БНХАУ-Д АЛБАН ТОМИЛОЛТООР АЙЛЧИЛСАН АЖЛЫН ХЭСГИЙН ТАЙЛАН

1. Ажлын хэсгийн бүрэлдэхүүн Ажлын хэсгийн ахлагч: Т.Бат-Эрдэнэ /Нийслэлийн Засаг даргын орлогч/Төлөөлөгчид: Н.Энхболд /Улаанбаатар хотын Төслийг удирдах нэгжийн захирал/, Г.Болормаа /Нийслэлийн Байгаль орчин, ногоон хөгжлийн газрын дарга/ Х.Галымбек /Агаарын чанарын албаны дэд дарга/

2. Ажлын хэсэг 2016 оны 03 дугаар сарын 14-18-ны өдрүүд Агаарын бохирдлыг бууруулах чиглэлээр Бээжин хотын засаг захиргаа, олон нийт, төрийн бус байгууллагуудын зүгээс авч хэрэгжүүлж буй арга хэмжээний талаар газар дээр очиж танилцлаа.

- Бээжин хот дахь БНХАУ-ын Засгийн газрын болон АНУ-ын IBM компаний хамтын санхүүжилтээр хэрэгжүүлж буй агаарын чанарын мониторинг судалгааны Ногоон бүслүүр төсөлтэй танилцах явц /2016 оны 03 дугаар сарын 14/

- Бээжин хотын Хөдөө аж ахуйн их сургуулийн инженерийн коллежид очин

БНХАУ-д хэрэглэж буй эрчим хүчний хэмнэлттэй хатуу түлшний зуух турших арга аргачлал, түүний хэрэглээнд нэвтрүүлэхэд гарч буй хүндрэл, бэрхшээлтэй танилцлаа./2016 оны 3-р сарын 16/

- Бээжин хотын Байгаль хамгаалах газрын орлогч захирал Лиу Шианшутай харилцан агаарын бохирдлын хяналтын өнөөгийн байдал, хэрэгжүүлж буй арга хэмжээний талаар солилцохын зэрэгцээгээр тус хотын агаарын чанарын мониторингийн үйл ажиллагаатай танилцлаа. /2016 оны 3-р сарын 16/

- Бээжин хотын Хөдөө аж ахуйн их сургуулийн зуух туршилт, судалгааны лабораторитой танилцах явц /2016 оны 3-р сарын 17/

ҮР ДҮН

1. Агаарын чанарт тухайн бүсийн уур амьсгал, газар зүйн бүтэц, байршил голлон нөлөөлөхийн зэрэгцээгээр түүний тогтоцыг өөрчлөх боломжгүй талаар IBM-ийн мэргэжилтнүүд зөвлөмж өгсөн.

2. Бээжин хотын Хөдөө аж ахуйн их сургуулийн зүгээс хятадын иргэдийн зуух хэрэглэх уламжлалд үндэслэн боловсруулсан “Эрчим хүчний хэмнэлттэй зуух” турших арга аргачлалтай танилцсан бөгөөд энэ нь цаашид манайд мөрдөж, хэрэглэж буй зуух турших аргачлалыг боловсронгуй болгоход чухал ач холбогдолтой болсон.

3. Агаарын чанарын индексийн өөрчлөлтийг иргэдэд үзүүлэх хялбар аргуудыг судлан, тохирох зарим аргыг нэвтрүүлэх бололцоотой гэж үзлээ.