Upload
riana-janse-van-rensburg
View
218
Download
0
Embed Size (px)
DESCRIPTION
Nuusflitse
Citation preview
NUUSFLITSE
Gedurende hierdie kwartaal staan ons by die Psalms by die Oggend
Bybelstudie stil. Terwyl ek so deur die Psalms blaai, wonder ek hoe ‘n
psalm sou klink as ekself een sou skryf.
Een van die kosbaarhede van die Psalms is dat dit soveel menslike
emosie en ervaringe vasvat. Dink maar aan die bekende Psalm 23
wat erken dat die Here vir ons soos ‘n Herder is en selfs as ons deur
moeilike omstandighede gaan, is Hy daar. Of Psalm 121 wat vra
waar sal my hulp vandaan kom as dinge my oorweldig? Of Psalm
139 wat troos met die woorde dat die Here ons deur en deur ken.
Hoe klink jou Psalm vandag? Het jy ‘n klaaglied of ‘n loflied? Is dit
dalk iets van beide? Ons kan by die Psalmskrywers leer dat ons alles
vir die Here kan bring: ons vreugde, hartseer, skuld, woede en pyn.
Dit is belangrik dat ons in ons verhouding met die Here tyd sal span-
deer om met God ons emosies en ervarings te deel. Maar be-
langriker is dat ons, ons sal oopstel dat God deur Sy Woord ons kan
vorm. Daarom is Psalm 1 so kosbaar en waar: “Dit gaan goed met
die mens wat nie die raad van goddeloses volg nie, nie met son-
daars omgaan en met ligsinniges saamspan nie, 2maar wat in die
woord van die Here sy vreugde vind, dit dag en nag oordink. 3Hy is
soos ’n boom wat by waterstrome geplant is, wat op die regte tyd
vrugte dra en waarvan die blare nie verdroog nie. Hy is voorspoedig
in alles wat hy aanpak.”
Terwyl ons besig is om Christus te ontdek in Sy Woord, vorm Hy ons
om te leef soos Hy. Maak ek en jy genoeg tyd om tyd saam met die
Here in Sy Woord te spandeer? Die Bybel is tog vir transformasie
bedoel en nie net informasie nie. Daarom moet ons soos Psalm 1
bome wees wat by waterstrome geplant is, wat op die regte tyd
vrugte dra. Hierdie vrugte bring lewe aan mense wat dit nodig het.
Maak nie saak wat jou psalm vandag is nie, God hoor jou en jy kan
dit voor Hom bring. Weet dat Hy jou hart ken en dat jy ware vreugde
kan ervaar. Die Here is met ons elkeen op sy eie tyd besig, maar Hy
los ons nooit alleen nie.
Mag jy die Here opnuut ontdek as jy tyd in sy Woord spandeer en jou
lewe voor Hom uitgiet.
As jy ‘n Psalm sou skryf...
WAT GEBEUR VANDAG
08:00 : Erediens (Henk Jv Rensburg) 08:00 : Kinderkerk (3jr–Gr 3)
09:00 : Junior Geselsgroepe (Gr 4–7)
10:00 : Erediens (Henk Jv Rensburg)
10:00 : Kinderkerk (3jr–Gr 3)
13:00 : Afrikatale Erediens
17:00 : Senior Geselsgroepe (Gr 8–11) 18:30 : Aanddiens (Herman Matthee)
KERKKANTOOR CD VERKOPE
Plaas gerus ’n bestelling vir oudio opnames van die
eredienste.
Kontant by bestelling
BYBELSTUDIE
Tema vir die kwartaal is
Psalms
Kom ontdek die Woord saam met vriende in ‘n
ontspanne atmosfeer.
Elke Dinsdag om 09:00
Bid asseblief saam met ons vir die volgende mense: • Boet Zeelie wat in hospitaal opgeneem is. • Elna van Rensburg en familie na die afsterwe van haar pa.
• Ian Truter wat herstel na brandwonde. • Tannie Anna Schoeman wat tuis aansterk na skoueroperasie.
• Ina Rautenbach wat tuis aansterk. • Amelia Visagie wat tuis aansterk na ‘n nekoperasie.
• Pieter Scheepers wat herstel na rugoperasie.
• Oom Hennie Beetge wat ernstig siek is. • Danie McLachlan se kanker is in remissie. • Ronnie v Deventer wat met kanker worstel. • Jannie Botha wat met kanker worstel. • Hannie Ferreira wat behandeling ontvang. • Hennie Kaltwasser wat steeds in versorgings-eenheid is.
God is vir ons ‘n toevlug en ‘n beskerming;
Hy was nog altyd bereid om te help in nood.
Psalm 46:2
HUWELIKSNAWEEK : 27-29 JULIE 2012
Wil jy en jou man/vrou julle huwelik versterk, laat groei of dalk
herstel?
Die naweek van 27 - 29 Julie bied die Sentrum vir Lewenskuns ‘n
huwelikswerkswinkel aan om jou presies hierin te begelei.
Vrydagaand 18:00-21:00: “oop vir
almal” @ R120 p.paar.: Inset oor die
Bybelse perspektief van die huwelik ; ‘n
kort oorsig oor die inhoud van die hu-
welikswerkswinkel wat op Sa.en So.
volg en ‘n demonstrasie van ‘n Imago
frustrasie dialoog. (dit is vir dié van julle
wat nog nie seker is of julle die
werkswinkel as geheel wil meemaak
nie en dit by ‘n vlg. geleentheid sou
wou doen)
Saterdag en Sondag (8:00–18:00) die volledige Huweliks-
werkswinkel @ R1 300 per paar (insluitend Vrydagaand, twee
ligte maaltye, koffie,tee en versnapperinge asook lesingmate-
riaal. Die eerste 8 pare wat ‘n 50% deposito betaal het, sal die
spesifieke werkswinkel bywoon. Volgende werkswinkels sal,
afhangend van die behoefte, kwartaalliks aangebied word.
Besprekings en betalings geskied by Amanda by die
kerkkantoor.
Vrouekamp
19 – 21 Oktober
By Meulstroom Lodge (anderkant Bronkhorstspruit)
www.meulstroomlodge.co.za
Spreker: Thea Coetzer Onderwerp: “Wie is ek in
God se hart?” Kostes: R600 per persoon, sluit alle etes en akkommo-
dasie in Bespreek asb vroegtydig jou plek by Amanda. Net 70
plekke beskikbaar
VROUEBEDIENING BYEENKOMS:
20 Augustus om 19h00 in Ouditorium
Spreker: Madelein Greyling -
Voorkomskonsultant en stillis
Onderwerp: Klere, kleure, hare en
grimering
Kaartjies: R30 per persoon, te koop by
Kerkkantoor.
Pos beskikbaar by
Hoëveld Sinode
FONDSONTWIKKELAAR
Vir posomskrywing en vereistes kontak die kerkkantoor Riana 012 662-1708 /
Kyk ook op die web:
http://goo.gl/kvhEd
4 AUGUSTUS 2012 14:00 Fondsinsamelinsprojek ten bate van:
Christelike Maatskaplike Raad (CMR) Lyttelton en Rusoord Centurion (agter Doringkloof)
Hoe jy kan deelneem op die dag:
Jy kan 'n gasheer/gasvrou wees van 'n lapa van 40 mense. 'n Lapa kos R4000 en kan 40 mense vat.
Dus is kaartjies R100 per persoon, plus 'n bottel wyn as skenking vir die wynveiling wat by die fees
gaan plaasvind. Jy kan die lapa koop en mense ontvang, of 40 kaartjies per lapa verkoop en mense
ontvang. Van die gasheer/gasvrou word verwag om potjie te maak op die dag en die lapa te ver-
sier. Die feeskomitee voorsien elke gasheer/vrou met 'n “starter pack”/handleiding wat al die
“detail” van die fees bevat en duidelike riglyne vir elke persoon gee. Die komitee voorsien alle
bestandele van alles wat gemaak moet word. Dit is om die werk van die gasheer/vrou makliker en
meer vervullend te maak.
Jy kan 'n eksotiese dis gaarmaak vir mense om aan te proe. "The sky is the limit"!
Jy kan 'n kaartjie koop en gaan bywoon en die vermaak geniet.
Hoe jy vooraf kan deelneem, en nie op die dag nie:
Jy kan bak vir Tant Kitty se kombuis. Enigiets wat mens sal vind by 'n plek met 'n naam soos "Tant Kitty
se kombuis", wees kreatief en droom groot.
Lapas verkoop aan enigeen wat sal baat vind by die ervaring van die wildsfees.
Kaartjies verkoop en adverteer. Weereens, kreatiewe maniere is altyd welkom.
Wat jy kan skenk as jy wil:
Wildsvleis, Droë wors, Groente, Margarien, Suiker, Melk, Kruie en speserye, Charcoal en brik-
kette, vuuraanstekers, broodrolle vir ‘Hot dogs’, Brood-buns vir Hamburgers, Hamburger
Patties, Viennas vir ‘Hot dogs’
Vir besprekings van ‘n Lapa of kaartjies
kontak:
DANIE STEYN: 083 271 6378 /
GAWIE MARAIS: 082 376 2098
Rolstoel beskikbaar
Een van ons geloofsfamilie-
lede het 'n rolstoel geskenk.
As jy belangstel, is jy welkom
om hom te kom haal vir
welke rede ookal. Kontak asb
die kerkkantoor.
Byeenkoms: Versorgingsbediening
Ons wil graag ons Versorgingsbediening in ons geloofsfamilie uitbrei, want dit is belangrik dat ons mekaar in die gemeente versorg en dien. Ons wil graag op Woensdag 25 Julie om 19:00 saam nadink oor hierdie bediening. Daarom nooi ons jou om deel hiervan te wees. Wat behels hierdie bediening: • Om mense te besoek in die hospitaal • Om tuisbesoeke te doen by mense wat tuis aansterk • Om kontak te maak met mense in die gemeenskap • Om te help waar hulp nodig is Hierdie bediening wil poog om ‘n verskil in die gemeenskap te maak saam met die Bedieningspan. Kom wees deel van die begin van ‘n bediening wat versorging aan ons geloofsfamilie en gemeenskap bied. Begeleiding en opleiding sal voorsien word. Vir verdere navrae, kontak asseblief Amanda by 012 662 1708 of Henk by 012 662 5619 / 082 336 7555.
“MOUNT NO MORE” 1
Hierdie bergreeks kom slegs
op aarde voor.
Min van ons sien kans om
“Mount No More” uit te klim.
Van julle het al Kilimanjaro of
die Drakensberge uitgeklim,
dalk die koppie op jou Oom
se plaas…maar hierdie berg,
nee, net ‘n handjievol van
ons.
Pak jou rugsak en bergklim-
toerusting en kom klim die
berg saam met my uit. Wat
sal jy inpak vir hierdie ekspe-
disie? Goeie stapskoene om
die berg van die verlede te
kan aandurf. Kos. Spirituele,
emosionele en fisiese energie
om tree vir tree hierdie ekspe-
disie van Heelword aan te
pak.
Sterk toerusting en Voor-
bereiding. Leer jouself ken, jy
gaan verbaas wees waartoe
jy instaat is. Ander bergklim-
mers en ‘n gids. Ons onder-
steuningsgroep en kundige
gespreksgenote is on-
ontbeerlik op hierdie reis. Jy
mag kies wie saamklim, of
wie jy beslis nie wil
saamneem nie.
By “Mount No More” se eer-
ste kamp, leer ons om NEE te
sê. Waarvoor is jy bereid om
van nou af NEE te sê. Wat is
jy NIE meer bereid om te
doen nie. Begin klein.
Dalk gaan jy nie meer jou ge-
sin se nat handdoeke in die
badkamer optel nie…
Lekker bergklim!
TUKS “Missions Week”
Tuks Missions week is hierdie jaar van Sondagaand 29 Julie tot
Donderdagaand 2 Aug vanaf 18:30 elke aand by die Am-
phiteater op Tuks se hoofkampus. Die tema van die week hierdie
jaar is "Making an impact, leaving footprints". Worship, fantastiese
sprekers en kenners oor sending, lekker saamwees en blootstelling
tot die groter prentjie van sending maak elke jaar se missions
week 'n besondere betekenis.
Sien die event op Facebook of www.tuksmissions.com vir meer
inligting.
www.pvr.co.za
www.facebook.com/pvrgeloofsfamilie www.twitter.com/PvRGeloofsfam
Kerkkantoor:
Ma: 11:00–16:00 Di–Do: 08:00–16:00 Vr: 08:00–13:00
Tel: 012 662-1708 [email protected]
Kwartaal 4 is altyd kort, slegs 8 weke. Vir die senior JEUG is die fo-
kus Bybelkennis by die graad 8 & 9’s, en voorbereiding vir Be-
lydenisaflegging vir die gr 10 & 11’s. Ons Bely en Leef kamp is 17 &
18 Augustus, en die eerste Belydenisaflegging reeds 9 September.
By die laerskool fokus ons op Bybelverhale en ons doen in diepte
ondersoek oor ouerbetrokkenheid en hoe ons die ouers meer
deel kan maak van die jeugbediening. As julle wil saamgesels, die
jeugkantoor se deure is altyd oop. Dit sal lekker wees om julle
idees te hoor. Daar gaan ook ‘n paar ouerleiding gesprekke wees
wat spesifiek gaan handel oor kommunikasie met ons kinders. Da-
tums sal deurgegee word.
Met die oog op Beplanningsweek, doen ons in diepte ondersoek
oor die jaar, nuwe idees en wat nie gewerk het nie en in die
“recycle bin” gegooi moet word. As julle daaroor wil saamgesels,
asb! Alle insette is meer as
welkom.
Izette gaan vir so 3 weke afwe-
sig wees. Jean-Re en Nicole sal
die opening by die Juniors be-
hartig. Vir enige probleme of
navrae gesels gerus met Hanlie
of Lizette.
As jy op trou staan, is die ONS TROU kursus net vir jou! Kom reis saam met jou maat, terwyl ons sake bespreek soos grense, konflik en rolle. Die kursus begin Dinsdag- aand 24 Julie om 19:00 en strek oor 4 weke. Die kostes is R100 per paartjie vir die hele kursus. Vir inligting kontak Elmarie by [email protected].