U SHONA

Ndi a ni livhuwa, Murathu Neville. A ni fhaṱutshedze! Ndi matsheloni avhuḓi, dzikhonani. Ndi zwavhuḓi u vha fhano matsheloni ano. Huno ndi elekanya uri ndo ita…Ndi mudzheneleli kha tshifhinga tsha Murathu Neville. O dzula ngeyo murahu e na ḽawe, a tshi khou kuvhanganya ḽiṅwalwa ḽawe; huno nṋe nda dzhena ngomu, a thoma u peta ḽiṅwalwa ḽawe, huno a ri, “Zwo luga…”2 Zwi nkhumbudza zwa miṅwahani yo fhiraho. Ho vha hu tshi anzela u vha na mukomana wa mukhaḽadi ngeno fhasi, a no pfi Mukomana Smith, na Khaladzi Cross. Vho vha vhe khonani dzanga dzavhuḓi nga maanḓa. Huno musi ndi tshi tshimbila ngomu tshifhaṱoni vhusiku, uyo muthu wa kale o vha a tshi anzela…O vha e na ṱhongelavhabvana tshena. A thi ḓivhi uri kana muṅwe waṋu-vho u a mu elelwa, kana hai. Huno o vha a tshi ḓo vha kha pulatifomo, ni a ḓivha. Huno vhone vhoṱhe vho vha vha tshi ḓo vha vha tshi khou imba, “Ndi Gondo Ḽihulwane Ḽa U Ya Ṱaḓulu.” Huno Mukomana Smith, u tou dzula nga nḓila iyi, ni a ḓivha. Huno ndo vha ndi tshi ḓo dzhena ngomu nga muṋango wa nga murahu.3 Ho vha hu na musidzana muṱuku, a tshi nga o swifhala zwa vhukuma, o vha a tshi anzela u dzula khuḓani. O vha a tshi ḓo thoma u vhanda zwanḓa zwawe, a tshi ri, “Mu takuleleni nṱha,” ulwo luimbo, ni a ḓivha. Vho vhea tshuni ya vhone vhaṋe khalwo, ni a ḓivha. Huno nga hangei khuḓani i tevhelaho, hu vha na muṅwe muthu-vho, a no ri, dzhenani ngomu hafhu, “Mu takuleleni nṱha.” Zwo luga, ulwo ndi lwone lwe vha vha vha tshi ḓo lu imba musi ndi tshi dzhena muṋangoni. Ndi tou funa itsho tshivhalonyana tsha vhathu.4 Huno ngauralo Mukomana Smith wa kale u dzula ngei murahu, zwiṱukunyana, ni a ḓivha, huno o vha a tshi nga ndi muthu wa lushaka lwo fhumulaho. O vha a tshi ḓo ri, “Dzhenani nga ngomu, muhulwane, awedzani muṅadzi waṋu.” Hu si “ḓiawedzeni”; “awedzani muṅadzi waṋu,” ni a vhona. “Dzhenani nga ngomu, muhulwane, awedzani muṅadzi waṋu.” O vha a tshi ḓo ya henefho nṱha, huno, ndo vha ndi tshi kona u amba nḓila ye a thoma ngayo, ndo vha ndi khazwo, ni a vhona.5 O vha a tshi ḓo ri, “Zwo luga,” u ri, “vhana, ni a ḓivha,” a ri, “Ndo—ndo vha ndo dzula hafha ndi tshi khou tou mangala, ‘Murena, naa U khou yo nṋeani tshine nda ḓo amba?’” Ha pfi, “A—A—A dzulela u dzinginyisa ṱhoho Yawe, a tshi khou dzinginyisela ṱhoho Yawe nṋe. ‘A thi khou yo u ṋea tshithu tshine wa ḓo tshi amba.’” Ha pfi, a ri, “Nda vhona Muhulwane

2 IPFI ḼO AMBIWAHO

Branham a tshi dzhena ngomu henefho murahu, huno nda ri, zwino, ‘Murena, ndi khou thoma u elelwa…’” Zwo ralo, ndo vha ndi henefho khazwo!6 Mukomana George Wright, naa ni vuwa hani, mukomana? [Mukomana Wright u ri, “Oo, zwavhuḓi. Ngoho.”—Mudz.] A ni fhaṱutshedze, Mukomana Wright! Zwa vhukuma. [“Mukomana Elijah o vhuya murahu henefho.”] Oo, naa izwo ndi zwone? Mukomana Elij’ Perry, o ri, o vhuya fhano. Naa no vha ni ngafhi, Mukomana Elij’? A tho ngo mu vhona ngomu tshilapfu…Zwo ralo, nṋenṋe, nga vhanna! Zwino ri tea u vha na muṱangano wa vhukuma fhano! Elij’ Perry, George Wright, na vhaṅwe vha avho vhakale vhe vha vha vha tshi anzela u vha fhano musi kaṱukuṱuku no vha ni tshi tea u fara zwivalo afho fhethu, nga zwanḓa zwashu, muya u tshi khou vhudzula. Ndi zwavhuḓi u ni vhona! Mma, Khaladzi Wright u na vhone? Khaladzi Wright u ngomu? U henefho murahu, na ene-vho. Ee, muṋe wanga. Zwo luga, ndi zwavhuḓi hani! Khaladzi Perry, ndi a vha vhona vhoṱhe zwino. Zwo luga, izwo ndi zwavhuḓi vhukuma. Ndi zwavhuḓi u vha ngomu. Ndi zwavhuḓi u dzula kha aya mafhethu. Ndi zwavhuḓi u vha fhethu huthihi.7 Ndo vha ndo no puḽanela phanḓa, nga nḓila i konḓaho nga maanḓa, ndi tshi vhuya; ndi na muhwalo mbiluni. Ndi kha ḓi bva u vhuya Afurika, vhunga noṱhe ni tshi zwi ḓivha. Huno musi ndi tshi swika hangei, ndo vha ndi na visa yo pimiwaho, huno vha sa ntendele, vha sa ntendele u rera ngauri ḽi kuvhanganya vhanzhisa fhethu huthihi. Vha khou lavhelela mufhirifhiri henengei tshifhinga tshiṅwe na tshiṅwe, huno—huno vha—vha si ntendele u rera nga nṱhani ha u kuvhanganya vhathu vhanzhisa fhethu huthihi. Nḓila fhedzi ye nda vha ndi tshi nga kona, yo vha i ya u vha na ḽiṅwe dzangano ḽo imelwaho nga muvhuso, muvhusoni, u nthambela henengei, zwenezwo izwo nga vhuḓiitisi zwo vha zwi tshi ḓo ita uri muvhuso u rumele maswole u itela tsireledzo. Ni a vhona, vha tou…Hu khou tou yo vha na mufhirifhiri, huno ndi zwenezwo fhedzi zwi re hone khazwo. U tou vha henefho tsini, ni a vhona. Uyo munna wa muvhuso o ri, “Tshifhingani tsho fhiraho o vha e fhano, o vha e na vhathu vha ṱoḓaho u swika kota ya milioni fhethu huthihi.” Huno a ri, “Zwenezwo, inwi ni a vhona, itsho tshi ḓo tou vha tshithu tshenetsho tshine vhukomunisi ha khou tshi ṱoḓa, u itela wone mufhirifhiri.” Ngauralo, ndo kundelwa u rera.8 Avho vhathu vho ima henefho, vha tshi khou ṱaṱaisa nga zwanḓa zwavho, nahone vha tshi khou lila, “Elelwani mme anga! Elelwani, mukomana wanga o fa! Wanga…” Henefho, na ngomu murahu ha tshithivheli, ni a ḓivha, zwithivheli zwa ḓaraṱa, huno zwo tou ni ita uri ni ḓipfe nga nḓila yo vhifhaho zwa vhukuma. Huno nda vhuya murahu hayani.

U SHONA 3

9 Huno nda elekanya, “Zwo ralo…” Murwa wanga, Joseph, henefho murahu, o litshedza zwiṱukuṱuku kha u vhala. Nahone o no…O phasa zwavhuḓi, fhedzi o ḓo tea u dovha u i dzhia; o vha a sa khou vhala zwavhuḓi lwo eḓanaho. Ngauralo nda elekanya, “Zwo ralo, ri khou yo vha na u dzula hayani lwa tshifhinganyana.” Huno nda ri, “Arali ri tshi dzula hayani, zwi khou ḓo tshinya holodei ya vhana.” Ngauralo ro tou zwi pfukisela phanḓa, huno ra mu isa hangei kha tshiṅwe tshipiḓa nga Ṱhangule, huno ra tendela…huno ra vhuya fhano lwa vhege dzi si gathi, tharu.10 Nda ri, “Ndi a tenda, musi ro vhuya fhano, ndi ḓo tou dzhia huno nda fara muṱangano. Ri ḓo wana iyo holo ya tshikolo ngeno nṱha, huno—huno ri ḓo vha na muṱangano u bva nga ḽa vhufumimalo u ya phanḓa u swika nga ḽa u thoma, muṱangano holoni ya tshikolo. Ndo vha ndi tshi ṱoḓa u rera nga ha ṱhoho ya u shululwa ha ayo Madzhomela a sumbe a u fhedzisela.” Huno ngauralo ro vha ro no founela phanḓa, huno ro vha na u shonisiwa zwiṱuku. Vha nga si tsha ri tendela ri tshi vha na izwi zwikolo, vhathu vhanzhisa vha tsitsikana ngomu. Ri nga si kone u vha nawo huṅwe fhethu. Huno ngauralo zwenezwo nda dzhia tsheo, musi ndo vhuya ngeno-ha, vhudzuloni ha…11 Ri nga si kone u vhea vhathu vhoṱhe, arali ri tshi ḓo kungu-…A u athu kunguwedzwa na kathihi, zwino. Ngauralo arali ri tshi vhea vhathu vhoṱhe, ra lingedza u vha vhea hafha thaberenakeḽeni, ro kundelwa u zwi ita. Ni a vhona, zwi tou…maḓuvha maṱanu ngomu hafha a ḓo vha a shushaho.12 Ngauralo, ndo dzula ngomu henefho ndi tshi khou amba na Murathu Neville na Mukomana Wood, na vhaṅwe, ro dzhia tsheo ya u ita izwi. Arali ri sa koni, vhudzuloni, izwo zwi ḓo ri ita uri ri vhe na tshumelo ṱhanu; iḽo ḽi ḓo vha ḽa vhufumbilimalo, ḽa vhufumbiliṱahe, ḽa vhufuraru, ḽa vhufurarunthihi, na ḽa u thoma. Zwo ralo, ndi pfa uri arali ri tshi vha na, ri tshi thoma Swondaha i tevhelaho, ri nga vha na tshumelo mbili, nga matsheloni a Swondaha na vhusiku ha Swondaha, iḽo ndi ḽa vhufumimalo. Huno zwenezwo nga—nga ḽa vhufumbiliṱhanu, ra vha na Swondaha nga matsheloni na vhusiku ha Swondaha. Idzo ndi tshumelo nṋa. Zwenezwo nga ḽa u thoma ḽa Ṱhangule, ra vha na Swondaha nga matsheloni na vhusiku ha Swondaha. Izwo zwi ḓo ri ṋea tshumelo dza rathi, huno zwenezwo zwi nga si ite u tsitsikana huhulwane ha u dzhenisa vhathu ngomu. Huno ndi elekanya hezwo.13 Naa a ni elekanyi uri izwo zwi ḓo vha khwine u fhira u vha na muṅwe na muṅwe o tou tsitsikana na u kwanyeledzwa fhethu huthihi, na tshiṅwe na tshiṅwe? Zwenezwo fhedzi u itela idzo tshumelo mbili, ri nga zwi konḓelela hezwo, fhedzi muṅwe na muṅwe a tshi nga u na tshumisano. Lwa masiku maṱanu, tswititi, zwi ḓo ita uri zwi konḓe.

4 IPFI ḼO AMBIWAHO

14 Huno ndi ṱoḓa u vhonana na vhalangandaka na vhahulwane fhano, musi nṋe ndi fhano.15 Izwi zwi khou vha hone huṅwe na huṅwe. Ri khou tshila kha aya maḓuvha a u fhedzisela, hune Mafhungo-maḓifha a sa vhe na u—u pfiwa kha zwoṱhe sa zwine A tea u vha naho. Ha na pfanelo dzine A tea u vha nadzo. O rungelelwa tshoṱhe kha politiki na zwithu, nahone u tou fana na dzangano. Huno izwo ndi zwone zwine mafhedziseloni zwa vha zwone, ngauri luswayo lwa ḽivhanda lu tea u ḓa nga dzangano, ri a zwi ḓivha. Ngauralo ri—ri…Ngauri, ndi u dzivhisa, “a hu na muthu ane a nga renga kana a rengisa, nga nnḓa ha uyo a re na luswayo lwa ḽivhanda.”16 Huno zwino ndi ṱoḓa u wanulusa, nga kha vhahulwane. Ndi pfa ndi tshi rangwa phanḓa. A thi athu vha na nḓala yo raloho mbiluni yanga u itela Mudzimu na kathihi, vhutshiloni hanga hoṱhe, u fhira ine nda vha nayo zwino, ni a vhona. Ngauri…Huno ndi—ndi ṱoḓa u wana dennde yanga nṋe muṋe na zwithu zwanga—zwanga, vhunga Murena o nṋea bono ḽa u ita nga u ralo, huno ndi a tenda uri tshifhinga zwino tsho sendela. Huno ndi ṱoḓou vhona musi ndi tshi kha ḓi vha fhano, uri ndi ngani ri sa koni u wana dennde.17 Huno—huno zwenezwo musi ri tshi ṱuwa, vhunga u ḓa fhano Jeffersonville, vhudzuloni ha u vha na ḓuvha ḽithihi kana mavhili, kana mararu kana maḓuvha maṋa, ri nga kona u bva hafha huno ra ṱoka iyi dennde, huno ra vha na vhege mbili kana tharu, inwi ni a vhona, huno a hu tou vha na muthu ane a nga amba tshithu nga hazwo. Ri nga ḓi dzhia phakha ya bola, kana, arali vha sa ḓo ri tendela u vha heyo, hu na rabulasi ngeno nnḓa a no ḓo ri tendela u vha na bulasi. Ri ḓo hira bulasi huno—huno ra i imisa. Tshithu fhedzi tshine ra ḓo tou tea u tshi ita henefho, tshi ḓo vha u ita zwifhaṱo zwashu—zwashu zwa nga matungo, na zwiṅwe-vho, na u itela zwiṅwe zwi shumiseaho zwashu. Huno izwo zwi nga itwa nga nḓila i leluwaho. Huno zwenezwo ri ḓo thoma u vha na tshumelo dzashu nga u ralo ngauri izwo ndi u ya nga bono ḽi bvaho ha Murena, huno zwi tea u itwa nga iyo nḓila.18 Huno ndi tshi dzhena ngomu, mulovha, huno ndi tshi wana, ni a ḓivha, itshi, itsho. Huno ndi tshi khou gonya nga tshiṱaraṱa, na khonani yanga yavhuḓi i tshi khou tshimbila henefho, ya ri, “Haḽo, Billy.” Nda mu sedza, na mavhudzi o tshenaho sa mahaḓa, iyo thumbu ngafho. Huno uyo mutukana ndi thanga yanga. Ro gidima roṱhe u mona hoṱhe, muthu muswa o vhumbeaho, musi ndi tshee ṅwana. Zwo nga u nnyita uri ndi ḓipfe nga nḓila i songo ḓoweleaho. Murwa wanga muṱuku, Joseph, a ri, “Ndi ngani vho ṱungufhala, Baba?”19 “Oo,” nda ri, “ndi nga si kone u ni ṱalutshedza zwone, Joseph. Ni a vhona, nṋe ndi nga si kone, ndi nga si kone u ni vhudza.”

U SHONA 5

20 Huno ndi sedza Elij’ Perry o dzulaho ngei murahu, na Vho-Mme Perry; vha vhonala vha tshi nga mulovha vho vha vhe tshivhili tshi re na ṱhoho ntswu zwiṱuku ngeyo nnḓa, vha tshi khou dzula nḓuni ya tsini na nṋe, musi ro vha ri na gungwa ḽa kale, Wahoo, na fhasi mulamboni huno ra rea khovhe vhusiku. Ri vha vhona vho tshena ṱhoho vhuvhili havho, ni a ḓivha, zwi amba tshithu tshithihi, ndi tshisengenedzi tshiṱuku tshi no ḓa, “Inwi a ni tshe na tshifhinga tshinzhi.” Ni a vhona?21 Ngauralo, ndi ṱoḓa ḓuvha ḽiṅwe na ḽiṅwe ḽa vhutshilo hanga ḽi tshi vha ḽa ndeme Khae. Zwe nda sia, tshifhinga tshine nda vha natsho, ndi ṱoḓa u tshi shumisa huṅwe fhethu ndi tshi khou ita tshiṅwe tshithu, arali tshi sa fhiri u ima khuḓani ya tshiṱaraṱa, ndi tshi ṱanziela uri Mudzimu a wane vhugala na khuliso. Huno ndi—ndi fhano u itela iyo ndivho.22 Huno ndi na fhethu huṱuku ha tshidzumbe ngeno nṱha Green’s Mill, Indiana. A si muḓi, zwino, ndi—ndi soga. Huno vhaṅwe vhathu vho hu dzhia, huno a vha nga vhuyi vha ni tendela u vhea mulenzhe hone. Fhedzi ndi na bako henengei hune a si nga nngwani na kathihi musi ndo dzhena ngomu haḽo. Ndi dzhena ngomu tshifhingani tsha vhusiku, huno na kathihi ha nga ḓo ḓivha musi ndi tshi dzhena ngomu kana ndi tshi bva. Huno ha ḓivhi hune bako ḽa vha hone, huno o kundelwa u swika khaḽo hu sa londwi he ḽa vha ḽi hone. Huno ndi ṱoḓou ya hangei huno nda amba na Murena, lwa tshifhinganyana, ndi a pfa uri ndi ṱhoḓea.23 Mufumakadzi, u ṱoḓa u ḓa, u ṱoḓa u vhuya murahu huno a dala u mona hoṱhe, na Rebekah na Sarah, na vhaṅwe, vhe na khonani dzavho. Huno ro vhuya murahu fhano zwino lwa vhege tharu dzi tevhelaho, nahone arali Murena a tshi funa.24 Huno ndi a elekanya, vhudzuloni ha u tsitsikanya vhathu tshoṱhe fhethu huthihi, u itela iyo miṱangano hafha thaberenakeḽeni…A hu na zwiṅwe, iyi ndi yashu, ndi ya Murena, u ri ṋea yone. Nahone i na tshirothodzi tsha muya. Vhunga u vha na tshumelo ya nga matsheloni ya Swondaha, tshumelo ya vhusiku ya Swondaha. Izwo zwi ḓo tendela vhathu u humela murahu fhethu havho, huno zwenezwo vha lindela u swika vhege i ḓaho i tevhelaho.25 A thi elekanyi uri ndi nga dzhia nahone—nahone nda ita zwavhuḓi kha u shululwa ha ayo Madzhomela a u fhedzisela, ngauri one ndi Mulaedza muhulwane nga maanḓa, nga maanḓa kha hayo. Fhedzi ndi nga rabelela vhalwadze, huno nda ita zwithu zwine…Ndi na Milaedza, na nṋe-vho, vhunga Murena a tshi ḓo nṋea yone, u itela tshivhidzo. Kha vhege, ndi ḓo bva hafha nda ya sogani huṅwe fhethu huno nda guda, nda vhuya murahu nga Swondaha nga matsheloni, nda vha na tshumelo ya nga matsheloni ya Swondaha ngaurali, na

6 IPFI ḼO AMBIWAHO

tshumelo ya vhusiku ya Swondaha. Mufunzi washu muṱuku wa tshilidzi nga maanḓa, Murathu Neville, ndo mu vhudzisa arali izwo zwi tshi ḓo mu fusha. Izwo ndi u mu dzhiela tshumelo dzawe dzoṱhe, fhedzi o vha o takala u fhirisa kha u i kumedza kha—kha hezwo. Ndi tou…26 Mukomana Capps, ene, ndi a humbulela, u na biso ḽi mona-monaho, na ene-vho, huno ndi a vhona uri o ṱuwa, na—na Mukomana Humes. Huno Murena o vha e na ene Mukomana Mann fhano u langa fhedzi, na fhethu. Ni a ḓivha, naa izwo a zwi mangadzi nḓila ine Mudzimu a ḓo ita zwithu? Ene tshifhinga tshoṱhe u na tshiṅwe na tshiṅwe tsho vhetshelwaho tshifhinga tshatsho nga nḓila yone. Ndo ḓa huno nda pfa muṅwe muthu a tshi khou rera. Nda ri, “Izwo a zwi…Ndi tenda…”27 Mukomana Capps, u ḓa Tucson, huno ndi elekanya uri ho mu fhura nga u ṱavhanyedza, ho vha hu tshi ṱoḓou vha digirii dza ḓana na dza fumi. Ho ngo ṱoḓa u vha na mushumo na hezwo, ngauralo a ṱuwa, ene na Mukomana Humes, huno a ya nṱha ngei Phoenix. A hu na zwiṅwe, ndi ḓana na fumiṱhanu u ya kha fumirathi, fumimalo ngei nṱha. Izwo zwo vha zwi tshi kha ḓi vha zwo ṋaṋa u vhifha, ngauralo ndi elekanya uri o ṱutshela ngei Texas nga murahu ha hezwo; ene, a tshi khou lingedza u wana fhethu.28 Fhedzi inwi a ni ṱoḓi Arizona nga tshino tshifhinga tsha ṅwaha, ndi a ni vhudza. Ho vha hu ḓana na fuiṋa, ḽiṅwe ḓuvha, Ḽavhuṱanu ḽo fhiraho, digirii dza ḓana na fuiṋa, ngei Parker. Huno afho ndi hune Mukomana Craig, a bvaho kha tshivhidzo fhano, a dzula. Huno ni nga kwasha gumba, huno ḽi ḓo hadzingea ḽi sa athu rwa fhasi. [Mukomana Branham u a sea—Mudz.] Inwi, ni a pfa mare huno—huno mutsiḓi wo ṱuwa, u tou…A hu na muṋuṋu kana tshithu, hone hu tou vha oveni ya u baka ya vhukuma nga tshino tshifhinga tsha ṅwaha. Fhedzi u thoma tsini ha Lara, Nyendavhusiku na Phando, hu a mangadza. Fhedzi musi hu tshi ḓa tsini ha Ṱhafamuhwe na Lambamai, inwi ndi khwine ni tshi ya kule arali ni sa ṱoḓi u dakaila.29 Huno ngauralo Mukomana Capps na vhaṅwe zwo sokou itea vha ḓa nga itsho tshifhinga, tshine nda elekanya uri tsho vha pandela. Ngauralo khamusi Murena o ita hezwo e na ndivho. Nṋe ndi khou tenda hezwi, zwauri Mudzimu u endedza ṋayo dza o lugaho. Nga tshiṅwe tshifhinga zwi vhonala zwi tshi konḓa.30 Vhunga ḽiṅwe ḓuvha kha lwendo ulu lwa u ya Afurika, ndo vha ndi na ngoho nga maanḓa uri ndo vha ndi tshi khou tshimbila lufunoni lwa Mudzimu. Ngauri, ṅwaha wo fhiraho, ndo vha ndi ngei fhasi Tshipembe, nda fara miṱangano yo dubekanaho, huno, vhone—vhone, nda elekanya…31 Ndi tshi bva kha iḽo dzangano, ha pfi, “Inwi ni nga ḓa-ha, nga kha Vhanna Vha Bindu Vha Vhakriste, fhedzi a ri nga vhi na mushumo nazwo.”

U SHONA 7

32 Zwo ralo, a thi ṱoḓi u posela avho vhanna henefho khaḽo, ni a ḓivha, u ita khuḓano. Ndi—ndi ṱoḓa vha tshi ḓipfa vhe vhavhuḓi nga tshavho. Ngauralo ndo tou ri, “Zwo luga…” Nda vha ṅwalela luṅwalo, nda ri, “Elelwani, ndo lingedza u dzhena ngomu Afurika lwa miṅwaha, hafhu, ndi tshi pfa uri mushumo wanga a u athu fhela kha ḽa Afurika. A thi na…”33 Ndi ngani ndo vha ndi tshi ḓo tea u ya Afurika, ngeno ndi na miḓi ya maḓana a rathi, na ya a sumbe henefha kha ḽa United States, a tshi khou vhidzelela, ni a vhona, henefha fhedzi, hu si u ṱuwa Canada, Mexico, kana huṅwe ha ayo mafhethu? Ndi ngani ndi tshi tea u ṱoḓa u ya henengei? Fhedzi ndi tshiṅwe tshithu mbiluni yanga, tshi no nkokodzela ngei Afurika. Henengei, avho vhathu, hu na—hu na tshiṅwe tshithu nga havho, tshine nda tshi funa, nahone ndi ṱoḓa u ya fhedzi u itela vhathu vha makhaḽadi fhedzi. Huno hu na tshiṅwe tshithu kha vhunzhi havho, avho vharangaphanḓa, a vha pfi uri ndi tea u ita hezwo. Ndi—ndi ṱoḓa u ya kha khonani dzanga dza makhaḽadi. Afho ndi he Murena a mmbidzela hone. Huno zwino vha na ṱhoḓea. Vhanzhi vha avho vhathu, avho vhathu vhatshena, vha nga kona u vha na madokotela na tshiṅwe na tshiṅwe. Fhedzi avho ngwaniwapo vha shayaho vha dzula ngei nnḓa, nahone vho sina lwa hafu. Ndi—ndi—ndi pfa uri ndi vhone vhane vha vhonala unga vha ḓo Ḽi ṱanganedza. Ndi vhone. Hu na tshiṅwe tshithu nga hazwo.34 Musi ni tshi swika fhethu, hune na vha uri no thanya nga maanḓa lune na ḓivha tshiṅwe na tshiṅwe, zwenezwo Mudzimu a nga si kone u ita tshithu nga inwi. Fhedzi arali ni tshi swika fhethu hune na funa u thetshelesa na u guda, zwenezwo—zwenezwo ndi tshifhinga tsha Mudzimu, a nga kona u dzhena ngomu huno a amba na inwi.35 Huno ngauralo nda vha ṅwalela luṅwalo murahu, huno nda vha vhudza. Huno nda ri, “Elelwani, nga Ḓuvha ḽa Khaṱhulo, i ri ni izwo zwanḓa zwa marambo zwi swikelele zwi tshi bva vhutsini, zwi ni haṱule! Malofha avho kha a vhe kha vhoinwi, hu si kha nṋe, ngauri ndo lingedza lwa miṅwaha i ṱoḓaho u swika ya fumi u humela murahu.”36 Zwenezwo musi ndi tshi posa luṅwalo, nda vhuya murahu, Tshiṅwe tshithu tsha ri kha nṋe, “Vhona Sidney Jackson, a tshi dzhia lwendo lwa u yo zwima.” Huno, nga tshifhinga tshenetsho tshithihi, Murena a amba na Sidney Jackson, a ri, “Ndau ya mamvele a tshirulwane, Mukomana Branham a tshi khou gammba; Durban, muṱangano muhulu.”37 Zwo ralo, o vha e hangeno, huno o amba na vhoinwi hafha. Zwiḽa, ro lovhedza…O vha a tshi hanedza iyi ndovhedzo nga Dzina ḽa Yesu Kristo o khwaṱha. Huno mufumakadzi wawe o vha o ṋaṋa u vhifha u fhira ene, o vha a tshi ḓo tou ḓiṱutshela. Inwi no vha ni tshi nga kona…Ndi khou ni vhudza, na kathihi a tho ngo tsha vhona vhathu vho ḓiṋekedzaho. Vha na vhashumeli

8 IPFI ḼO AMBIWAHO

vha no ṱoḓa u swika ḓana na fuṱhanu hangei, vho lovhedzwaho nga Dzina ḽa Yesu Kristo, huno vha khou tou fhisa shango. Mulaedza u khou tou ṱanganya Afurika, huṅwe na huṅwe, vhatshimbidzafulaimatshini na vhanna vhahulwane vha no khou ḓa, vha tshi khou lovhedzwa nga Dzina ḽa Yesu Kristo.38 Huno ngauralo nṋe, musi ndi tshi thoma u ya hangei, ndi a ni vhudza, na kathihi a tho ngo vha na vhuleme vhungafha vhutshiloni hanga hoṱhe, ha u lingedza u ya hangei. Huno zwenezwo nga muniti wonoyo wa u fhedzisela, muniti wonoyo wa u fhedzisela wa u ya, hafha ho vha ho ṅwalwa u buḓekanya visa yanga, “Ni nga si dzhenelele kha luṅwe lushaka-vho lwa tshumelo ya vhurereli; ni nga ḓa fhedzi u zwima.” Zwo ralo, zwenezwo, ho vha hu vhuimo.39 Fhedzi nda ri, “A thi londi zwine diabolo a ita, ndi—ndi nga si kone…ndi nga si kone u khwaṱhisa zwe Mukomana Jackson a amba nga ha ndau ya mamvele a tshirulwane, na itshi, itsho, kana tshiṅwe. Ndi—ndi nga si kone u zwi khwaṱhisa. Fhedzi ndi a zwi ḓivha uri Mudzimu o mmbudza uri ndi ye u ‘vhona Sidney Jackson, huno ndi ye u zwima.’” Huno nda ri, “Ndi khou ya.” Huno nga tshiṅwe tshifhinga…Huno nda vha na luṅwe lwa nyendo khulwanesa.40 Nda wanulusa uri vhuleme ho vha hu mini. Zwino ndi a elekanya, nga ha Tshimedzi, Murena a tshi funa, ndi nga kona u humela murahu huno nda vha na muṱangano na tshiṅwe na tshiṅwe, tshumisano yo ḓalaho, tshiṅwe na tshiṅwe-vho, ni a vhona, kha ḽa Afurika zwino. Nda zwi sengulusa huno nda wanulusa he zwa vha zwi hone, zwe zwa zwi vhanga. Ngeno nṱha, hu tshi khou ṅwaliwa, uyu u na itshi uri a tshi ambe, huno tshiṅwe tshithu tshi na tshiṅwe tshithu tshi no tea uri tshi tshi ambe, na itshi tshiṅwe henefho. Tshithu tsha khwinesa u tshi ita, ndi u ya u wanulusa, inwi muṋe. Huno ndi a ḓivha he vhuleme ha vha vhu hone, na zwe tshiitisi tshazwo tsha vha tshi tshone; ho vha hu nga nṱhani ha vhathu vhanzhi nga maanḓa vha no kuvhangana fhethu huthihi, muvhuso a wo ngo ntendela u vha nawo.41 Zwino arali Vhanna Vha Bindu Vha Vhakriste kana ḽiṅwe dzangano, ḽine ḽa ḓo ri dzhenisa ngomu, zwenezwo muvhuso nga vhuḓiitisi…ngauri ndi dzangano ḽi imelwaho nga muvhuso, muvhuso u rumela tsireledzo ya mmbi ya maswole. Arali hu tshi ḓo vha na vhanna vha fumbiliṱhanu vha bvaho kha dinomineisheni nthihi, fumbiliṱhanu vha bvaho kha iṅwe, naho zwo ralo izwo vha nga si zwi ṱanganedze. Hu tea u vha ṱho—ṱhoho ya iḽi dzangano. Huno Vhanna Vha Bindu Vha Vhakriste ndi dzangano ḽi si ḽa u luvha ha nyitelatherelo ḽo imelaho zwivhidzo zwoṱhe. Dokotela Simon, ṱhoho yavho hangei, munna wavhuḓi nga maanḓa, ndi tea u ṱangana nae huno nda amba nae. Huno vha khou dzhia miṱangano, huno

U SHONA 9

zwiṅwe zwivhidzo zwoṱhe zwi khou dzhena zwoṱhe. Ni a vhona? Huno ndi a tenda uri ri ḓo vha na muṅwe wa miṱangano mihulwanesa ye ya vhuya ya vha hone ngei—ngei Afurika.42 Fhedzi kuvhonele kwanga kwo vha ku hoku, musi ni tshi zwi ḓivha uri inwi—inwi ni khou lingedza u ita tsho lugaho, tshithu tsha u thoma ndi, arali ni tshi rangwa phanḓa u ita tshiṅwe tshithu, zwenezwo ni tshi ṱole nga Ipfi huno ni vhone arali tsho luga nga Ipfi, huno zwenezwo ni songo tendela tshithu u ni imisa. A thi londi uri ndi malinga mangana ane diabolo a a posela nḓilani, itonu tshimbila henefho nga nṱha hao.43 Ndo vhudza mufumakadzi wanga nahone nda vhudza Mukomana Wood, musi ndi tshi swika fhano, na dziṅwe khonani dze nda ṱangana nadzo mulovha: Ndo vha na miṅwaha i no ṱoḓa u swika miṱanu fhano ye nda sa ḓivhe zwe nda vha ndi tshi tea u zwi ita. Yo vha i ya ma—mazhuluzhulu…Ni a vhona, mvuseledzo yone iṋe, vhukati ha zwivhidzo, yo fa. Muṅwe na muṅwe u a zwi ḓivha hezwo. Inwi ni a zwi pfa kha iyi thaberenakeḽe. Inwi ni a zwi pfa huṅwe na huṅwe. Hu na ndivhitho, vhuḓipfi ho faho. Hu tou vha na tshiṅwe tshithu tshi songo lugaho. Ndi ngauri mafulufulu a mvuseledzo o ṱuwa kha vhathu. Iyani ngomu zwivhidzoni, ni ḓo vha vhona vho dzula henefho. Huno mufunzi u khou khukhulwa u mona hoṱhe uri a wane mulaedza na tshiṅwe tshithu-vho. Huno tshithu tsha u thoma ni a ḓivha, o u rembulusela kha luṅwe lushaka lwa tshimima tshine vha khou yo vha natsho, kana tshiṅwe tshithu. Hu vhonala hu ndivhitho yo faho huṅwe na huṅwe.44 Billy Graham u a zwi dzhiela nzhele; Oral Roberts. Vho-Allen vho vha na vhuṅwe vhuleme, vhunga ni tshi zwi ḓivha. Oral Roberts u na izwo zwifhaṱo zwa doḽara dza milioni dza fuṱhanu, na zwiṅwe-vho, ngomu henefho. U na tshikolo. Huno, zwo ralo, a hu na muthu mudavhini zwino.45 Ndo ṱuwa hafha, nga bono, u ya hangei Tucson, u vhona zwe Murena a ṱoḓa ndi tshi zwi ita. Henengei A ṱangana na nṋe ngei nṱha, vhunga O ni vhudza hafha uri U ḓo zwi ita, na tshivhumbeo tsha Vharuṅwa vha sumbe, huno a amba zwa u vhuya murahu huno Mapfundo a Sumbe a tea u pfuṋululwa. Izwo zwi tou vha zwone kokotolo zwe zwa bvelela.46 O amba, ḽiṅwe ḓuvha na Mukomana Wood musi a tshi bva henefho, ra ya fhethu honoho huthihi, huno nda posa tombo, ḽa wela fhasi, A ri, “Hu sa athu fhela masiari na vhusiku, u ḓo…” Vhaṅwe, ndi hangwa uri maipfi a hone o vha e afhio. “U khou yo vhona vhugala ha Mudzimu.”47 Huno ḓuvha ḽi tevhelaho, tshiḓumbumukwe tsha tsela fhasi tshi tshi bva lutomboni, huno ri a ḓivha nganea ya zwe zwa itea. Musi tshi tshi gonya, vha vhudzisa uri tsho vha tshi tshini. Nda ri, “Tsho amba maipfi mararu, nga mithuthubo miraru mihulwane.” Vhanna vho pfa fhedzi u thuthuba. Ndo

10 IPFI ḼO AMBIWAHO

pfesesa zwe Ḽa amba. Huno ha pfi, “‘Khaṱhulo i khou rwa Khunzikhunzi ya Vhukovhela!’” Maḓuvha mavhili nga murahu ha hezwo, Alaska ya ṱoḓou ṋupela. Yo vha i tshi khou bvuma u mona hoṱhe, midzinginyo, tshiṅwe na tshiṅwe. Itonu i sedza, ḓuvha ḽiṅwe na ḽiṅwe, midzinginyo i tshi khou dzinginyisa huṅwe na huṅwe.48 Muṱangano wanga wa u fhedzisela, muṱangano wa u fhedzisela we nda vha nawo, uyu u ḓo vha Mulaedza wanga wa u thoma, zwa vhukuma, u rera u bva tsheetsho. Ndo vha ndi tshi khou rera ngei Los Angeles, kha Oditoriamu ya Biltmore, huno ndo vha ndi tshi khou amba nga ha munna a tshi khou ḓinangela mufumakadzi. Inwi hu na khonadzeo ya uri ni na theiphi yawo. “Ndi wone”, ndo ri, “Hu vhonisa mvumbo yawe na lutamo lwawe.” Izwo, musi munna a tshi dzhia musadzi, u dzhia musidzana muswa, huno a vha mufumakadzi wawe; u dzhia, ni a ḓivha, musidzana wa musalauno ane a vha Ricketta zwawe, zwi—zwi tou sumbedza zwine a vha zwone…Arali a tshi mala khosikadzi ya lunako kana khosikadzi ya vhudzekani, tshiṅwe na tshiṅwe tshi re tshone, zwi sumbedza zwawe, zwine zwa vhukuma zwa vha kha uyo munna. Fhedzi Mukriste, u ṱoḓa mvumbo kha musadzi, ngauri u khou puḽana haya hu ḓaho na uyo musadzi. U a puḽana, u wana muiti wa haya. Huno nda ri, “Zwenezwo, Kristo, u ya nga Ipfi Ḽawe hafha, u ri vhudza zwine Haya hashu hu ḓaho ha ḓo vha zwone. Naa tshifhingani itsho U ḓo nanga mufumakadzi wa lushaka-ḓe, murengisamuvhili wa dinomineisheni? Na kathihi! U ḓo nanga musadzi a no ṱaluliwa nga Ipfi Ḽawe, huno uyo u ḓo vha Muselwa.”49 Huno ndi ngomu henefho, Tshiṅwe tshithu tsha nkwama, huno a tho ngo ḓivha tshithu lwa miniti i ṱoḓaho u swika ya furaru. Ho vha na vhuporofita ho bvaho. Tshithu tsha u thoma tshine nda elelwa, Mukomana Mosley na Billy, ndo vha ndi ngei nnḓa tshiṱaraṱani, ndi tshi khou tshimbila. Huno Tsha ri, “Iwe Kapernaume, ane wa ḓivhidza nga dzina ḽa Vharuṅwa,” uyo ndi Los Angeles, muḓi wa vharuṅwa, ni a vhona, vharuṅwa, “iwe we wa hudzwa wa guma ngomu ṱaḓulu, u ḓo vhuiswa fhasi ngomu vhudzulavhafu. Ngauri, arali mishumo ya maanḓa yo vha yo itwa Sodoma, ye ya itwa kha iwe, yo vha i tshi ḓo vha yo ima u swika ḓuvhani iḽi.” Huno izwo zwoṱhe zwo vha zwi sa ṱalukanyei tshoṱhe, kha nṋe. Ni a vhona?50 Huno nga nḓila ye nda vha ndi tshi kha ḓi bva u fhedza u eletshedza, Kristo, ndi tshi Mu hulisa nahone ndi tshi vhudza tshivhidzo. Nda ri, “Vhoinwi vhasadzi, hu sa londwi uri ndi lingedza u ḓa hani kha inwi, kana u rera ndi tshi hanedzana na izwi zwithu; huno inwi munna, vhoinwi vhareri; vhoinwi no vha vha hanedzaho ni sa fhidzi tshifhinga tshoṱhe, ni a zwi ita nga nḓila i fanaho. Vhoinwi ni a Ḽi pfuka hu tshi nga Ipfi ḽa Mudzimu ḽo vha ḽi si tshithu.”

U SHONA 11

51 Huno musi izwo ndo zwi pfesesa, nda ya, nda ri, “Hu na Luṅwalo malugana na hezwo huṅwe fhethu.” Huno nda ya huno nda wana zwauri ho vha hu Yesu, a tshi khou kaidza Kapernaume tsini na khunzikhunzi. Uvho vhusiku nda sedza Maṅwalo. Nda ḓa hayani, nda wana bugu ya ḓivhazwakale; huno Sodoma na Gomora yo vhuya ya vha mu—muḓi u bvelelaho, musanda wa Vhannḓa wa shango. Huno ni a ḓivha, uyo muḓi, nga mudzinginyo, wo ṋupela ngomu Lwanzheni lwo Faho. Huno Yesu a ima, huno a ri, “Kapernaume, arali Sodoma wo vha u tshi ḓo vha wo vha na mishumo yo itwaho ngomu hawo ye wa ita ngomu hau, wo vha u tshi ḓo vha wo ima ṋamusi. Fhedzi zwino u fanela u vhuiswa fhasi kha vhudzulavhafu!” Huno nga murahu ha miṅwaha i ṱoḓaho u swika ḓambili kana ḓararu nga murahu ha vhuporofita Hawe, na idzo dziṅwe ḓorobo dzoṱhe dza khunzikhunzini, iṅwe na iṅwe yadzo i tshi kha ḓi vha yo ima nga nnḓa ha Kapernaume, huno i ngomu fhasi ha lwanzhe. Mudzinginyo wo i ṋupelisa ngomu lwanzheni.52 Huno zwenezwo ndi tshi porofita, “Los Angeles i ḓo vha fhasi ha lwanzhe.” Huno nda ḓa hayani, huno nda ya Afurika. Huno musi ndo vha ndi Afurika, vho vha na mudzinginyo. Huno vhorasaintsi…Inwi no zwi vhona, zwo vha zwi kha khasho, lwe maṅwe mahaya mahulu, avhuḓi a wela ngomu, ngei Los Angeles, na motheḽe, na zwiṅwe-vho. Huno zwino hu na…53 U bva tsha uyo mudzinginyo, hu na mutwe wa intshi mbili kana tharu we wa ḓa kha ḽifhasi, u tshi thoma ngei Alaska, wa mona hoṱhe nga kha Zwiṱangadzime dza Aleutia, wa bva hune ha ṱoḓou swika maela dza ḓana na mahumi maṱanu kana dza ḓambili lwanzheni, wa vhuya murahu ngei San Diego; wa dzhenisa California, kana Los Angeles, huno wa bva hafhu afho fhasi ha tshipiḓa tsha devhula tsha henefho California, fhethu huṱuku hu no pfi San Jose, afho fhasi ha henefho.54 Huno uyu rasaintsi o vha a tshi khou amba, e kha muvhudzisano. Ro vha ro sedza thelevishini. Huno a ri, “Fhasi ha henefho ndi luritha lu monaho.” Huno a amba izwi, a ri, “Itsho ndi tshipiḓa tshine tsha ḓo ṅwatea,” huno ha pfi, “huno tshi ḓo ralo.” Huno uyu muvhu-…55 Munna, rasaintsi a no khou vhudzisa uyu rasaintsi muhulu, a ri khae, a ri, “Zwo ralo, afho hu nga mbo ṋupela hoṱhe?” A ri, “Hu nga kona? Hu tea u ralo!”56 Ha pfi, “Zwo ralo, a hu na zwiṅwe, hu na khonadzeo ya uri hu ḓo vha miṅwaha minzhi, minzhi u bva zwino.”57 A ri, “Zwi nga ḓi vha nga miniti miṱanu u bva zwino, kana zwi nga ḓi vha nga miṅwaha miṱanu u bva zwino.” O tou ṋea miṅwaha miṱanu.58 Fhedzi ndi na ngoho ya uri ndo ima henefhaḽa ndi fhasi ha U Hevhedzwa, ya vhea khaṱhulo kha iyo Khunzikhunzi ya

12 IPFI ḼO AMBIWAHO

Vhukovhela, huno zwenezwo nda i tevhela u swika henefha nṱha kha u ṋupela ha Los Angeles, wo ṱuwa! Izwo ndi zwone. Zwi ḓo bvelela. Lini? A thi ḓivhi.59 Fhedzi, oo, naa ho bvelelani? Ni a ḓivha, ri na madzhango a rathi fhedzi zwino. Ro vha ri na a sumbe, iḽo ḽiṅwe ḽe ḽa ṋupela vhukati ha Afurika na United States. Oo, ndi zwa ḓivhazwakale, inwi ni ḓivha nga hazwo. Zwino, arali iḽo ḽi tshi tsela fhasi, zwenezwo ndi ṱoḓa inwi ni tshi sedzesa musi…60 Iyi yo vha i thero ye nda i rera musi, ndi a tenda, Mukomana Elij’ Perry a tshi nga ḓi vha o vha e mudikoni fhano tshivhidzoni nga itsho tshifhinga, kha zwoṱhe zwine nda ḓivha. Fhedzi o ri, “Tshifhinga tshi ḓo ḓa…” A tho ngo zwi ḓivha u swika Vho-Mme Simpson vho no nnḓisela the—thero ḽiṅwe ḓuvha. Huno ndo ita uri i ṅwalwe kha bugu ṱhukhu, uri, “Phanga…” uri, “Ḓanzhe ḽi ḓo tswimilela nḓila yalwo ngomu ha phanga.” Izwo zwo vha zwi zwa miṅwaha ya furaru yo fhiraho.61 Huno, a hu na zwiṅwe, Lwanzhe lwa Salton lu fhasi ha ndili ya lwanzhe nga fithi dzi no ṱoḓa u swika ḓambili, huno arali uho u mona huhulu, iḽo ḽifhasi ḽi tshi khou milea ngomu nga u ralo, na maḓana a maela dza tshikwea, maḓana na maḓana a maela dza tshikwea a tshi khou ṋupela ngomu ha ḽifhasi, izwo zwi ḓo posa gabelo ḽihulwanesa thwii ngei Arizona. Ngoho, zwi ḓo ralo.62 Oo, ri kha tshifhinga tsha vhufhelo, awara ya vhugala, u bvelela ha Murena Yesu! O ri, “Hu ḓo vha na midzinginyo mafhethu o fhambanaho, tshifhinga tsha u khakhelwa, u farakanea vhukati ha dzitshaka, mbilu dza vhathu dzi tshi kundelwa nga nyofho.” Ha pfi, “Musi izwi zwithu zwi tshi thoma u bvelela, takusani ṱhoho dzaṋu, thengululo yaṋu i khou sendela.” Yawee, nṋenṋe!

Tshaka dzi tshi khou kwashekana, Israele i khou karuwa,

Zwiga zwe vhaporofita vha bula;Maḓuvha a Vhannḓa o vhaliwa, o hwala zwi

ofhisaho;Vhuyani, Oo no balanganaho, kha waṋu.

(Ivhani na ngoho ya uri ni ite hezwo!)Iḽo ḓuvha ḽa thengululo ḽi tsini,Mbilu dza vhathu dzi khou kundelwa nga

nyofho;Ḓalani Muya wa Mudzimu, mbone dzaṋu nga

dzi duge dzi penye, Sedzani nṱha, thengululo yaṋu i tsini! (Izwo

ndi zwone.)Vhaporofita vha khole-khole vha a zwifha,

Ngoho ya Mudzimu vha khou i hana,Uri Yesu ene Kristo ndi Mudzimu washu.

U SHONA 13

63 Inwi no vhona tshifanyiso ḽiṅwe ḓuvha, uri O rembulusela hani itsho tshifanyiso nga thungo henefho? Huno tshifanyiso tshenetsho tsha avho Vharuṅwa vha sumbe vha tshi takulelwa nṱha, tshi rembuluseleni thungo ya tshanḓa tsha u ḽa, huno ngetsho tshifhaṱuwo tsha Murena Yesu o sedza fhasi kha ḽifhasi hafhu.64 Inwi ni a elelwa musi ndo rera Zwikhathi Zwa Sumbe Zwa Tshivhidzo, ndo kundelwa u pfesesa uri ndi ngani Yesu o ima henefho e na “tshena” kha ṱhoho Yawe. O vha e Munna muswa. Nda zwi humisela murahu Bivhilini, ya ri, “A ḓa kha Wa Kale wa Maḓuvha, We mavhudzi awe a vha o tshena sa wuḽu.” Yesu o vha e na miṅwaha ya furaru na hafu, kha u vhambwa Hawe. 65 Nda vhidza Mukomana Jack Moore, ratheolodzhi. A ri, “Oo, Mukomana Branham, uyo ndi Yesu e kha tshiimo Tshawe tsha vhugala.” Ha pfi, “Nga murahu ha lufu Lwawe, u swiṱwa, na mvuwo, O rembulutshela kha hezwo.” Izwo zwo pfala zwo luga kha ratheolodzhi, fhedzi a zwo ngo tshimbila zwavhuḓi, a zwo ngo rwa tshone tshiṅwe tshithu.66 Nda gonya henengei huno nda thoma kha itsho tshikhathi tsha tshivhidzo tsha u thoma, henefho Muya Mukhethwa wa tshi dzumbulula. Zwino ni natsho henefho kha Zwikhathi Zwa Tshivhidzo zwaṋu. Ndi a humbulela uri bugu dzi ḓo bva hu si kale nga maanḓa zwino, zwidodombedzwa zwo ḓalaho zwatsho. Huno tsho sumbedza uri Yesu o vha e Muhaṱuli. Hu na wigi tshena ye vha vha vha tshi anzela u ambara, u ambara wigi huno vha i ambara sa muhaṱuli, England i kha ḓi zwi ita musi ni na ndango khulwane. Huno uho u rembulusela thungo kha itshi tshifanyiso, U henefho, mavhudzi matswu Awe, ni nga kona u a vhona nga thungo ha ndebvu Dzawe, nahone o ambara wigi tshena. Ndi ene wa u fhedza wa ndango, Ndi ene Ndango Khulwane. Na Mudzimu o amba nga u ralo, Ene muṋe, “Uyu ndi Murwa mufunwa Wanga, ni Mu pfe.”67 Henefho U hone na avho Vharuṅwa, Mulaedza, we wa vha u u pfuṋulula kasumbe ha ayo mapfundo a sumbe e a dzumbulula mbeu ya ṋowa na izwi zwithu zwoṱhe hafha. Huno zwi a sumbedza uri ndi tshifukedzi tshenetsho Tshawe, ndi—ndi Ndango Khulwane Yawe. Ndi ene Muhulwane, nahone O ambara wigi, kana—kana o fukedzwa. Bivhili yo amba uri O shandukisa tshifhaṱuwo Tshawe, kana O Ḓishandukisa, ene morphe. Ipfi ḽi bva kha ipfi ḽa Tshigerika, en morphe, ḽine ḽa amba mutambi wa Mugerika a no tamba zwipiḓa zwinzhi; ṋamusi u tshiṅwe tshithu, kha ḽi tevhelaho u tshiṅwe tshithu-vho. O vha e Mudzimu, Khotsi, kha mutambo muṅwe; Mudzimu, Murwa, kha muṅwe mutambo; huno zwenezwo Mudzimu, Muya Mukhethwa, kha uyu mutambo. Ni a vhona? Henefho U hone, Ipfi Ḽawe ḽi kha ḓi vha Ḽihulwane. Ri khou tshila maḓuvhani a u fhedzisela.

14 IPFI ḼO AMBIWAHO

68 Ndi tshi bva Afurika ḽiṅwe ḓuvha, ndo nga ndi a neta. Inwi ni a vhona, hu tou vha tshifhinga tsha vhusiku henengei zwino, huno ni tea u huma. Huno zwenezwo tshifhinga tshe nda huma ngatsho, nda vhuya murahu hafhu. Ro vha na lwendo lu mangadzaho, lwendo lwa u zwima, luṅwe lwa dza khwinesa dze nda vhuya nda vha nadzo vhutshiloni hanga. Zwenezwo Billy u na zwiṅwe zwifanyiso, khamusi u ḓo vha na tshifhinga tsha u zwi sumbedza huṅwe fhethu, huno a ni sumbedza lwendo.69 Ndo vha na muloro. Nṋe tshifhinga tshoṱhe ndi lora nga ha u vhuya murahu kha iyo Public Service Company, nga iṅwe nḓila. Ngauralo ndo—ndo elekanya uri ndo vha ndi tshi nga ndi khou fhura mushumoni, ndo vha ndi tshi tea…Vho tou nnditsha nda fara nḓila yanga nṋe muṋe, huno ndo elekanya uri ndi ḓo…Vhudzuloni ha u bva huno nda tshimbila nḓilani kana u kuvhanganya zwikolodo, kana tshiṅwe tshithu tshe nda vha ndi tshi tea u tshi ita, ndo tou ri, “Zwo ralo, nṋe ndi vhasa wanga nṋe muṋe,” nda ya u bambela fhedzi. Huno nda swika henengei fhasi huno nda bvula zwanga…izwi zwiambaro, huno nda ambara zwiambaro zwanga zwa u bambela. Ndo vha ndi ndoṱhe. Huno nda elekanya, “Nda ri, izwi a si zwone, khamphani…Itshi ndi tshifhinga tsha masiari, khamphani i khou mmbadela itshi tshifhinga.” Nda elekanya, “Izwo zwi a kanukisa.” Huno zwenezwo nda elekanya, “Zwo luga, tshelede ye nda i kuvhanganya nḓilani…” Ndo vha ndi na u linda na nḓila vhuvhili hazwo zwo ṱanganyiswa fhethu huthihi, huno nda ri, “Zwo luga, tshelede ye nda i kuvhanganya, ndo ita tshiṅwe tshithu, ndi tshi mona-mona hafha; ndo xedza thikhithi dzanga dzoṱhe, huno nda ṱanganyisa tshelede yavho na tshelede yanga fhethu huthihi. Zwino ndi ḓo ḓivha hani uri ndi nnyi o badelaho tshikolodo?” Nda elekanya, “Fhedzi ngauri ndo vha ndi sa khou dzhiela tshenzhemo-vho!” Nda elekanya, “Izwo a si zwone. Hu na tshithu tshithihi fhedzi tshine nda tea u ita, itsho ndi, u humela murahu kha mulavhelesi wanga huno nda mu vhudza.” Uyo o vha e Don Willis, nda ri, “Don, ndo xedza idzo thikhithi. Zwino ngeyi tshelede yoṱhe ine nda vha nayo, huno ngeyi tshelede yavho, yo ṱangana. I sieni hafha kha ramali. Huno vhathu, musi vha tshi dzhena ngomu, vha ḓo vha na rasithi ya uri ndo ṱanganedza tshikolodo tshavho.”70 Hu na khonadzeo ya uri vhathu vho dzulaho henefha vhane nda—nda…Ndi a ḓivha uri vha hone. Ye nda i kuvhanganya khavho kha—kha maḓuvha, nahone ndi ḓo…huno ndi ḓo ṋea rasithi. Ni a ḓivha, ho vha hu phesente dza fumi arali na litsha tshikolodo tshaṋu tshi tshi pfuka. Huno khamusi, doḽara na hafu, dza fhira nga sente dza fumiṱhanu. Vhunzhi ha vhathu vho dzula…Riṋe ro tou takalela u kuvhangana huno ra amba, huno vha sokou litsha tshikolodo tshavho tshi tshi bvela phanḓa, huno nṋe ndi ḓa u amba navho lwa tshifhinganyana. Ni ṋekedza sente dza fumiṱhanu, ni a ḓivha,

U SHONA 15

u tou dzula fhasi huno na amba lwa tshifhinganyana tshiṱuku, na u kuvhanganya tshikolodo tshavho. Ngauralo zwa endelela, huno nda wana zwikolodo zwinzhi nga maanḓa zwe nda kundelwa u zwi kuvhanganya.71 Zwo ralo, nda elekanya uri iyo ndi yone nḓila fhedzi ye nda vha ndi tshi nga kona u zwi ita. Huno nda karuwa.72 Fhethu hune ra dzula, Khaladzi Larson, a thi elekanyi uri u fhano, o vha e wavhuḓi nga maanḓa kha riṋe; huno ha ṱoḓi nṋe ndi tshi zwi amba hezwo. Fhedzi ndi mufumakadzi wavhuḓi nga maanḓa, huno ro vha ri tshi khou dzula pherani dzawe. U na fuletse mbili, fuletse ṱhukhu dzo ṱangana, ro dzi hira vhuvhili hadzo. Huno nṋe na mufumakadzi ri eḓela nga hangeno kha—kha iṅwe fuletse hune nda nga ndi a ṱanganedza vhathu musi ndi tshi kona, huno hu na zwibete zwa vhulalo vhuvhili zwiṱuku zwi si gathi ngomu henefho.73 Nda karuwa. Ene o vha a sa athu karuwa. Huno nga murahu ha tshifhinganyana, a karuwa. Huno nda mu ṱaṱaisela, huno a sedza murahu nahone a poidza maṱo awe lwa zwifhinga zwi si gathi. Nda ri, “No eḓela zwavhuḓi?” A ri, “Hai.”74 Huno nda ri, “Ndo vha na muloro u shushesaho. Ndo vha ndo vhuyelela murahu kha iḽa Public Service Company hafhu.” Nda ri, “Naa ndo itani?”75 Ndi a elelwa, sa mutukana muṱuku, kana munna muswa, ndo tshimbila idzo nḓila dzoṱhe ngei Salem, Indiana, dzo fhambanaho…Ndo vha ndi tshi dzhena ngomu, nda renga vhu—vhuragane, khamusi tshidongo tsha otsi. Kha iḽo ḓuvha ḽi fhisaho na tshiṅwe na tshiṅwe, huno ḽa tou nnyita uri ndi lwale, u ḽa vhuragane. Ndo vha ndi tshi dzhenisa sente dza fumi, kha masheleni-mbetshelwa anga. Mulavhelesi a tsela fhasi huno a ri, a ri, “Ni a ḓivha zwe vha amba kha—kha muṱangano? ‘Naa ndi ḽifhio iḽo tsilu ḽe ḽa ḓo dzhenisa sente dza fumi, u itela vhuragane?’” Ha pfi, “Ni fanela u dzhenisa kaṱukuṱuku sente dza fuṱhanu.” Zwino, noṱhe ni a ḓivha, sente dza fuṱhanu dzo vha dzi vhuragane vhuhulu nga ayo maḓuvha. Huno nda ri, “Zwo ralo, a thi ḽi vhungafho.” A ri, “Zwo ralo, vhaṅwe vhavho vhoṱhe vha dzhenisa sente dza fuṱhanu. Ni tea u dzhenisa sente dza fuṱhanu.” Nda ri, “Zwo ralo, a thi dzi shumisi.” Ha pfi, “Dzi dzheniseni, naho zwo ralo.” Uyo o vha e mulavhelesi wanga.76 Zwo ralo, nda elekanya, “Zwo ralo, naa ndi nga itani? Ndo tea u badelisa sente dza fuṱhanu, huno ndi ḽa sente dza fumi.” Ngauralo nda bva nda ya tshiṱaraṱani huno nda wana vhaṅwe vhana vhaṱuku vhe vha vha vha si na vhuragane, huno nda vha wanela vhuragane vhu ḓuraho sente dza fuiṋa.

16 IPFI ḼO AMBIWAHO

Ngauralo zwenezwo nda elekanya, “Zwo ralo, naa hu ḓo…Khamusi izwo ndi zwone zwine A lwa na nṋe ngazwo.”77 Huno ndi a elelwa, fhano hu si kale, vho ḓa nga u linda, vha kherukanya iyo dzharaṱa ya nga murahu henefho murahu, huno vha ri, “Dzhenisani tshikolodo tshaṋu.” Ni a ḓivha uri vha na pfanelo dza u linda, fhedzi vha tea u badela tshinyalelo.78 Ndo tou ṅwalela murahu huno nda ri, “Inwi a ni kolodi tshithu.” Nda elekanya, “Vha ḓo vha badelela sente dza fumiiṋa dzo vhalaho. Khamusi ndo shumisa doḽara dza fumbili kana furaru kha itsho tshifhinga, ndi tshi dzi ṋea vhana. Khamusi izwo zwi ḓo zwi ita.” Nda dzulela u lora.79 Zwenezwo ndo vha ndi na muri muhulwane ngei nnḓa, vhana vha tshi tamba fhasi hawo, huno u linda…Zwino vha linda nga heḽikhophutha. Huno ngauralo o dzhena ngomu huno a ri, “Billy, hani-ha nga ha u tumula uyo muri?”80 Nda ri, “Hai, ni songo u tumula. Ri khou yo u rema nga nṱha.” Nda ri, “Nṋe na Mukomana Wood ri khou yo u rema nga nṱha.” Ha pfi, “Zwo ralo, ndi ḓo tou vha na munna a no ḓa huno a u rema nga nṱha.” Nda ri, “Zwino, ni songo u rema.” A ri, “A thi nga u remi.”81 Nda fara lwendo. Musi ndi tshi vhuya, wo vha wo reṅwa u fhasi thwii. Zwenezwo nda vha na mbilo ya khothe i ḓaho, inwi ni a vhona. Nda ri, “Zwo ralo, Murena, izwi zwi ḓo ita uri zwi pfale, ndi a ḓivha.” Ngauralo nda thuthisa iyo, iyo yo vha yo luga, u tou i litsha. Zwo ralo, ndo ḓi zwi lora.82 Musi ndi tshi vuwa nga maṅwe matsheloni, nda ri, “Zwo luga…” Tshithu tsha u thoma tshine ra ita nga matsheloni musi ri tshi vuwa, ndi u rabela roṱhe, zwenezwo ra rabela musi ri tshi ya u eḓela vhusiku. Huno zwenezwo nga murahu ha musi o no ya u wana vhuragane ha vhana, nda thoma u rabela. Nda ri, “Murena, ndi fanela u vha ndo vha muthu a shushaho. Ndo itani vhutshiloni, lune nda—nda si kone u ṱutshela kule ha iyo Public Service Company.”83 Nda dzhena ngomu huno nda ṱamba muvhili, huno nda vhuya nnḓa. Huno tshiṅwe tshithu tsha sokou vhonala tshi tshi ri kha nṋe, “Khamusi nṋe ndi a fhura kha mushumo Wawe.” Nda elekanya, “Ngeyi miṅwaha i ṱoḓaho u swika miṱanu ndi songo ita tshithu, ndo tou Mu lindela.”84 Ndo ima ngei nṱha ḽiṅwe ḓuvha. Vho ri fhaṱela haya huswa ngei nṱha, huno Mukomana Mosley a tsela fhasi, a tshi khou amba nga haho. Nda ri, “Uho hu tou vha tshifhiwa tshiṱuku tshi bvaho ha Khotsi anga.” Huno a thoma u lila. Nda ri, “Inwi ni a vhona, O ri, ‘Arali ni tshi ḓo ṱutshela mahaya aṋu, dzinnḓu, masimu, vhokhotsi, vhomme, Ndi ḓo ni ṋea dzinnḓu, masimu, vhokhotsi, vhomme, na kaḓana kha vhuno vhutshilo, na Vhutshilo Vhu Sa Fheli vhu ḓaho.’” Nda ri, “Vhonani, ndo ḓo

U SHONA 17

tea u ṱutshela thaberenakeḽe ine nda i funa nga maanḓa. Haya hanga he Murena a nṋea ngei nṱha, ndo ḓo tea u vhu ṱutshela. O tou nṋea uhu murahu.” Nda ri, “U a mangadza, inwi ni a vhona.” [Tshikhala kha theiphi—Mudz.] Huno a thoma u lila.85 Zwo luga, nda—nda ri, “Ndo ḓo tea u bva hafha huno nda ḓifhandekanya, nda ḓa kha ino phanga.” Huno nda elekanya, “Ndi a mangala uri ndi ngani Mudzimu o nnḓisa kha phanga, ngeno nnḓa hafha hune ha sa vhe na tshithu nga nnḓa ha dziphame na maḓithu a Gila?”86 A si phanga fhedzi, hu a fhisa, fhedzi nga lwa muya ndi phanga. Yawee, nṋenṋe! A hu na vhutshilo ha muya na luthihi, zwivhidzoni, vha hanedzana na…Mulandu, na kathihi a ni athu vhona zwo raloho vhutshiloni haṋu! A ri na na tshivhidzo tshine ri nga ya khatsho, kana tshithu. Huno zwenezwo musi…Vhathu kaṱukuṱuku vha a lovha, lwa muya. Ndi zwi dzhiela nzhele kha vhathu vha bvaho henefho, ndi vhona dziphambano khavho, ndi tshi dzi sedzesa.87 Huno ngauralo inwi ni dzula fhasi ha Muya wa Mudzimu, huno vhutshilo haṋu vhu vha vhu ḓifhaho, vhutete, vhunga maḓi a tshi ḓisela uvhu hatsi na lurere lutete. Arali…uvhu hatsi, ngei Arizona, vhu nga si aluwe; iyi miri i ḓo vha kakituse, ayo maṱari a sokou petea huno a itwa a nambatelaho. Iyo ndi nḓila ine zwa vha ngayo musi ni tshi vha o omaho u mona na tshivhidzo, muṅwe na muṅwe u a nambatela kha muṅwe, ni a ḓivha. Huno, ni a vhona, ni tea u vha na maḓi o dzikaho a mvula uri a ni ite mutete, nahone a itela maṱari na murunzi mufhiri a no fhira.88 Huno ngauralo Tshiṅwe tshithu tsha ri kha nṋe, “Khamusi u khou fhura mushumoni wa Mudzimu.” Ngauralo, nda rabela u itela bono.89 Huno Meda a tou nngwanela Bivhili ntswa; huno Mukomana—Mukomana Brown, a bvaho nṱha ngei Ohio, a nngwanela Bivhili ntswa; vhuvhili havho nga tshifhinga tshithihi, nga Khushumusi. Nda ya huno nda wana iṅwe ya Dzibivhili ntswa. Nda ri, “Murena, kha maḓuvha o fhiraho, Wo vha u na Urimu Thumimu.”90 Zwino thetshelesani, i ri ni ndi ambe izwi. A hu na zwiṅwe, a vha khou…izwi, ha khou theipha uyu muṱangano, tshi itisaho uri nṋe ndi vhudzise…u amba izwi. I ri ni ndi ri, ni songo tshi ita itshi. A si tshithu tshavhuḓi.91 Fhedzi nda ri, “Murena, zwo vha zwi tshi anzela u ralo, musi mulori o lora muloro, lwe vha u isa ngei kha Urimu Thumimu, huno wa ambiwa. Huno arali—arali Urimu na Thumimu dzo taidzela zwiedza murahu, Tshedza tsha nṱha ha mupo, muloro wo vha u ngoho.” Nda ri, “Fhedzi uvho vhutshifhe na iyo Urimu na Thumimu zwo fheliswa. Bivhili yaṋu ndi Urimu na Thumimu zwino; Murena, ngavhe na kathihi izwi ndi sa zwi iti hafhu. Fhedzi ndo U humbela

18 IPFI ḼO AMBIWAHO

nahone nda U rabela, uri u nṋee bono, amba na nṋe nga ha uri ndi ngani ndi tshi lora iyi miloro. Nahone ndo itani? Arali ndo vhaisa, arali ndo ita tshiṅwe tshithu kha muṅwe muthu-vho shangoni, i ri ndi ḓivhe. Ndi ḓo—ndi ḓo—ndi ḓo ya nda tshi lugisa. Arali ndi tshi koloda Public Service Company, arali ndo ita tshiṅwe tshithu tsho khakheaho khavho kana muṅwe muthu-vho, arali ndo ita tshiṅwe tshithu tsho khakheaho kha Iwe, i ri ndi ḓivhe. Ndi—ndi ṱoḓa u tshi lugisa.”92 Kha ri tshi lugise, zwino. Ni songo lindela u swika nga murahu ha tshifhinganyana, hu nga ḓi vha ho no lengeswa. Kha ri zwi ite zwino.93 Huno nda ri, “Ngoho, hu na tshiṅwe tshithu kha iḽi Ipfi ḽa Mudzimu, u bva kha Genesi u ya kha Nzumbululo, iyo iṅwe mvumbo ngomu henefho ye Wa shumana nayo, i no ḓo vha kha theo yeneyo nthihi i no ḓo vha mbudziso yanga. Arali muṅwe muthu o ita tshiṅwe tshithu, huno—huno Wo mu sala murahu malugana natsho, zwenezwo i ri ndi ye afho fhethu Bivhilini. Huno arali muṅwe muthu, zwiṅwe na zwiṅwe zwe vha ita, zwi ḓo tshingamela thungo yanga. He nda ita tsho khakheaho, kana tshiṅwe tshithu tshine Wa ṱoḓa ndi tshi tshi ita, kana tshee nda sa tshi ite, i ri ndi vhone iṅwe mvumbo Bivhilini ya u ralo.”94 Huno nda vala maṱo anga, nda litsha Bivhili i tshi vulea, nda vhea munwe wanga kha Luṅwalo, Genesi 24:7. Eliesere, mulanda a fulufhedzeaho wa Abrahamu, mulanda wa modele wa Bivhili, a tshi ruṅwa u yo zwimela Isaka muselwa. Mitetemelo ya gidima kha nṋe. Ngoho, uyo ndi wanga…itsho ndi tshone tshiṅwe tshoṱhe tsha Mulaedza wanga, u tshi kokodzela Muselwa nnḓa.95 A ri, “Ana uri u nga si dzhie muselwa kha avha, fhedzi iya kha vhathu vhanga.” A ri, “Mini-ha arali musadzi a si nga ḓo ḓa na nṋe?”96 Ha pfi, “Zwenezwo wo vhofhololwa kha uyu muano.” A ri, “Huno Mudzimu wa Ṱaḓulu u ḓo ruma Muruṅwa Wawe phanḓa hau, uri a u laedze.” A ya tswititi henefho nnḓa huno a thoma u rabela, huno a ṱangana na Rebekah o nakaho we a vha muselwa wa Isaka.97 U tou vha Mulaedza wo fhelelaho, murahu kha Ipfi, “Iya u wane uyo Muselwa!” Uyo ndi mushumo. Uyo ndi we nda ḓela wone fhano. Uyo ndi wone une nda khou lingedza u u ita, ndi u vhidzela Muselwa nnḓa.98 Elelwani ngei California hangei, uyo muvhudzisano wa Muselwa, u sumbedziwa u rangani, he nda vha naho fhano. Nḓila ye uyo Muselwa a ḓa u thoma, huno nda Mu vhona a tshi fhira. Zwenezwo hafha hu ḓa Mufumakadzana Amerika, Mufumakadzana Asia, na vhoṱhe, oo, tshithu tshi vhonalaho tshi tshi shushesa! Huno zwenezwo onoyo Muselwa muthihi a fhira hafhu. Muṅwe wavho a bva kha ḽiga, huno ndo vha ndi tshi khou

U SHONA 19

Mu vhuyedzedza murahu kha ḽiga; vhavhili vhavho, vho vha vhe vhone. Huno izwo ndi zwe nda vha ndi tshi khou tea u zwi ita, u ita uri uyo Muselwa a vhe kha ḽiga, u zwima uyo munna.99 Nda ri, “Mudzimu, ndi khou humela murahu hayani, ndi vusuludza miano yanga hafhu, huno nda thoma nga huswa.” Ngauralo izwo ndi zwine ra khou puḽana u zwi ita, izwo ndi zwe nda ḓela zwone fhano.100 Ndi elekanya uri tshi ḓo vha tshithu tshavhuḓi arali ro ita izwi, ro thoma nga ḽa fumimalo, vhege i tevhelaho, nga matsheloni a Swondaha i tevhelaho, vhusiku ha Swondaha i tevhelaho; Swondaha i tevhelaho, na Swondaha i tevhelaho. Naa ndi vhangana vha no elekanya uri itsho tshi ḓo vha tshithu tshavhuḓi? [Tshivhidzo tshi ri, “Amene.”—Mudz.] Ndi a ni livhuwa.101 Zwino ndi ṱoḓa inwi ni tshi nnyitela tshiṅwe tshithu. Arali no ḓivhadza vhaṅwe vhathu-vho uri hu—hu khou yo vha na muṱangano nga ḽa fumbilimalo, naa ni ḓo vha ḓivhadza hafhu, uri ro kundelwa u zwi ita. Vha vhudzeni, vha ṅwaleleni luṅwalo, kana tshiṅwe tshithu-vho. A ri ṱoḓi vhathu vha tshi ḓa huno vha shonisiwa, fhedzi ro kundelwa u wana oditoriamu.102 Ni a vhona, ro kundelwa u i wana. Huno ngauralo muṱangano wo fhiraho ndi elekanya uri ro vha na vhanzhi nga maanḓa ngei nṱha, na tshiṅwe na tshiṅwe, vho tou…Ni a zwi ḓivha uri vhathu vha hani, huno vha…Zwo ralo, ri khou tou tshila maḓuvhani a u fhedzisela, ndi zwenezwo fhedzi. Huno vha amba uri vhathu vha a dzhena ngomu huno vha thithisa tshikolo, huno vho vha henengei nga u ṱavhanya nga maanḓesa, huno vho ita itshi, kana itsho, kana tshiṅwe tshithu-vho, huno fhethu ho vha ho tsitsikanesa, huno muofisiri wa mulilo u ita itshi na itsho. Huno, zwo ralo, inwi ni a ḓivha.103 Ngauralo ri ḓo vhekanya ayo Mabulayo na idzo Phalaphala, ndi ṱoḓa u zwi dzhenisa ngomu. Ndo ni vhudza uri ndi ḓo ralo. Dzi ḓa fhasi ha tshiṅwe tshithu. Ngauralo Mabulayo a a ḓa nga nṱha ha, u lila ha dziphalaphala; fhedzi ri ṱoḓa u dzhia buḓo ḽoṱhe henefho tswititi, huno ra ḽi ḓisa, ra ḽi vhofhekanya fhethu huthihi.104 Naa ndi vhangana vho no vhalaho luṅwe lwa Mukomana Vayle, kha u ṅwalulula holwo, na u lu lugisa na u lu ṋea girama a tshi itela nṋe? Naa no no vhala luṅwe lwalwo? No ralo, vhavhili kana vhararu vhaṋu. Ndi elekanya uri no ita mushumo wa vhukuma, Mukomana Vayle, mushumo wa vhukuma! Inwi, ndi elekanya uri Khaladzi Vayle o zwi ita; huno inwi no tou ṅwala fhasi. Ene—ene o vha e…Ni a vhona, nṋe a thi lwi na vhasadzi tshifhinga tshoṱhe, ndo ralo, Khaladzi Vayle?105 Ngauralo zwino kha ri ri, kha miniti i tevhelaho ya fumiṱhanu, ya fumbili, ri vhale Luṅwalo hafha.

20 IPFI ḼO AMBIWAHO

106 Huno ndo wana bugu ṱhukhu hafha. Ndo amba, ndi a tenda, na Mukomana Vayle, kana, uyo we a vha e ene, kana ndi a tenda uri ho vha hu Roy Borders. Mukomana Vayle o nthengela bugu. Ndi ṱoḓa u ita bugupfarwa ṱhukhu.107 Fhedzi arali nnyi na nnyi o vhuya a sedza zwine nda zwi vhidza dzinotsi! Vhunga ndi tshi ṱoḓa u rera nga ha Ṋaledzi ya Mutsho, ndi ḓo ola ṋaledzi. Huno arali ndi tshi ṱoḓa u rera tshiṅwe tshithu nga ha…Ndi zwi ita zwoṱhe nga zwiga hafha, mivetoveto, a hu na ane a nga vhuya a ḓivha zwe zwa vha zwi zwone. Musi ndo bva, huno ndi tshi elekanya nga ha tshiṅwe tshithu, nda tea u, namela nḓilani, tshiṅwe tshifhinga moḓoro u tshina nṱha na fhasi, huno ndi ḓo ṅwala itshi fhasi, huno nda amba itshi na itsho, huno nda ita zwiga zwiṱuku, na tshifhambano na dziboroho, na—na tshaka dzoṱhe dza zwithu. Vhunga ndi tshi ṱoḓa u rera nga ha u tsa ha Ṋaledzi; huno ndi ḓo vhea phiramidi, nda i ola ngeno nnḓa huno nda vhea ṋaledzi ya ṱhodzi ṱhanu ya Dafita i tshi tsela fhasi khayo. Huno ndi a ḓivha hune nda khou ya Maṅwaloni nga u ralo; huno Mushe, tshiṅwe tshithu tshe a ita. U sokou ita vhuṱala vhuṱuku ha galakuni, nga u tou ralo.108 Ndi na ho vhalaho hao ngomu hafha. Huno ndo elekanya, matsheloni ano, murahu hangei musi ndi tshi elekanya uri ndi ḓo amba nga ha iyi ṱhoho lwa miniti i si gathi hafha, nga ha notsi, khamusi zwi ḓo nnzhia miniti ya fumbili.109 Huno zwenezwo a thi khou yo dzhia tshumelo ya Murathu Neville madekwana a ṋamusi. Ndi—ndi—nṋe ndi khou yo awela madekwana a ṋamusi, nda mu thetshelesa.110 Huno zwenezwo, Murena a tshi funa, nga matsheloni a Swondaha i tevhelaho ri ḓo thoma tshumelo. Huno vhoinwi noṱhe nthuseni, huno ri ḓo rabela, ngauri zwo vha zwi mbiluni yanga u lingedza…Vho ri, “Zwo luga, ri nga kona u ya Louisville kana ri nga kona u tsela fhasi ngei New Albany.” Fhedzi muṱangano wo vha u tshi tea u vha wa Jeffersonville. Ndi ḓo ya Louisville na New Albany, nga zwifhinga zwo fhambanaho, fhedzi uyu u tea u vha fhano Jeffersonville.111 Zwino kha ri kotamise zwifhaṱuwo zwashu lwa muniti musi ro vha ri tshi…Ndo vha ndi tshi khou amba na vhoinwi hafha lwa miniti i ṱoḓaho u swika furaru. Kha ri ambe Nae lwa tshikhathinyana.112 Murena Yesu, riṋe—riṋe zwa vhukuma ri vhathu vho fhaṱutshedzwaho, nga nṱha ha kuelekanyele kwashu, nga nṱha ha pfeseso yashu. Ngauri, arali ho vha hu na muhulisei vhukati hashu, vhunga tshiṅwe tshiṱafu tsha u bva kha ḽiṅwe shango, kana mudiplomati wa luṅwe lushaka, ro vha ri tshi ḓo elekanya uri zwo vha zwi zwihulwane u vha na muhulisei o raloho vhukati hashu. Fhedzi ṋamusi ri na Mudzimu wa Ṱaḓulu, hu si vhukati hashu fhedzi, fhedzi kha riṋe, a tshi

U SHONA 21

dzula, a tshi tshila Vhutshilo Hawe nga kha riṋe. Huno ri a livhuwa nga maanḓa izwi, Murena! Zwi fhira pfeseso yashu, a hu na zwiṅwe.113 Fhedzi zwino ndi tshi amba nga ha uri tshumelo dzifhio, na u ya ngei Afurika, na zwithu zwe ra lingedza u dzudzanyela aya maḓuvha a si gathi ngeno Indiana. Huno nga iṅwe nḓila kana iṅwe, Murena, khamusi U khou ri swogela kha iyo dennde, u ita uri iḽo bono ḽi khunyelele. Ngauralo lufuno Lwau nga lu itwe, ro zwi kumedza nga iyi nḓila, nga pfeseso yashu ya khwinesa. Ngauralo ri a rabela, Murena, arali hu na tshiṅwe tshithu-vho tsho fhambanaho na lufuno Lwau, Iwe u ḓo ri ḓivhadza tshone, uri ri kone u ḓivha u ita lufuno Lwau lwo fhelelaho.114 Zwino ri fhaṱutshedze kha iyi miniti i si gathi i tevhelaho. Amba na riṋe nga kha Ipfi Ḽau, Murena, ngauri Ipfi Ḽau ndi Ngoho. Ri a zwi humbela Dzinani ḽa Yesu. Amene. Kha ri ye Bivhilini, kha Marko, ndima ya vhu8.115 Naa kanzhi ni bva lini, nga awara ya fumimbili nṱha ha tshithoma? [Muṅwe u ri, “I tshi ṱoḓou rwa awara ya fumimbili nṱha ha tshithoma.”—Mudz.] Zwo luga. Zwino, zwino hu tou vha na Mulaedza muṱuku mupfufhi hafha une ndi nga kona u amba na vhoinwi nga ha Ipfi, nga murahu ha u ṱanziela nga ha hangei, na zwiṅwe-vho.116 Marko, ndima ya vhu8, huno kha ri thome nga ndimana ya vhu34, u ya kha ya vhu38, ri tshi dzhia ya vhu38, tshipiḓa tsho salaho tsha iyo ndima. Ndi ḓo takalela u vhala zwe A amba, ngauri ndi a zwi ḓivha uri izwo ndi ngoho. Zwino riṋe…

Huno musi o no vhidza vhathu na vhafunziwa vhawe, a ri khavho, Ane a ḓo ntevhela, kha a ḓihangwe, huno a dzhie tshifhambano tshawe, huno a ntevhele.

Ngauri ane a ḓo tshidza vhutshilo hawe u ḓo vhu lovhisa;…ane a ḓo lovhisa vhutshilo hawe a tshi itela nṋe na mafhungo-maḓifha, onoyo u ḓo vhu tshidza.

Ngauri muthu zwi ḓo mu farisani, arali a tshi fuwa shango ḽoṱhe, huno a lovhisa muya wawe?

Kana ndi tshini tshine muthu a nga ṋea tsha u rengulula muya wawe?

Ngauralo-ha ane a ḓo ntshona na maipfi anga kha uyu murafho wa vhupombwe na vhuvhi; ene Murwa-muthu u ḓo mu shona, musi a tshi ḓa e vhugalani ha Khotsi awe e na vharuṅwa vhakhethwa.

117 Ndi ṱoḓa u dzhia ḽiṅwalwa ḽiṱuku ḽi bvaho henefho, arali ḽi tshi ḓo vhidzwa ḽeḽo, ḽi vhidzwaho: U Shona. Ni a ḓivha, ndi a ḽi takalela heḽo. “Ane a Ntshona na Maipfi Anga, Ndi ḓo mu shona.”118 Zwino, ipfi u shona ḽi nga ḓi ṱalutshedzwa sa “u dziedzwa.” Ni a ḓivha, tshiṅwe tshithu tshine na…Inwi no livhana na tshiṅwe tshithu tshi no ni dziedza, ni tshi shona.

22 IPFI ḼO AMBIWAHO

119 Itsho, tshiṅwe tshithu tshine u shona ha ita, hu sumbedza uri a ni na ngoho ya zwine na khou amba nga hazwo. Arali ni tshi ḓivha zwine na khou amba nga hazwo, huno ni na vhuṱanzi ho khwaṱhaho ha uri ni a zwi ḓivha zwine na khou amba nga hazwo, inwi ni nga kona u vhudza nnyi na nnyi hezwo; a ni shoni. Fhedzi arali ni tshi pfa no vhewa nnḓa, ni siho fhethu, zwi sumbedza uri a ni na ngoho.120 Inwi ni a dzhiela nzhele uri hu na zwinzhisa zwa hezwo ṋamusi, nga maanḓa kha ṱhoho ine nṋe nda khou amba nga hayo, “u shona Ipfi.” Zwino, Ene na Ipfi ndi zwithihi.

U rangani Ipfi o vha e hone, huno Ipfi o vha e na Mudzimu, huno Ipfi o vha e Mudzimu.

Huno Ipfi a itwa ṋama, huno a dzula vhukati hashu,…A sa shanduki mulovha, ṋamusi, na lini na lini!

121 Ngauralo, “Ane a Ntshona na Ipfi Ḽanga,” huno Ene na Ipfi Ḽawe ndi Muthihi, ngauralo u vha a shonaho Ipfi Ḽawe kha uyu murafho wa vhuvhi, wa zwino, “Ndi ḓo mu shona.”122 Zwino ri dzhiela nzhele ṋamusi, arali muṅwe muthu a tshi ri, “Naa—naa ni Mukriste?” Ndi tshithu tshi takalelwaho nga maanḓa, u ri, “Oo, nṋe ndi Mukriste!” Ni a vhona?123 “Fhedzi ni a tenda Ipfi ḽa Mudzimu, he Ḽa ri, ‘Izwi zwiga zwi ḓo tevhela avho vha no tenda’?”124 “Oo!” Na zwifhaṱuwo zwa vhashumeli zwi ḓo tswukuluwa. Ni a vhona?125 Naa ni a shona, kha ri ri, phodzo ya Muya? Naa ni a shona Mafhungo-maḓifha o ḓalaho? Naa ni a shona tshenzhemo yaṋu ya pentekoste? Izwo ndi u vha a shonaho Ipfi Ḽawe. Iḽo ndi Ipfi Ḽawe ḽo itwaho ṋama kha inwi.126 Ngauralo, Ipfi Ḽawe ḽi tea u Ḓitshilela nnḓa u itela murafho muṅwe na muṅwe. Ḽo Ḓitshila maḓuvhani a Mushe. Ngauri, nga iḽo ḓuvha, Bivhili yo amba, kha Vhaheberu, ndima ya 1, “Mudzimu, zwifhingani zwinzhi na nga mikhwa yo fhambanaho o amba na vhokhotsi nga vhaporofita.”127 Huno avho vhaporofita! Tshivhidzo tsho sokou ṱanganana tshoṱhe lwe musi…Avho vhaporofita, avho vhaḓinḓa vha sa ofhi vha Mudzimu, vha ḓa vha si na tshivhidzo, vha si na dinomineisheni, vha si na dzangano, vha si na tshiṅwe tshithu; vho nyadza dzikhosi, mivhuso, zwivhidzo, na tshiṅwe na tshiṅwe. Musi vhotshifhe vha tshi ḓiswa phanḓa…Vho ḓiswa phanḓa ha vhotshifhe, vho vha vha sa shoni, ngauri vho vha vhe na U RALO MURENA thwii.128 Arali ni tshi dzhiela nzhele, muporofita, nga huṅwe u ṱalukanya ha ipfi, kha Testamente Ndala, musi o ri U RALO MURENA, zwino mu sedzeseni, u ya henefho ngomu ha ḽiambele ḽa u dzhia fhethu ha Mudzimu. Ni a dzhiela nzhele, musi o ḽi vhea nnḓa phanḓa hawe, U RALO MURENA, o wela

U SHONA 23

henefho ngomu ha Mudzimu, huno a ita vhunga Mudzimu. Zwenezwo a ṋea Mulaedza wawe, we wa vha u Mudzimu a ambaho nga khae, “U RALO MURENA!”129 Ndi elekanya nga ha vhaporofita vha kale, musi vha tshi ḓa na uyo Mulaedza, huno Wa dziedza dzikhosi, nahone Wa ita vhathu uri vha si pfe vho ḓigeḓa. Vhotshifhe, na vhone, vho pfa vha sa ḓigeḓi, ngauri vho vha vho tea u vha vharangaphanḓa, vhanna vha vhurereli, huno musi vha…Ipfi ḽa bvelela nga uyo mukhwa, Ḽa vha ṱana, huno vha pfa vho dziedzwa, kana vho shona.130 Huno zwifhinga zwinzhi ri a zwi vhona hezwo, hu si zwinzhi, kanzhisa ṋamusi! Uyo munna, inwi ni ri, “Nṋe ndi Mukriste!” “Naa no ṱanganedza Muya Mukhethwa tshee na tenda?” “Oo! Huh!” Inwi ni a vhona, vha a—vha a dziedzwa nga Haḽo.131 Muṅwe muthu u ri, “Naa ni wa itsho tshigwada afho nṱha tshine tsha ita izwo zwoṱhe henefho tshi tshi khou ṱavha mukosi, na izwo zwithu zwoṱhe zwa phodzo ya Muya?” Zwifhinga zwinzhi, Vhakriste vha a humela murahu.132 Vha ṱoḓa u ḓivhadza, arali—arali vha na dinomineisheni, zwino, “Nṋe ndi Mubaphuthisi. Nṋe ndi Mupuresbiterieni. Nṋe ndi Muḽuṱere.” A vha zwi shoneli hezwo.133 Fhedzi musi zwi tshi ḓa kha u vha Mukriste ane a kona u dzhia Ipfi ḽa Mudzimu nga nḓila ine Ḽa vha ngayo, zwenezwo vha a—vha a—vha a shona. “A thi wa iṅwe dinomineisheni-vho,” ni a vhona, vhone, vha a—vha a shona u amba hezwo. Vha tea u vha vha fanaho na vhaṅwe vhoṱhe vha shango, vho imelwaho nga ḽiṅwe dzangano.134 Zwino, izwo zwi kha ḓi bva u dzhena ngomu ha hezwo zwa zwino. Maḓuvhani a Luther, u ḓilimuwa sa Muḽuṱere kana mutevheli wa Luther, zwo ralo, zwo ṱoḓou amba lufu nga tshivhidzo tsha Kaṱoḽika. Maḓuvhani a Wesley, u ḓivha uri no nyadza tshivhidzo tsha Angiḽikheni, ho vha hu tshi ṱoḓou vha tshigwevho tsha lufu nga Vhaangiḽikheni, u ḓivhadza uri ni Mumeṱhodisi. Maḓuvhani a Pentekoste, ho vha hu ṱhoni, kaṱukuṱuku, u amba uri inwi ni—uri inwi ni mupentekostaḽa, ngauri nga u ṱavhanya no dzhiiwa sa muvhumbuluwi-mukhethwa, kana—kana tshiṅwe tshiambi tsha ndimi, kana tshiṅwe tshithu tsha u ralo. Zwino vho dzudzanya huno vha dzhena henefho ngomu na vhaṅwe vhoṱhe vha tshigwada.135 Zwino musi tshifhinga tsha u vhidzela nnḓa tshi tshi ḓa, tsha uri a ni tshiṅwe tshazwo! Zwi a takalelwa nga maanḓa u ri, “Nṋe ndi Pentekoste.” Zwi a takalelwa nga maanḓa u ri, “Nṋe ndi Mupuresbiterieni. Muḽuṱere.” Fhedzi mini-ha musi zwi tshi ḓa kha tshifhinga tshine na tea u bva huno na imela Ipfi, “A thi wa tshiṅwe tshazwo”? Izwo, izwo zwo holedza.

24 IPFI ḼO AMBIWAHO

136 Yesu o ri, “Zwino, arali ni tshi Ntshona, zwenezwo Ndi ḓo ni shona.” Ndi ngani A tshi ḓo ni shona? Ngauri ni khou amba uri ni Wawe, ngeno ni si nga Mu tevheli.137 Mini-ha arali ndo ri, “Uyu mutukana muṱuku, ndi—ndi murwa wanga”; a rembuluwa huno a ri, “Nnyi, nṋe nda vha murwa wavho? Vha elekanya uri nṋe ndi mini!” Zwi ḓo nkholedza. Zwi ḓo ralo, kha murwa waṋu.138 Huno iyo ndi yone nḓila ine Vhukriste ha sokou vhidzwa nga u ralo ṋamusi. Arali ni tshi vhu rina dzina ḽa dinomineisheni, zwo luga, vha ṱanganedza vhukhotsi ha dinomineisheni. Fhedzi musi zwi tshi ḓa kha u ṱanganedza vhukhotsi ha Ipfi ḽa Mudzimu, Kristo, hai, vha a holedzwa. A vha ṱoḓi u ri, “Ee, ndo amba nga dzindimi. Ee, ndo vhona mabono. Ee, ndi tenda kha phodzo ya Muya. Ee, ndi renda Murena. Nṋe ndo vhofhololwa kha madzangano oṱhe, nṋe a thi khou gwadamela ḽiṅwe ḽao-vho. Nṋe ndi mulanda wa Kristo.” Yawee, nṋenṋe, izwo zwi ḓo tou vha kherukanya vha bva zwipiḓa.139 Vhuṅwe vhusiku, tshiambi tshihulwane tsha dzhena ngomu vhukati ha Vhanna Vha Bindu Vha Mafhungo-maḓifha O Ḓalaho ngei Chicago.140 Ndi nga ḓi ima hafha lwa muniti fhedzi, u amba izwi. Ni mpfarele. Fhedzi zwifhinga zwinzhi ni a elekanya, huno na nṋe ndi a ralo-vho, uri zwine ra khou amba nga hazwo, Ngoho ya Bivhili, a zwi yi hangei vhukati ha vhathu. Fhedzi, Ḽi a ralo. Tshiṅwe tshifhinga vha a hanedzana Naḽo, fhedzi vhone zwa vhukuma a vha khou amba hezwo lini. Vha khou lingedza u vhona he na ima hone.141 Vhunga nganea ye ya vha i malugana na tshivhalonyana tsha zwidakwa, zwi tshi khou ṱaṱa khani ya uri a hu na tshithu tsho raloho tshi no nga Vhukriste. Muṅwe munna a ri, “Ndi a ḓivha hune ha vha na vhuṅwe, uvho ndi mufumakadzi wanga.” Ha pfi, “Zwo ralo, a—a thi zwi tendi.” Ha pfi, “Iḓani-ha, ri ḓo…roṱhe kha ri ite u nga ro kambiwa zwa vhukuma.”142 Vha ya nṱha ngei nḓuni, huno vha ita tshiṅwe na tshiṅwe tshe vha kona. Huno—huno a vha vhudza uri vha bikelwe makumba, huno zwenezwo a a posela nnḓa fhasi, huno a ri, “Inwi ni ḓivha zwa khwine u fhira u bika makumba anga nga u ralo!” A tshi khou bvela phanḓa nḓuni. Huno vha ya nga hangei kha luṅwe lufhera, a wela fhasi e tshidzuloni. Vha pfa muṅwe muthu ngei nnḓa a tshi khou a swiela, a sa ambi na ipfi, a tshi ri, a tshi khou ḓiimbela luimbo luṱuku.

Naa Yesu u fanela u hwala tshifhambano e eṱhe,

Huno shango ḽoṱhe ḽa litshwa ḽo vhofholowa?Hu na tshifhambano tsha muṅwe na muṅwe,Huno hu na tshifhambano tshanga.

U SHONA 25

Huno tshifhambano itshi tsho kumedzwaho ndi ḓo tshi hwala,

U swika lufu lu tshi ḓo mbofholola,Huno zwenezwo nda ya hayani u ambara

khare.143 Itsho tshiṅwe tshidakwa tsha kale tsha ri, “Naa ndo ni vhudzani?” Ha pfi, “Ndi Mukriste!” Ni a vhona, vho vha vha tshi khou tou mu linga fhedzi. Huno tshiṅwe tshifhinga shango, ndo wanulusa, ḽi a ni linga.144 Ngauralo na kathihi a thi athu elekanya uri izwi zwi ḓo bvelela, fhedzi vhusiku ha Mugivhela wo fhiraho, ndi tenda uri wo vha u wone, kana vhusiku ha Swondaha, tshiambi tshihulwane…A thi anzeli u vhidza madzina a vhathu. Fhedzi u khou lingedza, a tshi khou shuma lwo fhambanaho kokotolo. Nṋe ndi khou lingedza u ita uri izwo zwivhidzo zwi vhe nga nnḓa ha iyo nyito ya u vhuedzanya, huno uyu munna u khou lingedza u zwi dzhenisa ngomu henefho. Ngauralo, o vha a tshi khou ambela Vhanna Vha Bindu Vha Vhakriste. Zwe, nda vha ndo tea u vha ndo vha na muṱangano ngei Chicago, huno nda elekanya uri ndi ḓo vha kha ḽa Afurika nga itsho tshifhinga, ngauralo nda kundelwa u u dzhia. Uyu munna o amba, a takuwa henefho huno a ri, “Nyito khulwanesa, tshithu tshihulwanesa kha ḽifhasi zwino, tshe tsha vhuya tsha vha hone; zwivhidzo zwoṱhe zwi khou vhuyelela murahu kha tshivhidzo tsha Kaṱoḽika, kha nyito ya u vhuedzanya, huno Vhakaṱoḽika vha ḓo ṱanganedza Muya Mukhethwa.” Ndi tshikwekwe-ḓe tsha diabolo nandi!145 Huno uyu murangaphanḓa, Mukomana Shakarian, muphuresidennde wa Vhanna Vha Bindu Vha Dzitshaka, a ima huno a amba, nga murahu ha musi munna o no dzula, a ri, “Iyo a si nḓila ye ra zwi pfa.” Ha pfi, “Mukomana Branham o ri vhudza, uri, ‘Iyi nyito ya u vhuedzanya i ḓo vha sudzulusela vhoṱhe kha luswayo lwa ḽivhanda.’” Huno munna o dzulaho kha pulatifomo. Ha pfi, “‘I ḓo zwi sudzulusela kha luswayo lwa ḽivhanda.’” Huno ha pfi, “Ri tshingamela kha u tenda uri zwine a amba ndi Ngoho.” [Muṅwe kha tshivhidzo u ri, “Amene! Na riṋe ri ralo!”—Mudz.] Huno a ri, “Naa ndi vhangana vha vhoinwi vha no ḓo takalela u pfa Mukomana Branham a tshi ḓa huno a ni ṋea sia ḽa ngoho ḽazwo? Imani.” Huno ho vha hu na vhathu vha zwigidi zwiṱanu na zwithu. Vho zhamba nahone vha lila, u tou ḓa lwa ḓuvha ḽithihi, ḓuvha ḽithihi.146 Mukomana Carl Williams a mmbidza, a ri, “Mukomana Branham, mutukana, ndo bvela nnḓa nga kha iḽo gogo,” a ri, “vho vha vhe na thulwi dza zwikolodo zwa doḽara dza ḓana zwi re zwanḓani zwanga, u wana thikhithi yaṋu ya fulaimatshini ngeno nṱha, na u huma.” Ni a vhona, u itela fhedzi ḓuvha ḽithihi!147 Ni a vhona, avho vhathu, iḽo Ipfi ḽi khou nwelela ngomu hune tshiṅwe tshifhinga ra sa zwi ḓivhe. Ni a vhona? Fhedzi, ni a vhona, musi inwi zwa vhukuma ni…A hu londwi uri shango

26 IPFI ḼO AMBIWAHO

ḽi hanedzana Naḽo hani, uri dinomineisheni dzi hanedzana Naḽo zwingafhani, Mudzimu u khou sumbedza uri Ḽone ndi Ngoho. Musi awara khulwane mafhedziseloni i tshi rwa, zwithu zwi ḓo bvelela khamusi zwe ra sa elekanye nga hazwo.148 Ee, zwi sumbedza uri inwi a ni na ngoho, arali ni tshi dziedzwa, ngauralo inwi ni nga si ambe nga ha iyo ṱhoho. Arali ni tshi khou yo shona nga nṱhani hazwo, ni nga si ṱoḓe u amba nga hazwo; ni ḓo hana nazwo.149 Fhedzi munna o ḓalaho Muya Mukhethwa a nga kona hani, munna o ḓalaho Maanḓa a Mudzimu a nga kona hani, huno lufuno lwa Mudzimu lu mbiluni yawe, u amba na munna lwa miniti i si gathi huno a si bule tshiṅwe tshithu nga ha ulwo lufuno lu re mbiluni yawe? Ni a vhona, hu na tshiṅwe tshithu tshine tsha—tsha bvelela; ni nga si zwi ite.150 Iḽi ndi, ḽi fanela u vha iḽo ḓuvha ḽivhi ḽe Yesu a vha a tshi khou amba nga haḽo. Vhathu vha shona Ipfi na Muya wa Mudzimu u no shuma ngomu havho. Fhedzi musi Ngoho i tshi bviselwa khagala kha vhathu, Mudzimu zwenezwo, Ene muṋe, a tshi khou Ḓidzumbulula nga kha Ipfi.151 Zwino, munna muṅwe na muṅwe-vho a nga ita lushaka luṅwe na luṅwe lwa mbilo. Huno ro vha nadzo maḓuvhani aya, he ha vha na mbilo nnzhi nga maanḓa dzo vhilwaho, zwe zwa vha zwi tshi shavhisa. Fhedzi, inwi ni a vhona, arali hu na Ngoho, i fanela u vha nga Ipfi. Ngauri, vha ri vho vha na tshaka dzoṱhe dza zwithu, dza mapfura a tshi elela nga kha vhathu, na malofha a tshi bva zwanḓani zwavho, huno vhasadzi miṱanani yavho kha aya malofha, huno a tshi gidimela fhasi zwiendani zwavho, huno vha imisela nṱha zwienda zwavho huno vha shululela mapfura nnḓa, huno zwiḓula zwi tshi fhufhela nnḓa huno zwi tshi thamutshela fhasi kha pulatifomo, na tshaka dzoṱhe dza zwithu nga u ralo. A hu na zwithu zwo raloho zwi no nga hezwo Bivhilini. A hu na pfulufhedziso ya tshiṅwe tshithu tsha u ralo, Bivhilini. Fhedzi, Ḽo ri, “Maḓuvhani a u fhedzisela, muya u ḓo vha tsini nga maanḓa lune wa ḓo fhura Vhanangiwa arali zwi tshi konadzea.” Fhedzi a hu na Luṅwalo lwa hezwo.152 Fhedzi musi zwi tshi ḓa kha Ipfi ḽa Mudzimu ḽa vhukumakuma, ḽi songo vangwaho, ḽo khwaṱhiswaho nga Mudzimu, Ḽi vhonala ḽi tshi dziedza tshiṅwe tshigwada, kha sia ḽa tshanduko khulwanesa. Ni a vhona, hu na u dziedzwa nga Haḽo.153 Fhedzi Ndi tshithu tsha vhukuma kha munna kana musadzi, mutukana kana musidzana, ane zwa vhukuma a vha Mukriste wa vhukumakuma. Musi Mudzimu a tshi ita pfulufhedziso ya ndovhedzo ya Muya Mukhethwa, huno inwi na I ṱanganedza, hu na Tshiṅwe tshithu tshi no dzula ngomu haṋu, lune a hu na tshithu tshi no dzhia fhethu Hatsho. Musi munna a tshi vhuya a ṱangana na Mudzimu; hu si kha muṅwe

U SHONA 27

muito wa munyanyuwo, maṅwe mafulufulu, kana iṅwe pfunzo ya vhurereli, iṅwe katekisima kana ndaela, kana dogima ye a i ṱanganedza u itela u—u ḓigeḓa ha ene muṋe, fhedzi musi ene zwa vhukuma a tshi ḓa fhethu vhunga Mushe o ralo, thungo ya murahu ya phanga, a tshimbila o livhanya zwifhaṱuwo na Mudzimu Ramaanḓaoṱhe, huno na vhona Ipfi ḽi tshi khou amba na inwi, kokotolo na Ipfi na pfulufhedziso ya awara, hu na tshiṅwe tshithu tshine Ḽa ita kha inwi! Ni a vhona, inwi a ni Ḽi shoni, Ḽi ita tshiṅwe tshithu kha inwi. Zwino, kha ri sedze zwino, kha miniti ya fumiṱhanu i tevhelaho fhedzi.154 Hu na vhaṅwe vhathu vha no ṱanganedza tshenzhemo yo raloho. Huno musi ndi tshi khou amba na inwi ṋamusi, hu si vhunga tshivhidzo kana dinomineisheni, ndi amba na inwi vhunga muthu; hu si ngauri ni ḓa ngeno kha iyi thaberenakeḽe, ngauri ndi a ni funa huno ni a mpfuna, hu si nga nṱhani ha hezwo. I ri ni ndi ambe na inwi sa muthu a faho, uri ḽiṅwe ḓuvha ni ḓo tea u ḓa magumoni a uvhu vhutshilo. Huno ndi nga ḓi si vhe hone henefho, huno muṅwe mureri a nga ḓi si vhe hone henefho. Fhedzi hu na Muthihi fhedzi Ane a nga kona u ṱangana na inwi henefho, huno uyo ndi Mudzimu. Huno inwi—inwi ni Mu thetshelese, nahone hu si arali kana “mufumakadzi wanga e Mukriste wavhuḓi” kana—kana “munna wanga e Mukriste wavhuḓi,” fhedzi, “Naa nṋe ndo lugisa na Mudzimu? Naa ndo ṱangana na Mudzimu nga u ralo?” Hu si ngauri “mufunzi wanga o ṱangana na Mudzimu,” kana ngauri “mudikoni wanga o ṱangana na Mudzimu,” fhedzi, “Naa ndo ṱangana Nae?” Hu si ngauri “ndo ṱavha mukosi,” hu si ngauri “ndo amba nga dzindimi,” fhedzi ngauri, “ndo ṱangana Nae sa Muthu!” Zwenezwo na kathihi Iḽo ni nga si ḽi shone, hu na Tshiṅwe tshithu tsho fhelelaho nga maanḓa nahone tsho ṱambaho, nahone tsha ngoho.155 Huno elelwani, inwi ni nga ḓi ṱangana na muya u no ḓo ita vhunga Mudzimu. Ni nga ḓi ṱangana na muya, une wa ḓo ita itshi, itsho, kana tshiṅwe; u tevheleni zwiṱukunyana huno ni vhone uri u vhambelana hani na Ipfi ḽa Mudzimu. Ni nga ḓi ṱangana na muya une wa ḓo ni vhudza uri inwi no tshidzwa, huno wa ni ṋea vhuḓipfi ha vhugala, huno na ṱavha mukosi nahone na zhamba; zwenezwo musi zwi tshi ḓa kha u hana Ipfi, naa Muya Mukhethwa u nga kona hani, uyo we wa ṅwala Ipfi, u hana Ipfi Ḽa Wone uṋe? Uyo Muya u fanela u tikedza pfulufhedziso iṅwe na iṅwe ya Mudzimu nga “amene”! Arali u si wone, zwenezwo na kathihi a no ngo ṱangana na Mudzimu, no ṱangana na muya u fhuraho. Huno shango ḽo ḓala yone ṋamusi!156 Fhedzi musi ni tshi vhona Mudzimu a tshi tsa huno a ita tshitatamennde, tsha uri U khou yo ita tshiṅwe tshithu, zwenezwo a vhuya murahu huno a ita hetsho, tshifhinga nga murahu ha tshifhinga nga murahu ha tshifhinga, zwenezwo ni na Muya wa Mudzimu wa vhukumakuma.

28 IPFI ḼO AMBIWAHO

157 Naa Muya u nga kona hani u vha kha munna, Muya Mukhethwa we wa ṅwala Bivhili, zwenezwo wa rembuluwa huno wa hana, “Izwo a si zwone, Izwo zwo vha zwi zwa ḽiṅwe ḓuvha”? 158 O ri, “Pfulufhedziso ndi yaṋu, na kha vhana vhaṋu, kha avho vha re kule, na vhanzhi vhane Murena Mudzimu washu a ḓo vha vhidza.” Iyo yo vha i Mishumo 2:38. Naa muya u nga kona hani-ha u ṱanganedza tshiṅwe tshithu tsho fhambanaho na Heḽo, huno wa vha wa Mudzimu, ngeno Vhaheberu 13:8 yo ri, “Yesu Kristo ha shanduki mulovha, ṋamusi, na lini na lini”?159 Mini-ha arali muṅwe muthu o ri, “Oo, ndi tenda uri O vha e mufilosofi. O vha e munna wavhuḓi. O vha e muporofita. Fhedzi u ya nga maanḓa Awe…”160 Ndo vha ndi tshi khou amba vhuṅwe vhusiku na George Smith, mutukana a no tshimbila na ṅwananyana wanga, Rebekah; ṅwana wavhuḓi, o imbaho hafha thaberenakeḽeni. Mutukana wa Baphuthisi we a dzhia fhedzi, a ri, “Thuthani dzina ḽanga kha itsho tshithu! A thi ṱoḓi u vha na mushumo natsho.” Huno ho vha hu na mufumakadzi muswa…Vho vha vhe na khonferensi, itshi tshiṅwe tshivhidzo tsha Baphuthisi, nṱha mivhunduni.161 Huno—huno vha hanedzana na nṋe vho khwaṱha nga maanḓa, vhone vhoṱhe ngei nnḓa, nahone hu si nga ha…A vha na tshithu tshine vha hanedzana na nṋe ngatsho; ndi u hanedzana na iḽi Ipfi. Nṋe, sa muthu, vha nga si kone u amba tshithu tshi hanedzanaho na nṋe, na kathihi a tho ngo vha vhaisa-vho. Fhedzi Iḽo ndi ḽone ḽine vha ḽi ofha. Ni a vhona? Zwino riṋe ro vha…162 Vho vha vhe na uyu muṱangano ngei nṱha, kha ndi ralo, huno vho vha vhe na, vha tshi khou yo vha na mufunziruṅwa wa u dzhia masiku mararu a u fhedzisela a iyi khonferensi khulwane, nṱha mivhunduni he ha vha hu tshi rotholela. Zwo sokou itea, uyu mufunziruṅwa a takuwa huno a ḓa kha Marko 16, huno a ri, “Hu na vhathu vhanzhi ṋamusi vhane vha sa kone u tenda kha phodzo ya Muya.” Ha pfi, “Ndo vha ndi kha ḽa India. Nṋe ndi Muindia. Huno ndo vha ndi kha ḽa India musi munna fhano kha ḽa United States, ane dzina a pfi Mukomana Branham, a tshi ḓa.” Mufunzi a thoma u sudzuluwa. Ha pfi, “Mufumakadzi wanga o vha a tshi khou fa nga pfuko. Ndo vha ndo pofula,” kana tshiṅwe tshithu tsha u ralo. “O rabelela muṅwe washu, huno uyo muṅwe o mu vhidzela nnḓa kha vhathetshelesi, a sa vhuyi a ḓivha luambo lwashu, huno a amba Maanḓa a Mudzimu.” Huno a ri, “Ri hafha, ro fhola!” Zwo ralo, vho lingedza u mu vala mulomo. Vho kundelwa u zwi ita. Izwo ndi zwone, ni a vhona, henefho khonferensini yavho.163 Zwenezwo vho vhuya vha hana tshiṅwe tshithu. Huno vhaṅwe vha vhathu, na vhanga…khaladzi a uyu mutukana,

U SHONA 29

vhone vhe fhasi, a vho ngo vha na tshithu tshe vha vha vha tshi nga tshi amba. Vho ṱoḓa u ḓivha arali o vha a si na vhuṱumani, iṅwe nḓila ye vha vha vha tshi ḓo tsela fhasi u wanulusa. Muṅwe wa vhafumakadzi a ri, “Zwo luga, ndi a zwi tenda.”164 Rebekah na George vha ya u vhona uyu mufumakadzi. Huno ene a ya huno a wana musidzana we a vha a tshi tambudzwa nga hone—hone…a tshi nga o tshivhiwa, zwiṱuku. Ngauralo vha ita uri nṋe ndi ḓe hangei u vhona musidzana, vhuṅwe vhusiku. Huno nda ya henengei, mufumakadzi muṱuku o vha o dzula henefho, huno nda ri, “Naa ni mutendi?”165 A ri, “Hai, a thi ḓivhi uri kana ndi nṋe kana hai.” Zwo luga, o vha a songo holefhala; hu tshi tou vha muya wa diabolo. A vha zwi limuhi. Ni a vhona, zwi a ni dzhia, huno inwi a ni zwi ḓivhi. Zwi a ḓa, zwenezwo khakhathi i kunda muthu, huno a vha zwi ḓivhi.166 Vhasadzi vha no tshimbila ngeno nnḓa tshiṱaraṱani, vho ambara idzi shothi, a vha limuhi. Vha nga ḓi vha, vha nga kona u sumbedza nahone vha zwi anela, uri na kathihi a vha athu ita tshiṅwe tshithu tshivhi tshi hanedzanaho na vhanna vhavho, kana zwiṅwe-vho, nga u ralo. Fhedzi mbiluni dzavho, a vha limuhi, fhedzi muya wa diabolo u khou vha langa. Vha nawo. Ndi ngani musadzi a tshi ḓo ṱoḓa u bvula zwiambaro zwawe, phanḓa ha munna? Hu na muthu muthihi fhedzi o zwi itaho, Bivhilini, huno o vha o ṱangana ṱhoho. Vhaṅwe vha lingedza u ḓifukedza; a vha limuhi. Ho thanyiwa nga maanḓa, ndi vhukwila nga maanḓa! Inwi ni tea u sedzesa, na ḓikala nga Ipfi ḽa Mudzimu, huno na vhona he na ima hone.167 Uyu mufumakadzi muswa o ri, “Oo, vho mmbudza uri ndo lovhedzwa musi ndo vha ndi tshi kha ḓi vha ṅwana.” Ha pfi, “A thi ḓivhi uri kana ndi tende izwo zwithu kana hai.” Nda ri, “Naa a ni tendi Yesu Kristo?”168 Huno a ri, “Zwo ralo, a thi ḓivhi uri kana ndi a ralo kana hai.” A ri, “Zwiṅwe zwa izwo zwithu zwa vhufhura, a thi zwi tendi.”169 Nda ri, “Zwo ralo, a hu na zwiṅwe, a ni tendi zwithu zwa vhufhura.” Nda ri, “Fhedzi ni a tenda zwauri O vha e Murwa wa Mudzimu?” “Oo,” a ri, “A nga vha o vha ene.”170 Nda ri, huno nda ri, “Naa ni a tenda uri Ha shanduki ṋamusi, Mudzimu a no ḓo ni tshidza?”171 A ri, “Naa hu na zwiṅwe zwa izwo zwithu henefho nga ha ayo maḓembe na zwithu zwa u ralo? A thi tendi tshithu nga hazwo.”172 Huno nda ri, “Naa no vha ni tshi ḓo itani arali no vha no dzula muṱanganoni huno na vhona Mudzimu, Muya Mukhethwa, une wa vha Mudzimu fhedzi a re hone, a no shuma vhukati ha vhathu; Mudzimu kha Vhukhotsi, Khavhu ya Mulilo, na vhaporofita; Mudzimu kha Murwa Wawe;

30 IPFI ḼO AMBIWAHO

zwenezwo Mudzimu kha vhathu Vhawe? Zwi tou vha zwiṱaluli zwa Mudzimu, Mudzimu muthihi muhulwane O ḓadzaho Vhutshilo-tshoṱhe.” Nda ri, “Naa ni ḓo vhonani arali Ene, vhukati ha vhathu Vhawe, o ita ma—mabofu uri a vhone, madzinganḓevhe a pfe, a sedza nnḓa kha vhathetshelesi huno a vhudza vhathu zwo khakheaho khavho, nahone vhunga zwe A ita musi O vha e fhano kha ḽifhasi?” A ri, “Ndi tenda uri yo vha i tshi ḓo vha tshisedzatshifhinga.”173 Nda ri, “Inwi ni kha tshivhumbeo tsho vhifhesaho u fhira zwe nda elekanya uri ni zwone. No vha ni tshi ḓo vha khwine arali no vha ni tshi penga, ni a vhona, no vha ni si nga vhi na vhuḓifhinduleli.” Fhedzi nda ri, “Ni tou vha na muya muvhi.” Nda ri, “Musi Yesu a tshi vhudza musadzi ngei tshisimani nga ha vhanna vhawe, musi A tshi sedza vhathu huno a vhona mihumbulo yavho, naa izwo no vha ni tshi ḓo zwi vhidza tshisedzatshifhinga?” Ni a vhona, no tou putelwa nga maanḓa nga dinomineisheni, i no pfi ya Luther, lune tshiṅwe tshithu tsho fhambanaho na iyo tshi ḓo vha tsho khakhea!174 Zwino Mudzimu u ṱoḓa muthu o putelwaho nga Ipfi. Tshiṅwe na tshiṅwe tsho fhambanaho na Heḽo tsho khakhea! Yesu o ri, “Ipfi ḽiṅwe na ḽiṅwe ḽa muthu kha ḽi vhe mazwifhi, huno Ḽanga ḽi vhe Ngoho.”175 Ho vha hu na munna kha tshikhathi tsha saintsi nga maanḓa, ane dzina a pfi Noaxe. O vha a sa shoni Ipfi ḽa Mudzimu. Mudzimu o ṱangana nae, huno A amba nae. A zwi ḓivha uri ho vha hu Mudzimu. Huno A ri, “I khou yo na!” Na kathihi yo vha i sa athu na, fhedzi o tenda uri i khou yo na. Huno lutendo lwe a vha e nalwo, o vha a sa shoni u lu shumisa. O dzhia miṅwaha ya ḓana na mahumi mavhili u fhaṱa gungwa, musi shango ḽo vha ḽi tshi khou hanedzana nae. O vha a sa shoni Ipfi ḽa Mudzimu, nga ḓuvha ḽawe. Mudzimu o mu tshidza na muṱa wawe, nga nṱhani haḽo. Ho vha hu na…Zwi nga ḓi vha zwo vhonala zwo tsilufhala kha vhaṅwe vhathu; fhedzi, khae, o ṱangana na Mudzimu. A hu londwi uri ḽiṅwe ḽo vha ḽi ḽa saintsi hani, izwo zwo vha zwo fhambana, nḓila ye ḽa ri “zwo kundelwa u bvelela, zwo kundelwa u bvelela,” o ṱangana na Mudzimu!176 Izwo ndi zwine zwa vha zwone musi ni tshi zwi ḓivha uri ni khou amba Nae! No vha ni tshi ḓo elekanya uri tsho vha tshi tshithu tsho tsilufhalaho musi muṅwe muthu…Musi, ndi a ḓivha zwauri hu na vhathu vha si gathi shangoni vha no farelela kha zwine nda amba uri ndi Ngoho. U ima hafha huno nda ri, “U RALO MURENA, ndi khou ya ngei Arizona, henengei ndi ḓo ṱangana na Vharuṅwa vha sumbe vhe tshigwada,” zwo ralo, ho vha hu na tshigwada tsha vhanna tsho imaho henefho u vhona zwi tshi bvelela. Vhuṅwe vhusiku, ndi tshi khou zwi amba, “Los Angeles u ḓo wela ngomu ḓanzheni.” Fhedzi musi no ṱangana na Mudzimu, huno Mudzimu Ane a sa kundelwe, Mudzimu Ane a ita kokotolo

U SHONA 31

zwe A amba uri U ḓo zwi ita, tshifhinga tshoṱhe O zwi ita, a ni zwi shoni-ha. A ni tei u ya murahu huno na vha o dziedzwaho nga hazwo; ni nga kona u vhudza shango ḽoṱhe. Musi munna a tshi ṱangana na Mudzimu, a amba Nae, huno vhukuma ha Mudzimu ha vha hawe mbiluni yawe, ha Mu shoni.177 Noaxe o vha a sa shoni. Zwo vhonala zwo tsilufhala kha shango ḽoṱhe, fhedzi hu si khae.178 Mushe, musi o vha e phanḓa ha Farao, o vha a sa shoni u vhudza Farao zwauri izwi zwiṅwe zwithu zwi ḓo bvelela, ngauri o ṱangana na Mudzimu. Mudzimu o mu vhudza, tshiṱakani tshi dugaho. Mushe a ri, “Ndi—ndi a kakamela.” Uho ndi hone he a vha e naho, u sa kona u amba.179 A ri, “Aroni u khou ḓa henefho. Iwe u vhe Mudzimu khae, huno u ḓo vha muporofita kha iwe. Ndi a zwi ḓivha uri u a kona u amba zwavhuḓi. Fhedzi Ndi ḓo vha na mulomo wau. Naa ndi nnyi o itaho uri muthu a ambe?” Amene. Ndi a zwi takalela hezwo. Uyo ndi Mudzimu. “Naa ndi nnyi o itaho muthu dzinganḓevhe kana tshimuma, kana ndi nnyi o itaho uri muthu a ambe?” Mudzimu o ralo. A ri, “Murena, ntsumbedze vhugala Hau.” Ha pfi, “Naa ndi tshini itsho tshi re tshanḓani tshau?” A ri, “Ndi lubaḓa.”180 Ha pfi, “Lu pose fhasi,” lwa shanduka lwa vha ṋowa. Ha pfi, “I dobe hafhu,” ya shanduka ya vha lubaḓa. Amene. Ndi ene Mudzimu. “Dzhenisa tshanḓa tshau gopwani ḽau.” A tshi dzhenisa ngomu, a tshi bvisa, tsho tshena nga mapele. Ha pfi, “Dovha u tshi dzhenise huno u tshi bvise hafhu,” huno tsha vha tshi tshi fana na itsho tshiṅwe tshanḓa. “Ndi nṋe Mudzimu.”181 Zwenezwo a tshimbila nṱha phanḓa ha Farao huno a amba zwe A amba uri u ḓo zwi amba. A ri, “Zwi ḓo vha ngaurali na ngaurali.” A doba muṱavha huno a u posela nṱha muyani, huno a ri, “U RALO MURENA, i ri madzedze a ḓe kha ḽifhasi,” huno madzedze a ḓa. A dzhia maḓi huno a a shululela ngomu mulamboni, huno a ri, “U RALO MURENA,” huno milambo yoṱhe na tshiṅwe na tshiṅwe tsha shanduka tsha vha malofha. A vhidza tshifhango tshi tshi bva ṱaḓulu.182 Ni a ḓivha, maḓuvhani a u fhedzisela hu khou tea u vha na ayo mabulayo a tshi dovholola hafhu. Huno elelwani, phombwe, tshifhingani tsha Bivhili, tshigwevho tshawe tsho vha tshi lufu nga u tou kanḓwa nga matombo. Huno tshivhidzo tshi sa tendi tshi ḓo kanḓwa nga matombo u isa lufuni, nga matombo a tshifhango, yo vhuya ya vha nḓila ya Mudzimu ya phanishimennde. U ḓo kanḓa nga matombo iḽi shango ḽa u sa tenda, uyu murafho wa vhupombwe. U ḓo u kanḓa nga matombo a bvaho ṱaḓulu, nga matombo a tshifhango a lemelaho talente tshipiḓa, ine ya vha phaundu dza ḓana. Tshivhidzo tsha vhupombwe tshi ḓo fa, shango ḽa vhupombwe

32 IPFI ḼO AMBIWAHO

ḽi ḓo fa fhasi ha phanishimennde ya Mudzimu, nga u kanḓiwa nga matombo, vhunga O ita ngei u rangani. Lugisa na Mudzimu, tshivhidzo! Izwo ndi zwine roṱhe ra fanela u ita, u vhuyelela kha Mudzimu!183 Uyo Eḽiya wa kale wa tshifhaṱuwo tsha vhukuse, wa ndebvu dza mavhudzi o tshenaho, wa phanḓa, wa zwanḓa zwisekene, wa miṅwaha ya fumalo o dzula ngei nṱha sogani, o sedza nnḓa kha zwivhi zwa vhathu. Mudzimu o amba nae nga maṅwe matsheloni, a ri, “Tsela henengei fhasi huno u vhudze Ahaba zwauri na ṅwando zwawo u nga si we u tshi bva ṱaḓulu u swika u tshi u vhidza.”184 Ndi kona u vhona maṱo awe maṱuku a kale o sedza nnḓa e nga fhasi ha idzo ndebvu dzi vhonalaho sa wuḽu dzo tshenaho, ulwo lubaḓa tshanḓani tshawe, a tshi khou tsa nga nḓila vhunga mutukana wa miṅwaha ya fumirathi. A tshimbila henefho nṱha he khosi ya vha i hone, huno a ri, “Na ṅwando zwawo u nga si ḓe u tshi bva ṱaḓulu u swika ndi tshi u vhidza.” O vha a sa shoni Mudzimu kana Ipfi Ḽawe; u vhudza khosi kana nnyi na nnyi-vho. O vha a sa shoni. O vha a sa tei u dzumba, a ri, “Zwino, Ahaba, iwe u ḓo vha…”185 Zwi nkhumbudza tshiṅwe tshithu vhunga riṋe vhaṋe. Zwenezwo nda ri kha vhathu, “Ndi khou ya fhethu, ndi ṱoḓa lutendo lwo engedzeaho.” Itsho ndi tshe nda ḓela tshone hayani zwino ndi u wana u ingiwa hu—huswa ha lutendo.186 Zwo vha nga u ralo, zwi tou nga, musi ni tshi rabelela vhathu, na humbela pfarelo, “Vho-Diabolo, naa vha nga si sudzuluwe huno vha ntendela…?” A hu na tshithu! Lutendo lu na misipha, na mavhudzi kha khana yalwo. Musi lu tshi amba, tshiṅwe na tshiṅwe-vho tshi a fhumula. Ni songo dzhena ngomu, “Vho-Diabolo, vhone vha bvela nnḓa?”187 “Ibva hafha! Nṋe ndi murwa wa Mudzimu, o ṋewaho ndaela nga Mudzimu. Vha litshe vhe vhoṱhe!” Uyo u a sudzuluwa. Inwi a ni na u humbela pfarelo kha diabolo, a ni na mushumo nae. A ni shoni Ipfi ḽa Mudzimu, a ni shoni ndaela yaṋu, a ri shoni uri ri vhonnyi.188 U shona fhedzi hune nṋe nda vha hone, ndi ha uri nṋe ndi Branham, ayo ndi mabebo anga a ḽifhasi. Nṋe ndi shona u kundelwa hanga.189 Fhedzi sa mulanda Wawe, nṋe a thi shoni! Nṋe a thi shoni Ipfi Ḽawe. Kana ndi dzidinomineisheni, dzikhosi, vhavhusi, kana tshiṅwe na tshiṅwe tshine tshi nga vha tshone; ndo tou lugela u ṋea phindulo, Mudzimu u a zwi humbela izwo.190 Mushe o tshimbila nṱha phanḓa ha Farao. O vha a sa shoni u mu vhudza uri vha nga si leludze huno vha dzhia maḓuvha awe manzhi-mangafho nnḓa ngei sogani. A ri, “Vhaṅwe vha vhasadzi dzulani, na vhana vhaṋu.”

U SHONA 33

191 Ha pfi, “Roṱhe ri ḓo ṱuwa! A hu na khwanḓa na nthihi i no ḓo sala, ri ḓo dzhia kholomo dzashu na zwoṱhe.” O vha a sa shoni. Ndi ngani? O no dzhena ngomu Tshedzani tsha phuluso.192 Itsho ndi tshone tshi itisaho uri munna kana musadzi, a lwalaho kana tshiṅwe tshithu, a tshi tou dzhena ngomu Vhuhoneni ha Mudzimu, huno a zwi ḓivha uri Mudzimu o vha fhodza, ni khou kanda ngomu ha Tshedza tsha phuluso. Inwi a ni leludzi kha tshiṅwe tshithu.193 Phuluso yo vha i mbiluni yawe, ngauri o ṱangana na Mudzimu We a ri, “Ndi nṋe Mudzimu wa Abrahamu, We a ṋea Abrahamu pfulufhedziso. Huno tshifhinga, tshifhinga tsha thengululo, tsha phuluso, tsho sendela. Ndi khou u rumela ngei fhasi u vha bvisa.” Naa ndi tshini tshi no tea u humbelelwa pfarelo, malugana na hezwo?194 Farao o vha a tshi ḓo vha o mu vhulaha. O vha a tshi tou vha munna. O vha e phuli. O vha a tshi ḓo vha o kona u mu vhulaha. Fhedzi o vha a sa shoni Ipfi. Ho ngo tsela fhasi huno a gwadama nga magona awe huno a luvheledza Farao u itela tshithu. O ri, “Ndi ḓa u vha dzhia.” Farao a ri, “Zwo ralo, u nga si kone u vha dzhia!”195 A ri, “Zwo luga, zwenezwo hu ḓo vha na madzedze kha ḽifhasi, u swika u tshi ambuwa nga khao.” Huno henefho ndi zwe zwa bvelela. Ha pfi, “Oo, Mushe, a ṱuwise!” Ha pfi, “Zwo luga. Zwino u a shanduka?” Ha pfi, “Zwo ralo, u nga kona u ya maḓuvha manzhi-mangafho sogani.”196 A ri, “Zwenezwo thunzi dzi ḓo ḓa.” Amene. Ha pfi, “Swiswi ḽi ḓo ḓa.” Ho vha ho swifhala lwe na vha ni tshi kundelwa u vhona fhethu ho vhandekanaho na huṅwe.197 Huno mafhedziseloni lufu lu a ḓa. U bva kha Farao u swika kha mulanda, ho vha hu lufu kha ṅwana wa kalesa muṱani. Ho ngo vha na u humbela pfarelo kha muṅwe muthu. O vha e murwa wa Abrahamu, o bebwaho Muyani wa Mudzimu, o ṋewaho ndaela nga Mudzimu, Mulaedza wa Mudzimu, u tsela fhasi huno a bvisa avho vhathu.198 Zwo ralo, naa Mudzimu a nga si kone u vhidza zwenezwo zwithihi kha ino awara, u bvisa Muselwa kha tshivhidzo? [Tshivhidzo tshi ri, “Amene.”—Mudz.] Daniele o vha a songo ralo, kana…199 Dafita, kha ndi ralo, o vha a sa ofhi phanḓa ha Saulo. Musi muṅwe na muṅwe o vha a tshi ofha Goliada ngei nnḓa, o vha a sa ofhi u tshimbila a ya nṱha. Huno a ri, “Mulanda wau…” Uyu muthu muṱuku a vhonalaho o sekena a ri, “Mulanda wau o vha a tshi khou lisa nngu dza khotsi awe, huno tshivhingwi tsha dzhena ngomu huno tsha wana iṅwe

34 IPFI ḼO AMBIWAHO

yadzo. Nda tshi pandamedzela sogani huno nda tshi vhulaha, nga iḽi gatho. Ndau ya dzhena ngomu.” Yawee, nṋenṋe! “Ndau ya dzhena ngomu huno ya wana iṅwe yadzo, huno ya shavhela nnḓa sogani, huno nda i rwa ya wela fhasi nga gatho. Musi i tshi vuwa, nda i vhulaha.” A ri, “Huno ene Mudzimu…” Iyo khosi yo guneaho yo ima henefho, ayo maswole a mvumbo i si na nungo a tshi amba zwauri a shumela Mudzimu wa Ṱaḓulu, huno a litsha uyo Mufilista a songo rubiswaho a tshi ima ngei nnḓa huno a nyadza mmbi dza Mudzimu a tshilaho. Ha pfi, “Mulanda wau na ene u ḓo mu vhulaha. Ngauri, Mudzimu We a kumedzela ndau na tshivhingwi kha nṋe, u ḓo kumedza uyo Mufilista a songo rubiswaho.” Ho ngo kakamela, ho ngo ri, “ṱhaṅwe zwi ḓo itwa.” O ri, “Zwi ḓo itwa!” O vha a sa shoni.200 Daniele, phanḓa ha khosi, o vha a sa ofhi u nyadza ndaela dzawe dza uri a hu na muthu a no ḓo rabela, fhedzi kha ene. O vula mafasiṱere huno a posela bannda nṱha, huno a rabela kararu nga ḓuvha. O vha a sa ofhi.201 Shadraka, Mishaka, na Abedenego, vho vha vha sa ofhi iyo ṋanḓo ya mulilo. Ha pfi, “Mudzimu washu u a kona u ri phulusa. Mudzimu u kona u ri phulusa. Fhedzi arali A sa ralo, a ri khou gwadamela tshifanyiso tshau.” Vho vha vha sa zwi shoni. Hai, muṋe wanga. Hai, muṋe wanga. Vhone zwa vhukuma vho vha vha sa zwi shoni, ngauri vho ḓivha.202 Simisoni o vha a sa shoni phanḓa ha Vhafilista. Musi vha tshigidi vha tshi mu gidimela, a doba shambo ḽa luṱaha lwa meila. Huno ayo magondolo, o vha e intshi na hafu nga vhudenya, a musinaseṱha. A rwa vha tshigidi vha wa ngaḽo, huno a ḓi vha e na shambo ḽa luṱaha tshanḓani tshawe. Ho ngo dziedzwa. O tou doba zwe zwa vha zwi zwanḓani zwawe, huno a ya u shuma ngazwo. O zwi ḓivha uri Muya wa Mudzimu wo vha u khae. O zwi ḓivha uri o bebwa e Munazaretha. O zwi ḓivha uri a hu na tshithu tshe tsha vha tshi tshi nga mu dina. O vha e mulanda wa Mudzimu. Samusi ene o vha e kha lufuno lwa Mudzimu, a hu na tshithu tshe tsha vha tshi tshi nga ima nḓilani yawe, hu sa londwi uri ndi khosi nngana kana Vhafilista, kana ndi vhafhio vho engedzeaho vha ḓaho. Ndi zwone.203 Yohane o vha a sa shoni Ipfi ḽa Mudzimu ḽe ḽa mu ḓela sogani, huno ḽa mu vhudza uri a ye u lovhedza nga maḓi. O vha a sa shoni u ri, “Vhonani Ngwana ya Mudzimu i no ṱuwisa tshivhi tsha shango,” ngauri Muya wa Mudzimu wo vha u khae. O vha a sa shoni phanḓa ha vhotshifhe.204 O vha a sa shoni Ipfi ḽa Mudzimu musi a tshi tshimbila nṱha a ya kha Herode. Mufumakadzi wa Filipo o vha a tshi khou dzula na Herode. O tshimbila a ya henefho nṱha a livhana na tshifhaṱuwo tsha khosi! Uyu muthu wa kale wa tshifhaṱuwo tsha wuḽu a bvaho ngei sogani, u bva henefho, a si na pfunzo kana tshithu-vho, huno a tshimbila a ya henefho nṱha a

U SHONA 35

livhana na tshifhaṱuwo tsha Herode, huno a ri, “A zwo ngo tendelwa uri u vhe nae!” O vha a sa shoni Ipfi ḽa Mudzimu. Ngoho. Ene zwa vhukumakuma o vha a sa Ḽi shoni. Stefano, o vha a sa shoni Ipfi ḽa Mudzimu.205 Tsha u thoma, vhathu vha pentekoste ngei nṱha nga Ḓuvha ḽa Pentekoste, musi vho kuvhangana lufherani lwa nga nṱha, Muya Mukhethwa wo wela khavho, nga pfulufhedziso ya Mudzimu. Luka 24:49 yo amba:

…vhonani, Ndi rumela pfulufhedziso ya Khotsi anga kha inwi: fhedzi lindelani…muḓini wa Yerusalema, u swika ni tshi ṱanganedza maanḓa a bvaho ngei nṱha.

206 Huno pfulufhedziso yeneyo ye Ipfi ḽa Mudzimu ḽa vha fulufhedzisa, “Vhonani, Ndi rumela pfulufhedziso ya Khotsi Anga kha inwi, fhedzi lindelani henefho; ni songo tsha wana theolodzhi yo engedzeaho kana dzipfunzo, na zwiṅwe-vho, lindelani u swika ni tshi ambadzwa Maanḓa.” Huno musi ayo Maanḓa a bvaho Ṱaḓulu o ḓa, vhunga muya u vhudzulaho wa maanḓa, vho vha vha sa shoni Mafhungo-maḓifha.207 Petro a ima, a ri, “Shandukani, muṅwe na muṅwe wa vhoinwi. Vhoinwi vhanna, nga zwanḓa zwivhi, no vhamba Mukololo wa Mulalo, we Mudzimu a mu vusa vhafuni. Huno riṋe ri ṱhanzi. Ngauri izwi ndi zwe Yoele a amba uri zwi ḓo khunyelela maḓuvhani a u fhedzisela, ‘Ndi ḓo shulula Muya Wanga kha ṋama yoṱhe.’” O vha a sa shoni Mafhungo-maḓifha.208 Stefano muṱuku, vhunga ndo mu bula miniti i si gathi yo fhiraho, musi o fhira nga kha henefho vhunga ḓu—ḓu—ḓumbumazikule. O vha e si mureri. O vha a tshi tou vha mudikoni, fhedzi o ṱanziela huṅwe na huṅwe nga ha mvuwo. O vha o ṱangana na Mudzimu. Huno zwi tou nga…209 U lingedza u mu imisa? Zwo ralo, zwo vha zwi tshi nga u lingedza u ita uri yone—yone nnḓu, nnḓu i dugaho, i dziṅwe mulilo, nga ḓuvha ḽa muya, nga tshifhinga tsho omaho. Mulandu, tshifhinga tshiṅwe na tshiṅwe muya wo vhudzula, wo vha u tshi tou vhasa muṅwe mulilo.210 Vho mu kokodzela nṱha phanḓa ha Khoro Ya Sanhedrini. Naa ni kona u limuha uri iyo ndi mini? Iyo i fana na Khoro Ya U Vhuedzanya. Vhurereli hoṱhe vhu swika ṱhohoni, ngomu fhasi ha Khoro Ya U Vhuedzanya. Vhone vhoṱhe vho swika ṱhohoni henefho fhasi ha Khoro Ya Sanhedrini. Vhafarisei, Vhasadukei, Vhaherode, tshiṅwe na tshiṅwe tshe vha vha vhe tshone, vho ḓo tea u ḓa ngomu ha iyo khoro. Huno vho mu zhuvhula, hu sa tou vha dzangano ḽithihi, fhedzi khoro khulu yo mu zhuvhula. “Ri ḓo mu shushedza uri tshivhindi tshi bve khae.”211 Musi o tshimbila a ya nṱha, nga ayo matsheloni, Bivhili yo ri tshifhaṱuwo tshawe tsho vhonala tshi tshi nga Muruṅwa. A ri, “Vhanna na vharathu, i ri ni ndi ambe na vhoinwi.

36 IPFI ḼO AMBIWAHO

Vhokhotsi ashu vho dzula ngei Mesopotamia vha sa athu ḓa Harani,” na huṅwe-vho. O vha a tshi ya huno a ṋea Maṅwalo. Zwenezwo musi o no shuṅwa tshoṱhe, Muya wa ḓa khae, a ri, “Vhoinwi vha mitsinga yo omaho, ni songo rubiswaho mbilu na dzinḓevhe, vhoinwi tshifhinga tshoṱhe ni hanedza Muya Mukhethwa; vhunga vhokhotsi aṋu vho zwi ita, na inwi ni a zwi ita.” O vha a sa shoni Mafhungo-maḓifha, a sa shoni Ipfi. Ho ngo dziedzwa phanḓa ha iṅwe Khoro Ya Sanhedrini. Hai.212 Paulo o amba phanḓa ha Agripa. E Muyuda, o funzwa fhasi ha Gamaliele, o vha e muhulisei muhulwane. Fhedzi ḽiṅwe ḓuvha, e nḓilani ya u ya ngei Damaseko, a ḓa Vhuhoneni, a kwama Mudzimu. Muruṅwa a tsa a tshi bva Ṱaḓulu, nga tshivhumbeo tsha Khavhu ya Mulilo, Tshedza tshe tsha mu rwa a wela fhasi. A takuwa, huno a ri, “Murena, Iwe u Nnyi?” Huno A ri, “Ndi nṋe Yesu.”213 O ima phanḓa ha Agripa, a dovholola nganea hafhu. A ri, “A thi shoni Mafhungo-maḓifha a Yesu Kristo, ngauri Ndi Maanḓa a Mudzimu kha tshidzo, kha muṅwe na muṅwe a no tenda.” Ngoho.214 Zwino, dzikhonani, ro tsela fhasi na munna, fhasi nga kha tshikhathi, fhedzi ro no fhira tshifhinga.215 Fhedzi i ri ni ndi ambe izwi. Munna we a vhuya a kwama Mudzimu, a re Ipfi, huno Ipfi ḽo no bviselwa khagala nahone ḽa vhonadzwa khae, a hu na ṱhoni malugana na hezwo. Inwi a no ngo dziedzwa. A zwi nndziedzi u amba zwauri ndi tenda Ipfi ḽa Mudzimu ḽiṅwe na ḽiṅwe. A zwi nndziedzi musi Murena a tshi ri u sa amba tshithu, inwi ni ya na tshi amba nahone na tshi ita; a zwi nndziedzi u amba zwauri ndo ḓadzwa Muya Mukhethwa; a zwi nndziedzi u amba zwauri ndo amba nga dziṅwe ndimi; a zwi nndziedzi u amba zwauri Murena washu o ntsumbedza mabono; a zwi nndziedzi u amba zwauri Ha shanduki mulovha, ṋamusi, na lini na lini.216 “Musi ni tshi ḓiswa phanḓa ha vhavhusi na dzikhosi, u itela Dzina Ḽanga, ni songo vhilaela uri ni ḓo ri mini, ngauri ni ḓo ṋewa zwone nga iyo awara. A si inwi a ambaho, fhedzi Khotsi Anga a no dzula kha inwi. Fhedzi ane a Ntshona na Ipfi Ḽanga, kha uyu murafho, ene Ndi ḓo mu shona phanḓa ha Khotsi Anga na Vharuṅwa vhakhethwa.” Mudzimu ri thuse uri ri si shone, fhedzi ri thuse u vha vhuṱanzi vhu tshilaho.217 Munna muṅwe na muṅwe kha Testamente Ndala, musi avho vhaporofita vho ḓa, vha vha—vha vha Ipfi ḽi tshilaho. Vho vha vhe Ipfi. Yesu o amba zwauri vho vhidzwa midzimu, huno vho vha vhe yone, ngauri Ipfi ḽa Mudzimu ḽo ḓa khavho. Vha ri, “Ndi U RALO MURENA.”218 Huno muṅwe mufunziwa-vho wa Kristo we a kwamana Nae kha thengululo, huno tshidzo yo dzhena ngomu mbiluni yawe, ndi ene a re na Mudzimu. Huno ri tea u tshila vhutshilo

U SHONA 37

ha lushaka-ḓe, huno ri tea u tshimbila hani, nahone ri tea u amba hani, arali Mudzimu a tshi khou Ḓiimela nga kha mivhili yashu i faho? Naa ndi nnyi a nga shonaho izwo?219 Arali ndi tshi ḓa fhethu he nda vha ndi kha mmbi ya vhupholisa fhano Jeffersonville, nda tsa nga tshiṱaraṱa, nga ndango yoṱhe, ndo vha ndi si nga shoni muḓi. Ndo vha ndi tshi ḓo vha tshipiḓa tsha muḓi. Ndo vha ndi tshi ḓo vha pholisa, tshipiḓa tsha muḓi, uri hu vhe na ndayo na vhuḓifari. Arali munna a fhira tshedza tshitswuku, ndo vha ndi si nga shoni u mu vhudza uri o khakha, nda mu ṋea thikhithi. Uyo ndi mushumo wanga, ngauri nṋe—nṋe ndi khou badelwa nga muḓi. Nṋe ndi khou tshila nga muḓi. Ndi na ndango i bvaho muḓini. A hu londwi arali o vha o kambiwa, kana uri thaidzo yo vha i mini khae, vha ḓo ntikedza. Ndi ima ndo khwaṱha, ngauri nṋe ndi pholisa nahone ndo odei-…Nṋe ndo odeiniwa, kana ndo vhewa ngomu hafha nahone ndo ṋewa ndango ya u ita izwi. Inwi ni tea u dzhia mulayo na dzipfanelo, na zwithu, huno na vhona uri zwi itwa nga nḓila yone.220 Zwenezwo, arali ndi Mukriste nahone ndo ḓadzwa Muya, ndo ambara vhuṱanzi ha mvuwo ya Yesu Kristo, uri Ha shanduki mulovha, ṋamusi, na lini na lini, ni songo tendela muṅwe diabolo-vho a tshi ni sukumedza u mona hoṱhe, a ri, “Iwe u songo ita itshi nahone iwe u songo ita itsho.” Inwi ni Tshi ite. Mudzimu o ni ṋea one…221 Ni a vhona, a ri na maanḓa. Pholisa a ḽi na maanḓa a u imisa moḓoro muthihi. Ndi malugana na…tshiṅwe tshifhinga ndi nzhini dza maanḓa a bere a ḓararu kana a ḓaiṋa, naa o vha a tshi ḓo itani ngao? Fhedzi u na ndango.222 Huno itsho ndi Tshivhidzo. Ri na ndango, nga mvuwo ya Yesu Kristo na Ipfi ḽo fulufhedziswaho Ḽawe, haḽeḽuya, “Zwithu zwine Nda ita na inwi ni ḓo ita-vho; zwo engedzeaho u fhira izwi ni ḓo ita, ngauri Ndi ya ha Khotsi.”223 Ni songo Mu shona kha uyu murafho; wa vhuvhi, wo khakhelwaho, murafho wa u fhedza une wa ḓo vhuya wa vha kha ḽifhasi, uyu wa vhuvhi, vhupombwe, nahone wo ḓalaho zwilonda zwoṱhe zwo siṱaho. Zwoṱhe, tshiṅwe na tshiṅwe tshe tsha vha tshi tshi ṱhonifhea tsho no vha tshi sa ṱhonifhei. Politiki ya lushaka, tshika! Tshaka dzo kwashekana.224 Kale-kale maṱakani a Afurika, kha vhazwimi vha fulo ḽa u zwima, vho ḓo tea u dzhia radio dza maanḓa a nṱhesa uri vha pfe Elvis Presley, Pat Boone, na avho vhanna vhe na iyo roko-na-rolo na thwisiti. Huno ngwaniwapo, vha tshi khou lingedza u vha vhona vha tshi khou ita, vha tshi khwiḓa ṱhoho dzavho nahone vha tshi ita nga u ralo, ngwaniwapo vha ima nahone vha vha sedza. Fhedzi, inwi ni a vhona, a si Vhaamerika vhunga Pat Boone, na Elvis Presley, na Ricky Nelson, na zwine avho vhanna vha vha zwone. A

38 IPFI ḼO AMBIWAHO

si Vhoyudasi vha ulwo lushaka, fhedzi vhone vha…Ni a vhona, ndi muya. Huno muya a u kha ḽa Amerika fhedzi, wo ḓiphaḓaladza nnḓa hoṱhe kha shango, u vha ḓisa kha nndwa ya Haramagedo. Vha ita nga u ralo, kana vhone vha…Lushaka luṅwe na luṅwe lune vha bva khalwo, Afurika, India, huṅwe na huṅwe hune ha vha hone, uvho vhuaḓa na zwithu zwo phaḓalala kha ḽifhasi ḽoṱhe, nga munna muthihi fhedzi a zwi thomaho.225 Ngauralo Mafhungo-maḓifha na Maanḓa a Mudzimu Ramaanḓaoṱhe, zwo phaḓalala u mona na shango! Huno tshifhinga tsha phandekanyo tshi khou itea zwino, musi Mudzimu a tshi khou vhidza Muselwa, huno diabolo a tshi khou vhidza tshivhidzo. I ri ni ndi vhe tshipiḓa tsha Muselwa!

Kha ri rabele.226 Mudzimu a Funwaho, ri vhona muṅwalo wa tshanḓa kha luvhondo, Murena. Ri tshifhingani tsha vhufhelo. Ri a zwi ḓivha uri hu na zwithu zwihulwane zwi re phanḓa, fhedzi naho zwo ralo huṅwe fhethu, huṅwe fhethu nnḓa kha u ṱanganana uhu ngeno nnḓa, hu kha ḓi vha na vhathu vha fhulufhedzeaho vho odeinelwaho Vhutshiloni. A zwi nga ḓo konadzea kha munna muthihi kana vhanna vhavhili; fhedzi, Mudzimu, riṋe roṱhe ro ṱangana, kha ri phaḓaladze khuḓani iṅwe na iṅwe ine ra kona, mafhungo avhuḓi a uri Yesu u khou ḓa, huno, ni a vhona, ni tou phaḓaladza Tshinnkwa tshiṱuku, Ipfi ḽiṱuku. Huṅwe na huṅwe hu re na Magoni, a ḓo tevhela izwo Zwiḽiwa. Kana Zwi ḓa nga theiphi, kana Zwi ḓa nga ipfi kana vhuṱanzi, Magoni a ḓo Zwi tevhela u swika musanda Wazwo. Ngauri Ho ṅwaliwa, “Hu re na Mutumbu, henefho Magoni a ḓo kuvhangana.” Yesu a Funwaho, ri a zwi ḓivha zwauri Iwe u Mutumbu une ra u ḽa. Iwe u Ipfi, huno Ipfi ḽo itwa ṋama huno ḽa dzula vhukati hashu. Ri a rabela, Mudzimu, uri ri tshi hasha Ipfi, uri Magoni a vhukuma a ḓo Ḽi wana.227 Ri songo shona musi ri tshi ima phanḓa ha vhathu, vhavhi, vhathu vha si na dzangalelo, vha vhurereli, tshiṅwe na tshiṅwe tshine tsha vha tshone. Vhunga Paulo o vhudza Timotheo:

…Kha ri vhe nga khalaṅwaha yo ḓaho, nga khalaṅwaha i songo ḓaho; sola, huno u kaidze, nahone…nga u konḓelela hoṱhe na pfunzo.

Ngauri tshifhinga tshi ḓo ḓa musi vha si nga ḓo takalela pfunzo kwayo; fhedzi vha tshi itiswa nga nyemulo dzavho vha ḓo…vha kakatela vhadededzi vha vhone vhaṋe fhethu huthihi, vha na nḓevhe dzi ṱhoṱhonaho;

Huno vha ḓo rembuluselwa…vha bva kha ngoho,…kha dzingano.

U SHONA 39

228 Mudzimu, ri khou tshila kha iḽo ḓuvha. Wo ntendela u tshila tshifhinga tshilapfu lwo eḓanaho u vhona izwo zwi tshi bvelela. Vhunga, izwo zwi henefha kha tombo ḽa khuḓa ḽa iyi thaberenakeḽe ṋamusi, ya miṅwaha ya furaruraru yo fhiraho.229 Mudzimu, fhaṱutshedza muṅwe na muṅwe ngomu hafha. Arali ha vha na muṅwe ngomu hafha, Murena, a songo lugelaho u ṱangana na Iwe, vhane vha sa kone u tou tendelana na Ipfi Ḽau, huno vha songo ṱangana na Iwe vho livhanyisa zwifhaṱuwo huno vha zwi ḓivha zwauri Iwe a u tou vha nga nyito ya luṅwe lushaka lwa—lwa—lwa ṱhanganedzo, vhunga u tshi ḓo ralo ndaela kana tshiṅwe tshithu, fhedzi vho ṱangana na Mudzimu a tshilaho; huno arali vha songo ita izwi, Murena, ngavhe vha tshi zwi ita zwa zwino.230 Ndi—ndi tenda uri Iwe u—Iwe u tsini zwa vhukuma nga ino awara. A thi ḓivhi uri ndi vhonnyi. A thi ḓivhi arali hu na muṅwe-vho hafha, fhedzi ndi tou pfa ndi tshi rangwa phanḓa u U rabela. Hu si uri vhathu vha mpfe, ngauri izwo i ḓo vha maitele a muhoi. Mudzimu u a hana. A thi ṱoḓi u vha muhoi. Fhedzi ndi a i rabela ndi na u fulufhedzea mbiluni yanga, Murena.231 Ane a vha ene wa munna kana wa musadzi ane Wa amba nae matsheloni ano, ngavhe nga u ḓiṱukufhadza vha sa shoni, fhedzi fhasi-fhasi vhudzivhani ha mbilu dzavho vha U ṱanganedza zwino, vha tshi ḓa madekwana ano huno vha lovhedzwa nga Dzina ḽa Yesu Kristo, vha tshi tevhela Ipfi ḽiṅwe na ḽiṅwe, Ipfi ḽiṅwe na ḽiṅwe; arali vho lovhedzwa nga nḓila yo fhambanaho, kana vho shashiwa, vho shululelwa. Elelwa (ri a ralo, Murena) zwauri Wo ri, “Ane a ḓo ṱusa Ipfi ḽithihi kha Bugu, a engedza ipfi ḽithihi Khayo, mukovhe wawe u ḓo ṱuswa kha Bugu ya Vhutshilo.” Naho a tshi lingedza, a tshi ḓa, a ṅwala dzina ḽawe kha bugu, zwi—zwi nga si shume. I ri ri vhe vha fulufhedzeaho nahone vha ḓiṱukufhadzaho.232 Zwino vha zwanḓani Zwau, Murena. Iwe ita ngavho vhunga U tshi vhona zwo fanela, ngauri ndi Vhau. Nga Dzina ḽa Yesu Kristo, Murwa wa Mudzimu.233 Zwino musi zwifhaṱuwo zwashu zwo kotama, ndi ṱoḓa inwi ni tshi elekanya no dzivhuluwa vhukuma zwino. Ndi humbela pfarelo, tsha u thoma, u lenga hanga nga miniti i ṱoḓaho u swika fumiṱhanu. Zwino ri ṱoḓa u ṅuṅuna. Huno inwi itonu elekanya mbiluni yaṋu zwino, “Naa zwa vhukuma ndo ṱangana na Mudzimu?” Itonu zwi elekanya nga u fulufhedzea vhukuma zwino. Ngauri, a zwi nga vhi zwifhinga zwinzhi khamusi u swika…Hu nga kha ḓi vha hu tshifhinga tsha u fhedzisela zwino, tshine ra ḓo ṱangana U Ḓa Hawe hu sa athu swika. Hu tsini, dzikhonani. Luṅwalo luṅwe na luṅwe, lu vhonala lu tshi nga, lu ṱoḓou khunyelela. Huno lu nga ḓi vha nga u ralo, kha inwi kana nṋe, itshi tshi nga ḓi vha tshikhala tshashu tsha u fhedzisela. Ri nga ḓi ṱuwa vhusiku vhu sa athu swika.

40 IPFI ḼO AMBIWAHO

Ndi ḓo ya Nae, Nae nḓilani yoṱhe.Ndi a pfa, “Naa ni a Ntshona na Ipfi Ḽanga?”Ndi a pfa Mutshidzi wanga…

234 Zwino itonu humbulela uri no eḓela vhulaloni ha lufu haṋu zwino. “Ndi a pfa…” Zwenezwo tshifhinga tshi nga vha tsho no ṱuwesa, fhedzi a tsho ngo ralo zwa zwino.

“Dzhiani tshifhambano tshaṋu, huno,” ni nga ḓi tea u ḓiṅaledza zwino, “ni Ntevhele.”

Zwino, mbiluni yaṋu, fhindulani izwi:Ndi ḓo ya Nae nga kha ngade,Ndi ḓo ya Nae nga kha ngade,Ndi ḓo ya Nae nga kha ngade, Ndi ḓo ya Nae, Nae yoṱhe…

235 Zwino zwifhaṱuwo zwashu zwo kotama, kha ri tou imisa zwanḓa zwashu huno ri ri:

Ndi ḓo ya Nae nga kha khaṱhulo, Zwino, izwo ndi zwine zwa khou bvela phanḓa zwa zwino, U khou ri haṱula.

Ndi ḓo ya… Murena, naa U a nngwana mulandu? Zwenezwo, nkhangwele.

…nga kha khaṱhulo Yawe, Naa U nkhaṱulela u vha mini matsheloni ano, Murena?

…Nae nga kha khaṱhu-… Nndinge, Murena, vhona arali hu na tshiṅwe tshithu-vho tshi songo kunaho kha nṋe.

…Nae, Nae nḓilani yoṱhe.236 Khotsi, ri a U livhuwa matsheloni ano nga nṱhani ha izwi zwanḓa zwoṱhe. A tho ngo vhona muthu muthihi nga nnḓa ha vhe vha imisa zwanḓa zwavho. Ndi a U livhuwa, Murena. Ndi—ndi a fulufhela uri na Iwe a wo ngo ralo, Murena. A hu na avho vhe vha sa imise zwanḓa zwavho, vho lugela u ya nga kha khaṱhulo. Ri haṱule, Murena. Huno arali hu na vhuṅwe vhukhakhi-vho kha riṋe, ri hangwele hone, Khotsi. Ri ṋee zwa khathutshelo Yau, ngauri a ri ṱoḓi u ṱangana na khaṱhulo Yau musi khathutshelo i siho. Ngauralo, khathutshelo i hone zwino, ngauralo ri a rabela, Mudzimu, uri U ḓo ri haṱula nahone wa ri hangwela zwivhi zwashu, u ya nga Ipfi Ḽau na pfulufhedziso Yau. Huno i ri ri tshilele Iwe maḓuvha oṱhe a vhutshilo hashu, ri sa shoni Mafhungo-maḓifha.237 Zwino, Khotsi, arali hu lufuno Lwau, ri khou thoma Swondaha tharu dzi tevhekanaho zwino, dza miṱangano. Lugisa mbilu dzashu u itela dzone, Murena. Nndugise, Oo

U SHONA 41

Mudzimu. Nṋe ndi uyo o imaho a U ṱoḓaho nga maanḓesa. Ndi rabela uri U nnyendedze nahone u nndaedze kha zwithu zwine nda tea u zwi ita na u zwi amba, kha aya maḓuvha a ḓaho.238 Endedza nahone u laedze Murathu Neville washu wa vhuṱhogwa, uyo mulanda wa tshivhindi Wau, Murena; na ene Mukomana Mann, na madikoni a tshivhidzo, na vhalangandaka, na muthu muṅwe na muṅwe a no kuvhangana fhano.239 Ri lugise, Murena, uri ri kone, nga nḓila ya vhu—vhukuma ya Vhukriste, u ḓisa vhaitazwivhi kha Iwe, na u ḓisa miraḓo ya tshivhidzo kha u ḓivha ene Mudzimu ane ra mu ḓivha, we ra ṱangana nae riṋe vhaṋe, ra ita uri A vhe Mudzimu wavho, na vhone-vho. Zwino, Khotsi, izwi ri nga si kone u zwi ita, ri nga si kone u vha rumela ngomu. Fhedzi Iwe, Muya Mukhethwa, shuma kha vhathu, miraḓo ya zwivhidzo.240 Huno vhunga tshenzhemo ṱhukhu ye nda vha nayo na Iwe nga maṅwe matsheloni, “Iya u wanele Murwa wanga Muselwa. Iwe Mu dzhie vhukati ha vhathu, vhukati ha zwivhidzo. Kokodzela nnḓa uyo Muselwa.” I ri nṋe, nga thabelo zwino, Murena. Wo rumela ene Rebekah; ndi ḓo lingedza u vha Eliesere. Nthuse u vha mulanda a fulufhedzeaho. Huno ngavhe Mudzimu wa Ṱaḓulu a tshi rumela Muruṅwa Wawe phanḓa hanga, phanḓa hashu, uri ri kuvhanganye zwithu fhethu huthihi huno ri khethe Muselwa we A mu nanga. Ri a zwi humbela Dzinani ḽa Yesu. Amene.241 Zwino, ni mpfarele nge nda ni lengisa zwiṱuku. Ndi nga murahu ha ya fumbiliṱhanu. Ndo vha ndo tea u vha ndo bva hafha, miniti ya fumbiliṱhanu yo fhiraho. Fhedzi, zwino, ni a funa ulwo luimbo lwa kale, “Dzhiani Dzina Ḽa Yesu Na Inwi”? [Tshivhidzo tshi ri, “Amene.”—Mudz.] Naa ulwo a lwo ngo naka? Ndo imba ulwo zwino lwa miṅwaha ya furaru, sa luimbo lwa u balanganya. Ndovhedzo ya maḓini, “Kha philiphili dza ḓumbu dza Yorodane ndi a ima.” Huno ndi a elekanya uri ulu lwo naka nga maanḓa, “Itonu Ḽi dzhia huṅwe na huṅwe hune na ya!”

Dzina ḽavhuḓi, Oo ḽi ḓifha hani!Fulufhelo…(Zwino khaḓanani na muṅwe

muthu a re tsini haṋu.)Dzina ḽavhuḓi, Dzina ḽavhuḓi, Oo ḽi ḓifha

hani!Fulufhelo ḽa ḽifhasi na dakalo ḽa Ṱaḓulu.

242 Zwino elelwani tshumelo ya nga madekwana a ṋamusi, nga hafu u bva kha ya sumbe, hafu u bva kha ya sumbe madekwana a ṋamusi. Zwino kha ri imbe fhedzi ndimana nthihi, ni a vhona.

42 IPFI ḼO AMBIWAHO

Dzhiani Dzina ḽa Yesu na inwi,Sa tshiṱangu kha tshikwekwe tshiṅwe na

tshiṅwe;Musi milingo u mona na inwi…(Naa ni

itani-ha?)Itonu fema iḽo Dzina ḽikhethwa nga thabelo.Dzina ḽavhuḓi, Oo ḽi ḓifha hani!Fulufhelo ḽa ḽifhasi na dakalo ḽa Ṱaḓulu;Dzina ḽavhuḓi, Oo ḽi ḓifha hani!Fulufhelo ḽa ḽifhasi na dakalo ḽa Ṱaḓulu.

243 Naa ho vha na muṅwe we a ḓa u lovhedzwa nga murahu ha iyi tshumelo? Arali zwo ralo, imisani zwanḓa zwaṋu. Muṅwe muthu a no ḓo lovhedzwa? Vhavhili, zwo luga, u lovhedzwa nga u ṱavhanya nga murahu ha iyi tshumelo. Arali vhaṅwe vhoṱhe vha vhoinwi, muṅwe wa vhoinwi-vho a no ṱoḓa u lovhedzwa, ri ḓo vha na tshumelo dza ndovhedzo kha iṅwe na iṅwe ya idzi tshumelo. Tshithu fhedzi tshine na tea u ita ndi u humbela. Ro lugela u ni lovhedza. Uyo ndi mushumo washu, u ni lovhedza nga Dzina ḽa Murena Yesu Kristo washu. Ndi mushumo washu u zwi ita. Huno ri ḓo takalela u zwi ita, tshifhinga tshiṅwe na tshiṅwe. Vhoinwi vha no ḓo lovhedzwa, itonu ya pherani, nga u ṱavhanya nga murahu ha tshumelo, huno riṋe ri ḓo bvela phanḓa na ndovhedzo ya maḓini. Nnyi na nnyi a no ṱoḓa u vha tevhela, ni ḓo vha na ngoho ya uri ri hafha…arali no shanduka tshivhini tshaṋu nahone no ṱanganedza Yesu sa Mutshidzi waṋu.244 Inwi no vha Mukriste lwa miṅwaha, huno na kathihi a ni athu vhona Tshedza, huno Tshedza tsha phuluso tsho ḓa zwino. Musadzi, Muselwa ane a fanela u dzhia Dzina! Yesu o ri, “Ndo ḓa Dzinani ḽa Khotsi Anga, huno a no ngo Nṱanganedza. Fhedzi hu ḓo vha na muṅwe a ḓaho nga dzina ḽawe, huno ni ḓo mu ṱanganedza,” iyo ndi dinomineisheni yaṋu.245 Murwa muṅwe na muṅwe-vho u ḓa dzinani ḽa khotsi awe. Ndi ḓa dzinani ḽa khotsi anga. Vhoinwi vhanna ni ḓa dzinani ḽa khotsi aṋu.246 Huno Dzina Ḽawe ḽo vha ḽi ḽifhio, naa Dzina ḽa Khotsi ndi ḽifhio? Yesu! Ene, “ndo ḓa Dzinani ḽa Khotsi Anga, a no ngo Nṱanganedza.” Zwino Muselwa Wawe u ḓo vha na Dzina Ḽawe, a hu na zwiṅwe.247 Ndo dzhia musadzi, ane dzina a pfi Broy, huno a vha Branham. 248 U khou ḓela Muselwa, ivhani na ngoho nahone ni elelwe izwo musi ni tshi ḓa dzivhani. Kha ri kotamise zwifhaṱuwo zwashu zwino.249 Huno Mukomana Vayle fhano a si mutsinda kha riṋe. Ndi mukomana wa vhuṱhogwa nga maanḓa, o vhaho na nṋe

U SHONA 43

miṱanganoni minzhi, ene na mufumakadzi wawe. Huno nahone ene zwino ndi muṅwali wa idzi thero na zwithu zwi no ya ngomu ha tshivhumbeo tsha bugu. Mukomana Vayle, ni nga ri balanganya nga thabelo, musi ri tshi kotamisa zwifhaṱuwo zwashu. [Mukomana Vayle u a rabela—Mudz.]

U SHONA TSV65-0711(Ashamed)

Hoyu Mulaedza nga Mukomana William Marrion Branham, u rangani wo ṋewa nga Tshiisimane nga matsheloni a Swondaha, Fulwana 11, 1965, Thaberenakeḽeni ya Branham ngei Jeffersonville, Indiana, U.S.A., wo dzhiwa kha rekhodo ya theiphi ya maginete huno wa ganḓiswa u songo pfufhifhadzwa nga Tshiisimane. Heyi ṱhalutshedzo ya Tshivenḓa yo ganḓiswa huno ya phaḓaladzwa nga vha Voice Of God Recordings.

TSHIVENDA

©2015 VGR, ALL RIGHTS RESERVED

VOICE OF GOD RECORDINGS, SOUTH AFRICA OFFICE58 DISA ROAD, ADMIRAL’S PARK, GORDON’S BAY 7140 WESTERN CAPE

REPUBLIC OF SOUTH AFRICA

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

Nḓivhadzo ya nzivhanyedziso

Pfanelo dzoṱhe dzo londolwa. Heyi bugu i nga ḓi ganḓiswa nga tshiganḓisi tsha hayani u itela u shumiswa nga muthu ene muṋe kana uri i anḓadziwe, hu si na mbadelo, sa tshishumiswa tsha u phaḓaladza Mafhungo-maḓifha a Yesu Kristo. Heyi bugu i nga si kone u rengisiwa, u bveledzwa hafhu nga maanḓesa, ya poselwa kha website, ya vhulungiwa kha sisteme ya u wana mafhungo, ya ṱalutshedzelwa kha dziṅwe nyambo, kana ya shumiswa kha u ṱuṱuwedza u humbela tshelede hu si na thendelo yo ṅwaliwaho zwi khagala nga Voice Of God Recordings®.

U itela u ḓivha zwinzhi kana u itela zwiṅwe zwishumiswa zwi wanalaho, kha vha kwame:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org