Biblioteca Paraguaya de Antropología, Vol. 46

Sakoiahan

Apkeltennaikamaha Marciano Mendoza aktemakha’ apkavakha pankek enenlhet

Apkankesekha’, apnaqtalhesaikamok ka·nha apkellanekhoho aknaikamok

apkelpasmekha’ Manolo Romero, Ernesto Unruh ka·nhan Hannes Kalisch,

aklhelhma koka dibujo pankok Arcenio Morenito

Ya’alve-Saanga Nialva-Sanga

Nengvaanemquescama Nempayvaam Enlhet Nengvanengkeskama Nempaivoma Enenlhet

2003

Hengelvanei’o nengelanai’a vakkahak anak he:

Programa Noruego para Pueblos Indígenas (NORAD/LAMS)

© 2003; Manolo Romero, Ernesto Unruh, Hannes Kalisch Nengvaanemquescama Nempayvaam Enlhet

Ya’alve-Saanga www.enlhet.org

ISBN 99925-3-308-0

iii

Ania’a aknangko konne’ vakkahak anak he

ania’a ava’

Keliav’o·nnenga 3 Sakoiahan ....................................................................................3 Kemhava’ ka·nhan Nialva ............................................................8 Enenlhet apkelpaqvamekamok ................................................... 10 Maleng ka·nhan Nialva .............................................................. 13 Mopvanko.................................................................................. 16 Sotse.......................................................................................... 18 Enenlhet apkel·hanma anata....................................................... 22 Apkelvaiveikamok enenlhet ....................................................... 26 Kokonne’................................................................................... 28 Keliav’o·nnenga......................................................................... 30

Enenlhet apkavakha’ 31 Kennekpeiem apkennapommap tova .......................................... 31 Apkeliaqmongkasekha’ aptekioma tova ..................................... 33 Apkelhpanma tova ..................................................................... 36 Nelvaiakmo sekhek kolonia ....................................................... 37 Nelmenielhaikamok ................................................................... 39 Apkelmaieskama amai enenlhet ................................................. 41

iv

Akteiapma·lhkaiam’................................................................... 42 Apvai’a lhema mesionero........................................................... 44 Sekhek aktengiammalhko lhepop aktek ...................................... 45 Apkelpatmommap enenlhet........................................................ 48 Asvaiam Kelometto Iesesiete ..................................................... 49 Apkelelhiaiam enenlhet akieto Nanavavhak ............................... 51 Astaqhemo akieto Iesesiete ........................................................ 53 Mekka iemmen .......................................................................... 54 Akvaivekamok taitol .................................................................. 56 Apkennaiam enenlhet Konamoktololaq...................................... 58

Koka hengke apkeltennaikama Marciano Mendoza apkeniem’o Konamoktololaq aktemakha’ apkellomakha’ enenlhet lhennenga an-iem’o sekhek apiapom apkailhemo apkeltennaikamaha. Have·ktema·n-kek apkeltennaikama·lhta sekhe’, apkeleltemo enenlhet ko Konamok-tololaq elvetangvakho’ ania’a panko’ok tova, kakpota mangkomas-kengvome’ aktemakha apkeliamo lhennenga. Ka vakkahak anak he, ngkoiangvomho ta alietnekho paqtek aktemakha·pkavakha tova, ka·n-han aktemakha’ apkakhaikamok.

Ennengko nelvesai’a Nengvanengkeskama Nempaivoma Enen-lhet, nelvakme·lhta sekhe’ anio 2001 Konamoktololaq nentengiai’a an-ia’a apkeleltennaikama·pkelvaneiam’. Koka hengke vakkahak anak ak-to ampakhasekha nelqasekamok aktemakha’ estolio pankok apankek to-va; ngkoite ta mokhom mo’ok, akno nak po’ok enenlhet apkeltennai-kamaha. Koka·ntasek nan antek estolio engankok enganke’ apkelel-tennaikama·pkelvaneiam’. Ntasek antengiama mota, kakpota ammek-ha’, ka·nhan angvanengkesek ania’a panko’ok.

Tamhet-Aniep, 30.9. anio 2003

9cm x 12 cm; cortando arriba

3

Keliav’o·nnenga

Sakoiahan

Altennama ta ko estolio aktemakha’ apkelpaqmeiasma apkelva-neiam engankok lhennenga kelhaha. Altennama ta estolia pankok ta-ta·nnenga, malha·svaneiam ko lha·stakha’. Alhenek hata ko·m’a Sako-iahan, atava·lhna·lhta·m’a Kemhava’, na·lhta·mmamak Sakoiahan ma-’a. — „Alpaqvomok hata ko’o,“ na·lhta·ptema mota Kemhava’, „alpaqvo-mok hata.“ Ngkel·halhnekama·lhnak aptava’. — „¡El·halhnama·piapom lhek ma’a! Mangkataklhek elhiemok, se-ie·ngkopaio’,“ na·lhta·ntemak anemo·m’a atka lhemaphapak, apken-no·pketkok.

4

Netamen, mpaivongkek na·lhta seie. — „¡E, nak lh·oka·nko ie’! Kelhiakme’, iemmen eltama·m’a,“ na·lh-ta·ntemak aptava’, „iemmen eltamaha.“ Mpeneskamavek na·lhta·kpekenkeskamo iemmen, ka·kto nak mokhe·t-ketsek, aphak kelhaha, anamok apiempehek. Apvaktaniek nak Kemha-va’, atava·lhnak ma’a: — „¡Iemmen!“ lhna·pta·pvaktamo, „¡iemmen!“ lhna·ptak. ¡E! Iemmen apmak’ak. — „Ka·piama·lhkek aha’e.“ — „Lhke·spekkanvakta·skaqhema·lhkek popiet aha’e,“ na·lhta·ptemak ma’a.

Ka·kto mokhom, mok aknem’, kempakhek nak mokhom ma’a, aptengio mokhom apiemongkelhma, aptoma apetek. Netamen, ka·n-io·lhnak ma’a Sakoiahan, ngkeniengkek na·lhta, mok akiokhalhma·lh-na·lhta·mmaiangkok, ka·kto nak mok apkelavakha’, na·lhta·mmaiang-kok ma’a. Ketamavek na·pvaktamo: — „¡A!“ na·ptak Kemhava’. „¿Ko la·kmaiangkelha·m’a?“ na·lhta·pte-mak. Ke, apeivesekhek na·lhta, amnek na·lhta·pkemhaiangkok.

Ngvaiakmek na·lhta akvaianlha Sakoiahan, nnaiakmek na·lhta mokhek anke’. — „¡El·halhnama·m’a!“ na·lhta·ntemak mokhom anemo atka. Netamen, ngkapaskek nak nan ma’a, Penlhaqpang. — „¡Elteionnokho lheiap!“ lhna·ntak ano Penlhaqpang, „¡elteionnok-hoho!“ Keniek na mota·kiaqvatakho Penlhaqpang, kelatsema·lhnak, kamme-lhakhek na mota amai atkok, pekala kelha·m’a. — „¿Ko·ktakha’?“ lhna·ntak Sakoiahan ano Penlhaqpang. — „¡Kelhiakmek lha iek!“ lhna·ptak Penlhaqpang apkeltennaskaktamo

5

Sakoiahan. — „Mopvan ania lheiap!“ lhna·nta’ ano·m’a, keltennangvakto. — „¡Eniakha no lheiap!“ lhna·nna·kto ano Peiaptek.

Niengvama·lhna’ ava·piettek: — „¡Kelhiakmek lha iek! Kelatsema·lhnak: — „¡Kelhiakmek lha iek! ¡Ka·pkelhiakmo nak!“ Lhn·oka mamma·pmopvan ania·m’a, kelanantavek nak Peiaptek ma’a, Kemhava’: — „¡Kelhiakme’!“ Ngkaqhetama·lhnak ananto neten iamet ma’a Sakoiahan, ai’a niekhe’ atava Kemhava’. Neten iamet na·nienaqvakmok, netnek anke’, ngkak-’ak nak atava’.

6

— „¿Ko·kmangkelha·m’a?“ na·ptak, nn·eiho’. Lheme·lhna·pvet’ak peskeska·nkok, keltanema·lhna·mota peskeska·n-kok. Netamen apkammelhakho·lhnak neten, vet’avek nak akiangkakha neten iamet. — „¡Kotiep!“ lhna·pta·pkano, „¡kotiep! ¡atvok!“ lhna·pta mota. „¡At-vok!“ — „Hai’, atiepo ta,“ na·lhta·ntemak ma’a Sakoiahan, „atiepo ta. ¡Mok-hom hata aptava hetne!“ lhna·lhta·ntemak anemo. — „Hai’,“ na·ptak, „¡atne ta!“ Ka·ktepo·lhnak ma’a, ¡kennn! Nteiapmek na·lhta, mokhom atava·m’a, ngkai’a·kvesai’a aptoma, aplongke·pvesai’a Kemhava’. Netamen, ap-tekhek na·lhta mokhom aplhelhma·m’a Kemhava’.

Netamen koka’, ngkeniekhek na·lhta mokhom ma’a, ngkempek-hek na·lhta mokhom aniema, ngvaiakmek na·lhta·kvaianlha la mokhek ankek ma’a Sakoiahan; nlhenengkeskamavek na·lhta kolhva·m’a, nna·lh-ta etekho’. — „¿Ko lelha·kmaiangkelha’?“ Apkavekama·lhna·niekhe’, ngheklhek ma’ apaivoma nak: — „¡Ho, ho, ho, ho! ¿Ko·la·kmaiangkelha’?“ na·lhta·ptema mota. Aliepvaiam aniekhe’, aptava·pketansema, ¡a! Mang na·lhte·ihamok ak-maiangkelha’.

Nnaiakmek na·lhta·m’a, ngkel·halhnekama·lhna·lhta mota akna-ianlha’. Lheme·lhna·ngkapaskek Tanmehet ma’a Sakoiahan, altemo en-iammelhekhok amai. — „¡Hai’, el·halhnama mokhom ma’a!“ Kammelhavek nak mmalamong atkok, niengvama·lhna·mota ava·piet-tek Tanmehet, na·lhta·m’a, kiengvaikama na’ ava·piettek. — „¡Kelhiakmek lha iek!“ Mopvan ania·lhna·lhta·m’a. Ka apaso·lhnak nan ma’a Seie, ngkapasak-hek nak Seie, ka·kpaivo·lhnak ma’a:

7

— „¡Hai’! ¡Kelhiakmehe’!“ Lhn·oka mamma·kmovan ania’a·m’a.

Kolhavek nak mokhom ngkempakhak aniema, ¡e! Sakoiahan. Apmekhek na·lht·oka’ atka Kemhava’, apkenno·lhna·lhta. Koka·pke-tansengkek aptava Kemhava’, metnema·phapak; ngvaiakmek na·lhta mota mokhek anke’. Netamen, taniengvaiakmek na·lhta mokhom Kem-hava’, koka·kmakho nak mokhom, na·lhta·ngkoiamasmak, vakmo·pket-sepo·lhna·lhta Kemhava’, vakmo·tsepo·lhna·lhta·nha·m’a; mang na·lh-ta·ngkoklhammalhko’. Apiolhma·lhna·lhta·nhan ma’a, Kemhava’, nna-vek na·lhta·nhan ma’a·ngkelvana, iolhma·lhna·lhta, nnemavek na·lh-t·oka mo’ok; na·lhta·ntemak lhennenga.

8

Kemhava’ ka·nhan Nialva

Mokhom heng estolia lhennenga, tata ania’a pankok, Nialva·lh-na·pkelpaqvaiam sekhek ma’a. Nietnek na·piemongkelhma·Nialva, ap-kaqhangvakmo·m’a, nepolheng; apiokho·lhnak nepolheng ma’a. Ke-lha·nnok na·pvai’akha Kemhava’, apmasva’ak nak, iosek koka la·Nial-va·lhkek; apmasva’ak nak ma’a. Kelietsatkek na·niekhe·pmak’akha·N-ialva: — „Hata ko atvok he,“ lhna·pta·niekhe·Nialva. — „Hai’, hate lha iametvok,“ lhna·ptak Kemhava’. — „Hate lha atvok ko he, apio’ok.“ — „Hai’, hate lha iametvok,“ lhna·pta mota Kemhava’. — „Hai’, hata atvok ko he, aptaqla’.“ — „Hate lha iametvok,“ lhna·ptakha mota Kemhava’.

9

— „Hate lha atvok he, apokhok.“ — „Hai’, hate lha iametvok,“ na·ptakha mota. — „Hate lha atvok he, apettek.“ — „Hai’, hate lha iametvok,“ lhna·ptakha mota Kemhava’. — „Hate lha atvok mok nekha nak apettek.“ — „Hai’, hate lha iametvok,“ lhna·pta mota Kemhava’. — „Hate lha atvok hengke’e, apie nak alpaiseiam’.“ — „Hai’, hate·tvok ham,“ lhna·ptak ma’a. „Hate·tvok.“ Alpaiseiam apie·lhnak aplhevek’ak ma’a·Nialva, ¡kennn! Tavkek na·N-ialva·m’a.

Iaqkaneiakmek na·lhta·Nialva. Lhna·nno·pmangkelha valha·vhak, kelha·nno·kto nak, sengkuenta metto kelha, apvenek na·pietnanlha·N-ialva. — „¡Aeeee! ¿Sek la asnengka nak ke?“ lhna·ptak Kemhava’. „¡Nak sep-ie·lhke·Nialva!“ lhna·ptak ma’a. Kolhvek na·piokmok Kemhava’, ioiakmek na·lhta·m’a. Apkelpengkak-pek nak akmaska·pvalhok valha·vhak Nialva. — „¿Se·kto ie, sepie’?“ lhna·ptak ma’a. — „Ma’, ka·pkaskesak evalhok nepolheng apie·lpaiseiam lhe·stoma,“ lhna·ptak ma’a. — „Hai’, aiaqhapkese·pvalhok,“ lhna·ptak Kemhava’. Nnek nak akiaqhapo·pvalhok Nialva, iaqhapkeskangkek na·pvalhok ma-’a.

Netamen, kolhavek na apiaqsakhak Nialva, apmangkek na·pmek Kemhava’; na·lhta·m’a, aktemo na·kiaqiema·pmek. Savema·lhnak ne-ten Kemhava’ Nialva: — „Elano seiaqioskama, seiaqioskama,“ lhna·ptak Kemhava’. Kaqioskama·lhna·pkeltama·Nialva·lhkek, Nialva pathetma·pmek, na·lh-ta·kiaqiemo na·pmek ma’a Kemhava’.

10

Enenlhet apkelpaqvamekamok

Mokhom askeltennaikamaha, tata mokhom ania’a pankok, lhen-nenga kelhaha, apteneiam enenlhet, akvesai’a kelpaqvamekamok na·lh-ta lhennenga. Maleng nak sekhek ma’a, aktengiai’a aktoma naimong. Ngvetekhek na·lhta·m’a, ka·klhatmo·lhnak nnaqhapa·nkok, mpekkan-vakmek nak na·nkek ma’a. Kelha·nha·pketlheiakmok meliamo·lhma’, naqtevaskek nak ma’a·nnaqhapa, naimong askok na·lhta aklhatama·n-iekhe’ aktoma Maleng. Ngkennaveskangkek na·lhta·m’a: — „¡Aeeeee! naqtevaske’, naqtevaskek naimong askok ahankok lha iek. ¡Naqtevaskek selaqhapa!“ lhna·ntak Maleng. „Hai’, hata·ngkotne-hek, apiapmak hata etselhnana’,“ lhna·ntak ma’a.“ Kellaikokhek na·lhta·m’a·nnaqhapa, naimong askok alhankok.

Mmeiakhek nak ma’a, ietapiavhanma·pvahak apiavai’a; lhna·ng-kelvaiakmok apoktengok mokhek anke’, alvata’. Elkanantek nak ma’a tengie iavhan, peiam, ievhene’, ka’alh, mamma·lhmok ietaievhene’; na·lhta mota·pkelkanantemak aptengiaiangko·ptekamok ma’a. — „Hata·ngkotnehek,“ lhna·ntakha mota·liatengka Maleng. Mmetmek nak ietapiavhanma·pvahak. Keliatekpek na·niekhe sepket-ko’ok lhek: — „¡Eieto·qtek, eieto·qtek!“ lhna·pta·niekhe mota sepketko’ok. Ka mang na·ngkaplemsek mota apmoktai’a; aplemsek na mota po’ok sepketko’ok, apselhie’.

Netamen, lheme·lhna·ngvakme·kiaqnengkeskamakha Maleng ma-’a ietapiavhanma’. Kelleklhangvek nak ma’a neten iamet, mang n·elio-ho·ptangkelha·piaqneno·m’a; lhangie·pvesai’a tengie iavhan neten, seng-kuenta kelhaha, apkelpaqvamekamok, aptengiaikamok aptekamok. Ne-tamen, kolhavek na·niekhe·nna·kielhanmakho·m’a, Niavaike Selo na·p-iettek; mang na·ngkov’aktak tama pankok nalhepop. Ka·nno·lhnak na

11

avengka·m’a, Melanma, apiavai’a nak, keivesantaniek nak tama pan-kok, nteklhekvaktek nak nalhepop; ngkelpaihakhek na·pvalho’ok teng-ie iavhan lhek, kelpaihekhek na·lhta·pvalho’ok. Kellaqhetama·lhna·pke-lentepo napokha’, kellaqhetaikama·lhna·lhta. Alhaie·nkek na·nne neng-kaso·m’a Pelhpo: — „¡Have lheiap, Tava’! ¡Have lheiap, melatsema lheiap, etaqlhok ta-ma’!“ na·nta·nia’ apkanekpo. Nakhek na mota·m’a, Tava’.

Netamen, kelvaktaniek nak napokha nalhepop. Lheme·lhna·ntav-ke·pvalhok ma’a Tava’, ka·ptepo·nhan. Nalhet na·pvektak ma’a ietepo nak tama’, aptaklhavek nak, apallantek nak ma’a enenlhet lha iek. — „¡Siavek lha iek! ¡Alhaie·tnem’! lhke·sta·niekhe’,“ lhna·nta·nia’ ap-

12

kanekpo Tava’. Apallantek nak enenlhet ma’a. Nialva·lhna·pteiakmo·pmanie’. — „¡Mov! Siaqkiavo ie’,“ lhna·ptak Nialva. Ka·pteiakmo·lhnak nan ma’a, Pava, koneng na·mmeianta·pqatek. — „¡Mov! Mpaihak evahek,“ lhna·ptak ma’a Pava. Lhna·ntak nan ma’a, Keliaqhava: — „¡Mpaiha nak ko lha evahek!“ lhna·ptak. Ka·pteiakmo·lhnak nan ma’a, Napnaqsehe’: — „¡E! Iama svangka ie’,“ na·lhta·ptemak. Ka·pteiakmo·lhnak nan ma’a, Nata’. — „Hai’, ¡spaiha ie’!“ Lhnak ma’a, kpaihemo nak kone-paskok.

Ka·pteiakmo·lhnak nan ma’a, to·lhke·pietepkeskama tama’, teia-iakmehe’; ietavek na·pteiam ma’a, maneng·avhak na·lhta, amophe’, lhna·ntalhnak koneng apatong.

13

— „¡Aeee! niangqalhke nak koneng ehetong,“ na·ptak. Na·lhta·m’a, iangqalhemo nak koneng apatong Tava’. Netamen, apte-iakmek nak nan ma’a, Nepolheng. — „¡A! skeliennamaha,“ lhna·ptak. Na·lhta·piennaqtema nak. — „¡Asiennamaha!“ lhna·ptak ma’a. Apteiakmek nak mokhom ma’a, Pomap. — „¡Aeee! Mpaiha nak ko lha evahek. Lheiap na·mpaihak,“ lhna·p-ta·pkano po’ok. Pava·lhna·lhta·pkelanei’o·pvahek. — „¡Aeee! Ko’o·nhan, iama·nsekha nak ko lha evahek stengvekta lhe-pop,“ lhna·ntak ma’a, Paklhanma-Neten.

Mokhek ankek na·lhta·ngkelvaiakmok aktengok iamet akiavai’a, ietapiavhanma·lhnak ma’a; na·lhta mota·pkelkanantemak apiapmak sep-ketko’ok ma’a, apkellanengkek koka·ngkotaqmanma koneng. Apket-kak apketselhnanongkamak, apnaqtevaskamo·nnaqhapa·nkok Maleng.

Maleng ka·nhan Nialva

Altennama ta ko mokhom aniem’o askailhekamok sekhek ankek apkeltennaikama astema tata·lhta, mantenek nanek eltennamaha, ten hengaqhek. Asma’ak altennama Maleng, akpopteiakmo·lhna·lhta apkel-paqvaiam ma’a·Nialva. Kelpaqvaiakmek na·lhta·m’a·Nialva, netamen, mpoptavek nak ma’a Maleng; mok apketkak na·lhta·pkakhesekhak Nial-va, qanetolhem’a·lhna·lhta. Netamen, ntalhnengvakhavek nak Maleng apkakhangkelha·knematkak, ngkennaivesama·lhnak ma’ alvena·lhma’, nelhtema·lhna mota neten; nengvetai’ak Maleng ana·ngkoihamo·lhma’.

14

Lhennenga kelha·ntema·klheianveiakmo·v’alhok ma’a Maleng: — „Hai’, ¡allaneskese ta·pkennatanma, sepketko’ok!“ na·lhta·ntemak allanemo·m’a. Ntengiak nak temom’a·m’a Maleng, ka·liangka·lhnak nan ma’a iama-hang alhvaseksek, elhnemok anak, ngkeliaqlhakkaskek nak ma’a te-mom’a. — „¡Allaneskese·pkennatanma!“ Nnatengkasakhek na·piaspok: — „¡Aeee! ¡Ntasek anke na·pnatanma, ntase’!“ Ntetkek noka·nha·piaspok. — „¡A! ketsevaske’,“ lhna·ntak, „¡ketsevasave’!“ Ma’ak noka·nha·nietsepo·Nialva·pketkok, ntetme·piaspok.

15

Ka·kpeivakho·lhnak alaneskeskama·nhan ma’a po’ok: — „¡Lheiap hata·nha alaneskesek apnatanma! Ketsevaskek lhek aha’e.“ Ka laneskaso·lhnak mokhom. — „¡Eeee! ntasek ankek mokhom pnatanma,“ lhna·ntak ma’a Maleng. Netamen, ka·kteto·lhna·piaspok, nelhtema·lhnak neten mokhom ma-’a·Nialva·pketkok. — „¡Aaaa! ketsevaske’, ¡ketsevaske·pnatanma!“ Ma’ak noka·nha·nietsepok, qanet anta·nnapma; ngkelkelhnek nak atong apnemakha·Nialva. Selhiek na·lht·oka·ngkeiakmok, ketketse panke’; mok apaqtek na·ngkenmotkasak.

Netamen, ka·pvaktamo·lhnak ma’a·Nialva, vaktaniek na·Nialva, mang n·elvet’ak ma’a iama·pkeliav’o, vanlha·lhnak aplavekamok na·p-meiok, apkaqlhekama nak aptaqla’, apselhie’. Ka·ptalhnengvakho·lh-na·pnemakha·m’a·Nialva, kelteklhekpek na·pketkak lhek nema·nnap-ma, nema·knaqtetema·lhkek atong apnemakha’; kelteklhekpek nak. — „¡Aeeee! ¡Maskamo paklhanma!“ lhna·pta·Nialva. „¿Sek la·skeltek-lhelhko nak ke? ¡Aeeee! ¡Nak sepketko’ok lhek!“

Kenmalhnengvakhek na·niekhe·m’a, eiam nak Maleng, anmotma paqtek. — „¿Sek lhe·kto ie?“ lhna·ptak ma’a. Mang n·oka·ngkapvana paivoma. — „¿Sek lhe·kto ie?“ lhna·pta·niekhe’. — „¡Eeeee!“ lhna·pta mota·m’a, knematka. — „¿Sek lhe·kto ie?“ — „¡Eeeee!“ Mamma·lhn·oka paqtek lhemapak. — „¿Sek lhe·kto ie?“ na·pta·niekhe mota·Nialva. — „¡Eeeee!“ Kelpenteihangkek na mota.

16

Netamen, keliapnakhek nak ma’a·Nialva, peletav apankok, tava pankok, tekhaneikokhek na·lhta amnek Maleng; vaiakmek na·lhta mok-hek anke·pketansema, apmahai’a·niaqhek. Ngkanetvaiakmek na·lhta·n-iekhe neten Maleng, netnek anke’; vaiakmek na·lht·oka·Nialva·pkanan-tema, mahai’a·niaqhek. Nteiapmek na·lhta Maleng; neten na·lhta ap-mahai’a·niaqhangvomo·niekhe·Nialva·m’a Maleng. M·oke·niaqhemak, ngkeniakhek nak mokhom; iaqmasekhek na·lhta·Nialva.

Ette·lhna·lhta·ngvakmok Maleng, lhna·kno·lhnak, mapa·lhna·ng-kelailhak atong alhankok; lhn·oka·nno·pkelhianlha·nha·Nialva, mahai-’a·niaqhek. Ka·ptekpongo·lhna nenietek, mangkotai’a·Nialva Maleng; ietkeskangke’, tepelkekhek na·lhta. — „¡Ho! ka ham, kane·ngkoihamo·lhma’. ¡Mama ta etvok!“ na·lhta·p-temak ma’a·Nialva. Na·lhta·ptomo nak mama apak ma’a Maleng.

Mopvanko

Hai’, mo’ok mokhom ania’a aktemakha lhennenga, tata mokhom ania’a pankok. Alhenek hata ko enenlhet apvesai’a Mopvanko, kne-ma·nnengkasekamaha, kelha·kto nak ma’ angken’. — „Mopvanko, ¡eihangvom hata iemmen!“ na·lhta·ntema’ ania’a. — „¡Hai’!“ — „¡Esakha·ngvalhva nak!“ — „Hai’, asakhak hata.“ — „¡Hata eniakha·m’a pangqalhva!“ Apsakhek nak ma’a, ngvalhva nak nengeltema ennengko’o, ietang-valhva. Netamen, apsakhek nak ma’a; ¡ma n·esantak iemmen Mopvan-ko!

17

— „Hai’, spaqnemavek lha iek,“ lhna·ptak ma’a. — „¡Esakha mokhom po’ok angvalhva!“ Lo vese·mma’a·ngkotne·psekha’.

Netamen, apsekhek na·lhta mokhom; nna·lhta eiakvomak iem-men. Apvekhek na·lhta natemma Mopvanko: — „Hai’, ¿se·kto mesantamo nak mokhom iemmen ke?“ — „Ma’, spelapakmavek lha iek, amophe·lhke·siapelhketoho’.“ — „Hai’, ¡etaqho mokhom!“ Nema·nnengkasekamaha, apaskama kelhaha. — „Hai’.“ — „¡Ka esakha kolhva·ngke’e, nteklheklhema!“ — „Hai’, natankek ham,“ lhna·ptak ma’a. „Hata·nha angvangkangvak-hak ma’a, amophe·lhke·siapelhketmoho. Hata asakhak tava nak,“ na·lh-ta·ptemak ma’a.

18

Hai’, Mopvanko·lhka iek, na·pmeiakhak pangqalhva, nengaqtek kelha·nhan temma. ¡Ta, ta, ta, ta! — „¡A! Mmenaivek ma’a,“ lhna·nta·ngken’, „mmenaivehe’, ¡na·pkang-ka’ak apsekha·lhka iek! Noka apsakho nak tava,“ na·lhta·ntemak. Nnek na·kiekpelkangvakmo·m’a Mopvanko, taqnevakpelha·lhna·nta·p-vakho natemma; ngkelpaqlhengkek na·lhta·m’a, nteklheklhema nengel-tema ennengko·m’a.

Sotse

Altennama ta ko mokhom estolio pankok tata, lhennenga kelha-ha, enenlhet nak apnekha·plhepke·nnenga; lhna·nna·nmangko·m’a·p-iesta, mo’ok neltema ennengko taqmelaikama·lhma’. Netamen, kai-lhantek nak ma’ allaktemmenta sotse; hanet na·lhta·m’a, lhema·lh-na·lhta lhema aivok; nepva temma·lhna·ngkempai’ak aliaikama enen-lhet. Netamen, mamma·lhnak temma, lhepkek na·pnekhak ma’a enen-lhet. Aptavkek nak nan ma’a lhenga, apkaktek na·vhok, na·pta mota·p-ieniakho iokhalhma’, ¡tong! Lheme·lhna·mmaskek apneng’o akteng-vekta lhepop aktek, ka·piekkonkaso·lhna·pieniakho mokhom iokhalh-ma’; mmek na mota takha sotse·m’a, lhenga·vhok lhek. — „¡A! ¡Ma na·ngkotiakmo·siamasma·lhkek lhenga aiempeiok av-hok!“ lhna·ptak, lhepkek na·niekhe’.

Ka·ptavakho·lhnak mokhom ma’a lhenga·vhok, ka·pieniavakho·lh-nak mokhom iokhalhma’, ¡tong! kel·halhnema·lhna·niekhe’ aktengvek-ta la lhepop aktek; mamma lhna lhta. Lheme·lhna·pketseiveskek ma’a pelhqak, iavhan anak papa pankok, ketseiveske’, talha·lhna·ptahak ma-’a. Ka·pieniavakho·lhnak ma’a iokhalhma’, ka·kmo·lhnak na takha·m-

19

’a, ¡keee! Ngkenmetkek na meiok sotse: — „¡Heko, heko, heko, heko!“ Ngkeniek nak ma’a, pangqalhva·lhna·mmeiakha’, iemmen na·lhta·ng-ketameikokha’. — „¡Seko, seko, seko!“ lhna·nta·niekhe’. Ngkenmeiasmek na·lhta meiok ma’a.

Ngkelvaktamek na mota·m’a, apnemakha·lhnak enenlhet lhep-ke·nnenga, ngkelatkesaikama·lhna·lhta·m’a. Ngkelatkesama·lhnak ma-’a, nekhav’ak pa’at; ngketkama·lhnak, ¡e! nghalhiengkakmek nak pa-

20

’at, iamet atkok na·lhta·ksekama mo’ok. Mamma·lhna·pkamnoma·m’a enenlhet, ketsek na·pta·pkamnoma. Lheme·lhna·ngkelieplhaqvakmek ma’a napokha·nke’, mpelhkaskek na·piempek, ntaqhek nak napokha’; nleng’avek na·pkamnoma. — „¡Va’! Malha noka la’a,“ lhna·nta mota. Nghalhiengkakmek nak sotse mokhom ma’ apnemakha’, ngkelatkesa-ma·lhnak. — „¡Ko·knemakha·nmaiangko!“ lhna·nta mota sotse. Lheme·lhnak apkenmakhek neten ma’a enenlhet, kenmakhek nak ne-ten, taqmelkasavek nak apnaqtetakho·ptapno’ok ieta’ai apopheiok, se-valaq apmahai’a etnekha’, lengleng mo’ok nempaivoma ennengko’o. Naqtetkek nak, ka·pkeliapnakho·lhnak nan ma’a, alaqtaivoma nak ma-’a. ¡A! ketsek na·ngkaqtaivak ma’a, ¡trak! — „¡A! malha nak tavalaq,“ lhna·nta mota, „malha noka la tavalaq.“

Taqmelkasavek na·pmeiakho·m’a nekha’ atong apankok, ke-nengvakhek nak, apkelailho·m’a alhiaiam hata mokhom. Ngkelhiak-mavek na mota, lheme·lhnak aptepkek naqtek anke’, ¡lang, lang, lang, lang! — „¡A! ¡Tavalaq, tavalaq, tavalaq!“ lhna·ntak. Nna·lhte·thaniekhak ma’a, lhema aivok na·lhta·piaqmaskama·niekhe’, methaniekha’, iamet koka’ apsekama, mahai’a·niaqhe·niekhe’, ma·lh-na·lhte·ltaniengvekhak ma’a. Ngkelelhiakmavek na mota, ka·pkeliaqma-sakho·lhna·niekhe mokhom, mamma·lhna·lhte·thaniengvekha’, lhema aivok. Ka·pietnakho·lhnak ma’a nalhet amai, tennesakhek na·pietne-ma·m’a, tenke’, ketsepke’.

Netamen nak, ngkelelhiakmek nak ma’a sotse, ngkelelhiaiakmek na·lhta mokhom. — „¡A! ¿Sek la a ie?“ — „¡Paqse!“ lhna·ntak ma’a, „paqse. Paqse ha’e!“ — „Kesepma kela’a.“

21

— „Mesepak,“ na·ntak, „mesepak ha’e.“ — „¡Kesepke’, ¡e!“ lhna·ntakha mota. Netamen nak, ngkeltetesaiangkek na·lhta·m’a. — „¡E! kesepma,“ lhna·ntakha mota. Ngkenmenangkek nak. — „¡Kesepma!“ — „Mesepak ha’e,“ lhna·ntakha mota. Lheme·lhna·ngkelvakme·pietnakha’, ngkelvakme’, ngkelpengkamema. — „Kesepke’, ¡e!“ lhna·ntakha mota ano mo’ok. — „Mesepak.“ Ngkelan’avek na mota·pkamnomakha nak, nengamnomakha nak, talh-nesekhek kelha·pkamnoma.

22

Netamen, apsekhai’avek kelha·pietnema·m’a, nlekkaskek na·piel-loma·m’a, aptelha·lhna·nlavkaskasak, nlavkaskek na·ptelha·pietnakha’, mamma·lhn·oka·pmeiok, ketsepke’. — „¡Kesepma!“ Lheme·lhna·ngkeltekhanakhe meiok. — „¡A! ¡Sam! ¡Sam penie’!“ lhna·ntak, „¡sam penie’!“ Ngkelpengkamema·lhnak, lheme·lhna·ngkelpalesokhek ma’a, kelpaleng-ke’, ngkeliaqsaskek na·niekhe’, mamma lhna·lhta nengaktemmalhka la-’a, ngkoihek kelha·pvalhok ma’a.

Lheme·lhna·mpongvat’a·piettek, lhn·oka·m’a, niengvakke’. — ¡A, mesepak!“ Ngkeniangkek nak ma’a. Iaqmaskek nak ma’a, na·lhta·pkaqhemak ma-’a, hanet engio’ok; lhema aivok na·lhta·niekhe·piaqmasekhak nan ma-’a, nna·lhte·thaniekhak ma’a enenlhet. Ka·m’a, askeltennaikama; have ko·skeltennaikama, vanlha tata·nnenga·pkeltennaikama, askailhemo met-ka·skelvangqamekha’.

Enenlhet apkel·hanma anata

Hai’, mokhom ania’a heng, kieto tep Poso Asul, have·skeltennai-kama henke’, vanlha tata ania’a pankok, lhennenga mokhom. Hai’, al-tennama ta ko’o, Kel·hanmakha-Nata akvesai’a iokhalhma’, Kemho-Panlhek nekha’. Enenlhet na·lhta·pteiapmak lhemaphapak, sekhek an-ke’, apkenno·lhna·lhta. Netamen, mang na·lhta eihamok apiepetkangve-ianlha·m’a, mamma·lhna·lhta·plhelhma. Lheme·lhna·pkel·hankek ma’ ap-toma kelhaha, akto nak amai atkok. Mmek na mota·pkel·hanma, mam-ma·lhn·oka·pvet’o mota·piokho, mmammalhkek na·lhta mota·pkel·han-ma. Lhema semmana kelha·ntemak ma’ apkel·hanma, metka·pvetai’a.

23

Netamen, ka·piokho mokhom, koka·pvet’o·lhnak ma’ apkel·han-ma·kmama, metekteng na·mmak apkel·hanma. — „¡Epaqnemekha ta ham!“ lhna·nta·nia’a, „¡epaqnemekha ta!“ Mamma koka·pvetai’a nengiokho la’a, mok nempaivoma·lhna·lhta·ple-ngai’ak. — „Hai’.“ — „Eniavakpok ham,“ na·nta·nia’a·plengai’a·m’a, enenlhet lhek. — „Elentepo ta enenlhet, ¡elaielh hata! Hata elailhengvakhak ma’a sa-nga nak,“ na·nta·nia’ apkanekpo. Mok nempaivoma koka·plengai’ak. Netamen, ngkelhtenievkek nak lhe-pop: — „¡Koka la enenlhet nak lhek a!“ lhna·nta·pvalhok ma’a.

24

Nelhtantek na mota lhemaphapak enenlhet malhek, ¡pat! tepkek na mota, ¡pat! iaqmasema·lhnak po’ok enenlhet aptepo; ¡pat, pat, pat! na·pta mota·ptepo enenlhet. Takha·lhna·pteiapma·pmanie pankek ma-’a, ka·piaqmongkaso·lhnak ma’a tova, qanet apankek na·lhta, kelpalh-ka·lhna·lhta·m’a. Tepkek nak sekhek koielhna, tepkek nak lengua, tep-kek nak velengko, lhamakho enenlhet apkelenteiapmak. Netamen, ap-kelpekhai’avek na·lhta tova, apqanet na·lhta, apkennaihema·lhna·lhta; na·lhta·pkapsongkeskamak ma’a. Nnengkek na·lhta·niekhe’ annavesa-iangka·m’a:

25

— „¡Alhaie ta lheiap, mellatsemaha!“ Mang n·ellasekhai’ak nema·nnaveskama·m’a apkennaihema enenlhet, atse·pvalho’ok mahai’o etlhong. Lheme·lhna·pketlhengkek ma’ apken-naihema·lhkek, kelaspek nak nalhet amai, nak lh·oka·nke’. Kelaimom-makpek na·lhta tova, kelaspongkek amai, taqmelkasavek nak, masko·n-han atong malhek ma’a, Kel·hanmakha-Nata na·kvesai’a.

Ka·ktepo·lhnak ma’ apkelletsekama nak ma’a: nnaqhapa, iama-lhava’, apkelentalhnema, ietamopai’a, ngkelentepkek nak. Lhema·lh-na·pkelanekama·m’a: — „¡Elietkesap no·ngke’e, takha’!“ Takha·lhna·pmanie·m’a. — „¡Ntalhnave nak iamalhava’, lheiap takha’!“ Ka·kvakho·lhnak koielhna: — „¡Lheiap nahan, elheng, koielhna!“ — „¡Hai’!“ Ka·pkelentalhnakho·lhna·niekhe·pkelentalhnema, mang n·etalhnoho’. — „¡Ma n·etalhnok lheiap! ¡Metalhnoho’!“ na·lhta·ptemak ma’ apto·p-kelanekamaha. Metalhnok kamensa·phalhnanko’ok ma’a. Na·lhta·m’a, melentalhnemo na·pkelentalhnema koielhna; aqhemo mota etengia·pkelentalhnema·p-keltaqmelo, metalhnehe’.

Lheme·lhna·mpeivakhek na tova, iama·lhna·lhta tova·pkelentalh-nema. Ka·kno·lhna·kpeivakho·nnaqhapa nak, kellanai’a nak. — „Hai’, ¿sek hate lha·ngkotalhnok? ¡Elietkesap no·ngke’e!“ Ka·pkelietkesakpo·lhnak tova·nnaqhapa. — „Ntalhnave nak lheiap,“ na lhta·ptemak ma’a. Na·lhta·m’a, engankok anak ainapa. Vakmo·ngkelvana·lhna·lhta: — „¡Komaiekha no ainapa!“ Na·lhta akmaiekha na mota ainapa, hentalhnemo nak ammaiekha’.

26

Nenlhamakho·lhnak ma’a. Lhn·oka iamalengua·m’a pakha’, apai-hekamo nak, kelietkesakpek na mota, ntalhnavek nak; na·lhta·m’a, me-lienmaikamo nak ma’a. Kelietkesakpek nan ma’a sapatto takha’, ntalh-navek nak, takha·lhna·lhta·nietemok ma’a sapatto; ntalhnave’, ntalhna-vek na·lhta elvokaha. Ennengko·lhna·lht·oka·m’a, vakka iempek anak nennaqteto·mmankok, nellanai’a nak, na·lhta ennengko·m’a, hentalhna-vek na·lhta; ka·nhan ma’a, ianka, hentalhnavek na·lhta·nhan; ka·nhan pelhpa’alh, nialpa nak nemmoktai’a. Lheme·lhna·pkelhpaqnek ma’ ak-vakmo·nnelha’, kelhpanmek na·lhta, malha·lhna·pkelmaiangkok, teiap-makha·knem’, ka·m’a nepieiam anak iamalengua, ko nelhkeiha, ko·k-mangkelha·knem’, na·lhta·m’a nelhpanmo nak.

Apkelvaiveikamok enenlhet

Hai’, altennama ta mokhom ania’a lhennenga, Iettelev’, ka·nha Pettongkomelh, pkelvaiveiangko·lhnak enenlhet, akpaivoma·lhnak ma-’a. Ngkelvana·lhnak akioiam sekhek ankek ma’a sanga; aktekhanma·lh-na·lhta sanga·ngkelvana. Lheme·lhna·ntepkek ma’ alhkaiam akiavai’a, kolhe·pkelvaiveiangkok enenlhet ma’a, Naneia na·kvesai’a. Iettelev na·lhta·ngkempai’ak aklheiam ma’a, akpaivomo·lhna·lhta, menasma·l-iav’o, akmovana·lhna·lhta·ngkolpatepkesek lhepop. — „¡Pen, pen, pen, anaqsepok!“ na·lhta·ntema mota·klheiakmo. „¡Pen, anaqsepok!“ Piav’a temma·lhna·lhta·mmaiangko mota, kelvaiveiangkek enenlhet ma’a, Naneia na·kvesai’a, Kenmanava’. Na·lhta·ngkempai’ak ma’a Iet-telev’; ka·m’a, na·lhta temma lhennenga.

27

Netamen, apaiveiakmek na·lhta·nhan ietangvalhva·plheiam’: — „¡Peng, peng, anaqsepok!“ na·lhta·ptema mota. Lhtema metka·pkeltongkoma enenlhet, apkapkeskaiakmo·m’a ietang-valhva apmanie’, metka·piephongvekta’; na·lhta·pkelvaiakmok tep enen-lhet. Lhtema·lhna·lhta metka·piolhma·m’a, esavho·lhta ennapok enen-lhet ma’a, Iettelev’, ka·nhan ma’a Paisakmo-Venak.

28

Kokonne’

Na·lhta·ntemok sekhek ma’a Iettelev’ apioiakmo·lhna·lhta·ngkel-vana kokonne’, metka tava’; mang na·lhta·ngkolheianma mota. Lhenne-nga·lhna·lhta·ntemak aklheianmo·m’a, na·lhta songkek ma’ akvetam-malhko avakmo’, nglose na·ntemak metkelho tava’. Ka·kno na·nmalh-nengka·m’a: — „¿Sek la·ktemo·ktemo na·nglosek ke?“ — „Enenlhet amota·pvakta·ngke’e, pelhasep. Evata mota akpaiho la·t-sai’a·lhma’,“ na·lhta·ntemak ma’a. Ka·kno·lhna·kpeivesakho·m’a: — „Metkokha la enenlhet,“ na·lhta·ptaiangko·pkelpaqmeteiangka.

Ka·kno·lhna lailho pelhasep ma’a, nnengkek na·lhta lailhemo, ¡vetakpe na’ enenlhet nak lhek! Aptase pankek nak, ielhvasema·lhna

29

patong, apathetammakpek na·lhta. Mang na·ngkolatsema pathetak-po·m’a, kelvaivengkek nak enenlhet. Ketsek na·ngkaimelhkak lhepop aknakha·ptava’, apiepheskama, ka·pno·nhan ma’a kokonne’; kelaneka-ma·lhna·lhta·pkelvaiveiangko enenlhet, ka·m’a, Iettelev’. Netamen, ka paqmetkaso·lhna·ptava·m’a: — „¡Koiepkonkes no kotelh lhepop!“ lhna·pta·pkano. Ka·kiepkonkasengka·lhna·niekhe mo’o·ngkoklhek lhepop, mang na·ng-koklhak. Lheme·lhna·pvatepnapkek na’at, ka·ktalhno·lhnak, nlhengvak-mek nak, ieplakhavek nak nan ma’a, kokonne’.

Netamen, ngvaiakmek koka mokhek anke·ngkelvana, apmenielh-mek kokonne’, nnaiakmek konne lhepop, nelteionlha nak. Netamen, apaqmetkeskangkek na·lhta aptava’: — „¡Mongva·nkek meme·kvaneiam’!“ na·lhta·ptema·pkanemo, „angak ma’a mangvetai’o la’a, mangkolatsemaha. ¡Mongva·nko ie’!“ na·lhta·p-tema mota·pkanemo. Lhn·oka·plhenak ma’a, menasma·kiavai’a·iseksek, ietaqto’ok na·lhta. — „¡Koihangvom hata motaha! ¡Ka iamelket aha’e! ¡Monnap ankek nematkak anak ma’a! Mantek nematkak ma’,“ lhna·ptak kokonne’. Noka·plhenak ma’a, pelvapa·pketko’ok.

Mang na·ngkotna·kiangvakmo iemmen aptava’, nsavhavek na mo-ta·liakpelhketo lhepop pelvapa·pketko’ok, nematkak nak lhek, ngken-napmek na·lhta. Kemhaikokhek na·lhta·m’a, atava’ kokonne’: — „¡Aeee! ¡Ngkennapke nak! Skeltennasokha·lhka iek metka nennap-ma nematkak anak, lhke·stahak.“ Mamma nematkak, vanlha’ anata.

30

Keliav’o·nnenga

Keliav’o·nnenga·pkelpaqmeiasma he, lhennenga, siaqmongka nak. Apkeliavei’akha’ enenlhet kelhaha; metkelha kelha ennengko’o, kolh-va·lhmok ennengko’o, kolhva nellenteiapma. ¡Nenlhanie nakkelha·niek-he lhennenga! mokhom koka’ ennengko he nellava nak nelaimom-malhka’. Ko’o koka’ askenmekha’ apkeltennaikama tata·nnenga·lhta aktemakha lhennenga apkeliav’o·nnenga. Ka malha estolio hanko·ntak-hak, mokhom kolhave nak, vakmo kolhave nak, apkeliav’o apkelelten-naikamaha lhennenga.

31

Enenlhet apkavakha’

Kennekpeiem apkennapommap tova

Hai’, altennama ta ko mokhom, akno nak ma’a, tata·nnenga es-tolia pankok, lhennenga kelhaha, hata altennama ko·m’a. Malha heiai-kokha·nha·pkeltennaikamaha, akto·lhta lhennenga tep Halhema-Teves, na·lhta·pkakhaiangkelha lhennenga tova·m’a, kvesai’a Pettongkomelh. Netamen na·lhta, apva’ak ma’ amaika’a, amaika’ apkanemmakpok ma-’a, kennekpeiem. Aplheiakmek na·lhta, nnek na·niekhe·kneso·m’a, apta-nema vangko. — „¡Elha!“ — „¡Ma’!“

32

Mamma·lhna·lht·oka’ eliatekama kennekpeiem, kolhavek na·lhta·ptaq-hemo’, aptaqhekhehe’, keltennangvakho·lhnak apaivomo lhema·pne-makha’.

Netamen, ngvakmek ienaqteso, kelienaqtesaikama·lhna·lhta·lh-ma’ apkelvaiakmo kennekpeiem, apkempokho temma. Nietnek na·lhta anmoma panko’ok ventelo, ka·nhan ianka. Netamen, lhema pa’at na·lhta akvenaqtema, av’ok pa’at ma’a, tova·pkakhaiangkelha’, malha seng-kueta·phamilia kelha·m’a, lhema pa’at apkelpasmekha’, mok tova ko-ka’. Netamen, apvakhei’avek na·lhta kennekpeiem ma’a, netamen: — „¿Sek la hengka ie?“ na·lhta·ntema·nia’a. „¿Sek la hengka ie, enen-lhet anak?“ Kelienaqtesaikama·lhna·lht·oka·lhma’, pelhasep anak. — „¿Sek la hengka ie?“ Keniangkek na·niekhe’ enenlhet, ngkelpaihema·lhnak atno’ok nemat-kak, vakmo·pkelvaneiam’; savhommakpavek na·lhta nema·ltekpoika-ma·piempeiok tova, tekiongke’.

33

Netamen na·lhta, apiephongveiam ma’a, Anmoma-Ptaqla’, kelha apmaiangkok ma’a·Nialva-Sanga, na·lhta·piephongveskaiam ania’a·m-’a. Metka ania koka·niekhe lhennenga, lhtema meiephongveiam lhe-maphapak, meliephongvome·lhta tova, mangkolhe·lhta ania’a, meliet-kese·lhta·nhan. Netamen, malha netsepo·lhna·ptak ma’a, akmoktam-malhka·lhke·ptaqla·lhkapok. Apkeliekaikama·lhna·lhta·pietnakha ken-nekpeiem, meniaqhemak, malha netsepo·lhna·lht·oka·ptemak; lhtema·p-nesekha neten apqatek, ngkolhe·lhta aqhakho. Netamen, keltaqhema-vek na·lhta kennekpeiem, ka·pkenengkasakho neten apqatek ma’a. Ap-lavengkek na·pmeiok apmangko pok temma, malha un kelometto kelha mokhom tep apkakhaiangkelha pok temma tova; aplaveikokhek na·lh-t·oka·pmeiok, mangkoliennaqtema aptaqla·lhkapok, ngkelentengkek na·lhta. Pvetammakpek na·lhta·m’a: — „¿Se·ktemo aptaqla ie?“ — „¡Kennekpeiem hensavhak ennengko’o, lhema temma! Mamma·s-ketlhelhma’ak lha iek, nematkak, mamma’,“ na·lhta·ptemak ma’a. — „Hai’, ¡angelietkesek hata!“ lhna·ptak ma’a apveske panko’ok, lhe-maphapak apveske’, malha kasike. „¡Eliapnekha ta ianka, ellanekha’!“ na·lhta·ptemak ma’a.

Apkeliaqmongkasekha’ aptekioma tova

Netamen, apkellanakho·m’a tova, kelpaqnetkesammakpe’, malha sien enenlhet ma’a tova. Ngketkaikama·lhna·lhta sekhek ania’a mokhek an-ke’, lhaniek na·lhta lhennenga tova. Netamen, ka’ a, enenlhet lha iek, kelpaqnetkesammakpek na·lhta, kenmaiangkok ma’a molo·pnemakha’, kelemhaiangkek amai, amai apanko’ok molo; keltaqmelkeseiangkek na·lhta, pelhasep, lhelha ola, la vona o la los pelhasep kelhaha. Neta-

34

men, mpaiha·tsai’a·lhma’, kelha la kuato pelhasep anak ma’a, mokhom apnaqteianma molo. Netamen, apvakho·nhan ma’a tova, apvakhei’a-vek na·lhta lhema temma molo·pnemakha’, nnavek nak na·kiesvakha lhema molo·ngkelvana, vetakpek nak lhemaphapak na tova. — „Aaa, ¿sek la hengka ie?“ mpaihema·lhnak atong. „A, ¿sek la·ngka ie, enenlhet?“ Kolhek nak apaivasak ma’a, apaivaskama tova, apveske’, ¡veeeeeet! lhna·ntak. Apkeliavek nak nan apketlhelhmak ma’a, keliot’ak nak, ngkelpaihema·lhna·niekhe patno’ok molo, apketko’ok, kelvaneiam’, kelietkeskangkek na·lhta·m’a; alhta·ntak ma’a.

35

Nianmongkek ma’a, have·niapak ankek na·lhta·kianmoma; na·lh-ta·ntema·pkeletsepma, lhelha’, mamma koka·lietsatemo. — „Hai’, nelianmongkaske’, ¡angeltaqhoho’!“ na·lhta·ptaiangkok. — „¡Angeltaqhoho’!“ — „Kakhangke·nlh·oka·plhamakha ha’e,“ na·lhta·ptema·pkellanemo ap-veske panko’ok. „Lhema ta·nianantek neten memong, eniammelho ta mokhe’. Eliama ta eten la·kpanma,“ na·lhta·ptemak. Hai’, noka·nkek nan ma’a, kakhangke nak mokhom aplhamakha’, ka·p-kellailho mokhom ienaqteso·m’a. Kelienaqtesaikama·lhna·lhta·lhma’, kempokho mokhom tova, apkelmangko mo’ok molo·pnemakha’. Neta-men, nnavek nan ma’a, apaivaso·lhnak mokhom ma’ apkelvanlha’, ¡veeeet! mang n·etnatkasak ma’ apketlhelhma’ak kempokhakme’; nak-ha·liotalhko·lhna·ntak. Ma’ak na·niekhe·nieniek molo, kennekpeiem, apkapok na mota·nna·kmoktangvakho, savhommakpave·pkeletsepmo, knematkak anak, metka·knema·kmekha lhemapak. Nloka·lhna·niekhe·t-ketsek, lo anio la’a, koka mamma·kmekho, nnengkek koka’ aqhekho mota; nnavek nan tova, mamma nema·kmekha la lhemaphapak.

Qanet temma·lhna·lhta·pmaskengvaiakmok kennekpeiem, koka lhema temma tova·pmaskengvaiakmo; keliekaskeiakmek na·lhta. Nna·lht·oka’ elmaikokhak ma’ anmoma panko’ok, nnaikokhek na·lhta. Man alhta·ntek qaselha panko’ok apkelletsekama kennekpeiem ma’, ka·nha·kvesai’a nak tatsetko’ok, ka·nhan ma’a lemom, kelletsekamaha. Vanlha·lhna·lht·oka·pkelmamo tova·m’a, tatsetko’ok, ka·nhan lemom, apkennatanma nak ma’a, na·lhta·pkelmaiangkok ma’a. Mang na·lh-t·oka’ elmamak ma’ apkelletsekama anmoma, m·oke·lvetai’ak, melie-he·ktemakha’; vanlha·pkelioho·m’a, ianka, na·lhta·m’a. Hai’, ka heng, estolia nak, tata·lhta·pkeltennaikama, lhennenga kelhaha, maskengva-iakmo tova, lhennenga.

36

Apkelhpanma tova

Have·lhnak molo·m’a, kempokhai’o·lhnak tova, vanlha kennek-peiem, chamacoco. Pok aptema molo, pok aptema·nha kennekpeiem. Na·lhta apkelleniemei’ak ma’a brazil, ka·nha apkellaikamok sekhek an-moma·m’a brazil, ngkelvana·lhna·lhta·kiaqmekha·m’a; nengiavek en-nengko’o, pok enenlhet brazil, kto nak takha’, emekha·ngkelvana, ka·p-kelhakmo·m’a anmoma, koka vankak na el·halhtaqpong ma’a. Kennek-peiem, have molo, pok aptema·lhmok ma’a molo, vanlha kennekpe-iem.

Netamen apkennapommap na·lhta·m’a, nema·nnapma kennekpe-iem, keniaiangkek na·lhta tova, kelhpanmehe’, mo’ok apkelavakha ke-lha·pkelmaiangkok. Po’ok apmaiangkok Nialva-Sanga, kenmaiangko·n-han Nenekev’, mok nekha·nha·pkenmaiangkok, kelhpanme’. Lhenne-nga·lhn·oka’, ma·ntek temma ma’; kelhpanmek koka netamen apken-

37

napma kennekpeiem ma’a. Ka netamen apkelietkeskama·m’a aptekio-mo·lhna·lhta·plhamakha tova, lhema temma·ptekiomak, ka·pketlhe-ngo·m’a enenlhet, ka·kto nak Anmoma-Ptaqla’ apvaiakmo·Nialva-Sa-nga, metnemaiangko·pkeniema. Ka·nhan ma’a, Elias alhta·piapom, ap-nakmek ma’a Pelhpo-Malhek, na·lhta·pnaiakmo·pkeniema·m’a. To-va·lhnak ma’a Elias Gómez, apkeliave·lhta·nhan ma’a, apiavek nan ma’ apiapom, Kenmanava·lhna·lhta·kvesai’a·plomakha’.

Nelvaiakmo sekhek kolonia

Altennama ta ko mokhom, lhennenga kelhaha, vaiakmo sekha kolonia tata, ka Lhamo-Lhevantaq, pota·nha·m’a Iephemakha-Maset. Mamma nanek velengko lhennenga, vanlha tres velengko: Pongha-Pa-’at, ka·nha Sekhai’a-Nane·pvesai’a, Koneng-Teves annenga.

Iantama·lhna·lht·oka·plhelhma·m’a asieihengka, kelvanekamok lhemek na·lhta; vakka·tko’ok na·lht·oka’ ennapama lhennenga Ianta-ma. Lheme·lhna·pkaplhengkeskakmek ma’a iamelket vakka·tkok, hanet na·lhta·ntemak apkaplhengkeskeiam iamelket; ngkeltapmek na·lhta kon-ne’. Ka·knatheso·nha·piapom ma’a Iantama: — „¡Aaaa! ¿Sek la·kto ie?“ Nna·lhte lheianmak ma’a Iantama, nna·lhta elheianmak. Vanlha ko-ka·plheianmo·m’a, tata·nnenga, ka·ptaqnevakpo·lhnak ma’a, Iantama-Pophek nema·ltema ennengko’o, Johon Funk.

Mamma·lhna·lht·oka nelmalhnekama la nentoma nak ma’a, van-lha·lhna·lht·oka·pkelmenielhma lhennenga tova apkelvaiakmo veleng-ko·pnemakha’. Apvaiakmek na·lhta tata·m’a kolonia, mamma·lhna·lhta

38

hengaikamok la nentoma velengko, lhemek na mota·nnek akmenielh-kaso seppo·ptoma, iemmen’ok apankavek, kelasnemo anto’ok. Nento-iangkek koka’ enganke’; alhelhma tata, ka·nha·stema eiepma·lhta, met-ka·lhta nempaivoma. Lhemek nengvet’ak apommatma nekha mai an-ke’, sotse nelvetai’ak, hengeliengvakkeskangke’, mamma koka·nha ne-ngai’akha·m’a·stema eiepma metka·lhta nempaivoma.

39

Nelmenielhaikamok

Enmenielhangko·lhta·nhan enenlhet lhennenga pelhasep samane-ia la·pvahak mokhe’, taqmelo pelten’, esavok lhema·pvahak; etengvak-hak velengko, mamma samaneia. Lhemaphapak nanek, esavhama sek-hek ma’a samaneia·pvahak, ka·pvetangvakmo la’a, eltennangveta’. — „Nok hata taqmelo pelten’, nlh·oka la lommengko angenmeiakha,“ lhte·tne mota elpaqmetek.

Lommengko nelmeiekhak ma’a, heklhek ko lha neptamna’ak; ne-ma henglekkeskama na·ngvakmok apiempek samaneia·m’a·pkelvakmo apvahak. — „¡Metka nengleklema engatong hata, nensavhomo! Metka nenglek-lema engatong, ¡mangkolhe ta·piemes!“ — „Nata mansavho la’a, nemmatnama,“ lhte·tne·lpaqmetek ma’a, kel-iav’o. Siosek koka la, ietasvakmotkok koka la·stak, siaqvatesangkek samane-ia metka·piempek, nemmatnama·lhnak lhek mansavho la’a; smama ko lha samaneia·pieseksek nema·kleklema·piempek, skanemmalhka’ asav-ho’. Nnave·pkenmangkelha’ Anaseng, ka·nha Kengke·nnenga·lhta, nna-ve·pkenmangkelha’, nlhenkek evalhok smahai’a aienhek. Lheme·sien-hak napat ma’ Anaseng, ¡tok! Heiaqmaske·niekhe’, hengiaqmaskang-ke·niekhe·m’a, manghethaniengvekha’.

Ngkeltamai’a·lhta·pvesai’a nak Sotse-Patong, ka·plava na·ngke’e, velengko Andres, Sotse-Patong ana·pvesai’a. Emekha·lhta kavatio: — „¿Ko·pme’ eniakhe’?“ kolhe·kto ano·m’a velengko. — „Ma’, sotse·sma’ atienengvakhoho’, anmenielhma.“ Lheme·nte·pvesai’a Sotse-Patong ma’a.

40

Netamen mokhom, ntek mo’ok lommengko nenmenielho mok-hom, nenmangko ennengko nalhma’, ka·nha·sketlhelhma’ak ma’ Ana-seng, ka·nhan Jose·Pvenaqtema·lhta·pvesai’a, ka·nhan knemo·lhta·ltemo Kengke, Lakkoso; nempakheiangkek tape’e nalhma·iseksek. Ngkelpai-hekama·niekhe’ atno’ok tape’e nalhma’, eivekamok koka netsekama. Nennapke·lies tape’e, nelkenaiangkek nalhma·iseksek.

Kelvakte·lhta velengko·m’a·pkaqnekha’, ngheklhe·pkaqnekha nak velengko lommengko, tekhanmek kelha·m’a aimes tape’e, nalhma ko-ka’. ¡Taqmelkasakme na·plhekmo velengko! ¡Tepakha nema·niaikamok nalhma’! ka·sketsongkek ko·m’a, tape’e·skelkanma nanek. Ka·nnelha·p-nema tova·m’a Kemhaitava.

41

Apkelmaieskama amai enenlhet

Netamen, nno·tlhengo mokhom, nno·nmeiakho·m’a Nemelket, ka·pkelmaieso·lhnak amai enenlhet ma’a, vanlha koleto tamnek, mam-ma sekleta, mamma sekleta montol, alto, mamma lhamakhoho; pala koka·pkelmaikama, iamet aliavai’a·pkellangkemak. Iephongvakho·m’a iokhalhma’ akvesai’a nak Mesmakha-Popiet; keliephongveskekhek ma’ akvesai’a nak Makhaiamholheng ennengko nengeltema. Netamen, ka·p-

42

kenmeiakho·nhan ma’a Kemhaitava, na·lhta·nnelha·pnema tova·m’a Kemhaitava, temma·pvaneiam lhennenga. Ka·pkavakha·knemo·lhta·lte-mo Sekelin, ka·nhan Paloma, Sangkina, Paimong, Jose·Pvenaqtema, ka·nhan Liekiesammap, ka·pkellavakha lhennenga·m’a, pkakhaiangke-lha’. Netamen, lhema velengko apvesai’a·lhta Hantelek Poie, lhta·pkel-taqmelkeskama enenlhet ma’a, lhema iokhalhma’ apkenmeskamak, ma-lha·pkakhaiangkelha’. Keniaiangkek koka mokhom maneng ma’a, meklhakhamak apkeltemakha’. Ma·ntek na malekka ma’, nenganetva-iam engankek nemmo’o la nganantek.

Akteiapma·lhkaiam’

Netamen, ngva’ak ma’ alhkaiam akiennaqtema, nteiapmak ma’a Kemhaitava. Koka mamma·lhta ennengko pa’at, akto nak av’ok. Niet-nengke·lht·oka nengavakha’ av’ok pa’at, kto nak ma’a, tep Halhema-Teves; ka·kto nak Kemho-Panlhek, ietnek av’ok. Mamma koka nelva-ianlha Kemhaitava, mamma’ av’ok apkelpaklhanma. Vanlha’, apkel-paklhenkek ma’a, pa’at anak amhama nak ma’a velengko·pnemakha’, kelpaklhanme panke’; ngkelieieskangkek na·lhta·lhkaiam’.

Netamen, nnengkek na·lhta·kpasengvekho·m’a, velengko·pne-makha’, apvesai’a·lhkek Hantelek Poie, na·lhta lhema·ktaqmanma·pne-makha’. Nnengkek na·lht·oka·ksavheskamo pan apankok ma’a veleng-ko; aplhanie·pvesai’a enenlhet apkellai’a·m’a·lhkaiam’, ngkellapelhkes-kangkek na·lhta·pnengio’ok. — „¡Hai’, mmetkek ma’a!“ lhna·ptak lhemaphapak enenlhet, „¡mmet-kek aha’e!

43

— „¡Have·ktema·nke·kmeta·m’a, ma’a na·ngkopengkalhkak lhepop, el-ioho!“ na·lhta·ptemak po’ok. — „¿Sek la·ngkelvana akvaiakmo takhamal ke?“ na·lhta·ptemak lhe-ma. — „¿Sek la·ngkelvana ie?“

Kelietsatengkek na·lhta enenlhet ma’a, apvesai’a·lhta Sekelin, ka·m’a, Ielai alhta·niapom; netamen mokhom ma’a, apvesai’a·lhta·n-han Sangkina, ka·nha·pvesai’a·lhta Paloma, ka·nha·pvesai’a·lhta·Lvang-ko-Pmeiok. — „Ngkelvana kelha·ngiokmok,“ aptaiangkok. — „¡Ma’! Ntama·nko ie’,“ na·lhta·ptemak ma’a, Sekelin. Nno·kpasengvakho·m’a, Hantelek apvaneiam’, nno·kselhnano aptom-map pan apankok, savhommakpavek na·lhta·m’a.

44

Apvai’a lhema mesionero

Netamen, apva’ak ma’a mesionero apvesai’a·lhta Peien Toews; pelhasep alhta·pva’ak ma’a. — „¿Sek la·ptengio velengko ie?“ ntak ania’a, ngkeliemaske·pvalho-’ok, melvetai’akha kelha mesion. — „¿Sek lelha·ptengio ie, vakkahak ana·psekamaha, ma’a nak henget-lhekmoksek?“ Mangiehek nan ma’a, nenganek apvai’a panke’, vanlha noka·Tios apaivoma apsoiam’. — „¡Hai’! ¡Ennekmasamok hata!“ Mamma koka·kioho nennekmaskama, lhepke·pkennekmasak, nalhepop koka nennema. Mamma koka·pkelentalhnema·knematkak, vanlha vosa apavok, ietapvakmotko’ok, ka·kto nak ko’o, mamma·stalhnema; teia-iakme patong astalhnema. Kennekmaskek velengko·lhkek. Netamen apkennekmaskama, nne·kietkesangka, ngkelietkesama·pkennekmaska-ma·knematkak:

45

— „Aptase nak apveske’, lhna·ptahak,“ keltaiangkok. Nengeltema nak ennengko angennekmaksek ma’a, tasook apveske nee-ten aha, ktema nak ma’a. Netamen koka’, ngkelietkesavek nematkak ma’a; ntasek ankek lhennenga, ngkenmangkek engelvalho’ok ennengko ania’a, mangelhakhamak.

Vaktanie na mota velengko·lhkek. — „¿Sek lelha·ptengiai’o mota ie?“ ntema mota ania’a. Netamen, hengeltamengkek ennengko nengailhemo·Tios apaivoma, ngkeltameiangke·lhta·m’a; lhelha anio kelha·piaqpaseiangko iemmen enenlhet ke. Koka tata·nnenga, vanlha Mendoza·pvesai’a, takha·pkel-tema, mamma nema·ltema la’a, nietnek alhta·plhengama apmanie pan-kek ma’a, malha·pmaieskama amai ma’a tata.

Sekhek aktengiammalhko lhepop aktek

Sekhek anke·lhta nennemak ennengko Kemhaitava. Netamen, niet-nek alhta akietnaikama paqtek ma’a, Cecilio Acosta·lhta·pvesai’a, pota etengiak lhepop aktek. Apmeiakhek alhta apnemakha Julio Esquivel, alhta·pnemak ma’a Veklhape’; Netamen, apkelpaqmetkesakpek sekhek ankek ma’a, anio 1973 alhta, nientelhek alhta. Vanlha·pqanet alhta·p-kelpaqnetkasemmap Julio Esquivel, Cecilio Acosta; alhaie·lht·oka·p-lheiam ma’a, Canoto Medina·lhta·pvesai’a, koka·pmanie pankek ma’a Cecilio Acosta. Netamen, apiangvakme·lhta·nhan ma’a Julio, ka peive-sakho·m’a, ka·ktepo; kelienlhaneiakme·lhta·ptengiai’a lhepop ma’a. Apmeiekhe·lhta Nepieiam ma’a Julio, metka·pkai’a·lhta; aptalhneng-vekhave·niekhe pollema, mekka·pkai’a koka’. Apasmoma·lhta·nhan ma’a pa’i, ka·nhan coronel Samaniego alhta·pvesai’a.

46

Nsavhelhkek anio, aptaqhavek mokhom Nepieiam’, nengeltema nak ennengko’o Asunción. Netamen, aptalhnengvekhavek na·lhta pol-lema Julio Esquivel, neksa·pkaqnekha·pkelveskaie’, palacio de justicia na·kvesai’a, nnengkek na·lhta·niekhe·kiengekho·m’a, mamma koka·p-kai’a Julio. Coronel na·lhta·nha·plhelhma·m’a, apkai’ak na·lht·oka’, pa-’i·nha·pkai’ak. — „¡Emoktakpok, eniaho! Apvankek mengaqhek aha’e, polisia nak,“ na·lhta·ptema·niekhe takha’. Mamma·lhna·lht·oka·pkai’a. Netamen, aptalhnek Julio Esquivel ma’ apkaqnekha’ apkelveskaie’, apmopvana·lhna·lhta memmokta’; apvan-ke paivoma. Keliatekama·lhna·lhta coronel. — „¡A! ntase na·pvalhok aha’e, ko’o koka neptamen, askak’a ie’,“ na·lhta·ptemak ma’a coronel. Koka metka·pkai’a·m’a·plhelhma. Apsavhomakiek na·lhta apkeltennai-

47

kama sekhek ieseksek takha·pkelveskaie·m’a, pkelientalhnemo; ka Ge-neral Strossnel alhta tiempo.

Netamen, keltekpongkaskek na·pmeiok apsavho·pkeltennaika-ma·m’a; noka·nietnamak apkeltennaikama·ktaqmanma·m’a. Netamen akno leiveso paikok Julio: — „Lheiap anak apvakmok tep,“ na·lhta·ptemak ma’a. Nno leiveso paikok ma’a. — „¡Ntasek anke na·plheianma!“ lhna·lhta·ptemak. Nak vanlha·m’a, ka·ktepo·lhnak ma’a, akietnakho·m’a aknaiangkelha titulo; na·lhta·mpakhasekha’. Aholhek koka nelailhema mokhom, 1975, mokhom ania’a; keltaqhengvekhek koka Nepieiam’ Julio Esquivel alh-ta·pvesai’a.

Netamen, apkelva’ak nan ma’a, Cecilio Martinez, Arturo Perez, aptakho apketlhelhma’ak Julio, pota·nhan Luis Maciel alhta·pvesai’a, ntanakhek mo’ok. Netamen, apasmek nan ma’a, Oplam Hipat, Veleng-ko Tova na·pvesai’a; apasmek nan ma’a Pa’i Jose, mokhom apasmo-ma·m’a. Apasmek nan ma’a Doctor Walte, apnemo·lhta Kolonia Neu-land, apsavema·nhan mapa·kiavai’a·m’a. — „Lheiap anietna·pvesai’a mapa nak he,“ lhta·ptak ma’a. Kankesekhe·lht·oka’ alvaneiam ma’a.

Asvet’a·lhta ko aqnekha’, nemo·lhta·ltemo Iaqiekapak, netamen, ka·nhan ma’a, Lorenzo Pacual alhta·piapom, netamen mokhom Lo-pe·lhta·pvesai’a, ka he·kieniolhko·lhta kolhave nak, netamen nan ma’ apvaneiam alhta, Mario Cantero·lhta·pvesai’a. Netamen, ka·pkeliateng-ka velengko: — „¿Ko·pkakhaiangkelha ketlhengkap ma’a?“ lhta·ptak ma’a Doctor Walte. — „Vanlha nemmo’o ammok ennengko lhepop anak hengke’e, Casa-nillo,“ lhta·ptak ma’a Julio Esquivel.

48

Apkelpatmommap enenlhet

Kennaiakmek alht·oka sekhek enenlhet ma’a Ietnokho-Sanga, ngvaiakmek lhema anio apkennaiam’; mokhom alht·oka·niammalh-ka·nianemana. Netamen, mmaskek mokhom anianemana, keltaqhave mota Veklhape’; mok nem koka’, kelmeiakhe mota Ietnokho-Sanga.

Ngvakmek 1980, mokhom anianemana, koka·pkelpatmekpo nak ma’ enenlhet, hanet alto·lhta. Netamen, akhema lhepop, kannaleta nak amai Ietnokho-Sanga, apekkanvakmo alto takha·m’a, ka’ apkelpatmo enenlhet, kelpatmo·nha·niekhe kavatio; kentengkek koka’, mangko-mopvanak mahai’a·nianantek alto. Lhamakho·pmahai’ak elpatmo·niek-he’ apnaqtoskama enenlhet, piosak’a·niekhe’, nengkelhakhamo nenta-men. Ka·pketlhengo Kelometto Iesesiete. Apmaniek koka sekhek ne-ma·kiantamo Julio, aptenengvaiakmo·m’a lhepop Kelometto Iesesiete.

Netamen, m·oka’ ataiangkok ko’o, staqhakhe·lhta ko lha’, sme-iakhak kolonia. Nnave nak nan asvakhelha Kemhaitava·nno·kpatmo·m-’a, astema tata·lhta. Apiose·niekhe·skelan’o; apkelhakkek koka malek-

49

ka, alto·mpatengva’ak, mercedes akiavai’a·lhta, lhema anio·pnaiam Iet-nokho-Sanga. Netamen, skemhangkek ko lha·m’a, siantengkek ma’a koleto pankok, malekka·nhan. Tos semmana koka lhengama Lovente, mamma koka·tlhengama malekka, ngkeliampave’; alhelhma·nhan ma’a eialheng Tasia. Pelapkaskek nelvakho·m’a Lovente kampamento, he-ngelvet’ak na takha’. — „¿Ko·pkeniem’akha’?“ aptak ma’a takha’ apkemhama atong, guar-dia kelhaha. „¿Ko la·pme’ emhangke’? ¡Mamma permiso ma’! ¿Ko·p-me’ emhangke’?“ aptak. Ientalhnave·niekhe’. Alhenkek na ko astema tata·lhta: — „Ka·sma’ angvemhangkok tata·lhta,“ alhta·stak ma’a. — „Hai’, nakkelha. ¿Lheiap ai’e gente pankok?“ — „Hai’, ko’o gente hankok.“ Netamen, apmaiesakhek ma’ atong.

Asvaiam Kelometto Iesesiete

Alhengkek mokhom. Nennaqteianvakhek mokhom nalhet amai, aiosak’a·niekhe nellan’o malekka, ngkeliampei’ave’. Netamen, mok-hom nenlhengama, asvakme nakkelha Iesesiete, ¡niemaskek evalhok ma’a! Svakmehe’, kelletsepavek koka helvet’o·snemo lheme·lhka iek. Asnek lhema semmana, mokhom mongvaktemmalhka’, skellanema ko-ka sekhe·ktemakha·pkelmakmekama. Ka·kto mok semmana, ka·skela-nema sekhe’, ¡va’, nientelhe na mota·knema·llanei’o tova nak! Takha’, ientelhe’, coronel Machuca·lhta·pvesai’a, ¡aplongke panke’! Lhema netsoma·tkok, servesa na lhankok, vanlha nenlhevai’a pataktek ma’a, mamma’, vanlha mek ankehe’; hanet sese, nnavek nan asokka, lhema coca cola na lhankok, akieplomo·phamilia nentavekha’, ketsek anke-

50

he’. Netamen, mok askelanekama koka·stak takha’, mopasmak apmak-mekama takha’, kennn, mongvammelhok aplokha la’a, mongvailhok na·pkeliatekama, lavke·niekhe’. Netamen, astengiama ko·niekhe·stoma la pa’ang, mamma koka’; skellelhkama·nhan valha la·vhak, asteniak Nialva, asvetangvakme na·nke mota·Nialva, metka·tsemheng.

Netamen koka’, mmeiantek na·ngkelvana hengka neten Kelomet-to Iesesiete, loma-neten anantema; aviación alhta·niekhe·ngkeltema·ng-kolhek alhnaso, mpekheskangke·ngkotiemok, m·oka·ngkotiaiakmok, mok akhalhiengkaiam antemak. Netamen, ka·ktengkaso lhema vakka-hak koneng, ka·pkellan’o·m’a takha’. Netamen, nelleng’ak ennengko-’o: — „¡Ellaqhetamok hata ellanak senso!“ aptak ma’a. „¡Apketlhekmek nak ma’a kempokhakme’! Argentina·pme’ eletkaksek ketlhengkap,“ apta nak takha’. — „Hai’, ko lelha ta antek ma’a,“ ntak evalhok.

51

Nietave·lhta·pkennapekpo·m’a, argentina, ingles, Islas Marvina kelha·k-vesai’a, pollema·lhta nengekhav’ak.

Ngvaktek mokhom noseianeng akpaivoma: — „¡Argentina·lhna·pma’ak elaqlosengvak ketlhengkap! Nema lhakha-ma·lhnak ketlhengkap, Paraguay na·pkelhakhama,“ na·lhta·ntemak an-ia’a. „Me’ elpatengvak argentina,“ aptak apveske’ alhta takha’. Taqmelo·nha·ntemak, nnengkek na·lhta·khalhtemekho·m’a kampamen-to·kieto Pilcomayo. Apientalhnema·lhna·lhta lhemaphapak apkemha-ma atong, ka·pmangko·m’a, pkeltaqheso. ¡Koka·lpaihakho nak engel-valho’ok ennengko·m’a! Ngketlhengkeskangkek hengelmok argentina, na·lhta·pmahai’ak hengialiaksek ma’a kennapommakpelha’.

Apkelelhiaiam enenlhet akieto Nanavavhak

Netamen, apvenema nak takha’: — „¡Etlheng no sekho ie’! Apvankak hata eltaqhekhak ketlhengkap, en-meiakha ta ma’akha enmangkok, kolonia, Veklhape’, ¡eltaqho·ta!“ lhta·p-tak ma’a. Paihakhavek ko evalhok sleng’o paivoma takha’. Netamen, kolhavek na·pkelentepak ma’a napokha hengellanekama·lhta.

Mercedes aliavai’a·nha·nnaiangkok, apekha’avek nan elaqlantak takha’ napokha’ enenlhet. — „¡Alpatmo ta!“ aptak ma’a takha·lhta hengeltaqmelkeskama. — „Hai’.“ Ma·lht·elhena·pme’ elhiemok enenlhet alhta·piavai’a, apmeiavkek alto. Spaqmetkaske·niekhe’, skelmalhnengka·nhan: — „¿Ko·pme’ emhangke’?

52

— „¡Kolonia·sma’ alvoka sekhe’! Kolhave ta vata’,“ aptak ma’a. Noka·pleng’ak takha·lhke paivoma, ka·m’a, malha hennengkenekha·p-tak. Netamen, ngkelvektaniek koka malekka hankok kolonia, henge-lhakhangveiakme’, koleto koka·nietnaiakmok.

Netamen, skelhiakme’, kolhavek na ko lha·smangkok ma’ alto, estancia Agua Lidia aniekta’, ka·smangko·m’a. Apekkenke nak ma’a iamavelengko, skanantek ko·m’a, taqmelakho·nke’. Ka·skelhiakmek ko elhepke·nnenga, nnekhek koka meme·m’a. Kelelhiaiakmek napokha’ enenlhet, kelpatmek pa’i, kakhengvaktamo Nanavavhak. Ko’o·nhan, svaktanie’, elhepke’.

53

Astaqhemo akieto Iesesiete

Netamen, astaqhavek mokhom akieto Iesesiete, asiantemakhek ko velengko hankok, heiasekhave nak na. Askelpatengvakhek meme, tata ka·nha etava’, lhema·knem alht·oka’ aniema alto. Nelvakhek Lo-vente, apmangkek takha nelkanantema: — „¡Mamma permiso!“ pta nak ma’a kemhama atong. — „¿Ko lelha atneskesek?“ ka·ntak evalhok. Elhepke’, vanlha velengko alhelhma apvesai’a Valam Hut. Ma nak na etsavema cedula pankok ma’a, mesavema·nhan ma’ alto registro·nkok, mamma’, ka aholhe·kietnema alto·m’a. Skelpaqmetkesalhkek ko lha tak-ha’ kemhama atong, sketangkek ma’a sargento.

54

— „Kelvangkakmek nak cedula pankok hengke’e, ka registro, aklha-makhoho,“ asta·skano. — „Hai’.“ Kasekhave nak na·nkek ma’a, ka·stalhno kampamento.

Skelhiakmo, la·tte kelha·skelhiaiakmok. Netamen, alhengvak-me’, henmalhnengka·nha takha’: — „¿Sek aknem enielhiemok mokhom ke?“ — „Lhema semmana ta·lvokaha, pota ataqhok mokhom.“ Siennengkasema koka’, asavhomavek aslaqlentamo·phamilia.

Netamen, snaktaniek ma’a Nanavavhak; lhamongvaktek enen-lhet ma’a. Apvakte mota Pa’i Jose, Doctor Walte, hengankesakhe mo-ta, ka·nta·stakha·lhkek ampakhasekha·skeltennaikama, mapa·psavema. — „¿Ko lelha·kieto·pkavakha tova hengka?“ lhta·ptak. „Ka Lovente he, ka Pozo Azul he, ka Ietnakha-Pa’at he, ka Lhakmo-Nangkahai’ he, ka Kenma-Ahe he,“ lhta·ptak ma’a, „leielha·pvalhok enenlhet.“ Ntepema koka·kvesai’a Casanillo. — „Hai’, Casanillo ta,“ aptak ma’a. He, ¡taqmelakho·nke’!

Mekka iemmen

Netamen, anio 1981, apkelentalhno nak ma’a, savhommakpavek enenlhet apkelentalhnemo Casanillo. T·oka·pkakhengvaiakmok sekhek napokha·m’a Siento Osenta, ka·nieto·kmangko nak aha’e, anio 1980 alhta, tosilio·lhta·pkellangkemak, Oplam Hipat koka·pkeltaqmelkeska-ma. Netamen, mamma·nha iemmen ma’a, kuatro pelten mangkommai-’a. Keletkaikama nalhma’ enenlhet, mamma iemmen, tos kelometto·lh-

55

ta·pkeliengaikamok tampol; nengvetai’ak tosiento litro nak tampol, iemmen apkeliakvongvaiam’, apmeio’o·pkeliengama. Keliaqmongka-semmakpek koka’, kuatro enenlhet lhema tampol apkeliengaikamok, tres kelometto·lhna·lhta estancia apkeliakvongvaianlha iemmen sanga.

Netamen, ngvaktaniek iemmen, lhema·knem amelio·lhta·kmamai-’a, nlanekhave·kiokho·nke iempek. Mek koka·ngkennapak enenlhet, kelleklhangvek nematkak; ka·stalhnengvainlha nak ko iammalhek ma-’a. Skanengke·ngkotaqmanmak asmaiangkelha’, etapno’ok annaiang-kok iemmen. Ka·stalhnengvakmo·m’a iammalhek, eiaspok ana·nietnak iemmen, siaisave panko ie’. Skaqhetangko·smo’ otiepo·niekhe’, koka’ avanhek iemmen; smahai’a’ ai’okha·niekhe·skeiam alhta·skangkema iavhan, skanengkek koka·ngkotaqmanmak.

56

Netamen, nietave·lhta·pvakho velengko akmamak’o·m’a, taitol apak alhta·nha·pkanantema, lhema koplavo. Apekhema nak velengko: — „Ataqhekha ta ko’o, lommemo iemmen anak,“ lhta·ptak ma’a. Kelkanantek enenlhet, nengiamasma nengetsekamaha, nengiamasma la-lio, nengiamasma tokalisko, vanlha nengaqlammalhka nemmekha’; kel-kanante’, lommemo·knematka·kno·kieniakho neten. Sieniommalhkek koka ko’o, vanlha lhelhma etava’, Lakoso·lhta·nhan; skelanokhe·ktaq-hakho mokhek taitol akmeiantamo Veklhape’. Askanokha·ngkoveng-kepak taitol — ka·kiepvatema nak Halai, avanhek iemmen, kantokhak iotaqla’, ngkel·haivokhehe’.

Akvaivekamok taitol

¡Nak taitol na·lhiakmo nak aniem’o San Antonio! Asmangkek ma’a, valmet alhta·kiavai’a, brazil alhta·pkanantema, ka·skelmalhneng-ka: — „¿Ntase·i’e·ngvanantek ham?“ — „Ma’, mangkolatsemaha, mamma koplavo·nkok. Hate lailhek ma’a, mo’ok lhek taitol, takha·lhka iek,“ lhta·ptak heiano, „lies enenlhet ha-te·lkanantek.“ Paihakhek evalhok, ka·skel·halhno ko·m’a. Ngkelhiakme na·nke’, ka·s-mangko·m’a, nelkanante’, ¡tase·niema taitol amai!

Netamen, skanokha’ elvengkepa·pmaniaie·lhke·pkelelhiaiam’ — na·nietnak koplavo·m’a, alvata·ktong alhta, engiaspok alhta·ngkoitek iemmen; mok apqatek koka·ngvekha manie Veklhape’, ¡avanhek an-ke·lhta iemmen! Nnave nak hetepkeskakha takha’, sien metto kelhaha. — „¡Etiep hata sekho ie’! Sma’ angvemposka·niema·ngke’e,“ apta nak

57

heiano aplhengkeskama·lhta tailol. „¡Etelh hata·pmanie’, eiephongvom hata!“ Siepkonkasema·spatmo lhema eietka, Meneno na·ptava’, lhemapa·lhta eietka, ka maestro na·ptava’. Netamen, aspatmakhek ko’o, enengietek aspekkenak, lhema emek na sekamaha, skanokha mangkaptonnek, eias-pok ana·nietnak iemmen, hepalvak kelasma, niemaskek evalhok. Ka·s-teiapvakmo tep iemmen alvata·ktong, sengkuenta metto kelhaha, he-paqnetkasakhek mokhom takha’: — „¡Melpalhaqvom ankek aha’e! appalte ta ha’e,“ lhta·ptak heiano takha’.

58

— „Hai’.“ Smek na paivoma.

Netamen, skelanema iotaqla·lhkek, ¡kemposka na·niema! Ka·s-kelanengka·nha mo’ok, metka koplavo, neten ana·mmeiakha vahek, nte-iapveiakmek ma’a. Ka·pkelailho·nhan mo’ok, ka·ntak koplavo·tkok lhek he, mangkotiapveiakmok, nemmen anietnai’ak. Koka·pkaqhetama·pien-ioskaso mo’ok taitol ma’a, ka·ktepo·m’a. — „¡Asvaktanie’!“ nta mota evalhok. Svaktaniek estancia nak Halai, hethaniakmek na lhemaphapak veleng-ko: — „¡Aptoma·lhkek aha’e! Oplam Hipat lhe·pnengkanvekta’.“ — „Hai’.“ Skapkaskek eiempek sketkamaha, mek anke·kvesai’a. Kolhe·skelvak-mo, mok singko kelo; malha·kno·patakkom astak, libre noka nenlhe-vai’a. Netamen, ¡nak na Oplam Tova·pkelhiakmo nak he! — „¡Iangvakme·svengkepakhe nalhmok la’a,“ lhta·ntak evalhok. Svaktaniek Veklhape’, mpaihakhave·lhta evalhok, metna·sketlhelhma-’ak lhek nentamen, ngheklhe·pkellava.

Apkennaiam enenlhet Konamoktololaq

Netamen, nelvakhek Veklhape’, koka·ktepo nak ania’a·m’a: — „¡Elentelh hata Casanillo!“ — „Hai’.“ Tose·pkelvai’a·pmaniaie’, Luis Ramirez, kelha·pmanie·pvai’a, ka·nhan Julio Genaro, kelha·pkelvai’a·pmaniaie·m’a; noka·nhan ma’a, Sanche·n-nenga·lhta, ka·nhan ma’a, Felipe. M·oka’ alheiakmok ko’o, askak’ak nane·ngkotnekhak mokhom ma’a, nengelpatmommalhka’. Smeiavkek

59

na tata, ka·lhta·skak’a·ngkotnekhak mokhom nema·lpatama. Netamen, asmeiakhek Kalpakve. Koka’ otsenta kuatro·stalhno·m’a Casanillo, skelpatmo ko lha·nhan·ma’a tata, meme, lhamakhoho, ka·nhan eia-lheng Tacia, ka nelvo’o·nhan ennengko’o; taqmelakho·nke’.

60

Koka have·pkellavakha tova apkelvaianlha·lhta, Lovente, Ieses-iete, Santo Domingo, mamma·lhta·pkavakha’, mangkoleio·pvalho’ok ma’a. Ngkelpaihekhek koka·pvalho’ok apkelvai’o Casanillo, ka mok-hom ana·pkakhaikamok. Ma·lhta·ngkolatsema·m’a nentamen·alhta Ie-sesiete, Lovente nak taiep, nientelhek alhta·m’a. Kellaniemhama·niek-he’ enenlhet ma’a, have·kvesa·pkellavakha’, melioho·ptangkelha’, mam-ma·nha pa’ang, vanlha·lhta alha·niekhe’, koka mangkollapvana·pta-vengko.

Netamen, aplheneiakmo nak ko·m’a eialheng, Ievalo na·pvesai-’a, metka·ptava’, lhemaphapak, ietaievhene·ptengiai’a. Lhema semma-na·plheneiam ma’a, niemai’a·piaspo·plomakha’, ka nelketansema·nhan ennengko·m’a; aniem’o have nengavakha’. Ka·ngkeniem’ak elpekhok elelhiemok enenlhet, have·kvesai’a·pkellavakha’.

Taqmelo·pkelentalhno Casanillo, ntasek anke’, ka·pkakhangko nak mokhom. Kotlhen hata·pkelvalho’ok elhamakha’, mellana polle-ma, ka kolhva·pkelvai’a nak, eltaqmelkesakpoho, ennengko nengvakha lhepop anak he, Casanillo, nehe·kietnemo nak titulo, have·niapak ma-’a. Koietnekho ta paqtek enenlhet halhma·nke’, melammelhap, melia-menama po’ok, eltaqmelkesakpo koka’, ka·ntasek antek ma’a. Van-lha’.