BADATOR: BERUNA PATRIKAN

Julen Gabiriak euskaratu du Ander

Izagirreren liburu txirrindularia

Libros del K.O. argitaletxeak Plomo en los bolsillos liburuaren zazpigarren

edizioa atera du gazteleraz eta, aldi berean, euskarazko lehenengoa ere bai:

Beruna patrikan. Ander Izagirre kazetariaren liburua, Frantziako Tourreko

txirrindularien abenturak, harropuzkeriak, traizioak, pozak, balentriak eta

sorpresak kontatzen dituena, Julen Gabiriak euskaratu du. Bi edizio berriek,

bai gaztelerazkoak eta baita euskarazkoak ere, Patxi Gallegok marraztu duen

Tourmalet komikia dakarte.

Plomo en los bolsillosek Kirol Literaturaren Marca saria irabazi zuen

2004an. 2012an, Izagirrek hiru atal berri idatzi zituen, eguneratutako lana Libros

del K.O. argitaletxearekin atera zuen, eta biraka hasi zen: Donostiatik Madrila

bizikletaz joan zen, liburua hiriz hiri aurkezten, bidean errelebuak eman

zizkioten txirrindularien laguntzaz. Besteak beste, egilearekin batera izan ziren

Peio Ruiz Cabestany, Pedro Horrillo eta bidean gehitu zitzaizkion hainbat

irakurle eta zikloturista despistatu, bai eta Indurainek sinatutako bisera zeraman

mutil sinpatiko bat ere. Berunezko Tour gehiago ere egon ziren, eta K.O.

taldearen tropelak haize-babesak antolatu zituen Zaragozako estepan,

Montserratera bidean galdu egin zen, eta Sabadelleko industrialde batean

hamaika buelta eman zituen, Gerardo Fuster jaunarekin batera pedalei eragin

zien Fusterrek 80 urte zeuzkan eta haren lagun Fausto Coppik 1957an

oparitutako bizikletarekin zihoan, eta Soriako herrixka bateko elizaren

aldarean ere aurkeztu zuen liburua, kanpai-hotsekin herritarrei abisua eman eta

gero.

Liburua kilometroak eta berrargitalpenak pilatuz joan zen. Orain

zazpigarrena dator, beste poz handi batekin batera: Beruna patrikan,

euskarazko itzulpena. Iheslari bakartien tradizioari jarraituz, Julen Gabiria idazle

eta itzultzailea bere kasa hasi zen liburuaren atalak euskaratzen, inori ezer

esan gabe. Egun batean, Aian eta Zarautzen barrena elkarrekin bizikletaz

zihoazela, Gabiriak eskua sartu zuen mailloteko patrikan eta USB bat eman

zion Izagirreri, itzuli zituen lehen atalekin. Hilabete batzuk geroago, Donostiako

Klasikoaren egunean, Gabiria Jaizkibelgo bide bazterrean zegoen

txirrindularien zain, eta superheroiak marrazten dituen ziklista izerditsu bat

igotzen ikusi zuen: Patxi Gallego. Beruna patrikan liburuari buruz hitz egin zuten

eta Gallegok esan zion beti izan zuela gogoa liburu horren atalen bat

marrazkitan jartzeko. Libros del K.O.-ko editore madrildarrak, euskaraz eutsi

Abraham! besterik esaten ez dakitenak, berotu egin ziren ideiarekin, inork ez

zien abisu zuhurrik eman, eta hementxe gaude denok orain, Plomo en los

bolsillosen zazpigarren edizioa, Beruna patrikan eta Tourmalet komikia batera

kaleratzen.

BERUNA PATRIKAN: SINOPSIA

Plissier, 1923ko Tourraren irabazlea, araudiaren gogortasunaren aurka hasi zen

protestan: Laster beruna jarriko digute patrikan. Robic txikiak, 47ko irabazleak,

berunez zamatzen zuen bizikleta, mendateak azkarrago jaisteko. Tourrak dakarren

sufrimendua berunezkoa da, baina txirrindularien ahalegina ere halakoxea da.

Oreka horretan mugitzen dira liburu honetako atalak. Istorio hauen bitartez ezagutuko

dugu Frantziako Tourraren B aldea, garaipen eta porrot sonatuenetatik hasi eta

aurreneko karreristen abenturetaraino; bertan topatuko ditugu istorio tragikoak

(adibidez, Tom Simpsonek Mont Ventouxen hil baino lehen emandako azken 40

pedalkadei buruzkoa) zein dibertigarriak (besteak beste, Vicente Blanco bilbotar

herrenarena, bakailaoarekin dopatzen zena eta Pariseraino joan zena bizikleta

gainean, Tourrean parte hartu ahal izateko); Coppi eta Bartali, Anquetil eta Poulidor,

Kbler eta Koblet, Merckx eta Ocaaren arteko borroka gogoangarriak, Indurainen eta

Hinaulten balentriak, Armstrongen nagusitasunaren urteak eta goitik behera erori

zitzaion gezur handia; eta beste hainbat gorabehera ere bai: hor ditugu Walkowiak,

Tourra irabazteaz damutu zena, edo Zaaf aljeriarra, Tourreko etapa bat irabaziko zuen

lehen afrikarra izateko puntuan zegoenean, mozkortu eta zorabiatuta erori zena.

EGITARAUA

APIRILAK 7, ASTEARTEA. DONOSTIA 19.30. Aurkezpena, jendaurrean, Liburutegi Nagusiko ekitaldi aretoan. Alegia: kriptan. Sarrera San Jeronimo kaletik, Alde Zaharrean.

Julen Gabiria, Patxi Gallego eta Ander Izagirre egongo dira batailatxoak

kontatzen. APIRILAK 8, ASTEAZKENA. DONOSTIA-ZARAUTZ

Etapa bizikletaz. Donostia-Igeldo-Orio-Aia-Zarautz (40 km). 15.15. Sinadura kontrola Kursaalen. 15.30. Irteera. Martxa neutralizatua Ondarretaraino; ezin da erasorik jo bidegorrian. 16.45. Orio. Andatzatik igoera Aiara. Alferrak zuzenean joan daitezke Oriotik Zarautza. 18.00. Helmuga Zarautzen, Narros jauregian. Lehenengoak merienda ordainduko du. 19.00. Aurkezpena, jendaurrean, Garoa liburu-dendan. Trinitate kalea, 7.

Julen Gabiria, Patxi Gallego eta Ander Izagirre egongo dira. Hankak bezperan

baino nekatuago, baina burua argiago.

EGILEAK

Ander Izagirre (Donostia, 1976) anbizio handiko txirrindularia izan zen 20 urte bete zituen arte. Zehazki, tropeletik oso atzera gelditu eta, herri bat bakar-

bakarrik zeharkatzen ari zela, ama batek bere semeari, ziklistaz jantzitako

mutiko bati, esan ziona entzun zuen arte: Horren moduan ibiliko bazara, hobe

duzu ez irtetea, e?. Jendeak uste du ziklistek ez dutela entzuten, ala?

Hasperen egin, bizikleta utzi, idazteari ekin zion eta pedalkadaka idatzitako

liburu honekin Kirol Literaturaren Marca saria irabazi zuen. Libros del K.O.

argitaletxean Mi abuela y diez ms eta Los stanos del mundo lanak ere

kaleratu ditu.

www.anderiza.com | Twitter: @anderiza

Julen Gabiria (Galdakao, 1973). Bere lehen posterra Laurent Fignonena izan zen, betaurrekodunen arteko enpatiagatik. Txirrindularitza maite arren, berandu

samar konturatu zen bera ere bizikletarekin gozatzeko gai zela, Alex Zlle

laubegiaren moduan lurretik bueltaka ez zebilenean. Ondorioz, idazle bihurtuta,

eta erortzeko arrisku gehiagorekin beharbada, Han goitik itsasoa ikusten da

ziklismo-giroko nobela idatzi zuen 2004an eta Tourreko kronikak idatzi zituen

Berria egunkarian.

Patxi Gallego (Errenteria, 1973). Marrazkilaria, komikigilea eta irakaslea da,

dena tarteka-marteka, baina ezertan kontzentratu gabe (horrela ez da urrutira

helduko). Orain arte egin duen lanik ezagunena Xabinaitorren abenturak dira,

helduentzako komiki-trilogia bat, euskal superheroi txapeldun bati buruzkoa,

(auto)kritika soziala, erotismo pixka bat eta geure buruaz (euskal izaeraz) barre

egitea nahasten dituena. Azkenaldian nerabeak hezten saiatzen da ikastetxe

publikoetan, eta horrela gizarteari on egiten diola iruditzen zaio. Haurrentzako

ipuinak ere ilustratzen ditu (gehienak euskaraz), gero eta dotoreagoak eta ez

berak hala diolako, eta horrekin sentitzen du gehien gustatzen zaion lanarekin

ere jarraitzen duela: marraztea, alegia.

Fitxa teknikoa

Plomo en los bolsillos Beruna patrikan 228 orrialde 264 orrialde Lehen edizioa: 2012ko maiatza Lehen edizioa: 2015eko apirila ISBN 978-84-940101-7-0 ISBN 978-84-16001-36-1 14,90 (papera); 5,99 (ebook) 14,90 (papera); 5,99 (ebook)

Banatzailea: UDL (www.udllibros.com)

Harremanetarako

Libros del K.O. emilio@librosdelko.com

Ander Izagirre. anderiza@gmail.com

Julen Gabiria. julengabiria@gmail.com

Patxi Gallego. urdinpatx@gmail.com