Upload
shaina-mavreen-villaroza
View
2.051
Download
2
Embed Size (px)
DESCRIPTION
Compilation of fable, parable, and anecdote. One example each, including the moral lesson on each story. It was a requirement for our Filipino 3 in 3rd year high school.
Citation preview
Shaina Mavreen D. Villaroza Filipino 3
III – Sodium October 24, 2011
Pabula
ANG UWAK NA NAGPANGGAP
Isang uwak ang nakakita ng mga lagas na balahibo ng pabo sa
lupa. Pinagmasdan niya iyon at nasiyahan sa iba't ibang kulay nataglay niyon. At
dahil sawa na siya sa pagiging isang itim na ibon, iyon ay kanyang pinulot isa-isa at
saka idinikit sa kanyang katawan at dali-dali siyang lumipad patungo sa grupo ng
mga pabo at nagpakilala bilang kauri ng mga ito.
Ngunit sadyang kilala ng mga pabo ang kanilang kauri, kaya naman hindi rin
nagtagal ay nabisto ng mga ito ang nagkukunwaring uwak.
Dahil dito, inalis ng mga pabo ang iba't ibang kulay na balahibong nakadikit
sa katawan ng uwak. Pagkuwa'y pinagtutuka nila ito hanggang sa takot na lumisan.
Nang magbalik ang uwak sa kanyang mga kauri, hindi na rin
siya tinanggap ng mga ito. At sinabing, "Hindi namin kailangan ang
isang tulad mong walang pagmamahal sa sariling anyo!"
Aral: Walang sikretong hindi mabubunyag. Lalabas at lalabas ang katotohanan.
Huwag magpanggap at matuto kang mahalin kung sino at kung ano man.
Parabula
Ang Parabula ng Pariseo at ang kolektor ng buwis
Dalawang lalaki ang pumunta sa templo upang magdasal;
ang isa ay Pariseo at ang isa ay kolektor ng buwis.
Ang Pariseo ay tumayo at nagdasal ng ganito:
“Panginoon, nagpapasalamant ako at hindi ako katulad ng ibang tao na mga
makasalanan, mapagkurakot, mga mapang-api sa hindi nila asawa o kaya katulad
ng kolektor ng buwis na narito. Ako ay nag-aayuno dalawang beses, isang Linggo at
nagbibigay bahagi sa bawat aking kinita."
Ang kolektor ng buwis na nakatayo sa hindi kalayuan ay hindi man lang
nagtaas ng kaniyang mata sa langit ngunit kaniyang tinapik ang kaniyang dibdib at
nagwikang
“Panginoon, kaawaan mo ako, isang makasalanan”. (Luke 18:9-14)
Aral: Ang taong humingi ng awa ay tumanggap ng awa kaysa sa doon sa taong itinaas ang
sarili niya sa mata ng Diyos. Ang mapagmalaki ay ginagawang aba at ang
nagpapakababa ay siyang pinupuri.
Anekdota
Sapatos
Ni: Shaina Mavreen D. Villaroza
Minsan ako’y bumili ng sapatos
Na mas malaki ng limang sukat sa aking mga paa
Sapagka’t ako’y nag-alala
Balang araw ito’y sisikip,
Aking pera’y masasayang
At ito’y ‘di na magagamit.
Ngunit sa aking pagtakbo ng mabilis
Patungo sa aandar na dyip
Sa kay luwang ng ‘king sapatos,
Ito’y tumilapon at naiwan sa kalsada.
Aanhin pa ang isang natitira?
Linagay ko na lamang sa basura.
At nalugi na nga aking bulsa, pati na rin ang aking mukha.
Aral: Mas nararapat alalahanin ang ngayon kaysa bukas dahil hindi tayo nabubuhay
sa nakaraan at sa kinabukasan. Maganda rin ang mag-alala at magplano para sa
kinabukasan ngunit dapat ang iyong desisyon ay magsisilbi ng mabuti sa iyo
ngayon. Hindi katulad sa nangyari sa kwento, masyado siyang naging
maalahanin kaya tuloy walang nangyaring maganda sa kanya ngayon at pati na
rin sa kayang bukas.