Fondacioni i Fëmijëve Shqiptarë “domenick Scaglione”

Qendër Kombëtare Zhvillimi për Fëmijët

PROJEKTI I FONDACIONIT “FEMIJET SHQIPTARE”

NR.4 Janar - Tetor 2010

Llogaria Bankare : Banka Intesa San Paolo Llog. ne LEKE nr: 1000231800 1000231805Llog. ne USD nr: 1000231801Llog. ne EURO nr: 1000231804

SWIFT: USALALTR

Fondacioni i Fëmijëve Shqiptarë “domenick Scaglione”

Fondacioni Femijet Shqiptare “Domenick Scaglione” Rr. “Deshmoret e 4 shkurtit”, Pallati nr.30

Tirane, Albania, P.O.BOX 8285

Tel/Fax: +35542270663

Dhuronipër të na ndihmuar të vazhdojmë misionin tonë!

Në brendësiHistori suksesi

“Si më kthyen dritën e syve”. ................................ Fq 14

Ndërgjegjësimi

“Autizmi ‘çel’ Bursën e New Yorkut. ....................... Fq 10

marrëvesHjaManual ndihmës për autizmin . ............................ Fq 17

iNvestimi

Inagurohet kopështi “Luleborë”. ........................... Fq 27

Pergatiti: Etiola KOLADesign: Sonila KRASHI

Shtypur në shtypshkronjën "KRISTALINA"

4

Vetëm një vit e gjysëm më parë nuk mund të dallonte

as pjatën e supës kur e ëma ja vinte përpara për të

ngrënë. Nje goditje aksidentale me një mjet të fortë nga

një shok i tij, teksa luante në oborrin e shtëpisë, i mori shikimin.

Një dhimbje e fortë jo vetëm për Lorenc Plakun, sot 13 vjeç, por

për të gjithë familjen e cila po përjetonte humbjen graduale të

shikimit të tij.

Historine e dhimbshme e mësojme nga nëna e Lorencit, Shpresa

Plaku, e cila e shoqëron çdo ditë të birin në Institutin Kombëtar

të Fëmijëve me shikim të pjesshëm në Tiranë. Kur i drejtohemi

dyerve të këtij Insituti, të gjithë, duke filluar që nga roja e deri

tek drejtori e njihnin Lorencin. Në klasën e Lorencit, me vetëm

7 nxënës, 13-vjeçari, pavarësisht vendosjes së një maske

“Më kthyet dritën e syve”

Historia e rrallë e Lorencit, që realizoi transplant të syrit falë ndihmës së Fondacionit Fëmijët Shqiptarë

mbrojtëse për syrin, binte në sy si fëmija më i shëndetshëm i

klasës dhe ngjyrës së kuqe të faqeve. I emocionuar, Lorenci e

kishte të vështirë të tregonte mbi atë çka kishte perjetur...

Shpresa për të rikthyer Lorencin e parë ishte vetëm transplanti

i syrit, mjaft i kushtueshëm për mundesitë financiare të familjes

së tij. Nëna e tij, rrëfen se kësaj shprese i dha jetë Fondacioni

“Fëmijët Shqiptarë”.

“Kishim dëgjuar për fondacionin që drejton znj. Liri Berisha dhe

menduam pas konsultave që bëmë me mjekët tanë këtu, t’i

drejtohemi dyerve të këtij fondacioni për të gjetur shpëtim. Gjatë

gjithë kohës i luteshim Zotit, i faleshim për të na shpëtuar djalin”,

tregon Shpresa, nëna e Lorencit, e ngazëllyer.

Në fakt lutjet nuk i dëgjoi vetëm Zoti. Pas konstatimit të rastit,

Nga Sonila Mlloja Cemurati

Lorenc Plaku sot është 13 vjeç dhe ka nisur

të shohë sërish shpresën falë ndihmës së

Fondacionit Fëmijët Shqiptarë. Lorenci është vetëm

një nga dhjetra rastet e fëmijëve që janë trajtuar nga

Fondacioni i drejtuar nga znj. Liri Berisha.

Diagnoza e tij: Humbje e syrit të djathtë dhe ulje e

shikimt të syrit të majtë.

Mbas operimit shikimi i syrit të majtë është përmirësuar

mbi 55%.

Lorenci sot arrin të shkruajë disa fjalë, si falenderimi

më i madh për Fondacionin që i ktheu dritën e syve.

5

Fondacioni e dërgoi Lorencin për transplant të syrit në një nga

spitalet e Athinës.

“Nuk e prisnim qe Lorenci do të kishte këtë shikim që ka sot.

Me 26 shtator të vitit të kaluar, Lorenci ka bërë ndërhyrjen e dytë

kirurgjikale dhe syri i djalit tashmë është në gjendje shumë të

mirë. Edhe sot më duket sikur jam në ëndërr”, rrëfen Shpresa.

Djali sot gëzon mbi 55% të shikimit nga 5% që shikonte pas

aksidentit.

Lorenci në mjediset e shtëpisë, së bashku me nënën e tij, Shpresën

Provën më të madhe të efektit të jashtëzakonshëm të ndërhyrjes

kirurgjikale, e shohim në shkollën e Lorencit. Ai lexon mirë. Në

orën e mësimit të gjuhës, teksa ne e ndoqëm, ai zgjedhoi pa

problem kohën e ardhme të foljes “jam” dhe “kam” si dhe lexoi

tekstin e mësimit të ditës duke vënë në punë edhe gishtin

tregues për të ndjekur rradhën e fjalëve dhe fjalive në paragraf.

Arrijmë t’i shkëpusim disa fjalë Lorencit, jeta e të cilit po i

rikthehet ngadalë normalitetit.

6

Instituti Kombëtar i Fëmijëve me shikim të pjesshëm e ka aftësuar edhe më tepër Lorencin e vogël, ndërsa ecejakjet e vazhdueshme mes Athinës dhe Tiranës ende janë të pranishme edhe për disa kohë me vizitat për kontrollin e syve dhe protokollet e mjekimit post-transplant për mbajtjen nën vëzhgim të syve.

Lorenc kush merret me ty më shumë në shtëpi?

“Gjyshja, ajo rri gjithë ditën me mua”.

Cila është loja që të pëlqen më shumë?

“Futbolli. Më pëlqen shumë futbolli”.

Si e ndjen syrin tani pasi mjekët e operuan?

“Tani jam shumë mirë, nuk kam më turbullira”.

Çfarë këshillash të kanë dhënë mjekët?

“Ti mbaj pastër dhe të mos i lodh”.

7

Rikthimi i shikimit të Endritit të vogël

Histori suksesi

Znj. Liri Berisha ishte e pranishme në një nga klinikat e

kryeqytetit për të parë nga afër kurimin e vogëlueshit

Endrit Zeqiri. Para disa kohësh, Endriti teksa luante me

bashkëmoshataret e tij, dëmton njërin nga sytë. Në kushte jo

të mira ekonomike, nëna e tij troket në dyert e Fondacionit

Fëmijët Shqiptarë, me shpresën se Endritit do t’i rikthehej

shikimi. Falë bashkëpunimit të Fondacionit Fëmijët Shqiptarë

me International Eye Clinic, mundi të sigurojë operacionin e tij, i

cili pati një sukses dhe një perkrahje nga i gjithë stafi mjekësor.

Dr.Liri Berisha u shpreh se nuk është rasti i parë që Fondacioni

Fëmijët Shiqiptarë ndihmon fëmijë në nevojë, siç është dhe

rasti i Endritit. International Eye Clinic është një ndër klinikat

më serioze ku janë bërë dhe ndërhyrje të cilësuara shumë të

vështira që kanë rezultuar të suksesshme.

Disa prej femijeve te trajtuar ne Torino te Italise, fale ndihmes se Fondacionit Femijet Shqiptare

EMRI MBIEMRI DITëLINDJA MoSHA DIAGNoZA VITI

Kledion Shallari 5/19/2006 3 vjeçDismorfi faciale dhe sindaktili te gishtit te II, III, IV

te dores se majte dhe sindaktili te gishtit te III-IV te dores se djathte

May 2010

Makalena Hidri 3/26/1992 17 vjeç Vulmus femunis sin et calcores dex post calp 22 June 2010

Enver Gurakuqi 1/23/2010 2 muaj Kardiopati komplekse e lindur 28 June 2010

Melani Koltraka 5/16/2006 4 vjeç Kolestaze intrahepatike familjare 14 July 2010

Fabio Kola 9/5/2005 4 vjeçCeliac Disease, Trompoze Venaporta, Splenoral

shunt hipertension porta14 July 2010

Vesel Xheka 12/4/1995 14 vjeç Contraktura Coli Post Combustio 13 July 2010

8

Organizohet Mbrëmja Gala për të finalizuar projektin e Fondacionit Fëmijët Shqiptarë

Qendër Kombëtare Zhvillimi për Fëmijët

Znj. Liri Berisha duke marre cmimin e mirenjohjes nga ministrja italiane e Turizmit, znj. Brambilla

Si çdo vit, Fondacioni Femijët Shqiptarë, me

Presidente znj. Liri Berisha, organizojnë mbrëmjen

Gala të Bamirësisë, ku tema e këtij viti ishte finalizimi

i Qendrës Kombëtare të Zhvillimit për Fëmijë.

Qendra e re do të krijojë kushte bashëkohore për trajtimin e

përditshëm të më shumë se 100 fëmijëve dhe vlerësimin dhe

diagnostikimin e më shumë se 1.000 fëmijëve në vit. Qendra

do të ketë ambjente të nevojshme për psikologë, logopedistë,

punonjës socialë, terapistë për të kryer terapi individuale dhe

grupi, si dhe këshillime për prindërit. Qendra, në ambjentet

e saj do të ketë palestrën dhe pishinën terapeutike. Ajo

është konceptuar gjithashtu si një berthamë shkencore ku

specialistë të ndryshëm nga Shqipëria, të kenë mundësinë

të kryejnë kërkime shkencore në fushen e Autizmit dhe

zhvillimit të fëmijëve, duke patur në dispozicion si ambjentet

klinike ashtu edhe ambientet e bibliotekës, etj. Gjithashtu

Qendra, me sallen e saj të konferencave dhe seminareve si

dhe të ambjenteve te tjera, do te zhvilloje programe trajnimi

te specialisteve te ndryshem dhe te studenteve te fushes.

Në këtë mbrëmje ishin të pranishëm rreth 300 persona,

9

nder te cilet dhe përfaqësues të institucioneve shqiptare,

ambasadorë e përfaqesues organizatash Ndërkombetare në

Shqipëri si dhe përfaqesues të biznesit shqiptar e të huaj.

Gjate fjales pershendetese, Zj. Berisha u shpreh se “Kemi

ndjerë mirënjohjen e shumë e shumë prindërve dhe femijeve

te shpetuar, respektin e dhjetra jetimëve, që sot vazhdojne

shkollat e larta, dashurine e te moshuarve ne azilet ku jetojne

vitet e fundit te jetes se tyre, falenderimin e prinderve te

femijeve talasemike qe luftojne cdo dite per piken e gjakut

qe eshte baraz me jeten”. Me tej, znj. Berisha vazhdoi “Jam

ndjere gjithmone krenare per pjesmarrjen dhe rolin qe kane

luajtur donatoret private ne problematiken sociale te cilat

trajton Fondacioni.

Nje pjese prej tyre jane sonte ne kete salle, por une dua t’i

falenderoj te gjithe per kontributin e tyre te cmuar pa te cilin

nuk do te kishim mundur te arrinim ketu jemi sot dhe per

besimin e treguar ndaj nesh.”

Gjithashtu, te pranishmit u pershendeten dhe nga themeluesi

i Fondacionit, z. Domenick Scaglione i cili falenderoi Zj.

Berisha per perkushtimin dhe punen e madhe qe po ben

per femijet shqiptare ne nevoje.

Gjate mbremjes, ishte e pranishme dhe pershendeti ministrja

e Turizmit te Italise Znj. Michela Vittoria Brambilla. Znj. Brambilla

vleresoi znj. Berisha per angazhimet dhe perpjekjet per te

ndihmuar femije shqiptare si dhe percolli pershendetjet me te

perzemerta nga Kryeministri Italian Z. Silvio Berlusconi.

Ministrja Brambilla i dorezoi nje medalje znj, Berisha me

motivacionin “Per perkushtim ne ndihme dhe perkrahje

te ketyre femijeve te mrekullueshem” Mbremja Gala ishte

e mbushur me emocione te cilat kulmuan me shfaqjen

e nje dokumentari me aktivitetet e Fondacionit dhe me

performancen live te sopranos shqiptare me fame boterore

Inva Mula.

Gjithashtu, pervec nje programi te kendshemartistik, u

organizua dhe nje ankand me 16 vepra arti. Te gjitha veprat e

artit ishin perzgjedhur me kujdes te vecante nga koleksionet

e piktoreve shqiptare me aktivitet te njohur artistik, si: Sotiraq

Kuqali, Shkëlqim Kokonozi, Ali oseku, Genti Korini, Vangjush

Tushi, Heldi Pema, Milto Jorgji, orion Shima, Arben Bajo,

Rafael Dembo, Alush Shima, Ibrahim Kodra, Kostandin

Shpataraku, Vangjush Tushi, Alban Hajdinaj dhe Eltion Valle.

Te ardhurat nga ankandi jane rreth 200 mije euro te cilat se

bashku me te ardhurat nga e gjithe mbremja Gala do te

perdoren per ndertimin e Qendres Kombetare te Zhvillimit

per Femije.

Mbremja Gala ishte dhe nje moment per te hedhur syte

perpara ne axhenden e ngjeshur te Fondacionit e cila

sigurisht ka nevoje per vazhdimesine e ketyre mbeshtetjeve

per te qene sa me prane femijeve qe kane nevoje per dashuri

dhe mbeshtetje.

Mbrëmja Gala për të finalizuar projektin e Fondacionit Fëmijët Shqiptarë

10

Krijimi i një Qendre Kombëtare të Zhvillimit Mjekësor për fëmijë

Pamje të projektit të Qendrës së zhvillimit Mjekësor për Fëmijë

Misioni i qendres eshte te ofroje per femijet, qe

jane ne grupin e synuar si dhe per familjet e tyre,

kujdes terapeutik modern, duke i nxitur personat

qe punojne drejtperdrejt me kete grup, te kuptojne rritjen,

menyren e zhvillimit dhe potencialet per zhvillim qe gjenden

tek femijet dhe te rriturit qe punojne me ta.

Autizmi dhe Çrregullimet e Vazhdueshme te Zhvillimit

(PPP) karakterizohen nga nje vonese dhe devijance ne

zhvillimin e aftesive sociale, komunikuese dhe konjitive ne

vitet e para te jetes.

Problemet e shumefishta ne zhvillim dhe problemet ne

sjellje qe shoqerojne ato, shpesh kerkojne kujdesin e

shume ofruesve; gjithashtu eshte i rendesishem koordinimi

i sherbimeve si dhe mbeshtetja per familjet e tyre. Ketu

del ne pah nderhyrja ne fazat e para dhe e vazhdueshme

si dhe perdorimi i modaliteteve te ndryshme te trajtimit

(p.sh. farmako-terapi, edukim i veçante, terapi e veçante

per te folurit-komunikimin dhe modifikimin e sjelljes).

Çdo femije kerkon nje program unik, te plote te sherbimeve

qe ofrohet nga eksperte te disiplinave te ndryshme.

Nje nga keta profesioniste duhet te jete pergjegjes per

koordinimin e sherbimit dhe per perkrahje.

11

Znj. Liri Berisha celebron në New York përvjetorin e 3-të të Ditës Botërore të Ndërgjegjësimit mbi Autizmin

Me ftesë të ‘Autism Speaks’, në New York,

znj. Liri Berisha ishte e ftuar në celebrimin

e përvjetorit të 3-të të Ditës Botërore të

Ndërgjegjësimit mbi Autizmin, event i cili u organizua

nën kujdesin e Sekretarit të Përgjithshem të Kombeve

të Bashkuara z. Ban Ki-Moon. Aktivitete të shumta u

zhvilluan nga datat 31 Mars deri më 2 Prill, në kuadër të

këtij eventi me fokus Autizmin. Mesazhe të rëndësishme

sensibilizuese dhe mbështetëse, u transmetuan nga

presidenti amerikan z. Barak obama dhe nga z. Ban Ki-

Moon, të cilët mbështetën sërish nxitjen për përpjekje

globale në të kuptuarit më shumë në lidhje me autizmin,

si çrregullimin shoqëror në shoqërine e sotme anembanë

botës, që ndikon në dhjetra miliona njerëz në mbarë

globin.

Në këtë takim ishin të pranishëm dhe znj. Yoko ono Lennon

(bashkëshortja e këngetarit të famshëm John Lennon)

si dhe shumë personalitete nga vende të ndryshme të

Botës. Gjatë takimeve, u vlerësuan veçanërisht arritjet dhe

rezultatet pozitive që znj. Berisha dhe Fondacioni Fëmijët

Shqiptarë kanë bërë deri më sot për ndërgjegjësimin

dhe sensibilizimin e shoqërisë shqiptare mbi çrregullimet

Autizmi, dita botërore e ndërgjegjësimit

Ne kuader te punimeve te seksionit te 65-të të OKB u zhvillua Takimi i III Vjetor “Vemendje Boterore mbi Autizmin”, organizuar nga Autism Speaks ne New York, ku znj. Berisha ishte e ftuar nderi.

12

Liri Berisha në celebrimin e përvjetorit të 3-të të Ditës Botërore të Ndërgjegjësimit mbi Autizmin, në New York

e spektrik autik. Gjithashtu u përgëzua

partneriteti i shkëlqyer me ‘Autism Speaks’,

si dhe arritjet e deritanishme në ‘Inciativën

Globale të Autizmit për Shëndetin Publik’ të

realizuara në Shqipëri.

Programi më pas vijoi me një aktivitet mjaft

interesant siç ishte dhe lançimi i fushatës “Nën

Dritat Blu” nga Autism Speaks. Kjo inciativë

simbolizon një dritë të ndritshme blu mbi

autizmin, si një krizë në rritje e shëndetit

global. Ndriçimi në ngjyrën blu u shfaq në

pjesën e sipërme në një nga ndërtesat më

të njohura në Botë, Empire State Building,

në mbrëmjen e datës 1 Prill. Kësaj fushate iu

bashkuan dhe vende të tjera të Botës.

Znj. Berisha gjatë kësaj vizite u takua

dhe me Dr. Shekhar Saxena, Drejtor i

Shëndetit Mendor i organizatës Botërore të

Shëndetësisë, me seli në Gjenevë. Znj. Berisha përgëzoi

bashkëpunimin e ri të oBSH-së me ‘Autism Speaks’, në

fushën e shëndetit mendor të fëmijës, duke përfshirë

dhe çrregullimet e zhvillimit, siç është dhe autizmi. Dr.

Saxena tregoi gadishmërinë e tij dhe të oBSH-së për të

bashkëpunuar me Ministrinë e Shëndetësisë në Shqipëri

dhe me Fondacionin Fëmijët Shqiptarë, në lidhje me

projekte të ndryshme jo vetëm në fushën e autizmit.

Gjatë takimeve të organizuara në kuadër të këtij eventi, si

rezultat i arritjeve dhe përpjekjeve pozitive të Fondacionit

Fëmijët Shqiptarë, u vendos të organizohet në vjeshtë të

këtij viti në Shqipëri, takimi rajonal ballkanik për autizmin.

Gjithashtu Fondacioni Fëmijët Shqiptarë do të ketë rolin

lider, jo vetëm në këtë takim, por dhe në aktivitete që do

të organizohen në të ardhmen.

13

Në kuadër të ditës botërore të ndërgjegjësimit mbi autizmin,

një vizitë e posaçme është zhvilluar në Bursën e New York-ut,

ku znj. Berisha dhe disa personalitete së bashku me fëmijët

e tyre, celebruan përvjetorin e 3-të të Autizmit duke hapur Bursën

e New York-ut të shoqeruar me rënien e ziles tradicionale. Hapja e

Bursës në të njëjtën dite u celebrua dhe në qytete të tjera europiane

si Amsterdam, Bruksel, Lisbonë dhe Paris, të cilët mbështetën këtë

inciativë të ‘Autism Speaks’.

Autizmi ‘çel’ Bursën e New Yorkut

Znj. Berisha gjatë vizitës së posaçme zhvilluar në Bursën e New York-ut

14

Nis puna për hartimin e strategjisë për Autismin në Shqipëri

Strategji për autizmin

Gjatë prezantimit të strategjise për autizmin ne Shqiperi

Nis puna për hartimin e strategjisë për Autismin

në Shqipëri. Znj.Liri Berisha në bashkëpunim me

Ministrinë e Shëndetësisë si dhe me shoqatën e

‘Autism Speaks’ në New York, përfaqësuar nga z. Simon

Wallace, drejtor shkencor për Europën, ngritën një grup pune

i cili në konsultim me të gjitha institucionet shtetërore dhe jo

shtetërore, publikun dhe mediat, do të hartojnë strategjinë

për të adresuar problematikën e autizmit në Shqipëri. Për

Fondacionin Fëmijët Shqiptarë ky është një moment mjaft

i rëndësishëm sepse një Strategji Kombëtare për Autizmin

do të mundësojë që eksperienca e deritanishme e punës së

Fondacionit, të marrë një dimension të ri. Në fjalën e saj, znj.

Liri Berisha shprehu falenderimet dhe mirënjohjen e saj ndaj

Ministrisë së Shëndetësisë, e cila perkrahu këtë iniciativë dhe

po e institucionalizon atë plotësisht. Gjithashtu një falenderim

ishte dhe për ‘Autism Speaks’, për asistencen e çmuar që i ka

dhënë Fondacionit dhe u përfshi pa mëdyshje në këtë proces.

Znj. Berisha tha se brenda vjeshtës do të kemi një produkt të

parë të punës së grupit të ndërtuar sot dhe brenda pranverës

që vjen do të fillojë puna për zbatimin e saj.

Më pas, në këtë tavolinë u diskutua se autizmi është një problem

i cili kërkon të adresohet në mënyrë profesionale, kërkon zgjidhje

afatshkurter dhe afatgjatë. Duhet menduar në mënyrë urgjente

se si do të ulet barra e rëndë e familjeve që kanë fëmijë me

autizëm, duke përcaktuar se si institucionet shtetërore dhe jo

shtetërore do të marrin dora dorës rol kryesor në mbështetjen

ndaj personave me autizëm dhe familjeve të tyre, duke i dhënë

shpresë këtyre fëmijëve dhe familjarëve të tyre për një të ardhme

më të mirë, për përfshirjen në jeten sociale, duke u perpjekur t’i

bëjë të aftë për jetën e tyre.

15

AUTIZMIPromovohet libri mbresëlënës i prof. Edmond Tupjes

“Kur dhimbja premton dashuri”

Në Teatrin e Operas e Baletit, ku promovua nga Znj. Liri Berisha libri i ri i Prof. Edmond Tupja me titull “Kur dhimbja premton dashuri”,

Në ambjentet e Teatrit të operas e Baletit, u promovua

nga Znj. Liri Berisha libri i ri i Prof. Edmond Tupja me titull

“Kur dhimbja premton dashuri”, ku autori rrëfen jetën e

tij duke jetuar me një fëmijë autik, djalin e tij. Të pranishëm në

këtë promovim libri ishin personalitete nga fusha të ndryshme,

disa përfaqësues të trupit diplomatik, përfaqësues nga

organizata ndërkombëtare, shkrimtarë, psikologë, prindër te

femijëve me autizëm si dhe bashkëpunëtorë e miq të autorit.

Ky aktivitet u hap nga moderatori Artan Hoxha, më pas

fjala i kaloi Znj. Berisha e cila shumë e emocionuar nga libri

transmetoi ndjenjë dhe dhimbje për periudhën e vështirë qe

autori se bashku me të shoqen Xhildën kanë kaluar dhe po

përjetojnë ankthin e një të ardhme të pasigurt për djalin e tyre.

Gjithashtu Dr. Berisha shprehu angazhimin e të gjitheve së

bashku për të mbështetur dhe mposhtur fenomenin e autizmit

me të gjitha forcat njerëzore, si dhe përcolli mesazhin që trajtimi

i Autizmit duhet të ketë një prioritet të vecantë në profesionin

e psikologut, pasi numri i fëmijeve të prekur nga kjo sëmundje

po rritet ndjeshëm.

Z. Edmond Tupja është profesor dhe studiues, përkthyes e

publicist, por në librin e tij të ri ka përcjellë dhe transmetuar tek

lexuesi emocione të thella dhe ndjenja vërtet mbresëlënëse. Më

pas vijuan falenderimet dhe përshtypjet nga miqtë e ngushtë

të autorit si Mark Simoni, Edmond Harizaj, Mirela Kumbaro,

Anila Sulstarova, Mirela Sula, Gëzim Tafa, Zhani Ciko, dhe u

mbyll nga vetë Z.Edmond Tupja. Shumë të ftuar si dhe kritikë

përgëzuan Z. Tupja për këtë libër i cili do të jetë një thesar në

bibliotekën e gjithsecilit.

Më pas një program i këndshëm artistik ishtë përgatitur nga

Teatri i operas dhe Baletit me këtë rast.

16

Nisma e Fondacionit Fëmijët Shqiptarë dhe Autism Speaks

Trajnim për specialistët e Autizmit

Gjate prezantimit te projektit per trajnimin e specialisteve lidhur me autizmin

Fondacioni i Fëmijëve Shqiptarë ka filluar trajnimin

e specialistëve të Qendrës “Fluturo për Jetën” me metodat

më bashkohore të trajtimit të fëmijëve të spektrit autik.

Ky trajnim bëhet në kuadër të Projektit: “Program Formimi në

ndërhyrjet e sjelljes për terapist femijesh me crregullime te spektrit

autik”. Projekti eshte nje bashkepunim i Fondacionit Femijet

Shqiptar me asistence profesionale nga ‘Autism Speaks’ ne New

York dhe financohet nga Fondacioni Vodafone Albania.

Projekti do te zbatohet ne nje periudhe 1- vjecare gjate se

ciles specialistet e Qendres do te trajnohen, mbikqyren dhe

çertifikohen profesionalisht nga eksperte amerikane te ‘Autism

Speaks’ ne New York. Ne kuader te ketij projekti do te hartohet

nje model trainimi ne shqip i cili do te perdoret me pas per te

trajnuar dhe çertifikuar specialiste te qendrave te tjera ne

kete fushe. Gjithashtu nepermjet ketij projekti Fondacioni

Femijet Shqiptare sjellje ne Shqiperi modelin “STANDART” te

trajtimit te femijeve me crregullime te spektrit autik si dhe do te

realizoje ndertimin e infrastruktures per trajnimin ne distance te

specialisteve.

Perfitues te projektit do te jene femijet me crregullime te spektrit

te autizmit, familjet e tyre, si dhe profesionistet e asistences se

drejteperdrejte terapeutike per femijet autike ne Shqiperi.

17

Fondacionin e Femijve Shqiptare ‘Domenick Scaglione’ dhe

Zyra e Bashkepunimit Zviceran ne Shqiperi (SCO-A) firmosën

një marreveshje bashkepunimi mbi financimin e nje projekti

qe synon permiresimin e jetes se femijeve qe jetojne me autizem

dhe te familjeve te tyre. Projekti do te mundesoje pergatitjen dhe

publikimin e nje libri si material udhezues rreth autizmit per prinderit

dhe profesionistet e ndihmes, si dhe influencimin e opinionit publik

mbi kete fenomen ne Shqiperi.

Marreveshja u firmos nga z. Daniel Züst, Drejtor i SCO-A, and zj . Liri

Berisha, Presidente e Fondacionit te Femijve Shqiptar ‘Domenick

Scaglione’. Shuma mbi 2,000,000 lek do te perdoret per te

garantuar guiden me te fundit e cila do te shperndahet falas per

prinderit dhe profesionistet e ndihmes.

Znj.Liri Berisha, Presidente e Fondacionit të Fëmijëve Shqiptarë

‘Domenick Scaglione’ shprehu vlerësimin e saj për mbështetjen e

marre. “Ne falënderojmë Bashkëpunimin Zviceran për mbështetjen

ndaj këtij projekti, i cili do t’u sherbejë fëmijëve, prinderve te tyre si

dhe profesionisteve te ndihmes. Kjo mbeshtetje tregon se puna

sensibilizuese e bere gjate dy viteve te fundit nga fondacioni ka

terhequr vemendjen jo vetem te institucioneve shqiptare por edhe

Firmoset marrëveshja

Manual ndihmës për autizmin

te organizatave nderkombëtare qe punojne ne Shqiperi”, tha znj.

Berisha pas firmosjes se marreveshjes.

“Ka shume njerez te cilet do te perfitojne nga marrëveshja e

sotme“,tha z. Daniel Züst, Drejtor i Zyrës së Bashkëpunimit Zviceran.

“Ne presim të shohim trajtim më të mirë, familje më të fuqizuara, dhe

profesionistë të shëndetësisë më të pajisur për dobinë e fëmijëve të

cilët jetojnë me autizëm”, shtoi z. Züst ndërsa përmendi projekte të

mëparshmë të financuara nga Bashkëpunimi Zviceran.

Autizmi është një nga problemet më serioze të shëndetit publik i

cili rëndon jetën dhe funksionimin e shumë fëmijëve dhe prindërve

të tyre. Në Shqipëri zgjidhjet për këtë problem janë në hapat e

para dhe akoma mungojnë strukturat shëndetësore mbështetëse

për ata që vuajnë nga ky çrregullim. Autizmi ka marre me shume

vemndje kohet e fundit sepse ai ndikon per keq ne jeten e femijve

dhe mund te demtoje ata per gjithe jeten. Prevalenca e autizmit

vleresohet tek rreth 1 në 100 që do të thotë rreth 32.000 fëmijë

dhe të rritur vuajnë nga autizmi në Shqipëri. Megjithatë, trajtimi dhe

shërbimet terapeutike janë të pamjaftueshme për këtë çrregullim.

Në mungesë të strukturave të shëndetit publik qe merren efektivisht

me autizëm, barra bie mbi prindërit

Z. Daniel Züst dhe zj . Liri Berisha gjatë nënshkrimit të marrëveshjes

18

Zj. Liri Berisha, Presidente e Fondacionit Fëmijët Shqiptarë,

priti në një takim të ngrohtë dhe miqësor znj. Cherie

Blair, bashkëshorten e ish Kryeministrit të Mbretërisë së

Bashkuar, z. Tony Blair.

Znj. Berisha i uroi znj. Blair mirëseardhjen dhe e falënderoi për

mbështetjen dhe përkrahjen që Fondacioni që ajo kryeson i ka

dhënë shumë nismave të ndërrmara nga Fondacioni Fëmijët

Shqiptarë në ndihmë të fëmijëve në nevojë dhe të përmirësimit

të jetës së tyre ekonomike dhe sociale. Znj. Blair vizitoi qendrën

‘Fluturo për Jetën’ dhe ambjentet e saj, si dhe u njoh më nga

afër me punën e stafit. Znj. Berisha e nderoi znj. Blair me

simbolin e Fondacionit Fëmijët Shqiptarë, me vlerësimin si një

nga promotoret kryesore të hapjes së qendrës për trajtimin e

Vizita në Tiranë e gruas së ish-Kryeministrit britanik

Bashkëpunimi, znj. Berisha pret znj. Blair

Autizmit dhe për mbështetjen e saj në iniciativa të rëndësishme të

Fondacionit. Znj. Blair shprehu vlerësimin e saj për punën shumë

të mirë të Fondacionit “Fëmijët Shqiptarë” dhe të shoqërisë civile,

në drejtim të ndihmës për fëmijët dhe gratë e vajzat në nevojë,

duke ritheksuar se mbështetja e saj dhe e Fondacionit që ajo

drejton do të jetë e vazhdueshme. Gjithashtu znj. Blair vleresoi

hapjen e qendrës ‘Fluturo për Jetën’ si dhe angazhimin e znj.

Berisha në ndërtimin e një qendre të re kombëtare.

Bashkepunimi i znj. Berisha me znj. Blair ka qenë i vazhdueshëm.

Dy zonjat janë takuar dhe më parë në aktivitete të rëndësishme

ndërkombëtare. Gjithashtu ato shprehën dëshirën dhe

gatishmërinë për të vazhduar më tej këtë bashkëpunim me hapa

me konkrete.

19

Bashkëpunim me Malajzinë

Znj. Liri Berisha, Presidente e Fondacionit Fëmijët Shqiptarë priti në një takim të përzemërt gruan e ish- Kryeministrit

të Malajzisë, znj. Mahathir, e cila zhvilloi një vizitë në Shqipëri.

Gjate takimit, znj. Berisha e njohu Zj. Mahathir me punën dhe aktivitetin e Fondacionit , në mbështetje të fëmijëve

autik, të fëmijëve në nevojë si dhe me projektet e shumta të Fondacionit. Zj. Mahathir vlerësoi punën dhe angazhimet

e znj. Berisha si dhe shprehu një interes të veçantë për punën e Fondacionit. Më pas vizita vijoi edhe në Qendrën

‘Fluturo për Jetën’ ku znj. Mahathir u njoh nga afër dhe me stafin, si dhe metodat dhe terapitë që zhvillohen në këtë

qendër. Gjithashtu, dy zonjat biseduan per mundesinë e bashkëpunimit në të ardhmen, në ndihmë të fëmijëve dhe

shtresave në nevojë.

Znj. Berisha takon

kryetaren e Bashkise se Milanos

Ne vijim te vizites ne Shqiperi te Kryetares se Bashkise

se Milanos, znj. Letizia Morati pati nje takim dhe me znj.

Liri Berisha, Presidente e Fondacionit Femijet Shqiptare

dhe Fondacionit Kulturor Nene Tereza. Gjate takimit, znj.

Berisha e njohu znj. Morati me punen dhe aktivitetin e te

dy Fondacioneve si ne mbeshtetje te femijeve ashtu dhe

ne ridimensionim dhe promovimin e humanistes shqiptare

Nenes Tereze.

Znj. Morati vleresoi punen dhe angazhimet e znj. Berisha

si dhe shprehu nje interes te vecante per Nene Terezen.

Gjate bisedimeve, znj. Morati propozoi qe Fondacioni

te hape dhe ne Milano ekspoziten per Nene Terezen.

Gjithashtu u bisedua per mundesine e bashkepunime te

tjera ne te ardhmen, në ndihmë të fëmijëve dhe shtresave

në nevojë.

Gjate takimit te znj. Mahathir me perfaqesues te Fondacionit

Znj. Berisha pret znj. Morati

20

Me rastin e 1 Qershorit,Fondacioni Fëmijët Shqiptarë, ka

organizuar një sërë aktivitetesh. Qëndra “Fluturo për Jetën”,

një qëndër e hapur nga Fondacioni Fëmijët Shqiptarë

për vlerësimin dhe trajtimin e Autizmit, festoi një vjetorin

e ngritjes së saj. Kjo qendër për një vit ka shërbyer me

profesionalizëm për diagnostikim dhe trajtim të fëmijëve që

vuajnë nga crregullime të spektrit autik, si dhe i ka shërbyer

mbi 200 fëmijëve dhe 50 prej tyre marrin shërbime intensive

terapeutike. Gjatë fjalës së saj, Zj. Liri Berisha ndër të tjera

theksoi se “dëshiroj t’ju informoj sot se kemi avancuar drejt

idesë jo vetëm te një qëndër, por të nje Kompleksi me disa

ndërtesa ku do të trajtohen jo vetëm fëmijëria e hershme

por dhe grupmoshat mbi 6 vjec, si dhe do të përfshihen një

numër i madh funksionesh.”

Fondacioni Fëmijët Shqiptarë në bashkëpunim me

Ministrinë e Shëndetësisë, në shenjë respekti i I akorduan

çmimin e mirënjohjes Profesor Giovanni Bocchiotti.

Ky cmimi i jepet Prof Bocchiotti për kontributin e tij të

jashtëzakonshëm në ndihmë të fëmijëve shqipëtarë në

nevojë. Prof. Giovanni Bocchiotti është një nga partnerët

e rëndesishëm të Fondacionit Fëmijët Shqiptarë, i cili ka

drejtuar prej vitesh Shkollën e Specializimit të Kirurgjisë

Plastikë dhe Rikostruktive, Universiteti i Torinos në Fakultetin

e Mjekësisë. Aktualisht është Drejtor Nderi i Repartit të

Kirurgjisë Plastike dhe Rikostruktive të Spitalit San Giovanni

Batista, Molinette, Torino.

Me rastin e 1 Qershorit, znj. Liri Berisha dhe bashkepunetorë

të Fondacionit Femijët Shqiptarë bënë një vizitë në

spitalin e Pediatrisë, ku vizituan femijet te cilet per shkak

te gjendjes se tyre shendetesore nuk munden te festojne

me bashkemoshataret e tyre ne kete dite perkushtuar

pikerisht femijeve ne mbare boten. Zgjidhja e problemeve

shendetesore dhe sociale e femijeve jane dhe mbeten

ceshtje prioritare te Fondacionit Fëmijët Shqiptare sepse

ata jane e ardhmja e vendit.

Aktivitet e Fondacionit me rastin e 1 Qershorit

Qendra “Fluturo Për Jetën” mbush 1 vjeç

Çmimi i Mirënjohjes për Profesor Giovanni Bocchiotti

Znj.Liri Berisha viziton të vegjlit në Pediatri

21

Dr. Liri Berisha, në takimin e zhvilluar në Qipro për rritjen e ndërgjegjësimit lidhur me çrregullimet e hemoglobinës

Talasemia, nismë për rritjen e ndërgjegjësimit

Dr. Liri Berisha, me ftesë të Zonjës së Parë të

Qipros, Znj Elsi Christofia, mori pjesë në takimin

për themelimin e “Rrethit të Personaliteteve të

Shquara,” për ndërgjegjësimin e shoqërisë mbi crregullime

të hemoglobinës. Takimi u mbajt në kryeqytetin e Qipros,

Nicosia, dhe organizohej nga Federata Ndërkombëtare

e Talasemisë. Në këtë takim ishin të pranishëm dhe e

përshëndetën gjithashtu personalitete të larta nga vende

të tjera si Libani, Greqia, etj. Grupit nismëtar do t’i

bashkohen dhe personalitete nga vende të ndryshme ku

Talasemia, si një sëmundje mesdhetare, mbetet akoma

nje problem serioz. Rrethi i Personaliteteve të Shquara

do të ketë si objektiv kryesor mbështetjen e përpjekjeve

të Federatës Ndërkombëtare të Talasemisë në rritjen

e ndërgjegjësimit të çrregullimeve të hemoglobinës,

efektive e parandalimit të tyre si dhe për ngritjen në

shkallë maksimale të kujdesit ndaj pacientit. Federata

Ndërkombëtare e Talasemisë prej shumë vitesh është

Gjate takimit te zhvilluar ne Qipro

22

prezente në Shqipëri duke kontribuar në mënyrë aktive si

përsa i përket mbështetjes profesionale ashtu dhe duke

siguruar aparatura të ndryshme mjekësore për këtë qëllim.

Në fjalën e hapjes, Zonja e Parë e Qipros, ndër të tjera,

përgëzoi Qeverinë Shqiptare për punën e deritanishme

si dhe vlerësoi përpjekjet e saj të vazhdueshme në

parandalimin dhe trajtimin e pacientëve me Talasemi.

Gjatë fjalës së saj në këtë takim, Znj Berisha theksoi se:

“Eshtë kaluar nga trajtimi fillestar në atë bashkëkohor:

transfuzione ose hipertransfuzione, shoqëruar me

eliminues të hekurit. Që nga viti 2005 shteti shqiptar

rimburson 100% pacientët që marrin medikamentin

Deferosirox (EXJADE), në ndryshim nga vende të tjera që

nuk e rimbursojnë atë. Ky medikament është mjaft komod

për pacientin pasi ata marrin vetëm 1 tabletë nga goja

para transfuzionit duke zëvëndësuar infuzionet në bark

me desferal me pompë për 24 orë që ishte traumatike

për pacientin”. Më pas Znj. Liri Berisha, prezantoi masat e

marrë nga Qeveria Shqiptare për të rritur sasinë, sigurinë

dhe cilësinë e gjakut të mbledhur, si përmirësimi i kuadrit

ligjor dhe hartimi e një programi kombëtar për dhurimin

vullnetar të gjakut. Në mbyllje të fjalës, Zj Berisha nënvizoi

vëmëndjen e vecantë që Qeveria Shqiptare do t’ kushtojë

parandalimit të kësaj patologjie dhe sidomos reduktimit

të lindjes së fëmijëve me talasemi, si dhe rëndësinë e

bashkëpunimit me Shoqatën Shqiptare të Talasemisë dhe

organizatën Botërore të Shëndetësisë. Gjithashtu Zn.

Berisha prezantoi punën e vazhdueshme që Fondacioni

Fëmijët Shqiptarë ka bërë dhe do të vazhdojë në të

ardhmen në drejtim të Talasemisë dhe dhurimit vullnetar

të gjakut. Nismëtarët në takim vendosën që për vitin në

vazhdim, ky Rreth do të drejtohet nga Zonja e Parë e

Qipros, ku u vendos gjithashtu që çdo dhjetor kjo stafetë

drejtimi do të kalojë nga njëri personalitet nismëtar i

një vendi në tjetrin. Gjithashtu Rrethi do të koordinohet

nga Federata Ndërkombëtare e Talasemisisë me zyra

qëndrore në Nicosia. Në fund të takimit, u organizua një

konferencë shtypi e përbashkët, ku u lancua publikisht

themelimi i ‘Rrethit të Personaliteteve të Shquara’ si dhe

mbështetja që do të bëjë ky Rreth për ndërgjegjësimin e

shoqërisë mbi crregullime të hemoglobinës. Në kuadër të

këtij takimi, pala qipriote organizoi disa aktivitete kulturore

për delegacionet pjesëmarrëse, si dhe një darkë të

shtruar nga Zonja e Parë e Qipros në ambjentet e Pallatit

Presidencial.

Znj. Berisha dhe Zonja e Pare e Qipros, Elsi Christofia

23

Dr. Liri Berisha - Qytetare nderi e qytetit të Lushnjes

është rast i parë, i rrallë, që një grupim shoqëror, shoqata e talasemikëve, nderojnë znj. Liri Berisha me titullin e lartë qytetare nderi. Ishte iniciativa e znj. Liri Berisha dhe Fondacionit Fëmijët Shqiptarë që sensibilizoi gjithë shoqërinë për sëmundjen e shekullit XX dhe XXI, për talaseminë, për heqjen e turpit për ta pranuar këtë sëmundje dhe për ndryshimin e gjithë mendimit ndaj trajtimit të saj. Në një takim në ditën ndërkombëtare të luftës kundër talasemisë, u mblodhën në qytetin e Lushnjës shumë mjekë, prindër e fëmijë që kanë lidhje të ndryshme me sëmundjen në fjalë. Dhe pas një analize të zhvillimit të kësaj sëmundjeje, të masave që ka marrë shteti shqiptar hap pas hapi në parandalimin, në kujdesin ndaj këtij grupi njerëzish, pas diskutimeve profesionale të mjekëve të ndryshëm që janë pjesë e sakrificës, lodhjes dhe përkushtimit për të përballuar punën e jashtëzakonshme e të veçantë në këtë fushë beteje me sëmundjet, znj. Berisha në fjalën e saj theksoi: Eshtë dita dhe rasti që të kujtoj se çfarë kemi bërë dhe do bëjmë për këtë qytet, do ishte i pamundur pa ndihmën e bashkëpunimin e çmuar të personelit mjekësor, të mjekëve të cilët kanë shpalosur humanizmin e tyre, janë bërë njësh me shqetësimet dhe problemet e të sëmurëve, kanë ndarë çdo të mirë dhe dhimbje më ta. Po kështu, kujtoj se është ndihma e biznesit lushnjar dhe gjithë bizensmenëve të tjerë të vendit që kanë siguruar lidhje dhe mundësi për të marrë donacione nga arritjet më të fundit të shkencës dhe teknologjisë mjekësore për qytetin e Lushnjes; që e bëri të lehtë gjithë iniciativë për tu realizuar.”Me motivacionin “Për kontribut të shquar në fushën e shëndetësisë për ndihmë e kujdes të jashtëzakonshëm për fëmijët talasemikë”, këshilli bashkiak i jep titullin Qytetare Nderi e qytetit të Lushnjës – znj. Liri Berisha”.

24

Znj. Liri Berisha i akordohet çmimi “Nderi i Komunës” Bradashesh, Elbasan

Për banoret e Komunës Bradashesh, të Elbasanit 4 Qershori është një ditë e veçantë.

Kjo ditë festohet në mbarë treven e Bradasheshit, si e tillë prej 5-vitesh është shpallur

festë zyrtare për banorët e kësaj komune.

Kjo ditë mbart dhe trashegon vlerat më të çmuara që këtë trevë e kanë shoqëruar

qysh nga lashtësia si mirëkuptimi, harmonia, mirësia, bashkëjetesa mes njerezve pa

dallim feje ideje rrace e kombësije.

Për festimet e këtij viti, Komuna Bradashesh ftoi znj. Berisha për kontributin mirësinë,

përkushtimin dhe humanizmin e treguar gjatë gjithë jetës së saj në shërbim të njerëzve.

Këshilli i Komunës së Bradasheshit në Elbasan i ka dhënë zonjës Liri Berisha, presidente

e Fondacionit “Fëmijët Shqiptarë” titullin “Qytetare Nderi e Komunës” me motivacionin

“Për kontribut të shquar dhe mirësinë e dhuruar për fëmijët dhe njerëzit në nevojë”.

Gjithashtu Këshilli i Komunës Bradashesh me Kryetar z. Sabri Sollaku i akordoi

Fondacionit “Fëmijët Shqiptarë”nje stimul prej 10 000 Euro.

Në fjalën e saj zonja Berisha theksoi se titulli dhe dhurata kanë vlerë të veçantë,

në një ditë të veçantë. Mes emocioneve të shumta znj. Berisha falenderoi të gjithë

pjesmarrësit ne kete festim duke e theksuar se ky cmim dhe kjo shume e akorduar

nga Komuna Bradashesh, do te shkoje ne ndihme te femijeve ne nevoje, pasi eshte

nje nder qellimet kryesore te Fondacionit Femijet Shqiptare.

Më pas,Dr. Liri Berisha ka marrë pjesë në festën e Shën Gjon Vladimirit, e cila festohet

në manastirin me të njëjtin emër që ndodhet në fshatin Shijon.

25

Iniciativa e Fondacionit Fëmijët Shqiptarë dhe Parlamentit Rinor në Shtëpinë e Fëmijëve “Zyber Hallulli”

Bibliotekë për fëmijët

Dhurohen libra për bibliotekën e Shtëpisë së Fëmijës, “Zyber Hallulli”

Parlamenti Rinor në bashkëpunim me Fondacionin

“Fëmijët shqiptarë” gjatë zhvillimit të një aktiviteti në

Shtëpinë “Zyber Hallulli”, i dhuruan fëmijëve të kësaj

shtëpije rreth 500 tituj të ndryshëm librash, me synim për

të kontribuar sadopak në edukimin e këtyre fëmijëve. Titujt

e librave janë përzgjedhur me kujdes të veçantë, duke

përfshirë emra të njohur të letërsisë klasike për fëmijë e

asaj kontemporane. Kjo sepse edukimi është një ndër

çështjet proritare si për Fondacionin “Fëmijët Shqiptarë”

ashtu edhe për Parlamentin Rinor. Një falenderim i veçantë

për këtë nismë i shkon znj. Liri Berisha, Presidenteses së

Fondacionit “Fëmijët Shqiptarë”, e cila me ndihmesën e

saj të çmuar ndihmoi në suksesin e këtij aktiviteti, falë të

cilit fëmijët e Shtëpisë “Zyber Hallulli”, do të jenë më prane

botës së çmuar të librave. Fondacioni “Fëmijët Shqiptarë”

dhe Parlamenti Rinor, uruan që kjo dhuratë librash të jetë

vetëm fillimi i ndërgjegjësimit se, edukimi duhet të jetë një

ndër vlerat parësore të shoqërisë sonë, dhe se cilido fëmijë

dhe i ri duhet inkurajuar e ndihmuar në këtë drejtim.

26

Iniciativa e Fondacionit Fëmijët Shqiptarë në Elbasan

“Pedalo për jetën”Z

nj. Liri Berisha dhe përfaqësues të Fondacionit

Fëmijët Shqiptarë ishin të pranishëm në

qytetin e Elbasanit, ku u organizuan disa

aktivitete bamirësie dhe sensibilizuese nën moton

“Pedalo për Jetën”. Duke qënë se objektivi kryesor

i Fondacionit është mbështetja e kategorive më në

nevojë të shoqerisë, më së pari atyre të fëmijëve,

vizita parë e znj. Berisha vijoi në Qendrën e personave

me aftësi të kufizuar të cilëve iu dhuruan 10 karroca

invaliditeti.

Më pas, aktiviteti i radhës vijoi në Shtëpinë e

Fëmijëve “Shtëpia e Shpresës” ku Fondacionit

Fëmijët Shqiptarë i janë bashkuar dhe një ekip

mjekesor nga “Klinika Internacionale e Syve” me

qendër në Tiranë. Fondacioni në bashkëpunim

më këtë Klinikë do të mundësojnë depistimin falas

të syve tre shtëpi fëmijësh të qytetit të Elbasanit.

Ky bashkëpunim do të vijojë dhe në qytete të

tjera të vendit duke i ardhur në ndihmë kësaj

kategori fëmijësh te cilet jo gjithmone i kanë këto

mundësi. Një aktivitet i rëndësishëm është dhe

hapja e deges se Fondacionit Femijet Shqiptare

27

si dhe dega e Qendres se Autizmit ne qytetin e

Elbasanit. Profesioniste te ndryshem nga ky qytet

do te behen bashkepunetore te ketij fondacioni

ku mbeshtetja e tyre vullnetare do ti vije ne

ndihme komunitetit me probleme të ndryshme

shendetesore.

Mbas disa qyteteve, slogani “Pedalo per Jeten”

zbret ne qendren e qytetit te Elbasanit. Rreth 40

bicikleta u dhuruan nga znj. Berisha dhe Fondacioni

per femijeve te shkollave te ndryshme me rezultate

te shkelqyera ne mesime si dhe talenteve te qytetit.

Pergjate gjithe qendres se qytetit do te zhvillohet

nje gare me bicikleta nga keta nxenes. Tashme per

Fondacionin eshte bere nje tradite fushata Pedalo

per Jeten e cila do te vazhdoje dhe ne qytete te

tjera.

Znj. Berisha gjate aktiviteteve te zhvilluara ne Elbasan

28

Kopshti u “pagezua” me emrin Lulebore nga Presidentja e Fondacionit, Zj. Liri Berisha

Fondacioni rikonstrukton kopshtin e Lushnjes

Inagurohet kopshti i Lushnjes

Plot 180 femije i jane gezuar sot ambienteve

te reja ne kopshtin nr 2 ne Lushnje, i cili

eshte rikonstruktuar teresisht fale Fondacionit

“Femijet Shqiptare”. Muret me lageshtire dhe kushtet e

papershtatshme i kane lene vendin ambienteve te ngrohta

dhe lojrave te shumellojshme ne kopshtin me te madh te

qytetit te Lushnjes, i cili u inagurua sot nga presidentja

e fondacionit “Femijet Shqiptare” dr. Liri Berisha. “Sa

here kemi ndaluar ne Lushnje, kemi ndihmuar femije te

semure, femije me probleme dhe veshtiresi ekonomike.

Por sot jam shume e lumtur qe po kontriubuojme edhe

per femije te shendetshem”, u shpreh dr. Liri Berisha gjate

bashkebisedimit me prinderit dhe stafin e ketij kopshti.

Me nje fond prej 3.2 milione leke te reja, kopshti me i

vjeter i qytetit, i ndertuar ne vitin 1958, i cili ishte ne nje

gjendje teresisht te amortizuar, sot pret femijet ne kushte

29

optimale. Ngjyrat e shumellojshme gjallerojne tashme cdo

ambient te kopshtit, i cili ka nje pamje tjeter fale iniciatives

se Fondacionit Femijet Shqiptare, mbeshtetur nga biznesi

i qytetit te Lushnjes. “Jam jo vetem e gezuar, por edhe

shume krenare qe kemi ne krah biznesin vendas fale te

cilit po realizojme gjera te mrekullueshme ne te gjithe

vendin. Shqiptaret dine te mbeshtesin njerezit ne nevoje

dhe biznesi po e tregon kete fakt dite pas dite”, tha

presidentja e Fondacionit Femijet Shqiptare.

Ne inagurimin e kopshtit nr 2, merrte pjese edhe aktorja

e mirenjohur Margarta Xhepa e cila u shpreh: “Ju

falenderoj nga zemra per ndihmen e jashtezakonshme

qe po jepni per qytetin e Lushnjes, qyteti ku une jam

lindur e rritur. E shoh me gezim te madh kontributin e

cmuar te znj. Berisha, e cila eshte prane femijeve ne

nevoje jo vetem ne Lushnje, por ne te gjithe Shqiperine”.

Perpos ambienteve te brendshme, te rikonstruktuara

teresisht dhe te pajisura me mjete bashkohore mesimore,

argetuese dhe shplodhese, femijet kane tashme nje kend

lojrash modern, ne ambientet e jashtme te kopshtit. Fale

ndihmes se biznesit dhe perkushtimit te perfaqesuesve

te fondacionit Femijet Shqiptare, rikonstruksioni teresor

i kopshtit me te madh te Lushnjes u arrit ne nje kohe

rekord. Brenda 1 muaji nga nisja e punimeve, ambientet

kane ndryshuar teresisht pamje, duke krijuar keshtu, nje

ambient te shendetshem per 180 femijet e ketij kopshti.

Fale rikonstruksionit u mundesua vendosja e rrjetit te ri

elektrik me linja te vecanta te dedikuara per kondicioneret,

dushet dhe ndricimin; u vendosen 4 kondicionere

te medhej per ngrohjen e ambienteve te kopshtit; u

vendosen 4 dushe, duke siguruar keshtu uje te ngrohte

ne cdo kohe. Gjithashtu eshte vendosur rrjet i ri hidraulik,

rrethimi me mur i kopshtit qe rrit sigurine e femijeve, u

realizua nje sistem i ri ndricimi si dhe kendi i lojrave ne

ambientet e jashtme, me perberje plastike, te sigurta per

shendetin e femijeve. “Sot kthehemi ne Tirane me 180

miq te rinj, 180 femije te shendetshem qe do ti japin me

shume dashuri qytetit te tyre”, u shpreh dr. Liri Berisha.

Kopshti i rikonstruktuar u “pagezua” me emrin Lulebore

nga Presidentja e Fondacionit Femijet Shqiptare

30

Fondacioni “Fëmijët shqiptarë” feston me nxënësit e Rubikut

Fondacioni “Fëmijët Shqiptarë” dhe znj. Liri Berisha

uruan diten e pare te shkolles nxënësve te rrethit

të Rubikut. Kjo ditë u bë krejt e veçantë në oborrin

e shkollës 9 - vjeçare të Rubikut, pasi për 100 nxënës,

të përzgjedhur nga familje të varfra nga gjithë shkollat, u

dhuruan komplete librash dhe nga një çantë shkolle për

secilin nxënës që ulet në bankat e klasës së parë.

Në fjalën përshëndetëse zj. Berisha pasi uroi të gjithë

nxënësit e këtij rrethi për një fillim të mbarë, ndër të tjera

theksoi se këta fëmijë kanë shumë ëndrra, por ëndrrat

e kanë fillimin te shkolla dhe te librat. Ju do mësoni

me këto libra, do keni rezultate të larta e kështu do të

bëheni qytetarë të nderuar të këtij vendi. Sivjet arritëm të

siguronim 100 komplete librash dhuratë dhe 100 çanta

për nxënësit e klasave të para, por në të ardhmen ne do

vijmë sërish në Rubik,- u shpreh Presidentja e Fondacionit

“Fëmijët shqiptarë”.

Këto dhurata u realizuan nga bashkëpunimi me shtëpinë

botuese Media Print dhe “City Park” të cilët vlerësuan

këtë bashkëpunim e premtuan se ky bashkepunim do

te vazhdoje dhe ne te ardhmen. “Ne e kemi pjesë të

biznesit tonë kontributin për fëmijët në nevojë, theksoi z.

Elvis Themeli, botues i Media Print. Me gjithë vështirësitë

teknike të sigurimit të këtij kontigjenti komplete librash,

pasi shkollat marrin nga botues të ndryshëm, ne për 100

nxënësit e këtij rrethi i blemë librat nga botues të tjerë.

Dëshironim të shikonin se asnjë libër nuk u mungon në

ditën e parë të shkollës. është shenjë e mirë kur e nis vitin

shkollor me një dhuratë të tillë.”

Edhe drejtorja e këtij enti botues, zj. Anila Bisha (Leka)

vlerësoi bashkëpunimin me Fondacionin “Fëmijët

shqiptarë” dhe siguroi një plan më të gjerë bashkëpunimi

në të ardhmen, sepse, si theksoi ajo, të dhurosh libra,

është shenjë mbarësie jo vetëm për fëmijët që i morën

ato, por edhe për çdokënd që e bën këtë dhuratë.

Ndërsa përfaqësues të City Park theksuan dëshirën e

tyre për të vijuar më tej bashkëpunimin me Fondacionin

“Fëmijët shqiptarë”.

Më tej në fjalën e tyre përshëndetëse drejtues të pushtetit

local, drejtori i DA të Rubikut vlerësuan këtë ndihmë të

fondacionit për familjet në nevojë të rrethit të Rubikut

dhe falenderuan zj. Berisha për vëmendjen ndaj këtyre

fëmijëve.

Në emër të ministrisë së arsimit, përshëndeti zv.ministrja,

zj. Nora Malaj e cila theksoi kujdesin e institucionit që ajo

përfaqëson për gjithë arsimin shqiptar dhe për investimet

në rrethin e Rubikut në veçanti.

31

“Biznesi në mbështetje të fëmijëve jetimë”

PRoJEKTI/ Fondacioni ‘Fëmijët Shqiptarë’ dhe Eagle Mobile përmbyllin me sukses nismën

Eagle Mobile së bashku me Fondacionin ‘Fëmijët Shqiptarë’

kanë përmbyllur me sukses projektin “Biznesi në Mbështetje

të Fëmijëve Jetimë”. Eagle Mobile ishte iniciatore dhe

shumë biznese të tjera mbështetën më pas nismën në ndihmë të

fëmijëve jetimë. Fondacioni ka bashkëpunuar për këtë qëllim dhe

ka mundur të jetë përfituese e pesë femijëve jetimë, duke i krijuar

atyre mundësinë për një të ardhme më të sigurt.

Gjithashtu, Instituti Kombëtar i Integrimit të Jetimëve Shqiptarë,

Ministria e Punës dhe Çështjeve Sociale, Ministria e Brendshme

(lidhur me fëmijët e policëve të vrarë në krye të detyrës), etj.

kanë bashkëpunuar lidhur me përcaktimin e fëmijëve në nevojë

që ndihmat e këtyre kompanive të ishin sa më efikase.

Përvec Eagle Mobile, biznese të tjera që mundësun këtë

inciativë, janë dhe Agna Group, Aksoy Group, Alpet, Dhoma e

Tregtisë dhe Industrisë, FIAA dhe Konfindustria, Spitali Amerikan

i Tiranës, Hotel Sheraton, Epoka University e shume biznese te

tjera.

“Ne si Fondacion kemi ndjerë në mënyrë të vazhdueshme

ndihmën dhe suportin që ju na keni dhënë. Fondacioni ynë

nga ky aktivitet ka përfituar pesë bursa studimi. Eshtë shumë

e rëndësishme që për fëmijët në nevojë dhe veçanërisht për

jetimët të mos mendohet vetëm në problemet e arsimimit, por

të mendohet dhe për probleme të tjera që ata kanë nevojë, sic

është shëndeti, shkollimi, mirëqenia sociale për t’i siguruar dhe

këtyre fëmijëve mundësinë për t’u integruar dhe për një jetë sa

më të mirë. Falenderoj të gjithë bizneset si dhe përgezoj Eagle

Mobile për iniciativen e re në lidhje me ‘Vitin e Mjedisit’” , u shpreh

Znj. Berisha gjate fjalës përshëndetëse në këtë aktivitet.

Znj. Berisha vleresoi ndihmen e biznesit ne mbeshtetje te femijeve jetime

32

Nën sloganin “Promovojmë Gjithpërfshirjen” është zhvilluar java sensibilizuese

për të inkurajuar mundësi të barabarta për njerëzit me aftësi të kufizuar dhe

ndërmarrë veprime pozitive. Nisur nga fakti se gjithëpërfshirja në shoqëri

për njerëzit me aftësi të kufizuar mbetet një nga detyrat dhe përgjegjësitë e gjithë

shoqërive të integruara, British Council së bashku me

Shoqatën Shqiptare të Personave me Aftësi të Kufizuar

dhe Vodafone Albania, ndërmarrin këtë iniciativë në javën

sensibilizuese (2-5 Mars) e cila vijoi më pas në qytetin

e Durrësit dhe Vlorës. Nisma për integrimin e personave

me aftësi të kufizuar është një përputhje e qëllimit që

Fondacionit të Fëmijëve Shqiptarë ka në cdo iniciativë

që i shërben shtresave në nevojë e nuk mund ta gjente

veten jashtë kësaj nisme kaq të gjerë nga Tirana, Durrësi

e Vlora.

Znj. Liri Berisha në fjalën e saj theksoi se gjithëpërfshirja

e personave me aftësi të kufizuar në shoqërinë shqiptare

është një mision i vështirë por që të ngjall shpresën dhe

vullnetin e frenuar si pasojë e periudhave inaktive. Nga

këto nisma nuk përfitojnë vetëm personat me aftësi të

kufizuar por e gjithë shoqeria jonë që është duke ngjitur

shkallët e integrimit europian dhe gjithë shoqëria duhet të ndalë hapin para këtyre

njerëzve që edhe ata të ndjejnë veten qytetarë të një familje të madhe.

Pjesë e kësaj jave sensibilizuese është dhe performanca e kompanisë së kërcimit

“Stop the Gap”. E veçanta e këtij grupi është se në stafin e tyre performojnë dhe

2 persona me aftësi të kufizuar të integruar, një vajzë me karrocë dhe një djalë me

sindromën down, të cilët sjellin forcën, vullnetin dhe dashurinë e tyre për jetën.

Gjatë aktiviteteve të javës

sensibilizuese për njerëzit

me aftësi të kufizuar

“Promovojmë gjithëpërfshirjen”

Javë sensibilizuese për të inkurajuar mundësi të barabarta për njerëzit me aftësi të kufizuar