Талхны үйлдвэрийн агааржуулалт

Хоёр зуугаад жилийн өмнөөс техникийн хувьсгал эрчимтэй өрнөж орчны бичил уур амьсгалын тухай төсөөлөл хүмүүсийн дунд  хурдтай өөрчлөгдөж эхэлжээ. Агаар сэлгэлтийн төхөөрөмж (кондиционер) гэсэн нэр томъёог анх 1815 оноос хэрэглэж эхэлсэх түүхтэй. Энэ үед Жанн Шабаннес гэгч Франц хүн “Орон сууцны ба бусад барилга байгууламжийн температурын тохируулга ба агааржуулалтын арга” бүтээлээр Англи улсын патент авсан байна. Үүнээс хойш нилээд удаан хугацаа өнгөрсний дараа 1902 онд Америкын инженер-шинийг санаачлагч Уиллес Карриер Нью-Иорк хотын хэдлэлийн үйлдвэрт зориулан хөргөлтийн машин зохион бүтээсэн байна. Ийнхүү анхны хөргөлт-агаар сэлгэлтийн төхөөрөмж нь хэдлэлийн чанар сайжруулах болон ажилчдын ахуйн тааламжтай нөхцөл бүрдүүлэхэд зориулагдсан ажээ.Үүний дараа Герман улсын Кельн хотын театрт уг төхөөрөмжийг суурилуулж, үзэгчдийн танхимын аятай нөхцлийг агаар сэлгэх, сэрүүн орчин бүрдүүлэн нэвтрүүлснээр Европт дэлгэрсэн байна.

Агааржуулалт нь энгийн ба зохиомол гэсэн хоёр төрлөөр ашиглагдаж байна.  

Энгийн агааржуулалт: Барилга байгууламжийн, үйлдвэрлэлийн ба бусад өрөө тасалгаанд  тооцооны үндсэн дээр зориуд гаргасан төрөл бүрийн нээлхийгээр бохирдсон агаарыг байгалийн цэвэр агаар аяндаа түрж гаргах агаарын сэлгэлтийг энгийн агааржуулалт гэнэ.

Зохиомол агааржуулалт: Тусгай  төхөөрөмжийн  тусламжтайгаар   барилга байгууламжийн, үйлдвэрлэлийн ба бусад өрөө тасалгааны байвал зохих агаарын параметрүүдийг тохируулан агаар сэлгэлтийг  гүйцэтгэх аргыг зохиомол агааржуулалт гэнэ. Үйлдвэрийн агааржуулалтын үндсэн зорилго бол ажлын байрны агаарын найрлагыг тогтмол цэвэр байлгах, байранд гүйцэтгэж байгаа ажлын зэргээс хамааруулан дулааны ба чийглэгийн хэмжээ болон агаарын хурдыг тохируулж байх явдал юм. Үйлддвэрлэлийн болон ажлын явцад буй болсон агаарын хортой хольцыг зайлуулан цэвэр агаараар сэлгэж байх асуудал бол хөдөлмөрийн нөхцлийг эрүүлжүүлэх гол хүчин зүйлийн нэг юм.

Агаар сэлгэлтийн иж бүрэн систем: Тусгай  төхөөрөмжийн  тусламжтайгаар   хүмүүсийн ажлын болон ахуйн байрны аятай тухтай бүрдүүлэх, үйлдвэрлэлийн ба түүхий эд, бүтээгдэхүүнийг хадгалах өрөө тасалгааны байвал зохих агаарын бүх параметрүүдийг автоматаар тохируулан тогтмол барьж агаар сэлгэлтийг  гүйцэтгэх аргыг агаар сэлгэлтийн иж бүрэн систем (кондиционирование) гэнэ.

Бүтээгдэхүүний хөргөлт

Тоног төхөөрөмж