Upload
ilana-loubser
View
277
Download
17
Embed Size (px)
DESCRIPTION
Die amptelike nuusblad van die SAP TIN Eenheid Veterane Bond
Citation preview
UITGAWE 2 OKTOBER 2014
UIT DIE PEN VAN DIE VOORSITTER
SAP TIN VETERANE BOND
Dagsê kollegas!
Ons skop nou af met volume twee van die bulleTIN.
Ons is nou gelukkig omdat ons n verskeidenheid vorms
van kommunikasie het, soos ons maandblad, Facebook
en ʼn webwerf.
•Ek verneem ons tesourier Sean Clayton was ongesteld
met griep in die bed. Ek het vir hom gesê griep is soos ʼn
sleg meisie. sy los jou nie voor jy met haar in die bed
was nie. Hy weet toe vir my te vertel dat hy hou van
meisies met twyfelagtige karakter wat met ordentlike
getroude mans uitgaan. Gelukkig is hy darem nou
gesond.
•Ons het toe op Saterdag 30 Augustus 2014 ʼn
vergadering by die Monument gehad om vir mekaar te sê
waaroor alles gaan en wat ons bereik het. Die
vergadering was suksesvol en die belangstelling was
bemoedigend. Uit samesprekings het dit geblyk dat die
bestaan van die Bond nog baie onbekend is en dat ons
dus bemarking en werwing moet doen en Christo Giani
is toe onbestrede verkies as koördineerder en ons sal
hom moet hand gee sodat die Bond bemark kan word.
•Nou dat ek betrokke is by die Bond was dit baie
aangenaam om weer ou vriende raak te loop soos onder
andere Dave Pretorius wat die bevelvoerder was van
PATU 1. Hy, Cliff Corbett en ek was saam in die stigting
van SA PATU betrokke
Geskryf deur: Willie Fouchè
Ek loop toe sommer vir oom Jan Du
Preez raak wat die bevelvoerder van
PATU 4 was en soos julle seker nou al
verneem het ons hom reeds beroep na
die SAP TIN Bond toe in sy
hoedanigheid as predikant en
geestelike herder, hy is dan ook
erelidmaatskap van die Bond
toegeken.
Ek ook met Roelf du Plooy gepraat, hy
is een van die heel eerste instrukteurs
wat by TIN betrokke was en sover my
kennis strek was hy die eerste SAP lid
wat destyds in Rhodesië gewond was.
Hy stel ook baie belang om aan te sluit.
Ons het ons grondwet ook gewysig
sodat lede se naaste familie en
kennisse ook kan aansluit as
ondersteuners van die bond. Ilana
Loubser. die sekretaris se wederhelf en
die sekretaris het reeds die vorm
ontwerp en uitgestuur, dankie
daarvoor.
Ek hou nie daarvan om mense in die
openbaar te bedank nie want ʼn mens
is geneig om andere wat ook goed
gedoen het te vergeet maar hier aan
die begin van die bestaan van die
Bond het ek geen ander keuse as om
dankie te se nie.
Baie dankies aan:
1. Gert Nel wat een van die vaandels asook
die 25 goue lapel wapens geborg het.
2. Piet Kierie Fourie wat ʼn vaandel, die
lidmaatskap kaartjies en ʼn briefhoof geborg
het. (My vriend wat hierdie brief tik sê dit lyk
BAIE goed).
3. In Sean Clayton het ons n yster van ʼn
tesourier. Hy het onswebwerf geborg wat ʼn
aansienlike bedrag is en verder, alhoewel
hy ʼn besige man is, staan hy baie tyd
af aan die finansies van die Bond.
4. Ilana en Martin Loubser. Ek noem
haar naam eerste want bedags
wanneer Martin probeer om
instrukteurs op te lei, slaan sy die
kitaar uiters goed. Baie dankie julle
twee.
5. Christo Giani het alreeds skouer in
die wiel gesit en ons het ʼn hele
Saterdag oor ʼn bottel ingelegde
druiwesap gesels en hy het beloof om
vir Tiny Nortje asook vir Gert Nel waar
dit moontlik is hulp te verleen sodat
ons net eers ons hande op die twee
standbeelde kan kry.
Laastens, ek was sestien jaar aktief
betrokke in die bosoorloë in Rhodesië
en Suid-Wes Afrika en ek kan julle
verseker dis baie lekker om ou gesigte
weer te sien en van oud-kollegas te
verneem.TIN Groete
DEUR CHRISTO GIANI
ONTMOET ONS BESTUUR
ONTMOET ONS BESTUURWILLIE FOUCHÉDeur Christo Giani
Ontmoet die Voorsitter van die TIN Veterane Bond, Kolonel Willie Fouchè of soos meeste hom ken, “Oom
Willie”.
Op 8 Augustus 1940 word Wilhelm Diederick Fouchè op die plaas Buffelshoek naby Thabazimbi gebore. Hy
begin sy skoolopleiding in Van Wykskraal in Thabazimbi Laërskool en daarna voltooi hy sy hoërskoolopleiding
in Brits Hoër Landbouskool.
Op 13 Januarie 1959 rapporteer die 18 jarige jongeling as Rekrute Konstabel by die Suid-Afrikaanse
Polisiekollege. In September 1959 word hy uitgeplaas na Johannesburg Sentraal en die bosveldknaap vind op
die harde manier uit wat die stad is. Op 1 Februarie 1960 word oom Willie verplaas na Rustenburg waar hy
dan ook sy vrou Hester Maria Fourie ontmoet. Hy word verplaas na Pilansberg, Groot Mariko en Thabazimbi.
In 1967 word hy Sersant en toe hy in 1970 bevorder word na Adjudant Offisier, word hy die Stasiebevelvoerder
van Wolmaransstad en later Lichtenburg.
In 1973 ontvang oom Willie grensopleiding. Hy word ook opgelei as TIN instrukteur. In daardie stadium het
lede van die Suid-Afrikaanse Polisie reeds diens gedoen in Rhodesië by die Rhodesian Light Infantry (RLI). In
1974 vra die British South African Police (BSAP) vir hulp van Suid Afrika en saam met Kaptein Dave Pretorius
word oom Willie ʼn stigterslid vir die SAP gedeelte van Police Anti-Terrorist Unit (PATU) en spesifiek PATU1.
Oom Willie onthou baie goed hoe hy gedurende Kersfees 1974 dringend opgeroep is om bevel te vat van
PATU 4 nadatA/Off Dippenaar gedood is.
Op 27 Januarie 1975 ry hulle om voorraad in Salisbury te gaan haal en sy voertuig trap ʼn dubbele kaasmyn
met die linker voorwiel naby Njakasoro dam. Sy lewe is gered deur die feit dat die Bedford gepak was met
sandsakke en “conveyor belt”. Wel, nou weet almal ook hoekom oom Willie soms moeilik en met ʼn kierie loop,
dit is die rug wat sedertdien net nooit wou herstel nie.
In 1975 en op sy verjaarsdag begin oom Willie met offisierskursus. As Luitenant was hy Stasiebelvoerder op Gobabis,
Ventersdorp en in 1981 as Kaptein ook Stasiebevelvoerder op Rustenburg. In 1983 word die Fouchés verplaas na CR
Swart Plein in Durban. Die stasiebelvoerder aldaar was ʼn sieklike man en oom Willie was die grootste gedeelte van sy tyd
die waarnemende Stasiebevelvoerder.
In Maart 1985 kom die verplasing Ovamboland toe. Aanvanklik en as deel van blootstelling word hy gevegsbevelvoerder
van ZO (zulu oscar) met Baksteen Coetzee (RIV) van ZV (zulu victor) wat leiding gee. Hierna word hy die Ops Offisier waar
hy diep spore trap in die bestaan en aktiwiteite van Koevoet. In 1886 word oom Willie bevorder na die rang van Majoor en
in 1988 Luitenant-Kolonel. In 1992 is hy bevorder tot Kolonel.
Op ‘n dag spreek iemand hom aan as “oom” oor die twee rigting radio waarop Generaal Dreyer tussenbeide kom en vra
waar die rang van “oom” vandaan kom. Hier kry oom Willie toe sy rang as “oom”, die rang wat hy tot vandag toe dra. Hy
beskou sy tydperk by Koevoet as die kroon van sy polisieloopbaan. Hy vertel met ʼn grynslag dat gedurende September
1987, tydens ʼn operasie in die omgewings van Evali en Vintiset, min of meer ʼn 100km binne Angola, hulle in ʼn APLA basis
vasgery het en toe maar begin het met “role call” en inspeksie. Hulle teenwoordigheid vang ook die APLA soldate onkant en
hulle gee hulle samewerking. Op 10 Januarie 1990 is oom Willie een van vier koevoetlede wat heellaaste padgee uit
Ovamboland. Hy is betrokke met die vestiging van Koevoet lede in Suid Afrika. Hy werk ook onder andere by die Distrik
Kommandant Kantore in Krugersdorp en in ʼn stadium deel hy ‘n kantoor met Generaal Sterk Hans Dreyer by hoofkantoor.
Oom Willie se vrou, Tannie Hester, is die sleutel in sy lewe. Sy is ʼn gekwalifiseerde mediese suster en was intens betrokke
in oom Willie se loopbaan. So het sy tydens hulle koevoet tydperk lede gehelp het met mediese versorging. Uit hierdie
huwelik is vier dogters gebore, Soekie, Adrie, Debbie en Jackie. Drie van die vier dogters is met voormalige koevoetlede
getroud. Die Fouchè familie beleef dan ook tragedie toe een skoonseun, Herman du Plessis, sterf tydens ʼn Koevoet aksie.
Die weduwee dogter is later weer getroud met ʼn man ook uit koevoet geledere. Die jongste dogter het as laërskoolkind, agt
aanvalle in Oshakati en een in Eenhana beleef.
As ʼn mens van Generaal Sterk Hans Dreyer praat, dan sal oom Willie vir jou sê dat dit die beste bevelvoerder en mens is
vir wie hy ooit gewerk het. Daar is groot respek en agting by oom Willie vir hierdie man wat gebore is om ʼn leier te wees.
As voorsitter van die TIN Veterane Bond is dit Oom Willie se visie om:
die kamaderie wat geheers het onder lede van die SA Polisie toe hulle grensdiens gedoen het ʼn ereplek te gee sodat dit
behoue kan bly en voortbestaan,
seker te maak dat afgestorwe TIN lede nooit vergeet sal word nie.
te verseker dat die SA Polisie se TIN geskiedenis nie verlore gaan nie.
Die 31ste November 1993 was sy laaste werksdag in die Suid-Afrikaanse Polisie. Hy is gedekoreer met vyf medaljes. Oom
Willie is werklik ʼn “Biblioteek” wat die die Polisie- en grensdiensgeskiedenis aanbetref. Oor PATU, TIN en Koevoet is daar
min wat hy nie weet nie en dit maak die TIN Veterane Bond bevoorreg om oom Willie as voorsitter te kan hê
ONDERSTEUNERS VAN DIE BOND
Deur: Martin Loubser
Die eerste twee amptelike ondersteuners van die
TIN Veterane Bond;
MC Loubser links, 12 jr oud wat van jongs af begin
belang stel het toe hy begin vrae vra het oor sy pa
se boshoed, medalje en ander aandenkings uit die
grensoorlog. Hy is een van min seuns wat
die geleentheid gehad het om met 'n R1, Bren,
LM 5 en AK47 te kon skiet as 'n 12de verjaardag
geskenk te danke aan die persoon regs van hom
op die Foto,
Neil Brand wat tydens die Grensoorlog verbonde
was aan die SAW se Inligtingskool in Kimberley.
Neil is ook 'n ondersteuner van die 61 Mech
Veterane Bond.
Welkom op die groep en in die Bond en dra julle
lapelwapens met trots.
TIN BOND BRING HULDE AAN ‘N
ONTSLAPE KOEVOET KAMERAAD
Jan Smit @ Smittie of dan Jan Andries
Smit gebore 3 Mei 1960 word op 4
Oktober 2014 uit die NG Kerk Keimoes
begrawe nadat hy op 25 September
2014 aan die einde van sy lewe hier op
aarde gekom het. Op ‘n gepasde wyse
bring Koevoet asook TIN veterane
gesamentlik hulde aan ons ontslape
kameraad. Die geleentheid merk ook
die eerste optrede van die TIN Bond as
volwaardige Bond terwyl die TIN
vaandel vir die eerste keer in die
openbaar vertoon is saam met diè van
Koevoet.
Ons voorsitter, Willie Fouchè
in gesprek met die oorledene
se suster
Christo Giani dra die TIN vaandel
verteenwoordigend van die TIN Bond. Dit is
die eerste keer wat die TIN Veterane Bond
se vaandel in die openbaar vertoon word as
‘n huldeblyk aan ‘n ontslape kameraad.
Die kis word by die kerk ingedra
deur beide Koevoet- en TIN Bond
lede.
TIN Veterane Christo Giani en
Elnic Steenkamp gesels tydens die
begrafnis van Smittie.
STORIES UIT DIE BOS SANDSAKKIESDeur Henry VisagieDaar was 'n voorstel dat ons 'n tent en 'n
uitkykpos moet bou met sandsakkies op die
dak van die gebou. Ons slaap ook binne-in
die sale.
Almal het baie idees maar niemand dink hoe
swaar sandsakkies word as hul nat word nie.
Eers het ons die 4x4 tent opgeslaan en dit
werk tog te mooi.
Ons sê toe vir die AO, die sandsakkie ding
gaan nie werk nie. Die sink gaan nie die
gewig kan dra nie want daar is nie genoeg
support balke in die binnekant van die gebou
nie.
NÉE, sê die slim AO, julle Maak die sakkies
net halfvol, dan is dit nie so swaar nie. Ons
sê vir hom, hallo!!!!!!! Ons gaan dan dubbel
die hoeveelheid sakkies gebruik en dit gaan
dieselfde gewig wees en die dak gaan nie
hou onder die gewig nie.
Hy, slim soos 'n boom vol uile, sê “ek sê julle
doen wat ek sê!” Nou ja, ons het toe net eers
2 rye halwe sakkies gepak. Na so ‘n week
het dit al gereën en so hoor ons een middag
een helse slag!
Die dak het ingeval, en soos die noodlot dit
wou hê ...... in die slim AO se saal waar hy
slaap.........! Ons het hom gespot oor daardie
halwe sakkies sand wat minder gaan weeg
en ek wonder of hy ooit die einde van die
voorval en sy slimmigheid sal hoor!
STORIES UIT DIE BOSLuiperdDeur Koos Brits
Ou foto maar bring steeds herrineringe
mee. Generale besoek Verdrag. Brig Beyl
se ek moet n bussie gereed hou want
boer het slagysters uit gesit om luiperds te
vang wat maai onder sy vee, het
magtiging daarvoor gehad. Gebeur dit so
dat die oproep kom en vroeg oggend is
ons na die plaas met die Generale. Daar
gekom is ons na die spot, die boer was
gewapen met sy lang geweer net ingeval!
Daar gekom was almal nuuskierig om die
luiperd te sien maar die slagyster was
agter n bos gestel en jy moes om die bos
kyk, boeta daar bars chaos uit met die
luiperd se brul, weet nie wie die meeste
geskrik het nie, luiperd of die Generale,
toe die boer die luiperd skiet wou almal
aan hom vat. Goeie dae gewees.
DITJIES EN DATJIES
Die Basisbevelvoerder se voertuig in
1988 by Jozini.
Johan Harmse Pine Pienaar
Krap so op die rekenaar toe kry ek
die een van Spoorsny Kursus.
Skeelpiet, hy was doof maar kon nog
steeds enige blink ding steel en in die
boom wegsteek. In die aand het hy in
jou hemp geklim en agter in jou
hemp geslaap, as hy hom sou
vasdruk, hy hy jou geknyp my sy
tande en jou nat ge pee
Tiny Nortjè Henry Visagie
Die geskryf op die muur het ek uit
polysterine (uit die mortier kaste)
gesit en gesny met 'n lemmetjie en
met tandepaste teen die muur
geplak...boer maak 'n plan as jy nie
gom het nie....
Hierdie telex het ek vasgelê uit die
ops kamer op Mt Darwin. Die foto is
op patrollie in die Zambezi Vallei.
Tiny Nortje
PADKOS
Deur: Martin Loubser
Met watter wapenrusting gaan jy in die geveg in? Jou wapenrusting berei jou voor, en bepaal jou strategie. Dit
gee jou 'n voorsprong, óf 'n nadeel. Dit laat jou offensief of defensief veg. Die wapenrusting moet pas by die
gevegsplan, die terrein, die aanslag en die vermoëns waaroor jy beskik.
Ons is in 'n geveg. Ons almal! En … anders as wat jy dalk mag dink, praat ek nie vandag oor die Christen se
wapenrusting van Efesiërs 6 nie. Ek praat doodeenvoudig oor die moeilike tye van vandag. Hierdie geveg wat
jou in 'n drukgang vasgeknel hou. Die onsekerheid oor jou werk, te min geld (ja, en dit is deesdae omtrent almal
se probleem, né?), alles rondom jou wat jou dalk onderkry. Die geveg om oorlewing. Daarom vra ek weer: met
watter wapenrusting vat jy hierdie geveg aan? Verskillende mense gebruik verskillende strategieë: sommige
onttrek in 'n "bunker" onder die grond - die skote klap om hulle, maar soos 'n volstruis met die kop in die sand, sit
hulle en wag dat die geveg oorgaan. Sommige vlug, en hoop die geveg sal agterbly - iets wat selde gebeur.
Ander probeer om hulle uit die ding uit te onderhandel. Nóg ander steek die wit vlag op en gee oor. En dan kry jy
dié wat bereid is om terug te veg, om moeilike tye en swaarkry tromp-op aan te vat. Hoe lyk jou
lewensomstandighede vandag? Is jy op moedverloor se vlakte? Lyk môre stikdonker? En hoe lyk jou
wapenrusting …? Jou gevegsmondering?
'n Geveg is net die moeite werd as daar 'n kans is dat jy dit kan wen. Ek gee vandag vir jou net een enkele teks
wat jou kan laat wen: "Hou vas aan die geloof, en behou 'n goeie gewete" (1 Tim 1:19) Kragtige woorde - iets
waaraan elkeen van ons maar kan vashou in die huidige oorlewingstryd.
Wat jou geveg ook al mag wees, vra jy seker ook vrae soos: "Waar gaan hierdie geveg heen? Het hy 'n einde?
Het ek 'n kans om te oorleef? Gaan dit finansieël ooit beter gaan? Sal ek weer werk kry? Gaan ek my huwelik
deur hierdie stormwater kry?" Ek glo die antwoord is JA, as jou wapenrusting reg is. Niemand van ons het gevra
vir hierdie omstandighede nie, en dalk het jy nie veel daartoe bygedra dat jy hierin beland het nie. Die punt is
net, veg sal jy moet veg! Elke dag, elke oomblik, sal jy die storms moet miskyk en 'n stukkie lig sien deurbreek.
Al lyk dit hoé donker. Baie hang af van jou gevegsplan .. daarom is die "bunker" nie 'n opsie nie, ook nie die wit
vlag nie, ook nie onderhandelings nie. Net vasbyt, hakke inkap, swaard in die hand, geloof in plek, reg vir die
stryd. Veg of gaan lê - wat kies jy?
Met watter wapenrusting kan jy veg teen swaar tye? Hier is 'n paar praktiese punte:
Prys die Vader as iets sleg met jou gebeur … want, jy ken nie die uiteinde nie. Dalk sal jy soos miljoene ander
kan sê "Die swaarkry was die moeite werd". 'n Moeilike een! Begin vandag om die Here te prys vir jou moeilike
situasie, al klink dit onlogies. Prys die Here, en wag geduldig vir die uitkoms.
• Hou vas aan die geloof (en 'n goeie gewete) Glo, vertrou roekeloos op die Here. Glo en wéét dat die Here
enige slegte situasie reg kan draai. Jesus kan enige storm laat bedaar. Onthou jy toe Jesus en die
dissipels op 'n skuit in die storm beland het? Hy het geslaap totdat die dissipels Hom paniekerig wakker
gemaak het. Eers toé het Hy die storm laat bedaar. Op 'n ander keer het Hy sommer op die water geloop,
in die storm. Jy sien, hierdie twee gedeeltes is net vir my die bewys dat Jesus altyd bokant die storm
verhewe is. Al is die storm hoé groot, Hy sal nie verswelg word nie, en as Hy in jou bootjie is, sal jy ook
nie ondergaan in die storm nie.
• Behou 'n goeie gewete. 'n Goeie gewete impliseer integriteit. Moet dus nooit jou integriteit prysgee in
moeilike tye nie. Wees altyd eerlik, eerbaar en opreg, maak nie saak hoe moeilik dit gaan nie.
Moenie jou selfrespek verloor nie, al is dit ook hoe moeilik om jou ken hoog te hou. As jy selfrespek
verloor, breek dit dalk ook jou selfbeeld af.
Besef dat die moeilike tye bykans altyd net tydelik van aard is. Dit gaan weer oor! Jy het seker ook gesien
op die nuus dat mense gister uit 'n brandende gebou gespring en hulle lewens verloor het. Hulle sou heel
waarskynlik oorleef het as hulle net nog 'n bietjie langer kon uithou, en kon wag vir hulp om op te daag, of
vir die brand om hom uit te woed. Moeilike tye gaan oor, al kan jy nie bereken hoe dinge gaan uitwerk nie.
Kyk terug na vorige "gevegte", en onthou hoe die Here jou gedra het. Kyk terug na Sy "track record" …
ook hierdie keer sal Hy jou beslis nie teleurstel nie.
Praat positief. Negatiewe woorde bring jou nêrens nie, dit breek net jouself en almal om jou tot in die
grond in af. Nogal vreemd dat positiewe mense gewoonlik as oorwinnaars uit die stryd tree. Moenie
deelneem aan negatiewe gesprekke nie.
Behou jou trots, al is omstandighede sleg. Ruggie reguit, ken omhoog! Moet nooit opgee nie. Behou jou
trots, maar oppas dat trots nie jou ondergang beteken nie - moenie te trots wees om hulp te vra nie,
moenie te trots wees om jou probleme met iemand te deel nie.
Probeer weer iets nuuts aanpak … en weer, en weer. Nie alles sal misluk nie.
Doen steeds klein, goedkoop, lekker dingetjies saam met jou geliefdes. Moenie toelaat dat ál jou pret
bederf word deur jou probleme nie
Moet nooit ophou vertrou en glo nie.
HIERDIE MAAND SE VERJAARSDAE
OKTOBER
21 Johan Smit
27 Phil Carpanter
083 777 3929
Stuur insette, stories, foto’s en ander plasings
Redaktrise – Ilana Loubser
Regisseur – Martin Loubser