Upload
sos-txus-martin
View
223
Download
7
Embed Size (px)
DESCRIPTION
Mozioa euskaraz
Citation preview
Egin dezagun bidea – Basauriko bilgunea ekimeneko partaideok, idazki
honen bitartez, gure kezka eta larritasuna adierazi nahi diogu Basauriko Udal
Batzari, Basauriko semea den Jesús María Martín Hernandok bizi duen egoeraren
aurrean.
Uztailaren 15eko prentsaurrekoan Jaiki Hadi eta Etxerat elkarteek jakitera
eman zutenez, Jesús María Martín Hernando euskal preso politikoaren osasun
egoera oso larria da eta berehala aske uzteko eskatu zuten. Txusek trastorno
eskizoafektibo bat jasaten ari da eta 2010eko irailean bere buruaz beste egiten
saiatu zen, pairatzen duen gaixotasunak eragindako brote psikotiko baten
ondorioz. Frantziatik espainaratua izan ostean, tratamendu farmakologikoarekin
jarraitzea eta bere buruaz beste egitea ekiditeko protokoloa aplikatua izatea eta,
beraz, uneoro lagunduta egotea gomendatu zen.
Zortzi hilabetez bisitarako baimena lortzeko hainbat eskaera egin ondoren,
2011ko ekainetik, eta berak horrela eskatuta, Jesús María Martín bere
konfidantzako medikuek artatua izaten ari da Soto del Realeko espetxean. Bai bere
medikuak, bai bere psikologoak hilabetean behin ikusi nahiko lukete, baina gaur
arte bi bisita baino ezin izan dute egin. Bisita hauetan espetxeko zerbitzu
medikuko kide baten derrigorrezko presentzia izan dute, euskaraz hitz egiteko
debekua eta bisitarako denbora zein berarekin nahi bestetan egoteko aukera
mugatuak izan dira.
Lehen diagnostikoaren ondorioa nahasmen eskizoafektiboa izan zen.
Azpimarratu egin beharra dago, espetxearen ukoa dela eta ezin izan direla
diagnostiko osotu bat burutu ahal izateko beharrezkoak diren froga guztiak egin,
protokolo medikuak eskatu bezala. Ez diote espetxean egindako inolako txosten
medikurik ikusten utzi, ez dizkiote analitiken emaitzak eman eta ez diote eskaner
bat egiteko baimenik eman, nahasmen mota hauetan ezinbesteko froga izanik,
are gehiago bere kasuan, adina eta azaldu zaizkion hutsune amnesikoen sintomak
kontuan izanda.
2011ko ekainean, ordurarte hartzen ari zen medikazioaren aldaketa
baloratu zuten medikuek, ordurartekoa bere sintomatologiarako nahikoa ez
zelako. Espetxeak gomendio horri muzin eginez, Txusen borondatearen aurka,
erizaindegian ingresatu zuen bi egunez. Denbora horretan ez genuen jaso ez
berari buruzko berririk, ez azalpenik eta gainera ez zioten medikazioan inolako
ajusterik egin. Abuztuaren bukaeratik, bere medikuek askotan saiatu ostean, eta
mediku asistentzia ezagatik bi salaketa jarri ostean, duela hilabeteak hartzen egon
beharko lukeen antidepresiboa hartzen ari da.
Gaur egun, beste edozein patologia baztertu eta diagnostikoa zehaztu ahal
izateko beharrezko diren frogak egin diezaizkiotela eskatzen jarraitzen dugu.
Edozein kasutan ere, erizaindegian berriro ez ingresatzea gomendatu da, neurri
horren eragin ezagatik eta batez ere, bere segurtasunerako dugun bermarik
onenetik aldentzea suposatzen duelako, hau da, 24 orduz bere ondoan kide bat
izatea.
Oraingo egoeran, Txusen osasunak okerrera egiten du egun batetik
bestera. Froga osagarriak falta badira ere, egungo diagnostikoa nahikoa larria da
bere askatasuna eskatzeko. Era berean, Kode Penalak nahasmen mota hauek
nahikotzat jotzen ditu 3. gradu eta ondoren baldintzapeko askatasuna emateko.
Gaixotasun honek berezko dituen ezaugarriek ezinezko egiten dute
hobekuntzarik; batetik, espetxea bezalako ingurune arrotz batean paranoiak eta
mesfidantzak areagotzen dituelako, eta bestetik, espetxean Txusen osasun
egoerari arretarik jartzen ez diotelako, diagnosi frogak egiteko aukerarik, jarraipen
eta kontrol medikurik eta tratamendu egokirik ematen ez dizkiotelako.
Egoeraren larria hain handia izanda ere, Txusek kartzelan jarraitzen du.
Espainiak eta Frantziak euskal preso politikoen aurka diseinatu eta
inpuntitate osoz aplikatzen duten espetxe eta dispertsio politika bortitzaren
ondorioz, Txusen osasun egoerak okerrera egin du azken hilabeteotan, sintoma
psikiatriko eta psikologiko larriak ditu, honek ahultasun fisiko kezkagarria ere
eragin diola. Egoerak bere horretan jarraitzen badu, Txusen osasuna, eta ondorioz,
bere bizitza bera arriskuan daude. Bidegabekeria honen aurrean, eta Txusen
senide eta lagunen izenean, zera eskatzen dizuegu:
1.- Basauriko Udalak eska diezaiela dagokien erakundeei (Eusko
Jaurlaritzaren Giza Eskubideen Batzordea, Arartekoa, Espainiako Espetxe
Zuzendaritza, Soto del Realeko Espetxea,...) Txusek behar duen mediku asistentzia
bermatua izatea.
Bere konfidantzako mediku eta psikologoa berarekin egoteko oztoporik ez
jartzea, bere konfidantzako medikuek beharrezkotzat jotzen dituzten froga
mediku guztiak egitea eta gomendatzen duten tratamendua oztoporik gabe
ematea, Txusi, familiari edo bere medikuei bere inguruko txosten mediku eta
froga guztien emaitzak ematea eta bere buruaz beste egitea ekiditeko protokoloa
behar bezala aplikatzea.
2.- Basauriko Udalak eska diezaiela dagokien erakundeei (Eusko
Jaurlaritzaren Giza Eskubideen Batzordea, Arartekoa, Espainiako Espetxe
Zuzendaritza,...) Kode Penalak ezarritako neurriak aplikatzea Txus aske uzteko
prozedurak bizkortzeko.
3.- Egoerak bere horretan jarraitzen duen bitartean, Txusen osasun
egoeraren jarraipena egitea eta Udalak eskura dituen bitarteko guztiak erabiltzea
arazo hau ahal den neurrian arintzeko.
Egoeraren larritasunaz jabetu, eta gure eskakizunak aintzat hartuko eta
onartuko dituzuelakoan,
Basaurin, 2011ko irailean
Egin dezagun bidea – Basauriko herri bilgunea