Upload
others
View
0
Download
0
Embed Size (px)
Citation preview
NUUSBLAD VAN OLIFANTSRIVIER STREEKNUUSBLAD VAN OLIFANTSRIVIER STREEK
Lid van die SuidLid van die Suid--Afrikaanse WoonwaAfrikaanse Woonwa--Assosiasie Assosiasie
Uitgawe 1/2014
2
3
SEKRETARIS
Judith Cilliers
Posbus 13294
Leraatsfontein
1038
Tel: 084 036 5696
ONDERVOORSITTER
Hennie Cilliers
Posbus 13294
Leraatsfontein
1038
Tel: 082 570 7681
VOORSITTER
Jan de Wet
Posbus 12355
Leraatsfontein
1038
Tel: 082 822 2428
SKAKELBEAMPTE
Elize van der Merwe
Posbus
Witbank
1050
PENNINGMEESTER
Johnny Botha
Posbus
Leraatsfontein
1038
REDAKTEUR
Judith Cilliers
Posbus 13294
Leraatsfontein
1038
VOORRAADBEAMPTE
Susan Wilsenach
Posbus
Leraatsfontein
1038
Tel: 083 654 7265
SENIOR BURGERS
Vakant
Redaksie en Bestuurslede
IN HIERDIE UITGAWE:
WYSHEID VIR DIE WEG
ONSE KAPTEIN JAN AAN DIE WOORD …..
REDAKSIONEEL
NUUS UIT ONS KONTREI VERJAARSDAGWENSE, HUWELIKSHERDENKINGS EN KRUKKELYS
KOM ONS LAG „N SLAG
SAAMTREKFOKUS
SEEKOEIGAT
OOP NUB
KUIERKOS
SLOTGEDAGTE
4
Ons Vader
Julle Vader weet presies wat julle behoeftes is selfs nog voordat julle hom vra! Bid dan soos volg: Ons
Vader in die hemel, laat u Naam geheilig word.
Matteus 6:8-9
Dis wonderlik dat ek U as my Vader mag aanspreek: Dat ek weet dat U my liefhet en vir my sorg -
veel beter as ‘n aardse pa vir sy kind. Ek bid dat U Naam in my lewe grootgemaak sal word, dat ek
U Koningsheerskappy sal erken en dat U wil hier op aarde uitgevoer sal word, net soos in die
hemel, U ken my behoeftes, gee asseblief vir my die lewensmiddele wat ek vandag nodig sal hê, en
maak dit vir my moontlik om die mense te help wat minder het as ek. Vergewe asseblief al my
sonde, Here, en maak my bereid om die mense te vergewe wat my te na kom. Bewaar my van ver-
soekings wat dalk oor my lewenspad kan kom, en help my om weerstand te bied teen die Bose. U is
groot en almagtig: Aan U behoort die koninkryk, die krag en die heerlikheid tot in alle ewigheid.
AMEN
Dit is vir my „n besondere voorreg om weer aan die stuur van ons nuusbrief die Trompetter
te wees. Dit is elke keer opnuut vir my „n uitdaging om die heel beste nuusbrief aan „n
lieflike klomp Sawanante te oorhandig.
Soms gaan dit maar rof, het nie altyd tyd nie, maar maak tyd aangesien dit deel van my pas-
sie in die lewe is om iets spesiaals vir my medemens te doen. Ek weet nie altyd waarvan
almal hou nie, maar probeer my uiterste bes om dit vir almal „n aangename leeservaring te
maak.
Dit was baie lekker om saam met julle te werk en te kamp verlede jaar. Dit was „n goeie
jaar vir die Olifante. Ons het elke kamp so lekker gekuier en nuwe vriende gemaak, hetsy
Olifante of ander kampeerders. As ek so terugdink aan die jaar was dit net mooi en goed.
Daar was hartseer in van ons Olifantgesinne met die afsterwe van geliefdes en van ons was
en is werklik siek, ek bid dat ons hemelse Vader julle sal seën en beskerm en julle volkome
nuut en gesond sal maak dat julle ook weer met oorgawe en vol energie saam met julle
geliefdes die lewe en die kampe sal kan geniet.
5
Van ons ouer Sawanante kan nie meer saam met ons kamp nie en dit is nie altyd lekker om
te weet dat hulle so graag wil, maar nie meer kan nie, ons dank ons Vader dat hulle wel
saam met ons kon kamp vir „n hele paar jaar. Mag die liefde van ons Vader met julle wees
en bly tot in ewigheid.
Dit is „n nuwe jaar met nuwe uitdagings vir ons almal. Glo dat ons Hemelse Pappa elkeen
van julle in hierdie nuwe lewensjaar sal seën met sal die seëninge wat julle toekom.
Ons nuwe jaar is lekker vol geboek met heerlike kampe by pragtige oorde. Kom ons as Sa-
wanante hou SAWA se vlag hoog en maak ons nie skuldig aan enige gedrag wat ander kam-
peerders aanstoot kan gee nie.
Ek doen graag „n beroep op elkeen van julle om vir my nuusbrokkies fotos van spesiale ge-
leenthede of wat tydens kampe geneem is deur te gee vir ons nuusbrief. Dit is tog ons nuus-
brief nie myne nie.
Byvoorbaat dankie. Glo ons sal „n wonderlike jaar hê.
Vriendelike Olifant groete
Judith Cilliers
So snel die SAWA jaar verby en dis weer tyd vir die Presidente. Deur die genade van die
Hemelse Vader gaan dit baie goed met die Olifante. Die ekonomie druk maar ons doen
waarvoor ons aangesluit het, dis natuurlik om lekker te kamp en kuier. Die kamp bywon-
ing is nie so hoog as wat ons dit graag sou wou hê nie, maar ons kuier nog steeds baie
lekker.
Die jaar het begin met „n kamp by Seekoeigat in Januarie is deur 8 Olifant gesinne en
een besoeker bygewoon. Die volgende streek saamtrek was die oop NUB wat deur 3
gesinne bygewoon is.
Die volgende kamp is die Presidente by Klipdraai, (waar sal jy op „n lang naweek kan
kamp vir R150 per dag en met ou vriende kan saam kuier). Die Olifante gaan kerrie en
rys maak. Ons het reeds „n toetslopie gedoen met ons bestuursvergadering, dit was „n
groot sukses. So kom help ons om dit ook „n sukses te maak by die Presidente. Byvoor-
baat baie dankie aan almal vir hulle bydraes en die wat aangebied het om te help. Ek
weet dit gaan „n sukses wees.
6
VOOG - Johnny & Esme - 013 647 6914
J Bronkhorst - 013 692 3884
F van der Merwe - 082 464 0345
H Grobler - 013 697 4444
C Fisher - 082 393 2922
VOOG - Manie & Elize van der Merwe
JH van der Walt - 017 634 6612
HJ van Tonder - 013 234 5293
JL Kruger - 083 250 5938
JH Stoforth - 013 247 2616
C Venter - 079 969 3953
B Korff - 079 035 9346
T Venter - 082 891 4807
VOOG - Hennie & Judith - 082 570 7684
DCP Badenhorst - 013 246 7760
T Booysen - 013 245 1749
G Wolmarans - 083 282 1415
Jan de Wet - 082 822 2428
JJ de Jonge - 013 245 3449
VOOG - Pierre & Susan - 083 654 7265
JD de Buin - 013 692 7557
K Prinsloo - 013 697 1643
PJ Minnie - 013 296 1109
L de Jager - 013 245 3514
VOOG - Jan & Helen - 013 697 2428
S Wilsenach - 083 654 7265
H Cilliers - 082 570 7681
M van der Merwe - 082 923 4245
J Botha - 013 647 6914
Die AJV is net om die draai, ons het net een streek kamp in Mei voor die AJV. Onthou
die bestuur is die lede se spreukbuis so maak seker julle nomineer die persone wat na-
mens julle kan besluite neem. Die streek meriete moet ingedoen word tydens die Mei
gebiedsvergadering. Die streekbestuur nominasie briefies sal gedurende die Mei kamp
uit gegee word.
Daar is van die Olifante wat operasies onder gaan het en baie goed herstel het, dan is
daar ook van die Olifante met wie se gesondheid dit nie goed gaan nie. Mag die Heer
met jul almal wees, julle gesond maak en Sy hand oor ons almal hou. Laat Heer U wil
geskied en nie ons wil nie.
Olifant groete
Jan & Helen
7
VERJAARSDAGLYS Jan de Jonge - 1 Januarie Kitty Dreyer (dagbestuur) - 5 Januarie Lulu van Niekerk - 9 Januarie Chris Mans - 15 Januarie Hancke van Tonder - 23 Januarie Riekie Wolmarans - 23 Januarie Bokkie Badenhorst - 24 Januarie Mariska Grobler - 24 Januarie Vossie Vosloo (dagbestuur) - 27 Januarie
Kobus Stopford - 3 Februarie Tertius Booysen - 14 Februarie Jurie Dreyer (dagbestuur) - 16 Februarie
Susan Wilsenach - 18 Februarie JL Kruger - 2 Maart Johan Bronkhorst - 12 Maart Madelein van Tonder - 12 Maart Lalla Booysen - 31 Maart
Huweliksherdenkings
Carl & Marie Fischer - 25 Februarie Hancke & Madelein van Tonder - 20 Maart
Op die krukke lys ... Driekie van der Merwe
Anelynn Korff
Hennie Cilliers
8
Dankie tog!
Koos kom by sy baas en sê: “Meneer my vrou
wil môre huis skoonmaak. Sy wil hê ek moet die
dag verlof neem en haar help.” “Nee, dit kan jy
nie doen nie, ons is baie besig en daar is niemand
anders wat jou werk kan doen nie.” Waarop
Koos antwoord: “Dankie Meneer ek het geweet
ek kan op u staatmaak.”
Die student soek werk by die staatsdiens.
“Wat kan jy doen?”
“Niks”
“Gaaf, dan hoef ons jou nie op te lei nie.”
Kleindogter se gebed vir haar oupa:
“Liewe Jesus stuur asseblief klere vir al
daardie arm meisies op oupa se rekenaar.
Amen”.
Raat vir rooi tamaties
„n Pragtige vrou het daarvan gehou om
tamaties te groei, maar het gesukkel
om hulle mooi rooi te kry.
Toe sy op 'n dag weer gaan stap, kom sy
'n buurman teë wat ‟n pragtige
tuin vol groot, mooi rooi tamaties het.
Sy vra toe vir die man wat die geheim is.
"Wel," sê hy, "ek gaan staan twee keer per
dag kaal in my reënjas voor my
tamatietuin en dan flash ek vir hulle. Dan
word hulle rooi omdat hulle so erg
bloos."
Die vrou was baie ingenome en besluit
om te kyk of die raat ook vir haar
tamaties sal werk. Sy het twee keer per
dag vir twee weke lank kaal in haar
tuin ge-flash en vir die beste gehoop.
Toe sy die buurman weer raakloop, vra hy
hoe dit met haar tamaties gaan
en of hulle rooi geword het.
"Nee," sê sy, "maar jy moet sien hoe
enorm groot is my komkommers!"
Trieng-Trieng
Boer: "Ja Sipho, wat gaan aan?"
Sipho: "My baas, die vark hy het by die
pad gespring toe ek ry hom raak. Nou
die vark se kop sit vas by die grill en hy
raas baie."
Boer: "Vat die .303 agter die sitplek en
skiet hom dood, gooi hom agter op die
bakkie en bring hom saam plaas toe, ons
sal dit hier uitsort. Kyk net eers of die
radiator nie seergekry het nie. As daar
probleme is, bel my weer dan kom haal
ek jou."
Sipho: "Oukei, my baas"
So 10 minute later bel Sipho weer
Boer: "Is die bakkie stukkend Sipho?"
Sipho: "Nee my baas, die bakkie is
oukei."
Boer: "Nou wat is die probleem Sipho?"
Sipho: "Ek wil net weet, my baas, wat
moet ek met die vark se motorbike en
die blou lig maak?"
Jou eie skuld!
Die dronkie kies kortpad deur die begraaf-
plaas en beland in‟n oop
graf. Later die nag begin dit reën en hy
kry koud. Hy huil kliphard.
"Help! Iemand, help my tog, dis koud hier
onder!" Daar stap Gatiep verby, lekker
getrek. Hy hoor die hulpkreet, loer
in die graf, gryp‟n graaf en begin die hoop
sand ingooi terwyl hy troos: "Toemaar,
toemaar. Dish g‟n wonner djy kry koutie,
djy‟t djousjelf dan oepgesjkop.”
9
Bransblusser in die Woonwa
Net „n paar punte om na te sien sodat „n woonwa nie totaal verwoes word deur „n brand nie.
„n Brand moet so gou moontlik geblus word terwyl dit nog klein is
* Sorg dat u „n brandblusser in u woonwa en of voertuig het.
* Dit moet altyd op „n plek wees waar dit maklik bereikbaar is bv. by woonwadeur of as die tent op
geslaan is by die tentdeur.
* Maak seker dat u die regte brandblusser het.
Woonwa agente, Brandweerstasies en Agente vir Brandblusser kan U help
* Die brandblusser moet altyd vol wees en moet ten minste een maal per jaar deur „n deskundige nagesien
word.
* „n Gebruikte brandblusser, net „n bietjie gebruik of leeg, moet so gou moontlik laat hervul word en in u
woonwa of voertuig terug geplaas word.
Onthou dat die tyd wat dit u geneem het om hierdie paar punte te lees, het die vuur dalk alreeds te ver gevorder en kan dit
nie meer geblus word sonder baie groot skade nie.
KONSEP JAARPROGRAM VIR 2014
26/26 JANUARIE 2014
Seekoeigat
01/02 FEBRUARIE 2014
Koppiesol
OOP NUB
21/23 MAART 2014
Sionberg
18/21 APRIL 2014
Klipdraai
PRESIDENTE
30 MEI—01 JUNIE 2014
De Voetpadkloof
01/03 AUGUSTUS 2014
Loskopdam
AJV
19/21 SEPTEMBER 2014
NASIONALE SAAMTREK
17/19 OKTOBER 2014
Buffelspoort
KONGRES
25/26 OKTOBER 2014
Badplaas 28/30 NOVEMBER 2014
Serengeti
KERSBOOM
10
Kamplede kom Vrydagmiddag van drie uur af by kampterrein aan en skrop nes
met baie gesels tussen-in. Altesaam 8 woonwaens en een tent kamp vir die
naweek.
Vrydagaand maak Jan, Helen, Johnny en Esme jaffels. Dit het maar sukkel-
sukkel gegaan, met broodjies wat vasbrand in die pannetjies. Helen kom tot die
redding met “spray & cook” en daarna kon almal heerlik smul.
Awie en Madelene, die nuwe olifante kon eers na agt die aand by ons aansluit en
ons was baie bly dat hulle die naweek saam ons kon geniet het.
Saterdag het Manie die viswaters aangedurf met Jan wat hom “ondersteun” son-
der lyn of katrol. Manie het „n yslike krokkodil vir ons uitgewys wat gelê en bak
het in die son.
Saterdagmiddag het „n paar van ons Riverside Lodge besoek om nuwe kamp-
plekke uit te kyk en „n koue lafenis genuttig terwyl ons oor die Olifantsri-
vier uitkyk.
Terwyl Sondag opgepak is, word daar alweer uitgesien na die volgende kamp
naweek.
Mag God ons seën en bewaar vir ons volgende kuier.
Olifantgroete
Esme Nel
11
12
Wat het ons hier? Party lyk nie baie lus
om te kyk nie! Dalk skrikerig!
Kyk net hoe lekker slaap
Kies vir jou „n vinger en los my uit!
Wat laat julle dink dis warm? Almal soek die koelte!
13
Nou weet ons wat in die kan is….. Die enigste vis vir die
naweek …. „n Baber …. Geen wonder Aneke is skrikerig
om te kyk, ai dit is darm „n lelike ding!
Met al die visvangstyle moes hulle defnitief
meer as een vis gevang het, maar nou ja, vis-
vang is nie vir sussies nie!
14
Sportspersoon—Jan de Wet Kampkommandante
Helen, Jan, Johny en Esme
Trompettertjie - Mcyla Bolliemaker - Hennie Cilliers
Olifante van naweek
Ons besoekers:
Awie en Marelene van Tonder
Sjoe, maar hulle is omtrent bly Hennie
het die Bolliebeker gekry!
15
Suid-Afrikaanse-Woonwa-Assosiasie
EREKODE
Hiermee verbind ek myself en my gesin tot die Grondwet, asook die
Reëls en die Gedragskode van die S.A.W.A.
Verder verbind ek myself tot die volgende:
1. Ek sal strewe om die Christelike grondslag van SAWA te be-
waar en uit te lewe;
2. Ek sal SAWA dien sovêr ek kan en alles in my vermoë doen om
ons Assosiasie uit te brei;
3. Ek sal ons geliefde land se natuurskoon en sy fauna en flora
beskerm en bewaar;
4. Ek sal poog om alle openbare geriewe en fasiliteite tot my
beskikking so te benut dat ander gaste dit sonder ongerief kan
gebruik;
5. Ek sal poog om in alles opsigte hoflik te wees, beleefd op te
tree en bedagsaam te handel teenoor alle padgebruikers;
6. Ek sal daarop let om nie deur my gedrag die eer van SAWA te
skend nie, maar sal poog om die agting van almal met wie ek
in aanraking kom af te dwing.
SAWA is die leier in woonwa-kampering
MISSIE
Vir Afrikaans-georiënteerde kampeerders ‘n tuiste te bied
waar hulle binne ‘n Christelike konteks hul beginsels en kul-
tuur kan uitleef;
Vir kampeerders die geleentheid te bied om saam met gees-
genote so bekostigbaar as moontlik te kampeer;
Die belange van SAWA-lede te bevorder deur onderhandeling
en samewerking met ander instansies;
Die balans tussen die belange van die mens en die natuur te
handhaaf;
In alles die hand van die Skepper te sien en Hom daarvoor te
huldig.
WAARDES
* Christenskap * Lojaliteit * Verantwoordelikheid
* Integriteit * Eerlikheid
* Diensbaarheid * Verdraagsaamheid * Respek
BORAKS
Lasagne-potjie
Jy benodig
VIR DIE MAALVLEIS Olie vir braai 1 Middelslag-ui gekap 1kg Maalvleis 1 Blikkie tamatiepasta 1 Blikkie tamatie-en-uiemengsel 1 Eetlepel sojasous 1 Bottel blatjang Bottel Steers mosterd Vars bailie
Knoffel na smaak Songedroogde tamaties na smaak VIR DIE WITSOUS 150g Botter 150g Meel 6 Koppies melk Sout en peper na smaak 1 Pak lasagnevelle 150g Mengsel van Cheddar en Mozarellakaas
So maak jy
Maak die maalvleismengsel goed gaar oor
lae hitte in „n potjie op die vuur of oor gas.
Sit „n lag maalvleis in „n groot platboompot
en volg die op ment „n lag lasagnevelle en „n
skeut witsous. Hou aan lae pak tot die
maalvleis op is.
Prut die lasagne stadig vir omtrent „n uur tot
dit sag en gaar is.
Gooi die kaas so 15 min voor vasagne sag is
bo-op.
Bedien saam met menelslaai. (Resep: Paul van Eeden)
BORAKS (BORAX) sal nes die ander hu-
ishoudelike produkte skoonskip maak van al
jou skoonmaakbehoeftes. Dit verwyder by-
voorbeeld rooiwynvlekke van klere in net
een wassessie! Meng net koraks met „n viet-
jie water om „n pasta aan te maak en los dit
vir „n paar ure op die vlek. Wanneer jy jag
maak op insekte, hoef jy ook nie gevaarlike
gifstowwe te gebruik nie, want voraks kom
tot jou redding! Strooi net „n mengsel van
boraks en stroosuiker op rakke en in laaie en
kaste om die kakkerlakke te kelder. Voeg „n
bietjie aluin by die mengsel wanneer jy van
swart miere ontslae wil raak.
16
Ons het „n heerlike naweek gehad, baie reën en lekker nat gras, maar wie
wil ook nou net in mooiweer kamp?! Daar is gekuier en vergadering gehou
want wie sal „n SAWA lid keer om nie die beste van „n kamp te maak nie!
Hier so paar fotos om julle lus te maak vir die volgende oop NUB.
Sjoe dit lyk darem mooi! Maak mens lus vir kamp nê!
17
CHEERS!
Op nog „n heerlike
naweek saam met
SAWA
So hou Sawanante vergadering….
Gesellig dog ernstig!!
18
Onthou …. alles wat jy goed en reg gedoen het, en wees trots
daarop.
Jy kan nie altyd by die slegte dinge vashaak nie.
Doen … iets waarmee jy goed is en geniet dit. Dit is altyd lek-
ker om iets te doen wanneer jy weet jy kan!
Dink … aan ander ook. Onthou jy voel baie beter as jy iets vir
iemand kan doen en beteken. Een mens kan ‘n verskil maak.
Ontspan … die lewe moet ‘n balans wees tussen werk en
ontspan. As jy net werk en glad nie ontspan nie, kan jy vin-
ing uitbrand en swartgallig raak.
Wees… dankbaar vir alles wat reg en goed is in jou lewe.
Dinge kon soveel slegter gewees het. Kyk om jou rond, daar is
altyd iemand wat swaarder kry as jy.
Onthou…dat ware geluk eintlik in jouself lê. Jy moet jou kop
verander en besluit om die beste vir jouself uit die lewe te haal.
Probeer…om jou manier van dink (veral oor jouself) te
verander en as jy dit regkry, hou daarby.