Upload
others
View
2
Download
1
Embed Size (px)
Citation preview
ANDRIAMANITRA
ANDRIAMANITRA
1
ANDRIAMANITRA O! RAINAY
Dô dia Ab
David RATOVO/ Landy RABENIRAINY
1-Andriamanitra ô ! Rainay
Ianao no isaoranay
Nomba anay hatramin’izay
Sy namonjy, sy namonjy ny ainay
Ny fiderana no entinay
Maneho ny hafalianay.
2-Fa ny tena fifaliana
Dia ny hazo fijaliana
Nihantonan’Ilay Tompo
Zay nanaiky ho Mpanompo
Io no hatsangana ho faneva
Sy hotorina hatraiza hatraiza
3-Raiso re ny vavakay
Izay asandratray anio
Mba henoy sy valio
Hamafiso ny finoana
Ato anaty tsy hirona
Ary tsy hangaihay
2
MIDERA AZY
Dôdia C
Landy RABENIRAINY /Alice Hawthrone
Miderà an’i Jehovah
Miantsoa ny Anarany
Ambarao ny firenena
Ny asan’ny Tànany
Ataovy ho rehareha
Ny Anarany masina
Aoka hifaly ny fonao
Izay mitady Azy
Katsaho mandrakariva Jehovah
(Mitadiava, mitadiava an’i Jehovah mandrakariva)
Dia ianareo olona voafidiny
(Dia ianareo, dia ianareo olona voafidiny)
3
ANDRIAMANITRA MPAMORONA, MPIAZONA
Dô dia C
Landy RABENIRAINY
Fa Izy no nihavian’izao
Zavatra rehetra izao
Ary Izy no mihazona azy
Sady Izy koa no antony
Izy anie no homem-boninahitra
Izy anie no homem-boninahitra
Izy anie no homem-boninahitra
Mandrakizay, Amen !
4
FA MANDRAKIZAY NY FAMINDRA-MPONY
Dô dia E
Landy RABENIRAINY
Miderà fa tsara Jehovah
Miderà ny Avo Indrindra
Miderà ny Tompo’ny tompo
Mpanao fahagagana lehibe
Izy no nanao ny lanitra
Tamim-pahendrena lalina
Ka ny tany novelarina
Teo ambony ranomasina
5
HIRA FISAORANA
Dô dia C
Faly Henintsoa RAFIDIMANANA
Hira fisaorana no atao
Ho Anao Andriamanitra ô !
Atokanay ’zao fotoana izao
Ho Anao Andriamanitra ô !
Aoka àry ny herinao no hanjaka
Amin’izay rehetra atao
Mba hamantaran’ny olona
Fa masina tokoa Ianao
Mba hamantaran’ny olona
Fa masina tokoa Ianao
Asandrato ny fiderana
Hoby sy ny fankalazana
Fa Jehovah Andriamanitsika
No Tompon’ny hery sy fahefana
6
ISAORANAY IANAO
Dô dia G
Tatavao MANOELA
1-Isaoranay Ianao Jehovah Ray
Fa narovanao ’zahay
Ka navelanao hankalaza
Izao fotoana anio izao
2-Ny fitahianao tsy tapaka
No nahatraranay izao
Ka hotsaroanay lalandava
Ny Anara-masinao
3-Ataonay fantatry ny olona
Ny Anara-masinao
Ny Asam-pamonjen-dehibe
Ho an’izao tontolo izao
7
ASANDRATO NY HOBY
Dô dia C
Landy RABENIRAINY
1-Asandrato ny hoby
Ry zanak’olombelona ô !
Ka derao Andriamanitra
Ilay fitiavana
O! hirao ny asa lehibe
‘Zay nataony ho anao
Dia ny vonjy natolony
Hanafahana anao
Fiv.- Ianao, ry Jesosy ô !
No efa nidina tety
Sy nanaiky hatolotra
Mba hitondra ny otanay
Tena ankasitrahanay
Ry Mpamonjy tia ô
Ka ny saotra atolotray
Raiso ho Anao Jesô.
2-Velona ato am-poko re
Ilay Teny masinao
Teny soa sady feno
Fanomezan-toky hoe :
“Raha mino ianareo
Dia avela avokoa
Ny heloka mitambesatra
Sy mandoto ny aty fo.”
8
MITEHAFA TANANA
Dô dia Eb
Ndriana RAMAMONJY
Mitehafa tànana, ry firenen-drehetra
Mihobia, mihobia ho an’Andriamanitra
Mitehafa tànana, ry firenen-drehetra
Mihobia, mihobia ho an’Andriamanitra
Fa Jehovah no Avo Indrindra
Ka tokony hatahorana
Mitehafa tànana, ry firenen-drehetra
Mihobia, mihobia ho an’Andriamanitra
9
NOHO ITY MARAINA
Dô dia C
Ndriana RAMAMONJY
1-Noho ity maraina vao
Noho ny masoandro ‘zay naposakao
Misaotra Anao ’zahay (2)
Noho ny sakafo izay nomenao
Misaotra Anao, ry Ray
2-Amin’izao atoandro izao
Noho ny masoandro izay nohazoninao
Misaotra Anao ’zahay (2)
Noho ny sakafo izay nomenao
Misaotra Anao ry Ray
3-Amin’izao hariva izao
Noho ny masoandro ’zay nalentikao
Misaotra Anao ’zahay (2)
Noho ny sakafo izay nomenao
Misaotra Anao, ry Ray
10
MISAOTRA ANAO ’ZAHAY, RY RAY
Dô dia C
Ndriana RAMAMONJY
1-Misaotra Anao ’zahay, ry Ray
Noho ny fitiavanao
Ny haizi-kitroka nisy ahy
Indro, fa nidiranao
He hazavana lehibe no
Indro fa naposakao
Ka ravoravo ery ny fo
Izay midera Anao
Fiv. - Inona àry no havaliko Anao
Noho ireo soa efa narotsakao
He hazavana lehibe no
Indro, fa naposakao
Ka ravoravo ery ny fo
Izay midera Anao
2-Na dia tsy mendrika, ry Ray
’Reto te hidera Anao
Dia notoloranao tokoa
Ny fanavotan-dehibe
Na dia mahantra aza re dia
Novidin’ny Zanakao
Tamin’ny Rany izay madio
Mba ho isan’ny Anao
3-He menatra tokoa ry Ray
Hifanatrika Aminao
Kanefa noho ny Zanakao
Indro fa manatona aho
Manery ahy ’zany foko
Resin’ny fitiavanao
’Lay fo maniry mafy Anao
Ka indro, anjakao
11
RAY MAHERY
Dô dia C
Landy RABENIRAINY
1-Lehibe sy mahagaga
Ny fitiavanao
Ny fonay ravoravo
Te hidera anao, ry Ray
Izao fotoana anio izao
Hatreo ka mba tahio
Ny vavaka ataonay,
Ry Tompo, mba valio
2-Maro be ny olona
’Zay lavitra Anao
Voafatotr’i Satana ka
Sondrian-tory ao
’Reo namanay ’zay ory koa
Todiho sy jereo
Mitenena Ianao mba
Ho afaka ireo
3-Tompo ô ! ombay ny
Fanahinao ’zahay
Hahatontosa ireo adidy
Eo antsorokay
He fantatrao fa mbola
Votsa sy malemy koa
Ny Sandrinao iankinanay
Herinay tokoa.
12
IZY NO MITROTRO ANTSIKA
Do dia G
Faly Henintsoa RAFIDIMANANA
Tsy misy masina tahaka Anao
Ry Andriamanitra Ray ô!
Tompon'ny fahalalàna
Sy henika ny voninahitra Ianao
Lay mahavelona sy mahafaty
Lay mampisandratra sy manpietry
Anao ny hery sy ny fahalehibiazana
Ry firenena ô! izay mbola lavitra
Ny fahamarinana
Meteza ka mihainoa ny Teniny
F'Izy hitarika anao
Izy no nanao antsika
Izy no mitrotro antsika
Izy no mitondra antsika
Mpanafaka amin'ny fahoriana
Ny zavaboary noforoniny
Dia miova sy miserana
F'Izy dia efa nitoetra hatrizay
Sy maharitra mandrakizay
13
NY FIVORIANAY
Dô dia Eb
Ndriana RAMAMONJY
1-Tompo ô ! jereo ’ty fivoriana
’Zay irinay ho tantananao
Ny sainay anie tsy ho variana
Masonay hibanjina Anao
Amorony fo madio koa izahay
Ary havaozy ny fanahinay
Mba hiorim-paka ao Aminao izahay
’Zay maniry ny hidera Anao
2-Tsy mba sitrakao ny fivoriana
Haroharoam-paharatsiana
Nefa raha miaiky ny otanay ’zahay
Dia mahatoky sy marina Ianao
Ka mamela ny fahotanay Ianao
Manadio anay ihany koa
Ho afaka amin’ny tsy fahamarinana
Tompo ô ! miandrandra Anao ’zahay
14
FITIA FATRATRA
Dô dia A
Laza RAHARISON
1-Notiavin'Andriamanitra fatratra
Izao tontolo izao
Ka nomeny ny Zanany Lahitokana
Jesosy Kristy
Fanomezana ‘Zay tsara indrindra
No atolotra antsika anio
Fanomezana tsy manampaharoa Jesô
Mahasambatra
2-Lay Jesô 'Zay tonga ho antsika
Dia nanetry tena
Nefa Zanaky ny Avo Tompo Lehibe
Sy Mpanavotra
Koa izay rehetra nandray Azy
Dia tonga zanaky ny Ray
Manana fiainana tena maharitra
Mandrakizay
15
TAMIN’NY VOALOHANY NY TENY
Dô dia Bb
Landy RABENIRAINY
1-Tamin’ny voalohany ny teny
Dia tao amin’Andriamanitra
Nahariana izao tontolo izao
Ary koa nisiam-piainana
Fiv.Io Ilay Mazava ho antsika
Tolotry ny Ray ambony ao
Ka ny haizina dia tsy ho hita
Jesosy no mamirapiratra ao
2-N’iza n’iza no nandray Azy
Dia nomeny ny fahefana
Mba ho tonga zanak’Andriamanitra
Izay mino ny Anarany
16
JEHOVAH NISI
Dô dia G
Mahefanirina RAKOTOMALALA
Ianao Ilay efa Izy hatrizay
Ianao Ilay tsy miova
Ianao Ilay Mpamorona
Ianao no Fanevako
Ianao Ilay efa nanomana
Ny fanavotana ho ahy
Ianao ilay efa nifidy ahy
Jehovah Nisi (2)
Jehovah Fanevako
17
NY VONINAHITRA NO MENDRIKA ANAO
Dô dia E
Landy RABENIRAINY
1-Raha itodihana ireo andro lasa
Dia hita taratra ao
Ny fitantananao
Ny Tananao mahery
Miaro lalandava
Ka ny voninahitra
No mendrika Anao
Fiv. Ny dera sy laza
Ary fihobiana
Ny haja avo indrindra
Atolotra Anao
Ry Tompo ô! ry Tompo ô!
Ny mpanomponao
Miara-manandra-peo
Hankalaza anao
2-Ny Famindramponao
Tsy tratry ny saina
Ary ny fitiavanao
Tsy hay tantaraina
Manerana ny tany
Ny Hasoavanao
Ka ny Voninahitra
No mendrika Anao.
18
NAFOINAO TOKOA
Dôd ia G-Ab
Nilsen RHEVIHARINALA
Nafoinao tokoa
Ry Tompo ny ainao soa
Hamonjena anay
Tao Kalvary
Ny ratra, kapoka
‘Zay niharetanao
No nahadio ny
Fahotanay
Mafy re ny jaly
Niaretanao
Tsy nolavinao ny eso
Noho ny aminay
19
TSY MIOVA AHO
Dô dia Bb
Andrianarisandy RALAMBOMANANA
Mandra-pahantitrareo, tsy miova Aho,
Izaho no hisahirana mitondra anareo,
’Zaho no nanao, ’Zaho no hitrotro,
Eny, Izaho no hitondra sy hanafaka.
Mandra-pahantitrareo, tsy miova Aho,
Izaho no hisahirana mitondra anareo.
20
MIHAINOA RY NOSY
Dô dia E
Landy RABENIRAINY
Ry Nosy ô! mihainoa,
Atongilano ny sofinareo,
Ry lavitra fihaviana,
O! Mihainoa ianareo.
Izaho no hiady ho anao,
Ho Famonjena ho anao,
Koa matokia ianao,
Ekeo ho fanavotana anao.
Moa tsy fiadanana sy fahasambarana,
No katsahinao ety, hilofosanao ery,
Andrandrao ny masonao,
Ka henoy izao teny izao :
“Raiso Jeso ho anao”.
21
TOMPO LEHIBE
Dô dia C
Faly Henintsoa RAFIDIMANANA
1-Lehibe indrindra, mahery indrindra,
Ianao ry Tompo ô!
Mitafy voninahitra sy famirapiratana,
Nihavian’izao rehetra izao
Sady mihazona azy,
Ny vokatry ny Asanao no manome aina.
Miboiboika ny loharano eny an-tsaha,
Ny tsio-drivotra mitsoka malefaka,
Ianao no nampisy izany.
Fiv. Deraina anie ny Tomponay,
Tsy misy ny toa Azy,
F’Izy nanao asa lehibe, mifalia re!
2-Mihelina ny andro iainantsika,
Toy ny aloka,
Toa zava-poana ny tenantsika
Mbola ho vovoka,
Tsy misy olona mahalala
Ny andro hahafatesany,
Na manana hery hahatana ny ainy.
Nefa Jehovah, miaro antsika tsy ho faty.
Be fitiavana, manan-kery mahagaga,
Izy no fanantenana.
Fiv…
22
MASINA, MASINA, MASINA
Dôdia C
Harinambinina ANDRIANAJA
Masina, masina, masina Jehovah Tompon’ny maro,
Henika ny Voninahiny ny tany rehetra.
Aoka hidera Azy ny lanitra sy tany,
Ny ranomasina sy izay rehetra ao aminy.
23
AMPY HO ANAY NY FAHASOAVANAO
Dô dia D
Ndriana RAMAMONJY
1- Andriamanitra Fitiavana Ianao.
Ka mihevitra ny momba anay ety.
Raha mifoha maraina izahay dia
Tsy afaka am-bavanay ny hoe :
“Ampy ho anay ny fahasoavanao”.
Fiv. Raha maraina mibaliaka
Ny andronay ety,
Ianao no masoandro
Niaviany,
Raha ny alin’ny ririnina
No handalo ety,
Ianao no kintana hitantana ny dia,
Fa ny vavaka hatao
’Zay mipololotra am-ponay ao hoe :
“Izahay anie hatoky Anao.”
2- Andriamanitra Fitiavana Ianao
Ka mitantana ny dianay ety
Raha handimby ny andro ny alina
Mbola tokana ny deranay hoe :
“Ampy ho anay ny fahasoavanao”.
24
AHITRA IHANY
Dô dia E
Andry RASOLOFO
1- Ahitra ihany ny nofo rehetra
Mihamaina sy mihalo
Ny androny efa voafetra
Voaisan'ny Ray Tsitoha
Iza no sahy ny hifandahatra
Amin' Ilay Mpahary
He ny tany sy koa ny lanitra
Henika ny Voninahiny
Fiv .: Tsinontsinona izahay
Eo anatrehanao ry Ray
Ianao tsy miova
Fa maharitra
Ianao no Andriamanitra
2-Inona moa ny olombelona
No dia tsarovanao
Efa nanda ilay fiainana
Izay nomaninao
Vonin-javatra ireo hatsarany
Ka zava-poana avokoa
Mandalo toy ny aloka ihany
Mora levona tokoa
25
SALAMO 16
Dô dia G
Jean Patrick RAKOTO RAMIARANTSOA
1-Arovy aho Andriamanitra ô!
Fa mialoka Aminao
Tsisy soa ananako oharina Aminao
‘Zany no hifaliako, ravo ny fanahy
Ianao no anjarako Andriamanitro
2-Ho be ny fahorian’izay
Tsy miaiky anao ho Tompo
Fa eo ankavananao tsisy ahiahy
Eo anatrehako mandrakariva
Ianao Jehovah Andriamanitro
Ianao no Tompo Andriamanitro
ANDRIAMANITRA MPAMORONA
26
DERAINA MANDRAKIZAY
Dô dia D
Andrianarisandy RALAMBOMANANA
1-Ny rivotra mitsoka,
Ny ala maitso mavana,
Ny vorona misioka,
Ny rano mikopaka,
Ny hazo izay mamony, ny ando latsaka,
Ireny rehetra ireny
Dia mitory avokoa, ry Tompo
Fa lehibe Ianao, fa lehibe Ianao,
Ka midera Anao ny asan-tananao
Mandrakizay.
2-Feno fahendrena
Ny nanaovanao ireo,
Asan-tananao ‘reo
Ry Andriamanitra doria.
Kanto, tsara indrindra ankalazana Anao,
Ireny rehetra ireny
Ry Andriamanitra mahery
Fa lehibe Ianao, fa lehibe Ianao,
Ka midera Anao ny asan-tananao mandrakizay.
JESOSY
27
IZY NO LEHIBE
Dô dia C
Landy RABENIRAINY
Izy no lehibe
Ka hatao hoe Zanaky ny Avo Indrindra,
Ary Jehovah Andriamanitra Ray,
Hanome Azy
Ny seza fiandrianan’i Davida rainy.
Hanjaka amin’ny
Taranak’i Jakoba mandrakizay Izy,
Ary ny fanjakany tsy hanam-pahataperana.
28
JESO TOMPO AMBOARY
Dô dia Eb
Tsy fantatra
1-Jesô Tompo amboary
’Reto voninkazonao
Hitomboanay hatrany
Noho ny hasoavanao
Voninkazo vao maniry
Ao an-tanimbolinao
Hasoavy tsy hariry
Mba ho voninahitrao
2-Toera-mendrika sy tsara
Tony fiangonanao
Ka indreo voakarakara
Izahay mpianatrao
Ianao no mpiandry Tsara
No mikolokolo ao
Samy henika anjara
’Zay rehetra tonga ao
3-Ny sekoly alahady
Io no zaridainanay
Ka misantatra sahady
Ho finaritra izahay
Izahay no voninkazo
’Zay hisahirananao
Manantena tsy handazo
Noho ny fanamboaranao
29
JESOSY NO TENA VATO FEHIZORO
Dô dia D
Ndriana RAMAMONJY
1-Rendrarendra ve sa fifalian’ny maso koa?
Sa endrika ho levona na felana halazo koa?
No hanorenako izany tena fiainako,
Ianao Jesosy irery no tena Vato Fehizoro.
Fiv. Ka na orana hifafy,
Na ny rivotra koa hifofo,
Tsy mba hanan-tahotra aho,
Tsy hangovitra (satria)
Vato mafy no tena manda-piainako,
Ianao Jesosy irery no tena Vato Fehizoro.
2-Eo Aminao no tena irafetako,
Hitombo tsara
Ho tempoly masina ao Aminao,
Mba ho fonenanao sy Ilay Fanahy Masinao,
Ianao Jesosy irery no tena Vato Fehizoro.
30
ARY NY TENY
Dô dia A
Landy RABENIRAINY
Ary ny Teny, ary ny Teny, ary ny Teny
Dia tonga nofo
Ary ny Teny dia tonga nofo
Ka nonina tamintsika.
Hitanay ny Voninahiny,
Miendrika ny Lahitokana,
Sady feno fahasoavana sy fahamarinana.
Ary ny Teny, ary ny Teny, ary ny Teny
Dia tonga nofo
Ary ny Teny dia tonga nofo
Io ’Lay Mesia Andriamanitra.
JESOSY MPAMONJY
31
INONA RE NO MAHAVONJY
Dô dia G
Binjamin RABENJA RAMIARISON /Robert. Lowry
1-Inona re no mahavonjy ?
Ny Ran’i Jeso Kristy.
Ary ny nanavotan’ahy ?
Ny Ran’i Jeso Kristy.
Fiv. He! sarobidy tokoa,
Manome fo vaovao;
He! tena mahasoa,
Jesosy ô! ny Ranao.
2-Inona no hanamasina ahy ?
Ny Ran’i Jeso Kristy.
Ny hamelana heloka ahy ?
Ny Ran’i Jeso Kristy.
3-Inona no miaro ahy ?
Ny Ran’i Jeso Kristy.
Ary ny mahamarina ahy ?
Ny Ran’i Jeso Kristy.
32
HO AVY JESO
Dô dia G
Samuel RASETAHARISON
1-Raha ho avy eny an-drahona eny Jeso,
Moa vonona hitsena Azy ianao ve ?
Ho avy tampoka tsy hampandre Izy izay,
Toy ny mpangalatra ny fihavian’indray.
Fiv. Ho avy Jeso, miambena ianao,
Tsy mba somonga fa tena ho avy tokoa,
Fifaliana e! tsy hay tanisaina,
No ho an’ireo olom-boavonjy.
2-Fanasana izay fanaperana tokoa,
No indro, efa novononin’i Jeso,
’Reo nasaina namaly ny antso tam-po,
No hiara-mihinana amin’Ilay Tsitoha.
33
JESO NO TSY MIOVA
Dô dia Eb
Ndriana RAMAMONJY
1-Jeso no tsy miova,
Na omaly na anio,
Eny, ho mandrakizay (’Lay)
Vatolampy tsy mikoro.
Vato fanorena-mafy,
Azo itokiana tokoa,
Raha hanorenana,
Ny fiainana (mahasambatra),
Mandrakizay.
2-’Zaho izay novonjeny,
Mety hangovitra ihany,
Eo ambony vatolampy (fa)
Izy tsy miova akory.
Jeso ô! ampianaro,
Aho ho tahaka Anao izao,
Ka ny fiainako,
Jeso Tompo ô ! (Mba ho entiko)
Hiderana Anao.
34
HO AN’I JESOSY KRISTY
Dô dia C
Ndriana RAMAMONJY
Ho an’i Jesosy Kristy,
Izay tia antsika,
Ka namaha antsika,
Ho afaka tamin’ny fahotantsika,
Tamin’ny Rany.
Ho Azy anie
Ny Voninahitra sy ny fanjakana
Mandrakizay amena !
35
TSY HO ZAKA
Dô dia F
RAVELOMAHARAVO /David RATOVO, Alain RALAMBONDRAINY
1-Raha olon’irery
No anjakan’ny ota
Dia tsy ho zaka mihitsy
Ny eto an-tany eto
Tsy ho zaka, tsy ho zaka
Ny eto an-tany eto (bis)
2-Fa Jesosy Mpamonjy
No efa nijaly ho anao
Dia tsy ho very mihitsy
’Zay mino Azy izao
Tsy ho very, tsy hovery
’Zay miho Azy izao (bis)
3-Atolory ny fiainao
Ho an’i Jeso irery
Dia tsy ho resy mihitsy
Fa Izy homba anao
Tsy ho resy, tsy ho resy
Fa Izy homba anao (bis)
36
FAHATSIAROVANA
Dô dia F
Groupe Mobile
1-Mivory eto ny mpanomponao
Hankatoa ny Didy ’zay napetrakao
2-Izao no ataoko hahatsiarovana
‘Zay nataon’ny Tompo nanavotana ahy
3-Ity no mofo toy ny tenany
Efa noratraina ho ahy izay nania
4-’Ty no kapoaka mampahatsiahy fa
Latsaka ny Rany nanadiovana ahy
5- Koa raiso Tompo ny fisaorako
Mendrika ho anao 'Lay Mpamonjiko
37
DERAINA ANIE JESO
Dô dia E
Landy RABENIRAINY /…………………………
1-Deraina anie Jesô
Noho ny fitiavany
Deraina anie Jesô
Noho ny heriny
Fiv. : Mankalaza Anao
Eram-po 'zahay
Ny mijery Anao
Fifalianay
2-Deraina anie Jesô
Fa mahatoky Izy
Deraina anie Jesô
Satria Masina
38
MOA JESOSY VE TSY AHY ?
Dô dia G
Groupe Mobile
1-Na mandalo ady sarotra aza aho
Moa Jesosy ve tsy ahy ?
Aroko sy mandako, sady tokiko
Na hisesy eo anoloako aza moa
’Zay mety ho fakam-panahy
Mampandresy ahy hatrany Jeso.
Fiv. Izy no namonjy ahy
Ka nanafaka ahy
Ary koa mbola miaro
Sy hitantana ahy
Na hisesy eo anoloako aza moa
’Zay mety ho fakam-panahy
Mampandresy ahy hatrany Jeso.
2-Na ambinina aza ireo ratsy fanahy
Moa Jesosy ve tsy ahy ?
Tsy mba hierikerika aho
Tsy hanana ahiahy
Na ety an-tany na any an-danitra any
Ts’isy iriko tahaka Azy
Vatolampy sy anjarako Izy
Fiv. Izy no namonjy ahy
Ka nanafaka ahy
Ary koa mbola miaro
Sy hitantana ahy
Na ety an-tany na any an-danitra any
Ts’isy iriko tahaka Azy
Vatolampy sy anjarako Izy
39
O! N'AIZA N'AIZA
Dô dia G
RAZAKARIA
1- O! n'aiza n'aiza
O! n'aiza n'aiza Jesô no misy ahy re
O! n'aiza n'aiza
Jesô tsy mba mandao
O! n'aiza n'aiza
O! n'aiza n'aiza Jesô faniloko Ianao
Raha maizina e! izao tontolo izao
Hmm… izao tontolo izao.
2-He! falifaly
He! falifaly aho fa he! Navotanao
He! falifaly
Fa afaka tokoa
He !Falifaly
He !Falifaly aho misaotra anao izao
Mpamonjiko e! Mpisolo heloka
Hmmm. Mpisolo heloka
3-Derao, derao
Derao, derao ny Tompo fa lehibe tokoa
Derao, derao
Ny famindrampony
Derao, derao
Derao, derao fa mendrika hotolorana
Ny haja re! Sy voninahitra
Hmmm. Sy voninahitra
4-O! mba faingana
O! mba faingana ianao, ry mpivahiny ô!
O! mba faingana
Mivoha ho anao
O! mba faingana
O! mba faingana sao mikatona indray
Jesosy re! No varavarana
Hmmm. No varavarana
40
O! MBA MINOA
Dô dia C
Binjamin RABENJA RAMIARISON/J.R. SWENEY
1-O! mba minoa an'i Jesosy Tompo
O! mba minoa, ô! mba minoa
Ka maneke ny famonjena re!
O! Avia maneke.
Fiv. 'Zay mino Azy izao
Zay manana Azy izao
Tena sambatra, ao an-danitra
Jeso no làlana
Fahamarinana, Ary koa fiainana
2-O! maneke an’i Jesosy Tompo
O! maneke. O! maneke.
Ka mba mandraisa azy ao am-po
O! avia maneke
3-O! miderà an’i Jesosy Tompo
O! miderà. O! miderà
Fa lehibe ny vonjy azo re!
O! avia miderà
41
KRISTY VOAHOMBO
(Fanevan’ny faha 70 taona FFBBM)
Dô dia D
Andriamarohaja RALAMBOMANANA
Fa ninia tsy hahafantatra
Zavatra hafa
Teo aminareo aho afa-tsy
Jeso Kristy
Jeso Kristy
Indrindra fa Izy voahombo
Voahombo tamin’ny Hazofilaliana
42
IZY IHANY
Dô dia D
Laza RAHARISON
Ninia tsy hahafantatra zavatra hafa
Teo aminareo aho
Afa-tsy Jesosy Kristy
Afa-tsy Jesosy Kristy
Indrindra fa Izy voahombo
Tamin’ny Hazofijaliana
Indrindra fa Izy voahombo
Tamin’ny Hazofijaliana
43
I KORINTIANA 2 / 2
Dô dia G
Jean Patrick RAKOTO RAMIARANTSOA
(O!Fa ninia)
Fa ninia tsy hahafantatra
Tsy hahafantatra
O! Zavatra hafa
Zavatra hafa teo aminareo aho
Afa-tsy Jeso Kristy
(Indrindra )
Indrindra fa Izy Voahombo
Tamin’ny hazo
Jeso Kristy voahombo tamin’ny
Hazofijaliana
44
IZAHAY MINO
Dô dia D
Andry RASOLOFO
Izahay mino ka mahalala fa Ianao
No Ilay Masin'Andriamanitra
Ianao irery ihany no manana ny Teny
Ho fiainana mandrakizay
Fa Teny tonga nofo ianao
Hitanay ny voninahitrao
Jesosy ô ny fahasoavanao
No ifalianay izao
FIAINANANA KRISTIANINA
45
ENDREY TSARA SY MAHAFINARITRA
Dô dia C
Pst Samuel RASETAHARISON
Endrey tsara sy mahafinaritra
Raha ny mpirahalahy
Raha ny mpirahalahy
No miara-monina
Fa voahodidin’i Jehovah ho eo
Ny fitahiany
Ny fitahiany dia fiainana mandrakizay
46
BETIFAGA
Dô dia F
Ramiaraka RABENJA
1-Mankanesa ao Betifaga re ianao,
Ilay vohitra tandrify anao.
Misy zana-boriky izay mifatotra ao,
Ka andeha re mba vahao.
Fiv. Fa ilain’ny Tomponao,
Mba omenao Azy re!
Tadiavin’i Jesosy re, mba vahao,
Jeso no mandidy anao.
2-Betifaga akory tsy mba lavitra anao,
Fa tanàna manodidina.
Misy olo-maro ’zay mifatotra ao,
Ka andeha re mba vahao.
47
AZA MATAHOTRA IANAO
Dô dia Eb
Ndriana RAMAMONJY
Aza matahotra ianao fa momba anao Aho,
Ary aza miherikerika foana,
Fa Izaho no Andriamanitrao.
Mampahery anao Aho sady mamonjy anao,
Eny mitantana anao amin’ny
Tanan-ankavanan’ny fahamarinako Aho.
48
MARO IREO TANORA
Dô dia F
Ndriana RAMAMONJY
1-Maro ireo tanora izay miraparapa,
Ao anatin’ny aizina ao,
Mitambesatra ny ota ka tsy zaka,
Fahoriana re no ao.
Fiv. Iza kosa no hilanja,
Ny fanilo ho azy ireo ?
Izay mampahiratra tokoa ny jamba,
Ka ho vonjy ho azy ireo ?
2-Fahafatesana no toerana itobiany,
Lavitra ny fiainana,
Tsy mba misy fanavotana itokiany,
Manome fiadanana.
3-Fa Jesosy no efa maty ho azy ireo,
Ka mitondra fiainana,
‘Zay mandray dia sahy manandratra ny feo,
Fa manam-piadanana.
49
HANKAIZA IZAHAY
Dô dia F
Brinley Rees EVANS/ William A. Ogden
1-Hankaiza izahay, Jesosy ô,
Aminao, Aminao, ao Aminao,
Tsy misy zava-tsoa Jesosy ô,
Ho anay afa-tsy ao Aminao.
Fiv. Aminao Jesosy (Aminao Jesosy)
Aina ho anay (Aminao Jesosy)
Aminao Jesosy
Zay no mahatsara anay.
2-Raha mbola eto koa Jesosy ô,
Toky sy aronay, ao Aminao,
Tsy misy vonjy koa Jesosy ô,
Ho anay afa-tsy ao Aminao.
3-Raha hody izahay Jesosy ô,
Sambatra, tretrika ao Aminao,
Ho hitanay ny Ray, Jesosy ô,
Ampy izay, soa tokoa, ao Aminao.
50
N’AIZA N’AIZA JESO
Dô dia Eb
Tsy fantatra
1-N’aiza n’aiza Jeso itoeranao,
Sambatr’eo akaikinao ny mpanomponao,
Ota tsy tafiditr’ao, loza tsy hanjo,
Eo no paradisa fanaperan-tsoa.
Fiv. N’aiza n’aiza Jeso no misy Anao,
Mamy lalandava ny eo akaikinao.
2-N’aiza n’aiza Jeso hitarihanao,
Sahy ny mpanomponao, homba anao izao,
Na mamaky afo na mita rano be,
Afa-tahotra aho miaraka Aminao.
3-N’aiza n’aiza Jeso hanirahanao,
Vonona aho Tompo ô hankato Anao,
Hisarahana avokoa izao rehetra izao,
Nefa tsy irery izay akaikinao.
4-N’aiza n’aiza Jeso, eo akaikinao,
Velona aho Tompo ô ! Eo akaikinao,
Eny raha ho faty koa mbola akaikinao,
Tokan-teny aho, eo akaikinao.
51
IZAO NO FIFALIAKO
Dô dia D
Mahefanirina RAKOTOMALALA
1-Izao no fifaliako :
Ny miaraka Aminao Jesosy,
Ny loza tsy hampatahotra ahy,
Fa Ianao no miahy ny fiainako.
Fiv. Ka sambatra aho, midera Anao
Amin’ny fo vaovao,
Ka faly aho midera Anao,
Amin’ny hira vaovao.
2-Ny foko mankasitraka,
Ny fanavotanao Jesosy,
Tsy ho very intsony ny fanahy,
Fa notoloranao ny fiainana.
52
KALVARY
Dô dia F
Landy RABENIRAINY / John M. Moore
1-Fiainana efa ratsy ety,
Kivy reraka am-po,
No nentin’olona ao Kalvary,
An-tongotr’i Jeso,
Entana maro navela ao,
Kalvary, Kalvary,
No nentin’olona ao Kalvary,
An-tongotr’i Jeso.
2-N’inona mahory anao,
Ota maro tokoa,
Jereo fa mbola ao Kalvary,
Miandry anao Jeso,
Entana maro navela ao,
Kalvary, Kalvary,
Jereo fa mbola ao Kalvary,
Miandry anao Jeso.
3-Ts’isy zava-miseho ety,
’Zay tsy hitany,
Ny sento sy ny tomany,
Ento eo Aminy,
Entana maro navela ao,
Kalvary, Kalvary,
Ny sento sy ny tomany,
Ento eo Aminy.
53
JESO FIADANANA
Dô dia F
Landy RABENIRAINY / Tsy fantatra
1-Tao anaty aizin’ny famoizam-po,
Nandrakotra ny fiainako,
No nahatsiarovako ilay Teninao,
Niantso ahy hanokatra ny foko ho Anao.
Fiv. Tsy irery intsony aho hatramin’izay,
Fa miaraka amiko foana Jeso,
Rakotry ny ntrany sy ny fahasoavany,
Ny andro rehetra omeny iainako;
2-Vontom-pahoriana ve ny fiainanao,
Fa ratsy loatra ’zao tany izao?
’Lay Jeso namonjy ahy tia anao koa
Te hanome ny fiadanany hivelomanao.
54
JEROSALEMA VAOVAO
Dô dia F
Landy RABENIRAINY
1-Tsy mba misy fahasambarana
Eto an-tany fandalovana,
Voahodidin-doza mahatsiravina,
Lavitry ny fiadanana.
Fiv. Misy kosa izay nomanin’i Jeso,
Ho an’ny olona voavotra,
Tsy ho hita ao ny fahalovana,
Fa namboariny haharitra.
2-Raha ety dia maro be ny rehaka,
Rendrarendra mahasarika,
Tsy mba volamena fa ankosotra,
’Zay jerena dia mamitaka.
55
O ! RY MINO ! O HENOY
Dô dia C
Zaka RAHARIJAONA
1-O! ry mino, ô! henoy
Fa miantso anao Jesô
Miantso anao Izy mba
Hiara-miasa Aminy
Tsy ny hafa fa ianao
Tsy ny ampitso fa izao
Miandry anao Jesô tia
Hanambara ny Asany
Fiv. Tadidio fa avotr’aina anie
Ny asa izay omen’ny Tompo anao
Tadidio fa i Kristy
Dia nanefa ny Asany
Fa ny anao no mbola miandry ao !
2-Moa ve nosaininao
Raha toa ianao mandà
Aina anie no an-tananao
Aina fa tsy kilalao
Fahafatesana, satria
Fahaverezana doria
No miandry ny olona
Raha tsy miasa ianao
56
MIRAVORAVOA AMIN’ I JEHOVAH
Dô dia A
Landy RABENIRAINY
Miravoravoa amin’i Jehovah ianao
Dia homeny anao izay irin’ny fonao
Ankino amin’i Jehovah koa ny làlanao
Làlanao
Ary Matokia Azy fa hataony tanteraka
57
SAMBATRA NY FO
Dô dia C
Ndriana RAMAMONJY
1-Sambatra ny fo izay matoky Anao
Tsy atopatopan'onja raha manana Anao
Na dia samy hisedra ihany
Zava-tsarotra eto an-tany dia
Sambatra ny fo matoky Anao
Odidinin'ny famindram-ponao isan'andro
Na ririnina aza mbola mahita masoandro
Na dia samy hisedra ihany
Zava-tsarotra eto an-tany dia
Ravo izay misaina toa Anao
2-Sambatra ny saina iray safidy Aminao
Saina mankahala ota nanimba hatrizay
Na dia samy hisedra ihany
Zava-tsarotra eto an-tany dia
Ravo izay misaina toa anao
58
SAMBATRA IANAO
Dô dia D
Andry RASOLOFO
Sambatra ianao izay mino
Mankalaza ny Tompo
Fa tsy maintsy ho tanteraka
Ny Tenin'Andriamanitra
Efa tonga ny Zanany
Natera-behivavy
Mba hitady sy hamonjy
Ny mpanota very.
59
IANAO NO HAHITA
Dô dia D
Landy RABENIRAINY
1-Ny fahasoavanao, izay nahatoy izao,
Ary koa ny soa efa narotsakao,
’Zany re, ry Tompo no niainana hatrizay,
Ary mbola hiainanay anio, mandrakizay.
2-Tsy mba fantatray izay ho ampitsonay,
Maizina tokoa raha ny làlanay ety,
Nefa Tompo ô ! Ianao no itokianay, ka
Tsy ho tampoka aminay izay tendrinao.
3-Be ny fikasana hanao ny sitrakao,
Nefa tsy mahalala ’zay tokony hatao,
Azavao ny sainay, toroy mba hahalala,
Fa Ianao no hahita ’zay mahasoa anay.
60
HE FALIFALY
Dô dia D
RAZAKARIA
1-He falifaly lalandava
Ny fo sy fanahiko,
Fa efa nahita mazava
Ny masom-panahiko,
Fiv. Na misy zava-mahory aza,
Toa faly lalandava,
He falifaly lalandava
Ny fo sy fanahiko.
2-He ! Velona ! Fanantenana
’Zao no mameno ny fo,
Fa hiditra ao an-tanànan’i
Jerosalema tokoa,
61
HIRA TSOTRA
Dô dia D
Ndriana RAMAMONJY
1-Hira tsotra no atao
Hira tena avy ao am-po
Rehefa novonjena ianao
Io no masaka ao an-doha
Fiv. Io no hira fiderana
’Zay mameno ny ao am-po
Ka asandrato ny Hosana ô!
Tsy mba manam-paharoa
2-Amin’ny andro fifaliana
Io no hira avy ao am-po
Amin’ny andro fahoriana
Io no masaka ao an-doha
62
ETY AN-DALANA
Dô dia C
Landy RABENIRAINY /John F. Peterson
1-Ety an-dàlan’ity fiainako ity,
Dia misy efa nitokiako,
Ka ny aizina hazava raha tarihiny,
Io ’Lay Mpamonjy ny fanahiko.
Fiv. Tsy tahotro ny alon-drano mafy,
Ny rivo-doza tsy hahatohina,
Fa ampy ho ahy ny mino sy matoky,
Fa Jeso miara-dia amiko.
2-An-taona maro no efa nahafantarako,
Ny fahamarinan’ny fitiavany,
Ny nanomboana Azy tamin’ny hazo,
Nisarik’ahy hanaiky ao am-po.
63
AZA MATAHOTRA
Dô dia F
Landy RABENIRAINY / Ira F. Stamphill
1-Jehovah Ray ô ! Deraiko Ianao,
Mpamorona ‘zao tontolo izao.
Anao ny hery sy fahefana,
Ny fiandohana, fiafarana.
Fiv. Raha Ianao no miaro ahy,
Iza indray no hahatohitra,
Tsy hisy koa haharombak’ahy,
Fa Ianao no mihazona.
2-Ny tànanao no nisarika,
Ny aiko tao an-davaka.
Ny teninao no fanazavana,
Ny làlako mba ho hitako.
3-Ny Zanakao ato anatiko,
Milaza amin’ny fanahiko :
“Aza matahotra na manahy,
Aoka ny fonao hiadana”.
64
IANAO NO MIAHY
Dô dia Eb-F
Patrick J. RAKOTO RAMIARANTSOA
1-Vao mifoha aho dia midera Anao,
Ny androko ankiniko Aminao,
Fiv.(2) Ny fiainako rehetra,
Anao ts’isy fetra,
Tompo ô Ianao no miahy.
2-Ny Fitiavanao no iainako,
Tsy mba sambatra aho raha tsy eo Ianao,
3-Raha tonga indray ny alina,
Tsy hatahotra aho fa eo Ianao,
4-Ny hany faniriako Tompo ô!
Dia ny hanompo Anao hatrany.
NY TENIN’ANDRIAMANITRA
65
NY TENINAO
Dô dia D
Mahefanirina RAKOTOMALALA
Ny Teninao, ny Didinao,
Ray ô ataoko an-kira,
Tsy hohadinoiko mandrakizay Hosaintsainiko,
Ny Làlan’ny fahamarinanao
No finidiko,
Apetrako eo anatrehako
Ny Fitsipikao ( Teninao)
Ny Teninao, ny Didinao,
Ray ô! ataoko an-kira,
Tsy hohadinoiko mandrakizay
Amena !
66
NY TENIN’NY BAIBOLINAO
Dô dia C
Tsy fantatra
1-Ny tenin’ny Baibolinao Jehovah,
Fanilo manazava anay ety,
Manoro koa ny lalam-pamonjena,
Hizoranay ho tonga soa ary,
Fiv. Ry boky mpanasoa anay (Baiboly soa)
Baibolim-pamonjena
Harena sy fanananay (Harena sy)
Fanananay tsy azom-bolamena.
2-Ny Tenin’ny Baibolinao Jehovah,
Dia sabatra entinay mandresy koa,
Koa tsy ho resin’ny fakam-panahy,
Ny manana ny Teny mahasoa.
3-Ny Tenin’ny Baibolinao Jehovah,
Dia mofon’aina ivelomanay,
Sakafo mahatanjaka ny saina,
Vatsim-panahy mandrakizay.
4-Isaoranay, isaoranay Jehovah,
Fa lovanay ny Baiboly soa,
Hahaizanay mamantatra mazava,
Ny Fitiavanao anay tokoa.
67
AOKA NY TENIN’I KRISTY
Dô dia G
Faly Henintsoa RAFIDIMANANA
Aoka ny Tenin’i Kristy
Hitoetra betsaka ao aminareo,
Amin’ny fahendrena,
Fahendrena rehetra,
Dia mifampianara ka mifananara
Amin’ny Salamo sy ny
Fihirana ary ny
Tonon-kiram-panahy.
Mihirà amin’ny fahasoavana,
Ao am-po ho an’Andriamanitra.
ANKIZY
68
JAKY JAKY
Dô dia F
Tsy fantatra
Jaky, jaky, na dia toy ny jaky,
Mangatrakatraka ny fahotanao,
Fotsy, fotsy toy ny oram-panala,
Raha ny rà soa no manadio anao.
69
NY ZANA-BORONKELY
Dô dia F
Henri Samuel RALAMBONDRAINY /S.W. STRAUB
1-Ny zana-boronkely re
Raha sendra latsaka,
Vonjen’Andriamanitra,
Arovany tokoa.
Fiv. Izaho koa dia tiany na kely aza re,
Jesosy Tompo Lehibe Mpiaro ahy koa.
2-Tantely ary vitsika
Sy lolo kely koa,
Dia tian’Andriamanitra,
Omeny zava-tsoa .
3-Ny voninkazo he! Jereo
Tafiany tsara ery
Omeny fofo-manitra
Ka tretrika tokoa
4-Nomeny ray sy reny koa
Izaho kely ity,
Nomeny ny Mpamonjy koa
Ka faly fo ery.
70
FANILON’NY TONGOTRO
Dô dia F
Ndriana RAMAMONJY
1-Fanilon'ny tongotro
Sy fanazavana koa
Ny làlako ny Teninao
Andriamanitra ô !
2-Ny Teninao Masina
No mpitarika anay
Handresenay ny Devoly
Hanafika anay
3-Madio ny Teninao
Ka hianaranay
Ka omeo ny fahendrena
Ho tia ny Teninao
71
IANAREO ANKIZY
Dô dia A
Tsy fantatra
1-Ianareo ankizy antsoin’i Jesosy Tompo,
Hanazava ny manodidina anareo,
Maizina ny tany itoerantsika izao,
Misehoa ho jiro kely hamirapiratra ao.
2-Na malemy aza isika ankizy kely,
Afaka hanazava ny manodidina,
Satria Jesosy mitahy antsika izao,
Manazava, mampahery sy miaro koa.
3-Asehoy ny fahazavanao,
Hanazava izao tontolo izao,
Asehoy Jesosy Tomponao,
Misehoa ho jiro kely hamirapiratra ao.
72
ISAORANA ANIE JEHOVAH
Dô dia G
Mahefanirina RAKOTOMALALA
Isaorana anie Jehovah,
Andriamanitry ny Israely,
Hatramin’ny taloha indrindra,
Ka mandrakizay.
Ary aoka ny olona rehetra,
Hanao hoe : “Amena” (Haleloia), “Amena”.
73
HE NY FIFALIAKO
Dô dia E
Tsy fantatra
He! ny fifaliako, faly izao ny foko,
Fa Jesosy Kristy no Mpamonjiko,
’Zao no faniriako, ’zao no tena tiako,
Tsy hisaraka Aminao.
’Zao no tiako (bis)
Hiara-belona Aminao, ry Jeso,
Ka iriko (bis)
Tsy hisaraka Aminao.
74
ANDRIAMANITRA BE VONINAHITRA
Dô dia E.
Landy RABENIRAINY
Andriamanitra be voninahitra, Andriamanitra Fitiavana,
Andriamanitra Fahamarinana,
Tonga ho ahy tsy manam-pahamendrehana,
Andriamanitra Fitiavana,
Andriamanitra Fahasoavana,
Andriamanitra Fanavotana,
Tonga ho ahy ho famonjena ny fanahy.
Deraiko Ianao Andriamanitra ô !
Satriko foana hidera Anao,
Deraiko Ianao Andriamanitra ô !
Ambony loatra ny toetranao,
Deraiko Ianao Andriamanitra ô !
Satriko foana hidera Anao,
Deraiko Ianao Andriamanitra ô !
Ambony loatra ny toetranao,
Ka toy izao ny hirako : “Haleloia! Amena!”
75
IZA NO NAMORONA ?
Dô dia C
Ndriana RAMAMONJY
1-Iza no namorona, tany sy ny lanitra,
Trondro sy ny vorona?
Moa tsy Andriamanitra?
‘Ry masoandro iry sy ireo fahazavany,
Hoy Izy hoe : “Misia !”, dia indro nisy izany.
2-Izay rehetra vita dia hitany fa tsara,
Ts’isy ny tomika fa tsara karakara,
Moa va tsy toy izany no nanaovany ahy,
Tsy vatako ihany fa saina sy fanahy.
76
INDRO EFA MITSANGANA.
Dô dia D
Ndriana RAMAMONJY
Indro efa mitsangana eo am-baravarana Aho ka mandondona,
Raha misy mihaino ny feoko ka mamoha ny varavarana,
Dia hiditra Aho ka hiaraka misakafo aminy ary izy Amiko.
77
O! MATOKIA AN’I JEHOVAH
Dô dia F
Ndriana RAMAMONJY
O! Matokia an’i Jehovah
Amin’ny fonao rehetra,fa aza
Miankina amin’ny fahalalanao,
Maneke Azy amin’ny alehanao rehetra,
O! Matokia an’i Jehovah
Amin’ny fonao rehetra,fa aza
Miankina amin’ny fahalalanao,
Maneke Azy amin’ny alehanao rehetra,
78
MI+TE+NE+NA
Dô dia E
Ndriana RAMAMONJY
“M” ampiana “I” manao hoe “MI”,
“T” ampiana “E” manao hoe “TE”,
“N” ampiana “E” manao hoe “NE”,
“N” ampiana “A” manao hoe “NA”.
’Reo rehetra ireo hatambatra,
Dia manao hoe : “MITENENA”,
Mitenena Jehovah ô !
Fa mihaino ny mpanomponao.
79
FA TOY IZAO
Dô dia D
Ndriana RAMAMONJY
Fa toy izao no nitiavan’Andriamanitra An’izao tontolo izao,
Nomeny ny Zanani-lahy Tokana
Mba tsy ho very,
Mba tsy ho very izay mino Azy,
Fa hanam-piainana mandrakizay,
Fa hanana ny fiainana mandrakizay.
80
MIHAINOA, RY LANITRA
Dô dia Bb
Faly Henintsoa RAFIDIMANANA
Mihainoa, ry lanitra, fa hiteny Aho
Mandrenesa, ry tany, ny Tenin’ny vavako
Fa ny Anaran’i Jehovah
No hotoriako,
Maneke ny ahalehibeazan’Andriamanitsika
Ny amin’ny vatolampy, tanteraka ny Asany
Ary ny asany rehetra
Dia amin’ny rariny avokoa
Izy no Andriamanitra, tena mahatoky
Andriamanitry ny fahamarinana
81
FALIFALY IZAHAY
Dô dia F
Patrick J . RAKOTO RAMIARANTSOA
Falifaly izahay
Fa nahazo famonjena
Taminao Jeso Tompo
Haleloia! Haleloia!
82
’NDRETO IZAHAY
Dô dia F
Patrick J . RAKOTO RAMIARANTSOA
’Ndreto ’zahay Tompo ô!
Hitsaoka ny Anaranao
Ho Anao irery anie mandrakizay
Ny voninahitra
Izao rehetra izao
Mihoby Anao Tompo ô!
83
ANDRIAMANITRA O!
Dô dia D
Patrick J . RAKOTO RAMIARANTSOA
1- A a a Andriamanitra ô!
Faly aho fa noforoninao
Ny tany ,’zao rehetra izao
Ary indrindra ny olombelona
Fitiavana, Fahasoavana
Avy Aminao izany
2-O ô ô Jeso Tompo ô!
Ianao no mampihavana
Ny olona sy Andriamanitra
Ianao Ilay Voahosotra
Fitiavana, Famonjena
Avy Aminao izany.
84
HOSANA HO AN’NY ZANAK’I DAVIDA
Dô dia Ab
Patrick J . RAKOTO RAMIARANTSOA
Hosana! Hosana!
Ho an’ny Zanak’i Davida
Hosana, Hosana
Ho amin’ny Avo Indridnra
Isaorana anie
Izay avy amin’ny Anaran’i Jehovah
Andriamanitra mahery
Hatramin’ny taloha indrindra
Ka mandrakizay
85
NY ALA SY NY VORONA
Dô dia Ab
Patrick J . RAKOTO RAMIARANTSOA
Iza no namorona
Ny lanitra sy ny tany
Ny ala sy ny vorona
Ary ny olombelona ?
Andriamanitra
Izy no namorona
Izy no nampisy koa
’Zao tontolo izao
86
LEHIBE NY ASANY
Dô dia E
Patrick J . RAKOTO RAMIARANTSOA
Izy no namorona
Ny tany sy ny lanitra
Ny maraina sy hariva.
Izy no Andriamanitra
Ny trondro ny vorona
Ary indrindra ny olona
Miderà, mihobia
An’Andriamanitra
Lehibe ny Asany
Mahafinaritra
87
JESO NO TOKIKO
Dô dia E-F
Patrick J . RAKOTO RAMIARANTSOA
1- Jeso no tokiko
Jeso no aroko
Jeso, Jeso
Jeso no fiainako
2- Jeso no heriko
Jeso no mandako
Jeso, Jeso
Jeso no fiainako
88
VONINAHITRA
Dô dia F
Patrick J . RAKOTO RAMIARANTSOA
Voninahitra ho amin’ny Avo Indrindra
Ho amin’ny Avo Indrindra
Avo Indrindra ho an’Andriamanitra
Fiadanana ho ety ambonin’ny tany
Ho an’ny olona
Ny olona ankasitrahany
He! voninahitra (He! voninahitra)
Ho an’Andriamanitra(Ho an’Andriamanitra)
Hobio, derao ankalazao
Ny Tompo, mandrakizay, Amena
89
FIDERANA ANAO
Dô dia D
Patrick J . RAKOTO RAMIARANTSOA
O! fiderana, fiderana Anao Andriamanitra ô!
O! fiderana, fiderana Anao Andriamanitra ô!
Fihobiana ,fihobiana Anao Andriamanitra ô!
Fiderana, fiderana fankalazana
Fihobiana ny Anaranao
No hirainay ety an-tany
No hiraina any an-danitra any
Haleloia, haleloia, haleloia
Haleloia, haleloia
No hirainay ety an-tany
No hiraina any an-danitra any
O! fiderana, fiderana Anao Andriamanitra ô!
O! fiderana, fiderana Anao Andriamanitra ô!
90
ASA 16 / 31
Dô dia E-F-G
Patrick J . RAKOTO RAMIARANTSOA
Minoa an’i Jesosy Tompo
Dia hovonjena ianao
91
VELONA NY TOMPOKO
Dô dia D
Andrianavalona RABENJA
1-Velona Jeso (3)
Velona ny Tompoko (2)
2-Jesosy no Tompo (3)
Velona ny Tompoko (2)
92
ZAZA TERAKA
Dô dia Eb
Andrianavalona RABENJA
1- Zaza teraka,
Zazalahy nomena ;
Mba hanafaka
Ny olona ho vonjena.
2-Manana Anarana
’Zay mamelon’aina,
Dia Mahagaga
Sy Mpanolotsaina
3-Anaran-danitra,
Azy samy irery ;
Andriamanitra
Mahery
4-Rain’ny mandrakizay,
Andriam-piadanana ;
’Zay tia hatrizay
Tsy azo faranana
93
ANKALAZAO
Dô dia Bb
Tsy fantatra
1-Ankalazao
Ny fitiavan'Andriamanitra anao
Fa lehibe tokoa,
Derao,derao
Fa tonga ho antsika Ilay Mpanavotra
Jesosy Tompo soa
Fiv : Fa toy izao no nitiavan'Andriamanitra
Izao tontolo izao, fa nomeny
Ny Zanany Lahitokana
Mba tsy ho very izay rehetra
Izay rehetra mino Azy
Fa hanana fiainana
Fiainana mandrakizay
2-Lazao, lazao
Ny fitiavan'Andriamanitra anao
Fa lehibe tokoa
Ka ambarao
Fa Izy no nanaisotra
Ny fahotan'izao tontolo izao
94
HOY JESOSY TOMPO
Dô dia C
Benjamin RABENJA RAMIARISON
1-Hoy Jesosy Tompo
Raha tety an-tany :
“Mba avelao ny zaza
Avelao, avelao hankaty”
Fiv . “Tena tiako izy
Na dia mbola ankizy
K'aza mba rarana
Tsy hanatona Ahy
Na dia kely aza
Na dia mbola zaza
Ho tahiko re!”
2-Tiako ny zazakely
Zaho no mpiandry tsara
Tsy foiko hisy ho very
O! avia, ô! avia hankaty
3-Avia ry zazakely
Jesosy no miantso
Avia ho tahiany
O! avia. O! avia hankaty
Ahitra ihany ………………………..
24
Ampy ho anay ny fahasoavanao ……
23
Andriamaintra ô! Rainay ……………
1
Andriamanitra be voninahitra ……….
74
Andriamanitra mpamorona…………..
3
Andriamanitra ô! …………………….
83
Ankalazao ……………………………
93
Aoka ny Tenin'i Kristy ………………
67
Ary ny Teny …………………………
30
Asa 16 : 31 …………………………..
90
Asandrato ny hoby ………………….
7
Aza matahotra ………………………
63
Aza matahotra ianao ………………..
47
Betifaga ……………………………...
46
Deraina anie Jeso …………………….
37
Deraina mandrakizay ………………..
26
Endrey tsara sy mahafinaritra ……….
45
Ety an-dàlana ………………………..
62
Fa mandrakizay ny famindram-pony..
4
Fa toy izao ………………………….
79
Fahatsiarovana ……………………….
36
Falifaly izahay ……………………….
81
Fanilon'ny tongotro ………………….
70
Fiderana anao ………………………..
89
Fitia fatratra ………………………….
14
Hankaiza izahay ……………………..
49
He falifaly ……………………………
60
He ny fifaliako ……………………….
73
Hira fisaorana ………………………..
5
Hira tsotra ……………………………
61
Ho an'i Jesosy Kristy ………………..
34
Ho avy Jesô (pst RASETAHARISON)…
32
Hosana ho an'ny Zanak'i Davida …..
84
Hoy Jesosy Tompo ………………….
94
I Koritiana 2 : 2 ……………………..
43
Ianao no hahita ………………………
59
Ianao no miahy ……………………..
64
Ianareo ankizy ………………………
71
Indro efa mitsangana ………………..
76
Inona re no mahavonjy ……………..
31
Isaorana anie Jehovah ……………….
72
Isaoranay Ianao Jehovah Ray ………..
6
Iza no namorona ……………………..
75
Izahay mino ………………………….
44
Izao no fifaliako ……………………..
51
Izy ihany …………………………….
42
Izy no lehibe …………………………
27
Izy no mitrotro antsika ………………
12
Jaky jaky ……………………………
68
Jehovah NISI ………………………..
16
Jerosalema vaovao ………………….
54
Jeso fiadanana ……………………….
53
Jesô no tokiko ……………………….
87
Jeso no tsy miova ……………………
33
Jeso Tompo amboary ……………….
28
Jesosy no tena vato fehizoro ………..
29
Kalvary ……………………………...
52
Kristy Voahombo …………………...
41
Lehibe ny asany …………………….
86
Maro ireo tanora …………………….
48
Masina, masina, masina …………….
22
MI+TE+NE+NA ……………………
78
Miderà Azy …………………………
2
Mihainoa ry lanitra ………………….
80
Mihainoa ry Nosy …………………..
20
Miravoravoa amin'i Jehovah ………...
56
Misaotra Anao zahay ry ray ………..
10
Mitehafa tànana ……………………..
8
Moa Jesosy ve tsy ahy ………………
38
Nafoinao tokoa ……………………...
18
N'aiza n'aiza Jesô ……………………
50
Ndreto izahay ………………………
82
Noho ity maraina vao ……………….
9
Ny ala sy ny vorona …………………
85
Ny fivorianay ……………………….
13
Ny Teninao(Mahefa) ………………..
65
Ny Tenin'ny Baibolinao …………….
66
Ny voninahitra no mendrika ………...
17
Ny zana-boron-kely …………………
69
O! Matokia an'i Jehovah …………….
77
O! Mba minoa ………………………
40
O! N'aiza n'aiza …………………….
39
O! Ry mino ô henoy ………………..
55
Ray mahery …………………………
11
Salamo 16 …………………………...
25
Sambatra ianao ……………………...
58
Sambatra ny fo izay matoky ………..
57
Tamin'ny voalohany ny teny ………..
15
Tompo lehibe (Faly) ………………..
21
Tsy hozaka ………………………….
35
Tsy miova Aho ……………………..
19
Velona ny Tompoko ………………..
91
Voninahitra ………………………….
88
Zaza teraka ………………………….
92
Fizahan-daharana
- 22 -