroina,

na toe soifua mai ma afio a’e i le lagi. Na latou tuuina atu le au

aposetolo i le falepuipui, ma latou faamoemoe ai o le a mate ifo

le naunau o tagata. Na manumalo Satani, ma na fiafia agelu

leaga; peitai na auina atu agelu a le ATUA ma tatala faitotoa o

le falepuipui, ma, e feteena’i ma le poloaiga a le faitaulaga sili

ma toeaiina, na faatonu atu ai agelu ia i latou ina ia latou o atu i

totonu o le malumalu, 84

ma tautala i upu uma lava o lenei ola. O le fono, na faapotopoto

ma latou auina atu le feau ina ia aumai a latou pagota. Na tatala

e fitafita faitotoa o le fale puipui; peitai o pagota na latou sailia

sa lē i ai iina. Na latou toe fo’i atu i faitaulaga ma toeaiina, ma

fai atu ia i latou, Na matou maua moni lava le falepuipui o

tapuni ma saogalemu atoa uma, ma sa tulai foi leoleo i fafo i

luma o faitotoa; peitai ina ua matou tatalaina, matou te le’i

maua ai se tane i totonu. Ona sau ai lea o le isi tagata ma ta’u

mai ia i latou faapea, Faauta, o tane na outou tuuina i totonu o

le falepuipui, o loo tutū i latou i totonu o le malumalu, ma

a’oa’o i tagata. Ona o atu lea o le kapeteni ma fitafita, ma

aumai ia i latou e aunoa ma le sauāina; auā na latou matata’u i

le nuu ne’i fetogia i latou i ma’a. Ma ina ua latou aumaia i

latou, na latou tuuina i latou i luma o le fono; ona fesili atu lea

73

o le faitaulaga sili ia i latou, matou te le’i matuā faatonu atu ea

ia te outou, ina ia aua ne’i outou toe a’oa’o i lenei igoa? ma,

faauta, ua outou faatumu Ierusalema uma i la outou mataupu,

ma ua outou manatu ai e aumaia le toto o lenei tagata i o matou

luga.

O i latou o tagata pepelo, ma na sili ona latou mananao i

le viiga mai i tagata nai lo lo latou alolofa i le ATUA. O o latou

loto na faama’a’aina, ma o galuega sili ona ofoofogia na faia e

aposetolo sa na ona latou lilivau ai. Na latou iloa afai e lauga e

le au soo IESU, ma Lona faasatauroga, o Lona toe soifua mai

ma Lona afio a’e i le lagi, o le a faamausaliina ai le agasala i

luga ia i latou, ma faaalia ai o i latou o tagata fasioti tagata ia

na fasiotia o Ia. Latou te lē’i naunau e talia le toto o IESU e

faapei o le taimi na latou alalaga ai ma le ita tele, Ia i luga ia i

matou ma a matou fanau Lona toto. 85

O le au aposetolo, na latou faailoa atu ma le toa e ao ona

latou usitai i le ATUA ae lē o tagata. Na fai mai Peteru, O le

ATUA o ō tatou tamā sa na toe faatu mai ia IESU, o Lē na

fasiotia e outou ma faatautau i luga o le laau. O Ia ua siitia e le

ATUA i Lona aao taumatau ina ia avea ma Perenise ma Faaola,

ina ia foai mai ai le salamo ia Isaraelu, ma le faamagaloina o

agasala. O molimau foi i matou i nei mea uma, e faapea foi ma

le Agaga Paia ua foaiina e le ATUA ia i latou e usitai ia te Ia.

Ona lilivau ai lea o nā tagata fasioti-tagata. Na latou mananao

ina ia toe faatumu o latou lima i le toto e ala i le fasiotia o le au

aposetolo. Na latou faufau pe faapefea ona faia lenei mea, ae na

auina atu loa se agelu mai i le ATUA ia Kamalielu ina ia na

osofia lona loto ina ia fautua atu i le faitaulaga sili ma ta’ita’i.

Na fai atu Kamalielu, Aua ne’i outou sauā i nei tane, ma tuu ai

pea i latou; auā afai e mai i tagata lenei fautuaga poo lenei

galuega, o le a faalēaogaina; ae afai e mai i le ATUA, e lē

mafai ona outou faatoilaloina; ne’i iloa ua outou fai taua i le

ATUA. O agelu leaga na latou osofia faitaulaga ma toeaiina ina

ia fasioti le au aposetolo; peitai na auina atu e le ATUA lana

74

agelu ina ia taofia lea faufauga, e ala i le siitiaina a’e o se leo

mai i se tasi o la latou lava fono e lagolago ai le au soo.

O le galuega a le au aposetolo e le’i uma. O le a aumaia i

latou i luma o tupu, ina ia latou molimau i le suafa o IESU, ma

ia molimau i mea na latou vaai ma faalogo ai. Peitai a’o le’i

tatalaina atu i latou e faitaulaga sili ma toeaiina, na latou

sasaina i latou, ma faatonu atu ia i latou ina ia aua ne’i latou toe

tautala i le suafa o IESU. Na latou o ese atu 86

mai i le fono ma latou vivii ai i le ATUA ina ua ta’uaogaina i

latou e puapuagatia mo Lona suafa paia. Na latou faaauau la

latou galuega, i lo latou lauga i totonu o le malumalu ma fale

taitasi uma lava na valaauliaina mai ai i latou. Na tupu le UPU

a le ATUA ma sa faatuputeleina. Na osofia e Satani faitaulaga

sili ma toeaiina ina ia totogi le leoleo Roma ina ‘ia ia molimau

pepelo faapea na gaoia IESU e le au soo a’o latou momoe. O

lenei pepelo, na latou faamoemoe ai e natia mea moni; peitai,

faauta, na tulai mai i o latou itu uma lava faamaoniga tetele o le

toe soifua mai o IESU nai le oti. Na faailoa atu ma le toa e le

au soo lenei mea moni, ma na latou molimau i mea na latou

vaai ma faalogo ai, ma o le suafa foi o IESU na latou faia ai

vavega tetele lava. Na latou tuuina atu ma le toa le toto o IESU

i luga o i latou na matuā naunau lava e talia le toto lea, ina ua

faatagaina i latou e latou te sauāina ma fasiotia le ALO o le

ATUA.

Na ou vaaia o agelu a le ATUA na faatonuina ina ia latou

tausia faapitoa ma puipuia upu moni paia ma le taua ia o le a

avea ma taula e taofia ai soo o KERISO i augatupulaga taitasi

uma.

O le Agaga Paia na afio ifo faapitoa lava i luga o le au

aposetolo, o ē na molimau i le faasatauroga o IESU, o Lona

toe soifua mai ma Lona afio a’e i le lagi – o upu moni taua

ia o le a avea ma faamoemoega o Isaraelu. O tagata uma lava

na manaomia ina ia vaai i le FAAOLA o le lalolagi na pau lava

lea o lo latou faamoemoega e tasi, ma ia latou savavali i le ala

75

na tatala e IESU e ala i le ofoina mai o Lona lava soifua, ma ia

latou tausia le tulafono a le ATUA ma ola ai. Na ou vaai i le

poto ma le 87

agalelei o IESU i le foaiina atu o le mana i le au soo e tauave ai

i luma le galuega lava lea na mafua ai ona feita tagata Isaraelu

ia te Ia ma fasiotia o Ia. Sa ia i latou le pule na foaiina atu ia i

latou e faatoilaloina ai galuega a Satani. Na latou faia faailoga

ma vavega e ala i le suafa o IESU, o Lē na inosia, ma fasiotia e

lima o tagata amioleaga. O se malamalama, na susulu

faataaliolio mai ia IESU i le taimi o Lona maliu ma Lona toe

soifua mai, ma faatumauina ai e faavavau le upu moni paia lea,

o Ia o le FAAOLA o le lalolagi. _________

MATAUPU 13

O le Oti o Setefano.

O le au soo na matuā faato’ateleina lava i Ierusalema. Na

faatupulaia le UPU a le ATUA, ma e toatele faitaulaga na usitai

i le faatuatuaga. O Setefano, o le faatumulia o ia i le faatuatua

sa na faia ai faailoga ma vavega tetele i le lotolotoi o tagata. E

toatele tagata sa feita; auā na liliu ese mai faitaulaga mai i a

latou aganuu, ma faigā taulaga fasia ma taulaga ofo fua, ma sa

latou talia IESU o le taulaga sili lea. O Setefano, sa ia te ia le

mana mai i le lagi, na ia a’oa’iina ai faitaulaga ma toeaiina, ma

ia siitia ai IESU i o latou luma. Na lē mafai ona latou teena le

poto ma le mana na ia tautala atu ai, ma ina ua latou iloa na

latou lē manumalo ia te ia, na latou togitupeina ai loa tagata ina

ia latou molimau pepelo faapea na latou faalogo ia te ia o

tautala i upu leaga 88

e faatatau ia Mose ma le ATUA. Na latou faaosoina tagata, ma

latou ave ai ia Setefano, ma, e ala i molimau sese, na latou

tuuaia ai o ia i lona tautala i upu leaga e faatatau i le malumalu

76

ma le tulafono. Na latou molimau na latou faalogo atu ia te ia o

fai mai, o lenei IESU o Nasareta o le a Ia faaumatiaina aganuu

na avatu e Mose ia i latou.

O i latou uma lava na faamasino ia Setefano na latou

vaaia le malamalama o le pupula o le ATUA i ona foliga. O

ona foliga na susulu mai e pei o foliga o se agelu. Na ia tulai i

luga na faatumulia o ia i le faatuatua ma le Agaga Paia, ma, na

ia amata i le au perofeta lana faamatalaga ma aumaia faasolo ai

i latou seia o’o i le fanau mai o IESU, o Lona faasatauroga, o

Lona toe soifua mai ma Lona afio a’e i le lagi, ma sa ia faailoa

atu ia i latou o le ALII e lē afio o Ia i malumalu na faia e lima o

tagata. Na latou faia ma tupua le malumalu. Soo se mea lava

na tautalagia e faatatau i le malumalu, na faatumulia ai i

latou i le ita na sili atu nai lo lo latou ita pe ana faapea e

tautalagia e faatatau i le ATUA. O le agaga o Setefano na

matuā osofia i le ita faalelagi a’o ia alaga tetee atu ia i latou ona

o lo latou amioleaga ma le lē peritomeina o ō latou loto. Tou te

tetee pea lava i le Agaga Paia. Na latou tausia sauniga na

faatinoina i le vaaiga i fafo, a’o o latou loto sa lē faamaoni, ma

sa tumu i mea sili ona leaga e fano ai. Na faasino atu i latou e

Setefano i le sauā o o latou tamā i lo latou sauāina o perofeta,

ma faapea atu, Ua outou fasiotia i latou na faailoaina muamua

mai le afio mai o Lē amiotonu, o Lē ua outou faalataina nei ma

fasiotia.

O faitaulaga sili ma ta’ita’i na matuā lilivau 89

a’o tautalagia e Setefano upu moni manino maamaai; ma na

latou taufetuli faataalise atu ia te ia. O le malamalama o le lagi

na susulu mai i ona luga, ma a’o ia pulato’a atu i le lagi, na

tuuina mai ia te ia se faaaliga o le mamalu o le ATUA, ma na

faapepepepe ifo agelu i ona luga. Na ia alaga a’e, Faauta, ua ou

vaaia le lagi o matala, ma o le Atalii o le tagata o loo tulai i le

itu taumatau o le ATUA. E le’i fia faalogo mai tagata Iutaia ia

te ia. Na latou alalaga atu i se leo tele lava, ma pupuni o latou

taliga, ma latou tamomo’e atu ia te ia ma le loto gatasi, ma toso

77

ia te ia i fafo o le aai, ma fetogi ia te ia i maa. Ma na tootuli i

lalo Setefano, ma alaga a’e i se leo tele lava, Le ALII e, aua Ē

te tuuina atu lenei agasala ia te i latou.

Na ou vaaia o Setefano o se tagata toa lea o le ATUA na

faatulaia faapitoa mai lava ina ia na tulai i se nofoaga taua i

totonu o le ekalesia. Na olioli Satani a’o fetogia i maa Setefano

ma oti ai; auā na ia iloa o le a matuā misia lava o ia e le au soo.

Peitai o le manumalo o Satani na puupuu; auā sa i ai se tagata

sa tulai ai i lena motu o tagata sa molimau i le oti o Setefano,

lea o le a faaali i ai e IESU Ia lava. E ui lava ina sa ia lē auai i

le fetogiina o ma’a ia Setefano, ae na ia loto malie i lona oti. O

Saulo sa matua finafinau i le sauāina o le ekalesia a le ATUA i

lona sailia o i latou, ma pu’eina i latou i totonu o o latou fale,

ma avatu i ē na mananao e fasiotia i latou. Sa faaaoga ma le

faamanuiaina e Satani Saulo. Peitai e mafai e le ATUA ona

faaumatia le malosi o Satani, ma faasaoloto i latou o loo

faatagataotauaina e ia. O Saulo o ia o se tagata sa a’oga, ma na

faaaoga ma le manumalo e Satani ana taleni e fesoasoani e

tauave ai i luma lana tetee i le 90

ALO o le ATUA, ma i latou na talitonu ia te Ia. Peitai na

filifilia e IESU Saulo e avea ma ipu filifilia e folafolaina Lona

suafa, ina ia faamalosia ai le au soo i la latou galuega, ma sili

atu nai lo lona faatumuina o le tulaga o Setefano. O Saulo sa

manatu maualuga i ai tagata Iutaia. O lona finafinau ma lona

atamai na faamalieina ai i latou, ma sa faafefeina ai le toatele o

le au soo.

_________

78

MATAUPU 14

O le Liuaga o Saulo

A’o malaga atu Saulo i Tamaseko ma tusi a le fono ina ia

molia ai tane ma fafine sa laugaina IESU, ma aumaia ai i latou

o fusifusia i Ierusalema, na olioli agelu leaga i ona itu uma.

Peitai a’o ia faimalaga atu, na faafuasei lava ona susulu

faataamilo mai ia te ia se malamalama mai i le lagi, lea sa

mafua ai ona sosola ese agelu leaga, ma na mafua ai ona pa’ū

vave ifo Saulo i le eleele. Na ia faalogo i se leo o faapea mai,

Saulo, Saulo e, aisea ua ē sauā mai ai ia te A’u? Na fesili atu

Saulo, O ai oe le Alii e? Ma na tali mai le ALII, O a’u o IESU

Lē ua ē sauāina. E faigata ia te oe ona ē a’a atu i tui. Ma o

Saulo, o lona gatete ma lona ofo na ia fai atu ai, Le ALII e, o le

a se mea e te finagalo ou te faia? Ona fetalai mai lea o le ALII,

Inā tulai ia ma alu i le aai, o le a ta’uina atu ai ia te oe le mea e

tatau ona ē faia.

O tane sa faatasi ma ia na tulai ma le lē magagana, ma sa

latou faalogo i se leo, peitai latou te le’i vaaia se tagata. A’o

mou ese 91

atu le malamalama, ma ua toe tulai a’e Saulo nai le eleele, ma

pupula ona mata, na te le’i vaai i se tagata. O le pupula o le

malamalama o le lagi na faatauasoina ai o ia. Na latou ta’ita’ia

lona lima, ma aumai ia te ia i Tamaseko, ma e tolu aso e le’i

mafai ai ona vaai o ia, e le’i ‘ai foi o ia pe inu. Ona auina mai

lea e le ALII Lana agelu i le tasi o tane tonu lava ia na mana’o

Saulo e ave faapagota, ma faaali ia te ia i le faaaliga, e tatau

ona ia alu i le auala e igoa o Sa’o, ma fesili i le fale o Iuta mo

le tagata e igoa ia Saulo o Taso; auā, faauta, o loo tatalo o ia,

ma ua ia vaaia i se faaaliga se tane e igoa ia Anania o loo sau i

totonu, ma tuu ona lima i ona luga, ina ‘ia ia toe pupula ai.

Na mata’u Anania i lona manatu o loo i ai se mea sese i le

faaaliga, ma na amata loa ona ia faamatala atu i le ALII mea

uma na ia faalogo ai e faatatau ia Saulo. Peitai na fetalai atu le

79

ALII ia Anania, Ia e alu; auā o ia o le ipu filifilia mo A’u, e

avatua Lo’u igoa i luma o nuu ese, ma tupu, ma le fanauga a

Isaraelu. Auā o le a Ou faailoa atu ia te ia mea tetele o le a ia

puapuagatia ai mo Lo’u igoa. Na mulimuli Anania i faatonuga

a le ALII, ma ia ulufale atu loa i le fale, ma tuu ona lima i luga

o Saulo, ma fai atu, Lo’u uso e, Saulo, o le ALII, o IESU, o Lē

na faaali ia te oe i le ala a’o ē sau, ua Ia auina mai a’u, ina ia ē

toe vaai, ma ia faatumuina oe i le Agaga Paia.

O le taimi lava lena na mafai ai loa ona vaai Saulo, ma

tulai loa, ma papatisoina loa o ia. Ona ia laugaina loa lea o

KERISO i sunako, o Ia o le ALO o le ATUA. O i latou uma

na faalogo ia te ia na ofo uma, ma tuufesili faapea, 92

E lē o ia ea lenei na fasiotia i latou na valaau i lenei igoa i

Ierusalema? ma ua sau foi iinei mo lena lava sini, ina ‘ia ia

aumaia i latou o fusifusia i faitaulaga sili? Peitai na faatupulaia

le malosi o Saulo, ma na maasiasi ai tagata Iutaia. Na latou toe

atuatuvale. Na faamatala atu e Saulo i le mana o le Agaga Paia

le mea na tupu ia te ia. Na iloa uma e tagata le mea moni e

faatatau i le tetee o Saulo ia IESU, ma lona finafinau i lona

sailia ma lona aveina atu ia fasiotia, o i latou uma na talitonu i

Lona suafa. O lona liuaga faavavega na faatalitonuina ai le

toatele o tagata i le mea moni lea, o IESU o le ALO lava Ia o

le ATUA. Na faamatala atu e Saulo le mea na o’o ia te ia, a’o

ia sauāina ma tuuina atu ia fasiotia, fusifusia ma tuuina i totonu

o falepuipui tane ma fafine, ma a’o ia malaga atu i Tamaseko,

na faafuasei ona susulu faataamilo mai se malamalama mai i le

lagi, ma na faaali mai IESU ia te ia, ma a’oa’o mai ia te ia, o

Ia o le ALO o le ATUA. A’o laugaina ma le lē fefe e Saulo

IESU, na ia avatua faatasi ai ia te ia se aafiaga malosi lava. Sa

ia te ia se malamalamaaga e faatatau i le Tusi Paia, ma ina ua

mavae lona liuaga, na susulu mai se malamalama faalelagi i

luga o valoaga e faatatau ia IESU, lea na mafai ai e ia ona

faamatala manino atu ma le lē fefe le upu moni, ma ‘ia

faasa’oina ai soo se faauigaga sese lava o upu o le Tusi Paia. O

80

le afio o le Agaga o le ATUA i luga ia te ia, na ia aumaia ai i

latou na faalogologo ia te ia, i faasologa o valoaga i se tulaga

manino ma le malosi tele e faatalitonuina ai, e o’o mai lava i le

taimi o le ulua’i afio mai o KERISO, ma na faailoa atu ai ia i

latou, sa faataunuuina upu o le Tusi Paia ia sa faatatau atu i

puapuaga o KERISO, o Lona maliu ma Lona toe soifua mai. _________

93

MATAUPU 15

Na Filifili Tagata Iutaia e Fasioti ia Paulo.

O faitaulaga sili ma ta’ita’i na osofia i latou i le ita ia

Paulo, a’o latou molimauina le aafiaga o lona faamatalaina mai

o le mea na tupu ia te ia. Na latou vaaia na ia laugaina ma le lē

fefe IESU, ma faia vavega i Lona suafa, ma na faalogo le motu

o tagata e toatele ia te ia, ma liliu ese mai i a latou aganuu,

ma vaavaai atu ia i latou ma le manatu faapea o i latou ia o ē na

fasiotia le ALO o le ATUA. Na puna a’e lo latou ita, ma na

latou faapotopoto ina ia latou talanoa poo le a se mea sili e

tatau ona faia ina ia faaguguina ai le fiafia ma le naunau o

tagata ia Paulo. Na latou filifili na pau lava le auala saogalemu

mo i latou, o le fasiotia lea o Paulo. Peitai na silafia e le ATUA

la latou faufauga, ma na auina atu agelu e puipui ia te ia, ina ‘ia

ia ola e faataunuuina lana galuega, ma ‘ia ia puapuagatia mo le

suafa o IESU.

Na ta’uina atu ia Paulo sa saili tagata Iutaia e fasioti ia te

ia. Na taitaia e Satani tagata lē talitonu o Iutaia ina ia latou

leoleo i faitotoa o Tamaseko i le ao ma le po, ina ia latou

mautinoa, a savali atu loa Paulo i fafo o faitotoa; ona latou

fasiotia loa lea o ia i le taimi lava lena. Peitai, o le au soo, na

latou tuutuuina ifo Paulo i lalo i le pa i se ato. O iinei na

faamāina ai tagata Iutaia i lo latou toilalo, ma na faatoilaloina

ai le sini a Satani. Ma na alu atu Paulo i Ierusalema e faatasi

atu i le au soo; peitai na latou fefefe uma lava ia te ia. Na lē

81

mafai ona latou talitonu ua avea o ia ma so’o. Na sailia o ia ina

ia fasiotia e tagata Iutaia i 94

Tamaseko, ma o lona lava au uso latou te le’i talia o ia; peitai

na ave o ia e Panapa, ma aumai o ia i le au aposetolo, ma

faailoa atu ia i latou le tala e faatatau i lona vaaia o le ALII i le

ala, ma faamatala atu na ia lauga ma le lē fefe i Tamaseko i le

suafa o IESU.

Peitai na faaoso e Satani tagata Iutaia ina ia latou fasioti

ia Paulo, ma na fetalai atu IESU ia te ia ina ‘ia ia tuua

Ierusalema. Ma a’o ia alu atu i isi aai ma lauga atu IESU, ma

faia vavega, e toatele tagata na liua, ma ina ua faamaloloina le

tagata e toatasi sa pipili talu lona fanau mai, o tagata sa tapua’i

i tupua, na latou sauni e fai taulaga mai i le au soo. Na tigā

le loto o Paulo, ma na ia fai atu ia i latou ua nā o i la’ua lava

o ni tagata, ma e tatau ona latou ifo i le ATUA o Lē na faia

le lagi ma le lalolagi, ma le sami, ma mea uma lava o loo i ai

i ia mea. Na siitia e Paulo le ATUA i o latou luma; peitai na lē

mafai ona ia taofia tagata. O le malamalamaaga muamua o le

faatuatua i le ATUA moni, ma le ifoga ma le viiga e patino ia

te Ia, sa fausia i totonu o o latou mafaufau; ma a’o latou

faalogologo atu ia Paulo, na una’iina atu e Satani tagata Iutaia

lē talitonu o isi aai ina ia latou mulimuli ia Paulo ina ia latou

faaumatiaina le galuega lelei na faia e ala atu ia te ia. Na

faatupulia e tagata Iutaia feteenaiga, ma faaleaga ai mafaufau o

nā tagata ifo i tupua e ala i ripoti sese e faatatau ia Paulo. O le

ofo ma le naunau o tagata, na suia nei i le ita, ma o i latou na

sauni e ifo i le au soo i se taimi puupuu na faato’a mavae atu,

na latou fetogia Paulo i ma’a, ma toso ia te ia i fafo o le aai, ma

latou manatu ai ua oti o ia. Peitai a’o tulai le au soo 95

faataaliolio ia Paulo, ma fetagisi ona o ia, na ia tula’i a’e i luga

ma na latou olioli ai, ma latou o atu faatasi loa ma ia i le aai.

A’o laugaina IESU e Paulo, o se tasi fafine na ulufia e se

agaga leaga, na mulimuli atu ia i latou, ma alaga faapea, O nei

tane o auauna ia a le ATUA silisiliese, o loo latou faailoa mai

82

ia i tatou le ala o le faaolataga. Na faapena ona ia mulimuli atu

i le au soo i aso e tele. Peitai na tigā Paulo; auā o lenei alaga

taumulimuli atu ia i latou, na liliueseina ai mafaufau o tagata

mai i le upu moni. O le sini a Satani i le taitaia o lenei fafine e

faia lenei mea, o le faainoinoina lea o tagata, ma faaumatia ai

aafiaga o le au soo. Peitai na tiga le agaga o Paulo i totonu ia te

ia, ma na ia liliu atu i le fafine, ma fai atu i le agaga, Ou te

faatonu atu ia te oe i le suafa o IESU KERISO inā ē sau ia i

fafo mai ia te ia, ona a’oa’iina ai lea o le agaga leaga, ma ia

tuua ai loa o ia.

Na fiafia ona matai ina ua ia alaga taumulimuli atu i le au

soo; peitai ina ua tuua o ia e le agaga leaga, ma na latou vaaia

ai loa o ia o se soo loto maulalo o KERISO, na latou matuā

lilivau. Sa tele le tupe na latou faaputuina ona o ana faaaliga e

faatatau i oa, a’o lenei ua aveesea le faamoemoe o lo latou oa

maua mai. O le sini a Satani na faatoilaloina; peitai o ana

auauna na latou pu’e ia Paulo ma Sila, ma avatu ia i laua i le

nofoaga i le maketi, i ta’ita’i, ma le au faitulafono, ma faapea

atu, O nei tane Iutaia o loo la matuā faatupu faalavelave i lo

tatou aai. Ma na tetee faatasi mai le motu o tagata ia i laua, ma

na saei ese o la ofu e le au fai tulafono, ma faatonu atu ina ia

sasa ia i la’ua. Ma ina 96

ua uma ona latou tuuina atu tā e tele ia i laua, na latou lafo atu

ia i laua i le fale puipui, ma faatonu atu i le pule o le fale puipui

ina ia loka i laua ina ia aua ne’i o la sosola, ma, o le mauaina e

le pule o le falepuipui o lea ituaiga faatonuga, o lea na ia tuu

atu ai i la’ua i totonu o le falepuipui aupito i totonu ma fa’amau

i o la vae i laau. Peitai na faatasi atu agelu a le ATUA ia i laua i

totonu o puipui o le falepuipui. O le falepuipuiina o i la’ua na

molimau mo le viiga o le ATUA, ma faailoa atu ai i tagata sa i

ai le ATUA i le galuega, ma Ana auauna filifilia, ma o pa poo

puipui o fale puipui, e mafai ona lūlūina, ma o u’amea malolosi

na faigofie lava ona mafai ona tatalaina e Ia.

83

I le tulua o po ma ao na tatalo ai Paulo ma Sila, ma la

usuina ai viiga i le ATUA, ma na faafuasei ona lūlū se mafuie

tele lava, o lea na lūlūina ai faavae o le falepuipui; ma na ou

vaaia, o le taimi lava lena na tatala ai e le agelu a le ATUA

noanoataga o pagota uma lava. Na ala a’e le leoleo o le

falepuipui ma na ia fefe a’o ia vaai atu i faitotoa o le falepuipui

o matala mai. Na ia manatu ua sosola uma pagota, ma o le a

faasalaina o ia i le oti. A’o ia sauni e fasioti ia te ia lava, na

alaga atu Paulo i se leo tele lava ma faapea atu, Aua ne’i faia e

oe se mea e leaga ai oe, auā o loo iinei i matou uma lava. O le

mana o le ATUA na faatalitonuina ai le leoleo o le falepuipui.

Na ia valaau atu mo se molī, ona oso mai lea o ia, ma sau ma le

gatete, ma faapaū mai i luma o Paulo ma Sila, ua na aumaia foi

i laua i fafo, ma faapea mai, Alii e, o le a se mea e tatau ona ou

faia ina ia faaolaina ai a’u? Ona la fai atu lea, Ia e talitonu i le

ALII o IESU KERISO, ona faaolaina ai lea o oe ma lou aiga.

Ona faapotopoto ai lea e le leoleo o le falepuipui lona aiga atoa

lava, ma na lauga atu e Paulo IESU ia i latou. O le loto o le

leoleo o le fale puipui 97

na faatasi atu i nā uso, ma sa ia fufuluina o lā manu’a, ma o ia

ma lona aiga atoa, na papatisoina uma i lena po. Ona ia tuu atu

lea o meaai i o la luma, ma olioli, ma talitonu i le ATUA,

faatasi ma lona aiga atoa lava.

O le tala matagofie na salalau atu e faatatau i le mana

ofoofogia o le ATUA na faaalia i le tatalaina o faitotoa o le

falepuipui, ma le liuaga ma le papatisoga o le leoleo o le fale

puipui ma lona aiga. Na faalogo ta’ita’i i nei mea, ma na latou

fefefe, ma na latou auina atu i le leoleo o le falepuipui, ma

avatu lo latou mana’o ia te ia ina ia tatala Paulo ma Sila ma tuu

atu ia o. Peitai e le’i mana’o Paulo na te tuua faalilolilo le

falepuipui. Na ia fai atu i auauna, Ua sasa mai i latou ia i ma’ua

a’o le’i faasalaina, i luma o le nuu, a’o i ma’ua o tagata Roma

ma tuu atu i maua i totonu o le falepuipui; ae latou te tuuina atu

faalilolilo ea i ma’ua ia o? E leai, e leai lava; a ia o mai lava i

84

latou e avatu i ma’ua i fafo. E le’i mananao Paulo ma Sila e

natia le faaaliga o le mana o le ATUA. Ona molia atu lea o

nei upu e auauna i faamasino; ma na latou matata’u ina ua latou

faalogo o i laua o tagata Roma. Ona latou o mai lea ma ole mai

ia te i laua, ma aumai i laua i fafo, ma aioi mai ia la o ese atu

mai i le aai. _________

98

MATAUPU 16

Na Asiasi Paulo i Ierusalema

I se taimi puupuu lava ina ua mavae le liuaga o Paulo, na

ia asiasi ai i Ierusalema, ma ia laugaina ai IESU, ma mea

ofoofogia o Lona alofa tunoa. Na ia faamatala atu lona liuaga

faavavega, na lilivau ai faitaulaga ma ta’ita’i, ma na latou saili

ai e fasioti ia te ia. Peitai, ina ia laveaia lona ola, o lea na toe

faaali ai IESU ia te ia i se faaaliga a’o ia tatalo, ma fetalai atu ia

te ia, Ia ē alu ese vave mai i Ierusalema; auā o le a latou lē talia

lau molimau e faatatau ia te A’u. Na aioi atu ma le finafinau

Paulo ia IESU, le ALII e, o lo o latou iloa sa ou falepuipuiina

ma sasa i totonu o sunako uma i latou na talitonu ia te Oe. Ma

ina ua sasaaina le toto o Lau auauna o Setefano, sa ou tulai ai

foi i tafatafa ma ou loto malie i lona oti, ma taofi ofu o i latou

na fasiotia o ia. Na manatu Paulo na lē mafai e tagata Iutaia i

Ierusalema ona teena lana molimau; ma sa faapea lava ia o le a

latou manatu, o le suiga tele ia te ia sa na o le mana lava o le

ATUA na mafai ai ona faataunuuina. Peitai na fetalai atu IESU

ia te ia, Alu atu ia, auā o le a Ou auina mamao atu lava oe i nuu

ese.

I le alu ese o Paulo mai i Ierusalema, na ia tusia ai tusi e

tele lava i nuu eseese, ma faamatala atu ai lona liuaga, ma

avatu ai se molimau malosi lava. Peitai na saili nisi e faaumatia

le aafiaga o nā tusi. Sa latou ioeina o ana tusi na matua mamafa

lava ma malolosi; peitai na latou faailoa mai o lona

85

99

faatasi mai i le tino, sa vaivai, ma o lana tautala na inosia.

Na ou vaaia o Paulo o se tane lea na tele lava lana

a’oa’oga, ma o lona poto ma ona uiga na fiafia ma tosina i ai i

latou na faalogo ia te ia. O tane a’o’oga na faamalieina i lona

iloa, ma o le toatele o i latou na talitonu ia IESU. A ia tulai i

luma o tupu ma faapotopotoga tetele lava, na te tautala atu i le

agavaa malosi ma le manino ma le tomai e faatauanauina ai, lea

o le a faatoilaloina ai i latou uma o loo i ona luma. O lenei

tulaga na matuā lilivau ai faitaulaga ma toeaiina. Na faigofie ia

Paulo ona ulufale atu i manatunatuga loloto, ma siitia a’e i

luga, ma ia aveina faatasi ai ma tagata, i faasologa o manatu sili

ona faasilisiliina, ma faailoa mai ai oa loloto o le alofa tunoa o

le ATUA, ma faailoa atu ai ia i latou le alofa ofoofogia o

KERISO. Ona ia toe agai mai lea i lalo i se tulaga faigofie i le

malamalamaaga o tagata lautele, ma faamatala mai ai lona

liuaga i se uiga sili ona malosi na osofia ai i latou i

faanaunauga sili ona vilivilitai ina ia avea i latou ma soo o

KERISO.

Na faailoa mai e le ALII ia Paulo e tatau ona ia toe fo’i

atu i Ierusalema; ma o le a fusifusia ai o ia iina ma puapuagatia

ai mo Lona suafa. Ma e ui lava ina sa avea o ia ma pagota mo

se vaega taimi umi lava, ae na tauaveina i luma e le ALII Lana

galuega faapitoa e ala atu ia te ia. O filifili o Paulo na fuafuaina

e avea ma auala o le faasalalauina atu o le malamalama e

faatatau ia KERISO, ma faapena ona viia ma faamamaluina ai

le ATUA. A’o auina atu o ia mai i lea aai i lea aai mo lona

faamasinoga, o le molimau e faatatau ia IESU, ma mea

ofoofogia na tutupu e faatatau i lona liuaga sa faamatalaina 100

i luma o tupu ma kovana, ina ia lē tuua i latou e aunoa ma se

molimau e faatatau ia IESU. E afe ma afe tagata na talitonu ia

te Ia ma olioli ai i Lona suafa. Na ou vaaia o le fuafuaga

faapitoa a le ATUA na faataunuuina i le malaga a Paulo i luga

o le sami, ina ia molimauina e le au faigaluega o le vaa le mana

o le ATUA e ala atu ia Paulo, ma ‘ia faalogo foi tagata

86

faapaupau i le suafa o IESU, ma ia liua ai le toatele e ala i ana

a’oa’oga, ma lo latou molimauina o vavega na ia faia. O tupu

ma kovana sa fiafia i ana faamatalaga ma lauga, ma a’o ia

laugaina IESU ma le vilivilitai ma le mana o le Agaga Paia, ma

faamatala atu mea ofoofogia o lona liuaga, na faamausaliina ai

i luga ia i latou le talitonuga o IESU o le ALO lava lea o le

ATUA; ma a’o manatunatu ma le ofo nisi a’o latou faalogo ia

Paulo, na alaga a’e le tasi, Toeitiiti lava a ē faatauanauina a’u

ina ia avea ma kerisiano. Ae na latou manatu o se taimi oi

lumanai, o le a latou manatunatu ai i mea ua latou faalogo ai.

Na faaaoga e Satani le faatuai lea, ma a’o latou faatalalē i lena

avanoa a’o faamaulaloina o latou loto, o lena avanoa, latou te

le’i toe maua lava e faavavau. Na i’u ina faama’a’aina o latou

loto.

Na faailoaina mai ia te a’u le galuega a Satani i lona

faatauasoina muamua o mata o tagata Iutaia ina ia latou lē

taliaina IESU o Ia o le FAAOLA; ona sosoo ai lea ma lona

taitaia o i latou, e ala i le lotovale loto leaga ona o Ana galuega

mamana, ina ia latou mananao e fasioti ia te Ia. Na ulufia e

Satani le tasi o soo o IESU, ma taitaia pea o ia ina ‘ia ia

faalataina atu o Ia i o latou lima, ma na latou faasatauroina ai le

ALII o le ola ma le mamalu. Ina ua mavae le toe soifua mai o

IESU 101

nai le oti, na faaopoopo e tagata Iutaia le agasala i le agasala

a’o latou saili e natia le mea moni e faatatau i Lona toe soifua

mai, e ala i lo latou togitupeina o fitafita Roma ina ia latou

molimau i se molimau pepelo. Peitai o le toe soifua mai o

IESU na faaluaina lona faamautinoaina e ala i le toe faatuina

mai nai le oti o se motu e toatele o molimau o ē na toe faatuina

faatasi mai ma Ia. Na faaali IESU i Ona soo, ma tagata e sili

atu ma le lima selau i le taimi e tasi, a’o i latou na Ia toe

faatuina faatasi mai ma Ia, na latou faaali i tagata e toatele ma

latou faailoa atu ia i latou ua toe soifua mai IESU.

87

Na faaosofia e Satani tagata Iutaia ina ia latou tetee i le

ATUA, e ala i lo latou mumusu e talia Lona ALO, ma le

faaleagaina o o latou lima i le toto sili ona paia i lo latou

faasatauroina o Ia. Poo le a lava le matagofie o le faamaoniga

na tuuina atu e faamaonia ai o IESU o Ia o le ALO o le ATUA,

le Faaola o le lalolagi; na latou fasiotia lava o Ia, ma na lē

mafai ona latou talia soo se isi lava faamaoniga e talia ai o Ia.

Na pau lava lo latou faamoemoe ma lo latou faamafanafanaga e

tasi, e faapei o Satani ina ua mavae lona pa’ū, o le taumafai lea

e faatoilalo le ALO o le ATUA. Na latou faaauau la latou tetee

e ala i lo latou sauāina o soo o KERISO, ma le fasiotia o i

latou. E leai lava se isi mea na sili ona tigā ai tele o latou taliga

nai lo le suafa o IESU lea na latou faasatauroina; ma na latou

finafinau ina ia aua ne’i latou faalogo i soo se faamaoniga lava

mo Ia. E faapei o le mea na tupu ia Setefano, a’o faailoa atu e

le Agaga Paia e ala atu ia te ia le faamaoniga tele lava e iloa ai

o Ia o le ALO o le ATUA, na latou punitia o latou taliga ne’i

faatalitonuina i latou. Ma a’o siomia Setefano i le pupula o le

ATUA, na latou fetogia o ia i maa ma oti ai. Na matuā

taofimau e Satani i latou na fasiotia IESU 102

i lana puleaga. O galuega leaga na latou gaua’iina atu ai i latou

ia avea ma ana auauna naunau, ma o i latou foi na ala atu ai

lana galuega o le faaatuatuvaleina ma le faatiga i ē na talitonu

ia KERISO. Na ia galue e ala atu i tagata Iutaia ina ia faaoso i

tagata o nuu ese ia inoino i le suafa o IESU, ma i latou na

mulimuli ia te Ia, ma talitonu i Lona suafa. Peitai na auina mai

e le ATUA Ana agelu ina ia faamalosia le au soo mo la latou

galuega, ina ia latou molimau i mea na latou vaai ma faalogo

ai, ma i’u mulimuli ai, i lo latou tumau mausali, i le faamauina

o la latou molimau i lo latou toto.

Na olioli Satani ina ua saogalemu tagata Iutaia i totonu o

lana mailei. Na latou faaauau pea a latou faatinoga lē aoga, o a

latou faiga taulaga fasia ma sauniga. A’o tautau IESU i luga o

le satauro, ma alaga, Ua uma ona fai, na saeluaina le veli o le

88

malumalu, mai i luga e o’o i lalo, na faailoa mai ai o le a lē

toe feiloai le ATUA ma faitaulaga i totonu o le malumalu

ina ia talia a latou taulaga fasia ma sauniga; ma ia faailoa

mai ai foi na talepeina i lalo le pa pupuni i le va o tagata Iutaia

ma tagata o nuu ese. Ua uma ona faia e IESU le taulaga o le

ofoina atu o Ia lava mo vaega nei e lua, ma afai e faaolaina se

tasi mai i nei vaega e lua, e tatau ona la talitonu uma ia IESU o

le taulaga e tasi lava lea mo le agasala, ma le Faaola o le

lalolagi.

A’o tautau IESU i luga o le satauro, a’o tu’ia e le fitafita

lona itu i se tao, na masaa mai ai le vai ma le toto, i tafega

maoti eseese e lua, o le tasi o le toto, o le isi o le vai manino. O

le toto na maligi ina ia fufulu ese ai agasala a i latou 103

o le a talitonu i Lona suafa. O le vai o loo faatusa mai ai lena

vai ola e maua mai ia IESU ina ia foai mai ai le ola i lē e

talitonu. _________

MATAUPU 17

O le Fulituaga Tele

Na aveina a’u i luma i le taimi na sauāina leaga ai

kerisiano e tagata faapaupau ifo i tupua, ma fasiotia i latou. O

le toto na masaa faavai. O tagata o aigā tupu, o i latou o

a’oa’oga maualuluga, ma tagata lautele, na fasiotia tutusa i

latou e aunoa ma se alofa. O aiga mauoa na faamatitivaina ona

latou te lē’i mananao e lafoaia la latou tapuaiga. E ui lava i

sauaga ma puapuaga, o na kerisiano na latou onosai tumau, na

latou lē mananao lava e tuu i lalo le tapulaa. Sa latou

faatumauina le mamā o la latou tapuaiga. Na ou vaaia na fiafia

ma manumalo Satani i mafatiaga o tagata o le ATUA. Peitai na

silasila mai le ATUA ma le fiafia tele lava i Ona tagata

faamaoni na fasiotia faamaturo, ma o kerisiano na ola i lena

taimi matautia na matua alofagia lava e Ia, auā na latou naunau

89

e puapuagatia mo Ia. O mafatiaga uma na onosaia e i latou, na

faateleina ai lo latou taui i le lagi. Peitai e ui lava ina sa olioli

Satani ona sa puapuagatia le au paia, ae e le’i faamalieina o ia.

Na ia manao na te pulea le mafaufau e faapena foi ma le tino. O

mafatiaga na onosaia e na kerisiano na tosina latalata atu ai

lava i latou i le ALII, ma taitaia ai i latou ina ia latou 104

alolofa le tasi i le isi, ma osofia ai i latou ina ia sili atu lava lo

latou mata’u i le faia o mea e lē fiafia mai ai o Ia. Na manao

Satani ia taitaia i latou ia latou faaosofia le toasa o le ATUA;

ona leai loa lea o so latou malosi, finafinau ma so latou

mausali. E ui lava ina afe ma afe na fasiotia, ae na tulai mai isi

e tutū i o latou tulaga. Na iloa e Satani na aveesea mai ona

tagata mai ia te ia, ma e ui lava ina sa latou puapuagatia i

sauāga ma le oti, ae na faamausaliina i latou ia IESU KERISO,

ina ia avea ma tagata o lona malo, ma na ia folasia ana

fuafuaga ina ia sili atu ona faamanuiaina ai lona tau atu agai i

le faigamalo a le ATUA, ma faatoilaloina ai le ekalesia. Na ia

taitaia pea i luma nā tagata faapaupau ifo i tupua ina ia latou

talia na o se vaega o le faatuatuaga faakerisiano. Na latou

tautino mai latou te talitonu i le faasatauroga ma le toe soifua

mai o KERISO, e aunoa ma se suiga i le loto, ma latou fai mai

latou te mananao e faatasi ma soo o IESU. Oka, le lamatiaga

matautia o le ekalesia! O se taimi lea o le mafatiaga

faalemafaufau. O nisi na manatu afai latou te tuuina i lalo le

tapulaa ma faatasi ma nei tagata ifo i tupua na taliaina se vaega

o le faatuatuaga faakerisiano, o le a avea lea ma auala o lo latou

liuaga. Na saili Satani e faaleaga mataupu o le Tusi Paia. Na i’u

mulimuli lava ina ou vaaia ua tuu i lalo le tapulaa, ma o na

tagata faapaupau, na faatasi mai i kerisiano. O i latou o ni

tagata sa ifo i tupua, ma e ui lava ina latou tautino mai o i latou

o kerisiano, ae na latou aumaia faatasi ma i latou lo latou ifo i

tupua. Sa na ona latou suia mea sa latou tapuai i ai, i faatusa o

le au paia, ma le faatusa o KERISO, ma Maria le tina o IESU.

O kerisiano na i’u ina latou faatasi ma i latou,

90

105

ma na faaleagaina ai le tapuaiga kerisiano, ma aveesea ai loa le

mamā ma le malosi o le ekalesia. O nisi na mumusu e faatasi

ma i latou ma na latou faatumauina lo latou mamā, ma na

latou ifo i le ATUA ua na o Ia lava. Na latou lē mananao e ifo

i lalo i soo se faatusa o soo se mea i le lagi i luga, poo le fanua i

lalo.

Na olioli Satani i le pa’ū o le toatele o tagata, ona ia

osofia lea o le ekalesia pa’ū ina ia faamalosia i latou o loo

mananao e faatumauina le mamā o la latou tapuaiga, ina ia

latou gauai i a latou sauniga ma tapuaiga faia i faatusa, poo le

fasiotia o i latou. Ona toe tŭtŭina lea o afi o sauāga agai i le

ekalesia moni a IESU KERISO, ma e miliona ma miliona na

fasiotia e aunoa ma le alofa.

Na faailoaina mai ia te a’u faapenei: O se vaega tele lava

o tagata faapaupau ifo i tupua sa latou tauaveina se fu’a uliuli

sa tusia ai faatusa o le la, masina ma fetu. O lea vaega o tagata

na foliga mai na matua sauā lava ma feita. Ona faailoaina mai

lea ia te a’u se isi vaega o tagata o tauaveina se fu’a mamā

pa’epa’e, ma sa tusia ai i luga upu ia, Mamā, ma Faapaiaina mo

le ALII. O o latou foliga na iloga mai i le mausali ma le

onosai faalelagi. Na ou vaai i tagata faapaupau ifo i tupua o

faalatalata atu ia i latou, ona fasiotia lea o le toatele o i latou. O

kerisiano na faaitiitia ese atu i o latou luma, peitai o le vaega o

kerisiano na atili ai ona latou tutū faatasi, ma umia sili atu ona

mausali le fu’a. A’o fasiotia le toatele o i latou, o isi sa

faapotopoto faataamilo mai i le fu’a ma faatumulia o latou

tulaga.

Na ou vaai i le vaega o tagata ifo i tupua o talanoa 106

faatasi. E le’i mafai ona latou faia ia gauai atu kerisiano ia i

latou, ma na latou malilie i se isi fuafuaga. Na ou vaai ia i latou

o tuu i lalo la latou fu’a, ma na latou faalatalata atu i lena vaega

o kerisiano mausali, ma avatu o latou manaoga ia i latou. O le

taimi muamua na matua teena atoa ai lava o latou manaoga.

91

Ona ou vaai lea i le vaega o kerisiano o talanoa faatasi. O nisi

na fai mai o le a latou tuuina i lalo le fu’a, ma talia le manaoga

poo le ofo na aumai, ma lavea’i ai o latou ola, ma mafai

mulimuli ai lava ona latou maua le malosi e siitia ai la latou

fu’a i le lotolotoi o na tagata faapaupau ifo i tupua. Peitai o nisi

na lē mananao e gauai i lenei fuafuaga, ae na latou filifili ma le

mausali e feoti o umia pea la latou fu’a, nai lo lo latou tuuina i

lalo. Ona ou vaai lea i le toatele o lena vaega o kerisiano ua

latou tuuina i lalo le fu’a, ma faatasi ma tagata faapaupau, a’o i

latou na tumau ma mausali na latou fetagofi atu i le fu’a, ma

toe sii maualuga i luga. Na ou vaai i tagata taitoatasi o faaauau

ona latou tuua le vaega o i latou o loo tauaveina le fu’a mamā,

ma faatasi atu i tagata ifo i tupua, ona latou faatasi uma ai lea i

lalo o le fu’a uliuli, ina ia sauāina i latou o loo tauaveina le fu’a

pa’epa’e, ma e toatele i latou na fasiotia, peitai o le fu’a

pa’epa’e na siitiaina maualuga lava, ma na faatuina a’e tagata

taitoatasi e faapotopoto i lalo o le fu’a lea.

O tagata Iutaia ia na uluai amataina le ita tele o tagata o

nuu ese ia IESU, latou te lē sao mai i la latou agasala. I totonu

o le fale faamasino, na alalaga ai tagata matua feita lava o

Iutaia a’o faalotolotolua Pilato pe faasala ia IESU, Ia i luga ia i

matou ma a matou fanau Lona toto. O tagata Iutaia na latou

iloaina le faataunuuga o lenei malaia matautia na latou aumaia i

luga 107

o o latou lava ulu. O tagata faapaupau ma i latou na faaigoaina

o kerisiano o o latou fili uma i latou. O nā kerisiano sa tautino

mai o i latou o kerisiano, i lo latou vilivilitai mo le satauro o

KERISO ona sa faasatauro e tagata Iutaia IESU, na latou

manatu ai o le sili atu o mafatiaga na mafai ona latou aumaia i

luga ia i latou, o le sili atu foi lena o lo latou faamalieina o le

ATUA, ma o le toatele o nā tagata Iutaia lē talitonu na fasiotia,

a’o isi na tulia mai i lea nofoaga i lea nofoaga, ma sa toetoe

lava a faasalaina i latou i soo se ituaiga faasalaga lava.

92

O le toto o KERISO, ma le au soo, o ē na latou fasiotia,

sa i luga ia i latou, ma na faasalaina i latou i faasalaga matautia

lava. O le malaia mai i le ATUA na mulimuli ia i latou, ma sa

avea i latou ma upu faatusa ma tauemuga i nuu ese ma

kerisiano. Na teena i latou, ta’ufaatauvaaina ma matua inosia

lava, e peiseai sa i luga ia i latou le faailoga o Kaino. Ae na ou

vaaia na tausia ofoofogia e le ATUA nei tagata, ma

faasalalauina i latou i le lalolagi uma, ina ia vaaia ai e tagata ua

faasalaina faapitoa lava i latou i se malaia mai i le ATUA. Na

ou vaaia na lafoaia e le ATUA tagata Iutaia i le avea o i latou

ma malo, ae sa i ai se vaega o i latou o le a faamalosia ina ia

mafai ona latou saeieseina le veli mai i o latou loto. O nisi o le

a latou iloa ua faataunuuina le valoaga e faatatau ia i latou, ma

o le a latou talia IESU o le Faaola lea o le lalolagi, ma latou

iloa ai le agasala tele lava a lo latou malo i le teena o IESU, ma

le faasatauroina o Ia. O tagata taitoatasi i le lotolotoi o tagata

Iutaia, o le a liua, peitai i le avea o i latou ma malo, ua lafoaia i

latou e faavavau e le ATUA. _________

108

MATAUPU 18

Mealilo o le Amioleaga

O le fuafuaga lava a Satani i taimi uma le tosina ese mai

o mafaufau o tagata mai ia IESU agai atu i le tagata, ma ia

faaumatia le matafaioi o tagata taitoatasi e faamaoni ai i o

latou tiute. Na toilalo Satani i lana fuafuaga ina ua ia

faaosoosoina le Alo o le ATUA. Na sili atu ona ia manumalo

a’o ia sau i le tagata pa’ū. O le mataupu o le Faakerisiano na

faaleagaina. O pope ma faitaulaga na latou manatu ina ia siitia i

latou, ma latou a’oa’o ai i tagata ina ia vaavaai atu ia i latou ia

faamagaloina ai a latou agasala, e aunoa ma lo latou vaavaai

atu ia KERISO mo i latou lava. O le Tusi Paia na taofia mai ia i

latou, ina ia natia ai upu moni o le a faasalaina ai i latou.

93

O tagata na faaseseina atoa lava. Na a’oa’oina i latou

faapea o pope ma faitaulaga o sui ia o KERISO, a’o le mea

moni o sui ia o Satani; ma ina ua latou ifo atu ia i latou, na

latou ifo atu ai ia Satani. Na alalaga tagata mo le Tusi Paia,

peitai na manatu faitaulaga o se lamatiaga le faatagaina o i

latou ia i ai ia i latou le Upu a le ATUA ina ia latou faitauina

mo i latou lava, ne’i faamalamalamaina i latou, ma ina ne’i

faaalia a latou agasala. Na a’oa’oina tagata ina ia latou vaavaai

atu i nei tagata faasese tagata, ma ia talia upu taitasi uma lava

mai ia i latou, e peiseai o ni upu mai i le fofoga o le ATUA. Sa

latou taofia lena pule i le mafaufau o le tagata, lea e na o le

ATUA lava e tatau ona Ia pulea. Ma afai na i ai nisi na lē

fefefe i le mulimuli i o latou lava talitonuga, o le ita lava lea na

faia e Satani ma tagata Iutaia 109

ia IESU o le a faia foi ia i latou, ma o i latou sa i tulaga pule o

le a faanaunau foi mo lo latou toto. Na faailoa mai ia te a’u se

taimi na manumalo faapitoa ai lava Satani. O le mano ni mano

o Kerisiano na fasiotia i se tulaga leaga lava ona sa latou

mananao e faatumauina le mamā o la latou tapuaiga.

O le Tusi Paia na itagia, ma na faia taumafaiga ina ia

aveesea mai i le laueleele le Upu paia a le ATUA. Na faasāina

le faitauina o le Tusi Paia i le faasalaga o le oti, ma o kopi uma

lava o le Tusi Paia na mafai ona maua, na susunuina uma.

Peitai na ou vaaia sa i ai le tausiga faapitoa a le ATUA mo

Lana Upu. Na ia puipuia le Tusi Paia. I vaega taimi eseese sa

itiiti lava kopi o le Tusi Paia sa i ai, ae e le’i faatagaina e le

ATUA Lana Upu ina ia leiloa atoa. Ma i aso mulimuli, o kopi o

le Tusi Paia o le a matua tele lava o lea o le a maua ai e aiga

taitasi uma le Tusi Paia. Na ou vaaia, a’o itiiti lava kopi o le

Tusi Paia sa i ai, na matua pele lava ma faamafanafanaina ai

soo sauāina o IESU. Na faitauina le Tusi Paia i le tulaga sili

ona lilo, ma o i latou sa i ai lenei avanoa sili ona maualuga na

latou lagona sa latou talanoa ma le ATUA, ma lona ALO o

IESU, ma ona soo. Peitai o lenei avanoa sili ona faamanuiaina

94

na aveesea ai le ola o le toatele o i latou. Afai e iloaina, ona

aveesea lea o i latou mai i le faitauina o le Upu paia agai atu i

le nofoaga na fasiotia ai, ma le nofoaga na susunuina ai, poo

falepuipui foi i lalo o le eleele ina ia feoti ai i le fia aai.

Na le’i mafai e Satani ona faaleagaina le fuafuaga o le

faaolataga. Na faasatauroina IESU, ma toe soifua mai i le aso

lona tolu. Na fai atu Satani i ana agelu o le a ia faia 110

le faasatauroga ma le toe soifua mai o IESU o se molimau mo

le faamanuiaina ai o lana galuega. Na ia manao ia i latou na

tautinoina le faatuatua ia IESU ina ia latou talitonu, o tulafono

na pulea ai taulaga fasia ma taulaga ofo fua a tagata Iutaia, na

muta i le maliu o KERISO, pe afai na mafai ona ia una’iina

teisi i latou ma faatalitonuina i latou faapea o le tulafono o

poloaiga e sefulu, na oti foi faatasi ma KERISO.

Na ou vaaia o le toatele o tagata na gauai faigofie atu i

lenei faufauga a Satani. O le lagi atoa uma na osofia i le ita a’o

latou vaaia le tulafono paia a le ATUA o solia i vae. O IESU

ma le au uma o agelu o le lagi na latou malamalama lelei i le

natura o le tulafono a le ATUA, na latou iloa o le a Ia lē suia pe

faaumatia foi Lana tulafono. O le tulaga leai se faamoemoe o le

tagata, na faatupulia ai le faanoanoa sili ona loloto i le lagi, ma

osofia ai le finagalo o IESU ina ia ofo mai o Ia e maliu mo ē na

solia le tulafono paia a le ATUA. Ana mafai ona faaumatia

lenei tulafono, semanu e mafai ona laveaiina le tagata e aunoa

ma le maliu o IESU. O le maliu o KERISO e le’i faaumatiaina

ai le tulafono a Lona Tamā, peitai na siitiaina ma

faamamaluina ai le tulafono, ma faamalosia ai le usitai i ona

poloaiga paia uma lava. Ana faapea e tumau le ekalesia i le

mamā ma le mausali, semanu e lē mafai ona faaseseina e

Satani, ma taitaia ai i latou e soli i le tulafono a le ATUA. I

lenei fuafuaga lē fefe, na taia tuusa’o ai lava e Satani le faavae

o le faigamalo a le ATUA i le lagi ma le lalolagi. O lana tetee

na mafua ai ona tuliesea o ia mai i le lagi. Ina ua mavae ona ia

95

tetee, o le auala e laveaiina ai o ia, na ia manao i le ATUA ina

‘ia Ia suia Lana tulafono, peitai na fetalai atu le ATUA ia 111

Satani, i luma o le au agelu uma a le lagi, o Lana tulafono e lē

mafai ona suia. Na iloa e Satani afai e mafai ona ia faaosofia isi

ina ia latou solia le tulafono a le ATUA, ua ia mautinoa lona

mauaina o i latou, auā o tagata uma lava e solia le tulafono e

tatau ona oti.

Na filifili Satani ina ia agai atili pea i luma atu o lenei

manatu. Na ia fai atu i ana agelu o nisi o le a latou matua fuā

lava mo le tulafono a le ATUA o lea o le a lē mafai ai ona

maua i latou i lenei mailei, ma o poloaiga e sefulu na matua

manino lava o lea o le a talitonu ai le toatele o tagata o loo

tumau pea nei poloaiga, o lea e tatau ai ona ia saili e

faaleagaina le poloaiga lona fa lea o loo faailoa mai ai le

ATUA soifua. Na ia taitaia pea i luma ona sui ina ia taumafai e

suia le Sapati, ma suia ai le poloaiga e tasi lava lea mai i

poloaiga e sefulu lea o loo faailoa mai ai le ATUA moni, o Lē

na faia lagi ma le lalolagi. Na faailoa atu e Satani ia i latou le

toe soifua mamana mai o IESU, ma fai atu ia i latou o Lona toe

soifua mai i le uluai aso o le vaiaso, na Ia suia ai le Sapati mai i

le aso lona fitu agai atu i le aso muamua o le vaiaso. Na

faapena ona faaaoga e Satani le toe soifua mai o IESU ina ia

faataunuuina ai lana fuafuaga. O ia ma ana agelu na olioli ona

o a’oa’oga sese na latou saunia na matuā talia lava e i latou o

loo tautino mai o i latou o uo a KERISO. O le mea o le a

vaavaai atu i ai se tasi tagata ma le mata’u faaletapuaiga, o le a

talia e le isi. O a’oa’oga sese eseese o le a talia, ma o le a

puipuia ma le vilivilitai. O le finagalo o le ATUA o loo faaalia

manino mai i Lana Upu, sa ufitia i a’oa’oga sese ma aganuu ia

sa a’oa’oina e avea ma poloaiga a le ATUA. Peitai e ui lava ina

faatagaina lenei faaseseega lē fefe i le ATUA ina ia

96

112

tauaveina mai i lalo i le taimi atoa seia o’o i le toe faaali faalua

mai o IESU, peitai o lenei taimi atoa lava o a’oa’oga sese ma

faaseseega, e le’i tuua ai lava le ATUA e aunoa ma se

molimau. Sa i ai lava molimau moni ma le faamaoni na tausia

poloaiga uma lava a le ATUA i le lotolotoi o le pogisa ma

sauāga o le ekalesia.

Na ou vaaia o agelu sa faatumulia i le ofo tele a’o latou

vaaia puapuaga ma le maliu o le Tupu o le mamalu. Peitai na

ou vaaia foi e lē o se mea e ofo ai i le au o agelu, le talepeina o

fusi o le oti e le ALII o le ola ma le mamalu, o Lē na

faatumulia le lagi uma i le olioli ma le pupula, ma savali mai

nai lona fale puipui o Ia o se tagata manumalo. Ma afai e tatau

ona faamanatuina se tasi o nei mea tutupu e se aso malolo, o le

faasatauroga lea. Peitai, na ou vaaia e le’i fuafuaina se tasi o

nei mea na tutupu ina ia suia pe faaumatia ai le tulafono a le

ATUA, peitai o loo aumaia le faamaoniga silisili lava o lona lē

masuia.

O nei mea taua e lua na tutupu o loo i ai o la

faamanatuga. O le auai i le faamanatuga a le ALII, o le areto

tofitofia ma le sua o le fua o le vine, tatou te faailoa atu ai le

maliu o le ALII seia toe afio mai o Ia. O le faamanatuina o

lenei faamanatuga, o vaaiga o Ona mafatiaga ma Lona maliu

ua toe aumaia ai i se tulaga faafouina i o tatou mafaufau. O le

toe soifua mai o KERISO o loo faamanatuina i le tatanuina

faatasi o i tatou ma Ia e ala i le papatisoga, ma toe faatuina a’e

ai nai le tuugamau suavai i le faatusa o Lona toe soifua mai, ina

ia ola ai i le ola faafouina. 113

Na faailoaina mai ia te a’u o le tulafono a le ATUA o le a

tumau mausali e faavavau, ma o le a i ai i le lalolagi fou e o’o i

le olaga atoa e faavavau. I le foafoaga, ina ua folasia faavae o

le lalolagi, o atalii o le ATUA na vaavaai atu ma le naunau i le

galuega a le ATUA foafoa, ma o le au uma lava o le lagi na

latou alalaga i le olioli. O le taimi lena na folasia ai faavae o le

97

Sapati. I le iuga o aso e ono o le foafoaga, na malolo ai le

ATUA i le aso lona fitu mai i Lana galuega uma lava na Ia faia,

ma na Ia faamanuia i le aso lona fitu ma faapaiaina, auā na Ia

malolo ai mai i Lana galuega uma lava. O le Sapati na faatuina

i Etena a’o le’i pa’ū le tagata, ma na tausia e Atamu ma Eva,

ma le au uma o agelu a le lagi. Na malolo le ATUA i le aso

lona fitu, ma faamanuia ma Ia faapaiaina, ma na ou vaaia o le

Sapati o le a lē faalēaogaina lava, peitai o le au paia faaolaina,

ma le au agelu uma, o le a latou tausia le Sapati e viia ai le

ATUA silisiliese i le olaga atoa e faavavau. _________

MATAUPU 19

O le Oti, e Lē o le Ola e Faavavau lea i le Mafatiaga

Faanoanoa

O Satani, na amata lana faaseseega i totonu o Etena. Na ia

fai atu ia Eva, O le a oulua lē oti moni lava. O le lesona

muamua lava lenei a Satani e faatatau i le ola pea e faavavau o

le agaga; ma sa ia tauaveina pea i luma lenei faaseseega mai i

lena taimi e o’o mai lava i le taimi lenei, ma o le a ia tauaveina

pea 114

i luma lenei a’oa’oga seia o’o ina laveaiina le fanau a le ATUA

mai i lo latou nofo pologa. Na faasino atu a’u ia Atamu ma Eva

i Etena. Na la aai i le fua o le laau faasaina, ma o le taimi lena

na tuu ai loa le pelu afi faataamilo i le laau o le ola, ma na tulia

i laua mai i le faatoaga, ina ne’i la aai i le fua o le laau o le ola,

ma avea ai i laua ma tagata agasala ola e faavavau. O le laau o

le ola na fuafuaina e faatumauina ai le ola e faavavau. Na ou

faalogo atu i se agelu o fesili faapea, O ai o le fanau a Atamu

ua sopoia atu lena pelu afi, ma ‘ai i le fua o le laau o le ola? Na

ou faalogo atu i se isi agelu o tali mai, E leai se tagata e toatasi

o le aiga o Atamu ua sopoia atu lena pelu afi ma ‘ai i le fua o

lena laau; o lea, e lē o i ai se tagata agasala e ola e faavavau. O

98

le agaga e agasala o le a oti lava ia i le oti e faavavau; o se oti

lea o le a faavavau lona umi, o le a leai ai se faamoemoe mo le

toe ola mai; ona faamalieina ai lea o le toasa o le ATUA.

O se mea na ou ofo tele ai i le mafai ona manumalo lelei

o Satani i le faatalitonuina o tagata, faapea o Upu a le ATUA

nei, O le agaga e agasala o le a oti lava ia, o lona uiga o le

agaga e agasala o le a lē oti, ae o le a ola e faavavau i le

pagatia. Na fai mai le agelu, O le ola o le ola lea, pe ola i le tiga

poo le fiafia foi. O le oti e leai se tiga o i ai, e lē o i ai se olioli,

leai foi se ita.

Na fai atu Satani i ana agelu ina ia faia se taumafaiga

faapitoa ina ia faasalalauina le faaseseega ma le pepelo lea na

uluai tautalagia atu ia Eva i totonu o Etena, O le a oulua lē oti

moni lava. Ma a’o talia lea a’oa’oga sese e tagata, ma na latou

talitonu ai faapea o le tagata e ola e faavavau lona agaga, na

taitaia 115

atili ai pea i latou e Satani ina ia latou talitonu, o le tagata

agasala o le a ola i le faanoanoaga e faavavau. Na saunia ai i le

taimi lena le ala mo Satani ina ia galue e ala mai i ana mea

faigaluega, ma siitia a’e ai le ATUA i luma o tagata faapea o Ia

o se ATUA sauā tauimasui tele; ma o i latou e lē faamalieina o

Ia, o le a Ia lafoina i seoli, ma faia i latou ina ia latou lagonaina

e faavavau Lona toasa, ma o le a latou puapuagatia ai i le

mafatiaga lē mafaamatalaina, a’o le taimi lea o le a Ia silasila

ifo ai ia i latou ma le loto faamalieina a’o latou taafifili solo i le

puapuaga matautia tele i le mumū foi o le afi e faavavau. Na

iloa e Satani, afai e talia lenei aoaoga sese, o le a fefefe ma

feita le toatele o tagata i le ATUA, e aunoa ma le alofagia o Ia

ma faaaloalogia, ma o le a taitaia ai le toatele lava o tagata ina

ia latou talitonu, o lapataiga a le Upu a le ATUA, o le a lē

faataunuuina moni i le tino nei, auā o le a feteenai ma Lana

amio o le agalelei ma le alofa, le lafoina o tagata na Ia

foafoaina ia faapuapuagatiaina e faavavau. Ua taitaia i latou e

Satani i se isi aoaoga sese, ina ia latou lē amanaia le

99

faamasinoga tonu a le ATUA, ma lapataiga i totonu o Lana

Upu, ma latou faailoa mai ai o Ia faapea o Ia o se ATUA e

alofa lava, ma o le a lē fano se tagata e toatasi, ae o tagata uma,

o tagata paia ma tagata agasala, o le a laveaiina mulimuli lava i

Lona malo. Talu ai ona o le iuga o le aoaoga sese lauiloa o le

ola e faavavau o le agaga o le tagata, ma le puapuagatia e

faavavau, ua maileia ai e Satani se isi vasega, ma taitaia ai pea i

latou i luma ina ia latou manatu o le Tusi Paia o se tusi lea e

le’i osofia e le Agaga Paia ona upu tusia. Latou te manatu o loo

a’oa’o mai ai le tele o mea lelei; peitai e lē mafai ona latou

faalagolago i ai ma alolofa i ai auā ua a’oa’oina i latou faapea o

le tusi lea, o loo faailoa mai ai le mataupu e faatatau i le

mafatiaga faanoanoa e faavavau. 116

Ua maileia foi e Satani se isi vasega, ma taitaia atili i

luma i latou i lo latou fai mai e leai se ATUA. E lē mafai ona

latou vaaia se mausali i le amio a le ATUA-o-le-Tusi-Paia, pe

afai o le a Ia faapuapuagatiaina e faavavau se vaega o le aiga

tagata i mafatiaga leaga; ma ua latou teena ai le Tusi Paia ma le

Puna o ona upu, ma ua latou manatu ai o le oti, o se moe lea e

faavavau.

Ona taitaia lea e Satani se isi foi vasega o tagata o loo

fefefe ma palaaai e faia le agasala, ma a uma ona latou agasala,

ona ia siitia a’e lea i o latou luma le manatu faapea o le totogi o

le agasala (e lē o le oti, peitai) o se olaga lea e faavavau i

puapuaga matautia lava, ina ia pagatia ai i tausaga lē mavae o

le olaga atoa e faavavau. Ua faaleleia atili e Satani le avanoa,

ma siitia atu ai i luma o o latou mafaufau vaivai, puapuaga

matautia o se seoli e leai sona mutaaga, ma pulea ai o latou

mafaufau, ma leai ai loa so latou malosi fai filifiliga. Ona olioli

lea o Satani ma ana agelu, ona faatasi lea i ai o le tagata lē

faamaoni ma le tagata lē talitonu i le lafoina o faitioga i le

faakerisiano. Ua latou manatu o iuga leaga nei o le taliaina o le

a’oa’oga sese lauiloa, faapea, o iuga faalenatura ia o le talitonu

i le Tusi Paia ma Lē e Ona le Tusi Paia.

100

Na ou vaaia o le au a le lagi na faatumulia i le ita i lenei

galuega lē fefe a Satani. Na ou fesili pe aisea e faatagaina ai nei

faaseseega uma ina ia aafia ai mafaufau o tagata a’o agelu a le

ATUA e malolosi, ma afai e faatonuina i latou, e faigofie lava

ona latou talepeina le malosi o le fili. Ona ou vaaia lea sa

silafia e le ATUA o le a taumafaia e Satani auala uma lava ina

ia faaumatia ai le tagata, o lea 117

na Ia faia ai ina ia tusia Lana Upu, ma ua Ia faailoa manino mai

lava Ana fuafuaga i le tagata o lea e lē manaomia ai le tagata

sili ona vaivai ina ‘ia ia sese. Ma ina ua uma ona Ia foai mai

lana Upu i le tagata, na Ia tausia faatumauina ma le faaeteete

lava Lana Upu, ina ia lē mafai e Satani ma ana agelu ona

faaumatiaina, e ala i soo se mea faigaluega lava poo soo se

tagata. A’o mafai ona faaumatia isi tusi, o lenei Tusi Paia na

fuafuaina ina ia tumau e faavavau. Ma i le taimi e lata i le

mutaaga o le taimi, pe a faatupulaia faaseseega a Satani, o

kopi o lenei Tusi o le a matua faateleina lava, ina ia maua e

i latou uma lava na manaomia se kopi o le finagalo faaalia o

le ATUA i le tagata, ma, afai latou te mananao ai, e mafai ona

latou faaaupegaina ai i latou e tetee atu i faaseseega ma vavega

pepelo a Satani.

Na ou vaaia na puipuia faapitoa lava e le ATUA le Tusi

Paia, a’o tane a’o’oga, a’o laiti lava kopi o le Tusi Paia, na

latou suia upu i nisi o vaega, ma latou manatu ai sa latou faia

ina ia sili atu ona manino, a’o le mea moni sa latou

faanunumiina upu ia sa manino, i lo latou suia ina ia lagolago

ai o latou manatu faatuina, lea o loo pulea e aganuu. Peitai na

ou vaaia o le upu a le ATUA, i lona atoaga, o se filifili atoatoa

lea ona lelei, o le tasi vaega o ona upu o loo faamatalaina isi

vaega. O tagata saili moni mo le upu moni latou te lē

manaomia ina ia sese; auā e lē gata ina manino le Upu a le

ATUA i le faailoaina mai o le ala o le ola, a’o le Agaga Paia foi

ua foaiina mai ina ia ta’ita’i ina ia malamalama ai i le ala o le

ola ua faaalia i totonu o Lana Upu.

101

Na ou vaaia o agelu a le ATUA na faatonuina i latou ina

ia aua lava ne’i latou pulea le malosi fai filifiliga o le tagata. Ua

tuu e le ATUA i luma o le tagata le ola ma le 118

oti. E mafai ona ia faia lana filifiliga. E toatele tagata o loo

latou mananao i le ola, peitai latou te faaauau ona savavali i le

ala va tele, auā latou te le’i filifilia le ola.

Na ou vaai i le alofa tunoa ma le mutimutivale o le

ATUA i Lona auina mai o Lona ALO e maliu mo le tagata

agasala. O i latou o le a lē filifili e talia le faaolataga ua

faatauina i se tau tele lava mo i latou, e tatau ona faasalaina. O

tagata na foafoaina e le ATUA ua latou filifili e tetee i Lana

faigamalo, peitai na ou vaaia e le’i punitia i latou e le ATUA i

seoli ina ia mafatia ai i le puapuaga e faavavau. E le’i mafai

ona Ia aveina i latou i le lagi, auā o le avatua o i latou i le

faatasiga a i latou e mamā ma paia o le a latou matua faanoanoa

ai lava. O le a lē avea i latou e le ATUA i le lagi, o le a Ia lē

faapuapuagatiaina foi i latou e faavavau. O le a Ia matua

faaumatiaina i latou, ma faia i latou e peiseai latou te le’i ola

mai lava, ma o le a faamalieina ai loa Lana faamasinoga tonu.

Na Ia foafoaina le tagata mai i le efuefu o le eleele, ma o tagata

lē usiusitai ma lē paia o le a faaumatiaina e le afi, ma toe fo’i

atu i le efuefu. Na ou vaaia o le agalelei ma le alofa

mutimutivale o le ATUA i lenei faiga, e tatau ona taitaia ai

tagata uma lava ina ia fiafia i Lana amio, ma alolofa loloto lava

ia te Ia, ma a uma ona faaumatiaina tagata amioleaga mai i le

fogaeleele, o le au uma o le lagi o le a latou faapea mai,

Amene!

O Satani na ia vaai mai ma le loto faamalieina tele ia i

latou na tautinoina le suafa o KERISO, ma sa latou usitai ma le

faamaoni i nei faaseseega na faia e ia lava. O lana galuega o le

faia pea lea o faaseseega fou. Ua faatupulaia lona malosi, ma

ua faatupulaia ai foi 119

le sili atu o lona poto taufaasese. Na ia taitaia pea i luma i latou

o loo faia ana faatonuga, o pope ma patele, ina ia siitia e i latou

102

i latou lava, ma faaosofia tagata ina ia sauāina leaga i latou na

alolofa i le ATUA, ma e le’i mananao e gauai atu i ana

faaseseega na faailoa mai e ala mai ia i latou. Na faaosofia e

Satani ona tagata faigaluega ina ia faaumatia soo faamaoni o

KERISO. Oka, o mafatiaga ma le tiga, na latou faia tagata paia

o le ATUA ina ia latou onosaia! O agelu ua latou tusia se ripoti

faamaoni o nei mea uma. Peitai o Satani ma ana agelu leaga na

fiafia, ma fai atu i agelu sa leoleoina ma faamalosia nā tagata

paia puapuagatia, o le a latou fasiotia i latou, ina ia lē totoe se

kerisiano moni i luga o le fogaeleele. Na ou vaaia o le ekalesia

a le ATUA i le taimi lena, sa mamā. Sa leai se lamatiaga mai i

ni tane o loto lē faamaoni agasala e o mai i totonu o le ekalesia

a le ATUA i le taimi lena, auā o le kerisiano moni, o lē na lē

fefe e faailoa atu lona faatuatua, sa lamatia o ia i le fasiotia i le

faaaogaina o le fausaga o faasalaga, o le susunuina i le afi, ma

sauāga leaga uma lava na mafai ona fafauina e Satani ma ana

agelu leaga, ma tuu i totonu o le mafaufau o le tagata. _________

MATAUPU 20

O le Toe Fuataiga.

Ae e ui lava i sauaga uma lava ma le fasiotia o le au paia,

ae na faatuina mai molimau ola i itu uma. O agelu a le ATUA

na latou faia le galuega na tuuina atu 120

ia i latou. Sa latou saili i nofoaga sili ona pogisa, ma sa latou

filifilia mai i le pogisa, tane sa faamaoni i o latou loto. Sa ufitia

uma i latou i a’oa’oga sese, ae na filifilia i latou e le ATUA e

pei ona Ia faia ia Saulo, e avea ma ipu filifilia e tauaveina Lana

upu moni, ma ia siitia a’e o latou leo e tetee ai i agasala a Ona

tagata o loo tautino mai o i latou o Ona tagata. O agelu a le

ATUA na osofiaina Martin Luther, Melancthon, ma isi i

nofoaga eseese, ina ia latou fia feinu i le molimau ola o le upu

a le ATUA. Na sau le fili e pei o se lolo, ma e tatau ona siitia i

103

luga le tapulaa e tetee atu ai. O Luther na filifilia e fetaiai ma le

afā, ma ia tulai atu e fetaia’i ma le ita tele o se ekalesia pa’ū,

ma na faamalosia le toaitiiti na faamaoni i la latou tautinoga

paia. Na ia mata’u i taimi uma lava ne’i ia faaosofia le toasa o

le ATUA. Na ia taumafai e ala i galuega ina ‘ia fiafia mai le

ATUA ia te ia; peitai e le’i faamalieina o ia seia o’o ina

aveesea e se ave o le malamalama mai i le lagi le pogisa mai i

lona mafaufau, ma taitaia ai o ia ina ia aua na te faatuatua i

galuega, a ‘ia ia faatuatua i le amiotonu o le toto o KERISO;

ma ‘ia ia sau i le ATUA mo ia lava, e aunoa ma lona ui atu i

pope poo i latou na faaalia i ai agasala, a ia ala atu ia IESU

KERISO e toatasi. Oka se taua o lenei malamalamaaga ia

Luther! Na ia faatauaina lenei malamalama fou taua ua pupula

mai i lona mafaufau pogisa, ma ua tafiesea ai talitonuga sese, e

sili atu nai lo le oa faalelalolagi sili ona taugata. O le upu a le

ATUA sa fou. O mea uma lava na suia. O le Tusi sa ia mata’u i

ai ona sa lē mafai ona ia vaai i le matagofie i totonu o lenei

Tusi, na avea lea ma ola, o le OLA lea ia te ia. Na avea le Tusi

lea ma ona 121

olioliga, o lona faamafanafanaga, o lona faia’oga paia. E leai se

mea na mafai ona faatauanauina o ia ina ia tuua lona suesueina.

Na ia fefe i le oti; peitai a’o ia faitauina le upu a le ATUA, o

lona mata’u uma na mou ese atu, ma na ia fiafia i le amio a le

ATUA, ma sa ia alofa ia te Ia. Na ia sailia le Upu a le ATUA

mo ia lava. Na ia ‘ai i oa tamaoaiga sa i ai, ona ia suesueina lea

o le upu a le ATUA mo le ekalesia. Na ia inoino i agasala a i

latou na ia talitonu i ai mo lona faaolataga. Na ia vaaia le

toatele tele o i latou o loo siomia i le pogisa lava lea sa ufitia ai

o ia. Na ia sailia ma le vilivilitai se avanoa e faasino atu ai i

latou i le TAMA’I MAMOE A LE ATUA, o Ia e toatasi na te

aveesea le agasala a le lalolagi. Na ia siitia lona leo e tetee i

sese ma agasala a le ekalesia Pope, ma na ia faanaunau ma le

finafinau lava ina ia motusia le filifili o le pogisa sa saisaitia ai

le afe ma afe o tagata, ma mafua ai ona latou faalagolago i

104

galuega mo lo latou faaolataga. Na ia faanaunau ina ia mafai

ona ia tatala atu i o latou mafaufau oa moni o le alofa tunoa o

le ATUA, ma le silisiliese o le faaolataga e maua e ala atu ia

IESU KERISO. Na ia siitia ma le vilivilitai lona leo, ma i le

mana o le Agaga Paia, na ia alaga tetee atu ai i agasala i le

taimi lena a ta’ita’i o le ekalesia; ma a’o ia fetaia’i ma le afā o

le tetee mai i faitaulaga, e le’i vaivai ai lona loto tele; auā na ia

faalagolago atu ma le mausali i le aao malosi o le ATUA, ma

talitonu atu ma le mausali ia te Ia mo le manumalo. Ma a’o ia

tau atu pea le taua agai atu i le fili, o le ita o faitaulaga na

osofia agai ia te ia. Latou te le’i mananao e toe fuatai. Na latou

filifili ina ia tuua i latou 122

i le olaga filemu, i fiafiaga lē mafaatuaoia, ma le amioleaga. Na

latou mananao e taofia le ekalesia i le pogisa.

Na ou vaaia o Luther sa vilivilitai ma finafinau, e leai

sona fefe ma sa toa i le a’oa’iina o le agasala, ma le lagolagoina

o le upu moni. Na te le’i fefe i tane amioleaga ma temoni. Na ia

iloa sa ia te ia Lē e sili atu lona malosi nai lo i latou uma. Sa ia

Luther le vilivilitai, finafinau, lototele ma le toa, ma sa i ai

taimi atonu na lē mataofia ai o ia; peitai na faatulaia mai e le

ATUA Melancthon, o le faafeagai tonu lava lea o Luther i lana

amio, ina ia fesoasoani ia Luther, ma tauave i luma le galuega o

le toe fuataiga. O Melancthon, sa palaai, fefe, na faaeteete, ma

sa tele lava lona onosai. Na matua alofagia lava o ia e le

ATUA. Na matua tele lona iloa e faatatau i le Tusi Paia, ma o

ona manatu i filifiliga ma lona poto na matua lelei lava. O lona

alofa mo le galuega a le ATUA na tutusa lelei ma Luther. O nei

loto, na fusia faatasi e le ALII; o i laua o se uo e lē toe valavala

lava. O Luther o se fesoasoani tele lava lea ia Melancthon pe a

lamatia o ia i lona mata’u ma tuai ana filifiliga ma gaioiga, ma

o Melancthon o se fesoasoani tele lava foi lea ia Luther ina ia

taofia mai ai o ia mai i lona soona faataalise. O le faautauta

vaai mamao o Melancthon na masani lava ona alofia ai

puapuaga na semanu e o’o mai i le galuega, pe ana faapea e

105

tuua ia Luther na o ia le galuega; ma na faapena foi ona masani

ona semanu e leaga le galuega i le tauaveina agai i luma, pe ana

faapea e tuua toatasi ia Melancthon. Na faailoaina mai ia te a’u

le poto o le ATUA i le filifilia o nei tane e toalua e eseese o la

uiga ina ia tauaveina i luma le galuega o le toe fuataiga.

Ona toe aveina lea o a’u i tua i aso o le au aposetolo, ma

na ou vaaia ai, na filifilia e le ATUA e avea ma soa, ia 123

Peteru vilivilitai ma le finafinau ma Ioane agamalu, onosai ma

le loto maulalo. O nisi o taimi e osovale ai Peteru e aunoa ma

le manatunatu lelei. Ma o le so’o pele na masani lava ona ia

lapataia Peteru, ina ua taitaia mamao lava o ia e lona finafinau

ma lona vilivilitai; peitai e le’i toe fuataiina ai o ia. Peitai ina ua

mavae ona faafitia e Peteru le ALII, ma ua ia salamo, ma liua,

na pau lava le mea na ia manaomia sa na o se lapataiga

agamalu lava mai ia Ioane ina ia faagesegese ai lona vilivilitai

ma lona finafinau. O le galuega a KERISO na semanu e pagatia

i le tele o taimi pe ana tuua toatasi ia Ioane. O le vilivilitai

finafinau o Peteru, na manaomia. O lona toa ma lona malosi na

masani lava ona laveaiina ai i laua mai i faigata, ma faaguguina

ai o la fili. O Ioane foi sa manumalo. Na ia maua mai le tele o

tagata i le galuega a KERISO e ala i lona onosai faapalepale,

ma lona faamaoni loloto.

Na faatuina mai e le ATUA tane ina ia latou alaga tetee

atu i agasala sa i ai i le ekalesia Pope, ma tauaveina ai i luma le

toe fuataiga. Na saili Satani e faaumatia nei molimau ola; peitai

na faia e le ATUA se pa puipui faataamilo ia i latou. O nisi, mo

le viiga o Lona suafa, na faatagaina ina ia faamauina le

molimau na latou tauaveina, i o latou toto; peitai sa i ai isi tane

malolosi, e pei o Luther ma Melancthon, na mafai ona latou

viia le ATUA i le tulaga silisili lava e ala i lo latou feola pea

ma alalaga tetee atu ma le leo tele e faatatau i agasala a pope,

patele ma tupu. Na latou gatete i le leo o Luther. Na ala atu i nā

tane filifilia, na amata ai ona faasalalau e ave o le malamalama,

le pogisa, ma e toatele lava tagata na talia ma le olioli le

106

malamalama ma latou savavali ai loa i le malamalama. Ma ina

ua fasiotia le molimau e toatasi, e toalua pe sili atu foi le toatele

o molimau na faatuina a’e e tula’i i lona tulaga. 124

Peitai na le’i faamalieina Satani. Sa na o le tino lava na

mafai ona ia pule ai. Na lē mafai ona ia faaosofia tagata

talitonu ina ia latou lafoaia lo latou faatuatua ma lo latou

faamoemoe. Ma e o’o lava i le oti, na latou manumalo ai faatasi

ma se faamoemoega fiafia o le ola e faavavau i le toe tutū mai

o ē amiotonu. Sa ia i latou le malosi na sili atu nai lo le malosi

faaletagata. Latou te le’i mananao lava latou te momoe i se

sekone e tasi. Na latou fusi-tumauina le talita a KERISO i o

latou tino, ma latou sauni ai mo se tauiviga, e lē na o se

tauiviga ma fili faaleagaga, a’o se tauiviga foi ma Satani i tino

tagata, o ē na alalaga i taimi uma faapea, Lafoa’i lo outou

faatuatua, poo lo outou oti loa. O na kerisiano toaitiiti, na latou

malolosi i le ATUA, ma na sili atu ona taua i latou i Lana

silafaga nai lo le ‘afa o le lalolagi o loo tauaveina le suafa o

KERISO, ae o i latou o ni tagata palaaai i Lana galuega. A’o

sauāina le ekalesia, sa latou loto gatasi ma agaalofa. Sa latou

malolosi i le ATUA. O tagata agasala, e le’i faatagaina i latou

ia faatasi atu i ai i le ekalesia; e le’i faatagaina foi se tagata

taufaavalea taufaasese poo se tagata faaseseina e faatasi atu i ai.

E na o i latou lava na naunau e lafoa’i mea uma lava mo

KERISO na mafai ona avea ma Ona so’o. Na latou fiafia e

matitiva, agamalu ma faapei o KERISO.

_________

107

MATAUPU 21

Ua Faatasi le Ekalesia Ma le Lalolagi

Ona talanoa lea o Satani ma ana agelu i le taimi lena, ma

faapena ona latou manatunatu ai i le vaega ua latou maua. E

moni sa latou taofia nisi o tagata palaaai e ala i le fefe i le oti,

mai i lo latou taliaina o le upu moni; 125

peitai o le toatele o tagata, e o’o lava i tagata sili ona palaaai,

na latou talia le upu moni, ma o le taimi lava lena na tuua ai i

latou e lo latou mata’u ma le palaai, ma a’o latou molimauina

le oti o o latou uso, ma latou vaai ai i lo latou mausali ma lo

latou onosai, na latou iloa o le ATUA ma agelu na fesoasoani

ia i latou ina ia latou onosaia puapuaga faapea, ma na iu ai loa

ina latou totoa ma lē fefefe. Ma ina ua valaauina i latou ina ia

tuuina atu o latou ola, na latou faatumauina lo latou faatuatua e

ala i le onosai faapea ma le mausali e faapei ona mafua ai foi

ona gatete i latou na fasiotia i latou. O Satani ma ana agelu na

latou filifili faapea sa i ai se auala sili atu ona faamanuiaina e

fasiotia ai tagata, ma e sili atu foi ona mautinoa i lona iuga. Na

latou iloa, e ui lava ina latou faatupulia puapuaga i kerisiano,

peitai o lo latou mausali, ma le faamoemoe matagofie na

faafiafiaina ai i latou, na mafua ai ona faamalosia le tagata sili

ona vaivai, ma o le fausaga o sauāga ma le afi na lē mafai ona

faafefeina ai i latou. Na latou faaa’oa’o i uiga lelei o KERISO

a’o i ai o Ia i luma o ē na fasiotia o Ia, ma e toatele na

faatalitonuina i le upu moni e ala i lo latou molimauina o lo

latou tumau mausali, ma le pupula o le ATUA sa i luga ia i

latou. Na filifili Satani e tatau ona ia sau i se foliga e lē sauā

tele. Na ia faaleagaina mataupu o le Tusi Paia; ma o aganuu na

fuafuaina ina ia faafanoina ai le miliona ma miliona o tagata, sa

matua maua’a lava. Na ia taofia lona ita, ma na ia filifili ai loa

ina ia aua le soona una’iina ana auauna i ia sauaga leaga

faapea; a ia taitaia pea i luma le ekalesia ina ia latou finau, e lē

finau mo le faatuatua na tuuina mai i le au paia, a ia latou

108

finau mo aganuu eseese. A’o ia taitaia pea i luma le ekalesia

ina ia latou talia meaalofa ma mamalu mai i le lalolagi, i lalo o

le uiga sese faafoliga o le faamanuiaina ai 126

o i latou, na amata loa ona lē fiafia mai le ATUA ia te ia. Na

faifai malie lava ona mou atu le malosi o le ekalesia, a’o ia

musu e folafola atu upu moni tuusa’o na taofia ai i fafo i

latou na fiafia i fiafiaga ma uo a le lalolagi. O le ekalesia, e lē o tagata vavae ese mai ia ma le faapitoa

sa i ai muamua a’o tŭtŭina afi o sauāga e faaumatia ai o ia.

Auē, ua faapefea ona nenefu le auro? Ua faapefea ona liua le

auro sili ona lelei? Na ou vaaia, ana faapea e faatumau e le

ekalesia i taimi uma lava lana amio paia faapitoa, semanu o le a

i ai ia te ia le mana o le Agaga Paia lea sa foai atu i le au soo.

Semanu o le a faamaloloina tagata mamai, o le a aoaiina

temoni ma tulia i fafo, ma o le a ia malosi, ma avea o se mea e

matautia ai i ona fili.

Na ou vaaia, o se vaega tele lava o tagata, sa latou

tautinoina le suafa o KERISO, ae e lē o i latou o ni fanau a le

ATUA i Lana silafaga. E leai Sona fiafia ia i latou. O Satani na

foliga mai na ia faafoliga mai i se uiga lotu, ma sa ia matua

manao lava ina ia manatu tagata o i latou o ni kerisiano. Na ia

matua naunau lava ina ia latou talitonu ia IESU, ma Lona

faasatauroga, ma Lona toe soifua mai nai le oti. O Satani ma

ana agelu na talitonu atoa lava i nei mea uma ma gatete. Peitai

afai o lenei faatuatua e lē osofia ai i galuega lelei, ma taitaia ai i

latou o loo tautinoina lea faatuatua ina ia latou fa’aa’oa’o i le

olaga o KERISO i le faafitia o manao o le tino, e lē o popole la

Satani; auā ua na ona latou igoa lava i le igoa o le kerisiano,

a’o o latou loto o loo faaletino pea; ma e mafai ona ia

faaaogaina i latou i lana galuega e sili atu nai lo lo latou lē faia

o se tautinoga. I lalo o le igoa o le kerisiano ua latou natia ai o

latou uiga leaga.

109

127

Ua latou olaolanoa lava ma o latou natura lē faapaiaina, ma o

latou faanaunauga leaga e lē o taofia. O lenei tulaga e avatu ai

le avanoa mo le tagata lē talitonu na te lafoina atu ai o latou

uiga leaga i fofoga o IESU KERISO, ma faatauemu ia te Ia, ma

mafua ai ona aumaia i le faalumaina i latou o loo i ai le

tapuaiga mamā ma le lē faaleagaina.

O faifeau latou te laugaina upu molemole ina ia faafetaui

ma tagata faaletino o loo tautinoina le tapuaiga. O le mea tonu

lava lea e manao i ai Satani. Latou te lē mananao e lauga IESU

ma upu moni maamaai o le TUSI PAIA; auā afai latou te

laugaina, o nei tagata faaletino o loo na ona kerisiano i le igoa,

o le a latou lē faalogo ia i latou. O le toatele o i latou e mauoa,

ma e tatau ona faatumauina i totonu o le ekalesia, e ui lava

ina lē sili a’e lo latou agavaa e tatau ai ona latou i ai i totonu o

le ekalesia e faapei ona lē tatau ona i ai o Satani lava ia ma ana

agelu. O le tapuaiga a IESU ua faia ina ia foliga mai e

lauiloa ma ta’uta’ua ma mamalu i mata o le lalolagi. Ua ta’u

atu i tagata, o i latou e ta’utinoina le tapuaiga, o le a sili atu ona

fa’aaloalogia e le lalolagi. E matua vavamamao lava le

eseesega o a’oa’oga faapea ma aoaoga a KERISO. O Lana

a’oa’oga ma le lalolagi e lē mafai ona loto gatasi. O i latou na

mulimuli ia te Ia na latou lafoaia le lalolagi. O nei upu

molemole na amata mai ia Satani ma ana agelu. Na latou

fafauina le fuafuaga, ma o i latou e nā ‘ona igoa i le igoa o le

kerisiano, ua latou faataunuuina lea fuafuaga. O tagata pepelo

faafaresaio ma tagata agasala ua latou faatasi ma le ekalesia. O

tala fafau faamalie loto ua a’oa’oina, ma ua talia ma le naunau.

Peitai afai e laugaina le upu moni i lona tulaga mamā, o le a

vave lava ona taofia ai i fafo tagata pepelo faafaresaio ma

tagata agasala. Peitai ua leai se eseesega i le va o soo o loo

tautino mai o i latou o soo o 128

KERISO, ma le lalolagi. Na ou vaaia, afai e saeieseina le

ufiufi sese mai i tagata o ekalesia, o le a faaalia ai agasala, amiogaleaga ma amioga pepelo lē faamaoni, ma o le atalii

110

poo le afafine sili ona palaai o le ATUA, o le a lē faatuai i lona

faaigoaina o i latou i lo latou igoa sa’o, o i latou o fanau a lo

latou tamā, le tiapolo; auā o ana galuega latou te faia. O IESU

ma le au uma o agelu i le lagi, na latou vaai mai ma le inoino i

lea vaaiga; ae sa i ai se feau i le ATUA mo le ekalesia, o se

feau e paia ma taua. Afai e taliaina, o le a faia ai se toe fuataiga

mae’ae’a i le ekalesia, ma toe faafoisia mai ai le molimau ola o

le a fufulueseina ai i fafo faresaio pepelo ma tagata agasala, ma

toe aumaia ai le ekalesia i le finagalo fiafia o le ATUA. _________

MATAUPU 22

William Miller

Na ou vaaia na auina mai e le ATUA lana agelu e galue i

le loto o se tagata fai faatoaga e le’i talitonu i le Tusi Paia, ma

taitaia o ia ina ‘ia ia suesue i valoaga. O agelu a le ATUA na

asiasi soo atu i lena tagata filifilia, ma taitaia lona mafaufau,

ma tatala lona malamalamaaga i valoaga ia sa leva ona pogisa i

tagata o le ATUA. O le amataga o le filifili o le upu moni sa

tuuina atu ia te ia, ma sa taitaia pea o ia ina ‘ia ia saili mo lea

sootaga i lea sootaga, seia o’o ina ia vaai ma le ofo ma le

migao i le Upu a le ATUA. Na ia vaaia ai iina se filifili atoa

lava o sootaga o le 129

upu moni. O lena upu na ia manatu i ai faapea e le’i osofia mai

e le Agaga o le ATUA, o lenei ua matala mai i lana vaai ma le

matagofie ma le mamalu. Na ia vaaia o le tasi vaega o upu o le

Tusi Paia na faamatalaina le isi vaega, ma ina ua tapunia le tasi

vaega i lona malamalamaaga, na ia maua i se isi vaega o le

Upu, faamatalaga na faamatalaina ai. Na ia manatunatu i le upu

paia a le ATUA ma le olioli, ma le ava loloto lava ma le ofo

tele.

A’o ia mulimuli i le valoaga, na ia iloa ai o tagata o le

lalolagi sa nonofo i vaaiga mulimuli lava o le talaaga o le

111

lalolagi lenei, mā latou te le’i iloa lenei tulaga. Na ia vaai atu i

le amio leaga lē faamaoni o ekalesia, ma na ia iloa ai o lo latou

alofa na aveesea mai ia IESU, ma ua tuu atu i le lalolagi, ma sa

latou saili mo le viiga faalelalolagi e aunoa ma lena viiga e mai

lugā, ma sa latou finafinau mo oa faalelalolagi, e aunoa ma le

teuina o a latou oa i le lagi. O le uiga pepelo faafoliga, pogisa

ma le oti na mafai ona ia vaaia i soo se mea. O lona agaga sa

lē’i faafilemuina i totonu ia te ia. Na valaau le ATUA ia te ia

ina ia tuua lana faatoaga, e faapei ona valaauina Elisaia ina ia

tuua ana povi ma le fanua o lana galuega ina ia mulimuli ia

Elia. O le gatete na amata ai e William Miller ona faailoa atu

mea lilo o le malo o le ATUA i tagata. Na ia maua le malosi i

taumafaiga taitasi uma lava. Na ia aumaia tagata i lalo i

valoaga seia o’o mai i le afio faalua mai o KERISO. E faapei

ona folafolaina e Ioane le Papatiso le afio muamua mai o IESU,

ma saunia le ala mo Lona afio mai, na faapena foi ona folafola

e Wm Miller ma i latou na faatasi ma ia 130

le toe afio faalua mai o le ALO o le ATUA.

Na toe faafo’iina atu a’u i tua i aso o le au soo, ma sa

faailoa mai ia te a’u Ioane, sa i ai se galuega faapitoa a le

ATUA mo ia na te faia. Na finafinau Satani na te faaleagaina

lenei galuega, ma na ia taitaia pea i luma ana auauna ina ia

faaumatia o ia. Peitai na auina mai e le ATUA Lana agelu ma

tausia ofoofogia o ia. O i latou uma na molimauina le mana tele

o le ATUA na faaalia i le laveaiga o Ioane le soo pele, na ofo

uma, ma na toatele na faatalitonuina sa i ai le ATUA ia te ia,

ma o le molimau na ia alagaina e faatatau ia IESU, e tonu lava

lea. O i latou na saili e fasioti ia te ia na latou fefefe e toe

taumafai e fasiotia o ia, ma sa faatagaina o ia e puapuagatia pea

mo IESU. Na tuuaia sese o ia e ona fili, ma e le’i umi ae tulia

atu loa o ia i se motu tuufua, le nofoaga lea na auina atu i ai e le

ALII Lana agelu e faaali ia te ia mea o le a tutupu i le

fogaeleele, ma le tulaga faaleagaga o le ekalesia e o’o lava i

le iuga; o ana fulituaga, ma le tulaga e tatau ona tulai ai le

112

ekalesia pe afai e manao e fiafia mai le ATUA ia te ia, ma

manumalo mulimuli ai lava. O le agelu mai le lagi na sau ia

Ioane ma le mamalu tele. O ona foliga na pupula mai i le

pupula matagofie o le lagi. Na ia faaalia ia Ioane vaaiga loloto

lava ma le taua e faatatau i le ekalesia a le ATUA, ma faailoa

mai ia te ia tauiviga matautia e tatau ona latou onosaia. Na

vaaia i latou e Ioane o ui atu i tofotofoga matautia lava, ma na

faamamāina i latou ma tofotofoina, ma iu mulimuli ai ina avea

i latou ma tagata manumalo, na laveaiina ma le mamalu i le

malo o le ATUA. 131

O foliga o le agelu na atili pupula i le olioli, ma na sili atu ona

pupula, a’o ia faailoa atu ia Ioane le manumalo mulimuli o le

ekalesia a le ATUA. Na matua fiafia Ioane a’o ia vaaia le

laveaiga mulimuli o le ekalesia, ma a’o ia sioa atu pea i le

matagofie o le vaaiga, o lona lagona fa’aaloalo loloto tele ma le

migao na ia faapa’ū faō ifo ai i vae o le agelu ina ia ifo atu ia te

ia. O le taimi lava lena na toe faatu ai o ia i luga e le agelu, ma

a’oa’i alofa atu ia te ia faapea, Ia oe, aua lava, o a’u o lou uso a

auauna, o so lou au uso foi ua i ai le molimau a IESU; ia ē ifo i

le ATUA; auā o le molimau a IESU o le agaga lea o valoaga.

Ona faailoa lea e le agelu ia Ioane le aai paia i le lagi ma lona

matagofie uma ma lona pupula na’uā. Na matuā faatumulia

Ioane i le fiafia tele ma matua ofo lava i le matagofie o le aai.

Na te le’i manatua i lona mafaufau lona a’oa’iga muamua mai i

le agelu, ae na ia toe faapa’ū ifo i vae o le agelu, o lē na toe

avatua le a’oa’iga alofa, Ia oe, aua lava, auā o a’u o lou uso a

auauna, o so lou au uso foi le au perofeta, ma i latou e tausi i

upu o lenei tusi; ia ē ifo i le ATUA.

O faifeau ma tagata ua latou vaavaai i le tusi o Faaaliga

ma le manatu o se tusi lilo lea, ma e itiiti ifo lona taua nai lo isi

vaega o le Tusi Paia. Peitai na ou vaaia o le tusi lenei, o se

faaaliga moni lava na tuuina mai mo le faamanuiaina

faapitoa o i latou o le a ola i aso mulimuli, ina ia taitaia ai i

113

latou ia latou mautinoa lo latou tulaga moni, ma lo latou

tiute. Na taitaia e le ATUA le mafaufau o Wm. Miller 132

agai atu i valoaga, ma avatu ia te ia le malamalama tele lava i le

tusi o Faaaliga.

Ana faapea e malamalama tagata i faaaliga a Tanielu, e

mafai foi ona sili atu ona malamalama tagata i faaaliga a Ioane.

Peitai i le taimi sa’o, na osofia ai e le ATUA le loto o Lana

auauna filifilia, o lē na tatalaina valoaga ma le manino, ma, i le

mana foi o le Agaga Paia, ma faailoa mai ai le loto gatasi o

faaaliga a Tanielu ma Ioane, ma isi vaega o le Tusi Paia, ma

faatauanauina mai i loto o tagata lapataiga paia matautia a le

Upu, ina ia sauni mo le afio mai o le Atalii o le tagata. O

talitonuga loloto ma le mata’u, sa o’o ifo i mafaufau o i latou

na faalogo ia te ia, ma o faifeau ma tagata, o tagata agasala ma

tagata lē talitonu, na latou liliu atu i le ALII, ina ia sailia se

sauniuniga ina ia mafai ona tutulai i le faamasinoga.

O agelu a le ATUA na faatasi ma Wm. Miller i lana

galuega. Sa ia mausali ma lē fefe. Na ia folafolaina ma le lē

fefe le feau na tuuina atu ia te ia. O se lalolagi o lo o taoto i le

amioleaga, ma se ekalesia faalelalolagi faafoliga ua lē

lagonaina se alofa, na lava lava ia e faagaioia ai ona malosi,

ma taitaia ai o ia ina ‘ia ia onosaia ma le naunau galuega tiga

faigata, o le mativa ma mafatiaga. E ui lava ina teena o ia e

tagata na fai mai o i latou o kerisiano, ma le lalolagi, ma na tu’i

ma po o ia e Satani ma ana agelu, na te le’i faamutalia le

folafolaina o le tala lelei i faapotopotoga o tagata i soo se

nofoaga lava na valaauliaina mai ai o ia, ma na ia alagaina ai le

alaga, Ia outou matata’u i le ATUA ma avatu ia te Ia le viiga,

auā ua o’o mai le ituaso o Lana faamasinoga.

_________

114

133

MATAUPU 23

O le Feau a le Agelu Muamua

Na ou vaaia sa i ai le ATUA i le alagaina o le taimi i le

1843. O Lana fuafuaga, ina ia fafagu tagata, ma aumaia i latou

i se tofotofoga ina ia latou filifili ai. O faifeau sa talitonu i le

sa’o tonu o le faamatalaga na faia e faatatau i vaega taimi

faavaloaga, ma na latou tuua lo latou faamaualuga loto vii,

ma o latou totogi, ma a latou ekalesia, ma o atu mai i lea

nofoaga i lea nofoaga ma folafola atu le feau. Peitai ona sa nā o

se tamai vaega lava o faifeau na tautino mai o i latou o auauna

a KERISO na talia i o latou loto le feau mai i le lagi, o lea na

tuuina atu ai le galuega i luga o le toatele o tagata e lē o ni

faifeau. O nisi sa latou tuua o latou fanua ina ia alaga atu le

feau, a’o isi na valaauina mai i o latou faleoloa ma a latou

fefaatauaiga. Ma na o’o lava i nisi o tane i galuega o aoaoga

maualuga, na osofia i latou e tuua a latou galuega ina ia galulue

ai i le galuega amusia o le folafolaina atu o le feau a le agelu

muamua. O faifeau na latou tuueseina o latou manatu ma

lagona e faatatau i a latou lotu eseese, ma au faatasi i le

folafolaina atu o le afio mai o IESU. O tagata na fafaguina i

soo se nofoaga lava na o’o atu ai le feau ia i latou. O tagata

agasala na salamo, fetagisi ma tatalo mo le faamagaloga, ma o i

latou na iloga o latou olaga i le lē faamaoni, sa matua naunau

lava ina ia toe fuataiina nei mea uma.

O matua na latou lagona avega loloto mo a latou fanau. O

i latou na talia le feau, na latou galulue 134

mo a latou uo ma o latou aiga lē talitonu, ma o o latou agaga na

matua mafatia i le mamafa matautia o le feau taua, na latou

lapatai ai ma aioi atu ia i latou ina ia latou sauni mo le afio mai

o le Atalii o le tagata. O tagata sili ona faigata, o i latou ia na

le’i gauai i faamaoniga na aumaia e lapataiga na lagonaina e le

loto. O lenei galuega faamamāina ai le loto, na taitaieseina ai

115

lagona alofa o le loto mai i le lalolagi, i se olaga tuu atu atoa i

le ATUA e le’i faapea lava ona faia muamua. E afe ma afe

tagata na taitaia ina ia talia le upu moni na laugaina e William

Miller, ma o auauna a le ATUA na faatuina a’e i le agaga ma le

malosi o Elia ina ia folafolaina le feau. O i latou na laugaina

lenei feau taua, e pei o Ioane o lē na muamua mai ia IESU, sa

latou lagona na osofia i latou ina ia tuu sa’o lava le to’i i le a’a

o le laau, ma valaau atu i tagata ina ia aumaia fua e tusa ma le

salamo. O la latou molimau na fuafuaina ina ia fafagu ai

ekalesia ma ia matuā aafia ai lava ma le mana, ma faaalia ai a

latou amio moni. Ma a’o latou siitia le lapataiga matautia ina ia

sola ese mai i le toasa o le a o’o mai, o le toatele o tagata na

fesootai ma ekalesia, na latou talia le feau e faamaloloina ai; na

latou iloa lo latou tuumuli i tua, ma, o loimata o le tagi tele o le

salamo, ma le mafatia loloto tele o le loto, na latou

faamaulaloina ai i latou lava i luma o le ATUA. Ma a’o afio ifo

le Agaga o le ATUA i luga ia i latou, na latou fesoasoani ina ia

faaleoina le alaga, Ia outou matata’u i le ATUA, ma avatu ia te

Ia le viiga, auā ua o’o mai le ituaso o Lana faaolataga.

O le laugaina o taimi maoti na faatulaia mai ai le tetee

tele mai i vaega uma, mai i le faifeau 135

i le pulelaa, e o’o lava i le tagata agasala sili ona malaia lē

mata’u i le ATUA. E leai se isi na te iloa le aso ma le itula, o

upu ia sa faalogoina mai i le faifeau faafoliga ma le tagata

tauemu lē fefe. O vaega uma nei e lua na lē mananao e

faatonuina ma faasa’oina i latou e faatatau i le faaaogaina o upu

ia o le Tusi Paia, e i latou na faasino atu i le tausaga na latou

talitonu e muta ai le vaegā taimi faavaloaga, ma faailoga sa

faailoa mai ai ua latalata mai KERISO, ua i faitotoa lava. E

toatele leoleo o le lafu, na tautino mai e alolofa ia IESU, na

latou fai mai e leai so latou tetee i le laugaina o le afio mai o

KERISO; peitai na latou tetee i le taimi maoti. O le silafaga ati

a le ATUA sa na silafia lelei o latou loto. Latou te le’i fiafia i le

latalata mai o le afio mai o IESU. Na latou iloa o o latou olaga

116

lē faapei o KERISO o le a lē mafai ona tulai i lea tofotofoga;

auā latou te le’i savavali i le ala maulalo na folasia mai e Ia. O

nei leoleo mamoe sese na latou punitia le ala o le galuega a le

ATUA. O le upu moni na tautalagia i tagata i lona mana malosi

e faatalitonuina-ai, na fafaguina ai i latou, ma e faapei o le

pagota i le falepuipui, na amata ona latou tuufesilisili, O le a se

mea e tatau ona ou faia ina ia laveaiina ai a’u? Peitai o nei

leoleo mamoe na latou tutulai i le va o le upu moni ma

tagata, ma sa latou laugaina upu molemole ina ia taitai ese ai i

latou mai i le upu moni. Na latou au faatasi ma Satani ma ana

agelu ma latou alalaga, E filemu, e filemu, ae e le’i i ai se

filemu. Na ou vaaia na faamaumau uma e agelu a le ATUA ia

faiga uma, ma o ofu o leoleo mamoe lē faamaoni ia, na ufitia

uma i le toto o tagata. O i latou na fiafia i lo latou olaga

faafifilemu, ma sa faamalieina i latou i 136

lo latou vavamamao mai i le ATUA, o le a lē fafaguina i latou

mai i lo latou saogalemu faaletino.

E toatele faifeau na lē mananao e talia lenei feau e

faaolaina ai, ma o i latou na mananao e talia le feau lea, sa

latou faalavelaveina. O le toto o tagata o loo i luga ia i latou. O

faifeau ma tagata na latou au faatasi e tetee i lenei feau mai i le

lagi. Na latou sauāina Wm. Miller, ma i latou na faatasi ma ia i

le galuega. O faamatalaga sese na faataamiloina ina ia faaleaga

ai lona aafiaga, ma i taimi eseese ina ua uma ona ia faailoa

manino atu le afioga a le ATUA, ma faaaogaina upu moni

maatiati i loto o ē na faalogo mai ia te ia, na tele le lilivau o le

ita na osofia agai ia te ia, ma a’o ia tuua le nofoaga o le

faatasiga, o nisi sa latou faatalitali i le ala ina ia fasiotia o ia.

Peitai o agelu a le ATUA na auina atu ina ia puipuia lona ola,

ma na latou taitaieseina o ia ma le saogalemu mai i le motu o

tagata ita tele. E le’i uma lana galuega i le taimi lena.

O tagata sili ona faamaoni na latou talia ma le fiafia le

feau. Na latou iloa e mai i le ATUA le feau, ma sa folafolaina i

le taimi sa’o. O agelu na latou vaavaai ma le naunau loloto tele

117

i le iuga o le feau faalelagi, ma ina ua liliu ese ekalesia ma

teena le feau, na latou talanoa ma le faanoanoa ma IESU. Na

Ia liliu ese ona fofoga mai i ekalesia, ma faatonu atu i ana

agelu ina ia leoleo ma le faamaoni ia i latou ia e le’i teenaina le

molimau, auā o le a susulu mai le isi malamalama i luga ia i

latou.

Na ou vaaia ana faapea e alolofa ma fiafia kerisiano o loo

tautino mai o i latou o kerisiano, 137

i le faaali mai o lo latou Faaola, ana faapea e tuu atu lagona

alofa o o latou loto ia te Ia, ana faapea latou te manatu e leai

ma se isi i luga o le fogaeleele e faatusalia ia te Ia, semanu

latou te alagaina ma le olioli le lapataiga muamua lava o Lona

afio mai. Peitai o le lē fiafia na latou faaalia, a’o latou faalogo e

faatatau i le afio mai o lo latou ALII, o se faamaoniga maoti

lava lenei e faailoa mai ai latou te le’i alolofa ia te Ia. O Satani

ma ana agelu na latou manumalo, ma lafo atu le uiga lea i

fofoga o IESU KERISO ma ana agelu paia, i le faailoa atu o

Ona tagata o loo tautinoina le igoa o le avea ma Ona tagata, na

matua laititi lava lo latou alofa mo IESU o lea latou te le’i

naunau ai i Lona faaali faalua mai.

Na ou vaai i tagata o le ATUA, o tumu i latou i le olioli

a’o latou tulimatai atu, ma latou vaavaai atu mo lo latou ALII.

Peitai na fuafua le ATUA ina ia tofotofo i latou. O Lona aao na

ufitiaina se mea sese i le galuea’iina o vaegā taimi faavaloaga.

O i latou sa vaavaai atu mo lo latou ALII latou te le’i iloaina le

mea sese lea, ma o tane sili ona popoto i aoaoga lea sa teena le

taimi, latou te le’i iloa foi le mea sese. Na fuafua le ATUA ina

ia fetaiai ona tagata ma se faanoanoaga. Na mavae atu le taimi,

ma o i latou na tulimatai atu ma le olioli tele mo lo latou

FAAOLA, na faanoanoa ma faavaivai, a’o i latou e le’i fiafia i

le faaali mai o IESU ae na latou talia le feau ona o lo latou

matata’u, na faamalieina i latou ina ua Ia lē afio mai i le taimi

na manatu e afio mai ai o Ia. O a latou tautinoga e le’i aafia ai o

latou loto ma faamamāina ai o latou olaga. O le mavae atu o le

118

taimi, na matuā fuafuaina lelei lava ina ia faaalia ai loto

faapea. O i latou ia na muamua lava liliu atu ma faatauemu ia i

latou na faanoanoa ma lē faamalieina, 138

o ē na alolofa ma fiafia moni lava i le faaali mai o lo latou

Faaola. Na ou vaai i le poto o le ATUA i le tofotofoina o Ona

tagata, ma le tuuina atu ia i latou o se tofotofoga auiliili ina ia

faaalia ai i latou o le a lalafi ma fulitua i le taimi o le

tofotofoga.

O IESU ma le au uma o agelu o le lagi na latou vaavaai

mai ma le alofa ma le lagona mutimutivale ia i latou na

faanaunau atu ma le tulimatai fiafia ina ia vaai atu ia te Ia o lē

na alolofa i ai o latou loto. O agelu na faapepepepe ifo

faataamilo ia i latou, ina ia fesoasoani ia i latou i le taimi o lo

latou tofotofoga. O i latou na faatalale i le taliaina o le feau mai

i le lagi, na tuua i latou i le pogisa, ma na faaosofia le toasa o le

ATUA ia i latou, auā latou te le’i mananao e talia le

malamalama na Ia auina mai ia i latou mai i le lagi. O tagata

faamaoni ia sa faanoanoa ma lē faamalieina, o ē sa lē

malamalama pe aisea na lē afio mai ai lo latou ALII, e le’i tuua

i latou i le pogisa. Na toe taitaia atu i latou i a latou Tusi Paia

ina ia suesueina vaegā taimi faavaloaga. O le aao o le ATUA

na aveesea mai i faatusa ma fuainumera, ma na faamatalaina ai

le mea sese. Na latou iloa o vaegā taimi faavaloaga na o’o atu i

le 1844, ma o faamaoniga lava ia na latou aumaia e faailoa mai

ai na muta i le 1843 vaegā taimi faavaloaga, na faamaonia mai

ai o taimi faavaloaga ia e uma i le 1844. O le malamalama mai

i le Upu a le ATUA na susulu mai ia i latou, ma sa latou iloa

mai i le Tusi Paia sa i ai se taimi na faatuai ai. Afai e faatuai le

faaaliga, faatali mo le faaaliga. I lo latou mananao mo le afio

vave mai o IESU, na latou lē iloa ai le taimi na faatuai ai, i le

faaaliga, lea na fuafuaina ina ia faaalia ai i latou moni sa

faatalitali. Ona latou toe maua lea o se vaegā 139

taimi. Ae na ou vaaia o le toatele o i latou na lē mafai ona latou

tula’i i luga a’e o lo latou faanoanoaga tiga tele, ina ia latou

119

maua lena finafinau tele ma le malosi na iloga ai lo latou

faatuatua i le 1843.

Na manumalo Satani ma ana agelu ia i latou, ma o i latou

e le’i taliaina le feau, na latou faamālō ia i latou lava i lo latou

vaai mamao ma le poto i lo latou lē taliaina o le faaseseega, e

faapei ona latou faaigoaina ai. Latou te le’i iloa sa latou teena

le fautuaga a le ATUA ina ia latou faautauta ia i latou lava, ma

sa latou galulue faatasi ma Satani ma ana agelu ina ia

faanunumi mafaufau o le fanau a le ATUA, o ē sa ola ai i le

feau na aumaia mai i le lagi.

O tagata na talitonu i lenei feau na faapologaina i

latou i totonu o ekalesia. O le mata’u na taofia ai ekalesia mo

se taimi, o lea na latou lē faatinoina ai lagona o o latou loto,

peitai o le mavae atu o le taimi na faaalia ai loa o latou lagona

moni. Na latou mananao e faaguguina le molimau na manatu

tagata talitonu na osofia i latou ia latou alagaina, o le molimau

lea faapea o vaega taimi faavaloaga, na o’o atu i le 1844. O le

manino tele na latou faamatalaina ai lo latou sese, ma na latou

faailoa atu la latou mafuaaga na ala ai ona latou manatu e afio

mai lo latou ALII i le 1844. O le au tetee na lē mafai ona latou

aumaia se finauga e tetee ai i le mafuaaga malosi lava na tuuina

atu. Na osofia le ita o ekalesia ia i latou. Na latou finafinau

ina ia aua ne’i latou faalogo i se faamaoniga, ma ia taofia i fafo

la latou molimau mai i ekalesia, ina ia lē mafai ai ona faalogo i

ai isi. O i latou na lē fefefe i lo latou faailoa atu i isi o le

malamalama na foai atu e le ATUA 140

ia i latou, na tulia ese mai i latou mai i ekalesia, peitai sa

faatasi IESU ma i latou, ma na latou olioli i le malamalama o

Ona fofoga. Na saunia i latou e talia le feau a le agelu lona lua.

_________

120

MATAUPU 24

O le Feau a le Agelu Lona Lua

O ekalesia latou te le’i taliaina le malamalama o le feau a

le agelu muamua, ma a’o latou teena le malamalama mai i le

lagi, na latou pa’u’ū ese loa mai i le finagalo fiafia o le

ATUA. Na latou faalagolago i lo latou lava malosi, ma latou

tuuina ai i latou e ala i lo latou tetee i le feau muamua, i se

tulaga na lē mafai ai ona latou iloa le malamalama o le feau a le

agelu lona lua. Peitai o le fanau pele a le ATUA, o ē na

sauāina, na latou tali atu i le feau lea, Ua pa’ū Papelonia, ma

latou tuua loa ekalesia pau’ū. I le latalata i le iuga o le feau a le agelu lona lua, na ou

vaai ai i se malamalama tele lava mai i le lagi o susulu mai i

luga o tagata o le ATUA. O ave o lenei malamalama na foliga

mai na pupula e pei o le la. Ma na ou faalogo i leo o agelu o

alalaga, Faauta ua sau le Faatoafaiava, inā o atu ia outou e

faafetaia’i ia te Ia!

O le alaga o le tulua o po ma ao, na tuuina mai ina ia

aumaia ai le malosi i le feau a le agelu lona lua. O agelu na

auina mai le lagi ina ia fafaguina le au paia faavaivai, ma

saunia i latou mo le galuega tele o loo i o latou luma. 141

O tane sili ona talenia, e lē o tagata muamua ia na talia le feau.

O agelu na auina atu i ē agamalu faamaoni, ma faatauanauina

i latou ina ia siitia a’e le alaga lea, Faauta ua sau le

Faatoafaiava, ina o atu ia outou e fetaia’i ma Ia. O i latou na

tuuina atu i ai le alagaina o le feau na latou faataalise, ma o le

mana o le Agaga Paia na latou faasalalauina ai le alaga, ma

fafagu i o latou uso na faavaivai. O lenei alaga e le’i tulai i le

poto ma a’oa’oga a tagata, ae na alagaina i le mana o le ATUA,

ma o Lana au paia na faalogo i le alaga, na le’i mafai ona latou

teena le alaga. O i latou na sili ona faaleagaga o latou olaga, na

muamua latou taliaina lenei feau, ma o i latou na ta’ita’i

muamua i le galuega, o i latou ia na mulimuli talia le feau ma

121

fesoasoani ai i le faaleoteleina o le alaga lenei, Faauta ua sau le

Faatoafaiava, ina o atu ia outou e fetaia’i ma ia.

I vaega uma lava o le laueleele, na foaiina mai ai le

malamalama i le feau a le agelu lona lua, ma o le alaga na

lagona e loto o le afe ma afe o tagata. Na alu atu mai i lea aai i

lea aai, mai i lea nuu i lea nuu, seia o’o ina fafaguina atoa lava

le fanau faatalitali a le ATUA. E toatele na lē mananao e

faataga lenei feau ina ia ulufale atu i totonu o ekalesia, ma o se

vaega tele lava o tagata sa i ai le molimau ola i totonu ia i latou,

na latou tuua ekalesia pa’u’ū. O se galuega tele lava sa

faataunuuina e le alaga o le tulua o po ma ao. O le feau o se

feau lava lea na matua suesueina ifo ai le loto, ma taitaia ai

tagata talitonu ina ia latou saili i se iloa ola mo i latou lava. Na

latou iloa na le’i mafai ona latou faalagolago ifo le tasi i le isi.

O le au paia sa latou faatalitali ma le faanaunau tele mo lo

latou ALII ma le anapogi, mataala, ma le tatalo na toeitiiti lava

a faia i taimi uma. 142

Na o’o lava i nisi o tagata agasala, na latou faatali atu i le

taimi ma le mata’u, a’o le vaega toatele lava o tagata na foliga

mai na faaosofia lo latou ita i le feau, ma latou faaalia ai le uiga

o Satani. Na latou faatauemu ma aamu, ma o soo se mea lava,

na faalogoina ai upu nei, E leai se tasi na te iloa le aso ma le

itula. O agelu leaga na olioli i o latou itu uma, ma na latou

unaiina pea i latou ina ia faamaaa o latou loto, ma ia latou teena

ave uma lava o le malamalama mai i le lagi, ina ia latou taofia

ai i latou i le mailei. E toatele sa tautino mai o loo faatalitali atu

mo lo latou ALII, ae na leai sa latou vaega na faia i lea

mataupu. Na latou molimauina le mamalu o le ATUA, o le

agamalu ma le faamaoni finafinau loloto o i latou na faatalitali,

ma le tele na’uā o faamaoniga, o lea na mafua ai ona latou

tautino mai ua latou talia le upu moni. Ae latou te le’i liua.

Latou te le’i sauni. O se agaga o le finafinau ma le tatalo

faatauanau na lagonaina e le au paia i soo se mea lava. O se

lagona mamalu paia sa i luga o tagata uma. Na vaaia e agelu

122

ma le naunau loloto lava le iuga, ma na latou siitiaina ai i latou

na talia le feau faalelagi, ma sa latou tosinaeseina i latou mai i

mea faalelalolagi ina ia latou maua tamaoaiga tele lava mai i le

vaipuna o le faaolataga. O tagata o le ATUA na taliaina e Ia i le

taimi lena. Na silasila mai IESU ia i latou ma le fiafia. O Lona

faatusa na lafoia atu mai ia i latou. Ua latou faia se taulaga ofo

atoatoa lava, o se loto tuuina atu atoatoa lava, ma sa latou

faatalitali ina ia liua i latou i le tino ola e faavavau. Peitai na

fuafuaina ina ia latou toe faanoanoa. O le taimi sa latou vaavaai

atu i ai, ma sa latou manatu o le a lavea’iina ai i latou, na

mavae atu. Sa latou i ai pea i luga o le laueleele, 143

ma o aafiaga o le faamalaiaga na foliga mai e le’i faapea lava

ona sili atu ona aliali mai. Sa latou tuuina atu o latou lagona

alofa i le lagi, ma i lo latou faamoemoega matagofie, na latou

tofo ai i le laveaiga i le tino ola pea, peitai o o latou

faamoemoega e le’i faataunuuina.

O le mata’u sa i luga o le toatele o tagata e le’i mou ese i

le taimi lava lena. Latou te le’i fa’aamuamu i le taimi lava lena

ia i latou sa faanoanoa. Peitai ona e le’i lagona e i latou se toasa

vaaia o le ATUA, o lea na toe aveesea mai ai ia i latou le

mata’u na latou lagonaina, ma toe amata ai loa lo latou

faaamuamu, o a latou tauemuga, ma faifaiga. Ona toe

tofotofoina lea o tagata o le ATUA. Na taliē le lalolagi, ma

tauemu, ma faitio mai; ma o i latou na talitonu e aunoa ma se

masalosalo o le a afio mai IESU i le taimi lena ma toe faatutū

mai i ē na oti, ma suia le au paia o loo ola, ma Ia avea le malo,

ma fai mo Ia e faavavau, na latou lagonaina lagona e pei ona

o’o i le au soo o KERISO. – Ua latou aveesea lo’u ALII, ua ou

lē iloa foi poo fea ua latou tuuina ai o Ia.

_________

123

144

MATAUPU 25

Faagaioiga o le Toe Afio Mai o IESU

Ua Fa’aataina Mai

Na ou vaai i ni faapotopotoga o tagata na foliga mai na

fusia faatasi e ni fusi. O le toatele o tagata i totonu o nei

potopotoga, na matuā pogisa atoatoa. O o latou mata na taulai

ifo i lalo i le lalolagi, ma na foliga mai na leai se sootaga i le va

o i latou ma IESU. Na ou vaaia tagata taitoatasi o salalau solo i

totonu o nei faatasiga eseese, o o latou foliga sa pupula mai, ma

o o latou mata na siitia a’e i le lagi. O ave o le malamalama mai

ia IESU, e pei o ave o le malamalama mai i le la, na foaiina atu

ia i latou. Na fai mai se agelu ia te a’u ia ou vaai ma le

faaeteete, ma sa ou vaaia agelu taitasi o leoleo ia i latou

taitasi uma lava sa i ai se ave o le malamalama, a’o agelu

leaga na latou siomia i latou sa i le pogisa. Na ou faalogo i le

leo o se agelu o alaga faapea, Ia outou matata’u i le ATUA ma

avatu ia te Ia le viiga, auā ua o’o mai le itu aso o Lana

faamasinoga.

O se malamalama pupula sa i luga o nei faalapotopotoga

o tagata, ina ia faamalamalamaina ai i latou uma o le a talia lea

malamalama. O nisi o i latou sa i le pogisa na latou talia le

malamalama ma olioli ai, a’o isi sa latou teena le malamalama

mai i le lagi, ma fai mai o se faaseseega le taitaieseina o i latou.

O le malamalama, na alu ese atu mai ia i latou, ma sa tuua ai i

latou i le pogisa. O i latou na talia le malamalama mai ia IESU,

na latou teufatuina ma le olioli le faatupulaia o le malamalama

taua sa susulu mai i luga ia i latou. O o latou foliga na pupula

a’e, 145

ma susulu mai i le olioli paia, a’o taulai atu pea la latou sioa i

luga ia IESU ma le naunau tele lava, ma o o latou leo na

faalogoina ma le loto gatasi faatasi ma le leo o le agelu, Ia

124

outou matata’u i le ATUA ma avatu ia te Ia le viiga, auā ua o’o

mai le itu aso o Lana faamasinoga. A’o latou siitia a’e lenei

alaga, na ou vaai ia i latou sa i le pogisa o latou tuleia i latou i o

latou itu ma o latou tauau. Ona motusia loa lea e le toatele o ē

na teufatuina le malamalama paia, o fusi na saisaitia ai i latou,

ma latou tula’i a’e loa ua vavae ese mai i nā faatasiga o

tagata. Ma a’o motusi e le toatele fusi sa saisaitia ai i latou,

o tane e patino i nei vaega eseese o tagata, lea sa faaaloalogia

e i latou, na latou ui atu i le lotolotoi o nei faalapotopotoga

eseese o tagata, ma o nisi, o upu faamalie loto, a’o isi o mata

ita ma uiga taufaafefe, na latou fusimauina ai fusi ia sa

matalatala, ma sa latou fai mai i taimi uma lava, O loo ia i

tatou le ATUA. O loo tatou tulai i le malamalama. O loo ia i

tatou le upu moni. Na ou fesili poo ai nei tane. Na faailoa mai

ia te a’u, o faifeau ia, ma tane ta’ita’i, o ē ua latou teena le

malamalama, ma latou te le’i mananao ina ia talia e isi. Na ou

vaaia i latou na teufatuina le malamalama o vaavaai a’e ma le

naunau ma le finafinau vilivilitai lava, ma faatalitali i le afio

mai o IESU ma ave atu i latou ia te Ia. E le’i umi ae pasi atu loa

se ao i luga o i latou na olioli i le malamalama, ma o o latou

mata sa faanoanoa. Na ou fesili i le mafuaaga o lenei ao. Na

faailoa mai ia te a’u o lo latou faanoanoaga lea. O le taimi na

latou manatu e afio mai ai lo latou FAAOLA, na mavae atu, ma

e le’i afio mai IESU. 146

Na o’o mai le faavaivai ia i latou, ma o tane ia sa ou vaaia

muamua, o faifeau ma tane ta’ita’i, sa olioli. O i latou na teena

le malamalama, sa matua olioli lava, a’o olioli faataamilo foi

Satani ma ana agelu leaga ia i latou.

Ona ou faalogoina lea o le leo o se isi agelu o faapea mai,

Ua pa’ū! ua pa’ū Papelonia! Sa susulu mai se malamalama i

luga o i latou na faanoanoa, ma o o latou faanaunauga finafinau

lava mo le faaali mai o IESU, na latou toe taulai atu ai o latou

mata ia te Ia. Ona ou vaaia lea o ni agelu o talanoa ma le agelu

lona lua, o lē na alaga, Ua pa’ū! ua pa’ū Papelonia! ma o nei

125

agelu na siitia a’e o latou leo faatasi ma le agelu lona lua, ma

alalaga faapea, Faauta ua sau le Faatoafaiava! inā o atu ia e

faafetaiai ia te Ia! O leo matagofie o nei agelu na foliga mai na

o’o atu i soo se mea. O se malamalama sili atu ona pupula na

susulu faataamilo atu ia i latou na teufatuina le malamalama na

faailoaina atu ia i latou. O o latou foliga na susulu mai ma le

pupula atoatoa, ma na latou au faatasi ma agelu i le alaga,

Faauta, ua sau le Faatoafaiava! Ma a’o latou siitia a’e ma le

loto gatasi le alaga i le lotolotoi o nei faapotopotoga eseese, o i

latou na teena le malamalama, na latou tuleia i latou ia, ma o

foliga ita na latou tauemu ai ma fa’aamuamu ia i latou. Peitai o

agelu a le ATUA na latou talotaloina o latou apaau i luga o i

latou na sauāina, a’o saili Satani ma ana agelu ina ia lafo mai lo

latou pogisa i o latou itu uma, ina ia taitaia ai i latou ia latou

teena le malamalama mai i le lagi.

Ona ou faalogoina lea o se leo o faapea atu ia i latou na

tuleia ma amusia, O ese mai ia te i 147

latou, ma aua tou te papa’i atu i se mea leaga. O se vaega

tele lava o tagata na latou talepeina le fusi na saisaitia ai i latou,

ma usitai i le leo, ma tuua i latou sa i le pogisa, ma faatasi ma i

latou na ulua’i motusiaina fusi, ma sa latou tuufaatasia ma le

olioli o latou leo ma i latou. Na ou faalogo i le leo o le tatalo

finafinau lava ma le mafatia mai i le toaitiiti sa totoe pea faatasi

ma le vaega o tagata sa i le pogisa. O faifeau ma tane ta’ita’i

sa latou feoa’i solo i totonu o nei faapotopotoga eseese, ma

toe fusimau faamalosia fusi, ae na ou faalogoina pea lenei

leo o le tatalo finafinau. Ona ou vaaia lea o i latou sa tatalo o

faaloaloa atu o latou lima mo le fesoasoani agai atu i le vaega o

tagata lea sa tutu faatasi ma ua saoloto, ma olioli i le ATUA. O

le tali mai ia i latou, a’o latou vaavaai atu ma le vilivilitai i le

lagi, ma faasino atu i luga, o upu ia, Ia outou o ese mai ia te i

latou, ma vavae ese mai. Na ou vaai i tagata taitoatasi o tauivi

mo le saolotoga, ma i’u mulimuli ai lava ina latou motusia fusi

na fusifusia ai i latou. Na latou teena taumafaiga na faia ina ia

126

toe fusimau faamalosia fusi, ma latou te le’i taliaina upu faifai

pea ia, O loo ia i tatou le ATUA, O loo ia i tatou le Upu Moni.

O tagata taitoatasi na fa’aauau ona latou tuua faalapotopotoga

sa i le pogisa, ma latou faatasi atu i le vaega saoloto, o ē na

foliga mai sa latou tulai i se laufanua e lē’o saisaitia na siitia i

luga a’e o le eleele. O o latou mata sa sioa atu agai i luga, ma o

le pupula o le ATUA sa i luga ia i latou, ma sa latou alagaina

viiga o le ATUA. Sa latou tutu faatasi, ma na foliga mai na

siomia i latou i le malamalama o le lagi. Sa faataaliolio i lenei

vaega o tagata nisi na o mai i lalo 148

o le aafiaga o le malamalama, ae latou te le’i faatasi faapitoa

atu i le vaega lea. O i latou uma lava na teufatuina le

malamalama na faasusulu mai i o latou luga, sa latou sioa atu i

luga ma le naunau tele. Na silasila mai IESU ia i latou ma le

fiafia tele. Na latou manatu o le a afio mai IESU. Na latou

faanaunau atu mo Lona faaali mai. Latou te le’i vaai ifo lava i

se taimi umi i le lalolagi. Ona ou toe vaaia lea o se ao ua i luga

o i latou ia sa faatalitali. Na ou vaai atu o liliu o latou mata

vaivai agai i lalo. Na ou fesili mo le mafuaaga o lenei suiga. Na

fai mai la’u agelu, Ua latou toe faanoanoa i o latou

faanaunauga. E lē mafai ona sau IESU i le lalolagi i le taimi

lea. E tatau ona latou puapuagatia mo IESU ma onosaia

tofotofoga sili atu. E tatau ona latou lafoaia a’oa’oga sese

ma aganuu na latou maua mai i tagata, ma ia liliu atoa atu

lava i le ATUA ma Lana Upu. E tatau ona faamamāina i

latou, ia faapa’epa’eina ma tofotofoina. Ma o i latou e onosaia

lena tofotofoga tiga, o le a latou maua le manumalo e faavavau.

E le’i afio mai IESU i le lalolagi e faapei ona mata’itū atu

i ai le vaega sa faatalitali ma le olioli, ina ia faamamā le

malumalu, e ala i le faamamāina o le lalolagi e le afi. Na ou

vaaia na sa’o i latou i lo latou galueaiina o vaegā taimi

faavaloaga. O taimi faavaloaga, na tapunia i le 1844. O lo latou

sese na maua lea i lo latou lē malamalama poo le a tonu le

malumalu, ma le natura o lona faamamāina. Sa ulufale atu

127

IESU i le nofoaga sili ona paia ina ia faamamā le malumalu i le

iuga o aso. Na ou toe vaai atu i le vaega faatalitali, faanoanoa.

Sa latou foliga faanoanoa mai. Na latou vailiiliina ma le

faaeteete lava faamaoniga o lo latou faatuatuaga, 149

ma mulimuli faasolo mai i le faitauina o vaegā taimi

faavaloaga, ma na lē’i mafai ona latou maua ai se mea sese. Na

faataunuuina le taimi, peitai o fea na i ai lo latou FAAOLA? Sa

latou lē maua o Ia.

Ona faailoa mai lea ia te a’u le faanoanoaga o le au soo

ina ua latou o mai i le tuugamau ma latou lē maua ai le tino o

IESU. Na fai mai Maria, Ua latou aveesea lo’u ALII, ma ua ou

lē iloa poo fea ua latou tuua ai o Ia. Na ta’u atu e agelu i le au

soo faanoanoa, o lo latou ALII ua toe soifua mai, ma o le a Ia

muamua atu ia i latou i Kalilaia.

Na ou vaaia a’o silasila mai IESU i le au soo faanoanoa

ma le alofa mutimutivale sili ona loloto, na Ia auina mai Ana

agelu ina ia taulaiina o latou mafaufau ina ia latou maua o Ia,

ma mulimuli atu ai ia te Ia i le nofoaga sa i ai o Ia, ina ia

latou malamalama ai o le lalolagi, e lē o le malumalu lea, ma e

manaomia ina ia Ia ulufale atu i le nofoaga sili ona paia o le

malumalu i le lagi ina ia faamamāina, ina ia faia se togiola

faapitoa mo Isaraelu, ma ‘ia Ia taliaina ma maua mai le malo o

Lona Tama, ona Ia toe fo’i mai ai loa lea i le lalolagi ma ave

atu i latou ina ia latou nonofo faatasi ma Ia e faavavau. O le

faanoanoaga o le au soo o loo faatusa lelei mai ai lava le

faanoanoaga o i latou na faatalitali mo lo latou ALII i le 1844.

Na toe aveina a’u i tua i le taimi na afio manumalo atu ai

KERISO i Ierusalema o tietie i le asini. O le au soo tumu i le

olioli na latou talitonu o le a Ia tietie i le nofoalii i le taimi lena,

ma nofo tupu ai i le avea o Ia ma perenise i le tino nei. Na latou

mulimuli atu i lo latou Tupu ma faamoemoega maualuga lava.

Na latou tatipiina i lalo lau matagofie o pama, ma aveesea o

latou ofu aupito i fafo, ma

128

150

o lo latou vilivilitai finafinau na latou fofolaina ai i le ala, ma o

nisi na muamua atu i luma, a’o isi na mulimuli mai i tua ma

alalaga, Hosana i le ALO o Tavita! Ia manuia Lē afio mai i le

suafa o le ALII! Osana i mea aupito aluga! O lea fiafiaga na

feita ai le au Faresaio, ma na latou mananao ia IESU ina ‘ia Ia

aoaiina Ona soo. Peitai na Ia fetalai atu ia i latou, Afai e gugu i

latou nei, o le a alalaga mai i le taimi lava lenei ma’a. O le

valoaga a Sakaria 9:9, e tatau ona faataunuuina, ae, na ou vaaia,

o le au soo na fuafuaina ina ia fetaiai ma se faanoanoaga tiga

lava. I ni nai aso e le’i mamao ane ai na latou mulimuli ai ia

IESU i Kalevario, ma latou vaaia ai o Ia o tafetotoi Lona tino

ma faaumatia ma tu’ia i luga o le satauro. Na latou molimauina

Lona maliu tiga lava, ma sa latou tuuina o Ia i totonu o le

tuugamau. O o latou loto na tuia i le tiga. O o latou

manatunatuga na faatali atu i ai e le’i faataunuuina i sona vaega

lava e tasi. O o latou faamoemoega na oti faatasi ma IESU.

Peitai a’o Ia toe soifua mai nai le oti, ma faaali i Ona soo

faanoanoa, na toe faafouina o latou faamoemoega. Na leiloa

mai ia i latou lo latou Faaola, peitai na latou toe maua o Ia.

Na ou vaaia, o le faanoanoaga o i latou na talitonu i le toe

afio mai o IESU i le 1844, e le’i tutusa ma le faanoanoaga o le

au soo. O le valoaga, na faataunuuina i le feau a le agelu

muamua ma le lona lua. Na alagaina valoaga ia i le taimi sa’o,

ma na faataunuuina ai le galuega na fuafua e le ATUA la te

faataunuuina.

_________

129

151

MATAUPU 26

O se Isi Ata Faata’ita’i

Na faailoaina mai ia te a’u le naunau sa i ai i le lagi atoa

lava i le galuega na faia i le lalolagi. Na faatonuina e Iesu se

agelu malosi lava e alu ifo ma lapatai tagata o le lalolagi ina ia

latou sauni mo Lona toe afio faalua mai. Na ou vaaia o alu ese

mai le agelu malosi mai i luma o IESU i le lagi. Na alu atu i

ona luma se malamalama matua pupula lava ma le matagofie.

Na faailoaina mai ia te a’u, o lana galuega o le

faamalamalamaina lea o le lalolagi i lona pupula, ma lapatai

tagata e faatatau i le toasa o le ATUA ua o’o mai. E toatele na

latou taliaina le malamalama. O nisi na foliga na matua

finafinau lava, a’o isi na olioli ma faatumulia i le fiafia. Na

susulu atu le malamalama i luga o tagata, peitai o nisi sa na ona

latou o mai i lalo o le aafiaga o le malamalama, ae na latou lē

taliaina ma le loto i ai. A’o i latou uma lava na taliaina le

malamalama, na liliu atu o latou loto i le lagi, ma vivii atu i le

ATUA. O le toatele na faatumulia i le ita tele. O faifeau ma

tagata o ekalesia na au faatasi ma tagata amioleaga, ma teena

ma le mausali le malamalama na faasusulu mai e le agelu

malosi. Peitai o i latou uma lava na taliaina le malamalama, na

latou o ese mai i le lalolagi, ma sa latou au faatasi vavalalata

lava.

O Satani ma ana agelu sa galulue faataalise lava i le saili

ina ia tosina ese mai mafaufau o tagata uma lava e mafai ona

latou tosinaeseina mai i le malamalama. O le vaega o tagata na

teena le malamalama, sa tuua i latou i le pogisa. Na ou vaai i le

agelu o vaavaai ma le naunau tele i tagata o loo fai mai o i

latou o tagata 152

o le ATUA, ina ia tusitusia uma i faamaumauga le amio na

latou fausiaina a’e, a’o faailoa atu ia i latou le feau mai i le lagi.

Ma a’o liliu ese ma le tauemu, faaamuamu ma le ita le toatele

130

lava o tagata na tautinoina lo latou alofa mo IESU mai i le feau

mai i le lagi, o se agelu sa ia te ia se tusi taai i lona lima, na ia

faia lea faamaumauga faamāina. O le lagi atoa na faatumulia i

le ita, auā na lē amanaia IESU e Ona so’o o loo tautino mai o i

latou o Ona soo.

Na ou vaai i le faanoanoaga o ē sa talitonu. Latou te le’i

vaaia lo latou ALII i le taimi na latou manatu e afio mai ai. O le

finagalo o le ATUA le natia o le lumanai, ma aumaia Ona

tagata i se tulaga ia faia ai a latou filifiliga. O le galuega na

fuafuaina e le ATUA, na semanu e lē faataunuuina pe ana

faapea e lē i ai le taimi faapitoa lea o filifiliga. Sa taitaia

mamao lava i luma i le lumanai e Satani mafaufau o le toatele

lava o tagata O se vaegā taimi e alagaina mo le faaali mai o

KERISO e tatau ona aumaia ai le mafaufau ina ia saili ma le

finafinau lava mo se sauniuniga mo le taimi lea. A’o pasi atu le

taimi, o i latou e le’i taliaina atoatoa le malamalama o le agelu,

na faatasi ma i latou na inosiaina le feau mai i le lagi, ma sa

latou liliu atu loa i tauemuga ia i latou na faanoanoa. Na ou

vaai i agelu i le lagi o talanoa ma IESU. Na latou maitauina le

tulaga o loo i ai i latou o loo tautinoina mai le avea ma soo o

KERISO. O le mavae atu o le taimi mautinoa na tofotofoina ma

faamaonia ai i latou, ma o le toatele lava na fuaina i le fua ma

iloa ai e mamasagia. Sa latou ta’utino uma ma le leotetele o i

latou o kerisiano, ae latou te le’i mulimuli ia KERISO i vaega

maoti uma lava. Sa olioli Satani i le 153

tulaga sa i ai so’o o KERISO i faaupuga. Na ia maua i latou i

lana mailei. Na ia taitaia le toatele ina ia latou tuua le ala vaiti,

ma sa latou taumafai e fe’aei a’e i le lagi i nisi auala. O agelu,

na latou vaaia i latou e mamā, ma paia, sa nini faatasi ma tagata

agasala i totonu o Siona, ma tagata pepelo fiafia i le lalolagi. Sa

latou leoleo i ē alolofa moni ia IESU, peitai o i latou e

amioleaga lē faamaoni, na aafia ai i latou e paia.

O i latou na mu o latou loto i se faanaunauga matua

finafinau ina ia vaai atu ia IESU, na faasāina i latou e i latou na

131

faaigoaina o le au uso, ina ia aua ne’i latou toe tautala e

faatatau i Lona toe afio mai. O agelu sa latou vaaia lea vaaiga

atoa, ma na latou alolofa i le au totoe, o ē sa alolofa ma fiafia i

le faaali mai o IESU. O le isi agelu na faatonuina ina ia alu ifo i

le lalolagi. Na tuu e IESU i lona lima se tusi, ma a’o ia alu ifo i

le eleele, na ia alaga ma le leotele, Ua pa’ū!, ua pa’ū Papelonia!

Ona ou toe vaai lea ia i latou na faanoanoa ua toe fiafia mai o

latou foliga, ma sa tepa a’e o latou mata i le lagi, ma vaavaai

ma le faatuatua ma le faamoemoe mo le faaali mai o lo latou

ALII. Peitai e toatele na foliga mai na tumau ai pea i se tulaga

lē malamalama, e peiseai o loo momoe; ae na mafai ona ou

vaai atu i le faanoanoa loloto tele i o latou foliga. O i latou na

faanoanoa, na latou iloa mai i le Tusi Paia, sa latou i ai i le

taimi na faatuai mai ai le faato’a faiava, ma e tatau ona latou

faatali ma le onosai i le faataunuuina o le valoaga. O le

faamaoniga lava lea na mafua ai ona taitaia i latou ina ia latou

vaavaai mo lo latou ALII i le 1843, na taitaia ai foi i latou ina

ia latou manatu o le a Ia afio mai i le 1844. Na ou vaaia, o le

toatele, e le’i i ai ia i latou lena malosi na iloga ai lo latou

faatuatua i le 1843. O lo latou 154

faanoanoaga na faavaivaia ai lo latou faatuatua. Peitai a’o

faatasi atu i latou na faanoanoa i le alaga a le agelu lona lua, na

vaavaai mai le au uma o le lagi ma le naunau loloto lava, ma

maitaulia le aafiaga o le feau. Na latou vaai ia i latou na

tauaveina le igoa o le avea ma kerisiano ua latou liliu ma le

faatauemu ma le aamu ia i latou sa faanoanoa. A’o pa’ū mai

upu i laugutu o tagata tauemu, Tou te le’i o a’e lava i le lagi! na

tusia nei upu e se agelu. Na fai mai le agelu, Na latou tauemu i

le ATUA.

Na faasinoina a’u i tua i le aveina a’e o Elia i le lagi. O

lona ofu talaloa na pa’ū mai i luga o Elisaia, ma o tamaiti leaga

(poo talavou laiti) na mulimuli atu ia te ia, ma tauemu, ma

tauvalaau atu, Ulu tula e, alu a’e ia i le lagi! Ulu tula e, alu a’e

ia i le lagi! Na latou tauemu i le ATUA, ma na latou fetaia’i ma

132

lo latou faasalaga. Na latou a’oa’oina mai lo latou tauemu mai i

o latou matua. Ma o i latou ua tauemu ma faaamuamu i le

mataupu e faatatau i le au paia i lo latou o a’e i le lagi, o le a

faasalaina i latou i mala a le ATUA, ma o le a latou iloa ai e lē

o se mea itiiti le ula i le ATUA.

O IESU na Ia faatonu atu i isi agelu ina ia latou felelei

faataalise atu e fa’alototele ma faamalosia le faatuatua

faavaivaia o Ona tagata, ma saunia i latou ina ia latou

malamalama i le feau a le agelu lona lua, ma le gaioiga tāua

na lē’i umi ae faia loa i le lagi. Na ou vaaia nei agelu o latou

maua le mana tele lava ma le malamalama mai ia IESU, ma

latou felelei faavave ifo loa i le lalolagi ina ia faataunuuina la

latou galuega ua tuuina atu i ai ia fesoasoani i le agelu lona lua

i lana galuega. O se malamalama tele lava na susulu mai i luga

o tagata o le ATUA a’o alalaga agelu, 155

Faauta ua sau le faato’a Faiava, inā o atu ia outou e faafetaia’i

ia te Ia. Ona ou vaaia lea o i latou na faanoanoa, ua tulai i luga,

ma na latou alagaina ma le loto gatasi ma le agelu lona lua le

alaga, Faauta ua sau le faatoafaiava, inā o atu ia outou e

faafetaia’i ia te Ia. O le malamalama mai i agelu na ati atu i le

pogisa i soo se mea lava. O Satani ma ana agelu na latou

taumafai e faaleagaina lenei malamalama mai i lona salalau atu

ma faia ai lona aafiaga fuafuaina. Na latou tetee atu i agelu a le

ATUA, ma fai atu ia i latou ua faaseseina e le ATUA tagata,

ma o lo latou malamalama uma ma lo latou malosi, na le’i

mafai ai ona latou faatalitonuina tagata faapea o le a afio mai

IESU. O agelu a le ATUA na latou faaauauina la latou galuega,

e ui lava ina sa taumafai Satani e punitia le ala, ma taulai ese

mafaufau o tagata mai i le malamalama. O i latou na talia le

malamalama na foliga fiafia mai. Na latou taulaiina atu o latou

mata i luga i le lagi, ma sa latou faanaunau atu mo le faaali mai

o IESU. O nisi sa matua mafatia lava, ma sa fetagisi ma tatalo.

O o latou mata sa foliga mai na taulai ifo ia i latou lava, ma

latou te le’i loto tetele e vaai a’e i luga.

133

O se malamalama taua lava mai i le lagi na vavaeeseina le

pogisa mai ia i latou, ma o o latou mata, ia sa taulai ifo i le

pagatia tele i luga ia i latou lava, sa liliu atu i luga a’o faaalia le

agaga faafetai ma le olioli paia i o latou foliga taitasi uma. O

IESU ma le au agelu uma na latou vaavaai mai ma le fiafia i le

au faatuatua, faatalitali.

O i latou na lē talia ma tetee i le malamalama o le feau a

le agelu muamua, na latou lē maua le malamalama o le agelu

lona lua, ma na lē’i mafai ona faamanuiaina i latou e le 156

mana ma le pupula sa i ai i le feau lea, Faauta ua sau le

faatoafaiava. Na liliu ese IESU mai ia i latou ma le lē fiafia. Na

latou manatu māmā ia te Ia ma teena o Ia. O i latou na talia le

feau na siomia i latou i se ao pupula. Na latou faatalitali ma

vaavaai ma tatalo ina ia latou iloa le finagalo o le ATUA. Na

latou matuā matata’u lava e faaosofia Lona toasa. Na ou vaaia

Satani ma ana agelu o saili e punitia lenei malamalama

faalelagi mai i tagata o le ATUA, peitai, afai lava e teufatuina

le malamalama e i latou na faatalitali, ma faatumauina le taulai

a’e o o latou mata nai le lalolagi agai atu ia IESU, na leai se

malosi ia Satani e taofia ai mai ia i latou lenei malamalama

taua. O le feau na aumaia mai le lagi, na ita tele ai Satani ma

ana agelu, ma o i latou na tautino mai e alolofa ia IESU, ae na

latou inoino i Lona toe afio mai, na latou tauemua ma

faaamuamu i ē faatuatua ma talitonu. Peitai na maitaulia e se

agelu faatauemuga uma, o upu faaulaula taitasi, ma upu ma

faiga leaga uma na latou maua mai ia i latou na faaigoaina o le

au uso. Na matua toatele lava na siitia o latou leo i le alaga lea,

Faauta ua sau le Faatoa Faiava, ma na latou tuua o latou au uso

ia na le’i fiafia i le faaali mai o IESU ma le’i faatagaina i latou

e talanoa e faatatau i Lona afio faalua mai. Na ou vaaia na liliu

ese foliga o IESU mai ia i latou na teena o Ia ma inoino i Lona

afio mai, ona Ia faatonu atu lea i agelu ina ia ta’ita’i ese mai

Ona tagata mai ia i latou e eleelea, ne’i faaleagaina i latou. O i

latou na usitai i feau na latou tulai ese saoloto mai ma loto

134

gatasi. O se malamalama paia pupula lava na susulu atu i o

latou luga. Na latou lafoaia le lalolagi, saei ese o latou loto mai

i le lalolagi, ma fasiotia o latou manaoga faalelalolagi. 157

Na latou foai ese atu a latou oa faalelalolagi ma sa taulai atu la

latou sioa popole i le lagi, ma na latou faanaunau ia vaai atu i

lo latou FAAOLA alofa. O se olioli paia na pupula mai i o

latou foliga, ma na latou ta’u atu e faatatau i le filemu ma le

olioli na pule aoao i totonu o o latou loto. Na faatonu atu IESU

i ana agelu ina ia o atu e faamalosia i latou, auā na lata mai le

itula o lo latou tofotofoga. Na ou vaaia, o nei tagata faatalitali,

e le’i tofotofoina i latou e tusa ma le tulaga e tatau ona

tofotofoina ai i latou. Latou te le’i saoloto mai i a’oa’oga sese.

Ma na ou vaai i le alofa tunoa ma le agalelei o le ATUA i le

auina mai o se lapataiga i tagata o le lalolagi, ma feau tuuina

soo mai ina ia aumaia ai i latou i se vaegā taimi, ina ia taitaia ai

i latou i le suesue ifo vilivilitai lava o i latou lava, ina ia latou

liliueseina i latou mai i a’oa’oga sese na tuufaasolo mai i tagata

faapaupau ma tagata pope. E ala mai i nei feau, sa vavae ese

mai ai e le ATUA Ona tagata i se tulaga e mafai ai ona Ia galue

mo i latou i le mana sili atu, ma se tulaga e mafai ai ona latou

tausia Ana poloaiga uma lava.

_________

135

MATAUPU 27

O le Malumalu

Ona ou vaaia lea o le faanoanoaga tiga lava o tagata o le

ATUA. Latou te le’i vaai ia IESU i le taimi na latou manatu e

afio mai ai. Latou te le’i iloa pe aisea na lē afio mai ai lo latou

FAAOLA. Na lē mafai ona latou iloa se faamaoniga e faailoa

mai ai pe aisea na lē’i muta ai le taimi faavaloaga. Na fai mai

se agelu, Ua pepelo ea le Upu a le ATUA? 158

Ua lē mafai ea e le ATUA ona faataunuu Ana folafolaga? E

leai: ua Ia faataunuuina upu uma lava na Ia folafolaina mai. Ua

tulai IESU, ma tapuni le faitotoa o le nofoaga paia o le

malumalu i le lagi, ma ua Ia tatalaina se faitotoa agai atu i

totonu o le nofoaga sili ona paia, ma ua Ia ulufale atu i totonu

ina ia faamamāina le malumalu. Na fai mai le agelu, o i latou

uma lava e faatali ma le onosai, o le a latou malamalama i le

mea lilo. Ua sese le tagata; ae le’i i ai se sese i le ATUA. Ua

faataunuuina mea uma lava na folafola mai e le ATUA; peitai

na sese le tagata i lona vaavaai atu ma le manatu sese i le

lalolagi, ma ia talitonu ai faapea o le malumalu lea e tatau ona

faamamāina i le iuga o le vaegā taimi faavaloaga. O manatu sa

faatali atu i ai le tagata ua lē taunuu; a’o le folafolaga a le

ATUA ua taunuu atoa lava. Na auina mai e IESU Ana agelu

ina ia faatonu i ē na faanoanoa, ina ia ta’ita’i atu o latou

mafaufau i totonu o le nofoaga sili ona paia ua Ia afio atu i

ai ina ia faamamāina le malumalu, ma faia se togiola faapitoa

mo Isaraelu. Na ta’u atu e IESU i agelu o i latou uma lava na

mauaina o Ia o le a latou malamalama foi i le galuega na Ia afio

atu na te faia iina. Na ou vaaia, a’o i ai IESU i totonu o le

nofoaga sili ona paia, o le a Ia faaipoipo atu i le Ierusalema

fou, ma a mae’a loa ona faataunuuina Lana galuega i totonu o

le nofoaga sili ona paia, o le a Ia afio ifo loa i le lalolagi i le

mana uma faatupu ma aveina atu ia te Ia le au paia

136

faapelepeleina o ē na faatalitali ma le onosai i Lona toe afio

faalua mai.

Ona faailoaina mai lea ia te a’u le mea na tupu i le lagi

a’o faaiuina le vaega taimi i le 1844. Na ou vaaia, a’o

faamutalia le auaunaga a IESU i totonu o le nofoaga paia, ma

sa Ia tapunia le faitotoa o lena potu, o se pogisa tele lava na o’o

mai i luga 159

o i latou na faalogo, ma ua latou teena feau e faatatau i le toe

afio mai o IESU, ma latou te le’i iloa atu o Ia. Ona faaofuina

lea e IESU o Ia lava i ofu taugata. O le vaega i lalo faataamilo

o le lau o Lona ofu talaloa, sa i ai se logo auro ma se rimoni, o

se logo auro ma se rimoni (pomegranate) Sa i ai se ufifatafata o

galuega faapitoa sa tautau mai i Ona tauau. Ma a’o Ia gaioi, sa

feilafi mai e pei o taimane, ma faalapopo’aina ai mataitusi na

foliga mai o ni igoa na tusia, pe na vaneina i luga o le

ufifatafata. Ina ua mae’a ona uma ona Ia laei atoa, faatasi ai ma

se mea i luga o lona ao na foliga mai o se pale, na siomia o Ia e

agelu, ma o Lona nofo i totonu o se kariota afi mumū, na Ia

pasi atu ai loa i totonu o le veli lona lua. Na faatonuina a’u i le

taimi lena ina ia ou maitauina lelei lava nofoaga e lua o le

malumalu faalelagi. O le ie, poo le faitotoa, sa matala, ma sa

faatagaina a’u ou te ulufale atu. I totonu o le ulua’i potu sa ou

vaaia ai le tuugalamepa e fitu ona lamepa, na foliga mai na

matua matagofie ma pupula; na faapena foi le laulau sa i ai i

luga le areto e laulauina i luma, ma le fata o mea manogi, ma le

ipu e susunu ai mea manogi. O meafale uma o lenei nofoaga na

foliga mai o le auro sili ona mamā, ma sa lafoia mai ai le ata o

lē na ulufale atu i lenei nofoaga. O le ie na vaelua ai nei

nofoaga e lua sa matua matagofie. Na faia i lanu eseese ma ie

eseese, ma sa i ai lona lau faataamilo matagofie lava, sa i ai

faatusa auro o agelu na galueaiina ai. Na siitiaina le veli, ma sa

ou vaai atu i totonu o le nofoaga lona lua. Na ou vaaia ai iina se

atolaau sa foliga mai na faia i le auro sili ona mamā. Sa i ai se

tuaoi faataamilo i luga o le atolaau na sili ona matagofie

137

160

na faafoliga mai i ni palealii. Na faia i le auro mamā. I totonu o

le atolaau sa i ai papama’a sa tusia ai poloaiga e sefulu. I

tausiusiuga taitasi e lua o le atolaau sa i ai se kerupi matagofie

ma o la apaau na fālō ifo i luga o le atolaau. O o la apaau na

siitia maualuga a’e i luga, ma fepa’ia’i i luga o le ao o IESU,

a’o ia tulai i tafatafa o le atolaau. O o la foliga na faafesagai,

ma sa la vaavaai i lalo agai i le atolaau, o loo faailoa mai ai le

au uma o agelu o loo vaavaai atu ma le naunau i le tulafono a le

ATUA. I le va o kerupi e lua, sa i ai se ipu auro o le mea

manogi. Ma a’o alu a’e i luga tatalo a le au paia e ala i le

faatuatua ia IESU, ma na Ia ofoina atu tatalo nei i lona Tamā, o

se manogi lelei na alu a’e mai le mea manogi. Na foliga mai o

se asu na sili ona matagofie ona lanu. I luga a’e o le nofoaga na

tulai ai IESU i luma o le atolaau, na ou vaaia ai se pupula

matua malosi na’uā na le’i mafai ona ou vaai atu i ai. Na foliga

mai o se nofoalii na afio ai le ATUA. A’o alu a’e le mea

manogi i luga i le Tamā, o le pupula malosi lea na sau mai i le

nofoalii o le Tama ia IESU, ma na faasusuluina ai mai ia IESU

i luga o i latou na alu a’e a latou tatalo e faapei o le mea

manogi. O le malamalama ma le pupula na susulu mai i luga o

IESU i lona taumasuasua tele, ma sa ufitia ai le nofoa o le

alofa, o vaega foi o le pupula lea na faatumulia ai le malumalu.

Na le’i mafai ona umi ona ou vaai atu i le pupula. E leai se

gagana e mafai ona faamatalaina. Na ou matua ofo lava, ma ou

liliu ese mai i le matautia ma le mamalu tele o lea vaaiga.

Na faailoaina mai ia te a’u se malumalu i le lalolagi e lua

ona vaega. Sa faapei o le malumalu i le 161

lagi. Na ta’u maia ia te a’u o le malumalu lea sa i le lalolagi, o

se faatusa lea o le malumalu i le lagi. O meafale o le nofoaga

muamua o le malumalu sa i le lalolagi na faapei o meafale oi

totonu o le ulua’i nofoaga o le malumalu faalelagi. Na siitiaina

le veli, ma sa ou tilotilo atu i totonu o le nofoaga sili ona paia,

ma sa ou vaaia ai, o meafale, sa tutusa ma meafale o loo i

totonu o le nofoaga sili ona paia o le malumalu i le lagi. O

138

faitaulaga sa auauna i nofoaga uma e lua o le malumalu

faalelalolagi. I totonu o le nofoaga muamua na ia auauna ai i

aso taitasi uma i le tausaga, ae na faa-tasi i le tausaga ona ia

ulufale atu i totonu o le nofoaga sili ona paia, ina ia

faamamāina ai mai i agasala na aveina atu i ai iina. Na ou

vaaia sa auauna IESU i nofoaga uma e lua o le malumalu

faalelagi. Na Ia ulufale atu i le malumalu faalelagi e ala i le

ofoina atu o Lona lava toto. O faitaulaga faalelalolagi na

aveesea ona o le oti, o lea na lē mafai ai ona umi ona fa’aauau

le avea o i latou ma faitaulaga; peitai o IESU, na ou vaaia, o Ia

o se faitaulaga e faavavau. E ala atu i taulaga fasia ma taulaga

ofo na aumaia i le malumalu faalelalolagi, na fuafuaina ina ia

taofimau atu ai e le fanauga a Isaraelu le amiotonu a le Faaola

o le a afio mai. Ma i le poto o le ATUA na aumaia ai ia i

tatou vaega faapitoa o lenei galuega ina ia tatou vaavaai atu

ai i tua ia i latou, ma malamalama ai i le galuega a IESU i

totonu o le malumalu faalelagi.

I le faasatauroga o IESU, a’o ia maliu i luga o Kalevario,

na Ia alaga faapea, Ua uma ona fai, ma o le veli o le malumalu

na saeluaina, amata mai i luga seia o’o i lalo. O lenei gaioiga

na fuafuaina ina ia faailoa mai ai, o auaunaga o le malumalu

faalelalolagi, na mae’a e faavavau, 162

ma o le a lē toe fetaia’i lava le ATUA ma i latou i totonu o lo

latou malumalu faalelalolagi e talia a latou taulaga fasia ma

taulaga ofo. O le toto o IESU na faamaligiina i le taimi lena,

lea na fuafuaina ina ia Ia auauna atu ai i totonu o le

malumalu faalelagi. A’o ulufale faa-tasi atu faitaulaga o le

malumalu i le lalolagi i totonu o le nofoaga sili ona paia ina ia

faamamāina le malumalu, na ulufale atu foi IESU i totonu o le

nofoaga sili ona paia i le malumalu faalelagi, i le iuga o le 2300

aso o le Tanielu 8, i le 1844, ina ia faia se togiola mulimuli

mo i latou uma na mafai ona faamanuiaina e ala i Lana

galuega faafautua, ma faamamāina le malumalu.

_________

139

MATAUPU 28

O le Feau a le Agelu Lona Tolu

A’o tapunia le auaunaga a IESU i totonu o le nofoaga

paia, ma Ia pasi atu i totonu o le nofoaga sili ona paia, ma tulai

ai i luma o le atolaau o loo i ai i totonu le tulafono a le ATUA,

na Ia auina mai se isi agelu i le lalolagi ma le feau lona tolu. Na

Ia tuuina se tusi i le lima o le agelu, ma a’o ia alu ifo i le

lalolagi i le mamalu tele ma le mana, na ia alagaina se lapataiga

matautia lava, o se lapataiga sili ona matautia ua faapea ona

tuuina mai i tagata. O lenei feau na fuafuaina ina ia mataala ai

le fanau a le ATUA ia puipuia i latou, ma faailoa mai ai ia i

latou le itula o le faaosoosoga ma le mafatia faalemafaufau

ma le loto sa i o latou luma. Na fai mai le agelu, o le a aumaia

i latou i le tauiviga vavalalata lava ma le manu feai ma lona

faatagata. O lo latou faamoemoega e tasi lava o le ola e

faavavau, o lo latou 163

tutumau mausali lea. E ui lava ina lamatia o latou ola, ae e

tatau ona latou taofimauina le upu moni. Ua faaiuina e le agelu

lona tolu lana feau i upu nei, O lenei le onosai o le au paia, o i

latou nei e tausi i poloaiga a le ATUA, ma le faatuatua o IESU.

A’o ia toe alagaina mai nei upu, na ia faasino atu i le malumalu

i le lagi. O mafaufau o i latou uma lava e taliaina lenei feau

ua taulai atu i le nofoaga sili ona paia o loo tulai ai IESU i

luma o le atolaau, ma faia ai Lana fautuaga mulimuli mo i latou

uma o loo tuuina atu i ai le avanoa o le alofa tunoa, ma i latou

ua talepeina ma le lē iloa le tulafono a le ATUA. O lenei

togiola o loo faia mo tagata amiotonu ua feoti e faapena foi ma

tagata amiotonu o loo ola. Ua faia e IESU se togiola mo i latou

na feoti, ae latou te le’i maua le malamalama e faatatau i

poloaiga a le ATUA, o ē na agasala ma le lē iloa.

Ina ua mae’a ona tatala e IESU le faitotoa o le nofoaga

sili ona paia, na vaaia ai loa le malamalama e faatatau i le

Sapati, ma o tagata o le ATUA sa fuafuaina ina ia tofotofoina

140

ina ia faamaonia ai lo latou faamaoni, e faapei ona tofotofoina

e le ATUA le fanauga a Isaraelu anamua, ina ia Ia silafia ai pe

o le a latou tausia Lana tulafono. Na ou vaai i le agelu lona tolu

o faasino a’e agai i luga, ma faailoa atu i ē na faanoanoa, le ala

agai atu i le nofoaga sili ona paia o le malumalu i le lagi. Na

latou mulimuli ia IESU e ala i le faatuatua agai atu i totonu o le

nofoaga sili ona paia. Ua latou toe maua IESU, ona puna a’e

lea o le olioli ma le faamoemoe i se malosi faafouina. Na ou

vaaia i latou o loo latou toe tepa i tua ma toe manatunatu i le

taimi ua tuanai, amata mai i le alagaina o le toe afio faalua mai

o IESU, agai mai i lalo i la latou faigamalaga i le taimi na

mavae ai le taimi na fuafuaina e afio mai ai IESU i le 1844. Ua

latou iloa 164

ua faamatalaina lo latou faanoanoaga, ma o le olioli ma le

mautinoa na toe faamalosia ai i latou. O le agelu lona tolu ua na

faamalamalamaina le taimi ua tuanai, le taimi nei ma le

lumanai, ma ua latou iloa ua taitaia moni lava i latou e le

ATUA e ala i Ana auala lē mafaamatalaina.

Na faailoaina mai ia te a’u, o le au totoe na latou

mulimuli atu ia IESU i totonu o le nofoaga sili ona paia, ma na

latou vaai ai i le atolaau, ma le nofoa o le alofa, ma na latou

matuā ofo ai i lo latou matagofie. Na siitia a’e e IESU le ufiufi

o le atolaau, ma, faauta! o papa ma’a, o loo tusia ai i luga

poloaiga e sefulu. Na latou vaavaai faasolosolo i poloaiga ola

uma, ae na toe fo’i i tua ma le gatete la latou vaai ina ua latou

vaaia le poloaiga lona fa o loo i le ogatotonu o poloaiga paia e

sefulu, a’o se malamalama sili atu lona pupula o loo susulu i

luga o le poloaiga lea nai lo isi poloaiga e iva, ma o se

malamalama faataaliolio pupula o loo siomia uma ai le

poloaiga lona fa. Latou te le’i maua ai iina se poloaiga e tasi o

faailoa mai ai ia i latou ua faalēaogaina le Sapati, po ua suia atu

i le aso muamua o le vaiaso. O loo tusia lava e faapei ona

fetalaia mai e le fofoga o le ATUA i le mamalu matautia

ofoofogia i luga o le mauga, a’o emo mai uila ma a’o taalili foi

141

faititili, ma ina ua tusia foi i Lona lava tamatamai lima paia i

totonu o papa ma’a. E ono aso e te galue ai ma faia ai au

galuega uma lava, a’o le aso lona fitu o le Sapati lea o Ieova

lou ATUA. Ua latou ofo ina ua latou vaaia le faaeteete tele o

loo teuina ai poloaiga e sefulu. Ua latou vaaia o loo tuuina

faalatalata lava poloaiga nei ia Ieova, o loo ufiufi ifo ma

puipuia e Lona paia. Ua latou vaaia o loo latou solia le

poloaiga lona fa o le 165

tulafono, ma ua latou tausia ai se aso na tuufaasolo mai i

augatupulaga e tagata faapaupau ma tagata o le puleaga

faapope, e aunoa ma le aso na faapaiaina e Ieova. Ua latou

faamaulaloina i latou lava i luma o le ATUA, ma latou

faanoanoa ai ona o a latou agasala o le taimi ua mavae.

Na ou vaai i le mea manogi i totonu o le ipu e faamu ai

mea manogi, o asuasu a’e a’o ofoina atu e IESU a latou

faaaliga o a latou agasala ma a latou tatalo i Lona Tama. Ma

a’o alu a’e le asu, na susulu mai se malamalama pupula i luga o

IESU, ma luga o le nofoa o le alofa, ma o i latou o loo tatalo

ma le finafinau, o ē sa atuatuvale ona ua latou iloa o i latou o

tagata solitulafono o loo solia le tulafono a le ATUA, na

faamanuiaina i latou, ma o o latou foliga na susulu a’e i le

faamoemoe ma le olioli. Na latou faatasi atu i le galuega a le

agelu lona tolu, ma siitia a’e o latou leo ma alagaina le

lapataiga taua ma le matautia. Peitai e toaitiiti lava na taliaina i

le taimi muamua le feau, ae na latou faaauau pea ma le malosi

ina ia alagaina le lapataiga. Ona ou vaaia lea o le toatele ua

latou talia le feau a le agelu lona tolu, ma ua tuufaatasi o latou

leo ma i latou na muamua alagaina le lapataiga, ma na latou

siitiaina le ATUA ma faamamaluina o Ia e ala i le tausia o

Lona Aso malolo faapaiaina.

O le toatele o i latou na taliaina le feau lona tolu sa leai

so latou iloa e faatatau i feau muamua e lua. Na malamalama

Satani i le mea lenei, ma o ona mata agasala sa vaavaai atu ia i

latou nei ina ia faatoilaloina i latou, peitai o le agelu lona tolu

142

na faasinoina atu i latou i le nofoaga sili ona paia, ma o i latou

sa i ai so latou iloa e faatatau i feau muamua e lua ua tuanai,

sa latou faasinoina atu ia i latou le ala agai atu i le malumalu

faalelagi. E toatele na latou vaaia le filifili o le sootaga atoatoa

o le upu moni i feau a agelu, ma na latou talia 166

ai ma le fiafia. Na latou taliaina nei feau i lo latou faasologa,

ma latou mulimuli atu ai ia IESU e ala i le faatuatua i totonu o

le malumalu faalelagi. O nei feau na faatusaina mai ia te a’u

e faapei o se taula e taofi ai le tino. Ma a’o talia ma

malamalama tagata taitoatasi i nei feau, ua puipuia ai i latou

mai i faaseseega e tele a Satani.

Ina ua mavae le faanoanoaga tele i le 1844, na matuā lē

malolo Satani ma ana agelu i le folasiaina o mailei ina ia lē

mausali ai le faatuatua o le tino atoa o le au faatuatua. Na ia

aafiaina mafaufau o tagata taitasi o ē sa auai ma sa i ai lo latou

iloa taitoatasi e faatatau i nei mea uma. Sa ia i latou se foliga o

le agamalu. Na latou suia le feau muamua ma le feau lona lua,

ma latou faasino atu i le lumanai mo lo latou faataunuuga, a’o

isi na faasino atu mamao lava i tua i le taimi ua tuanai, ma

latou fai mai sa faataunuuina ai iina. O nei tagata taitoatasi sa

latou tosoeseina mafaufau o i latou e lē’i lava lo latou iloa, ma

latou faalētumauina lo latou faatuatua. O nisi na suesueina le

Tusi Paia ina ia taumafai ai e fausia a’e se faatuatua a i latou

lava, e ese mai nai lo le tino. Sa olioli Satani i nei mea uma,

auā na ia iloa o i latou na vavae ese mai i le taula, na mafai ona

ia faaseseina i a’oa’oga sese eseese ma fetosoaiina solo i latou i

matagi o aoaoga eseese. O le toatele o i latou sa taitaia le feau

muamua ma le lona lua, na latou teena nei feau, ma na tulai

mai ai loa vaevaega ma le salalau solo i le tino atoa. Ona ou

vaaia lea o William Miller. Na ia foliga mai na lē malamalama

ma lē mautonu, ma na matuā tumu o ia i le faanoanoa ma le

mafatia mo ona tagata. Na ia vaaia le vaega o i latou na loto

gatasi ma sa agaalofa i le 1844, ua mou ese atu lo latou alofa o

le isi mo le isi,

143

167

ma ua tetee le isi i le isi. Na ia vaaia i latou ua toe pa’ū atu i tua

i se uiga lē alofa ma le solomuli i tua. O le tiga faanoanoa na

aveesea ai lona malosi. Na ou vaai i tane ta’ita’i o vaavaai ia

William Miller, ma sa latou matata’u ne’i ia taliaina le feau a le

agelu lona tolu ma poloaiga a le ATUA. Ma a’o amata ona ia

sailiili atu i le malamalama mai i le lagi, ona folasia lea e nei

tane se faufauga e aveese ai lona mafaufau. Na ou vaaia se

aafiaga faaletagata o galue ina ia taofia lona mafaufau i le

pogisa, ma ia taofia ai lona aafiaga i le lotolotoi o i latou. Ina

ua mavae se taimi umi ona siitia a’e lea o le leo o William

Miller e tetee ai i le malamalama mai i le lagi. Na ia agasala i

lona lē taliaina o le feau lea na semanu e faamatalaina atoa ai

lona faanoanoaga, ma lafoia mai ai se malamalama ma se

pupula i le taimi ua mavae, lea na semanu e toe faafouina ai

lona malosi, faamalosia ai lona faamoemoe, ma taitaia ai o ia

ina ia na faamamaluina le ATUA. Peitai na ia faalagolago atu i

le poto faaletagata a ua lē o le poto faalelagi, ma o le faavaivaia

o ia i galuega mamafa i le galuega a Lona Matai, ma le matua o

lona soifuaga, o lea na lē tuuaia ai o ia i lana filifiliga e faapei

ona tuuaia o i latou na taofia o ia mai i le upu moni. O i latou e

pa’ū i ai le matafaioi o lana filifiliga, ma o le agasala e pa’ū lea

i luga ia i latou. Ana mafai ona vaai William Miller i le

malamalama o le feau lona tolu, semanu e faamatalaina le tele

o mea na pogisa ma lilo ia te ia. O lona au uso na tautino maia

le alofa loloto ma le naunau mo ia, na ia manatu na lē mafai

ona ia vavae ese mai ia i latou. Semanu e talia e lona loto le

upu moni, peitai ane na ia vaavaai i lona au uso. Na latou

teena le malamalama lea. Na mafai ea ona ia vavae ese mai ia i

latou na soosoo tauau ma ia i le 168

alagaina o le toe afio mai o IESU? Na ia manatu e mautinoa

lava e lē mafai ona latou taitaiseseina o ia.

Na faatagaina o ia e le ATUA ina ia sau i lalo o le malosi

o Satani, ma ia pule le oti ia te ia. Na Ia natia o ia i totonu o le

144

tuugamau, natia ese mai ia i latou na tosoesea o ia i taimi

uma lava mai i le ATUA. Na agasala Mose i le taimi tonu lava

o le a ia ulufale atu ai i le laueleele folafolaina. E faapena foi,

na ou vaaia na agasala Willim Miller a’o le’i umi ae ia ulufale

atu loa i le Kanana faalelagi, i lona faatagaina o lona aafiaga e

tetee i le upu moni. O isi na taitaia o ia i lenei filifiliga. O isi foi

e tatau ona tali atu mo lena filifiliga. Peitai o agelu o loo latou

leoleoina le efuefu tāua o lenei auauna a le ATUA, ma o le a ia

tulai mai i le leo o le pu mulimuli. _________

MATAUPU 29

O se Faavae Mausali

Na ou vaai i se vaega o tagata na tulai puipuia lelei ma

mausali, ma latou te lē tuuina atu se avanoa ia i latou e

mananao ia aua ne’i mausali le faatuatuaga faavaeina o le tino.

Na silasila mai le ATUA ia i latou ma le fiafia. Na faailoaina

mai ia te a’u laasaga e tolu - - tasi, lua ma le tolu - - o feau ia a

le agelu muamua, lona lua ma le lona tolu. Na fai mai le agelu,

oi Talofa i lē o le a aveesea se poloka, pe faamigoi se pine oi

totonu o nei feau. O le malamalamaaga moni e faatatau i nei

feau e matua taua lava. O le iuga o tagata o loo faalagolago lea

i le tulaga e taliaina ai nei feau. Ona toe 169

aumaia lea o a’u i lalo i nei feau uma, ma na ou vaaia ai le telē

tele o le tau na faatauina ai e tagata o le ATUA lo latou

malamalamaaga. Na maua e ala i le tele o puapuaga ma

tauiviga faigata lava. O laasaga taitasi na aumaia ai i latou e le

ATUA, seia o’o ina Ia tuuina i latou i luga o se faavae mausali

lē mafaagaeetiaina. Ona ou vaai lea i tagata taitasi a’o latou

faalatalata atu i le faavae, a’o latou le’i laa atu i ai i luga, na

latou vailiiliina le faavae. O nisi na laa atu loa i luga i le taimi

lava lena ma le olioli. A’o isi na latou amata ona sailiili masei i

le folasiaina o le faavae o lea fausaga. Na latou mananao ina ia

145

toe faaleleia le faavae, ona sili atu ai lea ona atoatoa le lelei o le

faavae, ma sili atu ona fiafia tagata. O nisi na latou laa ese mai

nai le faavae ma auiliili le faavae, ona latou fai mai lea o loo i

ai mea sese i le faavae, ma latou fai mai o loo sese le folasiaina

o le faavae. Na ou vaaia na toeitiiti lava a tutulai mausali i latou

uma i luga o le faavae, ma na latou faatauanau atu i isi na laa

ese mai le faavae ina ia faamuta a latou faitioga, auā o le

ATUA o le tufuga lea na fausia le faavae, ma sa latou fai taua

atu ia te Ia. Na latou toe faailoa atu galuega ofoofogia a le

ATUA, lea na taitaia maia i latou i le faavae mausali, ma o i

latou uma na toeitiiti lava a tepa uma a’e o latou mata i le lagi,

ma o se alaga leotele lava na latou viia ai le ATUA. O lenei

alaga na aafia ai nisi o i latou na faitio ma tuua le faavae, ona

latou toe laa a’e lea i luga o le faavae ma o latou foliga ua

faamaulaloina.

Na toe faasinoina a’u i tua i le alagaina o le uluai afio mai

o KERISO. O Ioane na auina mai i le agaga ma le malosi o Elia

e saunia le ala mo le uluai afio mai o IESU. O ē na teena le 170

molimau a Ioane e le’i faamanuiaina i latou i aoaoga a IESU. O

lo latou tetee i le alagaina o Lona ulua’i afio mai, na tuuina ai i

latou i se tulaga na lē mafai ai ona faigofie ona latou talia le

faamaoniga sili ona malosi e faatatau ia IESU o ia o le Mesia.

Na taitaia pea i luma e Satani i latou na teena le feau a Ioane

ina ia latou agai pea i luma, ina ia latou teena IESU ma

faasatauro ia te Ia. I lo latou faia o lenei tulaga, na latou tuuina

ai i latou i le tulaga na lē mafai ai ona latou talia le

faamanuiaga i le aso o le Penetekoso, lea na semanu e

a’oa’oina atu ai ia i latou le ala agai atu i totonu o le

malumalu faalelagi. O le saeia o le veli o le malumalu, na

faailoa mai ai o le a lē toe talia taulaga fasia ma sauniga

faatonuina faaIutaia. Ua uma ona fasia le Taulaga silisili, ma ua

talia, ma o le Agaga Paia lea na afio ifo i le aso o le

Penetekoso, na Ia avea mafaufau o le au soo mai i le

malumalu faalelalolagi agai atu i le malumalu i le lagi, lea

146

na ulufale atu i ai IESU e ala i Lona lava toto, ma liligi mai

ai i luga o Ona soo faamanuiaga o Lana togiola. O tagata

Iutaia na tuua i latou i le faaseseega ma le pogisa atoa lava. Na

leiloa ese mai ia i latou le malamalama atoa lava na semanu

latou te maua e faatatau i le fuafuaga o le faaolataga, ma na

latou faalagolago ai pea lava i a latou taulaga fasia ma a latou

taulaga ofo lē aoga. Na lē mafai ona faamanuiaina i latou i le

galuega faafautua a KERISO i totonu o le nofoaga paia. O le

malumalu faalelagi ua suitulaga nei i le malumalu faalelalolagi,

ae na leai so latou malamalamaaga e faatatau i le ala agai atu i

le malumalu faalelagi.

E toatele e vaavaai ma le mata’u i filifiliga na faia e

tagata Iutaia agai ia IESU i lo latou teena ma lo latou

faasatauroina 171

o Ia. Ma a’o latou faitau i le talaaga o le sauaga faalumaina o

Ia, latou te manatu latou te alolofa ia KERISO, ma o le a latou

lē faafitia lava o Ia e faapei ona faia e Peteru, pe faasatauroina

foi o Ia e faapei ona faia e tagata Iutaia. Peitai o le ATUA o Lē

ua molimauina lo latou alofa faaalia mo Lona Alo, ua Ia

tofotofoina i latou, ma ua Ia aumaia i le tofotofoga lena alofa

na latou tautinoina mo Ia.

O le lagi atoa uma na vaavaai ma le naunau tele i le uiga

o le a taliaina ai le feau. Peitai o le toatele na tautino mai e

alolofa ia IESU, ma na maligi o latou loimata a’o latou

faitauina le tala e faatatau i le satauro, e aunoa ma lo latou

taliaina o le feau ma le fiafia, ua osofia i latou i le ita, ma

tauemu ai i le tala lelei e faatatau i le afio mai o IESU, ma latou

fai mai ai o se faaseseega lea. Latou te lē’i mananao e talia i

latou na alolofa ma fiafia i Lona toe faaali mai, ae na latou

inoino ia i latou, ma tuliesea i latou mai i ekalesia. O i latou

na teena le feau muamua, na le’i mafai ona faamanuiaina i

latou i le feau lona lua, ma e lē’i faamanuiaina foi i latou i le

alaga o le tulua o po ma ao, lea na fuafuaina e saunia ai i latou

e ulufale faatasi atu ma IESU e ala i le faatuatua i totonu o le

147

nofoaga sili ona paia o le malumalu i le lagi. O le teena la o

uluai feau muamua e lua, e lē mafai ai ona latou vaaia se

malamalama i le feau a le agelu lona tolu, lea na faailoa mai ai

le ala agai atu i totonu o le nofoaga sili ona paia. Na ou vaaia, o

ekalesia ia e na ona igoa i le igoa ekalesia, e faapei ona

faasatauro e tagata Iutaia IESU, na latou faasatauroina foi nei

feau, o lea ua leai ai so latou malamalamaaga i le gaioiga na

faia i le lagi, poo le ala foi agai atu i le nofoaga sili ona paia,

ma e lē mafai ona faamanuiaina i latou i le galuega faafautua a

IESU iina. E faapei o tagata Iutaia, o ē na ofoina atu a latou 172

taulaga fasia lē aoga, na latou ofoina atu a latou tatalo lē aoga i

le potu lea ua tuua e IESU, ma o Satani, o le faamalieina o ia i

le faaseseega o i latou o loo fai mai o i latou o soo o KERISO,

ua ia taofimauina ai i latou i lana mailei, ma ua ia faafoliga mai

i se uiga faaletapuaiga, ma taitaia atu ai ia te ia mafaufau o nei

kerisiano-i-faaupuga, ma ia galue ai i lona malosi, ma ana

vavega ma faailoga ofoofogia. O nisi na te faaseseina i se tasi

auala a’o isi i se isi auala. E eseese ana faaseseega ua saunia e

faasese ai mafaufau eseese. O nisi e vaavaai ma le fefe tele i le

faaseseega e tasi, ae latou te talia ma le faigofie le isi

faaseseega. E faasese e Satani nisi i le Talitonuga e faatatau i le

ola pea o agaga o ē ua oti. Na te sau foi e faapei o se agelu o le

malamalama, ma fofola lona aafiaga i luga o le laueleele uma.

Na ou vaai i toe fuataiga sese i soo se mea. O ekalesia, na

soona faaosofia lo latou fiafia, ma na latou manatu ua galue ma

le mana le ATUA mo i latou, ae o le galuega lea a se isi agaga.

O le a mate ese atu lea galuega ma tuua ai le lalolagi ma le

ekalesia i se tulaga sili ifo ona leaga nai lo le tulaga sa i ai

muamua.

Na ou vaaia sa i ai tagata faamaoni o le ATUA i le

lotolotoi o i latou sa na ona faaigoaina faapea o loo latou faatali

mo le toe afio mai o IESU ma ekalesia pa’u’ū, ma o faifeau ma

tagata o le a valaauina ia o ese mai i nei ekalesia, a’o le’i

sasaaina mai mala, ma o le a latou talia ma le fiafia le upu

148

moni. O loo iloa e Satani le mea lenei, ma a’o le’i alagaina le

alaga tele a le agelu lona tolu, na te faaosofiaina se lagona oso

soona fiafia i totonu o nei tino faaletapuaiga, ina ia manatu ai i

latou ua teena le upu moni o loo i ai pea le ATUA ia i latou. Na

te faamoemoe ina ia faasese le au faamaoni, ma taitaia i latou

ina ia latou manatu o loo galue pea le ATUA mo ekalesia.

Peitai o le malamalama 173

o le a susulu mai, ma o i latou uma lava o ē faamaoni o le a

latou tuua ekalesia pa’u’ū, ma tulai faatasi loa ma le au

totoe. _________

MATAUPU 30

Talitonuga i le Ola Pea o Agaga o Ē ua Oti

Na ou vaai i le faaseseega a agaga leaga. O Satani e i ai

lona malosi e aumaia ai i o tatou luma foliga o tino tagata o loo

fai mai o i latou o o tatou aiga ma uo o loo momoe nei i a

IESU. O le a ia faia ina ia foliga mai o loo latou ola mai, o upu

na latou tautalagia a’o latou feola, ia sa tatou masani ai, o le a

tautalagia, ma o ituaiga leo masani lava ia sa ia i latou a’o latou

feola, o le a faalogo i ai o tatou taliga. O nei faiga uma ua

fuafuaina ina ia faasese ai le lalolagi, ma maileia ai i latou ina

ia latou talitonu i lenei faaseseega.

Na ou vaaia o le au paia, e tatau ona i ai so latou

malamalamaaga mae’ae’a e faatatau i upu moni mo le

taimi lenei, lea o le a manaomia i latou ina ia latou lagolagoina

mai i le Tusi Paia. E tatau ona latou malamalama i le mea e

tupu i le tagata pe a oti, auā o agaga o temoni o le a faaali

mai ia i latou, ma latou fai mai o i latou o uo ma aiga pele, ma

o le a latou faailoa mai ia i latou mataupu lē faavaeina i le Tusi

Paia. O le a latou faia mea uma lava i lo latou malosi ina ia

faaosofia le alofa, ma faia vavega i o latou luma, ina ia

faamausali ai mataupu ua latou faailoa mai. O tagata o le

149

ATUA e tatau ona latou sauni e tetee atu i nei agaga leaga i le

upu moni o le Tusi Paia o loo fai mai o ē ua oti latou te lē iloa 174

se mea e tasi, ma o nei agaga o agaga ia o temoni.

Na ou vaaia, e tatau ona tatou auiliiliina mae’ae’a le

faavae o lo tatou faamoemoe, auā o le a tatau ona tatou

tuuina atu se mafuaaga mo lo tatou faamoemoe mai i le

Tusi Paia, auā o le a tatou vaai i lenei faaseseega o salalau

solo, ma o le a tatau ona tatou tauivi faafesagai ma lenei

faaseseega. Ma seivagana ua tatou sauni mo lenei faaseseega,

o le a maileia i tatou ma faaumatia. Ae afai tatou te faia le mea

e mafai ona tatou faia i la tatou vaega ina ia tatou sauni ai mo

le tauiviga o loo i o tatou luma tonu nei lava, o le a faia e le

ATUA Lana vaega, ma o Lona aao malosi silisiliese, o le a

puipuia i tatou. O le a vave ona Ia auina mai agelu uma lava

mai i le lagi ina ia faia se pa puipui faataamilo e siomia ai ē

faamaoni, nai lo le tuua o i latou ina ia faaseseina ma

taitaieseina e faaseseega ofoofogia a Satani.

Na ou vaai i le vave tele o loo salalau ai lenei faaseseega.

O se solo a taavale na faailoaina mai ia te a’u, o loo o atu i le

saoasaoa o le emo o le uila. Na fai mai le agelu ia te a’u ou te

vaai ma le faaeteete. Sa taulai atu la’u vaai i le faasologa o

taavale. Na foliga mai o le lalolagi uma lava sa i ai i luga. Ona

ia faailoa mai lea ia te a’u lē o loo ta’imua, na foliga mai o se

tagata mamalu lalelei, sa vaavaai maualuga atu i ai ma ava i ai

le pasese atoa. Na ou lē malamalama, ma sa ou fesili atu i la’u

agelu sa faatasi ma a’u poo ai lea. Na ia fai mai, O Satani. O ia

o le ta’ita’i o loo liu mai i foliga o se agelu o le malamalama.

Ua ia faaseseina le lalolagi uma. Ua tuuina atu i latou i

faaseseega malolosi, ina ia latou talitonu i se pepelo ina ia

faasalaina ai i latou. O lana tagata faigaluega, o lē o loo sosoo

atu lona tulaga ia te ia, o le avetaavale lea, ma o isi o 175

ana auauna o loo faafaigaluegaina i tofiga eseese na te

manaomia ai i latou, ma o loo latou o atu faatasi uma i le

saoasaoa o le emo o le uila i le faafanoga. Na ou fai atu i le

150

agelu pe leai nisi o totoe. Na ia faatonu mai ia te a’u ou te vaai

i le itu o loo faafeagai ma le itu o loo alu i ai le taavale afi, ma

na ou vaaia ai se vaega itiiti lava o tagata o faimalaga i se ala

vaiti. O i latou uma na foliga mai na loto gatasi mausali uma,

ma fusia faatasi e le upu moni.

O lenei tamai vaega o tagata na foliga mai ua vaivai ma

mafatia ona o le popole, e peiseai na latou pasi mai i ni

tofotofoga faigata lava ma tauiviga. Ma na foliga mai o le la, na

faatoa susulu mai lava mai i tua o le ao, ma susulu mai ai i luga

o o latou foliga, ma mafua ai ona latou foliga mai ua

manumalo, na foliga mai na toeitiiti lava a maua atoa lo latou

manumalo.

Na ou vaaia na aumai e IEOVA i le lalolagi le avanoa

latou te mateia ai le mailei. O lenei mea e tasi o le faamaoniga

lea na lava lelei mo le kerisiano pe ana faapea e leai lava se isi

faamaoniga. E leai se eseesega o faia i le va o le auro taua ma ē

amioleaga.

O Thomas Paine, o lona tino ua pala i le efuefu, ma o le a

toe faatuina mai o ia i le iuga o le 1000 tausaga, i le toe tu lona

lua, ina ia maua lona taui ma puapuagatia ai i le oti lona lua, o

loo fai mai Satani ua i le lagi nei o ia, ma ua matuā faasilisiliina

ai iina. Na faaaoga o ia e Satani i le lalolagi i le umi lava na ia

mafai ai, ma o lenei ua ia tauaveina pea i luma le galuega lava

lea e tasi e ala i lona faafoligaina mai faapea o Thomas Paine

ua matua siitiaina lava ma faamamaluina, ma e faapei ona ia

a’oa’o i le lalolagi, o loo faafoliga mai foi e Satani faapea o loo

ia a’oa’o foi i le lagi. Ma 176

o nisi i le lalolagi sa vaavaai ma le mata’u i lona olaga ma lona

oti ma ana a’oa’oga leaga a’o ia ola, o lenei ua latou gauai ina

ia a’oa’o e ia, o se tasi lenei o tane na sili ona amioleaga ma lē

faamaoni; o lē na inoino i le ATUA ma Lana tulafono.

O le tamā o le pepelo uma, o loo ia faatauasoina ma

faaseseina le lalolagi e ala i lona auina mai o ana agelu ina ia

latou tautala mo le au aposetolo, ma faafoliga mai ua latou

151

faafeteenaiina upu sa latou tusia a’o latou i ai i le fogaeleele,

upu ia sa faailoa mai e le Agaga Paia. O nei agelu pepelo o loo

latou faafoligaina mai ua faaleaga e aposetolo a latou lava

a’oa’oga ma faailoa mai o a latou a’oa’oga ua faamuliluaina. O

le faia faapena e mafai ai ona ia lafoina kerisiano e na ona

kerisiano i le igoa, o ē o loo i ai le igoa o loo ola a ua oti, ma le

lalolagi atoa, i le lē mautinoa e faatatau i le Upu a le ATUA,

auā o le Upu a le ATUA e iloa lelei ai lava lana faaseseega, ma

e mafai ona faalēaogaina ai ana fuafuaga. O lea na te faaosofia

ai i latou ina ia latou masalosalo i le amataga faalelagi o le Tusi

Paia, ma ia faatuina ai loa le tagata lē talitonu i le ATUA o

Thomas Paine, e peiseai na aveina atu o ia i le lagi ina ua ia oti,

ma ua faatasia atu o ia i aposetolo paia ia sa ia ita i ai i le

lalolagi, ma foliga mai ai o loo ia a’oa’oina le lalolagi.

Ua tuu atu e Satani i ana agelu taitasi lana vaega na te

faia. Na te faatonu atu ia i latou ina ia latou popoto e faasese,

faitogafiti ma taufaavalea. Na te faatonu atu i nisi o i latou ina

ia latou faafoligaina mai olaga ma uiga o le au aposetolo, ma

tautala mo i latou, a’o isi ua ia faatonuina ina ia latou

faafoligaina mai tane lē talitonu ma tane amioleaga o ē na feoti

o faifai i le ATUA, a’o lenei ua foliga mai o ni tagata matuā

lolotu lava. E leai se eseesega o faia i le va o aposetolo sili ona

paia 177

ma tane sili ona amioleaga. Ua tutusa le faafoligaina mai o i

latou e peiseai o loo latou a’oa’oina mai le mataupu e tasi. E lē

taua poo ai e faafoliga mai e Satani ina ia tautala mai, pe afai e

faataunuuina ai lana sini. Na ia matua fesootai mafana lava ma

Paine i luga o le fogaeleele, ma faapena ona ia fesoasoani ai ia

te ia, o lea, o se mea faigofie lava ia te ia lona iloaina o upu

tonu lava ia sa ia faaaogaina, ma le tusilima tonu lava a le tasi o

lana fanau faamaoni na auauna ma le naunau ia te ia, ma matua

faataunuuina lelei ana fuafuaga. Na faatonu mai e Satani le tele

o tusitusiga a Paine, ma o se mea faigofie lava ia te ia lona

faatonu o manatunatuga e ala i ana agelu i le taimi lenei, ma

152

faafoliga mai ai o loo sau mai ia Thomas Paine, o lē na avea

ma ana auauna naunau a’o ia ola. Peitai o le faaseseega sili

lenei a Satani. O nei aoaoga uma o loo fai mai e sau mai i le au

aposetolo ma le au paia ma tane amioleaga ua feoti, e sau

tuusa’o tonu lava mai ia te ia.

O lenei malamalama e tatau ona lava lava lea e

aveesea ai le ufiufi mai i mafaufau taitasi uma ma iloa ai

galuega pogisa uma ma le faalilolilo a Satani, - i lona fai mai

o loo ia te ia se tasi na ia alofa tele i ai, ma na matua ita atoatoa

i le ATUA, ma ua faatasi ma le au aposetolo ma agelu paia i le

lagi: o lona uiga o loo ia fai mai i le lalolagi ma tagata lē

talitonu, Tusa lava poo le a lou amioleaga, tusa lava pe e te

talitonu i le ATUA poo le Tusi Paia, poo lou lē talitonu foi, tau

lava o lou ola e tusa ai ma lou maliega, o le lagi o lou aiga lea,

- - auā e iloa e tagata uma afai ua i le lagi Thomas Paine, ma ua

matua faasilisiliina, o le a latou o’o moni lava foi la i le lagi. O

lenei faaseseega e matua faigofie lava ona mateia o lea e mafai

ai ona iloa e tagata uma pe afai latou te mananao i ai. O loo faia

nei e Satani i le taimi lenei le mea 178

na ia taumafai e fai talu mai lava le taimi na ia pa’ū ai, e ala i

tagata taitoatasi e pei o Thomas Paine, o loo ia saeieseina ai e

ala i lona malosi ma ana faaseseega pepelo, le faavae o le

faamoemoe o le kerisiano, ma aveesea ai lo latou la lea e tatau

ona faamalamalamaina ai i latou i le ala vaiti agai atu i le lagi.

O loo ia faia le lalolagi ina ia talitonu o le Tusi Paia e lē sili a’e

nai lo se tusi-o-tala e lē’i osofia e le Agaga o le ATUA ona

tusitusiga, a’o le taimi lava lea o loo ia tuuina mai ai se mea e

suitulaga i le Tusi Paia, o lona igoa, O Faaaliga a Agaga

Leaga!

O se auala lenei o loo faaaogaina atoa lava mo ia, i lalo o

lana puleaga, ma e mafai ona ia faatalitonuina le lalolagi i soo

se mea na te manao i ai. O le tusi o le a faamasinoina ai o ia ma

ona soo, ua ia tuuina i le pogisa, i le nofoaga tonu lava o loo ia

manao i ai. O le FAAOLA o le lalolagi ua ia faia ina ia lē sili

153

a’e nai lo se tagata masani, ma e faapei ona faasalalau e fitafita

leoleo Roma ia sa leoleoina le tuugamau o IESU, le ripoti sese

ma le pepelo na tuu e le au faitaulaga sili ma toeaiina i o latou

gutu, o le a faapena foi ona toe faaluaina e soo faaseseina o

nei faaaliga faafoliga faaleagaga, ma taumafai ina ia foliga mai,

e leai se tulaga faavavega e faatatau i le fanau mai o lo tatou

FAAOLA, ma Lona maliu ma Lona toe soifua mai, ma latou

tuuina ai loa IESU ma le Tusi Paia i tua i le pogisa, i le nofoaga

o loo latou mananao e tuu ai o Ia, ona latou tosina maia lea o le

lalolagi ina ia latou vaavaai mai ia i latou ma a latou faailoga

ma vavega ofoofogia pepelo ia o loo latou fai mai e matua sili

atu nai lo galuega a KERISO. Ua faapena ona faaseseina ai le

lalolagi i le mailei, ma faamoeina ai i le manatu saogalemu, ma

latou lē iloa ai la latou faaseseega leaga tele, seia o’o ina sasaa

mai 179

mala mulimuli e fitu. E ‘ata Satani a’o ia vaai atu i lana

fuafuaga o matua faamanuiaina lelei lava, ma le lalolagi atoa i

totonu o le mailei. _________

MATAUPU 31

Mana’o Matape’ape’a

Na ou vaai ia Satani ma ana agelu o talanoa faatasi. Na ia

faatonu atu i ana agelu ina ia latou o ma folasia faapitoa lava a

latou mailei mo i latou na faatalitali atu mo le faaali faalua mai

o KERISO ma sa latou tausia poloaiga uma lava a le ATUA.

Na ta’u atu e Satani i ana agelu, o ekalesia uma lava o loo

momoe uma. O le a ia faatuputeleina lona malosi ma ana

faailoga pepelo, ma na mafai ona ia taofia i latou. Peitai o le

vaega o tagata tausi Sapati tatou te feita i ai. O loo latou

galulue i taimi uma e tetee mai ia i tatou, ma aveesea mai ia i

tatou a tatou tagata, ina ia tausia lena tulafono itagia a le

ATUA.

154

Ia outou o, ia outou faia i latou o loo i ai fanua ma tupe

ina ia latou onanā i le popole. Afai e mafai ona outou faia ina ia

latou tuuina lo latou alofa i nei mea, ua tatou maua i latou. E

mafai ona latou tautino mai i soo se tautinoga latou te mananao

ai, tau lava ina outou faia i latou ina ia sili atu ona latou popole

i tupe nai lo le manuia o le malo o KERISO, poo le

faasalalauina foi o upu moni ia tatou te inoino i ai. Tuu atu le

lalolagi i o latou luma i le malamalama sili ona tosina ai, ina ia

latou mananao i le lalolagi ma latou faia ai le lalolagi ma tupua.

E tatau ona tatou taofia tupe ma auala o fesoasoani i le tulaga e

mafai ona tatou faia ai. O le tele o tupe ma auala o fesoasoani

latou te maua, o le tele foi lena o le tulaga o le a latou

faamanu’alia ai lo tatou malo e ala i lo latou mauaina 180

o o tatou tagata. Ma a’o latou faatulagaina faatasiga i nofoaga

eseese, ua lamatia ai i tatou. Ia outou matua mataala lava i le

taimi lena. Ia outou faia mea uma lava e mafai ona outou faia

ina ia outou faalavelave ai ia i latou. Faaumatia le alofa o le isi

i le isi. Ia outou faavaivaia ma faalotovaivai a latou faifeau, auā

tatou te inoino ia i latou. Ia outou tuuina atu alofaga uma lava e

mafai ona talia e i latou e i ai tupe ma isi auala o fesoasoani,

ne’i latou foaiina atu. Ia outou pulea mataupu tau tupe pe afai

tou te mafaia, ma ia faamatitiva a latou faifeau, ma ia pagatia.

O le faia faapena o le a faavaivaia ai lo latou loto tele ma lo

latou vilivilitai. Aua ne’i tuuina se avanoa i mea uma lava e

mafai ona outou faatoilaloina. Ia outou faia le agasala o le

manao matape’ape’a ma le manao i oa faalelalolagi ia avea ma

uiga pule aoao i a latou amio. O le umi lava e pule ai nei uiga, e

faapena foi ona latou lē maua le faaolataga ma le alofa tunoa.

Ia outou matuā faaputu atu mea uma i o latou itu uma ina ia

tosina i ai i latou, ma o le a mautinoa lava ua tatou maua i

latou. O le a lē gata ina tatou maua i latou, a’o lo latou aafiaga

foi o loo tatou inoino i ai, o le a lē faaaogaina i isi e taitaia ai i

latou i le lagi. Ma o i latou o le a taumafai e foai, ia outou

155

tuuina i totonu o i latou se uiga aiū ma le musu, ina ia latou foai

se vaega itiiti lava.

Na ou vaaia na faataunuu e Satani ma le faamanuiaina

ana fuafuaga. Ma a’o faatulaga e auauna a le ATUA fonotaga

ma faatasiga, na malamalama lelei lava Satani ma ana agelu i la

latou galuega, ma sa latou i luga o le laueleele ina ia faaleaga le

galuega a le ATUA, ma sa ia tuu atu manatunatuga i taimi uma

lava i totonu o mafaufau o tagata o le ATUA. O nisi na ia

taitaia i le tasi auala, a’o nisi i se isi auala, ma ia faaaogaina ai i

taimi uma lava i se tulaga faamanuiaina uiga leaga oi totonu o

tuagane ma uso, ma faaosofia a’e ai o latou uiga leaga

faalenatura. Afai latou te naunau ina ia loto faapito ma

matape’ape’a, e matua fiafia lava Satani e 181

tulai i o latou autafa, ma o lona malosi atoa lava na te taitaia ai

i latou ina ia latou faaalia o latou uiga agasala leaga. Afai e

aveesea e le alofa tunoa o le ATUA ma le malamalama o le

upu moni nei lagona mana’o matape’ape’a, ma le loto faapito

mo sina taimi, ma, latou te lē maua ai le manumalo atoatoa lava

i nei agasala, afai latou te lē o i ai i lalo o se aafiaga lelei, ona

sau lea i totonu o Satani ma aveesea tapulaa lelei uma lava, ona

latou manatu ai lea ua tele tele le galuega e tatau ona latou faia.

Ona latou faavaivai ai lea i le amio lelei ma latou faagalo atoa

ai le taulaga tele na faia e IESU mo i latou, ina ia toe faatau

mai ai i latou mai i le malosi o Satani, ma le pagatia leai se

faamoemoe.

Na faaaoga e Satani le uiga agasala o le manao

matape’ape’a ma le faapito o Iuta, ma taitaia ai o ia ina ia

muimui i le suau’u na tuuina atu faapitoa e Maria ia IESU. Na

manatu Iuta na matuā maimau tele le suau’u, sa ono mafai ona

faatau atu ma foai atu tupe e maua mai ai i ē matitiva. Na te lē’i

alofa i tagata matitiva, peitai na ia manatu o le meaalofa na

foaiina atu ma le loto alofa atoa ia IESU, o se uiga soona fai lea

ma le ma’imau. Na faatāua e Iuta lona ALII i se tulaga itiiti

lava o lea na ia manatu ai ua lava lava lona faatauina atu o Ia

156

mo ni nai tupe siliva itiiti. Ma na ou vaaia sa i ai nisi e faapei o

Iuta ia i latou o loo tautino mai o loo faatalitali mo lo latou

ALII. Ua pulea i latou e Satani, ae latou te lē iloa lenei tulaga.

E lē mafai ona talia e le ATUA se vaega itiiti lava o le agasala

o le manao matape’ape’a poo le loto faapito foi. Na te inoino i

ai, ma Na te inoino i tatalo ma faamalosiga a i latou o loo i ai

nei uiga. A’o iloa e Satani ua puupuu lona taimi, na te taitaia

atu pea i latou ina ia faatuputeleina lo latou loto faapito ma lo

latou mana’o matape’ape’a, ona ia olioli lea a’o ia vaai atu ia i

latou ua matuā siomia lava ia i 182

latou lava, ma lima mau aiū, lē loto foai ma loto faapito. Ana

mafai ona tatalaina mata o tagata faapea, semanu o le a latou

vaai ia Satani i lona manumalo leaga, i lona maua o i latou, ma

ia ‘ata ai i le vālea o i latou o loo taliaina manatunatuga o ana

faaosoosoga, ma ulufale atu ai i ana mailei. Ona ave lea e

Satani ma ana agelu gaioiga leaga lē loto foai manao

matape’ape’a a nei tagata taitasi, ma faailoa atu ia IESU ma

agelu paia, ma latou fai atu ma le faitio, O so’o nei o KERISO!

O loo latou sauni ina ia aveina a’e i latou i le lagi! E maitau e

Satani a latou amioga sese, ma faatusatusa amioga ia ma le

Tusi Paia, faatusatusa i fuaiupu o le Tusi Paia lea o loo a’oa’i

manino mai ai lava amioga agasala faapea, ona ia faailoa atu

lea ina ia faatiga ai i agelu o le lagi, i lona faapea atu, O i latou

nei o loo mulimuli ia KERISO ma Lana Upu!. O fua nei o le

maliu o KERISO ma Lana faaolataga! Ua liliu ese agelu ma le

inoino mai i lenei vaaiga. E manaomia e le ATUA le faia o

Lana Upu i taimi uma lava e Ona tagata, ma a latou faavaivai i

le amio lelei ma le agalelei, ona lē fiafia mai lea o Ia ia i latou.

Na ou vaaia na matuā lē fiafia lava le finagalo o le ATUA i le

faaaliaina i le tulaga sili ona itiiti o le loto faapito e Ona tagata

o loo tautino mai o i latou o Ona tagata, o ē na lē’i taofia ai e

IESU Lona lava soifua paia. O tagata taitoatasi uma lava e

loto faapito ma mana’o matape’ape’a, o le a pa’ū ese i le

ala. E faapei o Iuta, o lē na faatauina lona Alii, o le a latou

157

faatauina atu tapulaa lelei, ma se uiga lelei, loto foai mo se

vaega itiiti o mea e maua mai o le lalolagi. O tagata uma lava

faapena o le a lūlūeseina mai i tagata o le ATUA. O i latou e

mananao i le lagi, e tatau ona latou faalototeleina tapulaa a le

lagi i malosi taitasi uma lava o ia i latou. Ma e aunoa ma le 183

magumagu ifo ma mamae o latou agaga ona o le loto faapito, e

tatau ona latou tatala o latou loto i le agaga foai, ma o avanoa

uma lava e tatau ona faaleleia atili i le faia o galuega lelei e le

isi i le isi, ma ia faateleina atili ma ia atili faatupulaia a’e ai i

tapulaa a le lagi. O IESU na faailoa mai ia te a’u o le

faaa’oa’o atoatoa lea. O Lona soifuaga na leai se uiga faapito

sa i ai, ma na maitaulia Lona soifuaga i le agaalofa lē faapito. _________

MATAUPU 32

O le Lūlūuga

Na ou vaaia nisi o aioi i le ATUA ma le faatuatua

malosi lava ma le tagi mafatia tele. O o latou foliga sa sesega,

ma iloga i le popole loloto lava, sa faailoa mai ai la latou

tauiviga i totonu. O le mausali ma le finafinau tele sa faailoa

mai i o latou foliga, ma o matāua tetele lava o le afu na sau mai

i o latou muaulu, ma pa’ū ifo. O lea taimi i lea taimi na susulu

a’e ai o latou foliga i le faailoga o le fiafia mai o le ATUA, ona

ou toe vaaia lea o uiga lava ia o le finafinau popole, i o latou

foliga.

O agelu leaga na lolofi faataaliolio mai ia i latou, ma

lafoia mai lo latou pogisa i luga ia i latou, ina ia punitia ese ai

IESU mai i la latou vaai, ina ia taulai la latou vaai i le pogisa na

siomia maia i latou, ma latou lē talitonu ai i le ATUA, ma

muimui ai loa ia te Ia. O lo latou saogalemu e tasi lava o le

taulai mausali lea o o latou mata i le lagi. O agelu sa ia i latou

le matafaioi o le leoleoina

158

184

o tagata o le ATUA, ma a’o siomia mai tagata popole nei o le

ATUA e le pogisa o le aafiaga ‘ona ma le leaga mai i nei agelu

leaga, o agelu ia na tuu atu i ai le matafaioi o le leoleoina o i

latou, sa latou talotaloina i taimi uma o latou apaau i luga ia i

latou ina ia faasalalau ese ai le pogisa mafiafia na siomia ai i

latou.

O nisi, na ou vaaia, latou te lē’i auai i lenei galuega o

le augani ma le aioi i le ATUA. Na foliga mai sa latou lē ano

lē naunau ma lē popole. Sa latou lē tetee atu i le pogisa na

siomia ai i latou, ma na punitia ai i latou i totonu e pei o se ao

mafiafia. Na tuua i latou e agelu a le ATUA, ma latou o atu ai e

fesoasoani ia i latou o loo finafinau ma vilivilitai i le tatalo. Na

ou vaaia agelu a le ATUA o faataalise atu e fesoasoani ia i

latou uma lava na tauivi ma o latou malosi atoa lava ina ia tetee

atu i agelu leaga, ma taumafai e fesoasoani ia i latou lava e ala i

lo latou valaau ma le finafinau i le ATUA. Peitai na tuua e

agelu i latou e le’i faia se taumafaiga ina ia fesoasoani ai ia i

latou lava, ma na ou lē toe vaaia loa i latou.

A’o faaauau e nei tagata tatalo a latou alaga ma la latou

tagi ma le finafinau, o nisi o taimi o se ave o le malamalama

mai ia IESU na sau ia i latou, ma faalototeleina ai o latou loto,

ma na faapupulaina a’e ai o latou foliga.

Na ou fesili atu i le uiga o le lūlūuga na ou vaai i ai. Na

faailoa mai ia te a’u o le a mafua ona o le molimau tuusa’o ua

tuuina mai e le fautuaga a le Molimau Moni i le au Laotikaia.

O le a i ai lona aafiaga i le loto o lē na te taliaina le molimau,

ma o le a taitaia ai o ia ina ‘ia ia siitiaina le tapulaa ma alaga

atu le Upu Moni tuusa’o ma le faamaoni. O lenei molimau

tuusa’o, o le a lē talia e nisi. 185

O le a latou tulai a’e e tetee i le molimau tuusa’o, ma o lenei

tulaga o le a mafua ai loa se lūlūuga i tagata o le ATUA. Na ou vaaia o le molimau a le Molimau faamaoni e le’i

taliaina le afa o lona vaega. O le molimau taua o loo

faalagolago i ai le iuga o le ekalesia, ua manatu māmā i ai, pe

159

afai e lē’o lē amanaiaina atoa. O lenei molimau e tatau ona

galueaiina ai le salamo loloto lava, ma o i latou uma lava e

taliaina, o le a latou usitai i ai, ma o le a faamamāina i latou.

Na fai mai le agelu, Faalogo! E le’i umi ae ou faalogo loa

i se leo na pei o ni mea fai faaili e tele lava, o loo tāina i leo

fetaui lelei, ma matagofie e sili atu nai lo se isi lava musika na

ou faalogo muamua i ai. Na foliga mai na matua tumu atoa i le

alofa tunoa, mutimutivale, ma le olioli siitiaina ma le paia. Na

o’o ifo lea lagona i lo’u tino ola atoa. Na fai mai le agelu, Vaai!

Ona toe taulai atu lea o la’u vaai i le vaega o tagata sa ou vaai

muamua i ai, lea sa matuā lūlūina lava. Na faailoa mai ia te a’u

i latou na ou vaai muamua i ai o fetagisi ma tatalo ma le

mafatia tele o o latou agaga. Na ou vaaia o le vaega o agelu

leoleo o loo siomiaina i latou, ua faaluaina le toatele, ma na

faaofuina i latou i se talita mai i o latou ulu e o’o i o latou

vae. Sa latou gaioi i laasaga tutusa lelei, ma mausali e pei o se

vaega o fitafita. O o latou foliga na faailoa mai ai le tauiviga

matautia na latou tauivi ai, le tauiviga tiga lava na latou ui mai

ai. A’o o latou foliga, lea sa iloga mai ai le mafatia tele i totonu

o o latou loto, ua susulu mai nei i le malamalama ma le

mamalu o le lagi. Ua latou maua le manumalo, ma 186

na alagaina mai ai ia i latou le agaga faafetai sili ona loloto, ma

le olioli paia.

O le fuainumera o lenei vaega o tagata ua faaitiitia. O nisi

ua lūlūeseina, ma tuua ai i le ala. O i latou na faatalale ma

faalēano, e le’i faatasi atu ia i latou na faatāuaina le manumalo

ma le faaolataga ina ia augani, ma finafinau, ma aioi atu mo le

manumalo ma le faaolataga, latou te lē’i maua le manumalo ma

le faaolataga, ma na tuua ai loa i latou i tua i le pogisa, ma o lo

latou fuainumera na vave lava ona faatumulia e isi na taliaina

le upu moni, ma o mai loa i le itu a i latou na faatāuaina le

faaolataga. Na siosio mai pea agelu leaga ia i latou, ae na leai

so latou malosi e faatoilalo ai ia i latou.

160

Na ou faalogo ia i latou na faaofuina i le talita o latou

tautalagia atu le upu moni ma le mana tele lava. Sa i ai lona

aafiaga. Na ou vaai ia i latou na saisaitia, o nisi o avā na

saisaitia e a latou tane, ma o nisi o fanau na saisaitia e o latou

matua. O tagata faamaoni na saisaitia pe na taofia mai i lo latou

faalogo i le upu moni, o lenei ua latou taofimau atu ma le

naunau i le upu moni ua tautalagia. O le mata’u uma i o latou

aiga ua aveesea nei. Ua na o le upu moni lava ua faatauaina nei

ia i latou. Ua sili atu ona pele ma taua ia i latou nai lo o

latou ola. Sa latou fia aai ma fia feinu mo le upu moni. Na ou

fesili poo le a le mafuaaga ua tupu ai lenei suiga tele. Na tali

mai se agelu, O le uaga mulimuli, le faafouga mai i luma o le

Alii; le alaga tele a le agelu lona tolu. Na tele le mana sa i ai i nei tagata filifilia. Na fai mai le

agelu, Vaai foi! Ona taulaiina lea o la’u vaai 187

i tagata amioleaga, poo tagata lē talitonu. Sa matua fafaguina i

latou. O le vilivilitai ma le mana o loo i tagata o le ATUA na

fafaguina ai i latou ma faatupulia ai lo latou ita tele. O le

nunumi, nunumi, sa i ai i itu uma. Na ou vaai i faufauga o faia

e tetee ai i lenei vaega o tagata sa i ai le mana ma le

malamalama o le ATUA. O le pogisa na atili mafiafia i o latou

itu uma, ae na latou tutulai pea, na taliaina e le ATUA, ma na

latou faatuatua talitonu ia te Ia. Na ou vaaia i latou ua lē

mautonu. Ona ou faalogo lea ia i latou o latou fetagisi atu i le

ATUA ma le finafinau lava. O le ao atoa ma le po na le’i muta

ai la latou alaga. Na ou faalogo i upu nei, Ia faia lava Lou

finagalo, le ATUA e,! Afai e mafai ona faamamaluina ai Lou

suafa, ia Ē saunia se ala e laveai ai Ou tagata! Laveai mai ia i

matou mai i tagata faapaupau o loo siomiaina i matou! Ua latou

filifili ina ia fasiotia i matou; peitai o Lou aao e mafai ona

aumaia le faaolataga. O upu uma lava nei e mafai ona ou

manatua. Na foliga mai sa ia i latou se lagona loloto lava o lo

latou lē aoga, ma na latou faaalia le gauai atoa lava i le finagalo

o le ATUA. O i latou uma lava, e leai ma se isi na ese mai ai,

161

sa matua aioi atu lava, ma tauivi ma le finafinau e faapei ona

faia e Iakopo mo le laveaiga.

E le’i leva ona uma ona latou amata la latou alaga

finafinau, o agelu, o lo latou alolofa na semanu latou te o atu ai

e laveai i latou. Peitai e le’i faatagaina i latou e se agelu

maualuga malosi. Na ia fai mai, O le Finagalo o le ATUA e le’i

faataunuuina atoa. E tatau ona latou inu i le ipu. E tatau ona

papatisoina i latou i le papatisoga.

E le’i umi ae ou faalogo loa i le siufofoga o le ATUA, na

lūlūina ai le lagi ma le lalolagi. Sa i ai se 188

mafuie tele lava. O fale na luluina i lalo, ma pa’u’ū ifo i itu

uma. Ona ou faalogoina lea o se alaga fiafia lava o le

manumalo, na matua leotele lava, matagofie ma manino. Na ou

vaai atu i le vaega lenei o tagata, o ē sa matua atuatuvale ma

faapologaina i se taimi puupuu e le’i mamao atu muamua. Na

muta le faapologaina o i latou. O se malamalama pupula lava

na susulu mai i o latou luga. E ese le matagofie o o latou foliga

i le taimi lea. O le vaivai uma ma faailoga o le popole ua

aveesea uma. O le ola maloloina ma le matagofie ua vaaia i

foliga taitasi uma. O o latou fili, o tagata faapaupau i o latou itu

uma, na pa’u’ū e pei o tagata feoti. Na lē mafai ona latou tutu

atu i le malamalama na susulu mai i luga o le au paia ua

faaolaina. O lenei malamalama ma le pupula na tumau i o latou

luga, seia o’o ina vaaia IESU i ao o le lagi, ma o le vaega o

tagata faamaoni, tofotofoina, na suia faafuasei e pei o le emo o

le mata, mai i le pupula e o’o atu i le pupula. Ona mātala lea o

tuugamau ona o mai lea i fafo o le au paia, ua faaofuina i le

tino ola e faavavau, ma latou alalaga i le manumalo i le oti ma

le tuugamau, ona aveina a’e faatasi lea o i latou ma le au paia o

loo ola ina ia latou fetaiai ma lo latou ALII i le ea, a’o i ai pea

alaga matagofie o le manuia i laulaufaiva ola e faavavau, ma o

loo sau mai i laugutu faapaiaina uma taitasi. _________

162

189

MATAUPU 33

O Agasala A Papelonia

Na ou vaai i le tulaga o loo i ai ekalesia eseese talu ona

alaga e le agelu lona lua lo latou pa’u’ū. Ua faatupulaia lo latou

amio leaga ma le lē faamaoni; ae o lo o latou tauaveina pea le

igoa o le avea ma so’o o KERISO. E lē mafai ona iloga i latou

mai i le lalolagi. O a latou faifeau latou te aumaia a latou mau

mai i le Upu, ae latou te laugaina upu molemole. O le loto

faalenatura na te lē lagonaina se tetee i lenei tulaga. E na o le

agaga lava o le upu moni ma le mana o le upu moni, ma le

faaolataga a KERISO, e inosia e le loto faaletino. E leai ma se

mea e tasi i le tapuaiga lauiloa ta’utau’a (popular ministry) e

fafaguina ai le ita o Satani, faagateteina ai le tagata agasala, pe

avatu ai i le loto ma le malamalamaaga o le mafaufau mea

moni matautia o se faasalaga o le a vave o’o mai. O tane

amioleaga o loo masani lava ona faamalieina i latou i se uiga

faafoliga e aunoa ma le amioatua moni, ma o le a latou

fesoasoani ma lagolago se tapuaiga faapea. Na fai mai le agelu,

E leai se mea e itiiti ifo nai lo le talita atoa o le amiotonu e

mafai ona manumalo, ma faatumauina ai le manumalo mai i

malosi o le pogisa. Ua pulea atoa e Satani ekalesia i le avea o i

latou ma faalapotopotoga. O upu ma gaioiga a tagata ua

teufatuina a ua lē o upu moni manino maamaai o le Upu a le

ATUA. Na fai mai le agelu, O le faauo ma le lalolagi ma le

agaga o le lalolagi o loo feitaga’i ma le ATUA. A aumaia loa le

upu moni i lona tulaga faigofie ma lona malosi, e pei ona i ai i

totonu ia IESU, ina ia faatusatusa i le agaga ma le uiga o le

lalolagi, 190

e fafaguina ai i le taimi lava lena le agaga o sauaga. O le

toatele, matua toatele lava, o loo tautino mai o i latou o

kerisiano, latou te le’i iloa le ATUA. O le amio a le loto

faalenatura e le’i suia, ma o le mafaufau faaletino o loo tumau i

163

le feitagai ma le ATUA. O i latou lava o auauna faamaoni a

Satani, e ui lava ina latou tauavea se isi igoa.

Na ou vaaia, talu mai lava ona tuua e IESU le nofoaga

paia o le malumalu faalelagi, ma ulufale atu i totonu o le veli

lona lua, na tuua ai loa ekalesia e faapei ona faia i tagata

Iutaia, ma na faatumulia faasolosolo mai ai i latou i manu

felelei uma e leaga ma inosia. Na ou vaai i amiogaleaga tele

ma amioga inosia mataga i totonu o ekalesia, ae latou te tautino

mai o i latou o kerisiano. O a latou tautinoga, o a latou tatalo

ma a latou faamalosiga, o ni mea inosia ia i le silafaga a le

ATUA. Na fai mai le agelu, O le a lē talia e le ATUA a latou

faatasiga. O le loto faapito, faiga faaoleole ma le taufaasese, o

loo faatinoina e i latou e aunoa ma le aoaiina e le mafaufau. Ma

o nei uiga leaga uma, ua latou lafo atu i ai le pulupulu o le

tapuaiga. Na faailoa mai ia te a’u le faalialiavale o ekalesia ua

na ona ekalesia i le igoa. E le’i i ai le ATUA i o latou

manatunatuga, a’o o latou mafaufau faaletino, sa tumau i luga

ia te i latou lava. Latou te teuteuina o o latou tino e oti, ona

latou vaavaai ifo lea i luga ia i latou ma le loto faamalieina ma

le fiafia. O IESU ma agelu na vaavaai ifo ia i latou ma le ita.

Na fai mai le agelu, O a latou agasala ma lo latou faamaualuga

faalialiavale ua o’o a’e i le lagi. O lo latou taui ua saunia. O le

faamasinoga tonu ma le faasalaga ua umi ona moe, peitai o le a

lē umi ae ala loa. O le tauimasui e O’u lea, ma o le a Ou toe 191

taui, ua fetalai mai ai le Alii. O lapataiga matautia a le agelu

lona tolu o le a faataunuuina moni lava, ma o le a latou inu i le

toasa o le ATUA. O se vaega lē mafaitaulia o agelu leaga ua

latou faasalalauina solo nei i latou i luga o le fogaeleele uma.

O ekalesia ma faalapotopotoga faalelotu o loo tumu i agelu

leaga nei. Ma latou te vaavaai atu i faalapotopotoga faalelotu

ma le fiafia tele, auā o le pulupulu o le tapuaiga e ufitia ai

agasala ma amioga leaga sili ona leaga.

O le lagi atoa uma o loo latou vaavaai mai ma le ita, o

tagata, le galuega a aao o le ATUA, ua tuu faatauvaaina i lalo i

164

le tulaga sili ona maulalo o le malaia, ma tuuina ai i se tulaga

tutusa ma manu e o latou uso a tagata. Ma o tagata o loo

tautino mai o i latou o soo o lena FAAOLA pele na osofia i

taimi uma Lona mutimutivale a’o Ia molimauina le mafatiaga

faaletagata, o loo latou auai ma le loto atoa i lenei agasala tele

ma le leaga, ma latou fefaataua’i ai i pologa ma agaga o tagata.

O agelu o loo latou faamaumauina uma. O loo tusia i totonu o

le tusi. O loimata o tane pologa ma fafine pologa, o tamā, tinā

ma fanau, tuagane ma uso, o loo faaputuina a’e uma i le lagi. O

le tiga tele faaletino ma le mafaufau, tiga faaletagata, o loo

aveina atu mai i lea nofoaga i lea nofoaga, ma faatauina mai ma

faatau atu. E itiiti lava si taimi o loo taofia ai e le ATUA Lona

toasa. O Lona toasa o loo matua aasa i lenei mālō, aemaise ai

lava faalapotopotoga faalelotu ua faatagaina, ma o i latou foi o

loo latou auai i lenei fefaatauaiga matautia. O faiga lē tonu

faapea, o le faapologaina faapea, o mafatiaga faapea, e toatele i

latou o loo tautino mai o i latou o soo o IESU agamalu ma le

loto maulalo e mafai ona latou molimauina ma le lē

amanaiaina. Ma o le toatele 192

o i latou e mafai ona latou faao’oina ma le ita faamalieina nei

tiga lē faamatalaina uma, ae latou te lē fefefe i lo latou tapuai i

le ATUA. Ua na o se mea ula lava lenei, ma o loo matua fiafia

ai lava Satani, ma faitio atu ia IESU ma ana agelu i nei uiga

feteenai ma faaupuga, ma fai atu ma le manumalo faatiapolo, O

so’o nā o KERISO!

O nei kerisiano faafoliga latou te faitau e faatatau i

puapuaga o ē na feoti mo IESU, ma o loimata e tafe ifo i o

latou alafau. Latou te manatu pe faapefea ona mafai ona maua

e tagata loto e matuā faamaaaina i lo latou faatinoina ai o

sauaga faapea agai i o latou uso a tagata, a’o le taimi lava lea e

tasi, o loo latou faapologaina ai o latou uso a tagata. Ma e lē

gata ai iinei. ua latou motusia sootaga o le natura, ma

faapologaina ai ma le sauā o latou uso a tagata mai i lea aso i

lea aso. E mafai ona latou faao’oina sauaga sili ona leaga ma le

165

sauā leaga lē mafaamutalia, o le a faatusatusa lelei lava i le

sauā o tagata pope ma tagata faapaupau na latou faatinoina i

soo o KERISO. Na fai mai le agelu, O le a feololo tagata

faapaupau ma tagata pope i le aso o le faataunuuina o faasalaga

a le ATUA nai lo Ana faasalaga mo tagata faapea. O alaga ma

mafatiaga o ē o loo faapologaina ua o’o a’e i le lagi, ma e tulai

agelu i le ofo tele i le mafatiaga faia i le loto ma’a’a, lē

mafaitaulia, ma le tiga, o loo faatupulia e le tagata na faia i le

faatusa o lona ATUA foafoa, i lona uso a tagata. Na fai mai le

agelu, O igoa o tagata faapea o loo tusia i le toto, tosiesea i

laina, ma ufitia i loimata tiga ma le mafatia tele o puapuaga. O

le toasa o le ATUA o le a lē muta seivagana ua Ia faainuina le

laueleele o le malamalama 193

i toēga oi le taele o le ipu o Lona toasa ma seivagana ua Ia taui

faalua atu ia Papelonia. Ia outou taui atu ia te ia e faapei ona ia

taui mai ia te outou, ia outou taui faalua ia te ia e tusa ma ana

galuega: o le ipu foi na ia faatumulia, ia outou liligi faaluaina

atu ai ia te ia.

Na ou vaai o le matai o le pologa e tatau ona ia tali atu

mo le agaga o lana pologa na ia taofia i le lē malamalama, ma o

agasala uma lava a le pologa, o le a faasalaina atu i luga o le

matai. E lē mafai e le ATUA ona ave le pologa i le lagi, o lē na

taofia i le lē malamalama ma le malaia, ma ia lē iloa ai se mea

e tasi e faatatau i le ATUA, poo le Tusi Paia, ma e na o le sasa

lava a lona matai e mata’u i ai, ma e na te lē o tulai i se tulaga

siitia a’e nai lo manu a lona matai. Peitai Na te faia le mea sili

mo ia e mafai ona faia e se ATUA alofa mutimutivale. Na te

faia o ia e peiseai e lē’i ola mai lava o ia, a’o le matai e tatau

ona ia puapuagatia i mala mulimuli e fitu, ma toe tulai mai i le

toe tu lona lua, ma puapuagatia ai i le oti lona lua sili ona

matautia. Ona faamalieina ai lea o le toasa o le ATUA. _________

166

MATAUPU 34

O Le Alaga Tele

Na ou vaaia agelu o fefaataalisea’i solo i le lagi. Sa latou

o ifo i le lalolagi, ma toe o a’e i le lagi, ma sauni mo le

faataunuuina o se mea taua. Ona ou vaaia lea o se isi 194

agelu malosi ua faatonuina ina ia alu ifo i le lalolagi, ma faatasi

atu lona leo i le agelu lona tolu, ma avatu le mana ma le malosi

i lana feau. E matua tele le mana ma le pupula na tuuina atu i le

agelu, ma a’o ia alu ifo, na malamalama le lalolagi uma i lona

pupula. O le malamalama na muamua atu i luma ma mulimuli

mai i tua o lenei agelu, na susulu atu i soo se mea lava a’o ia

alaga ma le leo tele ma faapea atu, Ua pa’ū, ua pa’ū Papelonia

tele, ma ua avea ma nofoaga o temoni, ma mea e puipui ai

agaga leaga uma, o le falepuipui foi o manu felelei uma e leaga

ma le inosia. O le feau o le pa’ū o Papelonia, e pei ona alagaina

e le agelu lona lua, ua toe alagaina, faatasi ai ma le

faaopoopoga o le faaaliaina o amioga leaga uma ma le lē

faamaoni ua ulufale mai i totonu o ekalesia talu mai le 1844. O

le galuega a lenei agelu ua sau tonu lava i le taimi sa’o, ma

faatasi i le galuega tele mulimuli a le feau a le agelu lona tolu,

a’o faaleoteleina a’e ma avea ma alaga tele. Ma o tagata o le

ATUA ua saunia i soo se mea lava ina ia tutulai i le itula o le

faaosoosoga o le a lē umi ae latou fetaiai loa. Na ou vaai i se

malamalama tele lava o i luga ia i latou, ma na latou faatasi i le

feau, ma alagaina atu ma le lē fefe ma le mana tele lava le feau

a le agelu lona tolu.

O agelu na auina atu e fesoasoani i le agelu malosi mai i

le lagi, ma na ou faalogoina leo na foliga mai na sau mai i soo

se mea lava faapea, Ia outou o ese mai ia te ia, Lo’u nuu e, ina

ia lē faatasia outou i ana agasala, ia lē tofusia foi outou i ona

mala, auā o ana agasala ua o’o a’e i le lagi, ma ua manatua e le

ATUA ana agasala. O lenei feau

167

195

na foliga mai o se faaopoopoga i le feau lona tolu, ma na

faatasi atu i ai, e faapei ona faatasi atu le alaga o le tulua o po

ma ao i le feau a le agelu lona lua i le 1844. O le pupula o le

ATUA sa i luga o le au paia onosai ma faatalitali, ma na latou

alagaina atu ma le lē fefe le lapataiga matautia mulimuli, ma

faailoa atu le pa’ū o Papelonia, ma valaau atu i tagata o le

ATUA ina ia latou o ese mai ia te ia, ina ia latou sao ese mai i

lona iuga matautia.

O le malamalama na faasusulu mai i luga o i latou na

faatalitali na susulu atu i soo se mea, ma o i latou sa i ai lava

sina malamalama i totonu o ekalesia, o ē e le’i faalogo ma

teena feau e tolu, na latou tali mai i le valaau, ma latou tuua loa

ekalesia pa’u’ū. O le toatele o tagata ua tele tausaga o latou iloa

le upu moni ma e tatau ona latou ola ai talu ona alagaina nei

feau, ma sa susulu atu le malamalama i luga ia i latou, ma sa ia

i latou le avanoa sili ona taua latou te filifilia ai le ola poo le

oti. O nisi sa latou filifilia le ola, ma latou tutulai faatasi loa ma

i latou o loo vaavaai atu mo lo latou ALII, ma tausia Ana

poloaiga uma. O le feau lona tolu sa fuafuaina ina ia faia lana

galuega, o tagata uma, e tofotofoina ai i le feau lea, ma o fanau

pele a le ATUA na manaomia ina ia valaauina ia o ese mai i

faalapotopotoga faalelotu. O se mana faatauanau ua fafaguina

ai i latou e faamaoni, a’o le faaaliga o le mana o le ATUA ua

faamata’uina ai ma taofia ai tagata o aiga ma uo, ma na latou

fefefe, e lē’i i ai foi se malosi ia i latou, e faalavelave ai ia i

latou ua lagonaina le galuega a le Agaga o le ATUA i luga ia i

latou. O le valaau mulimuli ua aveina atu foi i pologa matitiva,

ma o ē amio ATUA i le lotolotoi o i latou, o uiga ma upu

agamalu na latou alaga a’e ai i a latou pese o le olioli tele i lo

latou iloaina o lo latou laveaiga fiafia ua lata mai, ma 196

o o latou matai ua lē mafai ona latou taofia i latou, auā o se

mata’u ma le ofo tele ua faaguguina ai i latou. Ua faia vavega

tetele lava, ua faamaloloina tagata mama’i, ma o faailoga ma

vavega ua mulimuli atu i ē talitonu. O loo i ai le ATUA i le

168

galuega, ma o tagata paia taitoatasi uma, e aunoa ma le mata’u

i iuga e o’o mai, ua mulimuli i le talitonuga o lona lava

mafaufau ma lona loto, ma faatasi atu loa ia i latou o loo tausia

poloaiga uma a le ATUA, ma latou alagaina atu loa le feau

lona tolu ma le mana. Na ou vaaia o le feau lona tolu o le a

faaiuina ma le mana ma le malosi e matua sili atu nai lo le

alaga i le tulua o po ma ao.

O auauna a le ATUA, o lo latou mauaina o le mana mai i

luga, ma o o latou foliga ua pupula a’e, ma susulu mai i le loto

faapaiaina, na latou agai atu ai i luma ma faataunuuina la latou

galuega, ma alaga atu le feau mai i le lagi. O tagata na salalau

solo i faalapotopotoga faalelotu uma lava, na tali mai i le

valaau, ma na faataaliseeseina loa le au faamaoni mai i ekalesia

ua saunia mo mala, e faapei ona faataaliseeseina Lota mai i

Sotoma a’o le’i faaumatiaina. O tagata o le ATUA sa saunia

ma faamalosia e le pupula sili ona matagofie na pa’ū mai i luga

ia i latou i lona tulaga taumasuasua atoa, ma saunia ai i latou

ina ia latou onosaia le itula o le faaosoosoga. O se motu e tele o

leo na ou faalogoina i soo se mea o faapea mai, O lenei le

onosai o le au paia, o i latou nei e tausi i poloaiga a le ATUA,

ma le faatuatua o IESU. _________

197

MATAUPU 35

O le Feau Lona Tolu Ua Faai’uina

Sa faasinoina a’u i le taimi na faaiuina ai le feau a le

agelu lona tolu. O le mana o le ATUA sa i luga o Ona tagata.

Na latou faataunuuina la latou galuega, ma na saunia i latou mo

le itula o tofotofoga i o latou luma. Ua latou maua le uaga

mulimuli, poo le faafouga mai i luma o le Alii, ma o le

molimau ola ua toe faafoisia mai. O le lapataiga mulimuli na

alagaina i soo se mea, ma na lagaina ai ma ua faaosofia ai le ita

tele o tagata o le lalolagi, i latou e lē’i mananao e talia le feau.

169

Na ou vaaia agelu o fefaataalisea’i i le lagi. O se agelu sa

toe fo’i mai nai le lalolagi ma se fagu vaitusi a le tusi upu ua

tau i lona itu, ma lipoti atu ia IESU ua mae’a lana galuega, na

ia fai atu ua faafuainumeraina le au paia ma ua

faamaufaailogaina. Ona ou vaai lea ia IESU, sa auauna i luma

o le atolaau o loo i ai i totonu poloaiga e sefulu, ua Ia togi i lalo

le ipu e susunu ai le mea manogi. Na Ia siitia i luga Ona

aao/lima, ma fetalai mai i se leo tele lava, Ua uma ona fai. Ma

o le au agelu paia uma na latou tuuesea o latou pale a’o faia e

IESU le faasilasilaga matautia lea, O lē amiolētonu, ia

amiolētonu pea o ia, o lē eleelea, ia eleelea pea o ia, ma o lē

amiotonu, ia amiotonu pea o ia, ma o lē e paia, ia paia pea o ia.

Na ou vaaia o iuga o tagata taitoatasi uma lava ua uma

ona filifilia i le taimi lena mo le 198

ola poo le oti foi. Na soloiesea e IESU agasala a Ona tagata. Na

Ia maua Lona mālō, ma o le togiola na uma ona faia mo tagata

o Lona malo. A’o auauna IESU i totonu o le malumalu, sa faia

ai i le taimi lena le faamasinoga mo ē amiotonu ua feoti, ona

sosoo ai loa lea ma ē amiotonu o loo ola. O tagata o le malo ua

uma ona filifilia. O le faaipoipoga a le Tamai Mamoe ua uma

ona faia. Ma o le malo, ma le mamalu o le malo i lalo o le lagi

uma, na foaiina atu ia IESU, ma suli o le faaolataga, ma o le a

nofo tupu IESU o Ia o le Tupu o tupu, ma le Alii o alii.

A’o afio ese mai IESU mai i le nofoaga sili ona paia, na

ou faalogoina le tagitagi mai o logo i luga o Lona ofu, ma a’o

ia alu ese mai, o se ao o le pogisa na ufitia ai tagata o le

lalolagi. Sa leai se puluvaga i le taimi lena i le va o le tagata

agasala ma le ATUA toasa. A’o tulai IESU i le va o le ATUA

ma le tagata agasala, sa i ai se malosi sa taofia ai tagata, peitai

ina ua laa ese mai IESU mai i le va o le tagata ma le Tamā, na

aveesea loa le malosi taofiofi lea, ma pule atoa ai loa Satani i le

tagata. Sa lē mafai ona sasaa mai mala a’o auauna pea IESU i

totonu o le malumalu, peitai ona ua uma Lana galuega iina, a’o

faamutalia Lana galuega faafautua, ua leai nei se mea e tasi e

170

taofia ai le toasa o le ATUA, ma ua sasaa mai loa ma le toasa

tele atoa i luga o le ulu lē ufitia o le tagata agasala ua

faasalaina, o lē na manatu māmā i le faaolataga, ma inoino i

aoaiga. O le au paia i lena taimi matautia, ina ua mavae ona

faamutalia le 199

auaunaga faafautua a IESU, sa ola i le silafaga a le ATUA paia,

e aunoa ma se puluvaga. O iuga o tagata taitasi uma ua uma

ona filifilia, o ma’atāua taitasi ua uma ona faafuainumeraina.

Na faatalitali teisi IESU i totonu o le potu aupito i fafo o le

malumalu faalelagi, ma o agasala sa faaalia atu a’o i ai o Ia i

totonu o le nofoaga sili ona paia, na Ia toe tuuina atu i luga o lē

na amataina le agasala, o le tiapolo lea. E tatau ona ia

puapuagatia i le faasalaga o nei agasala.

Ona ou vaai lea ia IESU o tuueseina Lona ofu

faaositaulaga, ma Ia ofu loa i Ona ofu faatupu sili ona

matagofie – o luga o Lona ao sa i ai palealii e tele lava, o se

palealii i totonu o se palealii - - ma o le siomia o Ia e le ‘au o

agelu, na Ia tuua ai loa le lagi. O mala na pa’ū mai i luga o

tagata o le lalolagi. O nisi sa latou tuua’i ma faitio i le ATUA,

ma upu leaga ia te Ia. O isi sa latou faataalise atu i tagata o le

ATUA, ma aioi atu ina ia a’oa’oina i latou i le auala e mafai ai

ona aveesea faasalaga a le ATUA mai ia i latou. Peitai e lē’i i

ai se mea i le au paia e tuuina atu mo i latou. O le loimata

mulimuli mo tagata agasala ua uma ona faamaligiina, o le

tatalo tiga faatauanau mulimuli ua uma ona faia, o le avega

mulimuli i le loto mo le tagata agasala ua uma ona tauaveina. O

le leo malū o le alofatunoa, ua lē o toe valaauliaina i latou. O le

alaga mulimuli o le lapataiga ua uma ona tuuina atu. A’o

naunau le au paia ma le lagi uma mo lo latou faaolataga, e lē’i i

ai so latou naunau mo i latou lava. O le ola ma le oti sa tuu atu i

o latou luma. E toatele sa mananao i le ola, peitai latou te le’i

faia se taumafaiga ina ia latou maua ai le ola. Latou te le’i

filifilia le ola, ma o lenei ua leai se toto togiola e fufulu ai le

171

tagata agasala. Ua leai se Faaola alofa mutimutivale e aioi mo i

latou, ma alaga faapea, 200

Aua, aua le faaumatiaina, ia tuu atu teisi se avanoa mo le tagata

agasala. O le lagi atoa na faatasi ma IESU, a’o latou faalogoina

upu matautia nei, Ua uma ona fai, Ua uma ona faataunuuina. O

le fuafuaga o le faaolataga ua uma ona faataunuuina. Peitai e

toaitiiti lava na filifili e talia le fuafuaga. Ma a’o mou ese atu

le leo malū o le alofa tunoa, o se mata’u ma se lagona matua

fefe na faatumulia ai i latou. Ua latou faalogo nei i le leo

matautia ma le manino o faapea mai, Ua tuai! Ua tuai!

O i latou e le’i faatāuaina le Upu a le ATUA, ua

fefaataalisea’i solo. Na latou o atu mai i lea vasa i lea vasa, mai

i matū agai atu i sasa’e, ina ia latou saili i le Upu a le ATUA.

Na fai mai le agelu, O le a latou lē maua. O loo i ai se oge i le

laueleele, e lē o se oge i meaai, poo le fia inu i le vai, ae o le

oge i le fia faalogo i Upu a le ATUA, O le a se mea o le a latou

lē foaiina atu mo se upu e tasi o le finagalo fiafia mai o le

ATUA? ae e leai, e tatau ona latou fia aai ma fia feinu pea. Mai

i lea aso i lea aso sa latou lē amanaia ai le faaolataga, ma latou

faatāuaina ai fiafiaga faalelalolagi, ma oa faalelalolagi e sili a’e

nai lo soo se faatosinaga lava faalelagi ma oa foi faalelagi. Sa

latou teena IESU, ma inosia Lana au paia. O ē eleelea e tatau

ona eleelea pea e faavavau.

O se vaega tele lava o le au amioleaga sa matua feita tele

lava, a’o latou puapuagatia i aafiaga o mala. O se vaaiga tele

lea o le tiga matautia lava. O mātua na latou faitioina leaga a

latou fanau, o fanau foi na latou faitioina o latou matua, o

tuagane i o latou tuafafine, ma tuafafine i o latou tuagane. O

auega leo tetele lava na faalogoina i itu uma, O oe na ē taofia

a’u mai i lo’u taliaina o le upu moni, na semanu e laveaiina ai

a’u mai i lenei 201

itula matautia. O tagata sa latou liliu atu i faifeau ma le ita tele,

ma faitio atu ia i latou, ma fai atu, E te lē’i lapataiina i matou.

Na e fai mai ia i matou o le lalolagi atoa o le a liua, ma na ē fai

172

mai, E filemu, e filemu, ina ia faaguguina ai le mata’u na

osofia a’e i tagata taitasi uma. E te le’i ta’uina mai ia i matou

lenei itula, ma o i latou na lapataia i matou e faatatau i lenei

itula na ē fai mai o i latou o ni tagata ua soona finafinau tele,

ma o ni tagata leaga foi o loo mananao e faafanoina i matou.

Peitai o faifeau, na ou vaaia, latou te lē’i sao mai i le toasa o le

ATUA. O o latou puapuaga na faasefuluina ona sili atu nai lo

puapuaga o tagata o a latou ekalesia. ________

MATAUPU 36

O le Taimi o Puapuaga o Iakopo

Na ou vaai i le au paia o latou tuua aai ma nuu (villages)

ma faapotopoto faatasi i vaega o tagata, ma nonofo i nofoaga

sili ona tuufua. Na aumai e agelu ia i latou meaai ma vai, peitai

o tagata amioleaga sa latou puapuagatia i le fia aai ma le fia

feinu. Ona ou vaai lea i tane ta’ita’i o le lalolagi o talanoa

faatasi, ma o Satani ma ana agelu sa galulue ma le lē malolo i o

latou itu uma. Na ou vaaia se tusitusiga, o kopi o lenei

tusitusiga na faasalalau solo atu i vaega eseese o le lalolagi, na

avatu ai faatonuga faapea, Seivagana ua lafoa’i e le au paia lo

latou faatuatua faapitoa, ma latou lafoaia ai le Sapati, ma tausia

le aso muamua o le vaiaso, sa saoloto loa tagata, pe a mavae se

taimi faapitoa, ina ia latou fasiotia i latou. Peitai i lenei taimi, o

le au paia sa to’a lelei ma filemu, ma talitonu faatuatua atu i

le 202

ATUA, ma faalagolago atu i Lana folafolaga, ina ia faia se

auala o le laveaiga mo i latou. I nisi o nofoaga, a’o le’i o’o i le

taimi e faataunuuina ai le poloaiga, na faataalise mai ai tagata

amioleaga i le au paia ina ia fasiotia i latou, peitai o agelu i

foliga o tane o taua na tau mo i latou. Na manao Satani ina ia

na maua le avanoa faapitoa e faaumatia ai le au paia a Lē

silisiliese, peitai na faatonu IESU i Ana agelu ina ia leoleo ia

173

i latou, auā o le a faamamaluina le ATUA e ala i Lona faia

o se feagaiga ma i latou na tausia lana tulafono i luma o

tagata faapaupau o loo siomia mai i latou i o latou itu uma, ma

o le a faamamaluina foi IESU e ala i Lona aveina a’e i le

lagi o ē faamaoni ma faatalitali atu ia te Ia, i latou ia ua leva

ona faatalitali atu ia te Ia, e aunoa ma lo latou iloaina o le oti.

E le’i leva ae ou vaaia loa le au paia o puapuagatia i le

tiga mafatia tele lava faalemafaufau. Na latou foliga mai ua

siomia i latou e tagata amioleaga o le lalolagi. O mea uma lava

na foliga mai na tetee mai ia i latou. O nisi na amata ona latou

matata’u i lo latou manatu ua tuua mulimuli lava i latou e le

ATUA ina ia latou fano i lima o tagata amioleaga. Peitai ana

mafai ona faapupulaina o latou mata, semanu ua latou

vaaia o loo siomia i latou e agelu a le ATUA. Na sosoo mai ai

ma le motu e toatele o tagata amioleaga feita, ma na sosoo mai

ai ma se vaega tele lava o agelu leaga, o loo faatopetope maia

tagata amioleaga ina ia latou fasioti i le au paia. Peitai a’o latou

taumafai e faalatalata atu ia i latou, e tatau ona latou pasia

muamua atu lenei vaega o agelu paia malolosi, ae na lē

mafai ona latou faia lenei taumafaiga. O agelu a le ATUA na

faatuumuliina i latou, ma faapena foi ona mafua ai ona pa’u’ū i

tua agelu leaga sa lolofi faataaliolio mai ia i latou. O se itula o

le mafatiaga matautia lava lenei i le 203

au paia. Na latou fetagisi i le ao ma le po i le ATUA mo le

laveaiga. I le vaaiga i fafo na foliga mai ua leai se auala e

mafai ai ona latou sao. O tagata amioleaga na amata ona latou

manumalo, ma sa latou alalaga mai, Aisea e lē lavea’i ai lo

outou ATUA mai i o matou lima? Aisea tou te lē o a’e ai i le

lagi, ma laveai ai o outou ola? Ae e le’i faalogo le au paia ia

latou upu. Sa latou tauivi ma le ATUA e pei ona faia e

Iakopo. O agelu na latou naunau lava e lavea’i ia i latou, peitai

e tatau ona latou faatali teisi, ma ia inu i le ipu, ma ia

papatisoina i latou i le papatisoga. O agelu, faamaoni i la latou

galuega, na faaauau pea la latou leoleoga. Ua toeitiiti lava a o’o

174

mai le taimi e faaalia ai e le ATUA Lona mana malosi ma

laveaiina ai i latou ma le ofoofogia tele. O le a lē faatagaina e

le ATUA Lona suafa ina ia faalumaina i le lotolotoi o tagata

faapaupau. Mo le viiga o Lona suafa, o le a Ia laveai ai i

latou uma lava taitoatasi na faatalitali atu ma le onosai ia te

Ia, o i latou foi ia na tusia o latou igoa i le tusi. Na toe faasinoina a’u i tua ia Noa faamaoni. Na toulu mai

le timu, na sau le lolo. O Noa ma lona aiga na uma ona latou

ulufale atu i le vaa, ma na punitia ai loa i latou i totonu e le

ATUA. Na lapataia ma le faamaoni e Noa tagata o le lalolagi

tuai, a’o latou amuamu ma faatauemu mai ia te ia. Ma a’o alu

ifo le vai i luga o le laueleele, ma a’o taitasi ona latou

malelemo, na latou vaavaai atu i lena vaa na latou matuā

faatauemu i ai o upeupea saogalemu mai i luga o le vai, ma

puipuia saogalemu ai Noa faamaoni ma lona aiga. Na faapena

foi ona ou vaaia, o tagata o le ATUA, o ē na lapataia le lalolagi

e faatatau i Lona toasa o le a o’o mai, o le a 204

lavea’iina i latou. Sa latou lapataiina ma le faamaoni tagata o le

lalolagi, ma o le a lē faatagaina e le ATUA tagata amioleaga

e faaumatia i latou sa vaavaai ma faatalitali atu mo le

aveina a’e o i latou i le lagi, i latou ia na lē mananao e ifo

atu i le poloaiga a le manufeai, poo le talia foi o lona

faailoga. Na ou vaaia afai e faatagaina tagata amioleaga latou

te fasiotia le au paia, o le a faamalieina ai Satani ma lana au

uma lava o agelu leaga, ma i latou uma lava e feita i le ATUA.

Ma, oka, se taimi lea o le manumalo o le a i ai mo le pule

malosi a Satani, ina ia na maua le pule, i le tauiviga mulimuli,

ia i latou na leva ona faatalitali e vaavaai atu ia IESU o Lē na

latou alolofa i ai. O i latou na tauemu i le manatu e faatatau i le

aveina a’e i le lagi o le au paia, o le a latou molimauina le

tausiga a le ATUA mo Ona tagata, ma lo latou laveaiga

ofoofogia.

A’o tuua e le au paia aai ma nuu, sa tuliloa atu i latou e

tagata amioleaga. Na latou siitia a latou pelu e fasioti ai le au

175

paia, ae na gaui a latou pelu, ma pa’u’ū lē aoga ai e pei o ni ‘au

o le mutia. O agelu a le ATUA na latou puipuia le au paia.

A’o latou fetagisi i le ao ma le po mo le laveaiga, o la latou

tagi na o’o a’e i luma o le ATUA. _________

205

MATAUPU 37

O le Laveaiga o le Au Paia

O le tulua o po ma ao na filifilia e le ATUA e lavea’i ai

Ona tagata. A’o faatauemu mai tagata amioleaga i o latou itu

uma, na faafuase’i lava ona vaaia le la o susulu mai i lona

malosi, ma e le’i toe suia le tulaga o le masina. O tagata

amioleaga na latou vaavaai i lea vaaiga ma le ofo tele. O

faailoga ma mea ofoofogia na vave sosoo ona faasolosolo mai.

O mea taitasi uma lava na foliga mai na liueseina mai i lona

tulaga masani faalenatura. Na vaaia e le au paia faailoga o lo

latou laveaiga ma le olioli finafinau tele.

O vaitafe e le’i toe tafe. O ao uliuli ma le mafiafia na o

a’e, ma fetaui faatasi ma isi ao uliuli mafiafia. Peitai sa tasi

lava se avanoa manino na i ai le pupula, o iina na sau ai le

siufofoga o le ATUA, e pei o vai e tele, lea na lūlūina ai le

lagi ma le lalolagi. Sa i ai se mafuie tele lava. O tuugamau sa

luluina ma ua matala, ma o i latou na feoti i le faatuatua i

lalo o le feau a le agelu lona tolu, ma tausia le Sapati, na

latou o mai nai o latou moega palapalā, ua faamamaluina,

ina ia latou faalogo i le feagaiga o le filemu o le a faia e le

ATUA ma i latou na tausia Lana tulafono.

O le vanimonimo sa matala ma tapuni, ma sa fenumia’i

solo ma gogolo. O mauga na lūlūina e pei o se vao utuutu i le

matagi, ma lafo a’e papa ta’eta’ei i itu uma. O le sami na

pupuna e pei o se ulo, ma lafo a’e ma’a i luga o le laueleele.

Ma a’o fetalaia mai e le ATUA le aso ma le itula e afio mai

176

ai IESU, ma fetalaia mai le feagaiga e faavavau i Ona

tagata, na Ia fetalaia le fuaiupu e tasi, 206

ona taofi lea, a’o taalili atu upu i le lalolagi uma. O le Isaraelu

o le ATUA na tulai ma o latou mata o taulai atu agai i luga,

ma faalogologo atu i upu a’o tulei mai i le fofoga o Ieova,

ma taalili atu i le lalolagi e pei o leo o faititili sili ona leotetele.

O se taimi matuā matautia tele lea. I le iuga o fuaiupu taitasi

uma, na alalaga ai le au paia, Viia le ATUA! Aleluia! O o

latou foliga ua pupula a’e i le pupula o le ATUA, ma ua susulu

mai o latou foliga e faapei ona pupula o foliga o Mose ina ua ia

sau mai i le mauga o Sinai. O tagata amioleaga, na le’i mafai

ona latou vaavaai atu ia i latou ona o le pupula. Ma ina ua

fetalaia mai le faamanuiaga lē mafaamutalia i luga o i latou

na ava i le ATUA ma faamamaluina o Ia, i le tausia

faapaiaina o Lona Sapati, sa latou alagaina se alaga tele lava

o le manumalo i le manufeai, ma lona faatagata.

Ona amata loa lea o le iupeli, o le a malolo ai le laueleele.

Na ou vaai i le pologa amioatua o tulai a’e i le manumalo, ma

lūlū ese filifili na fusifusia ai o ia, a’o nunumi ma lē

malamalama lona matai amioleaga, ma ia lē iloa le mea o le a

fai, auā o tagata amioleaga na lē mafai ona latou

malamalama i upu o le siufofoga o le ATUA. E le’i umi ae

vaaia loa le ao pa’epa’e tele lava. Sa nofo ai i luga le Atalii o le

tagata.

O lenei ao, ina ua faato’a vaaia mamao atu lava, sa foliga

laititi mai lava. Na fai mai le agelu o le faailoga lea o le Atalii o

le tagata. Ma a’o faalatalata mai pea le ao i le lalolagi, na mafai

ona tatou vaaia ai le pupula sili ona matagofie ma le mamalu o

IESU a’o Ia afio manumalo mai. O se au faafeao paia o agelu,

faatasi ai ma o latou pale pupula feilafi i luga 207

o o latou ulu, na latou faafeaoina mai o Ia i Lona afio mai. E

leai se gagana e mafai ona faamatalaina le mamalu o le vaaiga

lea. O le ao ola o le mamalu, ma le pupula lē mafaatusalia, na

faalatalata atili mai pea, ma na mafai ona tatou vaaia manino

177

lava . Na te le’i paleina se pale tuitui, ae o se pale o le mamalu

na faamatagofieina ai Lona muaulu paia. O Lona fatafata ma

Lona ogavae na tusia ai se igoa, TUPU o tupu MA LE ALII o

alii. O Ona fofoga (mata) sa faapei o le mumū o le afi, o Ona

vae sa foliga mai e pei o le apa pupula, ma o Lona siufofoga na

faapei o le leo o mea fai faaili e tele. O Ona fofoga na pupula

mai e faapei o le la i le aoauli. Na gatete le laueleele i Ona

luma, ma o le lagi na taai ese e pei o se tusi taai pe a taaieseina,

ma o mauga uma lava ma motu uma ua aveesea mai i o latou

nofoaga. Ma o tupu o le lalolagi, ma tane mamalu, ma tane

mauoa, ma kapeteni sili, ma tane malolosi, ma pologa uma

lava, ma tagata saoloto uma, na latou lalafi i ana ma totonu o

papa o mauga. Ma latou fai atu i papa ma mauga, Mafuli mai

ia i a’i matou, ma tanuma’i i matou mai le silafaga a Lē o loo

nofo i le nofoalii, ma le toasa o le Tamai Mamoe: auā ua o’o

mai le aso tele o Lona toasa, o ai foi sē mafai ona tulai atu?

O i latou na mananao latou te fasiotia nai le laueleele le

fanau faamaoni a le ATUA i se tamai taimi puupuu na faato’a

mavae atu, na latou molimauina le pupula o le ATUA na o’o

ifo i luga o Lana fanau. Na latou vaai ia i latou ua

faapupulaina. Ma i le lotolotoi o vaaiga matautia uma lava, na

latou faalogo i leo o le au paia i alaga tumu i le olioli o faapea

mai, Faauta, 208

o lo matou ATUA lenei, sa matou faatalitali ia te Ia, o le a Ia

laveaia i matou. O le laueleele na matuā lūlūina lava a’o

valaauina mai e le siufofoga o le Alo o le ATUA le au paia o

lo o momoe. Na latou tali mai i le valaau, ma latou tulai mai ai

loa ua faaofuina i le tino ola matagofie e faavavau, ma latou

alalaga faapea, O le Manumalo! manumalo! i le oti ma le

tuugamau. Le oti e, o fea o i ai lou tui? Le tuugamau e, o fea o i

ai lou manumalo? Ona siitia a’e lea o leo o le au paia o loo ola,

ma i latou na toe faatuina mai nai le oti, i se alaga umi lava o le

olioli tele na’uā o le manumalo. O nā tino ma’i na o ifo i le

tuugamau, na o a’e i le ola maloloina ma le malosi e faavavau.

178

O le au paia o loo feola na suia faafuasei i latou, e pei o le emo

o le mata, ma siitiaina a’e faatasi i latou ma le au paia na toe

faatuina mai, ma latou feiloai faatasi ai loa ma lo latou ALII i

le ea. Oka, se feiloaiga matagofie! O uo na tuueseeseina e le

oti, na toe faatasia, e lē toe valavala lava.

I itu uma e lua o le kariota sa i ai apaau, ma o lalo o le

kariota sa i ai uili taavavale ola, ma a’o siitia agai i luga le

kariota ufitia i le ao, na alalaga a’e uili taavavale, E paia, ma o

apaau, a’o latou migoi, sa latou alalaga, E paia, ma o le ‘au o

agelu faafeao faataamilo i le ao na latou alalaga, E paia, e paia,

e paia, IEOVA le ATUA E ONA LE MALOSI UMA. Ma o le

au paia i totonu o le ao na latou alalaga, Viia le ATUA,

Aleluia. Ma na alu a’e loa i luga le kariota agai i le aai paia.

A’o latou le’i ulufale atu i totonu o le aai paia, sa faatulagaina i

latou i se tulaga faatafafa lelei lava, faatasi ai ma IESU i le

ogatotonu. Sa maualuga a’e tauau o IESU nai lo le au paia, ma 209

na faapena foi ona Ia maualuga a’e nai lo agelu. O Lona tino

mamalu, ma Ona fofoga alofa, na mafai ona vaaia e i latou uma

sa i totonu o le faatafafa lea. _________

MATAUPU 38

O le Taui o le Au Paia

Ona ou vaai lea i se fuainumera tele lava o agelu o

aumaia pale matagofie lava mai i le aai, o se pale mo tagata

paia taitasi uma lava o loo tusia ai lona igoa, ma a’o valaau atu

IESU ina ia aumaia pale, na avatu e agelu pale nei ia te Ia, ma

o IESU agaalofa, o Lona lava aao taumatau, na tuuina pale i

luga o ulu o le au paia. Na faapena foi ona aumaia e agelu

kitara, ma na foai atu foi e IESU i le au paia. O agelu ta’ita’i na

muamua faaleoina mai le leo, ona siitia a’e loa lea o leo uma

lava i le viiga faafetai ma le fiafia, ma o lima uma lava sa tāina

ma le poto uaua o kitara, ma faaleoina atu ai musika matagofie

179

i leo matagofie atoatoa. Ona ou vaaia lea o IESU ua Ia taitaiina

atu le au faaolaina i le faitotoa o le aai. Na Ia tago atu i le

faitotoa ma tatala mai agai i tua i ona faamau ilaila, ma faatonu

atu ia i latou na tausia le upu moni ina ia ulufale atu i totonu.

Sa i ai mea uma lava i totonu o le aai e faamalieina ai le vaai. O

le matagofie tamaoaiga na latou vaaia i soo se mea. Ona silasila

atu lea o IESU i Lana au paia faaolaina, o o latou foliga na

susulu mai i le pupula, ma a’o pulatoa atu Ona 210

fofoga alofa ia i latou, na Ia fetalai atu, i Lona siufofoga

matagofie, Ua Ou vaaia le tiga o Lo’u agaga, ma ua

faamalieina A’u. O lenei mamalu matagofie e mo outou lea ina

ia outou olioli ai e faavavau. O o outou faanoanoaga ua

faamutalia. O le a lē toe i ai se oti, poo se faanoanoa, poo se

tagi, o le a lē toe i ai foi se tiga. Na ou vaai i le au faaolaina o

ifo ma lafo atu o latou pale feilafi i vae o IESU, ma, a’o

faatuina a’e i latou i luga e Lona aao alofa, na latou fetagofi atu

i a latou kitara auro, ma faatumulia ai le lagi uma i la latou

musika matagofie lava ma pese i le Tamai Mamoe.

Ona ou vaaia lea o IESU o taitaiina atu le au paia

faaolaina i le laau o le ola, ona tatou toe faalogoina lea o Lona

siufofoga alofa, sili atu ona matagofie nai lo se isi lava musika

ua faapea ona faalogoina e taliga o tagata, o faapea mai, O lau

o lenei laau e mo le faamaloloina o malo. Inā aai uma ia outou i

ai. Sa i luga o le laau o le ola fua sili ona matagofie na mafai

ona aai saoloto ai le au paia. Sa i ai se nofoalii sili ona

matagofie ma mamalu i totonu o le Aai, ma sa tafe mai nai lalo

o le nofoalii se vaitafe manino o le ola, e manino e faapei o le

ma’a tioata. O itu uma e lua o lenei vaitafe o le ola, sa i ai le

laau o le ola. I auvai o le vaitafe sa i ai laau matagofie sa fua

mai i fua na lelei mo le aina. O le gagana e matua vaivai lava i

le taumafai e fai se faamatalaga o le lagi. A’o tulai mai le

vaaiga i o’u luma, ua ou matua lē mau manatu lava i lo’u ofo

tele; ma na matuā faatumulia a’u i le ofo i lona matagofie ma

lona mamalu silisiliese, na ou tuuina i lalo la’u peni, ma alaga

180

faapea, Oka se alofa ina a tele! Se alofa matuā ofoofogia tele!

O le gagana sili ona faatāuaina e lē mafai ona ia faamatalaina le

matagofie 211

o le lagi, poo le loloto lē mafuatia foi o le alofa o le Faaola. _________

MATAUPU 39

O le Lalolagi Ua Faatafunaina

Ona ou vaaia lea o le lalolagi. O tagata amioleaga ua

feoti, ma o o latou tino sa taatitia solo i luga o le fogaeleele. O

tagata o le lalolagi na latou puapuagatia i le toasa o le ATUA i

mala mulimuli e fitu. Sa latou feati o latou laulaufaiva ona o le

tiga ma latou faifai i le ATUA. O leoleo mamoe sese na avea

ma autu faapitoa lava o le toasa o le ATUA. O o latou mata na

aveesea mai i o latou tulaga ma o o latou laulaufaiva na

aveesea mai i o latou gutu, a’o latou tutulai i o latou vae. Ina

ua mavae ona laveaiina le au paia i le siufofoga o le ATUA,

o le ita tele o motu o tagata amioleaga na liliu atu nei mai i le

isi i le isi. O le laueleele na foliga mai ua lilofia uma i le toto,

ma o tino oti sa taatitia solo mai i le tasi itu o le lalolagi e o’o

atu i le isi itu o le lalolagi.

O le lalolagi sa i ai i se tulaga sili ona faatafunaina. O aai

ma nuu (villages), na lūlūina i lalo e le mafuie, na taatitia nei i

faatafunaga. O mauga ua aveesea mai i o latou tulaga, ma tuua

ai ana tetele lava. O le sami sa na lafoina a’e papa ta’eta’ei i

luga o le fogaeleele, ma o papa na saeieseina a’e nai le eleele,

ma sa salalau solo i luga o le fogaeleele. O le laueleele na

foliga mai o se vaomatua tuufua. O laau tetele lava 212

na lia’ieseina a’e i luga, ma sa salalau solo i luga o le eleele. O

le aiga lenei o Satani, ma ana agelu leaga, i le 1000 tausaga. O

iinei o le a taofia ai i latou, ma feofeoa’i solo ai i luga o le

fogaeleele faatafunaina, ma vaavaai ai i aafiaga o lana tetee i le

181

tulafono a le ATUA. O aafiaga o le malaia na ia faaosofia, e

mafai ona ia olioli ai i le 1000 tausaga. O le taofia o ia ina ‘ia

na o le lalolagi lava e mafai ona ia fealua’i ai, o le a leai ai sona

avanoa e fealua’i ese atu ai i isi paneta e faaosooso ma

faalavelave ia i latou e le’i pa’u’ū. E matuā puapuagatia lava

Satani i le taimi lea. Talu mai lava lona pa’ū na faaaogaina ai

lava ona uiga leaga e lē mafaamutalia. O le taimi lena e aveesea

ai mai ia te ia lona mana, ma tuua ai loa o ia e manatunatu i le

vaega na ia faatinoina talu mai lona pa’ū, ma ia vaavaai atu i

luma ma le gatete ma le mata’u i le lumanai matautia, i le taimi

e tatau ai ona ia puapuagatia mo mea leaga uma na ia faia, ma

‘ia faasalaina o ia mo agasala uma na ia faaosofia ina ia faia.

Ona ou faalogo lea i alaga o le manumalo mai i agelu, ma

le au paia ua faaolaina, lea sa pei o le leo o mea fai musika e

sefulu afe, auā o le a lē toe faalavelaveina i latou ma lē toe

faaosoosoina e le tiapolo, ma o tagata o isi lalolagi na

lavea’iina i latou mai ia te ia ma ana faaosoosoga.

Ona ou vaai lea i nofoalii, ma o IESU ma le au paia

faaolaina sa nonofo ai i luga, o le au paia foi na nofo tupu ma

avea ma faitaulaga i le ATUA, ma o tagata amioleaga na

faamasinoina, o a latou amioga foi na faatusatusalia ma le tusi

o poloaiga, le Upu a le 213

ATUA, ma na faamasinoina i latou e tusa ai ma a latou amioga

na faia i le tino. O IESU, faatasi ai ma le au paia, na latou

tuuina atu i ē amioleaga le faasalaga e tatau ona latou

puapuagatia ai, e tusa ai ma a latou galuega, ma sa tusia i

totonu o le tusi o le oti, ma sa faafeagai ma o latou igoa. O

Satani ma ana agelu sa faamasinoina foi e IESU ma le au paia.

O le faasalaga o Satani na fuafuaina e matua sili atu nai lo le

faasalaga o i latou na ia faaseseina. Na matua sili atu nai lo lo

latou faasalaga o lea na lē mafai ai ona faatusatusalia ma o

latou faasalaga. Ina ua uma ona fano i latou uma na ia

faaseseina, e ola pea Satani ma puapuagatia i se taimi e sili atu

ona umi.

182

Ina ua uma le faamasinoga o tagata amioleaga o loo feoti,

i le iuga o le 1000 tausaga, ona tuua loa lea e IESU le aai, ma o

le solo a le ‘au o agelu na mulimuli mai ia te Ia. O le au paia foi

na o mai faatasi ma Ia. Na afio ifo IESU i luga o se mauga tele

lava, o le mauga lea, na pa’i loa i ai vae o IESU, ona vaeluaina

loa lea, ma avea ma laueleele mafolafola tele lava. Ona tatou

vaai a’e lea ma tatou iloa atu le aai tele ma le matagofie, e

sefulu ma le lua ona faavae, sefulu ma le lua ona faitotoa, e

tolu i itu taitasi, ma se agelu i faitotoa taitasi. Na tatou alalaga

a’e, O le Aai! o le Aai tele! O loo sau mai i le ATUA mai i le

lagi! Ma na sau i lalo i lona mamalu uma ma lona matagofie

tele, ma taatia i le laueleele tele lava na saunia e IESU mo ia. _________

214

MATAUPU 40

O le Toe Tu Lona Lua

Ona tuua lea e IESU ma le au uma o agelu paia, ma le au

faaolaina uma, le aai. O agelu paia sa latou siomia IESU, ma

faafeao atu o Ia i lona ala, ma o le laina umi o le au paia

faaolaina, na mulimuli atu ai. Ona fafaguina mai lea e IESU i

Lona mamalu matautia tele, le au amioleaga o loo feoti, ma a’o

latou o mai ma tino vaivai mama’i ia na o ifo i tuugamau, se

mataaga matuā leaga ia te i latou! se vaaiga ina a mataga! I le

uluai toe tu na toe ola mai ai i latou uma na toe faatuina mai i le

tino ola e faavavau; peitai i le toe tu lona lua, o faailoga o le

faamalaiaga o loo vaaia pea i a’i latou uma. O tupu ma alii o le

lalolagi na toe tutu faatasi mai ma tagata faatauvaa, tagata

a’oa’oina ma i latou e le’i a’o’oga. O i latou uma ua latou vaai

atu i le ATALII o le tagata; ma o tane tonu lava ia sa inosia ma

tauemuina IESU, ma taia o Ia i le u, ma tuua le pale tuitui i

Lona muaulu paia, ua latou vaaia nei o Ia i Lona mamalu tele

faatupu. O i latou na feanu ia te Ia i le itula o Lona

183

faamasinoga, o lenei ua liliu ese mai i Lana silafaga ati, ma le

pupula o Ona fofoga. O i latou na tutu’iina fao i Ona lima ma

Ona vae, o lenei ua latou vaai atu i faailoga o Lona

faasatauroga. O i latou na tuia le tao i lona itu, ua latou vaai atu

nei i faailoga o lo latou sauā i Lona tino. Ma, latou te iloa o Ia

tonu lava lenei na latou faasatauroina, ma tauemua i toe taimi o

Ona tiga. Ona alu 215

a’e lea o le alaga umi lava e tasi o le auē o le tiga, a’o latou

sosola e lalafi mai i luma o le TUPU o tupu ma le ALII o alii.

O i latou uma o loo saili e lalafi i papa, ma natia i latou

mai i le pupula matautia o Ia Lē na latou inoino muamua i ai.

Talu ai ona ua matuā faavaivaia i latou ma tiga ona o Lona

mamalu ma Lona pupula na’uā tele, ua latou siitia a’e ai o latou

leo ma le loto gatasi, ma o le manino matautia tele na latou

alaga ai, Ia manuia Lē afio mai i le suafa o le ALII.

Ona toe ulufale atu lea o IESU ma le au agelu paia,

faatasi ai ma le au paia uma i le aai, ma o auega tiga ma le tagi

a le au amioleaga faasalaina ua faatumulia ai le ea. Ona ou

vaaia lea o Satani ua toe amatalia lana galuega. Na ia ui solo

atu i le lotolotoi o ona tagata, ma faamalosia ē vaivai, ona ia fai

atu lea ia i latou o ia ma ana agelu e malolosi. Ona ia faasino

atu lea i le miliona ma miliona o i latou na toe faatuina mai. Sa

i ai tagata totoa malolosi ma tupu sa matua tomai lava i taua,

ma sa latou faatoilaloina malo. Sa i ai sauai malolosi lava, ma

tane sa totoa, ma sa leai lava sa latou taua na toilalo ai. Sa i ai

Napoleon faamaualuga loto vii ma le faanaunau i le fia sili, o

lona logo na faagateteina ai malo. Sa tulai mai ai tane

maualuluga lava, ma tino mamalu maualuluga, sa feoti i taua.

Na latou pa’u’ū a’o mananao ina ia manumalo. A’o latou o mai

nai o latou tuugamau, na latou toe amatalia le faasologa o o

latou manatunatuga i le manatu tonu lava 216

na muta ai ina ua latou feoti. Sa ia i latou le agaga lava lea ina

ia manumalo lea sa pulea ai i latou ina ua latou feoti. O Satani

na ia talanoa ma ana agelu, ona talanoa lea ma tupu nā ma tane

184

totoa ma tane malolosi. Ona ia vaai atu lea i luga o le ‘au tau

tele lava ma fai atu ia i latou, o le vaega o loo i totonu o le aai e

toaitiiti ma vaivai, ma e mafai ona latou o a’e ma ave mo i

latou le aai, ma tuliesea i latou o loo nonofo ai, ma fai mo i

latou ona oa ma lona mamalu.

Ua manumalo Satani i lona faaseseina o i latou, ma o i

latou uma na amata loa lava i le taimi lea ona saunia i latou mo

le taua. Na latou fausia a’upega o taua, auā sa i ai tane tomai e

toatele lava i lena au tau tele. O le taimua o Satani ia i latou, na

agai atu ai loa i luma lea motu e toatele. O tupu ma tane totoa o

taua na mulimuli faalatalata atu lava ia Satani, ma sa mulimuli

atu ai le mano ni mano o tagata amioleaga i vaega eseese. O

vaega taitasi uma sa i ai lo latou ta’ita’i, ma sa tausia lelei le

faatulagaga a’o latou savavali atu i luga o le fogaeleele malepe

agai atu i le aai paia. Ua tapunia e IESU faitotoa o le aai, ma o

lenei ‘au tau e toatele ua latou siomia le aai ma latou tulai loa i

o latou tulaga faatulagaina o le taua. Ua latou saunia ituaiga

aupega eseese uma o le taua, ma latou sauni ma manatu ai o le

a latou tau i se tauiviga matautia lava. Ua latou faatulagaina i

latou faataaliolio i le aai. O IESU ma le au uma o agelu faatasi

ai ma pale feilafi i luga o o latou ulu, ma le au paia faaolaina

uma ma o latou pale pupula, ua latou o a’e uma i luga o le pa o

le aai. Ua fetalai IESU ma le mamalu matautia tele ma faapea

mai, Faauta, outou tagata agasala, i le taui o ē amiotonu! Ma ia

outou vaavaai atu O’u tagata ua toe faatauina mai, i le taui o ē

amioleaga! O le motu tele lava o le au amioleaga ua latou

vaavaai a’e i le 217

vaega faamamaluina o ē o loo i luga o pa o le aai. Ma a’o latou

molimauina le matagofie tele o o latou pale feilafi, ma latou

vaai atu i o latou foliga o susulu mai i le pupula, o loo faailoa

mai ai le faatusa o IESU, ma latou vaaia ai le matautia ma le

mamalu matagofie tele lē mafaatusalia o le TUPU o tupu, ma le

ALII o alii, na faavaivaia i latou. O le lagona o le iloaina o le

oa ma le mamalu ua latou lē maua, ua faatumulia ai nei i latou,

185

ma ua ia i latou se lagona o lo latou iloaina o le totogi o le

agasala o le oti lea. Ua latou vaai i le vaega o tagata paia fiafia

sa latou inoino i ai, ua faaofuina i le pupula, mamalu, tino ola

pea ma le ola e faavavau, a’o i latou o loo latou i fafo o le aai

faatasi ai ma mea leaga uma lava ma le inosia. _________

MATAUPU 41

O le Oti Faalua

Ua faataalise atu Satani i le lotolotoi o ona tagata, ma

taumafai e faamalosia le mano ni mano o i latou ina ia gaioi.

Peitai, o le afi mai i le ATUA mai i le lagi ua sasa’a ifo i luga o

i latou, ma o tane mamalu, ma alii, ma tagata matitiva ma le

pagatia, ua faaumatiaina faatasi. Na ou vaaia o nisi na

faaumatiaina vave lava, a’o isi na umi le taimi na puapuagatia

ai. Na faasalaina i latou e tusa ai ma amio na latou faia i le tino.

O nisi na tele aso na susunuina ai, ma o le umi lava na totoe ai

se vaega o o latou tino e le’i uma ona faaumatiaina, sa i ai atoa

foi le lagona atoa lava o le mafatiaga. Na fai mai le 218

agelu, O le anufe o le ola o le a lē mate; o lo latou afi o le a lē

mate pe afai o i ai lava se vaega aupito sili ona itiiti mo le afi

na te faaumatiaina.

Peitai o Satani ma ana agelu na umi ona puapuagatia. O

Satani e le’i gata ina ia tauaveina le mamafa ma le faasalaga o

ana agasala, a’o agasala uma foi a le au faaolaina sa tuuina atu i

ona luga, ma e tatau foi ona ia puapuagatia mo le faafanoga o

agaga na ia faaosofia. Ona ou vaaia lea, o Satani, ma tagata

amioleaga uma lava, na faaumatiaina uma, ona faamalieina ai

lea o le faamasinoga tonu a le ATUA; ma o le au uma o agelu,

ma le au faaolaina uma, na latou faapea mai i se leo tele lava,

Amene!

Na fai mai le agelu, o Satani o le a’a lea, o ana fanau o

ona lālā ia. Ua faaumatiaina uma nei i latou o le a’a ma lālā. Ua

186

latou feoti i se oti e faavavau. O le a latou lē toe feola mai lava,

ma o le a i ai i le ATUA se vateatea mamā. Ona ou vaai lea, ma

ou vaaia ai le afi lea na faaumatiaina ai tagata amioleaga, o

susunuina uma ai le lapisi ma faamamāina ai le eleele. Ona ou

toe vaaia lea ua faamamāina le eleele. Sa leai se faailoga e tasi

o le malaia. O le fogaeleele malepelepe ma ta’eta’ei ma le lē

gatusa, o lenei ua foliga mai i se laueleele mafolafola lelei ma

lautele lava. O le vateatea atoa a le ATUA ua mamā atoa, ma o

le finauga tele ua faamutalia e faavavau. Soo se mea lava na

tatou vaai atu i ai, o mea uma lava na vaai atu i ai mata, sa

matagofie ma paia. Ma o le au paia uma faaolaina, o ē matutua

ma ē laiti, o ē maualuluga ma ē maulalo, ua latou lafo atu o

latou pale feilafi i aao o lo latou FAAOLA, ma faapa’u’ū faō i

lo latou alolofa naunau i Ona luma, ma ifo 219

atu ia te Ia o Lē soifua e faavavau faavavau lava. O le lalolagi

fou matagofie, faatasi ai ma lona matagofie uma, o le tofi lea e

faavavau o le au paia. O le malo, ma le pule, ma le mamalu o le

malo i lalo o le lagi atoa, na foaiina atu i le taimi lena i le au

paia a LĒ SILISILIESE o le a fai mo i latou e faavavau, e

faavavau faavavau lava.

_________

Documents

O le Finauga Tele i le Va o Keriso ma Ana Agelu ma Satani ma Ana … le Finauga Tele i le Va o... · 2018-06-06 · spiritual gifts, vol. 1 o le finauga tele i le va o keriso ma ana