Upload
others
View
1
Download
0
Embed Size (px)
Citation preview
1 MT
Brussell, 22 ta’ Ġunju 2017
Proċedura li twassal għal deċiżjoni dwar ir-rilokazzjoni tal-Aġenzija Ewropea għall-Mediċini
u tal-Awtorità Bankarja Ewropea fil-kuntest tal-ħruġ tar-Renju Unit mill-Unjoni
Fil-marġini tal-Kunsill Ewropew (Art. 50) li sar fit-22 ta’ Ġunju 2017, il-Kapijiet ta’ Stat jew ta’
Gvern tas-27 Stat Membru approvaw il-Proċedura li twassal għal deċiżjoni dwar ir-rilokazzjoni tal-
Aġenzija Ewropea għall-Mediċini u tal-Awtorità Bankarja Ewropea fil-kuntest tal-ħruġ tar-Renju
Unit mill-Unjoni, kif tinsab fl-Anness, u abbażi ta’ proposta tal-President tal-Kunsill Ewropew u l-
President tal-Kummissjoni Ewropea.
2 ANNESS MT
ANNESS
Proċedura li twassal għal deċiżjoni dwar ir-rilokazzjoni tal-Aġenzija Ewropea għall-Mediċini
u tal-Awtorità Bankarja Ewropea
fil-kuntest tal-ħruġ tar-Renju Unit mill-Unjoni
1. Introduzzjoni
Bħalissa, ir-Renju Unit qed jospita l-Aġenzija Ewropea għall-Mediċini (EMA) u l-Awtorità
Bankarja Ewropea (EBA) li t-tnejn li huma għandhom is-sede tagħhom f’Londra, f’Canary
Wharf.
Billi r-Renju Unit innotifika lill-Kunsill Ewropew skont l-Artikolu 50 tat-Trattat dwar l-
Unjoni Ewropea dwar l-intenzjoni tiegħu li jħalli l-Unjoni, huwa meħtieġ li ż-żewġ Aġenziji
bbażati fir-Renju Unit jiċċaqilqu lejn siti oħra fit-territorju tal-Unjoni.
Din in-nota tistipula l-proċess li aħna nirrakkomandaw biex is-27 Stat Membru l-ieħor jaslu
għal deċiżjoni dwar fejn iż-żewġ Aġenziji għandu jkollhom is-sede tagħhom wara l-ħruġ tar-
Renju Unit mill-Unjoni.
Dan il-proċess huwa speċifiku għas-sitwazzjoni attwali u ma jikkostitwix preċedent għas-sede
ta' aġenziji fil-futur.1
2. Il-prinċipji ġenerali tal-proċess
Id-deċiżjoni dwar fejn iż-żewġ aġenziji għandu jkollhom is-sede futura tagħhom jeħtieġ li
tittieħed abbażi ta’ proċess ta’ teħid ta’ deċiżjonijiet ġust u trasparenti b’sejħa għall-offerti
organizzata, ibbażata fuq kriterji oġġettivi speċifikati (ara punt 3). L-Istati Membri kollha
interessati għandhom l-opportunità li sa mhux aktar tard mill-31 ta’ Lulju 2017 jippreżentaw
l-offerti tagħhom biex jospitaw waħda mill-Aġenziji jew it-tnejn li huma.
1 Din il-proċedura la taffettwa r-regoli applikabbli tal-liġi primarja u lanqas id-deċiżjonijiet
meħuda diġà dwar is-sedi tal-aġenziji u tal-korpi l-oħra tal-Unjoni.
3 ANNESS MT
Il-Kummissjoni ser teżamina l-offerti li jkunu waslu mingħand l-Istati Membri qabel l-
iskadenza u ser tipprovdi valutazzjoni tagħhom abbażi tal-kriterji stipulati b’mod oġġettiv.
Din il-valutazzjoni għandha l-iskop li tinforma l-proċess ta’ teħid ta’ deċiżjoni.
Id-deċiżjoni ser tittieħed permezz ta’ proċess ta’ votazzjoni (ara l-punt 6) bl-Istati Membri
jaqblu minn qabel li jirrispettaw ir-riżultat tiegħu.
Sabiex ir-rilokazzjoni taż-żewġ Aġenziji tkun tista’ ssir f’waqtha u mingħajr xkiel, il-mira hija
li d-deċiżjoni dwar iż-żewġ siti l-ġodda tittieħed fil-ħarifa tal-2017. Huwa previst li d-
deċiżjoni ser tittieħed fil-marġni tal-Kunsill Affarijiet Ġenerali (Art. 50) f’Novembru 2017.
3. Kriterji
Il-kriterji għar-rilokazzjoni taż-żewġ Aġenziji huma msejsa b’analoġija fuq il-kriterji għal
deċiżjoni dwar is-sit ta’ sede ta’ aġenzija kif jinsabu fil-punt 6 tad-Dikjarazzjoni Konġunta u
Approċċ Komuni dwar l-Aġenziji Deċentralizzati, b’kont speċjali meħud għall-fatt li ż-żewġ
Aġenziji diġà jeżistu u li l-kontinwità tal-operat taż-żewġ Aġenziji hija essenzjali u trid tiġi
żgurata.
Minbarra l-kriterji oġġettivi, id-Dikjarazzjoni Konġunta tirreferi wkoll għall-firxa ġeografika
mixtieqa u għall-objettiv maqbul mill-mexxejja fl-2003 u kkonfermat fl-2008 li fid-
distribuzzjoni tas-sedi tal-aġenziji l-oħra li jiġu stabbiliti fil-futur tingħata prijorità lil Stati
aderenti. Għalkemm din il-proċedura tikkonċerna r-rilokazzjoni aktar milli l-istabbiliment ta’
aġenziji ġodda, jenħtieġ li jitqies l-ispirtu ta’ dak il-ftehim mill-mexxejja.
4 ANNESS MT
Għalhekk, japplikaw il-kriterji li ġejjin:
1) L-assikurazzjoni li l-aġenzija tista’ tiġi stabbilita fuq il-post u tibda b’ħidmietha
fid-data tal-ħruġ tar-Renju Unit mill-Unjoni
B’mod partikolari, dan il-kriterju jikkonċerna l-ħtieġa li jkun hemm uffiċċji xierqa
disponibbli fil-ħin għall-Aġenzija sabiex tkun tista’ tissokta bil-funzjonijiet tagħha fis-
sit il-ġdid fid-data tal-ħruġ. Dan għandu jinkludi l-loġistika meħtieġa u spazju biżżejjed
għal uffiċċji, swali għal-laqgħat u arkivji lil hinn mis-sit, netwerks ta’ ħżin ta’ data u ta’
telekomunikazzjoni ta’ prestazzjoni għolja kif ukoll standards xierqa ta’ sigurtà fiżika u
għall-IT.
2) L-aċċessibbiltà tas-sit
Dan il-kriterju jikkonċerna d-disponibbiltà, il-frekwenza u l-ħin li jieħdu l-
konnessjonijiet bl-ajru mill-ibliet kapitali tal-Istati Membri kollha tal-UE għall-ajruporti
qrib is-sit, id-disponibbiltà, il-frekwenza u l-ħin li jieħdu l-konnessjonijiet tat-trasport
pubbliku minn dawn l-ajruporti għas-sit, kif ukoll il-kwalità u l-kwantità tal-faċilitajiet
ta’ akkomodazzjoni. B’mod partikolari, il-kriterju jimplika l-kapaċità biex il-volum u l-
intensità tal-attivitajiet attwali tal-laqgħat tal-Aġenzija jitħallew ikomplu.
3) L-eżistenza ta' faċilitajiet ta' edukazzjoni adegwati għat-tfal tal-persunal tal-
aġenzija
Dan il-kriterju jikkonċerna d-disponibbiltà ta’ tagħlim multilingwi u b’orjentazzjoni
Ewropea li jissodisfa l-ħtiġijiet għall-faċilitajiet tal-edukazzjoni għat-tfal tal-persunal
attwali kif ukoll li jkun jista’ jissodisfa l-ħtiġijiet edukattivi futuri.
4) Aċċess adatt għas-suq tax-xogħol, is-sigurtà soċjali u l-kura medika kemm għat-
tfal kif ukoll għall-konjuġi
Dan il-kriterju jikkonċerna l-kapaċità li jiġu ssodisfati l-ħtiġijiet għas-sigurtà soċjali u l-
kura medika tat-tfal u l-konjuġi tal-persunal attwali u futur, kif ukoll id-disponibbiltà li
jkunu offerti opportunitajiet ta’ xogħol għalihom.
5 ANNESS MT
5) Kontinwità tal-operat
Dan il-kriterju huwa rilevanti minħabba n-natura kritika tas-servizzi provduti mill-
Aġenziji u għaldaqstant il-ħtieġa li jiġi żgurat li l-funzjonalità tkompli fil-livell għoli
eżistenti. Il-kriterju huwa marbut maż-żmien meħtieġ biex l-erba’ kriterji ta’ hawn fuq
jiġu ssodisfati. Fost affarijiet oħra jikkonċerna l-kapaċità li l-Aġenziji jkunu jistgħu
jżommu u jattiraw persunal bi kwalifiki għolja mis-setturi rilevanti, speċjalment fil-każ
li mhux il-persunal attwali kollu jagħżel li jiċċaqlaq. Barra minn hekk, huwa
jikkonċerna l-kapaċità li tiġi żgurata transizzjoni bla xkiel għas-siti l-ġodda u b’hekk
tkun garantita l-kontinwità tal-operat tal-Aġenziji li għandhom jibqgħu operazzjonali
matul it-transizzjoni.
6) Firxa ġeografika
Dan il-kriterju huwa marbut mal-firxa ġeografika mixtieqa maqbula għas-sedi tal-
aġenziji, u mal-objettiv stabbilit f’Diċembru 2003 mir-rappreżentanti tal-Istati Membri,
imlaqqgħin fil-livell ta’ Kap ta’ Stat jew ta’ Gvern, u kkonfermat fl-2008.
Skedi informattivi għal kull waħda miż-żewġ Aġenziji bil-ħtiġijiet speċifiċi skont kull wieħed
mill-kriterji msemmija huma mehmuża ma’ din in-nota.
6 ANNESS MT
4. Offerti ta’ ospitar
Sabiex jiġi żgurat proċess ġust u trasparenti, japplikaw ir-regoli u r-rekwiżiti li ġejjin għall-
offerti:
Regoli ġenerali
1) Kull Stati Membru jista’ joffri li jospita Aġenzija waħda jew it-tnejn li huma, iżda
jista’ joffri biss offerta waħda unika għal kull Aġenzija. L-offerti kollha għandhom
jiddikjaraw liema aġenzija l-Istat Membru joffri li jospita u fejn.
2) Fl-offerta tiegħu, l-Istat Membru għandu jindirizza l-kriterji msemmija fil-punt 3 u,
għal kull kriterju, jispeċifika l-kondizzjonijiet li huma offerti. B’mod partikolari, l-
offerti għandhom jindikaw kif l-Istat Membru beħsiebu jiżgura l-kontinwità tal-operat
tal-Aġenzija li qed toffri li tospita.
3) L-offerti kollha għandhom jindikaw l-impenn tal-Istat Membru biex jikkonferma dawn
il-kondizzjonijiet fi l-ftehim dwar il-kwartieri ġenerali2 mal-Aġenzija inkwistjoni.
Dak il-ftehim għandu jiġi ffirmat qabel ma l-Aġenzija tieħu postha fis-sit il-ġdid.
4) L-offerti kollha għall-ospitar ta’ Aġenzija waħda jew it-tnejn li huma għandhom isiru
bil-miktub lis-Segretarju Ġenerali tal-Kunsill b’kopja lis-Segretarju Ġenerali tal-
Kummissjoni. Id-data ta’ skadenza għall-preżentazzjoni tal-offerti hija l-31 ta’
Lulju 2017.
5) L-Istati Membri li diġà ppreżentaw offerti biex jospitaw waħda miż-żewġ aġenziji, jew
it-tnejn li huma, huma mistiedna jikkonfermaw mill-ġdid l-espressjoni(jiet) ta’ interess
tagħhom qabel l-iskadenza msemmija hawn fuq u, jekk l-offerti inizjali tagħhom ma
kinux jindirizzaw il-kriterji ta’ hawn fuq, huma mistiedna jikkomplementawhom jew
jaġġornawhom kif xieraq.
2 Ara l-linji gwida tal-Kummissjoni b'dispożizzjonijiet standard għall-ftehimiet dwar il-
kwartieri ġenerali tal-aġenziji deċentralizzati tal-UE: https://europa.eu/european-union/sites/europaeu/files/docs/body/2013-12-10_guidelines_hq_agreements_en.pdf
7 ANNESS MT
6) L-offerti kollha mill-Istati Membri li jaslu qabel l-iskadenza ser jiġu ppubblikati fuq is-
sit web tal-Kunsill Ewropew, bl-esklużjoni ta’ sigrieti tan-negozju u informazzjoni
kunfidenzjali oħra wara konsultazzjoni mal-Istati Membri kkonċernati.
7) L-Istati Membri jistgħu jippreżentaw mal-offerta tagħhom filmat qasir ta'
preżentazzjoni rrekordjat fil-forma ta’ link għal sit web ta' Stat Membru. Links bħal
dawn ser jiġu ppubblikati fuq is-sit web tal-Kunsill Ewropew flimkien mal-offerti.
Kwistjonijiet speċifiċi li għandhom jiġu indirizzati fl-offerta
L-offerta għandha tindika fid-dettall kif is-sitt kriterji huma indirizzati u għandha tispeċifika l-
kundizzjonijiet offerti.
B'mod partikolari l-offerta għandha tindika:
a) Il-pjan tal-Istat Membru għal meta u kif għandha sseħħ ir-rilokazzjoni u kif dan il-
pjan ser jiżgura li l-Aġenzija tibqa’ operattiva;
b) Il-bini li ser ikun offrut biex jinkera jew jitqiegħed għad-dispożizzjoni tal-Aġenzija
u kif dan il-bini ser jissodisfa l-ħtiġijiet speċifiċi tal-Aġenzija kif indikat fl-iskeda
informattiva;3
c) It-termini finazjarji għall-użu ta’ dan il-bini mill-Aġenzija, li jispeċifikaw b’mod
partikolari jekk l-Istat Membru hux ser iħallas il-kera għal perijodu ta' żmien stabbilit
jew b’mod indefinit;
d) It-termini dwar iż-żamma tal-bini inkluż it-titjib tiegħu u estensjonijiet futuri jekk
ikunu meħtieġa;
3 Jekk il-bini permanenti offrut mhux ser ikun disponibbli fil-ħin biex l-Aġenzija tibda l-operat
tagħha fis-sit il-ġdid fid-data tal-ħruġ tar-Renju Unit, l-offerta għandha tispeċifika liema hu l-bini temporanju offrut u b’liema kondizzjonijiet, meta u kif ser tiġi żgurata t-transizzjoni ulterjuri għall-bini finali u min ser iġarrab l-ispejjeż taċ-ċaqliq addizzjonali.
8 ANNESS MT
e) Kwalunkwe kondizzjoni speċjali offruta fir-rigward tal-ispejjeż u l-infrastrutturi
apposta kollha; u
f) Kwalunkwe benefiċċju li jingħata lill-Aġenzija u/jew il-persunal tagħha minbarra
dawk skont il-Protokoll Nru 7 dwar il-privileġġi u l-immunitajiet tal-Unjoni Ewropea.
5. Eżami tal-offerti mill-Kummissjoni
Il-Kummissjoni ser teżamina l-offerti kollha li jaslu qabel l-iskadenza abbażi tas-sitt kriterji
oġġettivi msemmija fil-punt 3 kif ukoll tal-kwistjonijiet speċifiċi stipulati fil-punt 4. Il-
Kummissjoni ser tikkonsulta mal-Aġenziji dwar ħtiġijiet tekniċi. Għal kull Aġenzija, il-
Kummissjoni ser tanalizza sa fejn kull offerta tissodisfa l-kriterji u kif tindirizza l-
kwistjonijiet speċifiċi stipulati. Sa mhux aktar tard mit-30 ta’ Settembru 2017, il-
Kummissjoni ser tippreżenta l-valutazzjoni tagħha dwar l-offerti lis-Segretarju Ġenerali tal-
Kunsill biex titqassam lill-Istati Membri u ser tagħmilha wkoll aċċessibbli għall-pubbliku.
6. Proċess tat-teħid ta' deċiżjonijiet u votazzjoni
Il-proċess tat-teħid ta' deċiżjonijiet huwa infurmat mill-valutazzjoni msemmija fit-taqsima 5.
Qablu ser ikun hemm diskussjoni politika organizzata bejn ir-rappreżentanti tal-Istati Membri
abbażi tal-valutazzjoni tal-Kummissjoni. Din id-diskussjoni ser titħejja kompletament fil-
livell tal-Coreper (art. 50) u ser issir fil-marġni tal-Kunsill Affarijiet Ġenerali (art. 50)
f’Ottubru. Matul it-tħejjijiet fil-livell tal-Coreper, il-Kummissjoni ser tippreżenta bil-fomm il-
valutazzjoni tal-offerti. L-Istati Membri li ppreżentaw offerta waħda jew aktar biex jospitaw
ser jingħataw l-opportunità li jagħmlu preżentazzjoni qasira tal-offerta tagħhom (massimu ta’
tliet minuti). Fil-marġni tal-Kunsill Ewropew (art. 50) f'Ottubru, il-Prim Ministru tal-Istat
Membru li jkollu l-Presidenza ser jinforma lis-27 Kap ta' Stat jew ta' Gvern dwar id-
diskussjoni bejn il-ministri.
9 ANNESS MT
Id-deċiżjoni ser tittieħed b’votazzjoni fil-marġni tal-Kunsill Affarijiet Ġenerali (art. 50)
f'Novembru. L-offerti kollha, minbarra dawk irtirati mill-Istati Membri kkonċernati, ser
jitressqu għall-vot. Il-proċess ta’ votazzjoni għandu jkun simili għall-proċess użat fid-
deċiżjoni dwar ir-rilokazzjoni tal-Aġenzija tal-Unjoni Ewropea għat-Taħriġ fl-Infurzar tal-
Liġi (CEPOL), jiġifieri l-eżitu ta’ votazzjoni b’diversi ċikli suċċessivi ta’ votazzjoni, fejn il-
voti jintefgħu b’mod sigriet u s-27 Stat Membru jkollhom l-istess numru ta’ voti. Madankollu,
ir-regoli speċifiċi għaċ-ċikli ta’ votazzjoni ġew aġġustati fid-dawl tal-għadd kbir ta’ offerti li
mistennija jsiru u tal-ħtieġa li tiġi żgurata deċiżjoni fi tmiem il-proċedura.
L-ewwel sessjoni ta’ votazzjoni ser tkun dwar l-Aġenzija Ewropea għall-Mediċini. L-Istat
Membru magħżul għall-Aġenzija Ewropea għall-Mediċini ma jistax ikun kandidat biex
jospita l-Awtorità Bankarja Ewropea. B’konsegwenza ta’ dan, jekk dak l-Istat Membru jkun
ippreżenta wkoll offerta biex jospita l-Awtorità Bankarja Ewropea, l-offerta tiegħu ser
titneħħa mill-proċess ta' votazzjoni dwarha. L-Istat Membru magħżul biex jospita l-Aġenzija
Ewropea għall-Mediċini jista' jivvota dwar l-Awtorità Bankarja Ewropea.
L-ewwel ċiklu ta’ votazzjoni
Fl-ewwel ċiklu ta’ votazzjoni, kull Stat Membru għandu vot wieħed li jikkonsisti minn sitt
punti ta’ votazzjoni li għandhom jiġu allokati bi tliet punti għall-offerta preferuta, żewġ
punti għall-offerta li hija t-tieni preferenza tal-Istat Membru u punt wieħed għall-offerta li hija
t-tielet preferenza tal-Istat Membru. Is-sitt punti ta’ votazzjoni kollha għandhom jiġu allokati
b’dan il-mod biex il-vot ikun validu.
Jekk offerta tirċievi tliet punti ta’ votazzjoni minn tal-anqas 14-il Stat Membru, u b’hekk tkun
l-offerta preferuta ta’ 14-il Stat Membru (14-il Stat Membru jagħtu tliet punti għall-istess
offerta), dik l-offerta titqies bħala l-offerta magħżula.
Jekk l-ebda offerta ma tirċievi tliet punti minn tal-anqas 14-il Stat Membru, it-tliet offerti li
jirċievu l-ogħla għadd ta’ punti ser jgħaddu għat-tieni ċiklu ta’ votazzjoni. Fil-każ li
aktar minn tliet offerti jirċievu l-ogħla għadd ta’ punti, l-offerti kollha li jkunu rċevew l-ogħla
riżultat bħal xulxin ser jgħaddu għat-tieni ċiklu ta’ votazzjoni.
10 ANNESS MT
It-tieni ċiklu ta’ votazzjoni
Fit-tieni ċiklu ta’ votazzjoni, kull Stat Membru għandu vot wieħed (li jikkonsisti minn
punt wieħed ta’ votazzjoni) li jista’ jagħti lil wieħed mit-tliet offerti (jew aktar) li ntgħażlu
għat-tieni ċiklu ta’ votazzjoni.
Jekk offerta tirċievi 14-il vot jew aktar, biex b’hekk tirrappreżenta l-maġġoranza, din titqies
bħala l-offerta magħżula.
Jekk l-ebda offerta ma tirċievi 14-il vot jew aktar, iż-żewġ offerti li jirċievu l-ogħla għadd ta’
punti ser jgħaddu għat-tielet ċiklu ta’ votazzjoni.
F’każ li tliet offerti (jew aktar) jiġu ndaqs, dawn kollha ser jimxu għat-tielet ċiklu ta’
votazzjoni.
It-tielet ċiklu ta’ votazzjoni
Fit-tielet ċiklu ta’ votazzjoni, kull Stat Membru għandu vot wieħed (li jikkonsisti minn
punt wieħed ta’ votazzjoni) li jista’ jagħti lil waħda mill-offerti li ntgħażlu għat-tielet ċiklu
ta’ votazzjoni.
Offerta li tirċievi l-ogħla għadd ta’ voti ser titqies bħala l-offerta magħżula.
F’każ ta’ voti ndaqs, id-deċiżjoni ser tittieħed mill-Presidenza bix-xorti bejn l-offerti li ġew
indaqs. L-offerta li titla’ bix-xorti ser titqies bħala l-offerta magħżula.
Deċiżjonijiet
Id-deċiżjonijiet dwar ir-riżultat tal-proċess ta’ votazzjoni dwar is-siti l-ġodda tas-sedi tal-
Aġenzija ser jiġu kkonfermati fil-marġni tal-Kunsill Affarijiet Ġenerali (Art. 50).
11 ANNESS MT
Abbażi ta’ dan, u b’kont meħud tan-natura u l-kuntest ta’ dawn id-deċiżjonijiet, il-
Kummissjoni, mingħajr dewmien, ser tħejji proposti leġislattivi għall-modifika tal-Artikolu 7
tar-Regolament (UE) Nru 1093/2010 li jistabbilixxi Awtorità Superviżorja Ewropea (Awtorità
Bankarja Ewropea) u tikkonferma s-sit il-ġdid tas-sede fir-Regolament (KE) Nru 726/2004 li
jistabbilixxi proċeduri Komunitarji għall-awtorizzazzjoni u s-sorveljanza ta’ prodotti
mediċinali għall-użu mill-bniedem u veterinarju u li jistabbilixxi l-Aġenzija Ewropea għall-
Mediċini. Il-Kunsill u l-Kummissjoni jieħdu l-impenn li jagħtu prijorità lit-trattament tal-
proposti leġislattivi minħabba l-urġenza.
Annessi: 1. Skeda informattiva dwar l-Aġenzija Ewropea għall-Mediċini
2. Skeda informattiva dwar l-Awtorità Bankarja Ewropea
12 ANNESS I GĦALL-ANNESS MT
ANNESS I GĦALL-ANNESS
Skeda informattiva dwar l-Aġenzija Ewropea għall-Mediċini
1. MISSJONI TAL-EMA4
L-Aġenzija Ewropea għall-Mediċini (EMA), aġenzija deċentralizzata tal-UE, assumiet il-funzjoni
tagħha fl-1995.
Il-missjoni tal-EMA hi li tevalwa u tissorvelja l-prodotti mediċinali għall-użu mill-bniedem u
veterinarju, għal raġunijiet ta’ sikurezza, effikaċja u kwalità, sabiex tiġi protetta s-saħħa tal-
bnedmin u tal-annimali fl-UE.
L-EMA ma twettaqx riċerka hi stess (l-ebda ħidma fil-laboratorju, testijiet fuq l-annimali u provi
kliniċi), u lanqas tipproduċi mediċini.
L-EMA tirċievi fajls ta’ applikazzjoni u informazzjoni minn diversi sorsi, pereżempju l-industrija,
Stati Membri, professjonisti mis-settur tas-saħħa, pazjenti. Il-missjoni tagħha hi li tikkoordina l-
għarfien espert u r-riżorsi xjentifiċi tal-Istati Membri, li jevalwaw din l-informazzjoni xjentifika fi
ħdan ta’ “kumitati”, u tipprovdi opinjonijiet xjentifiċi. L-EMA tiddependi fuq l-għarfien espert
fornut mill-persunal tagħha kif ukoll fuq l-għarfien espert xjentifiku estern fornut mill-Istati
Membri.
L-attivitajiet ewlenin tal-EMA jikkonsistu fi:
– Il-provvista ta’ triq unika għall-evalwazzjoni ta' mediċini innovattivi fl-UE, b’hekk tiġi evitata
d-duplikazzjoni tal-evalwazzjoni fl-Istati Membri (proċedura ċentralizzata).
– Il-monitoraġġ tas-sikurezza tal-mediċini kollha awtorizzati fl-UE tul iċ-ċiklu tal-ħajja
tagħhom.
– L-istimulazzjoni tar-riċerka u l-innovazzjoni billi tagħti pariri u gwida xjentifiċi lil dawk li
jiżviluppaw il-mediċini.
4 Qed jiġi mfakkar li l-EMA ġiet stabbilita bir-Regolament (UE) Nru 726/2004, fejn hemm
stabbilit l-ambitu tal-azzjoni, il-kompiti u setgħat tagħha.
13 ANNESS I GĦALL-ANNESS MT
– Il-koordinament ta’ spezzjonijiet għall-verifika tal-konformità ma’ prattiċi tajbin tal-
manifattura, kliniċi u tal-laboratorju.
– L-ospitar tas-servizzi tal-IT biex tiġi implimentata l-politika u l-leġislazzjoni farmaċewtika
tal-UE.
2. KRITERJI OĠĠETTIVI
Kriterju 1: L-assikurazzjoni li l-aġenzija tista’ tiġi stabbilita fuq il-post u tibda b’ħidmietha fid-data
tal-ħruġ tar-Renju Unit mill-Unjoni (loġistika adegwata tal-uffiċċju)
Ċifri ewlenin (2015):
– Il-persunal tal-EMA huwa magħmul minn 890 membru.
– L-EMA żammet 564 laqgħa b’madwar 36,000 viżitatur u kellha 4,273 telekonferenza.
– L-EMA għandha 27,000m² ta’ spazju tal-uffiċċju li jinkludu:
o Żona ta’ akkoljenza ta’ 250m² b’aċċess għall-persuni b’diżabbiltà kif ukoll struttura
adegwata ta’ sigurtà fil-viċin;
o Sistema ta’ kontroll fuq l-aċċess u televiżjoni b'ċirkwit magħluq (CCTV);
o Faċilitajiet għall-konferenzi li huma:
6,000m² ta’ swali għal-laqgħat ta’ daqs differenti (5 swali b'70-120 siġġu, 2
swali b’35 siġġu u 10 swali b’4-24 post bilqegħda) b’konnessjoni tal-
internet 4G, faċilitajiet awdjoviżivi għall-konferenzi, tagħmir għax-xandir u
l-irrekordjar u sistema għall-votazzjoni ma’ kull siġġu,
Lawnġ magħluq ta’ 500m² u lawnġ ieħor għal 50 persuna, bit-tnejn li huma
mgħammra bi skrivaniji/postijiet minn fejn wieħed jista’ jaħdem u
faċilitajiet tal-ħżin,
awditorju għal madwar 300 persuna;
14 ANNESS I GĦALL-ANNESS MT
o 18,500m² f’uffiċċji u spazju miftuħ b’kapaċità għal 1300 post minn fejn wieħed
jista’ jaħdem;
o Kmamar adegwati fuq ġewwa għal laqgħat;
o Faċilitajiet tal-IT ta’ kwalità għolja, bħal Provvista tal-Elettriku Mingħajr
Interruzzjoni, WiFi mal-bini kollu, kmamar tekniċi, kmamar għal tagħmir prinċipali
u sekondarju, kmamar għall-assemblaġġ u l-ħżin tal-IT.
– L-EMA teħtieġ network ta’ telekomunikazzjoni b’network diġitali ta’ kapaċità għolja u
b’konnettività rapida.
– L-EMA teħtieġ ċentru għall-backup tad-data f’każ ta’ rkupru minn diżastru, li għandu jkun
aċċessibbli mill-bini tal-EMA permezz ta’ konnessjoni tal-internet rapidu b’volum kbir jew
bil-fibra. Japplikaw l-istandards ta’ sigurtà u operattivi tal-IT.
– Il-faċilitajiet tal-arkivjar fuq is-sit u lil hinn mis-sit tal-EMA: l-arkivju attwali tal-EMA li
jinsabu lil hinn mis-sit huwa ta’ 600m² u b'għoli ta' 9m. Fis-sit, l-EMA għandha kamra għall-
arkivji ta’ madwar 30m² kif ukoll kmamar ta’ 5m² għall-iffajljar fuq il-post fl-ewwel sular u
fis-sulari 5-10.
Kriterju 2: L-aċċessibbiltà tas-sit
Ċifri ewlenin (2015):
– L-EMA tibni fuq l-għarfien espert mit-3,700 espert madwar l-UE.
– L-EMA tikkoordina l-ħidma ta’ 7 kumitati xjentifiċi, appoġġati minn 34 grupp ta’ ħidma u
gruppi ta’ konsulenza li jiltaqgħu regolarment, f’ħafna każijiet jiltaqgħu kull xahar. Kważi
għal dawn il-laqgħat kollha jattendu delegati mill-Istati Membri tal-Unjoni kif ukoll, f’xi
każijiet, delegati mill-istati kontraenti taż-Żona Ekonomika Ewropea u pajjiżi terzi oħra.
15 ANNESS I GĦALL-ANNESS MT
– 36,000 viżitatur (persunal ta’ awtoritajiet kompetenti nazzjonali, xjentisti, pazjenti,
professjonisti fis-settur tas-saħħa, l-industrija), inkluż 4,000 viżitatur mhux mill-UE li jeħtieġu
titjiriet interkontinentali (Stati Uniti, Ġappun, Korea, eċċ.), ġew fl-Aġenzija għal laqgħat li
jdumu sa 4 ijiem.
– Ġew ibbukkjati 30,000 lejl fil-lukandi, bil-ħtieġa massima tal-lukandi tilħaq it-350 kamra
kuljum.
Kriterju 3: L-eżistenza ta' faċilitajiet ta' edukazzjoni adegwati għat-tfal tal-persunal tal-aġenzija
Ċifri ewlenin:
– Il-persunal tal-EMA huwa magħmul minn 890 membru (2015).
– 648 tifel u tifla tal-persunal tal-EMA fl-età ta’ bejn 0 u 18 ingħataw edukazzjoni f’Settembru
2016 (117 f’nursery/ċentru għal matul il-jum, 96 preskolari, 231 fi skola primarja, 149 fil-
livell sekondarju u 55 fil-livell terzjarju/università).
16 ANNESS I GĦALL-ANNESS MT
Kriterju 4: Aċċess adatt għas-suq tax-xogħol, is-sigurtà soċjali u l-kura medika kemm għat-tfal kif ukoll għall-konjuġi
– Madwar 55 % tal-persunal tal-EMA għadhom sieħeb/sieħba (miżżewġin jew fi sħubija
reġistrata).
– Il-kura medika hija meħtieġa għal 890 membru tal-persunal tal-EMA u l-membri tal-familja
estiża tagħhom.
Kriterju 5: Kontinwità tal-operat
Attivitajiet:
Ċifri ewlenin (2016):
– L-EMA irrakkomandat 81 mediċina għall-awtorizzazzjoni tal-kummerċjalizzazzjoni, inkluż
27 sustanza attiva ġdida (jiġifieri sustanzi li ma kinux ġew awtorizzati qabel f’mediċina fl-
UE) kif ukoll 11-il mediċina veterinarja ġdida għall-awtorizzazzjoni tal-
kummerċjalizzazzjoni; sitta minn dawn il-mediċini fihom sustanza attiva ġdida.
– L-EMA rċeviet 84 applikazzjoni PRIME (Mediċini Prijoritarji), skema ġdida li tipprovdi
appoġġ bikri u msaħħaħ lill-mediċini li għandhom il-potenzjal li jindirizzaw il-bżonnijiet li
ma ntlaħqux tal-pazjenti.
– L-għadd totali ta’ applikazzjonijiet li ġew riċevuti għal evalwazzjoni inizjali kien ta’ 114.
– L-EMA rċeviet 118-il notifika ta’ prodotti li ġew irtirati minn kumpanniji farmaċewtiċi.
– L-EMA rċeviet 672 talba għal spezzjonijiet rigward Prassi Tajba ta' Manifattura u 121 għal
Prassi Klinika Tajba.
– L-EMA rċeviet 1834 talba għal informazzjoni.
17 ANNESS I GĦALL-ANNESS MT
Baġit: (2017)
http://eur-lex.europa.eu/legal-content/MT/TXT/PDF/?uri=CELEX:32017B0317(07)&from=MT
Persunal:
Ċifri ewlenin (baġit 2017)
Aġenti temporanji:
Amministraturi (ADs): 340
Assistenti (ASTs): 256
596
Aġenti kuntrattwali u esperti nazzjonali sekondati:
Aġenti kuntrattwali (gruppi II-IV): 158
Esperti nazzjonali sekondati: 45
203
Il-persunal huma tobba, farmaċisti u veterinarji speċjalizzati u ta' esperjenza kif ukoll esperti fil-liġi
u l-finanzi.
18 ANNESS II GĦALL-ANNESS MT
ANNESS II GĦALL-ANNESS
Skeda informattiva dwar l-Awtorità Bankarja Ewropea
1. MISSJONI TAL-EBA5
L-Awtorità Bankarja Ewropea (EBA) ġiet stabbilita fl-1 ta’ Jannar 2011 bħala parti mis-Sistema
Ewropea ta’ Superviżjoni Finanzjarja u assumiet ir-responsabbiltajiet kollha attwali u l-kompiti tal-
Kumitat tas-Superviżuri Bankarji Ewropej.
L-EBA hija aġenzija deċentralizzata tal-UE li taħdem biex tiżgura r-regolamentazzjoni prudenzjali
u s-superviżjoni effettivi u konsistenti fis-settur bankarju Ewropew. L-objettivi inġenerali tagħha
huma li tinżamm l-istabbiltà finanzjarja fl-UE u biex tiġi salvagwardata l-integrità, l-effiċjenza u l-
funzjonament ordnat tas-settur bankarju.
Il-kompitu prinċipali tal-EBA huwa li tikkontribwixxi għall-ħolqien tal-Ktieb Wieħed tar-Regoli
Ewropej fis-settur bankarju li l-objettiv tiegħu hu li jipprovdi sett uniku ta’ regoli prudenzjali
armonizzati għall-istituzzjoni finanzjarji madwar l-UE. L-Awtorità għandha wkoll rwol importanti
fil-promozzjoni tal-konverġenza u l-prattiki superviżorji u għandha mandat biex tevalwa r-riskji u l-
vulnerabbiltajiet fis-settur bankarju tal-UE.
L-Awtorità għandha wkoll rwol importanti fil-promozzjoni tal-konverġenza u l-prattiki superviżorji
biex tiżgura l-applikazzjoni armonizzata ta’ regoli prudenzjali. Finalment, l-EBA għandha l-mandat
li tevalwa r-riskji u l-vulnerabbiltajiet fis-settur bankarju tal-UE, partikolarment permezz ta’
rapporti regolari dwar il-valutazzjoni tar-riskju u ta' testijiet tal-istress pan-Ewropej.
Kompiti oħra stabbiliti fil-mandat tal-EBA jinkludu:
– l-investigazzjoni tal-applikazzjoni allegatament skorretta jew insuffiċjenti tad-dritt tal-UE
mill-awtoritajiet nazzjonali;
5 Qed jiġi mfakkar li l-EBA ġiet stabbilita bir-Regolament (UE) Nru 1093/2010, fejn hemm
stabbilit l-ambitu tal-azzjoni, il-kompiti u setgħat tagħha.
19 ANNESS II GĦALL-ANNESS MT
– it-teħid ta’ deċiżjonijiet diretti lejn awtoritajiet kompetenti individwali jew istituzzjonijiet
finanzjarji f’sitwazzjoni ta' emerġenza;
– il-medjazzjoni għal riżoluzzjoni ta’ nuqqas ta’ qbil bejn l-awtoritajiet kompetenti
f’sitwazzjonijiet transkonfinali;
– l-aġir bħala korp indipendenti ta’ konsulenza għall-Parlament Ewropew, il-Kunsill jew il-
Kummissjoni;
– ir-rwol minn ta’ quddiem fil-promozzjoni tat-trasparenza, tas-sempliċità u tal-ġustizzja fis-suq
għall-prodotti jew servizzi finanzjarji fis-suq intern kollu.
2. KRITERJI OĠĠETTIVI
Kriterju 1: L-assikurazzjoni li l-aġenzija tista’ tiġi stabbilita fuq il-post u tibda b’ħidmietha fid-data
tal-ħruġ tar-Renju Unit mill-Unjoni (loġistika adegwata tal-uffiċċju)
Ċifri ewlenin (2016):
– Il-persunal tal-EBA huwa magħmul minn 189 membru. 30-35 persunal estern qed jaħdmu fil-
bini.
– L-EBA għandha 2,345m² ta’ spazju għal uffiċċji, 841m² ta’ swali għal-laqgħat, 774m² ta’
spazju għal ħżin, kamra għall-istampar u postijiet oħra għal servizzi u 190m² bħala post ta’
akkoljenza u antikamra, b'kollox 4,150m².
– Iż-żoni tal-uffiċċji tal-persunal huma spazju miftuħ.
– L-EBA għandha total ta’ 24 sala tal-laqgħat, li jinkludu 3 swali kbar tal-laqgħat (sa 68
persuna), 17-il sala ta’ daqs medju għal-laqgħat (sa 28 persuna) u 4 swali żgħar tal-laqgħat
(għal 2 persuni).
– L-EBA bħalissa għandha 2 ċentri tad-data ospitati esternament, li bħalissa jinsabu fir-Renju
Unit, bl-infrastruttura tal-komponenti kollha (servers, network, ħżin, eċċ.) u tagħmir li huwa
proprjetà u ġestit minn fornituri esterni.
20 ANNESS II GĦALL-ANNESS MT
Kriterju 2: L-aċċessibbiltà tas-sit
Il-kriterju “konnessjonijiet xierqa tat-trasport” huwa msemmi b’mod espliċitu fit-tieni paragrafu
tal-Artikolu 74 tar-Regolament dwar l-EBA6 fir-rigward tal-Ftehim dwar il-Kwartieri Ġenerali mal-
Istat Membru ospitanti.
Ċifri ewlenin (2016):
– L-EBA organizzat 340 avveniment (laqgħat, workshops, seminars, smigħ pubbliku, eċċ.), li
huma madwar 44 laqgħa aktar mis-sena l-oħra. L-għadd inġenerali ta’ parteċipanti fil-laqgħat
ra żieda ta’ 588 parteċipant għal total ta’ 9,215.
– Bħala medja, dawn il-viżitaturi jiġġeneraw soġġorn ta’ lejl wieħed f’lukanda, għalhekk ikun
hemm madwar 9,000 lejl kull sena bbukkjati fil-lukandi.
– L-EBA organizzat madwar 700 missjoni għall-persunal tagħha, li l-parti kbira tagħhom huma
fl-Ewropa u jeħtieġu trasport bl-ajru.
6 Regolament (UE) Nru 1093/2010 tal-Parlament Ewropew u tal-Kunsill li jistabbilixxi
Awtorità Superviżorja Ewropea (Awtorità Bankarja Ewropea) (ĠU L 331, 15.12.2010, p.12).
21 ANNESS II GĦALL-ANNESS MT
Kriterju 3: L-eżistenza ta' faċilitajiet ta' edukazzjoni adegwati għat-tfal tal-membri tal-persunal
Il-kriterju “skola multilingwi, b’orjentazzjoni Ewropea” huwa msemmi b’mod espliċitu fit-tieni
paragrafu tal-Artikolu 74 tar-Regolament dwar l-EBA fir-rigward tal-Ftehim dwar il-Kwartieri
Ġenerali mal-Istat Membru ospitanti.
Ċifri ewlenin (2016):
– Il-persunal tal-EBA huwa magħmul minn 189 membru.
– L-għadd totali ta’ 130 tifel u tifla, li minnhom 39 jattendu nursery u 77 jattendu skejjel
primarji/sekondarji, u 14 jattendu l-università.
– F’termini ta’ bilanċ ġeografiku, in-nazzjonalità tal-persunal tal-EBA tinsab fil-grafika hawn
taħt (data rilevanti għall-2015).
Kriterju 4: Aċċess adatt għas-suq tax-xogħol, is-sigurtà soċjali u l-kura medika kemm għat-tfal kif ukoll għall-konjuġi Ċifri ewlenin (2016):
– Madwar 50% tal-persunal tal-EBA huma miżżewġa.
– Il-kura medika hija meħtieġa għal 189 membru tal-persunal tal-EBA u l-membri tal-familja
estiża tagħhom.
22 ANNESS II GĦALL-ANNESS MT
Kriterju 5: Kontinwità tal-operat
Attivitajiet:
Ċifri ewlenin: (2016)
L-EBA ħarġet:
– 19-il Linja gwida
– 11-il Standard Tekniku ta’ Implimentazzjoni
– 15-il Standard Tekniku Regolatorju
– 23 opinjoni/parir
– 34 rapport pubblikat
– 2 rakkomandazzjonijiet
– 1 evalwazzjoni bejn il-pari
– 1 eżerċizzju ta’ trasparenza
– 42 dokument ta’ konsultazzjoni
– 2 dokumenti ta’ diskussjoni
L-EBA organizzat 24 taħriġ għall-awtoritajiet kompetenti.
23 ANNESS II GĦALL-ANNESS MT
Baġit: (2017)
http://eur-lex.europa.eu/legal-content/MT/TXT/PDF/?uri=CELEX:32017B0317(38)&from=MT
Persunal:
Ċifri ewlenin (baġit 2017)
Aġenti temporanji:
Amministraturi (ADs): 123
Assistenti (ASTs): 11
134
Aġenti kuntrattwali u esperti nazzjonali sekondati:
Aġenti kuntrattwali (gruppi II-IV): 33
Esperti nazzjonali sekondati: 17
50
Il-persunal għandu għarfien espert fl-ekonomija, il-liġi, l-istatistika, l-amministrazzjoni tan-negozju,
eċċ.