Upload
others
View
2
Download
0
Embed Size (px)
Citation preview
Sköpunarkraftur
Að virkja hinn innri brunn
Erla Anna Ágústsdóttir
Lokaritgerð til BA-prófs
Listaháskóli Íslands
Hönnunar- og arkitektúrdeild
Desember 2016
Sköpunarkraftur:
Að virkja hinn innri brunn
Erla Anna Ágústsdóttir
Lokaritgerð til BA-prófs í grafískri hönnun
Leiðbeinandi: Marteinn Sindri Jónsson
Grafísk hönnun
Hönnunar- og arkitektúrdeild
Desember 2016
Ritgerð þessi er 6 eininga lokaritgerð til BA-prófs í grafískri hönnun.
Óheimilt að afrita ritgerðina á nokkurn hátt nema með leyfi höfundar.
Útdráttur
Miðað við framboð á bókum tengdum viðfangsefninu sköpunarkraftur þá mætti draga þá
ályktun að fjöldi fólks glími við stöðnun í sköpunarstarfi sínu. Undanfarna áratugi hafa
nýsköpun og sköpunarkraftur orðið mikilvægir hlutar þess að ná árangri í þróuðum
hagkerfum. Sköpun á sér nefnilega ekki aðeins stað í hinum svokölluðu skapandi greinum
heldur einnig t.d. í læknavísindum, umhverfismálum, tækniþróun o.s.frv. Í þessari ritgerð
verður leitast eftir því að finna meginorsakir stöðnunar í sköpunarstarfi. Í þeim tilgangi
voru 11 bækur valdar sem áttu það allar sameiginlegt að fjalla um sköpunarkraft og vera
á listum yfir vinsælustu bækur af þessu tagi á vefnum. Rannsókn þessi leiddi í ljós að
meginþemu bókanna voru fjögur; 1) ritskoðun hugans, 2) ótti við óttann, 3) mikilvægi þess
að framkvæma eitthvað og 4) að vera, og ekki vera, með meðvitund. Tilgangur þessarar
rannsóknar var að sjá hvort að samhljómur væri með bókunum og hvort að það væru
einhverjar lausnir til staðar á vandamálum tengdum þessum meginþemum. Þá var hug-
takið innsæi haft að leiðarljósi við gerð ritgerðarinnar og í því samhengi var skoðað hvort
aðferðir hugleiðslu væru raunhæfar lausnir til að losa um sköpunarkraftinn. Niðurstaða
þessarar rannsóknar er sú að hugleiðsla getur verið gott verkfæri til að losa um
sköpunarkraftinn og hún hefur jafnvel verið talin viðurkennd leið til að efla hann.
4
Efnisyfirlit
Inngangur .................................................................................................................................. 5
1. Bækur um sköpunarkraftinn .............................................................................................. 8
1.1. Ritskoðun hugans ........................................................................................................... 8
1.2. Ótti við óttann .............................................................................................................. 10
1.3. Mikilvægi þess að framkvæma eitthvað .................................................................... 13
1.4. Að vera, og ekki vera, með meðvitund ....................................................................... 14
2. Baráttan og bókin: fæðing innsæis ................................................................................... 16
2.1. Að vera í núvitund ....................................................................................................... 17
Lokaorð ................................................................................................................................... 20
Heimildaskrá ........................................................................................................................... 22
Myndaskrá .............................................................................................................................. 25
5
Inngangur
Undafarna áratugi hafa nýsköpun og sköpunarkraftur orðið að mikilvægum hluta þess að
ná árangri í þróuðum hagkerfum. Þörfin fyrir skapandi lausnir hefur aukist því nútíma-
vandamál krefjast oft á tíðum skapandi innsæis til að finna viðeigandi lausnir en innsæi
er ákveðin tenging við undirmeðvitund okkar. Við tökum ákvarðanir út frá innsæi okkar
og þess vegna getur það spilað stórt hlutverk í lífi okkar.1
Hugtakið sköpun getur verið flókið að útskýra enda er það í raun bundið við
ímyndunarafl okkar. En sköpun getur verið hugmynd, kenning eða tónverk. Hún getur líka
verið eitthvað haldbært eins og uppfinning eða málverk.2 Þegar við sköpum þá mótum við
eitthvað nýtt og miðlum því áfram. Við búum eitthvað til og gerum uppgötvanir. Í gegnum
sköpun aukum við forvitni okkar og áhuga. Við virkjum ímyndunaraflið og leikum okkur
með möguleikana sem búa í umhverfi okkar.3 Sköpun er ekki eingöngu bundin við hinar
skapandi greinar heldur er hún líka mikilvæg t.d. í læknavísinum og tækniþróun.4
Það getur verið erfitt að mæla sköpunarkraft, enda var niðurstaða ráðstefnu um
sköpunarkraft í Brussel árið 2009 að hann væri í raun ekki mælanleg eining.5 Það er ekki
þar með sagt að sköpunarkraftur sé ekki nytsamlegur. Þess þó heldur gætu innsæi og
sköpunarkraftur verið mikilvægari í dag en nokkurn tímann áður því „innsæi er lykillinn
að þeim sköpunarkrafti sem við þurfum á að halda til að dafna og takast á við nútíma-
samfélag“6 eins og kemur fram á vefsíðu Bíó Paradís um heimildarmyndina Innsæi.
Ef við lítum á fyrstu manngerðu steinverkfærin sem ákveðna sköpun má segja að
sköpun hafi fylgt mannkyninu í a.m.k 2,6 milljón ár.7 Það er sköpunarkraftinum að stórum
hluta að þakka að við gerum nýjar uppgötvanir og sagan sýnir okkur að afkoma mann-
kynsins hafi í raun byggst á því að vera skapandi. Við höfum notast við hugvit og sköpun
1 Hólmfríður Helga Sigurðardóttir, „5 leiðir að innsæinu,“ Stundin, 29. október 2016. Sótt 24. nóvember 2016
á http://stundin.is/frett/5-leidir-ad-innsaeinu/. 2 „Creativity,“ Wikipedia: The Free Encyclopedia, síðast breytt 5. október 2016. Sótt 10. október 2016 á
https://en.wikipedia.org/wiki/Creativity. 3 „Áhersla á ensku og raungreinar,“ mbl.is, 27. mars 1999. Sótt 10. október 2016 á http://www.mbl.is/
greinasafn/grein/458371/. 4 Siyana Sokolova, „The Importance of Creativity and Innovation in Business,“ Linked In, 9. febrúar 2015.
Sótt 19. október 2016 á https://www.linkedin.com/pulse/importance-creativity-innovation-business-siyana-
sokolova. 5 Andrea Saltelli, „28. Concluding remarks,“ Measuring Creativity: Proceedings for the Conference, “Can
Creativity Be Measured?”, Ernesto Villalba ritstýrði, Luxemborg: Publications Office of the European
Union, 2009, bls. 419. 6 „Innsæi – The Sea Within,“ Bíó Paradís. Sótt 9. nóvember 2016 á https://bioparadis.is/kvikmyndir/innsaei/. 7 „Timeline of historic inventions,“ Wikipedia: The Free Encyclopedia, síðast breytt 14. október 2016. Sótt
15. október 2016 á https://en.wikipedia.org/wiki/Timeline_of_historic_inventions.
6
t.d. til að kveikja eld, búa til hlý föt og lyf við sjúkdómum. Þökk sé sköpunarkraftinum þá
finnum við lausnir á vandamálum sem snúa að lífsafkomu okkar.
Þessu til rökstuðnings þá hefur því verið haldið fram að í gegnum tilviljanakenndar
stökkbreytingar hafi formæður og -feður okkar þróað með sér taugakerfi þar sem nýjar
uppgötvanir örva ánægjustöð heilans einfaldlega af því að afkoma þeirra stóð og féll með
hæfileikum þeirra til nýsköpunar.8 Hugvit manneskjunnar gerði það að verkum að hún átti
betri möguleika á að lifa af í skilyrðum náttúrunnar. Því má segja að sköpunarkraftur sé
hluti af þróun okkar og spili stórt hlutverk í hagsæld okkar og bættum lífsskilyrðum.9
Það er þó ljóst að mannkynið hefur ekki
aðeins notað sköpunarkraftinn sem verkfæri í
lífsbaráttunni. Hellamálverk, sem eru talin vera allt
að 40.000 ára gömul, eru gott dæmi um það. Þó að
endanlegri niðurstöðu á tilgangi þeirra hafi ekki
verið náð og margir telja að þær hafi eingöngu verið
gerðar í fegurðar- og tjáningarskyni10 þá er ákveðin
alúð í þau lögð. Eins og sjá má á myndinni þá er
ljóst að manneskjan sem málaði verkið lagði mikla
vinnu í smáatriðin í verkinu. Ef verkinu hafi eingöngu ætlað að þjóna tilgangi upplýsinga-
miðlunar, t.d. sem ábending til annarra veiðimanna um að á þessu svæði væri að finna
vísunda til að veiða, þá hefði einföld teikning verið fullnægjandi. Það má því segja að
ákveðnum hliðum sköpunarkraftsins hafi fylgt fegurðarskyn og jafnvel einhvers konar
andleg upplifun. Við sjáum vísbendingar um sköpunarkraft mannsins alls staðar í kringum
okkur. Getan til að dreyma eða ímynda sér hvað sem er og gera það að raunveruleika er
greinileg, hvort sem það er verk á sviði myndlistar, tónlistar, tækni eða arkitektúrs o.s.frv.11
En þó það megi segja að þetta sé hluti af getu mannkynsins þá virðist vera að við
séum að fjarlægjast hana því skv. framboði á bókum tengdum þessu viðfangsefni þá er stór
hluti fólks að kljást við það vandamál að nálgast sköpunarkraftinn. Þá er t.d. ástæðan fyrir
því að ég ákvað að skrifa þessa ritgerð sú að ég sjálf glímdi við skapandi kreppu meðan ég
8 Mihaly Csikszentmihalyi, Creativity: Flow and the Psychology of Discovery and Invention, New York:
HarperCollins Publishers, 1996, bls. 109. 9 „2d. First Technologies: Fire and Tools,“ Ancient Civilizations Online Textbook. Sótt 21. október 2016 á
http://www.ushistory.org/civ/2d.asp. 10 „Hellamálverk,“ Wikipedia: Frjálsa alfræðiritið, síðast breytt 10. nóvember 2014. Sótt 6. október 2016 á
https://is.wikipedia.org/ wiki/Hellam%C3%A1lverk. 11 Dennis Leap, „The Mystery of Human Creativity Explained,” The Trumpet, febrúar 2012. Sótt 22. október
2016 á https://www.thetrumpet.com/article/8960.24.141.0/the-mystery-of-human-creativity-explained#
comments.
Mynd 1. Málverk af vísundi
í Altamira-hellinum á Spáni.
Talið er að verkið sé um 20.000
ára gamalt.
7
leitaði að viðfangsefni ritgerðarinnar, sem ég segi betur frá síðar. En sú glíma veitti mér
innblástur, innsæi og nýja sýn á þessa skapandi hindrun sem virðist vera í vegi margra
miðað við framboð bókanna.
Ég valdi 11 þessara bóka af listum á netinu yfir þær bestu eða vinsælustu bækur
sem skapandi manneskjur verða að lesa. Þessar bækur voru þó einungis brotabrot af þeim
bókum sem tengjast viðfangsefninu sköpunarkraftur og þetta úrtak er því lítill hluti af þeim
bókum sem birtust á þessum listum. Úrvalið byggðist á því hversu oft hver bók birtist á
listunum ásamt aðgengileika mínum að þeim. Tilgangur þess að lesa þessar bækur er að
athuga hvaða upplýsingar leynast þar um hvernig nálgast megi sköpunarkraftinn. Mér
leikur nefnilega forvitni á að vita hvort að þær innihaldi sömu upplýsingarnar um þau
vandamál sem snúa að skorti á sköpunarkrafti. Eru einhver sameiginleg þemu sem
höfundar bókanna skrifa um? Eða eru þær kannski jafn ólíkar og þær eru margar?
Þá vil ég einnig að tengja viðfangsefnið við hugmyndina um núvitund og í því
samhengi ætla ég að nýta eigið innsæi við skrif þessarar ritgerðar. Mig langar þá að athuga
hvort við getum nýtt okkur aðferðir hugleiðslu og núvitundar til þess að efla sköpunar-
kraftinn? Er það e.t.v. viðurkennd leið til þess að efla hann? Ef svo er, hvað er það við
þær aðferðir sem gerir okkur móttækilegri fyrir nýjum hugmyndum?
8
1. Bækur um sköpunarkraftinn
Bækurnar 11 sem ég las voru Creativity og Flow eftir Mihaly Csikszentmihalyi, The
Artist’s Way eftir Julia Cameron, The Creative Habit eftir Twyla Tharp, Sköpunarkjarkur
eftir David og Tom Kelley, Ignore Everybody eftir Hugh MacLeod, Thinking Fast and
Slow eftir Daniel Kahneman, Steal like an Artist eftir Austin Kleon, Big Magic eftir
Elizabeth Gilbert, Fiskað í djúpinu eftir David Lynch og Imagine eftir Jonah Lehrer.
Það má segja að sjónarhorn höfunda bókanna séu afar ólík. Sumir höfundanna
gefa lesendum sínum ráðleggingar sem eru vandlega íhugaðar meðan aðrar bækur inni-
halda beinskeitt ráð eða reglur er varða sköpun og sköpunarkraftinn. Flestar bækurnar eiga
það þó sameiginlegt að höfundar þeirra skrifa reynslusögur tengdar ráðleggingunum sem
gefa þeim meira vægi. Lesandinn fær því ákveðna innsýn inn í heim rithöfundanna og/eða
fólks sem starfa við skapandi störf.
Það sem kom mest á óvart, fyrir utan fjöldann af bókunum sem fjalla um þetta
efni, var að í úrtakinu sem ég valdi af handahófi virtust bækurnar margar hverjar í stórum
dráttum vera sammála um það hvernig öðlast megi sköpunarkraftinn og hvaða ástæður
liggja að baki þess að fólk staðnar í sköpunarstarfi sínu. Þrátt fyrir ólík sjónarhorn rithöf-
undanna þá var ákveðinn sameiginlegur hljómgrunnur í textum þeirra. Ég ákvað því að
draga fram þau málefni þar sem bækurnar voru samhljóða og varpa ljósi á þau meginþemu
sem bækurnar eiga sameiginleg.
1.1. Ritskoðun hugans
Bækurnar The Artist’s Way, The Creative Habit, Big Magic, Thinking Fast and Slow,
Imagine og Sköpunarkjarkur fjalla allar á einn eða annan hátt um það innra eðli okkar til
að ritskoða okkur sjálf, þ.e.a.s. hvernig við eigum það til að dæma hugsanir okkar, jafnvel
áður en við náum að fullmóta þær. Í bókinni The Artist’s Way talar Julia Cameron t.d.
bókstaflega um Ritskoðarann. Til nánari útskýringa þá segir hún að heilinn okkar skiptist
í tvennt; vinstra og hægra heilahvel. Í því vinstra greinum við samhengi, tíma, rökfræðilega
þekkingu og tal. Hún segir að þar skynjum við hættur í umhverfinu okkar og ræðir um það
hvernig sá eiginleiki hefur hjálpað mannkyninu að lifa af. Í hinu hægra skynjum við
sköpun, mynstur, rými og samhengi. Í því vinstra finnum við Ritskoðarann, röddina sem
segir þér að passa þig á ókunnugum hlutum en í dag eru þessir hlutir ekki villt dýr úti í
náttúrunni heldur nýjar hugmyndir. Hún segir að þegar kemur að nýjum hugmyndum þá
þurfum við að læra að lækka í Ritskoðaranum og til þess að skola hann út mælir hún með
9
því að skrifaðar séu morgunsíður þar sem allar hugsanir eru settar á blað. Með þessum
æfingum getum við aftengst Ritskoðaranum og hleypt sköpunarkraftinum að.12
Twyla Tharp mælir í raun með því sama í bók sinni The Creative Habit þó að
hún fari ekki út í sömu skilgreiningar á vinstra og hægra heilahveli. Hún skrifar að þegar
stöðnun á sér stað þá sé gott að skoða hugsanir sínar og umhverfi sitt. Hún bendir á að við
séum oft upptekin af neikvæðum hugsunum sem að draga okkur niður frekar en byggja
okkur upp. Til að bæta úr þessu mælir hún með því að spyrja sig hvað það sé í umhverfinu
sem hefur neikvæð áhrif á hugsanir okkar og hvernig við getum tekist á við þessar hugsanir
svo að nýjar og vonandi jákvæðari hugsanir komist að.13
Í Big Magic talar Elizabeth Gilbert um Píslarvottinn en skv. Gilbert er hann orka
sem er „dimm, alvarleg, karlmennskuleg, full valdskipunar, bókstafstrúar, ströng, lang-
rækin og ákaflega stíf.“14 Mótvægið við það er hins vegar Bragðarefurinn en sú orka er
„létt, slóttug, án kyngreiningar, andatrúar, uppreisnargjörn, full frumeðlis og sífellt
breytileg.“15 Píslarvotturinn elskar t.d. orðið nei og vill engar breytingar meðan Bragða-
refurinn segir alltaf já og er opinn fyrir breytingum. Skv. minni ályktun þá mætti staðsetja
Píslarvottinn við hlið Ritskoðarans í vinstra heilahveli og Bragðarefinn þá í því hægra.
Bræðurnir David og Tom Kelley lýsa slíkri innri baráttu einnig í bókinni Sköpunar-
kjarkur en þar ræða þeir um eðlisviðhorfið sem er sífellt að hvísla að þér efasemdaspurn-
ingum á meðan að þroskaviðhorfið vill hins vegar láta slag standa. „Spurningin er, á hvora
röddina ætlar þú að hlusta?“16 Þarna sé ég líkindi með Ritskoðaranum, Píslarvottinum og
eðlisviðhorfinu og með þroskaviðhorfinu og Bragðarefnum.
Daniel Kahneman fer örlítið kerfisbundnari leið í skilgreiningu sinni í bókinni
Thinking, Fast and Slow. Hann kallar þessi einkenni hugsana okkar Kerfi 1 og Kerfi 2.
Hann segir að Kerfi 1 starfi á afar sjálfvirkan hátt fullt eðlishvata á meðan að Kerfi 2 er
kerfi hugsunar og greiningar.17 „Eitt af verkefnum Kerfis 2 er að sigrast á hvötum Kerfis 1.
12 Julia Cameron, The Artist’s Way: A Spiritual Path to Higher Creativity, New York: J.P. Tarcher, 2002,
bls. 9-14. 13 Twyla Tharp, The Creative Habit: Learn It and Use It for Life: A Practical Guide, New York: Simon &
Schuster, 2003, bls. 189-190. 14 „[...] dark, solemn, macho, hierarchical, fundamentalist, austere, unforgiving, and profoundly rigid.“ Sjá:
Elizabeth Gilbert, Big Magic: Creative Living beyond Fear, New York: Riverhead Books, 2015, bls. 222. 15 „[...] light, sly, transgender, transgressive, animist, seditious, primal, and endlessly shape-shifting.“ Sjá:
Gilbert, Big Magic, bls. 222. 16 David Kelley og Tom Kelley, Sköpunarkjarkur: Að leysa úr læðingi sköpunarmáttinn innra með okkur
öllum, Bergsteinn Sigurðsson þýddi, Reykjavík: Vaka-Helgafell, 2014, bls. 41. 17 Daniel Kahneman, Thinking, Fast and Slow, New York: Farrar, Strauss and Giroux, 2011, bls. 21-24.
10
Með öðrum orðum, Kerfi 2 er í forsvari fyrir sjálfsstjórnun.“18 Mín ályktun væri því sú
að Kerfi 1 mætti staðsetja í hægra heilahvelinu en Kerfi 2 því vinstra.
Í bókinni Imagine vitnar Jonah Lehrer hins vegar í Friedrich Nietzsche í skil-
greiningu sinni á starfsemi heilans en í bókinni The Birth of Tragedy (Die Geburt der
Tragödie aus dem Geiste der Musik) talar Nietzsche um tvær erkitýpur, báðar fengnar úr
grískri goðafræði. Það eru bræðurnir Appollón og Díónýsus en Appollón var guð skyn-
seminar og Díónýsus guð upplausnar. Nietzsche talar því um Díónísísku hvötina þar sem
við finnum löngun til breytinga og listsköpunar og andstæðan við þetta er Appólónísk hvöt.
Í dag, skv. Lehrer, er Díónísíska hvötin kölluð sundurhverf hugsun eða hugsun sem finnur
fjölbreyttar, sundurleitar og nýstárlegar lausnir á ákveðnu vandamáli.19 Appólóníska hvötin
er hins vegar kölluð samleitin hugsun sem er tilvalin þegar við viljum leysa vandamál á
ákveðinn og rökrænan hátt út frá fyrirliggjandi upplýsingum.20 Hér áætla ég því að
Appólóníska hvötin sé hluti að vinstra heilahveli en Díónísíska hvötin því hægra.
Höfundar þessara ólíku bóka virðast því vera sammála um að skipta mætti virkni
heilans í tvennt, að önnur virknin sinni starfi ritskoðunar og að hún sé eitthvað sem við
þurfum að vera afar meðvituð um. Því þrátt fyrir mismunandi heiti og ólíkar leiðir í skil-
greiningum höfundanna á þessum einkennum hugsanna okkar þá þykir mér frekar ljóst
að þeir eru í raun að ræða um sama hlutinn; þessa innri hvöt okkar til þess að ritskoða
hugsanir okkar og dæma þær.
1.2. Ótti við óttann
Flestar bækurnar fjalla einnig, á einn hátt eða annan, um óttann og hvernig hann hefur áhrif
á sköpunargáfu okkar. Franklin D. Roosevelt, fyrrverandi Bandaríkjaforseti, sagði að það
eina sem við þurfum að óttast er óttinn sjálfur.21 Þegar kemur að sköpunarkrafti þá má
segja að orð hans eigi sannarlega við því „þótt margt hafi verið sagt og skrifað um óttann
við mistök, er hann samt sem áður ein helsta hindrunin á vegi sköpunarkraftsins,“ 22 eins og
skrifað er í bókinni Sköpunarkjarkur. Hið sanna er þó að við höfum í gegnum aldirnar þurft
á óttanum að halda til að lifa af.
18 „One of the tasks of System 2 is to overcome the impulses of System 1. In other words, System 2 is in
charge of self-control.“ Sjá: Kahneman, Thinking, Fast and Slow, bls. 26. 19 Orðabanki Íslenskrar málstöðvar. Sótt 2. nóvember 2016 á http://ordabanki.hi.is/wordbank/terminfo?
idTerm=470997&mainlanguage=EN. 20 Jonah Lehrer, Imagine: How Creativity Works, Boston: Houghton Mifflin Harcourt, 2012, bls. 64-65. 21 „Ræður óttinn för?,“ mbl.is, 3. desember 2009. Sótt 4. desember 2016 á http://www.mbl.is/greinasafn/
grein/1312864/. 22 Kelley, Sköpunarkjarkur, bls. 48.
11
Þróunin gerði þér gott með því að koma fyrir óttaviðbrögðum innra með þér, því ef þú
óttaðist ekkert þá myndir þú lifa stuttu, brjáluðu, heimsku lífi. Þú myndir ganga inn í
flæðandi bílaumferð. Þú myndir ráfa inn í skóg og vera étin af björnum. Þú myndir
hoppa inn í risaöldur við strendur Hawaii þó þú værir dræmur sundmaður. […] En þú
þarft ekki á ótta þínum að halda á sviði skapandi tjáningar.23
Í bókinni Measuring Creativity, sem er samantekt af umræðu og fyrirlestrum ráðstefnu
sem haldin var í Brussel árið 2009, er fjallað um mikilvægi sköpunar í nútímasamfélaginu,
sérstaklega í samhengi við fjármálahrunið árið 2008. Þar er mikið rætt um ótta við mistök
og hvernig hægt sé að breyta menntakerfinu sem í dag kennir okkur að forðast áhættur og
mistök. Niðurstaða ráðstefnunnar var sú að sköpun sé nærð í umhverfi sem virðir fjöl-
breytni, byggir á umburðarlyndi og sé opið fyrir nýjum hugmyndum.24 Því ef við erum
sífellt hrædd við að; fólk dæmi okkur, koma með nýjar hugmyndir, eltast við „draumóra“
eða verða ekki rík þá þorum við ekki að skapa nýjar hugmyndir.
Þessu er Mihaly Csikszentmihalyi án efa sammála en hann segir í bók sinni Flow
að í dag sé ekki viðurkennt að vera áhugamaður á ákveðnu sviði. Þ.e.a.s. ef þú nýtur ekki
skjótrar velgengni t.d. sem rithöfundur þá er það talið vera tímaeyðsla og sjálfseftirlæti.
Þetta verður því til þess að fólk lætur af ástríðu sinni fyrir eitthvað sem almennt þykir vera
meira „skynsamlegt“.25 Það má því e.t.v. segja að við höfum skapað ákveðið flokkunar-
kerfi fyrir störfin sem okkur standa til boða. Mary Douglas, mannfræðingur, setti fram
kenningu um þetta kerfi árið 1966. Hún sagði að skynjun okkar búi til ákveðna flokkun á
umhverfið svo við getum staðsett fyrirbæri og hugmyndir en að sérhvert kerfi skapi alltaf
einhverjar afgangsstærðir sem passa ekki. Það verður því óhreint eða hlutur á röngum
stað.26 Ef þetta er skoðað í samhengi við textann hans Csikszentmihalyi þá má e.t.v. áætla
að skapandi störf eiga stundum í hættu á að vera flokkuð sem óeftirsóknarverð og þ.a.l.
óhrein. Þau verða eitthvað sem við forðumst og jafnvel óttumst.
Vandamálið virðist því ekki eingöngu vera okkar innri ótti við að mistakast heldur
einnig ákveðinn ótti tengdur hinu ytra umhverfi okkar. Menntakerfið síðustu ár hefur t.d.
23 „Evolution did well to install a fear reflex within you, because if you didn’t have any fear, you would lead
a short, crazy, stupid life. You would walk into traffic. You would drift off into the woods and be eaten by
bears. You would jump into giant waves off the coast of Hawaii, despite being a poor swimmer. […] But you
do not need your fear in the realm of creative expression.“ Sjá: Gilbert, Big Magic, bls. 22. 24 Hélène Clark, „27. Closing speech to the conference, ‘Can creativity be measured?’,“ Measuring
Creativity: Proceedings for the Conference, “Can Creativity Be Measured?”, Ernesto Villalba ritstýrði,
Luxemborg: Publications Office of the European Union, 2009, bls. 416. 25 Mihaly Csikszentmihalyi, Flow: The Phychology of Optimal Experience, New York: HarperCollins
e-books, 2008, bls. 131. 26 Valdimar Tr. Hafstein, „Graffítí: List á röngum stað,“ Lesbók Morgunblaðsins, 25. janúar 2003, bls. 8.
Sótt 4. desember 2016 á http://timarit.is/view_page_init.jsp?issId=256306.
12
ekki lagt áherslur á skapandi greinar, heldur raungreinar og ensku.27 Í mörg ár hafa
skapandi greinar því ekki hlotið ákveðna viðurkenningu innan menntakerfisins sem án
efa hefur haft mótandi áhrif á ungt fólk. Árið 2013 voru þó gerðar breytingar þar á en í
Aðalnámskrá grunnskóla það árið var sköpun nefnd sem einn af grunnþáttum menntunar
en þar segir:
Í sköpun felst að móta viðfangsefni og miðla þeim, búa til, gera eitthvað nýtt eða
öðruvísi en viðkomandi kann eða hefur gert áður. Sköpun er að uppgötva, njóta, örva
forvitni og áhuga, virkja ímyndunarafl og leika sér með möguleika. Sköpun er að sjá
fyrir það óorðna og framkvæma það. Sköpun byggist á forvitni, áskorun, spennu og
leit. Glíman við viðfangsefnið og það að finna lausn getur verið umbun sköpunarinnar
í sjálfu sér. Sköpun brýtur hefðbundin mynstur, reglur og kerfi og veitir nýja sýn á
fyrirbæri og viðteknar hugmyndir.28
Víðteknar hugmyndir, líkt og kemur fram í ofangreindum texta, eru t.d greyptar í það
efnahags- og samfélagslega kerfi sem við höfum byggt upp. Við keppumst flest við að
eignast hluti eins og hús, bíl og auðvitað starfið sem færir okkur allt þetta. Svo margir
fórna ástríðu eða áhuga sínum fyrir vel borgað starf. Hugh Macleod lýsir þessu í bók sinni
Ignore Everybody en þar segir hann einnig að umhverfið sem við búum í sé hagfræðileg
uppbygging þar sem skortur á frumlegri hugsun sé verðlaunaður.29 Það sem hann á líklega
við er að sem starfsmaður innan flestra fyrirtækja færð þú yfirleitt greitt fyrir að vinna eftir
fyrirfram ákveðnu kerfi en ekki fyrir að koma með nýjar hugmyndir. Þú ert starfskraftur en
ekki sköpunarkraftur og, hvort sem það er meðvitað eða ómeðvitað, þá búa flest fyrirtæki
til þetta tiltekna starfsumhverfi.30
Ótti virðist því spila gríðarlegt hlutverk þegar kemur að heftingu sköpunarkraftsins
og breytir ekki hvort það er hinn innri ótti, t.d. við að mistakast, eða hinn ytri ótti, t.d. við
að missa vel launað starf. Ytri skilyrði taka þátt í að skapa innra umhverfi hugans þar sem
Ritskoðarinn nýtur sín og hann er fyrstur til að segja þér að hlutirnir muni ekki ganga upp
ef þú reynir að gera eitthvað nýtt. Lehrer talar mikið um þennan innri ótta í Imagine en
hann segir að ótti sé ein helsta ástæðan fyrir því að við setjum hömlur á okkar eigin
27 „Áhersla á ensku og raungreinar.“ 28 Aðalnámskrá grunnskóla – almennur hluti 2011 – greinasvið 2013, Reykjavík: Mennta- og menningar-
málaráðuneyti, 2013, bls. 24. Sótt 11. október 2016 á http://vefir.nams.is/namsmat/pdf/grunnskoli_
greinanamskrar _netutgafa_2013.pdf. 29 Hugh MacLeod, Ignore Everybody: And 39 Other Keys to Creativity, New York: Portfolio, 2009, bls. 30. 30 „13 Ways Companies Kill Creativity, “ MBA. Sótt 12. október 2016 á http://www.onlinemba.com/blog/
13-ways-companies-kill-creativity/.
13
sköpunarkraft og skrifar að „við erum svo hrædd við að spila ranga nótu eða segja eitthvað
rangt að við endum með ekkert.“31
Þá vill Cameron leiðbeina lesendum sínum við að leysa upp þennan ótta í The Artist
Way með því að læra að þekkja hann og eðli hans. Þar spila morgunsíðurnar hennar stórt
hlutverk en hún notar þær sem tól til sjálfsþekkingar- og styrkingar. Hún segir að við
getum notað þessa aðferð, ásamt öðrum, til að sigrast á ótta okkar og fara út fyrir þessi
skapandi höft.32
1.3. Mikilvægi þess að framkvæma eitthvað
Þriðja atriðið sem stóð upp úr sem meginþema í bókunum var mikilvægi þess að fram-
kvæma eitthvað. Ef að við hlustum á Ritskoðarann og leyfum óttanum að ráða þá sköpum
við okkur ákveðið fangelsi, ákveðið aðgerðarleysi. Um leið og við sleppum tökum af
þessum hömlum og förum að trúa á eigin getu til framkvæmda þá opnum við okkur fyrir
nýjum tækifærum, lausnum og nálgunum. Við opnum fyrir ákveðna auðlind sem ekki
eingöngu bundin við listgreinar.33 En til að uppgötva þessa auðlind þá þýðir ekki að sitja
og bíða eftir að hún birtist. Við þurfum að fara og leita hennar. Við verðum að byrja að
skapa eitthvað áður en við náum að skapa eitthvað einstakt.
Í þeim tilgangi mælir Cameron með listamannastefnumóti í The Artist Way sem er í
raun stefnumót við þína innri listakonu/mann. Markmiðið með því er að taka frá vikulegan
tíma til að næra sköpunarkraft þinn, án ytra áreitis frá t.d. fjölskyldu, vinnu og vinum.
Cameron ráðleggur því lesendum sínum að gefa sér tíma til að sinna sköpun sinni því ef
þú gefur þér tíma til að gera eitthvað skapandi þá mun óhjákvæmilega eitthvað koma út úr
því. Óháð því hvort það verður eitthvað sem þú telur vera gott eða ekki þá verður sá tími
aldrei að augnablikum sem urðu einskisnýt. 35
Tharp mælir í raun með því sama í The Creative Habit en hennar leið er þó örlítið
öfgakenndari. Hún er sjálf með lista yfir hluti sem hún forðast því hún segir að þeir taki
athygli hennar frá sköpuninni, t.d. bíómyndir eða bakgrunnstónlist. Þetta kallar hún fórnir
sem hún færir, ekki bara til þess að losa um pláss í huganum eða stundaskránni, heldur
einnig fórnir sem hún færir hugmyndafræðilegum guðum sköpunarinnar. Með þessum
fórnum hefur hún meiri tíma og andlega getu til að einbeita sér að sköpun sinni.36
31 „[…] we are so worried about playing the wrong note or saying the wrong thing that we end up with
nothing at all.“ Sjá: Lehrer, Imagine, bls. 104. 32 Cameron, The Artist’s Way, bls. 7. 33 Kelley, Sköpunarkjarkur, bls. 14-15. 35 Cameron, The Artist’s Way, bls. 18. 36 Tharp, The Creative Habit, bls. 26-28.
14
Austin Kleon hallast meira að aðferð Cameron frekar en Tharp í bókinni Steal like an
Artist. Hann mælir með hóflegri aðferð sem felst í því að fólk komi sér upp daglegri
rútínu sem getur verið algjörlega óháð skapandi störfum. Hvort sem það er áhugamál eða
dagvinna þá neyðir þessi rútína þig til þess að búa til tíma fyrir skapandi iðkun. „Að koma
á fót og halda við ákveðinni rútínu getur verið mun mikilvægara en að hafa nægan tíma.
Aðgerðarleysi er dauði sköpunarkraftsins.“37
Það er því ljóst að mikilvægi þess að framkvæma eitthvað er ansi mikið. Ef við
sitjum og bíðum eftir að eitthvað skapandi gerist þá munum við líklega bíða í afar langan
tíma. Við verðum að búa til vandamál sem heilinn getur einbeitt sér að og hjálpað okkur
að leysa. Vandamálin geta verið að finna söguþráð í bók, viðfangsefni í málverki, rímur í
ljóði eða lækning við sjúkdómi. En við verðum að vera ötul við vinnu af því að skapandi
ferli þarfnast oftast seiglu. Við verðum að geta horft í langan tíma á ákveðið vandamál þar
til það skýrist. Það leysist ekki fyrirvaralaust með skyndilegu innsæi heldur birtist svarið
smám saman eftir mikla vinnu.38 Við þurfum því á ákveðinni þrautseigju að halda áður
en að innsæið og sköpunarkrafturinn geti látið á sér kræla.
Þá gildir það sama þegar kemur að skorti á innblæstri. Eins og Gilbert skrifar í
Big Magic þá er gott að snúa sér að næsta verkefni, halda þrautseigjunni gangandi og búa
eitthvað til, framkvæma eitthvað, hvað sem er og að lokum þá mun innblásturinn láta á sér
kræla aftur.39
1.4. Að vera, og ekki vera, með meðvitund
Fjórða og síðasta meginþemað má segja að tengist meðvitund en á tvo ólíka vegu. Annars
vegar að vera með fullri meðvitund meðan við erum vakandi og hins vegar að vera með
meðvitund þegar hugmyndir læðast aftan að okkur, jafnvel í svefni.
Í The Creative Habit fjallar Twarp um það hversu stórt hlutverk heppni spilar í lífi
þess sem starfar við sköpun og mikilvægi þess að vera á staðnum og nægilega vakandi til
að átta þig á því þegar heppnin á sér stað. Í þessu samhengi nefnir hún þegar Charles
Goodyear missti óvart efnablöndu sína ofan á eldavél árið 1839 og fann upp gúmmíið.
Málið var hinsvegar að hann hafði eytt miklum tíma í að reyna að búa til teygjanlegt og
endingargott efni. Hann bjó til ákveðið vandamál til að leysa og fyrir einskæra tilviljun
þá lenti lausnin í höndum hans en það var hitabreytingin á efnablöndunni sem gerði gæfu-
37 „Establishing and keeping a routine can be even more important than having a lot of time. Inertia is the
death of creativity.“ Sjá: Austin Kleon, Steal like an Artist: 10 Things Nobody Told You about Being
Creative, New York: Workman Pub., 2012, bls. 124. 38 Lehrer, Imagine, bls. 56. 39 Gilbert, Big Magic, bls. 254.
15
muninn.40 Ef hann hefði ekki verið meðvitaður um möguleikana í mistökunum þá hefði
lausnin e.t.v. gengið honum úr greipum.
Lehrer segir svipaða sögu í Imagine en henni er þó öfugt farið. Verkfræðingurinn
Spencer Silver, sem uppgötvaði límið á Post-It miðunum meðan hann vann hjá 3M
fyrirtækinu, átti í miklum vandræðum með að nýta þetta nýja lím þar sem það var afar
veikt og límdist illa. Hann reyndi í 5 ár og hélt nokkar málstofur þar sem hann fjallaði
um þetta nýja, ónýtanlega lím. Það var ekki fyrr en Art Fry, annar verkfræðingur hjá
fyrirtækinu, sótti málstofu hjá Silver að hjólin fóru að snúast því nokkrum vikum eftir
málstofuna var Fry staddur á kóræfingu. Hann var vanur að nota litla miða til að merkja
sálmana sem æfa átti í sálmabók sinni en miðarnir duttu sífellt út. Það var ekki fyrr en
þarna sem að hann áttaði sig á því til hvers límið hans Silver var nýtanlegt sem leiddi til
þess að Post-It miðarnir voru uppgötvaðir.41 Kelley-bræðurnir taka þetta ágætlega saman
í Sköpunarkjarki þegar þeir skrifa:
Farsælir vísindamenn hljóti að hafa verið einkar móttækilegir fyrir svona heppilegum
tilviljunum, því vísindasagan er uppfull af slíkum dæmum. Penisilín, gangráðar,
sakkarín, öryggisgler og fjöldi annarra nýjunga urðu til vegna þess að vísindamenn
áttuðu sig á að mistök eða glappaskot leiddu nýja uppgötvun í ljós.42
Þessi eiginleiki, að vera vakandi og sjá möguleika í mistökum og umhverfi okkar, getur því
verið stór hluti þess að öðlast velgengni í sköpunarstarfinu. En skv. Tharp þá þurfum við
ekki endilega að vera fyllilega vakandi til að sjá þessa möguleika.
Í þessu samhengi segir hún frá uppfinningamanninn Thomas Edison og „hugsana-
stól“ hans. Vopnaður tveim stálkúlum og álformum bjó hann til „hugsanastól“ sem hann
nýtti sér þegar hann vildi fá nýjar hugmyndir. Þá settist hann með kúlurnar í höndunum
og leyfði sér að slaka á. Með tímanum náði hann ákveðnu ástandi þar sem hann var á milli
svefns og vöku. Í kjölfarið missti hann boltana ofan á málmformin sem sköpuðu hávaða
og vöktu hann. Á þessum tímapunkti skrifaði hann niður allar þær hugmyndir sem voru
í höfði hans, án þess að dæma þær. Þessi aðferð gerði honum kleift að opna sig og leyfa
hugmyndum að flæða.43
40 Tharp, The Creative Habit, bls. 121. 41 Lehrer, Imagine, bls. 46-49. 42 Kelley, Sköpunarkjarkur, bls. 115. 43 Tharp, The Creative Habit, bls. 100.
16
Kelley-bræðurnir nefna svipaða aðferð og hvernig hún getur nýst okkur þegar
við erum stopp í verkefnum okkar. Þeirra leið er hins vegar að skapa kjöraðstæður fyrir
afslappaða athygli þegar vekjaraklukkan hringir, meðan við erum enn „í hálfmeðvituðu
hugarástandi mitt á milli svefns og vöku.“44 Lehrer nefnir þetta sama ástand í Imagine og
vitnar í Yo-Yo Ma, heimskunnan sellóleikara. Ma segist upplifa þetta ástand þegar hann
er að vakna á morgnana en ástæðu þess segir hann vera að þar sem hann sé hálfsofandi þá
geti hann hlustað á það sem undirmeðvitundin er að segja honum og því skapist hálfgert
stjórnlaust ástand í huga hans sem hann hafi þó fulla stjórn á. Hann segir einnig að í þessu
ástandi fái hann sínar bestu hugmyndir.45
David Lynch, bandarískur kvikmyndaleikstjóri, orðaði þessa veiði í undirmeðvitund-
inni ágætlega í bók sinni Fiskað í djúpinu þegar hann skrifaði:
Hugmyndir eru eins og fiskar. Ætli maður að veiða litla fiska heldur maður sig á
grynningum. En ætli maður á hinn bóginn að krækja í þann stóra er nauðsynlegt að
sækja dýpra. Í djúpinu eru fiskarnir bæði kröftugri og tærari. […] Því meira sem
vitund manns og athygli vex og víkkar því dýpra hverfur maður í áttina að þessum
upptökum og þeim mun stærri fiska krækir maður í.46
Eins og áður var sagt þá stóðu þessi fjögur meginþemu upp úr við lestur bókanna. Dæmin
sem nefnd eru við hvern kafla eru hvergi nærri tæmandi og ég hefði getað nefnt önnur
dæmi úr fleiri bókum. Ég valdi hins vegar þessi dæmi því þau rökstyðja helst, að mínu
mati, þær niðurstöður sem ég fékk úr bókunum; að þessi fjögur þemu spila stór hlutverk
í vandamálum er snerta skapandi stöðnun. En ef þetta eru vandamálin, hver er þá lausnin?
2. Baráttan og bókin: fæðing innsæis
Að mínu mati þá var lausnin hvergi eins ljós og í bókinni hans David Lynch. Þar kemur
greinilega fram að honum finnst að íhugun, eða innhverf íhugun eins og hann kallar það, sé
leiðin til að losa um skapandi stíflur.47 Til að útskýra hvers vegna mitt innsæi sagði mér að
Lynch væri með lausnina þá langar mig að segja aðeins frá því hvers vegna ég ákvað að
skrifa um efni þessarar ritgerðar.
Fyrir lok fyrstu annar minnar í Listaháskóla Íslands hafði ég ákveðið viðfangsefnið
í lokaritgerðinni og lokaverkefninu mínu. Vissan veitti mér öryggi og þægindaramma. Í lok
44 Kelley, Sköpunarkjarkur, bls. 92. 45 Lehrer, Imagine, bls. 92. 46 David Lynch, Fiskað í djúpinu: íhugun, vitund og sköpunarkraftur, Sigurður Hróarsson þýddi, Reykjavík:
Prentsmiðjan Oddi hf., 2009, bls. 11. 47 Sama heimild, bls. 37-38.
17
2. árs míns í skólanum fór ég á útskriftarsýningu 3. árs nemenda í Listasafni Reykjavíkur
og er ég kom að einu verkinu þá stoppaði hjartað í mér. Viðfangsefnið var keimlíkt minni
hugmynd. Það skal tekið fram að hér var um einskærra tilviljun að ræða enda hafði ég ekki
sagt neinum frá mínum plönum. En hugmyndirnar voru svo líkar að ég varð að hætta við
hana og það má segja að heimur minn hafi hrunið. Næsta sumri, sem átti að nýtast í frekari
lestur og upplýsingaöflun, eyddi ég í óvissu um hvað gera
skyldi. Þægindaramminn hvarf og ég lenti á einhverskonar vegg.
Allar hugmyndir voru ómögulegar og ég óttaðist að mér myndi
mistakast. Þarna birtust Ritskoðarinn ásamt óttanum og fengu
þeir að ráða ríkjum í margar vikur en hvað gerðist? Ekkert. Ég
hóf því örvæntingafulla leit að lausn á sköpunarleysi mínu og
reyndi að finna bækur á netinu sem gætu aðstoðað mig en ég
hvorki valdi né las neina af þeim. En tilviljun varð til þess að ég
fékk bók að gjöf. Bókin heitir Ný jörð og er eftir rithöfundinn og
andlega leiðtogann Eckhart Tolle. Minn innri grafíski hönnuður
var nú ekki mikið spenntur yfir henni í byrjun þar sem ég gerði
þau algengu mistök að dæma bókina eftir kápunni. En að lokum lét ég til leiðast og ákvað
að lesa hana. Ég kynntist núvitund og hún breytti lífi mínu. Ekki bara varðandi sköpunar-
vandamál mitt heldur öllu lífi mínu. Ritskoðarinn og óttinn minn hurfu. Ég byrjaði að gera
hluti og framkvæma eitthvað. Ekki endilega skapandi hluti heldur bara hluti sem ég hafði
áhuga á. Ég fór t.d. að lesa meira efni frá Tolle og skoðaði greinar og vefsíður honum
tengdum. Ein af þeim vefsíðum leiddu mig svo að efni þessarar ritgerðar. Á síðunni er birt
upptaka af málþingi þar sem Tolle ásamt öðrum andlegum leiðtogum ræddu um mikilvægi
sköpunar, ekki aðeins fyrir nútíðina heldur líka framtíðina.49 Á þeirri stundu gerðist
eitthvað, punktar mynduðu línur sín á milli og hugmyndin að efni ritgerðarinnar fæddist.
2.1. Að vera í núvitund
Til nánari útskýringa þá er núvitund aldagömul hugleiðsluaðferð þar sem athyglinni er
beint að líðandi stundu. Með henni opnast hugurinn og við lærum að vera forvitin án dóms
eða gagnrýni. Að vera í núvitund og að íhuga er að róa hugann og þekkja okkur sjálf betur.
Vissulega snertu fleiri höfundar en Lynch á þessum fleti núvitundar. Tharp mælir
t.d. með því í The Creative Habit að sitja kyrr í 10 mínútur og leyfa undirmeðvitundinni að
49 „Creativity: Educating the Heart and Mind,“ Golden Rule Project. Sótt 4. desember 2016 á http://golden
ruleproject.org/educating-the-heart-and-mind-creativity/.
Mynd 2. Íslenska
bókakápan á Ný Jörð
eftir Eckhart Tolle.
18
koma upp á yfirborðið.50 Csikszentmihalyi leggur mikla áherslu á það að einn helsti styrkur
skapandi manneskju er að vera í andlegu jafnvægi51 og að íhugun geti þar spilað stórt hlut-
verk.52 Cameron segir t.d. að hún áliti morgunsíðurnar vera ákveðið form að hugleiðslu.53
Lynch gerir þó sterkari tengingu milli innsæis og hugleiðslu en hann skrifar:
Sjálfur er ég þeirrar skoðunar að hægt sé að skerpa og víkka innsæi með íhugun. Kafa
ofan í eigið sjálf. […] Við það vex innsæið og þroskast og við verðum betur í stakk
búinn til að leysa úr vandanum – vita hvenær eitthvað er ekki alveg rétt og finna leið
til að láta það ganga upp.54
Þessar aðferðir hugleiðslu og víkkun innsæis geta því aðstoðað okkur við að opna fyrir
sköpunarkraftinn innra með okkur og vísa okkur leiðina. Við verðum að leyfa okkur að
hætta að dæma og óttast, framkvæma eitthvað og vera meðvituð. Þannig opnast fyrir
möguleika sem við e.t.v. sáum ekki fyrir eða vissum ekki af.
Rannsóknir hafa sýnt að með hugleiðslu er hægt að örva hægri hluta heilans.55 Ég
álykta svo að það er ástæðan fyrir því af hverju hún getur veitt okkur hæfileikann til að
skola út óttann og Ritskoðarann, eflt getu okkar til að vera virk og með fulla meðvitund.
Hugleiðslan örvar svæði sem eru ekki venjulega virk í umhverfi okkar sem er í raun byggt
upp á rökfræðilegri þekkingu þar sem hagkerfi og framleiðsla skapa kapítalískt umhverfi.56
En hvernig getur núvitund aðstoðað við þessi skapandi vandamál? Tolle segir í bók
sinni, Ný jörð, að mannfólk í dag samsami sig of mikið við röddina í höfðinu. Við lítum
svo á að þessi rödd sé „ég“ en raunveruleikinn er ekki svo. „Þessi villandi sjálfskennd er
það sem Albert Einstein sem hafði djúpt innsæi, ekki aðeins í veruleika rúms og tíma
heldur einnig í mannlegu eðli, kallaði „sjónvillu vitundarinnar“.“57 Það sem Tolle og
Einstein eru að segja er að við erum ekki röddin í höfði okkar. Við erum ekki af því við
hugsum, eins og franski heimspekingurinn René Descartes taldi,58 heldur erum við af því
við vitum að við hugsum. Þessi vitund, sem veit af hugsunum okkar, er kjarni okkar.
50 Tharp, The Creative Habit, bls. 30. 51 Mihaly Csikszentmihalyi, Creativity: Flow and the Psychology of Discovery and Invention, New York:
HarperCollins Publishers, 1996, bls. 23. 52 Sama heimild, bls. 63. 53 Cameron, The Artist’s Way, bls. 13-14. 54 Lynch, Fiskað í djúpinu, bls. 55. 55 „Meditation synchronizes the brain,“ Brainwave Research Institute. Sótt 25. nóvember 2016 á https://
www.brainwave-research-institute.com/meditation-synchronizes-the-brain.html. 56 „What is Capitalism?,“ World Socialist Movement. Sótt 4. desember 2016 á http://www.worldsocialism.org
/english/what-capitalism. 57 Eckhart Tolle, Ný jörð, Björn Jónsson þýddi, Reykjavík: Bókaforlagið Bifröst, 2013, bls. 24. 58 „Cogito ergo sum,“ Wikipedia: The Free Encyclopedia, síðast breytt 29. nóvember 2016. Sótt 5. desember
2016 á https://en.wikipedia.org/wiki/Cogito_ergo_sum.
19
Heilinn er í raun verkfæri, tól sem við getum nýtt til að leysa vandamál. Í núvitund náum
við betur að átta okkur á þessu verkfæri okkar. Við getum einnig nýtt þessa hugleiðslu-
aðferð til að skapa „hugsanastólinn“ hans Edison því með þessum æfingum þjálfum við
okkur í að ná betra sambandi við undirmeðvitund okkar. Við náum að efla hið hálfmeð-
vitaða hugarástand sem Kelley-bræðurnir nefndu.
Rannsóknir hafa sýnt að hugleiðsla geti bætt fókus, minnkað áhyggjur, kvíða og
þunglyndi, bætt vitrænan skilning og skapandi hugsun, skerpt ákvarðanagetu og getu til
að leysa verkefni ásamt mörgum öðrum ávinniningum.59 Vandamál sem urðu e.t.v. til við
þessa samsömum við „ég-ið“. En ef við látum af þessari samsömun og skilgreiningu okkar
á hvað „ég“ er, þá sjáum við hugmyndir ekki sem „góðar“ eða „slæmar“, þær verða bara
hugmyndir. Við sleppum tökum af Ritskoðaranum okkar og leyfum hugsuninni að vinna
fyrir okkur á óhlutdrægan hátt. Við hættum að óttast dóm annarra því „ég-ið“ stendur
hvorki né fellur út frá áliti annara. Við verðum einnig betur sett til að framkvæma eitthvað,
óháð fyrirfram ákveðnum væntingum og meðvitund eykst. Það er því margt sem bendir til
þess að hugleiðsla sé afar nytsamlegt verkfæri til að takast á við vandamál, vandamál sem
snúa ekki aðeins að efni þessarar ritgerðar, heldur einnig á heildrænan hátt fyrir lífið allt.
En ef ályktun mín er rétt varðandi það að bækurnar 11 innihaldi þessi fjögur
meginþemu eða vandamál, hvers vegna eiga svona margir í vandræðum með að nálgast
sköpunarkraftinn? Ef vandamálið er svona augljóst, hvers vegna er ekki búið að finna lausn
á því? Csikszentmihalyi útskýrir það mjög vel í bókinni Flow en hann segir að þetta sé
alveg eins og þegar fólk veit hvernig það á að lifa heilbrigðu lífi. Við vitum hvað er okkur
óhollt en það er bara auðveldara sagt en gert að hætta t.d. að drekka, reykja eða borða
óhollt. „Allir vita hvað þarf til, allir vilja gera það, þó er það ómögulegt fyrir svo marga.“60
Við virðumst því eiga erfitt með að færa ákveðnar fórnir og leggja á okkur vinnu sem
krefst mikils, þó að við vitum yfirleitt að við fáum á endanum að sjá árangur erfiðisins.
59 Giovanni, „Scientific Benefits of Meditation – 76 Things You Might Be Missing Out On,“ Live and Dare:
Master Your Mind, Master Your Life. Sótt 25. nóvember 2016 á http://liveanddare.com/benefits-of-
meditation/. 60 „[…] everyone knows what it takes, everyone wants to do it, yet it is next to impossible for so many.“ Sjá:
Csikszentmihalyi, Flow, bls. 7.
20
Lokaorð
Þó segja megi að sköpunarkraftur sé hluti af getu mannkynsins þá virðist svo vera að við
höfum fjarlægst þessa getu okkar með tímanum. Stór hluti fólks virðist eiga í vandræðum
með að nálgast sköpunarkraftinn og Tharp bendir t.d. á að margir halda jafnvel að hann
sé einhverskonar guðleg gjöf eða blessun sem aðeins örfáir öðlast.61 Sköpunarkrafturinn
virðist því frekar vera talin vera einhverskonar dularfull orka sem fáir hafa aðgang að
en ekki hluti af getu okkar allra.
Atriðin sem komu fyrir í bókunum og tengdust þessu vandamáli við að nálgast
sköpunarkraftinn voru mörg og ólík. Þessi fjögur meginþemu sem ég tók fyrir voru valin
því það voru þau sem ég tók eftir að endurtóku sig í flestum bókanna. Ótti, ritskoðun
hugans, aðgerðar- og meðvitundarleysi virtust, fyrir mér, vera meginvandamálin þegar
kom að stöðnun í sköpun. E.t.v. gæti mín persónulega reynsla átt þar í hlut en reynsla getur
eflt innsæið og hjálpað til þegar kemur að ákvarðanatökum.
Vissulega væri eflaust hægt að nota morgunsíðurnar hennar Cameron eða önnur
verkfæri eða ráð sem sumar bækurnar gefa. Það er líklega engin röng leið til að takast á við
þessi meginatriði þegar kemur að stöðnun í sköpunarstarfi. Rökin á bakvið hugleiðslu sem
nytsamlegt verkfæri eru þó sterk því rannsóknir sýna að iðkun hugleiðslu örvar hægri hluta
heilans.62 Skv. því sem kom fram í bókunum um skiptingu hægra og vinstra heilahvels og
ólíka virkni þar á milli þá má áætla að í hægri hluta heilans leynist sköpunarkraftur okkar
og innsæi. Með því að hugleiða og virkja
bæði svæði heilans getum við mun betur
varðveitt upplýsingar og unnið úr þeim.63
Upplýsingar birtast okkur ekki lengur sem
samhengislausar staðreyndir heldur myndum
við tengingar sem e.t.v. voru ekki til staðar
og þannig getum við sem dæmi stuðlað að
nýsköpun. Skv. því sem sagan segir okkur
þá virðist velgengni okkar í framtíðinni
standa og falla með þessum hæfileika okkar. Sem dæmi má nefna að nútímasamfélög í
61 Tharp, The Creative Habit, bókakápa. 62 „Meditation synchronizes the brain.“ 63 „Left Brain Vs Right Brain,“ UCMAS Mental Math Schools: Discover the Genius Within. Sótt 25.
nóvember 2016 á http://ucmas.ca/our-programs/whole-brain-development/left-brain-vs-right-brain/.
Mynd 3. Teikning eftir Hugh MacLeod.
21
þróuðum ríkjum eru að glíma við stór vandamál sem snúa t.d. að heilsufari, umhverfis-
vernd, menntun, hagkerfinu og svo mætti lengi telja. En svo eru það vandamálin sem við
eigum eftir að uppgötva. Í heimildarmyndinni Innsæi kemur t.d. fram að „65% af skóla-
krökkum í dag eiga eftir að vinna störf í framtíðinni sem hafa ekki verið fundin upp.“64
Hæfileikar okkar á sviði sköpunar skipta því miklu máli þegar kemur að því að skapa
framtíð okkar.
Spurningin er, viljum við að sú framtíð verði áfram í megindráttum uppbyggð af
rökfræðilegri þekkingu þar sem hagkerfi og framleiðsla ráða ríkjum eða ætlum við að
sleppa tökum af „ég-inu“og skapa umhverfi án ótta með jafnvægi að leiðarljósi?
64 „Innsæi – The Sea Within.“
22
Heimildaskrá
Prentaðar heimildir:
Andrea Saltelli, „28. Concluding remarks,“ Measuring Creativity: Proceedings for the
Conference, “Can Creativity Be Measured?”, Ernesto Villalba ritstýrði, bls. 419-
420, Luxemborg: Publications Office of the European Union, 2009.
Cameron, Julia, The Artist’s Way: A Spiritual Path to Higher Creativity, New York: J.P.
Tarcher, 2002.
Csikszentmihalyi, Mihaly, Creativity: Flow and the Psychology of Discovery and
Invention, New York: HarperCollins Publishers, 1996.
Csikszentmihalyi, Mihaly, Flow: The Phychology of Optimal Experience, New York:
HarperCollins e-books, 2008.
Gilbert, Elizabeth, Big Magic: Creative Living beyond Fear, New York: Riverhead Books,
2015.
Hélène Clark, „27. Closing speech to the conference, ‘Can creativity be measured?’,“
Measuring Creativity: Proceedings for the Conference, “Can Creativity Be
Measured?”, Ernesto Villalba ritstýrði, bls. 415-417, Luxemborg: Publications
Office of the European Union, 2009.
Kahneman, Daniel, Thinking, Fast and Slow, New York: Farrar, Strauss and Giroux, 2011.
Kelley, David og Tom Kelley, Sköpunarkjarkur: Að leysa úr læðingi sköpunarmáttinn
innra með okkur öllum, Bergsteinn Sigurðsson þýddi, Reykjavík: Vaka-Helgafell,
2014.
Kleon, Austin, Steal like an Artist: 10 Things Nobody Told You about Being Creative, New
York: Workman Pub., 2012.
Lehrer, Jonah, Imagine: How Creativity Works, Boston: Houghton Mifflin Harcourt, 2012.
Lynch, David, Fiskað í djúpinu: íhugun, vitund og sköpunarkraftur, Sigurður Hróarsson
þýddi, Reykjavík: Prentsmiðjan Oddi hf., 2009.
MacLeod, Hugh, Ignore Everybody: And 39 Other Keys to Creativity, New York:
Portfolio, 2009.
Tharp, Twyla, The Creative Habit: Learn It and Use It for Life: A Practical Guide, New
York: Simon & Schuster, 2003.
Tolle, Eckhart, Ný jörð, Björn Jónsson þýddi, Reykjavík: Bókaforlagið Bifröst, 2013.
23
Vefheimildir:
„13 Ways Companies Kill Creativity,“ MBA. Sótt 12. október 2016 af
http://www.onlinemba.com/blog/13-ways-companies-kill-creativity/.
„2d. First Technologies: Fire and Tools,“ Ancient Civilizations Online Textbook. Sótt
21. október 2016 á http://www.ushistory.org/civ/2d.asp.
Aðalnámskrá grunnskóla – almennur hluti 2011 – greinasvið 2013, Reykjavík: Mennta-
og menningarmálaráðuneyti, 2013. Sótt 11. október á http://vefir.nams.is/namsmat/
pdf/grunnskoli_greinanamskrar_netutgafa_2013.pdf.
„Áhersla á ensku og raungreinar,“ mbl.is, 27. mars 1999. Sótt 10. október 2016 á
http://www.mbl.is/greinasafn/grein/458371/.
„Creativity,“ Wikipedia: The Free Encyclopedia, síðast breytt 5. október 2016. Sótt 10.
október 2016 á https://en.wikipedia.org/wiki/Creativity.
„Creativity: Educating the Heart and Mind,“ Golden Rule Project. Sótt 4. desember 2016 á
http://goldenruleproject.org/educating-the-heart-and-mind-creativity/.
„Cogito ergo sum,“ Wikipedia: The Free Encyclopedia, síðast breytt 29. nóvember 2016.
Sótt 5. desember 2016 á https://en.wikipedia.org/wiki/Cogito_ergo_sum.
Giovanni, „ Scientific Benefits of Meditation – 76 Things You Might Be Missing Out On,“
Live and Dare: Master Your Mind, Master Your Life. Sótt 25. nóvember 2016 á
http://liveanddare.com/benefits-of-meditation/.
„Hellamálverk,“ Wikipedia: Frjálsa alfræðiritið, síðast breytt 10. nóvember 2014. Sótt 6.
október á https://is.wikipedia.org/wiki/Hellam%C3%A1lverk.
Hólmfríður Helga Sigurðardóttir, „5 leiðir að innsæinu,“ Stundin, 29. október 2016. Sótt
24. nóvember á http://stundin.is/frett/5-leidir-ad-innsaeinu/.
„Innsæi – The Sea Within,“ Bíó Paradís. Sótt 9. nóvember 2016 á
https://bioparadis.is/kvikmyndir/innsaei/.
Leap, Dennis, „The Mystery of Human Creativity Explained,” The Trumpet, febrúar 2012.
Sótt 22. október 2016 á https://www.thetrumpet.com/article/8960.24.141.0/the-
mystery-of-human-creativity-explained#comments.
„Left Brain Vs Right Brain,“ UCMAS Mental Math Schools: Discover the Genius Within.
Sótt 25. nóvember á http://ucmas.ca/our-programs/whole-brain-development/left-
brain-vs-right-brain/.
24
„Meditation synchronizes the brain,“ Brainwave Research Institute. Sótt 25. nóvember á
https://www.brainwave-research-institute.com/meditation-synchronizes-the-
brain.html.
Orðabanki Íslenskrar málstöðvar. Sótt 2. nóvember 2016 á http://ordabanki.hi.is/
wordbank/terminfo?idTerm=470997&mainlanguage=EN.
„Ræður óttinn för?,“ mbl.is, 3. desember 2009. Sótt 4. desember á http://www.mbl.is/
greinasafn/grein/1312864/.
Sokolova, Siyana, „The Importance of Creativity and Innovation in Business,“ Linked In,
9. febrúar 2015. Sótt 19. október á https://www.linkedin.com/pulse/importance-
creativity-innovation-business-siyana-sokolova.
„Timeline of historic inventions,“ Wikipedia: The Free Encyclopedia, síðast breytt 14.
október 2016. Sótt 15. október á https://en.wikipedia.org/wiki/Timeline_of_historic
_ inventions.
Valdimar Tr. Hafstein, „Graffítí: List á röngum stað,“ Lesbók Morgunblaðsins, 25. janúar
2003. Sótt 4. desember 2016 á http://timarit.is/view_page_init.jsp?issId=256306.
„William Ralph Inge Quotes,“ BrainyQuote. Sótt 19. október 2016 á http://www.
brainyquote.com/quotes/quotes/w/williamral137059.html.
„What is Capitalism?,“ World Socialist Movement. Sótt 4. desember 2016 á http://www.
worldsocialism.org/english/what-capitalism.
Annað:
Kristinn R. Þórisson, „Creativity/Sköpunargáfur,“ fyrirlestur, Listaháskóli Íslands,
22. nóvember 2016.
25
Myndaskrá
Mynd 1: Thompson, Helen, „Rock (Art) of Ages: Indonesian Cave Paintings Are 40.000
Years Old,“ Smithsonian.com. Sótt 6. október 2016 á
http://www.smithsonianmag.com/science-nature/rockart-ages-indonesian-cave-
paintings-are-40000-years-old-180952970/?no-ist.
Mynd 2: „Ný jörð“, Forlagið Bókabúð. Sótt 25. nóvember á
https://www.forlagid.is/vara/ny-jor%C3%B0-kilja/.
Mynd 3: MacLeod, Twitter-uppfærsla, birt 16. janúar 2014. Sótt 26. nóvember á
https://mobile.twitter.com/hughcards/status/423952995240648704.