Upload
mariel-pariaga
View
61
Download
5
Embed Size (px)
DESCRIPTION
Essay about Palayok, Paano gumawa ng palayok?
Citation preview
Paano gumawa ng palayok?
Ang palayok ay isang sisidlan na ginawa mula sa mga sangkap kabilang ang
luwad, pinong buhangin, at tubig. Sa paggawa nito, inuuna ang paghahalo ng
tamang dami ng buhangin sa luwad o putik. Minamasa ito ng mabuti hanggang
sa makamtan ang tamang tigas at timpla. Mula rito ay maaari na itong
hulmahin sa inisyal na hugis sa tulong ng kaunting tubig na nilalagay upang
mahubog ito at sa tulong din ng potter’s wheel. Siyempre, hindi naman kaagad
perpekto ang hugis nito kaya naman ay ginagamit ang paddle upang linangin
pa ang hugis nito. Gumagamit din ng tubig at bato sa parteng ito. Unang
nilalagyan ng tubig ang bato, kasunod ang pagpunas nito sa katawan ng
palayok. Pagkatapos, ilalagay ang bato sa loob ng palayok at itinatapat ang
batong ito sa ilalim ng pinapalong parte ng palayok. Napansin ko na unang
pinapalo ang base patungo sa taas. Ibibilad sa araw ang mga ito. Matapos
ibilad, ay kukunin ulit ang mga palayok at muling papaluin ng paddle. Sa
pagkakataong ito, iba’t ibang laki na ang ginamit na paddle. Kapansin pansin
na ang malaking paddle ay ginamit sa base, ang katamtaman naman ay sa
gilid. Ang maliit ay sa bandang itaas na bahagi. Pagkatapos nito ay inilagay
muna ang mga ito sa bunganga ng basag na malaking palayok upang
patuyuin. Pagkatapos ay kinulayan na ito isa isa ng kulay tsokolate.
Pagkatapos ay inilatag na ang mga ito sa lupa na may abo. Sa ibabaw nito ay
nilagyan ng maraming tangkay at pinaibabawan pa ng ipa. Sinindihan ang mga
ito ng apoy. Mausok ang prosesong ito dahil walang apoy na lumabas dahil sa
ipa na ipinaibabaw. Unti unting naging abo ang mga tangkay at pagkatapos
nito ay makikitang luto na ang mga palayok. Nilinisan ang mga ito bago dalhin
sa bayan upang ibenta.
Naipakita dito ang “Division of Labor” dahil kapansin pansin ang
pagtutulungan ng mga tao upang makagawa ng palayok. Iba ang naghulma at
naghubog ng palayok. Iba ang nagpunas sa mga ito. Iba ang nagbuhat ng mga
tangkay, gayundin sa gumawa ng pagsunog ng mga ito.
Tunay nga na isa ang mga palayok sa pinakaunang kagamitan na
ginamit ng ating mga ninuno. Kilala ito dahil sa ito’y ginagamit sa pagluluto o
kaya naman ay lalagyan ng ulam at kanin. Kinonsulta ko ang aking ina at
sinabi niyang ginagamit daw nila ang palayok noong unang panahon sa
pagluluto rin. Bagamat sa panahon ngayon ay hindi na ito masyadong
ginagamit, dapat pa ring bigyang halaga ang mga kagamitang tulad ng
palayok.