Upload
kujtim-hameli
View
196
Download
14
Embed Size (px)
Citation preview
ERCAN GEGEZ
HULUMTIMET E MARKETINGUT
2016
1
HULUMTIMET E
MARKETINGUT
5 KAPITUJT E PARË TË PËRKTHYER NGA
TURQISHTJA
Përkthyes: Kujtim HAMELI
2016
1
KAPITULLI I
HYRJE NË HULUMTIMET E
MARKETINGUT
Menaxherët janë të obliguar të marrin vendime të caktuara në kohë të caktuara. Këto
vendime ndonjëherë merren vetëm nga menaxheri e ndonjëherë është e nevojshme pjesëmarrja
e njerëzve kompetentë apo specialistëve brenda apo jashtë firmës. Disa vendime mund të
merren në çast, e për disa vendime të tjera mund të duhet kohë më e gjatë. Një menaxher i cili
ka informata të mjaftueshme rreth një vendimi të caktuar, mund ul në masë riskun e atij
vendimi. Mirëpo, këto informata duhet të jenë të sakta. Sigurisht se një menaxher i marketingut
i cili është kaq ngushtë i lidhur me vendimet, është e pamundur që të mos merret me
hulumtime. Në këtë proces, pyetja që duhet pyetur është kjo: “Çfarë është hulumtimi?”
2
1.1. KARAKTERISTIKA E HULUMTIMEVE TË MARKETINGUT
Shpesh herë, gjatë shkuarjes në punë, në çarshi apo gjatë bërjes së shopingut, nuk jemi
të vetëdijshëm se sa shumë marrim vendime. Shumë vendime në kokën tonë, kthehen në
veprim në mënyrë rutinore. Më vonë këto vendime disa të parëndësishme e disa të rëndësishme
i vlerësojmë vetë ne apo të tjerët si “të drejta” apo “të gabuara”. Kohë pas kohe prapa këtyre
vendimeve fshihet shqisa e gjashtë, fati apo rekomandimet e ndonjëherë këto vendime mund të
jenë plotësisht produkt i një mendimi sistematik. Mirëpo nuk duhet harruar që përderisa në
periudhë afatshkurtër vendimet intuitive mund të jenë të dobishme, në periudhë afatgjatë
vendimet që nuk përfshijnë hulumtim (të bazuara në intuitë) mund të jenë dëshpëruese.
Kur kujtojmë vendimet që duhet të marrin menaxherët e biznesit, përveç vendimeve të
parëndësishme si ato tonat që marrim ne në jetën e përditshme apo vendimeve rutinë,
menaxherët e marketingut duhet të marrin vendime të cilat mund të rezultojnë me fitime apo
humbje shumë të mëdha financiare. Menaxherët shpesh hasin në probleme të tilla si me
produktet të cilat nuk shiten pas plasimit në treg apo problemet që krijohen në kanalet e
shpërndarjes dhe ata janë të detyruar të gjejnë zgjidhje. Pyetja “Cilat janë kërkesat dhe nevojat
e konsumatorit që krijojnë pikën fillestare të marketingut” është nga pyetjet më të rëndësishme
që firmat kërkojnë përgjigjje.
Sidomos në ditët e sotme, përderisa faktorët me shkallë globale si presioni i
konkurrencës në rritje, zvogëlimi i jetëgjatësisë së produktit, zhvillimet e shpejta të
teknologjisë zvogëlojnë kohën e nevojshme për të marrë vendim në njërën anë, rrisin rëndësinë
e marrjes së vendimit në anën tjetër.
Kërkesat dhe nevojat përbëjnë bazën e marketingut. Marketingu fillon para prodhimit, i
hap rrugën prodhimit dhe vazhdon edhe pas prodhimit. Arsyeja e fillimit të marketingut para
prodhimit është domosdoshmëria për të zbuluar kërkesat dhe nevojat e konsumatorit. Kjo
nevojë e informacionit në mënyrë të natyrshme rendit në agjendë hulumtimin e marketingut.
Globalizimi i firmave dhe hyrja në tregje të reja, informimi i konsumatorit me njëri-tjetrin në
shkallë botërore përmes mundësive të komunikimit dhe intensiteti i ambientit konkurrues kanë
ndikuar në rritjen e nevojës së informacionit. Ndoshta më e rëndësishme se kjo është se ka
filluar rritja e nevojës së informacionit të shpejtë dhe të saktë. Kjo situatë ka rritur nevojën për
hulumtimet e marketingut.
3
1.2. DEFINIMI I HULUMTIMEVE TË MARKETINGUT
Një konsumator hulumtimin mund ta përkufizojë si një punim në park, në rrugë, në
stacionin e autobusit, në hyrjet e dyqaneve të atyreve që kërkojnë të vjedhin kohën e kufizuar
duke bërë një grup pyetjesh të panevojshme dhe që nuk e dijnë se çfarë kanë bërë nga
përgjigjjet e marra. Në mënyrë të ngjashme, për një pronar biznesi hulumtimet e marketingut
mund të shihen si një aktivitet që nuk hyn asgjë në punë përveç krijim i një shpenzimi. Por, një
hulumtim i cili kryhet në mënyrë të saktë, ndryshe nga këto mendime, mund të jetë një aktivitet
shumë i rëndësishëm dhe i dobishëm.
Hulumtimi paraqet mbledhjen, përpunimin dhe përpjekjen për të analizuar të dhënat e
mbledhura në mënyrë sistematike, të rregullt, objektive dhe shkencore me qëllim për të gjetur
zgjidhje për problemet e paraqitura apo për të fituar dobi nga mundësitë e reja. Hulumtimi
ndonjëherë mund të bartë karakteristika kuantitative apo kualitative. Kurse hulumtimi i
marketingut paraqet procesin e mbledhjes, përpunimit dhe analizimit të të dhënave në lidhje
me çështjet e marketingut. Nga kjo perspektivë mund të shihet se procesi i hulumtimit fillon
me një “problem”. Këtu, fjala problem ka dallime të rëndësishme nga fjala problem të cilën e
përdorim në jetën e përditshme. Për një hulumtues, shenjat apo simptomat e problemit jo
gjithmonë janë koncepte që bartin në vete kushte negative për një biznes. Për shembull, rëniet e
shitjeve janë simptoma tipike negative të zvogëlimit të pjesës në treg dhe prandaj duhet të
hulumtohet. Në mënyrë të ngjashme, rritja e papritur e shitjeve të një firme për një arsye të
pakuptueshme trajtohet në kuadër të problemit dhe është një rast që kërkon hulumtim. Në këtë
mënyrë hulumtimi i cili fillon me njohjen e problemit, përfundon me raportimin dhe
rekomandimet.
1.2.1. Përkufizimi i “Hulumtimeve të Marketingut” nga Shoqata
Amerikane e Marketingut
Përkufizimi i rishikuar i hulumtimeve të marketingut të
Shoqatës Amerikane të Marketingut (American Marketing
Association – AMA) është si më poshtë:1
Hulumtimet e marketingut paraqesin funksionin i cili lidh konsumatorin, klientin dhe
publikun me menaxherin e marketingut nëpërmjet informacionit, informacion ky i përdorur për
të identifikuar dhe përcaktuar mundësitë dhe problemet e marketingut, gjeneruar, përsosur dhe
vlerësuar veprimet e marketingut, kontrolluar performancën e marketingut dhe për të
përmirësuar të kuptuarit e marketingut si një proces.
4
Siç mund të shihet, përkufizimi i mësipërm tejkalon atë se hulumtimet e marketingut
janë vetëm një proces për mbledhjen, analizimin e të dhënave dhe që ndihmon marrjen e
vendimeve. Misioni për përmirësuar të kuptuarit e marketingut tregon se është një disiplinë në
vetvete po aq sa procesi i hulumtimeve të marketingut dhe funksioni për të ndihmuar
vendimmarrjen. Në këtë kontekst, hulumtimet e marketingut fitojnë karakteristikën si një ndër
mjetet më të rëndësishme në zhvillimin e teorive të marketingut.
Në këtë pikë, një temë e cila duhet të kihet kujdes është dallimi ndërmjet hulumtimeve
të tregut dhe hulumtimeve të marketingut. Përderisa hulumtimet e tregut njihen si mbledhja,
përpunimi dhe analizimi i të dhënave vetëm në një treg të caktuar me qëllim të gjetjes së një
zgjidhjeje për probleme specifike, hulumtimet e marketingut përfshijnë një koncept më të gjerë
dhe në të njëjtën kohë përfshijnë edhe hulumtimet e tregut.
Hulumtimet e marketingut, i sigurojnë informacione menaxherit të marketingut për t’i
përdorur së paku në çështjet e mëposhtme:2
Krijimin e ideve për aktivitetet e marketingut të cilat përfshijnë problemet dhe
mundësitë e marketingut.
Vlerësimin e aktiviteteve të marketingut.
Krahasimin e performancës dhe qëllimeve.
Për zhvillimin e kuptimit të marketingut dhe procesit të marketingut.
Siç u cek edhe më parë, hapi i parë i hulumtimit është përkufizimi i qartë dhe specifik i
problemit të paraqitur. Pastaj vjen mbledhja e të dhënave, analizimi i të dhënave, përcaktimi i
faktorëve në lidhje me problemin dhe në fund duke marrë masat e duhura zgjidhja e problemit.
I gjithë ky proces për zgjidhjen e problemit quhet hulumtim. Kryerja e këtij procesi në mënyrë
të kujdesshme dhe objektive është e rëndësishme për saktësinë e rezultateve të hulumtimit.
Në ndërkohë, një pikë tjetër e cila duhet të kihet parasysh është se hulumtimi nuk është
një fushë që përfshin vetëm firmat e mëdha, por edhe organizatat jo-fitim prurëse, bizneset e
vogla, bizneset e shërbimeve, organizatat publike, partitë politike etj. Sidomos në vendet e
zhvilluara, pothuajse çfarëdo lloji organizate përfiton nga hulumtimet.
5
1.3. KUSH KRYEN HULUMTIME MARKETINGU?
Firmat janë të parat që kanë nevojë për hulumtimet e marketingut.
Shumë biznese si firmat prodhuese, shërbyese, firmat me pakicë,
firmat me shumicë në periudha të caktuara si psh. gjatë plasimit të një
produkti të ri në treg, matjen e ndikimit të reklamës etj., mund të kenë
nevojë për hulumtim.
Kur shikojmë firmat të cilat kanë nevojë për hulumtimet e marketingut, del në sheh se
kryesisht firmat e mesme dhe të mëdha shprehin kërkesa për hulumtime. Zakonisht bizneset e
vogla i përceptojnë gabimisht hulumtimet formale të marketingut ose nuk përfitojnë sa duhet
nga to. Në një hulumtim të bërë në ShBA, vetëm 24.7% e bizneseve të vogla interesohen me
aktivitetet e hulumtimeve të marketingut dhe shumë menaxherë të bizneseve të vogla kanë
pohuar se nuk kanë nevojë për hulumtimet e marketingut dhe se pa kryer ndonjë hulumtim ata
mund të përceptojnë ambientin e biznesit.3
Firmat mund të përmbushin nevojën e hulumtimeve të marketingut nga burimet brenda
dhe jashtë firmës. Burimet brenda firmës sigurohen nga hulumtimet e marketingut të bëra nga
biznesi. Struktura e departamentit të marketingut të firmave është e lidhur ngushtë me
madhësinë dhe strukturën organizative të firmës. Përderisa disa firma kanë departamente të
mirëfillta të hulumtimeve të marketingut, në shumë të tjera një ekip i përbërë nga një apo disa
persona merren me hulumtimet e marketingut. Ndonjëherë edhe pse departamenti i
hulumtimeve të marketingut është brenda firmës, disa projekte mund të transferohen jashtë,
firmave të hulumtimit.
Në kohët e fundit, hulumtimet e marketingut kanë filluar të shpërngulen edhe jashtë
bizneseve dhe botës së biznesit. Për shembull, Orkestra Simfonike e Bostonit (OSB) ka
përfituar nga hulumtimi në mënyrë për të zhvilluar stragjitë e marketingut të cilat targetojnë
segmentet e dëgjuesve më të rinj. Ata kanë përfituar nga hulumtimet kualitative dhe
kuantitative për të matur qëllimet e dëgjuesve në lidhje me atë se si e përceptojnë orkestrën,
përse shkojnë në koncertet e tyre, cilat janë avantazhet dhe disavantazhet e të shkuarit në
koncerte, a kanë dhuruar donacion OSB-së etj.
1.4. HULUMTIMET KONSUMATORE DHE HULUMTIMET E
MAREKTINGUT INDUSTRIAL
Hulumtimet e marketingut të bëra në tregjet konsumatorike dhe tregjet industriale
parimet bazë i kanë të ngjashme, mirëpo janë të ndryshme në disa pika. Këto ndryshime mund
të renditen si më poshtë:4
Hulumtimet e marketingut
aplikohen nga shumë
grupe.
6
Popullimi në hulumtimet e marketingut për konsumatorët është shumë më i
madh se në hulumtimet e marketingut industrial të targetuara nga shumë firma.
Arritja te pjesëmarrësit përmes metodës së anketës në shtëpi, rrugë apo me
telefon është më e lehtë në tregjet konsumatore, kurse në hulumtimet e
marketingut industrial kjo është më e vështirë sepse te pjesëmarrësit mund të
arrihet vetëm gjatë orarit të punës dhe në këto orë ata do të duhet të jenë duke
punuar.
Figura 1.1: Faqja e internetit të Orkestrës Simfonike të Bostonit
Burimi: www.bso.org (28.05.2016)
7
Bashkëpunimi i pjesëmarrësve nuk është i lehtë, sidomos në hulumtimet industriale për
shkak të politikave të firmave si psh., mos përgjigjja në anketë. Disa firma të mëdha në Turqi
kanë vendime principale në këtë aspekt. Kurse disa firma të tjera i udhëzojnë hulumtuesit për
të kryer çfarëdo lloji të anketave të tyre që dëshirojnë tek departamentet e marrëdhënieve me
publikun apo marrëdhënieve me shtypin. I njëjti qëndrim negativ me bazë individuale
përjetohet edhe në hulumtimet konsumatorike.
1.5. KUR LIND NEVOJA PËR HULUMTIMET E MARKETINGUT?
Vendimi i parë që duhet të jap një menaxher në lidhje me hulumtimin është se a duhet
të kryhet hulumtimi. Zikmundi tregon se katër faktorë përcaktojnë nevojën për hulumtimet e
marketingut:5 (Figura 1.2)
Përkufizimet kohore
Disponueshmëria e të dhënave
Karakteristika e vendimit të dhënë
Vlera e informacionit të hulumtimit në krahasim me koston.
Figura 1.2: Vendimi për Hulumtim
Burimi: William G. Zikmund; Essentials of Marketing Research, The Dryden Press, 1999, fq.
14
Kufizimet
kohore
Vlera e
informacionit të
hulumtimit
Karakteristika
e vendimit
Disponueshmëria
e të dhënave
A ka kohë të
mjaftueshme
përpara se të
merret
vendimi?
A janë të dhënat
aktuale të
pamjaftueshme
për të marrë
vendimin?
Vendimi a
ka rëndësi
strategjike
apo taktike?
A është vlera e
informacionit të
përfituar më e
madhe se kostoja
e hulumtimit?
BËJ
HULUMTIME TË
MARKETINGUT
MOS BËJ HULUMTIME TË MARKETINGUT
8
1.5.1. Kufizimet Kohore
Hulumtimi si një koncept i cili është i dobishëm në periudhë afatgjatë, po ashtu edhe
nga aspekti i procesit nuk është i shkurtër. Ndonjëherë nuk ka kohë për të kryer hulumtim për
vendimet të cilat duhet të merren menjëherë. Në të këtilla raste, edhe pse ndoshta nuk është një
çasje ideale, vendimet mund të merren me informata të pamjaftueshme ngaqë nuk është bërë
hulumtim.
1.5.2. Disponueshmëria e të Dhënave
Shumë shpesh menaxherët kanë informatat e duhura për të marrë vendime pa kryer
ndonjë hulumtim. Në të njëjtën kohë, për të marrë një vendim, duhet të kryhet hulumtim kur
lind nevoja për informacion. Në këtë fazë, pyetet kjo pyetje: “A do të mund hulumtimi të
sigurojë informacionin e duhur?”. Në qoftë se përgjigjja e kësaj pyetjeje është jo, atëherë nuk
bëhet hulumtim. Po ashtu, në qoftë se gjenden në disponim burimet e të dhënave potenciale,
menaxherët duhet të vendosin se sa do të jetë kostoja për përfitimin e këtyre të dhënave.
1.5.3. Karakteristika e Vendimit
Vlera e hulumtimit dallon sipas karakteristikës së vendimit menaxherial. Vendimet
rutinë, taktike të cilat nuk kërkojnë ndonjë investim të rëndësishëm, nuk kanë nevojë për të
bërë shpenzime të hulumtimit. Karakteristika e vendimit është e lidhur ngushtë me krahasimin
ndërmjet dobive dhe kostos së hulumtimit. Megjithatë, në përgjithësi vendimi sado që të jetë i
rëndësishëm për nga aspekti strategjik dhe taktik, aq rritet edhe mundësia për të bërë hulumtim.
1.5.4. Vlera e Informacionit në Krahasim me Koston e Hulumtimit
Sigurisht se dobitë të cilat do të përfitohen nga hulumtimi kanë një kosto. Gjatë marrjes
së një vendimi, menaxherët duhet që të vlerësojnë dobitë e secilës alternativë me kostot e tyre.
Nga ky kontekst, një hulumtim mund të ngjajë me alternativat investuese. Gjatë vlerësimit të
alternativave së një vendimi pa kryer hulumtim apo shtyrjes së vendimit pas kryerjes së
hulumtimit, menaxherët duhet të pyesin tri pyetje:
A ia vlejnë të ardhurat apo norma e kthimit në investim?
Informacioni i siguruar a do të lehtësojë marrjen e vendimit në atë shkallë që do
të arsyetojë shpenzimet?
9
Shpenzimet e propozuara të hulumtimi a janë alternativa më e mirë për nga
aspekti i fondeve në dispozicion?
Parashikimi i vlerës së informacionit të përfituar në fund të rezultateve të hulumtimit
jashtëzakonisht është i vështirë. Për shumë projekte të hulumtimeve të marketingut zbulimi i
nivelit të kostos/vlerës në të shumtën e rasteve është e pamundur.6
1.6. ÇËSHTJET E HULUMTIMIT TË MARKETINGUT
Kur bëhet fjalë për hulumtimet e marketingut, njerëzit shpesh mendojnë se janë
hulumtime në lidhje me produktet.7 Një ndër karakteristikat e hulumtimeve të marketingut
është se merret me të gjitha problemet e marketingut dhe se nuk kufizohet me një problem të
caktuar. Prandaj është e vështirë që të kufizohen në mënyrë të prerë fushat e përdorimit të
hulumtimeve të marketingut. Hulumtimet e marketingut kanë një shtrirje shumë të gjerë.8
(Tabela 1.1)
Në këtë kontekst, hulumtimet e marketingut përfshijnë një gamë të gjerë si, imazhin e
produktit, kanalet e shpërndarjes, reklamën, promovimin e shitjes, çmimin, ambalazhimin,
shërbimet e passhitjes, zhvillimin e produktit të ri dhe preferencat e konsumatorëve etj.
1.7. HULUMTIMET E MARKETINGUT BRENDA DHE JASHTË
FIRMËS
Për shumë vite me radhë hulumtimet e marketingut në firma janë parë si një koncept që
është përkujtuar vetëm në raste urgjente, përndryshe që nuk ia vlen barra qiranë për investime.
Christ West këtë situatë e shpjegon se disa firma “kanë një kulturë të hulumtimit”, ndërsa disa
të tjera “nuk kanë kulturë të hulumtimit”.9
Në vendet e zhvilluara shumë firma, duke i përfshirë edhe firmat e mëdha, përveç
hulumtimeve brenda firmës hulumtimet e marketingut i kryejnë nëpërmjet kompanive të
hulumtimeve. Në vitet e fundit, në vend të kryerjes së hulumtimeve të marketingut brenda
firmës është rritur trendi i kryerjes së hulumtimeve jashtë firmës apo outsource. Në shumicën e
rasteve, punonjësit e departamentit të hulumtimeve të marketingut të firmave luajnë rolin e
ndërmjetësit ndërmjet atyre që kanë nevojë për hulumtimet e marketingut brenda firmës dhe
kompanive të hulumtimeve të marketingut.10
10
HULUMTIMET BIZNESORE/EKONOMIKE
Karakteristikat dhe Trendet e Tregut/Industrisë
Përpjekjet e Blerjes/Diversifikimit
Analizat e Pjesës së Tregut
Punime në lidhje me Punëtorët e Firmës (moral, komunikim etj).
ÇMIMI
Analizat e Kostove
Analizat e Fitimit
Elasticiteti i Çmimit
Analiza e Kërkesës (potenciali i tregut, potenciali i shitjes, vlerësimi i shitjeve)
Analizat e Çmimit Konkurrues
PRODUKTI
Zhvillimi i Konceptit dhe Testimi i tij
Krijimi i Emrit të Brendit dhe Testimi i tij
Testimi i Tregut
Testi i Produktit për Produktet Aktuale
Punimet për Dizajnimin e Ambalazhit
Punimet për Produkt Konkurrues
SHPËRNDARJA
Punimet për Zgjedhjen e Vendit të Fabrikës/Vendit të Depos
Punimet e Performancës së Kanalit
Punimet e Përfshirjës së Kanalit
Punimet Ndërkombëtare dhe për Importim
PROMOCIONI
Hulumtimi i Motivimit
Hulumtimi i Mediave
Hulumtimi i Tekstit
Testi i Ndikimit të Reklamës
Punimet e Imazhit
Punimet e Pagesës së Fuqisë Punëtore
Punimet e Kotave të Fuqisë Punëtore
Struktura e Territorit të Fuqisë Punëtore
Shpërblime, Kupon dhe Punime Tjera
SJELLJA BLERËSE
Preferenca e Brendit
Qëndrimet Kundër Brendit
Vlerësimi i Produktit
Sjellja Blerëse
Qëllimi i Blerjes
Vetëdija ndaj Brendit
Punimet e Segmentimit
Tabela 1.1: Aktivitetet e Kompanive Hulumtuese të Marketingut
Burimi: Alan T. Shao, Marketing Research: An Aid to Decision Marketing, South Western
College Publishing, 1999, fq. 21
11
1.7.1. Hulumtimet e Marketingut Brenda Firmës
Firmat të cilat kryejnë hulumtimet e marketingut brenda tyre mund të zgjedhin disa
alternativa për organizimin e funksionit të hulumtimit:11
Firma mund të ketë departamentin e saj formal të hulumtimeve të marketingut.
Firma mund që të mos ketë një departament të hulumtimeve të marketingut, por
së paku mund ta ketë një person i cili është përgjegjës për hulumtimet e
marketingut.
Firma mund që të mos ketë asnjë punonjës në lidhje me hulumtimet e
marketingut.
Struktura formale e ekipit të hulumtimit apo familjarizimi me kulturën e firmës siguron
lëvizje më të shpejtë të hulumtimeve të marketingut brenda firmës. Po ashtu, hulumtimet e
marketingut brenda firmës kanë më shumë avantazhe për nga aspekti i kostove në krahasim me
hulumtimet e marketingut jashtë firmës. Në përgjithësi, ngaqë ekipet hulumtuese jashtë firmës
përceptohen si kërcënim, është më e lehtë që të krijohet një bashkëpunim ndërmjet punëtorëve
të firmës me ekipin e hulumtimit brenda firmës në krahasim me ekipin jashtë saj.
Më lartë siç u cek se avantazhi i strukturës formale të ekipit të hulumtimit apo
familjarizimit me kulturën e firmës teksa siguron lëvizje më të shpejtë, ndonjëherë mund të
krijojë edhe një desavantazh. Pikëpamja e ekipit të hulumtimit ndaj firmës apo ndaj
problemeve të firmës, rrjedhimisht, familjarizimi ndaj problemeve të firmës mund të jetë
brenda një kornize. Kjo situatë mund të shkaktojë dallimin me vështirësi të problemeve apo
simptomave të caktuara në procesin e hulumtimit në krahasim me një ekip të hulumtimit nga
jashtë. Po ashtu, lidhjet brenda firmës, lidhjet personale, ndarjet në grupe etj., mund të u hapin
rrugë fshehjes së të dhënave, shtrembërimit apo interpretimit të gabuar të tyre në fund të
hulumtimit.
Një desavantazh tjetër në lidhje me grupet e hulumtimit brenda firmës është se nuk
mund të i përvetësojnë lehtë aktivitetet përmirësuese që duhet të bëhen në kuadër të rezultateve
të hulumtimit ashtu si në hulumtimet e bëra nga ana e organizatave jashtë firmës. Firmat të
cilat u paguajnë para të majme organizatave të hulumtimeve, në mënyrë natyrale i pranojnë më
shpejt dhe i aplikojnë rekomandimet e sjellura ashtu që të marrin vlerën e parasë së dhënë.
1.7.2. Hulumtimet e Marketingut Jashtë Firmës
Vitet 1960 dhe fillimi i viteve 1970 ishte periudha e artë e departamentit të
hulumtimeve të tregut për firmat e mëdha. Megjithatë, kjo periudhe përcillet me një periudhë
tjetër stagnimi dhe kjo ka shkatuar që të hiqet departamenti i hulumtimeve të tregut, në këtë
12
mënyrë firmat duke kursyer kostot. Largimi i departamentit të hulumtimeve të tregut brenda
firmës ka ndihmuar në rritjen e firmave të hulumtimeve të marketingut të jashtëm.12
Po ashtu,
ekzistenca e departamentit të hulumtimeve të marketingut brenda firmës nuk mund të pengojë
që firmat kohë pas kohe të drejtohen tek furnizuesit e hulumtimeve të marketingut jashtë
firmës së tyre. Veçanërisht për shkak të kompleksitetit të problemit të hulumtimit dhe
mospërvojës të departamentit të hulumtimeve të marketingut në lidhje me problemin, bizneset
mund të aplikojnë tek furnizuesit e hulumtimeve të marketingut të jashtëm.
Sidomos ndihet nevoja për një firmë nga jashtë për mbledhjen e të dhënave dhe analizat
të cilat bëhen me kompjuter. Në mënyrë të veçantë për hulumtimet e marketingut të jashtëm
mund të përfitohet nga firmat e hulumtimit apo nga universitetet. Shumë universitete japin
shërbime konsulimi për firma nëpërmjet ligjëruesve të cilët punojnë part time si dhe kanë
qendra të ndryshme të hulumtimit dhe aplikimit.
INTUITA E FEMRËS
Hulumtimi pritet që të ketë disa karakteristika, për shembull, të jetë sistematik, të jetë
i rastësishëm dhe të përfaqësojë popullimin, të jetë i vlefshëm dhe i besueshëm etj. Një
raport i hulumtimit i “kryer” nga një kompani “profesionale” e hulumtimit i është dhënë
një specialisti dhe është kërkuar mendimi i tij. Studimi në fjalë, ka të bëjë me një
“hulumtim” të parfumit. Gjatë shqyrtimit të raportit, është kuptuar se 80% e të dhënave
janë siguruar nga femrat e Liyoness-it. I është bërë një pyetje presidentit të firmës e cila ka
qëlluar të jetë femër:
A janë 80% Lioness femrat e Turqisë?
Presidentja femër e ka mbrojtur “hulumtimin” e saj duke thënë:
“Unë po ju flas me intuitën e femrës. Ky hulumtim pasqyron të vërtetën e konsumimit
të parfumit në Turqi.”
“Zonjë, në qoftë se intuita juaj ka qenë e mjaftueshme, nuk do të duhej ndarë një
buxhet i këtillë.”
Fjala e fundit: Në qoftë se do të paguani për intuitën e ndokujt, kjo të mos quhet
hulumtim marketingu.
Burimi: “Kadınlık Duygusu”, Kazı Kazan, Muhittin Karabulut, Timaş Yayınları, Stamboll,
2006, fq. 171.
13
Hulumtimet e marketingut të jashtëm nuk mund të jenë të lehta sa mendohet. Jo çdo
herë firma e cila kërkon të kryej hulumtim dhe firmat e hulumtimeve të marketingut punojnë
në harmoni. Për shembull, kompania e hulumtimeve të marketingut mund të kërkojë një
grumbush informatash nga firma si shifrat e shitjeve sipas territoreve, vlerësimet e
performancës së shitësve dhe madje edhe sekrete tregtare të firmës. Informimi qysh në fillim se
cilat të dhëna mund të i jipen dhe cilat jo kompanisë së hulumtimit është e rëndësishme për të
eleminuar mospajtimet që mund të ndodhin më vonë.13
Desavantazhi më i rëndësishëm i hulumtimeve të marketingut të bëra nga organizatat
jashtë firmës është kostoja e lartë. Për këtë arsye, shumë firma zakonisht aplikojnë në
organizatat e hulumtimeve të marketingut vetëm kur përballen me ndonjë problem të madh apo
kur kanë nevojë për zgjedhje urgjente. Po ashtu, ngaqë punëtorët e ekipeve të hulumtimeve të
huaja përceptohen si kërcënim, në të shumtën e rasteve nuk presin shumë ndihmë dhe
bashkëpunim brenda firmës edhe pse vendimmarrësi dhe hulumtuesi në mënyrë të
vazhdueshme duhet të jenë në kontakt në çdo fazë të projektit të hulumtimit. Për shembull,
hulumtuesi duhet të jetë në komunikim më vendimmarrësin kohë pas kohe si psh., për t’i
treguar formën e anketës të përgatitur dhe për të marrë mendimin e tij.
1.8. TË ARDHURAT E HULUMTIMEVE TË MARKETINGUT
Për disa menaxherë hulumtimet e marketingut janë shpenzim i parave koti përderisa
vendimet mund të mirren duke u bazuar në intuitë apo përvojës të mbledhur nga vitet.
Menaxherët të cilët mendojnë në këtë mënyrë, shumicën e kohës nuk ndajnë buxhet për
hulumtim dhe ato para të ndara për hulumtim i konsiderojnë si shpenzime. Për menaxherët e
këtillë hulumtimet e marketingut janë punime mjaft teknike dhe lukse. Arsyeja se përse këta
menaxherë mendojnë kështu është se hulumtimi është një investim afatgjatë dhe mosmarrja e
vlerës së parave të shpenzuara.
14
REZISTENCA NDAJ HULUMTIMEVE TË MARKETINGUT
Ekzistojnë arsye të ndryshme për të shfaqur rezistëncë ndaj hulumtimit të marketingut i
cili është një faktor që ndihmon planifikimin strategjik. Kjo rezistencë ndodh për shkak të një
funksioni të marketingut të pajisur me shkencëtarë të fokusuar në kuptimin e numrave dhe në
këtë mënyrë hulumtimi varroset në thellësirat e kompanisë. Ndonjëherë arsyeja e kësaj është
se firma dëshiron që të i zbres në minimum shpenzimet e hulumtuesve të marketingut dhe nuk
dëshiron që të shpenzojë para për edukim. E ndonjëherë arsyeja e kësaj është se menaxhmenti
i kompanisë i shohin pajisjet e marketingut shumë të pështjellta dhe të pakuptueshme për nga
ana teknike apo në qoftë se vëhen mënjeherë në zbatim ndikimi i tyre është shumë i ngadaltë.
Burimi: Robert Duboff, Jim Spaeth, Geleceği Görmek: Pazarlama Araştırmasının Gücü,
Përkthyes Haluk Değirmenci, MediaCat Kitapları, 2000, fq. 11-12.
Shpesh shpenzimet e hulumtimeve të marketingut janë në proporcion të drejtëpërdrejtë
me shpenzimet e reklamës. Në vendet e Evropës buxheti i ndarë për hulumtimet e marketingut
ka trend rritjeje paralel me rritjen e shpenzimeve të reklamës. Kjo gjë nuk është e njëjta për
Turqinë. Në vitin 2004 në Angli shpenzimet e hulumtimeve të marketingut kanë qenë 9,7%,
rrjedhimisht 236 milionë dollarë, të njëjta me ato të reklamës; ndërsa në Francë kjo normë ka
qenë 15% duke u shpenzuar 18.36 miliardë dollarë për shpenzimet e reklamës dhe 264 milionë
dollarë për shpenzimet e hulumtimeve të marketingut. Në Turqi paratë totale të shpenzuara për
hulumtimet e marketingut përfshijnë vlerën përafërsisht prej 70 milionë dollarësh. Norma e
arsyeshme e shpenzimeve të reklamës/hulumtimeve të marketingut shihet të jetë 10%, ndërsa
në Turqi është vetëm 3,1%.14
Një pjesë tjetër e menaxhimit i përdor hulumtimet e marketingut për të konfirmuar dhe
kontrolluar tashmë vendimin e dhënë. Në raste të mossuksesit përgjegjësia i mbetet ekipit të
hulumtimit.
Pavarësisht të gjithave, parimisht duhet të dihet mirë se çfarë do të bëjë dhe çfarë jo
hulumtimi i marketingut. Hulumtimi as nuk mund të shes një produkt të papërshtatshëm e as
nuk mund të parashikojë shitjet pas 20 viteve. Po ashtu, shkurtesat e kohës (për shembull, për
mbledhjen e të dhënave që zgjatë 3 javë, dhënia e kohës 2 javë për t’i mbledhur të dhënat) apo
buxheti i kufizuar i hulumtimit e zvogëlojnë besueshmërinë e hulumtimit.
15
Lehmann dhe të tjer., ato çfarë hulumtimi nuk mund t’i bëj i kanë grumbulluar në dy
nëndarje të përgjithshme:15
Hulumtimi nuk mund të merr vendim si i vetëm.
Hulumtimi nuk garanton suksesin.
Siç është specifikuar edhe më parë, hulumtimi i ndihmon menaxherët vetëm duke
zvogëluar paqartësitë në marrjen e vendimit dhe rrjedhimisht duke e zvogëluar rriskun.
Rezultatet e hulumtimit nuk janë vendim. Duke i interpretuar të dhënat e përfituara, i
ndihmojnë menaxherit për marrjen e vendimit. Në fund, ky vendim mund të jetë i saktë apo i
gabuar. Hulumtimi nuk prodhon zgjedhje apo strategji të reja për problemet. Prandaj,
hulumtimi asnjëherë nuk mund të sigurojë sukses. Suksesi varet nga saktësia e vendimit të
menaxherit, të marrë sipas rezultatit të hulumtimit. Vlera e vërtet e hulumtimit kuptohet në
periudhë afatgjatë.
1.9. SISTEMI I INFORMACIONIT TË MARKETINGUT
Menaxheri i lartë i kompanisë Hewlett Packard Lew Platt, rrjedhjen e drejtë të
informacionit të kompanisë së tij e thekson me këto fjalë: “Sikur HP të dinte se çfarë
informacione posedon, profiti jonë do të rritej për tre herë”.16
Me të vërtetë në shumë firma, për
shkak që nuk ekziston një rrjedhje e drejtë dhe me kohë e informacionit ndërmjet
departamenteve dhe brenda departamenteve, të dhënat aktuale nuk janë të njohura dhe këto të
dhëna ekzistuese i hapin rrugën edhe njëherë hulumtimit për të njëjtën gjë. Natyrisht, kjo
situatë i rritë shpenzimet në mënyrë të panevojshme. Në këtë pikë, vie në shprehje sistemi i
informacionit të marketingut.
Me kalimin e kohës firmat kanë nevojë për të kontrolluar ambientin e marketingut i cili
shpejt ndryshon dhe rritet. Me dinamikën dhe ashpërsimin e ambientit konkurrues, rritet edhe
nevoja e firmave për përpunimin e informacionit. Sistemi i informacionit të marketingut (SIM)
është procesi i mbledhjes, analizimit dhe raportimit të të dhënave në mënyrë të rregullt dhe të
planifikuar tek personat e duhur në kohë të duhur me qëllim për të ndihmuar vendimet e
marketingut.17
Në të njëjtën kohë, përderisa hulumtimet e marketingut kryesisht mirren me
aktivitetet e krijimit të informacionit, sistemi i informacionit të marketingut mirret me
menaxhimin e rrjedhjes së informacionit te vendimmarrësit e marketingut.18
Koncepti i
informacionit të marketingut përfshin edhe informacionin e tregut edhe informacionet e tjera
në lidhje me marketingun.19
Në të kaluarën, sistemet e informacionit të marketingut përbëheshin nga sisteme të
bazuara dosje të informacioneve të cilat mbaheshin të fshehura në dollape.20
Zbulimi i
internetit paralel me zhvillimet teknologjike të kompjuterit si dhe zhvillimet softuerike të bazës
16
së të dhënave si programi Access kanë ndikuar mjaft në deponimin e informacionit dhe kanë
rritur shpejtësinë për çasje në informacionin e deponuar. Rrjedha e informacionit brenda
sistemit të informacionit të marketingut është rritur edhe më shumë nëpërmjet këtyre
programeve duke u bartur edhe në ambientet elektronike.
Me rritjen e bizneseve, numri i stafit të marketingut dhe vendimeve të rëndësishme
rritet dhe në të njëjtën kohë edhe nevoja për sistemin e informacionit të marketingut.21
Nevoja
e informacionit, burimet e informacionit dhe kostot për të arritur te informacioni janë në
ndryshim të vazhdueshëm. Nga kjo perspektivë, sistemi i informacionit të marketingut për të
qenë efektiv në kuptim të plotë, përveç deponimit pasiv të informacionit në sistem, ai duhet të
u dorëzohet përdoruesve në kohë dhe në mënyrë të përditësuar. Përmes kësaj karakteristike
sistemi i informacionit të marketingut kërkon një strukturë dinamike dhe jo statike.
Hulumtimet e marketingut, raportimi i brendshëm (raportet e shitjes, raportimet e
inventarit, regjistrimet e kontabilitetit etj.), sistemet mbështetëse të vendimit dhe intelegjenca e
marketingut paraqesin mjetet bazike të sistemit të informacionit të marketingut. Përmes
sistemit të informacionit të marketingut, mund të përfitohen më shumë të dhëna përveç atyre
nga hulumtimet e marketingut. Në këtë rast, lind pyetja se “pse sistemet e informacionit të
marketingut nuk marrin vendin e hulumtimeve të marketingut?”. Sepse sistemi i informacionit
të marketingut shumicën e kohës nuk mund të jetë një ndihmës ideal për nga aspekti i
përdorimit të informacionit për marrësin e vendimit.
1.9.1. Faktorët e Sistemit të Informacionit të Marketingut
Sistemi i informacionit të marketingut i ka tri funksione: inputi,
procesi dhe outputi. Inputi përfshin mbledhjen e të dhënave të
papërpunuara brenda firmës apo jashtë firmës. Hulumtuesit e
marketingut të dhënat e mbledhura të papërpunuara i
depozitojnë në një bazë të të dhënave. Funksioni i përpunimit i kthen këto të dhëna në formë të
gatshme për t’u përdorur. Kurse me funksionin e outputit të dhënat e përpunuara u dorëzohen
personave që kanë nevojë për to. I gjithë ky proces zhvillohet brenda kornizës së marketingut.
Menaxherët e marketingut kërkojnë raportet e marketingut javore, mujore dhe vjetore etj., nga
sistemi i informacionit të marketingut.
Sistemi i informacionit të
marketingut i ka tri funksione:
inputi, procesi dhe outputi.
17
Figura 1.3: Funksionet e Sistemit të Informacionit të Marketingut
Në literaturë ekzistojnë shumë klasifikime të ndryshme në lidhje me sistemet e
informacionit të marketingut.22
Sipas një klasifikimi të njohur, Sistemi i Informacionit të
Marketingut përbëhet nga katër elemente:23
Raportimi i brendshëm
Intelegjenca e marketingut
Sistemi mbështetës i vendimit të marketingut
Hulumtimet e marketingut
Këto elemente do të shpjegohen në detaje më poshtë.
1.9.1.1. Raportimi i Brendshëm
Sistemi i raportimit të brendshëm përbëhet nga raporte të brendshme brenda firmës si,
format e porosive, faturat, informatat e inventarit, informatat e stoqeve, raportet e shitjeve,
regjistrimet e kontabilitetit etj. Informatat në lidhje me firmat e regjistruara të cilat në ditën e
sotshme dokumentet e printuara i kanë bartur në kompjuter përfshihen në raportimin e
brendshëm. Sidomos programet si Access, u ofrojnë menaxherëve mundësi për të përmbushur
në mënyrë të shpejtë nevojën për informacion duke krijuar bazën e të dhënave dhe duke
lehtësuar përcjelljen e klientëve, furnizuesëve etj.
Inputi Outputi Procesi
Feed Back
Ambienti i Marketingut
18
1.9.1.2. Sistemi i Intelegjencës së Marketingut
Sistemi i intelegjencës së marketingut përbëhet nga procesi i përcjelljes së tensioneve të
përjetuara në ambientin e marketingut në lidhje me konkurrencën aktuale dhe atë potenciale
dhe me klientët, përcjelljen e ndryshimeve të ndodhura dhe që pritet të ndodhin në ambientin e
jashtëm si dhe vlerësimin e informacioneve në lidhje me këtë çështje.
Ky sistem përfshin procesin edhe formal edhe atë joformal të mbledhjes së të dhënave.
Për procesin jo formal të mbledhjës së të dhënave si shembull mund të mirren shqyrtimi i
gazetave, revistave dhe publikimeve tregtare, kurse procesi formal i mbledhjes së të dhënave
nënkupton punësimin e një ekipi të caktuar për të mbledhur të dhënat në lidhje me çështjet e
firmës apo sektorit në të cilin vepron.
Si modelet më të njohura të sistemit të intelegjencës së marketingut njihen kompanitë
tregtare japoneze, si Mitsubishi dhe Mitsui. Këto kompani kanë krijuar rrjetin më të mirë për
marrjen e “lajmeve të jashtme”.24
1.9.1.3. Sistemet Mbështetëse të Vendimit
Detyra bazike e Sistemit Mbështetës të Vendimit është ruajtja e informacioneve të
mbledhura në detaje të arsyeshme të marketingut të duhur në atë mënyrë që vendimmarrësit të
mund të kenë çasje. Sistemi mbështetës i vendimit u jep mundësinë menaxherëve për të
vlerësuar rezultatet e alternativave të ndryshme përpara se merret vendimi.
Menaxherët përfitojnë nga sistemet mbështetëse të vendimit për çështje të ndryshme, si,
për analizat e shitjes, parashikimet e shitjeve, vlerësimin e reklamave, analizat e linjës së
prodhimit, trendeve të tregut dhe përcjelljen e aktiviteteve të konkurrencës.25
Sistemi mbështetës i vendimit është një sistem i integruar që
përbëhet nga harduaret, rrjetit komunikues, bazës së të dhënave
(të dhënat e mbledhura përmes hulumtimeve të marketingut),
modelit bazë (modelet e marketingut dhe teknikat analitike),
bazës programike (programet kompjuterike për analizimin e të
dhënave) dhe vendimmarrësit që bën mbledhjen dhe interpretimin e të dhënave që do të
ndihmojnë në marrjen e vendimit.26
Sistemi modelik siguron bazat e nevojshme për të kryer
analizat që dëshiron hulumtuesi. Sistemi modelik tenton të gjej përgjigjjen e pyetjes “në qoftë
se a-ja ndryshon çfarë do të ndodh me b-në?” me modelet statistikore dhe/apo modelet e
marketingut. Për shembull, sistemi mbështetës i vendimit mund të zhvillojë parashikime me
modelet statistikore në lidhje me pyetjen“Në qoftë se i rrisim shpenzimet e reklamës për 10%,
sa do të rriten shitjet tona?”.
Sistemi mbështetës i
informacionit përbëhet nga
“sistemi i të dhënave”,
“sistemi modelik” dhe
“sistemi i dialogut”.
19
Veçanërisht të dhënat e papërpunuara të mbledhura me hulumtimet e marketingut
paraqesin inputin e sistemit mbështetës të vendimit. Sistemi mbështetës i vendimit e konverton
inputin në fjalë (të dhënën e papërpunuar) në output (të dhënë që mund të përdoret).
1.9.1.4. Sistemi i Hulumtimeve të Marketingut
Sistemi i hulumtimeve të marketingut përbëhet nga procesi i mbledhjes së të dhënave,
analizimit dhe vlerësimit me qëllim për të prodhuar zgjedhje për problemet e veçanta që firma
përballet në kohë të caktuara. Sistemi i hulumtimeve të marketingut vlerësohet më shumë në
bazë të projekteve. Më poshtë do të shqyrtohen dallimet ndërmjet elementeve të tjera të
hulumtimeve të marketingut dhe sistemit të informacionit të marketingut.
1.9.2. Sistemi i Informacionit të Marketingut dhe Hulumtimet e
Marketingut
Siç u pa më lartë, hulumtimet e marketingut marrin pjesë në sistemin e informacionit të
marketingut. Nga kjo mund të shihet se përkufizimi i sistemit të informacionit të marketingut
ngjan me përkufizimin e hulumtimeve të marketingut.27
Mirëpo ekzistojnë disa dallime
ndërmjet tyre.
Sistemi i informacionit të marketingut është një aktivitet që kryhet në mënyrë të
rregullt, të planifikuar dhe të vazhdueshme në planin e marketingut. Me sistemin e
informacionit të marketingut krijohet një sistem që i ofron biznesit rrjedhjen e informacionit në
mënyrë të rregullt dhe të vazhdueshme. Në këtë mënyrë duke e zbuluar nevojën për
informacion të marrësve të vendimit, të dhënat e mbledhura në këtë drejtim i dorëzohen atyre.
Ndërsa hulumtimet e marketingut mbledhin të dhënat e pambledhura nga punonjësit e tjerë të
sistemit të informacionit të marketingut.
Dallimi i dytë është se hulumtimet e marketingut vijnë në shprehje kur firma
përballohet me situata të veçanta.28
Hulumtimet e marketingut përqendrohen mbi informata të
caktuara për probleme të caktuara. Me sistemin e informacionit të marketingut mund të
përfitohen më shumë të dhëna sesa me hulumtimet e marketingut.29
20
FUSNOTAT NË LIDHJE MË KAPITULLIN E PARË
1 www.ama.org/about/ama/markdef.asp (23.05.2001)
2 Gilbert A. Churcill, Jr. Marketing Research: Methodological Foundations, Seventh Edition,
The Dryden Press, 1999, fq. 7.
3 Mark C. Hall, Ken Anglin and Kevin M. Elliott, “Marketing Resarch: The Small Business
Perspective”, paper presented at the SBIDA, Small Business Institute Director’s Association,
Orlando, Florida, February 5-8, 1997
4 Thomas C. Kinnear, James R. Taylor; Marketing Research: An Applied Approach, McGraw-
Hill, Inc., International Edition, Fifth Edition, 1996, wshtw adaptuar duke e shkurtuar prej
faqes 44.
5 William G. Zikmund; Essentials of Marketing Research, The Dryden Press, 1999, fq. 14.
6 Joseph. F. Hair, Robert P. Bush, David J. Ortinau, Marketing Research: Within a Changing
Information Environment, McGraw-Hill Irwin, 2004, fq. 72.
7 Seval Yakışan; Pazarlama Araştırması, Atöyle Burak Matbaacılık, Stamboll, 1991, fq. 7.
8 Reçai Çınar, Pazarlama Araştırması (Ders Notları), Atatürk Üniversitesi, İktisadi ve İdari
Bilimler Fakültesi Araştırma Merkezi Ders Notları 139, Erzurum, 1987, fq. 17.
9 Christ West; Marketing Research, MacMillan Press Ltd., 1999, fq. 10.
10 Carl McDaniel, Roger Gates; Marketing Research: The Impact of The Internet, Fifth Edition,
South Western, 2002, fq. 33.
11 Alvin C. Burns, Ronald F. Bush; Marketing Research, Prentice Hall, Third Edition, 2000, fq.
29.
12 Chris West; Marketing Research, MacMillan Press Ltd., 1999, fq. 5.
13 Uma Sekaran, Research Methods For Business: A Skill Building Approach, John Willey &
Sons, Inc., Third Edition, 2000, fq. 12.
14 “Araştırmaya Bütçe Yok”, Business Week Türkiye, Numër 2006/35, 10-16 Shtator 2006, fq.
10.
15 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 8.
16 Judy Strauss, Raymond Frost; E-Marketing, Second Edition, Prentice Hall, 2001, fq. 89.
21
17 Gilbert A. Churchill, Jr.; Marketing Research: Methodological Foundations, Seventh
Edition, The Dryden Press, 1999, fq. 25, dhe Tony Proctor, Essentials of Marketing Research,
Second Edition, Pearson Education Limited, 2000, është adaptuar nga fq. 11.
18
Donald S. Tull; Del I. Hawkings, Marketing Research: Measurement and Method, Third
Edition, Macmillan Publishing Company, New York, 1984, fq. 13.
19 Ken Deal, “The Process of Marketing Research: State-of-the-art Perspectives, Handbook of
the American Marketing Association & Professional Marketing Research Society, (Editor:
Chuck Chakrapani), PMRS Press, 2000, fq. 77.
20 Tony Proctor, Essentials of Marketing Research, Second Edition, Pearson Education
Limited, 2000, fq. 11.
21 Chris West; Marketing Research, MacMillan Press Ltd., 1999, fq. 18.
22 Jari M. Talvinen; “Information Systems in Marketing”, European Journal of Marketing,
1995, Vol. 29, Issue 1, fq. 8.
23 Alvin C. Burns, Ronald F. Bush; Marketing Research, Prentice Hall, Third Edition, 2000, fq.
16.
24 Seval Yakışan; Pazarlama Araştırması, Atöyle Burak Matbaacılık, Stamboll, 1991, fq. 24.
25 Carl McDaniel, Roger Gates; Marketing Research: The Impact of The Internet, Fifth Edition,
South Western, 2002, fq. 114.
26 Naresh K. Malhotra, Marketing Research: An Applied Orientation, Third Edition, Prentice
Hall, 1999, fq. 14.
27 Naresh K. Malhotra, Marketing Research: An Applied Orientation, Third Edition, Prentice
Hall, 1999, fq. 14.
28 Alvin C. Burns, Ronald F. Bush; Marketing Research, Prentice Hall, Third Edition, 2000, fq.
19.
29 Naresh K. Malhotra; David F. Birks; Marketing Research: An Applied Approach, European
Edition, Prentice Hall, 2000, fq. 11.
22
KAPITULLI II
NJË PIKËPAMJE E PËRGJITHSHME E
PROCESIT TË HULUMTIMIT TË
MARKETINGUT
Procesi i hulumtimit të marketingut është një zingjir që fillon me njohjen e problemit
dhe që zgjatet deri te rezultatet dhe raportimi. Faza e parë e cila e përbën procesin “njohja e
problemit” është shumë e rëndësishme sepse të gjitha fazat tjera ndërtohen mbi këtë hap. Një
gabim i bërë këtu është sikur një gabim në themelin e një ndërtese. Sado që të jetë e bukur
ndërtesa, është e destinuar që të shembet ngase themeli i saj nuk është solid. Natyrisht që
rëndësia e kësaj faze nuk nënkupton se fazat tjera janë të parëndësishme. Hulumtuesi duhet që
t’i trajtojë të gjitha hapat e procesit të hulumtimit me kujdes dhe vëmendje.
23
2.1. FAZAT E PROCESIT TË HULUMTIMIT
Shumica e kohës së një biznesmeni apo një marketeri kalohet me hulumtim. Kurse
shumica e kohës e kaluar me hulumtim në të vërtet përfshin hulumtime të cilat nuk janë
formale. Bisedat e menaxherëve të marketingut të bëra në rrugë me klientët, bisedat me
ndërmjetësit në kanalet e shpërndarjes shpesh sigurojnë informata të rëndësishme për firmën.
Kontributi i hulumtimeve joformale të cilat përdoren majft është i pranueshëm në masë
të madhe, mirëpo hulumtuesit profesionalë duhet që të i shikojnë me sy dyshues. Të dhënat e
përfituara me metoda joformale mund të jenë të gabuara apo mashtruese.1 Në këtë pikë është e
qartë se ka nevojë për hulumtime të cilat ndjekin një proces logjik dhe formal.
Një proces tipik i hulumtimeve të marketingut është si më poshtë: (Figura 2.1)
1. Përkufizimi i Problemit
2. Përcaktimi i Qëllimeve të Hulumtimit
3. Planifikimi i Dizajnimit të Hulumtimit
4. Zgjedhja e Mostrës
5. Mbledhja e të Dhënave
6. Rezultatet dhe Raportimi
24
Figura 2.1: Procesi i Hulumtimeve të Marketingut
Procesi i mësipërm i hulumtimit tregon rrjedhjen e një
hulumtimi tipik, por jo çdo herë mund të zbatohet ky proces.
Ndonjëherë fazat mund të ndërrojnë vendin apo mund të
kryhen në të njëjtin moment. Gabimet e bëra në një fazë të caktuar mund të shkaktojnë kthimin
në fazën e mëparshme.
Dy fazat e para, njohja e problemit dhe përcaktimi i qëllimit të hulumtimit teksa
definohen në bashkëpunim me menaxherin dhe hulumtuesin, fazat prej planifikimit të
dizajnimit të hulumtimit e deri të rezultatet dhe raportimi janë pjesë e zonës punuese të
hulumtuesit. Megjithatë, faza e fundit, rezultatet dhe raportimi hyn në bashkëpunimin ndërmjet
hulumtuesit dhe menaxherit.2
Njohja e
Problemit
Mbledhja e të
Dhënave
Analizimi i të
Dhënave
Përcaktimi i
Qëllimeve të
Hulumtimit
Planifikimi i
Dizajnimit të
Hulumtimit
Rezultatet dhe
Raportimi
Disa faza në procesin e hulumtimit
mund të ndërrojnë vendin apo
mund të kryhen në të njëjtën kohë.
Zgjedhja e
Mostrës
25
2.1.1. Përcaktimi i Problemit
Teksa çdo hulumtim fillon me një problem, jo çdo problem kërkon
hulumtim. Hapi i parë i një projekti të hulumtimit është njohja e
problemit. Hulumtuesi në këtë fazë duhet të ketë parasysh qëllimin e
hulumtimit, cilat të dhëna duhet të mblidhen dhe të dhënat e mbledhura si do të përdoren në
fazën e vendimmarrjes. Qëllimi i qartë i hulumtimit është i rëndësishëm për mbledhjen e të
dhënave të sakta. Një gabim i bërë në përkufizimin e problemit do të shkaktojë devijimin e
fazave tjera dhe gabime të kushtueshme në atë shkallë saqë do të jetë e pamundur të
rregullohen. Përgjigjjet e sakta të marra për pyetjet e formuluara gabimisht nuk kanë asnjë
vlerë. Prandaj mbledhja e të dhënave përpara se të përcaktohet problemi në mënyrë të plotë
është njëjtë si tjerrësh koti.
Edhe pse kjo fazë është faza më e rëndësishme e procesit të hulumtimit, zakonisht
ekziston prirja e të hargjuarit shumë pak kohë në këtë çështje. Arsyet e kësaj janë pjesërisht
përkufizimet kohore, pjesërisht mendimi se problemi i paraqitur është problemi i vërtetë dhe
pjesërisht hezitimet e hulumtuesve për të pyetur pyetjen se “cili është problemi i vërtetë?”.3
Përveç kësaj, si akademicientët po ashtu edhe zbatuesit, vëmendjen dhe përpjeket e tyre i
orientojnë më shumë në zgjedhjen e problemit sesa në zbulimin e problemit. Kjo është një
çështje mbi të cilën duhet ndalur dhe marrë masa.4
Pika më e mirë filluese për të kuptuar problemin është zbulimi i asaj se çfarë ka
ndodhur përpara se problemi të jetë paraqitur.5 Me fjalë të tjera, duke e hulumtuar të kaluarën e
problemit duhet të provohet të zbulohen se cilat ndryshime brenda apo jashtë firmës i kanë
hapur rrugën problemit.
Në të vërtetë, problemi i paraqitur përpara hulumtimit, në të shumtën e rasteve nuk e
pasqyron problemin e vërtetë. Për shembull, “rënia e shitjeve” në fakt nuk është vetë problemi.
Problemi janë arsyet të cilat fshihen prapa rënies së shitjeve. Detyra që u takon menaxherëve të
marketingut është nxjerrja në shesh e problemit të vërtetë. Mirëpo alarmet e tilla si rëniet e
shitjeve, menaxherët duhet t’i vlerësojnë si një paralajmërim kundër problemeve të mundshme.
Nga kjo perspektivë ekzistojnë disa simptoma që menaxherët duhet t’i përcjellin me kujdes
(Tabela 2.1).
Nuk mund të pritet që një studim i vetëm të i sigurojë të dhënat e nevojshme në mënyrë
të plotë. Për këtë arsye, duhet fokusuar në informacionin i cili
është më i rëndësishëm dhe
është i hulumtueshëm (i cili mund të arrihet me një kosto të arsyeshme në një
kohë të përshtatshme).
Çdo hulumtim fillon me
një problem, por jo çdo
problem kërkon hulumtim.
26
SIMPTOMAT SHPJEGIM
Vëllimi i Shitjeve Shuma e shitjeve apo të ardhurat në një kohë të caktuar
Pjesa e Tregut Pjesa e shitjeve të firmës (brendit) brenda shitjeve të industrisë
Fitimi Fitimi i siguruar nga një brend
Porositë Tregtare Shumat e shitjeve të dilerave të firmës
Ankesat Numri i regjistruar i ankesave konsumatore
Konkurrenca Aktivitetet si ulja e çmimeve nga firmat konkurruese, nxjerrja e
një produkti të ri, ndryshimi i stilit, shtrirja në territore të reja etj.
Tabela 2.1: Simptomat e Problemeve të Mundshme
Burimi: Alvin C. Burns, Ronald F. Bush; Marketing Resarch, Prentice Hall, Third Edition,
2000, fq. 103
2.1.2. Përcaktimi i Qëllimeve të Hulumtimit
Pasi të jenë përcaktuar problemi dhe mundësitë, qëllimet e hulumtimit duhet të
formulohen në mënyrë të qartë duke u bazuar në përkufizimin e problemit dhe mundësive.
Mënyra më e mirë për përcaktimin e qëllimeve të hulumtimit është pyetja e asaj se “Për
çfarë lloji të informacioneve kemi nevojë për zgjidhjen e problemit?”.6 Në këtë fazë tentohet të
zbulohet arsyeja e bërjes së hulumtimit, pra qëllimi i hulumtimit me pyetje të këtilla si “Përse
konsumatorët nuk po e blejnë produktin tonë?”.
Qëllimet e hulumtimit duhet të sigurojnë informacionet e nevojshme për të zgjedhur
problemin e hulumtimit. Në të kundërtën, të dhënat e përfituara nuk do të i hyjnë në punë
menaxherit. Deklarata më e drejtë e qëllimit të hulumtimit është një hipotezë e cila është
formuluar mirë dhe që mund të testohet.
Hipoteza është një gjykim që përcakton marrëdhënien e dy apo më
shumë ndryshoreve të cilat mund të maten.7 Ngaqë metoda
eksperimentale kërkon kushte shumë të veçanta në shkencat
shoqërore, duhet dhënë kujdes në zhvillimin e hipotezave të cilat mund të testohen në mënyrë
shkencore dhe testimin e tyre me rezultatet e hulumtimit.8 Ajo çfarë duhet të kihet kujdes në
këtë pikë është se duhet përdorur konceptin për testimin e hipotezave dhe jo koncepti për
vërtetimin e hipotezave.
Deklarata e hipotezës jep
përgjigjje të mundshme
për pyetjet e hulumtimit.
27
Hipoteza është një supozim i padëshmuar apo zgjedhje e mundshme për një problem të
caktuar. Deklarata e hipotezës jep përgjigjje të mundshme për pyetjet e hulumtimit. Për
shembull, një menaxher i marketingut dëshiron të dij se a do të rriten shitjet kur të rriten
shpenzimet e reklamës për dy herë më shumë. Në të vërtetë, ajo çfarë kërkon këtu menaxheri i
marketingut është lidhja ndërmjet shpenzimeve të reklamës dhe shitjeve. Në kë rast, menaxheri
i marketingut mund të krijojë një hipotezë në këtë mënyrë: Rritja e shpenzimeve të reklamës
ndikon në rritjen e shitjeve.
Në mënyrë të ngjashme, një menaxher i shitjes mund të krijoj hipotezë si kështu:
Shitësit të cilët kanë kënaqësi të lartë të punës, janë më produktivë. Deklarata e problemit
(problem statement) ngjan mjaft me hipotezën, mirëpo deklarata e problemit gjendet në formën
e pyetjes kurse hipoteza në formën e pohimit. Në këtë kontekst, hipotezat janë më specifike
dhe janë më të afërta me aktivitetet e hulumtimit dhe testet empirike.9 Hipotezat po ashtu
ndihmojnë në përcaktimin e saktë të problemit përmes metodës së gjykimit dhe gabimit.
2.1.3. Planifikimi i Dizajnimit të Hulumtimit
Kjo fazë përfshin metodën dhe procesin e duhur për mbledhjen e të dhënave të
nevojshme. Për këtë arsye, qëllimet e hulumtimit të përcaktuara në fazën e mëparshme kanë
ndikim të drejtëpërdrejtë në dizajnimin e hulumtimit. Në këtë fazë vendoset se me cilën metodë
do të mblidhen të dhënat dhe bëhet planfikimi i zgjedhjes së mostrës.
Në këtë pikë modeli i hulumtimit fiton rëndësi. Sigurisht se secili
hulumtim ka një model.10
Krijimi i modelit paraqet funksionin e
përcaktimit të marrëdhënieve ndërmjet dy apo më shumë ndryshoreve
dhe përkufizimin apo parashikimin e kësaj marrëdhënie (apo këtyre
marrëdhënieve).11
Modelet të cilat ndihmojnë vendimmarrësit mund të zhvillohen, rishikohen
dhe testohen nga hulumtuesi.
Formulimi i dizajnimit të hulumtimit përbëhet nga këto faza:12
Analiza e të dhëna dytësore
Hulumtimet kualitative
Metodat kuantitative të mbledhjes së të dhënave
Procesi i matjes dhe shkallëzimit
Dizajnimi i anketës
Procesi i zgjedhjes së mostrës dhe madhësia e mostrës
Plani i analizimit të të dhënave
Gjatë këtij plani rrjedhës, hulumtuesi duhet t’i ketë parasysh këto pyetje:13
Secili hulumtim ka një
model. Hulumtimi pa
model nuk bën.
28
Cilat janë kushtet ambientike që mund të ndikojnë në strategjinë e hulumtimit?
Si duhet të kryhet hulumtimi?
Çfarë lloji të të dhënave duhen mbledhur?
Si do të mblidhen të dhënat?
Si do të analizohen të dhënat?
Cilat janë gjetjet e parashikuara?
Pyetjet e cekura më lartë kanë një pjesë të rëndësishme të suksesit të hulumtimit. Në
disa raste, për të marrë rezultatet e hulumtimit sa më shpejt, punohet pa planifikuar. Për
shembull, hulumtimi thjesht shihet si mbledhje dhe analizim i të dhënave. Ndërsa fazat duhet të
mirren parasysh, por në të njëjtën kohë këto faza kërkojnë një planifikim dhe dizajnim të
rëndësishëm. Nga kjo perspektivë këto llojë fazash duhet të planifikohen me kujdes. Për
shembull, një anketë e cila është përgatitur shpejt dhe me pakujdes, shumë lehtë, mund të
kthehet në një furi të dhënash të cilat kërkojnë problemin për të cilin janë mbledhur. Ajo çfarë
është me rëndësi është zbulimi i problemit i cilin kërkon të dhënat e tij.
Dizajnimi i hulumtimit mund të ndahet në dy lloje: eksplorative dhe
konkluzive. Në të shumtën e rasteve hulumtimet konkluzive kryhen
pas hulumtimeve eksplorative (Figura 2.2).
Nuk ekziston ndonjë hulumtim ideal i përshtatshën për çdo situatë. Hulumtuesi ka
shumë alternativa në dispozicion për t’i përdorur në zgjidhjen e problemit. Po ashtu, mund të
ketë pikëprerje ndërmjet hulumtimeve eksplorative, përshkruese dhe shkakore si dhe
ndonjëherë gërshetime me njëra-tjetrën. Në këtë mënyrë, në të njëjtin hulumtim në fillim mund
të përdoret modeli eksplorativ, pastaj përshkrues si dhe modelet të cilat të kërkojnë lidhjet
përshkruese dhe shkakore (Figura 2.2). Madje në raste të zakonshme mund të ndodh që në një
hulumtim të gërshetohen tri lloje të modeleve.14
Mirëpo në përgjithësi, metoda e anketës në
shumicën e rasteve bart karakteristikën e hulumtimit përshkrues, e ndonjëherë shkakor,
vrojtimi në mënyrë tipike bart karakteristikën e hulumtimit përshkrues dhe eksperimenti
pothuajse gjithmonë bart karakteristikën e hulumtimit shkakor.15
(Figura 2.3)
*Hulumtimet konkluzive ndahen në hulumtime përshkruese dhe empirike.
Dizajnimi i hulumtimit
ndahet në dy lloje:
eksplorative dhe
konkluzive.
29
Figura 2.2: Dizajnimi i Hulumtimit të Marketingut
Burimi: Alan T. Shao, Marketing Research: An Aid to Decision Making, South Western
College Publishing, 1999, fq. 65 dhe Naresh K. Malhotra, Marketing Research: An Applied
Orientation, Third Edition, Prentice Hall, 1999, përshtatur nga fq. 85.
Hulumtime
Longitudinale
Analiza
tërthore
Analiza
tërthore e
njëfishtë
Analiza
tërthore e
dyfshishtë
30
Figura 2.3: Lidhjet ndërmejt Dizajnimeve të Hulumtimeve të Marketingut
Burimi: Gilbert A. Churchill, Jr.; Basic Marketing Research, Fourth Edition, The Dryden
Press, 2001, fq. 105
2.1.3.1 Hulumtimet Eksplorative
Studimet eksplorative të cilat kanë prirje për të qenë më shumë kualtitative* janë të
orientuara në zbulimin e problemit dhe dimensionet e problemit. Hulumtimet eksplorative
zakonisht vijnë në shprehje në rastet kur nuk ekzistojnë hulumtime të kryera në lidhje me
problemin apo çështjen e hulumtimit. Nga kjo perspektivë, sado të pakta që të jenë
informacionet dhe alternativat vepruese rreth problemit aq më e madhe është mundësia për t’u
* Hulumtimet eksplorative nuk janë të kufizuara vetëm me hulumtimet kualitative. Edhe hulumtimet kuantitative
mund të marrin pjesë në hulumtimet eksplorative.
Hulumtimi
Eksplorativ
Hulumtimi
Shkakor
Hulumtimi
Përshkrues
31
përdorur hulumtimi eksplorativ. Në hulumtimet eksplorative, hulumtuesi punon në një ambient
elastik ku vie në shprehje edhe intuita.
Qëllimi bazë i hulumtimeve eksplorative është krijimi i hipotezave të
shumta sesa verifikimi i hipotezave në lidhje me çështjen e
hulumtimit.* Shumë hulumtime zakonisht fillojnë me hulumtimet
eksplorative. Hulumtimet eksplorative përcjellin hulumtimet tjera.
Hulumtimet eksplorative duke e ngushtuar zonën e hulumtimit i kthejnë problemet e zbuluara
në probleme të njohura. Mirëpo jo gjithmonë është e nevojshme që projekti i hulumtimit të
filloj me hulumtime eksplorative. Vendimi për hulumtime eksplorative lidhet më shumë me
nivelin e informacionit të hulumtuesit rreth problemit. Si rrjedhojë, projekti mund të fillojë me
hulumtime përshkruese apo shkakore në vend të hulumtimit eksplorativ. Po ashtu, ndonjëherë
mund të ndodh që të kthehet prapa, psh. zbulimi i nevojës për të bërë hulumtim eksplorativ në
vend të hulumtimit përshkrues.
Në kontekstin e hulumtimeve eksplorative, hulumtuesi i marketingut përfiton dobi nga
katër teknika themelore për të përvetësuar informacione më të hollësishme rreth problemit:6
Burimet dytësore (konsultimi i literaturës)
Studimet pilote
Studim rastet (case studies)
Kontaktimi i personave të cilat posedojnë informacione rreth problemit
(experience surveys)
Këto katër teknika do të shpjegohen shumë shkurt këtu dhe disa teknika tjera do të
shpjegohen në më detaje në kapitujt e ardhshëm.
Burimet Dytësore (konsultimi i literaturës): Sipas llojit të mbledhjes, të dhënat ndahen
në dy grupe: të dhënat parësore dhe të dhënat dytësore. Të dhënat parësore janë ato të dhëna të
cilat mblidhen për herë të parë nga hulumtuesi për qëllimet e veta specifike. Kurse të dhënat
dytësore përfshijnë çfarëdo lloji të dhënash të cilat janë mbledhur më parë për qëllime të
ndryshme. Të dhënat dytësore mund të përfitohen nga burimet e shtypura, bibliotekat etj.
Mbledhja e të dhënave dytësore është me pak e kushtueshme, më e lehtë dhe më e shpejtë në
krahasim me mbledhjen e të dhënave parësore.
Avantazhet më të rëndësishme të të dhënave parësore janë se të dhënat parësore
përmbushin drejtëpërdrejtë nevojën e hulumtuesit, janë të përditësuara dhe janë të besueshme.
Për shembull, një skanim i të dhënave dytësore rreth çështjes së nivelit të inflacionit do të bëj
që hulumtuesi të ballafaqohet me rezultate të ndryshme sipas institucioneve nga të cilat ai
* Teksa shumë autorë pohojnë se nuk ka hipotezë në hulumtimet eksplorative, Aaker dhe të tj. (2001: 72) pohojnë
se mund të ketë një hipotezë e cila do të i përgjigjet pyetjes së hulumtimit edhe në qoftë se është e paqartë apo e
përkufizuar keq.
Hulumtimet eksplorative
tentojnë të krijojnë shumë
hipoteza në vend se të i
vërtetojnë ato.
32
mbledh të dhënat. Nga kjo pikëpamje të dhënat dytësore kanë desavantazhe, si duke mos qenë
të përditësuara dhe të besueshme.
Të dhënat dytësore janë të dhëna që janë mbledhur më parë nga hulumtues të tjerë për
qëllime të tjera. Ndër burimet më të rëndësishme të të dhënave dytësore janë bibliotekat,
interneti dhe madje dokumentet e firmës. Mbledhja e të dhënave dytësore është ndër hapat e
parë të projekteve të hulumtimit. Bollshmëria dhe besueshmëria e të dhënave dytësore luajnë
rol të rëndësishëm në strukturimin e fazave të ardhshme të hulumtimit.
Shpesh firmat mund të gjejnë përgjigjjet e problemeve të caktuara duke u bazuar në
konsultimin e literaturës, duke mos ndjerë nevojë për zbatimin e një ankete të detajuar. Për
shembull, në periudhat e krizave, Ministria e Shëndetësisë mund të u dërgojë doktorëve një
shkrim në spitalet e shtetit me qëllim që të u shkruajnë pacientëve ilaçin më të lirë i cili ka
përbërjen e njëjtë. Firmat e ilaçeve duke mos ndjerë nevojë për hulumtime të ardhshme,
zbulojnë arsyen e rëniës së shitjeve nga konsultimi i literaturës, respektivisht nga shtypi që
publikon lajmin.
Studimet Pilote:* Studimet pilote janë mënyrë joformale e mbledhjes së të dhënave me
qëllim për të shërbyer si udhëzim për studimet më të gjera dhe të dhënat e fituara në fund të
studim pilotit nuk janë precize.17
Për shembull, pyetjet e hapura të përdorura në studimet pilote
mund të kthehen në pyetje të mbyllura në hulumtimet e mëvonshme. Në fakt, nga kjo
pikëpamje fokus grupet janë një alternativë që përdoren mjaft në kornizën e studimeve pilote.
Studimet e fokus grupeve do të shpjegohen më tutje në detaje.
Studimet pilote janë projekte që bëhen në masë të vogël për projektet që bëhen në
mënyrë të detajuar në të ardhmen dhe që sigurojnë të dhëna të cilat përdoren zakonisht në
analizat kualitative. Karakteristika më e rëndësishme që i ndajnë studimet pilote prej
konsultimit të literaturës është mbledhja e të dhënave parësore.
Studim Rastet: Në modelin e një hulumtimi eksplorativ tentohet
të shqyrtohet problemi aktual i vendimit dhe shembujt e ngjarjeve
të cilat kanë ngjashmëri. Zhvillimi i shembujve të ngjarjeve dhe
metodat e zgjidhjes mund të sigurojnë të dhëna të cilat do të
zgjedhin problemin aktual.18
Për shembull, një kolegj privat përveç praktikave të veta të
suksesshme për të i tërhequr studentët, mund të i shqyrtojë edhe praktikat e marketingut të një
kolegji tjetër privat të cilat tërheqin vëmendjen.
Studim rastet mund të përkufizohen si një proces për krijimin e informacioneve të
detajuara dhe të gjera rreth një situate (rasti) apo një numri të kufizuar të situatave. Për
mbledhjen e të dhënave në studim raste, përdoren metoda të ndryshme, si anketat, intervistat,
* Disa autorë hulumtimet kualitative i përdorin si sinonim të pilot projekteve. Hulumtimet kualitative do të
shpjegohen në detaje në kapitujt e ardhshëm.
Studim rastet shërbejnë për
mbledhjen e të dhënave që
zgjedhin problemin.
33
vrojtimet dhe analizat e dokumenteve. Edhe pse për nga ana shkencore studim rastet mund të
jenë dyshuese, ato janë mjaft të dobishme për krijimin e hipotezave të reja.19
Kontaktimi i Personave të cilët Posedojnë Informacione rreth Problemit (Experience
Surveys): Një alternativë tjetër për sigurimin e të dhënave dhe informacioneve të hulumtimeve
është takimi me specialistët dhe personat e autorizuar të cilët kanë informata në lidhje me
problemin apo çështjen e hulumtimit.
Njerëzit të cilët kanë informacionë në fushën e hulumtimit të bërë janë të gatshëm për
të ndarë përvojat e tyre me të tjerët (me përjashtim konkurrenca). Takimi me specialista
(experience research) përfshin bisedimin me individët brenda apo jashtë firmës për të
përvetësuar xhurmët në lidhje më marrëdhënien ndërmjet ndryshoreve. Për shembull, në qoftë
se fusha e hulumtimit ka të bëjë më zhvillimin e një produkti të ri, inxhinierët në departamentin
e prodhimit të firmës mund të jenë një burim i rëndësishëm.
Në këtë metodë personat të cilët do të kontaktohen duhet të zgjedhen mirë. Një
hulumtim i bërë me personat të cilët nuk kanë me të vërtetë informata rreth çështjes nuk është
vetëm humbje kohe, por në të njëjtën kohë dërgon në fitimin e rezultateve të gabuara.
Po ashtu, dezavantazhi më i madh i komunikimit të personave të cilat kanë informata në
lidhje me problemin është se jo gjithë herë mund të merren rezultate të besueshme. Niveli i
informacionit të specalistëve në lidhje me temën e hulumtimit jo çdo herë mund të jetë i lartë
apo mund të ketë prirje për një mendim apo paragjykim të caktuar.
2.1.3.2 Hulumtimet Konkluzive
Hulumtimet konkluzive sigurojnë informacionet të cilat ndihmojnë vendimmarrësin për
të bërë zgjedhje ndërmjet alternativave të ndryshme. Në këtë mënyrë, hulumtimet konkluzive
ndihmojnë në përcaktimin, vlerësimin dhe zgjedhjen e alternativave më të mira për të ndjekur
në një sistuatë të caktuar.21
Për të rritur besueshmërinë e informacioneve përdoren metodat
statistikore. Përderisa hulumtimi eksplorativ i kryen më shumë punë hulumtuesit, rezultatet e
hulumtimit konkluziv e ndihmojnë drejtëpërsëdrejti vendimmarrësin. Në hulumtimet
konkluzive informacioni i kërkuar ka një karakteristikë të veçantë. Për këtë arsye hulumtimet
konkluzive kërkojnë që qëllimet e hulumtimit dhe nevoja e informacionit të jenë njohur në
mënyrë të qartë. Hulumtimet konkluzive ndahen në dy lloje:
Hulumtime përshkruese
Hulumtime shkakore.
Këto lloje të hulumtimit do të shqyrtohen në detaje më poshtë.
34
Hulumtimet Përshkruese: Qëllimi themelor i hulumtimit përshkrues është përshkrimi
i karakteristikave të një popullimi apo të një fenomeni.22
Këto studime janë më shumë të
orientuara në përcaktimin e karakteristikave, psh., të konsumatorëve, si mosha e një grupi të
caktuar, niveli i arsimit, profesioni etj. Për shembull, regjistrimet e popullsisë vlerësohen në
kuadër të një seti të ndryshëm të hulumtimit përshkrues.
Ndryshe nga hulumtimi eksplorativ, këtu hulumtuesi e di se cilat
pyetje hulumtuese duhen pyetur. Hulumtimi përshkrues fillon pasi
nevoja për informacion të jetë përcaktuar plotësisht, problemi të
jetë përkufizuar dhe hipotezat të jenë krijuar.
Hulumtimi përshkrues kërkon përgjigjjet e këtyre pyetjeve: kush, çfarë, kur, ku dhe si.
Në kuadër të hulumtimit përshkrues mund të vlerësohen profilet e klientëve aktualë të firmës,
sjelljet e konsumatoreve, strategjitë e konkurreces etj. Hulumtimet përshkruese zbulojnë
profilin e klientit, por nuk hulumtojnë se përse këta klientë janë klientë të firmës. Në
hulumtimet përshkruese saktësia është shumë me rëndësi.
Hulumtimet Shkakore: Qëllimi themelor i hulumtimeve shkakore
është përcaktimi i lidhjes shkak-pasojë ndërmjet ndryshoreve.23
Mirëpo, për shkak se hulumtimet shkakore janë komplekse dhe të
shtrenjta, ato përdoren më pak në sektorin e hulumtimeve të marketingut në krahasim me llojet
e tjera të hulumtimeve.24
Në një hulumtim tipik shkakor, një ndryshore ndryshon dhe vrojtohet se a do të
ndryshojë ndryshorja tjetër. Pra, provohet të vërtetohet se a ekziston ndonjë marrëdhënie
ndërmjet ndryshoreve. Për shembull, firma mund të zhvillojë një hulumtim për të përcaktuar
ndikimin e dy mesazheve të ndryshme të reklamës mbi sjelljen blerëse të konsumatorëve.
Në hulumtimet shkakore, kontrolli i hulumtuesit është më i paktë sikurse në hulumtimet
eksplorative. Përkundër kësaj, hulumtimet shkakore nxjerrin në plan të parë përpjekjet
kontrolluese të hulumtuesit. Veçanërisht eksperimentet laboratorike janë nën kontrollin e
hulumtuesit në mënyrë të fokusuar.25
Për t’u siguruar se një ndryshore ndikon në ndryshoren
tjetër, duhet mbajtur nën kontroll faktorët e tjerë të jashtëm të cilët mund të ndikojnë në
marrëdhënien e këtyre dy ndryshoreve. Megjithatë, arritja e kësaj në mënyrë të plotë është
pothuajse e pamundur. Për shembull, një rritje e vërejtur në shitje është e pamundur të thuhet
se buron vetën nga rritja në buxhetin e reklamës. Ndoshta kanë ndodhur shkurtesa në buxhetin
e reklamës së konkurrentëve (në qoftë se hulumtimi është kuptuar nga konkurrentët,
ndonjëherë për të devijuar këtë hulumtim ata mund t’i bëjnë me qëllim shkurtesat e buxhetit të
reklamës) apo ka ndodhur një rritje në trendet ciklike sezonale. Qëllimi këtu është që me sa të
jetë e mundur të minimizohen ndikimet e jashtme.
Në hulumtimin përshkrues,
hulumtuesi e di se cilat
pyetje duhet pyetur.
Hulumtimet shkakore janë
të shtrenjta dhe kanë një
strukturë komplekse.
35
2.1.4. Zgjedhja e Mostrës
Mostra përbëhet nga grupi i individëve apo objekteve të zgjedhura nga popullimi që
përfaqësojnë popullimin e targetuar. Kurse popullimi paraqet grupin e personave, tregjeve,
firmave, produkteve etj., të hulumtuara nga hulumtuesi. Natyrisht se rezultatet e marra nga
mostra e popullimit jo çdo herë përfaqësojnë popullimin. Gabimet e bëra në zgjedhjen e
mostrës do të i kushtojnë rezultateve të popullimit. Në të njëjtën kohë tentimi për të mbledhur
të dhënat drejtëpërdrejtë nga i gjithë popullimi nuk është aspak një metodë praktike për nga
pikëpamja e kostove dhe kohës. Për sa kohë që mostra të zgjedhet në mënyrë të saktë me një
nivel të pranuar të gabimit, mund të përfitohen rezultate të sakta rreth popullimit dhe në këtë
mënyrë do të jetë më pak e kushtueshme.
Në zgjedhjen e mostrës vendimi për madhësinë e mostrës është shumë me rëndësi.
Kostot e vëllimit të mostrës duhet të jenë të vogla sa për të mos u hargjuar pa vend dhe duhet të
jenë të mjaftueshme sa për të përfaqësuar popullimin.
2.1.5. Mbledhja e të Dhënave
Të dhënat në përgjithësi mblidhen me ndihmën e vrojtimit, pyetjes apo stimulimit.26
Zgjedhja e teknikës së përshtatshme për mbledhjen e të dhënave për një studim të veçantë varet
nga buxheti, koha, karakteristikat demografike të pjesëmarrësve, përmbajtja e hulumtimit,
niveli i përgjigjjeve të dëshiruara etj. Zgjedhja, trajnimi, kontrollimi dhe vlerësimi i ekipit që
do të merret me mbledhjen e të dhënave në mënyrë të saktë do të zvogëlojë gabimet që mund
të paraqiten në këtë fazë.
Me metodën e vrojtimit të dhënat mblidhen duke vëzhguar sjelljet e një grupi të
caktuar. Avantazhi më i rëndësishëm i vrojtimit është mbledhja e të dhënave drejtëpërdrejtë.
Mirëpo nëse personat zbulojnë se janë duke u vëzhguar do të sillen në mënyrë jo të zakonshme
dhe do të ndodhin devijime. Metoda e vrojtimit është një metodë më e vështirë sesa mendohet.
Mbledhja e të dhënave në mënyrë të saktë dhe të drejtë kërkon vrojtues me përvojë.
Metoda e dytë themelore është metoda e anketës. Me këtë metodë u bëhen pyetje
personave në lidhje me temën e hulumtimit. Ekzistojnë desavantazhe me metodën e anketës si
refuzimi për t’iu përgjigjur pyetjeve, përgjigjjet e eksazgjeruara apo të pasakta etj. Gjatë
përdorimit të metodës së anketës për mbledhjen e të dhënave, kryerja e një para-studim piloti
me një numër të caktuar të pjesëmarrësve do të ofrojë dobi në zbulimin e pyetjeve të
36
pakuptueshme apo rregullimin e pyetjeve të panevojshme, nxjerrjen e tyre nga anketa apo
shtimin e pyetjeve të reja.
Kurse teknikat e stimulimit kërkojnë përgjigjet e pyetjeve si, ...në qoftë, ...si do të jetë?
(në qoftë se shpenzimet e reklamës rriten për 10%, sa do të rriten shitjet?) duke pasur parasysh
të dhënat e shkuara përmes modeleve analitike dhe kompjuterëve. Dezavantazhi më i madh i
teknikave të stimulimit është se bazohet në të dhëna të kaluara dhe në supozimin se këto të
dhëna ende janë të vlefshme.27
Për të kapërcyer këtë dezavantazh, duhet të mblidhen të dhëna
nga mostra të vogla me teknikat e stimulimit të Monte Carlo-së dhe në këtë mënyrë mund të
bëhen parashikime.
2.1.6. Editimi
Të dhënat e mbledhura të çdo hulumtimi, duhet të kalohen nga faza e
editimit, pa marrë parasysh ndjeshmërinë e procesit. Në fazën e editimit
të dhënat filtrohen nga pikëpamja e saktësisë, qëndrueshmërisë dhe
ndershmërisë. Për shembull, pjesëmarrësi i një ankete mund që të mos
jetë përgjigjur në të gjitha pyetjet. Në mënyrë të ngjashme, mund të rastisen mosqëndrueshmëri
logjike në përgjigjje. Qëllimi i editimit është që me aq sa është e mundur të bëhet rregullimi i
këtyre lloje të anketave apo edhe të lihen jashtë hulumtimit nëse është e nevojshme dhe në këtë
mënyrë të pengohen devijimet e rezultateve të hulumtimit. Më pak fjalë, editimi ndihmon në
nxjerrjen e anketave përpara se të dhënat të futen në kompjuter, të cilat janë problematike dhe
kështu në parandalimin e problemeve të cilat mund të shfaqen më vonë.
2.1.7. Kodimi
Pas procesit të editimit të dhënat e ndara për t’u vlerësuar hyjnë në procesin e kodimit.
Kodimi është funksioni i konvertimit të përgjigjjeve të marra në vlera numerike me qëllim që
të mund të analizohen. Në fazën e kodimit çdo përgjigjjeje i jepet një identifikim numerik.
2.1.8. Analizimi i të Dhënave
Pas funksionit të editimit dhe kodimit të dhënat hyjnë në fazën e analizimit duke i
transferuar në kompjuter. Në këtë fazë, përpara se të kalohet në analiza, hulumtuesi duhet që t’i
kontrollojë të dhënat e koduara dhe të futura në kompjuter.
Përmes funksionit të
editimit anketat
problematike nxirren
me kohë.
37
Në fazën e analizimit, mund të përdoren teknika të ndryshme duke filluar nga
shpërndarjet e thjeshta frekuentike e deri te analizat me shumë ndryshore. Sidomos duke pasur
parasysh karakteristikat e shumëfishta të përgjigjeve mund të përdoren tabelat e kryqëzuara për
klasifikimin e këtyre karakteristikave (cross-tabulation). Mënyra e mbledhjes së të dhënave ka
rëndësi në përcaktimin e teknikave të analizave. Në ditët e sotshme, përmes programeve
statistikore si SAS, SPSS, analizat mund të kryhen mjaft shpejt dhe në mënyrë të besueshme.
Pas funksionit të analizimit, vie pjesa më interesante dhe kreative e procesit të
hulumtimeve të marketingut, interpretimi i analizave të bëra.28
2.1.9. Përfundim dhe Raportim
Pas mbledhjes dhe analizimit së të dhënave duhet shkruar një raport i cili përmbledh
projektin e hulumtimit. Në të shumtën e rasteve, pritet që ekipi hulumtues ta prezantojë
raportin edhe gojarisht. Raporti në pika të shkurtëra duhet të përfshijë të gjitha fazat e
hulumtimit. Pasi të jetë prezantuar raporti, dëgjuesit duhet të kenë një ide rreth projektit të
hulumtimit nga fillimi deri në fund.
Në të shumtën e rasteve, mund të nevojitet prezantimi gojarisht i raportit. Në raste të
këtilla, mund të përdoren mjetet vizuale si tabelat, figurat dhe grafiqet. Programet si Power
Point janë ideale për përgatitjen e prezantimeve të këtilla. Sado që një hulumtim mund të jetë i
suksesshëm, gabimet e bëra në fazën e raportimit mund të bëj që i gjithë hulumtimi të shkoj
huq.
38
FUSNOTAT NË LIDHJE ME KAPITULLIN E DYTË
1 Chris West; Marketing Research, MacMillan Press Ltd., 1999, fq. 7.
2 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 60.
3 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 60.
4 Kemal Kurtuluş; Araştırma Yöntembilimi, İşletme Fakültesi Yayın No: 210, İşletme İktisadı
Enstitüsü Yayın No: 106, Stamboll, 1989, fq. 29.
5 William R. Dillon, Thomas J. Madden, Neil, H. Firtle; Marketing Research in a Marketing
Environment, Times Mirror Mosby, 1987, fq. 51.
6 Alvin C. Burns, Ronald F. Bush; Marketing Research, Prentice Hall, Third Edition, 2000, fq.
75.
7 Gilbert A. Churcill, Jr., Marketing Research: Methodological Foundations, Seventh Edition,
The Dryden Press, 1999, fq. 49.
8 Kemal Kurtuluş; Pazarlama Araştırmaları, Genişletilmiş Altıncı Baskı, Avcıol Basım Yayın,
1998, fq. 7.
9 William G. Zikmund; Essentials of Marketing Research, The Dryden Press, 1999, fq. 75.
10 Kemal Kurtuluş; Araştırma Yöntembilimi, İşletme Fakültesi Yayın No: 210, İşletme İktisadı
Enstitüsü Yayın No: 106, Stamboll, 1989, fq. 53.
11 William G. Zikmund; Essentials of Marketing Research, The Dryden Press, 1999, fq. 116.
12 Naresh K. Malhotra, Marketing Research: An Applied Orientation, Third Edition, Prentice
Hall, 1999, fq. 24.
13 Alan T. Shao, Marketing Research: An Aid To Decision Making, South Western College
Publishing, 1999, fq. 65.
14 Kemal Kurtuluş; Araştırma Yöntembilimi, İşletme Fakültesi Yayın No: 210, İşletme İktisadı
Enstitüsü Yayın No: 106, Stamboll, 1989, fq. 59.
15 Carl McDaniel, Roger Gates; Marketing Research: The Impact of the Internet, Fifth Edition,
South Western, 2002, fq. 65.
16 William G. Zikmund; Essentials of Marketing Research, The Dryden Press, 1999, fq. 51.
39
17 William G. Zikmund; Essentials of Marketing Research, The Dryden Press, 1999, fq. 51.
18 Cemal Yükselen; Pazarlama Araştırmaları, Detay Yayıncılık, Ankara 2000, fq. 49.
19 Mark Saunders, Philip Lewis, Adrian Thornhill, Research Methods For Business Students,
Second Edition, Prentice Hall, 2000, fq. 94.
20 Kemal Kurtuluş; Araştırma Yöntembilimi, İşletme Fakültesi Yayın No: 210, İşletme İktisadı
Enstitüsü Yayın No: 106, Stamboll, 1989, fq. 55.
21 Naresh K. Malhotra, Marketing Research: An Applied Orientation, Third Edition, Prentice
Hall, 1999, fq. 85.
22 William G. Zikmund; Essentials of Marketing Research, The Dryden Press, 1999, fq. 42.
23 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 63.
24 Alvin C. Burns, Ronald F. Bush; Marketing Research, Prentice Hall, Third Edition, 2000, fq.
78.
25 Cooper, Donald R.; Schindler, Pamela S.; Business Research Methods, Eighth Edition,
McGraw-Hill International Edition, 2003, fq. 161
26 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 65.
27 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 66.
28 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 69.
40
KAPITULLI III
HULUMTIMET EKSPLORATIVE DHE
KUALITATIVE
Hulumtimet eksplorative ngjajnë me aventurat eksploruese të një eksploruesi.
Hulumtuesi nuk ia ka idenë se çfarë do të gjejë. Mendimet dhe drejtimet e hulumtuesit
ndryshojnë me çdo gjetje. Hulumtimet eksplorative kanë një vend të rëndësishëm në
hulumtimet e marketingut të cilat përbëhen nga hulumtimet kualitative kryesisht me ndihmën e
shkencës së psikologjisë. Hulumtimet kualitative janë duke fituar rëndësi përmes teknikave të
fokus grupeve dhe intervistave të thella edhe pse të dhënat e përfituara mund të interpretohen si
subjektive dhe se intuita peshon më shumë se numrat.
41
3.1. TEKNIKAT E HULUMTIMEVE KUALITATIVE
Viteve të fundit teknikat e hulumtimit kualitativ janë bërë më të rëndësishme sesa që
mendohej dhe kanë filluar të përdoren në mënyrë intensive. Arsyet bazë për fitimin e rëndësisë
së hulumtimeve kualitative viteve të fundit, mund të renditen në këtë mënyrë:1
Zakonisht hulumtimet kualitative kushtojnë më pak se hulumtimet kuantitative.
Hulumtimet kualitative janë mjaft funksionale në zbulimin e motiveve dhe
ndjenjave të brendshme të konsumatorëve.
Hulumtimet kualitative kur përdoren së bashku me hulumtimet kuantitative, u
ndihmojnë hulumtimeve kuantitative dhe rrisin aktivitetet e tyre.
Teknologjia kompjuterike dhe zhvillimi i progameve të përdorura për
analizimin e hulumtimeve kualitative kanë inkurajuar përdorimin e këtyre
llojeve të hulumtimeve.
Karakteristika e mbledhjes së të dhënave nga grupet e vogla joformale të hulumtimeve
kualitative ndikon mjaft në uljen e përgjithësimit të rezultateve.
Nuk duhet harruar se hulumtimet kualitative janë vetëm hulumtime
eksploruese dhe përdoren vetëm për përkufizimin e problemit apo
krijimin e hipotezave të cilat testohen në studimet e ardhshme.2
Megjithatë, hulumtimet kualitative mund të shihen si plotësuese të
hulumtimeve kuantitative. Në të shumtën e rasteve pas një hulumtimi
kualitativ pason një hulumtim kuantitativ.
Hulumtimet kualitative mund të shqyrtohen në tri grupe kryesore:3
Fokus grupet
Intervistat e thella
Teknikat projektive.
Hulumtimet kualitative
përdoren për krijimin e
hipotezave të cilat
testohen në hulumtimet
e ardhshme.
42
3.1.1. Fokus Grupet
Fokus grupet të cilat kanë rrënjët në psikiatri të përdorura në terapitë në grupe janë një
teknikë e hulumtimeve kualitative ku nën menaxhimin e një moderatori bisedohet në mënyrë të
lirë dhe fokusohet në një temë të caktuar me një grup të vogël të pjesëmarrësve. Fokus grupet
zhvillohen në një ambient të rehatshëm duke pirë çaj apo kafe dhe ku pjesëmarrësit kanë
mundësinë për të thënë në mënyrë të hapur mendimet e tyre dhe nuk ndihen aspak nën presion
rreth çështjes së shtjelluar.
Në praktikë, ata të cilët merren me hulumtimet e marketingut, fokus grupet zakonisht i
përdorin në kuptim të njëjtë me hulumtimet kualitative. Kjo situatë buron nga popullarizimi i
fokus grupeve të cilat kanë tejkaluar metodat e tjera kualitative. Në ditët e sotme 25% e
shpenzimeve të hulumtimeve të marketingut shkojnë në hulumtimet kualitative dhe në vitet
1980, pjesa më e madhe e këtyre parave harxhohej në fokus grupet të cilat kishin filluar të
bëheshin të popullarizuara në hulumtimet e marketingut.4
Fokus grupet përdoren për arsyet e mëposhtme:5
Për krijimin e hipotezave të cilat do të testohen më vonë në mënyrë
kuantitative.
Për përfitimin e informacioneve të dobishme për krijimin e anketave të
konsumatorëve.
Për përfitimin e informacioneve të përgjithshme rreth një kategorie të caktuar
produkti.
Për të mësuar përshtypjet rreth koncepteve të reja të produkteve.
Moderatori i cili menaxhon diskutimin e fokus grupit duhet të njeh mirë
punën e tij, të jetë i aftë dhe me përvojë në atë nivel sa për të tërhequr
pjesëmarrësit në një atmosferë diskutimi. Po ashtu, një moderator i mirë
duhet që të nxit diskutimin, mirëpo nuk duhet t’i orientojë pjesëmarrësit
për gjetjen e një ideje të caktuar.
3.1.1.1. Faktorët Metodologjikë në lidhje me Fokus Grupet
Për një fokus grupi të suksesshëm, hulumtuesit duhet t’i kenë parasysh faktorët e
mëposhtëm:6
Grupi prej 6-12 vetave. Ekzistojnë diskutime rreth numrit ideal të pjesëmarrësve në
fokus grupet, mirëpo hulumtuesi gjatë krijimit të një ambienti të gjallë të diskutimit duhet të ik
nga numri i madh i pjesëmarrësve të cilët do të zgjasin diskutimin dhe pamundësojnë
shpjegimin e ideve të secilit në mënyrë të mjaftueshme. Në këtë pikë, fokus grupet me më
Aftësitë e moderatorit
janë të rëndësishme
në fokus grupet.
43
shumë se 12 veta nuk do të japin rezultate të shëndetshme. Për këtë arsye, secili pjesëmarrës
duhet të ketë kohë dhe mundësi që të ndajë idenë e tij jo vetëm me atë që është ulur pranë, por
me të gjithë.
Zgjedhja me kujdes e pjesëmarrësve. Pjesëmarrësit të cilët ftohen në fokus grup,
zakonisht pritet që të kenë informacione dhe/apo përvojë rreth çështjes. Në të kundërtën, një
pjesëmarrës nuk do të ketë ndonjë ide për të ndarë me pjesëmarrësit e tjerë. Po ashtu,
pjesëmarrësit duhet që të përfaqësojnë një profil të caktuar demografik apo duhet të jenë duke
përdorur një produkt të caktuar apo duhet të jenë duke përdorur një produkt të caktuar në një
mënyrë të caktuar (për shembull, shumë shpesh apo shumë rrallë etj.). Për këtë arsye, gjatë
zgjedhjes së pjesëmarrësve që do të marrin pjesë në fokus grup, duhet të mirren parasysh një
grup karakteristikash.
Grupi i pjesëmarrësve homogjenë. Grupi i pjesëmarrësve duhet që të ketë një
strukturë homogjene për nga aspekti i karakteristikave të shqyrtuara në fokus grupet. Për
shembull, një fokus grup i bërë me menaxherët e nivelit të lartë të kompanisë Türk Hava
Yolları në lidhje me përceptimin e cilësisë së shërbimeve të aeroplanit duhet t’i përfshijë ata
menaxherë të cilët kanë udhëtuar kohëve të fundit me Türk Hava Yolları. Sidomos në studimet
e bëra me konsumatorët, duhet kushtuar kujdes karakteristikave demografike si gjinisë,
punësimit (i punësuar/i papunë), zonës së jetesës (rural/urban), arsimit etj. Për shembull, stilet e
jetesës së femrave të cilat kanë fëmijë dhe atyre që nuk kanë fëmijë mund të jenë të ndryshme.
Për të parandaluar njëtrajtshmërinë e cila buron nga homogjeniteti, moderatori mund të
rekomandojë mendimet e kundërta të mendimeve të shprehura nga grupi. Një mënyrë tjetër për
arritjen e kësaj është edhe mbledhja e personave të ndryshëm në fokus grupin e njëjtë, psh.,
përdoruesit dhe mospërdoruesit e një produkti apo brendi të caktuar.7
Një ambient i ngrohtë. Dhoma në të cilën do të zhvillohet fokus grupi duhet të ketë
një atmosferë të rehatshme, të ngrohtë dhe joformale. Aranzhimi i uljes në dhomë apo tryezë
duhet të jetë në formë rrethore ashtu që secili të mund të shoh njëri-tjetrin. Në këtë mënyrë
duke penguar uljet e disa pjesëmarrësve në krye të tryezës vie në pah barazia e secilit
pjesëmarrës. Bartja e bexheve të emrave të pjesëmarrësve apo vendosja e emrave përpara tyre
ashtu që secili të mund të shoh emrin e tjetrit është shumë me rëndësi për të eleminuar ndjenjën
e të qenurit i huaj. Po ashtu, adresimi i pjesëmarrësve me emra nga ana e moderatorit mund të
zbus atmosferën formale.
Pasqyrat një anëshe dhe mundësitë e inxhizimeve vizuale/audio. Dhomat e fokus
grupeve të cilat mund të shihen nga prapa nga pasqyrat të cilat reflektojnë vetëm në njërën anë
mund të sigurojnë kapjen në moment të disa reaksioneve të ndjenjave, edhe pse këto dhoma
nuk gjenden shumë në numër. Pastaj është e përshtatshme që të bëhet inxhizim vizual apo
audio të çdo diskutimi për t’u shikuar më vonë.
44
Koha e diskutimit 1-3 orë.8 Diskutimet duhet të jenë të gjata aq sa tema të diskutohet
e tëra, por të shkurtëra aq sa pjesëmarrësit të mos mërziten. Është përgjegjësi e moderatorit për
të menaxhuar rrjedhjen e diskutimit dhe për të siguruar diskutimin e temës nga të gjitha
aspektet brenda periudhës kohore të caktuar.
Kohëve të fundit janë përhapur fokus grupet të cilat zgjasin një kohë të shkurtër (psh., 1
orë) të fokusuara në tema specifike, si psh., dy ndryshime të vogla të menduara për një
kampanjë të një reklame të caktuar.9
Moderator i trajnuar. Qëllimi themelor i moderatorëve është që të sigurojnë
komunikim dhe ndërveprim ndërmjet anëtarëve të grupit. Karakteristikat e moderatorit
paraqesin një ndër karakteristikat më të rëndësishme të një fokus grupi të suksesshëm. Një
moderator i cili ka informacione rreth temës, i cili është i përgatitur, diplomatik dhe i
durueshëm në mënyrë zotërore pengon pjesëmarrësit nga largimi nga tema. Pika e parë që
duhet të ketë kujdes moderatori është paraqitja me një çasje të ngrohtë dhe me respekt ndaj
pjesëmarrësve, moskritikimi i tyre për shkak të përgjigjjeve të dhëna apo komentimeve të bëra
si dhe të qëndrojë larg orientimit të pyetjeve. Moderatori duhet të fitojë besimin e
pjesëmarrësve dhe duhet të nxitë përgjigjjet dhe reagimet e çastit. Moderatori duhet të ndërrojë
kahjen e diskutimit në rastet kur diskutimi mbyllet apo kur nuk prodhohen ide të reja.
Teknika e kolazhit. Ndonjëherë në fokus grupet nga pjesëmarrësit mund të kërkohet
që të i prejnë fjalët apo fotografitë e një brendi të caktuar nga një revistë me të cilët ata
identifikojnë veten, fjalë që bëjnë të aludojnë në brendin apo vlerën e brendit.10
Fjalët apo
fotografitë e prera i ndihmojnë moderatorit për të orientuar diskutimin si dhe në të njëjtën kohë
u japin mundësi pjesëmarrësve për t’i nxjerurr në shesh ndjenjat të cilat nuk mund të shprehen
gojarisht. Diskutimi mund të thellohet duke pyetur për fjalët dhe fotografitë e paprera nga
revista aq sa fjalët dhe fotografitë e prera.
Numri i diskutimeve. Nuk ekziston një numër ideal i diskutimeve për fokus grupet.
Zakonisht fokus grupet duhet të përfundojnë në momentin kur idetë fillojnë të përsëriten nga
diskutimet e vazhdueshme. Në të njëjtën kohë, disa faktorë të tjerë mund të ndikojnë numrin e
diskutimeve. Këta faktorë mund të renditen në këtë mënyrë:11
Kompleksiteti i temës së diskutuar
Numri i llojit të klientëve të targetuar
Numri i ideve të zbuluara në grupet e njëpasnjëshme
Kufizimet kohore dhe buxhetore.
Nga kjo perspektivë, gjithmonë janë të nevojshme së paku 2 fokus grupe.
45
Pagesa për pjesëmarrësit. Pjesëmarrësit e fokus grupeve duhet të paguhen. Pagesa
ndryshon në bazë të kohës së punimit të fokus grupit dhe përpjekjeve të treguara të
pjesëmarrësve.
Analiza e fokus grupit dhe transmetimi i rezultateve. Një nga metodat e analizave të
përdorura për fokus grupet është debriefingu. Në këtë fazë, hulumtuesi i cili ka përcjellur fokus
grupin prapa pasqyrave, klienti që ka punësuar kompaninë e hulumtimit dhe moderatori duhet
t’i ndajnë mendimet dhe idetë e tyre rreth intervistës. Përpara se të kalojë kohë dhe të jetë
harruar, pikat të cilat kanë fituar rëndësi gjatë fokus grupit vihen në pah dhe gabimet
regjistrohen. Në një metodë tjetër, në analizën e përmbajtjes, hulumtuesi i organizon përgjigjjet
indivuale të secilës pyetje në një mënyrë sistematike dhe këto i kategorizon nën temat kryesore.
3.1.1.2. Avantazhet e Fokus Grupeve
Avantazhet kryesore të fokus grupeve mund të përmbledhen si më poshtë:12
Hulumtuesit kanë mundësi për t’i vrojtuar lëvizjet e dorës, mimikat, ndryshimet
në tonin e zërit etj. të pjesëmarrësit. Në fokus grupe, flasja dhe mënyra e të
folurit e pjesëmarrësve është e rëndësishme.
Grupet fokuse kanë një strukturë elastike. Me kërkesën e hulumtuesit apo në
rast të futjes në agjendë të pikave të reja të diskutimit, mund të fokusohet në
temën e dëshiruar.
Mundësia e kontrollit të fokus grupeve nga moderatorët është e madhe. Litarët
në masë të madhe janë në dorë të hulumtuesit. Mirëpo moderatori duhet ta
përdorë këtë avantazh me kujdes.
Ndërveprimi grupor ndikon në zhvillimin e ideve të reja të pjesëmarrësve dhe
nxit në bisedimin me njëri-tjetrin.
Një atmosferë miqësore nxit pjesëmarrësit të flasin në mënyrë të sinqertë dhe të
hapur.
Me fokus grupet, informacioni ka një mundësi për t’u mbledhur në një mënyrë
shumë të shpejtë.
3.1.1.3. Dezavantazhet e Fokus Grupeve
Desvantazhet kryesore të fokus grupeve mund të përmbledhen si më poshtë:13
Desavantazhi më i rëndësishëm i fokus grupeve buron nga të qenët të dobëta për
nga aspekti i besueshmërisë shkencore. Rezultatet mund të jenë të vlefshme,
mirëpo kjo nuk do të thotë se rezultatet janë të besueshme në mënyrë shkencore.
46
Ndër arsyet themelore të kësaj është përfshirja e një mostreje shumë të vogël në
studimet e fokus grupeve dhe e vërteta se rezulatet nuk mund të mbulojnë të
gjithë masën kryesore.
Mundësia e devijimit të rezultateve është e lartë. Performanca e moderatorit apo
mundësia e ndikimit nga njëri-tjetri i pjesëmarrësve është burimi themelor i
devijimit. Po ashtu, në fazën e analizimit dhe interpretimit të rezultateve, mund
të bashkangjiten edhe gjykime subjektive.
Menaxherët e marketingut kanë mundësi për të gabuar nëse u besojnë vetëm
rezultateve të fokus grupit kur kihet parasysh niveli i mundësisë së subjektivitet.
Për shkak të mungesës së çasjes shkencore dhe vëllimit të vogël të mostrës,
është e vështirë që të maten rezultatet e fituara nga fokus grupet.
Luajtja e rolit të liderit të një apo më shumë vetave nga 6-12 pjesëmarrësit gjatë
diskutimit mund të krijojë probleme nga shfaqja e një qëndrimi dominant në
krahasim me të tjerët, e sidomos në rastet kur moderatori është pa përvojë.
Kuptimi i pjesëmarrësve se janë duke u shikuar nga pasqyra një anëshe mund të
zvogëlojë sinqeritetin e përgjigjjeve përkundër dinamikës së grupit.
Kostot për një person janë shumë të larta. Kostot si qiraja e dhomës së hotelit,
qiraja e aparateve të audios, videos etj., japin kosto të larta për person kur të
pjesëtohen për një fokus grupi të përbërë nga 10 veta,.
3.1.2. Intervistat e Thella
Intervistat e thella paraqiten në rastet kur bëhen diskutime të
njëpasnjëshme në mënyrë të detajuar më individë për një temë të
caktuar. Në krahasim me fokus grupet, avantazhi më i rëndësishëm i
intervistave të njëpasnjëshme është mosekspozimi i personave ndaj presionit të grupit apo
ndikimit të grupit.
Në intervistat e thella, personi që kryen intervistën duhet të ketë përvojë në aspektin e
përdorimit të metodave të cilat përdorin psikologët klinikalë në mënyrë për të nxjerrur në shesh
motivimin dhe ndjenjat e fshehura.14
Ndonjëherë në intervistat e thella marrin pjesë edhe
teknikat projektive të përdorura me të madhe në psikologji.15
Në intervistat e thella, deklaratat
shumë sipërfaqësore si Unë përdor këmishat e brendit Dufy, sepse janë shumë të bukura të
cilat zbulohen në pyetjet e përgjithshme konvertohen në përgjigjje më të detajuara dhe
specifike si Unë i preferoj këmishat Dufy sepse janë të vetmet të cilat e kanë jakën e këmishës
të qepur ashtu si më pëlqen mua.
Në intervistat e thella duhet që personat të cilat intervistohen të nxiten që të flasin më
shumë se intervistuesi dhe të i shprehin mendimet e tyre hapur. Për këtë arsye, mund të jetë e
Internvistat e thella
kërkojnë informacione
klinike psikologjike.
47
nevojshme që intervistuesi të bëj përsëri më shumë pyetje tjera pas çdo pyetjeje për t’i nxjerrur
në shesh ndjenjat e fshehura dhe në lidhje me pyetjen e njëjtë.
Kushtet e nevojshme për një intervistë të thellë produktive, mund të renditen në këtë
mënyrë:
Çdo diskutim duhet të zgjat ndërmjet gjysmë ore dhe dy orë. (Diskutimi nuk
duhet të zgjas më shumë se dy orë ashtu që lodhja e pjesëmarrësit të mos
ndikojë në përgjigjje).
Pjesëmarrësit duhet të përzgjedhen me kujdes. (Për zgjedhjen e pjesëmarrësve të
cilët kanë aftësi për të përfaqësuar popullimin me sa është e mundur, është e
dobishme që të plotësohet një formular i cili përfshin të kaluarën e tyre,
shprehitë e blerjes dhe të dhënat që dijnë rreth temës)
Personi që e kryen intervistën duhet të ketë përvojë. (Personi i cili e kryen
intervistën i cili është i afërt, i hapur dhe mosparagjykues, i cili di të përdorë
teknikat psikologjike rrit mundësinë e suksesit)
Duhet të përdoren aparatet e inxhizimit, si audio apo video. (Deshifrimi i audios
apo videos të regjistruar gjatë intervistës pengon devijimin e rezultateve qoftë
edhe në mënyrë të padëshiruar)
Është e rëndësishme që të ofrohet një atmosferë e rehatshme e intervistës.
(Ndjeshmëria rehat e pjesëmarrësit është një faktor lehtësues i intervistës së
thellë)
Pjesëmarrësit duhet të shpërblehen. (Dhënia e parave apo dhuratave
pjesëmarrësve është një sjellje e duhur)
3.1.2.1. Avantazhet e Intervistave të Thella
Avantazhet e intervistave të thella, mund të renditen në këtë mënyrë:16
Diskutimi i pjesëmarrësve vetëm me një person në temat e ndjeshme dhe të
turpshme, do të ta bëj diskutimin më të rehatshëm.
Përgjigjjet mund të jenë më të hapura ngaqë nuk janë të pranishme rastet e
turpërimit nga reagimi i grupit.
Ka një funksion zbulues të më shumë informacioneve dhe në më detaje për
dallim nga diskutimet në grup.
Menaxhimi i intervistave individuale është më i lehtë se menaxhimi i
diskutimeve në grup ku është e vështirë të menaxhohen një numër i madh i
njerëzve njëkohësh. Sidomos preferohet në rastet kur në të njëjtën kohë është e
48
vështirë për të krijuar një grup nga 8-10 veta, si psh., me menaxherët e nivelit të
lartë.
Në intervistat e thella mund të diskutohen tema më komplekse dhe teknike.
3.1.2.3. Desavantazhet e Intervistave të Thella
Desavantazhet e intervistave të thella, mund të renditen në këtë mënyrë:17
Nuk është i pranishëm ndërveprimi dhe shkëmbimi i ideve me të tjerët ashtu si
në diskutimet në grupet. Ndonjëherë pjesëmarrësi mund të ndihet i vetëm apo i
rënë në kurth.
Janë të kushtueshme për nga aspekti i kohës dhe parave për shkak që duhet
intervistuar numrin e duhur të personave për të mbledhur të dhëna të
mjaftueshme dhe që çdo intervistë ka një ndikim të caktuar.
Ekzistojnë mundësi të ndryshme për të ndikuar në respondentët ngaqë
mendimet, çasjet dhe stilet e intervistuesve mund të jenë të ndryshme.
Në fund të ditës energjia e intervistuesit mund të bjerë dhe koncentrimi të
prishet për shkak që është i detyruar të qëndrojë ulur me orë të tëra duke
biseduar për temën e njëjtë.
Mund të shfaqen interpretime të gabueshme gjatë deshifrimit të diskutimeve të
regjistruara.
Ngaqë intervistat nuk janë strukturore, ato janë të varfëra për nga aspekti i
besueshmërisë statistikore dhe nuk e përfaqësojnë popullimin.
Intervistat e thella të bëra me grupe të ndryshme, si psh., me fëmijë, mund të kërkojnë
disa ndryshime. Një ndër teknikat e përdorura në këtë fushë është çiftet miqësore (friendship
pairs apo known pairs). Me këtë metodë intervista kryhet në të njëjtën kohë me dy shokë klase
apo dy fëmijë të cilët e njohin njëri-tjetrin. Kjo situatë siguron rehati për nga pikëpamja që një
fëmijë të mos qëndrojë vetëm me një të panjohur, por të jetë bashkë me një shok. Po ashtu,
fëmijët kanë drojën se nëse njëri nga ta nuk e thotë të vërtetën, tjetri do ta thotë.
Në fund, intervistat e thella janë metoda të cilat sigurojnë avantazhe të rëndësishme për
grupet e veçanta sidomos për biznesmenët dhe fëmijët, mirëpo që kërkojnë aftësi të veçanta
për menaxhimin e tyre dhe interpretimin e rezultateve.
49
3.1.3. Teknikat Projektive
Teknikat projektive përdorin stimuj audial apo vizuel për të ngjallur ndjenjat apo
mendimet e fjetura në ndërdije.19
Prandaj, përgatitja, menaxhimi dhe interpretimi i teknikave
projektive është majft i vështirë. Teknikat projektive ndonjëherë përdoren së bashku me
intervistat e thella.20
Ekzistojnë teknika të ndryshme projektive dhe teknikat më të përdorura në hulumtimet
e marketingut janë asocimi i fjalëve, interpretimi i fotografive (përceptimi tematik) plotësimi i
fjalisë, teknikat e personit të tretë, luajta e rolit, karikaturat (animacionet), analogjia (analogjia
simbolike) dhe skenarët e ardhshëm.
3.1.3.1. Asocimi i Fjalëve
Në testin e asocimit të fjalëve, respondenti thotë fjalën e parë e cila i vie në mendje
rreth fjalës që i thotë hulumtuesi. Logjika e kësaj teknike bazohet në zgjedhjen e fjalës së
pjesëmarrësit e cila reflekton reagimin e tij emocional. Sidomos testet e asocimit të fjalëve
mund të japin shenja të rëndësishme për vlerësimin e qëndrimeve të konsumatorëve kundrejt
produkteve. Mirëpo testet e asocimit të fjalëve janë shumë të vështira për t’u interpretuar në
mënyrë të saktë dhe kjo nuk është e lehtë.
3.1.3.2. Interpretimi i Fotografive (Përceptimi Tematik)
Në testet e intepretimit të fotografive, pjesëmarrësve u tregohet një fotografi dhe
kërkohet që të arrihet në një përfundim të ngjarjes duke i treguar ato çfarë shihen në fotografi.
Pas kësaj, hulumtuesi e bën analizën e përmbajtjes së tregimit të pjesëmarrësve. Veçanërisht
fushat e reklamës përfitojnë mjaft nga testet e interpretimit të fotografive.
3.1.3.3. Plotësimi i Fjalisë
Në testet e plotësimit të fjalisë, pjesëmarrësve u jepen fjali të lëna gjysmë dhe nga ta
kërkohet që t’i plotësojnë këto fjali. Forma e plotësimit të fjalisë vë në pah ndjenjat e
pjesëmarrësve. Marketerët, veçanërisht, këtë teknikë e përdorin për të kuptuar më mirë ndjenjat
dhe motivimet e konsumatorëve kundruall konsumimit të produkteve të caktuara.21
Për shembull, për të hulumtuar qëndrimet kundër një reviste të caktuar të
konsumatorëve dhe motivet e blerjes së saj, mund të jepen fjalitë e mëposhtme të lëra
përgjysmë:
50
Më pëlqen të lexojë revista sepse ___________________________________________
Kur e marrë një revistë të caktuar, në fillim ___________________________________
Kopertina e revistës është ________________________________________________
Unë blej revista sepse ____________________________________________________
3.1.3.4. Teknika e Personit të Tretë
Në vend të adresimit të pyetjeve drejtëpërdrejtë pjesëmarrësve, pyetjet i adresohen
personit të tretë për temat në të cilat pjesëmarrësit kanë turp të përgjigjen, nuk ndihen rehat që
këtë temë ta bisedojnë me të huajit apo temat e ndjeshme (përdorimi i drogës, përdorimi i
alkoolit, dhuna në familje etj.) në të cilat ekziston mundësia për të thënë gënjeshtra. Për
shembull, duke e pyetur pjesëmarrësin Sipas jush a është e mjaftueshme diploma e shkollës së
mesme për të arritur idealet monetare? në të vërtet tentohet të mësohet ideja e pjesëmarrësit
rreth kësaj çështjeje.
3.1.3.5. Luajtja e Rolit
Kurse në teknikën e luajtjes së rolit kërkohet nga pjesëmarrësi që të luaj rolin e një
personi të caktuar në një situatë të caktuar. Përgjigjjet mund të jenë me gojë apo jo. Për
shembull, mund të kërkohet që një fëmijë të imitojë babain e tij se si ha pica.22
3.1.3.6. Metoda e Karikaturës
Kjo metodë, në vend të personit të tretë përfshin përdorimin e karaktereve
(karikaturave) të vizatuara. Duke i treguar një karikaturë pjesëmarrësit, kërkohet nga ai që të
shpjegojë se çfarë bën personi në karikaturë. Mbi karakteret e vizatuara ekzistojnë fluskat e
zbrazëta dhe duke e pyetur pjesëmarrësin se çfarë do të thotë personi në karikaturë kërkohet
nga ai që ta shkruajë në hapësirën e zbrazët. (Figura 3.1)
51
Figura 3.1: Teknika e Karikaturës
3.1.3.7. Analogjia/Analogjia Simbolike
Teknika e analogjisë apo e ashtuquajtura analogjia simbolike bën pyetje të tilla si,
Kur mendoni gazetën Ekspres, cila këngë ju vjen në mendje?
apo
Në qoftë se do ta mendonim BMW-në si një njeri, kujt do t’i ngjante?
Këtu provohet të krijohet një analogji ndërmjet një njeriu me një gazetë në pyetjen e
parë apo brendit të një veture në pyetjen e dytë. Ndonjëherë duke iu dhënë pjesëmarrësve
shumë fotografi të personave të cilat kanë tipologji të ndryshme si psh., të ri, të moshuar,
profesionistë, studentë etj, mund të kërkohet nga pjesëmarrësit që përmes fotografive të
kritikojnë njeriun i cilin identifikon brendin.
Si thua, sikur
shopingun ta bëjmë
në fundjavë?
52
3.1.3.8. Skenarët e Ardhshëm
Me këtë metodë nga pjesmarrësi kërkohet që të imagjinojë të ardhmen dhe gjatë kësaj
kohe të imagjinuar të tregojë pozitën dhe rolin e një produkti të caktuar. Jep sinjale në lidhje
me përparësitë dhe dobësitë e produktit, si, përshtatja e produktit në shoqëri, forma e
përdorimit të asaj kohe, ndryshimet e mundshme etj.23
53
FUSNOTAT NË LIDHJE ME KAPITULLIN E TRETË
1 Carl Mcdaniel, Roger Gates; Marketing Research: The Impact of the Internet, Fifth Edition,
South Western, 2002, fq. 122.
2 Alan T. Shao, Marketing Research: An Aid To Decision Making, South Western College
Publishing, 1999, fq. 160.
3 Alan T. Shao, Marketing Research: An Aid To Decision Making, South Western College
Publishing, 1999, fq. 152.
4 Carl McDaniel, Roger Gates; Marketing Research: The Impact of the Internet, Fifth Edition,
South Western, 2002, fq. 126; Cooper, Donald R.; Schindler, Pamela S.; Business Research
Methods, Eight Edition, McGraw-Hill International Edition, 2003, fq. 155.
5 Gilbert A. Churchill, Jr. Marketing Research: Methodological Foundations, Seventh Edition,
The Dryden Press, 1999, fq. 106.
6 Alan T. Shao, Marketing Research: An Aid To Decision Making, South Western College
Publishing, 1999, fq. 152.
7 David A. Aaker, V. Kumar, George S. Day, Marketing Research, John Wiley & Sons, Inc.,
Seventh Edition, 2001, fq. 194.
8 Në literaturë nuk ekziston ndonjë konsensus rreth kohës së diskutimeve në grup. Shao
rekomandon diskutimin të jetë 1-3 orë, kurse Churchill, Jr. Rekomandon diskutimin të jetë 1,5-
2 orë. Natyrisht se koha ideale do të ndryshojë në bazë të faktorëve të temës të diskutimit në
grup si, lloji i produktit, karakteristikat e grupit pjesëmarrës etj., duke i përfshirë edhe kufijtë e
poshtëm dhe të lartë.
9 Naomi R. Henderson, “Qualitative Research Techniques: Taking the Best of the Past into the
Future”, Marketing Resarch: State-of-the-art Perspectives, Handbook of the American
Marketing Association & Professional Marketing Research Society, (Editor: Chuck
Chakrapani), PMRS, 2000, fq. 187.
10 Naresh K. Malhotra; David F. Birks; Marketing Resarch: An Applied Approach, European
Edition, Prentice Hall, 2000, fq. 169.
11 Naresh K. Malhotra; David F. Birks; Marketing Resarch: An Applied Approach, European
Edition, Prentice Hall, 2000, fq. 169.
12 Alan T. Shao, Marketing Research: An Aid To Decision Making, South Western College
Publishing, 1999, fq. 156.
54
13 Alan T. Shao, Marketing Research: An Aid To Decision Making, South Western College
Publishing, 1999, fq. 158.
14 Alan T. Shao, Marketing Research: An Aid To Decision Making, South Western College
Publishing, 1999, fq. 160.
15 Donald R. Lehmann, Sunil Gupta, Joel H. Steckel, Marketing Research, Addison Wesley
Educational Publishers, Inc., 1998, fq. 137.
16 Alan T. Shao, Marketing Research: An Aid To Decision Making, South Western College
Publishing, 1999, fq. 162.
17 Alan T. Shao, Marketing Research: An Aid To Decision Making, South Western College
Publishing, 1999, fq. 162.
18 Naresh K. Malhotra; David F. Birks; Marketing Resarch: An Applied Approach, European
Edition, Prentice Hall, 2000, fq. 182.
19 Alan T. Shao, Marketing Research: An Aid To Decision Making, South Western College
Publishing, 1999, fq. 163.
20 Carl McDaniel, Roger Gates; Marketing Research: The Impact of the Internet, Fifth Edition,
South Western, 2002, fq. 149.
21 Alan T. Shao, Marketing Research: An Aid To Decision Making, South Western College
Publishing, 1999, fq. 166.
22 Alan T. Shao, Marketing Research: An Aid To Decision Making, South Western College
Publishing, 1999, fq. 166.
23 Paul Hague, Peter Jackson; Market Research: A Guide to Planning, Methodology and
Evaluation, Second Edition, Kogan Page Limited, 1999, fq. 78.
55
KAPITULLI IV
MBLEDHJA E TË DHËNAVE
DYTËSORE
Lënda e parë e hulumtimet të marketingut janë të dhënat. Lënda e parë e hulumtimeve
të marketingut, të dhënat, janë duke u rritur në mënyrë befasuese, në krahasim me lëndën e
parë të naftës, qymyrit etj. Sot gjetja e të dhënave, madje edhe arritja tek të dhënat nuk është
më problem, mirëpo gjetja e të dhënave të përshtatshme brenda të fluksit të madh të të dhënave
është shëndërruar në problem. Karakteristika më e rëndësishme e kësaj faze është se
ndonjëherë kërkon kohë shumë të gjatë. Mbledhja e të dhënave mund të jetë arsyeja kryesore e
dështimit të hulumtimeve të marketingut nëse ato dorëzohen në duar të gabuara.
56
4.1. ARSYET E MBLEDHJES SË TË DHËNAVE
Përpara se kalohet në arsyet e mbledhjes së të dhënave në hulumtimet e
marketingut, është e dobishme për të bërë dallimin ndërmjet “të dhënës”
(data) dhe informacionit (information). E dhëna paraqet një grup numrash
apo ngjarjesh të papërpunuara, të mbledhura me qëllim për t’u konvertuar në një informacion
të dobishëm. Kurse informacioni paraqet formën e përpunuar të të dhënës. Për shembull,
numrat 46, 51, 63, 50, 90 janë të dhëna, kurse “mesatarja e notës së pesë studentëve është 60”
paraqet informacionin përfundimtar.
Të dhënat mund të gjenden në tri forma:1
Fjalë apo tekst. Për shembull, inxhizimet audio, shënimet e intervistës,
raportimet, dokumentet, artikujt e gazetave etj.
Imazh. Për shembull, vizatimet, pikturat, fotografitë, posteret, imazhet e krijuar
në kompjuter etj.
Rezultatet numerike të përfituara në fund të matjes dhe shkallëzimit. Për
shembull, numri i femrave dhe meshkujve të një grupi etj.
Detyra e hulumtimit duhet të jetë lehtësimi i marrjes së vendimit dhe jo krijimi i një
fluksi të dhënash. Mbledhja e të dhënave për një menaxher, është e rëndësishme për arsyet e
mëposhtme:2
Menaxherët e marketingut janë të obliguar që të marrin vendime në biznes.
Menaxherët e marketingut mund të marrin vendime të sakta vetëm kur kanë
informatat e sakta.
Për përfitimin e informacionit të saktë, mbledhja e të dhënave dhe analizimi i
tyre janë të nevojshme.
4.2. SHUMA E TË DHËNAVE QË DUHET MBLEDHUR
Një problem me të cilin shpesh menaxherët hasin është gjetja e informaciont në shuma
të mëdha, mirëpo mos të qenurit informacioni i drejtë për të cili ka nevojë. Informacioni më i
saktë për marrjen e vendimit në ndërmarrje është informacioni i nevojshëm për marrjen e
vendimit. Menaxherët mund të gjejnë shumë informacione të padobishme që nuk kanë lidhje
me problemin e paraqitur.3
Në mënyrë teorike mund të përcaktohet shuma optimale e të dhënave për t’u mbledhur
për çfarëdo problemi. Në qoftë se kostoja e çdo të dhëne shtesë të mbledhur vlerësohet si kosto
Ekziston dallim
ndërmjet të dhënës
dhe informacionit.
57
marxhinale e të dhënës së mbledhur, së bashku me shumën e mbledhur të të dhënave do të
rritet edhe kostoja marxhinale. Në anën tjetër, me vazhdimin e mbledhjes së të dhënave, dobia
marxhinale e të dhënave do të filloj të bie (dobia e të dhënës së fundit të mbledhur).4
Për shembull, në qoftë se do të bëhet një hulumtim në lidhje më praktimin e sistemit
franchisor në Turqi, kjo mund të fillojë me një skanim të vogël në internet me motorët e
kërkimit. Kjo fazë, në të cilën hulumtimi kushton lirë, mund të zgjerohet duke vizituar
bibliotekat. Ky vendim do të bëj që të rriten kostot e hulumtimit. Pas kësaj, intervista që do të
bëhet në Oganizatën e Franchizës dhe vizitat që do të bëhen veç e veç nëpër firmat të cilat
mirren me biznesin e franchizës në Turqi, do t’i rrisin kostot në masë të madhe. Kundruall
kësaj, pas grumbullimit të të dhënave të caktuara, dobia që do të ofrojnë të dhënat do të jetë më
e madhe se kostoja e mbledhjes së tyre.
Figura 4.1: Shuma optimale e të dhënave që duhet mbledhur
Burimi: Donald Waters, Essentails Quantitative Methods, Addison Wesley Publishing
Company, 1998, fq. 34.
Nga kjo perspektivë, shuma optimale e të dhënave është pika ku kostot marxhinale
barazohen me dobinë marxhinale (Shikoni Figurën 4.1). Në këtë pikë duhet të ndalohet
aktiviteti i mbledhjes së të dhënave. Vazhdimi i mbledhjes së të dhënave shkakton uljen e
vlerës së të dhënave dhe rritjen e kostove për firmën dhe kjo çon në humbje të burimeve
financiare. Situata tjetër krejtësisht e kundërt është ndalimi i hershëm i aktivitetit të mbledhjes
së të dhënave. Në këtë rast, mund të arrihet kursimi i kostove së mbledhjes së të dhënave,
mirëpo dobia e cila sigurohet nga mbledhja e të dhënave është e ulët dhe në këtë rast ndodh
humbja e dobisë për firmën.
58
Për shkak se në praktikë është e vështirë të dihet në mënyrë precize kosto marxhinale
dhe dobia marxhinale në lidhje me mbledhjen e të dhënave, menaxherët zakonisht vendosin për
numrin e të dhënave që duhet mbledhur duke u bazuar në intuitë dhe në përvojë.
Llojet e të Dhënave
Ekzistojnë shumë të dhëna në dispozicion të mbledhura në mënyra të ndryshme.
Parimisht, mund të flasim për dy lloje të të dhënave në përgjithësi, kualitative dhe kuantitative.
Për shkak se të dhënat kuantitative janë të dhëna numerike, mbledhja, analizimi me metodat
statistikore dhe interpretimi i tyre është i më i lehtë në krahasim me të dhënat kualitative.
Të dhënat kualitative në krahasim me të dhënat kuantitative mblidhen nga mostra më të
vogla. Me të dhënat kualitative nuk mund të përfitohen rezultate precize ashtu si me të dhënat
kuantitative. Të dhënat kualitative i ofrojnë hulumtuesit një gamë të gjerë dhe të lirë të të
dhënave, kurse të dhënat kuantitative kanë vija më formale dhe precize.
4.3. ROLI DHE RËNDËSIA E TË DHËNAVE DYTËSORE
Të dhënat dytësore janë të dhëna të mbledhura më herët për hulumtime tjera. Kurse të
dhëna parësore janë të dhëna të mbledhura në mënyrë specifike për projektin aktual të
hulumtimit. Të dhënat dytësore mund të sigurohen nga brenda firmës, bibliotekat, nga
organizatat e ndryshme shtetërore etj. Në projektet e hulumtimeve akademike, librat dhe
artikujt të cilët shqyrtojnë punimet teorike dhe ampirike të një teme të caktuar quhet skanimi
(konsultimi) i literaturës. Po ashtu, edhe informatat e marra nga uebfaqet në internet vlerësohen
në kuadër të të dhënave dytësore.
Ndonjëherë hulumtuesit me javë dhe madje me muaj të tërë merren me mbledhjen e të
dhënave dytësore nëpër biblioteka dhe kompjuter. Sigurisht se është e pamundur të arrihet tek
të gjitha të dhënat dytësore. Si rrjedhojë, mbledhja e të dhënave dytësore shumicën e kohës
është më e shpejtë dhe më pak kushtuese në krahasim me të dhënat primare. Po ashtu, vlera e
burimeve dytësore është e madhe për hulumtimet eksplorative edhe pse ato mund të jenë të
vjetra dhe në mënyrë të plotë nuk mund të përmbushin dëshirat dhe kërkesat e hulumtuesit.
Përveç këtyre, ashtu si në hulumtimet eksplorative edhe në hulumtimet përshkruese dhe
shkakore përdoren të dhënat e mbledhura më parë.
Puna e mbledhjes së të dhënave dytësore nuk duhet të neglizhohet, hulumtimi duhet të
fillojë me mbledhjen e të dhënave dytësore dhe mbledhja e të dhënave parësore duhet të fillojë
kur të dhënat dytësore konsumohen.5 Edhe pse jo shpesh, ndonjëherë vetëm të dhënat dytësore
mund të i shërbejnë hulumtuesit nuk mbet nevojë për mbledhjen e të dhënave parësore.
59
Një hulumtim i cili fillon me një studim të mirë të literaturës dhe të burimeve dytësore,
mund të has në shumë të meta, si harxhime të kota nga mbledhja e të dhënave të njëjta përsëri
apo madje mos sigurimin e këtyre të dhënave fare.6
Të dhënat dytësore e ndihmojnë hulumtuesin nga këto perspektiva:7
Për zbulimin e problemit
Për njohjen më të mirë të problemit
Për përcaktimin e alternativave të çasjes ndaj problemit
Për përcaktimin e një dizajnimi të përshtatshëm të hulumtimit duke i
përkufizuar ndryshoret kyçe
Për të ndihmuar në përgjigjjen e disa pyetjeve të hulumtimit dhe në analizimin e
disa hipotezave
Për interpretimin më të mirë të të dhënave parësore
Për krijimin e një modeli që do të mundësojë krahasimin e hulumtimeve në të
ardhmen.8 Në këtë mënyrë hulumtuesit i ofrohet mundësia për t’i përcjellur
trendet të cilat ndryshojë brenda kohës.
4.4. AVANTAZHET E TË DHËNAVE DYTËSORE
Menaxherët e marketingut i përdorin mjaft shpesh të dhënat dytësore për arsyet e
renditura më poshtë:9
Kursimin e kohës. Hulumtuesit nuk harxhojnë kohën e tyre të vlefshme për të
mbledhur infomacionet ngase ato tashmë janë të mbledhura.
Përshtatshmëria. Informata edhe në qoftë se është mbledhur për një qëllim
tjetër ende është e dobishme për problemin aktual.
Përfitueshmëria. Shumë të dhëna në lidhje me problemet e marketingut mund
të mblidhen nga shumë burime dytësore si gazetat, revistat, baza e të dhënave të vetë firmës,
interneti etj.
Kosto e ulët. Kostot janë shumë të ulëta ngase nuk është e nevojshme një
dizajnim dhe mostër e gjerë e hulumtimit.
Arritshmëria. Sidomos përmes internetit mund të arrihet tek informata në një
mënyrë shumë të shpejtë. Me kalimin e kohës informacioni është bërë më i arritshëm në saje të
internetit. Burimet dytësore si LEXIS-NEXIS, ABI-INFORM, u ofrojnë hulumtuesve çasje
online në informacione për një vlerë të caktuar parash.
Përkrahja e Mbledhjes së të Dhënave Parësore. Të dhënat dytësore e
ndihmojnë hulumtuesin për të përcaktuar rrugën që duhet ndjekur për mbledhjen e të dhënave
parësore. Së paku ofron para-informata në lidhje me çështjet e rëndësishme të industrisë, si,
60
njohjen e industrisë, mësimin e vëllimit të shitjes dhe trendeve të profitit, konkurrentëve të
mëdhenjë.10
Zbulimi i Koncepteve dhe Terminologjisë. Të dhënat dytësore ofrojnë
mundësi për përcaktimin e koncepteve dhe terminologjisë në lidhje me hulumtimin dhe në këtë
mënyrë për zbulimin e faktorëve të cilët mund të jenë të dobishëm për t’u shqyrtuar në
hulumtim. Për shembull, në një hulumtim i cili ka për temë përceptimin e imazhit të bankës
nga klientët, të dhënat dytësore mund të ndihmojnë në përcaktimin e ndryshoreve të cilat do të
përdoren në vlerësimin e imazhit.11
Figura 4.2: Një bazë e të dhënave me pagesë, LEXIS-NEXIS
Burimi: http://www.lexisnexis.com (03.06.2016)
61
4.5. DESAVANTAZHET E TË DHËNAVE DYTËSORE
Përveç avantazheve të përshkruara më lartë, të dhënat dytësore kanë edhe një grumbull
desavantazhesh.
Gabimi. Ekzistojnë pikëpyetje të mëdha në lidhje me besueshmërinë e të
dhënave dytësore. Gjatë mbledhjes së të dhënave dytësore që në kohën e tyre janë mbledhur si
të dhëna parësore dhe më pas janë konvertuar në të dhëna dytësore, aplikimi i secilit hap të
procesit të hulumtimit në mënyrë të duhur nuk mund të dihet në mënyrë precize. Për shembull,
disa raporte të firmave, në vend të nxjerrjes në plan të parë të të dhënave të sakta, mund të
japin një atmosferë pozitive e cila do të i kënaq poseduesit e pjesës së tregut të tyre, klientët
dhe grupet e tjera të interesit. Hulumtuesi duhet të kontrollojnë saktësinë e të dhënave duke
aplikuar edhe nëpër burime të tjera për të dhënat e njëjta. Përgjegjësia nuk mund t’u ngarkohet
atyre që i kanë mbledhur këto të dhëna më parë.
Qëndrueshmëria. Një problem tjetër me rëndësi në lidhje me të dhënat
dytësore është qëndrueshmëria e të dhënave. Për shembull, mund të ketë dallime ndërmjet
shifrave të inflacionit të shpalluara nga qeveria dhe shifrave të shpalluara nga Oda Ekonomike
e Kosovës. Kjo është një problem me rëndësi për hulumtuesin se cilin nga këto burime do ta
marrë si bazë apo cili duhet marrë si bazë.
Problemet e Krahasimit. Problemi i krahasimit është një problem që shfaqet,
sidomos në hulumtimet ndërkombëtare të marketingut. Brenda një kornize të caktuar
statistikore, informacionet e marra nga një shtet mund të jetë problem të krahasohen me
informacionet e marra nga një shtet tjetër për shkak që në shumicën e rasteve nuk ekziston një
proces standart i përgatitjes së të dhënave. Veçanërisht njësitë e ndryshme matëse krijojnë
probleme në krahasimin e të dhënave. Shprehja e shifrave të shitjes në dollar apo në lirat turke
shpesh kërkon funksionin e konvertimit të të dhënave (data conversion/data transformation).
Konvertimi i të dhënave paraqet procesin e konvertimit të të dhënave origjinale në një formë që
siguron arritjen e qëllimeve të hulumtimit.12
Problemet e krahasimit nuk janë specifike vetëm
për hulumtimet ndërkombëtare të marketingut. Për shembull, një hulumtues i cili ka nevojë për
numrin e personave që i kanë të ardhurat mujore mbi 1000 euro, mund të shoh se të dhënat në
lidhje me të ardhurat janë klasifikuar si 800 euro dhe më shumë në çfarëdo burimi që aplikon.
Problemi i Çasjes. Një problem tjetër është çasja në të dhënat dytësore. Kjo
mund të burojë nga mungesa e të dhënave dytësore, nga fshehja e tyre apo kostoja e lartë për
arritjen e tyre. Për shembull, raportet e përgatitura të disa kompanive të hulumtimit mund të
jenë shumë të shtrenjta.
Problemi i Përditësimit. Një problem tjetër në lidhje me të dhënat dytësore
është vjetërsa e të dhënave. Në të vërtetë, të gjitha të dhënat dytësore fillojnë të vjetërohen pas
momentit të mbledhjes. Mirëpo të dhënat e mbledhura përpara tre muajve kanë dallim të madh
me të dhënat e mbledhura përpara tre viteve. Për shembull, në qoftë se merren në konsideratë
regjistrimet e popullsisë së Turqisë të bëra njëherë në pesë vjet, do të ketë një dallim ndërmjet
62
përditësimit të të dhënave të përfituara në momentin e regjistrimit të ri të popullsisë dhe
përditësimit të këtyrë të dhënave pasi të kenë kaluar tri vite.
4.6. KLASIFIKIMI I BURIMEVE TË TË DHËNAVE DYTËSORE
Burimet e të dhënave dytësore, në themel, mund të ndahen në dy lloje: të brendshme
dhe të jashtme (Shikoni Figurën 4.3). Burimet e brendshme të të dhënave paraqesin burimet
aktuale dhe të krijuara në organizatën ku kryhet hulumtimi. Të gjitha të dhënat mund të jenë në
format të gatshëm për përdorim të ofruara nga sistemet e mbështjes së vendimeve
menaxheriale apo të dhëna që duhet të kalojnë nëpër një proces në mënyrë që të jenë të
dobishme për hulumtuesin, si, informatat e gjendura nëpër fatura, regjistrimet e inventarit etj.
Në anën tjetër, të dhënat dytësore të jashtme, janë të dhëna të krijuara nga burimet jashtë
firmës. Këto burime ndahen në tri lloje: materialet e shtypura, bazat e të dhënave të ngarkuara
në kompjuter dhe shërbimet tregtare (syndicated).13
Figura 4.3: Klasifikimi i të dhënave dytësore
Burimi: Naresh K. Malhotra, David F. Birks, Marketing Research: An Applied Approach,
Prentice Hall, European Edition, 2000, fq. 104.
Të dhënat dytësore
Të brendshme
Të gatshme për
përdorim
Për t'u futur në proces
Të jashtme
Materiale të shtypura
Bazat e të dhënave në kompjuter
Shërbimet tregtare
(syndicated)
63
4.6.1. Burimet e Brendshme
Në përgjithësi, hapi i marrë që do të merret gjatë mbledhjes së të dhënave të një
hulumtimi, është mbledhja e të dhënave të brendshme, pra të dhënat dytësore që gjenden
brenda firmës. Raportet e kontabilitetit, regjistrimet e klientëve, vëllimet e shitjeve, regjistrimet
e inventarit, raportet e personelit të shitjes etj., mund të përfshijnë informata shumë të
rëndësishme për hulumtuesin. Përveç kësaj, të dhënat e brendshme mund të kërkojnë një
proces të caktuar të përgatitjes përpara se të përdoren ngaqë nuk janë deponuar në një mënyrë
sistematike. Për shembull, në qoftë se kërkohet lista e klientëve të cilët kanë bërë blerje mbi
5000 euro muajin e fundit, një listë e këtillë duhet të krijohet duke i shfletuar regjistrimet. Kjo
mund të krijojë një humbje kohe për firmën. Pastaj, shumicën e rasteve menaxherët nuk e dijnë
se çfarë lloje të të dhënave dytësore posedojnë. Mirëpo, viteve të fundit, përparimet në
programet kompjuterike, ndihmojnë në zvogëlimin e humbjes së kohës. Të dhënat dytësore i
ofrojnë firmës avantazh për shkak të kostove të ulëta. Shumë hulumtime fillojnë me mbledhjen
e të dhënave të brendshme
4.6.2. Burimet e Jashtme
Shumë burime jashtë firmës mund të i ofrojnë hulumtuesit të dhëna dytësore në shuma
të mëdha. Në këtë kontekst përfshihen organizatat qeveritare, bibliotekat, shoqatat tregtare etj.
Në mes të këtyre burimeve të jashme të të dhënave dytësore merr pjesë edhe interneti.
Hulumtuesit mund të u çasen të dhënave dytësore në mënyrë të shpejtë duke përdorur
burimet e shtypura dhe bazat e të dhënave elektronike. Sidomos pas viteve 1990 shumë burime
të reja kanë filluar të paraqiten në ambientet elektronike, në internet dhe CD-ROM.14
Organizatat Qeveritare. Organizatat qeveritare, veçanërisht me anë të raporteve
periodike dhe materialeve të shtypura paraqesin një burim të rëndësishëm të të dhënave
dytësore. Në figurën 4.4 është paraqitur uebfaqja e internetit të Agjensisë Statistikore së
Turqisë. Nga kjo faqe mund të merren të dhëna dytësore të rëndësishme, sidomos në lidhje me
popullsinë.
Bibliotekat. Bibliotekat publike dhe bibliotekat private paraqesin burime të
rëndësishme të të dhënave dytësore. Bibliotekat publike janë të hapura për popullin dhe janë
falas. Biblioteka Kombëtare e Ankarasë është ndër burimet më të mëdha të të dhënave dytësore
në Turqi. Përveç kësaj, bibliotekat universitare janë burime në të cilat hulumtuesit mund të
aplikojnë. Përveç bibliotekave publike, edhe bibliotekat private u shërbejnë hulumtuesve.
64
Figura 4.4: Uebfaqja e Agjensisë Statistikore të Turqisë
Burimi: http://www.die.gov.tr (03.06.2016)
Shoqatat Tregtare. Shoqatat tregtare janë shoqata të krijuara nga biznesmenët të cilat
veprojnë në një territor të caktuar në një linjë të caktuar biznesore, si psh., oda tregtare dhe
industriale. Qëllimi i këtyre shoqatave tregtare është ofrimi i informacioneve anëtarëve të tyre
rreth industrisë në të cilën veprojnë. Ata të cilët aplikojnë tek këto shoqata tregtare sigurojnë
informata ndonjëherë për ndonjë pagesë të caktuar e ndonjëherë falas nëpërmjet bibliotekave.
Veçanërisht në një sektor të caktuar për studime specifike, lista e firmave të regjistruara që
mund të merren nga shoqatat tregtare, mund të formojë popullimin për lloje të këtilla të
hulumtimeve (psh., ITO etj.).
Bazat e të Dhënave. Sot, bazat e të dhënave janë ndër burimet më efektive të të
dhënave të brendshme të cilat strehojnë çfarëdo të dhëne në lidhje me klientët, furnizuesit,
shitësit etj. Bazat e të dhënave marrin pjesë edhe në burimet e jashtme, përveç burimeve të
brendshme.
Bazat e të dhënave mund të klasifikohen në këtë mënyrë:15
65
Bazat e dhëna të brendshme
Bazat e dhëna të jashtme
Bazat e dhëna të kompjuterizuara.
Bazat e brendshme të të dhënave përfshijnë informacionet e firmës në
lidhje me produktet, shitjet, klientët etj. Për shembull, në qoftë se merret
në dorë një faturë, informacionet si, emri dhe mbiemri i klientit në faturë,
adresa, numri i telefonit, numri i kredi kartelës, malli i blerë, çmimi i blerjes etj., marrin pjesë
në kuadër të bazës së brendshme të të dhënave.
Bazat e jashtme të të dhënave përfshin shërbimet e bazës së të dhënave të ofruara nga
organizatat jashtë firmës. Firmat të cilat japin këtë lloj shërbimi, të abonuarëve u ofrojnë
mundësi për t’u çasur në disa burime tregtare.
Bazat e të dhënave të kompjuterizuara japin shërbimet e bazës së të dhënave përmes
CD ROM apo online.
Bazat e të dhënave ndahen në katër grupe sipas karakteristikës aktuale të të dhënës në
bazën e të dhënave:16
Bazat e të dhënave bibliografike
Bazat e të dhënave numerike
Bazat e të dhënave udhëzuese
Bazat e të dhënave tekstuale të plota.
Bazat e të dhënave të cilat përfshijnë artikujt e revistave, artikujt e gazetave,
dokumentet qeveritare, raportet teknike, hulumtimet e marketingut, patentat, temat e diplomave
dhe publikimet e ngjashme paraqesin bazat e të dhënave bibliografike. Sidomos përfshijnë
abstraktet në lidhje me citimet e bëra. Për shembull, baza e të dhënave ku hulumtuesit mund t’i
shfletojnë temat e diplomës së masterit dhe doktoraturës të shkruara deri më sot dhe që marrin
pjesë në uebfaqen e Institucionit të Arsimit të Lartë paraqet një bazë biografike të të dhënave.
Kurse bazat e të dhënave numerike janë baza të të dhënave të cilat tregojnë të dhënat numerike
të shitjeve dhe të ngjashmeve të një industrie të caktuar brenda një kohe të caktuar. Bazat e të
dhënave udhëzuese janë baza të të dhënave të cilat strehojnë informata si lista e emrave dhe
adresave të firmave, odave ekonomike dhe odave industriale etj. Në fund, bazat e të dhënave
tekstuale të plota ofrojnë tesktin e plotë të artikujve të revistave specifike profesionale, si
Lexis-Nexis.
Baza e brendshme e
të dhënave krijohet
brenda firmës.
66
FUSNOTAT NË LIDHJE ME KAPITULLIN E KATËRT
1 Raymond Kent, Data Construction and Data Analysis For Survey Research, Palgrave, 2001, fq. 18.
2 Donald Waters, Essentials Quantitative Methods: A Guide For Business, Addison-Wesley Publishin
Company, 1998, adaptuar nga fq. 33.
3 Seval Yakışan; Pazarlama Araştırması, Atöyle Burak Matbaacılık, 1991, fq. 14.
4 Donald Waters, Essentials Quantitative Methods: A Guide For Business, Addison-Wesley Publishin
Company, 1998, fq. 34.
5 Gilbert A. Churchill, Jr. Marketing Research: Methodological Foundations, Seventh Edition, The
Dryden Press, 1999, fq. 125.
6 Kemal Kurtuluş; Araştırma Yöntembilimi, İşletme Fakültesi Yayın No: 210, İşletme İktisadı Enstitüsü
Yayın No: 106, Stamboll, 1989, fq. 18.
7 Naresh K. Malhotra, Marketing Research: An Applied Orientation, Third Edition, Prentice Hall, 1999,
fq. 113.
8 Pervez Ghauri, Kjell Grønhaug, Research Methods in Business Studies: A Practical Guide, Second
Edition, Pearson Education Limited, 2002, fq. 77.
9 Alan T. Shao, Marketing Research: An Aid to Decision Making, South Western College Publishing,
1999, fq. 124.
10 Alvin C. Burns, Ronald F. Bush; Marketing Research, Prentice Hall, Third Edition, 2000, fq. 167.
11 Alvin C. Burns, Ronald F. Bush; Marketing Research, Prentice Hall, Third Edition, 2000, fq. 167.
12 William G. Zikmund; Essentials of Marketing Research, The Dryden Press, 1999, fq. 112.
13 Naresh K. Malhotra; David F. Birks; Marketing Research: An Applied Approach, European Edition,
Prentice Hall, 2000, fq. 103.
14 Mark Saunders, Philip Lewis, Adrian Thornhill, Research Methods for Business Students, Second
Edition, Prentice Hall, 2000, fq. 51.
15 Alvin C. Burns, Ronald F. Bush; Marketing Research, Prentice Hall, Third Edition, 2000, fq. 162.
16 Alvin C. Burns, Ronald F. Bush; Marketing Research, Prentice Hall, Third Edition, 2000, fq. 163.
67
KAPITULLI V
MBLEDHJA E TË DHËNAVE
ME ANKETË
Metoda e anketës është një nga metodat më të përdorura për mbledhjen e të dhënave.
Edhe pse në shikim të parë mund të duket e thjeshtë, mbledhja e të dhënave përmes anketës
është një punë e cila kërkon planifikim shumë të detajuar dhe të kujdesshëm. Ndonjëherë
detaje shumë të vogla mund të u hapin rrugë problemeve të rëndësishme metodologjike. Për
shembull, vendimi për të përdorur anketor për mbledhjen e të dhënave përmes anketës;
përputhshmëria e metodës me qëllimet e hulumtimit apo përshtatshmëria e segmentit të
pjesëmarrësve të shënjestruar janë vetëm disa pika që duhet të shqyrtohen gjatë zgjedhjes së
metodës. Veçanërisht në ditët e sotme, zhvillimet teknologjike kanë ndikuar dhe kanë
diversifikuar metodat e mbledhjes së të dhënave me anketë.
68
5.1. ZGJEDHJA E METODËS PËR MBLEDHJEN E TË DHËNAVE ME
ANKETË
Gjatë zgjedhjes së metodës për mbledhjen e të dhënave me anketë, pikat e rëndësishme
që duhet të merren parasysh mund të renditen si më poshtë:1
Mundësitë buxhetore
Kufizimet kohore
Përbërja demografike e respondentëve të shënjestruar
Mundësitë e mjeteve të komunikimit
Nevoja për shfaqjen e produktit/shërbimit
Përmbajtja e hulumtimit
Struktura e hulumtimit
Niveli i dëshiruar i përgjigjjeve
Preciziteti i dëshiruar i zgjedhjes së mostrës (desired sampling precision)
Mbledhja e të dhënave është një punë që kërkon burime të konsiderueshme financiare.
Firmat duhet të zgjedhin metodën e mbledhjes së të dhënave brenda kornizës së burimeve të
ndara për hulumtim. Për shembull, për shkak të buxhetit të kufizuar, një firmë duhet të zgjedh
metodën e anketës me postë në vend të metodës së anketës ballë për ballë e cila ka kosto të
larta.
Në disa raste ndihet nevojë urgjente për informacionin e hulumtimit. Në një rast
kësisoji, përdorimi i metodës së anketës ballë për ballë për t’u takuar veç e veç me secilin
respondent, çasja tek ata dhe më pas editimi dhe kodimi i të dhënave të mbledhura si dhe
transferimi në kompjuter merr më shumë kohë nga se planifikohet. Për shkak të këtyre
kufizimeve mund të preferohet anketa online apo anketë me telefon.
Karakteristikat demografike si edukimi, gjinia, niveli i të
ardhurave, mosha etj., mund të ndikojnë në zgjedhjen e metodës
për mbledhjen e të dhënave. Për shembull, anketa ballë për ballë
apo me telefon në një vend i cili ka nivelin e ulët të edukimit mund
të rris nivelin e përgjigjjes në vend të anketës me postë.
Karakteristikat demografike
ndikojnë në zgjedhjen e
metodës për mbledhjen e të
dhënave.
69
Në disa vende ç’rregullimet apo mungesa e infrastrukturës së komunikimit mund të
ndikojë në zgjedhjen e metodës për mbledhjen e të dhënave. Numri i telefonave dhe
shërbimeve postare në atë vend janë kritere të rëndësishme në këtë çështje.
Në punimet në terren, tregimi i produktit duke u bazuar vetëm në karakteristikat vizuale
mund të mos jetë e mjaftueshme. Përgjigjja e pjesëmarrësve duke e parë produktin do të
sigurojë marrjen e rezultateve më të sakta. Në raste të këtilla, për shembull, në vend të anketës
me postë, përmes metodës së anketës online mund të ofrohet shfaqja e produktit apo gjësë që
dëshirohet për t’u shikuar (dizajni i ri i ambalazhit etj.).
Në rastet kur brenda hulumtimit gjenden pyetje turpëruese apo të ndjeshme për nga ana
sociale, në mënyrë për të marrë përgjigjje të sakta dhe për të rritur nivelin e përgjigjjes, mund
të zgjedhjet metoda e anketës me postë apo me telefon të cilat ofrojnë mundësi për fshehjen e
identitetit të respondentit, në raste kur nuk ekziston domosdoshmëria për t’u takuar ballë për
ballë me një anketor.
Zakonisht sado e gjatë që të jetë anketa aq bie niveli i përgjigjjes. Nga kjo perspektivë,
numri i pyetjeve të anketës paraqet një ndër kriteret e rëndësishme në zgjedhjen e metodës së
anketës. Për shembull, anketat e bëra në telefon preferohen të mos jenë të gjata.
Edhe struktura e anketës luan rol me rëndësi në përcaktimin e metodës së zgjedhur. Për
shembull, për një anketë e cila përbëhet nga pyetje të hapura dhe është e nevojshme për t’u
pyetur pyetje shtesë të cilat nuk marrin pjesë në anketë, përdorimi i metodës së takimit ballë
për ballë është më e dobishme.
Niveli i lartë i përgjigjjeve është shumë e rëndësishme për hulumtuesin. Metodat e
ndryshme të mbledhjes së të dhënave krijojnë dallime në nivelin e përgjigjjeve. Për shembull,
niveli i përgjigjjeve me anë të postës është shumë i ulët. Në rastet kur niveli i përgjigjjeve është
i rëndësishëm, hulumtuesi duhet t’i ketë parasysh metodat e ndryshme të mbledhjes së të
dhënave të cilat ofrojnë norma të ndryshme të përgjigjjeve.
Niveli i dëshiruar i saktësisë së mostrës ndikon në zgjedhjen e metodës për mbledhjen e
të dhënave. Natyrisht, këtu vie në shprehje gabimi i zgjedhjes së mostrës së rastësishme.
5.2. METODAT E MBLEDHJES SË TË DHËNAVE ME ANË TË
ANKETËS
Ekzistojnë shumë mënyra për mbledhjen e të dhënave me anë të anketës. Ajo çfarë
është me rëndësi është përcaktimi i metodës më të mirë e cila do të shërbejë për qëllimet e
hulumtuesit. Në themel, metoda e anketës përfshin pyetjen e pyetjeve respondetënve gojarisht
70
apo në mënyrë të shkruar dhe ruajtjen e këtyre pyetjeve nga anketuesi apo personalisht nga
vetë respondenti.
Anketat të cilat mbushen personalisht nga ana e pjësëmarrësit pa ndihmën e anketuesit
quhen “anketat e administruara nga pjesëmarrësi” (self-administered questionnaire), kurse
anketa e bërë kur pjesëmarrësit u përgjigjen pyetjeve të anketuesit quhet “intervistë personale”
(personal intervieës). Anketat e administruara nga pjesëmarrësi eliminon gabimet e anketuesit.
Kjo metodë veçanërisht preferohet në rastet kur nuk ekziston mundësia për të bërë anketë
personale me personat e zënë për shkak të programeve të tyre të ngarkuara, si psh., me
menaxherë dhe/apo në rastet kur gjatë përdorimit të intervistës personale vihet në rrezik
sinqeriteti i përgjigjjeve për shkak të përmbajtjes së anketës. Përkundër kësaj, në përgjithësi
anketat personale arrijnë nivele më të larta të përgjigjjeve në krahasim me anketat e
administruara nga pjesëmarrësit. Në anketat e administruara nga pjesëmarrësit, pjesëmarrësit
sillen në mënyrë më arbitrare për shkak se nuk gjendet një anketues i cili obligon pjesëmarrësin
që ta mbush anketën në çast.
Me përjashtimm të anketës të bërë në internet, metodat e anketës ndahen në tri grupe:
Anketë personale
Anketë me telefon
Anketë me postë.
Një pikë e cila duhet të kihet parasysh këtu është përdorimi i më shumë se një metode
për mbledhjen e të dhënave për hulumtimin e njëjtë. Marrja e përgjigjjeve të një pjese më anë
të telefonit dhe të një pjese tjetër me anë të postës mund të shkaktojë devijime. Për këtë arsye
është e dobishme që të gjitha pyetjet të pyeten duke përdorur metodën e njëjtë të mbledhjes së
të dhënave.
5.2.1. Anketat Personale
Anketat personale me anë të të cilave anketuesi krijon komunikim me pjesëmarrësin
janë ndër metodat më të besueshme të mbledhjes së të dhënave. Ndonjëherë, përballë
pjesëmarrësit, në vend të anketuesit, mund të jetë një kompjuter (anketë online). Anketat
personale përdoren mjaft në vendet ku ka njerëz, si në qendrat tregtare si Galleria, Akmerkez
dhe Capitol, në rrugë, në vendin e punës etj.1
Avantazhet kryesore të metodës së anketës personale janë:2
1 Qendra tregtare në Turqi.
Metodat e anketës
ndahen në tri lloje.
71
Anketuesi ka mundësinë për t’i shpjeguar pyetjet të cilat nuk kuptohen nga
pjesëmarrësi. Nga kjo pikëpamje ka një strukturë elastike. Në të njëjtën kohë,
gjatë dhënies së shpjegimit anketuesi duhet t’i qëndrojë besnik përmbajtjes
origjinale të pyetjes.
Në rastet kur shihet e përshtatshme, anketuesi mund të pyes për idetë e
pjesëmarrësve në lidhje me pyetje të caktuara duke dalur jashtë formës së
anketës.
Veçanërisht në krahasim me anketën me anë të postës ku niveli i pritur i
përgjigjeve është 10% apo 15%, niveli i përgjigjjes me anë të anketës personale
është mjaft i lartë sidomos nën menaxhimin e një anketuesi me përvojë. Përveç
kësaj, mundësia e mbushjes së anketës në mënyrë të plotë duke qenë afër
pjesëmarrësve është më e lartë.
Parandalon devijimin e renditjes së pyetjeve (sequence bias). Në anketat e
dërguara me postë, postë elektronike apo me faks, pjesëmarrësit mund të japin
përgjigjje në mënyrë jo të pavarur ngaqë kanë mundësinë për t’i parë të gjitha
pyetjet në të njëjtën kohë. Në anketa të këtilla, pjesëmarrësit mund të
kushtëzojnë veten sipas përgjigjeve të dhëna në pyetjet e tjera. Ndërsa në
anketat personale devijimi i renditjes është i ulët ngaqë pjesëmarrësit nuk mund
t’i shohin pyetjet më parë.3
Metoda e anketës personale u jep mundësinë personave të intervistuar për të
përdorur produktet e reja, skicat e parashikuara të një reklame, klipat e filmave
dhe mjetet e tjera vizuale.4
Anketa personale mund të jetë alternativa e vetme në rastet kur është e nevojshme për
t’u përdorur një anketë e gjatë e cila përbëhet nga një numër i madh i pyetjeve që masin
qëllimin e hulumtimit. Në përgjithësi, përderisa anketa me telefon zgjat më pak se 10 minuta,
anketa personale mund të zgjas deri 3-4 orë.5
Desavantazhet kryesore të metodës së anketës personale janë:
Metoda e anketës personale është një metodë e shtrenjtë sidomos kur duhet të
aplikohet në fushat e gjera gjeografike. Sipas qëllimit dhe matjes së hulumtimit,
zakonisht aplikohet në territore të vogla gjeografike në bazë të qyteteve dhe
krahinave.
Merr shumë kohë për arsye se duhet intervistuar
personalisht secilin pjesëmarrës.
Pjesëmarrësit kanë prirje për të dhënë përgjigjje të gabuara apo për të mos u
përgjegjur për shkak që identiteti i tyre zbulohet. Kjo situatë mund të krijojë
probleme sidomos në anketat të cilat trajtojnë tema të ndjeshme për nga aspekti
social.
Metoda e anketës
personale merr kohë
të gjatë.
72
Prezenca e intervistuesit rrit prirjen e dhënies së përgjigjjeve të pranuara nga
aspekti social. Mirëpo, toni i zërit të intervistuesit, stili i pytjes së pyetjeve apo
mundësia e orientimit të pjesëmarrësve përmes interpretimeve të bëra gjatë
tentimit për t’i shpjeguar pyetjet ndikon në përfitimin e rezultateve jo të
shëndetshme. Për shembull, në hulumtimet e bëra është zbuluar se femrat
intervistuese kanë humor më të mirë sesa meshkujt intervistues.6 Në këtë rast,
përdorimi i intervistuesit femër dhe intervistuesit mashkull do të krijojë ndikime
të ndryshme tek pjesëmarrësit për hulumtimin e njëjtë. Përveç këtyre,
intervistuesi mund të bëj mashtrime duke i mbushur vetë anketat apo mund të
bëj gabime gjatë ruajtjes së përgjigjjeve. Nga kjo perspektivë, është e
rëndësishme që intervistuesit të edukohen mirë.
Metoda e anketës personale ndahet në 8 lloje sipas formës së kryerjes:
Anketë nga dera në derë
Anketë në vendin e punës
Anketë në qendrat tregtare (Mall-Intercept Interview)
Anketë gjatë/pas blerjes (Purchase Intercept Interview)
Anketat e lëna në dorë (Drop-off surveys)
Anketë në omnibus
Anketë personale e asistuar në kompjuter (Computer Assisted Personal
Interviews – CAPI)
Anketë online (Computer-Assisted Self-interviews)
Anketë në kioskë (Fully Automated Self Interviews)
5.2.1.1. Anketa nga Dera në Derë
Anketa nga dera në derë realizohet duke shkuar në shtëpinë e pjesëmarrësit. Nga ky
aspekt është një metodë mjaft agresive.7 Veçanërisht, në krahasim me metodën e anketës me
telefon ku çasja është e kufizuar vetëm me ata të cilët kanë telefon, aplikimi i anketës nga dera
në derë me mostrën e zgjedhur rrit nivelin e përfaqësimit të popullimit.
Të qenurit e pjesëmarrësit në shtëpi të vet dhe në një ambient të
rehatshëm, si dhe mosekzistimi i frikës shqetësuese nga të tjerët nxit
që ata të japin përgjigjje të sakta. Përveç kësaj, në rastet kur është e
nevojshme që pjesëmarrësi të shoh apo të prek një produkt të caktuar,
anketa në shtëpi siguron kushte më të përshtatshme. Mirëpo njerëzit sillen mjaft me kujdes në
ftimin e anketuesve në shtëpitë e tyre. Sidomos në shtetet si Turqia, mundësitë e suksesit të
kësaj metode nuk janë të mëdha. Krahas kësaj, pjesëmarrësit u përgjigjen pyetjeve të anketës
Anketat nga dera në derë
janë duke humbur
popullaritetin me kalimin
e kohës.
73
para derës dhe nuk tregojnë vullnet për t’i ndarë kohë anketës. Po ashtu, viteve të fundit rritja e
numrit të çifteve të cilat punojnë, rrit mundësinë e të mosqenurit në shtëpi.
Disa autorë, për shkak të desavantazheve të përmendura më lartë dhe të desavantazheve
të ngjashme pohojnë se në një kohë të shkurtër anketat nga dera në derë nuk do të aplikohen
më për hulumtimet e marketingut.8
5.2.1.2. Anketa në Vendin e Punës
Kjo metodë realizohet me vizitën e anketuesit në vendin e punës së pjesëmarrësit.
Ekzistojnë dallime të rëndësishme të kësaj metode prej anketës nga dera në derë. Përderisa me
anketat nga dera në derë hulumtohen qëndrimet dhe shprehitë në lidhje me konsumin e
produkteve, anketa në vendin e punës është e orientuar në mbledhjen e të dhënave rreth
produkteve dhe shërbimeve industriale.9 Është një metodë e anketës e cila merr në shënjestër
zakonisht grupet e menaxherëve apo puonjësit teknikë. Për të realizuar anketë me njerëz në
vendin e punës në të shumtën e rasteve duhet marrë leje nga vendi i punës. Në rastet kur tema e
anketës ka të bëj me sektorin në të cilin vepron firma, zakonisht këto lloje të anketave nuk
priten ngrohtë nga firmat. Po ashtu, firmat krijojnë qëndrime negative kundër këtyre lloje të
anketave të cilat zakonisht zgjasin shumë dhe obligojnë pjesëmarrësit të përgjigjen brenda
orarit të punës. Veçanërisht disa firma të mëdha në Turqi kanë politika të hapura në lidhje me
anketat me punëtorët e tyre që të mos marrin pjesë në këso lloj anketash.
5.2.1.3. Anketa në Qendrat Tregtare
Qendrat tregtare në të cilat gjendet një numër i konsiderueshëm i njerëzve janë një nga
vendet ideale për të bërë anketë. Shumë shpesh anketuesit me letër dhe laps në duar duke pritur
në dyert e qendrave tregtare apo në vendet ku rrjedhja e trafikut është intesive kanë tërhequr
vëmendjen e shumë njerëzve. Në vend që të shkohet derë më derë, këto lloje të anketave të
realizuara në qendrat tregtare paraqesin një nga metodat më të përdorura. Me këtë metodë, në
vend që anketuesi të shkojë derë më derë tek çdo pjesëmarrës, pjesëmarrësit të cilët vijnë të
bëjnë blerje vijnë vetë tek anketuesi.
Kjo metodë preferohet në rastet sidomos kur burimet financiare janë të kufizuara dhe
është e nevojshme që një objekt i caktuar të shihet, të ndjehet apo të provohet. Në rastet kur në
lidhje me temën e anketës është e nevojshme paraqitja dhe demonstrimi, anketa mund të
realizohet në vende të veçanta brenda qendrës tregtare, si në dhomat e takimit, në kuzhinat e
dekoruara për të përgatitur ushqim, në dhomat e mbyllura ku janë të instaluara televizioni dhe
sistemet e zërit etj.10
Përveç kësaj, anketuesi përfiton kursimin e kostove të rëndësishme ngaqë
nuk është i obliguar të udhëtoj.
74
Mirëpo, anketat në qendrat tregtare kanë edhe disa desavantazhe:11
Njerëzit të cilët vijnë në qendrat tregtarë shumicën e rasteve nuk kanë kohë për
t’u ndarë anketuesve. Për këtë arsye niveli i përgjigjshme zakonisht është i ulët.
Mostra e zgjedhur nga një qendër tregtare e një territori të caktuar nuk ka shumë
aftësi për të përfaqësuar popullimin. Përveç kësaj, mostra e zgjedhur ndikohet
nga dyqanet përrreth. Për shembull, ekziston mundësi e lartë që niveli i të
ardhurave të jetë i ndryshëm për pjesëmarrësit të cilët zgjedhen për një anketë e
cila realizohet përpara derës së një dyqani i cili shet produkte të shtrenjta dhe të
luksit dhe atyre që zgjedhen përpara një tende që shet gazeta.
Ata të cilët bëjnë më shpesh blerje kanë më shumë mundësi për t’u përfshirë në
mostër në krahasim me ata të cilët bëjnë blerje më rrallë.12
Po ashtu faktorët në
lidhje me përcaktimin e kohës mund të krijojnë probleme, si, dita në të cilën do
të bëhet anketa, kjo ditë të jetë gjatë javës apo në fundjavë, ora e bërjes së
anektës etj.
Zgjedhja e pjesëmarrësve nga anketori mund të shkaktojë devijime. Për
shembull, anketuesi mund të orientohet vetëm tek të rinjët që janë në moshën e
tij apo mund të orientohet vetëm tek femrat.
Qendrat tregtare kanë një atmosferë mjaft të zhurmshme dhe problematike për
një hulumtim serioz të marketingut.
Disa qendra tregtare nuk japin leje për kryerjen e këtyre anketave për arsye që
klientët e tyre të mos shqetësohen.
5.2.1.4. Anketa Gjatë/Pas Blerjes
Anketa gjatë blerjes është një metodë e bërjes së pyetjeve duke i ndaluar përgjegjësit
potencial gjatë kryerjes së blerjes. Dallimi i anketës pas blerjes prej anketës në qendrën tregtare
është kryerja e saj menjëherë pas vëzhgimit të realizimit të një sjelljeje të caktuar nga ana e
përgjegjësit (zakonisht sjellja blerëse).13
Për shembull, anketuesi në një qendër tregtare mund
të bëj një anketë me klientët të cilët kanë blerë poçe elektrike të brendit Philips. Kurse, në
anketën e qendrës tregtare nuk është parakusht që përgjegjësit e zgjedhur të kenë blerë një
produkt të caktuar. Anketa pas blerjes përfshin të gjitha desavantazhet të cilat i takojnë anketës
së bërë në qendrat tregtare, si dhe mundësinë e kundërshtimit së menaxherëve për të bërë
anketë me klientët e tyre. Po ashtu, kjo metodë i përfshin në hulumtim vetëm ata të cilët bëjnë
blerje në atë moment dhe ata të cilët e kanë blerë produktin më herët apo ata të cilët mendojnë
ta blejnë më vonë mbesin jashtë fushës së hulumtimit. Në fund, anketuesi duhet të pres kohë të
gjatë për personat të cilët do të blejnë një produkt apo brend të caktuar.
75
5.2.1.5. Anketat e Lëna në Dorë
Kjo metodë e cila është mjaft e përhapur kërkon lërjen e anketave në duar përgjegjësve
dhe pastaj marrjen e anketave të plotësuara prej duarve apo dërgimit me postë pas një kohe të
arsyeshme. Edhe pse është më e shtrenjtë në krahasim me anketën me anë të postës, kjo rrit
kontrollin e hulumtuesit. Përkundër kësaj, përgjegjësi mund të mos e plotësojë anketën për një
kohë të gjatë dhe gjatë kthimit te pjesëmarrësi për të marrë anketën mund që të mos e ketë
plotësuar atë. Për të parandaluar këtë, shpesh njoftimi përmes telefonit përpara se të shkohet te
përgjegjësi siguron kursimin e kostove dhe punës.
5.2.1.6. Anketa në Omnibus
Anketat në omnibus janë një nga metodat më të shpejta dhe
relativisht ndër më të lirat për mbledhjen e të dhënave nga
konsumatori. Me anketat në omnibus bëhet anketë personale me
konsumatorët rreth sjelljeve dhe shprehive të caktuara të konsumit
në intervale të rregullta të planifikuara (javore, mujore, tri mujore, gjashtë mujore etj.).
Ndonjëherë kompanitë e hulumtimeve përfitojnë nga anketat në omnibus për t’iu
përgjigjur dëshirave të shumta të klientëve. Në këto lloje të anketave, zakonisht nga 10-15
klientë pyeten 2-3 pyetje. Firmat i paguajnë kompanitë e hulumtimeve për çdo pyetje të
klientëve.14
Konsumatorët e omnibusit mund të specifikohen para apo pasi të jetë bërë
hulumtimi. Konsumatorët e përfshirë në një omnibus të vazhdueshëm mund të pyesin disa
pyetje dhe mund të përfitohen informata rreth vendit në intervale javore apo mujore.
Hulumtimet në omnibus janë mjaft të popullarizuara në shtetet e zhvilluara dhe ato në zhvilim
për shkak që konsumatorët paguhen sipas shkallës së pyetjeve të shtuara në hulumtim.15
Studimet në omnibus do të shpjegohen në më detaje në studimet longitudinale.
5.2.1.7. Anketa Personale e Asistuar në Kompjuter
Me këtë teknikë, anketuesi i fut përgjigjjet direkt në kompjuter gjatë intervistës me
përgjegjësin. Popullariteti i kësaj metode është rritur viteve të fundit. Ndër avantazhet më
kryesore është se për shkak që të dhënat futen në kompjuter drejtëpërdrejtë nuk ka nevojë për
hyrjen e të dhënave më vonë dhe në këtë mënyrë mbledhja e të dhënave dhe funksioni i
kodimit bëhen shpejt dhe në të njëjtën kohë.
Anketat në omnibus
sigurojnë mbledhjen e të
dhënave në mënyrë të
shpejtë dhe të lirë.
76
5.2.1.8. Anketa Online
Dallimi i kësaj teknike prej anketës personale të asistuar në kompjuter është se
përgjegjësi e bën anketën i vetëm në kompjuter. Ndër desavantazhet kryesore është se
përgjegjësi duhet të ketë njohuri të kompjuteri në një nivel të caktuar.
5.2.1.9. Anketa e Kioskës
Me këtë metodë, e cila nuk përdoret shumë në vendin tonë, pjesëmarrësit u përgjigjen
anketave duke e përdorur kompjuterin e kioskave të cilat gjenden në vendet si në qendrat
tregtare, banka, restorante, kongrese etj (Figura 5.1). Desavantazhi më i madh i kësaj metode
fshihet në zgjedhjen e mostrës. Hulumtuesi nuk ka mundësi të një kontrolli të plotë në
zgjedhjen e mostrës. Kjo gjë buron nga supozimi se grupet e përgjegjësve të shenjëstruara
gjenden vetëm në territoret të cilat kanë të instaluara kioskat. Për shembull, në matjen e
cilësisë së shërbimeve në lidhje me fluturimet e Türk Hava Yolları, kioskat e instaluara në
aeroport mund të jenë të dobishme. Mirëpo, jashtë kësaj mund të paraqiten edhe probleme të
tjera. Për shembull, në qoftë se i kthemi mostrës në lidhje me cilësinë e shërbimeve të
Havayolları, shumica e atyre që kanë mbetur të pakënaqur nga cilësa e shërbimit i përdorin
kioskat për të shprehur pakënaqësinë e tyre. Përveç kësaj, i njëri person mund ta plotësojë
anketën me dhjetëra herë.
Figura 5.1: Kioskat fully automated të përdorura në self anketat
Burimi: http:/www.smart-kiosk.com (05.06.2016)
77
5.2.2. Anketa me Telefon
Anketa me telefon është një metodë mjaft e përdorur në vendet e zhvilluara sidomos
ngase nuk është e varur prej nivelit të të ardhurave të pronarit të telefonit. Anketa me telefon
realizohet përmes telefonimit direkt të përgjegjësit dhe në mënyrë jo direkte përmes faksit apo
postës me zë.16
Avantazhet kryesore të kësaj metode mund të renditen në këtë mënyrë:
Për arsye se në çdo vend posedimi i telefonave është i madh, fusha potenciale e
përfshirjes është e gjerë. Mund të arrihet te një numër i madh i personave.
Mbledhja e të dhënave kryhet shpejt. Kostoja e menaxhimit është më e ulët për
nga anketa personale, por më e lartë nga anketa me postë. Kostoja ndryshon
sipas kohëzgjatjes së intervistës dhe vendit ku banon përgjegjësi..
Organizimi është i lehtë dhe eliminon shpenzimet e udhëtimit.
Ngaqë nuk ekziston një komunikim i drejtëpërdrejtë, disa pyetje të ndjeshme
dhe turpëruese, si, përdorimi i alkoolit etj., mund të përgjigjen më rehat.
Ngjarjet rreth të cilave do të mblidhen të dhënat mund të ndodhin në të njëjtën
kohë (psh., gjatë vazhdimit të programeve në radio apo në televizion, telefonimi
i dëgjuesve apo shikuesve dhë bërja e pyetjeve në lidhje me programet). Përmes
kësaj është e mundur që të merren informata pa u fshirë përshtypjet e ngjarjes.17
Kurse desavantazhet e metodës së anketës me telefon mund të renditen në këtë mënyrë:
Ashtu si në anketën personale, edhe në anketën me telefon gjatë shpejgimit të
pyetjeve që nuk kuptohen anketuesit mund të ndryshojnë përmbajtjen e pyetjes.
Kryerja e hulumtimit vetëm me personat të cilët kanë telefon dhe përmes
zgjedhjes së mostrës nga blloku i telefonave, me personat të cilët i kanë të
regjistruar numrat e telefonit në bllokun e telefonave si dhe për arsye që nuk
ofrohet mundësia e vrojtimit mund të ndodhin devijime. Për shembull,
zakonisht të rinjët nuk marrin pjesë në listën e telefonave. Po ashtu, mundësia e
atyreve të cilët kanë më shumë se një linjë telefonike në shtëpi për t’u përfshirë
në hulumtim është më e madhe se e atyreve që kanë vetëm një linjë telefonike.
Zakonisht përfitohen informata shumë të kufizuara. Nuk ekziston mundësia për
të marrë informata të detajuara.18
Kryerja e anketës në kohë të caktuara mund të i hap rrugë problemeve të
zgjedhjes së motrës, për shembull, gjendja në shtëpi vetëm e amviseve të cilat
nuk punojnë ngase meshkujt shkojnë në punë. Sipas hulumtimeve të bëra është
zbuluar se në telefonimet e bëra në orët e mëngjesit nga lista e telefonave në
mënyrë të rastësishme, zakonisht qëllojnë të pensionuarit, nxënësit apo të
papunët.19
78
Në temat të cilat kërkojnë shfaqje vizuale si ambalazhi, fotografitë e produktit
etj., nuk aplikohet anketë me telefon për arsye se nuk ekziston mundësia për t’ia
treguar përgjegjësit këto objekte.
Nuk është e mundur për të përdorur matës të komplikuar, si psh., matësi total
fiks.20
Koha e intervistës është e kufizuar. Në raste të zgjatjes së intervistës,
përgjegjësit e mërzitur mund ta mbyllin telefonin. Zakonisht, 30 minuta është
koha maksimale që përgjegjësit mund të i ndajnë anketës me telefon.21
Shtyrja e anketës me telefon nga ana e përgjegjësit është shumë më e lehtë në
krahasim me anketën personale. Përgjegjësit mund të e mbyllin telefonin, madje
pa i dëgjuar as shpjegimet.
Telefonat të cilat tregojnë numrin që kërkon dhe rritja e përdorimit të
sekretarëve telefonikë mund të krijojë vështirësi në kontaktimin e përgjegjësve.
Niveli i përgjigjjeve të anketës me telefon mund të llogaritet në këtë mënyrë:22
Në formulë, numri i anketave të refuzuara shpreh numrin e personave të cilat nuk
dëshirojnë të marrin pjesë në anketën telefonike, kurse numri i anketave të ndërprera shpreh
numrin e anketave të paplotësuara për çfarëdo arsye (mbyllja e telefonit nga përgjegjësi gjatë
intervistës, ndërprerja e linjës, etj.).
Metodat e anketave duke e përdorur linjën e telefonit, ndahen në katër lloje:
Anketë me telefon
Anketë me postë me zë
Anketë me faks
Anketë telefonike e asistuar me kompjuter.
5.2.2.1. Anketa me Telefon
Siç u cek edhe më sipër, anketa me telefon eleminon kostot e kontaktimit (udhëtimit) të
pjesëmarrësit. Me anë të sistemit të Thirrjes së Rastësishme të Numrit (random-digit dialing-
RDD) mund të kontaktohen pjesëmarrësit e zgjedhur në mënyrë të rastësishme. Ky sistem
79
ofron avantazh për nga pikëpamja e kontaktimit të personave të cilët kanë telefon por që emrat
dhe numrat e telefonave nuk marrin pjesë në bllok.
Desavantazhi i sistemit të thirrjes së rastësishme të numrit është mosrastisja e numrave
të telefonave që përdoren gjithmonë. Një alternativë tjetër e këtij sistemi është Zgjedhja e
Mostrës Plus Një (Plus-One Sampling). Me këtë metodë, në fillim zgjedhet një numër i
telefonit nga blloku në mënyrë të rastësishme dhe pastaj për çdo thirrje të re numri rritet për
një.23
Përveç kësaj, anketa me telefon ka edhe një set tjetër të desavantazheve:24
Është e vështirë që të arrihet bashkëpunimi me përgjegjësin ngaqë anketuesi dhe
përgjegjësi nuk gjenden ballë për ballë. Njerëzit mund t’i shmangen dhënies së
informatave rreth vetes personave të cilët nuk i njohin (shohin).
Për shkak të ngurrimit të njerëzve, mosgjendjes në shtëpi etj., zakonisht
sigurohet një pjesëmarrje e vogël.
Anketa me telefon mund të bëhet vetëm për produktet të cilat nuk kërkojnë
shfaqje (demonstrim).
Nuk ekziston mundësia për të parë mimikat dhe gjestet e përgjegjësit.
Është e vështirë regjistrimi i përgjigjjeve.
Në fazën e krijimit të numrave të telefonit në mënyrë të rastësishme, shpesh
mundësia e reduktimit të numrave aktiv nuk është e lartë.
Në thirrjet duke e rritur një shifër më shumë, numrat e telefonit të cilat fillojnë
me shifra të caktuara në Turqi, mund të përfshijnë vetëm territore të caktuara.
Kjo situatë ndonjëherë mund të konvertohet në avantazh për studimet të cilat
përfshijnë vetëm territore të caktuara gjeografike.
Në thirrjet duke e rritur një shifër më shumë, mund të rastisen të njëjtat persona
të cilat kanë më shumë se një linjë të cilat janë të njëpasnjëshme.
5.2.2.2. Anketa me Postë Zënore
Anketa me postë zënore, ashtu si në shërbimet bankare interaktive me telefon, përfshin
dhënien e përgjigjjeve të pjesëmarrësit duke i shtypur butonat në telefon për t’i dëgjuar
paralajmërimet audible të regjistruara më herët nga anketuesi. Këtu nuk është në dispozicion
ndonjë anketues. Ekziston vetëm një zë i regjistruar më parë.
Ekzistojnë dy lloje të postës zënore:25
Thirrje jashtë (Outbound Calling)
Thirrje nga jashtë (Inbound Calling).
80
Në thirrjet e jashtme, në mënyrë të rastësishme bëhet thirrje me anë të kompjuterit nga
lista e telefonit dhe gjatë aplikimit të anketës tek pjesëmarrësit, në thirrjen nga jashtë,
pjesëmarrësit ftohen për të marrë pjesë në anketë duke thirrur një linjë falas telefoni përmes
metodave të kartës postare, letrës, e-mailit etj. Kur pjesëmarrësi e merr në telefon këtë numër,
zëri i regjistruar më parë në kasetë udhëzon pjesëmarrësin se si të realizohet anketa. Një nga
desavantazhet është se kërkon telefon me butona dhe jo fiks.
5.2.2.3. Anketa me Faks
Anketa me faks përdoret veçanërisht në anketat e shkurtëra dhe
në rastet kur ndihet nevojë urgjente për përgjigjjet. Me këtë metodë,
anketa u dërgohet me faks pjesëmarrësve dhe kërkohet të kthehet
prapa me faks pasi të jetë plotësuar. Është një metodë e cila është e
lehtë për t’u aplikuar, ka kosto të ulët, niveli i përgjigjjes është i lartë dhe koha e përgjigjjes
ëshë e shkurtër. Kurse desavantazhi më i madh i kësaj metode është se nuk dihet a e ka
plotësuar personi i duhur anketën. Po ashtu, mostra është e kufizuar vetëm me ata të cilët kanë
makina faksi.
5.2.2.4. Anketa Telefonike e Asistuar me Kompjuter
Me këtë metodë (CATI – Computer Assisted Telephone Interview) anketa është në
gjendje të gatshme për t’u koduar në mënyrë të përshtatshme me përgjigjjet e dhëna në
kompjuterin që gjendet përpara anketuesit. Anketuesi, flet me kufje të lidhura në telefon dhe
përgjigjjet e dhëna i fut menjëherë në kompjuter. Anketuesi i lexon përgjigjjet e shfaqura në
ekranin e kompjuterit dhe pastaj përgjigjjet e marra me telefon i kodon direkt në kompjuter.
Pas kodimit të përgjigjjes në ekran shfaqet pyetja tjetër. Tejkalimi i pyetjeve bëhet në mënyrë
automatike nga kompjuteri. Për shembull, në qoftë se përgjigjja e pyetjes a keni DVD player
është jo, atëherë kompjuteri në mënyrë automatike e tejkalon pyetjen në lidhje me brendin e
DVD-së dhe kalon tek pyetja tjetër. Për arsye se pyetjet futen direkt në kompjuter, nuk ka
nevojë përsëri për funksionin e kodimit. Në çfarëdo faze të hulumtimit ekziston mundësia për
t’u çasur në rezultatet e hulumtimit.
Një avantazh tjetër i anketës telefonike të asistuar në kompjuter është edhe mundësia e
pyetjes së njëjtë në versione të ndryshme në mënyrë automatike. Për shembull, herë pas here
dëshirohet që të ndërrohen vendet e alternativave të përgjigjjeve në lidhje me një pyetje të
caktuar. Përderisa është shumë e kushtueshme për ta bërë këtë në anketat e shtypura, në anketat
telefonike të asistuara me kompjuter kjo gjë bëhet në mënyrë automatike. Po ashtu, rregullimi i
pyetjeve të dizajnuara keq apo pasi të ketë filluar hulumtimi, shtuarja e pyetjeve të reja në
Anketa me faks e ka
humbur rëndësinë pas
internetit dhe postës
elektronike.
81
momentin e fundit është shumë e lehtë dhe e shpejtë me anë të CATI-së, kurse anketat e
shtypura shpesh kërkojnë shumë shpenzime dhe kohë të gjatë për të bërë ndryshime pasi të
jenë lansuar në terrenin e hulumtimit.
5.2.3. Anketa me Postë