• PANGONGOLEKTA, PAGPEPRESERBA, AT PAGBABAHAGI NG KASAYSAYAN NG SIMBAHAN •

MGA GABAY SA KASAYSAYAN NG SIMBAHAN

Mga Taunang Kasaysayan ng Stake, District, at Mission

Inilathala ng Ang Simbahan ni Jesucristo ng mga Banal sa mga

Huling Araw Salt Lake City, Utah

Mga Taunang Kasaysayan ng Stake, District, at Mission

MGA GABAY SA KASAYSAYAN NG SIMBAHAN

© 2014 ng Intellectual Reserve, Inc. Lahat ng karapatan ay nakalaan.

Inilimbag sa Estados Unidos ng AmerikaPagsang- ayon sa Ingles: 1/14

Pagsang- ayon sa pagsasalin: 1/14 Pagsasalin ng Church History Guides: Stake, District, and Mission Annual Histories

Tagalog 09374 893

Mga Tagubilin para sa Paghahanda ng Taunang Kasaysayan ng Stake, District, Ward, o Branch

LayuninAng paghahanda at pagsusumite ng taunang kasaysayan ay tumutulong na maisakatuparan ang utos ng Panginoon na “magpatuloy sa pagsulat at paggawa ng kasaysayan ng lahat ng mahalagang bagay . . . hinggil sa aking simbahan. . . . At gayon din, ang aking mga tagapaglingkod na nasa ibang bansa sa mundo ay dapat magpadala ng mga ulat ng kanilang mga pangangasiwa” (D at T 69:3, 5).

Overview• Ang mga lider ng priesthood ay magtatalaga ng clerk o ng history specialist na kikilos sa ilalim ng pamamahala

ng clerk upang maghanda ng taunang kasaysayan.• Ang taong itinalaga ay mangangalap ng materyal sa buong taon at aanyayahan ang iba na mag- ambag ng mga

kuwento at impormasyon.• Titipunin at isasaayos ng taong itinalaga ang taunang kasaysayan.• Aaprubahan ito ng lider ng priesthood.• Pagkatapos ay isusumite ang taunang kasaysayan sa stake o district. Isasama ng stake o district ang mga

kasaysayan ng ward o branch sa sariling report nito at magsusumite ng isang taunang kasaysayan sa Church History Department.

Mga Dapat Isama 1. Cover sheet

2. Maikling salaysay na naglalarawan sa mahahalagang kaganapan at pangyayari sa buong taon, kasama ang mga kuwentong nagpapatibay ng pananampalataya

3. Unit calendar 4. Ang mga form ng Mga Pinunong Sinang- ayunan na binasa sa kumperensya ng unit 5. Mga report mula sa mga lider ng priesthood at auxiliary na nagbubuod ng kanilang

mga pagsisikap na tulungan ang mga tao at pamilya na maging karapat- dapat para sa kadakilaan

6. Mahahalagang talaang nilikha ng unit o tungkol sa unitPaunawa: Huwag isama ang kumpidensyal o pribadong materyal sa taunang kasaysayan nang hindi

inihihiwalay ito sa iba pang bahagi ng kasaysayan at isinasaad na kumpidensyal o pribado nga ito.

Pagsumite• Ang mga ward o branch ay magsusumite ng mga taunang kasaysayan sa mga stake, district, o mission sa Marso 1.• Ang mga stake, district, at mission ay magsusumite ng mga taunang kasaysayan sa Church History Department

sa Marso 31.• Ang mga unit sa Estados Unidos at Canada ay magsusumite sa:

Church History Department, Annual History, 15 East North Temple Street, Salt Lake City, UT 84150- 1600• Ang mga unit sa labas ng Estados Unidos at Canada ay magsusumite sa nakatalagang administrative office

sa kanila.

Overview ng Taunang Kasaysayan

IATAS

TIPUNINAPRUBAHAN

MANGALAPISUMITE

COMPR

EHEN

SIVE{ BA

SIC{

Para sa iba pang impormasyon, bisitahin ang www. lds. org/ annualhistories.

Mga Nilalaman

Pambungad . . . . . . . . . . . . . . . . . . . . . . . . . . . . . . . . . . . 1

Pinagbatayang Doktrina . . . . . . . . . . . . . . . . . . . . . . . . . . . . 2

Mga Tagubilin para sa Taunang Kasaysayan . . . . . . . . . . . . . . . . . 3

Mga Paraan sa Paggawa ng Taunang Kasaysayan 3

Mga Dapat Isama 4

Mga Tuntunin ukol sa Privacy 6

Mga Tagubilin sa Pagsusumite 6

Mga Sanggunian . . . . . . . . . . . . . . . . . . . . . . . . . . . . . . . . 9

Hango mula sa “O Tandaan, Tandaan,” ni Pangulong Henry B Eyring (mensahe sa pangkalahatang kumperensya) 10

Hango mula sa “Pakatandaan at nang Huwag Masawi,” ni Elder Marlin K Jensen (mensahe sa pangkalahatang kumperensya) 11

Report ng Priesthood at Auxiliary (template) 12

Pagrekord ng mga Espirituwal na Karanasan ng Indibiduwal at Pamilya (template) 13

Pahintulot na Gamitin ang mga Retrato (form) 14

Form ng Pahintulot para sa Taunang Kasaysayan 16

Church Data Privacy Statement—Taunang Kasaysayan 17

Pambungad

Ang paghahanda at pagsusumite ng taunang kasaysayan ng stake, district, o mission ay tumutulong na maisakatuparan ang utos ng Panginoon: “Magpatuloy sa pagsulat at paggawa ng kasaysayan ng lahat ng mahalagang bagay . . . hinggil sa aking simbahan. . . . At gayon din, ang aking mga tagapaglingkod na nasa ibang bansa sa mundo ay dapat magpadala ng mga ulat ng kanilang mga pangangasiwa” (D at T 69:3, 5).

Ang mga layunin ng taunang kasaysayan ay: 1. Ilapit ang mga miyembro kay Cristo sa pagtulong sa kanila na alalahanin ang mga nagawa ng Diyos

para sa Kanyang mga anak at na lagi Niyang tinutupad ang Kanyang mga pangako. 2. Patuloy na idokumento ang kasalukuyang mga kaganapan sa Simbahan. 3. Bigyan ang mga lider ng pagkakataong pag- isipang mabuti ang kanilang mga pagsisikap na tulungan

ang mga tao at pamilya na maging karapat- dapat para sa kadakilaan.

Ang gabay na ito ay nagbibigay ng mga pangunahing tagubilin at sanggunian sa pagtitipon ng taunang kasaysayan. Para sa iba pang impormasyon, bisitahin ang lds. org/ annualhistories.

Sa buong gabay na ito, ang ward at stake ay tumutukoy rin sa branch at district.

Church History Library sa Salt Lake City, Utah

Ang mga isinumiteng taunang kasaysayan ay nakatago sa Church History Library.

1

Pinagbatayang Doktrina

Inilalapit ng taunang kasaysayan ang mga mi-yembro kay Cristo sa pamamagitan ng pagtulong sa kanila na alalahanin ang “mga dakilang bagay na ginawa ng Panginoon” (pahina ng pamagat ng Aklat ni Mormon). Nag- iibayo ang pag- asa at pag-titiwala dahil sa pagkabatid tungkol sa ibang tao na naharap sa mga hamon at, sa tulong ng Panginoon, ay nadaig ang mga ito. Ang pagkatuto mula sa kasaysayan ay nakatutulong sa atin na iwasang maulit ang mga pagkakamali at nagbibigay ng identidad at pamana. Sa ganitong paraan, napagpa-pala ng kasaysayan ng Simbahan ang kasalukuyan at darating na mga henerasyon.

Makakakuha ng karagdagang mga kaalaman sa pa-mamagitan ng pag- aaral ng mga banal na kasulatan sa ibaba at ng mga hango mula sa mga mensahe sa pangkalahatang kumperensya na matatagpuan sa bahaging “Mga Sanggunian” (p. 10–11).

D at T 21:1“Masdan, may talaang iingatan sa inyo.”

D at T 47:3“At muli, sinasabi ko sa iyo na itatalaga sa kanya [sa Church Historian] na patuloy na mag- ingat ng talaan at kasaysayan ng simbahan.”

D at T 69:3, 5“Magpatuloy sa pagsulat at paggawa ng kasaysa-yan ng lahat ng mahalagang bagay . . . hinggil sa aking simbahan. . . .“At gayon din, ang aking mga tagapaglingkod na nasa ibang bansa sa mundo ay dapat magpadala ng mga ulat ng kanilang mga pangangasiwa.”

D at T 85:1–2“Tungkulin ng klerk ng Panginoon . . . na mag- ingat ng kasaysayan . . . ng lahat ng bagay na nagaganap sa Sion, . . .“At gayon din ang kanilang pamamaraan ng pa-mumuhay, ang kanilang pananampalataya, at mga gawain.”

Alma 37:6–8“Sa pamamagitan ng maliliit at mga karaniwang bagay ay naisasakatuparan ang mga dakilang bagay. . . .“. . . At sa pamamagitan ng napakaliit na pamama-raan ay nililito ng Panginoon ang marurunong at isinasakatuparan ang kaligtasan ng maraming tao.“At ngayon, sa simula pa ay karunungan na ito sa Diyos na ang mga bagay na ito [mga talaan] ay pangalagaan; sapagkat masdan, pinalawak ng mga ito ang kaalaman ng mga taong ito, oo, at napaniwala ang marami sa kamalian ng kani-lang mga gawain, at sila’y dinala sa kaalaman ng kanilang Diyos tungo sa kaligtasan ng kanilang mga kaluluwa.”

Alma 37:14“At ngayon tandaan, anak ko, na ipinagkati-wala ng Diyos sa iyo ang mga bagay na ito [mga talaan], na mga banal, na pinanatili niyang banal, at kanya ring iingatan at pangangalagaan para sa isang matalinong layunin sa kanya, upang mai-pakita niya ang kanyang kapangyarihan sa mga darating na salinlahi.”

Ang talaang tinipon ni Mormon noong sinauna ay naging walang- kapantay na pagpapala sa sumunod na mga henerasyon.

2

Mga Tagubilin para sa Taunang KasaysayanMga Paraan sa Paggawa ng Taunang KasaysayanPara maisagawa ang utos na “patuloy na mag- ingat ng talaan at kasaysayan ng simbahan” (D at T 47:3), bawat unit ng Simbahan ay magtitipon ng makabu-luhan at tumpak na taunang kasaysayan.

Ang pagtitipon ng taunang kasaysayan ay dapat magsimula sa Enero at magpapatuloy sa buong taon, at dapat isumite sa Marso 31 ng susunod na taon. Bawat ward ay dapat magtala ng sarili nitong kasay-sayan at isumite ito sa stake. Isasama ng stake ang mga kontribusyon ng ward sa sarili nitong kasaysa-yan at isang ulat lamang ang isusumite sa Church History Department. (Tingnan sa “Mga Tagubilin sa Pagsusumite” para sa iba pang impormasyon.)

Ang unang hakbang ay iatas ang responsibilidad sa pagtitipon ng kasaysayan sa ward o stake clerk, sa isang dalubhasa sa kasaysayan na gagawa sa ilalim ng pamamahala ng clerk, o sa isang missionary sa mission office. Dapat siyang mangalap ng mater-yal sa buong taon at maaaring anyayahan ang iba na mag- ambag ng mga kuwento at impormasyon. (Tingnan sa “Mga Dapat Isama.”) Bago matapos ang taon, titipunin ang mga materyal na ito at ibibi-gay sa lider ng priesthood ng unit para aprubahan at isumite.

Ang taong inatasan ang mangangalap at magtitipon ng materyal para sa taunang kasaysayan.

Mga paraan sa paghahanda ng taunang kasaysayan

Iatas

MangalapIsumite

Apruba-han Tipunin

3

Mga Dapat IsamaMay dalawang opsiyon sa pagtitipon ng taunang kasaysayan ng stake: basic o comprehensive. Ang stake president, na iniisip ang kakayahan ng bawat unit sa kanyang stake, ang magpapasiya kung aling opsiyon ang susundin. Dapat sundin ng mission ang comprehensive option.

Basic OptionAng basic annual history ay dapat maglaman ng mga sumusunod:Cover sheet. Ang cover sheet ang dapat na unang pahina ng taunang kasaysayan. Ang standard cover sheet ay makikita sa lds. org/ annualhistories o maa-aring orderin sa pamamagitan ng Church Distribu-tion Services. Dapat isama sa cover sheet ang:

• Pangalan ng unit at unit number.

• Saklaw na taon.

• Ang pangalan ng taong nagtipon ng kasaysa-yan at pangalan ng lider ng priesthood sa unit na nag- apruba rito.

Iskedyul ng mga aktibidad ng unit. Isama ang isang kopya ng iskedyul ng mga aktibidad ng unit na nagpapakita ng mahahalagang kaganapang nangyari sa buong taon.Mga form ng Mga Pinunong Sinang- ayunan. Isama ang mga form ng Mga Pinunong Sinang- ayunan na binasa sa mga kumperensya ng ward at stake. Dapat isama ng mga mission ang mga form ng Mga Pinunong Sinang- ayunan na binasa sa mga kumperensya ng branch kung saan ang mga branch ay hindi bahagi ng isang stake o district. Ang mga form na ito ay ipini- print mula sa Member and Leader Services (MLS) computer application na matatagpuan sa halos lahat ng unit ng Simbahan.

Maikling salaysay na inilalarawan ang mahaha-lagang kaganapan at pangyayari sa buong taon. Ayon sa pagkakasunud- sunod, sumulat ng maik-ling buod ng mahahalagang kaganapan at pang-yayari sa buong taon, tulad ng paglalaan ng isang bagong gusali, paglikha ng isang bagong unit, mga ward at stake conference, mga temple trip, mga aktibidad ng mga kabataan, mga proyektong pang-serbisyo, paglipat ng isang lider, o paglaki ng ward. Isama ang petsa, lugar, mga dumalo, pangyayari, at epekto ng kaganapan o pangyayari.Hinihikayat na maglakip ng mga retrato. Malinaw na isulat ang petsa, lugar, at maikling deskripsyon tungkol sa retrato. Kung maaari, ibigay ang buong pangalan ng lahat ng nasa retrato.Kung maaari, humingi ng nilagdaang form na Pahintulot na Gamitin ang mga Retrato para sa bawat retrato o audiovisual production na kasama sa taunang kasaysayan. Dapat tiyakin ng taong responsable sa pagtitipon ng kasaysayan ng bawat yunit na ang nilagdaang form mula sa bawat nag- ambag na photographer ay nakalagay sa hulihan ng taunang kasaysayan. (Matatagpuan ang form sa bahaging “Mga Sanggunian” simula sa pahina 9 o sa lds. org/ annualhistories.)

Comprehensive OptionBukod pa sa mga nilalaman na kailangan para sa basic annual history, ang comprehensive history ay naglalaman ng sumusunod:Mga report tungkol sa priesthood, auxiliary, at miyembro. Ang taunang kasaysayan ay nagbibigay ng pagkakataon sa mga lider na pag- isipang ma-buti ang kanilang mga pagsisikap na tulungan ang mga tao at pamilya na maging karapat- dapat para sa kadakilaan. Ang mga report na ito ay mahala-gang bahagi ng kasaysayan ng unit. Para mapadali

Anyayahan ang mga miyembro ng ward council na mag- ambag sa taunang kasaysayan.

4

ang pangangalap ng impormasyong ito, ang lider ng unit ay maaaring gumawa ng mga simpleng tanong na sasagutin ng mga lider ng priesthood at auxiliary. Maaaring makita sa mga tanong ang espesyal na pinagtutuunan o mga mithiin ng unit. Ang template na Ulat ng Priesthood at Auxiliary ay maaaring gamiting alternatibo sa paggawa ng mga di- pangkaraniwang tanong. (Ang template ay ma-tatagpuan sa bahaging “Mga Sanggunian” simula sa pahina 9 o sa lds. org/ annualhistories.) Ipama-hagi ang mga tanong sa mga unang buwan ng taon para mabigyan ng panahon ang mga tao na ihanda ang kanilang mga sagot. Ang mga sagot sa mga tanong na ito ang bumubuo sa kontribusyon ng korum o auxiliary na iyon sa taunang kasaysayan.Maaari ding isama sa taunang kasaysayan ang mahahalagang personal na karanasan ng mga miyembro na natulungan ng Diyos sa kanilang buhay. Maaaring kunin ang mga kuwento tungkol sa pamumuhay, pananampalataya, at mga gawain ng mga miyembro (tingnan sa D at T 85:1–2) gamit ang template na Pagrekord ng mga Espirituwal na Karanasan ng Indibiduwal at Pamilya, o maaaring isulat ang mga ito sa isang simpleng salaysay. (Ang template ay matatagpuan sa bahaging “Mga Sang-gunian” simula sa pahina 9 o sa lds. org/ annual-histories.) Tiyaking isama ang mga karanasan ng kababaihan at mga kabataan. Ang mga personal na kuwento ay dapat lagdaan ng nagsumite at repasu-hing mabuti ng taong nagtipon ng taunang kasaysa-yan kung totoo at angkop na isama ito.

Karagdagang impormasyon para sa mga mission:• Anyayahan ang mission president na irekord

ang kanyang personal na impresyon sa nakara-ang taon. Isama ang impormasyon tungkol sa mga hamon, tagumpay, at pag- unlad ng gawa-ing misyonero sa iba’t ibang lugar ng mission.

• Hilingin sa mga missionary at iba pa na gamitin ang template na Pagrekord ng mga Espirituwal na Karanasan ng Indibiduwal at Pamilya sa pagbabahagi ng partikular at per-sonal na karanasan ng mga tao kung paano pinagpala ng Diyos ang kanilang buhay, tulad ng ipinaliwanag sa itaas.

• Anyayahan ang mga lider ng mga branch na nagrereport sa mission na sagutan ang mga tanong na inihanda ng mission president, o ipagamit sa kanila ang template na Report ng Priesthood at Auxiliary.

Mahahalagang rekord na nilikha ng unit o tung-kol sa unit. Isiping isama ang sumusunod na mga rekord:

• Mga report na may mahahalagang estadistika

• Mga newsletter

• Mga espesyal na programa at lathalain

• Mga slide show at iba pang mga audiovisual production (sa hard copy o mga nonproprietary electronic format gaya ng PDF, JP2, J2K, JPG, TIF, WAV, MP3, AVI, o MOV).

• Mga photocopy ng mga ginupit sa pahayagan (isama ang impormasyong tutukoy sa pahaya-gan at petsa ng pagkalathala nito)

Mga karagdagang item para sa mga kasaysayan ng mission:• Listahan ng mga full- time missionary na nasa

mission sa katapusan ng taon.

• Rekord ng paglilipat sa mga missionary sa buong taon.

• Mga mensaheng ibinigay ng mission president.

Gumaganda ang mga report kapag sinamahan ng mga retrato.

5

Mga Tuntunin ukol sa PrivacyKumpidensyal o pribadong impormasyon. Ang kumpidensyal o pribadong impormasyon ay hindi dapat isama sa taunang kasaysayan. Kasama sa mga halimbawa ng gayong impormasyon ang:

• Mga report ng pagtatapat ng kasalanan, mga disciplinary council ng Simbahan, o sensitibong mga bagay na ibinahagi sa mga pribadong pulong ng Simbahan (tulad ng mga pulong ng pamunuan).

• Mga rekord sa pananalapi na nagdodokumento ng kinita ng Simbahan (kabilang na ang ikapu at iba pang mga donasyon), mga ginastos, at badyet.

• Impormasyon tungkol sa personal na panana-lapi, kabilang na ang impormasyon tungkol sa tulong pangkapakanan.

• Partikular na impormasyon tungkol sa sariling kalusugan.

• Impormasyon na ang pagbabahagi ay lalabag sa ipinatutupad na mga data privacy law (ha-limbawa, mga address, numero ng telepono, e- mail address, kapanganakan, salaysay tungkol sa nagawang krimen, tungkol sa pangyayaring seksuwal, o pinagmulang lipi).

• Mga salitang partikular na tumutukoy o mga detalye hinggil sa loob ng templo, mga gina-gawa o seremonya sa templo, garment, o iba pang kasuotan sa templo.

Mga eksepsyon para sa mga miyembro. Sa bibi-hirang mga pagkakataon, maaaring kailanganing isama ang kumpidensyal o pribadong impormasyon tungkol sa mga miyembro ng Simbahan kapag ma-halaga ang impormasyong iyon sa pagdodokumento ng mahalagang aspeto ng kasaysayan ng unit. Ka-pag ganito ang sitwasyon, dapat ilagay sa hiwalay na bahagi ang kumpidensyal o pribadong impor-masyon at malinaw na sulatan ng “Kumpidensyal.”

Pahintulot na gamitin ang impormasyong tutu-koy sa mga di- miyembro. Ipinagbabawal ng mga data privacy law sa maraming bansa ang paggamit ng impormasyong tutukoy sa mga tao (kabilang na ang kanilang mga pangalan) nang hindi muna hini-hingi ang nakasulat nilang pahintulot. Samakatwid, bago magsama ng impormasyon sa taunang ka-saysayan tungkol sa sinumang di- miyembro, dapat

hingin ang nilagdaang Form ng Pahintulot para sa Taunang Kasaysayan. Ang pahintulot na ito ay kailangan para sa mga reperensya sa mga asawa, magulang, o anak ng mga miyembro na hindi miyembro ng Simbahan. Kailangan din ito para sa mga reperensya sa partikular na mga di- miyembro sa buong komunidad. (Ang mga kopya ng Form ng Pahintulot para sa Taunang Kasaysayan at ang Church Data Privacy Statement ay matatagpuan sa bahaging “Mga Sanggunian” simula sa pahina 9.)

Kung gusto ng taong responsable sa pagtitipon ng taunang kasaysayan na tukuyin ang mga di- miyembro sa kasaysayan, dapat niyang hingin sa mga taong iyon ang nilagdaang Form ng Pahintulot para sa Taunang Kasaysayan at bigyan ang bawat isa ng kopya ng Church Data Privacy Statement. Da-pat isama ang nilagdaang mga form ng pahintulot sa taunang kasaysayan. (Ang mga kopya ng Form ng Pahintulot para sa Taunang Kasaysayan at ang Church Data Privacy Statement ay matatagpuan sa bahaging “Mga Sanggunian” simula sa pahina 9.)

Mga Tagubilin sa PagsusumiteAng mga taunang kasaysayan ay maaaring isumite sa pamamagitan ng e- mail o sa hard copy, ngunit hindi ang parehong mga paraang ito.

Highpark 12th Ward DirectoryAmundson, Joan & Martin 555-5555Anderson, Tasha & Darryl 555-5555Arels, Rene & Mark 555-5555Arnold, Chris & Scott 555-5555Bards, Jamie & Brent 555-5555Beck, Tani & Caleb 555-5555Bell, Katie & Roger 555-5555Bentely, Jon 555-5555Brandson, Terese & James 555-5555Bradshaw, Elis & Lewis 555-5555Buell, Sandra & Robert 555-5555Bunders, Frank & Ruby 555-5555Carson, Taylor & Adrew 555-5555 Caselli, George 555-5555Coehn, Kim & Jason 555-5555Cramer, Paul & Julie 555-5555Crawford, Joan & Gary 555-5555Crenshaw, Delila & Kieth 555-5555Davis, Bella & Harold 555-5555Dawes, Mary & Mike 555-5555Deloit, Jessalyn & Mike 555-5555Denver, Jenna 555-5555Drew, Sela & Jacob 555-5555Dragen, Sara & Ken 555-5555Edwards, Louise & Robert 555-5555Eddington, Kisa & Jamal 555-5555Farrington, Teresa & Stephen 555-5555Ferrie, Celeste 555-5555Frusa, Madelyn & Barry 555-5555Gaustenbaum Daisy & Richard 555-5555Gellar, Bhuella & Frank 555-5555Gerber, Suzanne & Patrick 555-5555Gandin, Jersy & Ben 555-5555Grover, Sandy & John 555-5555Howarth, Carolyn 555-5555Howell, Luella & Thurston 555-5555Hendrichson, Clementine & James 555-5555Isacc, Kelly & Samuel 555-5555Jacoboson, Elaine & Burt 555-5555Jalesnik, Della & Gabe 555-5555Jansen, Kendall & David 555-5555Jenson, Adrew & Diedre 555-5555Johnson, Terri & Trent 555-5555Jordan, Susan & Calvin 555-5555Julia, Alaine & Romero 555-5555Krants, Amy & Garff 555-5555Keller, Brenda & Gene 555-5555Kessler, Hannah & Miles 555-5555Ketchem, Raylene & Anders 555-5555King, Sharon & Doug 555-5555Knight, Myrna & Jarrett 555-5555Lanter, Nora & Reny 555-5555Lawrence, Jess & Ganger 555-5555

Lawson, Robert 555-5555Lolly, Maude 555-5555Lorenson, Maci & Grant 555-5555Lowell, Lori & Craig 555-5555Louder, Emma & Derek 555-5555Malley, Gina 555-5555Martin, Susan & lke 555-5555Mason, Ann & Gerald 555-5555Mayer, Adelaine & Ross 555-5555Maughn, Grace & William 555-5555Mercer, Megan & Brett 555-5555Metzel, Kim & David 555-5555Mindel, Cindy & Darren 555-5555Morrell, Deena & Jed 555-5555Morgan Nicole & Jared 555-5555Neilsen, Vicki & Collin 555-5555Noord, Ellen & Christian 555-5555Nygren, Lisa & Paul 555-5555Olden, Ray Anne & Kirk 555-5555Olson, Claudia & Kent 555-5555Ord, Bettylou & Mark 555-5555Pace, Jenifer & Blaine 555-5555Parry, Francesca & Dan 555-5555Phillips, Jane & Brad 555-5555Pope, Coralie & Matt 555-5555Peele, Courtney & Aaron 555-5555Poulter, Karen & Alan 555-5555Richardson, Gail & Mike 555-5555Robinson, Julie & Clark 555-5555Rodebauch, Kyla & Tim 555-5555Russon, Ali & Marcus 555-5555Sagers, Berlene & Troy 555-5555Salvata, Cassidy & Doug 555-5555Schwen, Gary & Marilyn 555-5555Seamons, Aleen & Ernst 555-5555Seegers, Myrna & Carey 555-5555Shelley, Tiffany & Phillip 555-5555Smith, Jill & Parker 555-5555Smith, Adrian & Jamie 555-5555Snow, Westly 555-5555Thompson, Judy & Keven 555-5555Thorne, Sandra & Don 555-5555Ward, Denise & Rod 555-5555Wilcox, Christien & Reed 555-5555Wilson, Ursula & Stan 555-5555Winters, Kim & Ted 555-5555Whipple, Cami & Larry 555-5555Wood, Sydney & Rylan 555-5555Woodward, Jenni & Gordon 555-5555Von Seeburg, Lucy & Joel 555-5555Vance, Evelyn & Jack 555-5555Yonson, Grace & Steve 555-5555Young, Brenda & Richard 555-5555

Hindi dapat isama sa mga taunang kasaysayan ang mga direktoryong naglalaman ng mga impormasyong tulad ng mga address at numero ng telepono ng mga miyembro.

6

• Ang mga kasaysayan ng ward at branch ay dapat isumite sa stake sa Marso 1.

• Ang mga kasaysayan ng stake, district, at mission ay dapat maisumite sa nakatalagang administrative office o sa Church History De-partment sa Marso 31.

Maaaring baguhin ng mga Area President ang mga petsang ito para matugunan ang mga pangangaila-ngan ng kanilang area. Tatanggapin pa rin ang mga huli nang isinumite; gayunman, dahil ang pagtiti-pon ng taunang kasaysayan ay dapat gawin sa bu-ong taon, makabubuting tapusin nang maaga ang taunang kasaysayan ng nakaraang taon hangga’t maaari para makapagtuon sa kasalukuyang taon. Maaaring mag- iwan ng kopya ng taunang kasaysa-yan sa unit, ngunit hindi dapat ipamahagi ang mga kopya nito sa lahat.

Kapag nagsusumite ng taunang kasaysayan, huwag gamitan ng stapler, ring binder, o sheet pro-tector ang mga pahina. Ang mga gawang- kamay,

tropeo, at iba pang bagay ay hindi dapat isumite bilang bahagi ng taunang kasaysayan.

Mga Isinumite sa Pamamagitan ng E- mailMaaaring isumite ng mga stake, district, at mission ang kanilang taunang kasaysayan sa pamamagitan ng e- mail kung nakatugon ang mga isusumite sa sumusunod na criteria:

• Ang buong taunang kasaysayan ay nasa iisang PDF o Word file. Dapat ay nakapaloob na sa file ang mga retrato at iba pang mga kalakip. (Hu-wag ipadala sa e- mail ang mga audio o video file.) Lagyan ng pangalan ang file gamit ang pa-ngalan at numero ng inyong unit. Halimbawa, Syracuse Utah South 521477.pdf.

• Ang file ay hindi lalampas sa 12 megabytes. Ang compressed file ay maaaring tanggapin.

Ang mga taunang kasaysayan na hindi nakatugon sa criteria na ito ay dapat isumite sa hard copy.Ipadala ang electronic file sa: annualhistory@ ldschurch. orgIsama ang sumusunod na impormasyon sa nilala-man ng e- mail:

• Ang pangalan at numero ng unit

• Ang saklaw na taon

Mga Isinumiteng Hard CopyDapat ipadala sa koreo ng mga unit sa Estados Uni-dos at Canada ang orihinal na bersyon ng taunang kasaysayan sa:

Church History Department Annual History 15 East North Temple Street Salt Lake City, UT 84150- 1600Dapat ipadala sa koreo ng mga unit sa labas ng Es-tados Unidos at Canada ang orihinal na bersyon ng taunang kasaysayan sa nakatalagang administra-tive office, na magpapadala naman nito sa Church History Department.

Ang taunang kasaysayan ay nirerepaso ng lider ng priesthood sa unit para maaprubahan bago ito isumite.

7

Mga SanggunianHango mula sa “O Tandaan, Tandaan,” ni Pangulong Henry B. Eyring

(mensahe sa pangkalahatang kumperensya)Hango mula sa “Pakatandaan at nang Huwag Masawi,” ni Elder Marlin K. Jensen

(mensahe sa pangkalahatang kumperensya)Ulat ng Priesthood at Auxiliary (template)Pagrekord ng mga Espirituwal na Karanasan ng Indibiduwal at Pamilya (template)Pahintulot na Gamitin ang mga Retrato (form)Form ng Pahintulot para sa Taunang KasaysayanChurch Data Privacy Statement

9

Hango mula sa “O Tandaan, Tandaan”Ni Pangulong Henry B. Eyring, Pangalawang Tagapayo sa Unang Panguluhan

Liahona, Nob. 2007, 66–69

Noong maliliit pa ang aming mga anak, sinimulan kong isulat ang ilang bagay na nang-yayari sa araw- araw. Sasabihin ko sa inyo kung paano iyon nagsimula. Gabi na akong na-kauwi mula sa isang tungkulin sa Simbahan. Madilim na noon. Ginulat ako ng biyenan kong la-

laki, na nakatira malapit sa amin, habang papalapit ako sa pintuan sa harap ng bahay ko. May pasan siyang mga tubo sa kanyang balikat, mabilis ang lakad at nakasuot ng pantrabaho. Alam kong nagla-lagay siya ng mga tubong hihigop ng tubig mula sa ilog sa bandang ibaba paakyat sa bahay namin.

Ngumiti siya, marahang nagsalita, at nilagpasan ako at nagtungo sa dilim para ituloy ang ginagawa niya. Humakbang ako papasok sa bahay, na iniisip ang ginagawa niya para sa amin, at paglapit ko sa pintuan, narinig ko sa aking isipan—hindi sa sarili kong tinig—ang mga salitang ito: “Hindi para sa iyo ang mga ipinararanas ko sa iyo. Isulat mo ang mga ito.”

Pumasok ako. Hindi ako natulog. Bagamat pagod na ako, naglabas ako ng ilang papel at nagsimulang magsulat. At nang gawin ko ito, naunawaan ko ang mensaheng narinig ko sa aking isipan. Dapat akong magsulat para mabasa ng aking mga anak, balang- araw, kung paano ko nakita ang kamay ng Diyos na nagpapala sa aming pamilya. Hindi kailangang gawin ni Lolo ang ginagawa niya para sa amin. Ipi-nagawa na lang sana niya ito sa iba o hindi na sana niya ito ginawa pa. Ngunit pinagsisilbihan niya kami, na kanyang pamilya, sa paraang laging gina-gawa ng pinagtipanang mga disipulo ni Jesucristo. Alam kong iyan ay totoo. Kaya nga isinulat ko ito, para maalala ito ng aking mga anak balang- araw kapag kailangan nila ito.

Ilang taon akong sumulat ng ilang linya araw- araw. Hindi ako pumalya kahit isang araw kahit pagod na pagod ako o maaga pa akong gigising kinabukasan. Bago ako sumulat, pinag- iisipan ko ang tanong na ito: “Nakita ko ba ang kamay ng Diyos na nakaunat

para tulungan kami o ang aming mga anak o pamilya sa araw na ito?” Habang patuloy ko itong ginagawa, may nagsimulang mangyari. Habang ginugunita ko ang mga nangyari sa maghapon, nakikita ko ang katibayan ng nagawa ng Diyos para sa aming lahat na hindi ko nakita dahil sa kaabala-han sa maghapon. Nang mangyari iyon, at madalas iyong mangyari, natanto ko na sa paggunita ay naipakita sa akin ng Diyos ang Kanyang nagawa.

Higit pa sa pasasalamat ang aking nadama. Lumakas ang patotoo ko. Lalo kong natiyak na nakikinig at sumasagot ang ating Ama sa Langit sa mga dalangin. Lalo akong nagpasalamat sa paglambot at pagdalisay ng puso ng tao dahil sa Pagbabayad- sala ng Taga-pagligtas na si Jesucristo. At lalo akong nagtiwala na ipaaalala sa atin ng Espiritu Santo ang lahat ng ba-gay—maging ang mga bagay na hindi natin napan-sin o pinansin nang mangyari ang mga ito.

Lumipas ang mga taon. Malalaki na ang mga anak ko. At kung minsan ay ginugulat ako ng isa sa ka-nila na nagsasabing, “Itay, binabasa ko po sa kopya ko ng journal ang tungkol sa . . .” at tapos ay sasa-bihin niya sa akin kung paanong ang pagbabasa ng nangyari noon ay nakatulong sa kanya para mapansin ang isang bagay na ginawa ng Diyos sa kanyang panahon.

Ang layon ko ay himukin kayong humanap ng mga paraan para makilala at maalala ang kabaitan ng Diyos. Palalakasin nito ang ating mga patotoo. Maaaring wala kayong journal. Hindi siguro ninyo ibinabahagi sa inyong mga mahal sa buhay at pi-naglilingkuran ang anumang itinala ninyo. Ngunit kayo at sila ay pagpapalain kapag inalala ninyo ang nagawa ng Panginoon. . . .

Mamayang gabi, at bukas ng gabi, maaari kayong magdasal at isiping itanong: May ipinahatid bang mensahe ang Diyos para sa akin? Nakita ko ba ang Kanyang kamay sa aking buhay o sa buhay ng aking mga anak? Gagawin ko iyan. Pagkatapos ay hahanap ako ng paraan upang manatili ang ala-alang iyan para sa araw na kailangan ko, at ng mga mahal ko, na maalaala kung gaano kami kamahal ng Diyos at gaano namin Siya kailangan. Pinato-totohanan ko na mahal Niya tayo at pinagpapala tayo, nang higit sa nalalaman ng karamihan sa atin. Alam ko na ito ay totoo, at nagagalak akong alalahanin Siya.

10

Hango mula sa “Pakatandaan at nang Huwag Masawi”Ni Elder Marlin K. Jensen ng Pitumpu (Dating Church Historian at Recorder)

Liahona, Mayo 2007, 36–38

Kung papansinin nating mabuti ang mga paggamit sa salitang tandaan o alalahanin sa mga ba-nal na kasulatan, malalaman na-tin na ang pag- alaala sa paraang nais ng Diyos ay mahalaga at nakapagliligtas na alituntunin ng ebanghelyo. Ito ay sa dahi-lang ang mga payo ng propeta

na alalahanin ay madalas na kailangan ng pagkilos: makinig, magmasid, sumunod, gumawa, at mag-sisi [tingnan sa 2 Nephi 1:12; Mosias 6:3; Helaman 5:14.] Kapag nakakaalala tayo sa pamamaraan ng Panginoon, hindi tayo sumusuong sa mga ha-mon ng buhay nang walang ibayong paghahanda bagkus ay nagsusumigasig tayo, na ginagawa ang lahat ng ating makakaya upang labanan ang tukso at iwasang magkasala.

Inatasan ni Haring Benjamin ang kanyang mga tao na alalahanin ang mga bagay- bagay:

“At sa huli, hindi ko masasabi sa inyo ang lahat ng bagay kung saan kayo ay maaaring magkasala; sapagkat maraming magkakaibang daan at mga paraan, na lubhang napakarami kung kaya’t hindi ko na yaon magagawang bilangin.

“Ngunit ito lamang ang masasabi ko sa inyo, na kung hindi ninyo babantayan ang inyong sarili, at ang inyong mga isipan, at ang inyong mga salita, at ang inyong mga gawa, at susunod sa mga kautusan ng Diyos, at magpapatuloy sa pananampalataya sa inyong mga narinig hinggil sa pagparito ng ating Panginoon, maging hanggang sa katapusan ng inyong mga buhay, kayo ay tiyak na masasawi. At ngayon, O tao, pakatandaan at nang huwag ma-sawi” [Mosias 4:29–30].

Ngayong nauunawaan na natin ang kahalagahan ng pag- alaala sa ating buhay, ano pa ang dapat nating tandaan? . . . Imumungkahi kong alalahanin natin ang kasaysayan ng Simbahan ni Jesucristo at ang

mga miyembro nito. Binibigyan ng mga banal na ka-sulatan ng mataas na priyoridad ang kasaysayan ng Simbahan. Sa katunayan, karamihan sa nilalaman ng mga banal na kasulatan ay kasaysayan ng Simbahan. Nang araw mismo na itinatag ang Simbahan, iniutos ng Diyos kay Joseph Smith, “Masdan, may talaang iingatan sa inyo” [D at T 21:1]. Tumalima si Joseph sa utos na ito at hinirang si Oliver Cowdery, ang pa-ngalawang elder ng Simbahan at kanyang panguna-hing katuwang, na maging unang mananalaysay ng Simbahan. Nag- iingat tayo ng talaan upang tulungan tayong makaalala, at ang talaan ng pagkakatatag at pag- unlad ng Simbahan ay iningatan mula noong panahon ni Oliver Cowdery hanggang ngayon. Ang hindi pangkaraniwang talaang ito ay nagpapaalala sa atin na muling binuksan ng Diyos ang langit at nagpahayag ng mga katotohanang kailangang gawin ng ating henerasyon. . . .

. . . Sa ating pag- alaala nakikita natin ang patnubay ng Diyos sa nakaraan, tulad din ng pagtiyak sa atin ng propesiya at pananampalataya na papatnuba-yan tayo ng Diyos sa hinaharap. . . .

. . . Madalas tayong nagsasalita tungkol sa pag- alaala sa ating mga sagradong tipan at mga utos ng Diyos, at pag- alaala at pagsasagawa ng naka-pagliligtas na mga ordenansa para sa ating nama-tay na mga ninuno. Bukod dito, sinasabi nating kailangan nating alalahanin ang ating Tagapag-ligtas na si Jesucristo, hindi lang kapag maluwag ang oras natin, kundi palagi, tulad ng nais Niya [tingnan sa 3 Nephi 18:7, 11]. Pinatutunayan nating naaalaala natin Siya kapag nakikibahagi tayo ng sakramento. Bilang kapalit, pinangakuan tayong mapapasaatin lagi ang Kanyang Espiritu. Nakatu-tuwa na ito rin ang Espiritung ipinadala sa atin ng ating Ama sa Langit na “magpapaalaala ng lahat sa [atin]” [Juan 14:26]. Sa gayon, sa marapat na pagtanggap ng sakramento, pinagpapala tayo ng Espiritu na lalong makaalaala, na lalo namang na-kahihikayat sa atin na manatiling tapat kay Cristo at sa Kanyang Pagbabayad- sala.

Naniniwala ako na ang paglapit kay Cristo at pagiging ganap sa Kanya ang pinakalayunin ng lahat ng pag- alaala [tingnan sa Moroni 10:32–33]. Dahil dito, dalangin ko na lagi tayong pagpalain ng Diyos na maalaala, lalo na ang Kanyang perpek-tong Anak, at huwag masawi.

11

Report ng Priesthood at AuxiliaryNasa ibaba ang iminungkahing mga tanong para tulungan ang mga lider ng priesthood at auxiliary na makapag- ambag sa taunang kasaysayan. (Ang template na ito ay nilayong maging gabay at hindi kaila-ngang mahigpit na sundin.) Ang detalyadong impormasyon, pati na mga retrato, ay magpapaibayo sa kahalagahan ng kasaysayan. Gumamit ng karagdagang mga pahina para sa pagsagot kung kailangan.

Ilarawan ang mga pagsisikap na tulungan ang mga miyembro na maipamuhay ang ebanghelyo ni Jesucristo.

Ilarawan ang gawaing misyonero sa inyong ward o branch.

Ilarawan ang mga pagsisikap na pangalagaan ang mga maralita at nangangailangan (huwag gumamit ng mga pangalan nang walang pahintulot).

Ilarawan ang mga pagsisikap na tulungan ang mga miyembro na magsaliksik ng kanilang family history at magsagawa ng mga ordenansa sa templo.

Bilang lider, ilarawan kung paano ninyo nadama ang inspirasyon ng Panginoon at tulong ng Diyos na gabayan ang inyong mga pagsisikap.

Idagdag ang iba pang impormasyon na inaakala mong mahalagang isama sa report na ito.

1. OutlinePetsaKailan nangyari ang karanasan? (Irekord ang taon, panahon, araw, oras.)

Mga TaoIlista ang mga taong kasama sa karanasang ito.

LugarSaan ito nangyari? (Ilista ang lugar na pinangyari-han ng karanasang ito.)

Mga SitwasyonAno ang ginagawa mo noon? (Ilista ang mga de-talye ng pangyayari at personal na detalye.)

KarununganAno ang natutuhan mo sa karanasang ito (isulat sa isang pangungusap)?

2. SalaysayNgayon, isulat ang buong kuwento gamit ang mga nakalista sa outline. (Ang template na ito ay nila-yong maging gabay at hindi kailangang mahigpit na sundin. Gumamit ng karagdagang mga pahina sa pagsagot kung kailangan.)

3. LagdaanLagdaan ang iyong isinumite bilang katibayan na ito ay kuwento mo at totoo ito.

Pagrekord ng mga Espirituwal na Karanasan ng Indibiduwal at PamilyaHinikayat ni Pangulong Henry B. Eyring ang mga miyembro ng Simbahan na “humanap ng mga paraan para makilala at maalala ang kabaitan ng Diyos. Palalakasin nito ang ating mga patotoo. . . . Kayo at sila [ang inyong mga kapamilya] ay pagpapalain kapag inalala ninyo ang nagawa ng Panginoon” (“O Tandaan, Tandaan,” Liahona, Nob. 2007, 67).

1

Pahintulot na Gamitin ang mga Retrato

Para sa lahat ng retrato o produksyong audiovisual na isinusumite upang maisama sa isang taunang kasaysayan, ang may-ari ng mga retrato o produksyong audiovisual ay kukumpletuhin ang form na ito at ibibigay ito sa taong pinagtitipon ng kasaysayan.

Mga Kailangan, Kundisyon, at Kasunduan sa May-ari

Ako, ang nakalagda sa ibaba, ang gumawa at may-ari (ang “May-ari”) ng mga retrato at produksyong audiovisual na tinukoy sa bahaging “Listahan ng Isinumiteng mga Retrato” sa ibaba (ang “Mga Retrato”).Sa pamamagitan nito ay ipinagkakaloob ko sa Corporation of the President of The Church of Jesus Christ of Latter-day Saints at mga kaanib nito (lahatang tinatawag na, “COP”) ang walang bayad, pandaigdigan, walang limitasyon, hindi eksklusibo, walang katapusan, perpetuwal na lisensya at pahintulot na malayang gamitin ang Mga Retrato, pati na ang karapatang kopyahin, ipamahagi, paupahan, ipahiram, itanghal, idispley, ibrodkast, ipaalam sa publiko, baguhin, paliitin, iedit, iangkop, iakma, maghanda ng mga kopya nito, at gamitin sa anumang paraan ang Mga Retrato, lahatan man o kahit ilan lamang sa mga ito, sa anuman at lahat ng media, kahit ilan pa, at sa anuman at lahat ng paraang nalalaman ngayon o maiisip magmula ngayon, pati na ang karapatan na malayang bigyan ng lisensya ang iba na gawin ang alinman sa o lahat ng nabanggit sa itaas.Sa buong pagpapahintulot ng batas, inaalis ko, magpakailanman at sa buong sansinukob, ang anuman at lahat ng tinatawag na “mga karapatang moral” na kinikilala ngayon o kikilanin magmula ngayon tungkol sa Mga Retrato at sa bawat isa at lahat ng bahagi niyon para sa anuman at lahat ng umiiral ngayon o iiral magmula ngayon na mga gamit, media, at/o anyo. Hinggil dito, kinikilala ko at sang-ayon ako na hindi ako tatanggap ng kredito sa o kaugnay ng paggamit ng COP sa Mga Retrato.Ipinababatid at tinitiyak ko na ako ang orihinal na gumawa o may-ari ng Mga Retrato at hindi kinopya o hinango ang mga ito mula sa iba pang pinagmulan at na ako ay may lubos at buong karapatang ipagkaloob ang pahintulot na ito na gamitin ang Mga Retrato. Batay sa nalalaman at paniniwala ko, ang paggamit ng COP ng Mga Retrato alinsunod sa pahintulot na ito ay hindi lalabag sa mga karapatang-sipi o iba pang mga karapatan ng sinumang tao o anumang bagay na umiiral.Tinitiyak at ipinababatid ko na nabasa ko itong Pahintulot na Gamitin ang mga Retrato at na sa paglagda sa ibaba ay ipinagkakaloob ko ang pahintulot na binabanggit dito.Pangalan ng May-ari (i-print lamang) Tirahan

Lagda

Petsa

Pahintulot ng Magulang Kung ang May-ari ng mga Retrato ay menor-de-edad, kailangang kumpletuhin ng magulang o legal na tagapag-alaga ng May-ari ang sumusunod.

Tinitiyak at ipinababatid ko, na nakalagda sa ibaba, na ako ang magulang o legal na tagapag-alaga ng batang menor-de-edad na binabanggit na May-ari sa itaas, na ako ay may lubos na karapatang isagawa itong Pahintulot na Gamitin ang mga Retrato sa ngalan ng May-ari, at na sa paglagda sa ibaba ay ipinagkakaloob ko ang pahintulot na ito sa ngalan ng May-ari.Pangalan ng magulang o tagapag-alaga (i-print lamang) Tirahan

Lagda

Petsa

Listahan ng Isinumiteng mga Retrato Nasa pahina 2 ang karugtong. Kung kukulangin ang papel, gumamit ng hiwalay na nilagdaang form.

Ang sumusunod ay listahan ng mga retrato at produksyong audiovisual na aking isinusumite.

Maikling paliwanag Petsa LugarMga pangalan ng mga nasa

retrato o produksyon

© 2011 IRI. Lahat ng karapatan ay nakalaan. Inilimbag sa USA. 7/10. 7/10 Pagsasalin ng Permission to Use Photographs. Tagalog. PD50026457 893

2

Listahan ng Isinumiteng mga Retrato—karugtong

Maikling paliwanag Petsa LugarMga pangalan ng mga nasa

retrato o produksyon

7/10. 7/10. PD50026457 893

Pahintulot na Gamitin ang mga RetratoPangalan ng May-ari (i-print lamang)

Form ng Pahintulot para sa Taunang Kasaysayan

Kahit hindi ako miyembro ng Ang Simbahan ni Jesucristo ng mga Banal sa mga Huling Araw (“ang Simbahan”), binibigyan ko ng karapatan ang Simbahan at kaugnay nitong mga entidad na kolektahin, iproseso, gamitin, at ilipat sa ibang bansa at/o mga legal na entidad ang aking personal na impormasyon at/o retrato na ginamit sa paglikha ng lokal na kasaysayan ng Simbahan (“Kasaysayan”). Nauunawaan ko na ang aking personal na impormasyon ay gagamitin lamang alinsunod sa Church Data Privacy Statement, na aking narepaso.Binibigyan ko rin ng karapatan ang Simbahan at ang kaugnay nitong mga entidad na idispley ang personal na impormasyon at/o retratong iyon o kaya’y bigyan ng access doon ang iba bilang bahagi ng mga pagsisikap ng Simbahan na ilathala o ipaalam ang Kasaysayan sa anumang paraang mapagpasiyahan ng Simbahan o ng kaugnay nitong mga entidad.Pangalan ng taong nagsusumite ng datos (i-print lamang) Lagda Petsa

© 2011 IRI. Lahat ng karapatan ay nakalaan.Inilimbag sa USA. 3/11. 3/11. Pagsasalin ng Annual History Consent Form. Tagalog. PD50032802 893

Ang Simbahan ni Jesucristo ng mga Banal sa mga Huling Araw, na nasa 50 East North Temple Street, Salt Lake City, Utah 84150, at kaugnay nitong mga yunit (na magkakasamang tinutukoy na “ang Simbahan”) ay ginamit ang kasunod na Data Privacy Statement * upang ipaalam sa mga tao ang mga aktibidad ng Simbahan hinggil sa pagkuha, pag-iingat, paggamit, at paglilipat (na magkakasamang tinutukoy na “pagpoproseso”) ng personal na impormasyon. 1. Ipinoproseso ng Simbahan ang pangkalahatan at maselan

o kumpidensyal na personal na impormasyon tungkol sa mga miyembro ng Simbahan. Ang personal na impormasyon ay karaniwang direktang kinukuha mula sa miyembro ng Simbahan (o sa kanyang magulang, kung menor-de-edad). Maaari ding makuha ang personal na impormasyon mula sa mga pinuno ng Simbahan o sa iba pang mga mapagkukunan.

2. Ang personal na impormasyon ay ipinoproseso upang: (a) makalikha at mag-ingat ng talaan ng mga miyembro, donasyon, kasaysayan, at genealogy ng Simbahan; (b) masuri ang pagkamarapat na makibahagi sa templo at iba pang mga ordenansa, paglilingkod sa misyon, at mga katungkulang boluntaryo at ukol sa pamumuno; at (c) mapangasiwaan ang programa ng Simbahan sa pagtuturo ng relihiyon.

3. Ang pagbibigay ng personal na impormasyon ay kusang-loob. Kapag nagbibigay ng personal na impormasyon tungkol sa sinuman maliban sa sarili, hihingin ng miyembro ng Simbahan ang pahintulot ng taong iyon at bibigyan siya ng access sa Data Privacy Statement na ito. Ang hinihinging ito ay hindi angkop sa mga magulang na nagbibigay ng personal na impormasyon sa Simbahan tungkol sa kanilang mga anak na menor-de-edad.

4. Para maprotektahan ang pagiging kumpidensyal ng naiprosesong personal na impormasyon, ang Simbahan

ay gumagamit ng mga hakbang na teknikal at ukol sa organisasyon na angkop sa pagkamaselan ng impormasyon. Mga awtorisadong opisyal at tauhan ng Simbahan lamang ang may access sa kumpidenyal o maselang personal na impormasyon. Kung ipahintulot ng batas sa lugar, maaaring ipamahagi ang ilang karaniwang personal na impormasyon (mga pangalan, address, numero ng telepono, at e-mail address) sa mga miyembro ng Simbahan na kasama rin sa ward/branch o stake/district.

5. Ang personal na impormasyon ay maaaring ilipat sa ibang mga yunit ng Simbahan na kapwa nasa bansang ito at sa iba pang mga bansa kung saan di-gaanong mahigpit ang umiiral na batas sa pagprotekta ng datos.

6. Sa pagsulat ng kahilingan at kung hinihingi ng batas sa lugar, maaaring tulutan ang mga tao na i-access ang kanilang personal na impormasyon, para ipabatid na itama o baguhin ang kanilang personal na impormasyon, o tutulan ang pagpoproseso ng kanilang personal na impormasyon. Ang mga ward o branch clerk ay maaaring magbigay ng karaniwang personal na impormasyon sa mga miyembro at sabihan ang mga miyembro kung saan ipadadala ang nakasulat na mga kahilingan para ma-access ang iba pang personal na impormasyon.

7. Iniingatan lamang ng Simbahan ang personal na impormasyon hangga’t kailangan para sa mga layuning nakasaad sa pahayag na ito. Hindi inaalis ang ilang impormasyon bilang bahagi ng permanenteng talaan ng genealogy, mga miyembro, kasaysayan, at iba pa.

Ang mga tanong tungkol sa Data Privacy Statement na ito o sa pag-iingat ng personal na impormasyong ipinoproseso ng Simbahan ay dapat ipadala sa pamamagitan ng e-mail sa DataPrivacyOfficer@ldschurch.org.

Sampol—Huwag Idispley

© 2011 IRI. Lahat ng karapatan ay nakalaan. Inilimbag sa USA. 6/11. 6/11. Church Data Privacy Statement. Tagalog. PD50034615 893Ang pahayag na ito ay huling na-update noong Hunyo 9, 2011.* Para sa opisyal na bersyon ng Church Data Privacy Statement na

maaaring angkop sa inyong bansa, kontakin ang mga pinuno ng Simbahan sa inyong lugar.

Church Data Privacy Statement—Taunang KasaysayanAng pahayag na ito ay gagamitin kasama ng Form ng Pahintulot para sa Taunang Kasaysayan.

Mga TalaMga Tala

Mga Tala

Mga Tala

Mga Tala