Voorgraadse Fakulteitsbrosjure Natuur- en ... · Beroepe: Gegradueerdes in Genetika word dikwels molekulêre bioloë, mediese of kliniese genetici, sitogenetici, biotegnoloë, landbouwetenskaplikes,

Universiteit van PretoriaVoorgraadse Fakulteitsbrosjure

Natuur- en Landbouwetenskappe2014/15

www.up.ac.za2014/15

Foto: Prof Rudi van Aarde

i Fakulteit Natuur- en Landbouwetenskappe

Boodskap van die Dekaan

Boodskap van die Dekaan Het jy al ooit gewonder wie is verantwoordelik vir die gehalte van die sjokolade, blikkieskoeldrank of pannekoekmengsel wat jy in die winkel koop? Wat is die wetenskap agter ’n krieketbal of ’n kolfblad? Wat is nanotegnologie en hoe word kankerpasiënte met kerntegnologie of tuberkulose met fitomedisyne behandel? Waarom is aktuarisse die hoogs betaalde beroepslui ter wêreld?

Die Fakulteit Natuur- en Landbouwetenskappe bied graadprogramme aan wat nie net die leiding neem in die onderskeie dissiplines nie, maar wat gegradueerdes ook toerus om leiers en probleemoplossers in hul gekose beroepsrigtings te wees. Die sleutel tot die Fakulteit se sukses is die groot fokus wat daar op onderwys, navorsing en innovasie van ’n hoë gehalte geplaas word. Dit word vergestalt in die Fakulteit se benadering tot opleiding en navorsing – maar bowenal in die ingesteldheid tot probleemoplossing wat by studente gekweek word.

Die Universiteit van Pretoria streef daarna om internasionaal mededingend, en terselfdertyd plaaslik relevant te wees. Die Universiteit se plant- en dierewetenskappe word tans die hoogste gegradeer van alle Suid-Afrikaanse universiteite. Hierdie gradering is gebaseer op die aantal aanhalings (die aantal kere wat daar na ’n outeur se werk verwys word in akademiese publikasies) en skripsies wat deur akademici van die Fakulteit gelewer word (gebaseer op die ISI Web of Knowledge se aanwysers vir noodsaaklike wetenskappe).

Plaaslike relevansie word verseker deur noue samewerking met die bedryf. Op dié gebied het die Universiteit ook ’n aantal innovasies ontplooi. Die instelling se strategiese bondgenootskap met die Wetenskaplike en Nywerheidnavorsingsraad (WNNR), bekend as die Suidelike Onderwys- en Navorsingsvennootskap (Southern Education and Research Alliance – SERA), skep ongekende geleenthede vir opleiding en navorsing vir studente en personeel. Die Innovation Hub, wat net langs die Universiteit se proefplaas geleë is, is ’n projek van SERA en die Gautengse provinsiale regering. Sommige van die wêreld se mees toonaangewende hoëtegnologie-maatskappye vestig tans navorsings- en ontwikkelingslaboratoriums by die Innovation Hub.

Nasionale en internasionale akkreditasie is die norm vir sowel die nagraadse programme as die navorsingslaboratoriums. Dit is die Fakulteit se erns om te verseker dat die markwaarde van die grade wat in hierdie Fakulteit aan die Universiteit van Pretoria toegeken word, altyd vir studente ’n mededingende voordeel sal wees. Die Fakulteit voeg waarde tot sy grade toe, en het ’n goeie reputasie in die mark, wat tot gevolg het dat sy studente baie gesog is.

Die studieprogramme van die Fakulteit Natuur- en Landbouwetenskappe is toeganklik vir almal wat aan die akademiese standaarde voldoen. Alle voorgraadse studieprogramme met genoegsame studentegetalle word in beide Afrikaans en Engels aangebied (behalwe in sekere gevalle soos Aktuariële Wetenskappe waar programme slegs in Engels aangebied word). Die Universiteit beskik ook oor verskeie finansiële skemas om verdienstelike studente met beurse en lenings te help.

Die Fakulteit is by verskeie uitreikprogramme betrokke, soos die bekende UP with Science-program en die BSc (Vierjaarprogram). Leerders met ’n voorliefde vir die onbekende, ’n nuuskierige geaardheid en die wil om hard te werk, is welkom om aansoek te doen.

Prof Anton StröhDekaan: Fakulteit Natuur- en Landbouwetenskappe

Inhoud

Fakulteit Natuur- en Landbouwetenskappe ii

Uitgegee deur die Kliëntedienssentrum in November 2013. Kommentaar en navrae kan gerig word aan [email protected] of tel: +27 (0)12 420 3111.

Vrywaring: Hierdie publikasie bevat inligting oor reëls, beleide, onderriggelde, kurrikula en programme van die Universiteit van Pretoria soos van toepassing ten tye van die druk daarvan. Wysigings aan of bywerking van die inligting in hierdie publikasie mag van tyd tot tyd sonder vooraf kennisgewing geskied. Die akkuraatheid, betroubaarheid of geldigheid van die inligting vervat in hierdie publikasie word derhalwe nie deur die Universiteit op enige gegewe tydstip gewaarborg nie en is onderhewig aan verifiëring. Die gebruiker word versoek om deurgaans die korrektheid van die gepubliseerde inligting met die Universiteit te bevestig. Versuim om dit te doen, sal nie aanleiding gee tot enige eis of aksie van enige aard teen die Universiteit deur enige party hoegenaamd nie.

InhoudBoodskap van die Dekaan .............................................................................................................................................. iInleiding .........................................................................................................................................................................1Voorgraadse studieprogramme ...................................................................................................................................... 2Meer oor die BSc (Vierjaarprogram) .............................................................................................................................. 8Biologiese Wetenskappe ................................................................................................................................................8 - Departement Biochemie .........................................................................................................................................8 - Departement Mensfisiologie ................................................................................................................................... 9 - Departement Genetika ............................................................................................................................................9 - Departement Anatomie: BSc (Mediese Wetenskappe) ......................................................................................... 11 - Departement Mikrobiologie en Plantpatologie ....................................................................................................... 11 - Departement Dierkunde en Entomologie .............................................................................................................. 13 - Departement Plantkunde ...................................................................................................................................... 13Fisiese Wetenskappe ................................................................................................................................................... 14 - Departement Chemie ............................................................................................................................................ 14 - Departement Geologie .......................................................................................................................................... 14 - Departement Geografie, Geoinformatika en Meteorologie .................................................................................... 16 - Departement Fisika ............................................................................................................................................... 17Landbou- en Voedselwetenskappe .............................................................................................................................. 18 - Departement Landbou-ekonomie, Voorligting en Landelike Ontwikkeling ............................................................. 18 - Departement Plantproduksie en Grondkunde ....................................................................................................... 18 - Departement Vee- en Wildkunde .......................................................................................................................... 19 - Departement Verbruikerswetenskap ..................................................................................................................... 20 - Departement Voedselwetenskap .......................................................................................................................... 20Wiskundige Wetenskappe ............................................................................................................................................ 22 - Departement Versekerings- en Aktuariële Wetenskap .......................................................................................... 22 - Departement Wiskunde en Toegepaste Wiskunde ................................................................................................ 23 - Departement Statistiek.......................................................................................................................................... 24Gemeenskapsontwikkelingsinisiatiewe ........................................................................................................................ 24Algemene inligting ................................................................................................................................................... 25 - Fakulteitspesifieke inligting ............................................................................................................................... 25 - Kliëntedienssentrum-kontakinligting ................................................................................................................. 25 - GPS-koördinate van UP-kampusse .................................................................................................................. 25 - UP se bankbesonderhede ................................................................................................................................ 25 - Verwelkomingsdag en die Program vir Registrasie en Aanvang van die Akademiese Jaar .............................. 25 - Aansoeke ......................................................................................................................................................... 25 - Toelating (nuweling-eerstejaarstudente) ........................................................................................................... 25 - Nasionale Normtoets (National Benchmark Test – NBT) ................................................................................... 25 - Taalbeleid en onderrigmedium .......................................................................................................................... 26 - Akademiese Inligtingbestuur (Academic Information Management – AIM) ........................................................ 26 - Akademiese geletterdheid vir eerstejaarstudente ............................................................................................. 26 - Beurse, toekennings en lenings (finansiële ondersteuning) .............................................................................. 26 - Gelde ............................................................................................................................................................... 28 - Verblyf op UP-kampusse .................................................................................................................................. 29 - Privaat verblyf .................................................................................................................................................. 29 - UP Opedag ...................................................................................................................................................... 29 - Sport ................................................................................................................................................................ 30 - Studentesake ................................................................................................................................................... 30 - Biblioteekdienste .............................................................................................................................................. 31 - Internasionale studente .................................................................................................................................... 31 - Hoër Onderwys Suid-Afrika (Higher Education South Africa – HESA) .............................................................. 32 - Suid-Afrikaanse Kwalifikasieowerheid (South African Qualifications Authority – SAQA) ................................... 33 - Toelatingspunttelling (TPT)-omskakeling .......................................................................................................... 33

1 Fakulteit Natuur- en Landbouwetenskappe

Inleiding

Inleiding Die Fakulteit Natuur- en Landbouwetenskappe is ’n baie diverse fakulteit. Dit bestaan uit 17 departemente, asook 22 sentra en institute wat ’n integrale deel uitmaak van hierdie departmente. Meer as 5 000 studente, van wie 70% voorgraads en 30% nagraads is, registreer jaarliks by hierdie Fakulteit.

Alle studieprogramme is ontwerp om individue op te lei wat probleme kan oplos, maklik by veranderende omstandighede kan aanpas en leiding kan neem in hulle gekose spesialiseringsrigtings. Die kwalifikasies wat toegeken word, is van wêreldgehalte en bied toegang tot ’n groot verskeidenheid beroepsmoontlikhede vir dinamiese en kreatiewe persone. Sommige van die Fakulteit se studieprogramme is uniek aan die Universiteit van Pretoria, terwyl ander programme ook deur ’n aantal ander instellings aangebied word, wat insluit:

Grade word voorgraads en nagraads in die volgende vakgebiede aangebied:

Biologiese Wetenskappe Landbou- en Voedselwetenskappe• Biochemie • Biotegnologie • Dierkunde • Ekologie • Entomologie • Genetika • Mediese Wetenskappe • Mensfisiologie • Mensfisiologie, Genetika en Sielkunde • Mensgenetika • Mikrobiologie • Plantkunde

• Landbou-ekonomie/Agribesigheidsbestuur • Natuurlewebestuur (Nagraads) • Plant- en Grondwetenskappe • Plantpatologie • Veekunde• Voeding • Voedselbestuur • Voedselwetenskap en -tegnologie

Programme in Verbruikerswetenskap• Gasvryheidsbestuur • Kleding: Kleinhandelbestuur• Voedsel: Kleinhandelbestuur

Fisiese Wetenskappe Wiskundige Wetenskappe• Chemie • Fisika • Geografie • Geoinformatika • Geologie • Meteorologie • Omgewings- en Ingenieursgeologie • Omgewingswetenskappe

• Aktuariële en Finansiële Wiskunde • Toegepaste Wiskunde • Wiskunde • Wiskundige Statistiek

Unieke programme in die Fakulteit:

BSc (Voeding): Hierdie is die enigste graad van sy soort in Suid-Afrika wat op ‘n voorgraadse sowel as ‘n nagraadse vlak aangebied word. Dit sluit twee opsies in: Voedingkunde en Openbare Gesondheidsvoeding.

BSc (Meteorologie): Hierdie is die enigste graad van sy soort wat in sub-Sahara Afrika op ‘n voorgraadse sowel as ‘n nagraadse vlak aangebied word.

MSc in Toegepaste Mineralogie: In Suid-Afrika, word hierdie nagraadse kwalifikasie slegs aangebied by die Universiteit van Pretoria.

Fakulteit Natuur- en Landbouwetenskappe 2

StudieprogrammeDuurSluitingsdatumsBeroepe

Minimum vereistes vir 2015

PrestasievlakTPT

BIOLOGIESE WETENSKAPPE Afrikaans of Engels Wiskunde Fisiese WetenskapNSS/IEB HIGCSE AS-Level A-Level NSS/IEB HIGCSE AS-Level A-Level NSS/IEB HIGCSE AS-Level A-Level

BSc (Biochemie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Biochemie bied feitlik onbeperkte geleenthede vir opwindende en uitdagende loopbane in die bedryf (fyn chemikalieë, voedsel-, farmaseutiese en afvalprosesseringsfirmas), navorsingsrade (die Mediese Navorsingsraad (MNR), die Landbounavorsingsraad (LNR), die Kankervereniging van Suid-Afrika en die Waternavorsingskommissie) en institute, akademiese instellings, die Wetenskaplike en Nywerheidnavorsingsraad (WNNR), asook forensiese en patologielaboratoriums. Verder is beroepe soos navorsers, onderwysers, dosente en mediese verteenwoordigers ook ’n opsie. Gegradueerdes in Bioinformatika is gemaklik in werksomgewings soos universiteite, navorsingsinstitute, farmaseutiese maatskappye, biotegnologiese maatskappye en verwante bedryfsektore.BSc (Biologiese Wetenskappe)Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Hierdie is ‘n generiese eerstejaarsprogram in Biologiese Wetenskappe. Studente wat onseker is oor watter spesialiseringsgraadprogram om te kies, kan vir hierdie studieprogram aansoek doen. Studente wat wil aansoek doen om toelating tot een van die MBChB- of BChD-plekke wat in die tweede semester beskikbaar word, mag in die eerste semester registreer vir BSc (Biologiese Wetenskappe) en mag vir die modules Wêreldbeelde (FIL 155), Mense en hul Omgewing (MGW 112) en Mediese Terminologie (MTL 180) in die plek van Wiskunde (WTW 134) registreer, op voorwaarde dat hierdie studente, indien hulle nie gekeur word nie en met een van die Biologiese Wetenskappe-studieprogramme wil voortgaan, Wiskunde (WTW 134) in die tweede semester van die eerste jaar moet voltooi. Studente wat wil aansoek doen om toelating tot een van die BVSc-plekke wat in die tweede semester van dieselfde jaar beskikbaar word, mag in hul eerste semester vir Biologiese Wetenskappe se voorgeskrewe vakke en vir MTL 181 registreer. Hierdie studente moet in die eerste semester vir WTW 134 registreer.BSc (Biotegnologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Laboratoriumgebaseerde navorsers of bioentrepreneurs wat gebruik maak van mediese, dierkundige, plant- of mikrobegebaseerde tegnologieë om produkte en dienste te ontwikkel. Indien studente biotegnologie kombineer met addisionele kwalifikasies soos regte, sal hulle toegerus wees vir sukses in beroepe soos patentereg, farmaseutiese verkope en bemarking, projekbestuur, rekenaarprogrammering (natuurlike verwerking) en wetenskapsjoernalistiek. Neem asseblief kennis dat die vlak van opleiding/kwalifikasie ’n belangrike rol speel in die bepaling van die tipe werk waarby ’n gekwalifiseerde biotegnikus betrokke kan raak.BSc (Ekologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Posisies by omgewingsgebaseerde statutêre en private bewaringsorganisasies, organisasies wat betrokke is by die direkte of indirekte benutting van natuurlike hulpbronne, en akademiese en opleidingsinstansies.BSc (Dierkunde)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Gegradueerdes van die Departement Dierkunde en Entomologie kan na ’n verskeidenheid opwindende beroepsgeleenthede uitsien. Hulle word in natuurbewaringsinstansies, omgewingskonsultasiefirmas, bewaringsbeplanningsagentskappe, mediese en veeartsenykundige navorsing, die biochemiese en biotegnologiese bedryf, opvoedkundige instellings, rekenaarverwante sektore en die sakesektor aangestel. Beroepsgeleenthede sluit die volledige spektrum van potensiële aktiwiteite in wat deel uitmaak van moderne navorsing, ontwikkeling en opleiding. Dit kan van heeltydse deelname in die veld of laboratorium tot heeltydse opleidingsaktiwiteite wissel en sluit gewoonlik ’n stimulerende kombinasie van analitiese werk en veldwerk in asook werk wat met menslike hulpbronne te doen het.BSc (Entomologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Gegradueerdes in Entomologie word in natuurbewaringsinstansies, omgewingskonsultasiefirmas, bewaringsbeplanningsagentskappe, mediese en veeartsenykundige navorsing, die biochemiese en biotegnologiese bedryf, opvoedkundige- en navorsingsinstellings, pesbestuur, rekenaarverwante sektore en die sakesektor aangestel.BSc (Genetika)[3 jaar]Sluitingsdatums: SA – 30 SeptemberNie-SA – 31 Augustus

BSc (Mensgenetika)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Gegradueerdes in Genetika word dikwels molekulêre bioloë, mediese of kliniese genetici, sitogenetici, biotegnoloë, landbouwetenskaplikes, molekulêre ekoloë, forensiese wetenskaplikes, genetiese raadgewers, bio-informatici en berekeningsontleders, veeartsenykundige wetenskaplikes, onderwysers en dosente by verskeie instellings en in biowetenskapverwante bedrywe. Indien hulle genetika kombineer met addisionele kwalifikasies soos regte, sal hulle toegerus word vir suksesvolle loopbane in patentereg, farmaseute verkope en bemarking, projekbestuur, rekenaarprogrammering (natuurlike verwerking) en wetenskaplike joernalistiek. Neem asseblief kennis dat die vlak van opleiding/kwalifikasie ’n baie belangrike rol speel in die bepaling van die tipe werk waarby ’n gekwalifiseerde genetikus betrokke kan raak.

Voorgraadse studieprogramme


Fakulteit Natuur- en LandbouwetenskappeBelangrike inligting met betrekking tot voorgraadse studieprogramme vir 2015

• Ten einde te kan registreer moet NSS/IEB/Cambridge-kandidate voldoen aan die minimum vereistes vir graadstudie asook aan die minimum vereistes van die betrokke studieprogram. • Lewensoriëntering word uitgesluit by die berekening van die Toelatingspuntteling (TPT). • Graad 11-uitslae word gebruik vir die voorlopige toelating van voornemende studente. Finale toelating is gebaseer op Graad 12-uitslae.Universiteit van Pretoria-webwerf: www.up.ac.za Nasionale Normtoets (National Benchmark Test)-webwerf: www.nbt.ac.za





PrestasievlakTPT

BIOLOGIESE WETENSKAPPE Afrikaans of Engels Wiskunde Fisiese WetenskapNSS/IEB HIGCSE AS-Level A-Level NSS/IEB HIGCSE AS-Level A-Level NSS/IEB HIGCSE AS-Level A-Level

BSc (Mensfisiologie)[3 jaar]Sluitingsdatums: SA – 30 SeptemberNie-SA – 31 Augustus

BSc (Mensfisiologie, Genetika en Sielkunde)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Navorsing word gedoen in samewerking met mediese spanne in privaat en regeringsnavorsingsinstitute (soos die WNNR en die MNR), die SABS, farmaseutiese firmas, universiteite, veeartsenykundige en industriële instansies, staatsdepartemente (byvoorbeeld die Departement Gesondheid) en gesondheidsoorde. Fisioloë word ook aangetref op verskeie ander gebiede soos onderwys (onderwysers, dosente en instrukteurs), sportfisiologie, biostatistiek, bio-ingenieurswese, industriële higiëne, joernalistiek, mediese tegnologie en in die bedryf as verteenwoordigers van farmaseutiese firmas. Gegradueerdes met Genetika en Sielkunde as vakke het ook toegang tot die nagraadse programme wat aangebied word deur die Departement Genetika en die Departement Sielkunde (Fakulteit Geesteswetenskappe).BSc (Mediese Wetenskappe)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Nagraadse studies word sterk aanbeveel en honneurs, meesters- en doktorsgrade kan verwerf word in enige van die subdissiplines van Anatomie, naamlik neuroanatomie, kliniese anatomie, selbiologie, fisiese en forensiese antropologie, histologie en embriologie. Studente met hierdie graad kan ook nagraadse studies doen in Fisiologie, Genetika en Farmakologie. Loopbaanmoontlikhede sluit navorsing in enige van die subdissiplines van Anatomie, die akademie, forensiese wetenskap en die gesondheidswetenskapbedryf in. Ander loopbane wat oorweeg kan word, is in sportwetenskappe, virologie, chemiese patologie, immunologie, gesondheidsadministrasie of ergonomie. Tegniese loopbane, byvoorbeeld in universiteite se anatomie- of fisiologiedepartemente, is ook moontlik. Slegs 72 plekke is beskikbaar in die eerste studiejaar. Studente wat BSc (Mediese Wetenskappe) voor 30 September as hulle eerste keuse aandui en aan die minimum toelatingsvereistes voldoen, sal toegelaat word totdat al die plekke gevul is. Studente wat dit as hulle tweede keuse aandui en aan die minimum toelatingsvereistes voldoen, sal op ’n waglys geplaas word en sal in Januarie van die eerste studiejaar oorweeg word indien daar beskikbare plekke is.BSc (Mikrobiologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Mikrobioloë kan ’n wye verskeidenheid beroepe volg, wat wissel van basiese navorsing tot praktiese toepassings. Daar is loopbaangeleenthede in die voedsel-, suiwel-, bierbrou-, wynmaak- en bakkersgisbedrywe, in die fermentasiebedryf, by myne met betrekking tot korrosiebeheer, as mediese of veeartsenykundige mikrobioloë, as navorsers by instansies soos die WNNR, die LNR, die MNR, of as dosente en navorsers by verskeie akademiese instellings.BSc (Plantkunde)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Beroepe wissel van laboratoriumnavorsing tot die bestudering van plante in hul natuurlike omgewing. Daar is werksgeleenthede in die biotegnologiese en farmaseutiese bedrywe, by Suid-Afrikaanse Nasionale Parke, private ekologiese maatskappye, navorsingsinstellings soos die WNNR, die Landbounavorsingsraad, die Suid-Afrikaanse Nasionale Biodiversiteitsinstituut, ens.Biologiese Wetenskappe-studieprogramme: Kandidate wat nie aan bogenoemde minimum toelatingsvereistes voldoen nie omdat hulle ‘n NSS/IEB- prestasievlak van 4 behaal het in een van die voorgeskrewe voorvereiste vakke, moet die NBT aflê en mag dan oorweeg word vir toelating tot die BSc of die BSc (Vierjaarprogram) op grond van die uitslae van die NBT.BSc (Vierjaarprogram) – Biologiese en LandbouwetenskappeNBT verpligtend

4 3 D D 4 3 D D 4 3 D D 24



PrestasievlakTPT

FISIESE WETENSKAPPE Afrikaans of Engels Wiskunde Fisiese WetenskapNSS/IEB HIGCSE AS-Level A-Level NSS/IEB HIGCSE AS-Level A-Level NSS/IEB HIGCSE AS-Level A-Level

BSc (Chemie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Gegradueerdes in Chemie word deur ’n groot aantal tegnologiegebaseerde instansies in diens geneem en werk in ’n laboratoriumomgewing as deel van ’n industriële-, navorsings- of akademiese instelling. ’n Chemikus moet in staat wees om in ’n span te werk in ’n multidissiplinêre opset in ’n verskeidenheid van ondernemings in sowel die privaat as die openbare sektor. Dit is belangrik om daarop te let dat die aard van die werk wat beskikbaar is vir ’n gegradueerde in chemie afhang van die vlak van die kwalifikasie wat behaal is. Gevorderde kwalifikasies lei uiteindelik na aanstellings in navorsings- en/of produksiebestuur en vereis bestuursvaardighede en finansiële beplanningsvaardighede. Daar is talle beroepsgeleenthede in onderwys, navorsing, joernalistiek, omgewingsbeskerming, voedsel en drank, energie, water, gesondheid, sport, die farmaseutiese en kosmetiese bedryf, geologie en mynbouwetstoepassing. Dit behels onder meer die bekende beroepe van sintetiese chemici, materiaalwetenskaplike, chemiese patoloë, forensiese chemici, analitiese chemici, medikasieanaliste, patenteprokureurs, chemiese ekoloë, geochemici, voedselchemici, polimeerchemici en grondchemici.BSc (Fisika)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Akademici by universiteite, wie se pligte klasgee, navorsing en studieleiding aan nagraadse studente insluit, navorsers by nasionale laboratoriums soos die Suid-Afrikaanse Kernenergiekorporasie, die Suid-Afrikaanse Sterrewag en iThemba LABS (Laboratorium vir Versnellergebaseerde Wetenskappe), nywerheidsnavorsers soos die WNNR en Element Six, wetenskaplike raadgewers vir nieregeringsorganisasies, die bedryf of die regering, stralingsfisici, mediese en biofisici, atmosferiese wetenskaplikes en klimatoloë, ontwikkelaars van hernubare energiebronne, geofisici, innoveerders, entrepreneurs en berekeningswetenskaplikes. Samewerking met internasionale deskundiges vind ook plaas.





PrestasievlakTPT

FISIESE WETENSKAPPE Afrikaans of Engels Wiskunde Fisiese WetenskapNSS/IEB HIGCSE AS-Level A-Level NSS/IEB HIGCSE AS-Level A-Level NSS/IEB HIGCSE AS-Level A-Level

BSc (Geografie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Daar is hoofsaaklik drie loopbaanrigtings vir geograwe: onderwys, navorsing en die toepassing van geografiese kennis en vaardighede in die praktyk. Geograwe kan fokus op omgewingsbestuur, stedelike aangeleenthede soos plakkery, streeks- en landelike ontwikkeling, of omgewingsake, waaronder besoedeling en die vernietiging van ekosisteme deur aktiwiteite soos mynbou, landbou en toerisme. Geograwe in die privaatsektor staan meestal in diens van eiendoms-, beplannings-, argitektuur- en ingenieursfirmas, die bankwese, toerismeorganisasies, omgewingsbewaringsorganisasies en die bedryf. Staatsdepartemente wat verantwoordelik is vir bosbou-, water- en grondsake, die omgewing, toerisme en onderwys neem ook geograwe in diens. Semistaatsorganisasies soos die SABS en die WNNR bied ook loopbaangeleenthede in gespesialiseerde vakgebiede verwant aan aard- en omgewingswetenskappe. Baie geograwe bedryf hul eie besighede en is betrokke by bemarking, beplanning, ontwikkeling, toerisme, kartografie, geografiese inligtingstelsels (GIS), afstandswaarneming, omgewingsevaluering en omgewingsouditering. Gegradueerdes kan ook akademiese loopbane volg.BSc (Geoinformatika)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Gegradueerdes word onder andere aangestel in landbou, mineraaleksplorasie, ingenieurswese, bosbou, waterhulpbronbestuur, weervoorspelling, omgewingsimpakstudies, grondgebruiksbeplanning, grondontwikkeling, landelike gemeenskapontwikkeling, vervoerbeplanning, toerisme, marknavorsing, misdaadvoorkoming, voertuigopsporing en kartografie, GIS-tegnologie, omgewingsbeplanning en -analise, en ramp- en omgewingsbestuur. Gegradueerdes kan aansoek doen om professionele registrasie as GIS-tegnoloë by die Suid-Afrikaanse Raad vir Professionele en Tegniese Opmeters (PLATO).BSc (Geologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Groot internasionale mynmaatskappye is belangrike werkverskaffers vir geoloë en ander aardwetenskaplikes in navorsing, eksplorasie en mynbouprojekte. Kleiner entrepreneursfirmas (‘juniors’) verskaf egter al hoe meer werk vir persone in hierdie beroepe. Die Raad vir Geowetenskappe, die WNNR, die Raad vir Mineraaltegnologie (MINTEK), die Departement van Waterwese, museums, ingenieursfirmas en raadgewende maatskappye bied interessante loopbaanmoontlikhede. Gegradueerdes kan ook hul eie firmas stig en konsultasiewerk doen. Laboratoriumspesialiste, soos mineraloë, identifiseer en ondersoek minerale met behulp van gesofistikeerde instrumente en analitiese toerusting. Omgewings- en ingenieursgeoloë bestudeer die wisselwerking tussen menslike aktiwiteite en die geologiese omgewing, soos die besoedeling van grond en grondwater. Hulle bestudeer die geologiese struktuur en grondeienskappe, asook rotseienskappe, by konstruksieterreine, byvoorbeeld, damme, tonnels en myne, om sodoende waardevolle inligting beskikbaar te stel voordat konstruksie ’n aanvang neem. Hulle soek en evalueer ook geskikte konstruksiemateriale. Hidrogeoloë is betrokke by die opsporing, ontginning en bewaring van grondwater.BSc (Meteorologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Meteoroloë word aangestel by instansies wat betrokke is by die studie, interpretasie en voorspelling van weerstoestande en klimaatverwante verskynsels. Die Suid-Afrikaanse Weerdiens (SAWD), die WNNR, sekere universiteite, landbou-instellings en algemene bedryfsektore stel meteoroloë aan wat hoofsaaklik op die volgende gebiede spesialiseer.Navorsers: Hulle bestudeer alle aspekte van die weer en klimaat om atmosferiese verskynsels beter te kan verstaan. Atmosferiese modelleerders gebruik gespesialiseerde rekenaartegnologie om ingewikkelde vloeidinamikaberekenings met betrekking tot die atmosfeer op te los. Die monitering van luggehalte en die modellering van die impak van lugbesoedeling op die gemeenskap is twee belangrike aspekte wat aandag moet ontvang. Navorsing oor klimaatsverandering word al meer beklemtoon.Weervoorspellers: Dit is die weervoorspeller se verantwoordelikheid om data te analiseer en die weer te voorspel met behulp van modelle op superrekenaars. Weervoorspellings word in verskeie tydskale gedoen, van korttermynvoorspellings tot langtermynvoorspellings wat vir maande vooruit geldig is, sowel as seisoenale voorspellings. Daar is wel poste in die privaat sektor, soos die aanbied van die weervoorspelling op televisie.Klimatoloë: Hulle bestuur belangrike datastelle wat groot volumes inligting bevat wat deur die SAWD en ander organisasies ingesamel word.Konsultante: Hulle kan in die privaat sektor werk en kan waardevolle gespesialiseerde dienste en navorsingsinsette by universiteite lewer.Dosente: Enkele akademiese poste bestaan by Suid-Afrikaanse universiteite. Hierdie dosente verseker dat meteoroloë se opleiding aan internasionale standaarde voldoen.BSc (Omgewingswetenskappe)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Omgewingskonsultante, luggehaltespesialiste, omgewingsimpakanaliste, omgewingsbewaringsagente, spesialiste op die gebied van skadelike afvalmateriaal, openbaregesondheidsvoorligters, navorsers, watergehalte-spesialiste, natuurlikehulpbronbestuurders, risikobestuurders, omgewingsopvoedkundiges, vleilandwetenskaplikes, wildbewaarders, omgewingsbeplanners en -analiste, watersuiweringspesialiste, program- en projekbestuurders, natuurlikehulpbronspesialiste en navorsersBSc (Omgewings- en Ingenieursgeologie)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 32

Beroepe: Geoloë, mineraloë, ekstraksiemetallurge, ekonomiese geoloë, geochemici, geofisici, omgewings- en ingenieursgeoloë, geohidroloë, laboratoriumspesialiste en konsultanteFisiese Wetenskappe-studieprogramme: Kandidate wat nie aan die minimum toelatingsvereistes voldoen nie, kan oorweeg word vir toelating tot die BSc of BSc (Vierjaarprogram) op grond van die uitslag van die NBT.BSc (Vierjaarprogram) – Fisiese WetenskappeNBT verpligtend

4 3 D D 4 3 D D 4 3 D D 26





PrestasievlakTPTLANDBOU- EN

VOEDSELWETENSKAPPEAfrikaans of Engels Wiskunde Fisiese Wetenskap

NSS/IEB HIGCSE AS-Level A-Level NSS/IEB HIGCSE AS-Level A-Level NSS/IEB HIGCSE AS-Level A-LevelBSc (Voedselbestuur) [4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Voedselbestuurders, gehaltekontroleurs, onderwysers, navorsers, voedselprodukontwikkelaars, bemarkers, entrepreneurs, konsultante, voedseljoernaliste, onderwysers en opleidingskonsultanteBSc (Voedselwetenskap)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Voedselwetenskaplikes met hoogs bemarkbare opleiding en professionele vaardighede werk as voedselrisikobepalers, kwaliteit- en veiligheidsversekeringbestuurders, voedselchemici, voedselmikrobioloë of -biotegnoloë, verpakking en raklewespesialiste, veiligheidsouditeurs, produk- en prosesontwikkelaars, tegniese verkope- en bemarkingsadviseurs, sintuiglike wetenskaplikes, voedselbiowetenskaplikes (byvoorbeeld broumeesters of geurontwikkelingspesialiste) in die voedsel-, voedsel-agroprosessering en verwante bedrywe. Die werksomgewing sluit laboratoriums, voedselproduksieaanlegte, besigheidspersele, opleidingslokale, die klein- en groothandel, staatsinstellings en navorsingsorganisasies in. Voedselwetenskaplikes is ook werksaam in nywerhede en maatskappye wat materiale (byvoorbeeld verpakking en voedselbyvoegings, soos kleur- en geurmiddels) vir die voedselbedryf vervaardig of sekondêr by voedselproduksie en -verkope betrokke is.BSc (Voeding)• Voedingkunde• Openbare gesondheidsvoeding[4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

BSc (Voeding): Hierdie vierjaarprogram sal vir ‘n mate van spesialisering in die derde en vierde studiejare voorsiening maak deur middel van twee opsies. Die Universiteit van Pretoria is in die proses om die Openbare Gesondheidsvoeding-opsie by die RGSA te registreer. Studente wat die Voedingkunde-opsie volg, sal by SARNAWP as natuurwetenskaplikes kan registreer en sal kan voortgaan met ‘n navorsingsgebaseerde MSc in Voeding. Die voorgestelde program sal die bestaande BSc-program in Voeding en Voedselwetenskap vervang. Studente wat vir toelating tot die derde jaar van Openbare Gesondheidsvoeding gekeur wil word, sal gedurende die tweede jaar van registrasie by die KDS moet aansoek doen, met sluitingsdatum 30 Julie van die vorige jaar. Slegs studente wat alle eerste- en tweedejaarmodules (voorgeskrewe en keusemodules) geslaag het, sal vir keuring oorweeg word.Beroepe: Die behoefte vir gegradueerdes met opleiding in voeding word gedryf deur die wêreldwye erkenning dat voedsel nie net aan ons basiese voedingsvereistes voldoen nie, maar dat dit ook ’n belangrike rol speel in die bevordering en handhawing van ons langtermyngesondheid. Gegradueerdes van hierdie vier jaar lange- transdissiplinêre program sal kan spesialiseer as gemeenskapsvoedingkundiges (geregistreer by die Suid-Afrikaanse Raad vir Gesondheidsberoepe) of as voedingswetenskaplikes. Loopbaangeleenthede sluit werksgeleenthede in die voedsel en verwante bedryfsektore (soos farmaseutiese maatskappye), regeringsdepartemente, internasionale organisasies (soos die Voedsel en Landbou-organisasie (FAO) en Wêreldgesondheidsorganisasie (WHO)) of navorsingsinstellings in, en as rekeningbestuurders en adviseurs in die voedsel, gesondheid en verbruikersektore.BScAgric (Voedselwetenskap en -tegnologie)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Voedselwetenskaplikes met hoogs bemarkbare opleiding en professionele vaardighede werk as voedselrisikobepalers, kwaliteit- en veiligheidsversekeringbestuurders, voedselchemici, voedselmikrobioloë en -biotegnoloë, verpakking- en raklewespesialiste, veiligheidsouditeurs, produk en prosesontwikkelingsbestuurders, tegnieseverkope- en bemarkingsadviseurs, sintuiglike wetenskaplikes, voedselbiowetenskaplikes (broumeesters of geurontwikkelingspesialiste) in die voedselprosesserings en verwante bedrywe. Voedselwetenskaplikes se werksomgewing sluit laboratoriums, voedselproduksieaanlegte, besigheidspersele, opleidingslokale, kleinhandelsorganisasies, staatsinstellings en navorsingsorganisasies in. Voedselwetenskaplikes is ook werksaam in nywerhede en maatskappye wat materiale (verpakking en voedselbymiddels, soos kleur- en geurmiddels) vir die voedselbedryf vervaardig of wat sekondêr by voedselproduksie en -verkope betrokke is.BScAgric (Landbou-ekonomie/Agribesigheidsbestuur)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Landbou-ekonome is betrokke by baie verskillende sektore van die ekonomie. Party is betrokke by die ontleding en begrip van verbruikers se gedrag ten opsigte van hulle behoeftes en bereidwilligheid om vir voedsel en klere te betaal. Ander landbou-ekonome is weer betrokke by omgewingsbestuur en hulpverlening aan die regering en besighede om die volhoubare gebruik van skaars hulpbronne soos water en bewerkbare grond te verseker. Sommige landbou-ekonome dryf handel op wêreldwye finansiële markte en werk by die Johannesburgse Effektebeurs in Sandton of by Wall Street in New York. Ander werk vir banke en finansier voedselverwerkers soos bakkers en brouerye, of boere en die verskaffers van insette. Sommiges werk vir die regering en adviseer die regering oor hoe om te verseker dat daar genoeg kos is vir al die mense in die land, en sommiges werk by handelsbanke waar hulle kliënte en bestuurders adviseer oor hoe om finansiële, risiko- en kommoditeitsmarkte te bestuur. Verder speel landbou-ekonome ’n noodsaaklike rol in navorsing en ontwikkeling in die landbousektor. Landbou-ekonome reis baie en ontmoet interessante mense. Hulle reis plaaslik en na die meeste ander dele van die wêreld, soos Afrika, die VSA, China, Suid-Amerika, Australië en Europa. Hulle doen dit om die beste insette aan te koop om voedsel en klere te produseer, maar ook om markte vir produkte te identifiseer en te verstaan. ’n Landbou-ekonoom is dus iemand wat belangstel in mense en hul kulture, in die natuur en in besigheid en bestuur. Hy of sy moet goeie interaksie met mense kan hê, maar moet ook statistieke en wiskunde gebruik om die interaksie tussen mense, die natuur en die ekonomie te verstaan.BScAgric (Veekunde)[4 jaar]SluitingsdatumsSA – 30 SeptemberNie-SA – 31 Augustus

BScAgric (Veekunde/Weidingkunde)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Veekunde is ’n loopbaan wat ’n belangrike bydrae tot die landboubedryf in Suid-Afrika maak. Hierdie loopbaan fokus op die toepassing van die wetenskaplike aspekte van diereproduksie en die gehaltebeheer van produkte ten einde verbruikerstevredenheid te verseker. Dit is ’n werklike wetenskaplike gebied, en is onderworpe aan die mees onlangse navorsing. Dit is ook gemik op die bevrediging van die behoeftes van sowel diere as die mens. Daar is verskeie loopbaangeleenthede vir vee- en wildkundiges in navorsing, kommersiële boerdery en die openbare sektor, sowel as vir professionele persone in die veekundebedryf. Veekundiges kan op verskillende vlakke in hierdie sektore werk, waar beroepe wissel van dié van navorsers, dierevoedings- of diereteeltkonsultante, tegniese verteenwoordigers, wildbestuurders en beleidmakers. Die BScAgric (Veekunde)-graad word kragtens Wet 106 van 1993 deur die Suid-Afrikaanse Raad vir Natuurwetenskaplikes erken as ’n professionele kwalifikasie, en word ook internasionaal erken.





PrestasievlakTPTLANDBOU- EN

VOEDSELWETENSKAPPEAfrikaans of Engels Wiskunde Fisiese Wetenskap

NSS/IEB HIGCSE AS-Level A-Level NSS/IEB HIGCSE AS-Level A-Level NSS/IEB HIGCSE AS-Level A-LevelBScAgric (Plantpatologie)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Saadkwekers, boere, navorsers, dosente en konsultanteBScAgric (Toegepaste Plant- en Grondwetenskappe)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 5 3 C C 5 3 C C 30

Beroepe: Onderwys en opleiding by skole en akademiese instellings. Navorsing en bestuur by verskeie openbare en privaat instellings. Openbare sektor: Die Landbounavorsingsraad, Departement van Waterwese en Omgewingsake, Departement van Toerisme, Departement van Landbou, Bosbou en Visserye, Departement van Minerale Hulpbronne, Departement van Energie, die WNNR, provinsiale landbou- en natuurbewaringsafdelings, die Suid-Afrikaanse Nasionale Biodiversiteitsinstituut, stadsrade, Suid-Afrikaanse Nasionale Parke, nasionale landbou- en voedselprosesseringsagentskappe, ens.Privaat sektor: Maatskappye betrokke by saad-, kunsmis- en plantbeskermingsnavorsing en -ontwikkeling, omgewingsbestuur en -beplanning, kwekerye, groente-, vrugte-, sierplant- en snyblomprodusente, besproeiing, ens.Voorligtingsdienste vir kennisoordrag: Natuurbewaring, nasionale en provinsiale landbou- en omgewingsdepartemente, omgewingsbestuur en -rehabilitasie, kwekerye, gewasse, turfgras- en onkruidbestuur, privaat maatskappye vir dienslewering in veldgewas-, groente- medisinale en aromatieseplant-, vrugte-, sierplant- en snyblomproduksie, ens.Entrepreneurs: Konsultante in gewasse-, weidings-, groente-, medisinale en aromatieseplant-, sierplant- en snyblomproduksiestelsels en landskapontwerp. Bedryf van eie plase en kwekerye vir uitgebreide (veld) of intensiewe (tonnel/kweekhuis) produksie van verskeie gewasse. Bestuur van maatskappye wat spesialiseer in besproeiing en grondherwinning en -bewaring.Landbou- en Voedselwetenskappe-studieprogramme: Kandidate wat nie aan die minimum toelatingsvereistes voldoen nie, kan oorweeg word vir toelating tot BScAgric of die BSc (Vierjaarprogram) op grond van die uitslag van die NBT. Let asseblief daarop dat studente wat in die BSc (Vierjaarprogram) geplaas word, minstens vyf jaar sal neem om die BScAgric-studieprogram te voltooi.



TPTPrestasievlak

VERBRUIKERSWETENSKAPPE Afrikaans of Engels WiskundeNSS/IEB HIGCSE AS-Level A-Level NSS/IEB HIGCSE AS-Level A-Level

BVerbruikerswetenskap (Kleding: Kleinhandelbestuur)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 4 3 D D 28

Beroepe: Kleinhandelbestuur: Afdeling- of winkelbestuurders, aankopers in modebedryf, visuelehandelsware-beplanners, modejoernalistiek, tekstieltegnoloë (gehaltebeheer), verbruikerskonsultante, entrepreneursBVerbruikerswetenskap (Voedsel: Kleinhandelbestuur)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 4 3 D D 28

Beroepe: Bestuurders in restaurante, spyseniering en voedseldienseenhede, bemarkings- of verkoopsbestuurders, joernaliste, entrepreneurs, onderwysers, opleidingskonsultante en verbruikerskonsultanteBVerbruikerswetenskap (Gasvryheidsbestuur)[4 jaar]Sluitingsdatums: SA – 30 SeptemberNie-SA – 31 Augustus

5 3 C C 4 3 D D 28

Beroepe: Hotel- en restaurantbestuurders, uitvoerende sjefs, uitvoerende hotelhuishouers, bemarkings-, verkoops- of spysenieringsbestuurder, onderwysers en opleidingskonsultante, joernaliste, verbruikerskonsultante, entrepreneursVerbruikerswetenskappe-studieprogramme: Kandidate wat nie aan die minimum toelatingsvereistes voldoen nie, kan oorweeg word vir toelating tot die BVerbruikerswetenskap-studieprogram op grond van die uitslag van die NBT. Neem kennis: Geen verlengde program word in BVerbruikerswetenskap aangebied nie.



PrestasievlakTPT

WISKUNDIGE WETENSKAPPE Afrikaans of Engels WiskundeNSS/IEB HIGCSE AS-Level A-Level NSS/IEB HIGCSE AS-Level A-Level

BSc (Aktuariële en Finansiële Wiskunde) [3 jaar]Sluitingsdatums: SA – 30 SeptemberNie-SA – 31 Augustus

5 3 C C 7 1 A A 34

Beroepe: Aktuariële en finansiële wiskunde is ’n gewilde dissipline, met loopbaanmoontlikhede in die besigheidsmark en by beleggingsinstellings soos banke en versekeringsmaatskappye. Wiskundiges se vaardighede is noodsaaklik in portefeuljebestuur en die modellering van finansiële risiko. Die program berei die student voor vir ’n professionele loopbaan as ’n aktuaris of ’n finansiële ingenieur. ’n Aktuaris of aktuariële tegnikus se aktiwiteite behels onder meer langtermynkapitaalprojekte, die ontwerp van mediese skemas se voordele, die bestuur van pensioenfondse, die vasstelling van bydraes en die finansiële bestuur daarvan op ’n stabiele langtermyngrondslag, die evaluering van beleggings in aandele, eiendom en ander transaksies en die vasstelling van premies en reserwes vir uitstaande eise van versekeraars. Finansiële ingenieurs word in diens geneem deur banke en finansiële instellings, makelaarsfirmas en beleggingsinstansies. Hul wiskundige vaardighede is noodsaaklik in portefeulje- en risikobestuur. Aktiwiteite sluit die volgende in: batebestuur (handel in effekte, termynkontrakte en afgeleide instrumente, soos opsies), die ontwerp van nuwe finansiële produkte en die ontwikkeling van strategieë om kredietrisiko te beheer.





PrestasievlakTPT

WISKUNDIGE WETENSKAPPE Afrikaans of Engels WiskundeNSS/IEB HIGCSE AS-Level A-Level NSS/IEB HIGCSE AS-Level A-Level

BSc (Wiskunde)[3 jaar]Sluitingsdatums: SA – 30 SeptemberNie-SA – 31 Augustus

BSc (Toegepaste Wiskunde)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 6 2 B B 32

Beroepe: Gegradueerdes in wiskunde en toegepaste wiskunde word in diens geneem deur navorsingsinstansies, opvoedkundige instellings (universiteite en skole), die openbare sektor (staatsdiens, mediese instellings) en die privaat sektor (ingenieursfirmas, finansiële instellings, die rekenaarbedryf). Gegradueerdes se opleiding in abstrakte, analitiese en berekeningskundige denkwyses gee hulle die agtergrond om maklik aan te pas by veranderende omstandighede in die beroepsomgewing en om wiskundige modelle van natuurlike, tegnologiese en finansiële verskynsels te konstrueer. Wiskundiges en toegepaste wiskundiges pas bestaande probleemoplossingstegnieke toe, evalueer en pas hulle aan of ontwikkel nuwe tegnieke om probleme op te los.BSc (Wiskundige Statistiek)[3 jaar]Sluitingsdatums: SA – 30 SeptemberNie-SA – 31 Augustus

5 3 C C 6 2 B B 32

Beroepe:Finansiële instellings: Statistici wat spesialiseer in ekonomiese toepassings van statistiek (ekonometrie) werk met aspekte soos nasionale produksie en besteding, internasionale ekonomiese verhoudings, indiensneming, openbare finansies en verwante kwessies. In die versekeringsbedryf word statistici gebruik in gebiede soos aktuariële werk, bemarking, aandele- en eiendomsbeleggings. Marknavorsingsorganisasies speel ’n belangrike rol in die versameling van inligting wat gebruik word om die kwaliteit van besluitneming in verskeie bedryfsektore te verbeter.Die bedryf: Statistici word al hoe meer in diens geneem in bedryfsektore soos mynbou, produksie en staatskorporasies, byvoorbeeld Eskom, Sasol, AECI en die farmaseutiese bedryf oor die algemeen. Georganiseerde landbou is ’n ander baie belangrike bedryf wat gesofistikeerde statistiese tegnieke gebruik om te voorsien in die groeiende vraag na voedsel en dienste.Navorsingsrade: Navorsingsrade en onderwysinstellings is bekende groot werkgewers vir wetenskaplikes in verskillende dissiplines en stel statistici aan om wetenskaplik gebaseerde navorsingsuitsette te verseker. Die MNR, WNNR, die LNR en die RGN word hierby ingesluit. Statistici is ook betrokke by die opleiding van studente aan universiteite. Die uitdagings van moderne onderwys en goeie navorsing is baie toepaslik, veral in Suid-Afrika.Die openbare sektor: Die staat gebruik bekwame statistici in baie van sy departemente, waarvan die vernaamste Statistiek Suid-Afrika is. Dié departement is verantwoordelik vir die vyfjaarlikse bevolkingsensus en die berekening van bekende ekonomiese aanwysers soos die inflasiekoers.Wiskundige Wetenskappe-studieprogramme: Kandidate wat nie aan die minimum toelatingsvereistes vir BSc (Aktuariële en Finansiële Wiskunde) voldoen nie en wat ’n TPT van 30 tot 33 behaal het en minstens 6 vir Wiskunde, kan oorweeg word vir toelating tot BSc (Aktuariële en Finansiële Wiskunde) of ’n ander graad in Wiskundige Wetenskappe op grond van die uitslag van die NBT.Kandidate wat nie aan die minimum toelatingsvereistes van die ander studieprogramme voldoen nie, kan oorweeg word vir toelating tot BSc (Wiskunde), of BSc (Wiskundige Statistiek) of die BSc (Vierjaarprogram) op grond van die uitslag van die NBT. BSc (Vierjaarprogram) – Wiskundige Wetenskappe

NBT verpligtend

BSc (Aktuariële en Finansiële Wiskunde): Toelating vanaf die BSc (Vierjaarprogram) na die BSc (Aktuariële en Finansiële Wiskunde)-studieprogram sal slegs oorweeg word indien die studente al hul eerstejaarmodules slaag met ’n gemiddelde persentasie van ten minste 60%, en ook ’n minimum persentasie van 60% behaal vir WTW 143 en WTW 153.

4 3 D D 5 3 C C 26


Meer oor die BSc (Vierjaarprogram)/Biologiese Wetenskappe

Meer oor die BSc (Vierjaarprogram) Die BSc (Vierjaarprogram) verleen toegang tot wetenskap- en wetenskapgebaseerde studieprogramme deur laer toelatingsvereistes te stel as vir die BSc- en BScAgric-studieprogramme. Dit voorsien intensiewe opleiding om studente voor te berei vir verdere studie in die normale BSc- en BScAgric-studieprogramme. Die studieprogram is toeganklik vir alle Graad 12-kandidate.

Die studieprogram word slegs in Engels aangebied. Studente wat tot die BSc (Vierjaarprogram) toegelaat word, sal vir die eerste jaar op die Mamelodikampus klasse bywoon. Verblyf is beskikbaar in die Naledikoshuis wat op die Savannah Estate naby die kampus geleë is. Studente wat die eerste jaar suksesvol voltooi, woon lesings vanaf die tweede studiejaar op die Hatfieldkampus by.

Die duur van die eerste fase van die studieprogram is 18 maande (drie semesters), waartydens die studente akademies en sielkundig opgelei en ontwikkel word vir verdere studie. Studente wat die eerste fase suksesvol afgelê het, behaal krediete wat gelykstaande is aan die eerste semester van die eerste jaar van die BSc- en BScAgric-studieprogramme en mag dus vir die tweedesemestermodules van ’n voorkeur- eerste jaar in BSc of BScAgric registreer. Oorplasing na die tweede jaar van ’n spesifieke BSc- of BScAgric-studieprogram vind in die derde jaar van registrasie plaas. Die BSc (Vierjaarprogram) sluit die volgende vakgebiede in: wiskundige wetenskappe, biologiese en landbouwetenskappe en fisiese wetenskappe. Studente wat ’n loopbaan in ingenieurswese wil volg, moet vir die BSc (Vierjaarprogram) – Fisiese Wetenskappe aansoek doen. Studente wat ’n studieprogram in die gesondheidswetenskappe of veeartsenykunde wil volg, moet vir die BSc (Vierjaarprogram) – Biologiese en Landbouwetenskappe aansoek doen.

Kenmerke van die studieprogram

• In die eerste fase word die akademiese inhoud teen ’n stadiger tempo as in die normale studieprogramme gelewer, sodat studente meer tyd het om op die vakinhoud te spandeer en ’n beter begrip van die materiaal te ontwikkel. Gedurende die drie semesters van hierdie fase word die tempo geleidelik vinniger. Teen die tyd wat die studente die eerste fase voltooi het, behoort hulle te kan werk teen die normale spoed wat van universiteitstudente verwag word.

• Daar is bykomende modules en ondersteuning wat studente help om aan te pas by die universiteit. Dit sluit taal- en studievaardigheidskursusse (wat op die gebruik van taal in die wetenskap konsentreer), beroepsvoorligting en berading in.

• Die grootste gedeelte van die onderrig vind in kleiner groepe plaas. Dit verskaf genoeg geleenthede vir interaksie, vrae en bespreking.

• Tesame met die kleiner klasse, woon studente lesings in groot groepe by waar die onderrigstyl meer formeel is. Dit is uitstekende voorbereiding vir die tweede fase van die program.

• ’n Verskeidenheid metodes word gebruik om die vakinhoud oor te dra om moontlike gapings in skoolkennis reg te stel. Die studieprogram is gefokus op begrip en die ontwikkeling van kritiese denkvaardighede asook die praktiese vaardighede wat nodig is om met die vak voort te gaan.

Biologiese Wetenskappe

Departement Biochemie

Die rol van biomolekules in alle lewende stelsels word bestudeer om lewensprosesse en strukturele en funksionele aspekte van makromolekules van die sel te verklaar. Met moderne metodes van genoomontleding, die selektiewe uitdrukking van genoominligting en metaboliese profielbepaling van heel selle, word daar aandag gegee aan uitdagings van nasionale en internasionale omvang, soos MIV/VIGS, malaria, tuberkulose en dieresiektes. Studente wat hierin belangstel, sal hul kennis onder andere op die gebied van die landbou, veeartsenykunde en geneeskunde kan toepas.

Ek is by die Departement Biochemie in die Fakulteit Natuur- en Landbouwetenskappe vir ’n MSc-graad ingeskryf en is tans besig met my eerste studiejaar. Ek is trots om deel te kan wees van so ’n veelsydige fakulteit. Ons Departement fokus op die behandeling en voorkoming van siektes wat ’n groot impak op die nasionale en internasionale gemeenskap het. Die navorsing wat by die Departement gedoen word, maak van multidissiplinêre tegnieke gebruik; dus kry studente ’n geleentheid om hul kennis uit te brei en tot navorsers van wêreldgehalte te ontwikkel. Alhoewel die fakulteitslede hulle toewy aan hul navorsingswerk, word daar darem geleenthede geskep vir sosiale interaksie tussen die dosente en studente.

Ek wil graag die Nasionale Navorsingstigting (National Research Foundation – NRF) bedank vir die Innovasiebeurs wat dit vir my moontlik gemaak het om my honneurskursus te voltooi. Ek spreek ook graag my dank uit teenoor die Universiteit van Pretoria en Merck, wat in 2012 die prys vir die toppresteerder in die honneurskursus in Biochemie aan my toegeken het.

Ek hoop om na die voltooiing van my studie ’n beroep op die gebied van kliniese biochemie te volg waarin ek my kennis en ondervinding sal kan gebruik om die behandeling van persone met MIV/VIGS in Suid-Afrika te verbeter.

Sidhika Hariparsad



Beskrywing van die studieprogram

Biochemie bestaan uit verskillende spesialiteitsvelde. Gedurende die eerste studiejaar sal studente blootgestel word aan ’n groot verskeidenheid vakke in die biologiese en landbouwetenskappe. In die tweede en derde jaar spesialiseer hulle in chemie en biochemie, waar hul fundamentele kennis aangevul word deur toepaslike praktiese studie terwyl hulle navorsingsmetodes en -beginsels leer. In die derde jaar word makromolekules, insluitende DNS, proteïene en die immuunstelsel, in besonderhede bestudeer in gespesialiseerde vakke soos proteoomanalise, xeno-biochemie, ensiemologie en immunobiologie. Sinvolle vakkombinasies is chemie, mikrobiologie, genetika en fisiologie. Alle vakke sluit teoretiese en praktiese komponente in. Die geleentheid bestaan ook om keusemodules in die studieprogram in te sluit. Nagraadse studie in biochemie sluit honneurs-, meesters- en doktorsgrade in. Die eenjaarhonneursgraad behels hoofsaaklik ’n sterk selfstudiekomponent en bied blootstelling aan ’n reeks toepaslike tegnologieë en ’n navorsingsprojek. Op meesters- en doktorale vlak word daar van die studente verwag om navorsingsprojekte in een van die navorsingsgebiede van die Departement te voltooi. Dit sluit MIV/VIGS, malaria, tuberkulose, bosluisverwante siektes en plantmedisyne in.

Bioinformatika

Bioinformatika is die toepassing van rekenaarwetenskap-, wiskundige, statistiese en informatikategnieke op biologiese data. Die biologiese data kan wees in die vorm van proteïen- of nukleϊensuurvolgordes, heel genome, makromolekulêre strukture, uitdrukkingsvlakke, transkripsievlakke of modelle van metaboliese paaie. Bioinformatika vind plaas op verskeie vlakke, vanaf suiwer toepassings op biologiese probleme tot sagteware- en algoritmeontwerp. Bioinformatika kan toegepas word op die gebied van landbou, veeartsenykunde, gesondheid, omgewingswetenskappe en inligtingstegnologie-verwante dissiplines. Die Bioinformatika-eenheid aan die Universiteit van Pretoria vorm deel van ’n nasionale Bioinformatika-netwerk by die Suid-Afrikaanse Nasionale Biodiversiteitsinstituut (SANBI) en verteenwoordig die Gautengse afdeling.


Bioinformatika is gebaseer op biologiese, wiskundige en rekenaarwetenskappe. Nagraadse studies sluit die honneurs-, meesters- en doktorale grade in. Studente met grade in biologiese wetenskappe, rekenaarwetenskap, wiskundige of statistiese wetenskappe en ander verwante dissiplines kan toegelaat word tot die eenjaarhonneursgraad. Addisionele biologiese, rekenaarwetenskaplike of wiskundige vakke kan voorgeskryf word. Op meesters- en doktorale vlak moet studente ’n navorsingsprojek in bioinformatika voltooi.

Departement Mensfisiologie

Fisioloë bestudeer die meganismes wat die liggaam laat funksioneer – van molekulêre en sellulêre vlak deur progressiewe differensiasie tot weefsels, organe, stelsels en uiteindelik tot die geïntegreerde wisselwerking en beheer van die verskeie liggaamsfunksies. Hierdie kennis word in navorsingsondersoeke van normale en abnormale lewensprosesse toegepas. Basiese en kliniese navorsing

kan op verskeie vlakke, soos byvoorbeeld molekulêr, sellulêr, struktureel en diagnosties, ’n aanvang neem. Mensfisiologie is ’n hoofvak vir twee studieprogramme in biologiese wetenskappe: BSc (Mensfisiologie) en BSc (Mensfisiologie, Genetika en Sielkunde). Ander spesiale fisiologiemodules vorm deel van die opleiding in geneeskunde, tandheelkunde, verpleging, dieetkunde, biokinetika, kommunikasiepatologie, voed-selwetenskappe, arbeidsterapie, fisioterapie, radiografie en sommige verbruikerswetenskapkursusse. In mens-fisiologie bestudeer die student die funksionering van die menslike liggaam.


Gedurende die eerste studiejaar vir BSc (Mensfisiologie) word studente aan ’n algemene, basiese verskeidenheid van vakke in biologiese en landbouwetenskappe blootgestel. In die tweede jaar word verskeie fisiologiese stelsels (neurofisiologie, hematologie, kardiovaskulêre fisiologie, pulmonale fisiologie, renale fisiologie, voeding- en verteringsfisiologie, endokrinologie en voortplantingsfisiologie) bestudeer, met biochemie as ’n verpligte vak. Die studieprogram word in die derde jaar voltooi met ’n keuse van geïntegreerde fisiologiemodules, byvoorbeeld sportfisiologie, voeding en ontwikkeling, psigoneuroimmunologie en selfisiologie, asook industriële fisiologie. Op derdejaarsvlak is daar in hierdie program die geleentheid om modules te kies. Benewens bogenoemde is sielkunde en genetika verpligte vakke in al drie BSc-studiejare (Mensfisiologie, Genetika en Sielkunde).

Nagraadse grade

Na die voltooiing van BSc (Mensfisiologie) of BSc (Mensfisiologie, Genetika en Sielkunde) mag studente vir ’n BScHons, MSc en PhD in Mensfisiologie inskryf. Ná voltooiing van die BSc (Mensfisiologie, Genetika en Sielkunde)-graad kan studente nagraadse studie in gene-tika en sielkunde onderneem. Om vir die honneursgraad in Fisiologie aanvaar te word, word ’n gemiddeld van 60% vir die mensfisiologiemodules in die derde jaar vereis. ’n Toelatingseksamen in algemene fisiologie moet ook afgelê word. ’n Maksimum van 12 honneursstudente word per jaar aanvaar. Die eenjaar-honneursgraad behels selfstudie van basiese fisiologie, die skryf van ’n seminaar, blootstelling aan ’n verskeidenheid navorsingstegnieke en ’n navorsingsprojek in sportfisiologie, sellulêre fisiologie of neurofisiologie. Op meesters- en doktorale vlak word daar van studente verwag om ’n navorsingsprojek in een van die navorsingsareas in die Departement te voltooi vir hulle MSc-verhandeling of PhD-tesis.

Departement Genetika

Genetika en Mensgenetika

Genetika is ’n opwindende, toonaangewende dissipline wat die grondslag vorm van die biologiese, landbou, veeartsenykundige en mediese wetenskappe, en behels sowel kommersiële as navorsingsaspekte. ’n Groeiende reeks nuwe beskikbare tegnologieë verbeter deurgaans die bestaande navorsingstrategieë en bied opwindende nuwe moontlikhede vir navorsing, nie net in genetika nie, maar dikwels ook op verwante biowetenskaplike gebiede. Tussen 2001 en 2012 is twaalf Nobelpryse toegeken vir ontdekkings op die breë gebied van genetika.



Oor die afgelope paar jaar is die genome van verskeie diere, plante en skadelike patogene, sowel as dié van die mens, bepaal. Nuwe informatiewe genoom-wye metodes is ontwikkel om die funksies van gene en genetiese diversiteit op die vlak van selle, organismes, populasies en spesies te bestudeer. Tegnieke soos nuwegenerasie-volgordebepaling, hoë-omset- genetiese sifting en DNS-vingerafdrukke is reeds onontbeerlik in die ontwikkeling van geneesmiddels en die forensiese wetenskappe. Deesdae is berekeningsmodelle ook van onskatbare waarde om gene te vind wat die felheid van siektes beïnvloed, asook om insig te bied in die oorsprong en verspreiding van ontluikende virusse (soos H1N1), sowel as om die verwantskap tussen individue, binne en tussen spesies, te verstaan. Kennis van genetika is ook van integrale belang op die gebied van bevolkingsbiologie, waaronder molekulêre ekologie en evolusie, gedragsekologie, biodiversiteit en bewaring, asook bioremediasie en volhoubare landbou, wat aan ons insig bied oor die slagoffers en onafwendbare nagevolge van ons groeiende mensbevolking. Gegewe die krag van die genetika, is dit nie verrassend dat die toepassings daarvan gereeld omstrede is nie. Daarom is begrip van die onderwerp nodig vir ingeligte debatvoering oor die etiek van geneties gemodifiseerde organismes, geenterapie, in vitro-bevrugting, genetiese toetsing en baie ander verwante aspekte.

Die Departement Genetika is ’n aktiewe rolspeler op die internasionale wetenskaplike gebied en bied internasionaal erkende voor- en nagraadse grade aan. Ons grade is navorsingsgerig en plaas ’n sterk klem op die ontwikkeling van analitiese vaardighede. Verder beklemtoon ons Departement ook deurgaans die waarde van “oordraagbare vaardighede” in ons studieprogramme, aangesien sulke vaardighede telkens deurslaggewend is in die werksoekproses. Ons studente verwerf vaardighede in gesyferdheid, analitiese en kritiese denke, sowel as kreatiewe probleemoplossing en datahantering, wat hulle toerus om ook in nie-wetenskaplike beroepe soos verkope en bemarking, patentwerk en joernalistiek suksesvol te wees.

Biotegnologie

Molekulêre biotegnologie behels die gebruik van in vitro-genetiese manipulasie en rekombinante DNS-metodes om plante, diere en mikrobes geneties te modifiseer. Dit het moontlik geword danksy die aansienlike vordering wat gemaak is in ons begrip van die samestelling, struktuur en funksionering van die genetiese materiaal wat voorkom in die selle van alle lewende organismes.

Biotegnoloë streef daarna om spesifieke eienskappe in hul teikenorganismes te herstel, te modifiseer, te verbeter of te benut vir ’n wye verskeidenheid praktiese toepassings, waaronder verbeterde voedselproduksie, siektebehandeling, bewaring en bioremediëring. Dit is duidelik dat biotegnologie ’n deurslaggewende rol gaan speel in die toekoms van die mediese, landbou-, veeartsenykundige en ekologiese wetenskappe. Dit berus egter by ons om te verseker dat hierdie vooruitgang op ŉ verantwoordelike en beheersde wyse plaasvind sodat dit nie ’n negatiewe impak op die omgewing en ons eie gesondheid het nie.

Omdat biotegnoloë in die raakvlak tussen die weten-skappe en die korporatiewe wêreld funksioneer, sal ’n agtergrond in biotegnologie gegradueerdes in staat stel

om mee te ding vir poste op ’n wye verskeidenheid gebiede in die biowetenskappe en verwante bedryfsektore. Daar is opwindende loopbaangeleenthede beskikbaar vir innoverende wetenskaplikes en entrepreneurs in hierdie dinamiese vakgebied. Biotegnologielaboratoriums kan deel vorm van nywerheids-, navorsings- of akademiese fasiliteite. Daar is verder ’n toenemende aantal geleenthede beskikbaar in private biotegnologielaboratoriums wat in kontrakwerk spesialiseer. Die waarde van “oordraagbare vaardighede” word ook deurgaans in hierdie studieprogram beklemtoon.

Beskrywing van die studieprogramme

Biologie is van nature ’n multidissiplinêre wetenskap en daar is ’n groeiende bewustheid dat navorsers geïntegreerde benaderings moet inspan om kontemporêre navorsingsvraagstukke doeltreffend te probeer oplos, en om sodoende elemente uit verskillende wetenskaplike gebiede op unieke wyses te kombineer. Die Departement Genetika het daarom besluit om sowel ’n enkel- as ’n dubbelhoofvakopsie te bied in albei hul Genetika- en Mensgenetika-studieprogramme. Dit laat studente met die keuse om óf te spesialiseer in genetika as ’n enkele hoofvak, óf om die geleentheid te benut om ’n multidissiplinêre agtergrond te ontwikkel deur hul genetikavakke te kombineer met ’n tweede hoofvak, soos biochemie, mikrobiologie, plantwetenskap, dierkunde of entomologie, asook mensfisiologie in die Mensgenetika-studieprogram.

Op voorgraadse vlak bied die Departement aan studente ’n omvattende oorsig van die aard, oordrag, uitdrukking en manipulasie van genetiese inligting in lewende organismes. Studente word blootgestel aan die verskillende toepassings van genetiese beginsels op uiteenlopende gebiede, waaronder genomika, genetiese ingenieurswese, molekulêre plantkweking, biotegnologie, diagnose en risikobepaling van genetiese siektes, bio-etiek en bewaringsekologie, sowel as die bevolkings-, gedrags- en evolusionêre studies, wat almal onderwerpe is vir verdere navorsing.

Die Biotegnologie-studieprogram is ’n interdepartemen-tele program wat daarop gemik is om studente te bemagtig om hul belangstelling in Biotegnologie voort te sit met spesiale klem op molekulêre wetenskappe. Voorgraadse opleiding in hierdie program sluit blootstelling aan die basiese modules in genetika, biochemie, plantkunde en mikrobiologie gedurende die eerste twee studiejare in. Op derdejaarsvlak word studente, benewens hul keusevakke, blootgestel aan aspekte van biochemie, molekulêre genetika en molekulêre mikrobiologie. Biotegnologie-studente word ook aangemoedig om aan die einde van hulle tweede jaar te besluit oor die rigting waarin hulle hul nagraadse studies wil voortsit en dan hul derdejaarsvakke dienooreenkomstig te kies, aangesien hul keuse van vakke op derdejaarsvlak ’n bepalende faktor sal wees in enige daaropvolgende besluite ten opsigte van hul nagraadse studies. Alle vakke sluit sowel teoretiese as praktiese komponente in.

Gegradueerdes word aangemoedig om verder te studeer vir ’n honneurs-, meesters- en doktorsgraad. Die Departement Genetika bied nagraadse kwalifikasies in genetika en in biotegnologie aan. Die eenjaar-honneursgraad behels ’n sterk selfstudiekomponent, blootstelling aan ’n wye verskeidenheid van toepaslike tegnologieë en ’n navorsingsprojek van beperkte



omvang. Die honneursgraad in Biotegnologie sluit ook ’n inleiding tot die beginsels van entrepreneurskap in. Op meesters- en doktorale vlak word daar van studente vereis om ’n goedgekeurde navorsingsprojek binne een van die erkende navorsingsgebiede in die Departement te voltooi.

Departement Anatomie: BSc (Mediese Wetenskappe)

Die Departement Anatomie is deel van die Skool vir Geneeskunde van die Fakulteit Gesondheidsweten-skappe en bied BSc (Mediese Wetenskappe) binne die Fakulteit Natuur- en Landbouwetenskappe aan. Die doel van hierdie studieprogram is om studente op te lei in die basiese mediese wetenskappe. Dit sluit kliniese anatomie, fisiese en forensiese antropologie, histologie, selbiologie en embriologie in. Studente kan hierdie vakke kombineer met keusemodules uit fisiologie, farmakologie en genetika. Hierdie driejaarstudieprogram gee aan gegradueerdes ’n breë kennisbasis. Nagraadse studie, naamlik honneurs-, MSc- en PhD-grade in bogenoemde onderafdelings van anatomie word sterk aanbeveel. Personeellede het sterk bande met die privaat sektor, lewer ’n hoë volume uitsette van navorsingspublikasies, en is toegewy aan opleiding. Dit het tot gevolg dat gegradueerdes baie gesog is by instansies in die akademiese, regering- en privaat sektore. Hulle beklee poste as dosente, navorsers, mediese en forensiese wetenskaplikes, en verteenwoordigers in die medieswetenskaplike en farmakologiese bedryfsektore. Verskeie gegradueerdes studeer verder by internasionale instellings in Noord-Amerika en Europa.

Die doel met hierdie studieprogram is om studente vir loopbane in mediese en verwante navorsing en ook as akademici voor te berei. Anatomie is die hoofvak, terwyl daar in die tweede en derde jaar keuses gemaak kan word uit fisiologie, genetika en farmakologie. Anatomie is verpligtend vir geneeskunde en alle verwante

studierigtings. Die onderafdelings van anatomie is kliniese anatomie, selbiologie, fisiese antropologie en histologie. Hierdie studierigtings dek die algemene makroskopiese struktuur of bou van die liggaam, die mikroskopiese struktuur van selle en weefsel, ontwikkeling op sellulêre en embriologiese vlak en die evolusie van die mens. Die teoretiese kennis word prakties toegepas deur skeletale oorblyfsels van die skelet te ontleed (forensiese antropologie), weefsel voor te berei vir mikroskopie (histologiese tegnieke) en vergelykings te tref tussen mens- en dieranatomie (vergelykende anatomie).


Hierdie studieprogram kan slegs ’n beperkte aantal studente akkommodeer en voornemende studente moet dus betyds aansoek doen. Die studieprogram is in die eerste ses maande dieselfde as dié van ander BSc-rigtings. In die tweede ses maande van die eerste jaar word enkele anatomiemodules bygewerk. In die tweede studiejaar word volledige ontledings van kadawers gedoen, en word kursusse in histologie, sel- en ontwikkelingsbiologie en paleoantropologie (die evolusie van die mens) aangebied. Fisiologie- of genetika- en biochemiemodules moet ook geneem word. Met anatomie as hoofvak in die derde jaar kan fisiologie-, genetika- en/of farmakalogiemodules geneem word. In die derde studiejaar word die anatomiemodules meer toegepas, en studente neem vergelykende anatomie. Metodes vir die analises van skeletmateriaal vir forensiese doeleindes, asook histologiese en selbiologietegnieke word bestudeer.

Departement Mikrobiologie en Plantpatologie Die mikrobiologie- en plantpatologiedissiplines bied ’n groot verskeidenheid temas. Die kleinste mikrobes is virusse, gevolg deur bakterieë en fungi. Hierdie mikro-organismes is ’n onontbeerlike komponent van ons

Ek het in 2012 by die Universiteit van Pretoria vir ’n BSc-graad in Biologiese Wetenskappe ingeskryf. Ek was nog altyd nuuskierig oor die oorsake van siektes, en nadat ek ontdek het dat Biochemie die studie is van die meganismes wat onderliggend is aan siektetoestande, het ek besluit om dit as vak te kies. Die feit dat biochemie my blootgestel het aan gebiede soos chemie, mikro-biologie en genetika, was ’n aangename beloning en ek het besef dat ek eenvoudig nie ’n beter keuse kon maak nie. Ek is tans besig met ’n BSc(Hons)-graad in Chemie.

Tydens my drie jaar voorgraadse studie het ek elke jaar (vanaf 2011 tot 2013) ’n UP-prestasiebeurs ontvang. In 2011 is ek uitgenooi om aan te sluit by die internasionale organisasie Golden Key, wat die top 15% studente van elke fakulteit by die wêreld se topuniversiteite byeenbring. In 2012 het ek my BSc-graad (cum

laude) verwerf en het ek die Universiteit se Toekenning vir Akademiese Presteerders in Biochemie op die 300-vlak ontvang. Dié prestasie het aan my ’n boekprys van die Suid-Afrikaanse maatskappy Shidmadzu besorg.

Die Departement Biochemie het my nie net aan baie moontlike beroepe blootgestel nie, maar het dit ook vir my moontlik gemaak om ’n bydrae te lewer tot die skep van ’n wêreld waarin siektes, ongeag hoe dodelik hulle mag wees, beter verstaan en genees kan word. My droom is om ook ’n graad in Geneeskunde te verwerf en om internasionale erkenning te verwerf as ’n navorser wat spesialiseer op die gebied van siektes wat met armoede verband hou.

Rebecca Mbuayama



leefwêreld en studente word opgelei om hulle funksie en rol te bestudeer, asook hoe die mikrobes in ons daaglikse lewe benut of bestry kan word.

Mikrobiologie

Studente in mikrobiologie sal mikro-organismes, hoofsaaklik bakterieë, virusse en fungi (swamme en giste) bestudeer. Dit stel hulle in staat om die basiese prosesse van lewe te verstaan. Daar word ook gefokus op verskeie toegepaste aspekte soos die gebruik van nuttige mikro-organismes vir voedselproduksie, watersuiwering en industriële toepassings. Ander mikro-organismes is weer van groot belang in gesondheid en landbou, weens siektes wat deur hulle veroorsaak word. In hierdie opsig bestudeer mikrobioloë die patogene wat verantwoordelik is vir die ernstige infektiewe siektes van mense, diere en plante, om hulle te beheer en bestry. Mikrobioloë by die Universiteit van Pretoria werk dikwels op molekulêre en sellulêre vlak met ’n fokus op onderwerpe soos die ontwerp van nuwe entstowwe en antimikrobiese strategieë, asook die ontwikkeling van nuwe metodes om mikrobes vinniger op te spoor en te identifiseer. Daar is ook ’n fokus om nuwe organismes te ontdek en te beskryf en om die evolusie, diversiteit en patogenie van mikro-organismes beter te verstaan.

Mikrobioloë is toegerus om ’n verskeidenheid beroepe te volg, wat onder andere van praktiese toepassings tot basiese navorsing behels. Werksgeleenthede is beskikbaar in die voedsel-, fermentasie- en waterbedryfsektore as mediese of veeartsenykundige mikrobioloë, in die landbou as navorsers by organisasies soos die WNNR, die Mediese Navorsingsraad of die Landbounavorsingsraad, of as dosente en navorsers by verskeie akademiese instellings.


Mikrobiologie het verskillende spesialiseringsgebiede. Gedurende die eerste twee studiejare van die driejaarstudieprogram sal studente aan ’n groot verskeidenheid vakke in die biologiese wetenskappe blootgestel word. In die derde jaar fokus studente op meer gespesialiseerde onderwerpe op hul eie vakgebied, soos mikologie, virologie, bakteriologie, mikrobe-ekologie, kliniese mikrobiologie, plantpatologie, molekulêre mikrobiologie, mikrobeplantinteraksies of die voedsel- en industriële mikrobiologie. Alle vakke sluit teoretiese

en praktiese komponente in. Daar bestaan nou ook die opsie om twee hoofvakke in ’n graad te kombineer, soos mikrobiologie met genetika of plantkunde.

Nagraadse studie behels honneurs-, meesters- en doktorsgrade. Die eenjaarhonneursgraad behels ’n sterk selfstudiekomponent, blootstelling aan ’n reeks toepaslike tegnologieë en ’n beperkte navorsingsprojek. Op meesters- en doktorale vlak word daar van die studente verwag om navorsingsprojekte oor een van die Departement se navorsingsonderwerpe te voltooi.

Plantpatologie

In Plantpatologie word studente as spesialiste in plantgesondheid opgelei. Om plante gesond te hou, bestudeer plantpatoloë die organismes wat plantsiektes veroorsaak, hoe plante geaffekteer word deur siektes en hoe die siektes bestry kan word. Kennis hiervan is baie belangrik om kommersiële kwekers, boere en kleinskaalse kwekers te help om plantsiektes op verskeie maniere, soos deur geïntegreerde pes- en siektebeheer, te bestry. Studente word ook in na-oespatologie en voedselveiligheid opgelei, wat tot veiliger voedselprodukte van plantaardige oorsprong lei.


Die voorgraadse Plantpatologiegraad is ’n BScAgric- graad. Tydens die eerste twee studiejare word studente aan ’n groot verskeidenheid vakke in die biologiese en landbouwetenskappe blootgestel. Vanaf die derde studiejaar kry studente gespesialiseerde opleiding in plantpatologie, mikrobe-ekologie, parasitologie, plantgenetika, grondkunde, plantvoeding, onkruidwetenskap, epidemiologie en bestrydingkunde. Nagraadse studie sluit meesters- en doktorsgrade in. Op meesters- en doktorale vlakke word daar van studente verwag om navorsingsprojekte oor een van die navorsingsonderwerpe van plantpatologie te voltooi.

Ek is tans besig met my eerste studiejaar vir ’n meestersgraad in Medisinale Plantwetenskap. Die Fakulteit Natuur- en Landbou-wetenskappe moedig kritiese denke aan om te verseker dat die volgende geslag wetenskaplikes vrydenkende en kreatiewe individue sal wees.

In 2011 is die Margaretha Mes-gedenkprys vir die beste vroulike derdejaarstudent in Plantwetenskap, asook ’n NRF-beurs en die Ludwig’s Roses-prys vir die beste derdejaarstudent in Plantwetenskap aan my toegeken.

Ek hoop om in die toekoms as ’n dosent by ’n goed gevestigde instelling in Suid-Afrika of in die buiteland te werk. Ek sou ook graag voortgaan met navorsing om nuwe en interressante plantverbindings te ontdek wat in geneesmiddels gebruik kan word.

Marelie Taljaard



Departement Dierkunde en Entomologie

Die Departement Dierkunde en Entomologie verskaf uitnemende onderrrig en volgehoue produktiwiteit in navorsing. Die Departement dra by tot die opvoedkundige, kulturele, maatskaplike, ekonomiese en volhoubare ontwikkeling van Suider-Afrikaanse gemeenskappe in die biologiese sfeer, en streef daarna om plaaslik relevant en internasionaal mededingend te bly. Die Departement se personeellede is ’n span uiters vaardige, internasionaal erkende wetenskaplikes wat in hul navorsing en onderrigdoelwitte daarna streef om ’n omvangryke begrip te ontwikkel van die patrone, onderliggende prosesse en die bedreigings vir biodiversiteit in gebiede wat deur die mens beïnvloed word.

Alhoewel die Departement se belangstelling in fauna hoofsaaklik gemik is op insekte (daar is meer van hulle as van enige ander spesies) en soogdiere (Afrika is die tuiste van geweldig baie fauna), word daar ook met ’n groot verskeidenheid ander diere gewerk.

Navorsingsgroepe in die Departement is die Soogdier-navorsingsinstituut (MRI), Bewaringsekologienavorsings-eenheid (BENE), Sentrum vir Omgewingstudies (CFES), en die informele Navorsingsgroep vir Sosiale Insekte (Social Insect Research Group – SIRG) en Miskruiernavorsingsgroep (Scarab Research Group – SCARAB). Huidige navorsingsprojekte waarby nagraadse studente betrokke is, dek die dissiplines eusosialiteit, gedrag, epidemiologie, chemiese ekologie, ekofisiologie, bevolkingsgenetika, bewaring en demografiese modellering.

Projekte word in verskeie Afrikalande suid van die Sahara en in die Suidelike Oseaan uitgevoer en behels studies van walvisse, vinvoetiges (pinnipedia) en haaie langs die Suid-Afrikaanse kuslyn, die subantarktiese Prins Edward-eilande en die bevrore water van Antarktika, die Namib- en Kalahariwoestyne, Namakwaland, die Drakensberg, die Karoo en die Nasionale Krugerwildtuin. Die Departement fokus onder meer op die imposante Afrika-olifant, renoster en leeu, en ook op kleiner soogdiere soos bakoorvosse, meerkatte en molrotte.

Die mens se uitwerking op sy omgewing het studies aangemoedig oor die invloed en beheer van uitheemse plantindringers, die inbring van eksotiese visse, woudfragmentasie en voëlgemeenskappe, miskruiers as biologiese aanwysers van landbou-ekosisteme en insekbewaring, insluitende grootkaakkewers wat duisende dollar op versamelaarsmarkte haal. ’n Gesonde lewenswyse en probleemvrye voedselproduksie word aangespreek deur projekte oor die potensiaal van gewasse as randakkers om die voorkoms van die plantluisoordraagbare virus in saadaartappels te verminder, en die rol van beestuberkulose en ander soönotiese siektes op menslike gesondheid te bepaal tydens interaksie met vee en wild.


Dierkunde en entomologie het verskillende spesialiseringsgebiede. Gedurende die eerste twee studiejare sal studente aan ’n groot verskeidenheid vakke in die biologiese en landbouwetenskappe blootgestel word. In die derde jaar fokus studente meer op vakke wat met dierkunde en entomologie te doen het,

byvoorbeeld kursusse in ekologie, bewaringsbiologie, evolusie, gedragsekologie, fisiologie, soogdierkunde, insekdiversiteit en insekplaagbestuur. Dierkunde word in drie hoofrigtings aangebied, naamlik dierkunde, entomologie en ekologie. Gegradueerdes kan nagraadse studie onderneem en honneurs-, meesters- en doktorsgrade behaal. Die eenjaarhonneursgraad behels hoofsaaklik ’n sterk selfstudiekomponent en ’n navorsingsprojek. Op meesters- en doktorale vlak word daar van studente verwag om navorsingsprojekte oor een van die navorsingsonderwerpe van die Departement Dierkunde en Entomologie te voltooi.

Departement Plantkunde Plante is merkwaardige organismes en ons weet heeltemal te min van hulle en hul nut vir mens en dier. Ons weet egter reeds dat plante die wêreld se beste fabrieke vir die sintese van waardevolle natuurlike produkte is.

In medisinale plantwetenskap sal studente ’n oorsig kry oor die ontdekking en gebruik van plantmedisyne en belangrike fitogeneeskundige molekules wat deur plante geproduseer word. In plantbiotegnologie word die gebruik van modelplante en molekulêre metodes bespreek vir die ondersoek van totale plantfisiologie. Geen- en promoteridentifisering en oordragtegnieke vir plantverbetering, asook planttranskriptome vir plantverbetering deur die gebruik van mikrorangskikkings, word bestudeer. In plantdiversiteit en -ekologie leer studente oor Suid-Afrika se ryk en diverse plantegroei, en hoe om bewaring- en bestuurstrategieë te fasiliteer, sodat die nageslag daarby kan baat.

Die Departement Plantkunde aan die Universiteit van Pretoria is een van die oudste plantkundedepartemente in die land, maar is steeds dinamies en innoverend en spog met wêreldbekende navorsers (70% van die akademiese personeel het graderings van die Nasionale Navorsingstigting (National Research Foundation – NRF)). In ’n onlangse opname wat deur die ISI Web of Knowledge gedoen is, beklee die plant- en dierwetenskappe van die Universiteit van Pretoria die eerste plek in Suid-Afrika, gebaseer op die hoeveelheid publikasies en die aantal aanhalings in ISI-geakkrediteerde vaktydskrifte.


In die eerste twee studiejare word studente aan ’n groot verskeidenheid vakke in die biologiese wetenskappe blootgestel. Spesialisering vind eers in die derde jaar plaas. Die Departement spesialiseer in plantdiversiteit en ekologie, plantbiotegnologie en medisinale plantwetenskap. Gedurende die derde jaar kry studente die geleentheid om plante tydens verskeie praktiese sessies en veldekskursies te bestudeer. Nagraadse studie in hierdie studieprogram sluit honneurs-, meesters- en doktorsgrade in. Die eenjaar- voltydse en tweejaar- deeltydse internetgebaseerde honneursgraad behels ’n navorsingsprojek en ’n aantal teoretiese modules. Op meesters- en doktorale vlak word daar van studente verwag om navorsingsprojekte in een van die navorsingsgebiede van die Departement te voltooi. Die Departement ken jaarliks die Schweickert-medalje toe aan die beste honneursstudent in Plantkunde, die Margaretha Mes-medalje aan die beste honneursstudent in Plantbiotegnologie/Fisiologie en die Margaretha Mes-gedenkprys aan die beste derdejaardamestudent in Plantkunde.


Fisiese Wetenskappe

Fisiese Wetenskappe

Departement Chemie

Chemie is betrokke by alles rondom ons, en as chemici, herken ons die belangrike rol wat ons wetenskap speel in die ondersteuning van ons moderne lewenstyl. Die klere wat ons dra word van sintetiese materiaal gemaak, wat vervaardig word deur chemiese prosesse. Die medikasie wat gebruik word om verskeie siektes te genees, is die resultaat van intensiewe chemiese navorsing. Die papier waarop ons skryf, is die resultaat van ’n chemiese proses en die ink waarmee ons skryf, is ’n samestelling van verskeie chemikalieë. Chemie verseker die kwaliteit van die kos wat ons eet, die lug wat ons inasem en selfs die water wat ons drink. Ons liggame is komplekse samestellings van chemikalieë. Chemiese beginsels is grondliggend aan ons begrip van die prosesse wat in alle lewende organismes plaasvind, asook die ontwikkeling van nuwe medikasie en materiale. Dit is die wisselwerking en samewerking van chemie met die ander wetenskappe en ingenieurswese wat die toenemende eise, uitdagings en geleenthede van die moderne samelewing kan hanteer.

Chemie is al beskryf as die sentrale wetenskap, en dit het ’n allesomvattende impak op ons lewens en samelewing. Sedert 1901 is die Nobelprys vir Chemie aan 153 individue toegeken vir werk wat alle aspekte van die chemiese wetenskappe dek. Die konsep van volhoubare groei, insluitende die vermindering van koolstofemissies, hernubare brandstowwe, standhoudende voedsel- en varswatervoorrade, die herwinning van materiale, omgewingsverantwoordelike vervaardiging en afval-verwydering, is gesetel in chemiese kundigheid. Chemie is ook die voorpunt van biotegnologie, nanotegnologie en nuwe materiale wat benodig word vir vinniger rekenaars en verbeterde fotovoltaïese sonselle.


Hierdie program is gerig op die fundamentele aspekte van die dissipline met die doel om studente van ’n deeglike onderbou in die chemiese wetenskappe te voorsien. Voorgraadse opleiding in hierdie studieprogram bied aan studente die geleentheid om chemie te kombineer met ander belangstellingsvelde soos fisika, geologie, wiskunde en rekenaarwetenskap, of vakke uit die biologiese wetenskappe, soos biochemie, mikrobiologie en plantkunde. In die eerste studiejaar word ’n inleiding tot chemie verskaf, wat in die tweede en derde studiejaar gevolg word deur ’n deeglike studie van analitiese, anorganiese, fisiese en organiese chemie. Alle vakke bestaan uit teoretiese en praktiese komponente.

Eerstejaarsmodules in wiskunde en fisika is verpligtend vir die BSc-graad in Chemie. Meer gevorderde modules in wiskunde en programmering word aanbeveel indien studente nagraadse studies in rekenaarmodellering, materiale of prosesse wil onderneem.

Nagraadse studie in hierdie program bestaan uit honneurs-, meesters- en doktorsgrade en die fokus is op navorsing. Die eenjaarhonneursgraad bestaan uit gevorderde modules in analitiese, anorganiese, fisiese en organiese chemie en sluit twee praktiese projekte by die departementele navorsingspanne van die student se keuse in. MSc- en PhD-studies bestaan uit

navorsingsprojekte in die spesialisgebiede van organiese en organometaalsintese, elektrochemie, nanotegnologie, rekenaarmodellering van verbindings en materiale, chemie-onderrig asook skeidingswetenskap, met die klem op industriële, omgewings-, voedsel-, forensiese en kliniese toepassings. Ervare navorsingsleiers en uitstekende navorsingsfasiliteite is beskikbaar om die internasionale navorsingsprofiel van die Departement Chemie verder uit te bou en die studente bloot te stel aan die voorste navorsing in hulle vakgebiede.

Departement Geologie

Studie in Geologie en Natuurlike Rampe

Geologie is die wetenskaplike studie van die dinamiese stelsel van die planeet Aarde en sluit die atmosfeer, hidrosfeer, litosfeer en biosfeer in. Die studie van geologie integreer die beginsels van wiskunde en fisika sowel as chemie en biologie met die bestudering van die geskiedenis en prosesse van die aarde. Die groeiende menslike bevolking plaas gedurig druk op natuurlike hulpbronne soos water, energie, minerale en boumateriale wat benodig word om in die basiese behoeftes van die mensdom te voorsien.

Die Departement Geologie aan die Universiteit van Pretoria het ten doel om die mees gerespekteerde departement van sy aard op die Afrika-kontinent te word. Hierdie doelwit word nie ligtelik opgeneem nie en gaan moeilik wees om te bereik – tog is die Departement ernstig in sy strewe daarna om sy visie te bereik. Sy gegradueerdes behoort op alle vlakke hoogs gesog te wees in die privaat sektor, myn- en eksplorasiemaatskappye, junior firmas en kleiner vennootskappe, sowel as staatsektore; nie alleen in Afrika nie, maar oral in die wêreld. Geologie en sy sub-dissiplines is wêreldprofessies by uitstek en die meeste lede van hierdie professie sal verskeie kere tydens die duur van hul loopbane van land tot land beweeg.

Die Departement Geologie by die Universiteit van Pretoria glo in die eerste plek daarin om alle BSc-gegradueerdes van ’n baie sterk fundamentele begrip oor die grondslag van die geologiese wetenskappe te voorsien. Die BSc-studieprogram word oor ’n tydperk van drie jaar op ’n voltydse basis aangebied. Hierdie studieprogram is teoreties sowel as prakties gerig en lei tot verskillende spesialiteitsrigtings, soos mineralogie, stollingspetrologie, metamorfe petrologie, sedimentologie, ingenieurswese en omgewingsgeologie, geochemie, hidrogeologie, ekonomiese geologie, strukturele geologie sowel as geofisika en geostatistiek.

Studente wat hul voorgraadse studieprogramme suksesvol voltooi het, kan registreer vir ’n honneursgraad in Geologie, Ingenieursgeologie en Hidrogeologie. Die BSc-honneursgraad is ’n voltydse program wat een jaar duur en as minimum vereiste dien vir indiensneming asook om as professionele geoloog te praktiseer.

Die Departement Geologie bied twee hoof- voorgraadse studieprogramme aan: • Geologie• Ingenieursgeologie en Hidrogeologie


Fisiese Wetenskappe

Geologie

Diverse onderwerpe van belang vir ons daaglikse bestaan en die algemene welsyn van ons samelewing, soos die studie van minerale en gesteentes, waterbronne (byvoorbeeld riviere, strande, mere en gletsers), grondwater, vulkane, aardbewings, plaattektoniek, wêreldklimaatsverandering en die evolusie van lewe, word tydens voorgraadse studie gedek.

Voorgraadse modules in Geologie

Eerstejaarsmodules:Inleidende Geologie, Historiese Geologie en Omgewingsgeologie, Algemene Fisika, Calculus en Algemene Chemie

Tweedejaarsmodules:Inleiding tot Grondwetenskap, Fundamentele en Toegepaste Mineralogie, Sedimentologie, Strukturele Geologie, Stollingspetrologie, Metamorfe Petrologie en Grondwater

Derdejaarsmodules:Ingenieursgeologie, Meganika van Gesteentes, Erts-afsetting, Geodinamika van die Formasie van Erts, Geo-statistiek en Berekeninge ten opsigte van Ertsreserwes

Honneursmodules vir geologiestudente

Vulkanisme, komanalise, korsevolusie, mynboumetodes, honneursprojek, stollingspetrologie/geochemie, meta-morfe geologie, ekonomiese geologie, mineralogie en veldkartering

Ingenieursgeologie en Hidrogeologie

Ingenieursgeologie en Hidrogeologie word in die volgende subdissiplines verdeel: • Ingenieursgeologie het te doen met die studie

van geologiese strukture sowel as die kenmerke van grond en gesteentes by konstruksieterreine, byvoorbeeld damme, tonnels, myne, paaie, geboue en stadions. Dit is nodig dat akkurate inligting voorsien word voordat sodanige strukture opgerig kan word.

• Hidrogeologie behels die studie van oppervlak- en grondwater, wat die ligging, beweging, volopheid en chemiese samestelling van water asook die remediëring van besoedelde water insluit.

Voorgraadse studieprogramme in Ingenieursgeologie en Hidrogeologie

Studente wat Ingenieursgeologie en Hidrogeologie op honneursvlak wil neem, moet addisionele modules neem bo en behalwe die modules wat deur geologiestudente geneem word. Die addisionele modules is meganika in die eerste jaar, inleidende grondwetenskap en sterkte van materiale in die tweede jaar en grondmeganika en rotsmeganika in die derde jaar. Addisionele modules in wiskunde is ook noodsaaklik.

Honneursmodules vir Ingenieursgeologie en Hidrologie-studente

Die honneursmodules in Ingenieursgeologie en Hidrologie sluit honneursprojekte, ingenieursgeologie van Suid-Afrika, omgewingsgeochemie, omgewings-

bestuur, hidro-geochemiese modellering, vervoer van kontaminante, konstruksiemateriale, rots ingenieurs-wese, ingenieurstoepassings en grond- en gesteente-verbetering in.

Veldwerk

Veldekskursies en karteringskampe van een tot drie dae is verpligtend vir voorgraadse studente en kampe wat langer duur, is verpligtend vir nagraadse studente. Geoloë maak die wetenskaplike data in die veld bymekaar en veldwerk beslaan ’n groot gedeelte van hulle werk.

Benewens bogenoemde, bied die Departement Geologie vanaf honneursvlak opleiding aan in sekere toepassingsrigtings, soos navorsing in natuurlike rampe (vanaf MSc-vlak, met die klem op aardbewings, meteorologiese rampe en verwante aktuariële studie). Die Departement Geologie by die Universiteit van Pretoria is een van slegs twee departemente in die land wat Ingenieursgeologie aanbied en het die enigste sentrum wat alle aspekte van navorsing oor natuurlike rampe in Afrika bestudeer: die Aon-Benfield Natural Hazard Centre, Afrika. Op MSc- en PhD-vlak word die klem geplaas op navorsing op gebiede soos mineralogie en toegepaste mineralogie (veral die vingerafdruk van edelmetale), geodinamika (veral van groot komme en stollingskomplekse soos die wêreldbekende Bosveldstollingskompleks), ingenieursgeologie, hidro-logie en seismologie.

Beroepe

Die meeste beroepe in geologie behels veld-, laboratorium-, kantoor- en rekenaarmodelleringswerk. Dit vereis geskrewe en/of mondelingse verslae oor die afgehandelde taak. Werk word hoofsaaklik deur klein eksplorasie- en groter mynboumaatskappye, staatsinstellings, onafhanklike navorsingslaboratoriums en ander tersiêre instellings verskaf. Geoloë kan dus oor die algemeen as omgewingskundiges, mineraloë, geochemici, eksplorasiegeoloë, in myne (produksiegeoloë), in oseane (marinegeoloë) en in rekenaarlaboratoriums (databasisse, insluitende GIS; 3D-modellering) en ook as konsultante, wanneer nodig, werk. • Ingenieursgeoloë word deur organisasies

soos die Raad vir Geowetenskappe, die WNNR en mynboumaatskappye (gewoonlik hul rotsmeganikadepartemente), in diens geneem. Raadgewende siviele ingenieursfirmas ontwerp damme, tonnels, paaie, brûe, spoorlyne en nywerheids- of infrastruktuurverwante hellings, of hulle kan hul eie raadgewende praktyke bedryf waar algemene terreinondersoeke vir stedelike ontwikkeling en infrastruktuurkonstruksie ’n groot deel van die omvang van hulle werk behels.

• Hidrogeoloë word deur die regering (Departement van Waterwese), die Raad vir Geowetenskappe, die WNNR en mynmaatskappye, sowel as raadgewende praktyke in diens geneem. Die vier hooffokusgebiede is waterhulpbronevaluering, grond- waterhulpbronontwikkeling, probleme met mynwater-modellering en vervoer van kontaminante. Raad-gewende hidroloë is gewoonlik betrokke by water-toevoer, die kwaliteit, monitering en remediëring van grondwater, sowel as aansoeke vir waterlisensies.


Fisiese Wetenskappe

Departement Geografie, Geoinformatika en Meteorologie

Geografie en Omgewings-wetenskappe

Geografie is in die unieke posisie dat dit deel uitmaak van sowel die geestes- as die natuurwetenskappe en dit is dus die skakel tussen die natuurlike en menslike komponente van die omgewing. Geomorfologie, biogeografie, klimatologie en weerkunde is die natuurwetenskaplike komponente van die dissipline, terwyl die geesteswetenskappe fokus op moontlike oplossings vir probleme soos veranderende bevolkingstendense en die agteruitgang en vernietiging van hulpbronne waarmee die samelewing gekonfronteer word. Geografie is ook ’n ruimtelike wetenskap wat met die ligging en verspreiding van stede en menslike aktiwiteite soos landbou en toerisme te doen het. Prosesse, patrone, probleme en moontlike antwoorde wat daarmee geassosieer word, word bestudeer. Verder is geografie ’n beplannings- en bestuurswetenskap wat op die verbetering van die mens se lewenskwaliteit ingestel is. Die geografiekurrikulum aan die Universiteit van Pretoria lê sterk klem op geomorfologie, omgewingsverandering, stedelike ontwikkeling en grondhervorming. ’n Dosenteprys word jaarliks aan die beste derdejaarstudent in geografie toegeken.

Omgewingswetenskappe is die studie van die vele interaksies tussen die mens en die lewende en nielewende komponente van die aarde. Weens die toename in bevolkingsgetalle en tegnologiese ontwikkeling is die impak van die mens op die aarde wydverspreid en baie ernstig. Omgewingsimpakte skep uitdagings wat multidissiplinêr van aard is, byvoorbeeld die impak op ekosisteme, natuurlike hulpbronne, menslike gesondheid en welstand. Hierdie opwindende en uitdagende studieveld benodig innoverende studente wat die beste toepassings uit die natuurlike wetenskappe kan integreer met ekonomiese, sosiale en politieke wetenskappe ten einde volhoubare oplossings te vind om ons planeet te bewaar. Opleiding in analitiese ruimtelike tegnieke sluit GIS en afstandswaarneming in en gee aan gegradueerdes die vermoë om komplekse omgewingskwessies te ondersoek. Een van die interessante vakke wat tans aangebied word, is die studie van die fisiese, sosiale en ekonomiese impakte van aardverhitting en klimaatsverandering in samehang met aanpassings- en mitigeringstrategieë. Navorsing oor die impak van klimaatsverandering op menslike gesondheid, landbou en natuurlike hulpbronne berei gegradueerdes in die omgewingswetenskappe voor om plaaslik relevant en internasionaal mededingend te wees.


Die twee studieprogramme wat gevolg kan word, is soos volg: • BSc (Omgewingswetenskappe)• BSc (Geografie)

Hierdie studieprogramme bevat fundamentele modules op eerstejaarsvlak wat algemene vaardighede ontwikkel, soos rekenaargeletterdheid, taalvaardighede en calculus.

Kernmodules op eerste-, tweede- en derdejaarsvlak word bepaal deur die spesialiseringsveld van die studieprogram. Keusemodules kan uit die volgende dissiplines gekies word: antropologie en argeologie, chemie, dierkunde en entomologie, ekonomie, fisiologie, geologie, geografie, geoinformatika, historiese en erfenisstudies, meteorologie, plantkunde, plantproduksie en grondkunde, politieke wetenskappe, sosiologie, stads- en streekbeplanning, statistiek en wiskunde en toegepaste wiskunde.

Geoinformatika

Geoinformatika is die studie van die manier waarop geografiese data ingewin, geberg, herwin en gekommunikeer word, hoe geografiese data verwerk word in geografiese inligting wat geskik is vir besluitneming, en hoe rekenaar- en verwante tegnologie gebruik kan word om hierdie prosesse te ondersteun. Die fokusareas is soos volg: • Geografiese Inligtingstelsels (Geographic

Information Systems – GIS) fokus op die wetenskap agter geografiese inligtingsprosesse, die tegnologie en die toepassings op wetenskaplike vraagstukke. Dit verskaf teoretiese grondbeginsels vir die benutting van geografiese inligting en tegnologie om data in te samel en te analiseer sodat die resultate uiteindelik sinvol voorgestel en aangewend kan word vir besluitneming.

• Geografiese inligtingstegnologie fokus op ’n gespesialiseerde groep inligtingstegnologieë wat gebruik word om geografiese data te hanteer. Dit sluit die versameling, berging, manipulering, analisering en voorstelling van die data in.

• Toepassingsfokus op die toenemend uiteenlopende gebruike van hierdie wetenskap in regerings-, nywerheids- en navorsingsinstellings.

Studente wat BSc (Geoinformatika) voltooi, kry redelik maklik werk by organisasies soos GIS-verkopers (ESRI of Intergraph), die Wetenskaplike en Nywerheidnavorsingsraad (WNNR), GIS-konsultante (AfriGIS, GeoTerraImage), siviele-ingenieurskonsultante (Aurecon, SSI), die Suid-Afrikaanse Nasionale Ruimteagentskap (South African National Space Agency – SANSA), Suid-Afrika se nasionale kaartagentskap, Nasionale Georuimtelike Inligting (National Geospatial Information – NGI), of enige munisipaliteit in die land.


BSc (Geoinformatika) is gemik daarop om wetenskaplikes op te lei met ’n basiese kennis van die omgewing en die probleme wat met ontwikkeling verband hou, ’n omvattende kennis van geografiese inligting en die gepaardgaande rekenaartegnologieë, asook die praktiese vaardighede om dié tegnologieë toe te pas ter ondersteuning van die verskillende dissiplines wat by omgewingsbestuur betrokke is.

Die voorgraadse studieprogram fokus op die vereistes waaraan ’n GIS-praktisyn moet voldoen. Gegradueerdes kan aansoek doen om registrasie by die South African Council for Professional and Technical Surveyors (PLATO), die statutêre liggaam vir landmeters en GIS-praktisyns, wat beheer word deur die PLATO-wet, 1984 (Wet 40 van 1984).


Fisiese Wetenskappe

Meteorologie

Die weer en klimaat speel ’n fundamentele rol in menselewens, omdat daaglikse aktiwiteite soos landbou, sport, reis en toerisme daarvan afhang. Dit het selfs ’n bepalende invloed op die oorlewing van die mensdom. Daar heers egter ook groot kommer oor hoe die mens se doen en late die wêreld se weer en klimaat onomkeerbaar kan verander. Lugbesoedeling wek toenemend kommer. Weerkundiges en atmosferiese wetenskaplikes wil uitvind hoe die fisika en dinamika van die atmosfeer werk. Die meteoroloë by die Universiteit van Pretoria spesialiseer in dinamiese meteorologie en is betrokke by toonaangewende navorsing in numeriese weervoorspelling. Hulle is ook betrokke by bekroonde gemeenskapsprojekte ten opsigte van watervoorsiening aan skole in landelike gebiede.


Wiskunde, fisika, atmosferiese prosesse, atmosferiese sirkulasie, fisiese meteorologie, dinamiese en numeriese meteorologie en weervoorspellingsprojekte is verpligte vakke. Keusevakke kan uit die volgende dissiplines gekies word: wiskunde en toegepaste wiskunde, fisika, statistiek, chemie, rekenaarwetenskap, geografie, geoinformatika en geologie.

Studente bestudeer die atmosferiese wetenskappe met gespesialiseerde rekenaarprogramme in laboratoriums en doen praktiese werk in samewerking met professionele weerkundiges. Om as professionele weerkundige te praktiseer, moet studente die honneursgraad in Meteorologie suksesvol voltooi. Meesters- en doktorsgrade word ook aangebied.

Departement Fisika Fisika behels die studie van natuurwette. Die beginsels daarvan vorm die grondslag van alle basiese wetenskappe soos sterrekunde, biologie, chemie en geologie. Fisika is ook die basis van die toegepaste wetenskappe en ingenieurswese wat tegnologie ontwikkel het, van die perdekar tot die supersoniese straler, van die kers tot die laserstraal, en van rookseine tot satellietuitsendings. Fisici is navorsers wat die natuur en verwante aspekte ontleed, en nie bang is om groot vrae oor die lewe te vra nie. Die studie van fisika sal studente se kreatiwiteit, vindingrykheid en probleemoplossingsvermoë verskerp, wat hulle ook in staat sal stel om bestuursposte op alle bedryfsvlakke met welslae te beklee.

Die Departement Fisika aan die Universiteit van Pretoria beskik oor uitstekende fisici in ’n wye verskeidenheid fisikasubdissiplines soos sterrekunde, biofisika, teoretiese fisika, materiaalwetenskap en fisika-onderrig. Materiale word bestudeer vir kerntoepassings en hulle gedrag tydens bestraling. Materiale vir toepassings in sonselle, optoëlektroniese toestelle en koolstofgebaseerde magnetiese stelsels word ook ondersoek. Verder word aktiewe navorsing gedoen in fisika, wiskundige fisika, hoë-energie-teorie, kwantumteorie (resonansies en inligtingteorie) en vastetoestandfisika, wat berekeningsfisika en die effek van simmetrieë insluit. Die Departement het hoë internasionale aansien en baie internasionale medewerkers.

Die Departement Fisika het fasiliteite om mate-riale te bestudeer deur gebruik te maak van atoomkragmikroskopie, Auger-elektronspektroskopie en sekondêre elektronspektroskopie, ’n twee-miljoen volt-deeltjieversneller asook Raman- en infrarooispektroskopie. Die Department beskik ook oor uitstekende fasiliteite om elektroniese metings te doen en dun lagies voor te berei. Moderne rekenaarfasiliteite word gebruik vir berekeningstudies.

Aangesien ek van plan was om ’n sterrekundige te word, het ek aanvanklik vir ’n BSc-graad met Fisika en Wiskunde as my hoofvakke ingeskryf. Ek het nog altyd baie in wetenskap belanggestel en was sedert my laerskooljare behep met planete en die ruimte. Dit was om dié rede dat ek fisika en wiskunde as my studiegebied gekies het.

Ek moes aanvanklik talle uitdagings die hoof bied, maar het gou besef dat “die son tóg agter die donker wolke skyn”. Nadat ek die graad BSc (Fisika) verwerf het, het ek besluit om my studie met ’n honneursgraad in Fisika voort te sit.

My reis tot dusver was nie maklik nie. Ek put egter krag uit die motivering en ondersteuning van my familie, vriende, kollegas en al die personeellede in die Departement Fisika, maar veral uit my geloof in God, wat my in staat gestel het om sukses te behaal.

As daar een ding is waaroor ek seker is, is dit dat ’n mens slegs in ’n beroep as fisikus kan slaag indien jy bereid is om hard te werk en gemotiveerd, geduldig en vol geesdrif is. Ek voel besonder bevoorreg om een van die vroulike Fisika-studente by die Universiteit van Pretoria te wees.

Ek voel geseënd omdat ek talle geleenthede gebied word om my kennis te gebruik en nuwe vaardighede aan te leer. Ek is veral dankbaar dat ek aan die NAS-mentorskapprogram kon deelneem en met eksperimentele fisika, waarmee ek myself deesdae besig hou, kennis kon maak.

Asmita Singh


Fisiese Wetenskappe/Landbou- en Voedselwetenskappe

’n Groeiende aantal meesters- en doktorale studente van regoor Suid-Afrika, en toenemend uit die res van Afrika, maak die keuse om hul studies in die Departement te kom voortsit. ’n Nagraadse studentekomitee sien om na die belange van nagraadse studente en reël sosiale funksies. Dit help om ’n ondersteunende omgewing vir studente te skep terwyl hulle navorsing vir graaddoeleindes doen.

Die voorgraadse kurrikulum is modern en interessant, en word deurentyd hersien om aktuele nuwe onderwerpe by te werk. Studente leer nuttige en oordraagbare vaardighede in eksperimentele-, teoretiese- en bere-keningsfisika, wat hulle in staat stel om bedrewe fisici te word, en hulle kan hierdie vaardighede in ’n verskeidenheid loopbane buite die akademie gebruik, byvoorbeeld in die handel en nywerheid. Daar is pryse beskikbaar vir die BSc (Fisika)- student wat die beste presteer, en voorgraadse studente het baie geleenthede om vertroud te raak met die huidige navorsing in die Departement deur goedgekeurde projekte te voltooi en deur vakansiewerk te doen wat met hul graad te doen het.

Vir meer inligting, besoek die Departement Fisika se webwerf by www.up.ac.za/physics.

Landbou- en Voedselwetenskappe

Departement Landbou-ekonomie, Voorligting en Landelike Ontwikkeling

Die onlangse skerp styging in voedselpryse het die belangrikheid van landbou en voedselproduksie in Suid-Afrika beklemtoon, en daarom ook die noodsaaklikheid van landbou-ekonome vir die samelewing. Die landbou- en voedselbedryf produseer basiese produkte en hulpbronne om die mense van Suid-Afrika te voed en te klee, dra by tot die bruto binnelandse produk van die ekonomie, en verskaf werk aan sowat 1.2 miljoen mense. Terselfdertyd dra die sektor aansienlik by tot die voortbestaan van ongeveer ses miljoen mense in landelike gebiede. Voedsel en kleding is een van die mees basiese behoeftes van die mens, wat beteken dat enige persoon met ’n kwalifikasie in landbou-ekonomie of landbouvoorligting verseker kan wees van werksgeleenthede. Wat is die relevansie van landbou-ekonomie en landbouvoorligting as dissiplines in dié sektor?

Landbou-ekonomie

Het jy al ooit ’n McDonald’s-burger geëet en gewonder waar die brood, vleis, blaarslaai en tamatiesous vandaan kom? En hoekom die prys en kwaliteit van Nando’s en KFC se hoender verskil? En hoekom sommige mense graag wyn drink en ander eerder bier? Wat kos die koring vir een brood, en wat kos dit om meel te maal en brood te bak? Hoeveel kos dit om beeste te slag en maalvleis te maak, en hoekom? Hoeveel wins maak ’n boer en ’n tussenganger in die waardeketting om kos van die plaas af tot op die winkelrak te kry? Dit is sommige van die vrae wat ’n landbou-ekonoom daagliks moet beantwoord. As jy dus belangstel in die antwoorde op hierdie vrae en jy is passievol oor wetenskap, ekonomie en mense, is landbou-ekonomie net die studierigting vir jou.

Die wêreld van kos en klere, en dus die wêreld van landbou-ekonomie, is dinamies en lewendig. Dit is ’n wêreld wat te make het met modes en giere, maar ook met die basiese behoeftes van mense. Landbou-ekonomie handel oor die ekonomie van die produksie van kos en klere, en oor hoe om dit tot by die verbruiker te kry. Dit handel oor sake soos die produksie van druiwe, en daarom die produksie en verkope van wyn. Dit handel oor die analisering van ’n besigheid, die identifisering van en soeke na beleggingsmoontlikhede, verkope van kommoditeite op wêreldmarkte, en die verkope van kos in die plaaslike Spar. Dit handel dus oor mense, maar ook oor die natuur. Dit gaan oor die maak van wins, maar ook om mense te help wat in armoede verkeer. Landbou-ekonomie gaan daaroor om ’n verskil in mense se lewens te maak.

Die voorgraadse opleiding van landbou-ekonome behels ’n vierjaargraad, BScAgric (Landbou-ekonomie), of ’n driejaargraad, BCom (Agribesigheidsbestuur). Tydens nagraadse studie kan daar gespesialiseer word in agribesigheidsbestuur, landboubeleidsanalise, omgewingsekonomie en landbou en landelike finansiering. Daar bestaan ook verskeie geleenthede vir UP-landbou-ekonomiestudente om oorsee te gaan studeer in lande soos die VSA. Dit verseker dat hulle opleiding van wêreldgehalte ontvang, wat beteken dat hulle orals in die wêreld in die voedsel- en kledingbedryf kan werk om te verseker dat daar op ’n ekonomiese en volhoubare manier aan mense se mees basiese behoeftes voldoen word.

Die Departement bied die volgende kursusse aan met die fokus op agribesigheidsbestuur en landbou-ekonomie:

BScAgric (Landbou-ekonomie/Agribesigheidsbestuur)

Die eerste studiejaar bestaan uit BSc-vakke (byvoorbeeld chemie, genetika, biologie en plantkunde) en ekonomiese vakke (byvoorbeeld finansiële rekeningkunde). Die tweede jaar bestaan uit ’n kombinasie van BSc-vakke (byvoorbeeld plantproduksie, veekunde en grondkunde) en ekonomiese vakke (byvoorbeeld ondernemingsbestuur, statistiek, besigheidsreg en ekonomie). In die derde en vierde studiejare moet studente ’n kombinasie van BSc-vakke en ekonomiese vakke kies, met landbou-ekonomie as die hooffokusarea.

BCom (Agribesigheidsbestuur)

Studente neem in die eerste en tweede jaar basiese ekonomievakke (byvoorbeeld rekeningkunde, statistiek, besigheidsreg, bemarking, finansiële bestuur, onderne-mingsbestuur en ekonomie) en spesialiseer dan in hulle derde jaar in landbou-ekonomie.

Departement Plantproduksie en Grondkunde

Die Departement Plantproduksie en Grondkunde spesialiseer in die volgende dissiplines: agronomie, tuinboukunde, weidingkunde, grondkunde en bosbou. Die Departement het 13 dosente, twee emeritusprofessore, twee ereprofessore, vier buitengewone professore en 11 ondersteuningspersoneellede. Die uiteenlopende dissiplines en goed gevestigde kundigheid maak dit ’n gewilde keuse vir baie nagraadse studente, plaaslik



© N

ico

de B

ruyn

Pho

togr

aphy

sowel as uit die res van Afrika. Die hoogs gekwalifiseerde akademici is ook baie suksesvol met die werwing van befondsing vir navorsing en opleiding vir die Departement. Afgesien van laboratoriumfasiliteite op die Hatfieldkampus, is daar ook ’n “lewende laboratorium” op die Hatfield-proefplaas in die hartjie van Pretoria. Die ervare tegniese personeel op die proefplaas verseker dat navorsing glad verloop. Die Departement Plantproduksie en Grondkunde is daarop gefokus om mense op te lei en navorsing te doen wat sal lei tot beter voedselsekuriteit vir ons land en die vermindering van nadelige impakte op die omgewing.


Dieselfde studieprogramme word voorgeskryf vir alle voorgraadse studente in die BScAgric (Toegepaste Plant- en Grondwetenskappe) om blootstelling aan agronomie, tuinboukunde, weidingkunde, grondkunde en bosbou te verseker. Dit help studente wat met nagraadse studie wil voortgaan om ingeligte loopbaanbesluite te neem.

Die volgende nagraadse grade is beskikbaar: • PhD (Agronomie, Tuinboukunde, Weidingkunde,

Grondkunde en Bosboukunde) • MScAgric (Agronomie, Tuinboukunde, Weidingkunde

en Grondkunde) • BScHons (Omgewingsgrondkunde) • BScAgricHons (Plantproduksie)• MSc (Omgewingsgrondkunde) • MSc (Bosboubestuur en die Omgewing) (gedoseerde

program) • MSc (Bosboukunde) (interdepartementele program)

Die navorsingskomponent van nagraadse studie is hoofsaaklik op vyf wetenskaplike dissiplines gefokus: agronomie, tuinboukunde, grondkunde, weidingkunde en bosbou. Die navorsingsaktiwiteite in elk van hierdie dissiplines word vervolgens uiteengesit, met spesialisering in die aspekte binne in die genoemde subonderwerpe:

Agronomie• Graan- en groentegewasse • Industriële gewasse • Besproeiing en plant-grond-waterbalans • Onkruidbestuur

Tuinboukunde• Vrugte • Medisinale en aromatiese plante • Ornamentele plante • Biobrandstowwe

Weidingkunde• Aangeplante weidings • Veldbestuur • Omgewingsbestuur (grondherwinning) • Geïntegreerde grondgebruikstelsels

Bosbou• Boshulpbrongebruiksbeplanning en -bestuur • Boshulpbronekonomie en -beleid • Agrobosbou • Geïntegreerde grondgebruikstelsels

Grondkunde• Plantvoeding • Grondklassifikasie • Omgewingsgrondfisika • Omgewingsgrondchemie • Grondbiologie

Departement Vee- en Wildkunde

Die Departement Vee- en Wildkunde aan die Universiteit van Pretoria het al die nodige hulpbronne om jou op te lei om ’n gesogte kwalifikasie in vee- en wildkunde te behaal. Die Departement is toegewyd daaraan om uitstekende en relevante akademiese studieprogramme en gepaste praktiese opleiding in hierdie wetenskaplike veld aan te bied. Die Departement is trots op sy ryk tradisie van meer as 100 jaar, sy uitnemende akademiese personeel, navorsingsplase en ’n nalatenskap van diens aan sy studente, alumni en die landboubedryf.

Vee- en wildkunde is die wetenskap en praktyk waardeur mak diere en wilde diere tot die mens se voordeel benut word. Aangesien die mens van die natuur afhanklik is, het ons ’n verantwoordelikheid om die omgewing as deel van ons natuurlike erfenis te bewaar. Die werkgebied van vee- en wildkunde strek vanaf primêre boerdery en wildteling tot by die bemarking van diere en die verwerking en verbruik van diereprodukte. In elke skakel van hierdie lang ketting kan persone opgelei word in vee- en wildkunde volgens hul eie belangstellings, behoeftes en persoonlikhede. Die studieprogramme, aangebied deur die Departement Vee- en Wildkunde aan die Universiteit van Pretoria, word deur die Suid-Afrikaanse Raad vir Natuurwetenskaplike Professies (SARNAP) erken as professionele kwalifikasies kragtens Wet 106 van 1993, en dit word ook internasionaal erken.

BScAgric (Veekunde) en BScAgric (Veekunde/Weidingkunde)

Produksiefisiologie, dierevoeding en veeteelt is belangrike vakgebiede en word bestudeer in vakke soos grootvee- en kleinveekunde, vleiskunde, pluimveekunde (volstruise ingesluit) en wildbestuur. Die studieprogram verleen toegang tot studie vir ’n MScAgric, ’n BScHons (Natuurlewebestuur) en ’n MPhil (Natuurlewebestuur) (webgebaseer). Duur van kursus: agt semesters voltydse studie.

Nagraadse opleiding en spesialisering

Nagraadse opleiding sluit die MScAgric en PhD in. Vier hoof-navorsingsfokusareas is geïdentifiseer waarin die meeste nagraadse studente geakkommodeer word, naamlik dierfisiologie (groei, reproduksie, aanpassing, vleiswetenskap), veeteelt (kwantitatief en molekulêr), voedingkunde (enkelmaag en herkouer) en produksiebestuur (verskillende spesies en produksiestelsels).

’n PhD word in Veekunde aangebied. Die duur van die MScAgric en PhD is minstens vier semesters.



© R

udi v

an A

arde

BScHons, MPhil, MSc en PhD in NatuurlewebestuurDie Sentrum vir Natuurlewebestuur funksioneer deur die Departement Vee- en Wildkunde, en nagraadse studies wat aangebied word, sluit die BScHons, MPhil (webkursus), MSc en PhD in Natuurlewebestuur in. Duur van kursus: wissel volgens die tipe graadprogram.

Departement Verbruikerswetenskap

Verbruikerswetenskap bied spesialiseringsgeleenthede vir studente in spesifieke belangstellingsvelde, naamlik kledingkleinhandelbestuur, gasvryheidsbestuur, voedsel- kleinhandelbestuur. Voor- en nagraadse studieprogramme is in oorleg met die bedryf saamgestel om te verseker dat die opleiding aan die verwagtinge van potensiële werkgewers voldoen en dat gegradueerdes suksesvol en in aanvraag sal wees in ’n wetenskaplike en baie kompeterende markomgewing. Die Departement het ’n gevestigde nagraadse en navorsingskultuur en lok studente van oral in die land en die res van Afrika. Dit het goed toegeruste fasiliteite, en studente is betrokke by verskeie gemeenskapsprojekte onder leiding van bekwame, entoesiastiese dosente. Die Departement handhaaf ook goeie verhoudings met die bedryf en potensiële werkgewers en streef daarna om die belange van sy studente voorop te stel.


Al die voorgraadse studieprogramme behels vier jaar voltydse studie. UP is tans die enigste universiteit in Suid-Afrika wat grade in Verbruikerswetenskap met ’n besondere fokus op die ekonomiese en bestuursaspekte van die vakgebied aanbied. Studente is dus baie gesog in veral die kleinhandelomgewing. Verder is dit moontlik om nagraadse studies (’n meesters- of doktorsgraad) in beide rigtings, naamlik in Verbruikerswetenskap of in Ekonomiese en Bestuurswetenskappe, te doen. Elke studieprogram fokus op ’n bepaalde produkkategorie en bestudeer produkeienskappe, gebruike, verbruikers se aankooppraktyke, produkbestuur (insluitende wêreldwye verspreiding en volhoubare gebruik) sowel as die ontwikkeling van nuwe produkte en dienste. Die kern van verbruikerswetenskap wentel om praktyke om verantwoordelike, ingeligte verbruikersbesluitneming en verbruikerstevredenheid aan te moedig, asook wyses waarop die behoeftes van individue en groepe in kleinsake-ondernemings en die kleinhandel aangespreek kan word. In lesings en praktika word ’n probleemoplossingsbenadering gevolg om studente die geleentheid te gee om onafhanklik te werk. Hierbenewens word ’n BSc-graad in Voeding en Voedselwetenskap, wat veral op die verbruikersaspekte van voedsel en voeding fokus, ook aangebied.

Loopbaangeleenthede

Loopbaangeleenthede is baie divers en gegradueerdes se eindbestemming word grootliks deur hulle persoonlikhede en belangstellings bepaal. Studente word dus deur middel van verpligte praktykblootstelling tydens die studietermyn gelei om verskillende loopbaangeleenthede te ondersoek. In die vierde studiejaar doen studente ook ’n skripsie wat hulle die geleentheid bied om aan ’n formele navorsingsprojek deel te neem en om die moontlikheid van nagraadse studie te ondersoek. Die Departement het deur die jare

goeie kontakte met werkgewers opgebou en studente wat goed vaar tydens praktykblootstelling, is dikwels van poste verseker voordat hulle die finale eksamens afgelê het.

Uitnemende prestasies

Verskeie instansies is betrokke by die gereelde evaluering van die studieprogramme en neem ook deel aan die jaarlikse prysuitdelingsgeleentheid vir toppresteerders in die onderskeie studieprogramme. Verskeie studente het ook al pryse gewen in internasionale kompetisies. Dosente en nagraadse studente neem jaarliks aan internasionale kongresse deel as vertoonvenster van die gehalte van die onderrig wat deur die Departement aangebied word.

Nagraadse studies

Studente wat ’n vierjaargraad in Verbruikerswetenskap voltooi het, kan aansoek doen vir die meestersgraad, wat twee jaar se voltydse studie of drie jaar se deeltydse studie behels. Vier spesialiseringsrigtings word aangebied: interieurwarebestuur, kledingbestuur, voedselbestuur (wat vir spesialisering in gasvryheidsbestuur en voeding voorsiening maak), algemeen (wat aanbeveel word vir studente wat nie ’n bemarkingsagtergrond het nie en wat nie tydens hulle voorgraadse studies in die voorafgaande vakgebiede gespesialiseer het nie). Studente woon gedurende die eerste jaar klasse in vyf tot ses geskeduleerde bloktye by om fundamentele vakke en keusemodules te voltooi. Daarna werk hulle onder toesig van ’n studieleier aan ’n navorsingsprotokol en die finale verhandeling wat ekstern geëvalueer word deur ’n vakspesialis by ’n ander tersiêre instelling.

Talle van die projekte word deur die bedryf ondersteun. Die uitkomste van navorsingsinisiatiewe word internasionaal gepubliseer. Die Departement word ook jaarliks verteenwoordig by internasionale kongresse waar daar oor afgehandelde navorsing gerapporteer word. Na voltooiing van ’n meestersgraad in Verbruikerswetenskap kan ’n student vir ’n PhD registreer. Verbruikerswetenskap gee studente die geleentheid om hul belangstellings in hul beroepe uit te leef.

Departement Voedselwetenskap

Die Departement Voedselwetenskap maak goeie vordering om internasionaal erken te word as die opleidings- en navorsingsleier in voedselwetenskap en voeding, met spesialisasie in die gesondheid en welsyn van die mense van Afrika. Die voedselbedryf is Suid-Afrika se grootste vervaardigingsbedryf. In moderne tye word alle voedsel in ’n sekere mate verwerk. Voedselwetenskaplikes bestudeer die chemiese samestelling, struktuur en voedingswaarde van voedsel. Hulle moniteer en doen navorsing oor die chemiese, fisiese en biologiese veranderings in voedsel tydens verwerking, preservering en berging. Voedselwetenskaplikes word opgelei om voedselprodukte te ontwikkel wat aan die dinamiese behoeftes van moderne verbruikers voldoen. Ewe belangrik is die bydrae wat hulle maak om hongersnood en wanvoeding te beveg deur die ontwikkeling en daarstelling van bekostigbare, voedsame voedsel.



© R

udi v

an A

arde

Studente in die Departement Voedselwetenskap kan vir een van die volgende studieprogramme registreer:• BSc (Voedselwetenskap) (drie jaar)• BScAgric (Voedselwetenskap en -tegnologie) (vier jaar)• BSc (Voeding) (vier jaar)

Nagraadse studie kan lei tot ’n honneurs-, meesters- en doktorsgraad. Die Departement Voedselwetenskap het ’n internasionaal erkende navorsingsrekord wat gehandhaaf word deur topgegradeerde wetenskaplikes. Aktiewe deelname aan nasionale en internasionale navorsingsprogramme lok die room van studente van sowel binne as buite Suid-Afrika. Die Departement is aktief betrokke by die Suid-Afrikaanse Vereniging vir Voedselwetenskap en -tegnologie (South African Association for Food Science and Technology – SAAFoSTI) en bedryfsverenigings vir vleis, suiwel en grane. Studente reël opvoedkundige en sosiale aktiwiteite deur hul eie vereniging, TUKSFoST.

Volop geleenthede word gebied vir studente om loopbaangerigte blootstelling te kry tydens praktiese opleidingsessies, besoeke aan voedselmaatskappye en -organisasies, bywoning van nasionale en internasionale konferensies en geleenthede, deelname aan kompetisies bv die voedselprodukontwikkelingskompetisie en mentor-skapprogramme van die internasionale Institute of Food Technologists. Navorsingsaktiwiteite in die Departement fokus op voedselprodukveiligheid, voedsame en gesondheidsbevorderende voedsel en drinkgoed vir Afrika, plantbiopolimere en bioplastiekmikrostrukture en nanomateriale, asook sensoriesewetenskapnavorsing wat bydra tot voedsel, voeding en welstand in Afrika.

Beskrywing van die studieprogrammeDie studieprogramme is ontwerp om te voldoen aan die toenemende verantwoordelikheid om voedsame, veilige en bekostigbare voedsel vir die mense van Afrika te voorsien.

BSc (Voedselwetenskap) (drie jaar)

Studente ontvang beroepsrelevante opleiding in die natuur- en biologiese wetenskappe, gevolg deur spesialisasie in voedselwetenskap en -tegnologie. Die program is sowel akademies as prakties gerig en berei studente voor vir ’n ekonomies bevredigende loopbaan in die voedselbedryf. Dit voorsien die nodige vaardighede om voedselwetenskap- en tegnologiekonsepte toe te pas, ontwikkel kritiese denke en probleemoplossings-vaardighede en bied ruim geleentheid vir persoonlike intellektuele groei en bydraes tot die wetenskap en gemeenskap. Studente voltooi ook navorsingsprojekte. Gegradueerdes kan as natuurwetenskaplikes by die Suid-Afrikaanse Raad vir Natuurwetenskaplike Professies (South African Council for Natural Scientific Professions – SACNASP) registreer.

Jaar 1: Chemie, Fisika, Wiskunde, Genetika, Mikrobiologie, Plantbiologie, Dierediversiteit, Biometrie, Taalvaardighede, Akademiese Inligtingbestuur

Jaar 2: Voedselwetenskap (Inleiding tot Voedselweten-skap en -tegnologie, Beginsels van Voedselprosessering en -bewaring), Mikrobiologie (Voedselmikrobiologie, Bakteriologie, Mikologie), Biochemie (Biochemie in Perspektief, Inleiding tot Proteïene en Ensieme, Koolhidraatmetabolisme, Lipied- en Stikstofmetabolisme)

Jaar 3: Voedselchemie, Voedselingenieurswese, Voedsel-mikrobiologie, Diere- en Plantvoedselwetenskappe, Geïntegreerde Voedselwetenskap (seminare)

BSc (Voedselwetenskap)-gegradueerdes word aangemoedig om ook ’n nagraadse BScHons (Voedsel-wetenskap)-graad, wat een jaar duur, met die volgende modules te voltooi: Navorsingsprojek, Navors-ingsmetodologie en Seminaar, Gevorderde Diere- en Plantvoedselwetenskappe en -tegnologieë, Sensoriese Analise, Produkontwikkeling en Kwaliteitsbestuur, Gevorderde Voedselwetenskap.

Die honneursprogram kan ook op ’n deeltydse basis oor twee jaar voltooi word. Gegradueerdes met ’n gemiddeld van 60% vir die honneursgraad, kan vir die MSc (Voedselwetenskap) inskryf.

BScAgric (Voedselwetenskap en -tegnologie) (vier jaar)

Vir hierdie graad word ’n soortgelyke program as BSc (Voedselwetenskap) gevolg, maar met insluiting van ’n seleksie van landbou-ekonomiemodules gedurende die tweede en derde jaar. Gedurende die vierde studiejaar, volg studente ’n soortgelyke program as BScHons (Voedselwetenskap). Gegradueerdes met ’n gemiddeld van 60% vir hul finale jaar kan inskryf vir die MScAgric (Voedselwetenskap en -tegnologie)-graad.

BSc (Voeding) (vier jaar)

Die Voedingdissipline handel oor die menslike vereistes vir voedsel en die invloed daarvan op die welsyn van individue en gemeenskappe. Hierdie studieprogram rus studente toe met die vaardighede om die voedingsbehoeftes van die ontwikkelde en ontwikkelende gemeenskappe in Suid-Afrika en elders in die wêreld te verstaan. Die vierjaargraad word gesamentlik deur die Departement Voedselwetenskap (Fakulteit Natuur- en Landbouwetenskappe) en die Departement Menslike Voeding (Fakulteit Gesondheidswetenskappe) aangebied.

Twee spesialisasie-opsies is beskikbaar: voedingwe-tenskappe, en openbaregesondheidsvoeding (Gemeen-skapsvoeding). Die openbaregesondheidsvoeding-opsie stel gegradueerdes in staat om as voedingkundiges by die Raad vir Gesondheidsberoepe van Suid-Afrika (Health Professions Council of South Africa – RGSA) te registreer. Die voedingwetenskappe-opsie stel gegradueerdes in staat om as natuurwetenskaplikes by die Suid-Afrikaanse Raad vir Natuurwetenskaplikes Professies (South African Council for Natural Scientific Professions – SACNASP) te registreer.

Jaar 1: Chemie, Fisika, Wiskunde, Genetika, Mikrobiologie, Biologie, Biometrie, Taalvaardighede, Akademiese Inligtingbestuur, Inleiding tot Voedsel, Voeding en Gesondheid, Anatomie

Jaar 2: Voeding (Menslike Voeding), Biochemie (Biochemie in Perspektief, Inleiding tot Proteïene en Ensieme, Koolhidraatmetabolisme, Lipied- en Stikstof-metabolisme, Biochemiese Beginsels van Voeding en Toksikologie), Fisiologie (Inleidende Neurofisiologie, Bloedsomloopfisiologie, Long- en Nierfisiologie, Suur-basisbalans en -temperatuur, Vertering, Endokrinologie en Voortplantingstelsel), Voedselwetenskap (Beginsels van Voedselverwerking en -bewaring)


Landbou- en Voedselwetenskappe/Wiskundige Wetenskappe

Studente wat kies om toegelaat te word tot die gemeenskapsvoeding-opsie in Jaar 3 moet teen 30 Julie gedurende Jaar 2 aansoek doen. Slegs studente wat al die modules in jare 1 en 2 geslaag het, sal vir keuring oorweeg word.

Jaar 3: Biochemie (Immunobiologie, Molekulêre Basis van Siektes), Voeding (Voedingsassessering, Voedsel-samestelling en Toegepaste Voedingsprogramme, Voed-sel- en Voedingsekuriteit), Voedselwetenskap (Chemie van Makro- en Mikro-voedingstowwe, Voedselveiligheid en -higiëne), Etiek en Menseregte in Gesondheidsorg, Navorsingsprojek

Openbaregesondheids-voeding

Voedingswetenskappe

• Gemeenskapsvoeding • Toepassing van

Kommunikasie-beginsels in ’n Dieetkunde- en Voedingskonteks

• Biochemie• Biochemie van

Proteïene• Makromolekules van

die Lewe• Immunobiochemie• Xenobiochemie

Jaar 4:Openbaregesondheids-voeding

Voedingswetenskappe

• Gevorderde Voedsel, Voeding en Gesondheid

• Gemeenskapsvoeding• Openbaregesondheids-

voeding• Gemeenskapsaspekte

van Voedsel• Navorsingsprojek• Internskapopleiding

• Navorsingsprojek • Navorsingsmetodologie

en Seminaar• Biometrie• Internasionale

Voeding• Gevorderde Voedsel,

Voeding en Gesondheid

Gegradueerdes met ’n gemiddeld van 60% vir hul finale jaar kan inskryf vir MSc (Voeding).

Wiskundige Wetenskappe

Departement Versekerings- en Aktuariële Wetenskap

Die Departement is trots op sy alumni, wat van die hoogste poste in die plaaslike en internasionale versekerings- en beleggingsektore beklee. Daar word gestreef om die studieprogram kompeterend te hou om studente die geleentheid te bied om die Universiteit te verlaat met die hoogste aantal vrystellings van die Aktuarisvereniging van Suid-Afrika (ASSA) se eksamens. Die akademici is hoogs gekwalifiseerd en dien op verskeie komitees van die ASSA.

Die moderne finansiële bedryf is ’n vinnig veranderende wêreld. Hierdie veranderings het ’n toenemende behoefte geskep aan gegradueerdes wat opgelei is in die finansiële modelle en kwantitatiewe tegnieke wat gebruik word in aktuariële en finansiële ingenieurswesetoepassings. Studente wat ingeskryf is vir BSc (Aktuariële en Finansiële Wiskunde) sal hulle kursuswerk so kan beplan dat hulle óf ’n aktuariële óf ’n finansiële-ingenieurswese-opsie kan volg. Die studieprogram verskaf uitgebreide opleiding wat aan die studente meer as die norm bied en wat hulle in staat sal stel om die aktuariële en finansiële probleme van die toekoms te hanteer.

Die studieprogram het ’n kernkomponent van verpligte vakke en keusevakke. Met betrekking tot die aktuariële opsie, is die studieprogram op so ’n wyse saamgestel dat dit ’n voornemende aktuaris die geleentheid bied om in die kortste moontlike tyd aan die vereistes vir vrystelling van die kursusse van ASSA te voldoen. Om die maksimum vrystelling te verkry, word ’n opvolghonneursgraad egter aanbeveel. Studente wat nie beoog om as aktuarisse te kwalifiseer nie, sal met BSc (Aktuariële en Finansiële Wiskunde) goed toegerus wees vir loopbane as aktuariële tegnici.

Ek is tans besig met ’n meestersgraad in Aktuariële Wetenskap, wat beteken dat 2013 my vyfde studiejaar is. Die aspekte van my kusus wat ek veral baie geniet, is die uitdagings wat dit ten opsigte van die akademie en op ander gebiede bied. Die heel beste ding omtrent die Fakulteit Natuur- en Landbouwetenskappe waaraan ek kan dink, is die vriendelikheid en hulpvaardigheid van mense binne en buite my Departement.

Ek waardeer die geleentheid wat ek het om lesings vir tweedejaarstudente aan te bied, aangesien dit my in staat stel om sowel die studente se begrip van Aktuariële Wiskunde as my eie te ontwikkel. Die Universiteit het my aangemoedig om my navorsing tussen twee Fakulteite te verdeel, en dit het meegebring dat ek kennis gemaak het met talle baie begaafde mense wat ’n belangrike invloed op my toekoms sal hê. Ek het gedurende my universiteitsloopbaan verskeie pryse ontvang, wat die volgende ingesluit het: die FNB-prys vir die beste tweedejaarstudent in Wiskundige Statistiek, die FNB-prys vir die beste tweedejaarstudent in Aktuariële Wiskunde, die Momentum-prys vir die beste honneursstudent in Lewensversekering en die Prudential-prys vir die beste honneursstudent in Lewensgebeurlikhede.

Ek dink ek is nog te jonk om nou al van ’n droomberoep te kan praat, maar as ek sou móés kies, sou dit iets te doen hê met die ontwikkeling van Aktuariële Wetenskap. Ek sou graag ’n bydrae wou lewer tot die ontwikkeling van nuwe tegnieke en produkte wat ’n omwenteling in die finansiële bedryf teweeg sal bring en dit sal beveilig.

Matthew Smith


Wiskundige Wetenskappe

Vir voornemende finansiële ingenieurs sal die program diepte verleen en hulle vermoëns ontwikkel om finansiële produkte te ontwerp en te ontleed. Die analitiese tegnieke wat noodsaaklik is vir die modellering van die stogastiese gedrag van finansiële prosesse en die simulasie van die gevolglike effekte op beleggingsportefeuljes, word bestudeer.


Verpligte vakke is wiskundige statistiek, analise, finansiële ingenieurswese (derdejaarsvlak), calculus, lineêre algebra, differensiaalvergelykings, aktuariële wiskunde, informatika (tweedejaarsvlak), numeriese analise, finansiële bestuur, ekonomie en rekenaarwetenskap (eerstejaarsvlak). Keusevakke is onder andere finansiële wiskunde en versekerings- en aktuariële toepassings, aktuariële modellering, dinamiese stelsels en stogastiese prosesse.

Departement Wiskunde en Toegepaste Wiskunde

Wiskunde is die taal van wetenskap en tegnologie. Wiskunde, wat sy oorsprong het in rekenkunde en meetkunde, handel oor patroon en struktuur. Toegepaste wiskunde handel meer oor die modellering en hantering van probleme in die werklike lewe op ’n verskeidenheid gebiede soos ingenieurswese, finansies, statistiek, fisika en biologie. Die krag van wiskunde en toegepaste wiskunde lê in die abstrakte, analitiese en berekeningsaard daarvan. Wiskunde is noodsaaklik in alle tegnologiese, finansiële en bestuursektore, wat die ruggraat van die Suid-Afrikaanse ekonomie vorm.

Die studie van wiskunde

Die Departement Wiskunde en Toegepaste Wiskunde is nie net een van die grootstes op die Hatfieldkampus nie, maar ook een van die grootste wiskundedepartemente in die land, met ongeveer 18 000 studente wat ingeskryf is vir wiskundemodules. Die Departement roem daarop

dat hy uitblink in onderrig- en navorsingsaktiwiteite sowel as in gemeenskapsgebaseerde aktiwiteite. Die Wiskundegebou self het ’n klassieke ouwêreldse karakter en is gebou om ’n vierkant waar die studentebedrywighede bydra tot die dinamika van die akademiese omgewing.

Die diverse en bekwame personeelkorps beskik oor kundigheid in ’n verskeidenheid dissiplines. Navorsers reis dikwels oorsee om kongresse by te woon of om navorsingsbesoeke te bring. Die Departement het 18 NRF-gegradeerde navorsers in dissiplines wat strek van die meer tradisionele abstrakte analise tot die kontemporêre epidemiologieveld waar modellering van biologiese verskynsels tot opwindende opsies lei. Die Departement is dikwels die gasheer vir gesiene besoekers soos die Fields-medaljewenner, prof Laurent Lafforgue van Frankryk.

Wiskundegerigte studente geniet die stimulerende atmosfeer van die Departement en kan meeding om gesogte toekennings soos die Dewald Hattingh-prys vir die beste derdejaarstudent. ’n Graad in Wiskunde lei ’n student op om die nuutste probleemoplossingstegnieke toe te pas, te evalueer en aan te pas, en ook om nuwe wiskundige modelle te ontwikkel uit natuurlike, tegnologiese en finansiële verskynsels.


• BSc (Wiskunde). Verpligte vakke is analise, abstrakte algebra, meetkunde (derdejaarsvlak), calculus, lineêre algebra, differensiaalvergelykings, diskrete strukture (tweedejaarsvlak), wiskundige modellering, wiskundige statistiek, numeriese analise en dinamiese prosesse (eerstejaarsvlak).

• BSc (Toegepaste Wiskunde). Verpligte vakke is analise, kontinuummeganika, numeriese analise, parsiële differensiaalvergelykings, dinamiese stelsels (derde-jaarsvlak), calculus, lineêre algebra, diskrete strukture, differensiaalvergelykings (tweedejaarsvlak), wiskundige modellering, wiskundige statistiek en dinamiese prosesse (eerstejaarsvlak).

Henry Thackeray, ’n BScHons-student in Wiskunde by UP, was in 2012 die wenner van die heel eerste Suid-Afrikaanse Tersiêre Wiskunde-olimpiade (SATMO). Die deelnemers was voorgraadse Wiskundestudente by universiteite vanoor die hele land. Henry se prestasie van 90% was veral uitsonderlik as ’n mens in ag neem dat sy naaste teenstander slegs 65% behaal het. Hy was ook die ontvanger van die Dewald Hattingh-boekprys vir die beste derdejaarstudent in Wiskunde in 2012.

Sy aanleg vir wiskunde het reeds vanaf ’n vroeë ouderdom geblyk, en as volwassene het sy belangstelling in dié vakgebied en die genot wat hy daaruit put geensins vervaag nie. Hy het gereeld in Wiskunde-

olimpiades uitgeblink en vroeg in sy hoërskooljare was hy die wenner tydens die Nasionale Wiskunde-olimpiade, waarin hy teen heelwat ouer deelnemers meegeding het. Daarna het hy Suid-Afrika in die Internasionale Wiskunde-olimpiade verteenwoordig en ’n silwer medalje verower. Henry se passie vir wiskunde het sedert sy skooldae talle toekennings en pryse aan hom besorg, en deesdae vaar hy ewe goed op universiteit. Hy sit sy studie tans op nagraadse vlak voort en beplan om ’n PhD-kwalifikasie te verwerf ten einde hom voor te berei op ’n beroep as navorser op die gebied van tergende wiskundeprobleme.

Henry Thackeray (links)


Wiskundige Wetenskappe/Gemeenskapsontwikkelingsinisiatiewe

Nagraadse studie

Nagraadse studie en navorsing is belangrike prioriteite van die Departement en geskied op verskeie uiters relevante gebiede. • Honneurs. Vir ’n honneursgraad sal ’n student

gewoonlik ’n aantal modules moet doen en ’n skripsie onder leiding van ’n studieleier moet skryf. Die graad duur een jaar vir voltydse studente en twee jaar vir deeltydse studente.

• Meestersgraad. Die studietydperk vir ’n MSc is ’n minimum van een jaar se voltydse studie, maar dit duur gewoonlik twee jaar. Die uitkoms is drie magistermodules, asook ’n verhandeling wat toon dat die student oor die vermoë beskik om ’n wetenskaplike ondersoek te beplan, daarmee te begin, dit uit te voer en verslag daaroor te lewer.

• Doktoraal. ’n PhD vereis van die student om oorspronklike navorsing te doen in een van die navorsingsgebiede wat deur die Departement ondersteun word.

Departement Statistiek

Wiskundige statistiek is die kuns en wetenskap van die versameling, ordening, analise, interpretasie en voorlegging van data met die doel om wetenskaplik gefundeerde gevolgtrekkings te maak. Kortliks kan statistiek onder andere beskou word as die wetenskap van die verkryging van inligting uit data. Interaktiewe gebruik van die rekenaar stel die statistikus in staat om statistiese modelle en metodes toe te pas op alle soorte navorsing. Daar word van statistici verwag om te beskik oor ’n verskeidenheid vaardighede. ’n Sterk numeriese agtergrond en belangstelling, die begeerte om rekenaarprogrammering en die gebruik van verskeie sagtewarepakkette te bemeester, die vermoë om met professionele persone uit ’n groot verskeidenheid dissiplines te skakel en mondelinge en geskrewe kommunikasievaardighede is uiters belangrik.


Verpligte vakke is wiskundige statistiek (derdejaarsvlak), wiskundige vakke, naamlik calculus, lineêre algebra, analise (tweedejaarsvlak), asook rekenaargeletterdheid en taalvaardigheid (eerstejaarsvlak). Keusemodules sluit vakke uit verskeie dissiplines soos rekenaarwetenskap, wiskunde, versekeringswese, fisika, chemie, meteorologie, dierkunde en vele ander in, afhangende van die student se belangstellingsveld.

Presteerdertoekennings

Aan die einde van ’n student in wiskundige statistiek se finale voorgraadse jaar word ’n prysuitdelingsgeleentheid gehou waartydens studente wat in al drie hul voorgraadse jare onderskeidings in die vak verwerf het, ’n spesiale sertifikaat ontvang. Tydens dieselfde geleentheid word daar ook sertifikate en pryse oorhandig aan die algehele toppresteerder in wiskundige statistiek op derdejaarsvlak en aan die toppresteerder in die praktiese komponent van wiskundige statistiek op die derdejaarsvlak. Daar word ook jaarliks ’n aantal beurse beskikbaar gestel, geborg deur Statomet en die Suid-Afrikaanse Navorsingsleerstoelinisiatief (South African Research Chair Initiative – SARChI) se Leerstoel in Statistiek, aan toppresteerders wat besluit om voort te gaan met honneursgrade in wiskundige statistiek.

Gemeenskapsontwikkelings-inisiatiewe

Sci-Enza

Sci-Enza (voorheen die Eksploratium) is ’n wetenskapsentrum waar die algemene publiek, en veral groepe skoolkinders, eerstehandse ervaring van wetenskap en tegnologie kan opdoen. Hier kan besoekers aan ’n verskeidenheid interaktiewe uitstallings in fisika, plantkunde, dierkunde, wiskunde en ingenieurswese deelneem. Vir georganiseerde groepe word wetenskapvertonings, asook begeleide toere deur die botaniese tuin en na die Camera Obscura op die Hatfieldkampus aangebied. Besoekers mag ook die gewilde wetenskapboeke en -tydskrifte, sowel as videofasiliteite in die leeshoekie gebruik. Sci-Enza is gedurende gewone kantoorure op weekdae oop. Vir individue is toegang gratis. Georganiseerde groepe wat ’n wetenskapvertoning bywoon, betaal ’n nominale bedrag van R10 per persoon. Kontak die kurator by tel: +27 (0)12 420 2865/3767 om ’n besoek te reël.

Tegnologiewerkswinkels

Sci-Enza bied gereeld werkswinkels op versoek aan wat ongeveer 30 deelnemers kan akkommodeer. Deelnemers gebruik stelle Lego-blokkies, K’nex en ander algemeen beskikbare materiale om basiese tegnologieprobleme op te los. Ratte, hefbome, strukture en ander onderwerpe wat ooreenstem met skole se tegnologiesillabusse, word gedek onder leiding van ’n instrukteur. ’n Nominale bedrag word gehef vir die werkswinkels. Belangstellende partye kan hul werkswinkels reël deur ’n afspraak met die kurator te maak by tel: +27 (0)12 420 2865/3767.

UP with Science

Die UP with Science-verrykingsprogram is in 1998 bekendgestel en is daarop gerig om jongmense se kennis, belangstelling en vaardighede in die wetenskap te bevorder. Sowat 50 kandidate word uit skole in die nabye omgewing van die Universiteit gekeur om aan die program deel te neem. Programaktiwiteite strek oor ’n tydperk van drie jaar, vanaf Graad 10 tot Graad 12. Dit behels Saterdagklasse een maal per maand en ’n week lange winterskool een maal per jaar gedurende die Julie-skoolvakansie. Deelnemers wat die program voltooi, ontvang studiebeurse in die vorm van universiteitsklasgelde indien hulle vir studieprogramme in die Fakulteit Natuur- en Landbouwetenskappe aan die Universiteit van Pretoria inskryf. Omdat die UP with Science-program hoofsaaklik in Engels aangebied word, word die inligtingsmateriaal in Engels beskikbaar gestel. Afrikaanssprekende kandidate is egter welkom om hul aansoeke in Afrikaans in te dien.

Elke skool mag ’n maksimum van twee kandidate nomineer. Die Universiteit sal sowat 50 kandidate uit die aansoeke kies, en suksesvolle kandidate sal in kennis gestel word van hul keuringsuitslae. Die UP with Science-groep sal so saamgestel word dat die rasse- en geslagtelike diversiteit van die Suid-Afrikaanse bevolking daarin verteenwoordig word. Die twee belangrikste kriteria vir die keuring van kandidate is akademiese potensiaal en belangstelling in die wetenskap. Skakel mev Helga Nordhoff by tel: +27 (0)12 420 2638 vir meer inligting.


Algemene Inligting

Algemene inligting

Fakulteitspesifieke inligtingTel: +27 (0)12 420 4578

(Me Grace Zitha) E-pos: [email protected]: By die ingang van die

Landbouwetenskappegebou Hatfieldkampus

Kliëntedienssentrum-kontakinligtingTel: +27 (0)12 420 3111E-pos: [email protected] Webwerf: www.up.ac.zaOuerblad: www.up.ac.za/parentsLigging: Universiteit van Pretoria

hv Lynnwoodweg en RoperstraatHatfield

Posadres: Universiteit van Pretoria Privaatsak X20

Hatfield 0028

GPS-koördinate van UP-kampusseHatfield: S25º 45’ 21” O28º 13’ 51”GIBS: S26º 07’ 46” O28º 02’ 46”

(56 km van Hatfieldkampus)Groenkloof: S25º 46’ 10” O28º 12’ 34”

(3.5 km van Hatfieldkampus)LC de Villiers: S25º 45’ 10” O28º 14’ 46”

(1.2 km van Hatfieldkampus)Mamelodi: S25º 43’ 22” O28º 23’ 56”

(12 km van Hatfieldkampus)Onderstepoort: S28º 10’ 54” O25º 38’ 52”

(22 km van Hatfieldkampus)Prinshof: S25º 43’ 57” O28º 12’ 10”

(6 km van Hatfieldkampus)

UP se bankbesonderhedeAbsaTak: HatfieldTakkode: 632005Rekeningnommer: 214 000 0054Swift-kode: ABSAZAJJ

Standard BankTak: HatfieldTakkode: 011545Rekeningnommer: 012 602 604Swift-kode: SBZAZAJJ

Verwelkomingsdag en die Program vir Registrasie en Aanvang van die Akademiese JaarBywoning van die Verwelkomingsdag op Saterdag, 18 Januarie 2014 en die program vir registrasie en aanvang van die akademiese jaar is verpligtend vir alle nuweling-eerstejaarstudente. Hierdie program is saamgestel om studente akademies voor te berei sodat hulle die oorgang van hoërskool na universiteit suksesvol kan maak.

AansoekeNuwe studente mag slegs registreer na suksesvolle toelating. Indien hulle voorwaardelike toelating het, moet hulle steeds voldoen aan die fakulteitsvereistes van die fakulteit waar hulle wil registreer met hulle eindeksamenuitslae van die finale skooljaar1. Nuwe studente sal dus eers kan registreer nadat hulle aansoek- en toelatingsproses goedgekeur is. Voorwaardelike

1 Eindeksamenuitslae van die finale skooljaar verwys na die uitslae van die eksamen wat deur Hoër Onderwys Suid-Afrika (Higher Education South Africa – HESA) as die minimum vereiste vir tersiêre studie in Suid-Afrika erken word.

toelating is gebaseer op die uitslae wat in die Graad 11-eindeksamen behaal is. Neem asseblief kennis dat die eindeksamenuitslae van die finale skooljaar steeds die bepalende faktor vir toelating is. Neem verder kennis dat die voldoening aan die minimum vereistes nie noodwendig toelating tot enige studieprogram waarborg nie.

Laat aansoekeVoordat jy ’n laat aansoek indien, kontak asseblief die Fakulteitsadministrasiekantoor om uit te vind of daar nog plekke beskikbaar is. Indien die studieprogram nie aan keuring onderworpe is nie en indien die Fakulteit nog plek beskikbaar het, sal jou aansoek oorweeg word. Laat aansoeke word slegs aanvaar op voorwaarde dat daar aan al die toelatingsvereistes vir die toepaslike studieprogramme voldoen word. As jy nie voldoen aan die vereistes nie, sal jou aansoek nie oorweeg word nie. Aansoekfooie is nie terugbetaalbaar nie.

Toelating (nuweling-eerstejaarstudente)• Indien jy voorwaardelik tot die Universiteit toegelaat

is, moet jy steeds voldoen aan die toelatingsvereistes van die studieprogram waarvoor jy toegelaat is met jou eindeksamenuitslae van die finale skooljaar. As jou eindeksamenuitslae van die finale skooljaar nie voldoen aan die toelatingsvereistes nie, kan jy die betrokke Fakulteit se Studenteadministrasiekantoor oor jou toelatingstatus kontak.

• Indien jy in ’n koshuis geplaas is, raadpleeg asseblief jou plasingsbrief vir okkupasiedatums.

• Indien jy voorwaardelik tot ’n koshuis toegelaat is, maar jou eindeksamenuitslae van die finale skooljaar laer is as die toelatingsvereistes, mag jy nie by die koshuis intrek totdat die betrokke Fakulteit se Studenteadministrasiekantoor jou toelating bevestig het nie. Toelating in sodanige gevalle is nie gewaarborg nie.

• Indien jy aansoek doen om sommige van jou finale skooljaarvakke te laat hermerk, maar jy voldoen nie aan die minimum toelatingsvereistes op grond van jou huidige uitslae nie, sal jy nie toegelaat word om intussen te registreer nie. Hermerkuitslae is eers in Februarie beskikbaar en ingevolge die Universiteit se beleid sal sodanige punte nie in aanmerking geneem word nie. Jy is welkom om vir die daaropvolgende akademiese jaar aansoek te doen.

Nasionale Normtoets (National Benchmark Test – NBT)Die Nasionale Normtoets is nie verpligtend vir alle studieprogramme nie. Verwys asseblief na die betrokke studieprogramme in hierdie brosjure. Let asseblief daarop dat die Akademiese Geletterdheidstoets nie die Nasionale Normtoets vervang nie.

KontakinligtingTel: +27 (0)21 650 3523Webwerf: www.nbt.ac.za

Die berekening van die Toelatingspunttelling (TPT) is gebaseer op ŉ kandidaat se prestasie in enige ses erkende 20-kredietvakke (nie slegs aangewese vakke nie) deur gebruik te maak van die onderstaande sewepuntgraderingskaal. Lewensoriëntering word uitgesluit by die berekening van die TPT.


Algemene inligting

Prestasie Prestasievlak Punt7 Uitstaande prestasie 80–100%6 Verdienstelike prestasie 70–79%5 Wesenlike prestasie 60–69%4 Voldoende prestasie 50–59%3 Middelmatige prestasie 40–49%2 Elementêre prestasie 30–39%1 Nie behaal nie 0–29%

Taalbeleid en onderrigmediumWat onderrig betref, maak die Universiteit van twee amptelike tale gebruik: Afrikaans en Engels. By formele onderrig is die onderrigmedium Afrikaans of Engels, of albei tale – indien daar ’n aanvraag is, en indien dit akademies en ekonomies regverdigbaar is. Dit bly egter steeds ’n student se verantwoordelikheid om jaarliks vas te stel in watter taal ’n module en alle verdere vlakke van die module aangebied word. Wat administratiewe en ander dienste betref, is studente daarop geregtig om te kies of die Universiteit in Afrikaans of Engels met hulle moet kommunikeer.

Akademiese Inligtingbestuur (Academic Information Management – AIM)• Akademiese Inligtingbestuursmodules (AIM 101,

of beide AIM 111 en AIM 121), afhangende van jou studieprogram, is verpligtend vir alle nuweling-eerstejaarstudente.

• AIM 101 word in die eerste of tweede semester aangebied, afhangende van jou studieprogram.

• AIM 111 sal in die eerste semester en AIM 121 in die tweede semester aangebied word.

• Daar is geen vrystellingseksamens beskikbaar vir AIM 101 of AIM 111 en AIM 121 nie.

Akademiese geletterdheid vir eerstejaarstudente’n Onvoldoende vlak van akademiese geletterdheid kan ’n negatiewe invloed hê op ’n student se kanse vir akademiese sukses. Die Universiteit van Pretoria beskik oor prosesse om studente te identifiseer wat ontwikkeling benodig deur gebruik te maak van hul Graad 12-punte in Afrikaans of Engels, of die uitslag van die Akademiese Geletterdheidstoets. Volle besonderhede sal in die inligtingsbrosjure oor die program vir registrasie en aanvang van die akademiese jaar, wat in November of Desember aan alle toegelate studente versprei sal word, gekommunikeer word. As daar van jou verwag word om die toets te skryf, sal daar tyd in hierdie program ingeruim word. Indien jou Graad 12-punte in Afrikaans of Engels gebruik gaan word, sal die Fakulteit se Studenteadministrasiekantoor jou registreer vir die toepaslike studieprogram soos geïdentifiseer deur jou Fakulteit.

Neem asseblief kennis dat die Akademiese Geletterdheidstoets nie die Nasionale Normtoets (NBT) vervang nie.

Beurse, toekennings en lenings (finansiële ondersteuning)Die Universiteit behou die reg voor om die regulasies en voorwaardes van toepassing op beurse, toekennings en lenings sonder kennisgewing te wysig. Studente wat belangstel in die ondersteuningsbeurse en -lenings wat deur die Universiteit geadministreer word, kan aanlyn aansoek doen via die Universiteit se webwerf www.up.ac.za/feesfunding. Dit is egter nie van toepassing op prestasietoekennings nie, aangesien ’n ander proses in hierdie verband gevolg word.

KontakinligtingWebwerf: www.up.ac.za/feesfunding

Inligting in verband met studiekostes, rekeninge en finansiële ondersteuning word op die Universiteit se webwerf by www.up.ac.za/feesfunding gepubliseer sowel as in die Fooie en Befondsing-brosjure wat by die Kliëntedienssentrum beskikbaar is.

SportbeurseSportbeurse, onderhewig aan verskeie voorwaardes, is beskikbaar vir sportpresteerders wat ten minste provinsiale kleure in spesifieke sportsoorte behaal het. Daar word van hierdie studente verwag om aktief deel te neem aan hier-die sport vir ’n UP-klub terwyl hulle aan die Universiteit van Pretoria studeer. Die sluitingsdatum vir aansoeke is 30 Sep-tember van die jaar wat die aanvang van studie voorafgaan. Beursaansoekvorms is by die Sportsentrum beskikbaar.

KontakinligtingTel: +27 (0)12 420 6060E-pos: [email protected]: www.up.ac.za/sport

Ander beursopsiesJy kan ook die volgende webwerwe besoek vir inligting rakende beurse: • www.up.ac.za/feesfunding• www.gostudy.mobi wat beurse lys volgens studierigtings• http://bursary.hcifoundation.co.za• The Bursary Register:

Tel: +27 (0)11 672 6559E-pos: [email protected]

Edu-loanEdu-Loan is ’n geregistreerde kredietverskaffer wat toegang tot studielenings aan sowel werknemers as voltydse studente bied. ’n Studentelening kan ’n wye reeks studentverwante behoeftes insluit, soos boeke, bybehore, skootrekenaars, universiteits- en privaat verblyf sowel as studieonderrig teen ’n vaste maandelikse paaiement.

Enigeen (studente, ouers of voogde) kan vir ’n lening aansoek doen mits die aansoeker voltyds in diens is of ’n geregistreerde sakeonderneming besit.

KontakinligtingTel: +27 (0)12 420 5175/2161 of

+27 (0)86 632 8882/3E-pos: [email protected] Ligging: K1-13 StudentesentrumKantoorure: 08:00–16:00


Algemene inligting

Gewaarborgde voorgraadse prestasietoekennings: 2015Leerders doen nie aansoek vir die prestasietoekennings hieronder nie. Hierdie toekennings is gebaseer op akademiese prestasie.

Kwalifiserendegemiddelde persentasie

Fakulteit Ingenieurswese, Bou-omgewing en Inligtingtegnologie

enFakulteit Natuur- en

Landbouwetenskappe

Fakulteit Gesondheidswetenskappeen

Fakulteit VeeartsenykundeAnder fakulteite

75%–79.99% R6 000 – –

80%–89.99% R15 000 R6 000 R15 000

90%–100% R40 000 R20 000 R40 000

Neem kennis: Die Universiteit van Pretoria behou die reg voor om toekenningswaardes aan te pas sonder voorafkennisgewing. Verwys asseblief na www.up.ac.za/feesfunding vir die kriteria van toepassing op bogenoemde toekennings.

Ander prestasietoekennings: 2015Leerders doen nie aansoek vir die volgende twee toekennings nie. Hierdie toekennings is gebaseer op akademiese prestasie. Slegs studente met Suid-Afrikaanse burgerskap of permanente verblyf in Suid-Afrika word oorweeg vir hierdie toekennings.

Beskrywing Toekennings-waarde Fakulteit Notas

JuniorTukkie Graad 11-Bemagtigingsprogram (15 toekennings)

R13 600 Natuur- en LandbouwetenskappeGesondheidswetenskappeIngenieurswese, Bou-omgewing en Inligtingtegnologie

Die 15 leerders met die beste Graad 12-uitslae wat die JuniorTukkie Graad 11-Bemagtigingsprogram bygewoon het, sal elk ‘n bedrag van R13 600 ontvang.

Graad 12 dux-leerder (top- akademiese presteerder in Graad 12) van geselekteerde voederskole (een toekenning per skool)

R5 000 Enige fakulteit Die finale besluit rakende die keuring van skole vir hierdie toekenning, berus by die Universiteit van Pretoria.

Neem kennis: Die Universiteit van Pretoria behou die reg voor om toekenningswaardes aan te pas sonder voorafkennisgewing. Verwys asseblief na www.up.ac.za/feesfunding vir die kriteria van toepassing op bogenoemde toekennings.

KontakinligtingTel: +27 (0)12 420 3111E-pos: [email protected]: www.up.ac.za/feesfundingLigging: HatfieldkampusPosadres: Kliëntedienssentrum Universiteit van Pretoria Privaatsak X20 Hatfield 0028

Spesiale aanbod vir akademiese presteerdersNeem asseblief kennis van ŉ spesiale aanbod aan top- akademiese presteerders wat gebaseer is op gemiddelde persentasies wat behaal is in die eindeksamen van die finale skooljaar. Hierdie spesiale aanbod is slegs van toepassing op nuweling-eerstejaarstudente wat 75% of meer in die eindeksamen van hulle finale skooljaar behaal het. Vir meer inligting oor die Universiteit se spesiale aanbod aan nuweling-eerstejaarstudente, besoek www.up.ac.za/toelatingsinligting.

Ek is tans ’n tweedejaarstudent en is ingeskryf vir ’n BSc-graad in Biochemie. Die Fakulteit Natuur- en Landbouwetenskappe bied aan my die geleentheid om die lewenswetenskappe op ’n praktiese wyse te benader. Ek geniet elke uur wat ek in die laboratorium deurbring. Dis waar ek die waarde van spanwerk geleer het.

Terwyl ek nog op skool was, het ek in 2010 die toekenning vir die toppresteerder in Biologie (Gevorderde Vlak) ontvang, en in 2012 is die Shimadzu-toekenning vir akademiese prestasie in Biochemie op die 100-vlak deur die Universiteit van Pretoria aan my toegeken.

My droom is om as ’n mediese navorser ’n bydrae te lewer tot die verbetering van menslike gesondheid. Ek is daarvan oortuig dat dit vasberadenheid en ’n passie vir wetenskap is wat my gebring het tot waar ek vandag is. Ek wil graag my dank uitspreek teenoor my dosente

en al die mense in my lewe wat belangrike bydraes gelewer en my gehelp het om my droom van ’n beroep as wetenskaplike te verwesenlik.

Linience Maposa


Algemene inligting

GeldeRaadpleeg asb www.up.ac.za/feesfunding vir die beraamde onderriggelde vir 2014 in hierdie Fakulteit. Alle bedrae is onderworpe aan verandering en moet nie as die finale koste geag word nie. Die inflasiekoers gedurende 2014 kan as ’n riglyn gebruik word om die toename in onderriggelde vir 2015 te beraam.

Betalings, kortings en uitbetalingsDie gelde soos aangedui hieronder is vir 2014, tensy anders aangedui. Beskrywing Bedrag betaalbaar Wanneer betaalbaar NotasAansoekfooi R300

(vir 2015)Hierdie fooi is betaalbaar saam met die indiening van die aansoek vir studie.

• Hierdie fooi is nie terugbetaalbaar nie.

Registrasiefooi• Betaalbaar voor

registrasie• Ook betaalbaar

elke opeen- volgende jaar voor registrasie

R4 600 Keuringstudieprogramme

Hierdie fooi is betaalbaar BINNE 30 dae van plasing om jou studieplek te reserveer.

• Die registrasiefooi maak deel uit van die onderriggelde en is ’n aanvanklike betaling van onderriggelde.

• R950 van die R4 600 sal teruggehou word vir kansellasies wat BINNE 30 dae van plasing geskied.

• R2 300 van die R4 600 sal teruggehou word vir kansellasies wat LATER AS 30 dae na plasing geskied.

Alle ander studieprogramme

Die fooi is betaalbaar ten minste 5 dae voor registrasie in Januarie/Februarie.

• Die registrasiefooi maak deel uit van die onderriggelde en is ’n aanvanklike betaling van onderriggelde.

• Hierdie fooi is ten volle terugbetaalbaar indien die student nie registreer nie.

Internasionale heffingvir alle nie-Suid- Afrikaanse burgers

R2 500 Hierdie heffing is betaalbaar voor registrasie in Januarie/Februarie.

Hierdie heffing is ten volle terugbetaalbaar indien die student nie registreer nie.

Onderriggelde Verwys na www.up.ac.za/ feesfunding.

• Die helfte (50%) van die studenterekening is betaalbaar voor of op 30 April.

• Die volle (100%) studenterekening is betaalbaar voor of op 31 Julie.

• Rekeninge is beskikbaar op die UP-portaal (“Student Centre”) na registrasie.

• Rekeninge word maandeliks gepos vanaf Maart.

Korting vir vroeë vereffening

’n Korting van 2.5%word toegestaan indien die studenterekening teen 30 April ten volle vereffen is.

Gesinskorting • Twee studente – 10% korting word toegestaan op die onderriggelde van elkeen van die studente.

• Drie of meer studente – 20% korting word toegestaan op die onderriggelde van elkeen van die studente.

Doen aansoek voor 31 Maart. • Hierdie korting is slegs van toepassing op onderriggelde.

• Studente moet jaarliks aansoek doen.• Studente moet skriftelik aansoek doen.• Die 2.5%-korting vir vroeë betaling sal nie

toegestaan word op gesinskorting nie.• Aansoekvorms is beskikbaar by

www.up.ac.za/feesfunding of by die Kliëntedienssentrum.

Somerskool en Winterskool

Volle onderriggelde is betaalbaar vir die modules wat geneem word.

Fooie is betaalbaar saam met die res van die studenterekening.

Wanneer modules herhaal word, sal die volle onderriggelde weer gehef word.

Gelde betaal deur beursgewers

• Beurse dek soms die volle koste van die studie, soms nie.

• Maak seker dat jy bewus is van die volle waarde van jou beurs.

Buitemaatskappye en ander instansies wat studente borg met beurse, moet die verpligte betalings in die student se rekening maak teen dieselfde datums asof die student self die rekening betaal. • Die helfte (50%) van die

studenterekening is betaalbaar voor of op 30 April.

• Die volle (100%) studenterekening is betaalbaar voor of op 31 Julie.

• Studente moet voor registrasie ’n skriftelike bewys van die beursgewer indien oor die beurs wat aan hulle toegestaan is, anders sal hulle die registrasiefooi moet betaal.

• Studente bly verantwoordelik vir hulle studenterekeninge indien hulle beursgewers nalaat om die rekeninge te vereffen.

Kredietbalanse Kredietbedrae op jou rekening is betaalbaar.

Betaling hang af van die bron van die kredietbalans.

Die terugbetalingsvorm is beskikbaar op www.up.ac.za of by die Kliëntedienssentrum (KDS).

Ander lewenskoste Hierdie kostes is nie by die rekening ingesluit nie.

Betaling moet gedoen word soos vereis, byvoorbeeld vir boeke, kos, reis, skryfbehoeftes, drukwerk en internet.

Studente moet hierdie kostes self bestuur.

KansellasiefooieStaking van studie en staking van ‘n module

Verwys na www.up.ac.za/ feesfunding.

Betaling van hierdie fooie word bepaal deur die amptelike datum waarop die Universiteit skriftelik in kennis gestel is van die staking.

In gevalle waar staking die gevolg is van hospitalisasie of die afsterwe van ’n student, kan die kansellasiefooie kwytgeskeld word indien voldoende bewyse voorgelê word.


Algemene inligting

Verblyf op UP-kampusse

KampusEnkelkamers

(2014-bedrag)*Dubbelkamers (2014-bedrag)*

HatfieldDameskoshuise: Asterhof, Erika, Jasmyn, Katjiepiering, Madelief, Klaradyn, Magrietjie, Nerina

R29 700 R27 500

Dameskoshuis: Nerina (nuwe vleuel) R33 100Manskoshuise: Kollege, Maroela, Mopanie, Taaibos R29 700 R27 500Manskoshuise: Boekenhout, Olienhout R32 000 R29 700Mans- en dameskoshuis: TuksVillage R33 100GroenkloofDameskoshuis: Zinnia, Lilium, Inca R29 700 R27 500Manskoshuis: Kiaat R29 700 R27 500MamelodiMans- en dameskoshuis: Tuks Naledi R27 500OnderstepoortMans- en dameskoshuis: Onderstepoort R29 700 R27 500Mans- en dameskoshuis: Onderstepoort (nuwe vleuel) R36 000PrinshofDameskoshuis: Curlitzia R29 700 R27 500Manskoshuis: Olympus R31 500Mans- en dameskoshuis: Hippokrates (enkelkamer) R39 100

*Bedrae sal aangepas word vir 2015.

KontakinligtingTel: +27 (0)12 420 3111E-pos: [email protected]: www.up.ac.za/accommodation www.up.ac.za/feesfunding

Privaat verblyfDie Universiteit kan ongelukkig nie verblyf aan alle aansoekers verskaf nie, aangesien die aanvraag die beskikbare plekke oorskry. Die volgende privaat fasiliteite kan derhalwe as alternatiewe opsies oorweeg word:

PrivaatverblyfindieomgewingvanHatfieldkampusGeakkrediteerde manskoshuis Telefoonnommer E-pos en/of webwerf

Sonop +27 (0)12 460 5723/7830 [email protected]

Geakkrediteerde verblyf Telefoonnommer E-pos en/of webwerf

Midcity +27 (0)12 426 3400+27 (0)82 887 4165 www.midcity.co.za

South Point +27 (0)80 078 833 687 www.staysouthpoint.co.za

The Fields (City Property) +27 (0)12 362 4473/4504 [email protected]

Urban Nest +27 (0)12 343 5138 [email protected]

Privaat verblyf in die omgewing van PrinshofkampusGeakkrediteerde verblyf Telefoonnommer E-pos en/of webwerf

Craig’s Place (City Property) +27 (0)12 319 8700 [email protected]

Jakaranda Lodge +27 (0)12 330 2424 [email protected]

Alternatiewe privaat verblyfGeakkrediteerde verblyf Telefoonnommer E-pos en/of webwerf

190 On-Suite +27 (0)12 322 0277+27 (0)82 551 8676

[email protected] www.mmaphuti.co.za

Arlon Property +27 (0)12 362 5499/1868 [email protected]

Off Campus Rental +27 (0)12 362 6123+27 (0)83 438 2548 [email protected]

UP-OpedagDatum: 24 Mei 2014Tyd: 08:00-14:00

Die volgende persone moet die UP-Opedag bywoon:• Graad 12-leerders (finale skooljaar) wat reeds

bevestiging ontvang het dat hulle voorlopig toegelaat is tot ŉ studieprogram

• Graad 12-leerders (finale skooljaar) wat aan die toelatingsvereistes voldoen en wat hulle aansoekvorms wil inhandig

• Graad 11-leerders wat feitlik seker is dat hulle wel by UP gaan aansoek doen

• die ouers van bogenoemde leerders


Algemene inligting

© R

udi v

an A

arde

SportSport verteenwoordig ’n belangrike deel van die studentelewe. Die Universiteit van Pretoria bied aan studente die geleentheid om aan ’n verskeidenheid sportdissiplines op klub-, nasionale en internasionale vlak deel te neem. Die Universiteit spog ook met uitstekende sportfasiliteite wat nasionaal en internasionaal hoog aangeskryf word.

Die LC de Villiers-sportterrein is sentraal geleë en maklik bereikbaar vir studente. TuksSport het ’n groot aantal sportklubs en is tans die grootste bron van atlete vir ’n verskeidenheid sportdissiplines en nasionale spanne. TuksSport maak ’n integrale deel uit van die UP-ervaring, en daarom word jy aangemoedig om die Universiteit van Pretoria te kies vir ’n uitnemende sport- en akademiese loopbaan.

KontakinligtingTel: +27 (0)12 420 6060Faks: +27 (0)12 420 6095E-pos: [email protected]: www.up.ac.za/sport

High Performance Centre (hpc)Die High Performance Centre (hpc) van die Universiteit van Pretoria is Suider-Afrika se eerste elite sportprestasiefasiliteit.

KontakinligtingTel: +27 (0)12 362 9800Faks: +27 (0)12 362 9890E-pos: [email protected]

TuksSport HoërskoolTel: +27 (0)12 343 4527Faks: +27 (0)86 636 4019Ligging: TuksSport-studiesentrum Tegnikagebou (Gebou 5) Groenkloofkampus hv Leydsstraat en

George Storrar-rylaan Groenkloof

StudentesakeDie kantore van Studentesake is in die Roosmaryngebou op die Hatfieldkampus. Die Departement Studentesake bestaan uit twee afdelings: Studente-ondersteuning en Studente-ontwikkeling.

Afdeling Studente-ondersteuningHierdie afdeling sluit studentegesondheid, studente-berading en die Eenheid vir Studente met Spesiale Behoeftes in.

Dienste wat deur die Afdeling Studente-ondersteuning gebied word, sluit die volgende in:• akademiese ontwikkeling (loopbaanvoorligting

en assessering, studiemetodes en leeskursusse, stresbestuur, psigometriese toetsing, tydsbestuur en loopbaanbeplanning)

• potensiaalontwikkeling (konflikbestuur, kommunikasie-vaardighede, doelwitstelling en probleemoplossing)

• individuele en verhoudingsberading (interpersoonlike probleme, stres, depressie, eetversteurings, lewens-trauma, emosionele probleme en die ontwikkeling van lewensvaardighede)

KontakinligtingTel (kantoorure): +27 (0)12 420 2333Tel (na ure): +27 (0)12 420 2310/2760 24-uur-krisislyn: +27 (0)080 000 6428 (tolvry)E-pos: [email protected]: Studentesentrum (oorkant Pie City) Hatfieldkampus Kantoorure: 07:30–16:00

GroenkloofkampusTel: +27 (0)12 420 5687Ligging: K505 Sportsentrum

HatfieldkampusTel: +27 (0)12 420 2333 Ligging: Studentesentrum (oorkant Pie City)

MamelodikampusTel: +27 (0)12 842 3724Ligging: Studentegesondheidsentrum

OnderstepoortkampusTel: +27 (0)12 529 8476Ligging: Arnold Theilergebou (Studente-administrasiekantore)

PrinshofkampusTel: +27 (0)12 420 2333Ligging: 8ste vloer Basiese Mediesewetenskappegebou

Afdeling Studente-ontwikkelingHierdie afdeling sluit alle studente-regeringstrukture en georganiseerde studentelewe-inisiatiewe in:• Studenteforum (SF)• Verteenwoordigende Studenteraad (VSR)• Grondwetlike Tribunaal (Studentehof)• daghuise• fakulteitshuise (www.up.ac.za/fakulteitshuise)• meer as 100 godsdienstige, kulturele, akademiese,

politieke en ander verenigings• Tuks- Top Junior/Senior en ENACTUS UP• Mentorskapprogram• diensverskaffers: – TuksJool (Jou Onbaatsugtige - Opoffering vir

Liefdadigheid) – Stuku (studentekultuur) – Perdeby (studentekoerant) – Tuks FM (kampusradiostasie) – Studentesport

KontakinligtingTel: +27 (0)12 420 6600/1411Ligging: Roosmaryngebou Hatfieldkampus

DaghuiseAs jy nie in ’n koshuis woon nie, maar ’n lekker studentelewe wil geniet, moet jy oorweeg om by een van die daghuise aan te sluit. Dit sal jou die geleentheid bied om deel te neem aan georganiseerde studentelewe-aktiwiteite soos jool, sport, kulturele en sosiale aktiwiteite.

Jy kan by een van die volgende daghuise aansluit: Vividus Mans, Vividus Dames, Zeus of Luminous. ’n Jaarlikse lidmaatskapfooi is betaalbaar. Moet dit nie misloop nie – sluit aan by die daghuis van jou keuse!

KontakinligtingWebwerf: www.up.ac.za/daghuise


Algemene inligting

FakulteitshuiseAlle studente (dagstudente en koshuisstudente) behoort outomaties aan die fakulteitshuis van die fakulteit waarin hul geregistreer is. Fakulteitshuise het ’n akademiese fokus en speel ’n belangrike rol in die skakeling tussen die studente en dosente in die fakulteit.

Daar is geen lidmaatskapfooi betaalbaar om by ’n fakulteitshuis aan te sluit nie, maar studente het die opsie om items soos T-hemde te koop of kampe en ander geleenthede by te woon waarvoor daar wel ’n fooi gehef word. Tipiese aktiwiteite sluit persoonlike en professionele ontwikkelingsgeleenthede in, bv aanbiedings deur sprekers oor verskeie onderwerpe asook uitstappies na relevante besighede. Fakulteitshuise is ook betrokke by verskeie gemeenskapsdiensprojekte. Sommige fakulteitshuise neem deel aan sportligas.

Die fakulteitshuis dien ook as ’n skakel met die klasverteenwoordigerstelsel in die fakulteit.

KontakinligtingWebwerf: www.up.ac.za/fakulteitshuise

BiblioteekdiensteDie Departement Biblioteekdienste huisves ’n moderne akademiese navorsingsbiblioteeknetwerk van wêreld-gehalte wat oor die kampusse van die Universiteit versprei is. Hierdie diens ondersteun die Universiteit van Pretoria se fakulteite deur middel van pasgemaakte dienste vir voor- en nagraadse studente, personeel, alumni en besoekende akademici. Alle dienste is so ontwerp dat dit ’n poort tot wêreldwye inligting skep, asook leer, onderrig en navorsing ondersteun deur interaksie met professionele personeel.

Belangrike inisiatiewe behels onder meer ’n e-diens (aanlyn), toegang tot ’n wye verskeidenheid gedrukte en elektroniese versamelings, die Leersentrum by die Merenskybiblioteek en aanlyn ondersteuning met werksopdragte aan voorgraadse studente, ’n aanlyn verwysingsdiens (Vra-’n-Inligtingkundige), draadlose internettoegangsgebiede (“wireless hot spots”), soekenjins wat toegang tot elektroniese vaktydskrifte, boeke en databasisse verleen, elektroniese proefskrifte en verhandelings, ’n institusionele digitale bewaarplek, ’n verskeidenheid oudiovisuele materiaal, toegewysde geriewe vir liggaamlik-gestremdes en nagraadse studente, en geriewe vir interbiblioteeklenings by nasionale en internasionale versamelings. Al hierdie dienste dra aktief by tot ’n leeromgewing van wêreldgehalte.

KontakinligtingWebwerf: www.library.up.ac.za en

www.library.up.ac.za/mobi

Internasionale studenteAlle nie-Suid-Afrikaanse burgers moet voor registrasie by die Afdeling Internasionale Studente in die Kliëntedienssentrum op die Hatfieldkampus aanmeld. Die Kliëntedienssentrum sal vanaf 6 Januarie 2014 oop wees. Die internasionale studente se spesiale oriënteringsprogram sal op 17 en 19 Januarie 2014 plaasvind. Studente kan meer inligting verkry van die Afdeling Internasionale Studente in die Kliëntedienssentrum.

Nie-Suid-Afrikaanse burgers moet bewys van hulle amptelike status in Suid-Afrika, asook ’n bewys van

voldoende mediese dekking by die Afdeling Internasionale Studente in die Kliëntedienssentrum indien voordat hulle sal kan registreer.

KontakinligtingTel: +27 (0)12 420 3111E-pos: [email protected] Webwerf: www.up.ac.za/ISDLigging: Kliëntedienssentrum Hatfieldkampus

Stawende dokumenteLet asseblief daarop dat studente afskrifte gereed moet hê voordat hulle na die Afdeling Internasionale Studente in die Kliëntedienssentrum gaan. Afskrifte kan by die Xerox Kopiëringsentrum in die Studentesentrum op die Hatfieldkampus gemaak word.

Alle nie-Suid-Afrikaanse burgers moet hul oorspronklike dokumente toon en twee afskrifte van elk van die volgende dokumente indien: • die Internasionale Studente-inligtingsvorm, voltooi

en geteken• ’n geldige paspoort of ID (in die geval van studente

met permanente verblyf in Suid-Afrika)• ’n geldige studiepermit geëndosseer vir studie aan

die Universiteit van Pretoria, of een van die volgende: – ’n asielversoekerspermit – ’n Sertifikaat van Vlugtelingstatus – ’n diplomatieke paspoort (nie ’n diplomatieke kaart

nie) en diplomatieke permit• bewys van mediese dekking (mediese dekking moet

vir ’n jaar, Januarie tot Desember, vooruit betaal wees)

Bogenoemde dokumente moet by ’n internasionale konsultant ingedien word en die inligting moet ingelees word voor jy kan registreer.

StudiepermitAlle nie-Suid-Afrikaanse burgers moet ’n geldige paspoort en ’n tydelike verblyfpermit besit, bv ’n studiepermit wat vir studie aan die Universiteit van Pretoria geëndosseer is. Persone wat nie Suid-Afrikaanse burgerskap het nie en wat Suid-Afrika wil betree moet slegs vir ’n studiepermit aansoek doen nadat ’n amptelike toelatingsbrief ontvang is.

Hoe om vir ’n studiepermit aansoek te doen’n Aansoek om ’n studiepermit moet aan die Suid-Afrikaanse Hoë Kommissaris, Ambassade, Konsulaat of Handelsending in jou land van herkoms, of anders aan die naaste Suid-Afrikaanse Hoë Kommissaris, Ambassade, Konsulaat of Handelsending gerig word. Die SAOG-lande is Angola, Botswana, DR Kongo, Lesotho, Malawi, Mauritius, Mosambiek, Namibië, Seychelle, Suid-Afrika, Swaziland, Tanzanië, Zambië en Zimbabwe.

Die volgende dokumente moet by die Suid-Afrikaanse Ambassade of Konsulaat ingedien word om ’n studiepermit te bekom:• ’n paspoort wat geldig sal wees vir minstens 30 dae

na afloop van die voorgenome studietydperk• bewys van betaling van administrasiegeld (soos

verlang deur die Suid-Afrikaanse Departement van Binnelandse Sake ten tyde van die aansoek)

• bevestiging van Suid-Afrikaanse mediesefonds-dekking en bewys van betaling van ledegeld aan ’n mediese fonds wat by die Raad vir Mediese Skemas in Suid-Afrika geregistreer is. Dekking moet geld vir een akademiese jaar (Januarie tot Desember)


Algemene inligting

• ’n toelatingsbrief van die Universiteit waarin die volgende vervat is:

– die duur van die studieprogram; – bevestiging dat die toegelate student nie die plek

van ’n plaaslike student inneem nie; en – ’n onderneming om die Departement van

Binnelandse Sake in te lig indien die student deregistreer.

• ’n mediese verslag (minder as ses maande oud) van ’n geregistreerde mediese praktisyn

• ’n radiologiese verslag (minder as ses maande oud)• bewys van die beskikbaarheid van fondse wat

onderriggelde en selfonderhoud vir die duur van die voorgenome studie in Suid-Afrika dek

• ’n polisieklaringsertifikaat vir die afgelope ses maande of langer indien die aansoeker ouer as 18 jaar is

• besonderhede van verblyf wat vir die tydperk in Suid-Afrika gereël is

Ander dokumente wat verlang mag word, is die volgende:• ’n geelkoorsinentingsertifikaat• ’n sertifikaat of ander dokumentêre bewys van

huwelikstaat (bv getroud, weduwee of wewenaar, amptelik of nie-amptelik geskei)

Repatriasie-waarborg’n Kontantdeposito of ’n bedrag gelykstaande aan ’n retoerkaartjie na die land van herkoms (repatriasie-waarborg), mag benodig word.

Verwisseling van leerinstelling (studiepermithouers)Die Universiteit mag ’n student slegs vir akademiese studie registreer indien die voornemende aansoeker bewys van ’n geldige studiepermit lewer. Dit neem gewoonlik minstens ses weke om ’n aansoek te finaliseer. Let daarop dat ’n studiepermit uitgereik word om ’n voornemende student toe te laat om aan ’n bepaalde leerinstelling te studeer; dus sal ’n student wat van voornemens is om na ’n ander leerinstelling te verskuif, ’n aansoek vir ’n verandering van voorwaardes moet indien. So ’n aansoek kan in Suid-Afrika – in die munisipale gebied waar die nuwe leerinstelling geleë is – afgehandel word.

Voordat daar vir die permit aansoek gedoen word, moet die voornemende aansoeker ’n vrystellingsbrief van die bestaande leerinstelling verkry waarin gemeld word dat dié instelling geen beswaar teen die voorgenome oorplasing het nie.

Verandering van voorwaardes (studiepermithouers)’n Verandering van studiepermitvoorwaardes word benodig wanneer ’n student ’n geldige studiepermit besit wat vir studie aan ’n bepaalde leerinstelling in Suid-Afrika uitgemaak is (nie die nuwe instelling waarby die student wil aansluit nie). Hierdie omstandighede ontstaan gewoonlik by leerders en studente wat by hoërskole, of by kolleges en ander akademiese instellings in Suid-Afrika ingeskryf is. Hulle permitte moet daarom aangepas word deur middel van ’n endossement wat toestemming verleen om aan bogenoemde instellings te studeer. Vir registrasie aan die Universiteit van Pretoria sal ’n endossement op die permit aangebring moet word wat die aansoeker toelaat om aan die Universiteit van Pretoria te studeer. ’n Aansoek om ’n verandering van studiepermitvoorwaardes kom op ’n nuwe aansoek om ’n studiepermit neer. Hoewel die aansoeker ’n afsonderlike vorm sal moet invul, sal dieselfde vereistes van toepassing wees as wat gegeld het vir die oorspronklike aansoek om ’n studiepermit.

Let asseblief op die volgende:• Hierdie vorms is op die internet beskikbaar

(www.home-affairs.gov.za) of kan by enige Suid-Afrikaanse owerheid wat visums uitreik, afgehaal word (kantore van die Departement van Binnelandse Sake, of van konsulate of ambassades).

• Hierdie inligting is slegs bedoel om as riglyn te dien. Vereistes vir studie in Suid-Afrika is onderworpe aan verandering en elke aansoek word as ’n individuele geval hanteer. Navraag moet altyd gedoen word voordat ’n reis na Suid-Afrika onderneem word.

• Die houer van ’n studiepermit wat vir studie aan ’n tersiêre leerinstelling uitgemaak is, mag deeltydse werk verrig, maar die periode wat geld vir voorgraadse studente mag nie 20 ure per week oorskry nie; en die periode vir nagraadse studente mag nie 20 ure per week oorskry nie, gedurende die geldigheidsduur van hulle studiepermit.

Mediesefondsdekking vir studiepermithouersKragtens die Immigrasiewet van Suid-Afrika, moet persone wat nie Suid-Afrikaanse burgerskap besit nie, maar wat nogtans studiepermithouers is, of wat ’n studiepermit wil aanvra, bewys lewer dat hulle voldoende mediesefondsdekking vir die duur van hul verblyf in Suid-Afrika het. Nie-Suid-Afrikaanse burgers wat aan die Universiteit van Pretoria wil studeer, kan by een van die volgende mediese fondse aansluit:

Momentum Health (Ingwe-keuse)Lidmaatskapgelde is jaarliks vooruit betaalbaar.Tel: +27 (0)12 671 8511E-pos: [email protected] Webwerf: www.ingwehealth.co.za

BestMed Mediese Skema (Blueprint-keuse vir studente)Lidmaatskapgelde is jaarliks vooruit betaalbaar.Tel: +27 (0)12 339 9800 of

+27 (0)86 000 2378 of +27 (0)86 000 BEST

Faks: +27 (0)12 323 4106 of +27 (0)12 339 9900

E-pos: [email protected]

Hoër Onderwys Suid-Afrika (Higher Education South Africa – HESA)’n Volle of buitelandse voorwaardelike vrystellingsertifikaat is ’n voorvereiste en van toepassing op nie-Suid-Afrikaanse burgers en studente wat nie oor ’n Suid-Afrikaanse Nasionale Senior Sertifikaat (NSS)-kwalifikasie of die Onafhanklike Eksamenraad (Independent Examination Board – IEB)-kwalifikasie beskik nie en vir voorgraadse studie by die Universiteit van Pretoria wil inskryf. Hierdie sertifikaat kan slegs van HESA verkry word.

HESA vereis die volgende dokumente wanneer aansoek gedoen word vir ’n volle of buitelandse voorwaardelike vrystellingsertifikaat:• afskrifte van buitelandse kwalifikasies wat deur die

registrateur van ’n Suid-Afrikaanse universiteit, Suid-Afrikaanse Ambassade of Konsulaat in die buiteland, of ’n openbare notaris as korrek gewaarmerk is – uitslagstrokies, fakse en kopieë wat deur ’n kommissaris van ede onderteken is, sal nie aanvaar word nie

• ’n gewaarmerkte afskrif van jou Suid-Afrikaanse identiteitsdokument (slegs in die geval van permanente inwoners), of ’n geldige buitelandse paspoort waarop jou volle name en geboortedatum, paspoortnommer en foto voorkom, of ’n gewaarmerkte afskrif van jou geboortesertifikaat


Algemene inligting

• ’n voltooide M30E-vorm (http://hesa-enrol.ac.za – volg die skakel na “Applications”)

KontakinligtingTel: +27 (0)10 591 4401/2 Faks: +27 (0)12 481 2922/2718E-pos: [email protected] Webwerf: www.hesa.org.zaLigging: Gebou 3 Vlak 1

Unisa Sunnysidekampus Pretoria

Posadres: Posbus 3854 Pretoria 0001

Suid-Afrikaanse Kwalifikasieowerheid (South African Qualifications Authority – SAQA)Persone wat vir toelating tot nagraadse studieprogramme by die Universiteit van Pretoria aansoek wil doen, moet alle vorige naskoolse kwalifikasies deur SAQA laat evalueer.

KontakinligtingInbelsentrum: +27 (0)12 431 5000/70Hulplyn: +27 (0)86 010 3188Faks: +27 (0)12 431 5039Webwerf: www.saqa.org.zaLigging: SAQA House

Arkadiastraat 1067 Hatfield

Posadres: Postnet-suite 248 Privaatsak X06 Waterkloof 0145

EvalueringvanbuitelandsekwalifikasiesTel: +27 (0)12 431 5070Hulplyn: +27 (0)86 010 3188

Toelatingspunttelling (TPT)-omskakelingDie volgende tabelle kan gebruik word om jou punte/simbole na ‘n toelatingspunttelling (TPT) om te skakel wanneer aansoek gedoen word vir studie by die Universiteit van Pretoria (UP).

Toelatingspunttelling (TPT)-omskakelingstabel

TPT(vereiste vlak

vir vakke sowel as algehele

TPT)

NSS/IEB SS HGM-telling

SS SGM-telling

HIGCSENSSC HL AS-Level IB SL

IGCSE/GCSE/

NSSC OL/O-Level

Graad 11*

IGCSE/GCSE/

NSSC OL/O-Level

Graad 12**

7 7 (80–100%) A 1 A 7 A6 6 (70–79%) B A 2 B 6 B5 5 (60–69%) C B 3 C 5 C A4 4 (50–59%) D C 3 D 4 C B3 3 (40–49%) E D 4 E 3 D C2 2 (30–39%) F E 2 E D/E1 1 (0–29%) G F 1 F F/G

Toelatingspunttelling (TPT)-omskakelingstabel alleenlik vir Cambridge Advanced Level en IB Higher LevelTPT

A-Level IB HLVereiste vlak vir vakke Vereiste vlak

vir algehele TPT7 10 A 76 8 B 65 7 C 54 6 D 43 5 E2 41 3

NSS – Nasionale Senior Sertifikaat (Graad 12 voltooi gedurende of na 2008)IEB – Onafhanklike Eksamenraad (Independent Examination Board – IEB)SS HG – Senior Sertifikaat Hoërgraad (Graad 12 voltooi voor 2008)SS SG – Senior Sertifikaat Standaardgraad (Graad 12 voltooi voor 2008)HIGCSE – Higher International General Certificate of Secondary EducationA-Level – Advanced LevelAS-Level – Advanced Subsidiary LevelIB – International Baccalaureate Schools (Higher Levels and Standard Levels)IGCSE – International General Certificate of Secondary EducationGCSE – General Certificate of Secondary EducationNSSC – Namibia Senior Secondary CertificateO-Level – Ordinary Level

*Graad 11 = IGCSE/O-Level: TPT-omskakeling vir Graad 11-gelykstaande kwalifikasies alleenlik en vir voorwaardelike toelating en keuringsdoeleindes

**Graad 12 = IGCSE/O-Level: TPT-omskakeling vir Graad 12-gelykstaande kwalifikasies – nie vir finale toelating nie en moet saam met Advanced Subsidiary Level en Advanced Level geneem word vir vrystelling

Documents

Voorgraadse Fakulteitsbrosjure Natuur- en ... · Beroepe: Gegradueerdes in Genetika word dikwels molekulêre bioloë, mediese of kliniese genetici, sitogenetici, biotegnoloë, landbouwetenskaplikes,