ХӨДӨЛМӨРИЙН ГЭРЭЭ

№ __

Улаанбаатар хот 2012 оны 3 дугаар

/аймаг, сум, дүүрэг/ сарын 27-ны өдөр

Нэг талаас “ХХХ” ХХК /цаашид “Ажил олгогч” гэх/ түүнийг төлөөлөн хүний нөөцийн

менежер ажилтай Г.Сайнзаяа, нөгөө талаас Монгол улсын иргэн Хан-Уул дүүрэг, 2-р

хороо, эко-12-3-14 хаягаар оршин суух УБ1010135 тоот иргэний үнэмлэхтэй, УШ92090944

тоот регистрийн дугаартай Зинаахүү овогтой Маргад-Эрдэнэ нар нь Монгол Улсын

Хөдөлмөрийн тухай хуулийн 21-24 дүгээр зүйлийг үндэслэн 2012 оны 3-р сарын 27-ны

өдөр хэлэлцэн тохирч, энэхүү гэрээг дараах нөхцлөөр байгуулж байна.

Нэг. Хөдөлмөрийн гэрээний үндсэн нөхцөл

1.1 Эрхлэх ажил, албан тушаалын нэр: Хөтөч

1.2 Ажиллах нэгж, хэсэг: Хөтчийн алба

1.3 Гүйцэтгэх үндсэн үүрэг: энэхүү гэрээний 1.1-д дурдсан албан тушаалын

тодорхойлолтод заагдсан ажил үүргүүдийг гүйцэтгэнэ. /Ажлын тодорхойлолтыг

хавсаргасан бөгөөд энэхүү гэрээний салшгүй хэсэг болно./

1.4 Ажлын газрын байршил: Тэрэлж кэмп, түүний орчим 20км-ийн зайд

1.5 Сарын үндсэн цалингийн хэмжээ: 450000 төгрөг

1.6 Ажлын байрны төрөл: байнгын ажлын байр

1.7 Хөдөлмөрийн нөхцөл: Хөдөлмөрийн хэвийн бус нөхцөлд ажиллана.

1.8 Ажлын цаг: графикаар

1.9 Ажлын долоо хоногийн цаг: 40 цаг

1.10 Илүү цагаар ажилласан тохиолдолд нөхөж амраах ба хөдөлмөрийн тухай хуулийн

74.1 дүгээр заалтад нийцсэн үед тушаалын дагуу хөлсийг хуулинд зааснаар тооцож

олгоно.

1.11 Хөдөлмөрийн гэрээний хугацаа: 2012 оны 4-р сарын 1-ний өдрөөс 2013 оны 4-р

сарын 1-ний өдөр хүртэл

Хоёр. Ажил олгогчийн хүлээх үүрэг

2.1 Хөдөлмөрийн нөхцөл, орчинг бүрдүүлнэ.

2.2 Ажилтан үүргээ биелүүлэхэд шаардагдах ажлын байраар хангана.

2.3 Хөдөлмөрийн гэрээ байгуулсан өдрөөс ажилтанд нийгмийн даатгалын болон эрүүл

мэндийн даатгалын дэвтэр нээж, зохих журмын дагуу сар тутам шимтгэл төлсөн тухай

бичилт хийнэ.

2.4 Ажилтны хүсэлтээр ажил, мэргэжил, мэргэшил, албан тушаал, цалин хөлсний тухай

тодорхойлолтыг гаргаж өгнө.

Гурав. Ажил олгогчийн эрх

3.1 Ажилтнаас гэрээгээр хүлээсэн үүргээ биелүүлэхийг шаардана.

3.2 УМХГ-ын Хөдөлмөрийн дотоод журам болон энэхүү хөдөлмөрийн гэрээнд

тодорхойлсон ноцтой зөрчил гаргасан тохиолдолд сахилгын шийтгэл ногдуулж,

Ажилтантай байгуулсан хөдөлмөрийн гэрээг Ажил олгогчийн санаачлагаар цуцална.

3.3 Ажил олгогч ажлын үр дүнг харгалзан тогтоосон журмын дагуу нэмэгдэл урамшуулал

олгож болно.

3.4 Энэ гэрээний Долдугаар зүйлийн дагуу Хөдөлмөрийн гэрээг цуцлах.

3.5 Эд хөрөнгийн хохирол учруулсан тохиолдолд эд хөрөнгийн бүрэн болон

хязгаарлагдмал хариуцлага хүлээлгэж, хохирлоо нөхөн төлүүлэхээр шаардаж болно.

Дөрөв. Ажилтны хүлээх үүрэг

4.1 Хөдөлмөрийн гэрээгээр хүлээсэн үүргээ биелүүлж, ажлын тодорхойлолтонд заагдсан

ажил үүргээ хугацаанд нь чанартай, хангалттай гүйцэтгэх.

4.2 Хөдөлмөрийн дотоод журам, түүнтэй нийцүүлэн гаргасан байгууллагын дүрэм, журам,

зааврыг мөрдөн ажиллах.

4.3 Ажил, амралтын цагийг чанд мөрдөх, цагийг үр бүтээлтэй ашиглах

4.4 Ажил үүргээ хэвийн гүйцэтгэхтэй холбогдуулан компаниас олгосон эд хэрэгсэл,

ажлын хувцас, морийг журмын дагуу ашиглах, хөдөлмөрийн гэрээ дуусгавар болж ажлаас

чөлөөлөгдөх, халагдах үедээ эргүүлэн тушааж тооцоо хийх.

4.5 Хөдөлмөрийн сахилгын зөрчил гаргасан тохиолдолд холбогдох хууль, журмын дагуу

хариуцлага хүлээх.

Тав. Ажилтны эрх

5.1 Эрхэлж буй ажил, албан тушаалдаа тохирсон цалинг тогтмол хугацаандавч байхыг

шаардах.

5.2 Ажил үүргээ гүйцэтгэх нөхцлөөр хангуулах, ажил хөдөлмөрийн үр дүнгээ үнэлүүлэх.

5.3 Хөдөлмөрийн чадвараа түр болон бүрэн алдсан тохиолдолд хууль тогтоомжийн дагуу

тэтгэвэр, тэтгэмж, нөхөн олговор авах.

5.4 Ажил олгогч гэрээгээр хүлээсэн үүргээ биелүүлээгүй тохиолдолд удирдлага, дээд

шатны байгууллага болон хөдөлмөрийн маргаан таслах комисс, шүүхэд хандах.

5.5 Монгол Улсын Хөдөлмөрийн тухай хуулийн 79 дугаар зүйлд заасны дагуу ээлжийн

амралт эдлэх.

Зургаа. Ажилтны хүлээх хариуцлага

6.1 УМХГ-ын дотоод журмыг зөрчсөн болон хөдөлмөрийн гэрээгээр хүлээсэн ажил үүргээ

биелүүлээгүй бол Хөдөлмөрийн тухай хуулийн 131 дүгээр зүйлд заасны дагуу сахилгын

шийтгэл ногдуулна.

6.2 Ажилтан өөрийн буруугаас эд хөрөнгийн хохирол учруулсан тохиолдолд Монгол

Улсын Хөдөлмөрийн тухай хуулийн 132, 133, 135 дугаар зүйлд заасан эд хөрөнгийн бүрэн

болон хязгаарлагдмал хариуцлага хүлээнэ.

Долоо. Гэрээг дуусгавар болгох, цуцлах

7.1 Монгол Улсын Хөдөлмөрийн тухай хуулийн 37 дугаар зүйлд заасан үндэслэлээр

хөдөлмөрийн гэрээ дуусгавар болно.

7.2 Хөдөлмөрийн гэрээг дараах үндэслэлээр цуцална. Үүнд:

7.2.1 Хөдөлмөрийн тухай Монгол Улсын хуулийн 38 дугаар зүйлд заасан

үндэслэлээр ажилтан, ажил олгогчийн санаачлагаар;

7.2.2 Хөдөлмөрийн тухай Монгол Улсын хуулийн 40 дүгээр зүйлийн 40.1.1 - 40.1.6

-дахь хэсэгт заасан үндэслэлүүдээр ажил олгогчийн санаачилгаар;

7.2.3 Хөдөлмөрийн тухай Монгол Улсын хуулийн 40 дүгээр зүйлийн 40.1.4 дэх

хэсэгт “. . . ноцтой зөрчил. . .” гэж дараахь зөрчлийг ойлгоно. Үүнд:

- Ажилтан хөдөлмөрийн гэрээгээр болон компаний “Хөдөлмөрийн дотоод

журам”-д заасан үүргээ бүхэлд нь буюу хэсэгчлэн биелүүлээгүйгээс сахилгын

шийтгэлийг 2 ба түүнээс дээш удаа хүлээсэн бол;

- Хүндэтгэн үзэх шалтгаангүйгээр 3 ба түүнээс дээш өдрийн хугацаагаар

ажил тасалсан, эсвэл хуанлийн нэг сарын хугацаанд тасалсан цагийг нэгтгэн

бодоход ажлын 3 өдөртэй тэнцэж байвал;

- Ажлын байранд ажлын болон ажлын бус цагаар согтууруулах ундаа,

мансууруулах төрлийн зүйлс хэрэглэсэн, ажлын байранд согтуугаар ирсэн, ажлын

байранд бусдыг хэл амаар доромжилж нэр хүндийг гутаах, айлган сүрдүүлэх

зэргээр жижгээр танхайран нийгмийн хэв журам, Компаний хэвийн үйл ажиллагааг

алдагдуулсан, эрхэлж байгаа ажил үүрэгтэй нь холбогдуулж шууд удирдах албан

тушаалтнаас өгсөн үүрэг даалгаврыг санаатайгаар биелүүлээгүй, эсэргүүцсэн, эсвэл

гүйцэтгэхээс татгалзсан бол;

- Шунахайн сэдлээр Компаний болон бусдын эд зүйлс, өмч, хөрөнгийг

үрэгдүүлсэн, ашигласан, хулгайлсны улмаас хохирол учруулсан, энэ үйлдэл нь

баримтаар нотлогдсон бол, мөн Төрийн албаны тухай Монгол Улсын хуулийн 16

дугаар зүйлийн 16.2.1 дэх хэсэгт заасан нөхцөл байдал үүссэн бол /ял шийтгүүлсэн

бол/;

- Ажил олгогчийн бизнесийн болон ажил хэргийн нэр хүндийг гутаах,

нууцыг алдагдуулах, худал мэдээлэх зэргээр түүний эрх ашиг, сонирхолд

нөлөөлөхөөр үр дагаврыг бий болгосон, хамт олны эв нэгдлийг үймээн бутаргах

зохион байгуулалттай арга хэмжээ зохион байгуулсан, бусдын нэр хүндийг гутаах

зорилгоор гүтгэн гүжирдсэн, бусдыг энэ хэрэгтээ өдөөн турхирсан, удирдлагад

ямар нэгэн байдлаар дарамт, шахалт үзүүлсэн, энэ үйлдэл нь баримтаар нотлогдож,

Компани, ажилтны эрх ашиг, нэр хүндэд хохирол учруулсан бол;

- Ажил гүйцэтгэх чадвараас шалтгаалан, мөн хариуцлага, сонор, сэрэмжгүйн

улмаас Компанид хохирол учруулсан бол;

- Эрх бүхий удирдах албан тушаалтны албан ѐсны зөвшөөрөлгүйгээр

компаний эдийн засаг, нэр хүнд, үйл ажиллагаанд хохирол учруулахаар гэрээ

хэлцэл байгуулсан нь шунахайн болон хувийн бусад сэдэлтэй болох нь тогтоогдсон

бол;

- Албан тушаал, эрх мэдлээ хэтрүүлэн хувийн зорилгод ашигласан бол;

- Технологийн болон хөдөлмөрийн аюулгүй ажиллагааны горимыг

санаатайгаар, эсвэл 2 ба түүнээс дээш удаа зөрчсөн бол;

- Хуулиар хориглосон үйл ажиллагаа явуулсан бол;

- Энэхүү гэрээний 2.1.8 дүгээр заалтад тухайлан хариуцуулсан үүрэг,

хариуцлагыг биелүүлээгүй тохиолдолд.

Найм. Хөдөлмөрийн гэрээний нэмэгдэл нөхцөл

8.1 Ажлын тусгай хувцас, хэрэглэл, хамгаалах хэрэгслийн нэр төрөл, эдэлгээний хугацаа:

Морь: ажиллаж байх хугацаандаа ашиглана.

Эмээл: ажиллаж байх хугацаандаа ашиглана.

Хамгаалалтын хувцас: 6 сар ашиглана.

8.2 Энэхүү гэрээт хугацаанд өвчтэй, чөлөөтэй байсны улмаас сул зогссон хугацааг

ажилласан хугацаанд тооцохгүй.

8.3 Энэхүү гэрээт хугацаанд ажилтны өөрий буруутай үйл ажиллагааны улмаас сул

зогссон хугацааг ажилласан хугацаанд тооцохгүй бөгөөд ажилтан тухайн хугацаагаар

нөхөн ажилласны дараа гэрээгээр ажиллах хугацаа дуусна.

8.4 Кэмпэд байрлах хугацаанд өдрийн гурван хоолоор хангана.

8.5 Үйлчлүүлэгчдээс үйлчилгээний талаар сард 2 удаа гомдол мэдүүлсэн тохиолдолд

сарын цалингийн 10 хувиар торгоно.

Ес. Бусад зүйл

9.1 Гэрээ нь талуудын хооронд үүссэн хөдөлмөрийн бүх харилцааг тодорхойлж,

зохицуулах бөгөөд энэхүү гэрээ байгуулагдсанаар өмнө нь бичгээр болон амаар

тохиролцож хийсэн бүх гэрээ, хэлцэл хүчингүй болно.

9.2 Гэрээний заалт Монгол Улсын хууль, тогтоомжийн заалттай зөрчилдвөл талууд хууль

тогтоомжийн заалтыг баримтлах бөгөөд энэхүү гэрээнд заагдаагүй бусад харилцаа үүсвэл

Хөдөлмөрийн тухай Монгол Улсын хууль, Хөдөлмөрийн дотоод журам, эрх зүйн бусад

акт, хууль тогтоомжоор уг харилцааг зохицуулна.

9.3 Гэрээнд талууд гарын үсэг зурсан өдрөөс эхлэн хүчин төгөлдөр болж, гэрээнд заасан

хугацаанд үйлчилнэ.

9.4 Талууд харилцан тохиролцсоны үндсэн дээр гэрээнд зөвхөн бичгээр нэмэлт, өөрчлөлт

оруулах бөгөөд энэ тохиолдолд талууд тэгш эрх эдэлнэ. Оруулсан нэмэлт өөрчлөлтийг

гэрээнд хавсаргаснаар нэмэлт, өөрчлөлт нь энэхүү гэрээний нэгэн адил хүчинтэй байх

бөгөөд гэрээний салшгүй хэсэг болно.

9.5 Гэрээг 3 хувь үйлдэж, ажил олгогч, ажилтан тус бүр нэг хувийг хадгалж, ерөнхий

нягтлан бодогчид нэг хувийг хүргүүлнэ. Хувь бүр ажид хүчинтэй.

ХӨДӨЛМӨРИЙН ГЭЭР БАЙГУУЛСАН:

Ажил олгогч: Ажилтан:

Хаяг.__________________________ Хаяг.__________________________

_______________________________ _______________________________

_______________________________ _______________________________

Утас:___________________________ Утас:___________________________

Гарын үсэг: _____________________ Гарын үсэг: _____________________

/Тамга, тэмдэг/ /Тамга, тэмдэг/