БАТЛАВ: МОНГОЛЫН ЧӨЛӨӨТ БӨХИЙН ХОЛБООНЫ ЕРӨНХИЙЛӨГЧ Л.ЧИНБАТ

2012 ОНЫ УЛСЫН АВАРГА ШАЛГАРУУЛАХ ТЭМЦЭЭНИЙ ЗААВАР

Улаанбаатар хот

Монголын чөлөөт бөхийн холбооны уралдаан тэмцээнд оролцох журмын дагуу олон улсын дүрмээр бүх шатны тэмцээн зохион явагдана.

Тэмцээнүүдэд Алдар, Хүч, Хилчин, Сүлд болон аймаг дүүргийн БТС-ийн Газар, их дээд сургууль, хууль зүй дотоод хэргийн яаманд бүртгэгдсэн гэрчилгээтэй үйл ажиллагаа явуулж буй клубууд оролцоно.

Нэг. Улсын аварга шалгаруулах тэмцээн

1.1 Залуучуудын тэмцээн 04 дүгээр сарын 11-13-нд Улаанбаатар хотод болно. 1992-оноос

хойш төрсөн бөхчүүд, эрэгтэй: 50, 55, 60, 66, 74, 84, 96кг, 120кг; эмэгтэй: 44, 48, 51, 55, 59, 63, 67, 72 кг-ийн жингүүдэд оролцоно. Багийн жингийн тоонд багтааж эрэгтэй 3 хүртэлх жинд 2 бөх, эмэгтэйчүүд 2 хүртэлх жинд 2 бөх давхардаж орохыг зөвшөөрнө. Жин тус бүрийн эхний 8 байранд оноо өгч багийн дүнг тус тусад нь гаргана.

1.2 Өсвөр үеийн тэмцээн 05 дугаар сарын 16-18-нд Улаанбаатар хотын СТО-нд болно. 1995 оноос хойш төрсөн 17 доош насны бөхчүүд, хөвгүүд: 42, 46, 50, 54, 58, 63, 69, 76, 85, 85-100кг; охид: 38, 40, 43, 46, 49, 52, 56, 60, 65, 65-70кг-ийн жингүүдэд оролцоно. Жингийн тоонд багтааж хөвгүүд 3 хүртэлх жинд 3 бөх, охид 2 хүртэлх жинд 2 бөх давхардаж орж болно. Жин тус бүрийн эхний 10 байранд шагналын оноо өгч багийн дүнг тус тусад нь гаргана.

1.3 Өсвөр үеийн бүсийн тэмцээнүүдийг 14-21 хоногийн өмнө, тогтоогдсон бүсүүдийн төвд явуулна.

1.4 Улсын аварга шалгаруулах тэмцээнүүд жингийн зөрүүгүй явагдана.

Хоёр. Нэрэмжит болон сорилт тэмцээн

2.1 Нэрэмжит болон сорилт тэмцээнүүдийн явагдах хугацаа, газар болон нөхцлийг тухайн тэмцээний заавраар зохицуулна.

Анхааруулга:

1. Өсвөр үеийн бүсийн тэмцээнд хүндэтгэх шалгаангүйгээр оролцоогүй, нас хэтэрсэн бичиг баримтын зөрчилтэй тамирчдыг улсын аварга шалгаруулах тэмцээнд оролцуулахгүй.

2. Мэдүүлэгт регистерын дугаарыг заавал бичсэн байна. Өсвөр үе, залуучуудын тэмцээнд оролцох бөхчүүд иргэний үнэмлэх, ЭМД-ийн дэвтэр, төрсний гэрчилгээ, 3х4 хэмжээнтэй тухайн жилд авхуулсан зургийг заавал бүрдүүлж мандатын комисст шалгуулна. Аливаа арга хэмжээний мандатыг 1-2 хоногийн өмнөх өдрийн 10:00-15:00 цагийн хооронд олгох бөгөөд дурьдсан хугацаанаас хоцорсон тохиолдолд мандат олгохгүйг мэдэгдье.

3. МЧБХ-ны санхүүгийн үйл ажиллагаанд мөрдөх журмын дагууд жилийн татвар, хураамжийн төлбөр төлөөгүй аливаа байгууллагын баг, бөхчүүд тэмцээнд оролцох эрхгүй.

4. Албан байгууллагын харъяалалгүй хувиараа тамирчдыг тэмцээнд оруулахгүй. 5. Өөрийн бэлтгэл сургуулилт хийдэг клуб, байгууллагаа дур мэдэн өөрчилж орохыг

зөвшөөрөхгүй. 6. 16, 17 нас хүрсэн өсвөр үеийн тамирчид иргэний үнэмлэх авсан байх ёстой.

МОНГОЛЫН ЧӨЛӨӨТ БӨХИЙН ХОЛБОО

2012 ОН