Click here to load reader
Upload
zander-van-der-westhuizen
View
224
Download
6
Embed Size (px)
DESCRIPTION
1 2 3 4 1 Kor 13:4 Om moord te pleeg – is ‘n daad van liefdeloosheid! Daardeur ontneem jy ander die voorreg van lewe, groei en ontwikkeling. - Deur te bly hoop (volharding van julle hoop – 1 Tess 1:3). 5 1 Kor 13:12
Citation preview
Sondag 15 Mei 2011Die kuns om te lewe!
Eks 20:13 “Jy mag nie moord pleeg nie”
1 Kor 13:13 en 1 Tess 1:2-3
As daar een gebod is wat ons voel ons darem nie so skuldig oor hoef te
voel nie, is dit die sesde gebod: Nie een van ons het al ’n moord gepleeg
nie! Dan sou ons nie hier gesit het nie! Omdat die Fariseërs ook net op
die uiterlike betekenis van die wet gelet het, het hulle gevoel hulle doen
nie te sleg nie. Dit het hulle selfs hoogmoedig gemaak.
Wanneer Jesus dan op die dieper betekenis van die wet wys, dan kom dit
nader aan hulle eie vel: Matt 5:21“Julle het gehoor dat daar van die ou tyd
af aan die mense gesê is: ‘Jy mag nie moord pleeg nie; en elkeen wat
moord pleeg, is strafbaar voor die regbank’. 22Maar Ek sê vir julle: Elkeen
wat vir sy broer kwaad is, is al strafbaar voor die regbank. Verder, elkeen
wat sy broer uitskel vir ’n gek, is strafbaar voor die Joodse Raad; en wie
hom uitskel vir ’n idioot, is strafbaar met die helse vuur.”
Wanneer dit kom by gedagtemoord, gebaremoord en woordmoord dan
staan ons almal skuldig:
Gedagtemoord - ons wens dat die persoon iets sleg moet oorkom. Toe
een ma vir 'n ander ma sê dat sy nie kan verstaan dat Abraham vir Isak
kon gaan offer het nie, merk die ander ma op: “Hy was seker ‘n tiener”.
Ons voel soms om iemand te vermoor wat hy/sy jou aangedoen het.
Gebaremoord – ons gedagtes word dikwels uitgedruk in ons gebare,
houdinge en ons liggaamtaal. Ons sê eintlik vir die ander persoon: "Jy
het nie bestaansreg nie." Ons ontken die ander persoon se
menswaarigheid en gun hom/haar geen lewensruimte nie.
1
Woordmoord – skerp woorde is soos dolke in die siel van ‘n mens wat
hom/haar innerlik laat sterf!
Op Golgota het die Groot Moord plaaasgevind. Daar het die werklike
gesindheid van mense tot uitbarsting gekom. Mense het gekies vir die
dood teen die lewe. Maar, op Paasmôre het die lewe oor die dood
getriomfeer. Die graf is leeg! Jesus het opgestaan! Daarom is dit vir elke
gelowige wat leef uit die opstanding van Jesus, belangrik om die kuns van die lewe te bemeester. Soos met enige kuns is daar teorie en
praktyk. Iets wat jy moet weet en iets wat jy moet inoefen.
1. Die teorie van die lewenskuns.God is die Skepper/Gewer van die lewe:
- Hy is vir die lewe en teen die dood.
- Elke slagoffer van dit tsoenami in Japan, elke persoon wat in die
burgerloog in Libië stref, elke moord wat gepleeg word en elke
onskuldige kind wat in ‘n gesinsmoord, sterf gryp God in die hart.
- Wanneer ons die lewe liefhet en stry vir die beskerming van die lewe,
wanneer ons ons beywer vir ‘n menswaardige bestaan vir almal, veg
vir die bewaring van die natuur en die die lewensnoodsaaklike
hulpbronne, tree ons as verteenwoordigers van ‘n Lewende God op.
Om so te leef en te laat leef – is goddelik!
- Natuurlik leef ons in ‘n onvolmaakte wêreld – wat verder besoedel
word deur die sondige begeertes van mense.
Mense maak eerder dood .... as om te laat lewe!
Hulle vernietig eerder ... as om op te bou.
Hulle mors met die lewe .... eerder ons op te bewaar.
Daarom móés daar iets gebeur het. Die Skepper God het ingegryp.
Hy is ook die Herskepper – die Gewer van die nuwe lewe!
2
- Jesus het sy lewe gegee, sodat ons kan lewe. Daarom kon Hy gesê
het: “Ek het gekom sodat hulle die lewe kan hê, en dit in oorvloed” (Joh
10:10).
- Meer nog, God het ons sy Gees gegee. Die Gees is die Een wat
lewend maak. Hy maak van mense van die nag soos Nikodemus,
mense van die dag. Hy bewerk die wedergeboorte (Joh 3:8). Hy gee
vir ons ‘n nuwe visie dat ons nie meer vir onsself wil lewe nie. Ons
word nie meer gedryf deur ons eie selfsugtige begeertes nie, maar
ons lewe vir Hom wat vir ons gesterf het en uit die dood opgewek is (2
kor 5:15).
Met ander woorde: Alleen ek en jy wat in Christus die nuwe lewe het,
en deur die Helige Gees gelei word, kan reg laat geskied aan die
werklike bedoeling van die sesde gebod!
2. Die praktyk van die lewenskunsDie praktyk van die lewenskuns het drie note: Geloof, liefde en hoop.
Hierdie bladmusiek moet voortdurend ingeoefen word. Dit vra inspanning
en opoffering om dit werklik te bemeester. Goeie musikante bring ure
voor die klavier deur. Daar is baie kinders wat met groot entoesiasme
musieklesse begin neem, maar hulle sak later uit. Hulle sien nie kans ons
gereeld te oefen nie. Hulle is nie bereid om opofferings te maak nie. Ja,
hulle verleer selfs dit wat hulle bemeester het, omdat hulle nie aanhou
oefen nie.
- Ons lewens val dikwels uitmekaar omdat ons nie kans sien om die
bladmusiek van geloof, liefde en hoop in te oefen nie;
- ons val terug om in ons geloofslewe omdat ons nie aanhou om die
bladmusiek van geloof, liefde en hoop in te oefen;
3
- ons lewe staan meer in die teken van die dood as van die lewe, omdat
ons opgehou het om die bladmusiek van geloof, liefde en hoop in te
oefen.
Geloof, hoop en liefde is eintlik werkwoorde. Dit is dinge wat gedoen moet
word.
Hoe bemeester ons die kuns van die lewe?- Deur in geloof te volhard (werk van julle geloof – 1 Tess 1:3)
Deur die geloof hou ek vas aan God en die beloftes van sy Woord;
deur die geloof bly ek ingeënt in die ware windergdstok, Jesus
Christus;
deur die geloof dra ek die vrug van die Gees in my lewe!
Om moord te pleeg – om jou eie lewe of die lewe van ‘n ander mens te
neem, is ‘n daad van kleingeloof, selfs ongeloof. So ‘n mens wil self
God wees deur te beskik oor sy eie lewe en die lewe van ‘n ander
mens. Daar word vergeet dat elkeen voor God verantwoording sal
doen vir sy/haar dade.
- Deur uit liefde te lewe (inspanning van die liefde - 1Tess 1:3). 1 Kor 13:4Die liefde is geduldig,die liefde is vriendelik;dit is nie afgunstig
nie, is nie grootpraterig nie, is nie verwaand nie. 5Dit handel nie
onwelvoeglik nie,soek nie sy eie belang nie,is nie liggeraak nie, hou
nie boek van die kwaad nie. 6Dit verbly hom nie oor onreg nie, maar
verheug hom oor die waarheid. 7Dit bedek alles,glo alles, hoop
alles,verdra alles.
Liefde is soos die suurstof vir die liggaam: Dit leef en laat leef. Dit skep
lewensruimte vir ander – na liggaam, siel en gees (fisies, emosioneel
en geestelik).
4
Om moord te pleeg – is ‘n daad van liefdeloosheid! Daardeur ontneem
jy ander die voorreg van lewe, groei en ontwikkeling.
- Deur te bly hoop (volharding van julle hoop – 1 Tess 1:3). 1 Kor 13:12Nou kyk ons nog in ’n dowwe spieël en sien ’n raaiselagtige
beeld, maar eendag sal ons alles sien soos dit werklik is. Nou ken ek
net gedeeltelik, maar eendag sal ek ten volle ken soos God my ten
volle ken.
Hoop is om te bly sien, hoe donker die omstandighede om jou is;
hoop is om te bly uitsien na die toekoms wat God vir jou in gedagte
het, al verstaan jy nie nou alles nie;
hoop is om op God te bly vertrou vir hierdie lewe én die ewige lewe.
Om moord te pleeg – is ‘n daad van hopeloosheid. Daar word net
geleef vir die hier en die nou; vir die onmiddelike bevrediging van jou
eie selfsugtige begeertes.
Moord is ‘n daad van wanhoop – omdat so ‘n mens nie op God vertrou
vir sy behoeftes en sy toekoms nie.
Wat is die roeping van die kerk in die lig van die misdaad en geweld?
Om gelowiges te help om te bly oefen om die bladmusiek van geloof,
liefde en hoop te speel. Om dit só te speel dat ander ons voorbeeld sal
begin volg. Daarom bid ons voortdurend dat meer en mense die nuwe
lewe in Christus sal vind en gelei sal word deur die Gees om tot eer van
die lewende God te lééf!
5