台語 ê時代我有一个夢

台語網路有聲讀報第 20 號Read by Liāu Hui-hông自動放送，請開喇叭。

2010台語能力認證考試專題報導

考試主辦單位：教育部 (國語推行委員會 )

承辦單位：國立臺灣師範大學進修推廣學院

你敢有揣著考試 ê教室？

這工， 2010 年 9 月 25 ，透早著有人到 tsia 咧揣考場，

原來是 lán 國教育部 頭一擺咧舉辦「台語能力認證考試」。

全國分 17 个考區、 20 間試區學校仝步進行考試，tsia 是臺北第 1 試區「國立臺灣師範大學」。

換 lán 緊來揣考場位置！

這項考試原本是欲予 6,500 位國中小學現職教師hām 支援老師來考，因為在額 ê 教師無必要認證，in 無興趣這項考試，支援老師嘛才 1 、 2 千人 niā- niā ，所以報名 ê 情況無真 ka-iãh 。

教育部透過第 2 階段報名方式，開放予一般社會大眾參與考試。報名人數總共有 4,118 ê 人，有 3,215 ê 人到考，到考率是 78.1% 。

久年無看 ê朋友相見面特別親切！

這擺考試 kan-ta 有 1,684 ê 現職在額教師報考，教學支援老師有 901ê 人報考，

揣考場？揣朋友？

二項合計佔總人數 ê 6 割跤踏仔，一般民眾有 1,532 ê 人報考。

臨上校場認真準備！

考生上濟歲 --ê 是 79 歲，上少歲 --ê kan-ta 10 歲，有 13 位身障考生佮 1 位有身 --ê 考生。

緊閣看一遍！

這擺 ê 認證考試是國家級檢定考試，按算 tī 仝年 12 月 15 日放榜，考生分數若達到分級標準者， 教育部會依照各級數授發證書。

第 1節考煞目睭煞茫茫？

第 1 節閱讀測驗煞逐家議論紛紛，有一題問講：電視畫面「按怎」看袂清楚？答案選項有：霧霧、茫茫、？。多數人攏選「霧霧」， kan-ta 少數人選「茫茫」。若像這个畫面看袂清楚，請問是霧霧抑是茫茫？

第 2 節拼音聽寫 ê 放音設備傷細聲，坐較後壁 ê 人攏聽袂清楚，考了真懊惱！下晡閣有語言表達能力測驗，緊來看考場位置。

語言表達能力測驗考場 ê 門跤口真濟人 kheh 做陣，

有人咧揣坐位，有人咧揣朋友。

這三 sian 久無見面，看著鏡頭笑微微，

閣有人今仔日敢若蓋歡喜！〈台語夢有聲讀報〉 tī 師大考試現場報導

後註： 教育部長 鄭瑞城 tī 中華民國 97年 10月 22日以「台國（二）字

第 0970201875C號」公告廢除「『提升國民中小學本土語言師資專業素養改進措施』第四點、第八點」。

四、 未受過初階培訓之現職教師，不得擔任本土語言教學。 八、 未通過本土語言認證之現職教師，自一百學年度起不得擔任

本土語言教學。各校本土語言課程由通過本土語言認證之現職教師教授本土語言節數占現職教師教授本土語言總節數之比率，應逐年提高；其預定目標值如下：

(一 )九十八年十二月三十日前應達百分之五十。 (二 )九十九年十二月三十日前應達百分之八十。 (三 )一百年十二月三十日前應達百分之一百。 對這項公告以後，現職教師、代課教師只要有「教師證」經 72小時研習，無管伊 ê 本土語言能力 ê素養是啥款，攏總會使排課教學，這是何等 ê糟蹋 --人？當今社會連「摒 (piànn)便所」都攏愛認證 --ah ，何況講是「語言教學」？

廢 除

台語能力認證考試數據資料參考「教育部國語推行委員會新聞稿」

台語有聲讀報第 20號收錄 tī樂多網誌部落格

http://blog.roodo.com/tgbang

台語夢製作雅虎奇摩 blog： http://0rz.tw/760VX

Tsh…h Esc lî-khui