Starvsfólkahandbók

Innihaldsyvirlit

Bla bla bla

Søgan um ALS

Bla bla bla

Arbeiðstíð

Arbeiðstíð

ArbeiðstíðArbeiðstíðin er frá kl. 08.00 til klokkan 16.00 hvønn dag, tó fríggjadag frá kl. 08.00 til 13.30.

Døgurðasteðgur, 29 minuttir, er millum kl. 12.00 og 13.00 hvønn dag, og er at rokna sum arbeiðstíð, har starvsfólkini skulu vera tøk.

FleksUttan nærri avtalu er loyvt at møta upp til hálvan tíma seinni enn kl. 08.00, sum er vanlig møtitíð, og at gevast upp til hálvan tíma fyrr enn kl. 16.00 (tvs flekstíð uppá upp til ein tíma um dagin).

Um møtt verður seinni enn kl. 08.30 ella givist verður fyrr enn kl. 15.30, skal hetta avtalast við avvarðandi deildarleiðara.

Um so er, at møtt verður seinni enn kl. 08.00, ella givist verður áðrenn kl. 16.00, er høvuðsreglan, at arbeiðast skal tilsvarandi longri sama dag, soleiðis at dagliga arbeiðstímatalið verður 8 tímar, íroknað døgurðasteðg o.a.

Vantandi arbeiðstímatalið frá nýtslu av flekstíðarskipanini má ikki, uttan nærri avtalu við avvarðandi leiðara, fara upp um 20 tímar íalt. Hetta skal innarbeiðast 1:1, sí annars sáttmálan millum FAG og S&K.

Arbeiðstímatalið verður gjørt upp sambært skrásetingum hjá tí einstaka í Totalview.

Feria og frítíðFeria og frítíð

SummarfrítíðSummarfrítíðin er ásett við løgtngslóg nr. 30 frá 07.04.1986 um frítíð við løn við seinni broytingum. Rætturin til frítíð verður vunnin í tíðarskeiðnum frá 1. apríl til 31. mars árið eftir. Fyri hvønn mánað vinnur ein rætt til 2 1/2 frídag. Tilsamans 30 yrkadagar ella 5 vikur um árið, um ein hevur verið í starvi eitt heilt ár frammanundan 31. mars. Hevur ein ikki verið í starvi eitt fult ár, verður frítíðin (við løn) sett í mun til starvstíðina.

Starvsfólk, ið ikki hevur vunnið sær rætt til frítíð við løn ella frítíðarløn í 30 dagar, hevur tó rætt til at taka frí uttan løn ella frítíðarløn í upp til 30 dagar í einum frítíðarári.

Frítíðin skal haldast við minst 24 samanhangandi døgum í tíðarskeiðnum frá 2. mai til 30. september. Restin av frítíðini skal haldast í tíðarskeiðnum frá 1. okt. til 1. mai árið eftir. Helst skal hetta takast í einum, men annað kann avtalast.

Starvsfólkini skipa sína frítíð í samráð við deildarleiðaran. Hetta skal gerast soleiðis, at deildirnar altíð vera førar fyri at røkja sínar uppgávur. Deildarleiðararnir skulu sína millum skipa soleiðis fyri, at tað so vítt møguligt altíð er

minst ein av teimum til arbeiðis. Summarfrítíðin skal verða liðugt skipað áðrenn 1. apríl.

Øll frítíð skal verða hildin áðrenn 1. mai. Annars fellur hon burtur, um ikki skrivlig avtala er gjørd við deildarleiðaran og starvsfólkaleiðaran frammanundan. Frítíðin kann bert flytast, tá ið talan er um heilt serligar umstøður, so sum álvarslig sjúk og um sjúkan forðar starvsfólkinum at nýta frítíðina, sum slík vanliga verður nýtt. Ein onnur grund til, at loyvi kann gevast at flyta frítíðina, kann vera, at avtala er gjørd millum ALS og viðkomandi at arbeiða heldur enn at halda frí.

Frídagar/heiligdagarNýggjársaftan, páskaaftan, hvítusunnuaftan, grundlógardagur, ólavsøkuaftan og flaggdagur eru heilir frídagar.

Allir halgidagar, jólaaftan og ólavsøkudagur eru eisni heilir frídagar.

ALS er stongt millum jól og nýggjár og 3 vikur um summarið, tó soleiðis at nøkur starvsfólk skiftast at vera til arbeiðis at svara umsóknum, telefonum o.s.fr.

Sjúka/frávera og barnsburðarfarloyvi

Sjúka/fráveraUm starvsfólk ikki kunnu koma til arbeiðis vegna sjúku ella annað, skulu tey boða deildarleiðaranum frá hesum skjótast tilber, samstundis skulu tey boða frá, hvussu leingi tey meta, sjúkralegan kemur at vara. Um sjúkralegan varir longur enn tveir dagar, kann deildarleiðarin krevja sjúkraváttan frá lækna.

Starvsfólk kunnu vera frá arbeiði við løn, tá barn/børn teirra eru sjúk, tó hægst 2 dagar fyri hvørja sjúkralegu og í mesta lagi tilsamans 10 dagar árliga, tó 20 dagar um tey eiga meira enn 2 børn undir 10 ár.

BarnsburðarfarloyviKvinnur, sum gerast við barn, skulu siga arbeiðsgevaranum frá í seinasta lagi 3. mðr. áðrenn føðing.

Viðvíkjandi barsilsfarloyvi verður víst til Løgtingslóg nr. 48 frá 3. apríl 2001 um Barsilsskipan, sum seinast broytt við løgtingslóg nr. 40 frá 1. juni 2008 (møguliga leinkja)

Sjúka/frávera og barnsburðarfarloyvi

Eldrapolitikkur

EldrapolitikkurTá starvsfólk eru fylt 60 ár, tekur ALS stig til at bjóða til eina samrøðu um tey síðstu árini á arbeiðsmarknaðinum. Støðið verður tikið í, hvussu framtíðin hjá starvsfólkinum á ALS skal síggja út. Tosað verður um møguleikan fyri broyttari arbeiðstíð og fyri broyttum arbeiðsuppgávum.

Starvsfólk, ið eru fylt 55 ár, eru vælkomin at taka stig til eina samrøðu um síðstu árini á arbeiðsmarknaðinum.

Eldrapolitikkur

Royki- og rúsevnapolitikkurRoyki- og rúsevnapolitikkurRoykipolitikkurTað er ikki loyvt at roykja inni í bygningum, sum ALS eigur ella leigar. Øskubikør eru uppsett uttanfyri bakdyrnar á bygninginum á Tinghúsvegi 14.

Starvsfólk hava rætt til 15 minuttir steðg fyrra- og seinnapart, sum m.a. kann nýtast til royking. Royking er loyvd millum kl. 08.00 - 10.00, í døgurðasteðginum og aftaná kl. 15.00.

RúsevnapolitikkurRúsevnanýtsla skal ikki ávirka arbeiðsavrikið. Tað er ikki loyvt at møta til arbeiðis ávirkaður av rúsdrekka og tað er ikki loyvt at selja ella bjóða starvsfólki rúsevni í arbeiðstíðini.

Leiðslan kann geva loyvi til, at skonkt verður til serstøk høvi, sum t.d. móttøkur og onnur hátíðarhald. Vit tílík høvi eigur hetta at verða gjørt við fyriliti, og eins góður møguleiki skal vera at fáa rúsfrían løg.

Rúsevnatrupulleikar eru ikki eitt privatmál. Tí eiga øll at taka ábyrgd og boða frá, um tey vita um rúsevnatrupulleikar hjá starvsfeløgum.

Starvsfólk við rúsevnatrupulleikum kann sjálvt venda sær til nærmasta leiðara ella HR-mennara at tosa um trupulleikarnar og møguleika fyri hjálp.

Sum starvsfólk verða roknað øll, sum eru sett í starv, eisini leiðarar og stjóri.

Samskiftispolitikkur Samskiftispolitikkur

TelefonEin telefon verður latin sum arbeiðsamboð til starvsfólk á ALS, ið hava brúk fyri telefon sum arbeiðsamboð, og hendan skal nýtast við skynsemi.

Mett verður um, hvussu stór nýtslan er í sambandi við arbeiði, og ein upphædd verður ásett, har ALS rindar upp til ásettu upphædd. Tað sum fer upp um ásettu upphædd, verður mett sum privatnýtsla, og starvsfólk skulu sjálvi rinda fyri hendan partin av telefonrokningini.

Alternativt kunnu starvsfólk lata telefonina liggja á arbeiðsplássinum og ikki taka hana við til hús.

TeldaFlestu starvsfólk hava brúk fyri teldu, og tí er ein telda tøk til tey, ið hava brúk fyri hesari.

Tey starvsfólk, ið hava brúk fyri teldusambandi uttanfyri arbeiðstíð, hava møguleika fyri at fáa heimaarbeiðspláss.

SvartíðirTeldupostar, brøv og aðrir fyrispurningar eiga sum meginregla at verða svaraðir sama dag, tó í seinasta lagi eitt døgn aftaná, at fyrispurningurin er móttikin í innbakkan á ALS.

Eru starvsfólk burturstødd, eigur at koma sjálvvirkandi svar um, at viðkomandi er burturstaddur, men at til ber at venda sær til ein annan starvsfelaga, sum verður uppgivin við navni og telduposti.

Tagnarskylda og ógegniTagnarskyldaSambært ásetingunum í løgtingslóg um fyrisitingarlóg hava starvsfólk tagnarskyldu um upplýsingar, ið kunnleiki fæst um undir arbeiðnum á ALS, bæði viðvíkjandi viðskiftafólki og stovninum annars. Tagnarskyldan er altíð galdandi mótvegis persónum ella feløgum uttanfyri ALS.

Innanhýsis á ALS er bert loyvt at lata upplýsingar til aðrar starvsfelagar ella onnur, sum arbeiða fyri Arbeiðsloysisskipanina, um hetta er neyðugt sum liður í og fyri at fremja arbeiðið hjá tí einstaka starvsfelaganum.

Tagnarskyldan er eisini galdandi eftir lokna starvstíð á Arbeiðsloysisskipanini.

ÓgegniStarvsfólk eru ógegnug, um so er, at viðkomandi sjálvur hevur serstakan persónligan ella fíggjarligan áhuga í úrslitinum av málinum, ella umboðar ella í fyrr sama máli hevur umboðað onkran, ið hevur sovorðnan áhuga.

Starvsfólk eru ógegnug, um so er, at hjunarfelagin/sambúgvin hjá viðkomandi, skyld ella svágd í stígandi ella fallandi linju ella síðulinjuni so nær sum børn hjá systkjum, ella onnur nærskyld hava ein persónligan ella fíggjarligan áhuga í úrslitinum av málinum ella umboðar onkran, ið hevur slíkan áhuga.

Starvsfólk eru eisin ógegnug, um viðkomandi ella onkur í familjuni hevur nært tilknýti til eitt felag, ein felagsskap ella annan løgfrøðiligan persón, ið hevur ein serstakan áhuga í úrslitinum av málinum.

Um starvsfólk eru í iva, um tey eru ógegnug, so er at fáa onkran annan at taka avgerð í málinum.

Víst verður annars til fyrisitingarlógina.

Tagnarskylda og ógegni

Starvsfólkasamrøður og førleikamenning

StarvsfólkasamrøðurÁ hvørjum árið verður ein starvsfólkasamrøða hildin millum starvsfólkið og næsta leiðara hjá viðkomandi.

Starvsfólkasamrøðan er ætlað sum ein samrøða, har farið verður í dýpdina við at tosa um m.a. arbeiðsuppgávur, samstarv og menning.

FørleikamenningStarvsfólk skulu hava møguleika fyri at útbúgva og menna seg, meðan tey eru í starvi á ALS.

Menningin eigur at verða tilrættaløgd í sambandi við at árliga starvsfólkasamrøðan verður hildin. Avtala um skeið og skúla eigur at verða gjørd við næsta leiðara.

Skeiðsvirksemi og menning eiga at vera tilrættaði soleiðis, at tað samsvarar tørvinum hjá ALS.

Um starvsfólk eru á skeið ella í skúla uttanfyri vanliga arbeiðstíð, telur hetta ikki sum arbeiðstíð. Tó so, um tað er álagt starvsfólkinum at luttaka í førleikamenning uttan fyri vanliga arbeiðstíð, telur tað sum arbeiðstíð.

Starvsfólkasamrøður og førleikamenning

Trivnaðarkanning

Trivnaðarkanning

TrivnaðarkanningEinaferð um árið verður gjørd ein trivnaðakanning, har starvsfólk verða spurd um trivnað í sambandi við arbeiðsuppgávur, samstarv o.s.fr.

Leiðslan viðger afturmeldingarnar frá trivnaðarkanningini og setur málrættaði tiltøk í verk, um tað verður hildið at vera gevandi fyri starvsfólkini og arbeiðsplássið.

Álitisumboð

ÁlitisumboðStarvsfólk, ið eru limir í S&K, velja annaðhvørt ár eitt álitisumboð og eitt varaálitisumboð. Valið av álitisumboði og varaálitisumboði skal góðkennast av arbeiðsgevaranum.

Uppgávan hjá álitisumboðnum er at vera umboð fyri starvsfólkini yvirfyri leiðsluni um viðurskifti, ið hava áhuga fyri báðar partar. Álitiumboðið eigur at fáa kunning um viðurskifti, ið eru týðandi fyri starvsfólkini, og sum kunnu hava ávirkan á arbeiðsumstøðurnar.

Árliga verða millum 4-6 fundir hildnir, har stjórin, álitisumboðið og HR-mennarin tosa um viðurskifti, ið hava týdning fyri starvsfólkini og teirra arbeiðsumstøður.

Starvsfólkaágóðar Starvsfólkaágóðar

MatstovaStarvsfólk hava møguleika fyri fáa miðmála í matstovuni millum kl. 12.00 og 13.00 frá mánadegi til og við hósdag. Fríggjadag verður ikki borðreitt við miðmála, men starvsfólk eru vælkomin at fáa sær sjálvum at eta.#Fríggjamorgun er morgunmatur fyri øll.

Kostnaðurin fyri at luttaka í matarskipanini er kr. 370 kr. um mðr.

VenjingaramboðÍ kjallaranum í høvuðsbygninginum standa venjingartól, ið starvsfólkini frítt kunnu brúka. Nær?

Veitslur og starvsfólkatiltøkÁ hvørjum ári verður ein veitlsubólkur valdur, ið tekur sær av at skipa fyri tiltøkum fyri øllum starvsfólkunum á ALS.

Vanliga verður skipað fyri umleið 4 tiltøkum á hvørjum árið, har jálaborðhald og summarútferð er ein fastur afturvendandi táttur.