Upload
others
View
10
Download
0
Embed Size (px)
Citation preview
BA ritgerð
Félagsráðgjöf
Samfélagsmiðlar og áhrif þeirra á sjálfsmynd
unglinga
Hjörleifur Steinn Þórisson
Leiðbeinandi: Dr. Sigrún Harðardóttir Maí 2018
Samfélagsmiðlar og áhrif þeirra á sjálfsmynd unglinga
Hjörleifur Steinn Þórisson
110893-2649
Lokaverkefni til BA-gráðu
Leiðbeinandi: Dr. Sigrún Harðardóttir
Félagsráðgjafardeild
Félagsvísindasvið Háskóla Íslands
Maí 2018
Samfélagsmiðlar og áhrif þeirra á sjálfsmynd unglinga
Ritgerð þessi er lokaverkefni til BA í félagsráðgjöf og er óheimilt að afrita ritgerðina á nokkurn hátt nema með leyfi rétthafa. © Hjörleifur Steinn Þórisson, 2018 Reykjavík, Ísland, 2018
3
Útdráttur
Í nútíma samfélagi virðist sem að flestir unglingar séu með nýjustu gerðina af
snjallsímum og allar gerðir samfélagsmiðla. Áhugavert er að skoða hvort notkun
samfélagsmiðla hafi jákvæð eða neikvæð áhrif á sjálfsmynd unglinga.
Rannsóknarspurning þessarar ritgerðar er varpa ljósi á þau mögulegu áhrif
samfélagsmiðla og þá helst miðlanna Snapchat og Instagram á sjálfsmynd unglinga í 8. til
10. bekk. Út frá niðurstöðum ritgerðarinnar má segja að samfélagsmiðlar geta bæði haft
neikvæð og jákvæð áhrif á sjálfsmynd unglinga en jákvæðu áhrifin gætu samt haft
neikvæðar afleiðingar í för með sér. Rannsóknir sýna fram á það að notkun
samfélagsmiðla geti valdið neikvæðum áhrifum á andlega heilsu unglinga og hvernig þau
líta á sjálfan sig. Forvarnir og fræðsla eru þeir þættir sem eru taldir vera mikilvægastir til
þess að sporna við neikvæðu hliðum samfélagsmiðla. Samstarf skóla, foreldra og
frístundastöðva er talið vera lykilatriði til þess að halda úti góðu forvarnarstarfi varðandi
samfélagsmiðla út frá niðurstöðum. Ef gott samstarf er á milli þessara aðila er hægt að
vinna gegn skaðsemi samfélagsmiðla og sjá til þess að allir séu vel upplýstir.
4
Formáli
Þessi ritgerð er lokaverkefni til BA prófs í félagsráðgjöf við Háskóla Íslands. Heiti hennar
er „Samfélagsmiðlar og áhrif þeirra á sjálfsmynd unglinga“ og er hún metin til 12
eininga. Leiðbeinandi minn var Sigrún Harðardóttir og vil ég þakka henni fyrir góða
leiðsögn, hvatningu og uppbyggilega gagnrýni við vinnslu ritgerðar. Einnig vil ég þakka
kærustu minni Fríðu Karen Gunnarsdóttur og móðir minni Hjördísi Tómasdóttir fyrir
yfirlestur og gagnlegar ábendingar.
5
Efnisyfirlit
Útdráttur .................................................................................................................... 3
Formáli ....................................................................................................................... 4
Efnisyfirlit ................................................................................................................... 5
1 Inngangur .............................................................................................................. 6
2 Þroski unglinga ....................................................................................................... 8
2.1 Unglingsárin ............................................................................................................. 8
2.2 Vistfræðikenning Bronfenbrenners ......................................................................... 9
2.3 Seigla ...................................................................................................................... 11
2.4 Uppeldisaðferðir .................................................................................................... 11
2.5 Sjálfsmynd unglinga ............................................................................................... 11
2.6 Sjálfstraust ............................................................................................................. 13
2.7 Sjálfsálit .................................................................................................................. 13
2.8 Sjálfsvirðing ............................................................................................................ 14
3 Samfélagsmiðlar .................................................................................................. 15
3.1 Snapchat ................................................................................................................ 16
3.2 Instagram ............................................................................................................... 17
3.3 Áhrif samfélagsmiðla ............................................................................................. 17
3.4 Áhrif á andlega heilsu ............................................................................................ 18
3.4.1 Neteinelti (e. Cyberbullying) ........................................................................... 20
3.4.2 „Sexting“ ......................................................................................................... 21
3.5 Jákvæð áhrif samfélagsmiðla ................................................................................. 23
3.6 Áhrifavaldar............................................................................................................ 23
4 Forvarnir og fræðsla ............................................................................................. 25
4.1 Skólaumhverfið ...................................................................................................... 25
4.2 Ábyrgð og eftirlit foreldra ...................................................................................... 26
4.3 Frítími og félagsmiðstöðvar ................................................................................... 27
5 Niðurstöður og umræða ....................................................................................... 29
Heimildaskrá ............................................................................................................ 31
6
1 Inngangur
Notkun samfélagsmiðla í heiminum í dag hefur stigmagnast í gegnum árin um leið og
tæknin þróast. Í janúar árið 2018 voru 80% internet notenda á Íslandi sem notuðu
samfélagsmiðla að minnsta kosti einu sinni í mánuði (Statista, 2018a). Niðurstöður
rannsókna hafa sýnt að bæði jákvæð og neikvæð áhrif koma fram hjá einstaklingum við
notkun samfélagsmiðla en neikvæðu áhrifin séu þó meiri og alvarlegri. Ungt fólk notar
samfélagsmiðla til skemmtunar, til að hafa samskipti við annað fólk og deila lífi sínu með
öðrum. Þessir eiginleikar sem samfélagsmiðlar bjóða upp á geta vera jákvæðir en þeir
geta einnig haft neikvæð áhrif á sjálfsmynd unglinga (Gabriel, 2014).
Þróun sjálfsmyndarinnar er eitt af stærstu og erfiðustu verkefnum
unglingsáranna samkvæmt þroskasálfræðinni og gerir þróun sjálfsmyndarinnar kröfur
um það að einstaklingurinn hafi heildarmynd af sjálfum sér sem ekki er verið að breyta
endalaust. Líkamlegu breytingarnar sem eiga sér stað á unglingsárum eiga það til að
taka toll af sjálfsmyndinni. Unglingar verða óöryggir með sjálfan sig og eiga það til að
bera sig saman við aðra unglinga til þess að falla inn í hópinn (Aldís Guðmundsdóttir,
1997).
Í þessari ritgerð verður reynt að svara spurningunni hvort samfélagsmiðlar hafi
möguleg áhrif á sjálfsmynd unglinga og hver áhrifin gætu verið. Í ritgerðinni verður
fjallað um unglinga á aldrinum 13-16 ára eða í 8 til 10 bekk. Það er mikilvægt að skoða
þetta viðfangsefni þar sem samfélagsmiðlar eru orðnir stór hluti af daglegu lífi unglinga í
íslensku samfélagi og sé ég það sjálfur í starfi mínu. Þar er ég að vinna með unglingum
og langar mig að fræðast meira um samfélagsmiðla. Í starfi mínu sem
frístundaleiðbeinandi hef ég tekið þátt í að skipuleggja símalausa viðburði og hefur
raunin verið sú að unglingarnir hafa verið ánægðir með að komast aðeins í burtu frá
símanum. Mikilvægt er einnig að skoða þær forvarnir sem eru í boði og hvers konar
forvarnarstarf gæti hentað best til þess að draga úr hættum samfélagsmiðla fyrir
sjálfsmynd unglinga. Ritgerðin skiptist í fjóra kafla. Í fyrsta kafla er farið yfir þroska
unglinga og gert grein fyrir vistfræðikenningu Bronfenbrenners til þess að skilja hvernig
7
sé hægt að tengja áhrif samfélagsmiðla við sjálfsmynd unglinga. Fjallað verður um
sjálfsmynd unglinga og þau hugtök sem snerta sjálfsmyndina. Í öðrum kafla er fjallað um
samfélagsmiðla og hvernig notkun hefur breyst á síðustu árum. Einnig er fjallað um þá
tvo samfélagsmiðla sem lögð er áhersla á í þessari ritgerð, Snapchat og Instargram. Gerð
verður grein fyrir áhrifum samfélagsmiðlanotkunar og fjallað um niðurstöður rannsókna
um þær hættur sem gætu leynst þar eins og neteinelti og sexting. Einnig verður fjallað
um þau jákvæðu áhrif sem samfélagsmiðlar geta haft og hvers konar áhrif áhrifavaldar
hafa á unglinga. Í þriðja kafla verður fjallað um mikilvægi forvarna og fræðslu, þar
verður farið yfir hlutverk skólafélagsráðgjafa, hlutverk foreldra í samfélagsmiðlanotkun
unglinga og mikilvægi félagsmiðstöðva til þess að fræða unglinga í frítíma sínum. Í fjórða
kafla verða niðurstöður settar fram og þær ræddar í fræðilegu ljósi með
rannsóknarspurningu til hliðsjónar og verða dregnar ályktanir út frá niðurstöðum.
8
2 Þroski unglinga
Í þessum kafla er farið yfir þroska unglinga og gerð grein fyrir vistfræðikenningu
Bronfenbrenners til þess að skilja hvernig sé hægt að tengja áhrif samfélagsmiðla við
sjálfsmynd unglinga. Fjallað verður um sjálfsmynd unglinga og þau hugtök sem snerta
sjálfsmyndina.
2.1 Unglingsárin
Unglingsárin einkennast af breytingum á mörgum sviðum og það er margt sem hefur
áhrif á þessar breytingar. Á kynþroskatímabilinu eru hormónabreytingar miklar og þær
geta valdið líkamlegum breytingum og skapsveiflum og einnig hæðar- og
þyngdaraukningu. Á þessum árum geta einnig orðið miklar breytingar á viðhorfum og er
það tengt heilaþroskanum. Unglingurinn lærir að þekkja tilfinningar sínar með auknum
þroska og auknum skilning. Unglingurinn byrjar að velta fyrir sér víðari og stærri þáttum
lífsins því að siðferðisþroski eykst og þroskast og þeir fara að setja sig í spor annarra.
Félagsþroski eykst á unglingsárum og tengist hann mikilvægum þáttum lífsins, eins og til
dæmis að mynda samskipti við aðra og mismunandi breytingum persónuleikans
(Santrock, 2016).
Sálfélagslegur þroski er þegar horft er til þeirra tengsla sem eru á milli umhverfis
og einstaklings í þroskaferlinu. Erik H. Erikson setti fram kenningu um sálfélagslegan
þroska sem einstaklingur gengur í gegnum frá vöggu til grafar. Erikson skiptir þroskanum
upp í átta félags- og sálarþroskaskeið þar sem gert er ráð fyrir að einstaklingurinn sjálfur
eigi að taka ákvarðanir og þar með taka virkan þátt í eigin þroska með því að freista þess
að samþætta og skilja daglega reynslu sína. Það eru ákveðin þroskaverkefni á hverju stigi
sem einstaklingurinn þarf að leysa og því betur sem einstaklingnum tekst að leysa
verkefnin, því mun betur gengur að leysa verkefnið á næsta þroskastigi. Þegar unglingar
komast á kynþroskaskeið fara þeir að sjá sig í mismunandi aðstæðum og hlutverkum og
fara að prófa sig áfram með mismunandi sjálfsmyndir (Erikson, 1968). Samkvæmt
Erikson er meginverkefni unglingsáranna að öðlast sterka sjálfskennd og sjálfsmynd. Það
að taka ákvarðanir um lífsstefnu getur verið dæmi um þau verkefni eins og menntun og
9
félagsleg viðhorf. Erikson taldi einnig að ef einstaklingur tekur misheppnaðar ákvarðanir
leiðir það að sundruðu sjálfi og verður einstaklingur hikandi varðandi sjálfan sig og stöðu
sína í þjóðfélaginu (Erikson, 1968).
Ef unglingar verja tíma með foreldrum sínum eru minni líkur á að leiðast út í
áhættuhegðun og að þau þrói með sér kvíða og þunglyndi. Það að unglingar viti af því að
hægt sé að leita til foreldra sinna eftir aðstoð og stuðningi er mikilvægur þáttur í
þroskaferli unglinga og getur einnig verið lykilþáttur í andlegri líðan þeirra (Hrefna
Pálsdóttir o.fl., 2014).
Auk þess hafa rannsóknir sýnt að ýmsir þættir geta haft áhrif á þroskann. Sem
dæmi hafa rannsóknir sýnt fram á að þeir unglingar sem beita rökhugsun séu ólíklegri til
þess að sýna áhættuhegðun og eftir því sem siðferðislegur þroski vex eykst rökhugsun.
Siðferðislegur þroski hefur verið skilgreindur sem breytingar á hugsun, hegðun og
tilfinningum á hugmyndum okkar hvað sé rétt og rangt. Á unglingsárum eykst samkennd
og umhyggja og ýtir samkennd undir siðferðislegan þroska unglinga (Santrock, 2016).
Í ljósi þess er vert að skoða hvaða breytingar verða á heilaþroska á
unglingsárunum en rannsóknir hafa sýnt að ákveðnar breytingar eiga sér stað á vissum
svæðum í heilanum á þessum árum. Þar má nefna til dæmis þroska framheilans en
þroski hans er mikilvægur vegna taugaboða sem hjálpa unglingum við að takast á við
vandamál eins og til dæmis að standast hópþrýsting. Mikilvægi umbunar er sögð ljúka á
unglingsárunum og er mandlan og randkerfið það svæði tilfinninga og upplifunar á að fá
umbun frá foreldrum og kennurum. Það er hægt að yfirfæra það á að unglingar leiti
frekar til vina og kunningja (Santrock, 2016).
Áhugavert er að skoða hvernig umhverfi, þar á meðal samfélagsmiðlar hafa áhrif
á þroska unglinga og til þess að skilja það betur skal skoða vistfræðikenningu
Bronfenbrenners.
2.2 Vistfræðikenning Bronfenbrenners
Vistfræðikenning Uri Bronfenbrenners útskýrir samspil umhverfis og einstaklings í
þroskaferlinu. Kenningin gerir ráð fyrir að þroski eigi sér stað innan fimm kerfa sem
snúast í kringum barnið. Þessi kerfi eru nærkerfi (e. microsystems), miðkerfi
(e.mesosystems), stofnanakerfi (e. exosystems), heildarkerfi (e. macrosystems) og
lífkerfi (e. chronosystems). Það er talað um nánasta umhverfi barnsins þegar um
10
nærkerfi er að ræða. Nánasta umhverfi eru foreldrar, systkini, skólafélagar og kennarar.
Með hækkandi aldri fjölgar nærkerfum þar sem einstaklingur eignast vini og tengist
fleira fólki í gegnum til dæmis tómstundir. Samskipti innan nærkerfisins mynda næsta
kerfi sem er miðkerfi en þar til dæmis þurfa samskipti foreldra og skóla að vera góð til
þess að hjálpa til við þroska barnsins og þegar á unglingsárin er komið þurfa tengsl
foreldra og vini unglings að vera góð til þess að draga úr áhættu á hegðunarvanda.
Næsta kerfi er stofnanakerfi en þar er átt við þær stofnanir sem tengjast þroska barnsins
en það getur til dæmis verið skólakerfið og heilbrigðiskerfið. Unglingurinn er undir
áhrifum þessa stofnanna og ákvarðanir sem teknar eru með eða án vitneskju
einstaklings getur haft áhrif á líf þess og þroska. Heildarkerfið er síðan það kerfi sem
umlykur öll kerfin og inniheldur þætti eins og gildismat og menningu samfélagsins, þau
viðhorf í samfélaginu til unglinga og stjórnkerfi landsins. Síðasta kerfið er lífkerfið en það
nær yfir þau áhrif sem verða til í lífi unglinga vegna atvika í lífi þess sem hafa áhrif á
þroskann. Þá er verið að tala um bæði innri og ytri breytingar sem fylgja auknum þroska
á unglingsárum. Einstaklingurinn tekur sjálfur virkan þátt í eigin þroska í stöðugum og
margþættum tengslum við umhverfið. Þau áhrif sem geta komið frá umhverfinu eru
meðal annars frá foreldrum, skóla og samfélaginu og til þess að tengja við þessa ritgerð,
samfélagsmiðlar.
Í kenningunni er gerð grein fyrir að þessi nánu ferli sem gagnvirku samskiptin
leiða af sér séu drifkraftur þroskans og ef vel tekst til byggist upp líkamleg, vitsmunaleg
og sálfélagsleg færni. Ef um neikvæð áhrif frá umhverfi er að ræða þarf að skoða hve
lengi einstaklingur sé undir þessum neikvæðu áhrifum, truflun á þroska getur orðið
vegna neikvæðu áhrifanna og skiptir það máli á hvaða aldri unglingurinn er. Því yngri
sem einstaklingurinn er því meiri hætta á að það verði neikvæð áhrif á þroska
(Bronfenbrenner og Mahoney, 1975).
Það getur verið gagnlegt að notast við vistfræðikenninguna til þess að reyna
skilja þau áhrif sem samfélagsmiðlar geta haft á sjálfsmynd unglinga. Unglingar notast
við samfélagsmiðla til að hafa samskipti við ákveðin nærkerfi eins og vini og fjölskyldu
en einnig geta þeir verið í samskiptum við einstaklinga sem þeir þekkja ekki og
samskiptin geta einkennst af slæmum tengslum. Samkvæmt kenningunni getur þetta
haft áhrif á þroska og getur mögulega haft skaðleg áhrif á sjálfsmyndina.
11
2.3 Seigla
Seigla er hugtak sem hefur verið lýst sem hæfni einstaklinga til að ná góðum alhliða
þroska og aðlögun þrátt fyrir að lenda í erfiðleikum. Margir fræðimenn hafa reynt að
útskýra þetta hugtak en Michael Ungar (2011) segir að seigla sé ferli í samspili
einstaklings og umhverfis. Niðurstöður rannsókna sýna að börn sem hafa alist upp við
erfið skilyrði geta komist vel af og hefur það verið tengt við seiglu. Flestir fræðimenn
sem hafa rannsakað hugtakið eru á þeirri skoðun að seiglan verði til vegna reynslu
einstaklinga og hvernig umhverfið bregst við þörfum þeirra. Það má því segja að seigla
endurspegli bæði innri styrkleika einstaklinga og stuðningin sem einstaklingur fær frá
skóla og fjölskyldu sem eru ytri verndandi þættir (Sigrún Harðardóttir, 2015a)
2.4 Uppeldisaðferðir
Rannsóknir hafa sýnt að mismunandi uppeldisaðferðir geti verið verndandi þáttur í
þroskaferlinu eða aukið áhættu á að eitthvað fari úrskeiðis. Diana Baumrind skipti
uppeldisaðferðum foreldra upp í þrjá hópa, skipandi uppeldi, eftirlátsamt uppeldi og
leiðandi uppeldi (Baumrind, 1971). Skipandi foreldrar eru líklegir til þess að vilja stjórna
hegðun barna sinna og eru ekki móttækilegir þeim viðhorfum og hegðun sem þeim líkar
ekki hjá börnum sínum. Skipandi foreldrar notast gjarnan við refsingar ef ekki er farið
eftir þeim reglum sem hafa verið settar. Eftirlátssamir foreldrar nota engar refsingar
gagnvart börnum sínum og eru ekki settar neinar reglur varðandi hvað barnið gerir.
Börn þessara foreldra eiga að ráða sér sjálf jafnvel þótt þau hafi hvorki þroska né
skilning á því sem þau eru að gera og fá þau litla tilsögn frá foreldrum sínum. Leiðandi
foreldrar eru þeir foreldrar sem setja reglur og er það gert í sameiningu með börnunum.
Leiðandi foreldrar styðja börn sín í því sem þau gera en setja líka kröfur á börnin sín um
ákveðna hegðun og styrkja foreldrar þá hegðun sem er mikilvægt í mótun barnanna.
Niðurstöður úr rannsóknum Baumrind sýna fram á það að leiðandi uppeldisaðferðir eflir
vitsmuna- og félagsþroska barna og einnig á aðferðin að styrkja sjálfsmynd þeirra og
ábyrgðarkennd (Baumrind, 1971).
2.5 Sjálfsmynd unglinga
Hugtakið sjálfsmynd hefur verið erfitt að skilgreina. Engu að síður er hugtakið mikið
notað í nútímasamfélagi og getur það haft mismunandi merkingu sem hægt er að tengja
við hæfileika, völd eða persónulegum eiginleikum sem einstaklingur telur sig hafa sem
12
greinir hann frá öðrum í þjóðfélaginu (Bacchini og Fabrizia, 2003). Á unglingsárunum er
sjálfsmyndin í mikilli mótun og hefur það áhrif á hegðun og tilfinningar. Með auknum
þroska og rökhugsun á þessu tímabili eykst sjálfsskilningur og sjálfsvirðing (Santrock,
2016). Sjálfsmynd getur verið óstöðug hjá unglingum og getur það verið þannig alveg
fram á fullorðinsárin eða þangað til að einstaklingur finnur fyrir heildstæðari mynd af
sjálfum sér. Sjálfsmynd er einhversskonar félagsleg ímynd sem er byggð á viðbrögðum
og viðhorfum þeirra sem eru í kringum okkur eins og til dæmis vinir og fjölskylda. Það að
eiga jákvæða fyrirmynd skiptir máli og minnkar það líkurnar á neikvæðri hegðun. Með
auknum sjálfsskilning og hæfni til að setja sig í spor annarra styrkir það sjálfsmyndina og
með auknum þroska geta unglingar farið að meta sjálfa sig út frá sinni sjálfsvitund
(Harter, 2012).
Eitt af erfiðustu verkefnum unglingsárana er þróun sjálfsmyndarinnar og þurfa
unglingar að hafa heildarmynd á sjálfum sér þegar sjálfsmynd er í þróun. Eins og fram
hefur komið er margt sem tengist þróun sjálfsmyndarinnar. Líklegra er að á
unglingsárunum séu einstaklingar óöruggari með sjálfan sig og finnst eins og þeir þurfi
að líta út eins og jafnaldrar sínir og gera það sama og þeir til þess að passa inn í hópinn
(Aldís Guðmundsdóttir, 1997).
Það má flokka þróun sjálfsmyndar í fjóra flokka. Flokkur eitt tengist samþættingu
eigin sjálfsmyndar og persónuleika við sjálfsmynd annarra í samfélaginu. Annar
flokkurinn snýst um hvaða viðhorfum og gildum einstaklingur fer eftir og persónulega
sjálfsmynd einstaklingsins. Þriðji flokkurinn tengist tengslum sjálfsmyndar við félagslega
þætti eins og fjölskyldu, vini og jafningja. Síðasti flokkurinn vísar í sjálfsmynd stærri hópa
innan samfélagsins sem fara eftir svipuðum menningarlegum viðhorfum og gildum. Það
er því nokkuð ljóst að persónulegir eiginleikar eru ekki það eina sem mótar
sjálfsmyndina heldur hefur umhverfið mikið að segja um mótun hennar (Jørgensen,
2010).
Rannsóknir hafa sýnt fram á að líklegt sé að unglingar glími við slæma
sjálfsmynd. Í skýrslu rannsóknar og greiningar árið 2016 um ungt fólk voru unglingar í 9.
og 10.bekk spurðir hvort þau væru ánægð með líkama sinn og hvort þau væru
hamingjusöm til þess að kanna sjálfsmyndina. Þegar þau voru beðin um að svara
eftirfarandi fullyrðingu: Ég er ánægður með líkama minn, kom í ljós að 17,40% stráka og
26,50% stelpna svöruðu að þetta lýsti þeim ekki nógu vel og 6,50% stráka og 20,80%
13
stelpna svöruðu að þetta lýsti þeim alls ekki. Til þess að kanna hamingju unglinga var
sett fram þessi fullyrðing: Ég er hamingjusöm/samur. Kom þar í ljós að 7,90% stráka og
17,10% stelpna svöruðu að þetta lýsti þeim ekki nógu vel og 3,10% stráka og 7,40%
stelpna svöruðu að þetta lýsti þeim alls ekki (Margrét Lilja Guðmundsdóttir o.fl., 2016)
Það má segja að sjálfsmynd sé einhversskonar yfirhugtak yfir hugtök eins og
sjálfstraust, sjálfsálit og sjálfsvirðingu og verður gert grein fyrir þeim.
2.6 Sjálfstraust
Trú og traust á sjálfum sér eru þeir þættir sem eru mikilvægir þegar litið er til
sjálfstrausts einstaklinga. Sjálfstraust snýst um að hafa trú á sjálfum sér og að ná þeim
markmiðum sem einstaklingur hefur sett fyrir sjálfan sig. Að vera með gott sjálfstraust
byggist á því að hafa trú á sjálfum sér og geta gert allt sem okkur langar til að gera
(Polce-Lynch, Myers, Kliewer og Kilmartin, 2001). Sjálfstraust getur hinsvegar verið
mismikið eftir aðstæðum, einstaklingur getur til dæmis haft mikla trú á sjálfum sér í
námi en hefur ekki trú á sjálfum sér í íþróttum. Skortur á sjálfstrausti segir til um að
einstaklingur hefur litla sem enga trú á sjálfum sér og getu sinni (Santrock, 2016).
Raunsæjar væntingar er líka eiginleiki sem einkennir einstaklinga sem hafa gott
sjálfstraust, þeir halda áfram að hafa trú á sjálfum sér þótt það gangi ekki alltaf allt upp
hjá þeim (Kuhlman, 2002).
Styrkja þarf sjálfsmynd unglinga til þess að auka sjálfstraust þeirra en það hefur
verið sýnt fram á að unglingar með jákvæða sjálfsmynd eru líklegri til að hafa meira
sjálfstraust. Það gefur því auga leið að unglingar með slæmt sjálfstraust eru líklegri til að
hafa neikvæða sjálfsmynd (Santrock, 2016).
2.7 Sjálfsálit
Með hugtakinu sjálfsálit er átt við það álit sem við höfum á okkur sjálfum og er um
margt líkt því sem hugtakið sjálfsmynd stendur fyrir. Hvernig við metum sjálfsmyndina
okkar segir til um sjálfsálit okkar og hvernig við metum þá hæfni sem við teljum vera
mikilvæga (Santrock, 2016). Unglingur sem hefur gott sjálfstraust er líklegri til að hafa
gott sjálfsálit og þar að leiðandi góða sjálfsmynd. Þetta tengist og er það sem einkennir
okkur (Álfheiður Steinþórsdóttir og Guðfinna Eydal, 2001). Heilbrigt sjálfsálit styður
sálfræðilegan stöðuleika og jákvæða félagslega virkni og er því mikilvægt að unglingar
þrói með sér heilbrigt sjálfsálit á unglingsárunum (Hosogi o.fl., 2007).
14
2.8 Sjálfsvirðing
Sjálfsvirðing er annað hugtak sem tengist sjálfsmyndinni. Þegar einstaklingar meta sína
eigin hæfileika og árangur og myndar þannig virðingu fyrir sjálfum sér er verið að tala
um sjálfsvirðingu. Þegar einstaklingur hefur trú á sjálfum sér, ber virðingu fyrir sjálfum
sér og trúir því að hann búi yfir miklum hæfileikum telst hann búa yfir mikilli
sjálfsvirðingu (Berger, 2014). Þeir unglingar sem hafa mikla sjálfsvirðingu eru líklegri til
að vera vinameiri, líða betur í félagslegu umhverfi og glíma við færri vandamál. Þeir sem
hafa lága sjálfsvirðingu eru líklegri til að gera eitthvað sem þeir myndu ekki venjulega
gera. (Sigrún Aðalbjarnardóttir, 2007). Ef unglingur hefur sjálfsvirðingu er líklegra að
hann hafi góða sjálfsmynd og því er hægt að segja að það séu tengsl á milli
sjálfsvirðingar og sjálfsmyndar (Berger, 2014).
Í þessum kafla hefur verið fjallað um þroskaferli unglinga og áhrif þroskans á
sjálfsmyndina. Gerð hefur verið grein fyrir vistfræðikenningu Bronfenbrenners og
mikilvægi seiglu og viðeigandi uppeldisaðferða. Fjallað var um sjálfsmynd unglinga og
mótun hennar sem og greint frá þeim hugtökum sem falla undir hugtakið sjálfsmynd,
sjálfstraust, sjálfsálit og sjálfsvirðing. Í næsta kafla verður fjallað um samfélagsmiðla og
þá helst Snapchat og Instagram. Greint verður frá þeim áhrifum sem samfélagsmiðlar
hafa, neikvæð og jákvæð.
15
3 Samfélagsmiðlar og áhrif þeirra
Í þessum kafla er fjallað um samfélagsmiðla og hvernig notkun hefur breyst á síðustu árum.
Einnig er fjallað um þá tvo samfélagsmiðla sem lögð er áhersla á í þessari ritgerð, Snapchat
og Instargram. Gerð verður grein fyrir áhrifum samfélagsmiðlanotkunar og fjallað um
niðurstöður rannsókna um þær hættur sem gætu leynst þar eins og neteinelti og sexting.
Einnig verður fjallað um þau jákvæðu áhrif sem samfélagsmiðlar geta haft og hvernig
áhrifavaldar hafa áhrif á unglinga.
3.1 Samfélagsmiðlar
Samfélagsmiðlum er hægt að lýsa sem síðum á internetinu þar sem fólk býr sér til aðgang og
þannig hefur einstaklingur möguleika á því að deila upplýsingum, sækja nýjar upplýsingar og
hafa samskipti við annað fólk. Einstaklingar geta valið hverjir sjá efnið sem þeir deila og
ákveðið sjálfir hvaða efni þeir vilja sjá. Með samfélagsmiðlum getur fólk fengið aðgang að
efni sem var áður ekki í boði (Fuchs, 2014). Einstaklingar eiga oftast mjög marga vini á
þessum síðum og eru það yfirleitt mun fleiri vinir heldur en unglingar eiga í
raunveruleikanum. Það er algengt á meðal háskólanema að eiga yfir 200 vini á
samfélagsmiðlum og er það mun meira heldur en einstaklingur þekkir persónulega og er
náinn (Hogan, 2010). Samfélagsmiðlar eru orðnir sjálfsagður hlutur í lífi flestra með tilkomu
snjallsíma og hjá mörgum eru miðlarnir það sem lífið snýst um en um 90% af ungu fólki notar
samfélagsmiðla þar sem meirihlutinn notar tvo eða fleiri miðla og skoðar þá daglega
(Vannucci, Flannery og Ohannessian, 2017).
Unglingar í dag hafa alist upp við internetið sem sjálfsagðan hlut og eru í raun þeir
fyrstu sem hafa gert það. Samfélagsmiðlar hafa þann eiginleika að skapa tækifæri og sjá til
þess að einstaklingar séu í stöðugu sambandi við vini, fjölskyldu og að eignast nýja vini en
það er talið að það sé ástæða þess afhverju unglingar notast við samfélagsmiðla. Fyrri
kynslóðir notuðust við kaffihús og næturlíf til þess að kynnast öðru fólki en nú til dags er það
mjög auðvelt í gegnum samfélagsmiðla (Hübner Barcelos og Alberto Vargas Rossi, 2014).
Það eru til mismunandi samfélagsmiðlar en í þessari ritgerð verður fjallað um tvo
samfélagsmiðla sem eru vinsælastir í dag á meðal ungmenna, Snapchat og Instagram.
16
3.2 Snapchat
Snapchat er samfélagsmiðill sem einstaklingar geta notað til þess að senda myndir,
myndbönd eða skilaboð. Ekki er flókið að gera aðgang á Snapchat en til þess þarf eingöngu
snjallsíma og nettengingu. Það sem einkennir Snapchat er það að einstaklingur getur valið
hvað viðtakandi hefur langan tíma til þess að skoða myndina sem hann sendir áður en hún
hverfur. Viðtakandi getur tekið skjáskot (e.screenshot) ef hann vill eiga myndina en þá fær
sendandi tilkynningu um það. Evan Spiegel er einn af tveimur hönnuðum Snapchat og er
hann einn ríkasti samfélagsmiðlahönnuður í heiminum í dag (Vaterlausa, Barnetta, Rocheb
og Youngc, 2016). Snapchat kom út árið 2011 og er einn vinsælasti samfélagsmiðilinn í
heiminum með um það bil 37 milljón virka notendur á mánuði í Bandaríkjunum. Samkvæmt
rannsókn sem var gerð voru 187 milljónir af daglegum virkum notendum í heiminum á
síðasta fjórðung ársins 2017 (Statista, 2018c).
Annar eiginleiki sem einkennir Snapchat er sá að ef einstaklingar senda hvor öðrum
myndir eða skilaboð í ákveðið mörg skipti fara þau í besta vinalistann þeirra (e. best freinds
list). Samkvæmt rannsókn sem var gerð í Midwestern háskólanum í Bandaríkjunum kemur í
ljós að vinalista eiginileikinn getur haft neikvæð áhrif. Þar segir að þessi eiginleiki getur valdið
afbrýðisemi og vakið upp keppnisskap á milli vina til að vera í topp sætunum (Vaterlausa
o.fl., 2016). Í sömu rannsókn kemur fram að það er ákveðin kynslóðarspenna þar sem
foreldrar skilja oft ekki hvað Snapchat snýst um og getur það komið upp á milli foreldra og
unglinga. Ef foreldri getur nýtt tækifærið og lært á miðilinn getur hann verið í meiri sambandi
við barnið sitt. Snapchat er líka miðill sem getur verið hættulegur þegar kemur að
óviðeigandi hegðun. Sumir nýta sér þann eiginleika að myndirnar sem sendast eyðast eftir
ákveðinn tíma og samkvæmt rannsókninni frá Midwestern háskólanum nýta sumir
einstaklingar sér þetta til þess að leggja í einelti eða senda óviðeigandi myndir (Vaterlausa
o.fl., 2016).
Snapchat virðist hinsvegar líka hafa góð áhrif en þátttakendur í rannsókninni greindu
frá því að Snapchat geti verið tæki til þess að styrkja samböndin í lífi þeirra,
fjölskyldusamböndin og vinasamböndin. Þau sögðu einnig að þau væru ekki að senda
einhverjum sem þau þekktu ekki því það væri skrítið og að Snapchat væri meira persónulegra
(Vaterlausa o.fl., 2016).
17
3.3 Instagram
Instagram kom út árið 2010 og byggir sá samfélagsmiðill á þeirri hugmynd að fólk tekur
myndir, breytir þeim og deilir þeim svo með vinum sínum (Weilenmann, Hillman og
Jungselius, 2013).
Það voru þeir Kevin Systrom og Mike Kriger sem stofnuðu Instagram saman en
Instagram hefur farið vaxandi með árunum og eru yfir 500 milljónir notenda sem deila
myndum og myndböndum af sjálfum sér og merkilegum augnablikum. Miðillinn er ætlaður
fyrir sjónræna frásögn fyrir alla, einstaklinga, fyrirtæki eða stórstjörnur (Instagram, 2018).
Þann 6. október 2010 sem er dagurinn sem Instagram var stofnað skráðu 25 þúsund manns
sig á miðilinn og hefur hann farið stækkandi síðan þá og í mars mánuði 2017 voru notendur
orðnir 600 milljón (Instagram, 2018). Instagram hefur aukist mjög í vinsældum á
síðastliðnum árum en til marks um það má sjá að daglegir notendur á Instagram fóru úr 150
milljón notendum í janúar árið 2017 og í 500 milljón daglega notendur í september árið 2017
(Statista, 2018b).
Samkvæmt rannsókn sem var gerð í tveimur háskólum í Kuala Lumpur kemur fram að
Instagram getur haft neikvæð áhrif á líkamsímynd unglinga. Instagram gefur unglingum það
tækifæri að sjá myndir af öðrum sem getur leitt til þess að þau byrja að mynda hjá sér
neikvæðar tilfinningar og óhamingju gagnvart líkama sínum þar sem þau eru að bera sig
saman við aðra sem eru hugsanlega búin að vinna myndirnar sínar til þess að þær líti betur
út (Ahadzadeh, Pahlevan Sharif og Ong, 2017). Svipuð rannsókn var gerð í háskóla í
Bandaríkjunum þar sem stúlkur sem notuðu Instagram voru þátttakendur. Niðurstöðurnar
þar voru svipaðar og gáfu til kynna að notkun Instagram gætu haft neikvæð áhrif á
líkamsímynd og ef stúlkur væru alltaf að bera sig saman við aðra ýtti það undir óánægju með
líkama sinn (Hendrickse, Arpan, Clayton og Ridgway, 2017).
3.4 Áhrif samfélagsmiðla
Áhrif samfélagsmiðla á unglinga nú til dags geta verið margvísleg en mikil aukning hefur
orðið í notkun þeirra á síðastliðnum árum hjá unglingum. Árið 2014 var hlutfall nemenda í 8,
9 og 10 bekk á höfðuborgasvæðinu sem eyddu 4 klst. eða meira á samfélagsmiðlum 14,2%
og hlutfallið á landsbyggðinni var 15,1% (Hrefna Pálsdóttir o.fl., 2014). Hlutfallið hefur
hækkað töluvert en hlutfall sama aldurshóps árið 2016 hefur farið upp í 21,7% á
18
höfuðborgasvæðinu og 23,9% á landsbyggðinni (Margrét Lilja Guðmundsdóttir o.fl., 2016).
Þarna sjáum við að notkun samfélagsmiðla eykst á milli ára og hafa verið gerðar rannsóknir á
hvaða áhrif notkunin hafi á fólk.
Rannsóknir hafa sýnt að bæði er að finna jákvæð og neikvæð áhrif af notkun
samfélagsmiðla en samkvæmt rannsókn Rideout telur meirihluti unglinga að
samfélagsmiðlar hafi góð áhrif á sig (Rideout, 2012). Í sömu rannsókn kom fram að unglingar
séu ánægðir en þó áhyggjufullir þegar myndum af þeim er deilt á netinu, áhyggjufullir yfir því
hvort þetta sé nógu flott mynd af þeim og hvort myndin verði nógu vinsæl. Stúlkur eru taldar
vera mun líklegri til að upplifa það frekar en drengir. Um 35% unglinga höfðu áhyggjur af því
að vera „merkt“ (e. tagged) á myndum sem þeim fannst ljótar, 22% unglinga höfðu áhyggjur
og leið illa ef enginn skildi eftir skilaboð eða líkaði við myndirnar sem þau settu á netið. Um
17% unglinga sögðust svo hafa átt við myndirnar sínar áður en þær færu á internetið til þess
að líta betur út (Rideout, 2012). Tölur frá þessari rannsókn sýna að samfélagsmiðlar hafi áhrif
hvort sem það eru jákvæð áhrif eða neikvæð áhrif. Ungt fólk hefur mismikinn þroska til þess
að vera á netinu en sumir hafa kunnáttu og færni til þess að nota góð samskipti og sýna góða
hegun á netinu. Það eru líka einstaklingar sem hafa ekki þennan þroska og eru í meiri hættu
á að lenda í vandræðum á netinu (Chadwick, 2014).
Rannsóknir hafa sýnt að samfélagsmiðlar geti haft bæði jákvæð og neikvæð áhrif. Þau
jákvæðu áhrif sem komu í ljós í rannsókn sem var gerð í Brasilíu á unglingum á aldrinum 13-
17 ára voru að unglingar upplifðu meiri nálægð með vinum sínum þar sem þau eru í
stanslausu sambandi við hvort annað. Að sama skapi sögðu unglingar frá því að þau litu á
samfélagsmiðla sem einu leiðina til þess að hafa samskipti við vini sína og að þau væru
meðvituð um þá hættu að getan um að eiga samskipti í raunveruleikanum minnki (Hübner
Barcelos og Alberto Vargas Rossi, 2014).
Slíkar niðurstöður segja okkur að jafnvel þótt samfélagsmiðlar geti skilað einhverju
jákvæðu sé mögulega alltaf hætta á því að neikvæð áhrif eigi sér líka stað og öfugt. Hér á
eftir verður farið yfir atriði tengda samfélagsmiðlum sem geta haft áhrif á unglinga.
3.5 Áhrif á andlega heilsu
Eðlilegur kvíði er tilfinning sem flestir hafa upplifað og ætti ekki að vera nein sérstök ástæða
til þess að hafa áhyggjur af kvíða sem fær fólk til þess að takast á við verkefni sem eiga við á
19
hverjum degi. Þessi eðlilegi kvíði getur hins vegar breyst úr því að vera hvetjandi og í ástand
sem hamlar og heftir. Þetta ástand kallar meðal annars fram streitu og hefur það áhrif á
samskipti við aðra, dregur úr lífsgæðum einstaklings og hefur mikil áhrif á nánasta umhverfi
hans (Tómas Zoega, 2001).
Rannsókn sem var gerð árið 2017 kannaði hvort það væru tengsl á milli
samfélagsmiðla notkun og kvíða. Skoðuð voru gögn frá 563 einstaklingum og kom fram að
þátttakendur eyddu að meðaltali 6,63 klukkutímum á samfélagsmiðlum á venjulegum degi
og að notkun stráka væri meiri heldur en hjá stelpum. Niðurstöðurnar í þessari rannsókn
sýndu fram á að það væru tengsl á milli þess að því meiri tíma sem einstaklingur eyðir á
samfélagsmiðlum því meiri líkur eru á tilfinningalegum kvíða (Vannucci o.fl., 2017).
Marissa Maldonado greindi frá því að notkun samfélagsmiðla getur aukið streitu,
kallað fram kvíða og minnkað sjálfstraust hjá fólki. Hún segir einnig að þessi stöðuga
uppfærsla á samfélagsmiðlum ýti undir kvíða, unglingar verða alltaf að athuga á
samfélagsmiðla svo þeir séu ekki að missa af neinu. Þetta býður upp á það að unglingar fari
að bera sig saman við aðra og getur það leitt til þess að sumir upplifi líf sitt viðburðasnauðara
heldur en annarra. Þar af leiðandi geta einstaklingar upplifað sinn persónuleika sem
ófullnægjandi í samanburði við aðra á samfélagsmiðlum. Þetta kallar á endalausar áhyggjur
sem geta valdið langvarandi streitu og kvíða sem getur svo leitt til heilsufarsvandamála, þar á
meðal geðraskana (Maldonado, 2016).
Svefn er mikilvægur og jafnvel ennþá mikilvægari fyrir ungt fólk. Rannsókn var gerð í
Skotlandi á 467 unglingum þar sem athugað var hvort notkun samfélagsmiðla og
tilfinningaleg tengsl við samfélagsmiðla hefði áhrif á svefn, sjálfstraust, kvíða og þunglyndi.
Þessi rannsókn sýndi fram á að því meiri tíma sem unglingur eyðir á samfélagsmiðlum yfir
allan sólarhringinn upplifir verri svefn, minna sjálfstraust og á í meiri hættu að upplifa kvíða
og þunglyndi (Woods og Scott, 2016).
Unglingar geta fengið skilaboð á nóttunni sem getur truflað svefn þar sem 86% af
unglingum sofa með símann sinn í herberginu sínu, undir koddanum sínum eða í hendinni.
Hljóðin frá símanum þegar einstaklingur fær skilaboð getur truflað svefn og pressan að vera
alltaf til staðar til þess að svara skilaboðum og kvíðinn fyrir því að missa ekki af hlutum sem
eru í gangi á samfélagsmiðlum getur einnig truflað svefn.
Það hefur komið í ljós að unglingar upplifi mikin kvíða þegar þau hafa ekki aðgang að
samfélagsmiðlum sínum til þess að svara skilaboðum, það er því möguleiki á að unglingar eigi
20
erfitt með að slaka á þegar þau eiga að vera fara sofa því þau eru kvíðin að þau séu að missa
af einhverju á samfélagsmiðlum (Woods og Scott, 2016). Þessi gríðarlega pressa að þurfa
alltaf að vera á samfélagsmiðlum til þess að svara skilaboðum og vera með á nótunum hvað
sé í gangi ýtir undir kvíða og þunglyndi. Unglingar telja sig vera að missa af einhverju og
upplifa depurð þegar þau geta ekki verið á samfélagsmiðlum (Woods og Scott, 2016).
Það er líka áhugavert að skoða hvort það skipti máli hvort fjöldi samfélagsmiðla hafi
áhrif á andlega líðan, þar að segja hvort einstaklingur noti marga samfélagsmiðla. Það var
rannsakað og það sem kom í ljós er að þeir sem eru að nota 7-11 mismunandi
samfélagsmiðla eru í meiri hættu á að upplifa þunglyndi og kvíða (Primack o.fl., 2017).
Eins og fram hefur komið geta unglingar verið mis þroskaðir til þess að nota
samfélagsmiðla og eru því ákveðnar hættur sem unglingar geta lent í á miðlunum. Þar er
hægt að taka sem dæmi neteinelti (e. Cyberbullying) og „Sexting“ þar sem unglingar senda
eða taka á móti kynferðislegum skilaboðum.
3.5.1 Neteinelti (e. Cyberbullying)
Neteinelti er eins og nafnið gefur til kynna einelti sem fram fer á netinu. Neteinelti er þegar
verið er að stríða eða niðurlægja einstakling en það getur gerst bæði á skólatíma og heima
fyrir. Einelti er skilgreint sem endurtekin hegðun, líkamleg eða andleg gagnvart valdlausum
einstaklingum framin af valdamiklum einstaklingum. Þessi valdamikli einstaklingur getur
notað netið og samfélagsmiðla til þess að áreita, hóta eða niðurlægja ákveðinn einstakling og
hann getur gert það undir falsnafni eða nafnlaust (Chadwick, 2014).
Einstaklingar geta lent í mismunandi neteinelti og hefur því verið skipt upp í nokkra
flokka. Það er hægt að áreita einstakling með því að senda móðgandi og óviðeigandi skilaboð
beint til viðkomandi sem og setja inn færslu sem er móðgandi gagnvart einstökum
einstakling þar sem aðrir geta séð og jafnvel tekið undir. Einstaklingar geta brotist inn á
aðganga annarra á samfélagsmiðlum og þóst vera þeir og senda ljót skilaboð eða
vandræðarlegt efni til annarra (Chadwick, 2014).
Það eru því möguleikar til þess að leggja í einelti og getur þetta haft mikil áhrif á
sjálfsmynd unglinga ef þeir verða fyrir neteinelti þar sem það getur farið fram allan
sólarhringinn og er einstaklingurinn í raun hvergi öruggur fyrir eineltinu.
Í rannsókn sem kom út árið 2017 voru tekin viðtöl við 417 unglinga í Tyrklandi og þar
kom í ljós að 149 unglingar eða 35,7% af þeim unglingum sem tóku þátt í rannsókninni höfðu
21
tekið þátt í neteinelti að minnsta kosti einu sinni. Þar kom einnig í ljós að líkurnar á því að
lenda í neteinelti aukast þegar einstaklingur verður eldri og að einstaklingur er í mikið meiri
hættu á því að lenda í neteinelti ef hann er með aðgang á samfélagsmiðlum.
Samfélagsmiðlar eru samkvæmt niðurstöðum rannsóknarinnar helsti staðurinn þar sem
neteinelti fer fram og að 14 ára unglingar séu líklegastir til þess að beita eða lenda í
neteinelti þar sem unglingar á þessum aldri eyða miklum tíma á samfélagsmiðlum. Það eru
meiri líkur á að stelpur lendi í neteinelti og á sama tíma líklegra að strákar séu þeir sem beita
neteinelti. Einnig kemur fram í greininni að 71% af þeim sem hafa beitt neteinelti hafa lent í
því sjálf (Beyazit, Şimşek og Ayhan, 2017).
Afleiðingar neteineltis geta verið mjög alvarlegar og hefur það komið fram að
þolendur neteineltis upplifi mjög neikvæð áhrif á sjálfsmynd og getur neteinelti einnig leitt til
sjálfsvíghugsanna og sjálfsvígshegðunnar (Mirsky og Omar, 2015). Margir unglingar gera sér
stundum ekki grein fyrir því að það sem fer á netið mun verða fast á netinu, hvort sem það er
eitthvað sem unglingur skrifar á netinu eða mynd sem hann sendir. Jafnvel þótt það sé hægt
að eyða til dæmis skilaboðum þá eru þau ennþá til, þetta kallast stafræn fótspor (e. digital
footprints). Þetta getur haft áhrif á framtíð unglinga varðandi atvinnu og skóla þar sem sumir
atvinnurekendur og skólar athuga hvað sé hægt að finna á netinu um viðkomandi. Það er því
mikilvægt að gera sér grein fyrir því hvernig maður ætlar að nota samfélagsmiðla og hvernig
maður kemur fram, alveg eins og í raunveruleikanum (Chadwick, 2014).
3.5.2 „Sexting“
„Sexting“ er enskt orð sem hefur verið sett saman af orðinu kynlíf (e. sex) og að senda
skilaboð (e. texting). Sexting á sér stað þegar einstaklingar senda á milli sín kynferðisleg
skilaboð, myndir og myndbönd (Davidson, 2014). Í fyrirlestri Þórdísar Elvu Þorvaldsdóttur
talar hún um Sexting og afhverju unglingar séu að senda kynferðisleg skilaboð. Hún segir að
samkvæmt viðhorfskönnunum líta unglingar á sexting sem daður og leið til að koma áhuga
sínum á annarri manneskju á framfæri. Hún segir einnig að það sé eðileg hvöt að koma
áhuga sínum á framfæri. Þórdís segir einnig að hún hafi frætt mörg hundruð íslensk börn um
sexting og hefur alltaf spurt hvað séu margir sem þekkja einhvern jafnaldra sem hefur sent
eða fengið senda kynferðislega mynd og segir hún að hlutfallið hefur verið um 70% sem
hefur rétt upp hönd og skiptir það ekki máli hvort þau séu í 8, 9 eða 10 bekk (Þórdís Elva
Þorvaldsdóttir, 2015). Sexting getur eins og Þórdís segir verið saklaust daður og verið á milli
22
tveggja einstaklinga sem treysta hvort öðru en það fylgir þessu ákveðin áhætta þar sem
samfélagsmiðlar bjóða upp á allskonar möguleika til þess að vista myndir sem eru sendar.
Einstaklingurinn á þá í hættu að myndin sem hann sendi gæti farið í dreifingu á netinu
svo að allir geti séð hana. Það er ekki bara þegar myndin er komin í dreifingu þegar unglingur
getur orðið fyrir neikvæðum áhrifum heldur hræðslan sem unglingurinn finnur um að
myndin fari í dreifingu getur verið mikil, dæmi eru um að stelpur hafi hætt að mæta í leikfimi
og sund í skólanum sínum því þær eru smeykar við að það verði tekin mynd af þeim sem fer í
dreifingu (Þórdís Elva Þorvaldsdóttir, 2015).
Í bók Judith Davidson um Sexting tók hún viðtöl við unglinga um skoðun þeirra á
fyrirbærinu og þá helst muninn á stelpum og strákum. Ef við skoðum hvernig stelpur og
strákar túlka sexting að þá er það mjög svipað en mismunandi hvað þau telja mikilvægast.
Bæði kyn leitast eftir traustu sambandi með annarri manneskju, hafa áhyggjur af stöðu sinni
innan hópi sínum og vilja ekki lenda undir og að lokum löngun til kynlífs. Þessum þrem
þáttum er hins vegar raðað misjafnlega upp á milli kynjanna. Helsti hvati stelpna til þess að
hefja sexting með annarri manneskju er löngunin til þess að vera í traustu og rómantísku
sambandi en helsti hvati stráka er löngunin í kynlíf. Staða innan samfélagshópsins var einnig
mjög afgerandi hjá bæði stelpum og strákum. Stelpur leitast eftir því að vera í sambandi með
eldri og vinsælum strákum til þess að fá viðurkenningu frá jafningjum sínum. Strákar horfa
oft á þetta sem keppni, hver nær að vera í sambandi með flottustu stelpunni og jafnvel hver
nær að vera í sambandi með sem flestum stelpum. Mjög sjaldan eru strákar gagnrýndir
þegar þeir eru í sexting en að sama skapi geta stelpur verið gagnrýndar fyrir það og verið
kallaðar allskonar nöfnum eins og til dæmis druslur (e. slutshaming) (Davidson, 2014).
Í grein sem kom út árið 2017 þar sem safnað var gögnum frá 3000 unglingum á
aldrinum 13-18 ára kemur fram að um 7% hafa sent kynferðislega mynd af sér eða fengið
senda kynferðislega mynd frá öðrum. Þar kemur einnig fram að hvatirnar sem leiða unglinga
til þess að stunda sexting geta verið jákvæðar og neikvæðar. Þær jákvæðu geta til dæmis
verið þær að unglingur sé í traustu og ástríku sambandi og notaðir eru samfélagsmiðlar til
þess að halda sambandinu gangandi ef um fjarsamband er að ræða. Neikvæðu hliðarnar geta
verið þær að unglingar finna fyrir pressu frá jafningjum sínum eða maka til þess að senda
kynferðislegar myndir og að unglingar finni fyrir löngun til þess að sanna sig og sýna fram á
þroska sinn (James, Sargant, Bostock og Khadr, 2017).
Í Bandaríkjunum var gerð könnun á sexting og það kom fram að 20% af unglingum á
23
aldrinum 13-19 ára hafa sent eða fengið senda kynferðislega mynd, þar af 22% stelpur og
18% strákar. Þar kom einnig fram að 22% af stelpunum í þessari könnun sögðu að ástæðan
fyrir því að þær sendu kynferðislega mynd af sér væri pressa frá hinu kyninu. Á sama tíma
sögðu 18% strákar að þeir sendu kynferðislega mynd vegna pressu frá hinu kyninu (Sex and
Tech, 2013).
Afleiðingar þess að stunda sexting geta verið alvarlegar ef mynd sem unglingur sendir
kemst í dreifingu um netið. Um leið og mynd kemst í dreifingu getur unglingurinn ekkert gert
og hver sem er getur séð myndina. Þetta getur leitt til þess að unglingurinn lendi meðal
annars í neteinelti (James o.fl., 2017).
3.6 Jákvæð áhrif samfélagsmiðla
Þrátt fyrir hættur samfélagsmiðla þá hefur einnig verið rannsakað þau jákvæðu áhrif sem
þeir geta haft á unglinga. Í rannsókn Katie Davis rannsakaði hún meðal annars þau jákvæðu
áhrif sem samfélagsmiðlar geta haft á þá tilfinningu að tilheyra. Tekin voru viðtöl við 32
unglinga á aldrinum 13-18 ára í skólum í Bermuda. Þar kom í ljós að samfélagsmiðlar spili
stórt hlutverk í lífi unglinga til að tilheyra einhverjum hóp og til að rækta vinasambönd
(Davis, 2012).
Rannsóknir sýna að samfélagsmiðlar geta hjálpað þeim unglingum sem standa höllum
fæti félagslega og að þeir geti notað samfélagsmiðla til þess að eiga í samskiptum og þar að
leiðandi líða betur með sjálfan sig. Rannsókn sem var gerð í Ástralíu á 626 nemendum á
aldrinum 10-16 ára sýndi fram á þetta og kom einnig þar fram að unglingar sem eru feimnir
líði betur þegar þeir tala við annað fólk á samfélagsmiðlum en þegar þeir tala við það í
raunveruleikanum (Allen, Ryan, Gray, McInerney og Waters, 2014).
Í rannsókn Barker kemur fram að því meira sem unglingar notast við samfélagsmiðla
og þá á heilbrigðan hátt geti það haft mjög góð áhrif á sjálfsmynd þeirra. Að nota
samfélagsmiðla á heilbrigðan hátt er til dæmis að nota þá til að hrósa jafningjum sínum á
miðlunum og þar að leiðandi fá hrós til baka, þetta ýtir þá undir jákvæða sjálfsmynd (Barker,
2012). Það má því segja að samfélagsmiðlar geti haft jákvæð áhrif á sjálfsmynd unglinga ef
þeir eru notaðir á réttan hátt.
3.7 Áhrifavaldar
Áhrifavaldar (e. influencers) eru yfirleitt einstaklingar sem eru þekktir, áberandi og hafa
fjölda fylgjenda (e. followers) og hafa þeir gott tengslanet á samfélagsmiðlum (Booth og
24
Matic, 2011). Áhrifavaldar eru í þeirri stöðu að þeir geta haft áhrif á fólk, til dæmis þegar
einstaklingar bregðast við áreiti áhrifavaldsins sem getur leitt til þess að þeir fylgi hegðun
sem áhrifavaldurinn kallar eftir eða mælir með. Sú hegðun getur til dæmis verið
einhversskonar áhættuhegðun (Scheer og Stern, 1992). Rannsóknir hafa sýnt fram á áhrif
samfélagsmiðla á líkamsímynd, þá sérstaklega varðandi ungar stelpur. Ungar stelpur sjá
aðrar stelpur á samfélagsmiðlum sem eru grannar og vekur það upp óánægju með eigið útlit
(Perloff, 2014). Karlmenn geta líka verið með slæma líkamsímynd þar sem þeir geta líka séð á
samfélagsmiðlum áhrifavalda sem eru sterkir og með mikla magavöðva (Perloff, 2014). Sem
dæmi um stöðuna í samfélagi okkar í dag eru sumar stelpur með þúsundir fylgjenda á
Instagram og þær setja inn myndir á samfélagsmiðilinn af nýjustu fötunum og ferðalögum,
ungar stelpur geta möguleika fundið fyrir depurð og upplifað líf sitt sem minna mikilvægt ef
þær eru að horfa upp á þetta á hverjum degi. Þessar stelpur breyta svo myndum sínum til
þess að gera þær flottari og gefur það kannski ungum stelpum ranga mynd af
raunveruleikanum og skerðir líkamsímynd þeirra (Nútíminn, e.d.). Mikilvægt er að
áhrifavaldar séu góðar fyrirmyndir fyrir yngri fylgjendur og stuðli að heilbrigðum lífstíl og
heilbrigði líkamsímynd því eins og segir hér að ofan eru áhrifavaldar í stöðu til þess að geta
haft áhrif á fólk.
Í þessum kafla var farið yfir samfélagsmiðla og þá sérstaklega þá sem áhersla er lögð
á í þessari ritgerð, Snapchat og Instagram. Greint var frá mögulegum áhrifum samfélagsmiðla
og fjallað um niðurstöður rannsókna um þær hættur sem geta leynst þar eins og neteinelti
og sexting. Fjallað var um þau jákvæðu áhrif sem samfélagsmiðlar geta haft og hvernig
áhrifavaldar geta haft áhrif á unglinga. Í næsta kafla verður fjallað um mikilvægi forvarna og
fræðslu, þar verður farið yfir hlutverk skólafélagsráðgjafa, hlutverk foreldra í
samfélagsmiðlanotkun unglinga og mikilvægi félagsmiðstöðva til þess að fræða unglinga í
frítíma sínum.
25
4 Forvarnir og fræðsla
Í þessum kafla verður fjallað um mikilvægi forvarna og fræðslu, þar verður farið yfir hlutverk
skólafélagsráðgjafa, hlutverk foreldra í samfélagsmiðlanotkun unglinga og mikilvægi
félagsmiðstöðva til þess að fræða unglinga í frítíma sínum.
Forvörnum hefur verið skipt upp í þrjú stig eftir því hvers eðlis vandinn er. Fyrsta stigs
forvörn er þegar tekist er á við vandann áður en hann hefur komið fram og þar með að
minnka líkurnar á áhættuhegðun. Annars stigs forvarnir eru þegar gripið er inn í vandamál og
reynt að hindra áframhaldandi þróun vandans. Þriðja stig forvarna er þegar um
endurhæfingu er að ræða út frá vandanum (Heilbrigðisráðuneyti, e.d.). Fyrsta stigs forvörn er
sú forvörn sem hægt væri að nota í sambandi við samfélagsmiðla og þá er einmitt mögulega
verið að tala um að til dæmis foreldrar fari yfir þær hættur sem má finna á samfélagsmiðlum.
Það væri hægt að grípa í annars stigs forvarnir ef vitað er að samfélagsmiðlar séu að hafa
neikvæð áhrif á ungling og þriðja stigs forvarnir ef unglingur lendir í neteinelti.
Fram kemur í aðalnámskrá grunnskóla að allir grunnskólar skulu vinna markvisst að
heilsueflingu og forvörnum þar sem hugað er að líkamlegri, félagslegri og andlegri vellíðan
nemenda skólans. Einnig er tekið fram að mikilvægt sé að grunnskólar komi sér upp
forvarnaráætlun sem birt er í skólanámskrá (Aðalnámskrá grunnskóla, 2011).
Skólinn er því í mikilvægu hlutverki er varðar forvarnir en foreldrar gegna einnig mjög
mikilvægu hlutverki varðandi forvarnir og það er nauðsynlegt að halda fræðslur fyrir foreldra
svo að þeir séu tilbúnir til að fræða börnin sín. Það ber einnig að nefna þann frítíma sem
unglingar hafa og hvað þeir ákveða að gera á þeim tíma. Félagsmiðstöðvar og starfsmenn
þeirra eru í góðri stöðu til þess að veita forvörn og má segja að þegar unglingur eyðir frítíma
sínum í skipulagt starf eigi sér stað ákveðin forvörn.
4.1 Skólaumhverfið
Þegar unglingar eru að taka út allan þennan þroska á kynþroskaskeiðinu geta verið margar
hættur í veginum og af þeim sökum getur verið mikilvægt að unglingurinn fái stuðning, þar
gæti verið mikilvægt fyrir skóla að hafa skólafélagsráðgjafa í starfi. Það sem aðgreinir starf
félagsráðgjafa í skólum er að félagsráðgjafinn beitir heildarsýn og er talinn mikilvægur
26
tengiliður skólans við nærumhverfi unglings. Félagsráðgjafinn lítur til margra þátta þegar mál
unglings eru skoðuð, meðal annars til félags, persónulegra, tilfinningalegra, umhverfis,
námsþátta og hefur félagsráðgjafinn þekkingu á fjölda úrræðum sem eru í boði í samfélaginu
(Guðrún Elva Arinbjarnardóttir, 2011). Eins og segir hér að ofan að þá getur aðkoma
skólafélagsráðgjafa í skólum getur haft mikil áhrif á sálfélagslega líðan nemenda. Þar sem að
félagsráðgjafar eru þjálfaðir til að veita bæði einstaklings- og hópráðgjöf með það að
markmiði að hlúa að sálfélagslegri líðan einstaklinga og byggja upp seiglu þeirra. Verkefni
þeirra getur meðal annars verið að veita persónulega ráðgjöf til einstakra nemenda og
fræðslu til foreldra (Sigrún Harðardóttir, 2015b). Hentugt væri að hafa félagsráðgjafa í skóla
til að vera með fræðslu fyrir foreldra varðandi samfélagsmiðla.
4.2 Ábyrgð og eftirlit foreldra
Samkvæmt umboðsmanni barna eru það foreldrar sem bera aðalábyrgð á velferð og uppeldi
barna sinna. Foreldrar þurfa að vera vakandi fyrir því hvað börnin þeirra séu að skoða á
netinu. Unglingar eru fljótir að tileinka sér nýjungar og eru foreldrar oft ekki með á nótunum
hvað sé vinsælt á netinu hverju sinni og því er mikilvægt að foreldrar fái ákveðna fræðslu um
samfélagsmiðla og leiðbeini börnum sínum og fylgjast með hvað þau eru að skoða á
samfélagsmiðlum (Umboðsmaður barna, e.d.).
Handbókin Börn og Miðlanotkun er ætluð foreldrum barna á grunnskólaaldri og í
henni er fjallað um þau sjónarmið sem gott er að hafa í huga varðandi miðlanotkun barna og
unglinga. Talið er mikilvægt fyrir foreldra að kenna börnum að verjast skuggahliðum
miðlanna og kenna þeim gagnrýna hugsun gagnvart þeim skilaboðum sem þar er að finna.
Þar segir einnig að það er talið mikilvægt fyrir foreldra að vera börnum sínum góðar
fyrirmyndir, ef foreldrar eyða miklum tíma á netinu og eru kannski ekki góðar fyrirmyndir á
netinu er liklegt að barnið geri það líka (Fjölmiðlanefnd, Heimili og skóli og SAFT, e.d.).
Komið hefur í ljós að þegar eftirlit foreldra á netnotkun unglinga sinna er lítið er
líklegra að unglingarnir beiti neteinelti eða verði fyrir neteinelti. Oft er þetta vegna þess að
foreldrar eru illa upplýstir um hvað sé í gangi á þessum samfélagsmiðlum og þeim hættum
sem unglingar gætu lent í eins og neteinelti (Beyazit o.fl., 2017).
Í rannsókn sem var gerð á Íslandi árið 2011 á unglingum og netnotkun þeirra kom
fram að um 67% þátttakenda sögðu að foreldrar þeirra leyfðu þeim að gera það sem þau
vildu á netinu og að um 59% settu sjaldan eða aldrei nein mörk hversu lengi unglingarnir
27
máttu vera á netinu (Hjördís Sigursteinsdóttir, Eva Halapi og Kjartan Ólafsson, 2014).
Það gefur auga leið að foreldrar geti sett meiri mörk á netnotkun unglinga sinna en
netnotkun hefur aukist á þessum árum með tilkomu snjallsíma og því er kannski erfitt að
setja mörk þar sem unglingar eru með snjallsímann með sér hvert sem þau fara. Það er því
talið mikilvægt að foreldrar séu í góðu sambandi við unglinga sína um hvernig skal notast við
samfélagsmiðla og gera þeim ljóst um þær hættur sem er að finna þar.
4.3 Frítími og félagsmiðstöðvar
Félagsmiðstöðvar eru 24 talsins í Reykjavík og eru þær starfræktar í húsnæði grunnskólanna
eða utan þeirra. Þar er boðið upp á uppbyggilegt starf fyrir 10-16 ára börn og unglinga í
frítíma sínum. Það er sérstök áhersla lögð á að ná til þeirra unglinga sem þarfnast félagslegs
stuðnings og að bjóða upp á fjölbreytt viðfangsefni til þess að ná til sem flestra. Í
félagsmiðstöðvum er opið starf, klúbbar og sértækt hópastarf (Félagsmiðstöðvar, 2013).
Starfsmenn félagsmiðstöðva eru frístundaleiðbeinendur og frístundaráðgjafar. Þeirra
helstu ábyrgðarsvið og verkefni eru meðal annars að sjá til þess að unglingar finni fyrir öryggi
og líði vel innan félagsmiðstöðvarinnar, efli ábyrgð, virkni, sjálfsmynd og sjálfstæði unglinga.
Starfsmenn sjá til þess að það sé komið á móts við ólíkar þarfir og þroska unglinga með
fjölbreyttum viðfangsefnum. Starfsmenn geta verið fyrirmyndir unglinga og eru oft í ólíkum
hlutverkum í lífi unglings, þessi hlutverk geta verið til dæmis ráðgjafi, félagi, stuðningsfulltrúi
og fræðari (Adda Rún Valdimarsdóttir og Hulda Valdís Valdimarsdóttir, e.d.).
Fram kemur í Starfsmannahandbók félagsmiðstöðva að eitt af þríþættu gildum
frítímans sé einmitt forvarnargildi. Þar segir að þátttaka í skipulögðu félagsstarfi í umsjá
fagfólks í umhverfi sem er öruggt hefur mikið forvarnargildi. Það að unglingar taki þátt í starfi
í frítíma sínum eins og hjá félagsmiðstöðvum með sterkum fyrirmyndum eykur líkur á því að
unglingur kjósi heilbrigðan lífstíl og forðist áhættuhegðun (Adda Rún Valdimarsdóttir og
Hulda Valdís Valdimarsdóttir, e.d.).
Starfsmenn félagsmiðstöðva þurfa að vera meðvitaðir um það hlutverk sem þeir
gegna sem fyrirmyndir og geta þeir verið ákveðnir áhrifavaldar. Starfsmenn geta því veitt
beina eða óbeina fræðslu varðandi samfélagsmiðla og notagildi þeirra.
Rannsóknir hafa sýnt að unglingar sæki í starf félagsmiðstöðva en fram kemur í
skýrslunni Ungt fólk 2016 að um 40% af nemendum í 9. og 10. bekk árið 2016 tóku þátt í
starfi félagsmiðstöðva nokkrum sinnum í mánuði eða oftar og þá er verið að tala um
28
venjulega opnun í félagsmiðstöðinni (Margrét Lilja Guðmundsdóttir o.fl., 2016). Það er
ánægjulegt að sjá að svona stórt hlutfall nemenda séu að sækja félagsmiðstöðvar þar sem
þau eiga að vera í öruggu umhverfi þar sem forvarnir eiga sér stað í gegnum óformlegt nám.
Í þessum kafla var fjallað um mikilvægi forvarna og fræðslu, einnig var farið yfir
hlutverk skólafélagsráðgjafa, hlutverk foreldra í samfélagsmiðlanotkun unglinga og mikilvægi
félagsmiðstöðva til þess að fræða unglinga í frítíma sínum. Í næsta kafla verða niðurstöður
settar fram og þær ræddar í fræðilegu ljósi með rannsóknarspurningu til hliðsjónar og verða
dregnar ályktanir út frá niðurstöðum.
29
5 Niðurstöður og umræða
Í þessum kafla verða niðurstöður settar fram og þær ræddar í fræðilegu ljósi með
rannsóknarspurningu til hliðsjónar og verða dregnar ályktanir út frá niðurstöðum.
Í nútímasamfélagi er tæknin orðin það mikil að hvert sem við förum erum við nettengd
og búum við mikið áreiti frá samfélagsmiðlum. Samfélagsmiðlar eru orðnir að sjálfsögðum hlut í
lífi margra og þá er verið að tala um alla aldurshópa. Unglingar virðast samt sem áður vera sá
hópur sem einna virkastur er á samfélagsmiðlum og virðist miðlarnir sá þáttur sem spilar hvað
stærstan þátt í félagsneti þeirra. Þróun sjálfsmyndar unglinga er eitt stærsta þroskaverkefni
þeirra og oft getur verið erfitt fyrir unglinga að finna út hverjir þeir vilja vera og er því mikilvægt
að foreldrar séu til staðar fyrir unglinga sína á þessum árum og hafa rannsóknir sýnt fram á það
að það getur dregið úr líkum á því að unglingar leiðist í slæman félagsskap og svo framvegis.
Samfélagsmiðlar eru eins og segir hér að ofan orðinn stór hluti af lífi margra unglinga og
eru margir sem eru tengdir allan sólarhringinn og búa við stanslaust áreiti sem getur verið
neikvætt og jákvætt. Að sama skapi og það er mikilvægt að foreldar séu til staðar fyrir unglinga
sína er mikilvægt að foreldrar geri sér grein fyrir áhrifum samfélagsmiðla og vera vakandi fyrir
hvað unglingar séu að gera á þessum miðlum.
Rannsóknarspurningin í þessari ritgerð var hvort samfélagsmiðlar hafi möguleg áhrif á
sjálfsmynd unglinga og hver áhrifin gætu verið. Lögð var áhersla á tvo samfélagsmiðla, Snapchat
og Instagram en greint var frá rannsóknum sem hafa verið gerðar um áhrif samfélagsmiðla og
kom þar meðal annars í ljós að unglingar noti samfélagsmiðla mikið til að vera í sambandi við vini
sína og fjölskyldu en einnig til að mynda ný vinasambönd.
Snapchat og Instagram bjóða upp á þetta þar sem hægt er að eiga í samskiptum bæði í
gegnum myndir og texta og er því ljóst að þessir samfélagsmiðlar séu notaðar af unglingum og
eigi þátt í þróun sjálfsmyndar þar sem mikil samskipti fara þar fram.
Niðurstöðurnar benda til þess að samfélagsmiðlarnir Snapchat og Instagram geti haft
neikvæð áhrif á sjálfsmynd unglinga, þá helst þegar unglingar eyða miklum tíma og verða
tilfinningalega tengd miðlunum, lenda í neteinelti eða bera sig saman við aðra sem þeir eru að
fylgja á þessum miðlum. Miðað við lífskeiðakenningu Erikson varðandi kynþroskaskeiðið og að
30
unglingar séu að sjá sig í mismunandi hlutverkum og prufa sig áfram með mismunandi
sjálfsmyndir tel ég mikilvægt að sporna þurfi við þessum neikvæðu áhrifum. Það er því mikilvægt
að veitt sé fræðsla bæði fyrir foreldra og unglinga svo að forvörn geti átt sér stað því að miðað
við hve hratt samfélagsmiðla notkun hefur aukist þá eru töluverðar líkur á því að notkunin verði
meiri eftir því sem tæknin þróast.
Draga má þá ályktun að mikilvægt sé að setja fram kröfu á skólayfirvöld að hafa
forvarnaráætlun varðandi samfélagsmiðla og að fræðsla sé í boði bæði fyrir foreldra og unglinga,
en með því er mögulega hægt að draga vel úr þeim líkum að unglingar verði fyrir neikvæðum
áhrifum samfélagsmiðla. Þá tel ég að það mætti rannsaka betur hér á landi hvernig unglingar
notast við samfélagsmiðla og hvernig þeim líður þegar þau eiga í samskiptum á þeim eða þegar
þau eru að fylgjast með þessum svokölluðu áhrifavöldum. Þar með er hægt að sjá betur hvað
það er nákvæmlega sem þarf að fræða unglingana um svo að þau geti verið örugg með sjálfan sig
á miðlunum og geti þróað með sér jákvæða sjálfsmynd.
____________________________________
Hjörleifur Steinn Þórisson
31
Heimildaskrá
Adda Rún Valdimarsdóttir og Hulda Valdís Valdimarsdóttir (Ritstj.). (e.d.). Starfsmannahandbók félagsmiðstöðva ÍTR. Reykjavík: Íþrótta- og tómstundasvið Reykjavíkur.
Aðalnámskrá grunnskóla. (2011). Reykjavík: Mennta- og menningamálaráðuneytið.
Ahadzadeh, A. S., Pahlevan Sharif, S. og Ong, F. S. (2017). Self-schema and self-discrepancy mediate the influence of Instagram usage on body image satisfaction among youth. Computers in Human Behavior, 68, 8–16. https://doi.org/10.1016/j.chb.2016.11.011
Aldís Guðmundsdóttir. (1997). Sálfræði: Vöxtur og þroski. Reykjavík: Mál og menning.
Allen, K. A., Ryan, T., Gray, D. L., McInerney, D. M. og Waters, L. (2014). Social Media Use and Social Connectedness in Adolescents: The Positives and the Potential Pitfalls. The Australian Educational and Developmental Psychologist; Melbourne, 31(1), 18–31. http://dx.doi.org/10.1017/edp.2014.2
Álfheiður Steinþórsdóttir og Guðfinna Eydal. (2001). Sálfræði einkalífsins. Reykjavík: Forlagið.
Bacchini, D. og Fabrizia, M. (2003). Self-Image and Perceived Self-Efficacy During Adolescence. Journal of Youth and Adolescence, 32(5), 337–349. https://doi.org/10.1023/A:1024969914672
Barker, V. (2012). A Generational Comparison of Social Networking Site Use: The Influence of Age and Social Identity. The International Journal of Aging and Human Development, 74(2), 163–187. https://doi.org/10.2190/AG.74.2.d
Baumrind, D. (1971). Current patterns of parental authority. Developmental Psychology Monographs.
Berger, K. S. (2014). The developing person through the life span (9th edition.). New York, NY: Worth Publishers.
Beyazit, U., Şimşek, Ş. og Ayhan, A. B. (2017). An Examination of the Predictive Factors of Cyberbullying in Adolescents. Social Behavior and Personality; Palmerston North, 45(9), 1511–1522. http://dx.doi.org/10.2224/sbp.6267
Booth, N. og Matic, J. A. (2011). Mapping and leveraging influencers in social media to shape corporate brand perceptions. Corporate Communications: An International Journal, 16(3), 184–191. https://doi.org/10.1108/13563281111156853
Bronfenbrenner, U. og Mahoney, M. A. (1975). Influences on human development (2nd ed.). Hinsdale, Ill: Dryden Press.
32
Chadwick, S. (2014). Impacts of Cyberbullying, Building Social and Emotional Resilience in Schools. Cham: Springer International Publishing.
Davidson, J. (2014). Sexting: Gender and Teens. Rotterdam: SensePublishers.
Davis, K. (2012). Friendship 2.0: Adolescents’ experiences of belonging and self-disclosure online. Journal of Adolescence, 35(6), 1527–1536. https://doi.org/10.1016/j.adolescence.2012.02.013
Erikson, E. H. (1968). Identity: youth and crisis. New York: Norton.
Félagsmiðstöðvar. (2013). Sótt af https://reykjavik.is/felagsmidstodvar
Fjölmiðlanefnd, Heimili og skóli og SAFT. (e.d.). Börn & miðlanotkun. Reykjavík: Mennta- og Menningarmálaráðuneytið. Sótt af http://www.heimiliogskoli.is/wp-content/uploads/2016/08/B%C3%B6rn-og-mi%C3%B0lanotkun.pdf
Fuchs, C. (2014). Social media: a critical introduction / Christian Fuchs. Thousand Oaks, CA: Sage Publications.
Gabriel, F. (2014). Sexting, Selfies and Self-Harm: Young People, Social Media and the Performance of Self-Development. Media International Australia, 151(1), 104–112. https://doi.org/10.1177/1329878X1415100114
Guðrún Elva Arinbjarnardóttir. (2011). Skólafélagsráðgjöf. Tímarit Félagsráðgjafa, 5(1), 44–45.
Harter, S. (2012). The construction of the self: developmental and sociocultural foundations. New York: Guilford.
Heilbrigðisráðuneyti. (e.d.). Áfengi og önnur vímuefni. Staðan nú og tillögur að stefnumótun. Sótt af https://www.stjornarradid.is/media/velferdarraduneyti-media/media/Gedskyrsla/53kafli.pdf
Hendrickse, J., Arpan, L. M., Clayton, R. B. og Ridgway, J. L. (2017). Instagram and college women’s body image: Investigating the roles of appearance-related comparisons and intrasexual competition. Computers in Human Behavior, 74, 92–100. https://doi.org/10.1016/j.chb.2017.04.027
Hjördís Sigursteinsdóttir, Eva Halapi og Kjartan Ólafsson. (2014). „Ég nota alla lausa tíma sem ég hef“ - Netnotkun íslenskra ungmenna og mörk sem foreldrar setja þeim um netnotkun. Netla - Veftímarit um uppeldi og menntun: Menntavísindasvið Háskóla Íslands. Sótt af http://netla.hi.is/greinar/2014/ryn/008.pdf
Hogan, B. (2010). The Presentation of Self in the Age of Social Media: Distinguishing Performances and Exhibitions Online. Bulletin of Science, Technology & Society, 30(6), 377–386. https://doi.org/10.1177/0270467610385893
Hosogi, M., Okada, A., Yamanaka, E., Ootyou, K., Tsukamoto, C. og Morishima, T. (2007). Self-esteem in children with psychosomatic symptoms: examination of low self-esteem
33
and prognosis. Acta Medica Okayama, 61(5), 271–281. https://doi.org/10.18926/AMO/32899
Hrefna Pálsdóttir, Jón Sigfússon, Ingibjörg Eva Þórisdóttir, Margrét Lilja Guðmundsdóttir, Álfgeir Logi Kristjánsson og Inga Dóra Sigurðardóttir. (2014). Ungt fólk 2014 - Grunnskólar Menntun, menning, félags, - íþrótta- og tómstundastarf, heilsa, líðan og vímuefnaneysla unglinga í 8., 9. og 10. bekk á Íslandi. Rannsókn og greining: Mennta- og menningamálaráðuneytið.
Hübner Barcelos, R. og Alberto Vargas Rossi, C. (2014). Paradoxes and strategies of social media consumption among adolescents. Young Consumers; Bradford, 15(4), 275–295.
Instagram. (2018). About us. Sótt af https://www.instagram.com/about/us/
James, D. R., Sargant, N. N., Bostock, N. og Khadr, S. (2017). New challenges in adolescent safeguarding. Postgraduate Medical Journal; London, 93(1096), 96. http://dx.doi.org/10.1136/postgradmedj-2016-134426
Jørgensen, C. R. (2010). Invited Essay: Identity and Borderline Personality Disorder. Journal of Personality Disorders; New York, 24(3), 344–364. http://dx.doi.org/10.1521/pedi.2010.24.3.344
Kuhlman, I. (2002). Að laða fram það besta hjá sjálfum sér. Sótt af http://thekkingarmidlun.is/frettir-og-greinar/nanar/2002/03/20/Ad-lada-fram-thad-besta-hja-sjalfum-ser/
Maldonado, M. (2016). The Anxiety of Facebook. Psych Central. Sótt af https://psychcentral.com/lib/the-anxiety-of-facebook/
Margrét Lilja Guðmundsdóttir, Hrefna Pálsdóttir, Jón Sigfússon, Ingibjörg Eva Þórisdóttir, Erla María Tölgyes, Álfgeir Logi Kristjánsson og Inga Dóra Sigurðardóttir. (2016). Ungt fólk 2016 - 8 - 10 bekkur. Menntun, menning, tómstundir, íþróttaiðkun, heilsuhegðun, heilsuvísar, líðan og framtíðarsýn ungmenna í framhaldsskólum á Íslandi. Rannsókn og greining: Mennta- og menningamálaráðuneytið.
Mirsky, E. L. og Omar, H. A. (2015). Cyberbullying in adolescents: The prevalence of mental disorders and suicidal behavior. International Journal of Child and Adolescent Health; Hauppauge, 8(1), 37–39.
Nútíminn. (e.d.). Vinsælu stelpurnar á Instagram leggja metnað í myndirnar: Allt brjálað ef engin mynd kæmi í tvær vikur. Sótt af http://nutiminn.is/vinsaelu-stelpurnar-a-instagram-setja-metnad-i-myndirnar-allt-brjalad-ef-thad-kaemi-engin-mynd-i-tvaer-vikur/
Perloff, R. M. (2014). Social Media Effects on Young Women’s Body Image Concerns: Theoretical Perspectives and an Agenda for Research. Sex Roles; New York, 71(11–12), 363–377. http://dx.doi.org/10.1007/s11199-014-0384-6
34
Polce-Lynch, M., Myers, B. J., Kliewer, W. og Kilmartin, C. (2001). Adolescent Self-Esteem and Gender: Exploring Relations to Sexual Harassment, Body Image, Media Influence, and Emotional Expression. Journal of Youth and Adolescence, 30(2), 225–244. https://doi.org/10.1023/A:1010397809136
Primack, B. A., Shensa, A., Escobar-Viera, C. G., Barrett, E. L., Sidani, J. E., Colditz, J. B. og James, A. E. (2017). Use of multiple social media platforms and symptoms of depression and anxiety: A nationally-representative study among U.S. young adults. Computers in Human Behavior, 69, 1–9. https://doi.org/10.1016/j.chb.2016.11.013
Rideout, V. (2012). Social Media, Social Life: How Teens View Their Digital Lives. USA: Common sense media research study.
Santrock, J. W. (2016). Adolescence (16th ed.). New York: McGraw-Hill Education.
Scheer, L. K. og Stern, L. W. (1992). The Effect of Influence Type and Performance Outcomes on Attitude toward the Influencer. Journal of Marketing Research, 29(1), 128–142. https://doi.org/10.2307/3172498
Sex and Tech. (2013). Results from a Survey of Teens and Young Adults. The National Campaign to Prevent Teen and Unplanned Pregnancy. Sótt af https://www.drvc.org/pdf/protecting_children/sextech_summary.pdf
Sigrún Aðalbjarnardóttir. (2007). Virðing og umhyggja: Ákall 21. aldar. Reykjavík: Heimskringla.
Sigrún Harðardóttir. (2015a). Líðan framhaldsskólanemenda: um námserfiðleika, áhrifaþætti og ábyrgð samfélagsins. Reykjavík: Rannsóknastofnun í barna- og fjölskylduvernd.
Sigrún Harðardóttir. (2015b). Velferð nemenda - hlutverk skólafélagsráðgjafa. Tímarit Félagsráðgjafa, 9(1). Sótt af http://www.timaritfelagsradgjafa.is/article/view/1894
Statista. (2018a). Active social media penetration in European countries 2018. Sótt af https://www.statista.com/statistics/295660/active-social-media-penetration-in-european-countries/
Statista. (2018b). Number of daily active Instagram users from October 2016 to September 2017 (in millions). Sótt af https://www.statista.com/statistics/657823/number-of-daily-active-instagram-users/
Statista. (2018c). Number of daily active Snapchat users from 1st quarter 2014 to 4th quarter 2017 (in millions). Sótt af https://www.statista.com/statistics/545967/snapchat-app-dau/
Tómas Zoega. (2001). Kvíði, greining og meðferð. Geðvernd, 30(1), 27–31.
Umboðsmaður barna. (e.d.). Netnotkun. Sótt af https://www.barn.is/malaflokkar/netnotkun/
35
Vannucci, A., Flannery, K. M. og Ohannessian, C. M. (2017). Social media use and anxiety in emerging adults. Journal of Affective Disorders, 207, 163–166. http://dx.doi.org/10.1016/j.jad.2016.08.040
Vaterlausa, Jm., Barnetta, K., Rocheb, C. og Youngc, J. A. (2016). „Snapchat is more personal“: An exploratory study on Snapchat behaviors and young adult interpersonal relationships. Computers in Human Behavior, 62, 594–601. http://dx.doi.org/10.1016/j.chb.2016.04.029
Weilenmann, A., Hillman, T. og Jungselius, B. (2013). Instagram at the Museum: Communicating the Museum Experience Through Social Photo Sharing. Proceedings of the SIGCHI Conference on Human Factors in Computing Systems, 1843–1852. https://doi.org/10.1145/2470654.2466243
Woods, H. C. og Scott, H. (2016). #Sleepyteens: Social media use in adolescence is associated with poor sleep quality, anxiety, depression and low self-esteem. Journal of Adolescence; London, 51, 41.
Þórdís Elva Þorvaldsdóttir. (2015). Ber það sem eftir er. Sótt af https://www.youtube.com/watch?time_continue=4168&v=vladV1NHvqo