Сақшы №51 (4217)

№51 (4217), 12.07. 2016, сейсенбі www.mediaovd.kz Газет 1933 жылдан бастап шығады РЕСПУБЛИКАЛЫҚ ҚҰҚЫҚТЫҚ, ҚОҒАМДЫҚ-САЯСИ ГАЗЕТ АЙМАҚ ЖАҢА ОҚУ ЖЫЛЫ БАСТАЛДЫ Биылғы жауынгерлік сайыс «Тəуелсіздік – тұғырымыз, Отанға қызмет – борышымыз» деген ұранмен өтуде. Сайыстың бастамашысы – Орал қаласындағы 5517 əскери бөлімі. Əскери бөлім барлық əріптестерін өздерін белсенді қолдап, əскердегі жауынгерлік сайысқа қосылуға шақырды. Осы күні Оралдағы «Батыс» өңірлік қолбасшылығы мен 5517 əскери бөлімінде мемлекеттіқ-құқықтық дайындық жəне жауынгерлік əзірлік бойынша сабақтар өткізіліп, қару-жарақ пен əскери техникаға қызмет көрсету, сондай-ақ, қауіпсіздік шараларын қатаң сақтау, жауынгерлік есептоптарды жеткізу бойынша кешенді сабақтар өткізілді. Жаңа оқу жылының басталуына орай «Батыс» өңірлік қолбасшылығы басқармасында өткен сабақта «Батыс» өңірлік қолбасшысы, генерал- майор Кайрат Ақтанов жеке құрам алдында Ұлттық ұланның Бас қолбасшысы, генерал-лей- тенант Руслан Жақсылықовтың 2016 оқу жылына қойған жауынгерлік тапсырмаларын нақтылап өтті. «Қазіргі кезде Ұлттық ұлан əскерлері – ел бостандығының, темірдей тəртіптің, барлық қазақстандықтардың тыныштығы мен сенімділігінің кепілі. Қазақстан Республикасының Ұлттық ұланы құқықтық тəртіп əскері атағын абы- роймен ұстанып келеді. Ұлттық ұлан жауынгерлері – қоғамдық қауіпсіздік пен тəртіптілікті қамтамасыз етіп, ел азаматтарының бостандығы мен бейбіт өмірін күзетуде. Ұлттық ұлан – патри- отизм, азаматтылық, ерлік жəне адамгершілік мектебі болып келеді жəне солай бола да бермек. Осы орайда барлық офицерлерді, сер- жанттар мен сарбаз- дарды құқық қорғау əскерінің əскери қызметшісі атағын абыроймен алып жүруге, жауынгерлік əзірлікті ұстануда, оқу мен қызметте жоғары нəтижелерге қол жеткізуге, Ұлттық ұлан əскери қызметшілерінің заңды құқықтарын біліп, білікті пайдалануға жəне өз міндеттерін қатаң орындауға, күнделікті жəне ке- неттен пайда болған міндеттерді орындау кезінде заңдылықты сақтауға, жоғары ұйымшылдық пен ынтымақтастыққа қол жеткізуге, əскери ұжымға қылмыстық əлем идеологиясының, экстремизмнің, дəстүрлі емес күштердің жағымсыз құбылыстарының енуіне жол бермеуге, əскери ұжымда жақсы қарым-қатынас, достық пен əскери жолдастықты ұстануға шақырамын», – деді генерал-майор К.Ақтанов. «Əрқайсымызға үлкен қажырлылық пен мақсатқа ұмтылыс, жауынгерлік дайындықтың деңгейін жетілдіруге кəсібилік пен жеке орындаушылық тəртіп қажет, – дейді «Батыс» өңірлік қолбасшысының орынбасары, полков- ник Исатай Жардемов. – Бұл дегеніміз Ұлттық ұлан əскери басқару органдарының, əскери бөлімдерінің жеке құрамын жоғары жауынгерлік əзірлікке келтіру жұмысын үйлестіру мен жеке құрамның іс-қимылдардағы тəжірибелік дағдыларын жетілдіре береді деген сөз». Жаңа оқу кезеңі барысында əскери қызметшілер алдында жауынгерлік даярлық деңгейін арттыру міндеті тұр. Жоспарлар көптеген əскери оқу- жаттығуларда іс жүзіне асырылады. «Батыс» өңірлік қолбасшылығы басшылығы «Тəуелсіздік – тұғырымыз, Отанға қызмет – борышы- мыз» атты жауынгерлік сайысының ұраны өз мазмұнын ақтап, əскерлердің оқу жылын сапалы көрсеткіштерімен аяқтайтынына сенім білдірді. «Батыс» өңірлік қолбасшылығының баспасөз қызметі «БІРЫҢҒАЙ ТЕРЕЗЕНІҢ» ДАМУЫ ТАЛҚЫЛАНДЫ ЕАЭО елдерінде ішкі экономикалық қызметті реттеу жүйесіндегі «бірыңғай терезенің» ұлттық механизмдерінің дамуының жай-күйін бағалау жұмыстары жүргізілуде. Еуразия экономикалық комиссиясы баспасөз қызметінің хабарлауынша, Мəскеуде 7 шілде күні ЕЭК кедендік ынтымақтастық бойынша Алқа мүшесі (министр) Мұқай Қадырқұлов ЕАЭО мүше елдерінің ішкі экономикалық қызметін реттеу жүйесіндегі ұлттық «бірыңғай тере- зе» механизмдері дамуының негізгі бағыттары қарастырылған шара жоспарын жүзеге асыру бойынша жұмыс тобын Үйлестіру кеңесінің екінші отырысын өткізді. Үйлестіру кеңесінің мүшелері ұлттық «бірыңғай терезе» дамуында Одаққа мүше мемлекеттерге бағдар ретінде қызмет ететін «бірыңғай тере- зе» үлгісін жасау тұжырымдамасын талқылады. Қарастырылған негізгі мəселелердің бірі Одаққа мүше мемлекеттерде ішкі экономикалық қызметті жүзеге асыруға қажетті құжаттар мен жинақтардың сараптама қорытындысы болды. Тараптар ІЭҚ қатысушылары мен мемлекеттік органдардың өзара электронды қатынасқа көшу үшін жағдай жасауға бағытталған қолданыстағы нормативтік-құқықтық актілерге кешенді ау- дит жүргізді. Сондай-ақ, тауарларды импорт- тау, экспорттау жəне транзиттеуге байла- нысты ІЭҚ саласындағы негізгі бизнес-про- цестер, қазіргі уақытта мемлекеттік органдар қолданатын ақпараттық-техникалық жүйелер мен бағдарламаларға сараптама жүргізілді. Отырысқа Еуразия экономикалық комиссиясындағы жəне ішкі экономикалық қызметтегі «бірыңғай терезе» механизмін дамы- ту жобасының жүзеге асуына жауапты Армения, Беларусь, Қазақстан, Қырғызстан жəне Ресей мемлекеттік органдарының өкілдері қатысты. ҰЙЫММЕН ЫҚПАЛДАСТЫҚТЫҢ ҰТЫМДЫ КӨРІНІСІ Қазақстанның парламенттік деле- гациясы Еуропадағы қауіпсіздік жəне ынтымақтастық ұйымы Парламенттік Ассамблеясының Тбилисидегі сессиясына қатысты. ЕҚЫҰ кеңістігіндегі қауіпсіздік, экономикалық ынтымақтастықтың бағыттары, адам құқықтары саласындағы өзекті мəселелер мен қатерлер, сондай-ақ, жаһандық көші-қон дағдарыстарын талқылауға арналған сессияға барған Қазақстан делегациясының құрамында сенаторлар Икрам Адырбеков, Лəззат Қиынов, Дулат Құсдəулетов, Михаил Бортник, сондай-ақ, Мəжіліс депутатта- ры Қуаныш Сұлтанов, Светлана Бычкова жəне Жамбыл Ахметбеков болды. Сенаттың Халықаралық қатынастар, қорғаныс жəне қауіпсіздік комитетінің төрағасы Икрам Адырбеков ЕҚЫҰ ПА Саяси мəселелер жəне қауіпсіздік жөніндегі жалпы комитетінің оты- рысында сөз сөйледі. Сенатордың пікірінше, Таяу Шығыста жəне Оңтүстік Жерорта теңізіндегі жанжалдардың шиеленісуі, «ДАИШ» террористік ұйымының бүгінгі қанқұйлы əрекеттері жағдайында қауіпсіздік саласындағы ынтымақтастық ерекше маңызды. Депутат БҰҰ аясында барлық мемлекеттер үшін бірдей ережелер мен қағидаттар бойын- ша əрекет ететін, терроризм мен экстремизмге қарсы халықаралық іс-қимылдың бірегей əлемдік желісін құру туралы Қазақстан Президенті Нұрсұлтан Назарбаевтың бастамасын еске салды. Терроризммен жаппай күрес жөніндегі БҰҰ-ның құжаты ұсынылып отырған халықаралық тетіктің заңды негізі бола алады, деп атап өтті сенатор. И.Адырбеков қатысушыларды биылғы 31 мамырда Астанада өткен, түрлі халықаралық ұйымдар мен көптеген елдердің депутаттары жəне сарапшылар қатысқан «Діндер – терро- ризмге қарсы» халықаралық конференциясының қорытындыларымен таныстырды. «Біз ЕҚЫҰ Парламенттік Ассамблеясының Бас хатшысы Роберто Монтеллоға, ЕҚЫҰ ПА вице-президенті Кристин Муттоненге, Алан Нериге, Гили Церетелиге, сондай-ақ, біздің əріптестерге осы форумға белсенді қатысқаны жəне сындарлы сөздері мен ұсыныстары үшін алғыс айтамыз», деді И.Адырбеков. «Хельсинки Қорытынды актісінде жəне Париж хартиясында бекітілген қағидалар еуропалық қауіпсіздіктің ортақ жүйесінің негізі болып та- былады. Егер де қандай да бір күмəн болса, біз 2010 жылғы – бар-жоғы бес жыл бұрынғы Астана Саммитінің декларациясын еске алуға тиіспіз. Біздің мемлекеттеріміз бен үкіметтеріміз басшыларының Астанадағы консенсусы негізінде келісілген, Еуро-атлантикалық жəне Еуразиялық қауіпсіздік қоғамдастығының ұйғарымдарын іске асыру бағытындағы жұмыстар біздің ортақ жоғары басымдығымыз болуы тиіс», делінген мəлімдемеде. ҰЛТТЫҚ ҰЛАННЫҢ «БАТЫС» ӨҢІРЛІК ҚОЛБАСШЫЛЫҒЫНЫҢ БАРЛЫҚ ƏСКЕРИ БӨЛІМДЕРІНДЕ ЖАҢА ЖАЗҒЫ ОҚУ КЕЗЕҢІ БАСТАЛДЫ. ОСЫҒАН ОРАЙ ӨҢІРДЕ ДƏСТҮРГЕ АЙНАЛҒАН ЖАУЫНГЕРЛІК САЙЫС ТА БАСТАУ АЛДЫ. Жұмыс сапары барысында Қарасай жəне Ағынтай батырларға арналған мемориалдық кешенді ара- лап көрді. Қарасай батыр мен Ағынтай батыр ХVII ғасырда Есім ханның бастауымен қазіргі Айыртау ауданының аумағын жау басқыншыларынан қорғаған. Қос батыр Құлшынбай төбесінде жер- ленген. Мемориалдық кешен қазіргі Қарасай батыр атындағы ауылда орналасқан. Ұлы ке- сене Қазақстан Республикасының Президенті Н.Ə.Назарбаевтың тапсырмасымен 1999 жылы салынған. Салынған кесене Қазақстан халқының мызғымас достығы мен бiрлiгiнiң нышаны болып табылады. Конус тəрiздi 16 метрлiк мұнараларды олардың арасында орналасқан үмiт пен сенiмнiң тiрегi – мешiт қосады. Осы жерде жауынгерлердiң көптеген молалары бар. Композициялық кешен республикалық маңызы бар ескерткіш болып табылады, оны көруге жыл сайын елiмiздiң түкпiр- түкпiрiнен жүздеген адамдар, көптеген шетелдiк қонақтар келедi. Сонымен қатар, Кəрім Мəсімов солтүстік өңірдегі ауыл шаруашылығы кəсіпорындарын аралап, машина жасау техникасы өндірісімен танысып, астықты аймақта АӨК дамыту бойынша кеңес өткізді. Дəнді дақылдарды өсірумен айналысатын «Бабық-Бұрлық» ЖШС егіс алқабында өткен осы кеңесте Премьер-Министр АӨК субсидиялау- да ауыл шаруашылығы дақылдарын қолдауға айрықша көңіл бөлуді тапсырды. К.Мəсімов Ауыл шаруашылығы министрлігімен агроөнеркəсіптік кешенді, оның ішінде өсімдік шаруашылығын қарқынды дамыту бойынша тетіктер əзірленгенін атап өтті. Сонымен қатар, Премьер-Министр елімізде өсірілетін астықтың басым үлесі осы Солтүстік Қазақстан өңіріне тиесілі екенін айтты. 2015 жылы аймақ аграршы- лары елдегі барлық астықтың 20%-ын бастырған. Премьер-Министрдің орынбасары – Ауыл шаруашылығы министрі Асқар Мырзахметов пен «Атамекен» ҰКП басқарма төрағасының орынбасары Нұржан Əлтаев жəне басқа да жауапты тұлғалар АӨК секторында атқарылған жұмыстардың нəтижелері жəне саладағы ағымдағы жағдай бойынша есеп берді. Кездесуге келген аграршыларды еттің экспорттық əлеуетін дамыту мен ауыл шаруашылығы тауарларын өндірушілерді суб- сидиялау мəселелері көп қызықтырды. Кəрім Мəсімов бұл мəселеде бизнес пен қоғамдастықтың пікірлері ескерілетініне сендірді. Премьер-Министр қазіргі кезде субсидия- лау жүйесін реформалау бойынша жұмыстар жүргізіліп жатқанын айтты. Бұл мəселедегі негізгі мақсат – тиімді субсидиялар нормативтерін арт- тыру жəне тиімсіз нормативтерді төмендету не- месе алып тастау. Мұндайда негізгі көңілді басым салалар мен ауыл шаруашылығы дақылдарын қолдауға бөлу қажет. Бүгінде аграрлық сектор экономикалық дамудың негізгі қозғаушы күші болып табылады. Сондықтан мемлекет тарапынан АӨК-ді қолдау жыл сайын артып келеді. Атап айтқанда, АӨК- ті мемлекеттік қолдау 2011 жылы 68,1 млрд. теңгеден 2016 жылы 176 млрд. теңгеге дейін, яғни 2,6 есеге артты. Сонымен қатар, Петропавлдағы жаңа Спорт сарайында Премьер-Министр спортшылармен кездесті. ҮКІМЕТ БАСШЫСЫ СОЛТҮСТІК АЙМАҚҚА КЕЛДІ МЕМЛЕКЕТ БАСШЫСЫНЫҢ ТАПСЫРМАСЫ БОЙЫНША ПРЕМЬЕР-МИНИСТР КƏРІМ МƏСІМОВ АЙМАҚТАРДЫ АРАЛАУДЫ ЖАЛҒАСТЫРУДА. КЕШЕ ҮКІМЕТ БАСШЫСЫ СОЛТҮСТІК ҚАЗАҚСТАН ОБЛЫСЫНА КЕЛДІ.

Documents

Сақшы №51 (4217)