ENCHIMLOH PARI- Lianthangpuia

1. Vawiin chuan maw ka suihlunglen a thar ngei e,Awmhar ni chhun ka tawnmang mawl an e,Ka lo tawn chu hmana ka di te kha;Thinlai damten hlimten nau ang kan nui dun a.

Kumpui sul tam a vei ta e sam ang kan in\henna,I zun ngaia suihlunglen pawh a nem ta e;Engan nge maw tawnmang ka lo man chu,Thinlaian i thar ngei Enchimlohpari.

2. |haleng dangten hmangaih vàngin runhmun an leng,Mahse vânduai ka tan erawh chuan maw;Nunhlui ngaia \ahna ti tam tur maiChantâwk khuarelah lung reng hi a awi thei lo

3. Duhlai, hmana zamual min liamsan ni khan,Ka han dawn a, thinlai a zing ruai e;I tel lo va kumsul tam hman hi,Ka zuam lul lo asin tinkim ka han dawn hian.

Zanah a ni emaw chhunah a ni emaw kan mut a, mumang kan han neih hichuan kan mang azirin kan ngaihtuah chhunzawm chawk \hin. A \hentechu kan lung tileng em emtu, ngaihtuah zui veng veng theihte a ni a. Lunglentithotu pawh a ni ve \hin.

He hla phuahtu pawh hian kum tam tak vei tawh hnu, a ngaia lunglennazawng zawng pawh a reh tawh hnuin a bialnu hlui a mumangah a hmu a;hlim tak maia an han nui dun leh an han awm dun leh chuan a rilru a titharleh ta a.

|henkhat chu an inhmangaih avangin hlim takin an leng a; mahse anitan chuan hmangaihna chu nunhlui ngaih tizualtu, \ahna thlentu mai a lo nisi a, chantawk khaw relah lung reng a awi thei lo a ni.

A han ngaihtuah thui telh telh a, a hmangaih em emin pasal a neihsannî-a a lungngaih leh a tel lo va hun hman a zuam lohzia chiang takin a tarlang a.

Mahse, a tawn leh ni-ah meuh zawng fanau a lo nei tawh a, a tánhmangaih thu han hrilh leh a ngaihzia thu han hrilh chu a rem tawh si lo. Ahmangaihi tan chuan a pawmlai nena hlim taka leng dun tura duhsaknasang tak ‘van malsawmna’ hlan mai loh chu tih theih a nei ta lo.

Pi leh puten ngaihzawng hluite chu ‘Anhnah tel tal a la lian e’ an tih chua dik thui viau awm e.

xx-25.2.2KAVxx