-
Y NEGESYDD HAF 2017 RHIFYN 7
Dathliadau Undeb
Bedyddwyr Cymru
O’r Llwyfan Dewch i Nepal yn 2018… ar Ymweliad gyda’r BMS
Rydym yn chwilio am 6-10 person o Gymru i ymweld â Nepal.
Bydd y Parchedig Haydn Davies (Llywydd yr Adran Iaith Saesneg)
yn arwain y daith gyffrous hon a fydd yn rhoi blas ar waith
cenhadol.
• Pryd? 13-22 Ebrill 2018.
• Ymhle? 4 diwrnod yn Kathmandu a 4 diwrnod yn Pokhara.
• Amcan gost? Bydd angen i chi godi tua £1,200.
• Cyn i chi fynd ar y daith, byddwch yn derbyn hyfforddiant
llawn gan staff profiadol y BMS.
• Bydd UBC yn barod i gyfrannu swm cyfatebol i fyny at £250 ar
gyfer pob unigolyn a fydd yn derbyn rhoddion oddi wrth y
Cymanfaoedd neu’r Eglwysi tuag at gostau’r daith.
Dyddiad Cau: 29 Medi 2017
Y GYNHADLEDD : TORRI TIR NEWYDD
Croesawu Cynrychiolwyr yr Enwadau a’r Cyrff Ecwmenaidd ar
ddiwedd sesiwn
y prynhawn.
CEIR MWY O HANES DATHLIADAU MEHEFIN 16eg a 17eg Y TU
MEWN: DIGWYDDIADAU DYDD GWENER YN PARHAU AR Y
DUDALEN GEFN A HANES CYFFROUS DATHLIAD DYDD
SADWRN AR Y DDWY DUDALEN GANOL.
Dau lywydd yn cael eu hurddo yn yr un oedfa: Y Parchedig
Judith
Morris, Ysgrifennydd Cyffredinol yr Undeb yn sefydlu’r Parchg
Haydn
Davies yn Llywydd yr Adran ddi-Gymraeg a’r Parchg John
Talfryn
Jones yn Llywydd yr Adran Gymraeg.
Os oes gennych ddiddordeb, cysylltwch â’r Parchedig Haydn
Da-vies ([email protected])
neu Mrs Bonni Davies: 01267 245660 ([email protected])
mailto:[email protected])
-
Dathliadau 150 yr Undeb
Yn ganolbwynt ar y llwyfan trwy gydol yr Oedfa Agoriadol oedd
Teisen y Dathlu o waith Siân Davies o Gwm Gwaun Sir Benfro ac fe’i
rhannwyd (ynghyd â thair teisen arall!) i bawb yn ystod yr awr
ginio. Roedd yr hufen iâ a fwynhawyd gan bawb o bob oed ar ôl pecyn
picnic yr oedolion a ‘pizzas’ y plant a’r ieuenctid hefyd yn
gymorth i atgoffa pawb o fod mewn parti mawr.
Y Gair, y Gymdeithas a’r Genhadaeth: D. Densil Morgan
Yn ystod y prynhawn, roedd ystafell Teifi wedi ei llenwi gan
gyfeillion a ddaeth i wrando ar ddarlith Y Parchedig Athro Emeritws
D Densil Morgan. Daliodd ein sylw yn astud drwy’r sesiwn, gyda
chymysgfa o ffeithiau a lluniau. Datblygwyd darlun lliwgar ganddo
wrth iddo nodi hanes a chefndir eang ein traddodiad gyda’i gyswllt
cynnar â’r enwadau eraill. Cyfeiriodd at y newidiadau yn y
berthynas rhwng yr eglwys a’r llywodraeth ac hefyd, at
ddatblygiadau cynnar Anghydffurfiaeth yng Nghymru. Soniodd am y
cyfnod allweddol yn y ddeunawfed a’r bedwaredd ganrif ar bymtheg
wrth i’r chwyldro diwydiannol greu angen am eglwysi a chapeli i
ymateb i ofynion y boblogaeth a oedd yn tyfu yn y trefi
diwydiannol. Tra oedd diwygiadau’r gorffennol wedi gadael eu hôl ar
eglwysi’r Undeb, gyda thristwch y cafwyd dirywiad yn dilyn y ddau
Ryfel Byd. Ond eto, roedd y siaradwr yn ffyddiog y gwelid
datblygiadau cadarnhaol yn hanes yr eglwys yn y dyfodol. Mawr yw
ein diolch am gyfraniad yr Athro Densil Morgan i ddigwyddiadau’r
dydd, ac am ei barodrwydd i gydlynu'r ddau lyfr ardderchog a
gyhoeddwyd i ddathlu pen-blwydd arbennig yr Undeb.
Parchedig Ieuan Elfryn Jones
Tyrrodd dros 400 o bobl, plant ac ieuenctid o bob rhan o Gymru i
Ganolfan yr Halliwell ar y dydd Sadwrn ar gyfer ‘Dathliad’ ar gyfer
y teulu Bedyddiedig cyfan. Darlun hyfryd iawn i’r llygad, yn yr
oedfa Agoriadol a’r Oedfa Glo, oedd gweld pob un o bob oed yn
moli’r Arglwydd mewn llawenydd yn unol ag anogaeth Salm 150.
DIOLCH YN FAWR!
Diolch o galon i’r canlynol am y nawdd a dderbyniwyd ar gyfer y
dathliadau: SWBA, Cwmni Dai Lewis, Gwasg Gomer, Infinity Document
Solutions, S & A Stationers, Ecclesiastical, Cross & Bowen
a Chwmni Cyfreithwyr Pothecary Witham Wells. Diolch hefyd i’r
Parchedig Eirian Wyn, Mr Hefin Parri Robert a’r Parchedig Bryan
Ford am dynnu lluniau’r digwyddiad.
Pawb a’i Farn Yng nghwmi’r cyflwynydd radio a theledu Dewi
Llwyd, a’r panelwyr, y Barchg Ddr Jennie Hurd, Ms Ann Beynon, Parch
Ddr Noel Davies a Mr John Davies gwahoddwyd y cwestiynau canlynol o
blith y gynulleidfa: Mae'n hen bryd i Undeb y Bedyddwyr ac Undeb yr
Annibynwyr uno â’i gilydd. Beth yw barn y panel? (Mrs Iris Owen,
Caerfyrddin). Mae’r Llywodraeth yn gobeithio sicrhau y bydd miliwn
o bobl yn siarad Cymraeg erbyn 2050. Oes gan yr eglwysi gyfraniad
i’w wneud? (Mr Gwilym Dafydd, Tonyfelin). Onid oes angen cyfryngau
newydd i gyfathrebu’r neges Gristnogol i gwrdd â gofynion ein hoes?
(Y Parchedig Wynn Vittle, Caerfyrddin). Mae Llywodraeth Cymru yn
cael ei hannog i basio deddfwriaeth a fydd yn dileu’r angen i
gynnal gwasanaeth addoli crefyddol yn ein hysgolion. Pa ddyfodol
sydd yna i wasanaethau Cristnogol yn ein hysgolion gan gofio hefyd
fod cyn lleied o’n hathrawon yn mynychu eglwys neu gapel? (Mrs
Eirian Dafydd, Tonyfelin). Cafwyd trafodaeth arbennig o fywiog a
diddorol wrth i’r panel ac aelodau o’r gynulleidfa ymateb.
Cymru i’r Byd: Dai Woolridge, Sound of Wales mewn partneriaeth
â
Chymdeithas y Beibl Y sesiwn olaf i’w chynnal yn Theatr yr
Halliwell oedd cyflwyniad Dai a Cath Woolridge a Sound of Wales.
Trwy gyfrwng caneuon a geiriau, cawsom gyfle i ddathlu ein
treftadaeth ysbrydol wrth wrando ar hanesion pobl fel William
Morgan, Daniel Rowland, Howell Harris, Thomas Charles a Jermain
Thomas. Nid yn unig yr oedd y sesiwn hon yn gofnod o’r gorffennol
ond roedd hefyd yn gyfle i ymateb mewn diolchgarwch ac ymrwymiad am
ein bod yn rhan o’r stori sy’n parhau yma yng Nghymru.
Parchedig Susan Stevenson
Rhwng y ddwy oedfa o dan arweiniad Martyn Geraint bu’r plant a’r
ieuenctid yn mwynhau gweithgareddau yn y Neuadd Chwaraeon tra bu’r
oedolion yn mynychu dewis o seminarau amrywiol. Diolchir i’r
cyfranwyr a ddanfonodd adroddiadau.
Daeth yn amlwg fod pawb o bob oed yn mwynhau hufen iâ.
-
Diolchir i bawb a gyfrannodd i’r casgliadau a wnaed yn ystod y
Dathlu.
Casglwyd £329 i’r BMS a £1,066.30 i drychineb Tŵr Grenfell.
Arddangosfa o Liw a Llun: Kevin Davies Cafwyd awr arbennig iawn
yng nghwmni’r Parchedig Kevin Davies wrth iddo ein tywys i fyd
gosod blodau yng nghyd-destun neges yr Efengyl. Roedd y pwyslais ar
ddefnyddio gwyrddni a blodau tymhorol. Yn gyntaf, cawsom fynd i’r
briodas yng Nghana Galilea pan ddaeth yr Arglwydd Iesu i’r adwy a
throi’r dŵr yn win. Darluniwyd hynny mewn gosodiad o flodau pinc a
phorffor golau. Wedyn, buom yn hwylio ar Fôr Galilea – y blodau yn
las ac yn wyn – a’r disgyblion yn cael llwyddiant ar ôl i’r Iesu
ddweud wrthynt am daflu eu rhwydau i ochr arall y cwch. Ac i
ddiweddu, cafwyd dehongli-ad o’r Pentecost a Dyfodiad yr Ysbryd
Glân mewn blodau coch, oren a melyn. Mae dathliad yn haeddu blodau
ac yn sicr fe gafwyd hynny yng nghyflwyni-ad cyfoethog y Parchedig
Kevin Davies.
Miss Aldyth Williams
A fydd yna unrhyw fath o Gristnogion yn y Dyfodol, heb sôn am
Fedyddwyr? Treuliwyd awr ddiddorol dros ben yng nghwmni'r Parchedig
Ddr Nigel Wright, ysgolhaig sy’n adnabyddus iawn am ei lyfrau
diwinyddol, yn ogystal â'i waith arbennig yn hyfforddi cenedlaethau
o weinidogion Bedyddiedig. Aeth Nigel i'r afael â’r cwestiwn
canlynol: beth fydd natur a ffurf yr enwad, ac yn wir, natur a
ffurf yr eglwys gyfan yn y dyfodol agos? Ar ôl iddo drafod rhai
ystadegau eithaf negyddol, cawsom ychydig o gysur ganddo wrth iddo
egluro bod arddull cyfathrebu’r byd o'n cwmpas wedi newid, a bod
angen i’r eglwys heddiw addasu. Ond cyfeiriodd hefyd at rai pethau
na ddylid cyfaddawdu yn eu cylch, gan gynnwys athrawiaeth uniongred
yr eglwys. Yn dilyn hyn, cafwyd trafodaeth ddiddorol mewn perthynas
ag athrawiaeth uniongred yng nghyd-destun diwinyddiaeth
Fedyddiedig. Yn rhy fuan o lawer, daeth yr awr i ben! Parchedig Ddr
Rosa Hunt
Ystyried beth yw bod yn ddisgybl: yr Athro John Drane
Yn ystod y seminar Ystyried beth yw bod yn ddisgybl, cawson ein
herio gan yr Athro John Drane i ystyried yn ofalus beth yw bod yn
ddisgybl wrth iddo ein harwain drwy nifer o ddigwyddiadau ym mywyd
yr apostol Pedr. Yn yr Efengylau, gwelwn Pedr a’i gyd-bysgotwyr yn
ymateb i weledigaeth fawr Iesu am deyrnas Dduw ac yn cychwyn ar yr
anturiaeth o fod yn ddisgyblion iddo. Ar y dechrau nid oedd gan
Pedr nac un o’r disgyblion eraill unrhyw syniadau diwinyddol
pendant am bwy oedd Iesu. Yna wrth i’r stori symud i Cesarea
Philipi (yn Marc 8) canfyddwn fel y gofynnir i Pedr adlewyrchu ar
ei brofiad o fod gyda Iesu, ac mewn ymateb mae’n cyffesu mai Iesu
yw’r Meseia. Ar y naill llaw mae adroddiadau’r Efengylau yn awgrymu
y profodd Pedr droedigaeth ddramatig, ond ar y llaw arall y mae
rhai digwyddiadau yn peri i ni holi faint o droedigaeth a gafodd
Pedr mewn gwirionedd? Pan welwn Pedr yn tynnu ei gleddyf er mwyn
amddiffyn Tywysog Tangnefedd (Ioan 18:10-11) neu’n gwrando arno yn
gwadu Iesu deirgwaith (Ioan 18:15-27), daw’n glir nad yw
troedigaeth Pedr wedi cyrraedd ei llawn dwf. Mewn modd cyffelyb,
mae’r cyfarfyddiad â Cornelius ym mhennod 10 o Lyfr yr Actau yn
dangos bod angen i’r disgybl aeddfed honedig hwn o’r enw Pedr gael
ei argyhoeddi o’i hiliaeth. Yn y seminar hwn a oedd yn ddealladwy i
bawb, dangosodd John Drane sut yr oedd Iesu wedi meithrin
disgyblion drwy gyfrwng profiadau amrywiol ac yna wedi gofyn iddynt
i fyfyrio ar y profiadau hynny. I ni, fel yn hanes yr apostol Pedr,
nid digwyddiad unwaith ac am byth yw dod yn Gristion aeddfed ond
mae’n broses sy’n gofyn i ni fyfyrio yn ddiwinyddol ar faterion a
chwestiynau sy’n codi o ddydd i ddydd. Nid yw bod yn ddisgybl yn
fater o gasglu gwybodaeth yn unig ond mae’n fater o gael ein
ffurfio i fod yn Grist debyg. Y mae bod yn ddisgybl yn broses ac
nid yn rhaglen gan fod yna bethau newydd i ni eu dysgu bob dydd.
Bu’r seminar yn anogaeth i bob un ohonom barhau i dyfu fel
disgyblion ac i greu gofod er mwyn i eraill dyfu fel disgyblion
hefyd.
Parchedig Ddr Peter Stevenson
Bedyddwyr –Gwersi o’r Gorffennol, Ffydd ar gyfer Heddiw a
Gobaith ar
gyfer ein Dyfodol Mewn ystafell a oedd yn llawn i’r ymylon, fe’n
harweiniwyd gan Roy Jenkins mewn trafodaeth gyffrous ar y bywyd
bedyddiedig: y gorffennol, y presennol a’r dyfodol. Tri bedyddiwr
amlwg oedd aelodau’r panel: Densil Morgan, David Kerrigan a Nigel
Wright. Yn ei ffordd arbennig ei hun, holodd Roy gwestiynau a oedd
yn canolbwyntio ar addoli, y gymdeithas a’r Ysgrythur. Wrth edrych
yn ôl i’r gorffennol, gofynnodd Roy: Pa fewnwelediad hanesyddol
sydd yn cyfiawnhau ein bodolaeth barhaus? Wrth feddwl am heddiw,
gofynnodd: Beth sydd angen i ni ei ddysgu neu ei gyflawni yn
ddiymdroi? Ac wrth feddwl am y dyfodol, gofynnodd: A oedd angen i
Fedyddwyr Cym-ru ystyried sut y gallwn symud o natur or-chestol i
ddysgu mwy am ddyfalbarhad a dycnwch. Ysgogodd y cwestiynau
drafodaeth fywiog. Dywedodd Densil Morgan er ein bod yn edrych yn
ôl yn hiraethus at y cyfnod pan oedd yr enwad yn gryf yn y
gorffennol, mae’n debyg na fu ein hadeiladau mawrion erioed yn
llawn. Roedd Densil wedi’i ysbrydoli o glywed am y gwaith a
gyflawnwyd gan eglwysi a chymanfaoedd heddiw. Cyfaddefodd mai
gwaith ar raddfa fechan oedd yn cael ei gyflawni ond mynnodd na
ddylid dirmygu y ‘pethau by-chain’. Wrth siarad am genhadaeth ac
estyn allan, cyfeiriodd David Kerrigan at yr angen i fod yn
ymwybodol o wahanol fathau o gen-hadaeth ac i ganfod ffyrdd o symud
cenha-daeth y tu hwnt i furiau eglwys. Y themâu pwysig a ddeilliodd
o’r drafodaeth oedd Y Gair, Y Gymdeithas a’r Genhadaeth. Wrth
gloi’r drafodaeth gofynnodd Roy i’r pan-elwyr i enwi un person o
bwys i’r bywyd bedyddiedig. Cyfeiriodd Densil at yr hanesydd Joshua
Thomas. Cyfeiriodd Nigel at y New Connexion General Baptist
Leader
o’r ddeunawfed ganrif, Dan Taylor, a oedd bob amser yn chwilio
am gyfleoedd newydd i rannu’r Efengyl. Atgoffodd David y rhai oedd
yn bresennol fod Hannah Marshman wedi cynorthwyo i sefydlu gwaith
cenhadol cynnar yn Serampore. Wrth gwrs, fel y soniodd David, ni
dderbyniodd Hannah eri-oed y sylw haeddiannol am ei gwaith, yn
wahanol i’r dynion, Triawd Serampore, fel a gofnodir yn y llyfrau
hanes. Er hynny, bu’n ddygn gyda’r gwaith y galwyd hi iddi. No-dyn
amserol i’n hatgoffa bod ffyddlondeb i waith Duw yn mynnu dycnwch a
dyfalbarhad ac na ddylid byth dirmygu diwrnod y pethau bychain.
Parchedig Ddr Karen Smith
Beth yw gweithio ond creu cân? Mererid Hopwood a Tecwyn Ifan
I’r Cymry Cymraeg yn ein plith, hon oedd seminar ola’r dydd, ac
ar ôl y dathliadau campus mawr oedd yr edrych ymlaen. Bu’n gyfarfod
poblogaidd iawn. Orig yng nghwmni Dr. Mererid Hopwood a’r Parch
Tecwyn Ifan oedd hon, a phwy yn well i gau pen y mwdwl ac ymlacio
yn eu cwmni! Ond nid felly yn union y bu. Er yr awyrgylch ysgafn,
hwyliog, cawsom hefyd ein procio a’n dwysbigo gan ambell gerdd o
eiddo Mererid ac ambell gân gan Tecwyn. Roedd mwy nag un cerdd a
chân yn peri i ni holi ein hunain am ein teyrngarwch i’n hiaith a’n
gwlad a’n cyd-ddyn, hyn oll yng ngoeuni'r egwyddorion hynny y dylem
fod yn eu harddel fel Cristnogion. Erys eu cyfraniad fel dwy
gannwyll ddisglair ar y gacen pen-blwydd!
Mrs Cath Williams
-
Ar fore heulog braf, daeth cynrychiolwyr eglwysi Undeb Bedyddwyr
Cymru ynghyd i Ystafell Cothi yn Theatr yr Halliwell ar safle’r
Brifysgol ar gyfer y ddau sesiwn cyntaf o’r gynhadledd, gyda chinio
ym Mwyty Myrddin ar hanner dydd.
Cynhadledd Undeb Bedyddwyr Cymru 2017 “Dathlu 150 mlwyddiant
Undeb Bedyddwyr Cymru” oedd thema’r gynhadledd flynyddol a
gynhaliwyd eleni yng Nghanolfan yr Halliwell, Prifysgol Cymru y
Drindod Dewi Sant, Caerfyrddin. Gyda’r Undeb yn dathlu pen-blwydd y
gynhadledd gyntaf a gynhaliwyd erioed, achubwyd ar y cyfle i
ddathlu mewn modd gwahanol iawn. Gwahoddwyd y ddwy adran sy’n
ffurfio Undeb Bedyddwyr Cymru - yr Adran Gymraeg a’r Adran
Ddi-gymraeg - i ddod at ei gilydd i gynnal cyfarfodydd ar y cyd
dros ddau ddiwrnod. Croeso ac Addoliad: Llywyddion sesiwn y bore
oedd cyn-lywydd UBC, y Parchedig Ieuan Elfryn Jones (yn absenoldeb
anorfod y llywydd y Parchedig Peter Dewi Richards) a llywydd BUW y
Parchg Mark Thomas. Cyflwynwyd y croeso a’r defosiwn gan y ddau
lywydd yn y ddwy iaith, gyda chyfieithiad ar y pryd yn cael ei
ddarparu ar gyfer y rhai di-Gymraeg. Canwyd yr emynau, gyda’r
geiriau Cymraeg a Saesneg ar y sgrin fawr, yn ôl dewis yr unigolyn.
Cofiwyd yn arbennig yn y gweddïau am y rhai a ddioddefodd o dan
law’r terfysgwyr a’r rhai a effeithiwyd gan y tân erchyll yn
fflatiau Grenfell yn Llundain yn ystod yr wythnos. Y Cyfarfod
Busnes: Dilynwyd yr addoliad gan y cyfarfod busnes pryd y bu
cadeiryddion bob pwyllgor a Bwrdd yn cyflwyno eu hadroddiadau yn eu
tro a’r cynrychiolwyr yn cael siawns i’w trafod a’u derbyn yn
ffurfiol. Cafwyd siawns hefyd i glywed am weithgareddau Mudiad y
Chwiorydd dros y flwyddyn ddiwethaf wrth i’r llywydd, yr is-lywydd
a’r ysgrifennydd gynnal sgwrs fach hamddenol. Is-lywyddion: Wedi
derbyn cofnodion y Cynghorau fel dogfennau cywir, cyflwynwyd gan y
Parchedig Judith Morris, Ysgrifennydd Cyffredinol yr Undeb, yr
is-lywyddion am 2017-2018. Enwebwyd y Parchg Terry Broadhurst, o
Gymanfa Penfro, yn is-lywydd yr Adran Saesneg a’r Parchg Aled
Davies o Gymanfa Arfon, yn is-lywydd yr Adran Gymraeg. Derbyniwyd y
ddau enw’n unfrydol a nodwyd y byddai Undeb Gymraeg 2018 yn cael ei
chynnal yng Nghanolfan Nant Gwrtheyrn ar Fehefin 11-13. Lansio
Llyfrau: Ar derfyn y cyfarfod busnes cafwyd cyfle i lansio’r gyfrol
a argraffwyd yn arbennig ar gyfer y Dathlu, sef Undeb Ysbryd a
Rhwymyn Tangnefedd: Crynodeb o hanes Undeb Bedyddwyr Cymru
1866-2016 a olygwyd gan yr Athro Emeritws D Densil Morgan ynghyd
â’r gyfrol Saesneg a argraffwyd. Cyflwynwyd gan Yr Athro hefyd y
gyfrol ddiweddaraf o’r Trafodion. Lansiwyd hefyd dwy gyfrol arall
sef “Open Hands, Open Heart” a ysgrifennwyd gan y Parchg Ifor
Williams pan achubodd ar y cyfle a gynigiwyd gan gynllun Cyfnod
Sabothol Undeb Bedyddwyr Cymru; a chyfrol Mrs Einir Wyn Jones “O
Big y Gigfran”. Ffilm y Dathlu: Cyfeiriwyd ar ddiwedd y cyfarfod at
y ffilm a gynhyrchwyd ar y cyd gan y Parchg Peter Thomas ac Elin
Rhys o Gwmni Telesgop yn arbennig ar gyfer y dathliad ac sydd ar
gael bellach ar wefan UBC ac ar You Tube. Cyflwyniadau’r
Cymanfaoedd: Mewn ymgais i roi cyfle i’r gwahanol Gymanfaoedd ddod
i adnabod ei gilydd yn well, gwahoddwyd pob un ohonynt i roi
cyflwyniad o’r hyn ’roedd yn digwydd o fewn pob Cymanfa yn ei thro.
Wrth groesawu pawb ynghyd rhannodd yr Ysgrifennydd Cyffredinol ei
gobaith y
Mae hanes mwy manwl o’r ddau ddiwrnod i’w gweld yn rhifynnau
5118 a 5119 o Seren Cymru
Graham Oakes ac Anne Thomas, aelodau o Mount Pleasant, Coed
Duon, oedd y
cyfeilyddion yn addoliad y bore - un ar yr allweddellau a’r
llall ar y ffliwt.
Daeth Cynhadledd Ddwyieithog Undeb
Bedyddwyr Cymru 2017 i ben mewn modd nad
yw’n arferol i’r Adran Gymraeg, sef trwy gyd
gyfranogi o’r Cymun Bendigaid. Roedd hynny
trwy wahoddiad aelodau Ebeneser Rhydaman,
a gyda’r Parchg Haydn Davies, Llywydd BUW
yn gweinyddu.
byddai’r sesiwn yn gyfle i’r Cymanfaoedd galonogi ei gilydd - ac
yn wir dyna a ddigwyddodd. Soniwyd am sêr disglair yn ymddangos
mewn awyr dywyll ac am yr egin gwyrddion yn tyfu allan o’r
boncyffion. Bu’r sesiwn hyfryd yma’n gyfle i ddathlu beth yr oedd
Duw yn ei wneud. Oedfa’r Llywyddion: Bu’r Oedfa Hwyrol a gynhaliwyd
yn Theatr yr Halliwell yn oedfa arbennig iawn gyda defod urddo’r
ddau lywydd gyda’i gilydd yn gofiadwy, yn effeithiol ac yn
fendithiol. Seliodd y Parchg John Talfryn Jones ei neges ar I
Brenhinoedd 14, 25-27 wedi ei gyplysu gydag Ioan 12, adnod 25 gan
ddatgan, Os nad yw Ef yn Arglwydd ar y cwbl, nid yw’n Arglwydd o
gwbl. Nid yw’n arferiad gan Lywydd yr Adran Saesneg i draethu
anerchiad ond cyhoeddwyd neges y Parchg Haydn Davies - a seliwyd ar
Eseia 49, adnod 15 - ynghyd â neges y Parchg John Talfryn Jones
mewn llyfryn a argraffwyd gan Undeb Bedyddwyr Cymru. Mae copïau o’r
llyfryn ar gael o Swyddfa Undeb Cymru, Caerfyrddin (rhif ffôn:
01267 245660). Bu’n gynhadledd fendithiol iawn, gydag aelodau’r
Adran Gymraeg a’r Adran Ddi-Gymraeg wedi elwa o fod yng nghwmni ei
gilydd a Duw wedi bod yn amlwg iawn yng nghanol y
gweithgareddau.
