Upload
aceip-darbo
View
214
Download
0
Embed Size (px)
DESCRIPTION
Festival fin de curso e persoeiro das Letras Galegas 2008
Citation preview
ALBORADA
REVISTA ESCOLAR CEIP SAN ROQUE DE DARBO. CANGAS
Nº 60NORMALIZACIÓNLINGÜÍSTICA
ste curso celebramos unha vez máis a
nosa Semana Cultural. Pero desta vez
foi unha celebración moi especial para
nós, os alumnos e alumnas de Quinto, porque
participamos nela non só como espectadores,
senón tamén como protagonistas.
E
A Semana empezou o martes e o mércores,
3 e 4 de xuño, coa actuación de todo o
alumnado de Quinto curso do Colexio, que
participamos na actividade “Música e Poesía”.
Dramatizamos unha cantiga de berce do libro
“Roseira do teu mencer”, de Álvarez Blázquez,
autor ao que se lle dedicou este ano o Día das
Letras Galegas.
A actuación, dirixida polo noso titor, Xosé
Manuel Pazos, contou tamén co apoio do
profesor de música, Alberto Pazos, que tocou
magnificamente e en directo o violoncelllo, e da
profesora Charo que fixo o decorado. Nós
recitamos o poema entre todos, facendo
diferentes personaxes: os pais da nena que
estaban cansos porque ela non quería durmir e
os animais que ían aparecendo para asustala e
que durmise. Actuamos para todos os cursos do
Colexio, dende Infantil a Sexto, turnándonos
Quinto A e Quinto B. Foi unha experiencia moi
interesante para todos porque a maioría de nós
era a primeira vez que actuabamos diante do
público e é unha sensación moi bonita que
estamos desexando repetir. As actuacións foron
todas na Biblioteca, decorada para a ocasión.
O xoves, cinco de xullo actuou, no Ximnasio
do Colexio, o Grupo Migallas Teatro, que
representou “Un avó especial”, no que unha
nena, que é coidada polo seu avó porque os
pais traballan, vai medrando e pasa de xogar e
cantar co vello a aburrirse con el porque se fai
moi “moderna”. Ao remate, cando a nena xa é
grande, o avó colle a enfermidade do alzheimer,
que o fai perder a memoria e a rapaza cóidao
con moito cariño. Foi unha obra moi divertida,
pero con momentos máis tristes, cando se
falaba da enfermidade.
O venres, seis de xullo, foi un día completiño.
Actuaron primeiro os rapaces e rapazas do
grupo de Teatro do noso Colexio (O CEIP de
San Roque), coa obra “A verdadeira historia de
ALBORADA, nº 60. CEIP San Roque de Darbo. Cangas
CRÓNICA DA SEMANA CULTURAL 2008
Carapuchiña Vermella” que presentaba o conto
máis moderno e ao revés, cunha avoa moderna
e “enrollada” e unha Carapuchiña que non
deixaba de meterse co lobo. Ao final, os
cazadores defenden ao lobo, en vez de matalo,
coma no conto, e obrigan á avoa e a
Carapuchiña a pedirlle desculpas, rematando
todos amigos. Pasámolo ben nunha obra que foi
curta e entretida.
Despois da Carapuchiña actuou o alumnado
do IES Illa de Tambo, de Marín, coa obra
“Clown” na que uns personaxes con nariz de
pallaso querían axudarlle a un escritor que non
tiña imaxinación. A obra foi entretida, aínda que,
ao ir despois da do Colexio, e sen descanso
polo medio, xa nos pillou un pouquiño cansos
de estar calados e atentos. Pero os actores e as
actrices fixérono moi ben, sobre todo os xestos.
E ao remate da mañá veu o mellor do día e de
toda a Semana Cultural: O concerto musical de
Mamá Cabra foi espectacular e fíxonos movernos,
participar, cantar e bailar durante todo o tempo
que durou. Alí pasouno ben todo o mundo, desde
os máis pequenos de Infantil ata os maiores de
Sexto, cantando, facendo palmas e movendo o
esqueleto. Foi xenial.
P.D.- Hai algúns alumnos do Colexio que seica
din que o concerto foi en “play-back”. Pois que
melloren da vista e sobre todo do oído, que non se
“enteran”. Pobriños!
A Semana Cultural rematou coa actuación do
alumnado do IES Monte Carrasco, que interpretou
unha obriña de teatro baseado no libro infantil O
Pito Cairo.
ALBORADA, nº 60. CEIP San Roque de Darbo. Cangas
A figura elixida pola Academia para o Día das Letras
Galegas 2008 é unha das máis polifacéticas da nosa
literatura. Poeta, narrador, editor, historiador, arqueólogo, orador, pedagogo... A actividade de
Xosé María Álvarez Blázquez a prol da cultura abrangueu moitos e diversos campos. A súa
faceta como editor é, se cadra, aquela á que máis lle deben as nosas letras. Fundador e
animador das editoriais Monterrey e Castrelos, foi grazas a Xosé María que boa parte da obra
clásica galega ocupou o seu lugar nos andeis de moitas casas.
Xosé María Álvarez Blázquez publicou en vida tres libros de versos: Poemas de ti e de
min (1949), a medias con seu irmán Emilio pero con autorías ben diferenciadas; Roseira do
teu mencer (1950), e Canle segredo (impreso en 1976, pero escrito entre 1951 e 1953).
Deixou tamén un bo número de poemas soltos, inéditos ou publicados en revistas ou folletos.
Nos anos da posguerra, sempre á beira do que para un fillo do médico fusilado de Tui era
a pobreza material, Xosé María intentou case desesperadamente gañar diñeiro por diversos
medios; un deles foi a literatura, e concretamente a novela, para a que estaba moi ben
dotado. Así foi que escribiu varias novelas en castelán, coas que gañou diversos premios e
obtivo un mediano éxito editorial. As mellores destas novelas -Crecen las aguas, finalista do
primeiro premio Nadal en 1945, En el pueblo hay caras nuevas- fóronlle restituídas en certo
xeito á nosa literatura polo seu fillo Alfonso Álvarez Cáccamo, que as traduciu ao galego cos
títulos de Enchen as augas e Na vila hai caras novas.
Outras obras son Una cabaña en el cielo (1952), e Las estatuas no hablan (1955). En
colaboración co seu irmán Emilio escribiu as pezas teatrais El zapato de cristal e Los pazos
altivos, estreadas ambas as dúas en 1947.
ALBORADA, nº 60. CEIP San Roque de Darbo. Cangas
AS LETRAS GALEGAS
A obra narrativa en galego de Xosé María Álvarez Blázquez é de menor importancia, non
por calidade, senón pola súa extrema brevidade. Os cinco relatos de Os ruíns impresos na
revista Nós, 1936 (pero non distribuídos), xunto cos cinco de A pega rabilonga (1971), son
practicamente a súa totalidade.
ALBORADA, nº 60. CEIP San Roque de Darbo. Cangas
Ise neno da rúaNon é certo que os nenos teñan fame
Non pode ser.
Ben o sabedes todos
os que andades no mundo atafagados
á percura do pan dos vosos fillos
Ises outros que vedes pola rúa
pedindo esmola,
non teñen fame, non, porque daquela
vos teríades morto de vergonza.
E ben vos vexo andar nos vosos coches
ou nos tranvías, a berrar de cousas
estranas, -¡viva, beba, baba, buba¡-
sen reparar naquil esfarrapado
que coa moura mauciña está petando
na porta de ferro.
Por iso penso que non é verdade
o que algún caviloso di dos nenos
que andan así petando pola vida
-¡Non, home, non¡- lle dixen a un de aqueles-
A xente pasa leda......¡Fora boa
que andivesen a rirse dos seus crimes¡
No rego do prado
canta a cotovía
-paxariño amado
que che ben quería-
No ramo frolido
o merlo a cantar
-paxaro belido
para o teu ollar-.
No verde loureiro
troba o reiseñor
-paxaro lixeiro
para o teu amor-.
(A cantar, espantan
os males da pena,
porque todos cantan
para a miña nena).
Ao ver que non tiñas nome
maxinamos que serías
ventureiriña do monte.
Froleciña ventureira
que –ao millor- naceu co orballo
nunha luzada de estrelas.
Como andabamos a rir
-¡ventureiriña do monte!-
chamámoste “Colorín”.
Con Pedro Díaz Álvarez, observando unachado (O Hío, 1962)