7

PER SCOMENZÈR…

SCOUTA LA STORIA CHE TE LEC LA MAESTRA, GE VARDAN

A LA FEGURES SOTITE.

LA PÌCOLA STEILA DEJOBEDIENTA Zacan l’era na pìcola steila che stajea tel ciel con duta sia familia: mère, père e n muie de sores. Chesta steila era n muie curiousa e la vardèa semper ju da la nìgoles per veder chel che fajea i bec su

la tera. La luna ge dijea dal ciel: - No jir massa en fora, l’é pericolous! – ma ela la era n muie testona e no la scutèa i consees. Na dì, la pìcola steila dejobedienta à vedù dotrei bec che fajea da mat col balon e, per poder vardèr miec chel jech, la é jita più en fora che zenza e... “pum” la é crodèda su la tera. La é rutolèda apede n fior e l’à vaà duta net. L soreie, che l se à descedà percheche l’à sentù la steila che vaèa desperèda, l’à dit: - Stùrtela de vaèr, ades te deide gé! – e l ge à manà n rai lonch lonch che l l’à binèda sù e l l’à menèda endodanef sun ciel.

8

ENCOLORESC LA FEGURES E CONTA LA STORIA CON TIA

PAROLES.

COLUNA STRÈDA ÈLA PA DA FÈR LA PÌCOLA STEILA

DEJOBEDIENTA PER JIR ENDODANEF SUN CIEL?

9

PASSA SORAVÌA LA RIGHES E FENESC I DESSEGNES.

10

VA INANT DESCHE TE L’EJEMPIE.

11

DESSEGNA LA LUNA SORA E LA STEILA SOT LA RIGA.

SORA

SOT

DESSEGNA LA STEILA SORA E LA LUNA SOT.

SORA

SOT

12

DESSEGNA LA STEILES, LA LUNA, LA NÌGOLES, I UCÌE

SORA LA RIGA E I PESC, LA CÓNCOLES, I SASC

SOTITE.

13

SORA - SOT

SUNSORA/SORAVÌA – SOTITE

RESPON A OUSC:

CHE ÉL PA SORA L BANCH? SORA L’É...

CHE ÉL PA SOT L BANCH? SOTITE L’É...

SCOUTA POLITO E FÀ CHEL CHE DISC LA MAESTRA.

TE COGNES METER:

L LIBER SORA L BANCH,

LA GOMA SOTITE L LIBER,

N CODEJEL SORA L LIBER,

L SCIATUL SORA L CODEJEL,

N SFOI SOTITE L CODEJEL.

VÈRDA L MUS DE TO COMPAGN E RESPON A OUSC:

CHE ÉL PA SORA LA BOCIA? SORA L’É...

CHE ÉL PA SOT L NÈS? SOT L’É...

14

ENCOLORESC DE BRUN DUT CHEL CHE L’É SORA L PULT

E DE POMARANC CHEL CHE L’É SOTITE L PULT.

15

MET VÈRDA E SCRIF SOTITE O SORA.

L GIAT É

___________ L PIUMAC.

LA GIAMES É

_____________ DESCH.

L FONCH É

____________ L’ÈLBER.

L CHIOVERTECH É

____________ LA FANA.

LA BÒCIA É

____________ L TABAREL.

L FECH BRUJA

____________ LA TECIA.

16

DESSEGNA N CÒCOL SORA L DESCH.

DESSEGNA N BEZ SOTITE L’OMBRELON.

17

ENCOLORESC CHEL CHE L’É SOTITE.

ENCOLORESC CHEL CHE L’É SORA.

18

DESSEGNA ALDÒ DE LA INDICAZIONS.

N PIAT SOT LA CHÌCHERA L SOREIE SORA LA NÌGOLA

N MUS SOT L CIAPEL L GIACIN SORA L CON

N FIOR SOT L PAVEL N’ANTENA SORA L CUERT

19

FENESC L DESSEGN E ENCOLORESC DEMÒ CHEL CHE L’É

SORA I FONCHES E SOTITE L FONCH PIÙ GRAN.

20

VÈRDA POLITO L DESSEGN E DÒ FENESC I PENSIERES

COL SCRIVER SOT / SOTITE O SORA / SORAVÌA.

L’AUTO É __________________________ L’ÈLBER.

LA CARIEGA É ______________________ L BEZ.

LA CARIEGA É ______________________ L CIAN.

LA MÈRE É SENTÈDA JÙ _____________ LA TENDA.

L’AEREO SGOLA ____________________ LA CÈSA.

OLÀ ÉL PA L’UCEL? __________________________

OLÀ ÉL PA L GIAT? __________________________

21

L CIRCO MAT

N PAIAZO MATEON

SORA L CEF À N PÌCOL DE LEON.

SORA LA CORDA LA BALARINA

LA É N MUIE BRAVA E CIANTARINA.

L JIGANT SORA LA SPALES

À N CANON CON SIA BALES.

N CAVALIER SORA L CIAVAL

L’ À SORAVÌA L CEF ENCE N GIAL.

MA SORAVÌA DUC, JENT E ATORES,

L’É L GRAN TENDON DUT DA FIORES.

FENESC.

L LEON L’É SORA _____________________________

LA BALARINA LA É SORA _______________________

L CANON L’É SORA ____________________________

L CAVALIER L’É SORA __________________________

L GIAL L’É SORA _____________________________

SORAVÌA DUC L’É ____________________________

22

LEO E UGO

LEO DISC: “L’É NA NÌGOLA CHIÒ SOTITE”. UGO DISC: “ L’É NA NÌGOLA SORAVÌA CHI

COI”. SCRIF TI CARTELINS I INOMES DI DOI BEC.

23

L’UCEL E LA BOLP

NA BOLP VÈRDA EN SU E LA VEIT N UCEL SORA N RAM.

LA BOLP PEISSA: “ADES L MAGNE!” L’UCEL PEISSA: “CHELA BOLP, CHE È SOT DE ME, LA

VEL ME MAGNÈR, MA GÉ SON ASCORT…!” DESSEGNA L’UCEL E LA BOLP.

24

N BEL PAESAJE

DESSEGNA:

L BACAN TEL POST TE MEZ;

N BEL UCEL SOT L SOREIE;

TREI PONJINS SOT L’UCEL;

N BISCEL E N BUAGNEL SOT L COL;

DOI PAVEI SORAVÌA L COL;

NA NÌGOLA ANTER L SOREIE E I PAVEI.

25

L’ÈLBER DE NADÈL

FORNESC SÙ L’ÈLBER DE NADÈL ALDÒ DE LA

INDICAZIONS TEL CHÈDER, TAAN FORA E ENCOLAN LA

FEGURES SOTITE.

PONTA

BÒCES BRUNES

STEILES

ÀGNOI

BÒCES CHÉCENES

DONS

26

27

I MUSICONC DE BREMA

MET VÈRDA E SCRIF ITE.

L MUSCIAT L’É .______________ L CIAN.

L CIAN L’É ______________ L GIAT.

L GIAT L’É ______________ L GIAL.

L CIAN L’É ______________ L MUSCIAT.

L GIAT L’É ______________ L CIAN.

L GIAL L’É ______________ L GIAT.

CHI ÉL PA SOTITE DUC? ______________________

CHI ÉL PA SORAVÌA DUC? ____________________

28

DESSEGNA SORA: L SOREIE, NA NÌGOLA, N UCEL CHE

SGOLA, L FUM DEL CIAMIN

E SOT: I FIORES, L TROI, LA SIEF.

ENCOLORESC DE ŚAL CHEL CHE L’É SORAVÌA E DE

BRUN CHEL CHE L’É SOTITE.

29

AUT – BAS

ENCOLORESC DEMÒ L’ÈLBER PIÙ AUT.

DESSEGNA N MONT AUT E UN BAS.

30

ENCOLORESC LA MAIA DEL BEZ PIÙ GRAN.

ENCOLORESC L CUERT DE LA CÈSA PIÙ BASSA.

31

ENCOLORESC L BICER PIÙ BAS.

ENCOLORESC LA CREPA PIÙ AUTA.

32

ENCOLORESC DE CHÉCEN L POM PIÙ GRAN E DE VERT L

POM PIÙ PÌCOL.

DESSEGNA NA CÈSA GRANA E NA CÈSA PÌCOLA.

33

SCRIF TI CARTELINS SE L GIACIN L’É GRAN O PÌCOL.

SCRIF TI CARTELINS CHI CHE L’É GRAN E CHI CHE L’É

PÌCOL.

34

SCOUTA LA STORIA CHE TE LEC LA MAESTRA.

I TREI ORSC

Zacan l’era trei orsc che stajea te na bela ciaseta tel bosch. N’era un pìcol, un gran e un n muie gran. Ogneun aea sia copa per disnèr: l’ors pìcol aea na copa pìcola, l gran na copa grana e chel n muie gran na copa n muie grana. I aea na cariega per se sentèr jù. L più pìcol aea na cariega pìcola, l gran aea na cariega grana e chel n muie gran l n’aea una n muie grana. E i aea ence n let per dormir. L pìcol n’aea un pìcol, l gran n’aea un gran e chel n muie gran un n muie gran. Na dì dadoman, dò se aer enjignà l lat e l’aer trat fora te la copes, i trei orsc i é jic a spas tel bosch; i spetèa che l lat se sfreide, percheche no i volea se zigolèr la lenga. Endèna che i jìa fora per l bosch, na beza, che aea inom Ric de Òr, la é ruèda te la cèsa di orsc. Dant l’à vardà ite per fenestra, dò ite per l busc de la chief e, ajache no l’à vedù daìte nesciugn, l’à orì l strapazin e la é jita ite. Sobito l’à vedù l disnèr enjignà sun desch. Dant l’à cercià l lat de l’ors n muie gran ma l’era fers. Dò l’à cercià l

lat de l’ors gran ma ence chest l’era massa ciaut. Dapodò l’à tout la copa de l’ors pìcol e l’à troà lat che no era ne ciaut e nience freit ma giust, e la se l’à beù dut. Dò Ric de Òr la é jita te stua e l’à vedù trei carieghes. Dant l’à proà a se sentèr jù su la cariega de l’ors n muie gran, ma la era massa dura, dò l’a proà la cariega de l’ors gran, ma la era massa solvia: la cariega de l’ors pìcol, enveze, la era giusta. Ric de Òr la se à sentà jù ma la l’à rota. Dò Ric de Òr la é jita te cambra e l’à vedù i lec di trei orsc. Timpruma la se à butà jù sul let de l’ors n muie gran, ma l’era massa gran per ela. Dò la se à butà jù sul let de l’ors gran ma ence

chest l’era massa gran. Tinùltima la se à butà jù sul let de l’ors pìcol che no l’era ne massa gran ne massa pìcol, ma l’era chel giust. La se à fat ite te la cuertes e la se à endromenzà. I trei orsc, che i era tel bosch jà da n trat, canche i se à pissà che l lat se aesse sfridà assà, i é jic de retorn a cèsa. Ric de Òr aea lascià l scuier te la copa de l’ors n muie gran e el l l’à vedù sobito.

35

“Zachèi à cercià mie disnèr!” à dit l’ors n muie gran con sia ousc

grossa. Canche l’ors gran à vardà sia copa, l’à vedù che l’era ite l scuier. “Zachèi à cercià mi disnèr!” à dit l’ors gran con sia ousc forta. Dapodò ence l’ors pìcol à vardà te sia copa, l’à vedù l scuier ma no l’era più nience na gocia de lat! “Zachèi à cercià mi disnèr e l se l’à fat fora dut!” à bugolà l’ors pìcol con sia ousc pìcola. Ric de Òr no aea comedà l piumac canche la era levèda sù da la cariega de l’ors n muie gran e, canche el l’é jit te stua, l se n’à adat sobito. “Zachèi se à sentà jù sun mia cariega!” à dit l’ors n muie gran con

sia ousc n muie forta. Ric de Òr aea petà jù l piumac solvech de la cariega grana. “Zachèi se à sentà jù sun mia cariega!” à dit l’ors gran con sia gran ousc. “Zachèi se à sentà jù sun mia cariega e l l’à spachèda! À dit l’ors pìcol con sia pìcola ousc. I trei orsc se à pissà che fossa stat benfat vardèr te ogne cianton de cèsa, coscita i é jic te cambra. Ric de Òr l’aea metù fora de post l piumac de l’ors n muie gran e el l l’à vedù defata. “Zachèi se à butà jù te mie let!” à dit l’ors n muie gran con sia ousc

grana e ponchia. Ric de Òr l’aea lascià fora de post l piumac del let de l’ors gran. “Zachèi se à butà jù te mie let!” à dit l’ors gran con sia ousc grana. E canche l pìcol ors à vardà te so let, l’à vedù che l piumac era a so post e che, sora l piumac, l’era pojà n cef biondin. “Zachèi se à butà jù te mie let e vè chi che l’é!” à dit l’ors pìcol con sia ousc pìcola. Canche Ric de Òr l’à sentù la ousc pìcola e scherdeila de l’ors pìcol, la se à descedà de bot. E canche l’à vedù che i trei orsc era dò a la vardèr, la é coreta aló da fenestra e la é sutèda jù.

No se sà se Ric de Òr à troà sobito la strèda per jir de retorn a cèsa e se la é doventèda manco bricona. Aboncont i trei orsc no i l’à mai più veduda.

36

ENCOLORESC L’ORS PÌCOL.

ENCOLORESC DEMÒ L LET OLACHE RIC DE ÒR SE À

ENDROMENZÀ.