TAPURA RE'OHetu'u Pū 2012

He SASIPA e Tāvini atu 'ana ki a Kōrua

He rua koro nui o te re'o i a Tire

'I te matahiti ta'ato'a oti ena o te 2011, e 'ata haka riva-riva e oho atu ena te SASIPA i te rāua servicio mo kōrua mo te taŋata o Rapa Nui.

8

'I te ho'e 'ahuru mā toru o tū 'āva'e ena o Ruti i rere ai ki a Tire te nu'u ma'ori 'e te matu'a vahine e tahi o te hare hāpī ena ko Lorenzo Baeza Vega ki te “Rua Koro Nui o te Re'o”, haka taka-taka e te nūna'a o te Red por los Derechos Educativos y Linguísticos de los Pueblos Indígenas de Chile, hā'ū'ū e te Facultad de Humanidad o te Universidad o Santiago.

9

He ŋā poki i hāpī hai re'o rapa nui

5

He voto o te nu'u uru mo te Consejero o te CONADI'I te ho'e 'ahuru mā pae mahana o tū 'āva'e oti ena o Tu'uaharo i voto haka 'ou ai te taŋata o te kāiŋa i te kope mo Consejero Mā'ohi.

8

He huri te articulo 126 bis o te Constitucion Tire

2

Pa he matahiti ta'ato'a e aŋa ena i te ŋoŋoro o te haka oti iŋa o te hāpī o te 4° M i aŋa tako'a ai 'i tū matahiti oti ena.

Pē hē ana pāpa'i i te mail hai ti'ara'a rapa nui 3

2 TĀPURA RE'OHetu'u Pū 3 TĀPURA RE'O

Hetu'u Pū

Te vānaŋa o te hoa ve'a

Māuru-uru hai māhatu ki te nu'u ta'ato'a hā'ū'ū mai era mo e'a haka 'ou atu o te ve'a nei.

'E māuru-uru tako'a ki te matu'a, ki te ma'ori hāpī, ki te hare hāpī ena e hāpī mai ena i te ŋā poki hai re'o henua, ki te nu'u hīmene, ki te nu'u pū'oko o te nūna'a 'ori ta'ato'a o te kāiŋa, 'e ki te nu'u ta'ato'a nō ena e haka pūai mai ena i te tātou re'o henua.

Ka tai'o hai here.

Hoa ve'a,Maria Eugenia Tuki Pakarati

Tu'u A HaroHetu'u PūTarahaoVai Tu'u NuiVai Tu'u PotuMaro'AnakenaHora 'ItiHora NuiTaŋaroa 'UriRutiKoro

Te 'āva'e o te matahiti

Hoa ve'a: Maria Eugenia Tuki Pakarati • Taŋata pāpa'i: Virginia Atan, Maria Eugenia Tuki Pakarati, Marcus Edensky • I huri ki te 'arero rapa nui: Maria Eugenia Tuki Pakarati • Revision de ortografía: Maria Eugenia Tuki Pakarati, Nancy Weber • Hoho'a: Virginia Atan, Maria Eugenia Tuki Pakarati, Marcus Edensky

Pē hē koe ana me'eKa haka topa mai te tekarao

mai roto i te internet 'o ka pāpa'i mai ki Tāpura Re'o, mai te kona nei

http://www.easterislandtrav-eling.com/files/rapa-nui-lan-guage-school/tekarao-rapa-nui.zip (254 kb)

Ka to'o mai te archivo. Ki oti ka mātaki “haha'o.exe” 'e he in-tara he oti rō 'ai.

Pē hē koe ana activa

'I raro o te kao-kao mata'u o te monitor te 'avahata 'iti-'iti e tahi. A ira koe ana u'i ko tekarao hē ta'a tekarao ena ka usa ena, he kiriki koe a ruŋa. He kiriki haka 'ou koe a te kona ena e hā'aki ena “Español (Chile)”. E riva tako'a nō koe mo rei ō'ou i te me'e ena he “Alt” 'i tū hora 'ana ararua ko te me'e ena he “Shift”, he rāve'a e tahi mo hōrou ō'ou mo kamiare i te tekarao.

Te vōkare roa-roa (ā, ē, ī...)

Te vōkare roa-roa mo pāpa'i, e rei 'i ra'e i te pito-pito ena ‘<’, ki oti te vōkare era 'ā'au e haŋa era.

< + a = 'ā< + A = Ā

ŊTe ti'ara'a ena he “eŋe” (ŋ):

ana pāpa'i hai ‘g’, ko kamiare 'ana, pa'i, mo eŋe. 'E mo haŋa ō'ou mo pāpa'i i te ‘g’, ka rei 'i ra'e i te pito-pito ena “<”.

'E'e ( ' )Te ti'ara'a ena he 'e'e ( ' ): ana

pāpa'i e rei a ruŋa i te pito-pito ena mo te acento tire.

Te 'e'e pē nei [ ' ] e pāpa'i ena 'i te Microsoft Word 2007 'e 'i te

Te haka tere iŋa o te tekaraotētahi programa e kamiare hoko tahi nō 'ā ki te me'e pē nei [ ' ] 'o ki te me'e pē rā [ ' ]. Mo e'a riva-riva o te 'e'e, e haka mate te

me'e kamiare atu i te 'e'e.Te haka mate iŋa o nei me'e:

e uru koe ki te kona ena e hā'aki rō 'ana: “Herramientas”, he mātaki te kona ena e hā'aki rō 'ā: “Autocorrección”.

'I te kona ena “Autoformato e pāpa'i rō 'ana” he haka kore koe i te tāpa'o ena o te kona ena e hā'aki rō 'ā: “Comillas rectas” con “comillas tipográficos”. Ki oti he rei koe a te kona ena: “Aceptar”.

Marcus EdenskyI huri ki te 'arero rapa nui:

Maria Eugenia Tuki Pakarati

Ko riva 'ā 'i te hora nei mo pāpa'i i te tāua mail hai re'o tupuna.

Pē hē ana pāpa'i i te mail hai ti'ara'a rapa nui

Hai rāve'a nei e riva nō 'i te hora nei mo pāpa'i i te karapeta hai ti'ara'a rapa nui.

'I te ta'ato'a matahiti e to'o ena tātou i te uka mo te Tāpati Rapa, i topa ai i te matahiti nei ki a Celine Bour Manutomatoma 'e ki a Lili Pate Munoz. Te me'e haŋa o te ŋā uka nei, he haka koa 'e he haka reka o tātou i te tāpati nei, 'e he nō-no'i atu tako'a mo hā'ū'ū o kōrua ki te aŋa nui-nui nei he Tāpati Rapa Nui. Te hā'ū'ū hai rao o kōrua mo 'ori, mo hīmene, mo ri'u, mo tarai, mo aŋa i te kahu mo te nu'u ori 'e mo te ta'ato'a nō me'e.

He uka mo te Tāpati Rapa Nui 2012

Ka rua tāpati a tu'a i tu'u mai ai te comisionado ena ko Carlos Llancaqueo ararua ko te kope haka 'ou e tahi o te gobierno e ma'u mai 'ana i te parau 'āpī pē nei ē: ko ha'ati'a 'ana mo huri i te articulo 126 bis o te Constitución Tire, ki rova'a ai mo hāito i te taŋata tu'u mai ki te kāiŋa.

'E 'i te hare hāpī ena ko Lorenzo Baeza Vega i aŋa ai i te rēunione mo haka 'ite o ruŋa i te parau 'āpī nei. Rava ena 'ā te nu'u i tu'u atu. I vānaŋa rō mai te tātou suerekao ko Carmen Cardinari 'e pē ira 'ā tū kope ena ko Llancaqueo, e haka take'a mai 'ana i te ara pē hē a tātou ana aŋa ananake ko te gobierno i te rei mo te me'e nei.

Ki te kī o te suerekao: e koa tātou ta'ato'a he me'e nui-nui, pa'i, te me'e nei, he haŋa o te tire mo huri i te rāua constitucion.

He huri te articulo 126 bis o te Constitucion Tire

'I rā mahana era o te reunione i vānaŋa tako'a rō te kope e tahi o te Makenu Ŋā Vi'e ko Ivonne Calderon. Ki te kī o te vi'e nei: kai tano ki te rāua mana'u te

me'e nei, 'i te me'e era te gobierno nei, ko huri 'ana i te vānaŋa o ruŋa i te parau ra'e haka ma'u era 'i te 2009 ki te parlamento e Mi-chelle Bachelet; rā parau, pa'i, ko haka 'ui 'ā ki te ta'ato'a, 'e ko 'ē-ē 'ana e te rapa nui. Te kī tako'a 'a Ivonne: mo ai ko haŋa 'ana te gobierno nei mo huri i rā parau e 'ui mai ki te taŋata o te motu nei, pa he me'e ena e kī ena 'i ruŋa i te Convenio 169.

4 TĀPURA RE'OHetu'u Pū 5 TĀPURA RE'O

Hetu'u Pū

Pa he matahiti ta'ato'a e aŋa ena i te ŋoŋoro o te haka oti iŋa o te hāpī o te 4° M i aŋa tako'a ai 'i tū matahiti oti ena.

'E te me'e topa kē 'e hope'a o te nui-nui o nā ŋoŋoro oti ena o te 2011, ko mao 'ana te hāpī o te ŋā poki ko rāua te ra'e i hāpī hai Programa o te Inmersión, te aura'a hāpī hai re'o rapa nui mau nō. Te programa nei i te matahiti 2000 i

ha'amata ai 'e o te ma'ori ena ko Virginia Haoa i hāpī ra'e. I ma'u i oho ai e te ma'ori nei ko Virginia i te ŋā poki nei, 'ātā ki te hā piha, i oti era he to'o i te rāua hāpī hai re'o tire. 'E ka ai atu matahiti ta'e rahi a rāua i te programa nei, ko iho-hio 'ana te vānaŋa rapa nui i haka rē ai a rāua i nei programa. O te ŋā poki nei kē i haka mao ai i te rāua hāpī 'i Hoŋa'a o te Mana, kē 'i te hare hāpī ena ko Eugenio Eyraud.

Te ŋā poki i haka mao i te rāua hāpī 'i Hoŋa'a o te Mana ko:

Horeka Pakarati C.Lorena Tepihi I.German Teao A.Nicolas Araki T.Jhon Tuki Pate

'I Eugenio Eyraud ko:Mikaela Arevalo T.Meatea Tuki M.Irene Teave T.'Ariki Merino R.'Ariki Tepano M.

Ko 'Ariki Medina Rapu 'e he hua'ai ō'ona.Ko Mikaela Arevalo T.

He ŋā poki i hāpī hai re'o rapa nui

He ŋā poki ra'e o te programa de inmersión i te rāua gradu-ación 'i Hoŋa'a o te Mana. Ko Hōreka Pakarati, Germana Teao, Virginia Haoa (ma'ori o te ŋā poki nei), Nicolas Araki, Lorena Tepihi, 'e ko Jhon Tuki Pate.

He ŋā poki hāpī hai re'o tupuna haka mao i te rāua hāpī 'i Eugenio Eyraud

Ko Irene Teave ararua ko tō'ona matu'a vahine.

Ko 'Ariki Tepano M.

Ko Meatea Tuki ananake ko tō'ona matu'a

'I te rima mahana o Koro i aŋa haka 'ou ai, 'i te kona haka ora ena o 'Ātamu Tekena, te “Rua Ŋoŋoro o te Medio Ambi-ente”. Te ŋoŋoro nei i aŋa o te Nuku-nuku Hāpa'o Henua o te Hare Tāvana koia ko te ŋā hare hāpī ena o te kāiŋa.

Ka 'ī ka 'ī te me'e o te ŋā poki i haka take'a: mai te aŋa iŋa i te parau hai ŋā parau ena mo hoa, ki te tūava, vī, 'e 'ananā ko haka paka-paka 'ana, ki te ipu 'e ki te pahu-pahu ko aŋa 'ana ki te me'e mo kori, ki te 'ō'one aŋa 'i roto i te compostera, ki te roŋo pāpa'i mau 'ana e te ŋā poki mo haka aŋi-aŋi ki te ta'ato'a mo hāpa'o i te vai 'e i te henua, 'e ki te tētahi haka 'ou atu me'e nehe-nehe. I haka take'a tako'a rō te nu'u nei o te Hare Tāvana i te rāua aŋa pa he ipu ko ha'a'ī 'ana hai pūtē nairo mo te eco-ladrillo.

He rua aŋa iŋa o te ŋoŋoro o te Medio Ambiente

Ko Maeva ararua ko Kava Calderon.

'Ina ko tākere 'e 'ina ko haka 'ō'one te vai, te 'ati ka take'a ena pe mu'a ka oho ena.

He ŋā poki e aŋa 'ana i te rāua parau.

He 'avahata haka paka-paka i te me'e hai ra'ā.

He ŋā poki o te hare hāpī e haka take'a 'ana i te rāua aŋa.

6 TĀPURA RE'OHetu'u Pū 7 TĀPURA RE'O

Hetu'u Pū

Mai te matahiti ta'ato'a oti ena o te 2011, e 'ata haka riva-riva e oho atu ena te SASIPA i te rāua servicio mo kōrua mo te taŋata o Rapa Nui. E ko pau te me'e o rāua i aŋa mo haka riva-riva i te rāua servicio: ko haka 'āpī ko oho 'ana te niu-niu mōrī ta'ato'a o te ara, ko ma'u mai 'ana mai i a Tire i te nu'u mo hāpī i te rāua nu'u aŋa ki aŋa riva-riva atu ai ki a kōrua, ko ma'u mai 'ana i te rāua hare aŋa ko haka hāhine atu 'ā, ko ho'o mai 'ana i te mākini 'āpī, ko haka hoki 'ana i te mākini rake-rake 'o haka iŋo-iŋo i te he-nua 'e he tētahi haka 'ou atu huru o te aŋa.

'E 'i tū 'āva'e oti ena o Ruti i tu'u mai ai, mai i a Tire, te pū'oko o te directorio o te SA-SIPA ko Daniel Platosky 'e te tētahi haka 'ou nu'u o te directorio mo ha'amo'a i tū hare ena o rāua 'i 'Ātamu Tekena 'e mo ha'amo'a tako'a i te rāua mākini. 'E he haka 'ite mai e te kope nei: nā rāua te SASIPA e u'i mai ena mo ho'o mai e tahi mākini nui-nui mo te mōrī 'o mate-mate haka 'ou. Te mākini nei e 2.000.000 tūma'a o te tōrare ka e'a ena. I haka 'ite tako'a rō mai, nā he u'i rāua i te rāve'a mo haka 'āpī tahi i te kan-ione vai; ko ia te rāua aŋa nui-nui ena ka aŋa ena 'i te matahiti nei. Te ŋā aŋa ta'ato'a nei ki te kī 'a Platosky, he me'e i mana'u o te haka tere iŋa nei o Sebastian Pi-ñera mo aŋa 'i Rapa Nui.

'I a Ruti tako'a i aŋa ai te SA-SIPA i te 'ārea-rea piroto 'i te me'e era he aniversario o rāua. I topa ai te rē ra'e i te 'Oka Miro, he oho mai ia he Hare Tāvana 'e te toru rē i te nu'u o te 'Ōpītara ararua ko te Hare Hāpa'o Moni. Te me'e i 'ata reka o te 'ārea-rea nei, i haka koa rō i te nūna'a ohu-ohu mo hāka pūai i te rāua nu'u piroto, 'e te nu'u i a rāua te rē i topa ai i te nūna'a o te 'Ōpītara.

I haka oti ai te 'ārea-rea piro-

to nei hai pua'a e rua i haka teka 'i ruŋa i te niu-niu. 'E 'i te pō, mo haka mao o tū aniversario nei, he aŋa te SASIPA 'i Takarua i te ŋoŋoro nui-nui e tahi mo te rāua nu'u aŋa.

SASIPA A MU'A

He SASIPA e tāvini atu 'ana ki a kōrua

He ha'amo'a iŋa o te oficina ena o 'Ātamu Tekena

He Suerekao ararua ko te pūoko o te directorio o te SASIPA

He Gerente o te SASIPA ararua ko te pūoko o te Directorio.

He nu'u aŋa o te SASIPA 'e he nu'u o te directorio. E ha'amo'a 'ana i te mākini 'āpī

E kimi 'ana i a ai te rē ra'e.

I a rāua i topa ai te rē ra'e. Ko hoa ena ko Kopa te taŋata pa'ari o te nūna'a ena. He nūna'a piroto o te Hare Tāvana 'e ko Iovani Teave vicepresidente o te directorio o te SASIPA.

He nūna'a o te 'Ōpītara

I te nūna'a ohu-ohu o te 'Ōpītara te rē.

He nu'u aŋa o te Sasipa i te rāua aniversario.

He ma'ori hāpī o te Inacap, ko Vio 'e he pūoko haka tere o te vai.

Nā 'i tu'a o te Suerekao e noho mai ena e tahi 'ōtare. Te me'e nei he take'a iho 'i Rapa Nui. Pe mu'a ka oho ena he 'ata rahi 'i te motu nei te nu'u pa he kope nei.

Ta'e 'i a Tire nō te me'e he 'ōtare

¿E ai rō 'ana hō te asistente social o nei?

'I te rāua 'ati, pa'i, he unu 'ava, he haka e'a e te hoa hare ki te ara, 'e 'i te me'e era ta'e o te henua nei, he ha'uru rō atu 'ai 'i te kona nō era i pō.

8 TĀPURA RE'OHetu'u Pū 9 TĀPURA RE'O

Hetu'u Pū

'I te ho'e 'ahuru mā toru o tū 'āva'e ena o Ruti i rere ai ki a Tire te nu'u ma'ori 'e te matu'a vahine e tahi o te hare hāpī ena ko Lorenzo Baeza Vega ki te “Rua Koro Nui o te Re'o”, haka taka-taka e te nūna'a o te Red por los Derechos Educativos y Linguísti-cos de los Pueblos Indígenas de Chile, hā'ū'ū e te Facultad de Humanidad o te Universidad o Santiago.

Te mana'u o te aŋa nei: he haka pūai 'i roto i te tire, 'i roto i te nu'u henua mau 'ana, 'e 'i roto i te ŋā kona aŋa ena 'a te hau i te me'e he vānaŋa hai re'o tumu. A roto i te re'o, pa'i, e va'ai ena i te 'ite, e haka aŋi-aŋi ena i te me'e hauha'a, 'e e mo'a ena i te taŋata henua. Te Koro Nui nei i aŋa tako'a ai mo haka tano-tano mo oho i te aŋa haka topa era 'i roto i te Koro Nui Ra'e era.

Te eslongan o te Koro Nui nei: E VĀNAŊA MAI HAI VĀNAŊA RAPA NUI;

HE RAPA NUI A AU.

He rua koro nui o te re'o i a Tire

Ko Lina Hotu, Cristian Madariaga, Virginia Atan 'e ko Virginia Haoa.

Ko Virginia Haoa ananake ko te nu'u mapuche.

Ko Virginia Haoa, Ko Virginia Atan ananake ko te nu'u Aymara.

Ko Maria Virginia ararua ko te koro o Peru.

'I te ho'e 'ahuru mā pae maha-na o tū 'āva'e oti ena o Tu'uaharo i voto haka 'ou ai te taŋata o te kāiŋa i te kope mo Consejero Mā'ohi.

Pē nei te voto o te taŋata:

Rafael Hernán Tuki Tepano203 • voto 36,98%

Claudia Aurelia Potu'iti Tuki Morales

120 voto • 21,86%

Alberto Hotus Chavez112 voto • 20,40%

He voto o te nu'u uru mo te Consejero o te CONADI

Edwin Domingo TukiJiménez

30 voto • 5,46%

Hugo Tuki Pakarati28 voto • 5,10%

Mata U'iroa Manuel Atan23 voto • 4,19%

Ana Maria Tuki Pate3 voto • 0,55%.

Hai rahi o te voto nā ko take'a 'ana e kōrua te kope i rē ko Ra-fael Tuki Tepano, ko Rinko e kī ena e tātou.

He nu'u e voto 'ana i te hare hāpī.

He hā'ū'ū o te PRODESAL Rapa Nui mo te nu'u oka ha'a'apu'I tū tāpati ra'e ena o Tu'uaharo

i tuha'a ai ki te nu'u oka ha'a'apu e te pūoko haka tere o te PRODE-SAL Rapa Nui ko Elvira Tuki Tepano: i te karu, i te māquini pamu, i te pūtē mo 'oka o te tumu 'o o te tiare, i te niu-niu mo haro o te 'āua 'e i te tētahi haka 'ou atu me'e. Te ŋā me'e nei i tuha'a ai, 'i te me'e era ko u'i ko oho nō mai era 'ana te nu'u nei o te PRODESAL heaha-heaha te me'e kore o te nu'u oka kai. Pē He nu'u aŋa o te PRODESAL koia ko te nu'u oka ha'a'apu.

ira a rāua i kimi ai i te rāve'a mo hā'ū'ū. Te tara ho'o mai era i te ŋā me'e ta'ato'a nei o te (FAI) va'ai e te INDAP. I rova'a mai ai, hai convenio o te Hare Tāvana ara-rua ko te INDAP hai roa ena o te PRODESAL. Hai vaha nei i haŋa ai te nu'u nei mo hā'ū'u ki te hua'ai 'oka kai mo rova'a tara 'e mo ai mau 'ana o te rāua rāve'a.

Pē hē ana aŋa i te hare paeŋa

Te pāpa'i nei a Sebastian Englert i tāpura ai i te matahiti 1939.

Mo aŋa i te hare, he ra'e ana haka tu'u i te toŋa e rua, he haka eke ki ruŋa ki te toŋa, he here.

Ki oti he hao i te mā'ea paeŋa, he vari ki te pini.

Ki oti te hao te paeŋa he hou i te pū a ruŋa a te paeŋa hai toki, ko te korapū te 'īŋoa. He haka tu'u i te 'oka, 'oka piko, he haka piri te 'oka ki te hahaŋa, he here hai hau kaka maika, hau mahute.

Hare haha'u e toru, haha'u e hā, haha'u e rima, haha'u e ono e huru o te mahiŋo hare.

He kī te 'ariki o Hotu Matu'a ki tō'ona taŋata: "E haha'u te

hare a te mata'u; pē ira te pito poki, te vaka, te kūpeŋa mo te ika a te mata'u. Ana ta'e riva-riva te haha'u haŋa, he mā-mate te taŋata, he hiŋa te hare 'i te to-kerau; pē ira te vaka e ko rava'a te ika, ana ta'e riva-riva te haha'u haŋa.

Ki oti te 'oka te haka tu'u, he eke te kau-kau miro. Ki oti te kau-kau, he pu'a i te hatuŋa ki ruŋa, he here i te kau-kau miro i te hatuŋa hai hau kaka maika.

Koti te hatuŋa te pu'a, he eke te rau toa ki ruŋa, he here. Ki oti te rau toa, he eke te mauku ki ruŋa i te rau toa, he here.

'Ina e ko o'o te 'ua.Pē ira te aŋa haŋa o te hare o

te mata tuai.

He 'a'amu o te 'āva'e

10 TĀPURA RE'OHetu'u Pū 11 TĀPURA RE'O

Hetu'u Pū

He 'īŋoa nā o te ŋoŋoro nui-nui e tahi aŋa 'i te kao-kao o te hare hāpī ena ko Lorenzo Baeza Vega 'i te piti 'ahuru mā ono o tū 'āva'e oti ena o Koro.

Rauhuru te me'e i aŋa 'i te ŋoŋoro nei, mai te hīmene, ki te 'ori, ki te hāpī i te nu'u i te haka taŋi i te 'ukerere, ki te hāpī i te 'ori 'e ki te tētahi haka 'ou me'e; 'ātā i haka turu rō e tahi karapā, 'i roto i haka take'a ai e te taŋata o te kāiŋa i te rāua me'e aŋa. I ha'amata ai te ŋoŋoro nei, mai te 'ahuru mā ho'e o te pō'ā ki te 'ahuru ma piti o te pō.

Te ŋoŋoro nei i aŋa o te uka ena ko Estefani Araki Pont 'e he uka haka 'ou e tahi. I aŋa ai a

rāua i te ŋoŋoro nei, ki te 'a'amu 'a Estefani: “i hoki mai era a ia mai i a Tire ko oti 'ana tō'ona hāpī, he Dirección y Producción de Evento, he u'i a ia mo aŋa i tō'ona práctica 'e hai nei mana'u i aŋa ai i te ŋoŋoro nei. Tako'a mo haka take'a mau 'ā ki te taŋata ta'ato'a o te kāiŋa i tā'aku me'e i hāpī.”

Ka ma'u te re'o mo hīmene o tātou

E ha'amo'a 'ana hai 'umu tahu i te aŋa o te vovo ena ko Estefani Araki Pont.

He ŋā vi'e hāpī i te 'ori e te uka ena ko Meherio Rapu.He Mātāmu'a e 'ārea-rea 'ana.

He nūna'a o te Orquesta Juvenil hāpī e nua Alicia Teao.

Te ŋā tāpe'a ena a Trinidad hai ipu i aŋa ai. He kai henua o te uka ena ko Patricia Nahoe.

Ko Tāmaru ararua ko Tefi e u'i 'ana i a ai te rē o te hīmene.

He reggey rapa nui. O te ŋā taure'a-re'a ena i haka mao i te pō.

Ko Raŋi Moana, nūna'a 'ori 'a Marcos Rapu.

He 'uka hīmene o te kāiŋa ko Camila Quezada.

Ko nua Maria Elena ararua ko Petero Hotu.Ko tū ŋā io era nā o Mantiri-tiri.

Ko Lucas Teao, he 'aito o te hīmene.

12 TĀPURA RE'OHetu'u Pū

Turoku

Māuru-uru ki a Alicia Ika i tō'ona hā'ū'ū mai mo e'a atu o te ve'a nei.