VINTERDALEN BARNEHAGEÅrsplan 2017 – 2018

Fokus: UtelivÅrstema: Vi vil leke

FORORD

Helse Bergen HF eig og driv 4 barnehagar som vert nytta til rekruttering av nøkkel-personell og for å sikre stabil arbeidskraft i Helse Bergen HF. Barnehagane vert driven i samsvar med «Lov om barnehagar» og «Rammeplan for barnehagen sitt innhald og oppgåver». I følgje lova skal kvar barnehage ha ein årsplan som skal gje opplysningar om barnehagen sitt satsingsområde, mål og vurderingsområder. Den skal innehalde informasjon om barnehagen sitt arbeid med mellom anna omsorg, danning, leik og læring, og er eit viktig arbeidsreiskap for personalet. Årsplanen gir informasjon til føresette, eigar, og andre interesserte og er viktig for samarbeidet med føresette.

Kunnskapsdepartementet har fastsatt ny rammeplan for barnehagen sitt innhald og oppgåver. Den nye rammeplanen trer i kraft frå 1. august 2017. Arbeidet med å implementere den nye rammeplanen er starta, og vil fortsette ut året. Årsplanen 2017 – 2018 byggjer på Langtidsplan 2012 – 2015, og i samsvar med den nye rammeplanen vil barnehagane i Helse Bergen ha særleg fokus på leik og barn si medverking.

Inger Johanne KlausenBarnehagesjef

VINTERDALEN HAR FOKUS PÅ UTELIV

Vinterdalen barnehage ligg fantastisk flott til «midt i naturen». Leikeplassen vår er naturleg kupert og byr på varierte utfordringar for barna. Vi har to grillhytter i barnehagen. Går du gjennom porten ovanfor barnehagen, kjem du rett ut i skogen! Her finn du lavvoområdet vårt med naturleikeplass, gapahuk og bålplass. Dette er ein flott arena for motorisk utfalding i tillegg til at barna blir kjent med naturen sitt mangfald og moglegheiter. Vinterdalen er og eit godt utgangspunkt for mange fine turar.

Vi ønsker å gi barna gode opplevingar ved å ferdast i naturen. Gjennom eit aktivt uteliv vil vi gi rom for leik, undring, glede, meistring og bruk av fantasien.

Hjå oss får barna: • Oppleve naturen som leikeplass• Lære å bli glad i naturen• Oppleve at vi tek pedagogikken med ut i det fri• Være ute i all slags vær• Oppleve stemningsfulle frukostar ute rundt bålet• Være med på matlaging over open eld og på stormkjøkken

Barn som har fått leike og utvikle leiken sin – klarar livet sine utfordringar betre

EVALUERING AV ÅRSTEMA EVENTYR 2016 – 2017

Mål: Vi vil sjå om vi finn att eventyra i leiken til barna

Veslefrikk, Ole Brumm og FjellfinaBarna på småbarnsavdelingane har vore veldig opptekne av eventyra. Her ser vi at det er best med mykje repetisjon og korte bolkar med lesing. Hos dei eldste barna har vi observert at dei har brukt ulike gjenstandar som trollbru i leiken (frå Bukkane Bruse). Barna går sjølve inn i rollane. Personalet har laga koffertar til eventyra som barna har fått leika med.

Barna har og vore med å dramatisere eventyra. Dette styrkar barna si medverking og gir dei moglegheit til å påverke eigen kvardag.

Askeladden og TyrihansPå storbarnsavdelingane har vi arbeida med forskjellege eventyr kvar månad. Vi har planlagd formingsaktivitetar, samlingsstunder og sunge songar ut ifrå eventyret vi har hatt fokus på. Barna har synt stor interesse for eventyra, og vi har sett att element frå eventyra i leiken til barna. Når vi har fortalt eventyr med konkretar, så har barna fått leike men desse etterpå. Vi har også sett at barna har brukt eventyra som inspirasjon i uteleiken, då spesielt når dei har leika i skogen.

ÅRSTEMA FOR 2017 – 2018 Vi vil leike

Leik er barna sin viktigaste aktivitet og den utgjer ein stor del av barna sin kvardag. Den er først og fremst ei glede for barna, men den er og ein arena for læring. Leiken er frivillig, den gir energi, overskot og trivsel og er indremotivert. Leiken er sentral for barnet si utvikling når det gjeld kjensler, språk, tenking og sosial kompetanse. Vi veit at det er gjennom leiken barna får venner, og i leik og samhandling med andre barn tileignar dei seg sosial kompetanse, der alle sosiale ferdigheiter inngår. For å gi leiken den plassen den fortener, har vi valt å ha leik som årstema.

Barna sin leik startar med funksjonsleik, symbolleik og imitasjon. Etter det utviklar dei parallelleik, leik med rørsler og begynnande rolleleik. Barna utviklar etter kvart ei meir avansert form for rolleleik, den varer lengre og er meir samansett og inne-held meir kommunikasjon. Andre former for leik er konstruksjonsleik og regelleik. Desse blir og meir omfattande når barna blir eldre.

Vi veit at vaksne har ei stor betyding i leiken, dei påverkar om barn leikar og kva dei leikar. Personalet skal alltid vere tilstade, ta barna sin leik på alvor og sørgje for at barna har ro, rom og tid til å leike. Det er viktig at ein ikkje avbryt leiken deira så ofte. I Vinterdalen vil vi vere engasjerte og leikande vaksne som er med på å sikre at leiken har ein sentral plass i barnehagekvardagen, både ute og inne. Vi skal vere med å vidareutvikle leiken slik at barna oppleve meistring og fellesskap. Vi ønskjer at barna heilt frå dei er små skal vere opptatt av kvarander, imitere kvarandre og danne gode relasjonar seg imellom.

«Like viktig som å få leke, er det å få være med å leke». Sitat av Øhmann

TILVENNING I BARNEHAGENBarn i 1-2 års alderen er i en fase i livet hvor det dreier seg om å bygge opp en grunnleggende tillit til sine omgivelser. Denne tilliten utvikles ved at barna blant annet bygger opp nære relasjoner i møte med voksne. Det går ut på å utvikle en følelsesmessig trygghet til voksne omsorgspersoner, som igjen gir barna mulighet til å klare å fungere i andre sosiale relasjoner. Hvis de minste barna føler seg godt nok ivaretatt, får de en mental selvforståelse, som gir dem en indre motivasjon til å utforske omgivelsene. Når barnet føler seg trygg, sett og bekreftet, får det en indre ro som igjen åpner opp for at det tør å oppsøke omgivelsenes spennende muligheter. Det å føle seg trygg, sett og bekreftet går ut på at barnet føler seg verdsatt av de betydningsfulle vaksne som er i deres liv. Et eksempel er at barnet opplever seg likt for sin egen del og ikke fordi det nødvendigvis presterer noe spesielt, for å få anerkjennelse. (Karen Johanne Hjort, høgskulelektor i pedagogikk.)

Personalet i Vinterdalen barnehage skal vere dei trygge hendene som gir barna tryggleik til å gå ut i verda, og den trygge basen når verda blir utrygg. Barna søker dei vaksne når dei treng tryggleik, dette gjelder særleg ved overgang frå avdelinga for småbarn til avdelinga for store barn. Då trenger barna trygge vaksne til å være hos dei i starten, dette blir slik som når barna byrja i barnehagen, då foreldra var den trygge vaksne.

RÅD TIL VAKSNE I MØTE MED BARN:Alltid: vær større, Sterkare, klokere og godNår det er mogleg: følg barnet sitt behovNår det er nødvendig: ta tak

DANNINGMål: Barnet utviklar seg til ein aktiv samfunnsdeltakar

Ved å være gode rollemodellar, leggje til rette for gode samtalearenaer og fokusere på positivt samspel så vil personalet (i kvardagssituasjonar) støtte barna i proses-sen med danning.

SOSIAL KOMPETANSE – MOBBINGMål: Vi vil styrke vennskap og sosial kompetanse som gjer barna kompetente til å ha dei nødvendige ferdigheitene for å kunne gå inn i leik og samspel med andre på ein positiv måte og slik hindre mobbing. Vi skal gi barna oppleving av meistring i fellesskap. Vi skal møte barna med tillit og respekt, og anerkjenne barndomen sin eigenverdi. Leik er barna si største kjelde til glede, og den vil vi verne om. Vi skal bidra til at alle får den sosiale kompetansen som krevst for at dei skal kunne oppleve gleda ved å vere inkludert. I leiken skal barna få moglegheit til å dele og til å syne omsorg. Dei skal få oppleve glede og stoltheit ved eigen og andre si meis-tring. Barna skal få moglegheit til å delta aktivt i korleis dei kan løyse konfliktar. Personalet skal vere gode rollemodellar som syner at vi bryr oss. Vi skal vere trygge, tydelege vaksne som er tilstade for barna og som støttar dei i å vente på tur, føre dialog, det å lytte og til å dele. Dette vil førebygge mobbing.

Vi veit at ikkje alle barna er like gode til å leike med andre, og då kan det vere vanskeleg å danne vennskap. Dei går glipp av fellesskapet og det unike universet som dei skapar i leiken. Då er det viktig med vaksne som ser kva barna strevar med i leiken og som kan finne tiltak som gir meistring.

Alle barn skal kjenne seg verdifulle og det er nulltoleranse for mobbing. Dersom vi ser mobbing i barnehagen brukar vi handlingsplanen mot mobbing. Dette er eit verktøy som er utarbeida for bruk i alle Helse Bergen barnehagane.

LIKESTILLINGMål: Gi gutar og jenter like moglegheiter.

Personalet vil være bevisst sine eigne haldningar og legge til rette for eit leikemiljø som fremmar likestilling.

OMSORGMål: Barna skal kjenne seg sett og anerkjent kvar dag.

God omsorg styrkjer barna sine føresetnader for å utvikle tillit til seg sjølv og igjen syne omsorg for andre. Omsorg skal prege alle situasjonar i barnehagen. Vi ønsker å være trygge vaksne som er til stades og ser kva barna er opptekne av og treng, og som hjelper dei vidare i utviklinga. Ein omsorgsfull relasjon skal vere prega av vi lyttar, er nære, innleving og evner og vilje til samspel.

BARNA SI MEDVERKINGMål: Barna i Vinterdalen Barnehage skal oppleve at dei er med på å forme sin eigen kvardag

Barna skal få medverke ved at personalet er lyttande, merksame, anerkjennande og tek barnet sitt uttrykk på alvor, både språkleg og kroppsleg. Å medverke betyr ikkje at barna skal få bestemme alt, men at dei skal bli høyrt, sett og anerkjent for den dei er, for sine ønske og sine behov. Barna kan få medverke i dei fleste situasjonane i barnehagen, og vi skal ha ei romsleg planlegging som gir barna høve til å medverke. Personalet støttar og oppmuntrar barna til å ta val ut frå sine føresetnadar. Gjennom observasjon, refleksjon og barnesamtalar skal personalet fange opp barna sine interesser og meiningar.

LÆRINGMål: Vi vil bruke barna si nysgjerrigheit for å skape eit godt leikemiljø, som igjen skal danne eit godt læringsgrunnlag.

Leiken er barna sin viktigaste arena for læring i barnehagen. Lyst og interesse er viktige element for å gi barna eit grunnlag for læring. Læring skjer i samspel med andre, og i alle aktivitetar gjennom dagen. Den føregår både i uformelle situasjonar som måltid, påkledning og «her-og-no situasjonar» og i formelle læringssituasjonar med planlagde aktivitetar med ulike tema. Vi vaksne er rollemodellar i alt vi gjer, og vi må være bevisst eigne haldningar i samspel med barna. Gjennom å være til stades og observere kan vi gi utfordringar som er tilpassa kvar enkelt.

OVERGANGEN MELLOM BARNEHAGE OG SKULEMål: Å førebu førskulebarna til ein god skulestart.

Rammplanen for barnehagane sitt innhald og oppgåver seier at barnehagen, i samarbeid med skulen, skal legge til rette for barna sin overgang frå barnhage til første klasse. Vi er opptekne av at barna skal oppleve skulestart som noko positivt, og derfor vil vi i løpet av barnehageåret reise rundt til dei ulike skulane som barna soknar til. Det gir kvart enkelt barn høve til å besøke skulen dei skal byrje på i trygge omgjevnader, og det er stas for dei å få vist skulen «sin» til dei andre barna. Barna får på denne måten oppleve at det fellestrekk og skilnader mellom barne-hagen og skulen. I løpet av året har vi førskulegruppe 1-2 gongar i veka, der vi har fokus på skuleførebuande oppgåver.

Vi har også fokus på å gjere barna sjølvstendige når det gjeld måltid, toalett-situasjonar og påkledning. Barna skal øve seg på å ta i mot beskjedar og å vente på tur. Vi legg opp til fleire langturar i løpet av barnehageåret, mellom anna ein overnattingstur. Barnehagetida vert avslutta med ein sommarfest der førskule-barna får ekstra merksemd.

TRADISJONARVinterdalen barnehage er opptatt av å ta vare på dei tradisjonane som vi har rundt oss. Tradisjonar er med på å skape identitet og tilhøyring, og ikkje minst forventingar.

• Felles songstund på Askeladden kvar fredag.• Vi deltar i Forut barneaksjon og får innblikk i barn sitt levesett og kultur i andre land. Forut-prosjektet vert avslutta med kafé og basar til inntekt for året sitt Forut-prosjekt.• Jul: Tenning av julegran m/ foreldre, Lucia, foreldrekaffe og nissefest.• Karneval.• Felles vårtur med heile barnehagen.• Tema-sommarfest med grilling. Barna medverkar i førebuingar (songar, kulisser og kostymer). Søsken, foreldre og besteforeldre vert inviterte til festen.

FAGOMRÅDA

Arbeid med dei 7 fagområda må tilpassast barna sin alder, interesser, barnegruppa si samansetting og andre føresetnader. Det er eit mål at vi tenkjer leik når vi arbeider med dei ulike fagområda, men barna leikar ikkje for å lære, dei lærer fordi dei leikar.

Kommunikasjon, språk og tekstMål: Vi vil at leiken skal bli ein arena for god kommunikasjon og språkglede

Barn lærer språk gjennom rørsle, kropp og ord, derfor er det viktig å ha nære vaksne som kan sette ord på og bekrefte barnet sitt uttrykk og opplevingar. I leiken brukar barna ofte ein fantasifull og kreativ kommunikasjon, og derfor vil vi gi barna tid og inspirasjon til å utvikle leiken ved å vere observerande og deltakande vaksne. Vi vil bruke bøker, songar, rim, regler og bilete til inspirasjon, samtale og fabulering. Barna skal få erfaring med å bruke digitale verktøy som pc, nettbrett, kamera og kopimaskin. I arbeidet med IKT skal personalet vere aktive saman med barna og legge til rette slik at barna kan utforske, leike, lære og skape noko sjølv gjennom digitale uttrykksformer. Vi vil legge til rette for at barna møter symbol og tal i dag-lege samanhengar og at vi støttar barna sitt initiativ i bruken av desse.

Nærmiljø og samfunnMål: Hos oss skal vi kjenne oss som ein del av eit fellesskap.

Barna skal få impulsar og inspirasjon til leiken gjennom opplevingar i nærmiljøet. Leiken er ein del av barnekulturen og speglar forhold i barna sitt oppvekstmiljø og i samfunnet generelt. Dei vaksne skal legge vekt på å styrke kunnskap om og tilk-nyting til lokalsamfunnet, natur, kunst og kultur, arbeidsliv, tradisjonar og levesett. Barna skal få erfare at alle menneske, uansett alder, kjønn og føresetnad, inngår i og bidreg til barnehagen sitt fellesskap.

Natur, miljø og teknikkMål: Barna skal få oppleve at naturen er ein fantastisk leikeplass

Barna skal, på ein leikande måte, få bli kjent med naturen som omgir oss. Gjennom ulike friluftsaktivitetar skal dei få gode opplevingar, utfordringar og kunnskap. Vi håpar og trur at barn som er glade i naturen også etter kvar vil utvikle evne til å ta vare på den.

Kunst, kultur og kreativitetMål: Barna skal få oppleve meistring i møte med estetiske fag og få oppleve gleda ved å kunne uttrykke seg.

Det å være saman om kulturelle opplevingar og å gjere eller skape noko saman bidreg til samhøyrighet. Personalet skal være oppmuntrande, engasjerte og sørge for at barna har tilgang til tilstrekkeleg materiale. Gjennom året får barna delta på teaterførestillingar, utstillingar og museumsturar.

Layout Torun Hunnes Teikningar Barn fra Vognstølen barnehage. Forsida er teikna av Em

ily 5 år

Kropp, rørsle og helseMål: Gjere barna medveten egen kropp og gi dei gode erfaringar med å bruke og passe på den i leik og annan aktivitet

Barn er kroppsleg aktive. Gjennom kroppsleg aktivitet lærer barna å kjenne verda og seg sjølv. Vi vil støtte dei slik at dei opplever mestring og utvikling. I barnehagen ønsker vi at barna etterkvart skal meistre av- og påkledning sjølve. Vi ønsker at barna skal bli medviten kva dei skal ha på seg i uteleik i ulikt vær og årstider, at dei skal lære god handhygiene og bli medvetne kva kroppen treng av mat.

Etikk, religion og samfunnMål: Barna i Vinterdalen barnehage skal utvikle toleranse for kvarandre sine likskapar og skilnader.

Gjennom leik skal personalet legge til rette for at barna lærer seg grunnleggjande normer og verdiar. Vi arbeider med etikk slik at barna lærer å utvikle toleranse og interesse for kvarandre, respekt for kvarandre sin bakgrunn, uansett kulturell, religiøs eller livssynsmessig tilhøyrigheit.

Tal, rom og formMål: Barna skal få utforske matematiske omgrep gjennom leiken.

Personalet skal legge til rette leiken slik at barna får erfaringar med teljing, likskapar, skilnader og motsetnader. Vi skal bruke brettspel, konstruksjons-materiell og tellemateriell saman med barna for å trene på omgrep. Vi er lyttande og merksame i høve til matematikken barnet uttrykkjer gjennom leik, samtalar og kvardagsaktivitetar. Å resonnere og undre seg saman med barna om likskap, ulikskap, storleikar og tal vil stimulere barna si evne til å bruke språke som reiskap for logisk tenking. Personalet er medvitne eigen bruk av omgrep og matematiske fenomen.

MiljøarbeidMål: 1. Barna skal få ei byrjande forståing for kva og kvifor vi sorterer søppel. 2. Vi vil gi barna gode haldningar til det å ta vare på naturen når vi er på tur

Helse Bergen er ei miljøsertifisert bedrift. På lik linje med dei andre avdelingane i Helse Bergen skal Vinterdalen barnehage arbeide miljøbevisst.

I år vil vi legge vekt på gjenbruk av mjølkekartongar. Barna er med på å skylle og tørke kartongane og få kunnskap om kva dei kan bli brukt til etter gjenvinning. I tillegg til mjølkekartongar skal barna delta i å sortere papp, glas, hardplast, og mjukplast på vår miljøstasjon.

På storbarnsavdelinga skal barna også:• Ha ei miljøveke med fokus på plast. Då skal vi sjå på kva vi brukar plast til og kvifor vi ikkje må kaste plast i naturen. • Ha ei miljøveke med fokus på dyrking av ulike vekstar

SAMARBEID MELLOM BARNEHAGEN OG HEIMEN Mål: Personalet har fokus på god dialog med heimen

Vi samarbeider aktivt til barna sitt beste. Foreldra får tilbod om 1-2 foreldresam-talar i året. Vi brukar foreldrerådet sitt samarbeidsutval og SU for å sikre godt samarbeid.

ÅRSKALENDAR

August • Bli kjent – tilvenning – Vennskap

September• Bli kjent – tilvenning – Vennskap • På Askeladden og Tyrihans: Temaarbeid Kroppen• Startar felles songstund • Miljøveke for 3 – 6 åringane, med fokus på plast• Foreldremøte

Oktober• Fokus på Parallell-leik og Rolleleik• Bli kjent med andre kulturar • 24.10.17 FN-dag Forut-dag Aksjonsdag der foreldre, søsken og besteforeldre blir invitert

November• Fokus på skapande leik

Desember• Fokus på skapande lek• 03.12.17 Tenne julegrana• 13.12.17 Lucia• Nissefest

Januar• Fokus på Konstruksjonsleik

Februar• Fokus på Dramaleik• Karneval

Mars• Fokus på rolleleik

April • Uteleik med fokus på endringar i naturen• Påske• Miljøveke for 3 – 6 åringane. Dyrking av ulike vekster

Mai• Uteleik• Garnes 4-H gard

Juni • Sangleikar• Sommarfest

DOKUMENTASJON OG VURDERINGFor å stimulere leiken skal personalet observere leiken og ut frå observasjonane sette i gang ulike prosjekt.

Mål: Korleis kan vi sjå om barna har utvikla leikekompetanse?

I vårt arbeid med vurdering tek vi i bruk praksisforteljing og observasjon.Dei pedagogiske leiarane skal i samarbeid med styrer ha ansvar for vurderinga.Refleksjon over arbeidet skal gjennomførast i løpet av oktober 2017.Evaluering vert gjennomført i løpet av april 2018Rapport frå arbeidet med årstema vert utarbeidd av dei pedagogiske leiarane i samarbeid med styrar i løpet av mai 2018. Denne vert lagt fram for SU.

KOMPETANSEUTVIKLINGBarnehagane i Helse Bergen har fokus på kompetanseutvikling. Kvaliteten i barnehagane avheng av personalet sin kunnskap og erfaring. Vi legg vekt på fagleg utvikling gjennom intern opplæring og rettleiing, deltaking på eksterne kurs, fagutviklingsdagar og føredrag.

Komande barnehageår vil vi arbeide med å implimentere ny rammeplan for barne-hagen, spesielt med vekt på barna si medverking. Vi vil også fortsetje arbeidet vi har byrja på med å auke relasjonskompetansen.

Dei fem planleggingsdagane vert primært brukte til planlegging ogkompetanseutvikling for heile personalgruppa.

PLANLEGGINGSDAGENE 2017-2018Fredag 22. september 2017Fredag 10. november 2017Fredag 2. februarFredag 20 aprilFredag 18. mai

KONTAKTINFORMASJONTelefon til avdelingane:Veslefrikk | 55 95 87 01Ole Brum | 55 95 87 02Fjellfina | 55 95 87 03 Askeladden | 55 95 87 04 | Mob: 415 70 978Tyrihans | 55 95 87 05 | Mob: 415 40 976

Telefon til styrar | Randi Sjøthun Røen | 55 95 85 63 eller 918 87 258

E-post | vinterdalen.barnehage@helse-bergen.noBesøksadresse | Sandviksleitet 1, 5035 Bergen

Layot Torun Hunnes Foto Ansatte ved Ravnebjerget Barnehage