Upload
riana-janse-van-rensburg
View
219
Download
4
Embed Size (px)
DESCRIPTION
Nuusflitse van 4 November 2012
Citation preview
NUUSFLITSE
Ek hou van uitnodigings. Dit maak my opgewonde. Dit is lekker
om uitnodigings te ontvang. Dit het my laat dink: hoe uitnodigend
praat ek? Hoe uitnodigend tree ek op? Want, as ek so baie van
uitnodigings hou en dit so geniet om dit te ontvang, moet ek se-
kerlik dit leef en uitdeel. Of hoe?
Ek het tot 'n skok ontdek "uitnooi" is nie noodwendig deel van my
woordeskat nie. "Moet" is baie meer gewild. Ek dink ek het so
groot geword. Jy moet dit, en jy moet dat. Jy moenie dit nie, en jy
moenie dat nie. Daar is niks fout met so verstaan van dinge nie, ek
dink net dit maak my blind vir uitnodigings en die keuse wat saam
met dit gaan, en baie meer geneig om alles te verstaan as moet
en moenie. Ook wanneer ek praat oor my verhouding met die
Here, of Bybel lees.
Het jy al ooit gedink dat Jesus ons uitnooi na iets? En nie net die
heeltyd moets en moenies praat nie? Dat Jesus nie konstant vero-
ordelende woorde spreek nie, maar vir ons 'n keuse gee om Hom
te volg na 'n lewe van oorvloed? Dat Jesus die weg wys na die
ware lewe, en vol deernis en liefde ons daarna uitnooi en ons nie
dwing met 'n "moet" nie?
Jesus praat in Lukas 11 met Fariseërs en herinner hulle dat God
hulle met 'n binnekant en 'n buitekant gemaak het. Jesus stel ook
dat as ons binne skoon is, ons ook buite skoon sal wees. Hy sê ook
dat om net buite skoon te wees help nie as mens 'n verhouding
met God wil hê nie. En dan nooi hy hulle uit: "Hoekom gee julle nie
ook julle binnekant vir Hom nie?" (Lukas 11:41 DB). Daar is hy!! 'n
Uitnodiging in plaas van 'n "moet". Sien jy hom? So subtiel, maar
tog so belangrik. Want ons moet dan dit kies, en Jesus gaan ons
nie dwing nie. Die deur staan oop, en ons moet gaan. Die gawe
van genade is daar, die greep van die genade kom van ons af.
Jesus nooi ons in hierdie gedeelte om ons binneste ook vir Hom te
gee. Sodat ons binne en ons buite met mekaar versoen kan wees.
Sodat daar integriteit in ons geloof is. Sodat ons binne vol liefde,
omgee, geduld en diens sal wees, dat ons sit ook na buite leef.
Jesus het geweet as mens buite iets doen sonder dat dit binne in
ons ook leef, ons een of ander tyd stoom verloor. En Hy nooi ons
om dit reg te stel. Hy nooi jou. Jy is genooi. Ek is genooi.
Ryno
WAT GEBEUR VANDAG
08:00 : Erediens
(Callie Roos)
08:00 : Kinderkerk (3jr–Gr 3)
09:00 : Junior Geselsgroepe
(Gr 4–7)
10:00 : Erediens - DOOP
(Callie Roos)
10:00 : Kinderkerk (3jr–Gr 3)
13:00 : Afrikatale Erediens
17:00 : Senior
Geselsgroepe
(Gr 8–11)
18:30 : Aanddiens -
(Ryno Meyer)
KERKKANTOOR
CD VERKOPE
Plaas gerus ’n bestelling vir
oudio opnames van die eredienste.
Kontant by bestelling
Jy is genooi
Ons het soveel redes om
dankbaar te wees.
Kom ons sê saam DANKIE deur ons
Tiendemaand Dankoffer!
10
Bid asseblief saam met ons vir die volgende
mense:
• Marthie Kitshoff wat tuis aansterk na ‘n rug-
operasie.
• Mynhard Kitshoff wat tans chemo ontvang.
• Sumael Erasmus wat ‘n operasie gehad het.
• Hennie Kaltwasser wat in die hospitaal opge-
neem is.
• Cobus Willers wat tuis aansterk.
• Ronnie v Deventer wat met kanker worstel.
• Annette Robinson wat aansterk.
• Rita Kriel wat aansterk na operasie.
• Les Steel wat met sy gesondheid sukkel.
• Hermien Grobler wat tuis aansterk.
• Oom Hennie Beetge wat ernstig siek is.
• Dirk Strydom wat tuis aansterk.
• Hannie Ferreira wat behandeling ontvang.
Ek het rus en kalmte gevind. Soos ‘n kindjie wat
by sy moeder tevredenheid gevind het, so het
ek tevredenheid gevind (Psalm 131:2)
Juniors
• Op julle merke,
gereed.....
Is jy gereed?
Matt 25
• Onthou Jaag en Juig
Ons kry mekaar
Saterdag,
10 November om
8:30 by die kerk
Seniors
• Sondag, 11 November
is ons volgende
Belydenis Aflegging
• Die Gr8-10’s is besig
met Puzzle reeks 4.
Seniors jaarafsluitingsete
op 8 Nov :
Die seniors se jaarafsluitings-
ete vind plaas op Do 8 Nov
by Stone Cradle.
Al die seniors kom eers om
10:45 by die kerk byeen en
vertrek dan 11:40 na Stone
Cradle.
Navrae Jan Cilliers by
082 672 7610
BAIE DANKIE!!
Aan elkeen wat deel-
geneem het, kos
gaargemaak het, skenkings gegee het en
stalletjies beman het, wil ons graag baie
dankie sê. Sonder julle hulp sou die
Dorpsfees nie kon plaasvind nie. Julle is kos-
baar vir ons geloofsfamilie en gemeenskap.
"Soos 'n huis wat op 'n sterk fondament gebou word, moet julle julle
lewe op Jesus bou. Staan onwrikbaar vas in dit wat julle glo, soos julle
geleer is. Doen dit terwyl julle gedurig vir God dankie sê en Hom
eer." (Kolossense 2:7 DB)
Paulus herinner ons dat dankbaarheid deel is van dissipel-wees. Ons
sê op verskeie maniere as gemeente vir die Here dankie, juis om te
leef wat ons in gedeeltes soos hierdie geleer en aan herinner word.
Een van die maniere waarvan ons in die Bybel lees, is dat die Here Sy
mense oproep om 'n tiende van hulle inkomste op sy te sit vir Hom.
Die tiende was om uit dankbaarheid teenoor die Here 'n eerste deel
van jou oes of inkomste aan Hom terug te gee. Daarmee erken ons
ons afhanklikheid teenoor die Here, want Hy het gesorg vir die "oes".
Vir ons geloofsfamilie is die Tiendemaand dankoffer 'n belangrike en
spesiale dankseggingsgeleentheid. Ons het soveel om voor dank-
baar te wees, saam as gemeente en as individue. Ons nooi jou uit
om hierdie jaar 'n Tiendemaand dankoffer te gee. Baie dankie aan
almal wat reeds bygedra het.
Ons het koeverte wat gemerk is vir die tiendemaand dankoffer as jy
kies om in dit in die vorm van 'n koevert te bring. Elektroniese oor-
plasings is ook welkom, verwys asb net na Tiendemaand dankoffer.
Dankie Here, U is getrou.
Julle lewe moet een groot dankie vir God wees. (Kolossense 3:17 DB)
Tiendemaand Dankoffer