Upload
others
View
1
Download
0
Embed Size (px)
Citation preview
1. INLEIDEND
Die pasafgelope jaar het vele hoogtepunte opgelewer waaronder die matriekgroep van 2014 wat 'n 100%
slaagsyfer behaal het en 'n hele paar sportspanne wat hul seisoene onoorwonne afgesluit het. Die Eistedfodd was
beslis ook een van die hoogtepunte op kultuurgebied. Alhoewel die kwessie van die daling in getalle vir die
meeste Afrikaans medium skole in die groter Durban area 'n uitdaging bly, is ons dankbaar oor die feit dat ons
getalle sedert 2012 met 90 toegeneem het. Ons huidige leerdertal is 722
2. LEERDERTAL
Die skool het tans 722 leerders, terwyl die leerdertal op die tiende skooldag 707 was.
Hiervan is 419 primêre leerders en 303 sekondêre leerders.
Die leerdertal van die onderskeie grade sien tans as volg daaruit:
Seuns Dogters Totaal
1 34 32 66
2 32 27 59
3 34 27 61
4 41 25 66
5 23 28 51
6 22 31 53
7 29 34 63
8 24 30 54
9 26 44 70
10 21 40 61
11 36 30 66
12 19 33 52
Totaal: 341 381 722
Ons is opgewonde oor die feit dat ons hoof voedingskool, Kokkewiet Pre-primêr, ook beduidende groei toon.
Die grootste uitdaging ten opsigte van groei in Afrikaanse skole se getalle, is die feit dat 'n toenemende aantal
ouers besluit om hul kinders reeds op pre-primêre vlak in Engels medium skole te plaas. Hierdie leerders is
dan in die meeste gevalle verlore vir Afrikaans medium skole.
3. PERSONEELAANGELEENTHEDE
Ons is bevoorreg om toegewyde personeel te hê wat bereid is om die spreekwoordelike ekstra myl te loop in
belang van ons kinders. Die feit dat ons tans oor 'n mengsel van ervare sowel as 'n goeie kwota jong personeel
beskik, bring 'n gesonde dinamika na die personeel. Die tekort aan onderwyspersoneel bly 'n uitdaging en dra
daartoe by dat die skool sy onderwyspersoneel ten alle koste moet probeer behou. Die tekort aan personeel
oor die algemeen blyk uit die feit dat ons hierdie jaar 'n Geografie- sowel as Toerisme pos vir die senior grade in
die nasionale nuusmedia adverteer het. Nie 'n enkele bruikbare aansoek is vir enige van hierdie poste ontvang nie.
Ons is tans geregtig op 22 departementele opvoederposte, 1 sekretaresse en 1 arbeider wat deur die staat
vergoed word. Die voorgestelde aantal personeel wat in 2016 deur die beheerliggaam vergoed word sien
as volg daaruit:
Pos 2014 2015
Opvoeder 14 14
Administratief 3 3
GELOFTE SKOOL
JAARVERSLAG: 2015
LeerdersGraad
Ondersteuningspersoneel 5 5
Invorderaar 1 1
Maatskaplike werkster 1 1
Media personeel 2 2
Terreinbestuurder 1 1
Tien van die 22 departementele poste is primêre aanstellings en 12 sekondêre aanstellings. Ons behoort
ons departementele toewysing ten opsigte van onderwysposte te behou gesien in die lig daarvan dat ons
tiende skooldag getalle gestyg het van 666 in 2014 na 707 in 2015.
Die gedetaileerde inligting oor ons personeelsituasie sien tans as volg daaruit:
Graad/Vak Aantal leerders Aantal personeel
1 66 3
2 59 2
3 61 3
4 66 3
5 51 2
6 53 2
7 63 2
8 54 2
9 70 2
10-12
Afrikaans 178 2½
Engels 178 2½
Wiskunde/WGL 178 2½
Fisiese Wetenskap 45 1
Lewenswetenskap 73 1
Rekeningkunde 37 1
Besigheidstudies 65 1
Gasvryheidstudies 40 1
Lewensoriëntering 178 1½
Ingenieursgrafika 64 1
Geografie 66 1
Toerisme 78 1
Rekenaartoepassing 66 1
Die volgende opvoederpersoneel sal in 2016 in beheerliggaamposte dien:
Personeellid Vakgebied
Botha C Senior Primêr
Du Plessis S Grondslagfase
Els C Grondslagfase
Human M Senior Primêr
Koen C Lewenswetenskap
Kriel D Engels
Murray M Toerisme
Nagel H Senior Primêr
Nel L Grondslagfase
Pienaar M Afrikaans/Engels
Smidt W Wiskunde
Steenekamp L Senior Primêr
Van Rooyen C Grondslagfase
3.1 Personeelverlies
Die volgende personeel het ons aan die einde van 2014 of in die loop van 2015 verlaat. In ander gevalle
sal die personeel ons aan die einde van 2015 verlaat.
Personeellid Vakgebied/Taak Rede vir vertrek
Badenhorst C Grondslagfase Bedanking
Biggar D Senior Primêr Verhuising
Dawson T Toerisme Verhuising
De Bruyn M Grondslagfase Verhuising
Du Toit K Grondslagfase Aftrede
Martin T Senior Primêr Aflospos
Myburgh E Sekondêre Mediasentrum Bedanking
Nortje J Toerisme Bedanking
Stadler E Senior Primêr Verhuising
Uys F Geografie Verhuising
Ons wil bogenoemde personeel graag bedank vir hul bydra en onvermoeide ywer.
3.2 Nuwe personeel
Die volgende personeel het in die loop van die jaar by ons aangesluit.
Personeellid Vakgebied/Taak
Badenhorst C Grondslagfase
Fourie M Afrikaans
Martin T Senior Primêr
Murray M Senior Primêr
Nortje J Toerisme
Pienaar M Afrikaans/Engels
Smidt W Wiskunde
Die KZNDO het die vakante departementshoofpos sowel as die vakante adjunkhoofpos in 'n onlangse
gazette geadverteer. Die beheerliggaam is tans besig met die proses om personeel in hierdie poste aan te
beveel en indien die KZNDO hou by die bestuursplan, behoort hierdie poste teen Januarie 2016 gevul te
wees.
4. LEERDERAANGELEENTHEDE
4.1 Akademiese uitslae
Die slaagsyfer vir die onderskeie grade aan die einde van 2014 het as volg daar uitgesien:
Graad Aantal leerders Aantal druipelinge % Slaag
1 61 5 92
2 56 2 96
3 67 0 100
4 46 0 100
5 51 0 100
6 53 0 100
7 60 3 95
8 59 0 100
9 59 1 98
10 61 1 98
11 52 0 100
12 49 0 100
Totaal 674 12 98
Die matrieks van 2014 het 'n gemiddelde % van 62,9% behaal met 71,4% van die leerders wat ge-
slaag het met matrikulasievrystelling. Een leerder het geslaag met 'n A-gemiddeld en 9 met
'n B-gemiddeld. Chantelle van Aswegen was ons top kandidaat met 5 onderskeidings en 'n gemiddelde %
van 81,4%. Jeané, Marga Roloff en Lizalda van Wyk het elk drie onderskeidings behaal.
Daar was 47 vakonderskeidings. Een en vyftig persent van die matrieks het geslaag met 'n gemiddeld van
60% of hoër. In een vak was die vakgemiddeld hoër as 70% en in nog agt hoër as 60%. Baie geluk
aan die matriekgroep van 2014 met pragtige uitslae.
Die volgende leerders was die top presteerders in die onderskeie grade aan die einde van 2014:
GRAAD ALPHA LEERDER GEMIDDELDE %
4 Linamarie Nothnagel 95.5%
5 Ruan Radley 93.3%
6 Tian Nothnagel 92.0%
7 Ané de la Rey 93.0%
8 Leamé Hattingh 91.4%
9 Olga Hougaard 90.9%
10 Megan Tolmay 89.7%
11 Simoné Heenop 94.4%
12 Chantelle van Aswegen 81.4%
Ons leerders neem ook jaarliks deel aan olimpiades in sommige vakke.
Ons streef daarna om hoë akademiese standaarde te handhaaf. Die gevolg hiervan is soms dat leerders en
ouers onder geweldige druk geplaas word. In 'n poging om die druk te verlig versprei, ons tans 'n volledige
program vir elke kwartaal se assessering op 'n kwartaallikse basis aan ouers en poog ons om die hoeveel-
heid assesseringsaktiwiteite, binne die raamwerk van departementele beleid, te verminder.
4.2 Vakkeuses
Leerders kan die volgende vakkeuses uitoefen:
* Leerders in grade 1-9 volg die voorgeskrewe vakpakkette soos deur die departement vereis. Leerders
in grade 7 - 9 neem Spraak en Drama asook Rekenaargeletterheid as verrykingsvakke. Leerders in
grade 1-6 neem ook Rekenaargeletterdheid.
* Leerders in graad 10 - 12 neem Afrikaans, Engels, Wiskunde/WGL en LO en kies drie ander vakke uit:
Fisiese Wetenskappe, Lewenswetenskappe, Geografie, Rekenaartoepassingstegnologie, Rekeningkunde
Toerisme, Besigheidstudies, Gasvryheidstudies, en Ingenieursgrafika.
Die beskikbaarheid van bepaalde vakkeuses hang af van die aantal leerders wat die betrokke vak wil
aanbied.
4.3 Skoolbywoning
Getroue skoolbywoning is 'n belangrike komponent in sover dit 'n leerder se akademiese prestasie betref.
'n Leerder wat daagliks in die klas teenwoordig is raak die kurrikuluminhoude makliker baas en sal ook
vind dat hy/sy makliker voorberei vir toetse en eksamens. Gesien in die lig hiervan is dit hartseer dat enkele
ouers gladnie erns maak met hul kinders se skoolbywoning nie en selfs bereid is om namens die leerders
'n leuen te vertel om die leerders toe te laat om tuis te bly. Sommige leerders word ook op 'n gereelde
basis vroeg uitgeteken sonder enige werklike grondige rede. Daar is leerders wat tot op datum hierdie
jaar reeds meer as 50 dae afwesig was.
Onderstaande gee 'n aanduiding van die onderskeie grade se % skoolbywoning tot op datum hierdie jaar.
Graad JTD
1 94.9
2 95.1
3 94.8
4 94.4
5 92.5
6 92.2
7 93.1
8 92.8
9 93.3
10 90.0
11 92.3
12 90.1
Skool 93.0
Bogenoemde syfers sluit nie statistiek in van leerders wat gereeld laatkom of vroeg uitteken nie.
5. EKSAMINERING EN TOETSING
Alle leerders vanaf graad 4-12 het aan die einde van 2014 eksamen geskryf. Leerders word deur-
lopend geëvalueer aan die hand van toetse sowel as informele evaluering. Leerders in verskeie grade
was veronderstel om die departementele JNA eksamen in September te skryf. Die eksamen is egter
na 'n dispuut met die onderwysunies na die eerste week in Desember verskuif.
In die huidige stelsel skep ouers se betrokkenheid by hul kinders se informele evaluering soms 'n probleem
aangesien sommige ouers se insette in die finale projek te groot is en dit dus nie 'n ware weerspieëling
is van 'n kind se vermoë nie. Die nuwe KABV behoort hierdie probleem in 'n groot mate te ondervang
aangesien die informele komponent 'n kleiner deel van die finale punt sal uitmaak.
6. BEHEERLIGGAAM
Die huidige beheerliggaam is in Maart 2015 verkies en dien 'n driejaar termyn. Leerderlede dien slegs vir 'n jaar.
Die volgende persone dien tans op die beheerliggaam:
Sean Martin Voorsitter
André Britz Onder-Voorsitter
Renier Meintjes Finansies
Leonie Botha Tegnologie
Robert Moffat Terrein
Adele Swarts Bemarking
Tertia du Plessis Projekte
Pieter Grundling Sport
Charmain Hefer Opvoeder
Riette Havemann Opvoeder
Wentie Gordon Opvoeder
Daleen Coetzee Nie-opvoeder en sekretaresse
Rudolph Torlage Leerder
Zelmari Janse van Rensburg Leerder
Johan Kriek Leerder
Danie Strydom Skoolhoof
Die beheerliggaam funksioneer aan die hand van die volgende komitees:
6.1 DAGBESTUUR
Die dagbestuur vergader slegs by hoë uitsondering om besluite te neem oor sake wat dringende aan-
dag verg.
6.2 FINANSIES
Die skool se finansies is kerngesond. Die algemene verarming van die Afrikaanssprekende gemeen-
skap raak egter ook die skool en plaas dit uiteraard 'n beperking op nuwe projekte wat aangepak kan
word en die onderhoud van bestaande fasiliteite en toerusting. Dank word uitgespreek teenoor sovele
ouers wat bereid is om die hand dieper in hul eie sakke te steek in belang van die skool. Detail m.b.t.
die skool se finansies word aangespreek in die begrotingsverslag.
6.3 SPORT EN KULTUUR
Uitstappies en toere het tans so duur geraak dat ons nie 'n ander keuse het as om te herbesin oor ons
ouergemeenskap se vermoë om die koste van hierdie toere/uitstappies te dra nie. Gesien in die lig van
die huidige ekonomiese klimaat raak dit ook toenemend moeiliker om borge/skenkings te bekom. Ons
streef egter steeds daarna om ons leerders wel blootstelling te gee deur hulle op toere en uitstappies te
neem waar moontlik.
Leerders kan betrokke raak by die volgende kultuuraktiwiteite: Landsdiens, koor, VCSV, skaak, debat
en redenaars. Ons leerders presteer ook op kultuurgebied pragtig.
NAAM AKTIWITEIT PRESTASIE
ADENDORFF RIKUS LANDSDIENS KZN
ALBERTYN AMINÉ LANDSDIENS KZN
BRAND LOUISE LANDSDIENS INTERPROVINSIAAL
DE LA REY ANÉ REDENAARS STREEKKOMPETISIE
DU PREEZ BARNARD REDENAARS STREEKKOMPETISIE
DU PREEZ JANNELIE REDENAARS STREEKKOMPETISIE
HEENOP SIMONE REDENAARS STREEKKOMPETISIE
HEFER LEHAN LANDSDIENS KZN
HENNING ZANDER LANDSDIENS KZN
MARAIS ANSONEL LANDSDIENS KZN
MARAIS LEZAAN LANDSDIENS KZN
MOFFAT KAELYN REDENAARS STREEKKOMPETISIE
MURRAY MEGAN REDENAARS STREEKKOMPETISIE
MYBURGH JEANE LANDSDIENS SPRINGBOK
NOTHNAGEL LINAMARIE REDENAARS STREEKKOMPETISIE
POTGIETER RUBEN REDENAARS STREEKKOMPETISIE
SMIT DEWALD LANDSDIENS KZN
TOLMAY MEGAN REDENAARS STREEKKOMPETISIE
TORLAGE RUDOLPH JEUGKOOR KZN
VAN DER WALT DAWID LANDSDIENS KZN
VAN GRAAN ANRI LANDSDIENS KZN
VAN HUIZEN AJ LANDSDIENS KZN
VAN STADEN CHARLIZE REDENAARS JUNIOR SPRINGBOK
Ons het hierdie jaar 'n Eistedfodd aangebied en 'n skatkis van talent onder ons leerders ontdek.
Komplimente is uit verskeie oorde ontvang en ons is oortuig dat dit ook 'n beduidende bydra
gelewer het om die skool se naam uit te dra na die breër gemeenskap. Ons leerders se deelname aan
eksterne- sowel as 'n interne redenaarskompetisies het weer eens bewys dat die Loffies hul woord
kan doen in beide Afrikaans en Engels.
Die wintersport aandreeks groei in statuur met meer skole en spanne wat deelneem. Die aandreeks het
sodanig gegroei dat meer as 50 spanne en 20 skole aan hierdie jaar se aandreeks deelgeneem het. Alhoewel
ons nie oor ons eie swembad beskik nie, presteer ons swemmers pragtig en vaar ons beter in die galas as
skole wat wel oor swembaddens beskik. Dit is suiwer te danke aan ouers wat bereid is om hul kundigheid
tot die skool se beskikking te stel. Die aandatletiekbyeenkoms het ook gegroei van drie skole wat in die
eerste jaar deelgeneem het, na vyf skole wat hierdie jaar deelgeneem het.
Ons sportspanne het gemengde welslae behaal. Enkele spanne het hul seisoene onoorwonne afgesluit
terwyl ander slegs enkele wedstryde verloor het. Ons wil ons dank uitspreek teenoor elke Loffie wat getrou
oefeninge bygewoon het en elke wedstryd hul beste gegee het. Baie dankie ook aan elke ouer wat uit hul
pad gaan om dit moontlik te maak vir hul kinders om van geleenthede by die skool gebruik te maak. Een
van die klein spreekwoordelike jakkalsies wat 'n uitdaging veroorsaak vir afrigters is die feit dat 'n klein
groepie ouers soms, sonder om die skool in te lig, bloot besluit om nie hul kinders na wedstryde te bring nie.
Hierdie tendens veroorsaak uiteraard geweldige ontwrigting veral in spansporte.
'n Hele aantal leerders het pragtig presteer deur verteenwoordigende spanne te haal in skoolsporte
sowel as in sportsoorte wat buite die skool aangebied word.
NAAM AKTIWITEIT PRESTASIE
BOTHA JAN HARM KARATE KZN
DE JAGER KARIN KARATE KZN
DE JONGH DENISE NETBAL ETHEKWINI
DE JONGH DENISE ATLETIEK ETHEKWINI
DETTMER ROBYNLEE GIMNASTIEK KZN
ENGELBRECHT DEIDRE-LEIGHNETBAL ETHEKWINI
FAUGHT AIDEN GIMNASTIEK KZN
FOURIE LOUIS RUGBY PADSSA
GROESBEEK THYZE AKSIE-NETBAL KZN
HEFER LEHAN RUGBY HIGHWAY
HEFER NADINE ATLETIEK KZN
HEFER NATHAN KLUBRUGBY KZN
HERMAN JADE LEE KARATE KZN
HEYMANS MARNA SWEM RSA
HUMAN ELKE KARATE RSA
HUMAN ZANDER KARATE RSA
JACOVIDES JOANNE NETBAL ETHEKWINI
J V RENSBURG RENE ATLETIEK PADSSA
J VAN RENSBURG ZELMARIENETBAL ETHEKWINI
JACOBS CLARINDA NETBAL ETHEKWINI
JACOBS CLARINDA ATLETIEK ETHEKWINI
LE ROUX REECE RUGBY PADSSA
MARAIS ANSONEL HOKKIE PADSSA
MEECHAN MICHELLE KARATE KZN
NDWANDWE WONDERBOY RUGBY PADSSA
NEL RENCHE NETBAL PADSSA
NOTHNAGEL LINAMARIE ATLETIEK PADSSA
SMIT MARCEL KLUBRUGBY KZN
SOUTHEY CINDY HOKKIE PADSSA
STEYL ANRU ATLETIEK PADSSA
TOLMAY MERIZE HOKKIE PADSSA
VAN DER WALT DAWID KARATE KZN
VAN JAARSVELD ANNERIENNETBAL ETHEKWINI
VAN JAARSVELD LIANDRIE NETBAL KZN
VAN RENSBURG CHAD RUGBY PADSSA
VAN RIJSWIJK ANIKE NETBAL ETHEKWINI
WILMANS MADELEIN ATLETIEK KZN
WIGGILL JUSTIN GHOLF KZN
Leerders kon aan die volgende aktiwiteite deelneem:
Atletiek, landloop, rugby, hokkie, mini-hokkie, mini-krieket, netbal, gholf, krieket, swem en tennis. Ons het
oorweging geskenk daaraan om die aantal sportsoorte wat aangebied word uit te brei. Ons getalle skep
egter probleme in hierdie verband aangesien dit kan veroorsaak dat ons nie voldoende spelers het om die
onderskeie spanne vol te kry indien ons te veel sportsoorte in dieselfde seisoen aanbied. Die beskikbaar-
heid van kundige en bekostigbare afrigters bly ook 'n uitdaging. Ons het hierdie jaar vir die eerste keer ook
'n dogterskrieketspan wat aan ligawedstryde deelneem.
'n Ondersteunersklub is vroeër hierdie jaar gestig met die doel om 'n geleentheid te skep vir oud-skoliere
en ander ondersteuners wat behoefte het om betrokke te bly en/of te raak by die skool. 'n Minimale fooi
word jaarliks van lede verhaal waarvan die inkomste uitsluitlik vir die ontwikkeling van sport en sport-
fasiliteite by die skool geoormerk sal word.
Verskeie toere het daartoe bygedra om ons leerders se vaardighede op te skerp en hul horisonne te
verbreed. Dank aan al die afrigters en ouers wat bereid was om ons leerders op hierdie toere te vergesel.
Die volgende toere is in die loop van die jaar onderneem: Sekondêre en primêre 1ste netbal en hokkie
spanne asook die primêre 1ste rugbyspan. Leerders het ook Landsdienskampe en akademiese uitstappies
onderneem en verskeie van ons graad 5 en graad 9 leerders het die Reg vir Môre leierskamp bygewoon.
Aangesien ons sport by Gelofte bestuur met die hulp van 'n deeltydse sportbestuurder wil ons graag 'n
besondere woord van dank rig tot elke personeellid, ouer en kundige wat oor die afgelope jaar by afrgting of
die organisasie van sport by Gelofte betrokke was. U insette, dikwels sonder enige vergoeding, word opreg
waardeer en maak 'n reuse verskil in ons kinders se lewens.
6.4 TERREIN EN FASILITEITE
Die terreinkomitee is verantwoordelik vir die instandhouding van ons terrein en fasiliteite. Ons tuine en
terrein vertoon tans besonder netjies en dra daartoe by dat ons in 'n aangename omgewing kan werk.
Ons is deurlopend besig om aandag te skenk aan die opknapping van die skool se badkamers en ander
fasiliteite. Die volgende fasiliteite is tans op die prioriteitslys vir oprigting of opknapping in die nabye toekoms.
* Herstel van die saal se verhoog wat deur termiete vernietig is.
* Verf van sportkleedkamer.
* Herstel van die werkswinkel se plafon en dak na reënskade.
* Vervanging van die skadunet by die krieketnette.
* Herstel van die geute.
* Verf van die skool.
* Vervanging van vloedligte by rugbyveld se rame waaraan die vloedligte geheg word.
* Motorisering van uitgangshek.
Die volgende projekte is reeds afgehandel in die loop van die jaar:
* Herstel van die Grondslagfase se klimrame.
* Herstel van veiligheidsvloedlig.
* Beskikbaarstelling van werksoppervlaktes vir leerders onder afdakke.
* Uitgangshek se spoor is herstel.
* Diefwering by Gasvryheidstudielokaal.
* Herstel van stukkende panele by pawiljoen.
* Aanbring van veiligheidsrelings by trappe aan kante van pawiljoen.
Nadat ons vir baie jare nie tuiswedstryde op die krieketblad kon speel nie, het die hervestiging van die blad
sodanig gevorder dat ons met die aanvang van die krieketseisoen in die eerste kwartaal tuiswedstryde
kon speel.
Die skool se 35 sitplek bus het na dekades 'n punt bereik waar dit bloot nie meer veilig is om leerders in die
bus te vervoer nie, ten spyte van gereelde onderhoud. Die beheerliggaam het, in die lig hiervan, besluit om die
bus te verkoop.
6.5 TEGNOLOGIE
Rekenaars en die onderhoud van rekenaarsentrums bly ongelukkig 'n duur en deurlopende uitgawe. Ons
is bevoorreg om te beskik oor twee pragtige rekenaarsentrums. Leerders het ook toegang tot rekenaars
en die internet in die sekondêre mediasentrum. Danksy Klub 100 is alle klaslokale toegerus met data-
projektors. Ons het reeds met meer as een maatskappy in gesprek getree oor die daarstelling van infra-
struktuur wat dit vir ons moontlik sal maak om oor te skakel na die gebruik van elektroniese handboeke.
Die beplanning is om binne die volgende drie jaar oor te skakel na elektroniese handboeke. Hierdie bly
egter 'n aangeleentheid wat nie oorhaastig aangepak moet word nie aangesien die infrastruktuur geweldig
duur is en vele skole getuig dat die stelsel nie sonder groeipyne en deurlopende uitdagings geskied nie.
Die beheerliggaam het besluit om alle rekenaars in die sekondêre rekenaarsentrum teen die einde van 2015
te vervang. Hierdie uitgawe is noodsaaklik aangesien die KZNDO die kurrikulum vir Rekenaartoepassings-
tegnologie sodanig gewysig het dat die sagteware nie op die bestaande rekenaars, wat reeds vir etlike jare
in gebruik is, gelaai kan word nie. Die bestaande sekondêre rekenaars sal na die primêre rekenaarsentrum
verskuif word aangesien die hardeware meer as voldoende is vir die sagteware wat deur die primêre leerders
gebruik word.
Die bestaande dupliseerfasiliteite is onlangs opgradeer deur die installering van meer koste effektiewe
masjiene.
6.6 BEMARKING
Die bemarkingspan fokus op die opstel van 'n bemarkingsplan wat daartoe sal lei dat die skool se visie
naamlik: Verbind tot Uitnemendheid uitgeleef sal word en dat die skool se getalle en finansiële inkomste sal
groei.
Die bemarkingspan bestaan uit personeel en ouers wat vir 'n geruime tyd reeds besig is met die finalisering
van die skool se bemarkingsplan. Gereelde wisseling wat die voorsitter van hierdie komitee betref het daar-
toe aanleiding gegee dat die bemarkingsplan nog nie gefinaliseer is nie.
Baie werk is reeds gedoen ten opsigte van die bemarkingsplan en agt kommunikasiedoelwitte is beskryf.
Aksieplanne om leerdergedrag en die fasiliteite aan te spreek word reeds geïmplementeer alhoewel daar nog
afrondingswerk aan die bemarkingsplan gedoen moet word. Die verbetering van ouer- en onderwyser-
verhoudinge geniet ook aandag.
Bemarking van die skool geskied deur die webblad, nuusmedia, opedae en "Communicator". Ondervinding
het egter geleer dat die beste bemarkingsmeganisme van die skool gelukkige en tevrede ouers is wat die
skool bemark onder vriende en nuwe intrekkers. Die koop van advertensieruimte in plaaslike koerante het
in die verlede geen vrug opgelewer nie. Die beskikbaarstelling van beurse aan leerders wat nie tans
ingeskrewe leerders is nie, was ook vrugteloos. Ons doen 'n beroep op ouers en Loffies om die skool
passievol te bemark onder nuwe intrekkers maar ook in hul daaglikse doen en late. Die beste bemarker
van enige produk bly die mondelingse bemarking deur tevrede kliënte.
6.7 PROJEKTE
Die grootste projekte in terme van fondsinsameling is die jaarlikse kaskarwedren, die wintersport aandreeks,
die gholfdag en die verkoop van die groot advertensiebord. Die beheerliggaam poog om projekte daar te
stel wat fokus op eksterne bronne van inkomste bo en behalwe ons eie ouergemeenskap.
6.8 VEILIGHEIDSKOMITEE
Die veiligheidskomitee bestaan uit ouerlede van die beheerliggaam, die terreinbestuurder sowel as
onderwyspersoneel. Die komitee vergader kwartaalliks en hanteer sake wat die veiligheid van leer-
ders, ouers, personeel en ander betrokkenes raak. Kommer heers oor leerders wat dikwels laatmiddag
nog by die skool is nadat alle personeel reeds die terrein verlaat het. Ons het begrip daarvoor dat ouers
lang ure werk maar daar kan ongelukkig nie van personeel verwag om 'n gratis nasorg diens beskikbaar te
stel nie.
Inbrake en motordiefstal op die terrein het afgeneem oor die afgelope jaar. Die beheerliggaam het kundiges
se advies ingewin in 'n poging om van die knelpunte rondom die veiligheid van die leerders sowel as die
skool se eiendom in te win. Daar word beoog om met ingang van 2016 'n hekwag by die uitgangshek te
plaas wat toegang tot die skool tydens skoolure sal reguleer. Die feit dat ons 'n gekombineerde skool is
veroorsaak dat ouers oor 'n lang periode toegang moet verkry tot die skoolterrein om leerders op te laai in
die middae, wat daartoe aanleiding gee dat beide die toegangshek en die uitgangshek dan oop moet wees.
Hierdie situasie bied uiteraard bepaalde uitdagings wat die toegangsbeheer tot die terrein betref.
Die beheerliggaam ondersoek ook die moontlikheid van CCTV kameras om die diefstal van leerders se
eiendom tydens skoolure hok te slaan. Die verbetering/versterking van die huidige veiligheidsmaatreëls by
die rekenaarsentrums is as prioriteit geïdentifiseer. Die ideaal sou wees om die skool se omheining sodanig
op te gradeer dat dit die deurloop van ongewenste elemente oor die skoolterrein vanaf die B-velde on-
moontlik sal maak. Verskeie opsies is al oorweeg, maar dit blyk óf baie duur óf onprakties te wees.
6.9 DISSIPLINêRE KOMITEE
Die dissiplinêre komitee van die beheerliggaam bestaan uit twee ouerlede van die beheerliggaam. Hier-
die komitee hanteer ernstige oortredings van leerders wat nie deur die bestuurspan en personeelkorps
van die skool hanteer kan word nie, aangesien dit aanbeveling tot skorsing tot gevolg kan hê. Behalwe
vir die daaglikse kleiner dissiplinêre probleme wat deur die bestuurspan en personeel hanteer word,
is daar min ernstige probleme. Gedurende 2015 is enkele sake na die komitee verwys en moes drie
leerders gemeenskapsdiens verrig tydens die Julie skoolvakansie.
Die handhawing van gesonde dissipline is ononderhandelbaar aangesien effektiewe onderrig daar-
sonder bloot nie moontlik is nie. Ouers se ondersteuning van die skool is hierin van kardinale belang.
Die handhawing van dissipline word toenemend 'n uitdaging by skole landswyd. 'n Groot deel van die
oorsaak hiervan lê daarin dat sommige ouers die skool nie ondersteun in die toepassing van die skool
se dissiplinêre stelsel nie, selfs wanneer die skool onomwonde bewyse het van die kind se skuld. Dit skep
by die kind die valse gevoel dat hy die verontregte is en die skool die skuldige. Hierdie tipe optrede deur
ouers doen, op die langtermyn, onberekenbare skade aan hul kinders. Ons maak sodoende 'n geslag groot
wat nie gesag kan aanvaar nie en hulle lewe deurgaan as die verontregtes in elke ongemaklike situasie waar-
in hulle beland in die toekoms. Ouers het tog sekerlik 'n verantwoordelikheid om in bepaalde omstandighede
vir hul kinders daarop te wys dat hul optrede verkeerd was en dat hulle daarom die gevolge met waardig-
heid moet aanvaar. Skole landswyd ervaar egter toenemend dat ouers nie bereid is om hierdie lewens-
waarde by hul kinders te vestig nie en eerder ten alle koste die skool die spreekwoordelike "vark in die
verhaal" sal maak. Ons doen ons kinders daardeur 'n geweldige onreg aan in hul vorming vir die toekoms.
Dit dra verder daartoe by dat onderwysers toenemend 'n stryd voer om dissipline te handhaaf in die klas
aangesien hulle "gedreig" word met die ouers indien die onderwyser die kind aanspreek oor onaanvaarbare
gedrag.
Die skool is steeds besig met 'n projek waar ons poog om weg te beweeg van 'n hoofsaaklik reëlgedrewe
skool na 'n waardegedrewe skool. Vir hierdie projek om te slaag moet elke rolspeler by die skool, nl.
personeel, ouers en leerders inkoop en die projek ondersteun. Die projek kan slegs slaag indien die ouers
saam met die personeel verantwoordelikheid aanvaar om gesonde waardes by ons kinders te vestig soos
onder andere respek, betroubaarheid, toewyding, ens. Kom ons vat hande in hierdie verband in belang
van ons skool en ons gemeenskap.
Ons spreek graag langs hierdie weg ons dank uit teenoor elke beheerliggaamlid wat sy/haar komitee met
passie bestuur en sodoende bydra tot die uitbouing en verbetering van die skool.
7. MAATSKAPLIKE EN ANDER AANGELEENTHEDE
Die maatskaplike werkster bly 'n groot bate vir die skool en dra beslis daartoe by dat ons leerders ook
maatskaplik en geestelik versorg is. Ons opregte dank aan die onderskeie gemeentes en weldoeners wat
die daarstel van hierdie pos beskikbaar maak. Die feit dat privaat praktisyns in sover dit 'n sielkundige en
fisioterapeut betref, per afspraak op die terrein beskikbaar is, vergemaklik toegang tot hierdie dienste
beduidend vir ons leerders sowel as ouers.
8. MOEDERSKOMITEES
Ons moederskomitees bly 'n geweldige bate vir die skool wat onvermoeid fondse insamel en projekte
loods by die skool. Ons opregte dank aan hierdie groep ouers vir hul onbaatsugtige diens. Sommige van
die projekte wat hierdie jaar reeds afgehandel is, is die opknapping van enkele kantore in die administratiewe
blok.
9. KLUB 100
Ons dra graag weer eens ons opregte dank oor aan hierdie klein groep entoesiastiese en lojale onder-
steuners van die skool wat onvermoeid hul tyd, kundigheid en fondse tot die skool se beskikking stel.
'n Besondere woord van dank aan almal wat betrokke was by die jaarlikse wildsfees. Hierdie funksie het
nie net 'n besondere fondsinsamelingspoging geword nie, maar dra ook daartoe by dat die skool ver buite
ons grense bemark word. 'n Mens hoef maar net op die terrein rond te beweeg om te besef watter geweldige
bydra die lede van Klub 100 oor die afgelope 25 jaar gelewer het tot die verbetering van bestaande fasiliteite
en die daarstelling van nuwe fasiliteite. Ons waardeer hul lojaliteit en ondersteuning.
10. KOMMUNIKASIE
Ons vertrou dat hierdie een aspek is waaroor daar waarskynlik min krtiek gelewer kan word. Inligting
word op 'n verskeidenheid wyses, elektronies en andersins, beskikbaar gestel. Ons maak tans gebruik van
die webblad, Communicator, bulk SMS en van harde kopieë om inligting na ouers te versprei. Ons poog
ook om inligting oor die skool se prestasies in die plaaslike nuusmedia te publiseer. Ons vind egter dat, ten
spyte daarvan dat inligting oor 'n breë spektrum media beskikbaar gestel word, sommige ouers steeds die
skool skakel en kommer uitspreek oor die skool se gebrek aan kommunikasie. Die realiteit is egter dat die
skool slegs soveel kan doen om inligting by die ouers uit te kry en dat ouers ook 'n verantwoordelikheid het
om moeite te doen om die inligting wat versprei word te lees.
11. GELOFTE EN DIE TOEKOMS
Die daling in getalle neem ernstige afmetings aan vir alle Afrikaanse skole in Durban. Ons is bevoorreg dat
ons getalle oor die afgelope aantal jare stadig maar seker gestyg het. Dit hou bepaalde voordele in vir die
skool onder andere wat sportdeelname betref. Skole landswyd spring egter ook nie die uitdagings vry wat
met 'n sukkelende ekonomie gepaard gaan nie en ons vind toenemend dat daar 'n groeiende aantal nuwe
sowel as bestaande ouers is wat nie die skoolgeld ten volle of enigsins kan betaal nie. Dit plaas uiteraard
druk op die ouers wat wel die vermoë het om te betaal maar ook op die skool se finansies in die algemeen.
12. DANKIE
'n Woord van hartlike dank aan die volgende:
13.1 Ouers vir hul lojaliteit en onvermoeide ywer. Die skool kan doodgewoon nie effektief funksioneer
sonder u insette op sovele terreine nie. Dankie ook aan ouers wat agteroor buig om hul finansiële
verpligtinge teenoor die skool na te kom. Ons is deeglik bewus daarvan dat dit dikwels groot
opoffering vra.
13.2 Personeel wat met entoesiasme, toewyding en deernis hul rol as opvoeders volvoer. Die bydrae van
personeel, dikwels onder moeilike omstandighede, moet nie gering geskat word nie.
13.3 Leerders wat deur harde werk en toewyding, op welke terrein ookal, 'n bydrae gelewer het om
Gelofte se belange te bevorder.
13.4 Lede van die beheerligaam wat met onvermoeide ywer ure spandeer in belang van die skool. Sonder
hierdie insette en opoffering kan die skool nie effektief funksioneer nie.
13.5 Ouers wat by die onderskeie moederskomitees betrokke is en werk van onskatbare waarde doen
by die skool.
13.6 Ouers en ondersteuners wat betrokke is by Klub 100 en van hul kosbare tyd opoffer in belang van
ons leerders.
13.7 Dankie ook aan sovele ouers wat bereid is om eksamentoesig te doen en beskikbaar te wees as
aflospersoneel. U maak ons taak soveel makliker.
13.7 'n Woord van hartlike dank ook aan Jeane Staude wat vir jare diens gedoen hetas "tuinier". Weens
gesondheidsredes kan sy nie meer persoonlik betrokke wees op die terrein nie, maar ondersteun sy die
skool steeds met 'n finansiële bydra wat die koste van die tuindienste dra.
13.8 Dankie aan elke ouer wat bereid is om op komitees te dien en sodoende hul tyd en kundigheid tot
die skool se beskikking stel.
13.9 Ons Hemelse Vader wat ons weer eens op sovele terreine gedra en geseën het.
die nasionale nuusmedia adverteer het. Nie 'n enkele bruikbare aansoek is vir enige van hierdie poste ontvang nie.
vind dat hy/sy makliker voorberei vir toetse en eksamens. Gesien in die lig hiervan is dit hartseer dat enkele
groepie ouers soms, sonder om die skool in te lig, bloot besluit om nie hul kinders na wedstryde te bring nie.
Atletiek, landloop, rugby, hokkie, mini-hokkie, mini-krieket, netbal, gholf, krieket, swem en tennis. Ons het
besondere woord van dank rig tot elke personeellid, ouer en kundige wat oor die afgelope jaar by afrgting of
fasiliteite. Die volgende fasiliteite is tans op die prioriteitslys vir oprigting of opknapping in die nabye toekoms.
Nadat ons vir baie jare nie tuiswedstryde op die krieketblad kon speel nie, het die hervestiging van die blad
Die skool se 35 sitplek bus het na dekades 'n punt bereik waar dit bloot nie meer veilig is om leerders in die
bus te vervoer nie, ten spyte van gereelde onderhoud. Die beheerliggaam het, in die lig hiervan, besluit om die
te vervang. Hierdie uitgawe is noodsaaklik aangesien die KZNDO die kurrikulum vir Rekenaartoepassings-
verskuif word aangesien die hardeware meer as voldoende is vir die sagteware wat deur die primêre leerders
naamlik: Verbind tot Uitnemendheid uitgeleef sal word en dat die skool se getalle en finansiële inkomste sal
Aksieplanne om leerdergedrag en die fasiliteite aan te spreek word reeds geïmplementeer alhoewel daar nog
Bemarking van die skool geskied deur die webblad, nuusmedia, opedae en "Communicator". Ondervinding
Die grootste projekte in terme van fondsinsameling is die jaarlikse kaskarwedren, die wintersport aandreeks,
wat nie gesag kan aanvaar nie en hulle lewe deurgaan as die verontregtes in elke ongemaklike situasie waar-
in hulle beland in die toekoms. Ouers het tog sekerlik 'n verantwoordelikheid om in bepaalde omstandighede
die projekte wat hierdie jaar reeds afgehandel is, is die opknapping van enkele kantore in die administratiewe
ons grense bemark word. 'n Mens hoef maar net op die terrein rond te beweeg om te besef watter geweldige
bydra die lede van Klub 100 oor die afgelope 25 jaar gelewer het tot die verbetering van bestaande fasiliteite