ОПЕРАТИВЕН ПЛАН ЗА НАСТАВЕН ЧАС СО ПРИМЕНА НА IKT ВО НАСТАВАТА

УЧИЛИШТЕ ООУ,, ДАМЕ ГРУЕВ“ - ГРАДСКО ДАТУМ 24 . 12 . 2010 година НАСТАВНИК ВЕРА ТРЧКОВА

ОДДЕЛЕНИЕ Трето - IIIб

БРОЈ НА УЧЕНИЦИ

13

НАСТАВЕН ПРЕДМЕТ

МАТЕМАТИКА

НАСТАВНА СОДРЖИНА

МЕРЕЊЕ НА ВРЕМЕТО СО ЧАСОВНИК - ЧАС , МИНУТА

КОНКРЕТНА ЦЕЛ

Да се оспособува да чита и мери време во часови и минути и да врши проценка на изминато или потребно време за некој настан во часови и минути.

ИНТЕГРИРАНИ ПРЕДМЕТИ

ЦЕЛИ:

РАБОТА СО КОМПЈУТЕР

ЛИКОВНО ОБРАЗОВАНИЕ

ЗАПОЗНАВАЊЕ НА ОКОЛИНАТА

Да ја користи галеријата за создавање на сопствен графички проект;

Да внесува индивидуалност и креативност во изборот и комбинирањето на алатките;

Да умее да именува и сочува графичка изработка; Да умее да се вклучи на интернет и преку

пребарувачот Google да симнува слики и да ги вметнува во OpenOffice org. Impress и да направи сопствена презентација;

Да запишува адреса на страна, да ја отвори страната и со помош на глувчето и тастатурата да работи на истата;

Да стекнува основни сознанија за компјутерската

графика; Создава сопствен графички проект исцртан со

слободна рака и со готови елементи; Развива чувство за линија и боја низ ликовно

творење.

Да го свати поимот час како мерка за времето; Да воочува разни видови часовници.

ОРГАНИЗАЦИОНИ ФОРМИ НА РАБОТА

Групна работа Индивидуална

НАСТАВНИ МЕТОДИ И ТЕХНИКИ

Дијалог, демонстративен, практична работа, истражување, техника ,, Измешани секвенци“

НАСТАВНИ СРЕДСТВА

Лап топ, презентација изработена во PowerPoint, наставен лист со задача за групата.

МЕСТО НА РЕАЛИЗАЦИЈА

Училница

ОЧЕКУВАНИ РЕЗУЛТАТИ

- Да читаат и мерат време во часови и минути; - Во образовниот софтвер ToolKid, во програмата

за цртање, да бои, обликува и доцртува; - Самостојно вклучување на интернет и ,

отварање на www.skoool.mk – портал за електронски содржини и самостојна работа на истиот;

- Самостојно вклучување и симнување слики од интернет и самостојна изработка на презентација во OpenOffice. Org Impress

ТЕК НА АКТИВНОСТИТЕ

Воведна активност

Им ја демонстрирам презентацијата – Мерење на времето со часовник изработена во PowerPoint, а учениците ја следат преку своите лап топчиња. Од измешаните зборови што се на слајдот, учениците треба да ги сложат зборовите и да состават мала песничка. Откако учениците ќе ја состават песничката се кликнува на слајдот се проверува дали е точно составена. Усвоеноста на знаењата кај учениците ги проверувам со помош на останатите слајдови од презентацијата.

Учечко – поучувачка активност (истражување)

Учениците ги делам во четири групи. Групите се определуваат по случаен избор со влечење на сликиче од кошничката. Секој ученик оди во групата која е одбележана со сликата која ја извлекол. Секоја група добива лист со задача. Прва група: Во образовниот софтвер Toolkid, во програмата – Графичко цртање , да ја отворат под програмата – Лица и од понудените слики од албумот со слики да го пронајдат часовникот. Од галеријата со различни видови на комбинации на очи и нос, очи, носови и усти, треба да одберат по еден кадар и да го вметнат во часовникот кој е на работната област. Потоа од палетите со бои да го обојат по сопствен избор и да го зачуваат. Втора група: Да се вклучат на интернет и преку пребарувачот Google да отидат на страната: www.skoool.mk – портал за електронски содржини и во делот за одделенска настава од прво до трето, да одберат математика за трето. Од понудените електронски содржини по математика за трето да ја одберат содржината Аналогно време – вовед во гледање и читање на аналоген часовник. Учениците имаат за задача со кликање на стрелките да ги наместат стрелките согласно со времето прикажано над часовникот, а потоа под часовникот да го запишат времето. Трета група: Во образовниот софтвер Toolkid, во

програмата – Графичко цртање , да ја отворат под програмата – Слики. Од полето со готови елементи да го одберат полукругот и кругот и да обликуваат часовник – будилник. Од палетата со алатки да одберат дебелина на линијата и на часовникот да му нацртаат бројчаник, да стават стрелки кои ќе го покажуваат времето : 08 : 45; 14 : 20; 18 : 55, а потоа да го обојат со избор на бои од палетата на бои. Четврта група: Да се вклучат на интернет и во пребарувачот Google да напишат часовник и да пронајдат слики од разни видови часовници. Сликите да ги симнат и да ги подредат во слајдови и да направат мала презентација во OpenOffice. Org Impress со разни видови часовници.

Евалуативна активност

По завршувањето на групите со работа, секоја група презентира што сработила и се донесува заеднички став – Времето се мери со часовник. Мерки за време се час и минута.

Оценување на учениците

Со чек – листа за групна работа учениците се самооценуваат за успешно сработената работа.

Рефлексија на часот

Учениците на овој час се усовршија во работа со малите преносни компјутери ( боење, цртање, обликување со готови елементи, пребарување на интернет и изработка на презентација). Се изврши повторување за мерење на времето со часовник и видови часовници преку презентација. Учениците ја следеа презентацијата во своите лаптопи и одговараа на поставените прашања. Учениците ги делам во четири групи и сите добиваат задача. Првата група ги боеа готовите часовници и од кадрите им додаваа: очи, уста, нос. Втората група во порталот за електронски содржини www.skoool.mk во содржината Аналогно време со кликање на стрелките ги местеа стрелките согласно со времето прикажано над часовникот, а потоа под часовникот го запишаа времето. Трета група обликуваа часовници со готови елементи, го цртаа бројчаникот и стрелките на часовникот кои покажуваа точно време кое им беше дадено во задачата, а потоа го боеа. Четврта група симнуваа слики од интернет и во OpenOffice. Org Impress изработија презентација со разни видови часовници. Секоја група изврши презентација на својата работа, а потоа групите се самооценуваа. Сите ученици помалку или повеќе беа успешни во својата работа, но сепак ги завршија своите задачи.