Vjenčić - Венчик · Святи Миколай у Осиєку У грекокатолїцкей церкви Христа Царя у Оси-єку, 9. децембра 2018

Savez Rusina Republike HrvatskeСоюз Русинох Републики Горвaтскей

BROJЧИСЛО 1/201988

ISSN

133

1-21

89

Vjenčić - Венчик

Святи Миколай у ОсиєкуУ грекокатолїцкей церкви Христа Царя у Оси-єку, 9. децембра 2018. року, после Служби Бо-жей, св. Миколай дзецом подзелєл пакецики. Програму зoз дзецми у векшим пoрихтали шестри Василиянки, хтори ше постарали и за дарунки. Фамелия Жаґар и того року мала окреме упечатлїви наступ. Мац Татяна од-шпивала пригодни писньочки з дзецми Пе-тром и Марию, а Мария шпиванє провадзела нa тамбурки. Жаґарово, Татяна и Андрей, ро-дичи штверих дзецох, од хторих двойо ище малючки же би наступали. Часто приходза до грекокатолїцкей церкви же би дзеци упозна-ли и виру їх мацери.

Еуґен и Давор Кушета представели же з по-знату шпиванку у предкрачунским чаше Zvončići, zvončići котру з нїма шпивали и дру-ги присутни у церкви.Мало ше упечаток же того року було вельо вецей дзецї як прешлого року.

А.Балатинац

Рада даровала вуковарски дзециПияток, 21. децембра 2018. року, у простори-йох вуковарскей Ради рускей националней меншини городу вуковару зишли ше члени Ради и школяре зоз Вуковару хтори у школи ходза на годзини руского язика, як и младши дзеци. Причина того сходу то колядованє и винчованє Крачуна. Тот обичай у наших ва-лалох ище жиє, алє у варошу нє, та ше го на тот способ пробує отаргнуц од забуца.На самим початку после питаня „Дате нам се навеселити?“ и одвиту „Даме, даме...“ дзеци одшпивали коляду „Пасли овци пастире“, а вец кажде з нїх винчовало по єдну винчован-ку. Як награду за труд и сцелосц кажде доста-ло пакецик зоз лакотками.

Крачунске винчованє у Ради зажило пред даскелїма роками, а наздаваме ше же будзе жиц ище длуго. Лю. Гаргай

Вуковарски колядоваче

Наступ фемелиї Жаґар

Дзеци зоз святим Миколайом2 VJENČIĆ - ВЕНЧИК 88/2019

Uredništvo: Vera Pavlović (glavna i odgovorna urednica), Ahnetka Bala-tinac, Ljubica Harhaj, Manuela Dudaš, Lesya Mudri i Vladimir ProvčiSavjet uredništva: dr.sc. Oksana Timko Đitko (predsjednica), Marijana Džudžar, vl. Vladimir SedlakLektori: Marija Vulić (rusinski jezik), Andreja Magoč (hrvatski jezik)

Tiskanje potpomaže Savjet za nacio-nalne manjine Republike Hrvatske.Naklada: 400 primjeraka

Редакция: Вера Павлович (главна и одвичательна редакторка), Агнетка Балатинац, Мануела Дудаш, Люби-ца Гаргай, Владимир Провчи, Леся Мудри

Совит редакциї д.ф.н. Оксана Тим-ко Дїтко (предсидатель), Марияна Джуджар, о. Владимир СедлакЛекторе: Мария Вулич (руски язик), Aндрея Магоч (гортватски язик)Друкованє помага Совит за нацио-нални меншини Републики Горват-скей.Тираж: 400 прикладнїки

“VJENČIĆ”Izdavač: Savez Rusina RH

http://www.savezrusina.hr [email protected]

Facebook: Savez Rusina RH VukovarZa nakladnika: Dubravka RašljaninUredništvo: Vukovar,

Vijeća Europe 93Tel. / faks: 032 428–342IBAN HR1623400091110057465Tisak: Proventus Natura d.o.o. CernaNaklada: 400 primjeraka

“ВЕНЧИК”Видава: Союз Русинох РГ

http://www.savezrusina.hr [email protected]

Фейсбук: Savez Rusina RH VukovarЗа видавателя: Дубравка РашлянинРедaкция: Вуковaр, Рaди Европи 93Тел. / факс. 032 428–342ИБАН HR1623400091110057465Друкує: Провентус Натура д.о.о. ЦернаТираж: 400 прикладнїки

BROJ / ЧИСЛО 88GODINA / POK 2019.

Tiskano – Друковaне3 / 2019

Rukopisi se ne vraćaju.Рукописи ше нє врaцaю.

CijenaЦенa

KunaКуни5

Impr

esum

SADRŽAJ - ЗМИСТ

Насловни бок: Яр у моїм краюОстатнї бок: Приходзи Велька ноц

Рада даровала вуковарски дзеци . . . . . . . . . . . . . . . . . 2

Святи Миколай у Осиєку . . . . . . . . . . . . . . . . . . . . . . . 2

И до Миклошевцох завитал Миколай . . . . . . . . . . . . . . 4

Святи Миколай у Петровцох . . . . . . . . . . . . . . . . . . . . 5

115 роки од народзеня Янка Фейси. . . . . . . . . . . . . . . . 6

115 godina od rođenja Janka Fejse . . . . . . . . . . . . . . . . . 7

Писателє вам написали . . . . . . . . . . . . . . . . . . . . . . . . 7

19. школски вечар Рускей поезиї . . . . . . . . . . . . . . . . . 8



100. Дзень школи . . . . . . . . . . . . . . . . . . . . . . . . . . 12

Фашенґи. . . . . . . . . . . . . . . . . . . . . . . . . . . . . . . . . 12

Dan materinskog jezika u OŠ Čakovci. . . . . . . . . . . . . . . 13

Означени Дзень мацеринского язика у Миклошевцох . . 14

Дзецински молитви з наших молитвенїкох . . . . . . . . . . 15

Отримани традицийни «Дзецински бал» у Петровцох . . 16

По варошу дражичка . . . . . . . . . . . . . . . . . . . . . . . . 17

Маскенбал . . . . . . . . . . . . . . . . . . . . . . . . . . . . . . . 17

Дзень oцох означени у миклошевскей школи . . . . . . . . 18

Докторант Канаме Окано ознова на настави

руского язика и култури . . . . . . . . . . . . . . . . . . . . . . 19

Дуб и жалосна верба . . . . . . . . . . . . . . . . . . . . . . . . 20

Таблїчка на „Руским“ язику . . . . . . . . . . . . . . . . . . . . . 20

Чудесни швет . . . . . . . . . . . . . . . . . . . . . . . . . . . . . 21

Забавни боки . . . . . . . . . . . . . . . . . . . . . . . . . . . . . 22

Весели буби . . . . . . . . . . . . . . . . . . . . . . . . . . . . . . 27

Школяре написали . . . . . . . . . . . . . . . . . . . . . . . . . . 29

Подобово роботи. . . . . . . . . . . . . . . . . . . . . . . . . . . 30

388/2019 VJENČIĆ - ВЕНЧИК

И до Миклошевцох

завитал МиколайОзда нєт дзецка котре нє чека приход святого Мико-лая. Прето ше 5. децембра наймладши Миклошевчанє и їх родичи позберали у церкви, дзе после Служби Божей дочекали святого. Миколай як и вше пришол зоз дарунками у провадзе-ню своїх помоцнїкох, анге-лох и крампусох. Школяре нїзших класох ПШ Миклошевци за ньго порихтали кратку пригодну програму, а потим им Миколай и ангели подаровали пакецики зоз лакотка-ми. Крампуси нєдобрим дзецом роздавали палїчки, алє ше нєдобрих нє нашло, так же палїчки будзе и за нарок. Леся Мудри

З нагоди християнского швета святого Ми-колая чудотворца у Петровцох 6. децембра 2018. року у дружтвеним доме Соколана от-римана святочна програма пошвецена свя-тому Миколайови, защитнїкови морякох и дзецох. Програму порихтали петровски па-рох Владимир Седлак и учителька Наталия Гнатко. Наступели школяре ОШ Антун Бауер Вуковар, ПШ Петровци, хтори ходза на годзи-ни руского язика, як и дзеци хтори ходза на виронауку у парохиялней церкви Покрову Пресвятей Богородици у Петровцох. Бул то красни увод до жимских шветох и велька ра-досц нашим наймладшим хторим святи Ми-колай подзелєл пригодни пакецики.Отримованє приредби помогли МО Петров-ци, КУД «Яким Гарди» з Петровцох и анони-мни спонзоре хтори оможлївели купованє пакецикох.

Вера Павлович (жридло: web боки Союзу Руснох РГ)

Миклошевски дзеци з Миколайом и о.Ступяком

Дарунок за кажде дзецко

Миколай и його вредни

помоцнїки

Святи Миколай у Петровцох

Дарунок за кажде дзецко

Публика на програми4 VJENČIĆ - ВЕНЧИК 88/2019

Святи Миколай у Петровцох

Заєднїцка фотоґрафия присутних учашнїкох

Приход св. Миколая Пакецики за петровски дзеци

Святи Миколай и Крампус опрез петровского паноца Миколай и його вредни помоцнїки


Янко Фейса народзени 13. авґуста 1904. року у Коцу-ре. Спада до шора наших найплоднєйших писате-льох-поетох. Першу писню друковал 1924. року, а уж 1929. року обявел зборнїк писньох за дзеци “Пупче”. Останє запаметани пра-

КОНЇ МОЙОКонї мойо, конї врани,вше сце були допатрани.Гриви сом вам виплєтовал,а оброку нє жаловал,

конї вранидопатрани.

Коч сом крашнє дал оковаци копитка вам потковац,та сце пишно вше лєталияґод да сце кридла мали

конї враниподковани.

Алє, конї, конї врани,уж сце давно нє чесани.Таки сце ми запущени,а я прето зармуцени

конї вранинєчесани.

Тераз смутно вше ходзице,бо другого уж вожице.Як сце ґазду пременєлиглави свойо сце спущели

конї вранизанєдзбани.

Я вас прето барз жалуєм,вше ше на вас здогадуєм.Красни часи нє забувам,спомин на вас вично чувам

конї врани,ошпивани.

СОЛОВЕЙКвиток квитнє,квиток квитнє в природи.Верба рошнє,верба рошнє при води.

Соловейкосмутно шпива без луга.Кажда ноц му,кажда ноц му барз длуга.

Красне квеце у погаре ше суши.Так и вербабез водички спрец муши.

Лєм соловей длужей ше кус однїма,алє и вон без гаю нє витрима.

115 роки од народзеня Янка Фейси

ПШИЧОК И ЇЖЗбрехнул пшичок гав, гав, гав,при капурки хтошка стал.Войсц до двора хтошка сцел,при капурки стац лєм шмел.

Бо наш пшичок яґод лєв,кед забреше гав, гав, гев.Подумал би дахто также там стої якиш ґад.

А стало ше таке разже и квичац почал барз.Чи то там даяка банда?Нє, алє джобаца лабда.

Їж заблукал у преходзе,постал лабда хтора джобе.Пшичок ше єй барз зрадовала вец, боме, побановал.

Кед похопел цо на стваринозґрик му уж бул кирвави.Нїч нє будзе од бреханяпришол му час хорованя.

А док прейду його болїбудзе брехац заш по волї,розоганяц цудзи мачки,голуби, ластовки, тащки...

ве по тим же бул перши наш писатель хтори обявел свою кнїжку зоз писнями за дзеци. Свою найплоднєйшу твор-чосц витворел после Другей шветовей войни. Його писнї друковани у рижних виданьох на нашим язику. Велька зби-рка писньох за дзеци видру-кована му под назву “Желєни лїсточка” 1964. року. Заступе-ни є у обидвох наших Антоло-ґийох дзецинскей поезиї, як и у велїх читанкох за руски язик.

Окрем за дзеци, Фейса писал и за одроснутих, та 1970. року обявел зби-рку “Клаше шущаце”. За свою плодну роботу бул наградзени и як поета ви-брани за члена Здруженя писательох Сербиї 1971. року. Янко Фейса єден зоз наших запаметаних учительох хтори службо-вал по рижних местох, а умар у родимим валалє 03. октобра 1983. року.

Порихтала Лю. Гаргай

6 VJENČIĆ - ВЕНЧИК 88/2019

Писателє вам написали

Janko Fejsa rođen je 13. kolovoza 1904. godine u Kucuri. Ubraja se u naše najplodnije pisce-pjesnike. Prvu pjesmu tiskao je 1924. godine, a već 1929. godine objavio je zbornik pjesama za djecu „Pupoljak”. Ostat će zapamćen po tome što je bio naš prvi pisac koji je objavio knjigu s pjesmama za djecu. Njegovo najplodnije razdoblje nastalo je nakon Drugog svjetskog rata. Pjesme su mu tiskane u različitim izdanjima na našem jeziku. Velika zbirka pjesama za djecu tiskana je pod nazivom „Zeleni

SLAVUJCvijet cvjeta,cvijet cvjeta u prirodi.Vrba raste,vrba raste pored vode.

Slavujčićtužno pjeva bez gaja.Svaka noć mu je,svaka noć mu je jako duga.

Lijepo cvijećeu vazi se suši.Tako i vrbabez vode uvenuti mora.

Samo slavujjoš se malo otima,ali i onbez gaja neće izdržati.

KONJI MOJIKonji moji, konji vrani,uvijek ste bili dotjerani.Grive sam vam pleo,a obrok nisam žalio,

konji vranidotjerani.

Kočiju sam dao lijepo okovatii kopita vam potkovati,pa ste ponosno uvijek letjelikao da ste krila imali

konji vranipotkovani.

Ali, konji, konji vrani,dugo ste nečešljani.Tako ste mi zapušteni,a ja sam zbog toga povrijeđen

konji vraninečešljani.

Sada tužno uvijek hodate,jer drugoga vozite.Kako ste gazdu promijeniliglave ste svoje spustili

konji vranizapostavljeni.

Zbog toga vas jako žalimčesto vas se sjećam.Lijepe trenutke ne zaboravljamuspomenu na vas vječno čuvam

konji vraniopjevani.

PSIĆ I JEŽZalajao je psić av, av, av,pored kapije netko je stao.Ući u dvorište netko je htio,pored kapije samo je stati smio.

Jer naš je psić kao lav,kad zalaje av, av, av.Pomislio bi netko takoda tamo stoji neka zmija.

A dogodilo se i to,da je i jaukati počeo jako.Je li to tamo neka banda?Ne, ali, bodljikava lopta.

Jež je zalutao u prolazupostao je lopta, koja bode.Psić joj se jako obradovaoa onda se pokajao.

Dok je shvatio što se dogodilonosić mu je već bio krvav.Ništa neće biti od lajanjadošlo mu je vrijeme bolovanja.

A dok prođu njegove bolilajat će ponovo po volji,naganjati tuđe mačke,golubove, lastavice, ptice...

115 godina od rođenja Janka Fejselistići” 1964. godine. Zastupljen je u obje naše Antologije dječje poezije, kao i u mnogim čitankama za rusinski jezik.Osim za djecu Fejsa je pisao i za odrasle te objavio zbirku „Šušteće klasje” 1970. godine. Bio je nagrađen za svoj rad i izabran za člana Udruženja pisaca Srbije 1971. godine. Janko Fejsa jedan je od naših učitelja koji je radio u različitim

mjestima, a umro je u rodnom selu 3. listopada 1983. godine.

Любица ГаргайNa hrvatski jezik jezik

prepjevala prof. Andreja Magoč


19. школски вечар Рускей поезиїШтварток, 21. фебруара 2019. року у пе-тровскей школи отримани 19. школски литературно-музични вечар Руснацох котри ше по тринасти раз орґанизує з на-годи Медзинародного дня мацеринско-го язика. На истим означени и два значни ювилеї, а то:- 170. рочнїца од снованя першей Рускей школи у Петровцох, точнєйше першей Подучальнї за руски дзеци на простору нєшкайшей Републики Гор-ватскей и- 20. рочнїца пестованя руского язика и култури од мирней реинтеґрациї.Тогорочни вечар бул пошвецени пер-шей збирки поезиї за дзеци »Чаривна лабдочка« поетеси Любици Гаргай, род-зеней у Петровцох. Понеже на настави, школяре мали нагоду дакус вецей »за-кукнуц« до нєй, велї з нїх и пренашли писньочку котра ше им попачела. Так 28-еро петровски школяре од 1. по 8. класу хтори ходза на наставу руского язика и култури, поетеси подаровали єй 28 писнї, алє з їх дзецинских шерцох як их вони чувствую. Програма була преткана з рускима народнима и уметнїцкима дзе-цинскима писнями. Школяре 1. класи, по горватски одшпивали писню »Яки то приятель Исус«, хтору увежбали на на-стави виронауки зоз шестру Навкратию, а школяре висших класох предлужели ю шпивац и по руски. Шицки школяре були

пооблєкани у народним облєчиве Русна-цох панонского краю. Поетеса школяром подзековала за шицки писньочки и шпиванки. Пожадала им же би и сами пробовали писац и школи по-даровала даскельо прикладнїки своїх нововиданих збиркох. За здогадованє на тот вечар, школяре єй подаровали бабку Марчу у рускей шмати, хтору зошила панї Андєлка Костелник. Значне надпомнуц же поетеса Гаргайова уж по други раз госц у петровскей школи. Точнєйше, пред 10. роками, 9. вечар бул пошвецени єй пер-шей збирки поезиї »Рускей писнї«. Попри родичох школярох, їх учительох, класних старшинох и поетеси, програму звелїчали водителька Подручней шко-ли Ясминка Будински, бувша водителька Мелана Дюдяр, петровски парох Влади-мир Седлак, член Совиту за национални меншини Републики Горватскей Звонко Костелник, заменїк началнїка Општини Боґдановци Ярослав Медєши, як и велї Петровчанє и почитователє рускей поезиї и културного скарбу Руснацох. Програму зоз школярами порихтали учительки на-стави руского язика и култури Наталия Гнатко и Илона Грецешин. После програ-ми шицки були поволани на ошвиженє и коштованє колачох, котри за тоту нагоду порихтали мацери школярох.

Маґ. едук. филол. кроат. Илона Грецешин

Ена Фа Просинек, 6. класа Небойша Курди 6. класаДеян Мудри, 7. класа8 VJENČIĆ - ВЕНЧИК 88/2019

Конферансу водзели школярки 8. класи

Лорена Медєши и Нера Салак

Школяром 1. класи придружела ше и пейцрочна Елена Фа

Школяре зоз учительками Подручней школи Петровци

Школяре учашнїки Поетеса з бабку Марчу

Мартин Седлак, 1. класа Саша Бильна, 5. класа

Мартин Седлак, Миа Фа Албертович,

Фран Кризманич, Неманя Курди

Ален и Ана Еделински, Даниєл Сабадош, школяре 4. класи

Дарио Джуджар, 3. класа


4. школски вечар Рускей поезиїПондзелок, 25. фебруара 2019. року, у ОШ Антуна Бауера у Вуковаре, з нагоди Медзи-народного дня мацеринского язика, отри-мани 4. Школски вечар рускей поезиї, котри помали прераста до традициї. Тогорочни ве-чар бул пошвецени рускей поетеси Любици Гаргай и єй збирки поезиї за дзеци »Чаривна лабдочка«, друкованей 2018. року. Циль тих вечарох ученє и розвиванє мацеринского, руского язика и пестованє язичней и кул-турней рижнородносци и у городских шко-лох. Шицки 10 учашнїки, а окреме дзивчата, пооблєкани у руских сукньох зоз завязаним баршоньом на глави, рецитуюци поезию за дзеци, указали як уча, знаю, пестую и любя свой мацерински, руски язик. Указали же знаю и шпивац. У провадзеню Анто-ния Недича на ґитари, Алекса Сабадош одшивал »А од Прешова«, а потим шицки вєдно новоком-поновану писню »Петнацрочним«. Програма за-кончела зоз шпиванку »Чия то заградка нєора-на«, хтора порушела и присутних та ю до конца одшпивали вєдно зоз школярами. Конферансу водзели Миа Будим и Антонио Недич. Поетеса подзековала школяром на порих-

таним вечаре, пожадала же би свой маце-рински, руски язик бешедовали вшадзи дзе можу и нїґда го нє забули. До школскей би-блиотеки подаровала даскельо прикладнїки своїх трох збиркох же би их школяре могли вжац и читац кеди сцу. Програму звелїчали члени Ради рускей на-ционалней меншини городу Вуковару, пред-сидатель Дружтва «Руснак» Мийо Шайтош, предсидатель КУД-а Осиф Костелник Владо Русин, учителька руского язика и култури у Петровцох Наталия Гнатко, библиотекар, класни и предметни учителє, як и горди ро-дичи школярох та дїдове, баби и велї Русна-ци з Вуковару. Програму порихтали школяре од 2. по 8. класу хтори ходза на наставу руского язика и култури з учительку Илону Грецешин. Со-орґанизаторе вечара були Дружтво »Руснак« и Рада рускей националней меншини, котри були и порушоваче тей настави. Наздаваме ше же ше число школярох та и учашнїкох на идуцих вечарох рускей поезиї и надaлєй будзе звекшовац.


Заєднїцка фотоґрафия учашнїкох програми

Публика на збуванюВуковарски школяре


7. школски вечар Рускей поезиїСтреду, 27. фебруара 2019. року, у про-сторийох Општини Стари Янковци, отри-мани 7. Школски вечар рускей поезиї. Того року бул пошвецени поетеси Люби-ци Гаргай и єй першей збирки поезиї за дзеци »Чаривна лабдочка«. Порихтали го школяре руского язика и култури од 1. по 8. класу ОШ Стари Янковци з учитель-ку Илону Грецешин. Понеже тот Школски вечар рускей пое-зиї постал традиция, школяре ше за ньго почали рихтац уж од початку школского року. Старши школяре сами себе пови-берали писньочки, док младшим помо-гла учителька. Понеже то були писнї за дзеци, и младши и старши их научели рецитовац вельо скорей як потераз. Програму прикрашели и руски народни писнї. И на тим вечаре, як и на потераш-нїх, шицки школярки були зоз завязаним баршоньом на глави и пооблєкани у ру-ских сукньох, котри им пожичело Друж-тво »Руснак«. Поетеса школяром подзековала на труду и приємней програми. Припознала же є перши раз у Старих Янковцох и же ю барз приємно нєсподзивало кельо их єст вельо и як крашнє научели рецитовац по руски. Повинчовала учительки на робо-ти и за наставу єй подаровала шицки три

свойо збирки поезиї. Як дарунок за здо-гадованє на тот вечар, школяре и учи-телька поетеси подаровали »лабдочку« на хтору ше подписали шицки школяре з Петровцох, Вуковару и Старих Янковцох хтори ходза на наставу руского язика и култури. На концу програми шицких присутних привитал Мийо Шайтош, предсидатель Дружтва »Руснак«, котре вєдно з родича-ми було инициятор настави руского язи-ка и култури у Старих Янковцох. Повин-човал на успишней програми и пожадал же би и надалєй були таки успишни у ро-боти и же би их до рока було ище вецей. Соорґанизаторе вечара були Дружтво »Руснак« и Општина Стари Янковци.


Школяре зоз Старих Янковцох вєдно з учительками, поетесу и

предсидательом Дружтва Руснак

«Чаривна лабдочка» за поетесу1188/2019 VJENČIĆ - ВЕНЧИК

ФашенґиВовторк, 5. марца, у пе-тровскей школи означени Фашенґи. Того дня школя-ре до школи пришли ма-скирани до рижних живо-тиньох, ловарох, воякох, фодбалерох, спортистох, кухарох, значних особох у политики... Перше ше, таки маскирани, шпиваю-ци та з кричаньом, дур-каньом палїчкох и чер-каньом рижних черкоткох прешейтали по валалє, а потим ше врацели до школи, дзе кажде дзецко представело свою маску.

З каждей класи вибрана найудатнєйша маска, ко-тра нє шмела буц купча, а вец ище награду достал школяр котри найори-ґиналнєйше представел свою маску.

После додзельованя на-градох, шлїдзел танєц под масками, а потим шицки учашнїки були погосцени з бухтами.


100. Дзень школи Стреду, 14. фебруара 2019. року у петровскей школи означени »Валентиново« и по перши раз »100. дзень школи«. З тей нагоди були орґанизовани и 5 робот-нї. У роботнї »Дзе сцигнєм за 100 крочаї« школяре рушели од дзверох своєй учальнї, а после напра-вених 100 крочайох було цикаве видзиц хто дзе

сцигнул. У роботнї »Шерцо зоз 100 ружох« мали наго-ду увежбац свою схопносц виробку того красного квеца. Кед ше мали руки зложели, пошвидко ше 100 червени ружи з папе-ру нашли у форми шерца. Роботня »Злож слику зоз 100 фалаткох« ознова поз-берала вєдно шицких шко-лярох та пошвидко слика

була зложена. Вистава ро-ботох з подобовей роботнї на тему »Як будзем випа-трац за 100 роки« вивола-ла шмих. »100 палачинки«, або »Смачна роботня« як ю школяре наволали, ро-бела цали час док тирвали шицки начишлєни робот-нї. Школяре ше на почат-ку подзелєли до менших ґрупох и вименююци ше, з учительками пражели палачинки. Кед була упра-жена и стота палачинка, шицки ше вєдно позбера-ли коло тацни и засладзе-ли ше з нїма. Тот дзень у школи ище и нєшка споминаю.



Dan materinskog jezika u OŠ ČakovciU Osnovnoj školi Čakovci učenici, osim hr-vatskog, imaju mogućnost njegovati svoj materinski jezik pohađajući nastavu mađar-skog ili rusinskog jezika. Tradicionalna pri-redba povodom Međunarodnog dana ma-terinskog jezika podsjeća nas kako je jezik dio naše kulture i običaja i vitalni segment u održavanju nacionalnog trojezičnog identiteta. Ove godine priredba se održala u holu Osnovne škole 20. veljače. U hrvat-skom dijelu priredbe sudjelovali su učenici 7. razreda s prigodnim recitacijama, dok je školski zbor uspješno izveo potpuri pjesa-

ma pet hrvatskih regija. Učenici koji polaze Mađarski jezik i kulturu predstavili su se re-citacijama i pjesmom „Érik a szőlő“, uz prat-nju violine koju je svirao Karlo Ello. Rusini su razveselili publiku brojalicama i recitaci-jama te pjesmama „Na tim našim šore“ i „Za radost malo mi treba“. Također, kroz kratki vremeplov, podsjetili smo se kako izgledaju i zovu se pojedini predmeti narodne i obi-čajne baštine. I za kraj, gosti su imali priliku kušati fine specijalitete mađarske, rusinske i hrvatske kuhinje koje su pripremile vrijedne ruke naših mama. Lesya Mudri

Dio publike Školski zbor

Djeca iz igraonice u Bokšiću

Učenici 4. r. PŠ Mikluševci Iva Čordaš, Vladimir Mišljenović, Daniel Babinčak i Andrej Pap

Školski zbor pod rukovodstvom nastavnice Nataše Lukač-Dudaš

Andrej Pap i Nikolina Bučko

Raspjevani Mikluševčani


Означени Дзень мацеринского язика у Миклошевцох

Медзинародни дзень мацеринского язика оз-начує ше 21. фебруара з цильом наглашованя на важносци чуваня власного, мацеринского язика, алє и язичней розличносци у цалим шве-це. У Подручней школи у Миклошевцох з наго-ди того дня школяре котри виучую руски язик традицийно порихтали святочну програму.За початок присутних привитала директорка школи Марина Балич, а потим дзеци пред-ставели цо шицкого научели на годзинох ма-церинского язика з учительку Лесю Мудри. Були ту рецитациї, шпиванки и драмски слич-ки, так же ше наймладши Миклошевчанє ище раз указали як талановани ґлумци и шпиваче. Окремну повагу патрачох прицаговала сце-ноґрафия у котрей єден угел школского голу бул ушорени як часц старей хижи. На годзи-нох руского язика и култури школяре учели о старих стварох, а окреме о тим як ше дараз ролькало. Резултати свойого виглєдованя планую представиц як тогорочни школски проєкт «Стари ремесла» за Дзень школи.Програму нащивело красне число патрачох, а зоз своїм присуством увелїчали ю микло-шевски парох о. Роман Ступяк, началнїк Општи-

ни Томповци Здравко Звонарич, секретар Союзу Русинох РГ Звонко Костелник и Предста-вителька Руснацох Осєцко-бараньскей жупа-ниї Агнетка Балатинац. Леся Мудри

Розшпивани Николина, Владимир и Ива

Етно куцик

Драмска сличка «Найвекши домашнї

задаток»

Заєднїцка фотоґрафия

Водителє програми Кристиан Мудри и Ива Чордаш

Андрей Пап

Штварта класа представела сатри свари

Школяре 2. класи розчитовали


Дзецински молитви з наших молитвенїкох

Дзепоєдни дзеци питали уж вецей раз чи єст даяка молитва на нашим язику на-приклад за наших родичох, або цо ше и як може модлїц скорей ученя. Премили дзеци, праве з тей нагоди, до духовно-го боку, з вибору наших видатих молит-венїкох положени тоти три молитви ко-три би могли буц од духовного хасну.

Молитва за свойо родичиО праведни Господи Боже, Ти дал запо-вид и розповед почитовац оца и мацер. Так исто ши, по своїм родзеню од Пречи-стей Дїви, бул послушни своєй пресвятей Мацери Мариї и св. Осифови єй обруч-нїкови. Понїзно ше модлїм Тебе, Господу Богу мойому: Вислухай глас мой и зми-луй ше над моїма родичами котри ме у Твоєй ласки и любови воспитали. Одврац од нїх кажду чкодлїву страсц и хороту, и дай им здравє и длуги вик, мирни живот и достаточне Твойо благословенє вилєй на нїх милосердно. Благослов їх намага-ня и службу. Змилуй им ше зоз щедрос-цами Твоїма, же би Тебе вирно служаци и мнє на Твою славу и служенє достойно воспитуюци достали ласку Твою у тим живоце, а потим и за награду живот вич-ни. Аминь.

Молитва пред ученьомЦару нєбесни, Поцешителю, Душе Правди, котри ши вшадзи и шицко ви-полнюєш, Скровище благох и живота Давателю, придз и ушель ше до нас, и очисц нас од каждей нєчистоти, и спаш, Благи, души нашо.Преблаги Господи, пошлї нам благодат Духа Твойого Святого, же би нам даро-вал розумноц и змоцнєл нашо духовни сили, же бизме провадзаци ученє хторе нам учителє викладаю, виросли Тебе, на-шому Створительови на славу, родичом нашим на поцешенє, а Церкви и Отече-ству на хасен. Аминь.

Молитва после ученяДостойно наисце, як блажену ослов-йовац тебе Богородицу, вшеблажену и пренєпорочну и Мацер Бога нашого. Чествованшу од херувимох и нєпо-ровнуюцо славнєйшу од серафимох, тебе, хтора нєпорочно Бога-Слово народзела, насправди як Богородицу велїчаме.Благодариме Тебе, Створителю, же ши нас удостоєл и тераз, з помоцу Твоєй ласки похопйовац ученє. Благослов на-ших учительох и родичох котри нас уна-прямюю ґу спознаню добрей науки, му-дросци, чесносци и доброти. Аминь.

о. Владимир Седлак


Отримани традицийни «Дзецински бал» у Петровцох

Уж традицийно и того року културно за-бавну манифестацию дзецох «Дзецински бал» орґанизовали Рада рускей нацио-налней меншини Општини Боґдановци и КУД «Яким Гарди» зоз Петровцох.Традицийни Дзецински бал того року отримани у Петровцох 17. фебруара 2019. у дружтвеним доме Соколана, а госцох и будуцих танєчнїкох и їх родичох розвешельовал тамбурови оркестер КУД –а Яким Гарди зоз Петровцох змоцнєни зоз членами Вуковарского дружтва Осиф Костелник и зоз Руского Керестура. У пополадньових годзинох нашо найм-ладши зоз их родичами и родзину мали нагоду нащивиц забавну манифестацию наших наймладших «Дзецински бал». Окрем танцованя, шпиваня и франто-ваня дзеци могли уживац у слатких на-пойох и лакоткох, а так исто и у богатей томболи за котру ше постарали орґани-заторе. Така дзецинска манифестация

то файта «Прадкох» лєм же ту участвую дзеци, а на прадкох младеж. Так на зако-нченю сезони прадкох младеж у каждим обисцу дзе ше сходзели прадки орґа-низовала свя¬точну госцину з музику и танцами и то ше волало „брацке». Тота госцина звичайно падала на „фашенґи», та була кулминация заєднїцкого живота младежи. Дзивчата ше остарали за єдло, хлапци за напой и музику, та весела за-бава тирвала „до билого рана». Так як млади робели дараз терас у Друштвеним доме орґанизаторе правя за дзеци , же би ше традиция нє загасла. Понад 60 дзе-ци хтори ше нашли на Дзецинским балу, найвецей поваги прицаговала томбола, хтора того року мала прейґ 200 зґодитки. Вицагованє томболи тиж так традицийно медзи дзецми котри нє мали щесца дос-тац виволало жалосц, та аж и слизи пре нєдостату томболу.

Звонко Костелник проф.

Крашнє ше забавяло

И наймладши уча танєчни крочаї

Петровски гудаци за наймладших танєчнїкох

Облюбени каубойски танєц16 VJENČIĆ - ВЕНЧИК 88/2019

МаскенбалЯк цо тому и швечи, у знаку вешеля и танцу прешол тогорочни маскенбал у Миклошевцох, котри 17. фебруара орґа-низовало Дружтво Нашо дзеци Микло-шевци. У Старей тарґовини позберали ше наймладши Миклошевчанє же би през маску указали свою креативносц и здогадлївосц, же би ше повешелєли, по-бавели и затанцовали. Веселих конкур-сох и танцу було надосц, а кажде дзецко достало мали дарунок, так же шицки були задовольни. Весели и розбавени

маски засладзели ше зоз бухтами за ко-три ше постарали вредни мацери.

Леся Мудри

По варошу дражичкаНа тогорочним Дзецинским балу у Петров-цох була як и вше добра нащива наших найм-ладших. Док тоти менши лєм ходзели, бегали

и оганяли ше, тоти цо уж були на балу розпа-трали тогорочну томболу. Кед гудаци загра-ли, до кола ше почали лапац перше школяре, а познєйше и гевти младши. Школяром хтори ходза на наставу руского язика и култури то була нагода же би у школи научени руски писнї зашпивали и на микро-фон. У поради з гудацми одшпивали писню »По варошу дражичка«. Шпивац на микро-фон започало их даскельо найшмелших, а вец ше шпиваюци, число шпивачох звекшо-вало. З моцним аплаузом були наградзени за свой наступ, за котри ше анї нє рихтали, а були задовольни же з гудацми успишно од-шивали и то без ґенералней проби.


Побиднїци у танцу шерца

Мариєта и Петра

Два красавици и дириґент

Танєц зоз балоном

Интересантни бависка

Два цикави маски

Часц маскох


Дзень oцох означени у миклошевскей школи

Школяре Подручней школи у Микло-шевцох вєдно з учительками 19. марца поволали своїх оцох до школи дзе за нїх порихтали веселу програму з нагоди Дня оцох. Родичи озбильно прилапели пово-ланку, одложели свойо роботи и обовяз-ки и пришли на тот дзень, доказуюци же им їх дзеци на першим месце.

Дзеци перше рецитовали и шпивали шпиванки, а потим татом подаровали їх портрети зоз винчованку. После святоч-ней часци шлїдзела и забавна. Оцове зоз дзецми бавели дружтвени бависка, а медзи собу ше змагали хто наймоцнєй-ши и найлєпши будователь.На концу, зоз прецагованьом штранґа були одлучени конєчни побиднїки, а то були, звичайно, дзеци. Задовольни, оби-

два боки одлучели подобни друженя орґанизовац голєм раз рочно, за Дзень оцох. Леся Мудри

Кед би вєдно мальовали

Будуєме хижи зоз картох и бавиме домино

Чесна борба у цаганю штранґуНайкрасши слова за оцох

Вєдно з оцами у школярскей лавки


Докторант Канаме Окано ознова на настави руского язика и култури

Од 14. по 19. януар Вуковарско-сримску жупанию нащивел Японєц, докторaнт мр. Канаме Окано, котри през наукови проєкт виглєдує етнолинґвистичну ситу-ацию Руснацох у Републики Горватскей. З тей нагоди, у орґанизациї Дружтва »Ру-снак« нащивел шицки школи у котрих ше виучує руски язик и култура по моделу Ц.Стреду дополадня нащивел ОШ »Стари Янковци« у Старих Янковцох, дзе го доче-кал директор Андєлко Лучич, а пополад-ню ОШ Антуна Бауера у Вуковаре дзе го привитал директор Йоза Михалєв. Вєдно з директорами, привитала го и учитель-ка руского язика и култури Илона Греце-шин, котра преподава у обидвох школох. Пияток нащивел Подручну школу у Пе-тровцох, дзе го привитала єй водителька Ясминка Будински вєдно з учительками руского язика и култури Наталию Гнатко и Илону Грецешин, як и другима учитель-ки петровскей школи. Понеже шицки три школи пан Канаме перши раз нащивел 2016. року, вел-їм школяром було мило ознова го по руски привитац у своїх школох и кратко побешедовац з нїм. Його нащива виво-лала вельку цикавосц и любопитлївосц при школярох нїзших класох, хторим то було перше стретнуце з нїм. На питанє

же чи Японєц наисце бешедує по руски, пошвидко достали одвит, а даєдни з нїм и побешедовали по руски.

Штварток, госц з Япону перши раз нащи-вел Подручну школу у Миклошевцох, дзе го привитали директорка Марина Балич, учителька руского язика и култури Леся Мудри и други учительки. Його нащива и цикавосц же чи Японєц наисце беше-дує по руски, тиж виволала вельку лю-бопитлївосц як при школярох так и при учителькох. Кед ше прешвечели же то правда, од пана Окана достали и одвит же дзе чул за Руснацох та як почал и нау-чел бещедовац по руски. У розварки з директорами, учительками и зоз школярами, пан Канаме Окано до-стал одвити на свойо питаня хтори знач-ни за реализацию його проєкта.


Госц зоз Япону у ОШ Антун Бауер у Вуковаре

Нащива ОШ Чаковци, ПШ Миклошевци

Канаме Окано вєдно зоз школярами у ПШ Петровци


БАСНА

Дуб и жалосна вербаУ єдним городским парку велї роки у миру и злоги жили дуб и жалосна верба.

– Чи ти знаш, сушед, прецо мнє волаю жалосна верба?

– Можебуц прето же ши вше жалосна? – бул покус иронични стари дуб.

– Точни одвит бул би тот же сом спочатку звичайно щешлїва, а на концу звичайно смутна! Поведзме, на початку каждей любови двойо залюбених под моїма ко-нарами єдно другому обецаю вичну лю-бов и почитованє, алє то звичайно нє по-тирва длуго. Або, вояк одходзи до войни

и под моїма конарами своєй милей обе-ца же ше бизовно враци живи и здрави, а вец ше му занавше затраци кажди шлїд...

– Я ше шицкого того напатрел вецей як ти, сушедо, прето же мам вельо вецей роки од тебе! Углавним, щесце и нєщес-це иду руку под руку, а нїхто з нас нє зна цо го чека споза угла! – заключел мудри и искусни дуб.

Бешеду дуба и жалосней верби вислу-ховала стара и мудра сова та баржей за себе гварела: Щесце треба упарто волац, а нєщесце придзе и нєволане!

Яким Пушкаш

СМУЖКИ ЗОЗ ДАКЕДИШНЬОГО ВУКОВАРУ И ОКОЛЇСКА (2)

Таблїчка на „Руским“ язикуПетровци, 1953. року. На будинку Народ-ного одбору, односно Општини, виша два таблїчки. Єдна виписана на кири-лици, друга на латиници. На кирилици, писму петровских Сербох, писало так: Народна Република Хрватска, Општина Петровци. На другей таблїчки, на лати-ници, нїби писму петровских Руснацох, писало: Narodna Republika Horvacka, Opština Petrovci.

У вязи тих таблїчкох тедишня (соция-листична) власц вироятнє мала добру намиру, алє чолни „товарише“ тедиш-

нього Котару Винковци вироятнє нє знали (а нїкому ше нє питали!) же Рус-наци пишу на кирилици, а нє на лати-ници! Петровци познєйше страцели статус општини, а таблїчки вец зняти з будинку бувшей општини и „спораєни“ на пойд.

Коло 1975. року на уходзе до Петровцох (з напряму Вуковару и Янковцох) поста-вени троязични табли з назву валалу и вони ше там находзели по 1991. рок, од-носно по початок остатнєй войни.

Яким Пушкаш


Чудесни швет

Мануела Дудаш

Кед чуєме «божа катичка», або другу у нас прияту назву - «бубамара», вироят-нє векшина з нас у глави ма слику малого червеного инсекту котри по себе ма чарни джобочки. То добра слика, алє то лєм єдна з файтох божей катички котру можеме найсц у природи. Велї ше питаю прецо божо ка-тички маю чарни джобочки по себе. Иснує думанє же по джобочкох можеме одредзиц старосц божей катички, алє науковци гва-ря же то нє так. Джобочки и їх положенє гуторя о файти божей катички. Медзитим, нє шицки файти их маю - даєдни нє маю анї єдну, а даєдни маю и до 24 джобочки. Тиж так, нє муша шицки буц червеней фарби зоз чарнима джобочками. Одредзена фарба у комбинациї зоз джобочками божей катички служи же би ше охранєла и одбила можлїви опасносци.Божо катички активни од яри по єшень. Кед зажимнєє, вец ше удружую до ґрупох и през жиму мирую скрити под каменьом або под лїсцом. Кед температура у природи досягнє коло 16 ступнї, вони ше будза и виходза вон-ка.Векшином єдна божа катичка дожиє по єден

рок, алє даєдни файти жию и два-три роки.


Забавни боки

Помож мотильови пренайсц драгу по квет!

Помож пчолки пренайсц драгу по квет!


Слова под сличками: КВЕЦЕ, КОШАРКА, МАШЛЯ, МОТИЛЇ, ФИЯЛКИ, КУРЧАТА, ГНЇЗДО, ЗАЯЦ.

Допиш одвитуюци букви так же би назви котри меную

слички були точни!

К E E

К O A

M A

И КM O T

К A AГ O

A


Повяж числа та достанєш

красну сличку!

Пренайдз 10 розлики!


С Л А В О Н С К И Б Р О Д К П П

И В А Т П О Д К О В А Н Я О Л Е

Ц В А Ґ Р А Р А Н О К С Н П Е Т

В К У Р Е О Ц Е Ц Ш Л Л У Р Т Р

Е У Л К А Ж Ґ И А Я О У А И Е И

Ж К И В О Ж О И Т К Ч Н Р В Р К

И У Р О О В Д П Р И П К А Н Н И

Р Р И К Н Д А И Ц Я В О Б И И М

К И К А И В А Р Н А И О И Ц Ц В

А Ч Ь Ш В И Ч К А П В Т Р А А О

Н А Л И Ц В О К Н И В О А И Р Р

И Н А Я Ц И Н А Н И Н К Л П В Б

П К Б Н А Р И И Н И А С О Р О У

А А О К Р К Л К Н С И Н Ь Б А Д

Р О Б О Т А О К О В О К Я Д А К

К У М Л О К С Р А Б Е Р Т С Я З

БОБАЛЬКИВАНЯВАРАЖДИНВИВИРКАВИНКОВИНКОВЦИВИНОВИРОВИТИЦАВОДАВУКОВАРДУБРОВНИКДЯКОВОЗАБОККАРЛОВАЦКВОКАКИРИЛКНИНКОНАР

КОПРИВНИЦАКРАПИНАКРИЖЕВЦИКУКУРИЧАНКАКУМНИНАОПАТИЯОСАОЦЕЦОШЯКПЕТРИКПЛЕТЕРНИЦАПОЖЕҐАПОДКОВАПЧОЛКАРИБАРОБОТСИНЬ

СЛАВОНСКИ БРОДСЛУНКОСОЛИНТРОҐИРЦАРШВИЧКАШИЯЯНКОЯНУАРЯСТРЕБАРСКО

Кед пренайдзеце задани поняца достанєце ище єдно.

Лю. Гаргай

Ришенє: АПРИЛ


1

2

3

4

5

6

7

8

Б Н П О Т О К АА А К О Т И В КГ Ш А В А Р Т ВН Е М Л Л А Й ОЇ Н Р И О С А ТТ Є Р Е Ц Ч М СК П У П Ч Е П АА Ц И Ч И Б Ю Л

1. Треца буква рускей азбуки2. Процивне од война3. Часц кукуричанки4. Предмет за помиванє5. Женске мено; Славка6. На пажици окрем квеца рошнє и....7. Горватска нафтова индустрия 8. Осма буква рускей азбуки

У шивих польох: Єден гоби, а найчастейше то робя дзивчата и жени.

Лю. Гаргай

Ришенє:в;мир;шушка;помиток;Славица;тра-ва;ИНА;є.шиви поля: вишиванє

Кед пренайдзеце тоти дванац слова вязани за яр, достанєце назву єдного ярнього меша-ца.

Лю. Гаргай

1. АПРИЛ2. БАГНЇТКА3. КВИТОК4. ЛАСТОВКА5. ЛЮБИЧИЦА6. МАЙ

7. НАШЕНЄ8. ОСА9. ПОТОК10. ПЧОЛА11. ПУПЧЕ12. ТРАВА

Ришенє: марец

Даскельо интересантносци о брамушкох: - медзи животинями брамушки маю найрозвитши дружтвени живот;

- гоч их у колониї єст вельо, кажда брамушка зна свойо задлуженє;

- брамушки маю барз розвите чувство за колек-тивну роботу;

- жию вшадзи, окрем на Антарктику, у морйох, ри-кох и океанох;

- як и други инсекти, брамушки маю шейсц ноги хтори им барз моцни ше можу швидко рушац и бегац. Кед би чловек так бегал досцигнул би швидкосц обеговацого коня;

- брамушка може дзвигнуц терху пейдзешат раз чежшу од себе;

- маю найвекши мозоґ медзи инсектами; - брамушкова колония може мац од сто по мили-ярду єдинки;

- брамушки жию просеково од 45 по 60 днї, а през штири фази: ваїчко, лїчинка, бабка и одроснута брамушка;

- брамушки нє маю плюца, воздух удихую и види-хую през мали дзирки хтори ше им находза по цалим целу;

- кажда колония ма єдну або вецей кралїци хто-ри лягню ваїчка, а о хторих ше стараю брамушки роботнїци хтори стерилни;

- брамушки роботнїци маю обовязку и приношиц єдзенє, чувац гнїздо од нєприятельох, пораїц, виношиц шмеце и подобне;

- иснує вецей як 12 000 розлични файти брамуш-кох;

- кажда колония ма особни пах, прето нєприятеля лєгко препознаю;

- брамушка ма два жалудки. Єден за себе, а други за єдзене хторе дзелї зоз другима брамушками;

- даєдни брамушки шпя и по седем годзини на дзень;

- найдлугша брамушка длугока 2,5цм, а найменша 1 милиметер.

Лю. Гаргай


Весели бубиЗа малих любительох природи

Потребни материял:- картон од старей шкатули - ножнїчки - блишовани дрот- фарби- щеточки- лїпкадло

2. На картону нарисуй цело буби, ви-штригнї го и офарб з веселима фарбами.3. За очи вежнї фалаток ценкого паперу, намасц го зоз лїпкадлом и зґужвай до кульки. Кульки залїп на главу и зоз чарну фарбу нарисуй точку.4. Од блишового дроту одреж три фалат-ки длугоки дас 10 цм. Прецагнї их през цик-цак отвор на картону и зогнї як но-жки.

Леся Мудри

Ярнї пано у ПШ Миклошевци, Весели буби на паноу

Буби помагал правиц Дариян Хома, школяр 1. класи.



Школяре написалиШколски вечар рускей поезиїТогорочни 19. Школски вечар рускей поезиї у пе-тровскей школи отримани штварток, 21. фебруара, праве на сам Медзинародни дзень мацеринского язика. Бул пошвецени поезиї Любици Гаргай. Я ю познам бо єй у Петровцох жию мац и брат, та з нїма внєдзелю часто приходзи ту до церкви. Зоз єй зби-рки поезиї за дзеци вибрал сом франтовлїву писню Петрова хорота. Док сом на наступу слухал других школярох як наступаю, барз ше ми попачела писня Мой валал хтору рецитовала Лорена Медєши. Вецей любим писац як читац писнї. Хто зна, можебуц нєш-ка-ютре и я будзем поета.

Саша Бильна, 5. класа, Петровци

Жимски одпочивокНа жимским одпочивку перше ми було барз допи-то. Нє було школи та сом нє знала цо робиц. Швид-ко пришол и Карчун. Пошла сом до баби правиц єй дружтво бо вона сама жиє. По Крачунє до Петровцох пришла моя пайташка Ґабриела хтору барз длуго по-знам. У друженю з ню було ми приємно, та ми и час швидше преходзел. Була сом щешлїва же зме ше оз-нова стретли и досц часу препровадзели вєдно.

Ена Фа Просеник, 6. класа, Петровци

Жимски одпочивокПрез жимски одпочивок було ми добре и нє було ми допито. Мал сом вецей часу, та сом учел грац пиано и нємецки язик прейґ апликациї. Дакус сом бул нє-щешлїви же нє було шнїгу. Вецей часу препровадзел сом дома з фамелию. Думам же ми хибела школа, точ-нєйше пайташе. Тео Медєши, 6. класа, Петровци

Жимски одпочивокКед школа закончела, радовал сом ше жимскому од-почивку. Перше ми було добре, а познєйше и допи-то. Рано сом длуго спал и одпочивал ше. З пайташми сом бавел бависка на компютеру. Бул сом на наступу з Дружтвом »Руснак« у Тенї. И тей Вилїї унєсол сом з оцом крачунске древко до хижи.

Деян Мудри, 7. класа, Петровци

Школски вечар рускей поезиїНа тогорочним вечару у петровскей школи рецитовала сом писню Мой валал. Писня ми барз мила прето же у нєй ошпивани мойо Петровци, та за мнє ма окремне зна-ченє. Пречитала сом велї писнї зоз кнїжки »Чаривна ла-бдочка« и пача ше ми. Поетеса Гаргайова написала писнї и за младши и за старши дзеци. Вечари рускей поезиї у петровскей школи постали традиционални. Кажди вечар на свой способ ориґинални. За нас школярох значни су бо ше стретаме з рускима поетами, а през длугше прири-хованє вельо вецей дознаваме и научиме о поетови и по-езиї котрому вечар пошвецени. През тоти 8 роки дознала сом и упознала велїх поетох и поетеси хтори родзени у Петровцох. Лорена Медєши, 8. класа Петровци

Школски вечар рускей поезиїЗа тогорочни вечар глїбше зме обрабяли творчосц поетеси Любици Гаргай. Вибрала сом писню »Руснак на ровнїни«, у хторей описани чежки живот Русна-цох. Якошик ше ми тота писня найбаржей попачела. Дорушела ми шерцо…То писня зоз збирки поезиї за дзеци »Чаривна ла-бдочка« хтору сом од поетеси достала на дарунок кед була єй промоция за Петровски дзвон. Пача ше ми писнї и пречитала сом скоро цалу збирку. На веча-ру поезиї писню сом читала зоз збирки, а нє з паперу. То ми бул найкрасши вечар поезиї у школи.

Нера Салак, 8. класа, Петровци

Єден песЖил себе єден пес. Мено му було Клайбас. Таке му мено видумал Дариян, школяр першей класи. Пес Клайбас любел єсц меса и пиц кока-колу. Тот пес мал вирного пайташа, кандура Мурмура. Тото мено му дал Андрей, Дариянов брат.

Дариян Хома, 1. класа, Миклошевци

Док вирошнєм...Док вирошнєм, купим себе швидки авто AUDI R-8 и будзем участвовац у автомобилских змаганьох. Мой пайташ Борна будзе ми совожач, вєдно будземе во-жиц аж по Винковци. Будземе перши и достанєме златни погар, а у нїм вельо пенєжи, дас сто милиони. Подзелїме их. Я себе купим други авто, моцнєйши и швидши, а Борна купи авто и хижу, а остаток поло-жиме до банки.

Марко Хома и Борна Бабинчак, славни автомобилисти, 2. класа, Миклошевци

ЦиґоньчкареДвоме пайташе пошли лапац риби. Одразу пришол рибочувар и питал од нїх дозволи. А вони их обидво-ме забули дома. Чувар им загрожел же им за кару вежнє циґонї. Хлапцом ше то нє попачело. Вони чува-ровови обецали полну канту риби лєм най их пущи. Тот пристал, а док ше обрацел, єден од хлапцох го дрилєл до плїткей води. Док чувар виплївал зоз води, хлапци сцекли дому.

Никола Мишлєнович, 2. класа, Миклошевци

Мой пес ВучкоМой пес Вучко добри и дурни, вон ше люби бавиц. Вон зна читац, писац и рисовац. Мой Вучко зна ба-виц фодбал найлєпше од шицких псох. Мой пес зна ше попендрац на древо и шпивац як тащок. Вон зна прескаковац штранґ и бавиц столни тенис. Вучко може сам збудовац вельку хижу. Мой пес зна сам налапац риби и упечиц палачинки. Вучко пречудес-ни пес, вон краль над псами. Шицки би любели мац такого пса. Боїм ше же ми го нє вежню, прето вам нє повем дзе вон жиє.

Николина Бучко, 2. класа, Миклошевци


Подобово роботи

Фран И. Кризманич, 1. класа, Петровци

Даниєл Бабинчак, 4. класа, Миклошевци

Ален Еделински, 4. класа, Петровци

Николина Бучко, 2. класа, Миклошевци

Лука Медєши, 5. класа, Петровци

Миа Фа Албертович, 1. класа, Петровци

Ана Еделински, 4. класа, Петровци

Даниєл Сабадош, 4. класа, Петровци

Кристиан Мудри, 7. класа, Миклошевци

Сара Ґубица, 3. класа, Петровци


Владимир Мишлєнович, 4. класа, Миклошевци

Борна Бабинчак, 2. класа, Миклошевци

Андрей Пап, 4. класа, Миклошевци

Неманя Курди, 2. класа, Петровци

Мартин Седлак, 1. класа, Петровци

Марко Иван, 3. класа, Петровци

Фран И. Кризманич, 1. класа, Петровци

Марко Сеґеди, 3. класа, Петровци


Documents

Vjenčić - Венчик · Святи Миколай у Осиєку У грекокатолїцкей церкви Христа Царя у Оси-єку, 9. децембра 2018