Seachtain Na Gaeilge

Scoil Ashton

Ceardlann Rince ar an Sean-Nós

Reachtáladh ceardlann rince ar an sean-nós do fiche dalta idirbhliana.

Lean an cheardlann 80 nóiméad. Dick Beamish ó Bhaile an Chollaigh a

bhí i mbun na ceardlainne. Tá taithí mhaith ag Dick ar mhúineadh an

rince. Labhair sé leo ar dtúis mar gheall ar rithim agus dhein se

cleachtaí beaga leo. Ansin mhúin sé steipeanna bunúsacha dóibh agus

bhí ionadh ar na daltaí ag an deireadh go raibh ar a gcumas rince a

dhéanamh leis an gceol. Bhí cúpla steip acu ag an deireadh agus bhí

siad an-shásta leo féin. Dhein sé rince an sciobóil chomh maith mar

athrú agus thaitin sé sin go mór leo. Oscailt súl a bhí ann. Tríd is tríd

tráthnóna an-thaitneamhach ar fad a bhí ann.

Comórtas Postaer

Musclaíodh féith na healaíne ins na daltaí leis an

gcomórtas postaer a eagraíodh le linn Seachtain na

Gaeilge 2013 i Scoil Ashton. Bhí féith na healaíne seo,

taobh le bua na samhlaíochta, le feiceáil go soiléir in sna

postaeir a rinne na daltaí chun Seachtain na Gaeilge a

cheiliúradh.

Bhí na postaeir tarraingteacha, ildaite seo le feiceáil ar

fud na scoile ar feadh seachtaine agus chuir said go mór

leis an atmaisféar ginearálta a bhí le mothú agus anuas

air sin, thug said spreagadh do na daltaí níos mó Gaeilge

a labhairt agus machnamh a dhéanamh ar stádas na

Gaeilge in san scoil agus sa tsochaí.

Bhí sceitimíní áthais ar na daltaí an Luan tar eís Seachtain

na Gaeilge nuair a fógraíodh buaiteoirí an chomórtais.

Bhí obair dheacair ag an múinteoir Ealaíne na postaeir is

fearr a roghnú.

Fuair na buaiteoirí uibheacha Cásca agus bhí said an-

sásta…ní nach ionadh!

Seomra Caidrimh

Le roinnt blianta anuas, bhí sé de nós againn an deis a thabhairt

do dhaltaí bheith ag caint as Gaeilge i rith an lá scoile timpeall na

scoile agus go háirithe ag am lóin. Bhíodh uibheacha Cásca le

buachan ag na daltaí de dheasca a gcuid n-iarrachtaí an

Ghaeilge a labhairt. Gan dabht ar bith thug na duaiseanna

spreagadh iontach do na daltaí páirt a ghlacadh agus triail a

bhaint as.

Tá club Gaeilge againn ar scoil, Cupán Tae an t-ainm atá air. Rith

smaoineamh leo an Seomra Caidrimh a chur ar bun i mbliana.

Bheartaíomar ar sheomra ranga ar leith a chur ar fáil ag am lóin

agus deis a thabhairt do na daltaí bualadh isteach, a lóin a

thabhairt leo, an Ghaeilge a labhairt in atmaisféar breá

taitneamhach réchúiseach.

Bhuail a lán daltaí isteach gach lá agus chaith siad a gcuid ama ag

caint is ag cómhrá agus bhí an-chraic acu. Bhí na múinteoirí

Gaeilge ina measc, ag spreagadh agus ag gríosadh na ndaltaí

agus ag deireadh gach am lóin roghaíodh buachaill is cailín

amháin mar Chainteoirí an Lae agus bronnadh ubh Chásca orthu

mar dhuais.

Chabhraigh Cupán Tae go mór leis na múinteoirí an imeacht seo

a eagrú agus a reachtáil. Gach lá d’fhógair daltaí ar an gcallaire

go mbeadh fáilte mhór roimh chách sa Seomra Caidrimh.

Chomh maith leis sin roghnaigh na daltaí seanfhocail oiriúnacha

agus thug siad ceann amháin do na daltaí chuile lá, ina measc

‘Tír gan teanga tír gan anam’ agus ‘Ní neart go cur lé chéile’.

D’éirigh go seoigh leis an imeacht seo agus bhain gach duine

taitneamh agus tairbhe as. Thug sé deis iontach dúinn go léir an

Ghaeilge a chur chun chinn agus íomhá dhearfach spreagúil dár

dteanga dhúchais a chothú agus a chéiliúradh ar fud na scoile,

mar a deir an seanfhocal ‘Beatha teanga í a labhairt’.

Tráth na gCeist

Ghlac ochtó dalta ón gcúigiú bliain páirt i dtráth na gceist

ollmhór.Bhí atmaisféar iontach ann le níos mó na fiche

foireann ag déanamh a seacht ndícheall chun na

huibheacha cásca a bhuachan. Bhí babhtaí eagsúla ann –

babhta ceoil, spóirt agus scannáin ina measc.

Bhí an-chraic go deo sa seomra agus bhain gach éinne sult

as an ócáid.