TAARIFA KWA VYOMBO VYA HABARITAARIFA YA MAKUSANYO KWA MAKASHA
YALIYOONDOSHWA BANDARINI KINYUME CHA SHERIA KUFIKIA TAREHE 7
DISEMBA 2015 Ijumaa ya wiki iliyopita tuliwaita mahsusi kuwapeni
taarifa ili muwajuze wananchi kuhusu hatua zilizochukuliwa
kutekeleza maagizo ya Mheshimiwa Rais Dr John Pombe Magufuli kwa
wafanyabiashara walioondosha makasha Bandarini bila kulipa ushuru
ili waweze kulipa ushuru huo ndani ya siku saba bila adhabu.
Wafanyabiashara wameendelea kuitikia wito kwa kulipa kodi
iliyokwepwa na hadi kufikia leo hii TRA imeshakusanya kodi jumla ya
shilingi 8,620, 768,976.70 Hii ni ongezeko la Sh 2,866,187,404.52
kuanzia tarehe 2 Disemba hadi leo. Baadhi ya waliolipa nyongeza hii
ni wafuatao; S. S. Bakhresa & Co. Lt Sh.2,000,000,000.00 Tifo
Global Trading Co. Ltd. Sh.310,000,000.00, IPS Roofing Co. Ltd.
Sh.80,000,000.00, Red East Building Co. Ltd. 100,000,000.00, Zing
Enterprises 325,644,200.00, Sapato N Kyando Sh.50,543,204.52Aidha,
TRA na vyombo vya Dola vimeendelea kuchukua hatua dhidi ya
watumishi ambao mwenendo wao unatia shaka ikiwa pamoja na
kuwasimamisha kazi, kuwachunguza na kuwapandisha kizimbani. Katika
zoezi hili mtumishi mwingine mmoja wa Idara ya Forodha
amesimamishwa kazi kuanzia leo tarehe 7 Disemba 2015. Vilevile
nachukua fursa hii pia kuwahakikishia wafanyabiashara wote kuwa TRA
na Serikali kwa ujumla inathamini sana mchango wa wafanyabiashara
waadilifu katika kukuza uchumi wa Taifa na itaendelea kuboresha
mazingira ya kufanya biashara nchini. TRA tunayoanza kuijenga upya
ni rafiki kwa wafanyabiashara wanaolipa kodi. Tunawaahidi
ushirikiano mzuri na TRA haina ugomvi na mfanyabiashara yeyote
anayelipa kodi inayopaswa kulipwa. Tunawaomba wafanyabiashara
waadilifu waendelee na biashara zao bila bugudha.
Hata hivyo TRA inazidi kusisitiza kuwa mfanyabishara yeyote
ambaye alipitisha makasha au mizigo katika Bandari yoyote au kituo
cha Forodha mipakani bila kulipa ushuru anatakiwa kulipa ndani ya
muda wa msamaha uliotolewa na Mhe Rais ambao unaishia tarehe 11
Disemba. Baada ya tarehe 11 Disemba 2015 TRA itachukua hatua kali
za kisheria kuhakikisha kodi iliyokwepwa pamoja na adhabu inalipwa.
TRA hatutalala hadi kodi stahiki ikusanywe. Napenda pia kutumia
fursa hii kuwaomba wananchi wasisite kutoa taarifa pindi wanapoona
mwenendo wa watumishi wa TRA wasio waadilifu wanaowabugudhi na
watoe taarifa mara moja kwa uongozi wa juu wa TRA. Simu ya
Kiganjani ya Kaimu Kamishna Mkuu ni +255 787 570 714 na namba ya
simu ya Naibu Kamishna Mkuu ni +255 784 228 095 Vile vile wananchi
wanaweza kutujulisha kuhusu ukiukwaji wa maadili kwa watumishi wa
TRA kwenye simu namba 0689 122 515 na kutuma ujumbe mfupi kwenye
namba 0689 122 516.Nasisitiza tena kuwa TRA tunayoijenga sasa ni ya
watumishi waadilifu na sio wanaotisha wafanyabiashara au wala
rushwa. Tunawaomba wananchi watusaidie kwa kutupatia taarifa kwa
siri kuhusu mienendo mibaya ya watumishi wa TRA na wale
wanaojilimbikizia mali kwa njia zisizo halali maana sisi watumishi
wa TRA tunaishi katika jamii na mnatufahamu. Tutawalinda watoa
taarifa kwa mujibu wa sheria ya usiri kwa mtoa taarifa yaani The
Whistleblower and Witness Protection Act, 2015 Mwisho, Uongozi wa
TRA unapenda kuwahakikishia na kuwahimiza watumishi wake waadilifu
wafanyakazi bila hofu, wazingatie sheria, kanuni na taratibu za
kazi kwa mujibu wa Utumishi wa Umma. Katika zoezi linaloendelea la
kubaini wale wanaochafua jina la Mamlaka ya Mapato hakuna mtumishi
atakayeonewa.
Pamoja tunajenga Taifa letuKwa maelezo zaidi tafadhali wasiliana
na:
Kituo cha Huduma kwa wateja0800 780078
0800 750075
Au Mkurugenzi Huduma Na Elimu Kwa Mlipakodi
Simu: +25522-2119343
Barua pepe: [email protected]; [email protected]
