Upload
others
View
3
Download
0
Embed Size (px)
Citation preview
Rettleiing for eBokBib
Vilkår:
For å bruke eBokBib treng du smarttelefon eller nettbrett med iOS (iPhone, iPad) eller Android
(Samsung, Sony, HTC m.fl.) operativsystem. Nyaste versjon krev minst iOS 8 eller Android 4.03.
Du må ha lånekort og pinkode frå eit folkebibliotek eller bibliotek i vidaregåande skule i
Hordaland. Dersom du ikkje har dette, så spør på ditt bibliotek.
Bruk:
1. Last ned appen eBokBib
Gå inn på App Store eller Google Play/Play Butikk. Klikk på forstørrelsesglasset og søk opp
eBokBib.
I App Store kjem det opp eit sky-pilteikn. Trykk på denne
for å installere. I Play Butikk vil du få opp installer når du
klikkar på eBokBib-logoen.
2. Logg inn med lånenummer og pin-kode
Bruk lånenummeret som står på lånekortet ditt, og pin-
koden du bruker for å nytte deg av biblioteket sine
nettbaserte tenester.
3. Finn bøker du vil låne
Gjennom valet Utvalg som er nedst på
skjermen i iOS-versjon og i sjølve menyen
med tre strekar i Android-versjonen, får
du opp ei liste over bøker som kan lånast.
Bla gjennom oversikta ved å dra fingeren
nedover skjermen.
Du kan også søkje etter tittel, forfattar og
bla i kategoriar og ulike lister under
Utvalg. I iOS-versjon trykker du ein gong
til på Utvalg, medan i Android-versjonen
bruker du forstørrelsesglasset under
Utvalg. Trykk øvst til venstre på Finn for å
søkje.
4. Vel bok og last ned
Klikkar du deg inn på ei bok, får du opp ei
omtale av boka. Du får også høve til å lese
eit utdrag av dei 10 første sidene av boka.
Klikk på Lån boka for å laste ned.
Er alle eksemplara utlånt, kjem det opp ein
knapp med Reserver boka i staden for
lån. Du får beskjed på nettbrettet når du
kan laste ned boka du har reservert.
5. Opne boka, og les
Når du har lasta ned ei bok kan du velje og opne
den med ein gong, eller du kan gå tilbake og gå
inn via oversikta Mine e-boklån og starte lesing
under knappen Valg.
Du blar i boka ved å sveipe over skjermen, eller
tappe på ei side. Ved å tappe midt på skjermen får
du opp menyval som gjer deg høve til å stille inn
lysstyrke , bakgrunn, og endre skrifttype AA og
storleik på tekst. Du kan også forstørre og
forminske med å dra fingrane ut eller saman. Her
kjem det også ein moglegheit for å lukke boka,
eller du kan bruke tilbaketasten på mobilen/nettbrettet.
6. Få oversikt over dine lån og
reserveringar
Under Mine e-boklån får du oversikt over kva
lån og reserveringar du har, og lånetid du har att.
Du kan laste ned og lese same bok på ulike
einingar, ei samla oversikt vil visast her. Dersom
du er kopla til internett, vil informasjon om kor
langt du er komen i lesinga bli synkronisert
mellom einingane.
7. Forny eller lever lånte bøker
Til høyre i oversikten i Mine e-boklån har
du ein knapp med Valg. Her kan du mellom
anna velje å innlevere boka eller fornye
lånet.
Bøker må leverast inn på alle einingar dei er
lasta ned på før dei er tilgjengelige for nye
lånarar. Bøker blir automatisk sletta når
lånetida er ute. Dersom boka kan fornyast,
vil du få spørsmål om du ønskjer dette når
det er kort tid igjen av lånetida.
Om lån gjennom eBokBib
E-boktilbodet er eit samarbeid mellom
fylkesbiblioteket, folkebiblioteka og
bibliotek i vidaregåande skular i Hordaland.
Du får tilgang til tusenvis av e-bøker, og får
same tilbod uansett kva kommune du bur i.
Vilkår for bruk
Du må være registrert som lånar ved eit av biblioteka i fylket
Lånetida er 4 veker / 28 dagar
Du kan fornye kvart lån 1 gong dersom det ikkje er venteliste på tittel
Hentefrist for reserverte bøker er to dagar
Meir om eBokBib: www.ebokbib.no
eBokBib på Twitter @ebokbib
Korleis bruke eBokBib på iPhone, video: http://youtu.be/_bOe9DReGSk
Rettleiinga er gjengitt med løyve frå Sør-Trøndelag fylkesbibliotek.