Upload
others
View
0
Download
0
Embed Size (px)
Citation preview
ÁHRIF DÓMS HÆSTARÉTTAR Í TOYOTA MÁLI NR. 555/2012 Á
SKATTASKIPULAGNINGU FYRIRTÆKJA Á ÍSLANDI
Ingólfur Örn Ingólfsson
2014
BA í lögfræði
Höfundur: Ingólfur Örn Ingólfsson
Kennitala: 300791-2399
Leiðbeinandi: Andri Gunnarsson
Lagadeild
School of Law
i
Útdráttur
Í þessari ritgerð verður fjallað um þau áhrif sem dómur Hæstaréttar í svokölluðu Toyota máli, hefur á skattaskipulagningu fyrirtækja á Íslandi. Þar var frádrætti vaxtagjalda hafnað hjá yfirtökufélagi, eftir öfugan samruna, í kjölfar skuldsettrar yfirtöku. Sérstök áhersla verður lögð á áhrif dómsins á skattaskipulagningu félaga á Íslandi og úrræði þeirra í ljósi dómsins.
Í upphafi ritgerðar verður farið almennt yfir hugtökin skattur, skattaskipulagning, félagaréttarlegur og skattaréttarlegur samruni, skattasniðganga, skuldsett yfirtaka og öfugur samruni. Ítarleg skil verða gerð á Toyota málinu, en farið verður yfir aðdraganda málsins, málsatvik, málsástæður og lagarök aðila og dóma héraðsdóms og Hæstaréttar. Því næst verður vikið að öðrum úrskurðum ríkisskattstjóra og dómum Hæstaréttar, sem svipa mjög til Toyota dómsins. Loks verður farið yfir hvaða áhrif dómurinn kann að hafa og hvaða úrræði standa fyrirtækjum til boða.
Niðurstaða ritgerðarinnar bendir til þess Hæstiréttur hafi með öllu girt fyrir frádráttarbærni vaxtagjalda í kjölfar samruna og skuldsettrar yfirtöku. Þetta á hefur skilað nokkrum milljörðum í ríkissjóð og búast má við að fleiri mál falli á næstu misserum hjá yfirskattanefnd. Áður en dómur í Toyota málinu féll voru aðrar leiðir færar fyrir fyrirtækin og enn eru í boði leiðir til að ná fram sömu niðurstöðu. Félög sem sætt hafa endurálagningu kunna að eiga bótarétt á hendur þeirra endurskoðenda eða lögmanna sem ráðlögðu þeim að gjaldfæra vaxtagjöldin.
ii
Abstract
In this thesis my emphasis will be put on what effect the ruling of the supreme court
in the so-called Toyota-case, has had on tax planning for icelandic companies. In that
case, the supreme court rejected that companies were allowed to deduct the interest
costs as expenses, after a reverse vertical merger following a leveraged buyout. My
emphasis will be put on the effect the ruling has had on tax planning for icelandic
companies and which remedies these companies have at their disposal following the
ruling.
In the first chapters there will be a general discussion about basic terms such as tax,
tax planning, mergers, tax evation, leveraged buyout and reverse vertical merger.
There will be a detailed discussion about the Toyota case, the prelude, issues of
facts, pleas in law and the ruling of the district court and the Supreme Court.
Following the ruling there have been numeral administrative proceedings concerning
the same subject and one ruling of the Supreme Court and there will be a short
discussion of these cases and their effect on the Icelandic treasury finances. Finally
there will be a discussion of the remedies that the companies have at their disposal
following the ruling.
The conclusion of the thesis is that the Supreme Court has rejected all possible ways
to deduct interest costs after a leveraged buyout and reverse vertigal merger. These
rulings of the Supreme Court and the icelandic tax authorities have resulted in fines
upon billions of icelandic kroners. The thesis shows that it was possible to achieve
the same goal with other measures. The companies who have had to pay these fees
might have a right of compensations from the accountants or lawyers who advised to
deduct the interest cost.
iii
Formáli
Ritgerð þessi er lokaverkefni til Bachelor prófs í lögfræði við Háskólann í Reykjavík.
Leiðbeinandinn minn er Andri Gunnarsson hdl., stundakennari í skattarétti við
Háskólann í Reykjavík og lögmaður á Nordik Lögfræðiþjónustu. Ég vil þakka Andra
innilega fyrir góða leiðsögn, nytsamlegar ábendingar, fagmannleg vinnubrögð og ekki
hvað síst fyrir að kveikja áhuga minn á skattarétti. Ég vil einnig koma á framfæri
þakklæti mínu til Þóru Hallgrímsdóttur, sem las yfir skaðabótakafla ritgerðarinnar. Auk
þess vil ég þakka fjölskyldu minni og tengdafjölskyldu fyrir ómetanlegan stuðning og
eru þar fremstar í flokki kærasta mín Jóna María Hilmarsdóttir og móðir mín Ólafía
Einarsdóttir, sem tók að sér yfirlestur ritgerðarinnar.
Ritgerðin var skrifuð með vin minn og afa, Einar Leif Pétursson hdl., efst í huga.
iv
Efnisyfirlit
Dómaskrá ............................................................................................................................................... vi
Úrskurðir yfirskattanefndar .................................................................................................................. vi
Lagaskrá ................................................................................................................................................ vi
Þingskjöl ................................................................................................................................................ vii
Myndaskrá ............................................................................................................................................ vii
1. Inngangur ....................................................................................................................................... 1
2. Hugtakið skattur og skattaréttur.................................................................................................. 2
2.1. Skattskylda ................................................................................................................................. 2
2.2.. Álagning skatta ......................................................................................................................... 2
2.1.1. Endurákvörðun skatta .................................................................................................. 3
2.3.3. Framkvæmd ....................................................................................................................... 4
3. Skattaskipulagning og skattasniðganga .................................................................................... 5
3.1. Skattasniðganga ................................................................................................................... 5
3.1.1. Ákvæði 1. mgr. 57. gr. tsl. ............................................................................................ 6
3.2. Skattaskipulagning ............................................................................................................... 8
3.2.1. Sala lausafjár og fasteigna með sölu hlutabréfa ...................................................... 9
4. Samruni ........................................................................................................................................ 10
4.1. Félagaréttarlegur samruni ................................................................................................. 12
4.2. Skattaréttarlegur samruni .................................................................................................. 12
4.2.1. Gagngjaldsskilyrði 1. mgr. 51. gr. tsl. ...................................................................... 13
4.3. Nýting á rekstrartapi skv. 54. gr. tsl. ................................................................................ 14
4.4. Öfugur samruni ................................................................................................................... 16
4.5. Skuldsett yfirtaka ................................................................................................................. 16
4.5.1. Gagnrýni á skuldsettar yfirtökur ..................................................................................... 17
4.5.2. Rök með skuldsettum yfirtökum og öfugum samrunum ............................................ 18
4.5.3. Frádráttarbærni vaxtagjalda í kjölfar öfugs samruna í kjölfar skuldsettrar yfirtöku 19
v
5. Toyota dómurinn............................................................................................................................. 19
5.1. Málavextir ..................................................................................................................................... 19
5.2. Héraðsdómur ........................................................................................................................... 22
5.2.1. Málsástæður og lagarök aðila ........................................................................................ 22
5.2.2. Niðurstaða ......................................................................................................................... 25
5.3. Hæstiréttur ............................................................................................................................... 26
6. Eftir dóminn ..................................................................................................................................... 28
6.1. Áhrif ........................................................................................................................................... 28
6.2. Samherja dómur ...................................................................................................................... 29
6.2.1. Ályktanir ............................................................................................................................. 31
7. Úrræði .............................................................................................................................................. 32
7.1. Hvað hefði verið hægt að gera? ........................................................................................... 33
7.1.1. Samsköttun samkvæmt 55. gr. tsl. ................................................................................ 33
7.1.2. Bindandi álit ...................................................................................................................... 35
7.2.1. Skaðabótaábyrgð sérfræðinga ...................................................................................... 36
7.2.2. Yfirfærsla skulda .............................................................................................................. 39
8. Samantekt ....................................................................................................................................... 41
Heimildaskrá ........................................................................................................................................ 43
vi
Dómaskrá
Byggðaþjónustan hf. g. Sýslumanninum í Kópavogi, Hrd. 9. september 2005 í máli nr.
344/2005
Íslenska ríkið g. Glitni banka hf., Hrd. 28. janúar 2010 í máli nr. 143/2009
Íslenska ríkið g. Sundagörðum hf., Hrd. 9. febrúar 2006 í máli nr. 321/2005
Eyvindur Jóhannsson g. KPMG ehf., KPMG lausnum ehf., KMPG FS ehf., Einari
Sveinbjörnssyni og Benedikt Kjartani Magnússyni, Hrd. 7. nóvember 2013 í máli nr.
302/2013
Samherji g. Íslenska ríkinu, Hrd. 25. janúar 2001 í máli nr. 202/2000.
Samherji hf. g. íslenska ríkinu, Hrd. 23. janúar 2014 í máli nr. 529/2013
Sigurður B. Sigurðsson g. Sverri Kristjánssyni, Hrd. 9. desember 2004 í máli nr.
184/2004
Toyota á Íslandi ehf. g. íslenska ríkinu, Hrd. 28. febrúar 2013 í máli nr. 555/2012
Vífilfell g. Gjaldheimtunni í Reykjavík, Hrd. 30. janúar 1997 í máli nr. 3/1997
Úrskurðir yfirskattanefndar
Úrskurður yfirskattanefndar nr. 692/1994
Úrskurður yfirskattanefndar nr. 639/1994
Úrskurður yfirskattanefndar nr. 139/1995
Úrskurður yfirskattanefndar nr. 220/1998
Úrskurður yfirskattanefndar nr. 205/2005
Lagaskrá
Lög um bindandi álit í skattamálum nr. 91/1998
Lög um breytingar á lögum nr. 75/1981 um tekjuskatt og eignarskatt, með síðari
breytingum 85/1991
vii
Lög um einkahlutafélög nr. 138/1994
Lög um endurskoðendur nr. 79/2008
Lög um fjármálafyrirtæki nr. 161/2002
Lög um hlutafélög nr. 2/1995
Lög um lögmenn nr. 77/1998
Stjórnsýslulög nr. 37/1993
Lög um tekjuskatt nr. 90/2003
Lög um tekjuskatt og eignarskatt nr. 75/1981
Lög um tekjuskatt og eignarskatt nr. 40/1978
Þingskjöl
Alþt. 1991-1992, A-deild, þskj.372 – 205. mál
Alþt. 2013-2014, A-deild, þskj. 792 –322 mál
Alþt. 1997-1998, A-deild, þskj. 941 – 522
Myndaskrá
Mynd 1: Skattfrjáls sala á fasteign með sölu á hlutabréfum
Mynd 2: Óeiginlegur samruni
Mynd 3: Eiginlegur samruni
Mynd 4: Skuldsett yfirtaka – skref 1
Mynd 5: Skuldsett yfirtaka – skref 2
Mynd 6: Yfirfærsla skulda
1
1. Inngangur
Þegar fólk hefur atvinnurekstur er það oftast með það fyrir augum, að skila sem
mestum hagnaði og reka fyrirtækið á sem hagkvæmastan hátt fjárhagslega.
Grundvallaratriði er því að tekjur fyrirtækisins séu meiri en útgjöld þess. Einn af
útgjaldaliðum fyrirtækja á Íslandi er greiðsla skatta, en lögaðilum sem heimilisfastir
eru hér á landi, ber að greiða tekjuskatt af öllum teljum sínum sbr. 2. gr. laga nr.
90/2003 um tekjuskatt.1 Í framkvæmd hafa margir lögaðilar reynt að lágmarka
skattgreiðslur sínar með ýmsum löggerningum, þar sem reynt að er að ná fram
skattalegu hagræði. Fyrir hrun íslenska fjármálakerfisins árið 2008 voru stundaðar
svokallaðar skuldsettar yfirtökur og öfugir samrunar, en þetta er tegund af
skattaréttarlegum samrunum. Við þær varð til skattalegt hagræði með frádrætti
vaxtagjalda. Til einföldunar má útskýra það með þeim hætt að nýstofnað félag fær lán
til að kaupa alla hluti í rekstrarfélagi. Eftir kaupin er framkvæmdur öfugur samruni,
þannig að rekstrarfélagið tekur yfir móðurfélag sitt. Eftir samrunann eru vaxtagjöld af
láninu sem nýstofnaða félagið tók, gjaldfærð á móti skattskyldum tekjum
rekstrarfélagsins. Með dómi Hæstaréttar í svokölluðu Toyota máli, sem ítarlegri skil
verða gerð á síðar, var þessum frádrætti vaxtagjaldanna eftir öfugan samrunahafnað
hjá yfirtökufélaginu og opinber gjöld þess endurákvörðuð í samræmi við það. Í
kjölfarið hefur fjöldi félaga lent í endurálagningum frá skattyfirvöldum með vísan til
Toyota málsins og fallið hefur annar dómur í Hæstarétti sem staðfestir niðurstöðu
hans í máli Samherja hf. Farið verður yfir málið og hvaða ályktanir megi draga að því.
Markmið þessarar ritgerðar er að gera ítarlega grein fyrir Toyota málinu, áhrifum þess
og þeim úrræðum sem fyrirtækjum er sæta slíkri endurálagningu standa til boða. Í því
samhengi verður fjallað um nokkra úrskurði ríkisskattstjóra og dóm Hæstaréttar í máli
Samherja. Einnig verður fjallað um hverjar afleiðingar þessar endurálagningar hafa
haft á ríkissjóð. Þá verður farið yfir mögulegar aðferðir fyrir fyrirtæki til að ná fram
sömu niðurstöðu og stefnt var að og verður sú leið skoðuð að samskatta félögin
samkvæmt 55. gr. tsl. og aðferð sem undirritður kýs að kalla yfirtöku skulda. Loks
verður farið yfir þau úrræði sem fyrirtækjum standa til boða sem sæta þessari
endurálagningu. Verður þar farið yfir hvort endurskoðendur eða lögfræðingar sem
ráðlögðu fyrirtækjum að framkvæma þessa öfugu samruna og skuldsettu yfirtökur,
geti borið skaðabótaábyrgð á því tjóni sem fyrirtækin hafa orðið fyrir.
1 Hér eftir tsl.
2
2. Hugtakið skattur og skattaréttur
Hugtakið skilgreinir Jónatan Þórmundsson með eftirfarandi hætti2:
Skattur er greiðsla, venjulega peningagreiðsla, sem tilteknir hópar einstaklinga eða lögaðila verða
að gjalda til hins opinbera samkvæmt einhliða ákvörðun ríkisvaldsins eftir almennum, efnislegum
mælikvarða og án sérgreinds endurgjalds frá hinu opinbera.
Skattaréttur er sú fræðigrein innan lögfræðinnar sem fjallar um réttarreglur sem
skylda einstaklinga, félög, stofnanir og sjóði til að greiða skatt til hins opinbera.3
Skattaréttur tekur til efnisreglna skatta, þ.e. hverjir eru skattskyldir, hvernig
skattstofnar ákvarðast og reglna um skattheimtu, kærumeðferðir og álagningu skatta.
Þessir þrír þættir eru taldir vera aðalsvið skattaréttar.4
2.1. Skattskylda
Um skattskyldu manna og lögaðila er fjallað í I. kafla tsl., en kaflinn ber heitið
„skattskyldir aðilar“. Þar er gerð grein fyrir hverjum ber að greiða tekjuskatt af tekjum
sínum, hvar sem þeirra er aflað. Hvílir þessi skylda jafnt á einstaklingum sem og
lögaðilum.
2.2.. Álagning skatta
Samkvæmt 1. mgr. 90. gr. tsl. hvílir sú skylda á öllum þeim sem skattskyldir eru
samkvæmt I. kafla tsl., að afhenda ríkisskattstjóra skattskýrslu eða skattframtal, þar
sem fram koma tekjur á síðastliðnu ári, eignir í árslok og önnur atriði sem máli skipta
skattlagningu. Lögaðilum sem hafa með höndum atvinnurekstur ber einnig að skila
undirrituðum ársreikningi. Skattframtali skal skila innan þess frests sem ráðherra og
ríkisskattstjóri mæla fyrir um samkvæmt 93. gr. tsl.
Er skattaðili hefur skilað framtali sínu hvíla hvíla ýmsar skyldur á ríkisskattstjóra. Ef
mál hefst að frumkvæði ríkisskattstjóra hvíla á honum ríkari formkröfur á honum við
meðferð málsins en ella.5 Það er hins vegar munur á því hvort ríkisskattstjóri beitir
95. gr. tsl. eða 96. gr. tsl. er honum berst framtal skattaðila.
Ríkisskattstjóri má samkvæmt 1. mgr. 95. gr. tsl. leiðrétta, fyrir álagningu, augljósar
reikningsskekkjur og hann má jafnframt leiðrétta einstaka liði framtalsins, ef þeir eru í
2 Jónatan Þórmundsson, Fyrirlestrar í skattarétti (1982) 2.
3 sama heimild 1.
4 Gylfi Knudsen, Fræðigreinin skattaréttur, bls 1 (Fjölrit til kennslu í skattarétti í HR).
5 Ríkisskattstjóri, „Ferill ágreiningsmála“ (RSK) <https://www.rsk.is/atvinnurekstur/malsmedferd-og-
rettarreglur/ferill-agreiningsmala/nr/63> skoðað 19. apríl 2014.
3
ósamræmi við gildandi lög og fyrirmæli skattyfirvalda, en það er bundið við að
óyggjandi upplýsingar liggi fyrir. Ríkisskattstjóra ber þó að tilkynna aðila um slíkar
breytingar. Ef skattaðili skilar ekki framtali innan framtalsfrestsins, þá er
ríkisskattstjóra heimilt að áætla tekjur hans og eignir svo ríflega að ekki sé hætta á að
fjárhæðirnar séu lægri en raun ber vitni sbr. 2. mgr. 95. gr. tsl.
Ákvæði 1. mgr. 96. gr. tsl. tekur á því ef ríkisskattstjóri telur, fyrir eða eftir álagningu,
að einstakir liðir framtals eða fylgigögn þess séu óskýr eða ófullnægjandi, en í slíkum
tilvikum skorar hann skriflega á framteljanda að bæta úr því innan ákveðins frests. Ef
fullnægjandi gögn eða skýringar berast innan frestsins, þá leggur ríkisskattstjóri
skattinn á eða endurákvarðar skattinn samkvæmt framtali sbr. 1. mgr. 96. gr. tsl. Ef
ekki er bætt úr þessum annmörkum á framtalinu, þá er ríkisskattstjóra heimilt að
áætla tekjur og eignir skattaðila með sama hætti og í 2. mgr. 95. gr. tsl.
2.1.1. Endurákvörðun skatta
Heimild ríkisskattstjóra til að endurákvarða opinber gjöld skattaðila er að finna í 97.
gr. tsl. Reglunni er ætlað að takmarka heimildir ríkisskattstjóra til endurálagningar og
er ætlað að auka réttarvernd borgaranna. Mikilvægt er að átta sig á samspili 1. og 2.
gr. 97. gr. tsl. við 95. og 96. gr. laganna, en miklu máli skiptir hvort heimild
ríkisskattstjóra til endurákvörðunar nái tvö eða sex ár aftur í tímann.
Meginreglan er að heimild til endurálagningar nær til skatts vegna síðustu sex ára
sem næst eru á undan því ári sem endurákvörðun fer fram sbr. 1. mgr. 97. gr. tsl.6
Þetta á við þegar skoðun ríkisskattstjóra hefur farið fram samkvæmt 96. gr. tsl.,
semsagt þegar framtal, einstakir liðir þess eða fylgigögn eru ófullnægjandi og
ríkisskattstjóri þarf að aðhafast með þeim hætti sem lýst er í ákvæðinu. Þessi regla
nefnist sex ára reglan. Reglurnar eru í samræmi við þá meginreglu sem er að finna í
1. mgr. 20. gr. laga nr. 145/1994 um bókhald, en þar segir að geyma eigi
bókhaldsgögn í sjö ár. Reglurnar auðvelda þannig skattaðilum að láta skattyfirvöldum
í té sönnunargögn.7
Undantekningin um tímafresti endurákvörðunar nefnist tveggja ára reglan, en þá má
ríkisskattstjóri eingöngu endurákvarða skattgreiðslur skattaðila vegna síðustu tveggja
6 Kristján Gunnar Valdimarsson, „Tímafrestir vegna endurákvörðunar endurálgningar“ [1997] (október) Tíund 5,
1. 7 sama heimild.
4
ára. Regluna er að finna í 2. mgr. 97. gr. tsl. Þessi regla á einungis við ef upplýsingar
sem byggja mátti rétta álagningu á eru óyggjandi og ef um er að ræða augljósar
leiðréttingar á framtali.
Í þessu samhengi þarf að hafa í huga ákvæði 3. mgr. 97. gr. tsl., en þar kemur fram
að fari rannsókn fram á skattskilum aðila hjá skattrannsóknarstjóra eða sérstökum
saksóknara, þá reiknast heimild til endurákvörðunar frá byrjun þess árs sem
rannsóknin hófst.
Litið hefur verið svo á að samband sé á milli 1. mgr. 95. gr. og 2. mgr. 97. gr. tsl.,
þannig að ef ríkisskattstjóri mátti byggja breytingu á 1. mgr. 95. gr. tsl., þá gildi
tveggja ára regla 2. mgr. 97. gr. tsl.8 Að sama skapi hefur sex ára reglan verið talin
eiga við ef ríkisskattstjóri mátti byggja breytingu á 96. gr. tsl.
2.3.3. Framkvæmd
Til að átta sig á því hvernig þessum lagagreinum er beitt er ákjósanlegt að líta á
framkvæmd dómstóla og yfirskattanefndar.
Í Vífilfell ehf. g. Gjaldheimtunni í Reykjavík, Hrd. 30. janúar 1997 í máli nr. 3/1997, var
meðal annars deilt um hvort tveggja eða sex ára reglan ætti við. Vífilfell taldi að
tveggja ára reglan ætti við og fresturinn hafi því verið liðinn. Hæstiréttur komst að
þeirri niðurstöðu að ekki hefði verið hægt að byggja rétta álagningu á upphaflegu
framtalsgögnunum og þótti sannað að nauðsynlegt hefði verið að krefjast frekari
upplýsinga frá Vífilfelli. Hæstiréttur taldi upphaflegu gögnin sem bárust ríkisskattstjóra
vera ófullnægjandi í skilningi 1. mgr. 96. gr. og var sex ára regla 1. mgr. 97. gr. tsl.
því talin eiga við.
Í Pharmaco hf. g. íslenska ríkinu, Hrd. 19. október 1995 í máli nr. 290/1993 var einnig
deilt um hvort tveggja eða sex ára reglan ætti við, en málið varðaði útgáfu
jöfnunarhlutabréfa. Hlutafé Pharmaco var hækkað með útgáfu jöfnunarhlutabréfa, en
það gleymdist að tilkynna hlutafjárhækkunina til hlutafélagaskrár. Við álagningu
hækkaði ríkisskattstjóri opinber gjöld Pharmaco sem nam hlutabréfaútgáfunni.
Hæstiréttur tók fram að rétt hafi verið staðið að hlutafjárhækkuninni að öðru leyti en
að skort hafi tilkynningu til hlutafélagaskrár. Skattyfirvöld hefðu getað sannreynt þann
skort með upplýsingum frá hlutafélagaskrá. Var því talið að tveggja ára regla 2. mgr.
8 sama heimild.
5
97. gr. tsl. ætti við og „fullnægjandi upplýsingar“ í skilningi ákvæðisins hefðu með
þessum hætti legið fyrir.
Af þessum tveimur dómum má draga þá ályktun að lykilatriði sé hvort ríkisskattstjóri
geti framkvæmt breytingar sjálfur á grundvelli fyrirliggjandi gagna. Geti hann það, þá
á tveggja ára reglan við. Sé honum nauðsynlegt að afla frekari upplýsinga hjá
skattaðila á sex ára reglan hins vegar við.
3. Skattaskipulagning og skattasniðganga
Algengt er að skattaðilar hafi fjárhagslegan hvata til að lágmarka skattgreiðslur sínar.
Slíkar ráðstafanir geta verið lögmæt skattaskipulagning, en sumpart kann að vera
gert ráð fyrir þeim í lögum. Þær geta einnig verið ólögmætar og eru þær þá virtar að
vettugi við álagningu skatta og teljast til skattasniðgöngu. Þá kunna þessar
ráðstafanir að vera ólögmætar og jafnframt refsiverðar og nefnist það skattsvik. Þá er
litið framhjá þeim við álagningu og jafnframt krafist endurgreiðslu í refsimáli og refsing
ákvörðuð skv. skattalögum eða hegningarlögum.9
Munur er á því að skipuleggja reksturinn með þeim hætti að hann sé sem
hagkvæmastur skattalega og síðan beinlínis að sniðganga skatta. Munurinn á þessu
tvennu er að í skattaskipulagningu er löggjöfin eða annmarkar á henni nýttar á
löglegan hátt, en við skattasniðgöngu eru þær nýttar á ólöglegan hátt.
3.1. Skattasniðganga10
Skattasniðganga er þegar skattaðili nýtir sér skattalöggjöfina til að öðlast skattalegt
hagræði sem ekki hefur verið gert ráð fyrir í löggjöfinni, með fjárhagsráðstöfunum
sem eingöngu eða aðallega eru gerðar til að ná fram skattalegu hagræði.11 Ef
skattalöggjöfin á að ná tilgangi sínum, þá verður að tryggja með lagareglum eða
réttarframkvæmd, að skattaðilar geti ekki virt þennan tilgang að vettugi.12
Skattasniðganga fer fram með mismunandi hætti. Dæmi eru um að gerðir séu
málamyndagerningar sem ekki hafa annan tilgang en að komast hjá skattgreiðslum.13
9 Kristján Gunnar Valdimarsson, „Skattasniðganga“ (1999) 49 Tímarit lögfræðinga 219, 220.
10 Á ensku: Tax avoidance, á dönsku: skatteudnyttelse
11 Ágúst Karl Guðmundsson, Milliverðlagning (Lagastofnun Háskóla Íslands 2006) 11.
12 Kristján Gunnar Valdimarsson, „Skattasniðganga“ (n. 9) 49.
13 Inga Birna Guðmundsdóttir og Skúli Eggert Þórðarson, „Skattasniðganga og skilgreining hennar“ [2009] (júní)
Tíund 22, 23.
6
Þessir gerningar hafa þá ekki réttaráhrif eftir efni sínu.14 Önnur tegund af
skattasniðgöngu er þegar einkaútgjöldum er gefin önnur heiti, í þeim tilgangi að þau
verði frádráttarbær rekstrarkostnaður samkvæmt. 31. gr. tsl.
3.1.1. Ákvæði 1. mgr. 57. gr. tsl.
Þegar skattyfirvöld telja að fyrir hendi séu óvenjulegar ráðstafanir í fjármálum
skattaðila, þá geta þau beitt ákvæði 1. mgr. 57. gr. tsl. sem lýtur að skattasniðgöngu.
Ákvæðið er svohljóðandi:
Ef skattaðilar semja um skipti sín í fjármálum á hátt sem er verulega frábrugðinn því sem
almennt gerist í slíkum viðskiptum skulu verðmæti, sem án slíkra samninga hefðu runnið til
annars skattaðilans en gera það ekki vegna samningsins, teljast honum til tekna.
Talið hefur verið að ákvæðið feli í sér nokkrar reglur. Því hefur verið beitt gegn
skattasniðgöngu og hefur verið kölluð raunveruleikareglan. Dómstólar hafa vísað til
þess að í 1. mgr. 57. gr. tsl. felist grunnregla15og á því ekki að túlka 1. mgr. 57. gr. tsl.
eftir orðanna hljóðan,16 heldur heimilar hún skattyfirvöldum að horfa framhjá formi
löggerninga og ákvarða skattlagningu í samræmi við raunveruleikann.17 Við þetta mat
er litið til þess hvort skattaðilar séu hagsmunatengdir og hvort rekstrarlegar forsendur
sé fyrir löggerningnum. Ef engum slíkum forsendum er til að dreifa og löggerningurinn
er eingöngu gerður til að lækka skattbyrði, þá mega skattyfirvöld horfa framhjá
löggerningnum. Ekki þarf sérstaka lagaheimild fyrir þessu.18
Hina svokölluðu armslengdarreglu19 er að finna í 2.mgr. 57. gr. tsl. Reglan felur það í
sér að lagt er mat á samskipti tengdra aðila og þau borin saman við sambærileg
viðskipti milli ótengdra aðila. Reglan heimilar að víkja til hliðar skilmálum í skattalegu
tilliti, ef ósamræmi er á milli þeirra og skilmála á frjálsum markaði.20 Skattyfirvöld
þurfa því að meta hvernig skilmálar væru milli ótengdra aðila á frjálsum markaði.
Þá er loks að finna regluna um milliverðlagningu í 2. mgr. 57. gr. tsl. Milliverðlagning
er verðið sem tengdir aðilar semja um í viðskiptum sínum. Reglur um
milliverðlagningu heimila skattyfirvöldum að leiðrétta skattskil tengdra aðila, þegar
14
Kristján Gunnar Valdimarsson, „Skattasniðganga“ (n. 9) 236. 15
Hrd. 30. janúar 1997 í máli nr. 3/1997, kafli IV. mgr. 51. 16
Kristján Gunnar Valdimarsson, „Skattasniðganga“ (n. 9) 238. 17
Ágúst Karl Guðmundsson (n. 11) 12. 18
Kristján Gunnar Valdimarsson, „Skattasniðganga“ (n. 9) 238. 19
Á ensku: armslength priciple, á dönsku: armslændeprincippet. 20
Ágúst Karl Guðmundsson (n. 11) 11.
7
verð er frábrugðið því sem almennt gengur og gerist í viðskiptum á frjálsum markaði
milli óháðra aðila.21 Hina almenna reglu um milliverðlagningu er að finna í 1. mgr. 57.
gr. tsl., en hún byggir á armslengdarreglunni.22 Í 3. mgr. 57. gr. tsl. er að finna ákvæði
sem heimilar skattyfirvöldum að skerast í leikinn ef verðlagning og skilmálar í
viðskiptum tengdra lögaðila, eru ekki sambærileg því sem almennt gerist í viðskiptum
milli ótengdra aðila. Ákvæðið heimilar skattyfirvöldum að meta og eftir atvikum
leiðrétta verðlagninguna með tilliti til milliverðlagningarreglna Efnahags-og
framfarastofnunarinnar (OECD) og ákvarða skattstofn að nýju. Í a-c liðum 4. mgr. er
síðan nánari útlistun á því hvenær lögaðilar teljast vera tengdir í skilningi 3. mgr.
Talið hefur verið að uppfylla þurfi þrjú skilyrði til að ráðstöfun teljist vera ólögmæt
skattasniðganga og líta megi þannig framhjá henni.23
Skattyfirvöld þurfa að sýna fram á hagsmunatengsl.
Skattyfirvöld þurfa að sanna eða færa líkur fyrir því að ráðstöfun sé óvenjuleg
samanborið við ráðstafanir óskyldra aðila við sambærilegar aðstæður.
Telja verður að ráðstöfunin sé afleiðing af hagsmunatengslum aðila.
Mat á þessum þáttum fer fram heildstætt og geta skattyfirvöld þannig gert minni kröfu
til kröfunnar um óvenjuleika ráðstöfunar, ef hætta á misnotkun í skattalegu tilliti er
mikil vegna hagsmunatengsla.24
Í þessu sambandi má í dæmaskyni nefna dóm Hæstaréttar í svokölluðu
Sundagarðamáli, Íslenska ríkið g. Sundagörðum hf., Hrd. 9. febrúar 2006 í máli nr.
321/2005. Málavextir þar voru eftirfarandi:
Í ársbyrjun 1993 var ákveðið á hluthafafundi Sundagarða hf. að hækka og síðan lækka aftur
hlutafé í félaginu. Í kjölfarið ákvað stjórn félagsins að lækkunarfjárhæðin yrði greidd hluthöfum,
sem allir tengdust fjölskylduböndum, með útgáfu skuldabréfa, sem voru vaxta- og
afborgunarlaus til 12 ára. S hf. gjaldfærði síðan árleg afföll af skuldabréfunum í
rekstrarreikningum félagsins auk þess sem þau voru skuldfærð í ársreikningum félagsins.
Deila aðilanna laut að því hvort Sundagörðum hafi verið þetta heimilt skv. tsl. Skattyfirvöld
byggðu á 1. mgr. 57. gr. tsl.
21
sama heimild. 22
sama heimild 11–12. 23
Kristján Gunnar Valdimarsson, „Skattasniðganga“ (n. 9) 238. 24
sama heimild 240.
8
Hæstiréttur sagði m.a.:
Ákvæðið heimilar skattyfirvöldum að skerast í leikinn þegar skattaðilar hafa samið um skipti
sín í fjármálum á þann hátt, sem er verulega frábrugðinn því sem almennt gerist í slíkum
viðskiptum...Skuldabréfin, sem um ræðir, voru til langs tíma, vaxtalaus, óverðtryggð og án
nokkurra trygginga eða heimildar til uppsagnar allan lánstímann af hálfu kröfuhafa. Kjör og
önnur ákvæði í skuldabréfunum voru þannig án vafa bæði ólík því, sem almennt gerðist í
lánsviðskiptum og afhending slíkra bréfa frábrugðin þeim greiðslumáta sem almennt var
viðhafður við greiðslu verðmæta til hluthafa vegna lækkunar hlutafjár í félögum...
...Eins og málið liggur fyrir verður að telja ljóst að tilgangur stefnda með hinum umdeildu
ráðstöfunum á árinu 1993 hafi fyrst og fremst verið skattalegur ávinningur og þá um leið farið á
svig við reglur um takmarkaða heimild hlutafélaga til gjaldfærslu arðgreiðslna, sbr. 8. tölulið 1.
mgr. 31. gr. laga nr. 75/1981. Engar haldbærar skýringar komu fram hjá stefnda þegar málið
var til athugunar hjá skattyfirvöldum um rekstrarlegar ástæður fyrir lántöku af þessu tagi hjá
hluthöfunum, sem allir voru í nánum fjárhagslegum og sifjaréttarlegum tengslum. Slíkar
skýringar hafa heldur ekki komið fram við meðferð málsins fyrir dómi. Eru ekki efni til að draga
í efa að umrædd tengsl hafi ráðið úrslitum um hvernig þeim ráðstöfunum var hagað sem deila
málsaðila snýst um. Í ljósi alls þessa voru þær verulega frábrugðnar því, sem almennt gerist í
slíkum skiptum, og engin ástæða til að ætla að til þeirra hefði komið milli óskyldra aðila. Var
skattstjóra rétt að lækka gjaldfærðan rekstrarkostnað stefnda og skuldfærslu með þeim hætti,
sem hann gerði.
Hér telur Hæstiréttur að ríkisskattstjóra hafa verið leyfilegt að endurákvarða
álagningu vegna tengsla aðila og að þau hafi verið ástæðan fyrir umræddri ráðstöfun.
Þá taldi dómurinn engar rekstrarlegar ástæður vera fyrir þessari lántöku.
3.2. Skattaskipulagning
Skattaskipulagning er þegar skattaðilar nýta sér löggjöfina með löglegum hætti til að
lækka skattgreiðslur sínar. Það telst ekki brjóta í bága við lög að haga fjármálum
fyrirtækja á þann veg að skattalegt hagræði náist. Þær aðgerðir verða þó að hafa
raunverulega efnahagslega þýðingu, en mega ekki vera gerðar í þeim eina tilgangi
að lækka skattgreiðslur.25 Sjá má Samherji g. Íslenska ríkinu, Hrd. 25. janúar 2001 í
máli nr. 202/2000 hvernig dómstólar nálgast þetta álitaefni. Í því máli var m.a. deilt
um hvort samruni hafi verið gerður í eðlilegum rekstrartilgangi í skilningi 57. gr. A.
eldri laga um tekjuskatt nr. 75/198126, eða í þeim eina tilgangi að lækka
skattgreiðslur. Þar segir orðrétt í héraðsdómi sem staðfestur var af Hæstarétti.
25
Ritgerð um eiginfjármögnun bls. 45 26
Svipað ákvæði er að finna í 54. gr. núgildandi laga.
9
Fallast má á með stefnda, að ef eini tilgangurinn með sameiningu félaga er sá að nýta
uppsafnað rekstrartap hins yfirtekna félags geti samruninn ekki talist vera í gerður í venjulegum
eða eðlilegum rekstrartilgangi í skilningi 57. gr. A. Á hinn bóginn getur það ekki girt fyrir að
skilyrði 57. gr. A teljist uppfyllt þótt möguleikar á nýtingu uppsafnaðs rekstartaps í
yfirtökuhlutafélagi hafi haft áhrif á ákvörðun um samruna.
Af þessu má ráða að skattalegt hagræði má vera hluti af ákvörðunarástæðu
löggernings, en ekki eini tilgangur hans.
Á sumum stöðum í skattalöggjöfinni er beinlínis gert ráð fyrir ákveðinni
skattahagræðingu sem félög geta nýtt með löglegum hætti. Dæmi um þetta eru
frádráttarheimildir 31. gr. tsl.
Verður nú tekið dæmi um aðferð sem þekkt er í skattaskipulagningu fyrirtækja og nær
fram skattalegu hagræði.
3.2.1. Sala lausafjár og fasteigna með sölu hlutabréfa
Þekkt aðferð í skattaskipulagningu fyrirtækja er að búa til svokallaða félagasamstæðu
og hafa eitt eignarhaldsfélag og fleiri rekstrarfélög. Félagasamstæða er þegar eitt
félag er undir stjórn annars félags. Það félag sem telst undir stjórn hins nefnist
dótturfélag en hitt móðurfélag.27 Þá er búið til félag utan um hverja og eina eign
fyrirtækisins og hún látin vera í 100% eigu eignarhaldsfélagsins.
Mynd 1: Skattfrjáls sala á fasteign með sölu á hlutabréfum
27
Stefán Már Stefánsson, Hlutafélög, einkahlutafélög og fjármálamarkaðir (Hið íslenska bókmenntafélag 2003)
19.
10
Ef Eignarhaldsfélag hf. vill selja eina af fasteignunum sínum til Kaupanda hf. á
1.000.000. kr., þá yrðu öll hlutabréfin í Fasteign1 ehf. seld og yrði Kaupandi hf. þá
orðinn eigandi 100% hlutafjár í Fasteign 1 ehf. sem á umrædda fasteign. Fasteignin
færist með þessum hætti yfir til kaupenda bréfanna.
Til einföldunar má nefna dæmi. Fasteign 1 er keypt inn í félagið árið 2000 á 500.000.
kr. Árið 2014 er Fasteign 1. ehf. seld til Kaupanda hf. fyrir 1.000.000. kr. Ef
Eignarhaldsfélag hf. væri hér að selja fasteignina og ekki félagið utan um hana, þá
myndast við það söluhagnaður sem er skattskyldur sbr. 8. tl. C-liðar 7. gr. tsl. Það
sem er skattalega hagkvæmt í þessu tilviki er að Eignarhaldsfélag hf. er hér að selja
hlutabréf og hagnaður af sölu hlutabréfa er frádráttarbær hjá hlutafélögum og
einkahlutafélögum sbr. 9. tl. 31. gr. tsl.
Gallinn við þessa aðferð er að hér er kaupandi að kaupa hlutabréf og ekki fasteign,
en þannig getur hann ekki fyrnt eignina samkvæmt 33. gr. tsl. sbr. 37. gr. tsl. og
gjaldfært kostnað vegna fasteignarinnar. Með þessum hætti fær hann ekki jafn háan
afskriftarstofn og hann hefði ella fengið, ef um kaup um kaup á fasteign utan félags
væri að ræða. Fær hann þannig ekki jafn háa gjaldfærslu og þannig hækka
skattgreiðslur hans til framtíðar.
Með þessari skattaskipulagningu þarf Eignarhaldsfélag hf. ekki að greiða söluhagnað
af fasteigninni, en það er einkar heppilegt fyrir seljenda í þessu tilviki. Hefur þetta
verið talið eðlileg skattaskipulagning.
4. Samruni
Samruni er þegar eitt eða fleiri fyrirtæki eru leyst upp þannig að öll réttindi, skyldur og
eignir eru færðar yfir til annars fyrirtækis, sem annað hvort var starfandi fyrir
samruna, eða sem stofnað er í þessum tilgangi.28 Ástæður fyrir samrunum félaga eru
margvíslegar, en oftast er sú ástæða nefnd að með því að sameina fjármagn og
þekkingu félaga, megi bæta samkeppnisstöðu fyrirtækja til muna. Í sumum tilvikum
kunna skattaleg sjónarmið að liggja samrunanum til grundvallar.29
Við samruna félaga er mikilvægt að gera greinarmun á félagaréttarlegum samruna
annars vegar og skattaréttarlegum samruna hins vegar. Samruni kann að vera gildur
28
sama heimild 389. 29
Stefán Már Stefánsson, Samstæður hlutafélaga (Hið íslenska bókmenntafélag 2008) 22.
11
skv. ákvæðum laga nr. 2/1995 um hlutafélög30 og laga nr. 138/1994 um
einkahlutafélög31, en það er ekki sjálfgefið að slíkur samruni sé gildur samkvæmt
ákvæðum tsl.32
Samrunar geta fara fram með ýmsum hætti. Ein leið er að félag A hf. og B hf.
sameinast, þannig að félagi B hf. er slitið og A hf. tekur við öllum skyldum þess. Þá
heldur starfsemi B hf. í raun áfram í A hf. eftir samruna sbr. mynd 2.33 Þetta er
algengasta tegund samruna og nefnist óeiginlegur samruni.34 Önnur leið er að A hf.
og B hf. sameinast og renna saman í nýtt félag, C hf. Nýja félagið tekur þá við
réttindum og skyldum A hf. og B hf.35 og er þeim slitið við lok samrunans sbr. mynd
3.36
Mynd 2: Óeiginlegur samruni
Mynd 3: Eiginlegur samruni
30
Hér eftir hfl. 31
Hér eftir ehfl. 32
Páll Jóhannesson og Andri Gunnarsson, Tekjuskattur - kennsluhefti (óútg., 2012) 52. 33
sama heimild 54. 34
Stefán Már Stefánsson, Hlutafélög, einkahlutafélög og fjármálamarkaðir (n. 27) 390. 35
sama heimild 389. 36
Páll Jóhannesson og Andri Gunnarsson (n. 32) 55.
12
4.1. Félagaréttarlegur samruni
Um félagaréttarlegan samruna gilda ákvæði hfl. og ehfl. og er fjallað um þá í 119.-
131. gr. hfl. og 94.-117. gr. a. ehfl. Meginmunurinn á félagaréttarlegum samruna og
skattaréttarlegum samruna er sá að þegar félagaréttarlegur samruni á sér stað, getur
endurgjald til hluthafa í yfirtekna félaginu verið í formi annarra verðmæta en hlutafé í
hinu sameinaða félagi. Þannig gætu hluthafar í hinu yfirtekna félagi fengið beina
peningagreiðslu í stað hlutabréfa í yfirtökufélaginu.37 Slíkur samruni yrði þó ekki
gildur að skattarétti.
4.2. Skattaréttarlegur samruni
Skattaréttarlegur samruni er þegar skattaleg réttindi og skyldur yfirtekna félagsins
færast til yfirtökufélagsins. Til þess að um skattaréttarlegan samruna geti verið að
ræða, þá nægir ekki ekki að samruninn uppfylli einungis skilyrði hfl. og ehfl. Slíkur
samruni þarf að uppfylla skilyrði 51. og 54. gr. tsl. Hér eru sjálfstæðar og strangari
kröfur gerðar til samrunans, eigi hann að fara fram án skattalegra afleiðinga og
þannig að skattaleg réttindi séu tryggð.38
Skattaréttarlegur samruni samkvæmt. 51. gr. tsl. hefur verið talinn felast í þremur
meginatriðum39: Í fyrsta lagi að eignir færast frá yfirtekna félaginu yfir til
yfirtökufélagsins á bókfærðu verði. Þannig er þetta ekki skattskylt sem sala á eignum
skv. 12-27. gr. tsl. Í öðru lagi tekur yfirtökufélagið við öllum skattalegum réttindum og
skyldum yfirtekna félagsins40. Skattalegar skyldur eru t.d. ef yfirtekna félagið hefur
frestað greiðslu söluhagnaðar með svokallaðri flýtifyrningu. Í þriðja lagi eru hluthafar
yfirtekna félagsins ekki skattlagðir vegna sölu á hlutum sínum í yfirtekna félaginu, líkt
og þeir væru ef samruninn uppfyllti ekki skilyrði 51. gr. tsl. sbr. 25. gr. tsl.
Má því segja að meira máli skiptir fyrir hluthafa yfirtekna félagsins að samruni teljist
skattfrjáls samruni. Aftur á móti skiptir þetta ekki jafn miklu máli fyrir yfirtökufélagið og
hluthafa þess, nema í þeim tilvikum þegar um er að ræða nýtingu á eldra
rekstrartapi.41
37
sama heimild 56. 38
sama heimild. 39
sama heimild. 40
Að nýtingu á eldra rekstrartapi frátöldu. Sérstök og strangari skilyrði gilda í þessum efnum sbr. 54. gr.
41 Páll Jóhannesson og Andri Gunnarsson (n. 32) 57.
13
4.2.1. Gagngjaldsskilyrði 1. mgr. 51. gr. tsl.
Ákvæði 51. gr. tsl. er ákvæðið sem litið er til við mat á því hvort samruni teljist vera
skattaréttarlegur samruni. Í ákvæðinu er að finna tvö skilyrði. Annars vegar að um
algjöran samruna sé að ræða og hins vegar svokallað gagngjaldsskilyrði, sem þarf að
vera uppfyllt til þess að um skattaréttarlegan samruna sé að ræða. Orðrétt segir í 1.
mgr.:
Sé hlutafélagi slitið þannig að það sé algjörlega sameinað öðru hlutafélagi og hluthafar í
fyrrnefnda félaginu fái eingöngu hlutabréf í síðarnefnda félaginu sem gagngjald fyrir hlutafé sitt
í félagi því sem slitið var, þá skulu skiptin sem slík ekki hafa í för með sér skattskyldar tekjur
fyrir þann sem hlutabréfin lét af hendi. Við slíkan samruna hlutafélaga skal það félag, er við
tekur, taka við öllum skattaréttarlegum skyldum og réttindum þess félags sem slitið var.
Undirstrikaða setningin í ákvæðinu að ofan er hið svokallaða gagngjaldsskilyrði. Í
þessu skilyrði fellst að hluthafar yfirtekna félagsins, mega eingöngu fá hlutabréf í
yfirtökufélaginu sem gagngjald fyrir hlutabréf sín í yfirtekna félaginu.
Þegar metið er hvort samruni uppfylli skilyrði 51. gr. tsl. er litið sérstaklega til tilgangs
samrunans. Samruninn má ekki eingöngu byggja á sjónarmiðum um að ná fram
skattalegri hagræðingu. Gagngjaldsskilyrðið á að tryggja að málefnaleg sjónarmið
séu að baki ákvörðun um samruna og hefur ákvæðið því verið túlkað rúmt.42
Í dómaframkvæmd og úrskurðum yfirskattanefndar hefur oft reynt á túlkun 51. gr. tsl.
og gagngjaldsskilyrðið. Af úrskurðarframkvæmd verður að telja að það sé skilyrði, að
hluthafar yfirtekna félagsins fái eingöngu hlutabréf í nýja félaginu. Greiðsla annarra
verðmæta uppfyllir því ekki gagngjaldsskilyrðið.43
Þrátt fyrir að skilyrðið kunni að vera uppfyllt að forminu til, þá er litið á samrunan
heildstætt og þær kringumstæður sem til hans leiða. Í þessu sambandi hefur verið
litið til tímamarks gagngjaldsskilyrðisins.
Ef hlutabréf yfirtekna félagsins voru keypt stuttu fyrir samruna, þá bendir það til þess
að reynt sé að komast framhjá skilyrðum 51. gr. tsl. Í úrskurði yfirskattanefndar nr.
639/1994 voru málavextir þeir að Ú hf. hafði keypt allt hlutafé í J hf. í febrúar 1989 og
V hf. í september sama ár. Samruni þessara félaga átti sér síðan stað 31. desember
sama ár. Yfirskattanefnd segir í niðurstöðu sinni
42
sama heimild 58. 43
Í úrskurði yfirskattanefndar nr. 692/1994, fengu hluthafar yfirtekna félagsins eftirgjöf af kröfum um greiðslu
hlutafjárloforða í stað hlutabréfa í nýja félaginu. Yfirskattanefnd taldi þetta ekki uppfylla gagngjaldsskilyrðið.
14
Af frásögn umboðsmanns kærenda og því sem fyrir liggur að öðru leyti í gögnum málsins um
málavexti, verður ekki ráðið að þegar við kaup kæranda á hlutabréfum í félögunum tveimur hafi
verið stefnt að samruna með þeim hætti sem varð í árslok 1989.
Talið hefur verið að orðalag úrskurðarins bendi til að þrátt fyrir rúma túlkun
gagngjaldsskilyrðisins, þá er skammur eignarhaldstími fyrir samruna einn og sér ekki
nóg til að hafna því að skilyrði 51. gr. sé uppfyllt.44
Tímamarkið þegar hlutanna er aflað skiptir því ekki öllu máli. Dæmi eru um að
hlutanna hafi verið aflað tveimur árum fyrir samruna. Yfirskattanefnd taldi engu að
síður að samruninn uppfyllti ekki skilyrði 51. gr. tsl. þar sem búið hafði verið að taka
ákvörðun um að sameina félögin síðar45
Í þessu sambandi má einnig nefna dóm hæstaréttar í Íslenska ríkið g. Glitni banka
hf., Hrd. 28. janúar í máli nr. 143/2009. Þar voru málavextir þeir að Glitnir hafði keypt
allt hlutafé í F og gerð var samrunaáætlun. F var slitið og voru allar eignir og skuldir F
færðar til Glitnis á skattalegu bókfærðu verði og Glitnir nýtti einnig yfirfæranlegt
rekstrartap F til frádráttar skattskyldum tekjum sínum. Af gögnum málsins taldi
Hæstiréttur það hafið yfir vafa að Glitnir hefði ákveðið að sameinast F, áður en allir
hlutir í F voru keyptir. Vegna þessa voru skilyrði 51. gr. tsl. ekki talin uppfyllt.
4.3. Nýting á rekstrartapi skv. 54. gr. tsl.
Ákvæði 54. gr. tsl. felur í sér undantekningu frá meginreglunni um yfirfærslu
skattalegra réttinda og skylda. Hér er að finna sjálfstæð skilyrði fyrir því að nýta
uppsafnað og ónýtt rekstrartap í yfirtökufélagi eftir samruna. Á árum áður var algengt
að félög með uppsafnað rekstrartap voru keypt í þeim eina tilgangi að sameina þau
og nýta rekstrartapið. Reynt var að koma í veg fyrir þessar ráðstafanir með lögum nr.
85/1991 um breytingar á lögum nr. 75/1981, um tekjuskatt og eignarskatt, með síðari
breytingum46, og sett voru fjögur sjálfstæð skilyrði við 57. gr. A þágildandi laga nr.
75/1981 um tekjuskatt og eignarskatt, fyrir nýtingu uppsafnaðs rekstrartaps með
þessum hætti.47
Uppfylla þarf ákveðin skilyrði til þess að þetta sé heimilt. Þau eru að finna í 54. gr. tsl.
og uppfylla öll skilyrði ákvæðisins. Þar segir orðrétt:
44
Páll Jóhannesson og Andri Gunnarsson (n. 32) 61. 45
Úrskurður yfirskattanefndar nr. 139/1995. 46
Alþt. 1991-1992, A-deild, þskj.372 – 205. mál, athugasemdir við 57. gr. A. 47
Páll Jóhannesson og Andri Gunnarsson (n. 32) 67.
15
Þrátt fyrir ákvæði 51.–53. gr. skal rekstrartap, þar með taldar eftirstöðvar rekstrartapa frá fyrri
árum, sbr. 8. tölul. 31. gr., hjá því félagi sem slitið var ekki flytjast til þess félags eða þeirra
félaga sem við taka nema uppfyllt séu öll skilyrði þessarar greinar. Félag eða félög þau sem
við taka skulu hafa með höndum skyldan rekstur eða starfsemi og það félag sem slitið var.
Tap flyst ekki milli félaga við sameiningu eða skiptingu þegar það félag sem slitið var átti fyrir
slitin óverulegar eignir eða hafði engan rekstur með höndum. Sameining eða skipting félaga
verður að vera gerð í venjulegum og eðlilegum rekstrartilgangi. Hið yfirfærða tap verður að
hafa myndast í sams konar rekstri og það félag sem við tekur eða þau félög sem við taka hafa
með höndum.
Í ákvæðinu koma fram fjögur skilyrði sem þurfa öll að vera uppfyllt til að heimilt sé að
nýta yfirfæranlega rekstrartapið við samruna. Í fyrsta lagi að félagið sem tekur við
skyldunum, þarf að hafa verið í skyldum rekstri eða starfsemi og félaginu sem er
slitið, í öðru lagi má félagið sem slitið var ekki hafa átt óverulegar eignir eða ekki verið
í rekstri, í þriðja lagi þarf samruninn að hafa verið gerður í venjulegum og eðlilegum
rekstrartilgangi og í fjórða lagi þarf tapið að hafa myndast í samskonar rekstri og
félagið sem tekur við skyldunum hefur með höndum.
Yfirskattanefnd hefur í nokkrum úrskurðum sínum48 stuðst við sama orðalag við
beitingu 54. gr. tsl:49
Við túlkun ákvæðisins er óhjákvæmilegt að hafa hvorutveggja í huga að um íþyngjandi
undantekningu frá meginreglu er að ræða sem að auki er óskýr og í verulegum mæli
matskennd. Þrátt fyrir þetta verður að telja ljóst að vilji löggjafarvaldsins hefur staðið til þess að
heimila ekki yfirfærslu rekstrartaps þegar þannig stendur á að telja má að tilgangur
sameiningar eða samruna sé skattahagræði eitt og í þeim efnum gefi skilyrði lagaákvæðisins
slíkan tilgang til kynna.
Því er ljóst að sé eini tilgangur sameiningar að nýta þetta skattalega tap, þá teljast
skilyrði 54. gr. tsl. ekki uppfyllt.50 Aftur á móti má þetta hafa áhrif á ákvörðun um
samruna, svo framarlega sem það er ekki eini tilgangurinn. Um þetta má vísa í
ummæli Hæstaréttar í máli íslenska ríkið g. Samherja hf., Hrd. 25. janúar 2001 í máli
nr. 202/2000 sem nefnt var hér á undan í kala 3.2.
48
Í þessu sambandi má vísa til úrskurðar nr. 220/1998 og úrskurð yfirskattanefndar nr. 205/2005. Þar var deild
deilt um hvort skilyrði 57. gr. A. þágildandi laga nr. 75/1981 um tekjuskatt og eignarskatt væri uppfyllt (núverandi
54. gr. tsl.) Í báðum málum notar yfirskattanefnd þessa setningu orðrétt í umfjöllun sinni um ákvæðið. ; Til
hliðsjónar má einnig nefna dóm Hæstaréttar í máli Samherji hf. g. íslenska ríkinu, Hrd. 23. janúar 2014 í máli nr.
529/2013. Þar kemur fyrsti málsliður þessara setningar fyrir í umfjöllun héraðsdóms um ákvæðið, sem staðfestur
var með vísan til forsendna. 49
Páll Jóhannesson og Andri Gunnarsson (n. 32) 68. 50
sama heimild.
16
4.4. Öfugur samruni
Í öfugum samruna er félagið með rekstur, eða dótturfélag þess, látið halda áfram
rekstri og það látið taka við skattalegum réttindum og skyldum eignarhaldsfélagsins.
Eftir að 54. gr. tsl. tók gildi fóru menn að framkvæma svokallaða öfuga samruna. Með
þessum hætti var hægt að komast framhjá ákvæði 54. gr. tsl., enda fjallar það um
flutning á rekstrartapi frá því félagi sem slitið er. Til að sporna við þessu var 8. tl. 31.
gr. tsl. breytt árið 1994.51 Þar segir að ekki sé heimilt að nýta rekstrartap á móti
hagnaði seinni ára, ef veruleg breyting hefur orðið á rekstri fyrirtækisins. Dæmi um
þetta er breyting á eignarhaldi eða tilgangi rekstrar.52
4.5. Skuldsett yfirtaka
Skuldsett yfirtaka53 er hugtak sem er notað þegar kaup á fyrirtæki er að öllu eða
mestu leyti fjármagnað með skuld sem kaupandinn hefur stofnað til í tilefni af
kaupunum.54 Skuldsett yfirtaka fer yfirleitt fram með þeim hætti að aðilinn X kemur
auga á rekstrarfélag (A) og þykir það álitlegur fjárfestingarkostur. Nást samningar við
eigendur A, þá stofnar X sérstakt félag (B) í þeim tilgangi að kaupa A. Verður því B
yfirtökufélagið í þessum viðskiptum. Við kaup B á A, þá leggur X fram hlutafé til B,
sem getur til dæmis verið ¼ af kaupverðinu, en B tekur þá lán fyrir eftirstöðvum
kaupverðsins eða því sem nemur ¾ af kaupverðinu. Kaupverðið er þá greitt til
hluthafa A og kemur þannig ekki A til góða. Að kaupum loknum eru A og B sameinuð
undir nafni A og er A þannig orðið yfirtökufélagið í þessum öfuga samruna.55 Það
sem hér gerist er að skuldir B renna inn í A og A tekur jafnframt við skattalegum
réttindum og skyldum B skv. 51. gr. tsl. líkt og hefur verið rakið. Með þessum hætti
hefur X eignast A. Öfugur samruni í kjölfar skuldsettrar yfirtöku var iðulega gerður að
kröfu lánveitenda móðurfélagsins, þar sem betri trygging er fyrir bankann með
beinum aðgangi að eignum dótturfélagsins en að eignarhlutum þess.56
51
sama heimild 71. 52
sama heimild 46. 53
Á ensku: leveraged buyout 54
P.S. Sudarsanam, Creating value from mergers and acquisitions : the challenges : an integrated and
international perspective (Prentice Hall 2003) 268. 55
Aðalsteinn Hákonarson, „Skuldsettar yfirtökur og öfugur samruni“ [2008] (desember) Tíund 9, 9. 56
Sigurjón Högnason, „Skuldsett yfirtaka og öfugur samruni“ (KPMG.is, 26. janúar 2012)
<https://www.kpmg.com/IS/is/utgefidefni/greinar-og-utgefid/frodleikur-a-fimmt/Documents/SH%20-
%20skuldsett%20yfirtaka%20-%20jan%202012.pdf> skoðað 12. apríl 2014.
17
Mynd 4: Skuldsett yfirtaka – skref 1
Mynd 5: Skuldsett yfirtaka – skref 2
4.5.1. Gagnrýni á skuldsettar yfirtökur
Skuldsettar yfirtökur hafa sætt töluverðri gagnrýni eftir hrun íslenska fjármálakerfisins
haustið 2008. Eitt af því sem hefur sætt hvað mestri gagnrýni, er að við samrunann
færast skuldir B, úr dæminu hér að ofan, inn í A og hafa skuldir A þannig vaxið um
fjárhæð sem nemur ¾ af kaupverðinu. Í þessu ferli kemur engin eign þar móti, enda
var eina eign B eignarhluturinn í A. Við þessa skuldsetningu skerðist eigið fé A, en þá
var færð eign á móti skuldunum sem kallaðist viðskiptavild. Því hefur verið haldið
fram að þetta hafi verið gert til að fela hvernig samruninn fór með efnahagsreikning
félagsins.Þetta er þó ekki ný eign, því viðskiptavildin var þegar til staðar í A fyrir
kaupin. Því hefur verið haldið fram að hefði viðskiptavild ekki verið færð upp á móti
18
skuld líkt og lýst var hér á undan, þá hefði fjárhagsstaða íslenskra fyrirtækja
samkvæmd ársreikningum verið mun verri. Að loknu þessu ferli var hægt að skrá
félagið á markað og leit það út sem álitlegur fjárfestingarkostur, á gengi sem væri
mun hærra en félagið hafði verið keypt á.57
Gömlu íslensku bankarnir hafa einnig fengið á sig gagnrýni fyrir sinn þátt í þessu ferli.
Þeir eru sagðir hafa lánað félögum fyrir skuldsetningunni og þöndu þannig út
efnahagsreikninga sína og fyrirtækjanna.58 Aðalsteinn Hákonarson skrifaði orðrétt59:
Í raun má halda því fram að viðskiptalífið á Íslandi hafi þrifist á blekkingum sem snérust um að
sýna eins góða fjárhagsstöðu fyrirtækjanna... Nauðsynlegt er að koma böndum á þann
stjórnlausa glannaskap sem skuldsettu yfirtökurnar og samruninn hafa verið...
4.5.2. Rök með skuldsettum yfirtökum og öfugum samrunum
Einn helsti kostur skuldsettrar yfirtöku er að fyrirtækjum er gert kleift að kaupa önnur
fyrirtæki án þess að þurfa að bíða lengi til að fjármagna kaupin. Slíkar yfirtökur kunna
í ákveðnum tilvikum að vera skattalega hagkvæmar, til dæmis þegar hægt er að nýta
eldra rekstrartap. Ekki hefur verið gerð athugasemd við skuldsettar yfirtökur sem
slíkar í dómum Hæstaréttar. Raunar má segja að skuldsett yfirtaka í sinni allra
einföldustu mynd á sér stað oft á viku, en einstaklingar taka oftar en ekki lán til að
kaupa fasteign og tekur þá lánveitandi veð í fasteigninni.
Benda má á að í íslenskri löggjöf er enginn greinarmunur gerður á því hvort félagið,
móðurfélagið eða dótturfélagið, er yfirtökufélag í samrunanum. Þannig breytir raunar
engu hvort um sé að ræða hefðbundinn samruna eða öfugan samruna, enda teljast
þeir báðir gildir að skattarétti. Að sama skapi hefur engin athugasemd verið gerð við
öfuga samruna í dómum hæstaréttar. Í lögum nr. 161/2002 um fjármálafyrirtæki er
beinlínis mælt fyrir um öfugan samruna í þeim tilvikum er breyta á rekstrarformi
sparisjóðs úr sjálfseignarstofnun í hlutafélag sbr. 2. mgr. 73. gr. laganna. Þar segir að
í slíkum tilvikum eigi sparisjóðurinn að sameinast hlutafélagi sem sparisjóðurinn hefur
áður stofnað.
Í grein Aðalsteins Hákonarsonar sem vitnað er í hér á undan, kemur fram að ýmsar
ráðstafanir voru gerðar í því skyni að láta fyrirtæki líta sem best út á blaði. Í því
57
Aðalsteinn Hákonarson (n. 55) 12. 58
sama heimild. 59
sama heimild.
19
samhengi má þó velta fyrir sér hvort sérfræðingur á sviðinu mætti ekki gera sér grein
fyrir þeim afleiðingum sem slíkir gerningar hafa í för með sér.
4.5.3. Frádráttarbærni vaxtagjalda í kjölfar öfugs samruna í kjölfar skuldsettrar
yfirtöku
Ein af þeim skattalegu hagræðingum sem öfugur samruni í kjölfar skuldsettra yfirtöku
var talinn fela í sér, var að menn töldu að sér væri heimilt að gjaldfæra vaxtagjöldin af
láninu sem B, í dæminu hér á undan, tók til að kaupa A. Var það rökstutt með því að
með öfuga samrunanum væri búið að framkvæma skattaréttarlegan samruna skv. 51.
gr. tsl. og tæki A því við skattalegum réttindum og skyldum B. Ein af þeim skattalegu
réttindum var rétturinn til að draga rekstrarkostnað frá skattskyldum tekjum
samkvæmt 1. tl. 31. gr. tsl., en þar á meðal eru nefndir vextir af skuldum.
Áður fyrr töldu menn ekkert rangt við að gjaldfæra þessi vaxtagjöld og voru þessi
vaxtagjöld talin uppfylla skilyrði 1. tl. 31. gr. tsl., um að vera gjöld sem á árinu gengu
til að afla tekna, tryggja þær og halda þeim við. Álitaefni var því uppi um hvort þessi
gjöld hafi gengið til tekjuöflunar fyrir A og þar af leiðandi frádráttarbær skv. 1. tl. 31.
gr. tsl.60
5. Toyota dómurinn
Þessari óvissu var eytt með dómi Hæstaréttar í máli Toyota á Íslandi ehf. g. íslenska
ríkinu, Hrd. 28. febrúar 2013 í máli nr. 555/2012.
5.1. Málavextir
Málavextir voru þeir að Bergey ehf. var stofnað þann 7. desember 2005 og var
Magnús Kristinsson skráður stofnandi og stjórnarmaður og var hlutafé félagsins
500.000. kr. Skráður tilgangur félagsins var kaup, sala og eignarhald á verðbréfum,
kaup, sala og rekstur fasteigna og lausafjár og jafnframt lánastarfsemi tengdri
rekstrinum og annar skyldur rekstur. Í sama mánuði og félagið var stofnað seldi
Magnús allt hlutafé sitt í Bergey ehf. til Smáeyjar ehf. sem var félag í eigu hans og
Lóu Skarphéðinsdóttur, eiginkonu Magnúsar. Með þessum hætti hafði Magnús komið
eignarhaldi á hinu nýskráða félagi Bergey ehf. í hendur félags sem hann átti sjálfur.
Þann 20. desember 2005 keypti Bergey allt hlutafé í P. Samúelssyni hf., umboðsaðila
Toyota og Lexus á Íslandi, fyrir 5.600.000. kr. Þessi kaup voru fjármögnuð með
60
sama heimild.
20
tvennum hætti, annars vegar með 2.350.000. kr. sem lagðar voru fram sem hlutafé í
félaginu og hins vegar með láni að fjárhæð 3.250.000. kr. frá Landsbanka Íslands, en
gerðir voru tveir lánssamningar milli Bergeyjar og Landsbankans. Fengu fyrrum
hluthafar P. Samúelssonar hf. greitt þann 22. desember.
Áðurnefnd hlutafjárhækkun var samþykkt á stjórnarfundi í Bergey þann 31.
desember, en gleymst hafði að tilkynna hana til hlutafélagaskrár innan mánaða
frestsins sem mælt er fyrir um í 123. gr. ehfl. Þurfti því að taka nýja ákvörðun um
hlutafjárhækkun og var það gert á fundi þann 13. febrúar 2006 og hún tilkynnt
hlutafélagskrá 14. febrúar 2006. Í kjölfarið hófst samrunaáætlun P. Samúelsson hf.
og Bergey ehf. í samræmi við XIV. kafla ehfl. og hfl. og freistuðu félögin þess að
sameinast.
Var framkvæmdur svokallaður öfugur samruni, en P. Samúelsson hf. tók yfir Bergey
ehf. Fengu hluthafar í Bergey ehf. eingöngu hluti í P. Samúelsson hf. fyrir hluti sína í
Bergey ehf. Hluthafar Bergeyjar áttu hlutafé að nafnvirði 2.600.000. kr. í félaginu og
fengu hlutafé að nafnvirði 100.000.000. kr. í P. Samúelsson, en það var allt hlutafé
félagsins.
Þann 3. mars 2006 staðfesti hlutafélagaskrá móttöku samrunaáætlunar félaganna,
en þar kom fram að miðað yrði við að uppgjörsdagur yrði 1. september 2005.
Samruninn var samþykktur á hluthafafundi beggja félaga 11. apríl 2006 og var
samruninn skráður í fyrirtækjaskrá. Var nafni P. Samúelsson hf. breytt í Toyota á
Íslandi hf.
Skattframtali Toyota á Íslandi hf. fyrir árið 2006 var skilað 10. september 2006, en
skattframtali fyrir árið 2007 var skilað þann 27. september 2007. Í kjölfar þess hófust
mikil bréfaskipti milli ríkisskattstjóra og Toyota á Íslandi hf.
Með bréfi dagsettu 27. febrúar 2008 sendi ríkisskattstjóri Toyota á Íslandi ehf.
fyrirspurn um samrunann samkvæmt. 1. mgr. 96. gr. tsl. Gerði ríkisskattstjóri þar
athugasemd við ýmis atriði sem þóttu óljós, en það voru aðallega tvö atriði sem
fyrirspurn ríkisskattstjóra beindist að. Í fyrsta lagi skuldsetningu Toyota á Íslandi, sem
var skuldsett og látið borga 58% kaupverðsins í sjálfu sér. Var talið að eitthvað af
þessum ráðstöfunum væru í andstöðu við 104. gr. hfl. Í öðru lagi taldi ríkisskattstjóri
að vextir af láninu sem Bergey hafði tekið til að eignast P. Samúelsson, væru ekki
frádráttarbærir frá skattskyldum tekjum Toyota á Íslandi ehf. samkvæmt 31. gr. tsl.
21
Þessu bréfi svaraði Toyota á Íslandi, en ríkisskattstjóri sendi annað bréf dagsett 16.
maí 2008. Þar var gerð ítrekun um svör við spurningum í fyrra bréfinu auk þess sem
nýjar spurningar voru lagðar fyrir. Þar að auki kom fram að sú greiðsla sem Bergey
ehf. hafði greitt fyrir hlutaféð í P. Samúelsson hf. hefði gengið til hluthafa og ekki
félagsins.
Þessu bréfi var svarað af hálfu Toyota á Íslandi ehf. þann 7. júlí 2008, en með bréfi
dagsett 20. ágúst 2010, eða rúmum tveimur árum seinna, tilkynnti ríkisskattstjóri að
fyrirhuguð væri endurákvörðun gjalda Toyota á Íslandi ehf. gjaldárin 2006 og 2007.
Taldi ríkisskattstjóri að vaxtagjöld af láninu sem Bergey ehf. tók hjá Landsbankanum
til að greiða fyrir hlutabréfin í P. Samúelsson hf., gætu ekki talist frádráttarbær
rekstrarkostnaður í skattskilum Toyota á Íslandi ehf. samkvæmt 31. gr. tsl. Þá var
með vísan í 2. mgr. 108. gr. tsl. lagt 25% álag á tekjuskattstofninn. Toyota á Íslandi
ehf. andmælti þessu með bréfi dagsettu 10. október 2010.
Að andmælum Toyota athuguðum kvað ríkisskattstjóri upp úrskurð 17. nóvember
2010 og endurákvarðaði opinber gjöld Toyota á Íslandi hf. gjaldárin 2006 og 2007.
Með úrskurðinum felldi ríkisskattstjóri niður vaxtagjöld af láninu, sem gjaldfærð hefðu
verið á móti skattskyldum tekjum félagsins. Í úrskurði ríkisskattstjóra segir orðrétt:
Það er mat RSK að atburðarásin í máli þessu hafi verið með þeim hætti að vextir af lánum,
sem tekin voru af Bergey til að kaupa P. Samúelsson og notuð til að greiða andvirði
hlutabréfanna til fyrrum hluthafa þess félags, geti ekki talist frádráttarbær rekstrarkostnaður hjá
Toyota i samræmi við 31. gr. laga nr. 90/2003 eftir samrunann. Með yfirtöku lánanna hafi
Toyota i raun fjarmagnað kaup á sjálfu sér að stórum hluta og þannig skert eigið fé sitt
samsvarandi. Andvirði lánanna rann til fyrrum hluthafa í P. Samúelssyni og því komu þeir
fjármunir hinu sameinaða félagi ekki á neinn hátt til góða...RSK fær ekki séð að vextir af því
lánsfé sem notað var til að greiða fyrrum hluthöfum P. Samúelssonar fyrir hlutabréfin, og færa
eignarhald á þeim til Smáeyjar, séu viðkomandi rekstri Toyota og hefur ákveðið að hafna
gjaldfærslu á þeim sem frádráttarbærum rekstrarkostnaði frá tekjum í skattskilum Toyota á
gjaldárunum 2006 og 2007.
Í kjölfarið greiddi Toyota á Íslandi hf. viðbótargjöldin, en gerði þann fyrirvara að ekki
yrði fallist á niðurstöðuna og að mál yrði höfðað til að fá úrskurðinum hnekkt. Var
stefna gefin út á hendur Íslenska ríkisins í kjölfarið og fór málið fyrir Héraðsdóm
Reykjavíkur.
22
5.2. Héraðsdómur
Í stefnu Toyota á Íslandi ehf., sem hér eftir verður nefnt stefnandi, fyrir héraðsdómi
var þess krafist að úrskurður ríkisskattstjóra yrði felldur úr gildi og að íslenska ríkinu
yrði dæmt til að endurgreiða stefnenda 93.883.196. kr. með vöxtum og
dráttarvöxtum. Til vara krafðist stefnandi þess að fellt yrði niður 25% álag á hækkun
tekjuskattsstofna skv. úrskurði ríkisskattstjóra.
5.2.1. Málsástæður og lagarök aðila
5.2.1.1. Stefnandi
Í fyrsta lagi byggði stefnandi á því að ríkisskattstjóri og starfsmenn hans hafi verið
vanhæfir og talið að fyrirfram hafi ríkisskattstjóri og starfsfólks hans verið ákveðið í
því að hækka opinber gjöld stefnenda. Taldi stefnandi þetta vera í andstöðu við 10.
og 12. gr. stjórnsýslulaga nr. 37/1993. Vísaði hann máli sínu til stuðnings til tveggja
greina sem starfsmaður ríkisskattstjóra hafði skrifað í Tíund, fréttablað
ríkisskattstjóra, en vitnað var í þær í umfjöllun um skuldsettar yfirtökur hér á undan.
Taldi stefnandi fram koma í greinum þessum að hafna ætti frádráttarbærni
vaxtagjalda í öfugum samruna og skuldsettum yfirtökum.
Í öðru lagi byggði stefnandi á því að álit ríkisskattstjóra um að hann hefði brotið gegn
104. gr. hfl. væri rangt. Vísaði stefnandi til þess að Bergey hafi tekið lán hjá
Landsbankanum til að kaupa Toyota á Íslandi ehf. og hafi P. Samúelsson hvorki veitt
lán né lagt fram tryggingu. Taldi stefnandi ekkert hafa verið í lögum sem banni að
taka lán frá þriðja aðila til að kaupa annað félag og sameinast því félagi. Taldi
stefnandi að í þessu fælist ekki að yfirtökufélagið hafi tekið lán til að kaupa sjálft sig.
Vísaði stefnandi til þess að samkvæmt 6. mgr. 104. gr. hfl. eiga 1. og 2. mgr.
ákvæðisins ekki við um þetta tilvik, enda væri um lán eða framlag frá móðurfélagi til
dótturfélags að ræða.
Í þriðja lagi byggði stefnandi á því að öll gögn um samrunann hafi legið fyrir
ríkisskattstjóra og gert hafi verið grein fyrir honum í framtölum félaganna. Taldi
stefnandi að skilyrði 2. mgr. 97. gr. tsl. hefðu verið uppfyllt og þar af leiðandi hefði
ríkisskattstjóri einungis haft tvö ár til að endurákvarða gjöld stefnenda. Sá tími var
liðinn 17. nóvember 2010. Þá telur stefnandi samrunann hafa verið í samræmi við
gildandi lög og framkvæmdarvenju. Var því um skattalegan samruna í skilningi 51.
gr. tsl. að ræða. Við slíkan samruna færist rétturinn til frádráttar vaxtagjalda yfir til
23
yfirtökufélagsins samkvæmt 1. tl. 31. gr. tsl. Taldi stefnandi framkvæmd skattyfirvalda
vera afturvirka og því óheimil skv. meginreglum stjórnsýsluréttar og 2. mgr. 77. gr.
stjórnarskrá Lýðveldisins nr. 33/1944.
Í fjórða lagi byggði stefnandi heimild sína fyrir því að draga vaxtagjöld frá
skattskyldum tekjum félagsins á 1. tl. 31. gr. tsl. Hélt stefnandi því fram að í gildandi
lögum sé það ekki skilyrði fyrir frádráttarbærni vaxta hjá lögaðilum að þeir séu
tilkomnir af skuldum sem stafa af atvinnu. Slíkur áskilnaður hafi verið numinn á brott
með lögum nr. 40/1978 um tekjuskatt og eignarskatt. Jafnframt benti stefnandi á að í
frumvarpi sem varð að lögum nr. 128/2009 hafi verið tillaga þess efnis, að vaxtagjöld
sem færast yfir við skuldsetta yfirtöku og öfugan samruna, eiga ekki að teljast til
rekstrarkostnaðar samkvæmt 1. tl. 31. gr. tsl. Tillagan varð þó að engu og með því
hélt stefnandi fram að það sé viðurkennt samkvæmt núgildandi lögum, að slík
vaxtagjöld séu frádráttarbær. Ef ekki yrði fallist á það taldi stefnandi sig uppfylla
skilyrðið um atvinnurekstur, enda var tilgangur Bergeyjar ehf. m.a. kaup og
eignarhald á hlutabréfum og var umrætt lán tekið til að kaupa hlutabréf.
Um varakröfu sína sagði stefnandi að ekki eigi að beita álagi þar sem eingöngu sé
um faglegan ágreining að ræða. Stefnandi sagðist hafa verið í góðri trú um að
samruninn fullnægði lagaskilyrðum og að frádráttur vaxtagjaldanna hefði verið
lögmætur.
5.2.1.2. Stefndi
Íslenska ríkið, sem hér eftir verður nefnt stefndi, krafðist sýknu af öllum kröfum
stefnanda.
Í fyrsta lagi hélt stefndi því fram að hvorki væru form-né efnisgallar á úrskurði
ríkisskattstjóra. Mótmælti hann því að starfsmenn ríkisskattstjóra hafi verið vanhæfir
til meðferðar málsins. Hann taldi að eðlilegt væri að starfsmenn ríkisskattstjóra fjalli á
almennan og hlutlausan hátt um málefni.
Í öðru lagi taldi stefndi að vextir af láninu sem tekið var til að eignast P. Samúelsson
hf. væru ekki frádráttarbærir. Vísaði stefndi til þess að lánsféð hafi runnið til fyrrum
hluthafa P. Samúelssonar og ekki til hins sameinaða félags. Lánsfénu hafi þannig
ekki verið ráðastafað til kaupa á eignum sem nýta átti í rekstrinum. Stefndi vísaði í
þessu sambandi til 1. tl. 31. gr. tsl. og segir að í ákvæðinu felist sú almenna regla, að
gjöld sem gjaldfæra á sem rekstrarkostnað, þurfa að ganga til að afla tekna á árinu.
24
Nánari skilgreiningu á vöxtum er að finna í 1. mgr. 49. gr. tsl., en þar kemur fram að
gjöld eru aðeins frádráttarbær ef þau eru tengd atvinnustarfsemi. Sagði stefndi að
það sé ekki tilgangur 51. gr. tsl. að gera félögum kleift að kaupa sér frádráttarliði
annarra félaga. Líta þarf til þess sem raunverulega gerist við samruna og geta
forsendur fyrir frádráttarbærni gjalda því breyst. Stefndi mótmælti því að með vísan til
frumvarps sem varð að lögum nr. 128/2009, hafi stefnandi sýnt fram á að vextir við
skuldsettar yfirtökur og öfuga samruna séu frádráttarbærir skv. gildandi lögum.
Ástæðan fyrir því að ákvæðið var tekið úr frumvarpinu var að slíkan ágreining um
túlkun laganna á að leysa fyrir dómstólum.
Stefndi tók til umfjöllunar tilvísun stefnanda til laga nr.40/1978, en stefndi sagði það
ekki stemma að allt frá gildistöku þeirra laga hafi öll vaxtagjöld lögaðila verið
frádráttarbær óháð því hvernig þau tengjast rekstrinum. Vísaði stefndi í því samhengi
til dóms Hæstaréttar í Sundagarðarmálinu sem reifaður var hér á undan.61
Í þriðja lagi mótmælti stefndi því að ekki hafi verið brotið gegn 1. mgr. 104. gr. hfl.
Taldi hann að í 2. mgr. 104. gr. hfl. fælist að félag megi ekki aðstoða fjárhagslega við
kaup á sjálfu sér, en stefndi taldi að það sé það sem hafi átt sér stað í þessari fléttu.
Mótmælti stefndi jafnframt að 6. mgr. 104. gr. hfl. eigi við í málinu.
Í fjórða lagi mótmælti stefndi því að um væri að ræða afturvirka breytingu á
skattframkvæmd sem fæli í sér brot á 2. mgr. 77. gr. stjskr. Stefndi taldi að
samkvæmt gildandi lögum hafi skattyfirvöld haft heimild til að endurákvarða opinber
gjöld aftur í tímann og verði að gefa þeim heimild til að taka á álitamálum sem upp
koma. Máli sínu til stuðnings benti stefndi á að í málinu væri ekki deilt um hvort
samruninn sem slíkur hafi farið rétt fram, heldur um frádráttarbærni vaxtagjaldanna af
láni Bergeyjar. Sú regla að óheimilt sé að draga frá gjöld sem eru rekstrinum
óviðkomandi hafi gilt í mörg ár.
Í fimmta lagi mótmælti stefndi því að tveggja ára reglan ætti við um endurálagningu.
Hélt hann því fram að sex ára endurákvörðunarfrestur samkvæmt 1. mgr. 97. gr. tsl.
ætti við í málinu, vegna þess að ríkisskattstjóri þurfti að kalla eftir viðbótargögnum og
frekari skýringum frá stefnanda til að upplýsa málið. Ekki hafi verið hægt að
61
Þar hafnaði Hæstiréttur því að afföll af skuldabréfum félagsins væru frádráttarbær gjöld með þeim rökum, að
þessu afföll voru ekki gátu ekki talist til kostnaðar við að afla eða ávaxta fé í rekstri félagsins, heldur voru þetta
útgjöld sem sem leiddu af því að losa fé til hluthafanna. Heimildin til frádráttar takmarkast við gjöld sem ganga
til að afla, viðhalda og tryggja tekjur í atvinnurekstri eins og segir í 1. tl. 31. gr. tsl.
25
endurákvarða opinber gjöld stefnanda á grundvelli þeirra gagna, sem fyrir lágu að
fyrirspurninni undangenginni.
Loks mótmældi stefndi varakröfu stefnanda. Taldi hann að skilyrði 2. mgr. 108. gr. tsl.
hafi verið fullnægt til að bæta álagi á skattstofna.
5.2.2. Niðurstaða
Fyrst tók héraðsdómur þá málsástæðu stefnanda að ríkisskattstjóri og undirmenn
hans hefðu verið vanhæfir til að fjalla um mál þeirra. Héraðsdómur tók fram að
stefnandi væri hvergi nefndur í umræddum greinum og ekkert í þessum greinum hafi
leitt til þess að greinarhöfundar og þar með undirmenn hans hafi verið vanhæfir til að
fjalla um mál stefnanda. Var þessari málsástæðu því hafnað.
Næst tók héraðsdómur til umfjöllunar ágreining aðila um hvort brotið hafi verið gegn
104. gr. hfl. og hvort í frumvarpi sem varð að lögum nr. 128/2009 felist bindandi
fyrirmæli til dómstóla. Hvað fyrra atriðið varðar tók héraðsdómur ekki efnislega
afstöðu og agðir að það varði ekki úrlausnaratriði málsins beint. Hvað seinna atriðið
varðar segir héraðsdómur að í áðurnefndu frumvarpi felist ekki bindandi fyrirmæli fyrir
dómstóla.
Tók þá héraðsdómur til skoðunar hvort frestur til að endurákvarða gjöld stefnanda
hafi verið liðinn. Héraðsdómur taldi að af gögnum málsins megi ráða að fyrirliggjandi
gögn hafi ekki dugað til endurákvörðunar, en skilgreining á umræddum vaxtagjöldum
var ekki að finna í framtali stefnanda eða fylgigögnum þess. Þess vegna taldi
héraðsdómur að sex ára reglan ætti að gilda skv. 1. mgr. 97. gr. tsl. og hafi fresturinn
því ekki verið liðinn.
Loks tók héraðsdómur til skoðunar hvort heimilt hafi verið að gjaldfæra vaxtagjöld af
láni Bergeyjar frá skattskyldum tekjum stefnanda. Héraðsdómur tók fram að
vaxtagjöldin hefðu verið frádráttarbær í skattskilum Bergeyjar ehf., enda væri þá um
að ræða vexti sem greiddir væru af skuld sem var til komin vegna eignaaukningar
félagsins. Héraðsdómur tók fram að slík gjöld yrði félagið að hafa aflað sér með
afrakstri starfsemi sinnar.
Í því sambandi vísaði héraðsdómur til 2. mgr. 29. gr. tsl. sem segir hvaða gjöld má
draga frá tekjum lögaðila. Einnig vísaði dómurinn til 49. gr. tsl. þar sem nánari
skilgreiningu á hugtakinu „vextir“ er að finna, en í 2. mgr. 49. gr. tsl. segir að gjöld
26
skv. ákvæðinu eru aðeins frádráttarbær að fullu ef þau eru tengd atvinnurekstri eða
sjálfstæðri starfsemi. Því taldi héraðsdómur að vaxtagjöldin væru ekki frádráttarbær
frá tekjum stefnanda.
Héraðsdómur rökstuddi niðurstöðu sína enn frekar og segir að grundvöllur
frádráttarins hafi brostið er Bergey ehf. sameinaðist dótturfélagi sínu. Þá var staðan
orðin sú að lánið sem Bergey tók, nýttist til eignaaukningar í Smáey ehf. sem var
móðurfélag Bergey ehf. Sagði héraðsdómur að stefnanda hafi því verið með öllu
óheimilt að reikna vaxtagreiðslur af láninu til frádráttar skattskyldum tekjum sínum.
Þá segir héraðsdómur að ekki yrði leyst úr því í þessu máli hvort vextirnir hefðu verið
frádráttarbærir ef Bergey ehf. og stefnandi hefðu verið samsköttuð. Félögin voru
sameinuð og engu máli skiptir hvort hin leiðin hefði verið hagkvæmari.
Um varakröfu stefnanda sagði héraðsdómur að vegna þess að afla þurfti frekari
gagna en fyrir lágu í framtali stefnanda, þá væri brýn nauðsyn til að beita álagi
samkvæmt 2. mgr. 108. gr. tsl.
Samkvæmt öllu framansögðu staðfesti héraðsdómur niðurstöðu ríkisskattstjóra og
var stefnandi dæmdur til að greiða 900.000. kr. í málskostnað.
5.3. Hæstiréttur
Toyota á Íslandi ehf. áfrýjaði málinu til Hæstaréttar 20. ágúst 2012 og krafðist þess
að ógiltur yrði úrskurður ríkisskattstjóra og að íslenska ríkinu yrði gert að greiða sér
93.883.196. kr. með vöxtum og dráttarvöxtum. Til vara krafðist hann þess að fellt yrði
niður 25% álag á hækkun tekjuskattsstofna.
Íslenska ríkið krafðist staðfestingar héraðsdóms og málskostnaðar fyrir Hæstarétti, en
til vara lækkunar á kröfum Toyota á Íslandi ehf. og að málskostnaður félli niður.
Hæstiréttur byrjaði á því að taka afstöðu til þess hvort ríkisskattstjóri hafi verið
vanhæfur og staðfestir hann niðurstöðu héraðsdóms með vísan til forsendna.
Því næst tekur Hæstiréttur til skoðunar hvort tveggja ára reglan samkvæmt 2. mgr.
97. gr. tsl hafi átt að gilda við endurákvörðun ríkisskattstjóra eða sex ára reglan
samkvæmt 1. mgr. 97. gr. tsl. Hæstiréttur vísar til þess að framtölin báru með sér að
fjármagnsgjöld voru gjaldfærð til frádráttar tekjum, en ekki var hægt að ráða af því
hvort vextir af láni Bergeyjar voru innifaldir í þessum heildartölum og þá hvaða
27
fjárhæð þeir námu. Var þannig ekki hægt að endurákvarða opinber gjöld Toyota á
Íslandi ehf. á grundvelli þeirra gagna sem fyrir lágu í skattskilum, án undangenginnar
fyrirspurnar. Skipti hér engu þótt Toyota haldi því fram að þetta hefði mátt sjá í
gögnum um samruna félaganna og skattframtali Bergeyjar frá 2006, enda fylgdu þau
ekki skattframtölum félagsins. Var því talið að sex ára reglan ætti við og var
málsástæðu Toyota því hafnað.
Að því loknu lagði Hæstiréttur mat á hvort Toyota á Íslandi hafi verið heimilt að
gjaldfæra vaxtagjöld Bergeyjar í skattskilum sínum. Hæstiréttur tók undir með
héraðsdómi og fjallar um þau skilyrði sem gerð eru til rekstrargjalda sem gjaldfæra á
samkvæmt 31. gr. tsl. og 2. mgr. 49. gr. tsl. Hæstiréttur komst að því að lánið sem
Bergey ehf. tók til að greiða hlut af kaupverði P. Samúelsson hf. hafi verið tekið í
þágu eigenda Bergeyjar til að greiða kaupverð alls hlutafjárs í P. Samúelsson hf. Var
lánið og gjöld sem af því stafa því ekki tekin í þágu Toyota á Íslandi ehf. og voru
rekstri hans óviðkomandi.
Fyrir Hæstarétti byggði Toyota á Íslandi ehf. á því að í lokamálslið 51. gr. tsl. segir að
ef samruni uppfyllir skilyrði ákvæðisins, þá tekur yfirtökufélagið við öllum
skattaréttarlegum skyldum og réttindum slitna félagsins, þar á meðal réttinum til
frádráttar vaxtagjalda. Hæstiréttur skoðar samspil 51. – 54. gr. tsl. við 31. gr. og 49.
gr. tsl. Þá sagði Hæstiréttur að markmið 51. gr. – 54. gr. tsl. sé að að ná fram
samlegðaráhrifum og auðvelda félögum að framkvæma skattfrjálsan samruna,
þannig að eignaaukning í slíkum tilvikum leiði ekki til skattlagningar. Þó segir
Hæstiréttur að ekki megi ekki skýra lokamálslið 51. gr. tsl. óháð öðrum ákvæðum
laganna og þá einkum 31. gr. og 49. gr. tsl. Segir orðrétt í dómnum:
Eftir samruna höfðu skuldir Bergeyjar ehf. engan rekstrarlegan tilgang í hinu nýja félagi og
miðuðu ekki að því að afla félaginu tekna, sbr. að framan. Samruninn miðaði ekki heldur að
því að ná fram samlegðaráhrifum og þar með þeim tilgangi sem lá að baki 51. gr... Sá öfugi
samruni, sem fólst í sameiningu Bergeyjar ehf. og P. Samúelssonar hf., miðaði gagngert að
því að koma skuldum yfir á yfirtökufélagið, sem ekki hefur verið véfengt að hafi verið heimilt.
Skilyrði brast hins vegar samkvæmt framansögðu til að kostnaður, sem þeim skuldum fylgir,
teljist frádráttarbær rekstrarkostnaður hjá áfrýjanda, enda eru þær óviðkomandi rekstri
félagsins.
Með þessum rökstuðningi komst Hæstiréttur að því að vaxtagjöldin af láni Bergeyjar
voru ekki frádráttarbær frá skattskyldum tekjum Toyota á Íslandi ehf.
28
Loks hafnaði Hæstiréttur þeirri málsástæðu Toyota á Íslandi að þessi framkvæmd
ríkisskattstjóra feli í sér afturvirkni sem brjóti í bága við 2. mgr. 77. gr. stjskr.
Hæstiréttur komst að því að veita verði ríkisskattstjóra svigrúm til að geta brugðist við
aðstæðum sem ekki hafa áður þekkst í viðskipalífinu, án þess að í því felist afturvirk
skattlagning. Var þessari málsástæðu því hafnað.
Með þessum rökstuðningi staðfesti Hæstiréttur dóm héraðsdóms að öðru leyti með
vísan til forsendna.
6. Eftir dóminn
6.1. Áhrif
Í kjölfar dómsins vöknuðu margar spurningar hjá ýmsum fyrirtækjum, enda fjöldi
fyrirtækja sem hafði gjaldfært vaxtagjöld af lánum í kjölfar skuldsettrar yfirtöku og
öfugs samruna, en embætti ríkisskattstjóra tók 300 samruna til skoðunar, sem höfðu
átt sér stað undanfarin 10 ár.62 Skúli Eggert Þórðarson ríkisskattstjóri, sagði stuttu
eftir að dómur féll í héraði að dómurinn markaði ákveðna stefnu skattyfirvalda og
sagði hann dóminn jafnframt vera fordæmisgefandi.63 Eftir að dómur féll í Hæstarétti
var því haldið fram að dómurinn hefði ekki fordæmisgildi líkt og Skúli hélt fram, ef
hægt væri að sýna fram á að samruninn hafi falið í sér rekstrarlegan tilgang og náð
fram samlegðaráhrifum.64
Reyndin er sú að 27 félög hafa lent í endurálagningu tekjuskattsárin 2008-2013
vegna þessara öfugu samruna og þann 20. mars 2014, svaraði Bjarni Benediktsson
fjármálaráðherra, fyrirspurnum Haraldar Benediktsonar þingmanns um þessar
endurálagningar. Meðal þeirra félaga sem fóru í gegnum skuldsetta yfirtöku og
öfugan samruna eru Dominos Pizza, Ormsson, NTC, Skeljungur, Frumherji, 365,
Aðalskoðun, Hekla, Penninn, Síminn, Samherji, Ölgerðin, Eskja, Húsasmiðjan,
Útgerðarfélag Akureyringa og Icelandair.65 Í svörum Bjarna kom fram að
62
Alþt. 2013-2014, A-deild, þskj. 792 –322 mál. 63
Þórður Snær Júlíusson, „Fordæmisgildi dóms gæti kostað milljarða“ (visir.is)
<http://www.visir.is/fordaemisgildi-doms-gaeti-kostad-milljarda/article/2012706209905> skoðað 14. apríl
2014. 64
„Óvíst um fordæmisgildi dómsins“ (mbl.is, 21. desember 2013)
<http://www.mbl.is/vidskipti/frettir/2013/12/21/ovist_um_fordaemisgildi_domsins//> skoðað 14. apríl 2014. 65
Ritstjórn DV, „Trúir því ekki að endurskoðendur verði látnir bera ábyrgð“ (DV.is, 10. apríl 2013)
<http://www.dv.is/frettir/2013/4/10/truir-thvi-ekki-ad-endurskodendur-verdi-latnir-bera-abyrgd/> skoðað 14.
apríl 2014.
29
heildarsumma þessara endurálagninga nemur 4.006.024.251. kr., en þar af hefur
3.353.304.065. kr. verið greitt. Ógreidd endurálagning nemur því 652.720.186. kr., en
20 af 27 félögum hafa greitt endurálagninguna að fullu. Af þessum 27 fyrirtækjum
hefur eitt verið úrskurðað gjaldþrota.66
Af dóma-og úrskurðarframkvæmd má nefna nýlegan úrskurð ríkisskattstjóra þar sem
endurákvörðuð voru opinber gjöld Icelandair Group hf., en gjaldfærður
fjármagnskostnaður gjaldárin 2008-2013 var lækkaður um allt að 6.400.000.000. kr.
Niðurstöðu sinni til stuðnings vísaði ríkisskattstjóri til Toyotadóms Hæstaréttar. Nú er
ljóst að Icelandair mun kæra úrskurðinn til yfirskattanefndar, en stjórnendur félagsins
telja að mál þeirra og Toyota málið séu ekki sambærileg. Skyldi málið tapast að fullu
fyrir dómstólum gæti eigið fé félagsins lækkað um allt að 1.300.000.000. kr.67 Mjög
reglulega berast fréttir um að ríkisskattstjóri hafi endurákvarðað opinber gjöld félaga,
en nefna má tvö nýleg dæmi. Í fyrsta lagi endurálagningu Ölgerðarinnar sem nemur
583.000.000. kr., en það gerir um þriðjung af bókfærðu eigin fé félagsins. Ákvörðunin
hefur verið kærð til yfirskattanefndar.68 Í öðru lagi hefur ríkiskattstjóri krafið 365 um
229.000.000. kr. vegna öfugs samruna sem átti sér stað árið 2008. Líklegt er að sá
úrskurður verður kærður til yfirskattanefndar þar sem að sögn 365 voru aðstæður allt
aðrar en í Toyota málinu.69
Fróðlegt verður að sjá úrskurði yfirskattanefndar í málum 365, Ölgerðarinnar og
Icelandair Group. Félögin eiga það öll sameiginlegt að þau telja aðrar aðstæður vera
fyrir hendi en í Toyota málinu. Líkt og áður kom fram er ekki útilokað að önnur
niðurstaða fáist í málinu ef hægt er að sýna fram á að samruninn hafi eðlilegan
rekstrartilgang og hafi samlegðaráhrif.
6.2. Samherja dómur
Dómur Hæstaréttar í Samherji hf. g. íslenska ríkinu, Hrd. 23. janúar 2014 í máli nr.
529/2013 hefur talsverða þýðingu, enda er þetta eina málið eftir Toyota sem
Hæstiréttur hefur fengið til umfjöllunar sem fjallar um frádráttarbærni vaxtagjalda í 66
Alþt. 2013-2014, A-deild, þskj. 792 –322 mál. 67
Samúel Karl Ólafsson, „Icelandair kærir niðurstöðu ríkisskattstjóra til yfirskattanefndar“ (Vísir.is, 19.
desember 2013) <http://www.visir.is/icelandair-kaerir-nidurstodu-rikisskattstjora-til-
yfirskattanefndar/article/2013131218838> skoðað 14. apríl 2014. 68
„Ölgerðin krafin um 600 milljónir“ (Viðskiptablaðið, 23. mars 2014) <http://www.vb.is/frettir/103372/>
skoðað 14. apríl 2014. 69
„Ríkisskattstjóri vill 230 milljónir frá 365“ (Viðskiptablaðið, 25. mars 2014)
<http://www.vb.is/frettir/103425/> skoðað 14. apríl 2014.
30
kjölfar öfugs samruna og skuldsettrar yfirtöku. Málið svipar mjög til Toyota málsins og
má sjá margt hliðstætt í þessum tveimur málum.
Í þessu máli hafði ríkisskattstjóri endurákvarðað opinber gjöld Samherja í desember
2011. Í kjölfarið stefndi Samherji íslenska ríkinu og krafðist þess að úrskurðurinn yrði
felldur úr gildi og að íslenska ríkinu yrði gert að endurgreiða Samherja 967.498.286.
kr. Íslenska ríkið krafðist sýknu af öllum kröfum Samherja.
Málsatvik eru þau að fjárfestingarfélagið Fylkir var stofnað í apríl 2005 og var í eigu
stærstu hluthafa Samherja. Í mars 2006 keypti Fylkir 50,76% hlut í Samherja. Kaupin
voru að mestu fjármögnuð með láni og var stofnað til verulegra skulda í því tilefni. Í
kjölfarið var framkvæmdur öfugur samruni, þannig að Fylkir sameinaðist Samherja
undir nafni og kennitölu Samherja. Við samrunann færðust skuldir Fylkis yfir í
Samherja og nær engar eignir á móti. Við þetta lækkaði eigið fé Samherja umtalsvert.
Eftir samrunann gjaldfærði stefnandi vaxtagjöldin af láni Fylkis og ónýtt rekstrartap
þess á móti skattskyldum tekjum sínum gjaldárin 2006-2010.
Í málinu var deilt um það annars vegar hvort Samherja hafi verið heimilt að nýta sér
rekstrartap Fylkis í skattskilum sínum og hins vegar hvort Samherja hafi verið heimilt
að gjaldfæra í reikningsskilum sínum allan kostnað vegna skulda Fylkis, sem færðust
til Samherja við samrunann, þar á meðal vaxtagjöld.
Stefnandi byggði á ýmsum málsástæðum og eru þær mjög svipaðar þeim sem
Toyota hafði uppi í sínu máli. Byggt var á vanhæfi ríkisskattstjóra vegna greinar
Aðalsteins Hákonarsonar um öfuga samruna og skuldsettar yfirtökur, en því hafnaði
Hæstiréttur með vísan til Toyota dómsins. Þá hafnaði Hæstiréttur því einnig að
tveggja ára regla 2. mgr. 97. gr. tsl. ætti við í málinu og taldi að sex ára regla 1. mgr.
97. gr. ætti að gilda.
Í þriðja lagi byggði Samherji á því að félaginu hafi verið heimilt að nýta yfirfæranlegt
rekstrartap Fylkis í skattskilum sínum samkvæmt 54. gr. tsl. Þá taldi Samherja sér
einnig hafa verið heimilt að gjaldfæra allan kostnað vegna lántöku félagsins, þar á
meðal vaxtagjöld.
Hæstiréttur staðfestir niðurstöðu héraðsdóms og hafnar frádrætti vaxtagjalda og
annars fjármagnskostnaðar. Héraðsdómur vísaði til Toyota málsins og segir að gjöld
sem draga má frá tekjum, skuli vera tengd tekjuöflun í rekstri á árinu. Vextir, afföll og
31
gengistöp sem ekki eru tengd atvinnurekstri eða sjálfstæðri atvinnustarfsemi má ekki
draga frá skattskyldum tekjum. Héraðsdómur hafnaði frádrætti gjaldanna með
eftirfarandi rökstuðningi
Samkvæmt því sem fram hefur komið var Fjárfestingafélagið Fylkir ehf. stofnað á árinu 2005
af stærstu hluthöfum stefnanda í því skyni að gera öðrum hluthöfum hans yfirtökutilboð. Kaup
Fylkis á hlutum í stefnanda voru fjármögnuð með lántökum Fylkis ehf. en skuldbindingar
vegna þeirra færðust til stefnanda við samrunann. Stefnandi færði til gjalda í skattskilum sínum
vexti, verðbætur og gengistap af þessum fjárskuldbindingum og einnig vegna endurfjár-
mögnunar þeirra. Eins og fram kemur í úrskurði ríkisskattstjóra tengdist kostnaður stefnanda
vegna þessa ekki rekstri hans. Þar kemur einnig fram að þetta séu ekki gjöld sem eigi á árinu
að ganga til að afla tekna, tryggja þær og halda þeim við heldur sé ráðstöfuninni í heild ætlað
að þjóna beinum hagsmunum hluthafanna. Rekstrarlegir hagsmunir stefnanda hafi ekki legið
að baki þessum kostnaði.
Hér staðfestir Hæstiréttur að vaxtagjöld og annar fjármagnskostnaður af láni, sem
tekið er af yfirtekna félaginu, til kaupa á félagi, telst ekki til frádráttarbærs
rekstrarkostnaðar samkvæmt 31. gr. tsl. í skattskilum yfirtökufélagsins.
6.2.1. Ályktanir
Í kafla 6.1. hér á undan kom fram, að Toyota málið hafi mögulega ekki fordæmisgildi,
ef hægt er að sýna fram á að samruni hafi í för með sér samlegðaráhrif og sé
framkvæmdur í eðlilegum rekstrartilgangi.
Í því samhengi er vert að skoða málsástæður stefnanda og stefnda í málinu og
ummæli héraðsdóms og Hæstaréttar um heimild til nýtingar á yfirfæranlegu
rekstrartapi eftir samruna samkvæmt 54. gr. tsl. Í ákvæðinu er eitt af þeim skilyrðum
sem þarf að uppfylla að samruninn hafi verið gerður í venjulegum eða eðlilegum
rekstrartilgangi.
Í máli Samherja var meðal annars deilt um hvort öfugur samruni í kjölfar skuldsettrar
yfirtöku væri gerður í venjulegum eða eðlilegum rekstrartilgangi. Stefnandi hélt því
fram að ástæður öfuga samruna Fylkis og Samherja hafi verið viðskiptalegs eðlis og
hann hafi verið gerður til að einfalda eignarhald og rekstur á samstæðu félaganna, en
hann taldi það vera fullkomlega lögmætar ástæður fyrir samruna félaga.
Stefndi mótmælti því að ástæður samrunans hafi verið viðskiptalegs eðlis og sagði að
við samrunann hafi engar eignir flust frá Fylki til Samherja. Eigið fé Samherja hafi
skerst verulega í kjölfar samrunans og segir stefndi hann ekki hafa verið gerðan í
32
venjulegum og eðlilegum rekstrartilgangi. Því hafi samruninn ekki haft í för með sér
samlegðaráhrif eða hagræðingu fyrir félögin. Mótmælti stefndi því jafnframt að
stefnandi hefði sýnt fram á hvers eðlis hin viðskiptalega hagræðing væri.
Um þetta sagði héraðsdómur:
Loks eru rök færð fyrir því í úrskurði ríkisskattstjóra að sameiningin hafi ekki verið gerð í
venjulegum og eðlilegum rekstrartilgangi. Þessum röksemdum hefur ekki verið hnekkt af hálfu
stefnanda.
Um þetta sagði Hæstiréttur:
Eins og rakið er í héraðsdómi voru kaup Fjárfestingafélagsins Fylkis ehf. á hlutum í áfrýjanda
áður en félögin runnu saman eingöngu gerð í því skyni að færa eignarhald að áfrýjanda í
hendur þeirra, sem fyrir áttu stærsta hlut í honum. Í þessu skyni stofnaði fjárfestingafélagið til
verulegra skulda. Við samruna félaganna færðust þessar skuldir á herðar áfrýjanda, en nær
engar eignir og lækkaði eigið fé hans verulega við þetta. Þessi samruni hafði að þessu gættu
engan venjulegan eða eðlilegan rekstrartilgang.
Þegar ummæli Hæstaréttar eru skoðað í þessum dómi má velta því fyrir sér hvort í
þeim felist alhæfing, um að skuldsettar yfirtökur og öfugir samrunar sem
framkvæmdir voru með þessum hætti, hafi ekki verið gerðir í venjulegum eða
eðlilegum rekstrartilgangi. Í málum Samherja og Toyota voru í báðum tilvikum stofnuð
eignarhaldsfélög sem tóku lán til að fjármagna kaupin á rekstrarfélaginu. Hæstiréttur
segir í báðum málum að þessi lán hafi verið tekin í þágu hluthafa
eignarhaldsfélagsins til að eignast hlut í rekstrarfélaginu. Í máli Samherja segir
Hæstiréttur að í þessu felist ekki venjulegur eða eðlilegur rekstrartilgangur, en í máli
Toyota segir að samruninn hafi ekki náð fram samlegðaráhrifum.
Af öllu framansögðu má telja líklegt að samrunar sem framkvæmdir voru með sama
hætti og í þessum málum, verða ekki taldir fela í sér venjulegan og eðlilegan
rekstrartilgang né að þeir nái fram samlegðaráhrifum, þannig að komast megi framhjá
niðurstöðu Toyota dómsins, líkt og haldið var fram hér á undan.
7. Úrræði
Í kjölfar dómsins má skoða hvaða úrræði standa fyrirtækjum til boða sem lenda í
endurálagningum á borð við þessar, sem um hefur verið rætt. Áður en farið verður
33
yfir hvaða úrræði standa þessum fyrirtækjum til boða, þá verður farið yfir hvað hefði
verið hægt að gera til að komast hjá þessum endurálagningum.
7.1. Hvað hefði verið hægt að gera?
7.1.1. Samsköttun samkvæmt 55. gr. tsl.
Til álita kemur hvort hægt hefði verið að ná fram sömu skattalegu markmiðum með
samsköttun félaga samkvæmt 55. gr. tsl. Ákvæðið felur í sér undantekningu frá þeirri
meginreglu að hlutafélög og einkahlutafélög eru sjálfstæðir skattaðilar sbr. 1. mgr. 2.
gr. tsl.70 Reglan heimilar tveimur eða fleiri hlutafélögum71 sem verulega háð eru hvert
öðru, að vera skattlögð saman.72
Í 1. mgr. ákvæðisins segir orðrétt:
Ríkisskattstjóri getur heimilað að tvö eða fleiri hlutafélög, sbr. 1. tölul. 1. mgr. 2. gr., séu
skattlögð saman. Skilyrði samsköttunar eru að eigi minna en 90% hlutafjár í dótturfélögum sé í
eigu móðurfélagsins sem óskar samsköttunar eða annarra dótturfélaga sem einnig taka þátt í
samsköttuninni. Jafnframt hafi öll hlutafélögin sama reikningsár og eignarhald hafi varað allt
reikningsárið, nema þegar um nýstofnuð dótturfélög er að ræða eða slit á dótturfélagi.
Samsköttun skal að lágmarki standa í fimm ár og ef samsköttun er slitið er ekki heimilt að
fallast á hana að nýju fyrr en að liðnum fimm árum frá því að henni var slitið. Samsköttun skal
þó falla niður með félagi sé það tekið til gjaldþrotameðferðar eða sæti slitameðferð, sbr. 101.
gr. laga nr. 161/2002
Í ákvæðinu koma fram þrjú skilyrði fyrir því að heimilt sé að samskatta félög. Í fyrsta
lagi þarf 90% af hlutafé í dótturfélagi að vera í eigu móðurfélagsins eða annarra
dótturfélaga sem taka þátt í samsköttuninni. Félögin í samsköttun geta verið fleiri en
tvö, en í slíkum tilvikum er aðalatriðið að móðurfélagið eigi að minnsta kosti 90%
hlutafjár í dótturfélögunum. Heimildin nær einnig til þess þegar móðurfélag er eigandi
90% hlutafjár í dótturfélagi og þau eiga svo saman 90-100% í þriðja félagi.73 Í öðru
lagi þurfa öll hlutafélögin sem taka þátt í samsköttuninni að hafa sama reikningsár, en
í því felst að það verði að byrja og enda á sama tíma.74 Í þriðja lagi þarf 90%
eignarhaldið á dótturfélaginu að hafa varað allt reikningsárið, þ.e. frá upphafi
reikningsársins sem sótt er um samsköttun fyrir og til enda þess. Ef eignarhaldið
70
Stefán Már Stefánsson, Samstæður hlutafélaga (n. 29) 222. 71
Á bæði við um hlutafélög og einkahlutafélög 72
Stefán Már Stefánsson, Samstæður hlutafélaga (n. 29) 223. 73
sama heimild 224. 74
Ásmundur G. Vilhjálmsson, Skattur á fyrirtæki (Skattvís 2003) 543.
34
kemur til á miðju reikningsári, þá yrði samsköttun hafnað, nema í þeim tilvikum þegar
um er að ræða nýstofnað dótturfélag. Í þeim tilvikum er skilyrði að reikningsár hins
nýstofnaða dótturfélags endi á sama tíma og hjá móðurfélaginu.75
Tímamark umsóknar um samsköttun kemur fram í 2. mgr. 55. gr. og segir að umsókn
um samsköttun skal berast ríkisskattstjóra í síðasta lagi þrjátíu dögum fyrir lok
framtalsfrests þess árs sem óskað er eftir að verði samskattað. Þá er jafnframt
skilyrði samkvæmt 1. mgr. 55. gr. tsl. að samsköttun standi yfir í að minnsta kosti
fimm ár, en sé henni slitið innan þess tímamarks er óheimilt að fallast á hana að nýju
fyrr en fimm árum síðar og þá er eingöngu hægt að nýta yfirfæranlegt tap hjá því
félagi sem myndaði tapið, eftir að það hefur verið sérskattað.76
Þegar félög eru samsköttuð samkvæmt 55. gr. tsl. er tekjuskattur af sameiginlegum
tekjuskattstofni allra félaga sem taka þátt í samsköttuninni lagður á móðurfélagið, en
félögin bera sameiginlega ábyrgð á skattgreiðslunum. Þó má ríkisskattstjóri
skattleggja hvert og eitt félag sé óskað sérstaklega eftir því sbr. 3. mgr. 55. gr. tsl.
Því hefur verið talið fylgja almennt hagræði fyrir félög innan samstæðu að fá heimild
til samsköttunar, en með þeim hætti er móður-og dótturfélagi gert kleift að verða ein
skattalegt eining. Með því verður heildartekjuskattur allra félaganna ekki hærri en
hann ella hefði orðið ef starfsemi samstæðunnar hefði verið rekin í einu félagi.77 Með
samsköttun er hægt að nýta tap eins eða fleiri félaga sem þátt taka í samsköttuninni
til frádráttar á skattskyldum tekjum annars félags innan samstæðunnar og lækka
þannig skattgreiðslur þess félags, sem hefði ekki gerst ella.78 Kosturinn við
samsköttun er þannig sá að hægt er að nota allt tap strax til frádráttar rekstrarafgangi
innan samstæðunnar, en innan eins og sama félags er heimilt að yfirfæra tap sem
verður í því á einu eða fleiri árum og nota það til lækkunar á rekstrarafgangi ef hann
verður í félaginu síðar.79 Um yfirfæranlegt rekstrartap gildir hins vegar ákvæði 2.
málsl. 4. mgr. 55. gr. tsl., en þar segir að félag sem gengur í samsköttun og á
uppsafnað rekstrartap sem stafar af rekstri þess frá því fyrir samsköttun, getur
eingöngu nýtt það í því félagi.
75
sama heimild. 76
Stefán Már Stefánsson, Samstæður hlutafélaga (n. 29) 225. 77
sama heimild 224. 78
sama heimild. 79
sama heimild.
35
Ef félögin hefðu verið samsköttuð 1. janúar 2006 í tilviki Toyota, þá hefðu
vaxtagjöldin af láninu frá desember 2005 ekki komið til frádráttar, en vaxtagjöld frá og
með 1. janúar hefði verið hægt að gjaldfæra, líkt og stefnt var að. Við samsköttun er
hægt að nýta vaxtagjöldin strax og því talsvert hagræði fólgið í þeirri aðferð. Hefði
þessi leið verið farin, hefði frádráttur vaxtagjaldanna verið heimilaður.
7.1.2. Bindandi álit
Kemur þá næst til skoðunar sá möguleiki að fara fram á bindandi álit frá
ríkisskattstjóra, áður en vaxtagjöld voru gjaldfærð í skattskilum fyrirtækja.
Um bindandi álit gilda lög nr. 91/1998 um bindandi álit í skattamálum.80 Í frumvarpi
með lögunum segir að gert sé ráð fyrir að skattaðilar geti óskað eftir því við
ríkisskattstjóra að hann gefi út bindandi álit um skattaleg áhrif fyrirhugaðra
ráðstafanna skattaðila og þannig fengið úr því skorið hvernig álagning ríkisskattstjóra
verður séu ráðstafanirnar framkvæmda.81
Sá sem hefur verulega hagsmuna að gæta í máli getur sent ríkisskattstjóra beiðni
um að gefa út bindandi álit sbr. 1. mgr. 1. gr. básl. Beiðnin þarf að vera skrifleg og
afmörkuð um atvik og álitaefni sem um er spurt og henni þurfa að fylgja gögn og
upplýsingar.Beiðnina skal senda í tækri tíð sbr. 1. mgr. 2. básl. Það er lykilatriði að
ráðstöfunin sem beiðni um bindandi álit lýtur að sé ekki framkvæmd, en þá fellur
beiðnin sjálfkrafa úr gildi sbr. 3. mgr. 2. gr.
Ríkisskattstjóra á að láta uppi bindandi álit eins fljótt og unnt er, en taki það lengri
tíma en þrjár vikur ber að láta álitsbeiðenda vita um töfina og ástæður hennar.
Hámarksfrestur er þó þrír mánuðir sbr. 1. mgr. 3. gr. básl.
Ríkisskattstjóri leggur hið bindandi álit til grundvallar við skattlagningu og er það
bindandi fyrir skattyfirvöld að svo miklu leyti sem málavextir breytast ekki sbr. 1. mgr.
6. gr. básl. Skattaðili getur kært álit ríkisskattstjóra til yfirskattanefndar samkvæmt 1.
mgr. 3. gr. laga nr. 30/1992 um yfirskattanefnd82 og fer málsmeðferð að öðru leyti
fram eftir þeim lögum sbr. 1. mgr. 5. gr. básl.
80
Hér eftir básl. 81
Alþt. 1997-1998, A-deild, þskj. 941 – 522. mál, almennar athugasemdir við frumvarp. 82
Hér eftir ysknl.
36
Af framangreindri umfjöllun er ljóst að hefði þessi leið verið farin, hefðu fyrirtækin
fengið úrlausn um hvort vaxtagjöldin væru frádráttarbær samkvæmt 31. gr. tsl. og
þannig sloppið við endurálagningu.
Gallarnir eru aftur á móti þeir að hér er um tímafrekt ferli að ræða og þarf að ráðast í
það með nægum fyrirvara. Allt að þrír mánuðir geta liðið þar til niðurstaða
ríkisskattstjóra liggur fyrir sbr. 1. mgr. 3. gr. básl. og fari málið alla leið fyrir
yfirskattanefnd hefur nefndin sex mánuði til að úrskurða í málinu frá því að gögn aðila
liggja fyrir sbr. 1. mgr. 8. gr. ysknl.
7.2.1. Skaðabótaábyrgð sérfræðinga
Til álita kemur hvort endurskoðendur eða lögmenn sem komu að þessu ferli, geta
borið ábyrgð á því fjárhagslega tjóni sem endurálagningin hefur haft í för með sér. Í 1.
mgr. 25. gr. laga nr. 77/1998 um lögmenn83 og 1. mgr. 27. gr. laga nr. 79/2008 um
endurskoðendur84 kemur fram að lögmenn og endurskoðendur bera ábyrgð á tjóni
sem þeir eða starfsmenn þeirra valda í starfi samkvæmt almennum reglum. Vegna
þessa hvílir á endurskoðendum og lögmönnum sú skylda að vera með
starfsábyrgðartryggingar sbr. 1. mgr. 6. gr. enl. sbr. 2. mgr. 25. gr. lml.
Við mat á mögulegri skaðabótaskyldu þeirra þarf að skoða hina svokallaða
sérfræðiábyrgð, en það er réttarsvið innan skaðabótaréttar þar sem beiting á
sakarreglunni leiðir til strangari ábyrgðar sérfræðinga.85 Í sakarregunni felst að verði
maður fyrir tjóni vegna saknæmrar eða ólögmætrar háttsemi annars manns og tjónið
er sennileg afleiðing af hegðun hans, þá ber tjónvaldurinn skaðabótaábyrgð á því
tjóni.86 Sönnunarbyrðin hvílir á tjónþola um þessi atriði, en þó er þekkt að í málum
sem varða sérfræðiábyrgð sé hliðrað til með sönnun um atvik sem leiddu til tjóns,
fjárhæð tjóns og orsakatengsl milli bótaskyldrar háttsemi og tjóns.87
Störfum sérfræðinga hefur verið skipt upp í flokka eftir eðli þeirra, en störf lögmanna
sem snúa að upplýsingum eða ráðgjöf falla í flokk sem nefnist árangursmiðuð
vinnubrögð. 88 Í þeim tilvikum hefur oft verið við það miðað að kröfurnar sem gerðar
83
Hér eftir lml. 84
Hér eftir enl. 85
Viðar Már Matthíasson, Skaðabótaréttur (Codex 2005) 503. 86
sama heimild 140. 87
sama heimild 512. 88
sama heimild 506–507.
37
eru til þeirra, eru að vandað sé til verka og verkið sé leyst af hendi fagmannlega. Sem
dæmi má nefna þegar lögmaður þarf að veita ráðgjöf um flókin lögfræðileg álitaefni
þar sem ekki er hægt að fullyrða hver niðurstaðan verður. Í slíkum tilvikum hefur verið
talið að veita verði ákveðið svigrúm, enda torvelt að spá fyrir um niðurstöðu málsins.
Einungis er hægt að gera þá kröfu að lögmaðurinn inni rétt og vönduð vinnubrögð af
hendi og geri skjólstæðingnum sínum grein fyrir þeirri óvissu sem ríkir um niðurstöðu
málsins.89 Hafa fullnægjandi upplýsingar og ráðgjöf verið veitt, er það undir
viðskiptamanni komið að taka ákvörðun, en hann verður sjálfur að bera ábyrgð á
áhættunni sem í ákvörðun hans því fellst.90 Sönnunarbyrðin um að ráðgjöf hafi verið
ábótavant hvílir á tjónþola.91
Á lögmönnum og endurskoðendum hvíla margvíslegar skyldur lögum samkvæmt og
koma mörg ákvæði til skoðunar þegar meta á hvort ólögmæt háttsemi sé fyrir hendi. Í
gildi eru sérstakir lagabálkar um báðar starfsstéttir. Má sem dæmi nefna 1. mgr. 8. gr.
lml. þar sem segir að endurskoðendur eiga að rækja störf sín af kostgæfni og
samviskusemi og fara eftir lögum og reglum. Einnig má nefna 18. gr. laga lml., en þar
segir að lögmenn ber að rækja störf sín af alúð og neyta allra lögmætra úrræða til að
gæta lögvarinna hagsmuna umbjóðenda sinna.92
Lögmenn geta einnig borið skyldur samkvæmt öðrum sérlögum og má í þessu
samhengi nefna lög nr. 99/2004 um sölu fasteigna, fyrirtækja og skipa. Má um þetta
vísa í dóm Hæstaréttar í Eyvindur Jóhannsson g. KPMG ehf., KPMG lausnum ehf.,
KMPG FS ehf., Einari Sveinbjörnssyni og Benedikt Kjartani Magnússyni, Hrd. 7.
nóvember 2013 í máli nr. 302/2013. Málið snérist um sölu á tveimur félögum sem
endurskoðendafyrirtækið KPMG höfðu milligöngu um. Aðili hafði selt tvö félög til
KPMG FS21, skúffufélag sem var stofnað og var í eigu KPMG. Félagið varð
gjaldþrota og hafði þá ekki greitt kaupverð að fullu. Engin trygging var fyrir
kaupverðinu úr hendi KMPG FS21. Aðilinn krafði KPMG, KPMG Lausnir, KPMG FS
og tvo starfsmenn félagsins um skaðabætur. Hæstiréttur taldi að áðurnefnd lög nr.
99/2004 ættu við um hlutverk KPMG. KPMG og starfsmaður þeirra undirritaði skjölin
um viðskiptin, en þeir gerðu ekki aðilanum grein fyrir þeirri áhættu sem fólst í
viðskiptunum,. Þannig hefði KPMG borið að gæta hagsmuna seljenda og kaupenda í
89
sama heimild 507. 90
sama heimild. 91
sama heimild 508. 92
sama heimild 505.
38
viðskiptunum sbr. 1. mgr. 15. gr. laganna. Þessi vanræksla var metin stefndu til
sakar. Var tjónþolanum dæmdar 122.488.155. kr. í skaðabætur, en hann var látinn
bera 1/3 af tjóninu sínu sjálfur, en hann hafði staðið fyrir atvinnurekstri frá árinu 1995
og aflað sér reynslu í viðskiptum. Því taldi Hæstiréttur að gera mætti ríkari kröfur til
aðgæslu hans í viðskiptunum.
Í þeim málum sem til skoðunar er og snerta endurálagningar vegna frádráttar á
vaxtagjöldum, getur aðkoma endurskoðenda og lögmanna verið mismunandi. Við
mat á réttarstöðu félaganna sem endurálagningu hafa sætt, þarf fyrst að skoða hvort
tjóni sé til að dreifa, en telja verður að tjónið nemi fjárhæð endurálagningar sem
félögin sæta. Hefðu vaxtagjöldin ekki verið gjaldfærð, hefði líklega ekki komið til
þessara endurálagningar. Hin skaðabótaskylda háttsemi, eða saknæma og
ólögmæta hegðun, var þegar vaxtagjöldin af láni yfirtekna félagsins voru gjaldfærð í
skattskilum yfirtökufélagsins. Hefur það verið staðfest í dómum Hæstaréttar í málum
Samherja og Toyota og fleiri úrskurðum ríkisskattstjóra. Þegar tjónvaldur hefur veitt
ráðgjöf sem er í andstöðu við fordæmi dómstóla, þá er háttsemin ólögmæt í þessum
skilningi.93 Verður því að telja að hér sé fyrir hendi saknæm og ólögmæt háttsemi.
Sé ráðgjöf ábótavant getur það einnig verið metið sérfræðingi til gáleysis, sem leitt
getur til skaðabótaskyldu. Má í dæmaskyni nefna dóm Hæstaréttar í Sigurður B.
Sigurðsson g. Sverri Kristjánssyni, Hrd. 9. desember 2004 í máli nr. 184/2004. Málið
fjallaði um tjón sem stefnandi varð fyrir í fasteignaviðskiptum og höfðaði hann mál á
hendur fasateignasala þeim sem hafði milligöngu um kaupin. Stefnandi byggði á því
að tjóni hefði orðið vegna þess að ráðgjöfinni væri ábótavant og hefði fasteignasalinn
ekki varað við áhættunni sem viðskiptunum fylgdi. Hæstiréttur staðfesti forsendur
héraðsdóms og komst að því að ekki hefði verið sýnt fram á að tjónið yrði rakið til
þess að stefnandi hefði ekki fengið nægilegar upplýsingar. Talið var að
fasteignasalinn hefði brýnt fyrir honum þá áhættu sem í kaupunum fólst.
Telja verður ljóst að hið fjárhagslega tjón fyrirtækjanna hafi orðið vegna hinna
saknæmu hegðunar, sem var frádrátturinn á vaxtagjöldunum Verður því að telja að
fjártjónið sé afleiðing þess og að orsakatengsl séu á milli gjaldfærslunnar og
tjónsins.Það er þó einnig er mögulegt að tjónþoli geti byggt á að ráðgjöf lögmanns
eða endurskoðenda hafi verið ófullnægjandi og þar af leiðandi saknæm og ólögmæt.
93
sama heimild 219.
39
Lykilatriði er að tjónþoli geti sannað að ráðgjöf lögmanns eða endurskoðenda hafi
ekki verið fullnægjandi, en mörg mál á hendur sérfræðinga snúast um þetta álitaefni.
Að öðrum kosti gefnum gæti tjónþoli þurft að bera tjón sitt sjálfur.94 Slík sönnun gæti
til að mynda tekist ef fyrir liggja minnisblöð eftir lögmann eða endurskoðenda og að
ekki hafi hafi verið varað við þeirri áhættu, sem í fléttunni fólst.Takist sú sönnun, þá er
sönnunarbyrðinni um afleiðingar snúið við, en þá hvílir það á sérfræðingi að sanna að
hin saknæma háttsemi hafi ekki valdið tjóninu.95
Af öllu framangreindu má leiða talsverðar líkur að því að lögmenn og endurskoðendur
geti borið ábyrgð á því fjárhagslega tjóni sem endurálagningarnar höfðu í för með
sér.
7.2.2. Yfirfærsla skulda
Til álita kemur að skoða þá leið sem undirritaður kýs að kalla yfirfærsla skulda og
svipar hún að sumu leyti til þeirrar aðferðar sem farin var hér á árum áður.
Sú aðferð sem hér er farin er á þá leið að A hf. fær vaxtaberandi lán til að kaupa að
minnsta kosti 90% hlutafjár í félaginu B hf. og framkvæmd er skuldsett yfirtaka á því
félagi. Í kjölfarið eru félögin samsköttuð samkvæmt 55. gr. tsl. Skráður tilgangur B hf.
samkvæmt samþykktum þess þarf meðal annars að vera lánastarfsemi. Þar næst
tekur dótturfélagið B vaxtaberandi lán og lánar móðurfélagi sínu, en lán frá
dótturfélagi til móðurfélags er heimilt á grundvelli 6. mgr. 104. gr. hfl. sbr. 6. mgr. 79.
gr. ehfl.
Mynd 6: Yfirfærsla skulda
94
sama heimild 507. 95
sama heimild 515.
40
Það sem hér er hagkvæmt í skattalegu tilliti, er að vaxtagjöldin af láninu sem A tekur
til að kaupa B eru frádráttarbær samkvæmt 31. gr. tsl., en það fékkst staðfest í
Toyota málinu að vaxtagjöldin af láninu sem Bergey tók til til að kaupa P.
Samúelsson, hefðu verið frádráttarbær hjá Bergey ehf.96
Lánið sem B tekur frá Banka 2 er vaxtaberandi og fær B því að draga þau vaxtagjöld
frá í skattskilum sínum. Að sama skapi fær B vaxtatekjur af láninu sem það veitti.
Lánið fer þar af leiðandi í að afla tekna í félaginu samkvæmt 1. tl. 31. gr. tsl. og
tengist atvinnurekstri eða sjálfstæðri starfsemi í skilningi 2. mgr. 49. gr. tsl.
Líkt og á við um margar ráðstafanir sem miða að því að lágmarka skattgreiðslur
fyrirtækja, verður að gera fyrirvara við þessa aðferð enda ófyrirsjáanlegt hvort
ríkisskattstjóri geri athugasemd við þessa aðferð og finni að henni. Ekki er ólíklegt að
ríkisskattstjóri byggi á því að samkvæmt 2. mgr. 104. gr. hfl. sé félögum óheimilt að
veita lán til að fjármagna kaup á hlutum í sjálfu sér. Hér er 6. mgr. 104. gr. hfl. í
andstöðu við áðurnefnt ákvæði, en því hefur verið haldið fram að túlkun ákvæðanna
eigi að taka mið af tilgangi 2. mgr. 104. gr. hfl. og standi ákvæðið því óbreytt þrátt fyrir
6. mgr. 104. gr. Samkvæmt því er dótturfélagi almennt heimilt að veita móðurfélagi
lán, en ekki til að fjármagna hluti í sjálfu sér.97 Í þessu samhengi þarf þó að hafa í
huga að í Toyota málinu segir að 2. mgr. 104. gr. hfl. hafi enga þýðingu hvað
vaxtagjöldin varðar og ekki var tekin efnisleg afstaða til þess hvort um brot gegn
ákvæðinu væri að ræða, með þeirri aðferð sem farin var. Sama var uppi á teningnum
í máli Samherja, en þar taldi íslenska ríkið að brotið væri gegn 2. mgr. 104. gr. hfl., en
þar tók Hæstiréttur heldur enga efnislega afstöðu til þeirrar málsástæðu.
Önnur áhætta sem í þessu felst er hvort ríkisskattstjóri finni að gjaldfærslunni á
vaxtagjöldunum og telji þær ekki tengjast rekstri félaganna. Í þessu sambandi má
vísa til dóms Hæstaréttar í máli Byggðaþjónustan hf. g. Sýslumanninum í Kópavogi,
Hrd. 9. september 2005 í máli nr. 344/2005. Þar var deilt um hvort
Byggðaþjónustunni hf. hefði verið heimilt að gjaldfæra kostnað af húsnæði sem
stjórnarmenn þess bjuggu í, en félagið rak bókhaldsstofu í öðru húsnæði. Við mat á
þessu skoðað Hæstiréttur starfsemi félagsins og skilyrði 31. gr. tsl. um að gjöld sem
væru frádráttarbær yrðu að ganga til tekjuöflunar í rekstrinum. Hæstiréttur komst að
því að húsnæðið var ekki aflað í því skyni að það nýttist í rekstri sóknaraðila, heldur
96
Hrd. 28. febrúar 2013 í máli nr. 555/2012, kafli III, mgr. 4. 97
Stefán Már Stefánsson, Samstæður hlutafélaga (n. 29) 106.
41
var það nýtt í þágu fyrirsvarsmanna félagsins. Hafði engin starfsemi þar farið fram.
Með hliðsjón af þessu og þeim rekstri sem Byggðaþjónustan hafði með höndum, var
þessari gjaldfærslu hafnað. Skipti hér engu máli þótt leiga hefði verið greidd og
raunverulegar tekjur hefðu orðið til við útleigu húsæðisins.
Það er því möguleiki að ríkisskattstjóri horfi á rekstur B, beri hann saman við
lánveitinguna til B og meti þannig hvort tekjurnar af lánveitingunni séu sambærilegar
þeim tekjum sem almennt verða til í rekstri félagsins. Það er mögulega hægt að
fyrirbyggja þetta, með því að hafa skráðan tilgang félagsins m.a. „lánastarfsemi“ og
sýna fram á að lánveitingin hafi raunverulegan rekstrartilgang hjá B og gangi
sannarlega til tekjuöflunar í félaginu.
8. Samantekt
Hér að framan hefur verið gerð grein fyrir skuldsettum yfirtökum, öfugum samrunum
og gjaldfærslu á vaxtagjöldum í kjölfar þeirra. Fram hefur komið í tveimur dómum
Hæstaréttar að slík gjaldfærsla sé óheimil og hefur það verið staðfest í nýlegum
úrskurðum ríkisskattstjóra. Engu að síður hafa ríkisskattstjóri og dómstólar hvorki
fundið að hinni skuldsettu yfirtöku né öfugum samrunum og eru slíkir samrunar taldir
vera gildir skattaréttarlegir samrunar.
Ítarleg rannsókn á Toyota og Samherja málunum sýnir að dómarnir eiga margt
sameiginlegt og staðfestir Samherja málið ýmis atriði sem fram komu í máli Toyota.
Má þar helst nefna að ríkisskattstjóri og undirmenn hans eru ekki vanhæfir til að fjalla
um skuldsettar yfirtökur og öfuga samruna, þrátt fyrir grein Aðalsteins Hákonarsonar
um aðferðina, en hann gegnir yfirmannsstöðu hjá ríkisskattstjóra.Þar að auki var það
staðfest að öfugir samrunar og skuldsettar yfirtökur fela ekki í sér venjulegan eða
eðlilegan rekstrartilgang og þetta er ekki til þess fallið að ná fram samlegðaráhrifum,
líkt og markmið 51.gr. – 54. gr. tsl. eru. Þessar aðgerðir voru í báðum málum taldar
vera gerðar í þágu hluthafa hins nýstofnaða félags, í þeim eina tilgangi að eignast
rekstrarfélagið. Þá staðfesti Hæstiréttur fyrri niðurstöður sína og hafnaði gjaldfærslu á
vaxtagjöldum eftir öfugum samruna í kjölfar skuldsettrar yfirtöku.
Í kjölfarið hafa áhrif þessara dóma og endurálagninga ríkisskattstjóra verið skoðuð og
niðurstaðan er sú að tæplega 4.000.000.000. kr. hafa safnast í ríkissjóð. Fjöldi félaga
hafa sætt endurálagninu hjá ríkisskattstjóra nýlega og vitað er um að nokkur þeirra
42
ætla að kæra þá niðurstöðu til yfirskattanefndar. Því verður fróðlegt að fylgjast með
framvindu mála í framtíðinni.
Í ritgerðinni hafa verið rannsökuð önnur úrræði sem stóðu fyrirtækjunum til boða
áður en farin var sú leið sem undirritaður hefur gert að umfjöllunarefni sín. Leiðir sú
skoðun í ljós að hægt var að ná fram sömu hagræðingu með öðrum leiðum.
Augljósasta leiðin og sú sem oftast hefur verið nefnd í þessu samhengi er að
samskatta eignarhaldsfélagið og rekstrarfélagið samkvæmt 55. gr. tsl. og gjaldfæra
vaxtagjöldin af láninu strax í kjölfarið. Önnur leið sem hefði verið möguleg var að fara
fram á bindandi álit frá ríkisskattstjóra áður en gjaldfærslan átti sér stað, en með þeim
hætti hefði verið hægt að átta sig á afstöðu ríkisskattstjóra og sleppa þannig við
endurálagninguna.
Skoðuð hafa verið úrræði í kjölfar endurálagningar. Var þar fjallað um nýja aðferð
sem hefur verið notuð og nefnist yfirfærsla skulda. Fjallað hefur verið um þá kosti og
þær áhættur sem aðferðin hefur í för með sér. Niðurstaðan varð sú að sú leið væri
fyrirtækjum fær og hún nær fram sömu niðurstöðu og stefnt var að.
Þá var loks skoðað hvort að endurskoðendur eða lögfræðingar geta borið ábyrgð á
því fjárhagslega tjóni sem endurálagningarnar höfðu í för með sér. Var hin svokallaða
sérfræðiábyrgð skoðuð í því samhengi, en sakarmatið þar er strangt. Niðurstaðan
varð sú, að ekki er útilokað að háttsemi lögmanna og endurskoðenda verði metin
þeim til gáleysis eða saknæmis, og gætu þeir því borið skaðabótaábyrgð á því tjóni
sem félögin verða fyrir við endurálagningu.
43
Heimildaskrá
„Óvíst um fordæmisgildi dómsins“ (mbl.is, 21. desember 2013) <http://www.mbl.is/vidskipti/frettir/2013/12/21/ovist_um_fordaemisgildi_domsins//> skoðað 14. apríl 2014
——, „Ríkisskattstjóri vill 230 milljónir frá 365“ (Viðskiptablaðið, 25. mars 2014) <http://www.vb.is/frettir/103425/> skoðað 14. apríl 2014
——, „Ölgerðin krafin um 600 milljónir“ (Viðskiptablaðið, 23. mars 2014) <http://www.vb.is/frettir/103372/> skoðað 14. apríl 2014
Aðalsteinn Hákonarson, „Skuldsettar yfirtökur og öfugur samruni“ [2008] (desember) Tíund 9
Ágúst Karl Guðmundsson, Milliverðlagning (Lagastofnun Háskóla Íslands 2006)
Ásmundur G. Vilhjálmsson, Skattur á fyrirtæki (Skattvís 2003)
Gylfi Knudsen, Fræðigreinin skattaréttur
Inga Birna Guðmundsdóttir og Skúli Eggert Þórðarson, „Skattasniðganga og skilgreining hennar“ [2009] (júní) Tíund 22
Jónatan Þórmundsson, Fyrirlestrar í skattarétti (1982)
Kristján Gunnar Valdimarsson, „Tímafrestir vegna endurákvörðunar endurálgningar“ [1997] (október) Tíund 5
——, „Skattasniðganga“ (1999) 49 Tímarit lögfræðinga 219
Páll Jóhannesson og Andri Gunnarsson, Tekjuskattur - kennsluhefti (óútg., 2012)
Ritstjórn DV, „Trúir því ekki að endurskoðendur verði látnir bera ábyrgð“ (DV.is, 10. apríl 2013) <http://www.dv.is/frettir/2013/4/10/truir-thvi-ekki-ad-endurskodendur-verdi-latnir-bera-abyrgd/> skoðað 14. apríl 2014
Ríkisskattstjóri, „Ferill ágreiningsmála“ (RSK) <https://www.rsk.is/atvinnurekstur/malsmedferd-og-rettarreglur/ferill-agreiningsmala/nr/63> skoðað 19. apríl 2014
Samúel Karl Ólafsson, „Icelandair kærir niðurstöðu ríkisskattstjóra til yfirskattanefndar“ (Vísir.is, 19. desember 2013) <http://www.visir.is/icelandair-kaerir-nidurstodu-rikisskattstjora-til-yfirskattanefndar/article/2013131218838> skoðað 14. apríl 2014
Sigurjón Högnason, „Skuldsett yfirtaka og öfugur samruni“ (KPMG.is, 26. janúar 2012) <https://www.kpmg.com/IS/is/utgefidefni/greinar-og-utgefid/frodleikur-a-fimmt/Documents/SH%20-%20skuldsett%20yfirtaka%20-%20jan%202012.pdf> skoðað 12. apríl 2014
Stefán Már Stefánsson, Hlutafélög, einkahlutafélög og fjármálamarkaðir (Hið íslenska bókmenntafélag 2003)
44
——, Samstæður hlutafélaga (Hið íslenska bókmenntafélag 2008)
Sudarsanam, P. S., Creating value from mergers and acquisitions : the challenges : an integrated and international perspective (Prentice Hall 2003)
Viðar Már Matthíasson, Skaðabótaréttur (Codex 2005)