SULONDAN SA PAGROSARYO 1. Panguros
Sa Ngalan sang Amay, kag sang Anak, kag sang Espiritu Santo.
Amen.
2. Nagatu-o Ako I. Nagatu-o ako sa Dios, Amay nga makagagahum
sang tanan,
magbubuhat sang langit kag sang duta. II. Nagatu-o ako kay
Jesukristo, Iya Anak nga Bugtong nga aton Ginoo; III. Nga
ginpanamkon sa gahum sang Espiritu Santo, ginbun-ag ni
Santa Maria Birhen. IV. Ginsakit sa sugo ni Poncio Pilato,
ginlansang sa krus, napatay kag
ginlubong. V. Nanaog sa mga minatay, sa ikatlo ka adlaw,
nabanhaw Siya nga
naghalin sa mga minatay; VI. Kumayab sa mga langit kag
naglingkod sa tuo sang Dios nga
Amay, makagagahom sang tanan. VII. Gikan didto, magakari pa Siya
liwat sa paghukom sa mga buhi kag
sang mga minatay. VIII. Nagatuo ako sa Espiritu Santo, IX. Sa
Santa Iglesia Katolika; sa ginkakaupdan sang mga Santos; X. Sa
kapatawaran sang mga sala; sa pagkabanhaw sang mga lawas; XI. Kag
sa pagkabuhi nga wala sing katapusan. Amen.
3. a. Amay Namon
Amay namon, nga yara ka sa mga langit; pagdayawon ang Imo
ngalan; umabot sa amon ang Imo ginhari-an; matuman ang Imo pagbu-ot
diri sa duta siling sang sa langit. Hatagan Mo kami nian sing
kan-on namon sa matag-adlaw kag patawaron mo kami sang mga sala
namon, siling nga ginapatawad namon ang mga nakasala sa amon; kag
dili mo kami ipada-og sa mga panulay, Hinunoo luwason Mo sa kalaut.
Amen. b. Maghimaya ka Maria (Tatlo ka beses) Maghimaya ka Maria,
puno ka sing grasya, ang Ginoo yara sa imo, ginadayaw ka labi sa
mga babayi nga tanan, kag ginadayaw man ang bunga sang imo tiyan
nga si Jesus. Santa Maria, Iloy sang Dios, ig-ampo mo kami nga mga
makasasala nian kag sa oras sang amon ikamatay. Amen.
c. Himaya sa Amay Himaya sa Amay, kag sa Anak, kag sa Espiritu
Santo. Siling sa ginsuguran, sa karon, kag sa gihapon sa tanan nga
mga tuig sang mga katuigan. Amen. 4. Pamalandong sang mga Misteryo
(Mga Hitabu sa kabuhi ni Jesus) 5. Sa pagsugod sa tagsa ka dekada
a. Amay Namon b. Maghimaya ka Maria (Pulo ka beses) c. Himaya sa
Amay 6. Sa tapus ang tags aka dekada O Jesus ko, patawara kami sang
amon mga sala, luwasa kami sa kalayo sang impierno, dalaha ang
tanan nga mga kalag sa langit labi na gid ang may daku nga
kinahanglan sa Imo kaluoy. O labing Putli nga Kasingkasing ni
Maria, lisu-a ang mga makasasala. 7. Pagkatapos sang Lima ka dekada
sang Rosarito Maghimaya ka Reyna Maghimaya ka Reyna, Iloy sa
kalu-oy, kinabuhi, kinatam-is kag ginalauman namon, maghimaya ka!
Nagapangalaba kami sa Imo nga mga pinanubol nga anak ni Eva.
Nagapaningka-ul kami sa Imo, nga nagabakho kag nagapanangis sa
ining duta nga luhaan. Gani, mag-alampo namon, tuluka kami sang Imo
mga mata nga maluluy-on, kag sa ubos nga matapos ang pagsubol sa
amon sa duta, ipakita Mo sa amon si Jesus, ang bunga sang santos
nga tiyan Mo. O maluluy-on, O mahigugmaon, O matam-is, nga Birhen
Maria. Ig-ampo mo kami, O Santa nga Iloy sang Dios, Agod
mangintakus kami sang mga pinanaad ni Jesukristo. Amen. Pangamuyo O
Dios, tungod sa kabuhi, kasakit, kamatayon kag pagkabanhaw sang Imo
Bugtong nga Anak, gin-agum mo para sa amon ang mga dulot sang
kabuhi nga walay katapusan. Naga-ampo kami, kabay nga ihatag mo sa
amon nga nagapamalandong kag nagapangamuyo sining mga misteryo sang
Santos nga Rosaryo ni Santa Maria Birhen, nga amon masunod ang iya
ginatudlo kag mabaton ang iya ginpanaad. Paagi kay Kristo nga amon
Ginoo. Amen. 8. Panguros
Sa Ngalan sang Amay, kag sang Anak, kag sang Espiritu Santo.
Amen.
